Innholdsfortegnelse for Junie 2018 i Rooi Rose

DIS VADERSDAG. Dis tye soos nou wanneer ’n mens die belangrikheid van ’n goeie pa besef. My kinders het pas hul pa se sterfdag verlede jaar herdenk, en die pyn en verlange lê bitter vlak. Hulle sou niks meer wou hê as om hom nog ’n laaste keer te kon terughê sodat hy hulle kon vashou en met hulle gesels soos altyd nie, hy was hulle held van kleintyd af. Ek weet dat die verlange nooit wegraak nie, daar is nou nog tye wanneer ek my pa só mis, al is hy al meer as twee dekades nie meer met ons nie. “Vaderlandsliefde!” was die ergste skelwoord wat hy geken het, meestal gerig op mede-padgebruikers wat nie by die reëls gehou het nie. Niks leliks oor iemand het ooit oor…

SLIM bottels Jy kan een van twintig baie nuttige Steely-bottels wen. Dié bottels hou jou vloeistof koud vir 24-uur, óf warm vir twaalf. Die bottels het ’n dubbele laag vlekvrye staal, asook ’n ekstra laag koper wat keer dat die buitekant van die Steely-bottel nie kondenseer nie. Vir meer inligting: www.steely.co.za of e-pos info@steely.co.za Beeld van ’n VROU Inspireer sterk vroue jou? Kry jou gunsteling- “Beeld van ’n Vrou”-artikels uit die argief op ons webwerf. Handwerk Van komberse en kouse tot teelappies en truie, ons het hope patrone uit ons argief wat jou en jou gesin hierdie winter warm sal hou. Vadersdag Bederf jou pa met ’n skoonheidsgeskenk wat sy voorkoms sal afrond Agter die skerms Die beeldskone Prinses…

BLOMME IS REEDS VERLEDE JAAR BY HANDELSNAME SOOS MULBERRY TE SIEN EN HIERDIE JAAR IS DIT GEENSINS ANDERS NIE. DIE INSPIRASIE AGTER MULBERRY SE BLOMMOTIEWE IS DIE MUURPAPIER VAN 1970-HUISE TESAME MET ’N ENGELSE LEEFSTYL VANUIT DIE VYFTIGERJARE – DINK AAN KONSERTINAPLOOIE EN KWILTKOMBERSE. DIE ONTWERPER, JOHNNY COCOA, VERDUIDELIK DAT HY MET HIERDIE REEKS “ALLES SAAM WOU KLITS EN ’N ONTPLOFFING VEROORSAAK.” ‘Ons kan kla omdat rose dorings het, of ons kan juig omdat dorings rose het’ – Abraham Lincoln KLASSIEKE BETOWERING Die roos word met vroulikheid en liefde verbind en is bo-aan die hiërargie van blomme – ’n blom met ’n eie taal wat ’n boodskap sonder woorde kan oordra. Kenners soos die Franse ontwerper Yves Saint Laurent het graag roosmotiewe gebruik om ’n romantiese gevoel aan…

Reese Witherspoon is ’n bondeltjie energie. Maar moenie dat haar grootte, blonde hare en glimlag jou flous nie. Die ma van drie het vinnig besef dat sy haar in dié sterbelaaide stad as meer as net ’n mooi gesiggie sou moes bewys. Met prente soos The Wild e n Walk the Line , waarvoor sy ’n Oscar gewen het, het sy bewys dat sy sterk, gekompliseerde karakters kan vertolk. En as een van die vervaardigers en sterre van die TV-reeks Big Little Lie s wat ons verlede jaar gesien het, het sy haar gevestig as een van die invloedrykste vroue in Hollywood wat dit haar mikpunt maak om meer vroue in hoofrolle te plaas. Big Little Lies het die sluier oor vroulike vriendskappe en huwelike gelig. Reese is ook ’n…

Connell se grootste vreugde? “Om saam met Sarah te wees! Enigiets wat ons saam doen, is heerlik. Of dit nou fietsry in Central Park is, of om ons te verkyk aan die bergpasse op pad na Prins Albert. Sy het ’n baie aansteeklike lewensvreugde.” Hy is ook gaande oor tuinwerk. “Dit laat my regtig ontspan. Jy moet ons kruietuin hier in Suid-Afrika sien! Daar is goed soos bok choi en sitroengras en ons het selfs ’n papajaboom. Ek en Sarah is dol daarop om saam kos te maak. Ek eksperimenteer graag met resepte uit ons Julia Child- resepteboek. Dis ’n geskenk wat ek vir Sarah gekoop het, maar ek gebruik dit baie meer as sy! In New York behoort ons aan ’n kosklub wat die resepte en al die bestanddele…

Stel jou voor: jy is 13 jaar oud, en jou ouers word grusaam vermoor. Die polisie kom haal jou ’n dag of wat later en neem jou na die moordtoneel om jou vingerafdrukke te toets teen dit wat hulle op die toneel gekry het. Op die moordtoneel tel jy jou ma se handskoen in ’n gestolde bloedplas op, ’n stukkie van haar pinkie – afgeskiet terwyl sy die doodskote probeer keer het – steeds daarin. Jy sien die grusame detail van jou ouers se laaste minute. Jou vingerafdrukke word nooit geneem nie, en jy kry ook geen terapie vir wat jy beleef het nie. Die enigste ouerhuis wat jy geken het, word op ’n veiling verkoop, en skielik bevind jy jou op ’n plaas in die Vrystaat by familie wat…

JACQUES LAGRANGE IS ’N COUTURIER WAT VIR PLAASLIKE EN INTERNASIONALE KLIËNTE KLERE ONTWERP EN STILEER. SY KLIËNTE VLIEG HOM GEREELD NA INTERESSANTE PLEKKE EN IN SY PASPOORT IS STEMPELS VAN NEW YORK, MOSKOU, PARYS EN DOEBAI. DIÉ LEEFWYSE HET HOM GELEER OM LIG MAAR DOELTREFFEND TE PAK. JACQUES SE STYLKEUSES IS ’N BATE VIR ENIGE KLEREKAS, LEEFSTYL OF PERSOONLIKHEID. Deftige TRUI ’n Klassieke V-nekwoltrui is geskik vir somer én winter – knoop dit om jou skouers en jy lyk sommer ietwat deftiger. WOLTRUI (R699; XS-XXL) COUNTRY ROAD. JEANS ’n Goeie denim is soos jou beste vriend. Ek is gaande oor my G-star omdat dit netjies om my lyf sit, en dit skep sonder moeite ’n moderne voorkoms. Vir ’n meer luukse voorkoms is ’n donkerder blou of swart denim die…

VARS voorkoms Die ESSENCE FRESH & FIT AWAKE MAKEUP (R109,95, DIS-CHEM EN TAKEALOT) bied goeie waarde vir geld. Die onderlaag bevat vitamiene en bosbessies wat jou vel verryk en voed sodat jou gesig vars, gesond en glad lyk, en dit verskaf baie goeie dekking op die koop toe. Dis maklik om die onderlaag perfek aan te wend en die produk laat jou vel van die oggend tot die aand vars lyk. Ek is baie beïndruk deur hierdie produk en dit is vir seker een van my nuwe gunstelinge. CORNÉ Koel GEURE Die ontwerp en verpakking van hierdie fyngeure het dadelik my aandag getrek. Ek verkies ligter geure en sou nie sommer Midde-Oosterse geure oorweeg het nie, maar dit was ’n geluk dat ek uit my gemaksone kon kom, want dié…

Dit is goed vir jou immuniteit Goeie voeding is die basis van ’n sterk immuniteit wat verkoues afweer, kankerselle doodmaak nog voor hulle skade begin doen en alles tussenin. Dit beteken nie vervelige vaal kos nie. Gesonde kos is lekker ook. • Hoenderboudjies en omelet Proteïene bou jou slymvliese, T-selle en timusklier. Dus is eiers en álle soort vleis en vis goed vir jou immuniteit. • Sardientjietert Salm is lekker maar peperduur terwyl sardiens en makriel net so goed is. Die omega-3’s in die vetterige kouewatervisse is noodsaaklik vir jou immuunstelsel. Jy kan ook omega-3-aanvullers gebruik. • Olyfolie op jou slaai en groente Nog ’n bron van omega-3’s. • Neute vir snoepkos ’n Maklik beskikbare bron van omegas en proteïene wat jou immuunstelsel sal bou, al is dit voor die…

Inkontinensie is nie iets waaroor vroue sommer sal gesels nie, maar vertel jy skaam-skaam vir ’n vriendin dat jy “lek” wanneer jy touspring, sal jy verbaas wees oor hoeveel van jou vriendinne dieselfde en selfs erger ondervind. “Ek moet sommer ’n spul sanitêre doekies insit voordat ek saam met my kinders trampolien spring,” vertel een vriendin. ’n Vyftigplusser vertel hoe dankbaar sy was dat sy ’n lang top aangehad het nadat sy onlangs vir die eerste keer in jare ’n oefenklas bygewoon het en moes hardloop. “Urinêre inkontensie is algemeen ná swangerskap en dit is nie net vroue wat natuurlik kinders gekry het wat hiermee sukkel nie. Wanneer jy swanger is of borsvoed, het jy hoër progesteroonvlakke wat veroorsaak dat jou vel slap word. Dit gebeur ook namate ons ouer…

BOBAAS-BORRIE! Borrie ( turmeric ) word deesdae ’n super-spesery genoem. Dié spesery bevat kragtige anti-oksidante wat jou immuunstelsel versterk en is ook ’n natuurlike hulpmiddel teen inflammasie. Die meeste van ons ken borrie soos dit in geelrys of kerrie gebruik word, maar deesdae kan jy dit ook in allerhande ander geregte geniet. Goue heuning is een manier waarop baie mense deesdae borrie inneem: • Meng gelyke hoeveelhede borrie en heuning en bêre dit in ’n glashouertjie. Die mense wat weet, sê ’n lepel vol van dié moetie hou verkoues en griep weg. Borrie word nou ook in allerlei drankies op restaurantspyskaarte gebruik. Wees op die uityk na vars wortel-en-borriesap of borrie-latté. Ons het dié gemmer-en-borrie-latté uit Melissa Delport se boek Whole gemaak. • Meng 375 ml amandelmelk (of koeimelk), 5…

Dis ’n Woensdagaand in April 2011 en ons sit om ’n houttafel op Gino’s se stoep in Stellenbosch. Ons sit om die tafel, want my eie persoonlike Michelle-meisiekind vlieg môre. Ver. Korea toe. Gelukkig nie Kim Jong Un se Korea nie. Terwyl almal kuier, lag en reisraad gee, kyk ek na Michelle. Hoe het dit so gou gebeur? Ek onthou een aand, lank-lank gelede toe daar nog inry was, het sy voor in die kar by my kom sit. Wat die fliek was, het ek lank reeds vergeet. Iets Ben Hur-agtig. Daar was twee kante wat baklei het. Duidelik. Met swaarde en gille. Michelle het skielik opgevlieg, haar arms om my nek gegooi en angstig gevra, “Pa, vir wie stem ons?” Daardie jare glo ’n kind ’n ouer weet alles.…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Junie-boeke” in die onderwerpreël of na www.rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 Wie het die fliek 2001: A Space Odyssey geregisseer? 2 Watter radiodrama, gegrond op H.G. Wells se boek met dieselfde titel, het luisteraars die strate laat inhardloop? 3 Watter fiktiewe Afrikaanse spioen is deur Leon Rousseau geskep? 4 Wat was die titel van Philip K. Dick se kortverhaal waarop Blade Runner gegrond is? 5 Watter toekomskyker is onlangs aan motorneuronsiekte oorlede? MEI-ANTWOORDE 1 Watter SA popgroep het “Shadows” gesing? éVoid. 2…

CRITICAL AS WATER – JEREMY LOOPS. DIE WATERTEMA LOOP STERK DEUR DIE ALBUM. DIE SNIT “WAVES” IS OPGEWEK EN LIG, TERWYL “UNDERWATER BLUES” MEER ERNSTIG IS. “THE SHORE” SPREEK DIE SOSIALE SPANNING VAN DIE GLOBALE GEMEENSKAP AAN. ’N SKATKIS VAN OPGEWEKTE, TIPIESE LOOPS-RITMES, ASOOK DIEPER, DONKERDER DEUNTJIES. DIE HEELAL DRAAI – PETRONEL BAARD. DIE ALBUM IS ’N VERTELLING WAT OOR TIEN JAAR STREK EN DIE DRAAIE VAN DIE LEWE EN DIE HEELAL PROBEER VERDUIDELIK: DAT DIE PERFEKSTE OOMBLIKKE ONBEPLAN IS EN SOMS ONGESIENS VERBYGAAN. ALLE OPNAMES IS LIVE GEDOEN, WAT BAARD SE KLASSIEKE, EERLIKE STEM EN KLAVIERSPEL DIE BESTE TEN TOON STEL. SNORTING LINES OF TURMERIC – THE STEEZIES. VERWAG ’N OPWINDENDE KONKOKSIE VAN EG SUID-AFRIKAANSE KLANKE. DIE INVLOEDE VAN VERSKEIE GENRES WORD SOOMLOOS…

Jy speel die rol van ’n bevoorregte jongmeisie in Binnelanders – pa ’n plastiese chirurg, ma ’n sakevrou. Tog is Lexi Abrahams nie ’n bedorwe brokkie nie. Is dit ook die soort omgewing waaruit jy kom? My ma is ’n haarkapper en my pa ’n rekeningbestuurder - twee uiteenlopende beroepe en heeltemal anders as dié van my TV-ouers. My belangstellings is my keuse, ek wou nog nooit in my ouers se voetspore volg nie. In die Abrahamshuishouding is dit anders, want Lexi is beslis deur haar pa se beroep beïnvloed, dié dat sy ’n mediese studierigting volg. Lexi is nie ’n rebel nie, maar sy het ’n eie mening oor baie dinge, en sy word nie rondgestoot nie. Is jy ook so? Ja, ek dink ek…

Die beeldskone bankie het my hart gesteel toe ek en Henk op soek was na ’n dubbelbedmatras – iets wat ons jare lank uitgestel het en nie meer kon ignoreer nie. Dae aaneen swerf ons toe van een eksklusiewe bed-en-matras-winkel na ’n ander, net om tot die gevolgtrekking te kom dat ontwerpersmatrasse dalk jou rug ondersteun, maar jou bankbalans liederlik kan knou. Waarde vir geld is ons motto, en ten einde raad wend ons ons tot ’n gevestigde meubelsaak waar ons voorheen al gehaltemeubels gekoop het. Dat ons nie reguit soontoe is nie, kan ek nie verklaar nie. Sonder om verder te sukkel, kry ons ’n vyf jaar gewaarborgde matras teen ’n billike prys. Die enigste haakplek was dat ek met die intrapslag byna vergeet het wat ek daar soek.…

PRINSES CHARLÈNE VAN MONACO “Die rooi rose-span was uiters professioneel. Hulle het baie moeite gedoen om dit ’n suksesvolle dag te maak. Ek het die fotosessie en mense baie geniet. Baie dankie vir ’n wonderlike dag.” ROOI ROSE EN FLUWEELKOEK Sjoe, wat ’n pragtige voorblad verwelkom my toe ek my nuwe April-rooi rose van die rak af haal. Die herfskleure oorweldig my en ek haal sommer nog vyf af. Dié gaan ek soos altyd vir my vriendinne in die township neem, en ons gaan rooibostee en rooi fluweelkoek geniet en om ons gunsteling-tydskrif kloek. Vir ons is rooi rose ’n eg Suid-Afrikaanse tydskrif met goeie waardes. Jy is my bossie rooi rose wat enige plek ophelder. Jy is my mentor, my dieetkundige, my sielkundige, en my…

HOE SPREEK EK JOU AAN? VRA EK. "U HOOGHEID"? JA, KNIK SY. MAAR DIÉ SUID-AFRIKAANSE OLIMPIESE SWEMMER NEEM HAAR TITEL NIE TE ERNSTIG OP NIE. SY IS NANATUURLIK, GEMAKLIK EN VERTEL MAKLIK ’N STAALTJIE TEN KOSTE VAN HAARSELF, EN SKATER DAN VAN DIE LAG. Sy waai ligvoets in by die hotelsuite waar ons gesels. Gespierde veiligheidswagte maak die deur agter haar toe en bewaak die gang. ’n Mens is dadelik bewus van ’n ligte, energieke teenwoordigheid. Hoe spreek ek jou aan? vra ek. U Hoogheid? Ja, knik sy. Maar dié Suid-Afrikaanse Olimpiese swemmer neem haar gewigtige titel: “Haar Deurlugtige Hoogheid, Prinses Charlène van Monaco”, nie te ernstig op nie. Sy is gemaklik, natuurlik en vertel maklik ’n staaltjie ten koste van haarself, en skater dan van die lag. Sy dra…

‘TRIX SE KRAG LÊ DAARIN DAT SY UIT ONS AARDE KOM.AS SY HAAR MOND OOPMAAK, BRING SY SONSKYN, DONDERWOLKE EN DIE GEUR VAN DROË GEELPERSKES’ - Jans Rautenbach Daai woeste storm wat daar woed, is ek. Ek wil nie seermaak nie - net ’n bietjie skrikmaak. Pure stuitigheid! Ek wil op ’n dag graag die Suidoos wees. Hy tier darem maar lekker. Waai al jou geite en giere uit jou uit. Ek wil gaan ruk aan mense se vensters, sommer inloer ook, hul vullisblikke omwaai en al die waardige mense skoon onwaardig waai.” Dit is soos die veteraan-aktrise Trix Pienaar, wat op 11 Mei tagtig geword het, eendag in gees wil terugkom. Ons het mekaar vroeër vanjaar by kykNET se Fiëstas ontmoet waar sy saam met Simon Bruinders…

WIE IS KABOUS? TV-aanbieder, -regisseur en gespreksfasiliteerder. Kabous vervaardig ook dokumentêre programme en was onlangs betrokke by die herverpakking van die reeks, Die Afrikaners (Sondae op kykNET). Kabous pendel tussen Kaapstad en Johannesburg, maar haar boekklub en drafgroep (waarvan sy net op WhatApp ’n lid is) is in Kaapstad. Hoe het jou pad tot by Prontuit geloop? Ek het drama op Stellenbosch geswot en is lief vir die teater as kunsvorm, want dit betrek terselfdertyd ontwerp, sosiale kommentaar en letterkunde. Ek hou veral van kabaret en satire. Ek was in ’n stadium ook ’n korrespondent vir RSG Kuns. Ek was eers by kykNET se Dagbreek-ontbytprogram waar ek soms paneelbesprekings aangebied het. Toe skuif ek na Prontuit, waar Mariëtta Kruger my mede-aanbieder was. Ek beskou haar steeds…

Fliekinspirasie In The Matrix , daardie aksiefliek van 1999, was ’n oordaad swart en blinkleer te sien. Ontwerpers is hierdie seisoen beïnvloed deur die vroulike hoofkarakter, Trinity, met haar futuristiese en sexy silhoeëtte. Ons kies elegante swart leer en dra dit saam met ’n netsyrok. Besonderse moue Jy het nie veel meer nodig as dié deursigtige, gepofte moue om jou uitrusting lewe te gee nie. Laat jou moue boekdele spreek en hou die res van die uitrusting eenvoudig en effekleurig. Rond dit af met ’n bonkige nekstuk wat ook nou hoogmode is. Die ballerinaromp Hierdie styl kombineer die voorkoms van ’n partytjiemeisie en ballerina. Bekende ontwerpers soos Christian Dior en Victoria Beckham neig meer na die ballerinastyl met rompe wat net onder die kuit eindig. Die materiaal moet lig wees…

BOBBY KIES KALAHARI EN KALAHARI LIFESTYLE KIES BOBBY VAN JAARSVELD. BOBBY SE GUNSTELINGPRODUK DIE MAAND IS DIE MARULA FACE OIL (R299, KALAHARILIFESTYLE.COM), ’N OLIEMENGSEL VAN MAROELA, ARGAN, ROOSVRUGTE EN BITTERWAATLEMOENPITTE. DIE OLIE, WAT VINNIG DEUR JOU VEL OPGENEEM WORD, BEVOGTIG DIE VEL DEEGLIK EN KEER VROEË VEROUDERING. “Hy is nederig, maar SELFVERSEKERD, gesofistikeerd en ’n ware avonturier,” sê Carina Franck, stigter van Kalahari Spa. Op sy beurt sê Bobby hy is gaande oor die kombinasie van natuurlike plantolies en –ekstrakte wat met moderne bestanddele gemeng word. “Natuurlik is my keuse.” Strelend AVON CARE MEN ESSENTIAL AFTERSHAVE BALM (R70) bevat vita-mien E, gemmerekstrak en aloe vera wat die vel streel en vars en sag laat voel. Dit is lekker lig, nie olierig nie en ruik heerlik. Vir harde-BAARDE JOHNNY’S CHOP SHOP…

NAAM: NICKY MEE. OUDERDOM: 42. BEROEP: SOSIALE MEDIABEMARKER WAT OOK ’N AANLYNWINKEL BESIT. LIGGAAMSVORM: REGHOEK. Nicky is ’n besige ma wat van die huis af werk. Tussen werk en kinders rondry, bly daar nie veel tyd oor vir omgee oor hoe sy lyk nie. Én sy verpes inkopies! ‘Dit was soveel pret en wonderlik om uit my gemaksone te kom’ SKOOL TOE EN TERUG ’n Groot deel van Nicky se dag word bestee aan kinders rondry, en sy voel sy hoef nie opge- dress te lyk hiervoor nie. Om haar reghoekige vorm te vlei kies ons baadjies wat op/naby haar middel val. Met dié liggaamsvorm is dit belangrik om ’n middel te “skep”. Hierdie “SWEETPAKBROEK” (R379, H&M), wat van netjiese materiaal gemaak is, is ideaal. Strepe is klassiek en lyk…

Wat is ’n multi-oriëntasie huwelik? Volgens Sorika de Swardt, ’n maatskaplike werker wat onder meer in gekompliseerde huwelike spesialiseer, is dit ’n huwelik waarin een party homoseksueel of biseksueel is, en die ander party heteroseksueel. Kan dit werk? Linda* vertel: “Ek was sestien jaar lank in ’n multi-oriëntasie huwelik. Ek wil nie die woord ‘vasgevang’ gebruik nie, want die huwelik en kind wat daaruit gebore is, was terselfdertyd die slegste en die beste ding in my lewe. Ons is onlangs geskei, nie weens gebrekkige liefde nie maar omdat ons besef het ons weerhou mekaar van ’n moontlike vervullende verhouding en voller lewe. By nabetragting sou ek dinge dalk anders gedoen het, maar ek sou waarskynlik steeds met die wonderlike man getrou het, sou hy by nabetragting bereid wees om dieselfde…

WARM BASMATI-ENLENSIE-SLAAI MET HARISSA-EIERVRUG GENOEG VIR 4 – 6 45 ml (3 e) SPAR- ekstra suiwer olyfolie, met ekstra om mee te bedruip 20 ml harissapasta 10 ml (2 t) SPAR-heuning 3 eiervrugte, in die lengte middeldeur gesny, en met binnekante gekerf SPAR-sout en -peper na smaak 1 koppie SPAR-dubbeldikjogurt Die skil van ’n halwe suurlemoen en 1 e van die sap SLAAISOUS 30 ml (2 e) SPAR Spaanse olyfolie 30 ml (2 e) SPAR-suurlemoensap 15 ml (1 e) SPAR-heuning SPAR-sout en -swartpeper SLAAI 2 koppies SPAR-bruin basmatirys, gekook volgens die aanwysings op die pakkie. 400 g-blik SPAR-lensies, gedreineer en afgespoel ’n hand vol Italiaanse pietersielie, ruweg gekap 1 klein rooi-ui, in dun skyfies gesny 1 koppie babaspinasieblare ¼ koppie SPAR-pistasieneute, gerooster en ruweg gekap 6 ekstragroot SPAR-eiers, sag geposjeer,…

Jy is ’n óórbekende en ’n óérbekende vreemdeling, my kind, het ek gedink toe ek my eersgeborene, my seun, Peter, in die skuilte van my elmboog, neffens my hart, vir die eerste vasgehou het. Ons het in mekaar se oë gekyk. Wat hy gesien het, sal g’n mens mos nou ooit weet nie. Maar ek onthou dat die klein vreemdeling my geboei het. Ek het my aan hom verwonder. Alles aan hom was vir my nuut en vars en klein. Ewe nuut en vars was my emosies. Maar in teenstelling met sy klein lyfie, was my belewenis van hom groots. Toe ek ’n volwasse mens raak, het ek gedink dat ek al die hele reeks mens-like emosies beleef het: vreugde en vrees, droefheid, opgewondenheid, dankbaarheid… Maar toe ek my eerste…

REDELIKE TWYFEL Chris Marnewick (Protea) Manon Viljoen, ’n jong advokaat word ingeroep as amicus curiae – vriend van die hof – om ’n regverdige uitspraak in ’n moordsaak te help lewer. Die beskuldigde, Charles Mouton, is ’n senior advokaat wat een oggend langs die bebloede lyk van sy vrou wakker word. Hy weet nie wat gebeur het nie. Of so beweer hy. Hy weier om aan die verhoor deel te neem omdat hy glo die hof moet die waarheid soek. Dit val op Manon se skouers om die waarheid voor die hof te lê, maar sy worstel met moeilike getuies, die halsstarrige Charles en die dreigemente van die Staatsveiligheidsagentskap. Haar aanstelling word ook bemoeilik deur die feit dat sy en regter Nantes Castel ’n geskiedenis het. Oral om Manon is…

DIS HOE INNIBOS VANJAAR ROL! Winter in die Laeveld beteken één ding: Dis wanneer Nelspruit (Mbombela) uit sy nate bars, lekker baldadig raak en feesgangers van heinde en ver by die Innibos Laeveld Nasionale Kunstefees opdaag. Vanjaar se kunstefees met die tema “Dis hoe ons rol” duur van 27 tot 30 Junie . Oudergewoonte kry jy vir die prys van jou toegangskaartjie na die feesterrein vyf gratis kuierverhoë met musiek wat in elkeen se smaak sal val, ’n musiekkonsert elke aand met topkunstenaars, die Bosmôl vir feesinkopies, en gratis, kort toneelopvoerings en gesprekke in die Boma-kuierteater. Debuut-dramaproduksies sluit in Kleedkamer Blues met onder andere De Klerk Oelofse, Ludwig Binge en Wessel Pretorius, Drie Susters met Margit Meyer-Rödenbeck, Lizz Mei-ring en Nicole Holm en Soebatsfontein met Sandra Prinsloo en Franci Swanepoel.…

ODE AAN ’N BLOU BANK Liewe blou bank, ná tien jaar drink ek vir eers die laaste keer my oggendkoffie vanuit jou sagte kussings en vir die laaste keer kyk ek deur die glas na die prentjie voor my, songeel bietous, die stukkie gras waar mamma tarentaal en fisant jaarliks hul trots kom wys het, die waterbak waar honderde voëltjies hulle kom verkwik het, vanoggend se pienk-grys lug wat gisteroggend see-blou was en eergister besaai was met deurskynende wit vlieswolkies ... dit alles kon ek ervaar vanuit jou blou kussings. Dankie, liewe blou bank, dat ek op jou kon lees, (Robin Sharma se The Secret Letters of the Monk Who Sold His Ferrari sal my altyd aan jou laat dink, want ek het byna die hele boek op jou gelees).…

‘As ’n groter verskeidenheid mense saam aan ’n projek werk, werp dit meer vrugte af ’ Big Little Lies is besonder goed ontvang. Dink jy almal het geheime? Ek dink geheime is deel van menswees; dis deel van oorlewing. Dis noodsaaklik – ’n mens moet immers in die samelewing kan inpas. Dis baie interessant om te sien wat mense oor hulself onthul en wat nie ... Jy is ook as vervaardiger baie suksesvol ... Ek het vier, vyf jaar gelede ’n produksiemaatskappy begin omdat daar so min interessante karakters vir vroue aangebied is. Al die beste aktrises het dieselfde oudisies vir die eggenoot- of jongmeisie-rolle afgelê en dit het my regtig gepla. Ek het gedink hierdie akteurs het soveel meer om te bied, en daar is beter stories…

‘Ek onthou die presiese oomblik toe ek besef het ’n lewe sonder haar gaan nie lekker wees nie’ Sedert 2013 het Connell (30) al 13 treffers op plaaslike speellyste gehad, en in 2014 is hy as beste manlike kunstenaar vir ’n SAMA benoem en sy topverkoper-debuutalbum as beste kontemporêre album van die jaar. ’n Amerikaanse musiekverspreider het daardie selfde jaar sy talent raakgesien en vir hom ’n internasionale platekontrak aangebied. Sedertdien woon Connell om die beurt in Johannesburg en New York. Hy was al op verskeie Suid-Afrikaanse verhoë te sien en in die tweede seisoen van die Suid-Afrikaanse weergawe van die gewilde TV-program The Voice was hy een van die mentors. En intussen het sy talent en harde werk daartoe gelei dat daar ’n artikel oor hom in die bekende…

KRY JOU TYDSKRIF DEUR DIE POS • Skryf in op www.rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaardtariewe geld • Bel 087 405 2002, hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: Magsathome Bank: Nedbank, Takkode: 12320900, Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za TEKEN JY NOU OP ‘ROOI ROSE’ IN, KAN JY OOK EEN VAN 15 RVB WHITELIGHT™ INTENSIVE 4 WEEK KITGESKENKPAKKE TER WAARDE VAN R1 600 ONTVANG Die Italiaanse velsorgreeks…

SITTING PRETTY HET ’N ETIESE BENADERING GEVOLG MET DIE SAMESTELLING VAN HUL PRAGTIGE HERFS/WINTERREEKS. HULLE HET DIE FLUWEEL EN WOL OP ’N OMGEWINGSVRIENDELIKE EN ETIESE MANIER VERKRY EN DIE REEKS OP DIESELFDE WYSE VERVAARDIG. WEES OOK OP DIE UITKYK NA DIE PRAGTIGE WOLTRUIE IN DIE JONGSTE OORGROOTSTYL WAT PERFEK VIR DIE EIETYDSE VROU IS. Eer aan oud en nuut Die Poetry-voorkoms bring hulde aan antieke vakmanskap wat tot ’n eietydse styl vernuwe is. Kopers word geïnspireer om ’n reis van selfontdekking te onderneem wanneer hulle met oud en nuut eksperimenteer. WAAIER-OORRINGE (R150) POETRY. Kus en KEUR Die Foschini-groep glo in die ontdekking en ontwikkeling van kreatiwiteit. Sowat 65% van hul voorraad word plaaslik vervaardig en die verskeidenheid kledingstukke en style verseker dat hulle iets vir elke vrou se smaak het.…

SOEK DIE SON ’n Tekort aan sonlig kan veroorsaak dat jou goedvoel-chemikalie, serotonien, afneem en dit kan lei tot ’n drang na sekere kosse en te veel eet ... Drink jou oggendkoffie buite, of sit vir so 15 minute in die son om vitamien D in te kry. EET GESOND Dis geen geheim dat koue weer mens lus maak vir trooskos nie, maar die sleutel om jou gewig te beheer is om sommige van daardie kilojoules vir gesonder alternatiewe, byvoorbeeld Tropika Slenda, te ruil. Met geen bygevoegde suiker en minder kalorieë is dit die ideale versnapering of bederf en met vier geure om van te kies, sal jy nie voel asof jy jouself van iets weerhou nie. ’N GESONDER BEGIN Maak sop ’n integrale deel van jou winterervaring. En ons…

Jy kan jouself nie net gesond dínk nie. Jou leefstyl is net so belangrik. Daardie bietjie oefening wat jy doen, tél. Die volgende sal ook jou immuunstelsel ondersteun: Waardeer jou hormone Ons vroue-hormone prikkel sowaar die immuunstelsel om doeltreffender te werk. Kom in die son Wat ’n lekker manier om jou immuniteit op te kikker, veral vir kinders en almal bo vyftig. Vitamien D, wat ontwikkel as jy so twintig minute se sonlig op jou vel kry, help onder meer outo-immuunsiektes voorkom, soos kinderdiabetes en rumatoïede artritis. Droomslaap Jou REM- of droomslaapfase gee veral die selle wat jou teen kanker beskerm, kans om te werk. Slaap diep Dit help jou liggaam herstel. Gebruik probiotika Hierdie aanvullers moduleer die immuniteit van jou spysverteringstelsel. Gebruik ’n aanvuller, hoewel jou liggaam sorg vir…

Nicole Scheepers Ek het op universiteit met ’n paar uitstellers te doen gehad. Vir my is dit die maklikste om dinge maar self te doen en hulle dan net in kennis te stel van wat gebeur, of wat gedoen moet word. Jy moet maar streng wees in so ’n situasie, anders kan dit vir jou ook nadelig wees. Ek word nie maklik daardeur geraak nie omdat ek eintlik daarvan hou om dinge op my eie te doen sodat ek weet dit is reg. Dit is nie altyd ’n goeie eienskap nie maar ek is perfeksionisties, veral as dit kom by iets wat my negatief kan raak. Mariska Venter Ek het iemand in my lewe wat dikwels uitstel en dan later afstel. Dit frustreer my omdat ek graag stapsgewys deur goed…

Nicole Scheepers Ek twyfel, ek en ’n vriendin het nou die dag daaroor gesels. Dit is seker moeilik om ná soveel jaar saam met een mens skielik saam met iemand anders te wees – ’n mens raak so gewoond aan mekaar se maniertjies. Indien dit gebeur, dink ek die maklikste is om nuwe mense deur jou vriende en vriendinne te ontmoet. Ek sal verkies om nie iemand op afspraakwebwerwe of in kuierplekke te ontmoet nie. Mariska Venter Ek sal vir seker weer in ’n romantiese verhouding betrokke wil raak. Niemand is gemaak om alleen te wees nie, en verhoudings is pret! ’n Goeie plek om nuwe mense te ontmoet is op een van die goeie webwerwe vir enkellopendes. Vir my is kommunikasie van uiterste belang daarom sal ek hiervan hou.…

Pienk Pienk is altyd die perfekte keuse indien jy ’n sagte voorkoms wil skep. LINNELOPER (R299) EN ROOSGOUD-EETGEREISTEL (R319) @HOME. GROOT BORD (R229) MERVYN GERS. KLEIN SOHO-BORDE EN SOHO-BAKKIES (R69,95 ELK) WOOLWORTHS. Seegroen Seegroen is hierdie seisoen gewild en verskillende aksente van die kleur word dikwels in een item gekombineer. LINNEDOEKE (R295 VIR ’N STEL VAN 3), GROOT NARA-BORD (R95) KLEIN NARABORD (R55) EN NARA-BAKKIE (R30) WEYLANDTS. Room en wit Antieksjiek. Room, wit en rooikoper skep ’n romantiese en nostalgiese gevoel. TAFELDOEK STILIS S’N. GROOT BORD (R229) MERVYN GERS. WIT BAK (R19,99) MR PRICE HOME. KOPERKLEURIGE EETGEREISTEL (R1 795; 24 STUKKE) WEYLANDTS. Room Room met ’n ryk goue afwerking bly immer klassiek en stylvol. Die tekstuur is hier belangrik omdat ’n tekstuurryke afwerking karakter aan die eenvoudige stukke gee. DOEK…

Bobaasburger met groente Dis beslis nie ’n vegetariese burger nie, maar jy sal verbaas wees oor hoeveel groente op kreatiewe maniere in die resep gebruik kan word. Die burger is gemaak van tuisgebakte patatrolletjies en beesvleisfrikkadelle, heerlike beetblatjang en ’n botterskorsiepiekel. Elkeen van die elemente is heerlik. Probeer dit gerus alleen of saam met die resep. Bou die burger met die patatrolletjies, ’n beesvleisfrikkadel, beetblatjang en botterskorsiepiekel. Sit jou ander gunstelinge soos gesnyde tamatie en rooi-ui ook op. SOETPATATBROODROLLETJIES GENOEG VIR 8 REDELIKE GROOT BROODROLLETJIES • 1 pakkie (10 g) kitsgis • 1¼ k (310 ml) louwarm melk • 1 k (200 g) gaar patats, fyngemaak met ’n vurk en afgekoel • 2½ k (375 g) koekmeel • 2 k (300 g) broodmeel • 1 eier, liggies geklits • 6…

Mense bedank nie ’n werk nie, hulle bedank ’n bestuurder, word soms spottenderwys gesê. Maar dis waar. Enige onderneming, groot of klein, weet hoe frustrerend dit is om bekwame mense te verloor. As mense bedank omdat ’n gehate of onbevoegde baas hul lewe versuur, móét ’n onderneming aandag daaraan gee. DIE BESTE WERKER IS NIE ALTYD DIE BESTE LEIER NIE “Ons praat in die sakewêreld van die Peter-beginsel,” sê dr. Adri Drotskie, direkteur van die MBA-kursus van die Henley-sakeskool in Johannesburg. “Dit behels dat iemand bevorder word tot sy vlak van onvermoë. Soms word iemand bevorder uit sy posisie van kundigheid na ’n bestuursposisie waarvoor hy nie die vaardigheid of ervaring het nie.” As jy ’n uitstekende pianis is, beteken dit nie dat jy ’n goeie dirigent sal wees, of…

Dis seker die eerste van die sewe maer jare, meen Madie en dit laat haar nie lekker voel nie. Amper drie maande sedert haar agent, Angie, laas iets van haar werk in Kaapstad van die hand gesit het en selfs dit het maar min ingewin. “Die mark is dood,” sê Angie ongeërg. “Daar is net nie kopers nie. Kuns is ’n luukse.” Madie moet nou met hierdie verduideliking tevrede wees. “En Johannesburg?” vra sy. “Ja, ek … ” Angie klink moeg. “Ek sal ’n paar mense bel.” Madie wonder waarom die vrou nie reeds “’n paar mense” gebel het nie. Hoeveel moeite doen sy? Sy wat Madie is, voel asof sy in ’n hoek vasgedruk is. Sal sy maar weer illustrasies vir kinderboeke doen om haar en Danie aan die…

ROUXNETTE MEIRING het in die Klein-Karoo grootgeword, drama aan die Universiteit van Stellenbosch studeer, in Parys gaan woon en toe teruggekeer SA toe waar sy in die televisiebedryf gewerk het en later by radio. Sy werk tans aan ’n doktorsgraad. Watter invloed het jou navorsing vir jou doktorale tesis in omgewingsopvoeding op die ||Hui ! Gaeb-reeks gehad? Die eerste ||Hui !Gaeb -boek het ek reeds twaalf jaar gelede begin skryf toe my dogter tien was en g’n boek wat sy wou lees, in Afrikaans kon kry nie. Die tesis het maar net vir my intellektueel bevestig wat ek reeds lank gelede oor eko-lektuur vir die jeug aangevoel het. Dis ook belangrik om te onthou dat ||Hui !Gaeb 1 ( Kraak) net ’n storie soos Hansie en Grietjie…

Die jaarlikse Hermanus-FynKuns-fees en winterskool is terug en vind van 8 tot 17 Junie plaas. Vanjaar kan jy klassieke vermaak, praatjies, die kunste, werkwinkels, kookdemonstrasies, flieks en ’n program vir kinders verwag. Die openingskonsert, Best of Baroque , word aangebied deur Camerata Tinta Barocca, Suid-Afrika se top- barok-orkes. Ander groot konserte op die program sluit in Nataniël met die Charl du Plessis Trio, A Feast of Opera and Operetta met Cecilia Rangwanasha en Johan Slabbert, asook Richard Cock and Friends tesame met die FynKuns-feesorkes, solis Tim Moloi en Lauren Dasappa. Daar is ook meer as 25 uitstallings en jy kan die kunste rustig indrink. Indien jy lus is vir ’n kopkrapper, kan jy ook een van die vele daaglikse lesings op die Strauss & Co Series of Lectures-program bywoon, waar…

Classics is terug! Die skouspelagtige Classics is terug en musiek word gevier - van Bon Jovi tot Andrew Lloyd Webber word vertolk deur top- Suid-Afrikaanse kunstenaars én internasionale sangers soos engelkind Amira van Nederland en Touch of Class. Daar is net een vertoning op 9 Junie in die Sun Arena @ Time Square in die nuwe Menlyn Maine-vermaaklikheidskompleks. Fees van vleis en vuur Die Fire & Feast Meat Festival sorg vir vermaak van 8 tot 10 Junie by die Ticketpro Dome in Johannesburg. Gaan loer hoe wys die land se beste slagters hul staal in die Nasionale Slagtersuitdaging, aangebied deur Crown National. Besoek die Jack Daniel’s Man Cave waar die manne ’n rukkie in die kapperstoel kan sit en klassieke motorfietse en motors kan waardeer. Kaartjies kos R100 vir volwassenes,…

In die onlangse rolprent I, Tonya is daar hard probeer om die openbare mening oor Tonya Harding – deesdae Tonya Price – te verander. Of dit gewerk het, sal die tyd moet leer. Die publiek is steeds in twee vurige kampe verdeel: dié wat glo Tonya (nou 48) was ook ’n slagoffer in ’n bisarre komplot, en dié wat glo dat die volle waarheid oor haar betrokkenheid nog nooit uitgekom het nie. Soos een joernalis dit in ’n artikel oor haar gestel het: “Daar is feite, en dan is daar die waarheid, en jy kan nie dat die een in die pad van die ander kom nie.” Die gebeure van 6 Januarie 1994 sal soos ’n wolk oor die voormalige ysskaatser bly hang. Twee dae voor die eindrondte van die…

KRY ’N INSPUITING ’n Griepinspuiting kan jou dié winter baie sneesdoekies spaar. Beskerm jou gesin teen griep en laat hulle griepinspuitings kry. Nie net sal daar minder doktersbesoeke wees nie, maar almal sal ook minder skool- en werksdae mis. Voorkoming is beter as genesing, so gaan na jou naaste apteek of besoek jou algemene praktisyn vir ’n griepinspuiting. ’N DRANKIE-OPLOSSING Om warm drankies te drink laat jou dalk beter voel, maar dit is nie noodwendig die gesonder keuse nie. Drink drankies soos Clover Duo wat propvol vitamien A, B, C, D en E is. Hierdie vitamiene beveg verkoue en griep, en watter aangenamer manier is daar nou om dit in te neem as in een, smaaklike suiwel-en-vrugte-drankie? Drink dit elke oggend saam met jou ontbyt of as jou middaghappie. SÊ…

Clover Classic-vla het ’n heerlike, romerige smaak wat jou na goeie tye laat verlang. Dis ook ’n bron van vitamiene A1, B2 en D. BROOD-EN-BOTTER-POEDING GENOEG VIR 6 8-10 croissants, in die lengte gesny ¼ koppie donkersjokoladebrokkies 6 eiers 60 ml Clover Classic Custard 300 ml melk 300 ml room ⅔ koppie strooisuiker 1 t vanieljepasta 1 Voorverhit die oond tot 180 °C. Sit die croissants in ’n gesmeerde broodpan of 20 cm-oondbak en strooi die sjokolade oor. Klop die oorblywende bestanddele saam in ’n groot mengbak en gooi dit oor die croissants. 2 Bak vir 45 min. of totdat ’n mes/koekpen wat in die middel ingesteek word, skoon uitkom. Laat staan vir 10 min. voor dit gesny word.…