Innholdsfortegnelse for Maart 2018 i Rooi Rose

ONS LEEF in ’n tyd van post-waarheid, lees ek, en my hart krimp ineen, want dis ’n verskriklike feit. Wat kan ’n mens nog werklik glo in vandag se tye? Elkeen van ons kom daagliks aanlyn af op inligting wat ons weer aanstuur en met almal deel. Hoe groot is ons aandeel dan in die verspreiding van sogenaamde “vals nuus”? Al loop die leuen ook so snel, die waarheid agterhaal hom wel! Dis iets wat ek onthou van laerskooltyd af, toe ons spreekwoorde geleer is, en eintlik nog altyd geglo het! Maar dit was voor die tyd van sosiale media, voor die tyd van stories met stertjies, soos wat ek mettertyd in my grootwordjare ontdek het. Vreemd hoe ’n mens soms eerder die aangedikte weergawe van iets wil glo as…

WEN ’n VARS somerklerekas Bêre jou klere op die regte manier met Personal Touch. Die materiaalversagmiddel sal help om jou somerklerekas langer vars te hou. Ons gee vyf Personal Touch-geskenkpakke ter waarde van R1 100 weg. Wen grimering van R1 000 Skep ’n mooi voorkoms met CATRICEgrimering. Die verskeidenheid kleure en teksture stel jou in staat om nuwe tegnieke te probeer. Ons bederf tien lesers met CATRICE-geskenkpakke van R1 000 elk. Kantoor by die HUIS Ontwerperstuiskantore is nie noodwendig prakties nie. Ons deel dekorwenke vir die perfekte tuiskantoor! Agter die SKERMS Kyk wat het alles agter die skerms gebeur tydens die sprankelende Leah se voorbladfotosessie by die Mulberry & Prince-restaurant in Kaapstad. Onderhoud met Julia Roberts Kyk na Margaret Gardiner se video-onderhoud met Julia Roberts oor die fliek ‘Wonder’. Lees…

Hoe het jy jou grootwordjare ervaar? Ek dink ek het baie anders as vandag se kinders grootgeword. Ons het nie diep gesprekke met ons ouers oor gevoelens en emosies gehad nie. Daar was geen sosiale media nie. Ek dink ek sou eerder met my suster gepraat het wanneer ek ’n probleem by die skool gehad het. Etenstyd was nie soos vandag die geleentheid vir gesprekke nie. My ma het voltyds gewerk en ons was ’n groot gesin - daar was nie regtig tyd daarvoor nie. Vandag het ek die kans om die tyd om die tafel te gebruik as ’n geleentheid om vas te stel of daar enige kwessies is waaroor daar gepraat moet word. Ek dink dis belangrik dat jou kinders weet dat hulle enige tyd na jou toe…

Die pragtige kunswerke val ’n mens eerste op wanneer jy by die Johannesburgse hoofkantoor van die batebestuursmaatskappy Sygnia instap. Links van die groot glasdeure is ’n vloertot-dak installasie van veelkleurige, handgemaakte glasvoorwerpe. Teen die mure hang treffende skilderye afgewissel met ander kunswerke, baie daarvan van handgemaakte glas. Wie ook al die kuns gekies het, het nie net ’n stewige bankbalans nie, maar beslis ook ’n fyn aanvoeling vir mooi goed. Die uitleg en interieur van die kantoor, wat op die sakedistrik in Sandton uitkyk, is modern en vol lig. Ek is verras om te hoor dat Magda Wierzycka, Sygnia se bedryfshoof en uitgesproke voorvegter teen korrupsie, die kuns gekies (en haar kantore ontwerp) het. “Kuns en binnenshuise ontwerp is, naas my werk, my groot passies. Ek is net baie gelukkig…

Die baanbrekerfliek Meerkat Maantuig begin binnekort in teaters landswyd wys. Hierdie skouspelagtige stuk kry sy inspirasie by die jeugnovelle Blinde Sambok, geskryf deur die bekende Suid-Afrikaanse skrywer en digter Riana Scheepers. Hanneke Schutte, die skrywer en regisseur van die fliek, het die storielyn van die boek in ’n kinematiese verhaal omskep. Dit vertel die storie van Gideonette de la Rey, ’n vreesbevange 13-jarige meisie wat glo aan die familievloek wat op hulle rus. Namate sy ouer word, word Gideonette al hoe angstiger en desperater om aan die vloek te ontsnap. Tevergeefs. Ná ’n kuier by Oupa en Ouma op die plaas, kry sy nuwe insig in haar en haar familie, en sy besef dat sy haar vrese in die oë moet kyk voordat sy hulle kan oorkom. Gideonette se verhaal…

“Hierdie tipe omgekeerde bob maak ’n stelling en skep die idee van selfvertroue, tog is dit maklik om te hanteer en ook geskik vir aktiewe vroue. Dié styl was baie gewild in die jare tagtig, dit maak ’n modestelling, maar is nie te ‘styf ’ nie,” sê Michelle Jacobsz, Indola se opleidingsbestuurder. Indola Smooth Serum of Keratin Balm en Strong Hair Spray word vir die voorkoms aanbeveel. DIE GESKIEDENIS VAN DIE BOB Korter hare vir vroue was tot in die vroeë 1900’s ongewoon. ’n Handjie vol vroue, onder andere die Franse aktrise Polaire, die Engelse sosiale vlinder Linda Cooper en Coco Chanel was onder dié wat in Europa die hare laat waai het. Die danseres Irene Castle het haar bekende bob (die Castle-bob het reguit lyne met ’n reguit kuif,)…

Sneakers soos die tekkies algemeen bekend is, is aanvanklik vir sport of ander vorme van oefening ontwerp, maar vandag is dit algemeen om hierdie sportstylskoene as dagdrag te dra. Danksy die gewildheid van die eindelose platskoen-style wat die afgelope paar jaar hoogmode is, verkies al hoe meer van ons platformsole bo hoë hakke. Dit het boonop die gevolg dat die wit seilskoen nou een van die gewildste tydlose items is wat enige vrou kan besit. rooi rose.co.za HOU HULLE SKOON! KYK OP ONS WEBWERF HOE OM JOU WIT TEKKIES TE WAS.…

Twee-in-een-styl Die gesogte ontwerper Leigh Schubert beskryf haar items met jukstaposisionele voorbeelde, soos klassiek maar steeds vars; eenvoudig tog steeds interessant. Elegansie kenmerk al haar ontwerpe. A-SNIT-T-HEMP (R695; S-XXL) LEIGH SCHUBERT. Speel met GRENSE Die kinkel in Poetry se klassieke style werk uitstekend. Stroke leer is aanmekaar geweef voor die skoen gemaak is. LUNA-AANGLIPSKOEN (R999; 36-41) POETRY. LUUKSE kopie Habits is sinoniem met klassieke, stylvolle en vleiende ontwerpe. Die klere val sag om jou kurwes en jou bates word slim beklemtoon. TOEKNOOPBAADJIE MET UITKLOKMOUE (R5 999; 10-14) HABITS. Stylvol & ETIES Grandt Mason is Suid-Afrika se eerste eko-vriendelike skoenontwerper wat fokus op volhoubaarheid, etiese werkomgewings en gehalte. YACHT-SKOEN MET OOP TOON (R1 000; 3-9) GRANDT MASON. Minimalisties Met genoeg ervaring in die modebedryf het ontwerper Cara-Lee ’n juweelreeks geskep wat…

As jy ’n ouma of ’n oupa is, ervaar jy die oppe en affe van grootouer wees aan eie lyf. Miskien het jy innige verbintenisse met jou kleinkinders én hul ouers, of dalk is dit moeilik om familieverhoudings te laat vlot. Die dae toe geslag ná geslag dieselfde landelike bestaan gedeel het, lê ver in die verlede. Vanweë reusespronge in onder meer die wetenskap en tegnologie word elke geslag met nuwe uitvindings groot. Anders as vandag se kinders moes hul oupas en oumas sonder die Internet, ononderbroke selfoonverbinding en die sosiale media klaarkom. Hulle het met ’n ander woordeskat, aanspreekvorme, gesagstrukture, taboes en selfs morele kwessies grootgeword. Een ding wat gelukkig nie verander het nie, is die spesiale band wat tussen grootouers en kleinkinders kan bestaan. As dié verbintenis onder…

Begryp jy hoe die mans in jou lewe se koppe werk, of is daar dae wanneer jou pa, seun, geliefde of kollega jou teen die mure uit dryf ? Skep sommer dadelik moed! Heroes, a psychological insight into men’s perceptions on relationships is ’n interaktiewe aanlynboek met betekenisvolle insigte in die spesie sonder wie ons vroue nie kan (of wil) klaarkom nie. Die brein agter Heroes, dr. Micki Pistorius, is ’n onverskrokke ontdekkingsreisiger. Sy is nie bang om die landskap van die mens-like psige te verken nie; sy het as Suid-Afrika se eerste sielkundige reeksmoordenaar-profielopsteller naam gemaak. Die afgelope twaalf jaar het sy ’n private terapie- en konsultasiepraktyk in Pretoria, maar met ’n agtergrond in die argeologie volg sy ook die spore van Odusseus, Agamemnon en ander antieke helde in…

ERTJIE-EN-PANEER-KERRIE MET KRAKERIGE KRULKOOL GENOEG VIR 4 2 e kookolie 1 SPAR Freshline-ui, in blokkies gesny 1 SPAR Freshline-knoffelhuisie, fyngekap 15 ml (1 e) vars gerasperde gemmer 10 ml (2 t) gemaalde koljander 5 ml (1 t) borrie 5 ml (1 t) garam masala 2,5 ml (½ t) gedroogde rooirissievlokkies 800 g-blik fyngedrukte tamaties 125 ml (½ k) groenteaftreksel sout en gemaalde swartpeper na smaak 300 g paneerkaas, in 2 cm-blokkies gesny 1 koppie SPAR Freshline-uitgedopte ertjies 2 koppies SPAR Freshline-krulkool, slegs die blaargedeeltes OPDIENING SPAR Freshline-koljander SPAR Freshline-lemmetjies basmatirys, volgens die aanwysings op die pakkie gekook warm naanbrood 1 Braai die ui in 1 e kookolie tot sag. Voeg die knoffel en gemmer by en braai vir 2 min. 2 Voeg al die speserye by en braai vir nog…

Geskei”, is die werkwoord wat onwillekeurig by ’n mens opkom wanneer “bed” en “tafel” in dieselfde asem genoem word. Dié aanname is seker toe te dig aan die spreekwoord “Van bed en tafel geskei” wat ’n vervreemding in ’n liefdesverhouding beskryf. Maar – anders as met geliefdes wat ontlief - is dié twee vlakke waarop en waaróm ons ons elke dag ons bestaan voer, onafskeidbaar. Tussen ’n bed en ’n tafel is ’n onlosmaaklike verwantskap. Ná ’n nagrus in ’n bed, lui ’n tafel waarop ontbyt genuttig word die nuwe dag in (al is “ontbyttafel” net ’n metafoor vir koffieen-beskuit of ’n vrug). Daarna word in die loop van ’n werkdag voorstelle “ter tafel gelê”, onmin word in der minne geskik om ’n “ronde tafel”, of ’n projek word afgehandel…

Ons vra vrae oor “sonde”. As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Maart-boeke” in die onderwerpreël of na rooirose.co.za . Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit … VRAE 1 Skrywer van die liedjie “Sondeval”? 2 Wat is die sewe doodsondes? 3 Wat beteken “sonde” en uit watter taal kom dit? 4 Wie het die liedjie “Original Sin” (2001) gesing? 5 Die skrywer van Inferno? JANUARIE-ANTWOORDE 1 Skrywer/sanger van die liedjie “Pampoen”? Steve Hofmeyr. 2 Wie het die fliek Fried Green Tomatoes se regie gedoen? John Avnet. 3 Watter rockgroep het ’n reusetreffer met…

@home 0860 576 576 Ambra Fine Jewellery ambrafinejewellery.com Biggie Best biggiebest.com Billabong 031 566 5373, 021 851 3905 BioNike Dis-Chem Block & Chisel 021 691 0878 Bobbi Brown bobbibrown.co.za By CARA bycara.co.za California Tan Clicks Caribbean Tan Clicks, Dis-Chem Caslazur caslazur.com Catrice Dis-Chem, Takealot.com Chair Crazy chaircrazy.co.za Chanel chanel.com Clarins 011 809 6300 Clicks clicks.co.za Coach Woolworths, Foschini, Clicks Colette Hayman 011 880 2134 Coricraft coricraft.co.za Dior Edgars Dodo’s dodo.co.za Dolce & Gabbana 011 809 4000 Dune Londen 021 529 1972, 011 214 7783 Eden and Co edenleatherco.com Elemis 011 325 1000 Elizabeth Arden elizabetharden.com Escada Truworths, Dis-Chem ghd ghdhair.com/za Grandt Mason originals 072 258 0002, g@g-mo.cp.za Guerlain 021 442 7700 H&M 021 826 7300 Habits habits.co.za…

’N OULAP SE ROOI My tante Tiekie het ná ’n liefdesteleurstelling nooit getrou nie. Sy het skoolgehou, gelees, baie gereis en seevakansies by familie deurgebring. Ek onthou die figuurtjie in haar DKW-motortjie, verdwerg deur van hoenders tot glasflesse vol ingelegde groenvye. En dan haar stapels dik boeke. Ek het gewens ek was al so slim soos sy. En ek het besef my Hendrik Hoffman- en Saartjie-boeke is maar net die begin. Weens die veltoestand vitiligo het sy nooit in die son gekom nie en van vroeg tot laat gelê en lees. Voor ete sou sy haar verskyning maak vir ’n glas rooiwyn, sommer in een van haar Japanse kimono’s. Laatmiddag was staptyd. Ons kinders het graag vir haar ontbyt kamer toe geneem en is altyd met lekkers beloon: blinkgoue sjokoladegeld.…

Witchery se herfsreeks is pasgemaak vir die jongste ten-dens: ’n seisoenlose styl, oftewel mode-items wat jy heel jaar kan dra en wat reg is vir enige besige vrou se 24/7-leefstyl Skep jou eie horlosieversameling wat jou in staat stel om elke dag ’n horlosie te kies wat by jou uitrusting pas, soos hierdie nuwe Swarovski Cosmic Rock-horlosie. Prys op aanvraag. Franse styl Die ontwerpersnaam in naelpolitoer, Kure Bazaar Paris (R350), is nou ook plaaslik by Maison Mara beskikbaar. KERSIEVORMIGE KONTAKLENSHOUERS (R199,95) PYLONES. DIE SERP IS PERFEK VIR DAARDIE TUSSENINDAE (R225) OLD KHAKI. JY KAN NET JOU BESTE BEENTJIE VOORSIT AS JY DIE BESTE SKOEN GEKIES HET. DIÉ TED BAKERSKOENE (R2 600) BEHOORT DIE PAAL TE HAAL, OF HOE? Bronskleurige bord in ’n mooie blomvorm (R139,99) Mr Price Home. Jota-Kena is…

KRY JOU TYDSKRIF DEUR DIE POS • Skryf in op www.rooirose.co.za • Stuur ’n e-pos na subs@magsathome.co.za • SMS ‘Caxton RR’ na 40573. SMS’e kos R1 • Bel 087 405 2002, hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: Magsathome Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy kry elke uitgawe van rooi rose. 3 Laat…

‘Dit was soos ’n sluier wat gelig word toe ek eers besef wat alles in die maak van ’n fliek ingaan. Dit het my gefassineer’ Rolprentvervaardiger Danie Bester (43) was betrokke by van die gewildste en beste flieks wat ons die afgelope paar jaar in Afrikaans gesien het. Vanjaar is geen uitsondering nie, en rolprentgangers kan uitsien na drie nuwe flieks waarby Danie en sy maatskappy, Film Factory, betrokke is. Die pragtige en magiese Meerkat Maantuig is tans in rolprentteaters te sien, en in Junie kan fliekgangers kyk na die eskapades van Thys en Trix, ’n aksiekomedie waarin Leandie du Randt Bosch en haar man, Bouwer Bosch, die rolle van onbeholpe polisie-offisiere vertolk. Danie is ook betrokke by die vervaardiging van Donnalee Roberts en Ivan Botha se Stroomop wat in…

‘As jy hartseer voel, sit nog lipstiffie aan’ – COCO CHANEL Rooi lippe Rooi lippe het ’n kleurryke en dramatiese geskiedenis. Cleopatra het onder meer insekte fyngemaal vir haar rooi lippe, en koningin Elizabeth I het haar min gesteur aan die kerk se besware oor die “uitspattigheid” en het rooi lippe gewild gemaak. Sommige antieke lipstiffieformules was giftig en as jy gedood het oor rooi lippe, was jy in die moeilikheid. Verleidelike rooi lippe is lank met prostitusie vereenselwig, en was ook ’n teken van rebelsheid. In 1912 het Amerikaanse vroue in New York om stemreg betoog en dié “nuwe”, moderne vroue het rooi lipstiffie gedra, en sommiges het selfs met hul bloomers en rooi lippe op fietse aan die optog deelgeneem. Rooi lipstiffie is later ook as ’n…

’n Goeie leerbaadjie bly ’n goeie belegging en as jy die leer goed versorg, kan dit jou ’n leeftyd hou. Dink jy ’n biker-geïnspireerde baadjie is te nuwerwets? Hierdie styl word vandag as een van die veelsydigste klassieke items beskou en werk by alle uitrustings – van ’n nege-totvyf-styl tot ’n naweek-straatstyl en is selfs geskik vir ’n skemerkelkie. Maar moenie oorboord gaan met detail nie, ’n paar ritse en ’n asimmetriese silhoeët is genoeg.…

1. WAT IS JOU KIND SE BESTE EIENSKAP? a. Haar goedgesinde sorgsaamheidb. Haar eksentrieke wêrelduitkykc. Dat sy empatie kan toon met mense op alle gebiede van die lewe2. WAT IS JOU KIND SE GUNSTELINGKOS? a. Hoenderhappies met ’n goeie porsie groenteb. Spaghetti met ‘n interessante sousc. Dit verander elke dag3. WAT WIL JOU KIND EENDAG WORD? a. ’n Filantroopb. ’n Skerpsketserc. Gister ’n dokter, vandag ’n reisiger – jou raaiskoot is so goed soos myne4. WAT IS JOU KIND SE GUNSTELINGNAWEEKAKTIWITEIT? a. Sy hou daarvan om onder ’n boom te sit en leesb. Stap, swem – enigiets vir adrenalienc. Sy is gaande daaroor om elke naweek iets anders te doen5. JOU KIND SE GUNSTELINGONTBYT? a. Jogurt met vrugteb. Benedict-eiers en ’n porsie jogurtc. Al die verskillende geure jogurt6. WIE SIEN…

Sulette Lamprecht Ek dink dis ’n slim plan om jou kleinkinders oor te nooi vir ’n glasie koeldrank en ’n les in tegnologie! So kan die kind en grootouers kosbare tyd saam deurbring en die grootouers kan op ’n nuwe manier deel van hul kleinkinders se lewe wees. Birgit Wilhelm Speel eerder buite met jou kleinkinders. Tegnologie is ’n euwel. As jou gesondheid dit toelaat, neem jou kleinkinders na ’n parkie toe en gaan eet ’n roomys saam met hulle. Leonie Mynhardt Lees na en probeer op die hoogte bly van tegnologie en leer om dit te gebruik. ’n Mens is nooit te oud om te leer nie, en om nuwe dinge te leer hou die brein jonk. Maar dis nodig om ook op ander gebiede van mekaar te leer…

 BO: • RAK (R465) BIGGIE BEST. • PLANT (R199,99), STROOIKUSSING (R199,99) EN MAT (R359,99) MR PRICE HOME. • STROOIKUSSING MET STREPE (R180) WOOLWORTHS. • MOCHA-BANK (R3 495) CORICRAFT. • SAK, HOED EN BOEKE, STILIS S’N. • FLOWER FIELDS-MUURPAPIER (PRYS OP AANVRAAG) ROBIN SPRONG & SKINNY LAMINX. Hierdie plakpapier is perfek vir ’n voorportaal met wit aksente LANGSAAN: DIE OORGROOTSTOEL EN GEEL MUUR SKEP ’N WARM EN EFFE FORMELE HOEKIE. • LOVESEAT (R8 995) BLOCK & CHISEL. • ELITE GEELKOPERTAFEL (R999) EN BAMBOESLAMPSKERM (PRYS OP AANVRAAG) @HOME. • GEEL ROSE (R129,99) EN STROOIKUSSING (R375) WOOLWORTHS. • BLOMPOT (STILIS S’N). • MUURVERF 40AA 58|565 (PRYS OP AANVRAAG) DULUX. Steenkoolgrys en geel is ’n goeie kombinasie. Die donker kleur plaas die klem op die geel bybehore en muur • GRYS DUVETSTEL (R1 199),…

EIERBROODJIE MET INDIESE GEURE Wie het gedink ’n Franse eierbroodjie kan so opgedollie word met geurige Indiese speserye? GENOEG VIR 4 EIERVLA • 6 eiers, liggies geklits • 1 k (250 ml) melk • 1 e (15 ml) fyngekapte knoffel • 1 e (15 ml) fyngekapte brandrissie • 1 e (15 ml) fyngerasperde gemmer • 1 t (15 ml) komyn • 1 e (15 ml) garam masala • 1 e (15 ml) matige kerriepoeier • 1 e (15 ml) blatjang • 1 t (5 ml) sout • swartpeper, na smaak • 8 snye brood, redelik dik gesny • 2 e (30 ml) botter VULSEL • 1 e (15 ml) botter • 3 uie, geskil en oorlangs in dik skywe gesny • 2 k (250 ml) babaspinasieblare • 1½ k (180…

Suid-Afrikaners is nie bekend vir hul spaarvernuf nie. Dis meer ’n geval van oë toeknyp, die kredietkaart uitpluk en hoop op die beste. Uit navorsing wat Old Mutual gedoen het, het dit geblyk dat meer as die helfte van ons hoeka sukkel om ons salaris tot die einde van die maand te rek. Dis nie altyd moontlik om meer geld te verdien nie, maar deur slim te werk, kan jy die rande rek en selfs ’n lieflike neseier opbou. HOU OP ROOK EN SPAAR TOT R50 000* As jy slim is, kan jy sommer baie spaar deur daardie sigaret morsdood te druk. Rokers neem soms net die koste van die pakkie sigarette in ag, maar daar is meer ... Johan du Plooy (47) van Randburg het in een jaar byna…

BOEK VAN DIE MAAND STUARTS’ FIELD GUIDE TO NATIONAL PARKS & NATURE RESERVES OF SOUTH AFRICA Chris & Mathilde Stuart (Struik) Vir elke Suid-Afrikaner (en buitelander) wat daarvan hou om in ons land rond te reis is hierdie ’n onontbeerlike handleiding tot ons beste beskermde gebiede. Dit is deur twee deurleefde veldwetenskaplikes – dié soort met harte – geskryf, en ek belowe, die boek gaan jou beste reismaat word. Chris en Mathilde Stuart, onderskeidelik ’n geo-ekoloog en ’n mediese dokter, word hoog aangeslaan as van die kundigste skrywers oor Afrika se soogdiere, wild en bewaring. Hulle het ook die topverkoper Field Guide to the Mammals of Southern Africa geskryf. In elkeen van die 43 reservate wat hulle beskryf, sluit hulle in; • Inligting orr die geskiedenis, landskap, geologie, vegetasie en…

Beelde-tuin In die Dylan Lewis-beeldetuin in Stellenbosch vat natuur en kuns hande. Jy sal nog ’n praguitsig van ’n berg af aanskou wanneer jou oë onverwags op een van Dylan se skeppings val. Vol lewe. Primitief. Rou en eerlik, asof dit uit die aarde kom. Maak ’n draai by hierdie unieke, permanente installasie. Mooi goeters Vanjaar is KAMERS se tema “Die jaar van die oop hand”. Die konsepgroep glo dat hulle werklik ’n verskil maak – en die bewyse bestaan. Die meeste van die items is handgemaak en elke skou het ’n unieke aanslag. Die eerste van die vroeë aanbiedings is van 28 Februarie - 4 Maart by St Joseph’s Marist Rondebosch. Die Johannesburgse skou is van 25 - 29 April by St David’s Marist Inanda, Sandton. Boks jouself fiks…

‘... DAAR BY TSUMEB HET DIT HARD EN DUIDELIK TOT MY GESPREEK: NOU MOET MY OË OOPGAAN, EK MOET MY EIE LAND SE MENSE IN VOLKOME EERLIKHEID LEER KEN’ Min skrywers publiseer nog op die ouderdom van 95, maar dis presies wat Elsa Joubert onlangs gedoen het met Spertyd, die derde deel van haar outobiografiese drieluik. Dis voorafgegaan deur ’n Wonderlike Geweld (2005) en Reisiger (2009), en nes in haar romans, skryf sy net so onthutsend eerlik en reguit soos altyd. Hierdie keer is die onderwerp oudword en die dood, dinge waaraan die mensdom nie graag herinner wil word nie, en nog minder iets waaroor ons sommer praat. Nie dat die reguitpraat óf haar dapperheid haar aanhangers verras nie. Want Elsabé Antoinette Murray Joubert het van jongs af altyd die…

IN DIE KOL Daar is ’n paar goed wat my aan my ouma en oupa se huis laat dink: klassieke musiek, ’n mooi tuin, kaaskoek en ’n stapel rooi rose-tydskrifte. As koshuiskind op Kovsies het ek dikwels naweke by my ouma-hulle gaan kuier - so kon ek ook seker maak dat ek onthou hoe gekookte kos smaak. My studentebegroting het nie tydskrifaankope toegelaat nie en ek het altyd daarna uitgesien om in my studiebreuke met my neus in ’n rooi rose te sit. So kon ek ’n oorsig kry oor die jongste modes, saam met Margaret en Hollywood-sterre koffie drink en Suid-Afrikaners se inspirerende stories lees. Net voor my tweedejaar-eindeksamen in Oktober 2015, was ek weer by hulle. In daardie stadium van my arbeidsterapiekursus het ons na ’n navorsingsonderwerp gesoek.…

Sulette Lamprecht (20), onderwysstudent, Secunda My petrolverbruik of kos, dit sal die aarde sowel as my figuur net goed doen! Ek sal aan verskillende maniere dink om kos wat in my yskas is te gebruik eerder as om nuwes te gaan koop. Birgit Wilhelm (60), tuisteskepper, Odendaalsrus Uiteet. Dis ’n groot uitgawe en eintlik maar ’n luuksheid. ’n Mens kan altyd jou klerekas vernuwe deur items ’n bietjie te meng, of dalk slegs ’n goedkoop bykomstigheid te koop om ’n ou kledingstuk op te kikker. Leonie Mynhardt (46), IT-spesialis, Centurion Ek sal van DStv afsien. Ek probeer om soveel moontlik te gebruik wat ek reeds het en nie onnodige goed te koop nie. Ek vervang slegs wat uitgedien is. Ek het agtergekom dat ek met baie minder besittings kan klaarkom…

Boer soek ’n vrou is tans die grootste program op kykNET. En die nuwe aanbieder is weer eens rietskraal, blond en met oë wat glimlag en tande wat sk:itter. Heelpad voorblad toe. Op 31 het die sangeres Leah ook ’n hoofrol in ’n rolprent, ’n graad in haar sak en ’n deugdelike man aan haar sy. Oor haar eerste geleentheid om as aanbieder op te tree, reageer sy uit Zanzibar - waar sy en haar man vakansie hou - met ’n oorstelpte “goeie genade, ek is omtrent opgewonde, en het lekker getjank toe ek die goeie nuus hoor! Dit sal vir my wonderlik wees om op ’n eerlike manier met die mense en hul emosies om te gaan. Kameras kan soms baie intimiderend wees. Maar ek dink hulle sal op…

Die 28-jarige Werner Wessels het reeds die sukses van vyf Mej. SA’s, ’n Mej. Wêreld en teen die einde van verlede jaar, ’n Mej. Heelal, verseker. Blinkoog meisietjies loop reeds van kleins af met tiaras rond, swaai septers en speel koningin-koningin. Maar in die grootmenswêreld is hierdie titel groot besigheid. “Dit is ’n proses wat hom oor ’n paar jaar uitspeel. Elke meisie verskil en daar is nie ’n formule wat jy telkens kan toepas nie. Elke skoonheid is uniek en dit is my werk om elkeen se persoonlike talent na vore te bring,” sê Werner. “Ons praat baie oor wie hulle is, waar hulle vandaan kom en wat hul doelwitte is. So begin ek om elke meisie voor te berei sodat sy met die kompetisie op haar gemak kan…

Om in harmonie met onsself, ander en ons omgewing te leef, is ’n kuns waaraan ons lewenslank slyp. Hoe hou jy hierdie verhoudings heilsaam? Die towerwoord is “bewustheid”. Jacques en Danél de Villiers, Jacques: liedjieskrywer en musikant. Danél: borsvoedingskonsultant Jacques, ook bekend as die sanger Joshua na die Reën, sy vrou, Danél, en hul driejarige dogtertjie, Anán, woon op ’n familieplaas suid van Johannesburg. Die afwagting is groot, want eersdaags is daar nóg ’n klein De Villiersie in die huis! Die gesin brei nou wel uit maar een aspek van hul leefstyl word al hoe kleiner: rommel. Jacques en Danél raak passievol wanneer hulle oor hul zero waste-leefstyl praat. “In 2012 het ons in Europa ervaar hoe sterk vriende op herwinning ingestel is, en terug in Suid-Afrika het ons dit…

Die oggend toe ons Alek sou ontmoet, het die kangaroe-mamma wat hom die eerste drie maande van sy lewe gekoester het, vir my ’n foto van sy voetjies ge-WhatsApp. Sy het dieselfde foto op facebook geplaas met die opskrif: hierdie paar voetjies is vandag op pad na sy VirAltydFamilie.” So onthou die aktrise en regisseur Esther von Waltsleben die dag, nou byna vier jaar gelede, waarop sy en haar akteur- en onderwyserman, Jan-Hendrik Opperman, hul eersteling gaan haal het. “Op pad na waar die maatskaplike werker en ons seuntjie op ons gewag het, het ons vir oulaas as nie-ouers by ’n BP-winkel gestop en wegneemkoffie gekoop. Ons was heeltemal bewus daarvan dat ons lewe op die punt was om vir altyd te verander.” Esther en Jan-Hendrik, wat in 2005 getroud…

Matroosklere het Coco Chanel op ’n besoek aan die Franse kus geïnspireer, en in 1917 het sy haar vlootreeks aan die modewêreld bekend gestel. Die “werkersklasklere” het weggebreek van die swaar korsetmodes van destyds. Chanel het die gestreepte toppies ontwerp om by wyepyplangbroeke te dra. Vandag word dié toppies steeds as ’n stapelitem beskou, en dit pas uitstekend by denims, broeke en rompe van enige kleur of patroon.…

“Sienna Miller, Kate Moss en Mary-Kate Olsen het die ‘boho-sjiek-styl’ in 2005 weer gewild gemaak. In die laat jare sestig was die styl baie gewild, maar dit gaan eintlik al baie verder terug, na die pre-Raphael-vroue van die middel tot laat 19de eeu,” sê Michelle Jacobsz, Indola se opleidingsbestuurder. As jy natuurlike golwe het, sal hierdie styl die beste vir jou werk. Dit werk ook goed saam met die meer “natuurlike” kleurtegniek van balyage en babylights.…

Die sangeres Rihanna se jongste fyngeur, Riri Crush EDP, is ’n kombinasie van sensuele houtnote met rooi vrugte en pienk muskusgeure. Die Oosterse blommegeur het ’n onmiskenbare prettige, vroulike kinkel. Jy ruik ook sitrus, pienk rose, ilangilang, rooi bessies, muskus, sederhout en patsjoelie. Rihanna het die bottel ontwerp. ONTSPAN Die geurige vermenging van olies en geure in ELEMIS SE BATH & SHOWER ELIXIR IN CLARITY (R1 225) het ná die gebruik daarvan 83% van die deelnemers aan ’n onafhanklike studie kalm en ontspanne laat voel. Die lyfwasmiddel bevat 13 soorte essensiële olies en ruik hemels. Gooi drie doppies vol in die bad of vryf dit in die stort aan jou lyf en begin ontspan. STREEL sensitiewe vel Gebruik Lancôme se nuwe ADVANCED GÉNIFIQUE SENSITIVE (R999) vir ’n maand en die…

REKENAARSPELETJIES HOU MA EN OUMA SLIM Laai gerus 3D-rekenaarspeletjies waarvoor jy jou logika moet inspan op jou selfoon of rekenaar af en maak dit jou doelwit om elke dag ’n halfuur te speel … net soos die kinders. Navorsers aan die Universiteit van Montreal het mense bo 57 in twee groepe verdeel: een helfte moes leer klavier speel, en die ander moes rekenaarspeletjies baasraak - ’n halfuur per dag vir ses maande. Wie was die slimste? Sowaar dié wat rekenaarspeletjies gespeel het. Vergelykings van almal se kognitiewe vermoëns en breinskanderings voor en daarna het gewys dat dié wat rekenaarspeletjies gespeel het, meer grysstof in die hippocampus ontwikkel het. Hierdie deel van jou brein beheer geheue en jou ruimtelike bewustheid.Jy sal beter onthou en prakties beter beweeg. Die deelnemers het Super…

Leonie Mynhardt Ja, ek het 'n oorsensitiewe adolessente kind wat in my huis bly en weens mediese redes ook nie kan werk nie. Dit skep baie wrywing maar die beste is om die saak versigtig te hanteer en die redes vir die per-soon te optrede te pro-beer verstaan. Maar moenie toelaat dat die persoon jou emosioneel manipuleer nie - wees ferm maar liefdevol. Sulette Lamprecht Ek gee die persoon gewoonlik 'n tydjie om te dink oor hoe hy/sy voel en praat dan rustig met hom/haar sodat ons oor die saak kan dink en 'n oplossing kan kry. Birgit Wilhelm Die meeste van ons het sekere sake waaroor ons 'n bietjie meer sensitief is as ander. 'n Mens moet ander se gevoelens respekteer en jou nie uitlaat oor 'n saak as…

‘Wanneer ons ’n hond of enige troeteldier aanneem, weet ons dit gaan eindig met ons wat moet tot siens sê, maar ons doen dit steeds. En om ’n goeie rede: hulle bring soveel vreugde en optimisme en geluk. Hulle vul elke oomblik van elke dag met daardie ingesteldheid’– Bruce Cameron, skrywer van onder meer “A Dog’s Purpose” PASOP VIR ROU VLEIS Stadig maar met die rou vleis en bene vir jou troeteldier. Navorsers aan die Universiteit van Utrecht waarsku dat rouvleisdiëte, wat nou in sekere kringe hoogmode is, jou troeteldier en selfs vir jou met gevaarlike bakterieë en parasiete kan besmet. Hul studie, wat onlangs in die gesaghebbende Britse joernaal Veterinary Record verskyn het, het 35 kommersiële bevrore, rou troeteldierkossoorte getoets wat vryelik in Nederland beskikbaar…

Maria Prinsloo In die stadium is dit onmoontlik om te spaar. Ek sit elke maand pligsgetrou ’n paar rand weg maar teen die middel van die maand word dit skaamteloos verwyder. Dis so belangrik om vir die onvoorsiene te spaar. Ek het wel ’n spaarplan geopen en sit elke maand ’n klein bedraggie weg wat ek nie kan trek nie. Oor ’n paar maande sal ek weet of ek dit kon regkry om te spaar. Hopelik is die antwoord ’n suksesstorie. Rinie Flaum Ek spaar elke maand. Ek werk volgens ’n begroting en sit my spaargeld op betaaldag in my spaarrekening en los dit daar. Ek spaar vir die onvoorsiene, maar wie weet, dalk kan ek my eendag met ’n vakansie in Griekeland bederf – ’n mens kan spaar en…

Grieta vee die kreukels in haar donkerblou somerrokkie plat en skud sommer die laaste inkriminerende Simba-krummels ook af toe sy uit die kar klim. Om haar pryk groen grasperke, gedeeltelik versteek agter mure en heinings wat met weelderige patrone versier is. Sy vat die pienk geskenkpakkie met silwer linte op die agterste sitplek en sluit die motor. Dit is vreemd hoe dit in dié welgestelde buurt anders ruik as waar sy woon, dink Grieta. Skoon, maar tog op ’n manier swaar. Sy word omgewe deur ’n geuremengsel van vars gesnyde gras, suurlemoen, roosbome en haar eie sweet. Hel, dit is darem warm vandag, dink sy en vee haar kuif wat teen haar voorkop vasgeplak is, kant toe. Sy loer in die kar se spieëltjie om gou hier en daar ’n…

ROSITA OBERHOLSTER Rosita se wêreld het nog altyd om stories en woorde gedraai. En nou, vir die eerste keer sedert haar eerste Romanza in 2014 deur LAPA Uitgewers gepubliseer is, is sy in die bevoorregte posisie om voltyds te kan skryf. Sy stap graag, vergesel deur die gesin se vet worshond en twee katte. Skilder en lees sorg ook vir ontspanning. Sonder haar gesinslede, Willem, Delia en Beah, se ondersteuning sou niks hiervan moontlik gewees het nie. Kortliks, wat is jou skrywersreis? Sedert 2014, die publikasiedatum van my eerste manuskrip, het dinge so maklik gekom dit is byna te goed om waar te wees. Tot onlangs het ek nog voltyds gewerk ook, dit is maar sedert Augustus 2017 dat ek voltyds skryf. Die hoogtepunte van my skrywersreis tot dusver, kan…

Paasnaweke word gewoonlik gekenmerk deur uitvoerings van George Frideric Händel se epiese Messias (1741), waarvan die libretto ’n jaar later deur die Engels-man Charles Jennens uit die St. James-vertaling van die Bybel geneem en by die musiek aangepas is. Dit word beskou as een van die grootste werke tot nog toe, en is sedertdien al op verskeie wyses geïnterpreteer, waarvan die 1992-verwer-king van Quincy Jones et al, A Soulful Celebration, seker die bekendste is. Hulle het die werk eietyds gemaak, kompleet met slawemusiek, rock, gospel, jazz en soul. Dit het daartoe gelei dat die werk ’n heroplewing onder die Amerikaanse jeug gehad het met verskeie spiraalelemente op die koop toe: dansproduksies, poësie, R&B en meer. Vanjaar takel die Mosaïekteater se produksiemaatskappy dié uitdagende musikale stuk op ’n eg-Suid-Afrikaanse manier, met…

# ALS IS NET LEKKER – GIAN GROEN. DIE TITEL WAS DIE LEUSE VAN SY OORLEDE VRIEND WILLIE WENTZEL WAT OP DIE POSITIEWE GEFOKUS HET. DIE CD VIER WILLIE SE LEWE, MAAR OOK DIE SIRKEL WAT VOLTOOI IS TOE HY WEER MET MEDEMUSIKANTE VAN DIE EERTYDSE SPINNEKOP SAAMGEWERK HET. EERLIK, MET UITSTEKENDE LIRIEKE. ANTHEHLIA – BOTTOMLESS COFFEE BAND. LOURENS EN ESTÉ RABÉ VAN BCB SE TWEEDE ALBUM MET ELF NUWE LIEDJIES IS PAS OP DIE RAKKE - TWEE DAARVAN DIE EERSTE KEER IN AFRIKAANS: “DIS ONS MOEDERTAAL EN HET NATUURLIK GEKOM. DIT WAS HEERLIK.” VERWAG ’N KOMBINASIE VAN FOLK-POP, ROCK, ASOOK BALLADES MET ’N KLASSIEKE GEVOEL. ONTHOU JY OM JONK – JUAN BOUCHER. DIE BEKROONDE SANGER HET DIE MEESTE VAN DIÉ LIEDJIES GESKEP. VERWAG MOOI MELODIEË, MENSGEDREWE…

Met my geboorte het my dierbare ma besluit om my iets uniek te noem My ouma het my Anna genoem. ’n Wyse vrou, hoewel sy ongeskoold was en die uitspraak van my naam vir haar een te veel was. Sy het bitter weinig enigiemand se naam reg uitgespreek, selfs wanneer sy vir almal wat vir haar lief was, gebid het. Ouma was die trotse draer van die naam Anna. Vol-gens haar was ek ’n bietjie aan die lui kant om enigsins die naam werd te wees. Ek het ook nie so graag gebid soos sy geglo het ’n Anna moes bid nie. Nou ja, pleks ek eerder maar Anna gebly het. Toe ouma in 1996 sterf, het niemand my ooit weer Anna genoem nie. Eers het ek gedink dit sal…

CAESARSLAAI MET HOENDER GENOEG VIR 4 CAESARSLAAISOUS 125 ml (½ k) Clover Cream O’Naise 2 ansjovisfilette, gedreineer 1 knoffelhuisie, fyngedruk 2 e suurlemoensap swartpeper na smaak 4 repies gerookte spek 1 groot slaaikop, gewas, blare uitmekaar gehaal en in kleiner dele geskeur 250 g gaar, geroosterde hoender, van die karkas verwyder en in happiegrootte stukkies gesny 1 avokado, geskil en in skyfies gesny 40 g parmesaanskaafsels 1 Caesarslaaisous: Meng die Clover Cream O’Naise, ansjovis, knoffel en suurlemoensap tot glad in ’n voedselverwerker, of met ‘n stokmenger. Geur met peper. Hou eenkant. 2 Verhit ’n kleefvrye pan oor hoë hitte. Braai die spek vir 5 – 6 min. daarin tot bros. Sit op ’n bord wat met kombuispapier uitgevoer is. 3 Sit die slaaiblare in ’n groot opdienbak. Voeg die spek,…

HOU DIT EENVOUDIG Jy wil nie jou tafel te oorweldigend hê nie – wanneer jy mense vir vingerkos oornooi, is dit nie nodig om die tafel te dek nie, maar dit beteken nie dat dit nie mooi hoef te lyk nie. Stapel jou borde opmekaar met kleurryke servette tussenin. Bind ook ’n lint om jou vurke (messe is onnodig) en sit hulle in ’n mooi mandjie. SMUL! Hoewel dit makliker is om vingerkosse voor te berei, moet jy kos maak wat die gaste staan-staan kan eet – happiegrootte versnaperinge wat nie mors nie. ’n Kaasbord is altyd ’n wenner. Sit vrugte (soos perskes) by en strooi ’n bietjie mikrokruie bo-oor. En onthou die kaasmesse. LES DIE DORS Wanneer jy ’n klein partytjie met vingerkosse hou, is dit belangrik om ’n…