Innholdsfortegnelse for Januarie 2017 i Rooi Rose

HOE WONDERLIK IS DIT dat ’n mens altyd ’n geleentheid kry om ’n nuwe bladsy om te blaai. Ons bevind ons soms in situasies wat swaar druk op ons gewete; oomblikke waarin die suur van spytwees in jou keel opstoot en jou lewe vergal; kere wanneer jy jou eie woorde in jou ore hoor weerklink en jy wens dat jy elkeen kan terugroep en insluk. Maar nou ja, ons weet mos, van elke woord, elke besluit, sal jy maar moet verantwoording doen ... En nou is ons op die drumpel van 2017. Voor ons lê 365 dae waarin ons weer die geleentheid kry om te sê en te doen wat in ons gedagtes opkom. En weer en weer en weer te sê en te doen. Woorde is goedkoop, word daar…

As jy van een negatiewe ding in jou lewe ontslae kon raak wat sou dit wees? Karin Behrens (51), werk by landskapsargitekfirma, Pretoria Ek is besonder lief vir uitstel. Dit veroorsaak baie stres aangesien ek dan moet rondskarrel om goed op die nippertjie gedoen te kry. Dit sal wonderlik wees om minder druk op myself te plaas. Adele de Wet (39), entrepreneur, Vermont My depressie! Dit weeg so swaar op my en al drink ek my pilletjies, sukkel ek om gelukkig en gemotiveerd te wees. Ek kan ’n goeie front voorhou en baie min mense sal weet, maar daar waar ek alleen is, weet ek dat dit elke dag alles van my verg net om my voete uit die bed te kry, aan te trek en weer eens voor te…

‘Hoewel dit ’n musiekfliek is, gaan dit eintlik oor twee mense en hul verhouding’ Hoe het dit gevoel om staande toegejuig te word by die première van La La Land by die Toronto-rolprentfees? Dit was ’n goeie aand. Ek het Kanada verlaat en Los Angeles toe getrek om flieks te maak. Dit het goed gevoel om huis toe te kom met iets wat amper soos ’n geskenk voel. Dit was lekker om dit saam met my mense te geniet. Ons het geweet jy kan sing en dans maar dié optrede was in ’n eie klas. Was dit ’n groot uitdaging? Dit was eintlik pret. Dit was harde werk, maar lekker om in Los Angeles te skiet en saam met vriende aan iets te werk wat so…

‘TOE EEN VAN SY SEUNS LATER NA MY TOE KOM EN SÊ HY HET SY PA GESIEN IN DIE MANIER WAAROP EK IN DIE FLIEK LOOP, HET EK GEWEET EK HET GESLAAG’ Ons gesels tussen tonele op die stel van 7de Laan waarin Dann-Jaques tans te sien is as Justin. Met die groetslag kry jy die indruk van hoflike terughoudendheid. Die onderhoud bevestig dit: oor homself praat hy nie graag nie, maar oor die interessante karakters wat hy al vertolk het, praat hy geesdriftig. Dis byna asof hy in karakter gaan, want wanneer hy oor Noem My Skollie, of die lewe op die Vlakte praat, slaan die Kaapse Afrikaans plek-plek deur. Vir dié talentvolle dertigjarige akteur is daar talle raakpunte tussen sy lewe en dié van John Fredericks, die fliek…

‘Ek dink ons is op ’n cool plek. Ons drie, veral, is in die bedryf om gehalte te maak’ Niel van Deventer Die vervaardiger en skrywer Niel van Deventer is veral bekend vir sy bekroonde fliek Dis ek, Anna wat in 2015 as die beste rolprent by kykNET se Silwerskermfees aangewys is. Niel is getroud met die aktrise Charlenè Brouwer, wat die hoofrol in dié fliek vertolk. Dis ek, Anna is gegrond op die lewensverhaal van Anchien Troskie, ’n dapper vrou wat haarself “Stom Anna” genoem het omdat sy vir niemand kon vertel dat haar stiefpa haar as kind gemolesteer het nie. In die fliek, gegrond op Anchien se boeke Dis ek, Anna en Die staat teen Anna Bruwer vertel Anna haar verhaal vir die wêreld en vir die hof.…

So lank as wat hy kan onthou , jaag hy al. Eers renstelle - in 2004 toe hy net nege was, was hy die Suid-Afrikaanse 50 cc-kampioen. “Motorfietse is my passie en dis al wat ek altyd wou doen. Soms raak ek ’n bietjie bekommerd, want motorfietsjaag is al wat ek ken en wat ek geniet . As ek eendag nie meer kan jaag nie, weet ek wraggies nie wat ek andersins kan doen nie.” As Brad by hul huis in Spanje is, oefen hy en boet Darryn elke oggend saam. Hulle ry eers twee uur lank gewone fiets en oefen daarna vir ’n uur en ’n half in die gim. “Wedrenne is hard op ’n mens se enkels en knieë en daarom is die fietsry beter as die hoë…

Lize Beekman, die bekende sanger en liedjieskrywer, vertel hoe die teken en inkleur van mandalas haar weer die lig laat sien en haar kreatiwiteit ontsluit het toe sy liggaamlik en emosioneel ’n laagtepunt bereik het ná die selfdood van haar geesgenoot, die bekende violis Annake de Villiers, in 2012. “Die verlies van my sielsmaat was soos ’n stormwind wat my in die lug in geslinger het. My hart was gebreek, ek was verward en getraumatiseer. Dit het my in ’n wêreld van bykans oorverdowende stilte gedompel waarin woorde en wysies nie vir my toeganklik was nie ... Die mense na aan my moes my ook gereeld help om dieper asem te haal, want ek het baie vlak asemgehaal. ’n Paar maande later het ek een nag intuïtief begin teken. “Sirkelkunswerke…

Vyf redes hoekom Coverderm-velsorgprodukte deel van jou daaglikse skoonheidsroetine moet wees: 1 Alle Coverdermprodukte is klinies getoets. 2 Slegs aktiewe bestanddele van die hoogste gehalte vanuit Europa en Amerika word in Coverderm-produkte gebruik. 3 Coverderm bestaan al langer as 36 jaar en is beskikbaar in tagtig lande. 4 Dermatoloë, oftalmoloë en grimeerkunstenaars wêreldwyd skryf Coverdermprodukte voor. 5 Die uiteenlopende reeks velsorgprodukte en -grimering bied uitstekende velsorgraad en grimeerwenke vir alle ouderdomme, geslagte, veltipes en rasse. Wees op die uitkyk na velsorgprodukte waarvan die beloftes deur kliniese toetse gesteun word. Die toetse moet aan streng wetenskaplike standaarde voldoen, en moet ook op die finale produk gedoen word, nie op die verskeie aktiewe bestanddele nie. Mediese departemente van universiteite in Italië, Griekeland en Amerika het sowat 385 onafhanklike studies op Coverderm-produkte gedoen.…

Mooie Charlize Onse Charlize Theron slaan die asems weg in die Dior J’Adore-advertensieveldtog. Byna 12 m chiffon is gebruik vir die rok waarop 20 000 kraletjies en blinkertjies met die hand vasgewerk is. Die afwerkings en meer as tweehonderd uur wat aan die rok bestee is, was alles om seker te maak dat Charlize se bewegings lig en vloeiend is. DIOR J’ADORE EDP R1 110 VIR 30 ML, R1 530 VIR 50 ML EN R2 200 VIR 100 ML. GLANSENDE kleur As jy skrikkerig is vir selfverbruiningsprodukte, of dalk net jou lyf glansend wil laat lyk, is die CARIBBEAN TAN TINTED BODY BRONZER (R59,95) vir jou. Behalwe dat dit jou lyf glansend laat lyk, voed dit jou vel (danksy die vitamien E en rooibosbessie daarin). Soos al die Caribbean Tan-produkte…

Al ooit gewonder wat ’n maand sonder alkohol vir jou gesondheid kan doen? Sommer baie, sê dié wat die drankies ’n maand lank vir water verruil het. En een van die grootste voordele? ’n Mooier vel en minder plooie. Ná die oordaad van die vakansie en Januarie se dun beursie is dit in elk geval ’n goeie idee om ’n nuwe blaadjie om te slaan. WAT SÊ DIE WETENSKAP? • Die hoeveelheid vet in jou lewer neem met 15% af. Hoekom is dit belangrik? ’n Oormaat alkohol laat vetselle in die lewer ophoop wat later tot permanente skade en lewersirrose kan lei. New Scientist het ’n studie onder vrywilligers gedoen waar tien mense vir dertig dae geen alkohol gebruik het nie, en vier hul gewone gang gegaan het. Die vrywilligers…

Die geheim is om te weet wat jy het, waar jy dit kan kry, en dat elke ding ’n bêreplek moet hê Klottervry á Marie Kondo se ikoniese boek, The Life-changing Magic of Tidying Up, is “klottervry” op almal se lippe. Enigiets wat jy langer as ’n jaar laas gedra het en alles wat onnodig plek opneem, moet waai. Ai, jy weet jy moet minder maak en organiseer, maar die berg voel veels te hoog om aan te durf. PLAN B As jy angstig raak by die blote gedagte daaraan dat jy die Moedersdagkaartjies moet weggooi wat die kinders 25 jaar gelede vir jou gegee het, is daar ’n wonderlike tweede opsie: organiseer. Wanneer jy organiseer, skep jy orde en wanneer jy ontklotter maak jy minder. Maar wanneer jy ’n…

• ’n Afspraak is maar net ’n paar uur wat jy in iemand se geselskap deurbring. As dit lekker is, is dit dalk die begin van iets wonderliks. As dit misluk, het jy minstens ’n snaakse storie om te vertel. Moenie ’n berg van ’n molshoop maak nie. • Die moderne man is gemaklik daarmee dat ’n vrou die eerste skuif maak. Maar daarna is dit sy beurt. As hy jul afspraak geniet het en jou weer wil sien, sal hy nie wag tot jy hom weer kontak nie. • Almal het ’n ego wat gekneus voel as iemand nie “ja” sê nie, maar jy gaan nooit weet as jy nie waag nie. Onthou, mans is maar net so bang om die eerste skuif te maak. • Teksboodskappe is soos…

In Kuierkos word daar om die spreekwoordelike tafel gekuier om kos saam met familie en vriende te geniet. Daar is wonderlike resepte vir familiefeeste soos Moedersdag, Vadersdag, Sondagmiddagetes, tee saam met Ouma en ’n piekniek waar familielede bymekaarkom om daardie spesiale verbintenis met mekaar te vier. En natuurlik ook iets vinnigs en oorspronkliks vir kuiers saam met die familie. Neem die boek en ’n vriendin mark toe en snuffel lekkernye uit wat julle kan saamgooi om blitsig iets lekkers aanmekaar te slaan. Natuurlik is daar ook resepte vir bredies of sop wat van snoesige kaggelkuiers iets spesiaals sal maak; nuwe idees vir ’n lekker braai op ’n somersdag; die perfekte spyskaart vir ’n kuiernaweek, asook spesiale resepte om reg te laat geskied aan die Feesdag op 25 Desember. Kuierkos is…

EET SLIMMER Sally-Ann Creed se boek The Low-Carb Creed, neem lesers op ’n maklike roete na ’n gesonder leefstyl. Sy begin by die begin: Sy maak eers voeding maklik verstaanbaar en sluit ook kooktegnieke, inkopielyste en maaltydplanne in. Beskikbaar by die meeste boekwinkels teen R375. SOUT VAN DIE AARDE Daardie knypie sout by jou kos gaan nooit weer dieselfde wees nie. Sout het nou sterstatus bereik en jy kry selfs soutsnobs wat hul neuse vir gewone sout optrek. Alles draai om die oorsprong van die sout. In Suid-Afrika word sout uit die Kalahari hoog aangeslaan danksy die hoë mineraalinhoud daarvan. Sout uit die Himalaja word in Pakistan gemyn en bevat meer yster – die rede vir daardie kenmerkende pienk kleur. Daar is selfs swart sout wat van Ciprus of Hawaii…

Ek kyk verslae na my man. My beste vriend. My hele wêreld Ek het al daarvan gelees. ’n Buiteliggaamlike ervaring. Die vliegteen-die-muur gevoel. Asof jou lewe ’n fliek is wat hom voor jou afspeel. Ek beleef tans so ’n oomblik. En dan word die vlieg teen die muur ’n vlieg in die salf of die wyn of die werklikheid. “Skei? Jy wil skei?” Cobus kyk my halfbedremmeld aan. “Jammer Anna. Ek weet dit is onverwags. Die ding het my net so onkant betrap. Ek ... ” “Die ding?!” Ek spring op. “Watse díng, Cobus? Het die ding ’n naam? Dra sy ’n rok? Waddehel gaan met jou aan!” Cobus is nou ook regop. “Annemieke, jy is histeries my skat. Sit, dan maak ek vir ons rooibos sodat ons rustig hieroor…

Ek is my pa se Poplap en my ma se Skattebol. My susters noem my Snip. Ek dink dis omdat hulle nie kan onthou wat my naam is nie. Don’t ask! Dis Lofstanza, maar niemand gebruik ooit die vreemde naam om met my te praat nie. Ek weet die naam klink baie mooi om te hoor, maar ek het ernstige bedenkinge daaroor. Ek hét dit gegoogle, maar google is ook stomgeslaan. Ek het al gevra ook, maar my ma is slim genoeg om my nie te antwoord nie. Seker bang ek word vir die res van my lewe geskaad en dit kan ’n duur affêre afgee om my minder geskaad te kry. Sielkundiges is nie goedkoop nie. Ek vermoed Lofstanza beteken in een of ander antieke taal, waarvan net my…

DORADO Tom Dreyer (Penguin) Dié bekroonde skrywer se vierde roman handel oor Gilbert du Toit, ’n man wat ná die dood van sy pa visioene begin beleef van vlugtige skole visse en kontoerlyne van lig. Die gestaltes is soos boodskappers, dink Gilbert en hy besluit om die visse te volg – heel-pad oor die wye Karoovlaktes na die Kaap. Op sy reis kom hy allerlei karakters teë, soos die trio oudtronkvoëls wat nou met trompet, viool en kitaar die platteland deurkruis. Hy het belewenisse in kleindorpse kroeë, selfs in dinosourusparke - talle daarvan so vergesog dat jy jou dit nooit sou kon verbeel het nie. Maar al is sy reis hoe ver, bly die storms van sy verlede hom by. Op Kuilsrivier vind hy ’n bietjie rus, selfs liefde, maar…

Die folk-rocksangeres Louise Carver se eerste Sondagkonsert by die Stanford Hillslandgoed by Hermanus vind op 3 Januarie plaas en sal van nou af elke jaar gehou word. Die musikale direkteur Clifford Cooper het ’n produksie saamgestel wat die grootste treffers van Watershed en Carver insluit, asook uitvoerings van bekende liedjies soos Sting se “Fields of Gold” en John Legend se “All of Me”. Die ongewone vertoning wentel om twee klaviere, “maar staan nooit stil nie”, sê Cooper. Diegene wat die vorige vertoning misgeloop het, kan gerus kyk by: youtube.com/ watch?v=oFH_ LeA7qd0&feature= youtu.be Howie Combrink, die dromspeler van Watershed, gaan ook by die vertoning aansluit op akoestiese kitaar en perkussie. Die kombinasie van die vier kunstenaars is wêreldklas, en ’n viering van die beste wat die Suid-Afrikaanse musiektoneel bied. Die vertoning…

Oesfees Delheim se jaarlikse Begin van die Oes - fees is terug. ’n Verwoestende brand op die Simonsberg het verlede jaar ’n stokkie voor hul planne gesteek maar die fees is terug met opwindende veranderinge. Trek die gesinsdagboek nader en omkring 28 en 29 Januarie . Dié fees is een van die eerstes wat die oestyd se harwar inlui. Dis die tyd wanneer wynplase regmaak om die vrugte in te bring; ’n tyd van vreugde ná ’n jaar se harde werk. Delheim se gewilde druiwetrap is terug. Daar gaan ook lewendige musiek en grasperkspeletjies wees. Die kosfees is steeds daar, en ook die geleentheid om die regte kosmaat vir Delheim-wyne te kry. Vir meer inligting of besprekings, kontak die landgoed se Garden Restaurant by 021 888 4607 of stuur ’n…

 Voor ek my voet op ’n vliegtuig sit, is ek al vlugvoos. Dis nie dat ek ’n vliegfobie het of vlugsiek raak nie. Inteendeel, wanneer ’n vliegtuig opstyg, gee dit my ’n heerlike adrenalieninspuiting. Dis die blote gedagte aan die Middeleeuse foltering van ingeperktheid, slaaploosheid, opgeswelde voete, uiterste ongemak en veral die stryd om persoonlike ruimte wat my by voorbaat in koue sweet laat uitslaan. Watter reisiger moes nie al baklei om sy medepassasier se elmboog of knie van sy sitplek af te hou nie? Om die waarheid te sê, het ek my ook al (onbewustelik) aan sulke gedrag skuldig gemaak. Dit was op ’n stampvol vlug na Londen om ’n rugbywedstryd in 2015 se Wêreldbekerreeks te gaan kyk. Saam met my op die vliegtuig was talle ander oproerige rugbyondersteuners…

Die skrywer van vandeesmaand se wenbrief ontvang ’n Celltone-geskenkpak ter waarde van R6 000. Celltone is ’n unieke velsorgreeks wat uit ’n kombinasie van natuurlike bestanddele en slakjelekstrak bestaan. Die reeks bevat ’n gesigsorgroetine van ses stappe, weefselolie en die wonderlike Celltone-jel. Celltone het ook onlangs nuwe produkte bekend gestel: ’n Xtra Hydrating-behandeling, Spot Control en hul sonsorgreeks wat wondere vir jou vel kan doen. celltone.co.za MA SE DAGBOEKIE Toe ek my persoonlike, nodige inligting na my nuwe rooi rose - dagboekie toe oordra, besef ek eers regtig hoe belangrik hierdie boekie in my lewe is! Behalwe dat ek 365 dae van die jaar ’n rooi roos in my handsak dra, is amper my hele lewe in die boekie opgesom. Die vorige jare se boekies staan soos soldaatjies in gelid…

WEN WEN juwele! ’n Moet-hê item. Met Anaïs se versameling kan jy meer as negentig gelukbringers versamel. Jy kan juwele ter waarde van R10 000 van Anaïs se jongste reeks wen. ’n BRIL van R2 000! Verander die manier waarop die wêreld na jou kyk. Een gelukkige leser kan ’n Dynamic Vision ANNY-bril met ’n stylvolle raam wen. Jy kry ook bypassende naellak daarby. Ons wou weet DINK JY HAAIHOKDUIK MOET VERBIED WORD? JA 75% NEE 25% WAT VEROORSAAK DIE MEESTE STRES? FAMILIE & SKOONFAMILIE 49% GELD & INKOPIES 35% VERWAGTINGE WAT EK VIR MYSELF STEL 16% GEBRUIK JY KLAPPEROLIE? JA 46% NEE 37% Splinternuwe NUUSBRIEF Ons het vir ons nuusbrief ’n nuwe baadjie aangetrek! Teken in en jy kan lekker pryse wen! Die liefde Ons pragtige voorbladvrou, Tinarie van…

DIE ELEKTRISITEIT IN DIE LUG WAS DIÉ KEER ONMISKENBAAR – DIE FEIT DAT ALBEI HUL BES GEDOEN HET OM DIT TE IGNOREER TEN SPYT Tinarie van Wyk Loots is ’n bondel vrolike, entoesiastiese energie. Sy is ongekunsteld, ongekompliseerd. Van die aanstellerigheid wat jy soms by die glansrykes sien, is daar nie ’n spoor nie. Van warmte, optimisme en hope lewenslus wel. Sy dra haar hart op haar mou, en sy lag uitbundig en maklik, ook vir haarself. Natuurlik is daar deesdae nog meer rede vir haar vrolikheid en blink oë. Sy naam is Erik Holm, en op 4 November het hy ’n verloofring aan haar vinger gesteek. Hulle het mekaar byna nege jaar gelede in Pretoria ontmoet toe albei in die Staatsteater aan produksies gewerk het. Tinarie was besig met…

Lank, skraal, groen oë wat halfmas hang en regdeur jou kyk, ’n skewe glimlag ... Daarby het Ryan Gosling ’n stoute sin vir humor en hy maak hier en daar effense sarkastiese aanmerkings wanneer hy vrae beantwoord. Sedert hy pa geword het vir Esmeralda (2) en Amanda (9 maande) is sy tong minder skerp, en is hy meer humoristies - voorheen was ’n mens nooit seker wat hy eintlik bedoel nie. Maar een ding is seker: hy het talent. Geen genre is vir hom te moeilik nie. Hy spring sonder ooglopende inspanning van romantiese rolle tot aksie, drama en komedie. In sy jongste fliek, La La Land , kry hy weer ’n kans om sy sang- en danstalent ten toon te stel wat hy as kind in The Micky Mouse…

Anele Mdoda aanbieder, 947 As jy weeksmiddae in Gautengse spitsverkeer om jou kyk en iemand in die motor langs jou hardop sien lag, is die kans baie goed dat Anele Mdoda, wat die huistoegaanskof op 947 behartig, weer behoorlik op haar stukke is. Die Engelse uitdrukking larger than life is die beste beskrywing vir hierdie uitbundige radiopersoonlikheid en aanbieder van Real Talk with Anele op SABC3. Sy is uitgesproke, spontaan en baie snaaks, veral omdat sy nie omgee om haar naam (heel dikwels) krater te maak nie. Anele was ’n Tuksstudent in politieke wetenskap en internasionale betrekkinge toe sy in 2004 op kampusradio saam met Grant Nash begin uitsaai het. In 2007 het sy en Grant hul eie program op die destydse Highveld Stereo (deesdae 947) gekry en van 2008…

• Mense slaap beter wanneer hulle saans inkleur. • Dit help volwassenes om kalm te word en verlaag stresvlakke. • Die besluite wat jy neem wanneer jy inkleur, aktiveer albei kante van die brein. Die keuse van die kleur of soort potlood wat jy gaan gebruik, aktiveer die analitiese kant en wanneer jy kleure met mekaar kombineer, aktiveer jy jou skeppende kant. • Dit voer jou terug na jou kommervrye kinderjare en laat jou ontspanne en positief voel. • Dit kan so voordelig wees soos meditasie wat jou in staat stel om die “geraas” van die dag se eise in jou kop af te skakel en slegs te fokus op wat jy doen. Die herhalende sirkelpatrone van ’n mandala het dieselfde uitwerking. • Dit kan angstigheid verminder en ook ander,…

1 ‘Bly een dag per week grimeervry’ Só sê dr. Ian Webster, ’n Kaapse dermatoloog en eienaar van dermastore.co.za. Grimering, en veral onderlaag, kan 20-25 bestanddele bevat, onder meer preserveermiddels en pigmente. Wanneer jy een dag per week nie grimering dra nie, gee jy jou vel kans om asem te haal en natuurlik te funksioneer. Dis op die dag ook nie nodig om jou gesig diep te reinig nie omdat dit jou vel kan uitdroog. 2 SORTEER Al ooit gevoel daar is niks in die kas wat jy wil aantrek nie, al bars jou kas uit sy nate? Dan is dit tyd om jou klerekas te “detoks”. 1 As jou kas oorvol is, haal alles uit en besluit wat moet uit en wat moet bly. 2 Die Japanse skoonmaakghoeroe, Marie…

• Ontmoet vriende in ’n koffiewinkel eerder as ’n kroeg/ restaurant. • Besluit vooraf hoeveel jy gaan drink en hou daarby. Onthou om die drankies wat jy voor die tyd by die huis drink, in te reken. • Gaan later uit of kom vroeër terug. Dan is daar minder drinktyd. • Los jou kredietkaart by die huis en neem net genoeg kontant vir jou kwota saam. • Moenie in “rondtes” drink nie. Drink in jou eie tempo. • Drink stadig en geniet elke teugie. • Kuier by ’n plek waar jy ook iets kan doen, soos snoeker speel of dans. Dan fokus jy nie soveel op jou drankie nie.…

Jy en jou geliefde se verhouding is vaal en julle seil soos skepe in die nag by mekaar verby sonder om kontak te maak. Jy sou graag iets besonders wou doen, soos om een keer per week weg te glip vir ’n romantiese ete en oor dieper dinge as jul begroting en die kinders se skoolroetine te praat. Maar die tyd en begroting vir grootse, romantiese gebare ontbreek. PLAN B Maak Vrydagaande spesiaal , trek netjies aan gaan drink ’n drankie by ’n deftige hotel of eetplek. Boonop is dit makliker om iemand te kry om twee uur lank na die kinders te kyk pleks van ’n hele aand. Maak dit ’n speletjie en maak beurte om ’n oulike plek te kies - dan wag daar die opwinding van ’n…

Annette Wheeler Omring jou met goeie en betroubare netwerke. Ordentlike vriendskappe wat vir jou die lewe positief maak, is ’n keuse. Seker maar my ouderdom maar ek bly steeds skepties oor afspraakwebwerwe en apps soos Tinder. Moet nooit ’n eerste afspraak afskryf nie, jy leer nie iemand in ’n dag ken nie. Sluit aan by klubs waar mense dieselfde belangstelling as jy deel en bly op jou knieë, God sal die regte een stuur. Marike du Buson Sjoe, ek het eenmaal vir ’n vriend die raad gegee om sommer net met ’n meisie in ’n CD-winkel te begin gesels oor belangstellings. Dit het erg skeefgeloop! Ek sal sê dat jy eerstens jouself moet wees. Stella Jordaan Na my mening is die beste plek om mense te ontmoet tussen die mense…

• Raak stil. Bewustheid is die eerste stap na verandering. Raak bewus van jou persepsies deur soos ’n buitestander na jouself te luister en bewus te wees van wat jy sien en dink. • Bevraagteken en kry denkafstand van jou persepsies. Vra die vraag: Waarom glo of dink ek so? Wil ek dit glo en waar maak? Fokus op ’n voorwerp of ’n mens. Probeer nou om deur die objek of die mens te sien en te hoor. • Bepaal hoe jou eie ego se irrasionele, skewe denkpatrone jou denke en gewoontes vorm. • Skryf neer wat jy oor jouself glo, of oor die teenoorgestelde geslag, verhoudings, vriendskap, die doel van jou werk, politiek, godsdiens ... Vra jouself, of iemand met wysheid, om jou klankbord te wees sodat jy kan vasstel of die gelowe…

Dié sogenaamde ‘kultus-vandie-sous’ het ’n elitistiese toetssteen onder die adellikes en hoëlui geword Dis toe die kok, wat voorheen as die laagste soort slaaf bejeën is, die eerste keer aansien gekry het, en dit wat voorheen as knegskap gesien is as ’n kuns begin beskou is, dat Rome se verval begin het.” Want daarmee saam het onthale oordadige geleenthede geword en dit het tot Rome se ondergang gelei, het die Romeinse geskiedskrywer Titus Livius van Padua, vanjaar presies tweeduisend jaar gelede voor sy heengaan geskryf. Vertonerige, buitensporige bankette met allerhande souse as bindmiddele en pronkstukke het die botoon gevoer. Voordat die Romeinse tiener-keiser Heliogabalus op 18 in ’n sluipmoordaanval dood is, het hy eers sy stempel van uitspattigheid en eksentrisiteit wat kos betref, afgedruk. Keiser Heliogabalus het nie net ’n…

DIDI POTGIETER Didi woon op Potchefstroom en vandat sy kan onthou, skryf sy liefdesverhale in haar kop, maar het onlangs besluit om dit op papier te waag. Met twee kinders, ’n man en ’n loopbaan is daar maar min tyd vir skryf, maar soos vir die meeste ander skrywers, is skryf vir haar terapie en ’n geleentheid om aan die werklikheid te ontsnap na waar die liefde altyd genoeg is, en mans die skottelgoedwasser uitpak sonder om gevra te word. Wat het jou laat besluit om te skryf? Wat was die oomblik wat jou op ’n stoel laat sit en begin het? Ek het skryfkuns geswot en ons finalejaarprojek was ’n manuskrip in die genre van ons keuse – myne was romanza. Dus was graad kry my motivering, maar daar…

NET GENADE Skielik bevind ons huisgesin ook ons in die posisie waar ons hulp van ander nodig het. En ek is deel van statistiek waar vroue bo vyftig nie meer maklik werk kry nie. Ek raak opstandig en moedeloos van sukkel om alle gate toe te stop. Ek doen soms tydelike werk vir lang en laat ure. Ek moet weer self in die tuin woel om die onkruid in bedwang te probeer hou. Maar skielik sien ek weer raak hoe mooi my rose en lelies is. En ek ruik hulle. En ek hoor die mooi geselsies van die swaeltjies vroegoggend. Ek waardeer elke druppel water op die dorre aarde. En ek is geseënd, want ek is gesond, so ook my man en ons kind. En ons almal leer weer van…

Dolverlief. Dis seker die beste beskrywing vir Erik Holm. Nog voordat hulle amptelik verloof geraak het, was al die tekens daar dat Tinarie die rede was vir sy vertrek uit die sepie Binnelanders én die groot trek Kaap toe. Som haar op in tien woorde, as jy kan? Sjoe, net tien? Droomdierdiepverliefbeeldskoonhart ... dit tel as een woord. Hartverskeurendmooi is nog een. En vrotvandietalentenhardwerkend is ’n derde een. Maar nee, ek kan haar onmoontlik nie in net tien woorde opsom nie! Daar is nie woorde wat lank genoeg of mooi genoeg is nie. Wat betower jou van haar? Haar oë. As ek eers dáár verdwaal, kry jy my nie sommer weer nie. Hoe voel jy oor hierdie nuwe hoofstuk in jou lewe? Trots, gelukkig, verlief.…

•  Ryan Thomas Gosling is op 12 November 1980 in Ontario, Kanada, gebore. •  Hy besit ’n Marokkaanse restaurant, Tagine, in Los Angeles. •  Ryan is lid van ’n ‘band’ genaamd Dead Man’s Bones, en hulle het twee albums opgeneem. Sy eerste groot rol op die silwerdoek was in die tranetrekker The Notebook (2004) teenoor Rachel McAdams, met wie hy ’n verhouding aangeknoop het. Dit lyk asof hy geneig was om verhoudings met sy medespelers te aan te knoop. Hy het ook met Sandra Bullock uitgegaan nadat hulle in Murder by Numbers gespeel het. Hy was benoem vir ’n Golden Globe vir sy rol in Lars and the Real Girl (2007). Hy het die ma van sy kinders, Eva Mendez, met die verfilming van A Place Beyond the Pines ontmoet.…

‘As jy gespanne is, kan jy nie helder dink nie. Ek het begin glo ek kan wen en toe verander alles’ Die vinnigste man op twee wiele. Dít was Brad Binder se droom vandat hy as Krugersdorpse kannetjie renstelle gery het. Ná die renstelle het motorfietse koning gekraai. En nou is hy die Moto3-wêreldkampioen, en die eerste Suid-Afrikaner wat in 35 jaar ’n Grand Prix-titel kon wen. Boonop het hy die rekordboeke herskryf met die wyse waarop hy kampioen geword het. Die waterskeiding-wedren, en ook sy eerste oorwinning, was in April op die Circuito de Jerez in Cádiz, Spanje, toe hy laaste moes wegtrek nadat sy motorfiets op ’n tegniese punt gepenaliseer is. Om 34 van die vinnigste jaers in die wêreld van agter verby te steek is iets wat…

Stan Schoeman (84) is baie kunstig en het sy lewe lank graag geteken en geverf tot Parkinson se siekte sy fyn motoriese beheer aangetas het. As deel van ’n eksperiment vir die artikel het hy begin inkleur. “Dis nie ’n skeppende proses soos die maak van ’n skets nie maar dit was lekker om met kleur te speel. Dit was voordelig op soveel vlakke: Dit het my byvoorbeeld geïnspireer om weer my kunsmateriaal uit te haal en met verskillende potlode te eksperimenteer. Dit het my gedwing om op iets te fokus en dis boonop goeie oefening vir my fyn motoriese bewegings sonder dat dit soos vervelige oefeninge voel. Ek kon ook gou agterkom wanneer ek meer begin bewe het – dis altyd ’n aanduiding dat my medikasie aangepas moet word.”…

H&M HET SAAM MET KENZO ’N REEKS GESKEP MET INTERESSANTE, BESIGE MOTIEWE EN OORGROOTSNITTE. ROLNEKBOSTUKKE, STYFPASSENDE STEWELS EN KLEURRYKE TIERVEL-MOTIEWE HET DIE REEKS GEKENMERK.ERTONING GEKENMERK. KLEURE van 2016 Die ontwerp van die Havaianas-plakkies is geïnspireer deur die Pantonekleure van 2016: ligblou ( serenity ) en rooskwarts. Plakkies met ’n swart bandjie oor die voet was nog nooit so vrolik nie. PLAKKIES (R399) HAVAIANAS. VARS voorkoms Die tropiese motiewe en helder kleure van Poetry se lentereeks maak dit maklik om die seisoen met ’n vars voorkoms en ligte gemoed te begin. TOP (R499, 6-18) POETRY. Sensueel in SWART Witchery het met sy First Edition-reeks vroulikheid en minimalisme weer op die moderadar geplaas. Gehalte en gesofistikeerde ontwerp is weer eens die wagwoord. Die klem val op vroulike detail wat daardie sensuele afronding…

PULSE IS ’N TYDSKRIFMENINGSOPNAME WAT ONS GESKEP HET OM MET ONS LESERS IN GESPREK TE TREE. LAAT JOU MENING TEL EN WORD DEEL VAN ’N PANEEL VAN MEER AS DUISEND LESERS WAT AL GEREGISTREER HET EN BEANTWOORD ELKE WEEK ’N PAAR INTERESSANTE VRAE. JY HET OOK ’N KANS OM ELKE MAAND PRYSE SOOS SPA-OF KOOPBEWYSE TE WEN. JOU MENING MAAK SAAK EN JOU BYDRAE OOR SPESIFIEKE ONDERWERPE, NUWE IDEES EN ARTIKELS SAL GEBRUIK WORD OM ONS INHOUD TE VERFYN EN JOU MEER TE GEE WAARVAN JY HOU.OM AAN TE SLUIT, OF VIR NAVRAE, STUUR ’N E-POS NA TANYA, ONS PULSE-GEMEENSKAPSBESTUURDER BY TANYA@OPINIONSOLUTIONS.CO.ZA…

STEM JA OF NEE OP ONS VRAAG IN “WAT DINK JY” EN JY KAN ’N BEAUCIENCEGESKENKPAK TER WAARDE VAN R2 500 WEN! BEAUCIENCE IS ’N TROTS SUID-AFRIKAANSE VELSORG-REEKS WAT VAN NATUURLIKE BESTANDDELE GEMAAK WORD. DIE REEKS IS OOK GEMIK OP DIE OMGEWINGSBEWUSTE VERBRUIKER, WANT HULLE GEBRUIK SOVER MOONTLIK OMGEWINGSVRIENDELIKE VERPAKKINGSMATERIAAL. DIE TEENVEROUDERINGSREEKS VIR ALBEI GESLAGTE BEVAT DIE AKTIEWE BESTANDDEEL PROTEASYL TP, WAT VAN DIE ERTJIEPLANT AFKOMSTIG IS, EN PLOOIE TEËWERK EN DIE VEL VERNUWE EN VOED. WWW.BEAUCIENCE.CO.ZA VRAAG: DINK JY ONS OORKOMPLISEER ONS LEWE? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY”.…

• Kry maats wat ook enkel is, maar moenie gedurig met ’n groot groep vroue (van ses of meer) uitgaan en hoop om mans te ontmoet nie. As jy in ’n kleiner groepie is, sal loslopermans makliker begin gesels. As die groep groot is, is dit intimiderend om toevallige kontak te maak. • Moenie altyd net as ’n groep vroue uitgaan nie. Vra dat elke vrou ’n enkellopende mansvriend saamnooi net om in oefening te bly met mansgeselskap. As jy gereeld op informele vlak met mans sosialiseer, is jy gemaklik as jy dan op ’n date gaan. Dis ook ’n goeie geleentheid om iemand wat jy in die oog het saam te nooi. Lig hom via ’n SMS in dat julle almal gaan fliek of wynproe en of hy lus…

Adele de Wet Ek is opgewonde oor my toekoms. Ek pak voortdurend nuwe uitdagings aan om my aan die gang te hou en is nou besig om ‘n binnenshuise versieringateljee aan die gang te kry. Jou persepsie van die toekoms kan beslis jou lewe beïnvloed. As ek bly sê ek gaan nie hierdie depressie oorwin nie, of jy glo nie in jouself en jou vermoëns nie, is daar net een pad en dié loop afdraand. Aan die ander kant kan jy positief bly en besluit dat jy jou nie deur die depressie sal laat onderkry nie. Karin Behrens As ‘n Christen is ek beslis positief. Dinge in Suid-Afrika kan vir seker verbeter maar ek weet met watter soort uitdagings ek in Suid-Afrika te kampe het in vergelyking met dié wat…

Haastige raakvatter SLAAI IN BOTTELS GENOEG VIR TWEE 250 ML-BOTTELS SOESJISLAAI SLAAISOUS • Meng 90 ml (6 e) sojasous, 30 ml (2 e) sriracha-sous, 6 cm gemmer, geskil en fyn gekap en 30 ml (2 e) suurlemoen- of lemmetjiesap in ’n bakkie. SLAAI • 250 ml (1 k) gaar jasmynrys • 15 ml (1 e) ryswynasyn • 2,5 ml (½ t) sout • 1 komkommer, dun gesny • 1 avokado, geskil en dun gesny • 100 g liggies gerookte salm, in repies gesny • 30 ml (2 e) swart sesamsaad • 2 velletjies nori, geskeur • 100 g slaaiblare, soos waterkruid en babaspinasieblare 1 Skep 1 e van die slaaisous in elke bottel. 2 Meng die rys, ryswynasyn en sout in ’n mengbak. 3 Stapel elke bottel met rys, komkommer,…

Ons gaan saam met Annemieke deur haar emosies stoei nadat haar man haar in die steek laat, en ook deel in haar avonture op soek na nuwe liefde. Verskeie romanzas het al uit Bernette se pen verskyn. Sy het ook vier heerlike enkeltitels geskryf: Lam in Wolfsklere was die eerste en Als oor Kop, Stiletto’s van Staal en Viva la Vida het haar aanhangers na meer laat vra. Sy was twee keer ’n finalis in die ATKV-Woordveertjieprys: vir Glansheld en die Koerantprinses en vir Stiletto’s van Staal. Waar kom jy vandaan, en waar het jou liefde vir skryf begin? Ek is ’n meisie van Pretoria, en het aan die Afrikaanse Hoër Meisieskool gematrikuleer. Ek skryf al van my vroeë tienerjare af. Ek dink my liefde vir lees het tot my…

‘SUID-AFRIKA IS ’N DEMOKRASIE, EN ONS KAN NIE ONDERDUIMSE, ONREGMATIGE REGERINGSBESLUITE BEKOSTIG NIE - OOK NIE FINANSIEEL NIE’ Liz, wat al langer as ’n kwarteeu by energiekwessies betrokke is, is hoof van die energie- en klimaatprogram van die Southern African Faith Communities’ Environment Institute (SAFCEI). Die feit dat dit ’n saak is wat in soveel geheimhouding gehul is, het al op universiteit haar belangstelling geprikkel. Hoekom het jy by die kernkraghofsaak betrokke geraak? ’n Paar jaar gelede, toe ek nog by die omgewingsorganisasie Earthlife Africa was, was ek betrokke by die hofstryd om die oprigting van die sogenaamde pebble bed-minireaktor (PBMR) gestop te kry. Dit was eksperimentele Duitse tegnologie wat elders reeds misluk het. ELA het die hofsaak gewen en die projek is laat vaar, maar eers ná die regering…

Ons Kansa-tee vir 2016 was weer ’n spogfunksie waar rooi rose - lesers saam onder een dak by die St George-hotel om hul lieflike tafels kon saamkuier. Elke jaar, vir meer as drie dekades al, gryp ons Gautengse lesers die geleentheid aan om met hul warmte en omgee dié gesogte kuierdag ten bate van Kansa spesiaal te maak. Die tema vir vanjaar se oggendtee was “Herwin”, wat met ongekende kreatiwiteit en kunstigheid geïnterpreteer is. Ons hoofborg, SPAR, en die ander ondersteuners van ons glansblad met houding en styl het weer met oorgawe betrokke geraak. Ons kon vanjaar ’n bedrag van R384 842 oorhandig wat met verlede jaar se geselligheid ingesamel is. Kankeroorlewing is waaroor dit in werklikheid op so ’n dag gaan, en ons kon vanjaar saam met Kansa hul…

Jy sou sweer ek vra jou om ’n wortelkanaal te ondergaan of bloed te laat of iets … ” Magdel Conradie rol haar oë en keer ’n pinkiepakkie bruinsuiker in haar “lang” cappuccino om. “Dis ’n Nuwejaarsdans in ’n lekker groot saal hier naby ons, nie ’n slagpale nie,” fluister sy teen dié tyd hard en desperaat. “My pa het altyd van ‘abattoir’ gepraat,” antwoord Susaar Boonzaaier terloops en onverstoord. “Ek het eers in my Franse klas op universiteit agtergekom daardie deftige woord beskryf ’n bloederige storie.” “Moenie die onderwerp verander nie, Van Graan!” raas Magdel gedemp in die oop koffiekroeg in die atrium van ’n bekende winkelsentrum in Johannesburg. Onwillekeurig gebruik sy Susaar se nooiensvan – ’n lawwe gewoonte uit hul universiteitsdae in ’n koshuis in Pretoria. Oor ’n…

Dié keer vra ons vrae oor “hart”. As jou boekklub al die vrae reg beantwoord en getrek word, skenk Graffiti aan julle al die boeke wat in hierdie uitgawe op ons boekrak staan. Stuur jul antwoorde na roneln@caxton.co.za met “Januarie-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer. Vrae 1 Waar die hart van vol is ... Voltooi die idioom. 2 Wie het die eerste kunshart in SA oorgeplant? 3 Wie is die twee susters van die rockgroep Heart? 4 Wie het “Hungry Heart” gesing? 5 “Op die groen voetpad van die horison ver. Om die aarde skat, stap ’n ou man wat ’n oop maan dra in sy hare. Nagtegaal in sy hart.” Gedig en digter?…

Ná sukses by rAge – Suid-Afrika se grootste videospel en tegnologiegebeurtenis – het Blue Ocean VR aangekondig dat hulle die Blue Ocean Virtual Reality Experience Centre gaan open. Vanaf Desember sal die toekomsgerigte tegnologiespel beskikbaar wees vir die publiek om pret in 3D en virtuele realiteit (VR) te hê. Die sentrum in Bedfordview belowe om ekstra funk aan die vakansie te gee. Dit is regtig iets wat die meeste van ons nog nooit beleef het nie … Die HTC Vive is ’n eerste in sy soort: ’n VR-stelsel wat ’n vertrek of enige ruimte in ’n 3D-spasie omskep sodat die besoeker voel asof hy in ’n driedimensionele arena is. ’n Reeks speletjies of ervarings word opgetower waarin die speler betrokke is, soos om saam met walvisse te swem, of in…

MIDDLEGROUND – RICHARD STIRTON. HY WAS NIE VERNIET THE VOICE SA SE WENNER NIE. VAN DIE EERSTE SNIT “BREAK THE SILENCE” REGDEUR TOT BY “CALL IT LUCK” HOU HY JOU BETROKKE. SY WEERGAWE VAN SIMON & GARFUNKEL SE “THE SOUND OF SILENCE” IS SEKER EEN VAN DIE MOOISTES, EN IN DAARDIE ENKELE SNIT HOOR JY DIE VOLLE REIKWYDTE VAN SY STEM. ’N INDRUKWEKKENDE WENNERSALBUM. FORM & FUNCTION (PART 2) – GANGS OF BALLET. DIE DURBANSE GROEP SE OPVOLGALBUM BEGIN BYNA IN OPERASTYL VOORDAT DIT RITME OPTEL. DIE GROEP IS UITERS OORSPRONKLIK EN HUL CLOSE HARMONIES-STYL IS MEESLEUREND. DIT IS GENREVRY, NIE ROCK OF ELEKTRONIES OF KLASSIEK NIE, MAAR TOG ’N BIETJIE VAN ALLES. STERK LIEDJIES, GEVOELVOLLE UITVOERINGS EN VOOR JY JOU KAN KEER, SING JY SAAM.…

 Rock bottom”. Dit was waar J.K. Rowling, die topverkoper onder die lewende skrywers in Brittanje haar bevind het toe sy in 1990 voor haar stokou tikmasjien gaan sit en die eerste bladsye van die eerste Harry Potter-boek begin tik het. Die hele boek is volledig vir haar ingegee, het sy later gesê. HAAR EERSTE BOEK HET IN 1990 ‘VOLLEDIG GEVORM’ IN HAAR KOP ONTPOP. SY MOES VIER UUR LANK IN MANCHESTER OP ’N TREIN NA LONDEN WAG TOE DIE STORIE VAN ’N JONG SEUN WAT IN ’N SKOOL VIR TOWENAARS IS, VIR HAAR INGEGEE IS Sy het daardie fase van haar lewe só beskryf: “I was set free because my greatest fear had been realized, and I still had a daughter who I adored, and I had an old typewriter…