Innholdsfortegnelse for Julie 2018 i Rooi Rose

DIE WINTER het hom aangemeld en ons bibber behoorlik. Maar dis mos nou maar die gang van die seisoene. Of so het ons nog tot onlangs gedink. Die Kapenaars weet alte goed en tot almal se leed dat daar ’n paar reënseisoene kan verbygaan sonder dat daar damreën uitsak. Ons weet ook al lankal dat die woestyne teen ’n stadige-maar-seker pas die aarde om ons bekruip om eens groen en vrugbare aarde in ’n droë stofwêreld te omskep. Ons het al male sonder tal skokkende beelde op televisie gesien wat ons aanmaan dat ons selfsugtige, moderne lewenswyse besig is om die see en die diepste inwoners daarvan onomkeerbaar te verander. Seeskilpaaie, jellievisse en ander skaars seediere se lewe word daagliks meer bedreig, hul liggame raak in meters vislyn verstrengel. Die…

Behandeling Drie gelukkige ‘rooi rose’- lesers kan ’n mikronaaldbehandeling ter waarde van R1 650 van The Laser Beautique wen. DEKOR Ruk jou huis hierdie koue seisoen reg met die warm winterwenke op ons dekorblad. Agter die SKERMS Loer agter die skerms na Clare, ons elegante voorbladvrou, se fotosessie in Kaapstad met haar hondjie, Kimbey. ‘rooi rose’- WINKEL Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za FACEBOOK • TWITTER • PINTEREST • NUUSBRIEF • INSTAGRAM…

’n Mens het altyd keuses, sê Clare. En die keuses waarvan sy praat, verwys nie na watter paar skoene om soggens aan te trek, of watter kunswerke om aan te koop, of hoe om hul nuwe huis - wat oor ’n paar weke gereed sal wees vir intrek ná maande se verbouings - in te klee nie. Dié dinge is alles deel van die lewe en deel van wat aan haar toevertrou is en sy is vas van plan om ’n waardige rentmeester te wees. “Jy kan nie altyd bepaal wat met jou gebeur nie, maar jy kan bepaal hoe jy dit gaan hanteer. My pa haal graag die woorde van Reinhold Niebuhr aan. Hy het gesê ’n mens moet die dinge aanvaar wat jy nie kan verander nie en…

Liesl hou haar lenige lyf mooi deur “buitengewoon gesond” te eet, maar erken dat sy ook geseënd is met goeie gene. Sy skerts dat haar tuisgimnasium silwerskoon en ongebruik bly. “Ek hou nie eintlik van oefening nie, maar het myself voorgeneem om ná Dancing with the Stars meer te oefen en fiks te probeer bly.” Die tagtig dae se dansery het tot gevolg dat sy 4,5 kg verloor het, al was dit glad nie haar plan nie. Sy glo nie aan diëte nie, maar aan matigheid. “Deur die week eet ek regtig baie gesond. Ek pak elke dag vir my kos in, en het altyd iets gesonds byderhand om tussen etes te eet,” vertel sy terwyl sy haar klein koelsakkie ooprits. “Omdat ek deur die week nogal streng is met…

Ryno se vrou, Angela, het twintig jaar in die IT-bedryf gewerk, maar reis deesdae saam waar moontlik. “Sy is passievol en ondersteunend oor wat ek doen en help my om my besige lewe te balanseer.” Hulle het nie kinders nie, maar deel hul huis met ’n kat wat net op ’n dag daar opgedaag het. As dit by kos kom, erken Ryno prontuit dat dit Angela se afdeling is. Sy gunstelingkos is hoender, en hy is dol op sjokoladekoek. “Of wortelkoek, as ek voel ek moet iets gesonder eet,” skerts hy. “Ek het ’n vreeslike suikertand.” Hy volg nie spesiale diëte voor ’n avontuur nie. “As ek sportklinieke aanbied, los ek maar die voedingskant vir ander kenners.” Sy geloof speel ’n groot rol in sy lewe. “Die Bybel en gospelmusiek…

SUID-AFRIKA HET DIE POOLSE ONTWERPER KAT VAN DUINEN SE HART GOU GESTEEL. IN 2010 HET HAAR PASSIE VIR GEMAKLIKE ELEGANSIE TOT DIE GEBOORTE VAN DIE KAT VAN DUINENHANDELSNAAM GELEI. HAAR STYL VERTEENWOORDIG ’N FUSIE VAN HAAR EUROPESE ERFENIS EN HAAR LIEFDE VIR DIE RYKHEID VAN SUID-AFRIKA. HAAR AANVANKLIKE REEKS LUUKSELEERBYKOMSTIGHEDE HET GOU IN ’N MODEHUIS MET ONTWERPERSKLERE ONTWIKKEL. HAAR MODEFILOSOFIE? SY GLO NIE DAARAAN OM AGTER DIE JONGSTE NEIGINGS AAN TE LOOP NIE EN BELÊ EERDER IN TYDLOSE EN VEELSYDIGE ITEMS. Rond altyd jou voorkoms af Ek glo ’n uitrusting is nooit afgerond sonder ’n tikkie parfuum nie. Dit omvat alles wat jou definieer: voorkoms, persoonlikheid, selfvertroue ... Die Wild Olive-parfuum (foto) is met die hand gemeng en in ’n egte volstruisleerhouer verpak. Elkeen van ons het ’n unieke reuk…

HAARSORG Blondines weet maar te goed dat jou hare op ’n gegewe dag nog wonderlik lyk en skielik kyk jy in die spieël en jou hare lyk geel. L'ORÉAL PROFESSIONAL SERIE EXPERT MAGNESIUM SILVER SHAMPOO (R250) neutraliseer dié ondertone en laat jou hare sagter voel en blinker lyk. Daarna gebruik ek L'ORÉAL PROFESSIONAL SERIE EXPERT LIPIDIUM ABSOLUTE REPAIR CONDITIONER (R290) wat help om my hare te beskerm teen die skade wat ligstrepies en haarkleursel aanrig. SUZANNE Sagte glans Ek moet bieg: die beperkte uitgawe LABELLO GLITTER-REEKS (R24,99) maak my kinderlik opgewonde. Dit is presies dieselfde as die oorspronklike Labellolipsalf, maar dit is nou in ses verskillende glinster-verpakkings beskikbaar. Die lipsalf verseker dat my lippe heeldag bevogtig en sag bly en is ook lekker vir daardie dae wanneer ek ’n effense…

SUPER M-WARMSJOKOLADE MET MOUTROOMYS GENOEG VIR 2 600 ml Super M- sjokolade gegeurde melk 4 e (60 ml) moutroomys sjokoladeskaafsels vir versiering 1 Verhit die Super M- sjokolade gegeurde melk in ’n middelslagkastrol oor matige hitte tot die melk begin stoom (dit moenie kook nie) en trek van die hitte af. 2 Skink 300 ml warmsjokolade in elke koppie en skep 2 e (30 ml) roomys bo-op. Tooi met die sjokoladeskaafsels. Super M- gegeurde melk is ’n heerlike bederf wat in vier pretgeure beskikbaar is: piesang, sjokolade, aarbei en sodacrème. Met sy heerlike smaak, is dit die ideale bederf vir jou kinders (en vir jou!) enige tyd van die dag. Geniet die melk warm of koud…

STEM JA OF NEE OP ONS VRAAG IN “WAT DINK JY” EN JY KAN ’N SATISKIN-PAK VAN R4 103 WEN. SATISKIN-STORTJEL, LYFWAS EN STORTROME IS NOU BESKIKBAAR IN GERIEFLIKE EEN LITER-HOUERS. DIE SATISKIN-STORTREEKS IS PH-GEBALANSEERD EN VERRYK MET VITAMIEN A, E EN GLISERIEN OM JOU VEL SATYNSAG TE LAAT. ’N NUWE STORTROOM, TROPICAL ESCAPE, IS NOU OOK DEEL VAN DIE REEKS. VOLG HULLE OP FACEBOOK @SATISKIN. DINK JY KINDERS LEER RESPEK BY HULLE OUERS? BESOEK VANDEESMAAND ONS WEBBLAD BY ROOIROSE.CO.ZA EN KLIK OP “WEN” EN DAN OP “WAT DINK JY”.…

• Lei hul aandag af Dit is doeltreffend op byna enige ouderdom, veral vir babas wat net begin kruip en hul wêreld ontdek. Dit is ’n ouer se plig om seker te maak dat hul ruimte veilig is. Jy kan nie ’n baba vertrou om nie sy vingertjie in ’n kragprop te druk nie, of aan die ketel se koord te trek as dit los hang nie. Sê ferm “nee” en verwyder die baba uit die omgewing en sit hom in ’n ander omgewing waar jy sy aandag met speelgoed of speletjies kan aftrek. As jy aandag aan kinders gee en hulle met ander goed besig hou, vergeet hulle gou van die “verbode” versoeking. • Gee aandag As kinders onsigbaar voel, sal hulle enigiets doen om jou aandag te kry,…

Lettie Olivier is 82 maar daar is geen keer aan hierdie boekhouer nie. ”As ek kan werk tot op negentig, sal ek dit graag doen. Die presisie van syfers het my nog altyd gefassineer. Ná skool het ek by ’n technikon ’n algemene kursus in tik, snelskrif en boekhou gedoen en toe by ouditeure gaan werk. My man was maar tradisioneel en ná ons troue het ek by die huis gebly om ons drie seuns groot te maak. Ná byna tien jaar het ek eendag net so voor Kersfees gesien hoe ’n span jong meisies ná ’n kantoorpartytjie by ’n kantoor uitstap terwyl hulle heerlik gesels en lag. Net daar het ek besef dat ek dit mis om te werk en my man oortuig dat ek weer moet gaan werk.…

DIE DEEG BASIESE PIZZADEEG GENOEG VIR 4 MIDDELSLAG-PIZZAS • 500 g steengemaalde broodmeel • 10 g (1 sakkie) kitsgis • 7,5 ml (1 opgehoopte teelepel) sout • 375 ml louwarm water 1 Gooi die broodmeel, gis en sout saam in die mengbak van ’n voedselmenger met ’n deeghaak. 2 Gooi die water geleidelik by terwyl die masjien stadig draai. Hou aan meng tot al die water ingemeng is. Knie die deeg vir 5 min. met die deeghaak tot sag, elasties en effens blink. 3 Sit die deeg in ’n groot glasbak wat liggies met olie gesmeer is, bedek met kleefplastiek en laat rys vir sowat 1 uur in ’n warm deel van die kombuis. 4 Verhit intussen die oond tot 200 ˚C. Sit ook ’n groot, plat bakplaat in die…

Is jy ’n emosionele eter?” Dis die eerste woorde wat ek douvoordag lees. Die e-pos wat deur die nag aangekom het, kom van ’n Amerikaanse kliniek wat onder meer bekend is om sy dieet. Een van die inleidende vrae is of jy vertroosting soek in kos wanneer jy hartseer of verveeld voel. En of jy eet wanneer jy gelukkig is en na ’n viering voel? Deur die newels van slaap kom die wysheid van een van die toentertydse heerseresse van die Franse Champagne-ryk, madame Lily Bollinger, by my op. Inmiddels gaan lees ek haar eeu oue verklaring oor haar aangetrokkenheid tot sjampanjedrink op Google: “Ek drink dit wanneer ek gelukkig is en wanneer ek droef voel. Soms drink ek dit wanneer ek alleen is. Vanselfsprekend wanneer ek in ’n geselskap…

Ek staan bibberend op die balkon van ons kantoorblok en suig behaaglik aan my skelm sigaret. Eintlik mag ek nie hier rook nie, soos die stroewe kollega met die grys baard my net nou die dag kil ingelig het. “Die regulasies sê slegs tien meter van ’n gebou af … ” Sy kantoor is op die punt van die gang en die geringste rookwalmpie maak hom die onverdraagsaamheid self. Maar dis gelukkig elfuur in die aand en hy is lankal reeds huis toe. Trouens, ek is stoksielalleen in die gang. Hier van die sewende verdieping af lê die kampus met sy grasperke en groot inheemse bome geheimsinnig in die donker uitgestrek en die stadsliggies skyn in die verte. Ek het ’n week gelede hier begin werk en is amper klaar…

INGRID JONKER ’N BIOGRAFIE Petrovna Metelerkamp (Penguin) Die biografie bevat nuwe inligting uit voorheen onbekende briewe en dagboekinskrywings, soos uit die dagboeke van die skrywer Jack Cope, met wie Jonker ’n wisselvallige verhouding gehad het. Materiaal uit talle onderhoude met mense wat Jonker geken het, verryk die biografie, insluitende bandopnames van gesprekke wat die sielkundige L.M. van der Merwe kort ná haar dood met Jonker se vriende en familie gehad het. Dit belig op ’n toeganklike en spanningsvolle wyse Jonker se grootwordjare as die dogter van ’n konserwatiewe volksraadslid; haar ontwikkeling as digter in ’n boheemse vriendekring; haar onstuimige liefdesverhouding met die skrywer André P. Brink, asook haar tragiese laaste paar uur. Meer as een opvatting word in die proses weerlê sodat ’n nuwe, volwaardige Jonker na vore kom: as…

DIE JAARLIKSE NASIONALE KUNSTEFEES IN GRAHAMSTAD is terug vir ’n volgepakte program wat vanaf 28 Junie tot 8 Julie strek. Die feeskollig val vanjaar stewig op ’n fenomenale reeks van opkomende én gevestigde vrouekunstenaars. Wees op die uitkyk na choreograaf en vanjaar se kernkunstenaar Mamela Nyamza, visuele kunstenaar Gabrielle Goliath, skrywer Mary Watson, kurator Tina Smith, akteurs Klara van Wyk en Buhle Ngaba, sowel as Standard Bank se Jong Kunstenaars: Thandi Ntuli, Jemma Kahn en Chuma Sopotela. Benewens die klem op uitstekende vrouekunstenaars, bevat vanjaar se program ’n mengsel van unieke Suid-Afrikaanse en internasionale kunste, kultuur en kreatiwiteit. Die terugkeer van Corné en Twakkie in The Most Amazing Show (ons hoop dit is) tot die gedekonstrueerde dans van Steven Cohen, die uiters boeiende teater van die Kanadese dramaturg Greg MacArthur…

CLARE WIESEWENTZEL “Dit was vir my ’n voorreg om deur die liewe en talentvolle Leana Clunies-Ross afgeneem te word vir die ikoniese rooi rose - my heel eerste glanstydskrifvoorblad. Om my hondjie, Kimbey (wat nou al 14 jaar oud is en op wie ek dolverlief is), daar te sien opdaag vir haar eie voorbladdebuut was ’n oomblik wat ek nie sommer sal vergeet nie! Dit was ’n baie spesiale dag.” GESEËND Dis sesuur. Ek drink my eerste koffie van die dag. Eet een van gisteraand se piesangplaatkoekies. En dink ... Nee, ek maak nie reg vir werk nie. Ek beplan nie my werksdag nie. Nee, ek drink môrestondkoffie en vul rooi rose se blokraai in. Geseënd! Voor my uittrede - nie aftrede nie - het ek…

Met ’n roos Gee jou kaste ’n elegante nuwe voorkoms met hierdie roosvormige handvatsels (R90 elk) van Handles Inc.…

‘Ek is liewer vir Mickey as vir enige vrou wat ek al ooit geken het’ - Walt Disney…

‘Ek dink ek moet eers my smaak in mans verander voor ek my weer in ’n verhouding begewe’ Vroue voel dikwels dat hulle hulself verloor wanneer hul kinders nog klein is. Het jy al so gevoel? Hoe verloop julle oggende by die huis? Ek verloor dit gereeld! My oggende is mal, want my jongste ry nou met die bus skool toe – baie onafhanklik! Maar dit beteken ek moet twee kinders voor sewe-uur gereed kry vir skool. Die wekker lui soggens kwart voor ses, en ek wens ek was dood! Ek trek ’n sweetpak en my Birkenstocks aan en soms vergeet ek selfs om my tande te borsel. Dan moet ek hulle gereed kry, ontbyt maak en kosblikke pak. Ek dink elke oggend ons gaan die bus verpas! Elke oggend…

WIE IS DANIELLA? In haar kort loopbaan van tien jaar is Daniella (32) al twee maal aangewys as die Nasionale Persklub se joernalis van die jaar (televisienuus). Sy het ook al ’n AKTVeertjie gewen en is in 2017 benoem as die NWU se Jong Alumnus van die Jaar. Haar man Cornel – deesdae ’n vryskutfotograaf – was die afgelope tien jaar ’n persfotograaf. Die TV-nuusleser Daniella van Heerden (32) het as 15-jarige op ’n skoolkoerantkursus al geweet sy wil eendag ’n joernalis word. “Ek kon nie glo daar’s ’n beroep waarin jy betaal word om nuuskierig te wees nie,” skerts sy. As ’n student aan die Potchefstroomse Universiteit kon sy as redakteur van die studentekoerant, Wapad, haar joernalistieke vaardighede verder slyp. Sedert sy in 2008 by die Johannesburgse dagblad Beeld…

BONKIG Moenie bang wees om lospassende klere soos ’n wyepypbroek en rolnektrui bymekaar te dra nie. Maar voel jy gemakliker in ’n klassieke styl, is noupypjeans en hoëhakstewels ’n wenkombinasie - saam met ’n rooi toppie, natuurlik! JAS tot nadenke As jy die koppe wil laat draai, is ’n rooi jas die perfekte keuse. ’n Effekleurige maksijas werk by die meeste style en sal verseker dat jou voorkoms nie te oordadig lyk nie. Op die herfs/winterloopplanke van onder andere Gucci en Christopher Kane het die modelle lospassende uitrustings gedra wat met elke tree volheid en beweging geskep het Stapelitem met skop ’n Rooi broek of romp is ’n waaghalsige kopie vir diegene wat van neutraler kleure hou. Maar hierdie winter gaan nie oor veilige keuses nie – modevoorstanders het verlede…

Om goed vir jou vel te sorg is so maklik soos een-twee-vier! Met Kalahari Lifestyle se vier velsorgstappe kan jy verseker wees dat jou vel so gesond moontlik sal bly. Kalahari Lifestyle se voortreflike plantgebaseerde velsorgprodukte is die resultaat van jare se navorsing deur plantkundiges en kosmetiese wetenskaplikes. Ons is lief vir jou vel. STAP 1 Voorbereiding Reinig, skilfer af en verfris STAP 2 Bykomende sorg Maskers en oogbehandelings STAP 3 Phyto-effective™ behandelings Jel, room en serum STAP 4 Beskerm jou hidro-lipiedlaag Bevog, hidreer en beskerm Besoek kalaharilifestyle.com vir die volledige produkreeks of om aanlyn te bestel. Tel: +27 11 656 1122 YouTube: youtube.com/user/kalaharilifestyle Om Kalahari te verkoop, kontak: info@kalaharistyle.com…

Troetel jou lyf hierdie winter met Spalicious se lieflike produkreeks, want ’n heerlike warm bad - as jy nie in die Kaap bly nie - is een van die beste dinge wat jy in die winter vir jou lyf kan doen. Die nuwe Spalicious Soaks ruik nie net lekker nie, maar dis boonop goed vir jou vel en help om jou te kalmeer voor jy gaan slaap. Wees ook op die uitkyk na dié twee splinternuwe geure: Turkish Delight en Peach & Lavender Pie. Die nuwe produkte sal van die einde van Junie af op die rakke wees. Die geskenkpakke bestaan uit ’n Spalicious Soak, Scrub en Body Butter, Silky Soft Anti-Ageing Hand Therapy en Muscle Relief Gel. Meer inligting by spalicious.co.za…

Vegetaries? Jou hooftekorte is veral vitamien B12, omega-3’s en yster. Veganiste moet ook aan ekstra kalsium dink. Met dié vier riglyne kan jy net so goed gevoed – en selfs gesonder – wees as enigiemand anders. Jy kan dit boonop met doodgewone kossoorte laat werk. • Eet dié maklike proteïene Jy het eintlik maar net 50-70 g proteïene per dag nodig. Buiten eiers bevat al jou melkprodukte, neute en sade proteïen. As jy pap, brood, kaas, jogurt, melk, grondboontjiebotter, sousbone, groenbone, ertjies, spaghetti, macaroni, pizza en geblikte boontjiesoorte eet, kry jy waarskynlik genoeg proteïene. Wees veilig en eet elke dag ’n eier ook. • Sluk ’n vit. B12–pilletjie Dit is waarskynlik jou grootste probleem, want plante gee jou nie vitamien B12 nie. Daarsonder gaan jy op die lang termyn senuweeskade…

Sê die toename in orale kankers iets oor ons sekskeuses? Volgens die Washington Post het mediese eise vir orale kankers tussen 2011 na 2015 met ’n yslike 61% gestyg - die meeste eise was vir tong- en keelkankers. Hierdie syfer weerspieël presies wat dokters wêreldwyd sien: meer orale kankers en meer orale seks. Is die menslike papilloomvirus (MPV, of HPV op Engels) die skakel, wou ons by dr. Mark Torres-Holmes, ’n Johannesburgse oor-neus-en-keelspesialis weet? “Ons ken dit as die oorsaak van servikale kanker. Die slymvliese van die mond en genitalieë is baie eenders, en daarom is dit baie waarskynlik dat die mond en keel ewe vatbaar vir MPV is. Ons reken dat 25% - 60% van oro-farangeale kankers (die diepkeel en keeldeel van die tong) eintlik deur MPV veroorsaak word.…

• Dit is duidelik dat dit tyd geword het vir ’n verandering in riglyne oor die gebruik van antibiotika. • Ons was vantevore bang vir onderbehandeling. Gevolglik oorbehandel ons. So skep ons superkieme. • Daar is oorgenoeg navorsing wat bewys dat ’n kort kursus vir baie toestande net so goed werk as ’n langer een. • Neem in ag dat mense verskillend reageer. • Die riglyn behoort nie te wees “voltooi die kursus” nie, maar “volg jou dokter se voorskrif”. Drink dus jou antibiotika so lank as wat dit in jou situasie noodsaaklik is.…

• Megan de Beyer is ’n sielkundige wat ouerskapkursusse in Suid-Afrika en internasionaal aanbied. Haar gewildste kursus is “Sterk moeders en sterk seuns”. Sy sê baie ma’s hou aan om hul tienerseuns te vertroetel asof hulle kleuters is. Sy glo moederskap móét verander as jy in voeling met jou tienerseun wil bly. • Verander jou ouerskapstyl; ma’s wil beheer, nabyheid en gehegtheid hê, maar tienerseuns wil onafhanklik en outonoom wees. Ma’s begeer om te gesels, drukkies uit te deel en dinge te deel. Tienerseuns verkies ’n meer manlike benadering waar aksie ’n rol speel en dinge meer prakties en logies uiteengesit word. • Hou op om hom die middelpunt van jou lewe te maak en alles vir hom te doen. Beweeg weg van die idee dat jou primêre rol is…

As jy oefen wanneer jy griep het, skaad jy jou liggaam op twee maniere: Jy gebruik die energie wat jy nodig het om die infeksie te beveg, en sekere griepvirusse affekteer jou hartspier (miokarditis) wat met oefening tot hartskade en selfs skielike dood kan lei. As jy ná ’n griep buitengewoon moeg en kortasem is, is dit raadsaam om jou dokter te spreek. Soms is dit nodig om vir ses maande glad nie te oefen nie om seker te maak dat daar geen permanente skade ná miokarditis is nie.…

Nicolene Erasmus Indien ’n mens finansieel in ’n posisie is waar jy dit kan bekostig om op 65 af te tree, is dit prakties. Indien nie, is dit onprakties en moet ’n mens maar aanhou werk tot jy dit kan bekostig om af te tree. Die probleem is dat dienskontrakte gewoonlik die aftree-ouderdom bepaal, wat beteken dat ’n mens meestal ná 65 ander opsies, soos ’n eie onderneming, moet oorweeg. Ek dink nie daar is ’n ideale aftree-ouderdom nie. Ek en my man is albei regsgeleerdes - hy wil aftree as hy tagtig is, want hy geniet sy werk. Ek wil aftree lank voordat ek sestig is omdat ek my stokperdjies wil beoefen en meer tyd saam met my kleinkind wil deurbring. Aletta Granger My ma tree hierdie maand af…

Just Cats, ’n veeartspraktyk in Dublin, behandel nét katte, en het onlangs die wêreld aan die gons gehad toe hulle ’n pos geadverteer het vir ’n “cat cuddler”. As jy ’n “mal katmens” is wat meer van katte as van mense hou en baie “cattitude” het, sou jy beslis die kortlys gehaal het. Hande wat katte “vir lang tye kon streel” en ’n sagte stem wat ’n bietjie “cat whispering” kon doen om die katpasiënte te kalmeer, was nog voorvereistes. En as jy kon onderskei tussen verskillende soorte spin én boonop ’n kwalifikasie het wat deur die Ierse Veeartsenykundige Raad erken word, was die werk waarskynlik joune.…

Heilsaam en HEEL Eat Lekker for Goodness Sake is Inè Reynierse se derde kookboek. Dié gewilde skrywer het jare lank met haar gesondheid gesukkel tot sy suiker, graan en verfynde koolhidrate uit haar dieet gesny het. Die pragboek is vol heerlike resepte en idees vir ’n suikeren graanvrye eetplan. (R330, Quivertree). TEETYD Wees op die uitkyk na Tetley se heerlike groen tee in drie nuwe, vars geure. Tetley se meestermenger, Jonathan Kelsey (wie se tong vir R5 miljoen verseker is!) het die smullekker geure gemeng. Kies uit kruisement, suurlemoen en appel (R12,99 per pakkie.) NATUURLIK GOED Clover Amasi kom van die Zoeloewoord vir “suurmelk”. Die “gekweekte” melk bevat natuurlike probiotika en is goed vir jou maagwand en verteringstelsel. Gebruik Amasi oor jou oggendpap, in smoothies of in gebak in die…

Tetley het hulself weer oortref. Nie tevrede om net ’n verfrissende en suiwer groen tee vir die wêreld se teeliefhebbers te gee nie, het hulle nou ook die geure van vars vrugte en kruie met Tetley Pure Green Tea gekombineer. Streel jou sintuie en geniet suurlemoen-, appel- en kruisementgegeurde groen tee. Boonop is Tetley se groen tee perfek om in ’n verskeidenheid geregte te gebruik. Probeer gerus hierdie appel-gegeurde groen tee-enkaneel-hawermout vir ontbyt. APPELGEGEURDE GROEN TEE-EN-KANEELHAWERMOUT GENOEG VIR 4 ¾ k quinoa, gaar 2 Tetley Green Tea Apple Flavouredteesakkies 250 ml kookwater 1 25 ml (½ k) ongegeurde Griekse jogurt, met ekstra vir opdiening 125 ml (½ k) melk (of amandelmelk) 30 ml (2 e) heuning, met ekstra vir opdiening 5 ml (2 t) gemaalde kaneel 2,5 ml (½ t)…

REISVREUGDES Ek is so bevoorreg, want danksy my beroep en familieverbintenisse kon ek deur die jare gereeld reis. Italië (Sisilië), Rwanda, Namibië, Tanzanië, Amerika, Frankryk, Brittanje en natuurlik ons eie pragtige land. Ek het in elk van hierdie lande ’n stukkie van my hart agtergelaat. Die mees onlangse toer was na Sisilië (foto bo). Op dié kosavontuur het ons elke dag geleer hoe die Sisiliane kook en die eetproses geniet. Ek maak jare lank al vars pasta en ravioli, maar hulle het ander tegnieke en reëls in die kombuis. In Namibië het ek waarlik my hart verloor. Tussen die duine en langs die bloublou see kon ek myself weer “vind” en in die spergebied regtig afskakel. En natuurlik Rwanda wat ’n groot indruk op my gemaak het, en daarby in…

KRY JOU TYDSKRIF DEUR DIE POS • Skryf in op www.rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002, hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: Magsathome Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy kry elke uitgawe van rooi rose. 3 Laat jou…

PHILIP DE VOS is ’n bekroonde skrywer, ook fotograaf en versiemaker van formaat. Hy is in 2015 beloon met ’n kykNET Fiëstalewensbydrae vir Musiek, Woord- en Visuele kuns in Suid-Afrika. Hy is veral bekend vir sy ligte rympies, asook limerieke. As kind wou hy dolgraag ’n sirkusnar word – en vandag laat hy met die humor in sy werk ’n ieder en ’n elk glimlag. Verder is hy ook ’n rymvertaler en radioaanbieder van reekse oor klassieke komponiste. Hoe het dit gebeur dat Robert Schumann se musiekstukke as inspirasie gedien het vir jou verse in Vandag is ek ’n Windlawaai? In 1996 het SAMRO my genader om versies te skryf vir Saint-Saëns se Karnaval van die Diere en ek het later heel dikwels as voorleser van hierdie…

Jazz vir die koue Die 2018 Standard Bank-jazzfees loop hand aan hand met vanjaar se Nasionale Kunstefees in Grahamstad. Vanjaar se fees bring hulde aan groot legendes, maar die aanslag is modern. Die ensemble sal die musiek van onder andere John Coltrane, Winston Mankunku Ngozi, Aaron Goldberg en The Blue Notes vier. Vanaf 28 Junie tot 7 Julie. Lekker wild Die Born to be Wild-wildsfees in Sondagsriviervallei net buite Port Elizabeth beloof om vanjaar weer ’n paar nuwe aanbiedinge op te dis. Benewens die gewone kinderpretsone is daar ook sowat 350 stalletjies met lekkernye soos die skaapkop-langtafel, asook ’n sybokhaar-ekspo en ’n musiekverhoog. Die fees vind vanjaar plaas op die eerste naweek van die skoolvakansie, 29 Junie tot 1 Julie, wat hope pret vir die hele gesin sal verseker. Oesters…

Ackermans 021 900 1000 Africology africologyspa.com Amo Ferragamo Edgars, Red Square, Truworths, Foschini, Woolworths Amz Love jenam.co.za Anvil and Oyster anvilandoyster.com Babylonstoren 021 863 3852 Bazinga 021 300 1897, bazinga.shop Calvin Klein 021 418 0727 Cape Cobra Leathercraft 021 415 3440 Cape Island capeisland.co.za Charles & Keith 021 552 4912, 011 729 5023, 031 785 6028 Charlotte Rhys 021 702 1338 Chloé-sonbrille Moscon Optics 011 483 8001 Clarins clarins.co.za Colette Hayman 087 808 0080, 087 150 0350 Contempo contemposhop.co.za Cotton On 021 552 9651, 021 981 9366 Country Road 0860 022 002 Cowshed Melissa’s, Wool-worths en beatifulage.co.za Crabtree & Evelyn crabtree-evelyn.co.za Diane Paris 076 179 4010, diane-paris.com Diptique Skins Cosmetics Sandton, skins.co.za Dr Paw Paw Dis-Chem Dr. Martens 0861 192 636, zando.co.za Dune…

Die Goeie Boek sê: “nou sien ons deur ’n spieël in ’n raaisel,” en volgens geleerdes was dit waarskynlik ’n koperplaat, nie die helderblink glasspieël wat vandag elke plooi en elke rolletjie uitwys nie. Ek sou kon leef met die koperplaat. Hier, in my eie kamer, staan ’n lang, geraamde spieël teen die muur. Die lig val net reg op hom én op my as ek die gordyne aan weerskante kwartpad toetrek. Trek ek my by my huis aan, draai ek my sydelings, eers links, dan regs, dan weer links (my linkerkant is my beter kant) en so lyk ek vir my reg. Ook van voor, van agter, so ver as wat ek my nek kan krink om te kan sien, lyk ek min of meer soos ek dink ek…

ANDER TYE Die waterkrisis in baie dele van ons land, asook die hoë elektrisiteitspryse laat my dink aan my kinderdae op my tuisdorp. Waterkrane en elektrisiteit was vir ons iets vreemds. Die maan en sterre was saans ons straatligte, en binne was dit olielampe en kerse. Ons kinders het net voor skemer by die fonteintjie in die woud of by die waterstroom in die kloof gaan water haal. Dit was ons werk en dit was vir ons lekker om dit te doen. Ons het denne-bolle opgetel om die koolstoof aan die gang te kry en hout in die bos gaan haal. Dokters was skaars en ons het kruie in die berg gepluk vir allerhande siektes. Alles was miskien primitief, maar ons was gesond en gelukkig, en al het ons nie…

Nicolene Erasmus (54), arbeidsregfasiliteerder, Pretoria Koesterkos is lekker dik boontjiesop, geurige bredies en louwarm, tuisgebakte brood met baie botter. En melkkos met kaneelsuiker vir nagereg. My kombuis is die koesterplek. As die kinders kom kuier, steek my man die kaggel aan, ons maak boontjiesop en kuier tot laataand. Aletta Granger (34), rekenmeester, Kimberley My koesterkos is beslis sop, my ma se sop om presies te wees. Daar is niks lekkerder as om ’n bakkie warm sop en vars brood saam met my geliefdes te eet nie. Ek probeer gereeld vir my hartsmense sê dat ek hulle waardeer en ongelooflik liefhet. My woorde pas by my dade. Lisa Human (45), bestuurder, Kaapstad Bredies en sop! Dit bly maar ’n wenner, want daar is soveel verskillende resepte vir albei en ek is…

‘’Daar is ’n storie in elke vrou. Maar elke vrou het nie noodwendig die kennis of die hulpmiddele om die storie te kan vertel nie. Ek het, en ek wil dit so graag deel. Dis my manier om ’n saadjie van hoop te plant’ ‘My pa haal graag die woorde van Reinhold Niebuhr aan. Hy het gesê ’n mens moet die dinge aanvaar wat jy nie kan verander nie en die moed hê om dié dinge te verander wat jy wel kan verander. En dan moet jy vra vir wysheid om die verskil tussen die twee te kan raaksien’ So ’n ruk terug blaai ek deur ’n tydskrif toe my oog op ’n foto val wat my daar en dan na ’n ander vasteland en tyd verplaas. Dis een van…

Ons weet Charlize Theron is talentvol. Ons weet sy is mooi. Maar wanneer jy haar ontmoet, is dit asof dit alles onder ’n vergrootglas geplaas word. Sy is ’n klassieke, amper outydse skoonheid, maar met ’n baie moderne persoonlikheid en humorsin. Sy is snaaks op onverwagse maniere, sy het ’n droë sin vir humor wat Amerikaners soms nie verstaan nie. Ek het twee keer in die afgelope ses weke onderhoude met haar gedoen – vir twee baie uiteenlopende flieks: Gringo en Tully. In Gringo speel sy ’n slinkse sakevrou en in Tully, wat tans in ons teaters wys, speel sy ’n oorwerkte ma van twee wat ’n derde baba verwag. Haar man is liefdevol, maar onbewus van die druk waaronder sy is, en wat dit beteken om altyd alles vir…

‘Op sportvlak het ek baie min talent – dalk maar so 10% van wat ander sportmanne het, maar my passie dryf my’ Ryno Griesel (38) en Ryan Sandes, oor wie se avonture ons voorheen in rooi rose geskryf het, het onlangs die uitdagende Groot Himalaja-roete binne 25 dae, 4 uur en 24 minute gehardloop. Om dié 1 504 km af te lê in 3 dae en 9 uur minder as die vorige rekord, moes hulle oor sneeubedekte berge hardloop en uiterste weerstoestande trotseer. Nie eens vriesbrand, maagvirusse, asemhalingsprobleme vanweë die hoogte bo seespieël of ’n paar byna noodlottige ervarings kon hulle afskrik nie. Op een plek het die landkaart ’n dorpie aangedui waar die twee wou oornag, maar daar was alles verlate. “As dit nie was dat ons ’n monnik…

DIANE-PARIS SE JONGSTE HERFS-/ WINTERREEKS SKEP ’N GEMAKLIKE MAAR ELEGANTE VOORKOMS. KLASSIEKE SILHOEËTTE EN KENMERKENDE STYLE SOOS DIE ROLNEKTRUI IS IN HELDER KLEURE, SOOS BLOU, ROOI, GROEN EN PIENK BESKIKBAAR. DIE REEKS IS ’N VIERING VAN DETAIL EN BEVAT BYPASSENDE ITEMS IN ’N DEURLOPENDE TEMA WAT JY VAN JOU KROONTJIE TOT JOU TOONTJIE KAN UITBEELD. ’n Gelukbringer vir HOOP Die inspirasie vir die jongste reeks van die stigter en ontwerper van die Pichulik-handelsnaam, Katherine Mary, kom van haar onlangse reis deur die Sederberge in die Wes-Kaap. “Selfs in die gebiede waar dit lank nie gereën het nie, was daar ’n bietjie groenigheid – daar was lewe ... en hoop,” sê sy. Sy dra hierdie reeks op aan verskeie kulture en hul simboliek van hoop. Die koperballe is een van die…

SEEP Jy sal verbaas wees watter uitwerking dit op jou gemoed het as jy van alledaagse takies soos handewas ’n bewustelike ritueel maak, eerder as om dit af te jaag. Verskillende geure kan jou gemoed beïnvloed, so dink twee keer voordat jy die eerste beste seep in jou winkelmandjie gooi. 1 STRELEND Babylonstoren Olyf (2 kg seep, R450 slegs beskikbaar by die Babylonstoren-plaaswinkel). Sny kleiner stukke af soos benodig, en hou die res in jou handdoekkas sodat jou handdoeke ook sommer lekker ruik. 2 SEESOUT EN SIEWIER Lush Sea Vegetable soap (R49,99 per 100 g) skilfer ook af. 3 LYF OF GESIG Skin Clays Skin Natur-al Glycerine Soap in Balancing Beige Clay (R55) bevat ilang-ilang, vanielje en kokosneutekstrak. 4 BEVOGTIGEND EN ANTIBAKTERIES Simple Bee, fynbosheuning-seep (R32, Wellness Warehouse). 5 TREK…

WIE VAN ONS DROOM NIE OM SOOS JENNIFER LOPEZ TE LYK NIE! SY HET SAAM MET INGLOT GEWERK EN ’N SPESIALE REEKS KAPSULEGRIMERING GESKEP SODAT ONS OOK KAN GLOW SOOS J-LO. “DIE REEKS BEVAT AL MY STAATMAKERPRODUKTE IN MY GUNSTELINGKLEURE. ONS HET ALLES: MASKARA, LIPSTIFFIES, VALS WIMPERS, BLOSSER, OOGSKADU EN NATUURLIK VERBRONSERS.” ONS HOU OOK VAN DIE LEKKER NAME - WAT DEUR HAAR LOOPBAAN GEÏNSPIREER IS - SOOS “BOOGIE DOWN BRONZE” EN “LIVIN’ THE HIGHLIGHT”. INGLOT JENNIFER LOPEZ-LIPSTIFFIE IN BESAME (R269). FREEDOM PALLET (R199 VIR DIE LEË HOUER) EN DAN KAN JY KIES WATTER OOGSKADU (R189 ELK), KONTOERPOEIER OF BEKLEMTONER (R269 ELK) JY WIL GEBRUIK. Tot jou redding Ons is gaande oor CLARINS SE NUWE SOS-MASKERS (R520 ELK). HYDRA is ’n verfrissende, bevogtigende masker met ’n koel roomjeltekstuur. PURE is…

Pharmadynamics – polisie-entrauma-hulpnommer 0800 20 50 26 Adcock Ingram - hulpnommer vir depressie en angs 0800 70 80 90 Destiny - hulpnommer vir jong werkendes en studente 0800 41 42 43 ADHD-hulpnommer 0800 55 44 33 Middelmisbruik-hulpnommer (24 uur) 0800 12 13 14; SMS 32312 Selfmoordkrisisnommer 0800 567 567 SADAG-hulpnommer vir gemoedsgesondheid 011 234 4837 Akeso- psigiatriese reaksie-eenheid (24 uur) 0861 435 787…

VYF BELANGRIKE TEKENS 1 ’n Wit of rooi kol op jou tong 2 Oorpyn sonder rede 3 ’n Skurwe of irriterende plekkie op, langs of onder jou tong 4 ’n Seerplek aan jou tong wat nie binne twee weke vanself genees nie 5 ’n Lamheid in jou tong wat jou effens moeiliker laat praat of eet. KEER DIT 1 Moet nooit, ooit begin rook nie 2 Staak jou rookgewoonte onmiddellik 3 Drink net soms een glasie wyn 4 Ondersoek jou tong gereeld vir wit kolle – veral aan die onderkant en sye 5 As jy rook, of gerook het, hou jou mond, keel en tong dop vir veranderings. 6 Betrek jou dokter en tandarts - vra met elke besoek dat hulle ook jou tong en keel deurkyk.…

Is ek die man wat ek graag wil hê my seun eendag moet wees? Is ek die man met wie ek graag wil hê my dogter eendag moet trou? Craig Wilkinson van die niewinsgewende organisasie Father a Nation, sê sterk vaderfigure kan help om die wêreld heel te maak, en dat hulle net so ’n groot rol speel in die respek wat mans vir vroue het. “Ek het heelwat projekte in verarmde gemeenskappe gedoen en hoewel armoede sy tol eis, is onbetrokke en afwesige pa’s uiteindelik die wortel van die kwaad. Hoewel baie gedoen word om hierdie maatskaplike probleem op te los is dit nog belangriker om te kyk wat die oorsaak is. Selfs UNICEF meen afwesige pa’s is die grootste maatskaplike kwessie van ons tyd. “Ons leef in ’n…

DRINK GENOEG WATER IN DIE WINTER Sukkel jy om jou twee liter water per dag in die winter in te kry? Herbalife se Aloe Concentrate geur gewone water liggies en teen 95 kJ per drankie is dit ’n veel beter alternatief as koeldrank of sap. (R391,96 by ’n verteenwoordiger - kyk by Herbalife.co.za vir een in jou omgewing.) EKOVRIENDELIK WEN HIERDIE MAAND Spaar water met ekovriendelike produkte van SoPure Naturally. Daar is ’n waterlose sproei vir vrugte en groente wat insekdoders, virusse, bakterië en gis uitwis (R80 vir 500 ml); ’n waterlose handreiniger wat geen alkohol bevat nie en kieme vernietig (R60 vir 250 ml); asook wasgoedseep wat drie maal gekonsentreer is en geen fosfate, skerp chemikalieë en parfuum bevat nie en die seep ook geskik maak vir mense met…

GEBRAAIDE LAMSBOUD MET TAMATIES EN KRUIE GENOEG VIR 8-10 BESTANDDELE 3 kg plaaslamsboud 45 ml (3 e) SPAR Extra Virgin Olive Oil 3 SPAR Freshline-tiemietakkies, slegs die blare 2 SPAR Freshline-roosmaryntakkies, fyngekap fyngerasperde skil van 1 SPAR Freshline-suurlemoen 15 ml (1 e) suurlemoensap 250 ml (1 k) SPAR-witwyn 1 SPAR Freshline-knoffelbol, gehalveer 2 SPAR Freshline-rooi-uie, in wiggies gesny 500 g SPAR Freshline-tamaties, middeldeur gesny 1 e mielieblom met 2 e koue water gemeng SPAR-sout en SPAR-swartpeper SPAR Freshline Potato and Butternut Bake, volgens die aanwysings gaargemaak, vir opdiening 1 Meng 2 e olyfolie, tiemie, roosmaryn, suurlemoenskil en –sap in ’n bakkie. Voeg 1½ t sout en gemaalde swartpeper by. Smeer die kruie-olie oor die vleis tot dit eweredig bedek is. Bedek en marineer vir 1 uur. 2 Voorverhit die oond…

Bellevue “1953” Pinotage 2016 kry sy naam van ’n spesifieke wingerd wat reeds in 1953 op dié wynlandgoed in die Bottelaryheuwels aangeplant is. Die wyn het pruim en maraschino-kersie geure op die neus wat ook op die tong opgetel word. Die sagte tannien saam met die lekker gekonsentreerde vrugtegeure verseker dat die wyn perfek by luukse winterbredies en wildsvleis pas. (R545 per bottel, kyk by bellevue.co.za )…

SUID-AFRIKA SE PASSE EN POORTE LEI REISIGERS NA SKILDERAGTIGE DORPIES, GROOTSE LANDSKAPPE EN AFGELEË GEBIEDE WAAR DIE NATUUR NOG HEERS. SOMMIGE BERGPAAIE VOLG DIERE SE EEUE OUE MIGRASIEROETES; ANDER IS MEESTERSTUKKE VAN INGENIEURS WAT DIE AARDE SE SWAARTEKRAG WOU TROEF. SOUTH AFRICA’S FAVOURITE PASSES & POORTS (UITGEWERSPRYS R319) DEUR MARION WHITEHEAD NOOI JOU OM TAGTIG PASSE EN POORTE TE VERKEN. LAAT DIE VOLKLEURFOTO’S EN –KAARTE JOU INSPIREER OM OOK TE GAAN KYK! LEES OOR KLEURRYKE GESKIEDKUNDIGE KARAKTERS, DIE FAUNA EN FLORA, EN AKTIWITEITE SOOS VOETSLAANPAAIE EN 4X4-ROETES; KYK WAAR JY MOET EET EN KIES JOU VERBLYF UIT LUUKSE TOT SELFSORGOPSIES. ’N PRAGGIDS VIR ELKEEN WAT WONDER WAT OM DAARDIE VOLGENDE DRAAI IN DIE PAD WAG. • Meer inligting by www.mapstudio.co.za…

Caxton Magazines en Wool-worths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word 3 Opsies beskikbaar: Skryf aanlyn in: magsathome.co.za/magazing. htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolieskaart en hou jou koopbewys-staafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van die volgende kaarte* gebruik word: Woolworths Credit…

VERSORG en BESKERM jou vel Die Coverderm-handelsmerk word wêreldwyd deur mediese spesialiste en grimeerkunstenaars aanbeveel. Alle Coverderm-produkte is hipoallergenies en bied gevorderde en kundige oplossings vir alle velsoorte en veltoestande. Reinig en behandel jou vel met Coverderm Removing Cream en Extra Care Lotion. Hou jou vel bevog met Maxydrat Visage, Maxydrat Yeux en Maxydrat Serum wat die vel se hidrasiemeganisme stimuleer. Filteray Face plus 50+ is 'n 2-in-1 sonskerm en nasorgmiddel spesiaal vir die gesig. Beskikbaar by uitgesoekte takke van Dis-Chem, Clicks, onafhanklike apteke, salonne en aanlyn by coverderm.co.za, of kontak info@nailmetics.co.za. 6 rooi rose-lesers kan elk ’n Coverderm-geskenkpak van R2 779 kry. Sleutelwoord: Coverderm VELSORG uit die NATUUR Die Theravine-velprodukreeks bevat natuurlike bestanddele en het ’n omgewingsvriendelike benadering tot gesondheid en velsorg. Theravine bevat geen skadelike petrochemikalieë, geur- of…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Julie-boeke” in die onderwerpreël of na www.rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 The Wind That Shakes the Barley. Hoofakteur? 2 “Waai windjie waai” - uit watter liedjie kom die reël? En die kunstenaar? 3 Watter digter het “Die Pluimsaad Waai Ver” geskryf? 4 In watter musiekblyspel was die liedjie “They Call the Wind Maria”? 5 Watter seminale boek het André P. Brink geskryf met die woord “Wind” in die titel? JUNIE-ANTWOORDE 1 Wie was die regisseur van A Space Odyssey? Stanley Kubrick…

Waar het julle aan die idee vir Thys en Trix gekom? Die oorspronklike idee om as ’n getroude paartjie undercover te gaan, het gekom van Leandie se pa wat op hul troudag deur die verkeerspolisie gestop is. Die polisie het nie hul kar deursoek nie, want daar het “pas getroud” op die kar gestaan. Toe besef ons dit is ’n briljante manier om goed suksesvol te smokkel. Ons het met Quintin Krog en Danie Bester gesels oor die gebruik van dié idee as ’n invalshoek vir ’n fliek en almal was gretig om saam te werk. Hoe was die ervaring om ’n platoniese rol teenoor jou vrou te speel? Dit was baie lekker om haar kreatiewe proses te sien. Sy is beslis ’n beter akteur as…

IN TANDEM – JANN KLOSE. DIE GEBORE DUITSER EN GRAMMYBENOEMDE KLOSE HET SY MUSIEKTANDE SAAM MET GROOT NAME SOOS SUZANNE VEGA, PAT BENATAR EN BRET MICHAELS GESLYP. SY SESDE ATELJEE-ALBUM VAL MAKLIK OP DIE OOR EN SY OPNAME VAN PETER GABRIEL SE KULTUSLIED, “DON’T GIVE UP” - SAL VERAL JOU HARTSNARE ROER. TOEKA 3CD-STEL – STEVE HOFMEYR. HIER’S GOEIE NUUS VIR STEVE-AANHANGERS! SY TOEKA-REEKS IS NOU AS ’N VERSAMEL-ALBUM BESKIKBAAR, MET AL DRIE TOEKA-CD’S IN EEN VERPAKKING. OU, GEWILDE NOMMERS SOOS “JOU HART IS WEER MYNE”, “LIEFLING”, “DIE OUKRAALLIEDJIE” EN “EK VERLANG NA JOU” IS OOK DEEL VAN DIE VERSAMELING. BRAAILEKKERTE! BEWE – ADAM. ADAM-AANHANGERS KAN HULLE MAAR REGMAAK VIR IETS NUUTS. HUL NUWE ALBUM HET ’N FOLKAANSLAG. DIE AFWISSELING IN TEMPO EN STYL,…

Min mense kan op 71 met’n besige loopbaan spog, maar die skrywer Francine Rivers het kort ná haar sewentigste verjaarsdag haar soveelste roman gepubliseer. Nes sy voorgangers is The Masterpiece reeds wêreldwyd ’n topverkoper. Maar moenie haar met haar prestasie gelukwens nie, want sy sal onmiddellik vir jou sê dat dit God se ingryping in haar lewe is wat van haar ’n wêreldberoemde skrywer gemaak het. Francine Sandra Rivers het haar kinderjare in Pleasanton, Kalifornië, ’n plattelandse dorpie met ’n groot boeregemeenskap deurgebring. “My ouers het ’n stuk grond buite die dorp gekoop en daar vir ons ’n huis gebou. Ek is steeds dol op die reuk van houtsaagsels, want dit herinner my aan daardie tyd toe ons houthuis gebou is,” vertel sy per e-pos aan rooi rose. “My pa…

WEES GEORGANISEERD Dit klink dalk voor die hand liggend, maar om georganiseerd te wees kán jou baie tyd spaar. Begin deur jou persoonlike ruimte te organiseer. Jy kan die aand voor die tyd die volgende dag se dinge beplan, soos besluit wat jy gaan aantrek en ’n lysie maak van wat jy alles moet doen. Dit sal jou nie net soggens tyd spaar nie, maar jou ook help om jou gedagtes te orden sodat jy nie waardevolle tyd deur die dag mors deur te wonder wat jy moet doen nie. MOENIE WAGTYD VERSPIL NIE Moenie die tye wat jy moet wag mors nie. Of jy nou by die poskantoor in die ry staan, in die dokter se spreekkamer wag of na irriterende musiek oor die foon sit en luister, moenie…