Innholdsfortegnelse for Mei 2018 i Rooi Rose

AANLYN, in tydskrifte en koerante en oral waar ek my deesdae bevind, loop ek my vas teen mense se menings. Luister jy na ’n redenasie of lees jy iets aanlyn en probeer die draad volg, raak jy verstrengel in die aakligheid van ongebreidelde opinies. Elkeen is deesdae ’n kenner en reageer graag oombliklik, sonder om daaroor te dink. Hulle lees nie wat daar regtig staan nie, hoor net wat hulle wil hoor, en trek weg met ’n uitgesprokenheid wat bloot ongeskik is, skokkend en skaamteloos ongemanierd. Die openbare debat is eintlik bitter eensydig en ek ys om te dink dit is wat ons kinders daagliks inneem. Geen wonder ons is bekommerd oor hulle en respek nie. As jy net wen, is die saak reg, al moet jy met die bal…

Hoe voel dit om Oprah Winfrey te wees? Regtig. Dis fantasties (lag)! Ek doen nie iets wat nie pret is nie. Dis eintlik ’n baie eenvoudige lewe wat net op ’n groot skaal geleef word. As jy ouer as sestig is en jy is steeds besig om iets te probeer bewys, wel, dan het jy iets verkeerd gedoen. Vir my gaan dit daaroor om plesier en vreugde te put uit dit waaraan ek so lank gewerk het. Ek kan kies wat ek wil doen en hoe ek wil leef. Vandat ek kan onthou, het ek ’n dagboek gehou, en ek onthou dat ek gereeld geskryf het dat ek eendag genoeg geld wil hê om my met mooi goed te omring - ’n mooi huis en die natuur. My grootste vreugde…

• Ek moet leer om minder dinge gelyk te wil doen en om te sê: Nee, Lynelle! • My kosbaarste besitting is my rugsak of koffer. ’n Mens kom agter met hoe min jy kan klaarkom. Ek dra ’n vereenvoudigde lewe saam met my rond. • Mense is my grootste seëning. • Ek is so trots daarop dat ek kon leer om lief te word vir myself. • Ek streef na doel, balans, konneksie – a life lived in pursuit of Truth, art, beauty . • Kleintyd was my droom om vry te wees en te speel. Ek doen dit nou meer as ooit! • As ek ’n strokiesprentkarakter kon wees, sou dit Popeye wees. Hy eet spinasie, neuk waar dit nodig is en vloek soos ’n matroos, vermoed ek.…

KLEREDRAG: Jeans. GEREGTE: Spaghetti. Enige spaghetti wat ek vanweë my dieet nie mag eet nie! DRANKIE: Gin & tonic. KLEUR: Rooi. KLANK: Paddas ná die reën. GEUR: Uie wat in ’n pan braai ter voorbereiding van ’n spaghetti-sous. EMOSIE: Onselfsugtige en intense liefde wat teruggegee en gewaardeer word. BEDERF: Om ’n oggend later as gewoonlik in die bed te kan bly en te lees. ONTSPANNING: Stap deur die Bosveld. VERSLAWING: Rooi sponskoek-kolwyntjies - wat ek ook nie mag eet nie. BEHEPTHEID: Met wat in die internasionale rolprentbedryf gebeur. BLOM: Delfinium. PLANT: Bougainvillea. VAKANSIEPLEK: Positano in Italië. DIER: Ratel. SKRYWERS: Ayn Rand, Karen Brynard, Daphne du Maurier, Hennie Aucamp. INTERNASIONALE ROLPRENT: 2001: A Space Odyssey. SUID-AFRIKAANSE ROLPRENT: Johnny is nie dood nie. ROLPRENTSTERRE: Ryan Gosling en Emma Stone. SKILDERKUNS: Modigliani, Chagall.…

Met die ekonomie op ’n laagtepunt in ons land, is daar baie mense wat onverwags hul werk verloor en noodgedwonge hul eie ondernemings op die been moet bring. Wat is Divan se raad in so ’n geval? Probeer altyd om ’n onderneming te begin terwyl jy nog ’n salaris verdien – dit verminder die finansiële druk op jou om dadelik uit die besigheid te moet oorleef. So, indien dit moontlik is, werk saans aan jou idee, of neem verlof. Sodra die besigheid jou kan onderhou, kan jy bedank. Moenie net een werk doen nie – die nuwe generasie entrepreneurs het verskeie inkomstebronne. Hulle noem dit “portfolio living”. Ja, jy gaan vrek besig wees, maar besig wees is ware entrepreneurs se kos. Jy het bemarkbare vaardighede. Kom jy uit ’n korporatiewe…

Eenjaar gelede sou niemand kon dink dat enigiets of enigiemand die Zuma-bewind of die Gupta-staatskaping omver sou kon gooi nie. Maar drie goed het ons land van ondergang gered: ons onafhanklike reg-bank, burgerlike organisasies wat teen korrupsie veg en dapper joernaliste wat bereid was om alles op die spel te plaas om die waarheid te onthul. Dit is dus heel gepas dat die nuusspanne van amaBhungane, die Daily Maverick en News24 in Maart vanjaar vereer is met die hoogste eerbewys vir ondersoekende joernalistiek in Suid-Afrika: die Taco Kuiper-toekenning vir hul werk oor die Gupta Leaks. Die amaBhungane-span is om dieselfde rede ook as 2017 se Nuusmakers van die Jaar aangewys. PAULI VAN WYK van die Daily Maverick se Scorpio-eenheid vir ondersoekende joernalistiek het die grootskaalse korrupsie by die Suid-Afrikaanse Inkomstediens…

’n Gloeiende, gesonde vel Die Laser Beautique gebruik bekroonde en toonaangewende tegnologie om ongewenste hare permanent te verwyder, en dit sonder enige pyn. Hul lasertegnologie is die eerste in sy soort wat deur die Amerikaanse Food and Drug Administration as “pynvry” goedgekeur is. Die nuwe IN-Motion™-tegniek waarborg ’n prosedure sonder pyn en die sukses lê daarin dat die selle in die haarfollikel geleidelik verhit word tot die punt waar die selle beskadig word en haargroei nie meer moontlik is nie. Produkte uit die RegimA- of Nimue-reekse wat propvol gevorderde en medies aanvaarde bestanddele is, word saam met die Laser Beautique se Near-Infrared (NIR)-gesigbehandeling gebruik. Die ultra-ligte massering en marine-ekstrakte maak die vel ferm en soepel, en het ’n sigbare uitwerking op fyn lyntjies. Jy kan seker wees dat ’n gloeiende,…

3INA za.3ina.com/za_en Anni King AnniKing.com, Zando.co.za Bio-Sculpture 021 886 8786 Catrice Cosmetics Dis-Chem en takealot.com Chanel chanel.com Charles & Keith 021 552 4912, 011 729 5023 Clarks 011 675 7377 Clinique 0800 390 014, clinique.co.za Colette Hayman 021 937 5436 Cotton On 021 552 9651, 021 981 9366 Dermalogica dermalogica.co.za Dior 021 442 7700 Elizabeth Arden elizabetharden.co.za Essence Dis-Chem, Clicks, Takealot.com Folli Follie 011 883 0565, 012 348 4949, 021 555 0811 Footwork 011 345 8000 Garnier 0860 102 492 ghd ghdhair.com/za Glamglow Edgars, Red Square, Foschini, Woolworths GOSH Copenhagen Edgars, Foschini & Truworths H&M 021 826 7300 Indola 011 617 2400 K.Crystals kcrystals.net Kalahari Lifestyle kalaharilifestyle.com Karen Millen 011 784 2937 Kiss Clicks L’Oréal Paris 0860 102 491, lorealparis.co.za Label.M 021 448…

Beantwoord die volgende vrae om vas te stel of jy ’n empath is: 1 Beskryf mense jou as oorsensitief of uitermate emosioneel? JA NEE 2 As ’n vriendin vertwyfeling beleef, ervaar jy dit weldra ook? JA NEE Put groepe jou emosioneel só uit dat jy alleentyd nodig het om te herstel? JA NEE 4 Knaag lawaai, reuke of ’n eindelose gepraat aan jou senuwees? JA NEE 5 Verkies jy om met jou eie motor na plekke te ry sodat jy enige tyd huis toe kan gaan? JA NEE 6 Ooreet jy om emosionele stres hok te slaan? JA NEE 7 Vrees jy heimlik dat ’n intieme verhouding jou sal versmoor? JA NEE As jy “ja” antwoord op een tot drie vrae, is jy gedeeltelik ’n empath ; meer as drie…

SOMS MOEILIK, SOMS MAGIES Vir Zanilah, my driejarige blondekopengel, is die lewe een groot verhoog waarop sy kan sing en toneelspeel. Sy leef haar met passie in alles in, ongelukkig ook in meltdowns ! Emrinn, ons jaar oue seuntjie, is die vriendelikste mensie wat jy ooit sal ontmoet. Moet hom net nie laat dink hy is alleen nie ... Moederskap het my verras én geskok. Zanilah het koliek gehad en ek en my man, Rhyno, het sewe maande lank nooit geslaap nie. Daarop kan niemand jou voorberei nie. My verwagtinge oor moederskap was heelemal onrealisties, maar dit geld gelukkig ook die goeie tye. Ek het al soveel betowerende oomblikke met my kinders beleef dat dit soms voel of my hart van liefde gaan ontplof. Ek hoop my kinders sal leer…

Vroulik en romanties Hierdie badkamer het ’n ouwêreldse sjarme. Die malvapienk mure werk uitstekend saam met die wit en roomkleurige toebehore. rooi rose .co.za KRY HIER 6 GOEIE WENKE OM WATER IN JOU BADKAMER TE SPAAR. Funksioneel met styl Die industriële voorkoms, wat heelwat klem op tekstuur plaas, is steeds baie gewild. Die rou baksteenmuur is ’n goeie voorbeeld daarvan. Eksotiese aksente Die ongewone kombinasie van klassieke Marokkaanse en Victoriaanse elemente skep ’n interessante voorkoms in hierdie badkamer met sy besonderse kleurskema.…

FRAAI FORELSLAAI GENOEG VIR 6 400 g gemengde, jong groen groente (soos ertjies, boontjies, broccolini, aspersies) 800 g forelfilette in 4 x 200 g-porsies verdeel ½ suurlemoen, in ringe gesny 1 sitroengrasstingel, gekneus en gesny 50 g jong kruieblaartjies SLAAISOUS 5 ml (1 t) heuning 15 ml (1 e) korrelmosterd 2 knoffelhuisies, fyngekap 30 ml (2 e) witwynasyn 125 ml (½ k) olyfolie GLAD Resealable Freezer-Sakkies GLAD Zip Seal-Sakkies 1 Verhit ’n groot kastrol water, met sout gegeur, tot kookpunt. Kook die groente vir 2 min. in die borrelende water. Dreineer en laat lê vir 2 min. in yswater. 2 Verhit ’n dieperige middelslag-kastrol met water tot kookpunt. Verlaag die hitte. Sit elk van die 200 g-forelfilette in ’n GLAD Resealable Freezer-Sakkie met ’n paar skyfies suurlemoen en ’n stukkie…

op die Kaapse Vlakte. Maar moenie ’n fout maak nie, die fliek gaan nie oor bendes nie. Die storie, wat hoofsaaklik vanuit Randal se woonstel vertel word, is slim saamgestel om die opbouende spanning en gevoel van wanfunksie in die fliek enduit te handhaaf. ’n Egte misdaadriller! Die talent van verskeie plaaslike akteurs, onder wie Sandi Schultz (Binnelanders, Noem My Skollie), Deon Lotz (Hansie, Faan se Trein), Elton Landrew (Dis ek, Anna, Dryfsand, 7de Laan), Ephraim Gordon (Class Act), Danny Ross (Broken Vows, Suidooster), David Manuel (The Outsiders, Noem My Skollie) en Amrain Ismail-Essop (This Life, Forgiveness) word ten toon gestel. Monique Rockman beïndruk ook in haar eerste hoofrol op die silwerdoek. Die fliek word op 1 Junie deur Ster-Kinekor uitgereik. DEADPOOL 2 Met inagneming van die feit dat NOMMER…

Tierlantynkies Op soek na iets lekkers om saam met die gesin te doen? Die TIERLANTYNKIES KUIER & KOOPFEES is jou antwoord. Jy kan meer as 86 stalletjies besoek met ’n skatkis van goedere: juwele, klere, dekor, geskenke en speelgoed. Diegene wat aan iets wil peusel, kan gerus die kos- en deli-stalletjies besoek of sommer net ’n lekker bord kos en ’n glas wyn geniet terwyl plaaslike musiekkunstenaars vir die vermaak sorg. Daar is ook speletjies vir die kinders sodat dit ’n heerlike uitstappie vir die hele gesin is. Die fees vind vanaf 26 April tot 1 Mei plaas. Kaartjies kos R35 vir almal bo 18. Plek: 3Ci, Saalstraat 56, Zwavelpoort, Pretoria-Oos. Vir meer inligting, gaan loer by tierlantynkies.co.za Bederf jou ma Vier Moedersdag in die Nuy-vallei met ’n lieflike middagete…

Australië is die heel laaste land wat sy ooit wil besoek, sê ’n bereisde vriendin. Ek stem heelhartig saam. Dis ’n vervelige land. Ek weet, ek was al daar. Teenoor die Reënboognasie kom die Aussie-samelewing maar bra vaal voor. Onthou net: Vervelig is veilig, sê my wyse geliefde. My wilde uitsprake ten spyt, bevind ek my onlangs weer in Australië. Wanneer ’n kans hom voordoen, moet ’n mens dit tog maar vat, of hoe? So beland ek op ’n maand lange toer saam met my immerenergieke, stuit-vir-niks geliefde. Ek kry vlugsiekte op een lang vlug en iets in die rigting van ’n paniekaanval op die ander. Ek raak moeg en befoeterd en ek mis die dinamika, die woelinge, die kleurrykheid van my eie land. Daar swig ek toe ook voor…

Skryf & WEN Die skrywer van vandeesmaand se wenbrief ontvang ’n HANNONgeskenkpak ter waarde van R5 950. Wanneer dit by skoonheid kom, is HANNON ’n vertroude naam. Sy reeks gehalteprodukte strek van grimering en skoonheidsmiddels tot haarprodukte en vele meer. Meer inligting by hannon.co.za. DIE MOSSIES Ek het onlangs op so ’n mooi storie afgekom: ’n Boervrou, Anette Marais, het sowat honderd jaar gelede agter die hoë draad van ’n konsentrasiekamp haar kampgenote een oggend uit die Bybel probeer troos en bemoedig. Die vorige nag het sy God in haar gebede gesmeek vir ’n boodskap. Sy lees die oggend Matteus 10:29 wat handel oor God se sorg vir die geringstes - die mossies van die veld. Terwyl sy dié woorde lees, het ’n klein vaal mossie skielik op haar skouer…

‘Ek het die hele 2014 daaraan gewerk om my vernuf te verbeter en my skeppings met die wêreld te deel’ -  ROSS SYMONS, STIGTER VAN WHITE ON RICE…

1 Haar ouers het haar Orpah genoem, na die Bybelse karakter in Rut se verhaal, maar hulle het dit op die geboortesertifikaat verkeerd gespel, en so het Oprah toe haar naam geword. 2 Oprah se ouma het haar grootgemaak tot sy ses was. Sy was brand-arm en het uit nood vir Oprah klere uit aartappelsakke gemaak – waaroor kinders haar glo genadeloos gespot het. 3 Verskeie familielede het haar vandat sy nege was, verkrag en seksueel misbruik. Sy het op 13 weggeloop en het op 14 swanger geraak en die lewe geskenk aan ’n seuntjie wat kort daarna oorlede is. 4 Sy het haar eerste werk as ’n omroeper by ’n radiostasie in Nashville gekry toe sy 19 was. 5 Sy gaan sedert 1986 met Stedman Graham uit. 6 In…

Hierdie pastoriekind van Pretoria se naam het ’n gonswoord in die mediabedryf geword. En as jy ’n onderhoud met Carien Loubser wil voer, moet jy op ’n vinnige drafstap probeer bybly, want dié blondekopvrou het baie ysters in die vuur en eindelose energie. Sy is ’n denker, besluitnemer en bondel kreatiwiteit. En altyd glimlag sy breed. Carien glo haar liefde vir die vermaaklikheidsbedryf kom uit haar pastoriedae. “Ek dink as jy ’n dominee se kind is, word jy van kleins af geleer van interaksie, vermaak en meelewing. As pastoriekind woon jy elke troue, begrafnis en jeugbyeenkoms by.” Sy het ’n passie vir die media en die uitdagings van die bedryf. “Die mediawêreld het my van kleins af gefassineer - hoe dit mense se lewe, menings en lewensuitkyk kan beïnvloed. Of…

Indien daar nou iemand is wat verdien om bederf te word, is dit ma’s, skoonma’s, oumas en jy. Bederf haar hierdie Moedersdag met geskenke van Poetry wat net so uniek is soos sy - van pragtige teekoppies en heerlike soetgoed tot sy serpe en leerbykomstighede. Jy sal beslis die perfekte geskenk vir die spesiale vrou in jou lewe kry. Alle produkte is by Poetry-winkels of aanlyn by poetrystores.co.za  beskikbaar…

“ Empaths is ’n spesie op hul eie. Terwyl baie paartjies op nabyheid gedy, kan intieme verhoudings empate verswelg - veral wanneer hulle ’n leefruimte deel,” sê dr. Judith Orloff. “Hulle is so ‘oop’ dat hulle hul maat se vreugdes en vrese beleef asof dit hul eie is, soms selfs telepaties. Kort voor lank raak hulle oorweldig, angstig en uitgeput. Om ‘lank en gelukkig’ saam te leef moet empate hul behoeftes kan oordra en grense stel wat hul maats sal begryp en respekteer. Dit kan behels dat hulle die samelewing se stereotipes rakende huwelike of romantiese verhoudings moet herdefinieer.” Hier is enkele van dr. Orloff se wenke: • Kies ’n maat wat jou behoefte aan alleentyd (hersteltyd) verstaan en jou nie dreineer nie. Iemand wat jou verwyt…

KRY JOU TYDSKRIF DEUR DIE POS • Skryf in op www.rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002, hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: Magsathome Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy kry elke uitgawe van rooi rose . 3 Laat…

PROMOSIE BRUSCHETTA MET SOETRISSIE-EN-TAMATIESALSA EN BOCCONCINI GENOEG VIR 6 1 Freshline-ciabatta-brood, gesny SPAR-botter om op die brood te smeer 1 Freshline-knoffelhuisie, geskil 200 g Freshline-kersietamaties, middeldeur gesny 1 Freshline- rooi soetrissie, sade verwyder en fyngekap 1 klein Freshline-rooi-ui, in klein blokkies gesny 30 ml (2 e) SPAR-ekstra suiwer olyfolie 15 ml (2 e) rooiwynasyn ’n hand vol Freshline-basilieblare, gekap 150 g bocconcini of mozzarella, ruweg gebreek sout en peper na smaak 1 Voorverhit die oond tot 200 °C. 2 Botter die ciabatta-brood en rooster vir 8-10 min. tot goudbruin. Smeer die knoffel oor die geroosterde kant van die bruschetta. 3 Meng die tamaties, rooi soetrissie en ui in ’n bakkie. Sprinkel olyfolie en rooiwynasyn oor en geur met sout en gekraakte swartpeper. Voeg die helfte van die basilie by en…

PLAASWINKEL Een van my gunsteling-snuffelplekke is die Babylonstoren-landgoed net buite die Paarl – werklik ’n paradys vir kosliefhebbers! Naas die beeldskone, blombedrukte linne en voorskote, is daar ook heerlike plaasprodukte te koop. Vul jou mandjie met tuisgemaakte kase, jogurt en olyfolies, alles pragtig verpak. Moenie van die lieflike, vars brode vergeet nie. Kyk by babylonstoren.co.za ALKOHOLVRYE DRANKIES Gesondheidbewustes is deesdae op die uitkyk na “heilsame” drankies wat hulle by feestelike geleenthede kan drink. Ons praat nie hier van doodgewone, alkoholvrye skemerkelkies nie. Dié nuwerwetse drankies is meestal suikervry en word met allerlei interessante bestanddele gemeng en geskud! Bitter en komplekse geure soos kinine en hop word gebruik en kelkies gemaak met gefermenteerde tee soos kombucha en selfs kefir is groot nuus. Ons is gaande oor Duchess se suiker- en alkolholvrye…

Vele jare later sou die seun dié toneel onthou. Dit is laatmiddag op ’n Sondag, ’n reënerige dag. Hy steek in die deur vas, kyk na waar sy ouma in die aandskemer in haar leunstoel by die sitkamervenster sit. Haar gesig is weggedraai van die deur waar hy staan, maar hy kan sien dat trane oor haar wange loop terwyl Jim Reeves sy fluweelstem met die stilte van hierdie uur verweef: “What happened to the love we knew,” sing ouma se gunsteling-treursanger, “Where did we lose it? How can a love as sweet as ours, bring heartache so?” Hy sien hoe sy ouma haar trane met ’n sakdoekie wegpik, steeds onbewus van hom wat in die deur na haar staan en kyk: die bleekrooi hare stemmig teruggekam, in ’n bollatjie…

ANTOINETTE PIENAAR Die bekende Afrikaanse sangeres, aktrise en radiopersoonlikheid gesels met ons oor haar nuwe boek, Die Lang Man sonder Skaduwee , wat die magiese kragte van ou Griekwastories, -rympies en kruie ondersoek. Hoe het dit gebeur dat jy Oom Johannes ontmoet het? Nadat ek 17 jaar deur die land getoer en opgetree het, het ek agtergekom die gehore huil altyd wanneer ek Karoostories vertel - selfs vir die snaakse stories, want almal het ’n tannie of ’n ouma in die Karoo. So het dit toe gebeur dat ek die Karoo vreeslik begin mis het. Toe ek in die jaar 2000 siek word, het ek uit nood besluit om maar terug te gaan Karoo toe, op soek na iemand wat bossiekruie ken. Só het oom Johannes op my pad gekom.…

GROOT LEKKERTE Ek wil ’n groot lekkerte met julle deel, ’n onverwagse Krismiskous. Op ’n doodgewone weeksdag kom daar ’n oproep. En die stem aan die anderkant sê hulle kom kuier. Dis nie vakansie nie, nie Kersfees en ook nie jagtyd nie. Maar jy’t reg gehoor. Ja, die Kaapse kinners kom oor tien dae kuier. Jy gaan uit in die nag en vertel dit vir die bure se hond. Die een wat so aanmekaar staan en blaf. Jy vertel dit vir die vinkgevrete witstinkhoutboom. Vir almal vertel jy. En jy begin regmaak. Skud gordyne uit. Kruip onder tafels en beddens in en vee die stofmyte uit. Begin beddens oortrek, wit dekens en ou komberse was. Slaan die kot op. Pak wit handdoeke en tydskrifte uit. Gaan koop vruggies en chippies…

VRUGTETJIPS! DIÉ HEERLIKE HAPPIES (R24,48) VAN GOOD HEART IS NOU BY UITGESOEKTE ENGEN- EN DIS-CHEM-TAKKE BESKIKBAAR Verbruikersgids op bl. 129.…

Ek het my spieëlbeeld sien val Ek lê aan skerwe op die grond Ek het myself leer ken as heldin en as ’n hond Daar is so weinig meer oor van al my woede en geweld Maar ek ken nou ook my donker kant, en ek het vrede met myself. Ek sing die taal van my hart, hoor die taal van my hart En al klink ek soms gebroke, gebroke en verward Dit is die taal van my hart Met dié woorde van Amanda Strydom en Stef Bos se lied “Die Taal van my Hart” het die operasangeres, aktrise, stemkunstenaar, TV-aanbieder, motiveringspreker en wêreldreisiger Lynelle Chrystal Kenned die gehoor by kykNET se Fiësta-galavertoning in Johannesburg bekoor. “Dit is só op my van toepassing - dis mý tiperende lewenslied. Dit was…

Ek skram nooit weg van uitdagings nie en weier om selftevrede te wees of om in ’n gemaksone te verval. Ek verken en ontgin telkens vernuwing,” sê een van die land se bedrywigste en gewildste storievertellers. Maar hy was ’n bleeksieltjokkertjie vol puisies en inhibisies wat hoegenaamd nie in die sporthoërskool ingepas het waar hy was nie. Hy wou net altyd sy talente uitleef, waarvoor hy daar nie kans gekry het nie, behalwe om te lees, te fliek en opstelle te skryf. Dié kreatiewe seuntjie het professor Leon van Nierop (65) geword, wat al 43 jaar lank in die vermaakbedryf sy stempel afdruk. Sy opleiding en ondervinding as uitsaaier, akteur, regisseur, vervaardiger, resensent, romanskrywer, radioverhaalskrywer, draaiboekskrywer vir TV en rolprente en deesdae ook TV-aanbieder, getuig van deurwinterde professionaliteit en onblusbare…

‘Glo in jouself, al dink die wêreld ook jy is mal. Dis daardie bietjie waansin wat jy nodig het om dit as entrepreneur te maak’ Divan Botha, aanbieder van kyk-NET se Winslyn en eienaar van die baie gewilde The Whippet-restaurant in Linden, Johannesburg is van kleins af ’n entrepreneur. Hy lag toe hy vertel hoe hy kleintyd ou klere by al wat leef gebedel het. “Ek en Sara, ons huishulp, was vennote. Ek het die klere in sakke verdeel, en sy moes vir my R150 per sak maak. Enigiets ekstra wat sy kon maak, was haar wins.” In graad 7 het hy die aandelemark betree. “Maar ek het amper al my geld verloor in die finansiële krisis wat op die 9/11-aanval in die VSA gevolg het – ek het baie…

Tania Whiteley skepper van feesgebak Tania Whiteley, ’n grafiese kunstenaar en kunshoof by ’n Johannesburgse advertensiemaatskappy, het ses jaar gelede op ’n kunsvorm afgekom wat haar onverwags oorrompel het. “’n Familielid het gevra of ek haar sou help om haar driejarige se verjaardagkoek te versier. Ek het die koek in ’n eenvoudige seerowergesig omskep. Dit was my eerste speelsessie met versiersel, kleursel en fondant, maar ek het soveel pret gehad dat ek dit wéér wou doen. Veral toe ek die verjaardagkind se ekstase oor die koek sien!” Tania het destyds by ’n kollege klas in modeontwerp gegee. Dit het haar naweke ook besig gehou. “Tyd vir ’n bakkursus was daar nie, maar die Internet is ’n uitstekende leermeester. Ek het bakkers op sosiale media gevolg en na honderde YouTube-video’s gekyk…

WIE IS LIEZL? Sy kom uit ’n konserwatiewe, Afrikaanse huis in Parow, en wou van kleins af die wêreld verander. Klein-klein al was sy dol op boeke oor politiek, en op hoërskool het sy alles oor politieke leiers soos Nelson Mandela en Mangosuthu Buthelezi gelees. Liezl was 16 toe haar ma weens ernstige depressie probeer selfmoord pleeg het, ’n probleem waarmee sy tot met haar dood geworstel het. Al moes Liezl op haar eie om ’n studielening aansoek doen én soms haar ma versorg, het sy ondanks die swaarkry ’n diploma in joernalistiek behaal. Sy het onder meer by die Britse TV-agentskap ITV in Brittanje gewerk voordat sy die IVP se mediabeampte geword het. Die Suid-Afrikaanse agentskap vir maatskaplike sekerheid, SASSA, sorg vir die armste en weerloosste mense in ons…

1 ROOI  rooi in al sy skakerings het die winter van 2018 oorgeneem. En hoe sterker die skakering, hoe beter. Ons praat ook nie hier van spatsels rooi nie: ontwerpers moedig jou aan om jou van jou kroontjie tot jou toontjie in rooi te tooi én sommer ook seker te maak jy kies bypassende rooi bykomstighede. Die beste manier om die nuwe rooi te dra is om laag op laag van die verskillende skakerings en teksture van die kleur saam te dra. Kies luukse materiale om die voorkoms gesofistikeerd te hou. 2 ROOI lippe Rooi lippe sal nie sommer uit die mode gaan nie, maar wat jy daarby dra of nié dra nie, en hoe jy dit aanwend, sal verseker dat jou voorkoms die rooiwarm-regmerk kry. DUIDELIK, maar minimalisties M.A.C.…

VOEL MOOIER “As ’n vrou nie gemaklik in haar eie lyf voel nie, het sy geen tuiste nie,” het die skrywer Jeanette Winterson gesê. Om vrede te maak met hoe jy lyk, is natuurlik makliker gesê as gedaan. Een manier om beter oor jouself te voel is om ’n nuwe gewoonte aan te leer. Elke slag wanneer jy jou betrap dat jy krities na jou spieëlbeeld kyk, kan jy bewustelik iets positiefs soek om vir jouself te sê: “Jy het ’n mooi glimlag,” “Daardie kleur pas jou goed,” of sommer net “Jou naels is skoon!” ’n Klein skarniertjie kan ’n groot deur laat oopswaai. As jy volhou met hierdie oefening – al voel dit aanvanklik belaglik - móét jou selfsiening verbeter. JY KAN ... Het jy al ooit ’n volslae…

Hoe kan ouers hul kinders leer om ander mense te respekteer? Wat kan jy doen as jy sien dat ander mense se kinders iemand minag? Belia Obree Die belangrikste is dat hulle selfrespek moet leer. Daardie insig sal dit makliker maak om ander ook in ag te neem. Praat, praat en nogmaals praat. Mense wat eerder weg kyk om konflik te vermy maak dit erger. Moenie in daardie strik trap nie. Marietjie van Tonder Ek het my kinders geleer deur die voorbeeld wat ek gestel het maar ek het ook verduidelik wat respek beteken. Die “doen” is meer werd as die praat. Ek glo nie dit is my plig om ander se kinders aan te spreek nie. Dis ’n sensitiewe saak wat met groot takt hanteer moet word. As jy…

Caxton Magazines en Wool-worths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word 3 Opsies beskikbaar: Skryf aanlyn in: magsathome.co.za/magazing. htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolieskaart en hou jou koopbewys-staafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van die volgende kaarte* gebruik word: Woolworths Credit…

Stap jy op die eiland Ciprus, van die see af opwaarts teen die skuinste in die antieke stad Limassol in, dan is daar ’n straat sonder naam.” Coenie de Villiers, meesterboetseerder (of is dit dalk “boetseur”?) van die Afrikaanse woordeskat, en ook my geliefde vriend en medewese, gesels met my na aanleiding van my vorige geskrif oor onopvallende “holes-in-the-wall”. Plekke wat dikwels naamloos is, maar nimmer wesenloos nie. Onaansienlike kosbakens met aansienlike aansien wat sonder ophef of opskrifte - dikwels selfs sonder naam, maar darem met ’n straatnommer - kosliefhebbers met hemelse uitnemendheid begunstig en ’n aardse geborgenheid laat beleef. Met hartstog en heimwee onthou hy die roete waarmee hy en sy Ciprioties-Suid-Afrikaanse vrou, Ria, hulle met elke verblyf in hul tuishuis op die eiland Ciprus, by hul geliefde verversingspos…

@home 0860 576 576 Aldo 011 555 2300 Ambra Fine Jewellery ambrajewellery.com Angels and Earth Terrariums angelsandearth.co.za Bathroom Bizarre 0861 555 000 Bathroom Butler 0860 104 653 Block & Chisel 021 691 0878 Bright Star Lighting 021 551 7035 Charles & Keith 021 552 4912 Cielo cielolifestyle.co.za Colette Hayman 087 808 0080, 087 150 0350 Core Event Structures 021 465 8800 Country Road 0860 022 002 EKTA 082 821 8228 Esque 086 003 7783 Fantastick 012 667 3109 Forever New forevernew.co.za Good Heart 011 608 3633 H&M 0860 690 707, hm.com/za Hendrick’s Gin hendricksgin.com Hallo Jane hallojane.co.za Hello Pretty hellopretty.co.za Hertex 0860 437 839 Kamers/Makers kamersvol.com Karen Millen 011 784 2937 Loft Living 021 422 0088 Louw Roets louwroets.co.za Mr Price…

Ons vra vrae oor “skaduwee”. As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Mei-boeke” in die onderwerpreël of gaan na rooirose.co.za. Klik op “boeke” en volg die aanwysings. Gee jou boekklub se naam, posadres en ’n selnommer. VRAE 1 Watter SA popgroep het die treffer “Shadows” gesing? 2 Watter album van Koos du Plessis bevat die liedjie “Skielik is jy vry?” 3 In die Withaak se Skadu is ’n bundel met Afrikaanse weergawes van ’n plaaslike skrywer se kortverhale. Wie was hy? 4 Onder watter titel is misdaadsielkundige Micki Pistorius se boek Catch me a Killer in Afrikaans uitgegee? 5 Onder watter titel is die Spaanse…

DIE MIDDERNAGTREIN – PIET BOTHA. PIET SE SESDE AFRIKAANSE ALBUM. AANHANGERS VAN PIET EN JACK HAMMER WAT IETS RUSTIGERS VERWAG HET, KAN DALK VERRAS WEES. LANIE VAN DER WALT, DIE REGISSEUR EN ’N OU LID VAN JACK HAMMER, HET SAAM MET JAKE GUNN EN JOHNATHAN MARTIN WEER OP DIE SNARE GEKLIM OM DIE ALBUM NÓG MEER BORSHARE TE QUERENCIA – BRYNN. IN HUL KORT BESTAAN HET BRYNN AL GEHORE SE ORE BEHOORLIK LAAT SPITS. HIERDIE GROEP HET HUL EKSPLOSIEWE DEBUUTALBUM BEKEND GESTEL DEUR IN FEBRUARIE VIR DIE INTERNASIONALE ROCKGROEP INCUBUS TE OPEN. VERWAG KRAGTIGE LIRIEKE, VARS, TOG KOMPLEKSE MUSIKALITEIT EN ’N ALBUM WAT SOOMLOOS VAN EEN LIEDJIE NA DIE VOLGENDE VLOEI. GEE. K*K LEKKE VIBE – VAN PLETZEN. PEACH VAN PLETZEN EN MATTHIEU AURIACOMBE SE PRETTIGE DEBUUTALBUM BEVAT AANSTEEKLIKE RITMES…

it is te verstane dat ’n paar Hollywood-akteurs taamlik senuweeagtig was toe Molly Bloom se lewensverhaal onlangs op die silwerdoek was, want Molly het met die spreekwoordelike lotto-kaartjie in haar hand gesit. As sy sou kies om te vertel wat werklik gebeur het op die private pokertoernooie wat sy in Hollywood en New York se glanshotelle aangebied het, sou ’n hele paar Amerikaanse bekendes vir seker nou met meer as net rooi gesigte gesit het. En kon Molly skatryk gewees het. Tog het sy nooit name genoem nie. Die skokkende detail van tot drie dae lange partytjies met baie dwelms en drank is in die fliek in baie meer detail as in haar biografie onthul. Maar sy het gekies om eerder die drade van haar lewe te probeer optel en…

SUPER M-WARMSJOKOLADE MET BRANDRISSIE EN DONKERSJOKOLADE GENOEG VIR 2 600 ml Super M- sjokoladegeur melk ¼ klein brandrissie, fyngekap 40 g donker sjokolade, gekap 60 ml (4 e) geklopte room ekstra fyngekapte brandrissie vir opdiening fyn stukkies donkersjokolade vir opdiening 1 Verhit die Super M- sjokoladegeur melk en brandrissie in ’n middelslagkastrol oor matige hitte tot die melk begin stoom (dit moenie kook nie) en trek van die hitte af. Voeg die donkersjokolade by en roer tot dit gesmelt is. 2 Skink 300 ml warmsjokolade in elke koppie en skep 2 e (30 ml) room bo-op. Strooi die fyn sjokolade en ekstra brandrissie bo-op. Super M-gegeurde melk is ’n heerlike bederf wat in vier pret geure beskikbaar is: piesang, sjokolade, aarbei en sodacrème. Met sy heerlike smaak, is dit die…