Innholdsfortegnelse for Februarie 2018 i Rooi Rose

ELKEEN HET SOMS ’n bietjie ruimte nodig. As jou dae daaruit bestaan om ten nouste met mense saam te werk, het jy soms die behoefte aan ’n bietjie privaatheid. Natuurlik verskil mense, maar ek dink ons het almal soms stilte nodig. In sulke tye hou besige winkelsentrums en bedrywige kuierplekke min bekoring in. Dan droom ek van ’n plek waar die stilte oorverdowend kan suis, waar die enigste geluide veraf voëlgeroep of krieke en sonbesies se hoë sangtoon is. Of om rond te luier in ’n vreemde land waar die klanke van ’n vreemde taal onherkenbaar om jou opklink sodat jou brein weet dat daar geen sin daaruit te make is nie. As ek daarna begin smag om los te kom van besig-wees besef ek dat dit eintlik die aansprake…

‘Ek weet hoe gelukkig ek is. Ek dink nie vir ’n oomblik dat dit my toekom nie’ Noudat jy die pa van ’n tweeling is, moes jy seker van sekere goed in jou lewe afskeid neem? Wel, ek moes van ’n paar vriende ontslae raak (lag). Ek het net plek vir soveel mense in my lewe, en moes van twee vriende afskeid neem (lag). Ek was darem nie heeltemal naïef oor hoe kinders my lewe sou raak nie. Ek is die peetpa van omtrent twintig kinders. Ek het geweet wat om te verwag. Ek dink die grootste verrassing was hoeveel meer gekompliseerd twéé babas is. Dis nie bloot dubbel soveel werk nie, dit behels baie meer. Ek bewonder my vrou wat omtrent net twee uur op ’n slag slaap omdat…

Maria Prinsloo Wanneer dit ’n gesinsonderneming is en almal hand bysit om die pot aan die kook te hou, kan dit sekerlik werk. Daar is baie families wat saamwerk, maar ek dink nie dit is altyd ’n goeie idee nie. Ons familie trap nie mekaar se drumpels deur nie. Ons is almal lief vir mekaar, maar om elke dag saam te werk, sou nie vir my ’n goeie idee wees nie. In my geval is dit lekker dat ek my mense net met kort vakansiekuiers sien - dan waardeer ons mekaar baie meer. Rinie Flaum Ek het nie ondervinding daarvan nie maar ek dink dit kan onnodige wrywing veroorsaak as familie saamwerk - veral konflik oor geldsake kom dikwels voor. Dinge soos afguns oor posvlakke kan ook probleme veroorsaak. Vir…

WIE IS BEN THERON? Ben was tussen 1976 en 1980 – die era van die skoolopstande – in Bellville-Suid op hoërskool. “Ons het naby die Universiteit van Wes-Kaapland gebly, en my ouers het altyd studente ingeneem weens die tekort aan studentebehuising. Hulle was almal betrokke by die struggle en die stories wat hulle vertel het oor die onluste en arrestasies, het die onregverdigheid van die bestel by my tuisgebring.” Ná skool het Ben as tegnikus by die poskantoor gaan werk, en binne ses dae het almal geweet wie Ben Theron is. Die rede? As bruin man was die wit personeel se teekamer vir hom verbode. Toe sluit hy aan by ’n vakbond (waarvan hy later hoofsekretaris was) en Ben-die-aktivis is gebore. Sy lewenspad het vele interessante draaie gemaak sedert hy…

1 Herwinning Deesdae staan herwinbare materiale bekend as die “toekoms” van die modewêreld. Noukeurige navorsing en beplanning oor die vervaardiging en herwinning van materiale wil ’n bedryf verseker wat in harmonie met die aarde saamleef met ’n minimum koolstofuitlaatgasse, natuurskending en afvalstowwe. THE JOINERY THE JOINERY IS STERK VOORSTANDERS VAN DIE MODEREVOLUSIE-BEWEGING EN IS BEKEND VIR HUL VOLHOUBARE MODE-ITEMS EN -BYKOMSTIGHEDE WAT VAN HERWONNE PLASTIEKBOTTELS VERVAARDIG WORD. HUL ONTWERPE WORD BESKRYF AS TRADISIONEEL MET ’N TIKKIE KONTEMPORÊR, EN WORD HANDVERVAARDIG DEUR OPGELEIDE WERKERS VAN INFORMELE NEDERSETTINGS. IPANEMA Dié Brasiliaanse vervaardiger stel die natuur voorop in die vervaardiging van hul gewilde plakkies. Ipanema vermy rubber uit die Amasone en gebruik slegs ten volle herwinbare materiale vir hul hul gesogte produkte. LE TAN Le Tan gee nie net ’n mooi kulkleur aan…

Wees ’n voorbeeld Indien jy ’n sjokolade eet terwyl jou kind aan ’n wortelstokkie kou, stuur jy die verkeerde boodskap uit. Die kanse is goed dat hulle ook ’n sjokolade gaan vra en dan het jy geen verweer nie. Kinders leer uit jou voorbeeld, so sit daardie soetigheidjie weg en laat hulle sien jy eet gesonde kos (ten minste tot hulle slaap!) Lief vir melk Dit is nie altyd maklik om kinders sover te kry om die regte kos, wat die noodsaaklike voedingstowwe bevat, te eet of te drink nie. Een manier waarop jy dit wel kan doen, is om Clover Care™ se verrykte volroommelk by hul dieet in te sluit. Gee vir hulle elke dag ’n glas van dié melk saam met hul ontbyt en, indien hulle pap eet,…

• Meditasie sny kortisol met 20% Uit ’n Thaise studie wat oor ses weke gestrek het, het dit geblyk dat die kortisolvlakke van mense wat in dié tydperk gemediteer het met 20% gedaal het teenoor die groep wat nie gemediteer het nie. • Genoeg slaap sny kortisol met 50% Die verskil tussen agt uur en ses uur se slaap is klaarblyklik 50% meer kortisol. En die verhoogde vlakke kan boonop twee dae duur. Maak seker jy kry genoeg slaap. Navorsers meen ’n kort middagslapie kan vir ’n kort nag vergoed. • Musiek sny kortisol met 66% Musiek het ’n kalmerende invloed. Toe dokters aan die Osaka Mediese Sentrum in Japan musiek gespeel het terwyl pasiënte ’n kolonoskopie ondergaan het, was hul kortisolvlakke aansienlik laer as dié van die groep sonder…

As oefening in ’n botteltjie gekom het, sou ons tou gestaan het om dit te koop. Die bestuurder van nasionale produkontwikkeling by Virgin Active, Ceri Hannan, sê geestelike gesondheid is net so ’n belangrike eindproduk van oefening as fisieke fiksheid. Moenie skuldig voel as “hardloop” nie jou ding is nie. Daar is deesdae ’n oefensoort vir elke persoonlikheid. Jy moet net soek tot jy iets kry waarvan jy hou. • Hoë-intensiteit-intervaloefening (HIIT) Dis net die oefening as jy gefrustreerd voel en van daardie opgebottelde energie ontslae wil raak. Probeer Grid* - jou hele lyf werk hard in dié halfuur lange program, of sluit aan by Adventure BootCamp wat net vir vroue is. • Joga of pilates Nie almal hou van hoë-intensiteitoefening waar die sweet jou aftap nie, oorweeg dan joga…

‘Ons ma, Vivan, het dit by haar dogters ingeprent dat enigiets moontlik is, veral vir ’n vrou’ NAMIBIË SE POLFYNTJIE BLINK Afrika is bekend as die wieg van die mensdom. Dan is die kans mos goed dat die oerwortels van die klassieke en geliefde Pollyannakarakter ook hier kan lê. Verder as Theopolina Kapani (24) hoef jy nie te soek nie. Die kinderboekkarakter Pollyanna, grensloos bemind vir haar blymoedigheid, pas hierdie talentvolle Namibiër, wat in ’n plakkerskamp grootgeword het, perfek. Theopolina of Polina, het in 2017 haar meestersgraad in siviele ingenieurswese in Duitsland met lof geslaag. Niks nuuts vir die talentvolle jong vrou wat vroeg al groot belofte getoon het en sedertdien bly presteer nie. Alles te danke aan die voorbeeld van haar enkelma, Vivan, wat dit by haar dogters ingeprent…

1 GEROOKTE SNOEKSLAAI MET MOSTERDSLAAISOUS GENOEG VIR 4 400 g gerookte snoek, gevlok en grate versigtig verwyder 1 k (250 ml) gaar mieliepitte ½ k (6-8) droë appelkose, fyngekap ¼ k (60 ml) geroosterde grondboontjies 2 grasuie, in skyfies gesny ½ fyngekapte rooi-ui • ’n hand vol gekapte vars koljander MOSTERDSLAAISOUS 1 k (250 ml) mayonnaise 1 k (250 ml) volroom Griekse jogurt ½ k (125 ml) korrelmosterd 2 t (10 ml) mosterdpoeier 2 t (10 ml) fyngekapte knoffel 1 e (10 ml) fyngerasperde gemmer 2 e (30 ml) heuning sap en skil van een suurlemoen 1 Meng die gevlokte vis, mielies, appelkose, grondboontjies, grasuie, rooi-ui en vars koljander in ’n groot mengbak. 2 Meng die mayonnaise, jogurt, korrelmosterd, mosterdpoeier, knoffel, gemmer, heuning en suurlemoen in ’n bakkie. VARIASIE 1…

Wynwegbreek Weltevrede-wynlandgoed, veral bekend vir sy chardonnay, het onlangs ’n indrukwekkende mylpaal behaal: die landgoed het die honderd jaar kerf as familiewynplaas oorgesteek. Ter viering hiervan is die WELTEVREDE1912-wyne bekend gestel. Dié wyne is ’n huldeblyk aan elke mens wat deur die jare op hierdie landgoed gewoon en gewerk het. Besoek weltevrede.com vir meer inligting. Drie gelukkige rooi rose-lesers kan ’n besoek aan Weltevrede-wynlandgoed ter waarde van R5 000 wen. Dit sluit in: akkommodasie vir vier mense vir vier nagte (slegs Maandag tot Vrydag), ’n kersligwynproe-ervaring vir vier, plaasontbyt vir vier by die Bistro-restaurant op die landgoed, een kis WELTEVREDE1912-wyn, een kis The Ring MCC. Sleutelwoord: Weltevrede Verleidelik Wie hou nie daarvan om ietsie soets op Valentynsdag te ontvang nie? Steel jou geliefde se hart opnuut met ’n verskeidenheid geure…

Ons vra vrae oor “kos”. As jou boekklub al die vrae reg beantwoord en getrek word, kry julle die boeke in hierdie regisseur van die fliek Fried Green Tomatoes ? 3 Watter rock-groep het ’n reusetreffer met die liedjie “1978” gehad? 4 Wie speel die hoofrol in Eat, Pray, Love? 5 Wie het “Green Onions” gesing? JANUARIE-ANTWOORDE 1 “Fire and Ice”. Digter? Robert Frost. 2 Wie het die lirieke van “Brand Suid-Afrika” geskryf? Hunter Kennedy. 3 Van watter groep is hy? Fokofpolisiekar. 4 “Fire and Rain”. Sanger? James Taylor. 5 Afrikaans vir rocket ? Vuurpyl. BOEKKLUB-WENNER November se wenner is L. Scheepers, Die Boekdivas, Riebeeckstad.…

@home home.co.za Accessorize 011 884 4643 Ackermans 021 900 1000 African Extracts Dis-Chem en uitgesoekte apteke African game scheme africangamescheme.co.za africangamescheme.co.za Amanda Laird-Cherry 031 312 2575 B.O.N Natural Oils bonnaturaloils.co.za Baby Bullet nutribullet.co.za Beauty by S 081 498 0248 Block and Chisel blockandchisel.co.za Casea Charters Umhlanga 083 690 2511, caseacharters.co.za Cathedral Peak 036 488 1888, cathedralpeak.co.za Chanel chanel.com Charles & Keith 021 552 4912 Clarks clarkssa.co.za COLAB 011 445 3320 Colette Hayman 021 937 5436, 011 880 2134 Cotton On 021 552 9651 Dermalogica 011 268 0118 Design Store designstore.co.za Dokter and Misses dokterandmisses.com Earthsap faithful-to-nature.co.za Eleven Past elevenpast.co.za Espadril espadril.co.za Esque esque.co.za Esse esseskincare.com/en-za/ Fish & Wine Co 031 941 6896, 031 941 6897 Garson…

So, reken ons, behoort ’n huwelik ook te wees. Iets wat geskep word en met betekenis gevul word Die een wat jou kop en jou hart amper so goed soos sy eie ken. Die een wat al om en by vyftig jaar die lewe saam met jou aanpak, wat jou belange op die hart dra in sterblink sowel as dofsware tye. Jy en hy kom soms tot stilstand en begin oor alles wonder. Natuurlik is julle dankbaar ook. Julle is lank vir mekaar gespaar. Dit, op sigself, is ’n mirakel. Soms staar ons verwonderd na mekaar net om agter te kom dat om dekades vas te vang, te bedink en uit te klaar, ingewikkeld is. Saamwees is suiwer genade, soos alles anders. Ene Wijngaarden stel dit so raak in sy…

DIE LESSENAARLAAI Ons bring baie tyd by die werk deur. En baie van ons sit heeldag by ’n lessenaar en staar na ’n rekenaarskerm. Gebruik dit tot jou voordeel. Maak jou lewe makliker en skep ’n spensie in jou lessenaarlaai. Hou geurmiddels soos sout en peper, blatjang en sojasous daar. Dit sal dit al klaar makliker maak om geurige middagetes te maak. PAK DIT MAKLIK Die kos wat jy inpak, moet jou deur die dag sien, en as dit boonop lekker is, is dit nog beter. ’n Noodsaaklike item vir jou kosblik is ’n peuselgrootte (100 g) Clover Classic-Jogurt. Kies die 175 g as jy gaande is oor jogurt. Die versnapering is romerig en smaaklik en ’n bron van tien noodsaaklike vitamiene. Jy kan uit drie heerlike geure kies in…

DANKIE, ‘ROOI ROSE’ • In ’n jaar waarin dinge meer negatief as positief was en vele uitdagings hul koppe uitgesteek het, soos ’n gebarste geiser, gedisintegreerde toilet, drie bande wat gesneuwel het, en magies wat meer geneig was om te loop as te stop, was rooi rose altyd ’n welkome, konsekwente, helder lig aan die einde van die maandtonnel (wat nie noodwendig lank was nie, maar goed donker en vol hobbels op plekke!) Vanjaar was ek besonders gelukkig. Ek het aangesluit by jul Lesersforum (wat ek al vir drie jaar dreig om te doen) en het drie bottels La Costeparfuum gewen - hemels vir ’n “parfuumfluisteraar”. Dit was ook op ’n tyd toe ek vreeslik jammer vir myself gevoel het en geweldig ongewaardeerd. Dankie, rooi rose , nie net vir…

Rinie Flaum (50), administratiewe assistent, Pretoria Ek dink alle vroue is soms te krities maar as ons net vir ’n slag met ander oë na onsself kyk en dankbaar kan wees dat ons wel kan sien en leef, maak ’n paar foute of rolle nie saak nie. Ek dink om jou eie vriendin te wees en mooi na jouself om te sien sal ’n vrou help om meer van haarself te hou. Maak tyd vir ’n alleentydjie - dit doen jou goed. Green Krynauw (40), administratiewe assistent, Malanshof Ek kan baie krities raak. Ek dink die meeste vroue is so. Ek dink ons moet onself daagliks komplimenteer en klein veranderinge maak waar ons dink nodig is. Ek glo ook jy moet wegbly van dinge of mense wat ’n negatiewe invloed…

‘IN DIE LAASTE DRIE JAAR SEDERT ANDRÉ SE DOOD HET EK GELEER DAT DIT PIEKFYN IS OM TOE TE GEE AAN JOU SWAKHEDE, DAT DIT IN ORDE IS OM WEERLOOS TE VOEL, EN OM EERLIK TE WEES DAAROOR’ Haar geliefde André het haar baie geleer, vertel Karina Szczurek, of die vyfde mevrou Brink, soos sy na haarself verwys in haar aangrypende memoires wat in Augustus 2017 verskyn het. “As skrywer het hy my geleer van moed, en dat daar oomblikke in die lewe van ’n skrywer is wanneer sy eenvoudig nie mag stilbly nie.” En as mens, vertel die pragtige vrou met haar kenmerkende bos hare waarin die verdriet ná sy dood grys strepe kom verf het, het hy haar ook belangrike goed geleer. Soos dat dit moontlik is om…

‘’n Mens se omstandighede bepaal nie jou lewe nie. Jou keuses doen dit’ Chris Jaftha, die aantreklike mede-aanbieder van M-Net se Dancing with the Stars, is geen onbekende op televisie nie. Lesers sal hom ken as een van die Top Billing-manne, en vir sy rolle in Isidingo, High Rollers en vier kykNET-reekse. Op die verhoog het hy sy slag gewys in onder meer vier van Janice Honeyman se pantomimes, en musiekblyspele soos High School Musical, Footloose, Mama Mia, Dream Girls en African Footprint – die musiekblyspel met die langste speelvak in Suid-Afrika se geskiedenis. Chris het sy eerste drie lewensjare in Westbury deurgebring, ’n Johannesburgse woonbuurt bekend vir bendegeweld. Maar sy ouers wou ’n beter lewe hê vir hulle drie seuns, en vandag dink Chris met deernis terug aan sy…

‘Dit is baie ontstellend om te sien hoe die liefde en sorg en omgee wat jy vir iemand gee, nie aanvaar kan word nie’ Ná 28 jaar in die bedryf, is dit vir Anrich Herbst tweede natuur om onder die vel van ’n karakter in te klim. Maar daar is rolle wat uitdagings bied, soos sy rol in Raaiselkind. Hy moes sy kop op die regte plek kry en hom emosioneel reg instel vir sy rol in dié fliek oor ’n gesin met ’n outistiese seuntjie. (Die fliek word op 16 Februarie uitgereik.) Die lewe het ’n paar draaie met Anrich gemaak sedert hy die ondeunde, 14-jarige Wimpie van Tonder in Orkney Snork Nie gespeel het. Daar was ook ander rolle wat hom as akteur gevestig het, soos dié in…

‘Ek was onlangs na Istanbul in Turkye, en omdat ek weet hoe warm dit daar is, het ek heel eerste my Juliette Armand Sun-film Face Gel SPF 30 (R605 vir 55 ml) ingepak. Ek het die jel elke oggend gebruik en was gaande daaroor omdat dit getint is en ook nie my vel taai laat voel nie.’ OËverblindery REVLON YOUTH FX™ FILL + BLUR FOUNDATION (R349) bevat mikrovullers en ligweerkaatsende deeltjies wat jou plooie versag. Die onderlaag gee volledige dekking en speel klaar met vlekke en ’n oneweredige veltoon. WELKOM in Suid-Afrika Ons is verheug dat die Amerikaanse Aveeno-reeks ook nou in Suid-Afrika beskikbaar is. Al die produkte het hawermout as bestanddeel wat die vel streel en heel, en dis goed vir droë en sensitiewe veltipes. Probeer gerus ook hul…

• Ontspan jou lyf Adrenalien en kortisol veroorsaak spanning in jou spiere en ná ’n dol dag voel jou lyf soos ’n saamgedrukte veer. Begin deur jou lyf stelselmatig te ontspan: trek die spiere in jou tone vir sowat 5 sekondes saam en ontspan dan vir 30 sekondes. Werk van onder na bo deur elke spier en voel hoe die spanning wegvloei. • Skakel sosiale media af Die Amerikaanse Sielkundevereniging het in sy verslag vir 2017 gesê dat mense se stresvlakke styg hoe meer gereeld hulle sosiale mediaplatforms opsoek, teksboodskappe en e-posse lees/stuur. Veral vroue is weerloos teen die stres van sosiale media nadat hulle gesien het dat goor goed met vriende gebeur het. • Gebruik jou terugreis om tot verhaal te kom As jy van openbare vervoer gebruik maak,…

Vrae maal in kinders se gedagtes en hulle is oorgelewer aan hul eie vrese en fantasieë Kinders maak die beskermingsdrang in ons wakker. Ons hou hulle weg van afgronde, besige kruisings, pornografie, “verkeerde” maats, noem maar op … en ons probeer hulle weghou van die dood: die één ervaring wat elkeen van ons beskore is. “In ons samelewing is die dood ’n taboe onderwerp, iets wat eerder ontken word,” sê Alta Bence, bestuurder van psigososiale ondersteuningsdienste by CHOC Childhood Cancer Foundation SA. Alta het ’n agtergrond in mediese maatskaplike werk en is die afgelope 21 jaar by pediatriese onkologie-eenhede betrokke. “Die dood was vir my ouers se generasie ’n normale aspek van die lewensiklus. Dikwels het meer as een geslag ’n huis gedeel en as ouma siek geword het, het…

KRY JOU TYDSKRIF DEUR DIE POS • Skryf in op www.rooirose.co.za • Stuur ’n e-pos na subs@magsathome.co.za • SMS ‘Caxton RR’ na 40573. SMS’e kos R1 • Bel 087 405 2002, hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: Magsathome Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy kry elke uitgawe van rooi rose . 3…

GIER VAN DIE MAAND Van BOONTJIE tot BLOK Handgemaakte artisan-sjokolade is hier om te bly, meer en meer plaaslike vervaardigers maak uitstekende sjokolade met kakaoboontjies wat hulle van die land van oorsprong kry. Een so ’n vervaardiger is Antonio Allergra van Afrikoa. Antonio kry sy kakaoboontjies van boere in Kenia en Tanzanië en dit verseker vars, geurige en smaaklike kakaoboontjies. Dit bring ook mee dat die boere regverdig behandel word, iets wat nie altyd in die kakaobedryf gebeur nie. Afrikoa se sjokolade is van die heerlikste, sysagte sjokolade wat ek al geproe het. Daar is boonop ’n heerlike suikervrye 80% sjokolade wat met stevia en erythritol (twee natuurlike versoeters) versoet word - ek gebruik dit met groot sukses in gebak. Kyk by afrikoa.com vir verskaffers naby jou. BOEK VAN DIE MAAND…

DIE ROOITAMATIE STORIE  Renette Vosloo (self) Dié Kokkedoor- finalis se menslike, teer en inspirerende verhaal bevat ook haar topresepte en ander kulinêre geheime. Baie soos die trefferboek van Laura Esquivel, Like Water for Chocolate, is dit meer as net nog ’n resepteboek: dis ’n innige verhaal van ’n mens se tog deur die lewe en die kos wat haar deurentyd as reismaat vergesel het. Die groot verskil is dat hierdie boek nie fiksie is nie, maar die regte sielereis en geskiedenis van Renette Vosloo, die kok en die kop agter die suksesstorie wat die restaurante en handelsmerk, Rooitamatie, geword het. Die hele pad: van die vroegste herinneringe aan haar “groot” en “klein” oumas (en die kos wat hulle gemaak het), deur haar jare lange verbintenis met haar man, Emile, die…

DAVID KRAMER – WAKKERSLAAP. DIE WONDERLIKE “WESKUSKLONG” IS WEER WOELIG! DIE CD IS IN SY EIE TONG-IN-DIEKIES-STYL GESKRYF, OF MET DIE PATOS EN BEGRIP WAARMEE HY SY EIE VOLKSLIEDJIES SING. JY REIS SAAM MET SY “OU KITAAR” NA PLEKKE EN MENSE WAT HY LANGS DIE PAD LEER KEN HET. KENMERKENDE, BETROUBARE KRAMER-MAGIC. LAURIKA RAUCH – GUNSTELINGE. DIE CD BEVAT LAURIKA SE EIE KEUSES UIT HAAR OEUVRE - VERAL LIEDJIES WAT NIE DIE NODIGE ERKENNING GEKRY HET NIE, ASOOK VERSKEIE DUETTE MET O.A. RIANA NEL, BOK VAN BLERK EN KURT DARREN. HAAR DUET SAAM MET REFENTSE, “STUUR GROETE AAN MANNETJIES ROUX” GAAN JOU HOENDERVEL GEE! DAN PATLANSKY – PERFECTION KILLS. DAN, EEN VAN SA SE TOPBLUESMUSIKANTE, WORD NET AL HOE BETER! DIÉ ALBUM WORD REEDS AS…

DAAR IS LIG Skei. Elke getroude vrou dink soms daaraan, ander wens hulle kon, en ander voeg die daad by die woord. Ek is nou al twee maande besig met die proses en hier is ’n paar wenke vir almal wat egskeiding oorweeg. • Skei beteken nie net dat jou man die huis verlaat nie, dit beteken ook dat die kinders 50% van die kere weg is van jou. Niks kan jou voorberei op daardie stukkie in jou hart wat soos ys voel wanneer jy uit gewoonte gaan kyk of hulle toe is en besef hulle is nie by jou nie. En al kan jy op een hand tel hoeveel kere jou man in die nag vir die kinders opgestaan het, en al het jy jou kinders leer fietsry en…

WEN Die mooiste jy Gee jou vel ’n blaaskans met Beaucience se reeks natuurlike velsorgprodukte. Ons gee vandeesmaand tien lekker Beauciencegeskenkpakke ter waarde van R10 000 weg. Grimering Het jy ’n afspraak vir Valentynsdag? Dit is die ideale geleentheid om ekstra moeite met jou grimering te doen! Tien lesers kan ’n wonderlike grimeergeskenkpak van L.O.V. wen Valentynsdag Bederf jou Valentyn met ’n geskenk wat sy hart opnuut sal wen. Ons het ’n geskenkgids propvol idees vir jou saamgestel. Nuusbriewe Het jy al op ons nuusbriewe ingeteken? Jy kan kies tussen ’n algemene nuusbrief, die KOOKnuusbrief, of by ons Lesersforum aansluit. Liefdeskos Dis die maand van liefde en dit beteken jy kan eksperimenteer met soetgoed wat jou geliefde se hart sal vermurwe. Ons deel die heerlikste idees met sjokolade, room, bessies,…

‘EK WOU WEER DEELNEEM AAN ’N SAMELEWING WAAR MY BYDRAE SAAK MAAK’ ‘DAAR IS DINGE OOR ’N MENS SE GEBOORTELAND WAT VIR ALTYD IN JOU HART LÊ EN WAARAAN JY NIE NOODWENDIG WOORDE KAN GEE NIE. DINGE SOOS REUKE, SMAKE EN KLANKE’ Agtien maande nadat sy en haar gesin Amerika vir haar geboorteland verruil het, is Quinne Brown Huffman so gelukkig soos ’n vis in die water. “Ek het verskriklik na Suid-Afrika verlang. ’n Mens se huis is uniek. Dis die plek waar jy geken voel. Daar is dinge oor ’n mens se geboorteland wat vir altyd in jou hart lê en waaraan jy nie noodwendig woorde kan gee nie. Dinge soos reuke, smake en klanke.” Dis iets wat sy graag met haar dogters Charlotte (6) en Lara (3)…

INTENSE VERHOUDING “Ons is luidrugtig en besig. Op troues is ons altyd die twee wat sopnat gedans is,” vertel Lea Vivier van haar en haar sus Trix wat vier jaar ouer is. Die aktrisesussies borrel soos vonkelwyn en mooi en talentvol is hulle ook, maar om in dieselfde ongenaakbare bedryf te wees en soms om dieselfde rolle te kompeteer kan ’n verhouding knou. Of hoe? “Ons is eers susters,” help Lea my reg. “As jy in die hospitaal lê, is dit jou sus wat aangehardloop kom, en dis wat saak maak. Ons glo daar is genoeg ruimte in die bedryf vir ons albei.” “Ons is so dankbaar dat ons werk het en voel dis ’n groot voorreg om iets te kan doen waarvan ons hou,” voeg Trix by. Maar hulle…

Kos KATELYN WILLIAMS – THE KATE TIN As jy ’n suikertand het, is Katelyn se blog reg in jou kraal. Dis ’n verleidelike versameling resepte wat nie skaam is om die suikerpot en stroopblik nader te sleep nie. Die resepte is maklik en sal teetyd in ’n nuwe liga plaas. Inderdaad ’n gelukkige plek om op te klik. thekatetin.com DI BIBBY - BIBBY’S KITCHEN Dianne is ’n Johannesburger wat daarvan hou om tradisionele resepte om te dop. Haar resepte fokus op plaaslike gunstelinge, internasionale tendense en wat in die seisoen beskikbaar is. Sy sê die belangrikste element van kos is die mense met wie jy dit deel. bibbyskitchenat36.com CHERYL MEYER – DISH & DELITE Hierdie blog fokus op kos wat nie uit pakkies of blikkies kom nie. Cheryl is ’n…

AVONTUUR om jou pols Michel Herbelin se Newport-vrouereeks is perfek vir daardie avonturier in elkeen van ons. Die voorkoms is deur Transatlantiese skepe geïnspireer. Ek is gaande oor die detail en elegante afronding daarvan. NEWPORT-HORLOSIE VAN MICHEL HERBELIN (R14 950) LUXCO IMPORTERS. SWART op wit Mr. Price het in samewerking met die ontwerper Hamza Guelmouss besluit om hul kleurpalet te stroop en die feestyd in klassieke monochroom skakerings te vier. Die ontwerpe het ’n rock-gevoel wat jou aan leerbaadjies en Themprokke laat dink. AFSKOUER-LEOTARD (R79,99; SS-XXL) MR. PRICE. Vier FEES Cotton On se somerreekse vir die feestyd het ’n neutrale ondertoon, soos olyf, wat met vroliker kleure gekombineer word. Die snitte skep ’n gemaklike, maar sjiek voorkoms. TOEKNOOPHEMP (R399; XS-XL) COTTON ON. Bekostigbaar én LUUKS Wat is ’n somerklerekas sonder…

Colette Nel Basiese dinge help my om kalm te raak in ’n moeilike situasie: haal diep asem, bid. Niemand kan jou groter kalmte en vrede in jou gemoed gee as die Here nie. Wanneer jy opnuut besef dat niks in jou hande is nie, maar wel in ’n groter Mag s’n, raak jy kalm en voel geborge. Beatrice Terblanche Vir ’n angstige mens soos ek is dit baie moeilik om in so ’n situasie te ontspan. Ek doen asemhalingsoefeninge en eet sjokolade. Die gevolg: ek is lekker vet! Sanri van der Walt Ek luister na musiek en konsentreer op my asemhaling. Dit help ook om ’n vyf minute pouse te neem en ’n koppie tee te drink terwyl ek myself van die probleem distansieer. Daardeur kry ek perspektief en rustigheid.…

Elna van Wyk Baie gereeld. Op sosiale media-foto’s lyk mense altyd perfek. Geen plooie of rolletjies nie en almal is altyd so gelukkig. Ons wens dan ons het hul lewe gehad. Ek is baie onseker oor my voorkoms; ek ver-gelyk my gereeld met die ander vroue. Ek werk elke dag daaraan om te glo dat God my spesiaal gemaak het. Ek vertel my ook dat almal se foto’s ge-p hotoshop word en dat ek nie weet wat agter daardie glimlag skuil nie. Malinda Nel Ek dink jaloesie is iets waaroor mense nie graag praat nie, maar dit is seker menslik om jaloers te wees, veral as die vrou mooier of interessanter of slimmer as jy is. ’n Mens moet maar probeer om nie vasgevang te word in hierdie emosie nie,…

‘Julle kan kook en bak en skryf en somme maak. My talent is geluk’ Ligtheid is ’n gesogte eienskap. Met “ligtheid” bedoel ek nie dat blonde vroue noodwendig baie meer sexy en gewilder as donker- of rooikoppe is nie. Die graad van ligtheid is ook nie ’n maatstaf vir ’n Internet-maatsoekagentskap of vir aanstellings by ’n gesellinklub nie. Ligtheid van aard is die mikpunt wanneer soesies en tamboesies, poffertjies en skuimpies, koeke en terte geskep word. Word ’n koek of tert as “lig” en “klam” beskryf, het dit uitgestyg bokant die kluitjierigheid en die neergeslane, dor aard van ’n mislukking. En swymel die beoordelaars van ’n vrouevereniging-, of landbouskou-, of televisiebakkompetisie met die oortreffende “véérlig!” oor ’n inskrywing, is die bakker verlig. Ongeag of dit ’n vanielje-, sjokolade- of rooifluweelkoek…

PRESIES OP DÁÁRDIE OOMBLIK HET DIE PLEK OP SY ARM WAAR FIONA MET HAAR GEEL HANDSKOEN AAN HOM GERAAK HET, SKIELIK SOOS VUUR BEGIN BRAND. TEEN SLAAPTYD KON HY STEEDS HAAR HANDSKOEN OP HOM VOEL EN VOORDAT HY AAN DIE SLAAP RAAK, HET HY KLAAR BESLUIT: DIE KLEUR VAN DIE EERSTE ROOS OP SY INKOPIELYS SAL GÉÉL WEES – GOUDGEEL SOOS … GOUE SONSPIKKELS Ockert wag tot die horlosie op die kaggelrak begin slaan. Nou! Ritmies swaai hy sy arms om en om nes twee windlaaiers, tien keer. So ja! Hy maak die glasdeurtjie oop, wen die horlosie op – agt draaie, presies. “ Onthou, Ockie, dis ’n Eight Day Clock, made by Ansonia – all the way from the USA.” Só het sy pa gesê wanneer hy die sleutel…

RENETTE VOSLOO Ma, restaurateur, huisbestuurder en Kokkedoor -finalis. Renette is aan die woord … Waar kom die ‘Red Tomato’-naam vandaan? Ons het in 2003 ’n bistro op Cullinan gehad met die naam Jan Harmsgat se Bistro. Ons het agtergekom die gereelde klante kom van Pretoria en dit sou sinvol wees om die restaurant soontoe te verskuif. Die sjef Ainsley Harriott het ’n kookprogram gehad waar die Red Tomatoes en die Green Peppers sake uitgespook het. Red Tomato was ons keuse ... vandag is ons Rooitamatie. Hoe het jou sukses in Kokkedoor jou beïnvloed? Wel ... matige sukses is seker die korrekte beskrywing! Ek het in die top vier geëindig. Soos ek dit sien, bly Kokkedoor die groot padbreker in ons lewe. Dit was daardie spreekwoordelike “een foonoproep” wat ons lewe…

Die sesde Kaapstadse Kunstefees (Cape Town Art Fair - CTAF 2018), vind vanjaar van 16-18 Februarie in die Kaapstadse Internasionale Konferensiesentrum (KIKS) plaas. Die fees word aangebied in samewerking met ’n groeiende aantal plaaslike en internasionale galerye wat opkomende en gevestigde kunstenaars wêreldwyd steun. ’n Nuwe afdeling, SOLO, is vir vanjaar se fees geskep. Nontobeko Ntombela is die kurator. SOLO fokus op die werk van vrouekunstenaars wat verskillende perspektiewe bied op die sosio-politieke kwessies wat vroue in sowel die openbare as die private sfere in die gesig staar. Hul bydrae tot die kunswêreld word ook belig. Werke van die volgende kunstenaars kan onder meer gesien word: Maïmouna Guerresi (Senegal/Italië) en Stacey Gillian Abe (Uganda), asook plaaslike kunstenaars soos Lhola Amira, Lucinda Mudge, Kimathi Mafafo, Ingrid Bolton en Buhlebezwe Siwani. “Ek…

Mmm mmm mmm… Die Kanadese rockgroep Crash Test Dummies sing in Februarie in ons geliefde land. Die hoofsanger en liedjieskrywer Brad Roberts (foto) met sy unieke bas-bariton (onthou jy sy “Mmm mmm mmm”?) is die toerleier. Maak seker jy woon ook van hul dagpieknieks in Kaapstad en Pretoria by. Hulle word deur plaaslike bands bygestaan, soos AKING, Bed On Bricks, WONDERboom en Adventure Man. Kaapstad: Sat. 17 Februarie, 12:00 - Hillcrest Quarry, Hillcrest Wine Estate. Pretoria: Son. 18 Februarie, 13:00 - Pretoria Nasionale Botaniese Tuine. Computicket. Straat-soirées Vergeet van die strate van Parys of Rome, want hierdie somer is Stellenbosch die plek om te wees wanneer die Eikestad sy hart op sy sypaadjies gaan dra met die immergewilde Straat-soirées. Gaan geniet die lekker straatkos, vars berei deur plaaslike restaurants en…

DIE SJAH HET HAAR NA DIE EETTAFEL GENOOI EN HAAR GEVRA OM LANGS HOM TE SIT.SY HET VIR DIE RES VAN DIE ETE SY ONVERDEELDE AANDAG GEHAD. NAMATE DIE AAND GEVORDER HET, WAS DIT VIR ALMAL DUIDELIK DAT HULLE MEKAAR SE GESELSKAP GENIET Die sjah van Iran, die aantreklike, skatryk Mohammad Reza Pahlavi, het op 31 byna alles gehad wat ’n mens kon begeer. Alles behalwe ’n vrou van sy hart. Tot hy iewers in 1950 ’n ietwat onduidelike foto van die aantreklike 18-jarige Soraya teen die ski-hange van St Moritz onder oë gekry het . Teen hierdie tyd was die amptenare aan die koninklike hof al redelik hande in die hare. Geeneen van hul talle pogings om hul heerser in ’n geskikte lewensmaat te laat belang stel het tot…