Innholdsfortegnelse for Januarie 2018 i Rooi Rose

DIE NUWE JAAR wink vir ons, en dis vir my ’n uitdaging om positief te wees. Soveel koerantopskrifte, Twittervoere en radio- en TV-gespekke jaag my bloeddruk daagliks op. Hulle weergawes van die sake van die dag wêreldwyd, hoewel feitelik korrek, is eenvoudig skrikaanjaend, vir my en seker elke regdenkende mens daar buite! Ons artikel oor positiewe denke en die uitwerking daarvan op jou lewe maak daarom aanspraak op meer as net my oppervlakkige aandag. Ek onthou weer iets wat ek ’n rukkie gelede raakgelees het op ’n baie interessante blog wat ek volg, Brain Pickings van Maria Popova. Dit het gegaan oor gemoedsrus en wat my veral getref het, is dat ons nooit daaraan dink dat elke tydvak sy eie bekommernisse het nie. Ons vergeet van die vrese, die plae…

DIE WONDERLIKE GEUR VAN ’N SOMERDAG LANCÔME SE JONGSTE: LA VIE EST BELLE L’ÉCLAT EDP (R1 499 VIR 50 ML). KLINK ’N GLASIE OP DIE NUWE JAAR MET DIE WARE JAKOB. BOLLINGER ROSÉ 2006 (R1 500 BY UITGESOEKTE DRANKWINKELS).…

‘Wanneer ons iemand sien wat dapper is, laat dit ons beter voel’ Dit kan seker nie maklik wees om in hierdie stadium van jou lewe in die kollig te wees nie? (Sy kyk weg, en haar oë skiet vol trane.) Ek is oukei. Dit is moeilik. Dis die eerste keer in ’n lang ruk dat ek weer onderhoude moet doen en dis nie maklik nie. Ek voel op die oomblik ’n bietjie kamerasku omdat ek nie so sterk soos gewoonlik voel nie. Wat dink jy beteken dit om iemand te vergewe? Ek glo aan geregtigheid, en dat daar eers ’n vorm van geregtigheid moet geskied voordat jy kan vergewe. Ek sê altyd vir die kinders dat jy nie bitter teenoor ander mense moet voel nie. Moenie haat saamdra nie, want…

Soms kry ’n mens ’n wonderlike oproep, so wonderlik dat jy dit nie kan glo nie. Toe die South African Council of Shopping Malls my uit die bloute bel om te hoor of ek met Nigella Lawson ’n onderhoud wil voer, was ek doodseker iemand is nou besig met ’n poets! Niemand het eens geweet die bekende glanskok kom Suid-Afrika toe nie, en hier nooi hulle my om ’n eksklusiewe onderhoud met haar vir rooi rose te voer! Ek is ’n toegewyde aanhanger en natuurlik het ek die geleentheid aangegryp. Nigella se kookboeke en programme begeester my al van my studentejare by die sjefskool af. Haar unieke, eenvoudige kosaanslag en haar kenmerkende sexy en beskrywende TV-aanbieding, het haar wêreldberoemd gemaak. Nigella sê sy is ’n “foodie”, beslis nie ’n sjef…

Jacques Pauw was ’n doring in die vlees van die apartheidsregering, en sedert die verskyning van sy nuwe boek, The Presidents Keepers, is dit veilig om te sê die netwerk korruptes wat president Zuma op sy wankelrige troon hou, haat hom ook. Binne ’n dag nadat die Staatsveiligheidsagentskap (voorheen Nasionale Intelligensie) aangekondig het hulle wil die boek verbied, is al 20 000 eksemplare uitverkoop (maar daar was intussen weer ’n herdruk), en dit was ook ’n rukkie lank die beste e-boekverkoper ter wêreld. Jacques word sedertdien gedreig met die dood, arrestasie en hofsake, maar van stilbly is daar nie sprake nie. Hoekom het jy restauranteienaar geword? Ek was moeg vir joernalistiek. My loopbaan as joernalis het op 1 Januarie 1985 begin. Teen die einde van 2014 was ek tam. Tussendeur…

Deesdae sien ons al meer volwasse vroue in die kollig. Die Italiaanse Vogue het onlangs ’n hele uitgawe net aan ouer vroue gewy met die 73-jarige model Lauren Hutton ( ja, sy met die gaping tussen die voortande) op die voorblad. By ’n L’Oréal-modevertoning in Parys het die aktrises Helen Mirren (72) en Jane Fonda (79) hul slag op die loopplanke gewys. En die Amerikaanse Maye Musk (69), ma van die Suid-Afrikaans gebore magnaat en uitvinder Elon Musk, is onlangs as gesig vir die Amerikaanse grimeerreeks Cover-girl aangewys. Op 64 is Brigitte Macron, vrou van die Franse president, Emmanuel Macron (39), ’n nuwe mode-ikon vir vele met haar stylvolle, moderne uitrustings. 1 Jackie Burger Aanvaar jou ouderdom Om die fisieke tekens van veroudering te aanvaar is nie ’n mens se…

AL WEER CANDIDA? FOUTE WAT JY DALK MAAK: • Om heeldag in klam swemklere te loop Die swam gedy in klam hitte. • Om in die somer ’n langbroek te dra Dit skep ook die warm, klam omgewing waarin candida floreer. • Om jou vagina aan parfuum, sepe, poeiers en badolies bloot te stel Jou vagina is ’n uiters sensitiewe omgewing waar ’n fyn balans tussen organismes, waarvan candida een is, gehandhaaf word. Sulke produkte gooi maklik die balans omver, waarna veral candida handuit ruk en oorgroei. • Om swangerskap as oorsaak te ignoreer Swangerskap verander jou hormoonbalans, wat jou kans op vaginale candida opstoot. Gelukkig kan die infeksie nie jou baba benadeel nie. Maar wees verstandig oor behandeling: dit is nie nou die tyd om onnodig antibiotika te drink…

Uitspanplek, hartsplek Langsaan: Die Leigh-gesin het die lieflike stuk grond, destyds nog ’n kleinhoewe, reeds in 2005 aangeskaf en in 2008 met die hulp van ’n argitek hul droom-uitspanplek daar laat bou. Die wit huis lê op die randjie van die duine en die branders breek neffens die drumpel. Die media het gou belangstelling getoon en die huis word dikwels vir stilfotografie gebruik. Selfs ’n Bollywood-fliek is hier gemaak. Die pragtige plek word buite seisoen aan vakansiegangers verhuur. Bo: Stap jy by die voordeur in, staan jy botstil wanneer jy die prentjie van die duine, strand en see sien wat jou begroet. In volkome harmonie met die omgewing • Die badkamer het 'n ewe beeldskone uitsig. Die moderne ontwerp van die vertrek word versag deur die rustieke styl van die…

Voel ons gelukkig en gelief, word ons bloedstroom met goedvoelhormone deurdrenk Verandering is so aangenaam soos ’n vakansie, hou die wysheid van die spreekwoord voor. Eweneens bevestig wetenskaplike navorsing dat ’n verandering in eet- en leefstylgewoontes ’n mens se lewe kan verleng of red, en lewensgehalte aansienlik verbeter. Binne enkele ure nadat ’n roker die laaste dampie uitblaas, begin die longe herstel en as die roker vroegtydig ophou, kan die skade ná ’n paar jaar van rook-onthouding uitgewis wees. Nét so begin die lewer en liggaam se herstelproses binne dertig uur nadat ’n drinker sy laaste sopie weggeslaan het. Verander ons ons eetgewoontes ten goede, word dit ook kort voor lank deur nuwe liggaamlike welstand weerspieël. In die inleiding van Die Doktersboek van Kosse wat Heel, skryf die redakteurs van…

Kombuiskuns Dr Green® is ’n reeks kookgerei wat deur die bekende Italiaanse handelsmerk Risoli vervaardig word. Hulle glo dat om gesond te eet, jy ook gesond moet kook. Daarom is die produkte in die Dr Green®-reeks van gehalte-materiale gemaak wat nie skadelike stowwe afskei nie, en nie die gehalte en smaak van jou kos sal beïnvloed nie. Die veelsydige en kleefvrye produkte word van hoëgraad-aluminium gemaak en is geskik vir enige kooktegniek. Besoek risoli.co.za vir meer inligting. Een gelukkige rooi rose-leser kan ’n Dr Green®- geskenkpak van R5 000 wen. Sleutelwoord: Kook Weeldewegbreek Die Cellars-Hohenort-hotel in Constantia, Kaapstad, word deur nege hektaar se prentjiemooi natuurskoon omring. Die vyfster-herehuis het 51 gastekamers en luukse-suites wat oor Tafelberg uitkyk en is dié ideale plek vir ’n onvergeetlike wegbreek. Die bekroonde hotel se…

PEET VENTER Brand is die vyfde boek in die Thys Krigereeks. Dieper as die bloed, Ou bloed, Waar boosheid broei en Plasenta is die eerste vier. Oor Brand sê resensente onder meer: “Dis naelbytlekkerte, beter as enige aksiefliek. Peet Venter posisioneer hom met hierdie reeks (Thys Krige) in die groep briljante krimiskrywers in Suid-Afrika.” – Madri Victor, LitNet; en: “Fantastiese skryfkuns gekombineer met ’n uitklopstorie is net die resep vir ’n meesterstuk soos hierdie.” – Marna Ueckermann, Rapport. Die skrywer is uiters privaat, maar het tog ingestem om ’n paar vrae te beantwoord. Waar/hoe het die Thys Krige-karakter posgevat? Ek wou ’n onortodokse speurderkarakter skep, maar in teenstelling met die stereotipe. Hy moes ’n gevaarlike man wees wat nie huiwer om dood te maak nie, ook nie ’n gewetenlose breker…

Vir die vroue wat hy be-tower het, was Chris Barnard ’n hartebreker. Vir sy pasiënte ’n harteheler. Dié nuwe biografie oor die beroemde hartchirurg vertel van Barnard se kinderjare op Beaufort-Wes, sy huwelike (en egskeidings) en flambojante lewe. James Styan ondersoek die uitwerking van die hartoorplanting op Barnard se persoonlike lewe en op die Suid-Afrikaanse gemeenskap. Die rol van swart mediese personeel soos Hamilton Naki word bespreek, sowel as die intense wedywering wat tussen ander beroemde hartchirurge en Barnard ontstaan het. Hoe het Barnard dit reggekry om hulle te klop? En wat is sy nalatenskap vandag, in die lig van sy latere suksesse en mislukkings?…

NORAH JONES – DAY BREAKS. ’N VERSTOMMENDE ALBUM MET JONES WAT TERUGKEER NA HAAR KLAVIER- EN JAZZ-WOR-TELS. SY IS EEN VAN AMERIKA SE TOPKUNSTENAARS, MET HAAR BAIE HERKENBARE HEUNING-STEM EN SAMEVOEGING VAN ANDER GENRES SOOS COUNTRY, FOLK, ROCK EN SOUL. DIE TWAALF SNITTE SLUIT NEGE OORSPRONKLIKE WERKE IN. GREGORY PORTER – NAT KING COLE & ME. PORTER SE GRAM-MY-WENSTEM HANTEER DIE TYDLOSE LIEDJIES VAN COLE MET GRASIE, WARMTE EN PAS-SIE. TREFFERS SOOS “SMILE” EN “MONA LISA” GAAN DIE NOSTAL-GIE-TRANE LAAT SPAT. ’N GROOT MAN MET ’N GROOT STEM WAT JOU HARTSNARE SAL ROER. NAT KING COLE KON NIE VIR ’N BETER INTERPRETEERDER VAN SY MU-SIEK GEVRA HET NIE. HANNA BOS – VERF JOUSELF. MENSEVERHOUDINGS IS DIE INSPIRASIE AGTER DIE MEESTE MUSIEK, MAAR HANNA LAAT DIT…

AMZ Loves jenamonline.co.za Ballo ballo.co.za Balmain Hair Couture glamit.co.za Black Betty 072 803 9456 Bvlgari 011 883 1325 Call It Spring 072 550 7138 Catrice Dis-Chem, Takealot.com Chanel 011 325 1000, chanel.com CNA 0800 203 925 Colette Hayman 011 880 2134 Cotton On 021 552 9651, 021 981 9366 Cum Boeke 016 440 7142 Dear Rae 021 447 1390, dearrae.co.za Diane Paris diane-paris.com Dokter and Misses dokterandmisses.com Dune London 011 685 7055, 021 529 1972, 011 214 7783 Dynamic Vision dynamicvisionsa.co.za Dyson shop.dyson.co.za, home.co.za , hirschs.co.za Elizabeth Arden 021 597 1700 Espadril espadril.co.za Eucerin 0860 102 091 Execuspecs 0860 109 289 Fentimans rockerdistributors.co.za, yuppiechef.com, SPAR. Folli Follie 011 883 0565 Gatineau Truworths, Woolworths, Edgars Green Cross 011 884 0085, 021 551…

Jy sal seker jou lekkerbektande vir ’n kerkbasaar-‘jaffle’ moet trek Oonlangs het ’n politieke ontleder gesê ’n mens moet ’n plan B hê vir as dinge in Suid-Afrika skeefloop. Wat dan? ’n Eie groentetuin in Botswana, ’n vissersbestaan in Namibië? Ek wat potplante laat vrek en versigtig is vir koue water? Wie kan belang stel in iemand verby die immigrasie- sell-by-date en wie se hoofvaardigheid is om Afrikaanse spelfoute reg te maak? Sal my Mpumalanga-Engels vir ’n dagblad in Guatemala deug? En toe het ek gedink oor hoe dit sal wees om nie meer hier te wees nie. Jy sou seker iets kon saamneem, in die geruite China bags waaroor Johan Myburg in sy bundel Uittogboek dig. Sê ’n mens sou jou ouma se tapisserie van die kraanvoël en die…

Die skrywer van vandeesmaand se wenbrief ontvang ’n HANNON-geskenkpak ter waarde van R5 950. Wanneer dit by skoonheid kom, is HANNON ’n vertroude naam. Sy reeks gehalteprodukte strek van grimering en skoonheidsmiddels tot haarprodukte en vele meer. Kyk by hannon.co.za vir meer inligting. ONSTUITBARE ELSJE Die artikel oor Elsje Neethling (rooi rose, November 2017) het heelwat reaksie van ons lesers ontlok: • Wat ’n voorbeeld is jy nie! Jy straal, ondanks alles waardeur jy al is! Jy is ’n amazing vrou. Sandra Liebenberg. • Sjoe wat ’n inspirasie. Ek het jou boek al twee keer gelees en elke keer met soveel trane. Sterkte, jy is regtig ’n ystervrou. Marianne Visser. • “Ek kies vreugde.” Elsje, ek ken jou nie, maar tog ken ek jou deur al die artikels wat ek…

Colette Nel (41), projekkoördineerder, Sasolburg As jy elke dag met dankbaarheid tegemoet gaan, sal elke jaar jou beste jaar wees. Wees dankbaar vir wat jy het, want daar is mense wat niks het nie. Tel jou seëninge, nie jou sorge nie. Dan sal daar nie gevolge wees nie, maar resultate. Sanri van der Walt (34), finansiële bestuurder, Randburg Meer tyd inruim vir my gesin en dinge wat my gelukkig maak. Ek moet beter prioritiseer, tydsbestuur toepas en meer nee sê vir dinge wat my tyd mors, nie waarde toevoeg tot my lewe nie en mense wat my misbruik. Beatrice Terblanche (71), afgetree/skilder L’Agulhas Elke jaar is my beste jaar. Ek word elke jaar geseën met goeie gesondheid, ’n baie gelukkige huwelik en pragtige kinders, skoonkinders en kleinkinders. Ek wens net…

‘Suksesvolle mense is byna altyd omstrede’ Gareth Cliff #UNRADIO-ENTREPRENEUR As klein seuntjie wou ek álles hê. Toe my ma dit agterkom, het sy gevrees haar telg sou in ’n volwassene met grootheidswaan ontwikkel. Op hoërskool het ek gehoop om Keiser van die Wêreld te word, maar sedertdien het ek my verwagtinge so ’n bietjie getemper. Die tiener-Gareth sou diep teleurgesteld wees as hy my nou kon sien ... ” Só skerts Gareth Cliff, stigter en president van CliffCentral.com, Suid-Afrika se grootste aanlynverskaffer van inhoud vir nis- en hoofstroomradio-en-video. “Ek dink ek kan my vroeëre suksesse nou nugter beoordeel, en ek is gretig om meer te bereik. Ek wil ’n omwenteling in die digitale mediaomgewing bring en nuwe sakegeleenthede ondersoek om van CliffCentral.com die voorste global content hub te maak.” As…

‘Ek het nog altyd in kos maak belang gestel en het vakansies selfs as sjefsassistent by ’n lodge buite Tsumeb gewerk’ Hein Scholtz, die enigste seun van twee onderwysers, is op Keetmanshoop gebore en het ’n groot deel van sy lewe in Namibië deurgebring. Hy beskryf homself as ’n gesinsmens. “My suster, Alizia, is beeldskoon en het ’n hart van goud. My pa is ’n paar jaar gelede oorlede, maar ek en Alizia en ma Linda is ongelooflik geheg aan mekaar. Tegnologie, en veral WhatsApp-oproepe, het dit gelukkig moontlik gemaak om die boelie van afstand te breek.” Vra jy oor sy kleintyd, meen hy sy ma en suster sou seker vertel hy was dramaties en woelig en het te veel vrae gevra. “Ek en Alizia was groot pelle. Ons het…

Dinamies in DENIM Verlede jaar het geborduurde denimkledingstukke die winkels oorgeneem, maar nou is dit tyd vir geskeurde some en stik-detail. Volgens die Cotton On-aankoper, Marcella Bisset, is die fokus van die seisoen op individualiteit en doen-dit-self-detail. Dra ’n KUNSWERK Mr. Price se nuwe Project-reeks streef na ’n verpersoonlikte styl. Ses Suid-Afrikaanse kunstenaars het vir hierdie reeks elkeen ’n unieke kunswerk gemaak wat op ’n T-hemp gedruk is. Reis deur AFRIKA Die hoëlyf-bikinistyl is terug en ons is gaande daaroor. Met dié soort broekie kan jy bulte verbloem en rolletjies wegsteek. Boonop is Lalesso ’n plaaslike maatskappy. GEMAKLIK Daar is geen rede om styl prys te gee ter wille van gemak as dit by skoene kom nie. Green Cross se somerpalet bestaan uit pastelkleure met ’n romerige ondertoon, afgerond met…

SLAAI MET TROPIESE VRUGTE, PARMAHAM EN FETAKAAS MET ’N KRUISEMENTSLAAISOUS GENOEG VIR 4 SLAAISOUS • 1 k (250 ml) vars kruisement • ½ k (125 ml) olyfolie • 10 ml vars knoffel, fyngekap • 15 ml witwynasyn • 10 ml heuning • knypie sout SLAAI • 6 lappies parmaham • ½ spanspek, afgeskil en in wiggies gesny • 1 avokado, geskil en in skyfies gesny • 200 g waatlemoen, geskil en in blokkies gesny • 200 g fetakaas, verbrokkel • 50 g pistasieneute, uit die dop • ½ rooi-ui, geskil en in dun skyfies gesny • ’n hand vol vars basiliekruid • ’n hand vol vars kruisement 1 Bring water in ’n middelslagkastrol tot kookpunt. 2 Dompel die kruisementblare vir sowat ’n minuut in die kokende water, dreineer en sit…

‘Om ’n hond te koester, te vryf en vas te hou, kan so goed wees vir jou hart en kop soos diep meditasie, en byna so goed soos gebed vir jou siel’ – Dean Koontz (Amerikaanse skrywer) HET JY GEWEET? SJOKOLADE IS GIF VIR HONDE En nee, dis nie omdat dit hulle laat vet word nie! Sjokolade bevat teobromien, ’n stof wat giftig is vir hon-de. Dit stimuleer die brein, hart en asemhalingstelsel, en kan dodelik wees. Moenie vir jou hond sjokolade gee nie, en as hy dalk per ongeluk ’n stafie sjokolade (of erger nog, ’n boks vol!) in die hande kry, moet jy hom goed dophou. • As jou hond naar is, baie meer water as gewoonlik drink, erg opgewonde is, kwaai kwyl en onvas…

Ek het nog altyd gedink juffrou Gericke het geen sin vir humor nie - ek kan glad nie onthou of ek haar al ooit sien glimlag het nie. “Grietjie, as jy nie dadelik ophou met jou gegiggel nie, kom sit jy hier reg voor, is dit duidelik? Jy hou die hele klas op met jou verspottigheid.” Grietjie, wil jy nie maar aanhou giggel nie, seblief ? Die wiskundeklas sal tog soveel draagliker wees as jy hier reg voor my kan kom sit! Ek het ook ewe skielik smiddae atletiek begin oefen - hoewel ek besef dat ek geen groot atleet is nie en ook nooit sal wees nie. Spiesgooi en gewigstoot het baie belangrik in my lewe geword. Veral op die middae dat Grietjie ook veldnommers oefen. Kan sy hardloop!…

Vroeër vanjaar, in Borskankermaand, het rooi rose , SPAR en KANSA weer hande gevat en die 35ste KANSA-tee in Pretoria aangebied. Dit was ’n wonderlike geleentheid waartydens sowat 1 600 vroue van oral in Gauteng bymekaargekom het om saam te kuier en geld vir KANSA in te samel. Ons tema, “Feesviering”, het gesorg vir prentjiemooi tafeldekor, lekker eetgoed en ’n goedvoel-atmosfeer wat elkeen geraak het. Seremoniemeester Riaan Cruywagen het toegesien dat die verrigtinge vlot verloop, terwyl ons gassprekers, Hannon Bothma en Janina Oberholzer, hul pittige sêgoed, raad en persoonlike stories met die gehoor gedeel het. Twee besonderse kunstenaars, Jo Black en Willem Botha, het die geleentheid ekstra spesiaal gemaak. Tog sou hierdie byeenkoms nie sonder die ondersteuning van al ons borge, gasvroue, gashere, helpers en ander rolspelers moontlik wees nie.…

Ons vra vrae oor “brand/ vuur”. As jou boekklub al die vrae reg beantwoord en getrek word, kry julle die boeke in hierdie uitgawe op ons Boekrak, geskenk deur Graffiti. Stuur jul antwoorde na roneln@caxton.co.za met “Januarie-boeke” in die onderwerpreël, of na rooirose.co.za rooirose.co.za. Klik op “boeke” en volg die aanwysings. Stuur vir ons jou boekklub se naam, posadres en selnommer! Moeilik? Google dit… VRAE 1 “Fire and Ice”. Digter? 2 Wie het die lirieke van “Brand Suid-Afrika” geskryf? 3 In watter groep is hy? 4 “Fire and Rain”. Sanger? 5 Afrikaans vir “rocket”? November-antwoorde 1 Wie het Farm Aid begin? Willie Nelson, John Mellenkamp, Neil Young en die SA seun Dave Matthews. 2 Wat is dit? ’n Jaarlikse konsert wat sedert 1985 gehou word ter ondersteuning van familieboere in…

(Gegrond op ’n ware verhaal soos die hartchirurg Susan Vosloo dit aan Jan Groenewald vertel het.) Aan wie is jy getrou? Jou ouers? ’n Beminde? Wie kies jy as die keuse tussen lewe en dood lê? Christo Davids en Nadia Valvekens, albei geliefde Suid-Afrikaanse akteurs, bring jare se ryke ervaring na die uitdagende rolle wat hulle in Hartklop vertolk. Christo, as akteur veral bekend as Errol in 7de Laan , is ’n gesoute speler en ook die regisseur. Nadia Valvekens, ’n ervare rolprent-, TV- en verhoogaktrise, is soos Christo ’n bekroonde kunstenaar. In die Arenateater, Kunstekaap, van 20 – 23 Des. Computicket.…

Sononderskou Twee van Suid-Afrika se talentvolste sanger/liedjieskrywers, Louise Carver en Ard Matthews, bied op 3 Januarie ’n magiese sononder-vertoning op die Stanford Hills-landgoed net buite Hermanus aan. Albei kunstenaars het verskeie radiotreffers op die kerfstok en die unieke negentig minute lange konsert sluit hul bekendste liedjies in, asook ’n klompie spesiale samewerkings. Die hekke open al om 14:30 en die vertoning begin om 17:30.louisecarver.com/Buy-Tickets Ruimtestasie op Aarde Die Canal Walk-inkopiesentrum in Kaapstad wat met sy eie ruimtestasie spog, nooi aardlinge om tot 14 Januarie daardie opwindende Super-Galactic-ruimtestasie in die binnehof te kom verken. Daar is byvoorbeeld ’n reuse- space maze waarin ruimtedwalers by verskillende sones kan aandoen en soveel pret moontlik op pad soontoe kan beleef. Alle ruimte-ontdekkers, neem kennis: Haas julle heel eerste na die lanseringsblad waarvandaan julle op…

Die meeste lesers besluit op die dag wat hulle gaan kook en dit hang grootliks af van wat hulle in die spens/ yskas het. ’N SPAARREKENING is hoe die meeste lesers vir hul vakansies betaal 51% VAN JULLE WEET NIE HOE OM TE MEDITEER NIE 28% VAN JULLE VERKIES GESINSOORDE VIR VAKANSIES 21% EET GEREELD BEVRORE GROENTE PULSE IS ’N TYDSKRIF-MENINGSOPNAME WAT ONS GESKEP HET OM MET ONS LESERS IN GESPREK TE TREE. LAAT JOU MENING TEL EN WORD DEEL VAN ’N PANEEL VAN MEER AS DUISEND LESERS WAT AL GEREGISTREER HET EN ANTWOORD ELKE WEEK ’N PAAR INTERESSANTE VRAE. JY HET OOK ’N KANS OM ELKE MAAND PRYSE SOOS SPA- OF KOOPBEWYSE TE WEN. JOU MENING MAAK SAAK EN JOU BYDRAE OOR SPESIFIEKE ONDERWERPE, NUWE IDEES EN ARTIKELS SAL GEBRUIK WORD OM…

DIE EEN-DUT-REËL Ons is almal hieraan skuldig – jou wekker lui en jy het net nog vyf minute nodig. En dan nog vyf en nog vyf en voor jy weet, is jou hele oggend ’n gejaag! Pas die een-dut-reël toe: wanneer die wekker die tweede maal lui, spring uit die bed en begin die dag! ’N GOEIE ONTBYT Ons het dit al ’n miljoen keer gehoor – ’n goeie, voedsame ontbyt is die belangrikste maaltyd van die dag. En dit is. Dit verhoog jou metabolisme en behou jou energievlakke. Begin jou dag met ’n paar plaatkoekies, vrugte en ’n glas Clover Duo Breakfast Sensation! MEDITEER Moenie hierdie een oorslaan omdat jy dink jy het nie tyd nie. Begin met net vyf minute per dag – meditasie help om jou gedagtes…

DIE HOKSLAANHOU Die gevoel wat jy kry wanneer dinge verkeerd gaan sodra jy dink jy is te cool om te fouteer, het Audrey Blignault jare gelede as “Die Hokslaanhou” beskryf. Iets gebeur wat jou op jou plek sit. Soos by my dogter onlangs. Kom ek wys jou hoe maak ek kaassous, spog ek. Ag nee wat Ma, kyk daar in die kas is ... (daardie vrou) se mengsels. Dêmmit. O, en die kombuiskaste het dan nie handvatsels nie? Nee Ma, jy druk net met jou vinger en daar gaan dit oop. Gonna. My moed sak al dieper, want ek kan in daardie huis nie kook nie. Nie soet pampoen of geelrys en rosyne of heerlike, vetterige braaihoender nie. Nee, my dogter se gesig trek op ’n plooi wat vir ’n…

WEN Pamperlang Omskep jou huis in ’n spa en pamperlang jou lyf van kroontjie tot toontjie met luukse produkte. Ons bederf een gelukkige leser met ’n LCN-geskenkpak van R5 365! Romantiese WEGBREEK Begin die nuwe jaar op ’n spesiale noot met ’n romantiese wegbreek na die Silver Forest-boetiekhotel in die Paarl. Twee gelukkige lesers kan in die nuwe jaar dié luukse hotel en spa eerstehands ervaar. Nuwejaars-PLANNE Ons het seker gemaak jy het stapels interessante idees sodat jy 2018 met lewensvreugde en baie pret kan binnegaan - van ’n piekniek onder die sterre tot interessante skemerkelkies om die Oujaar mee af te sluit. Kyk weer! Vandeesmaand se voorbladvrou, Christia Visser, is beeldskoon, maar het jy al gesien hoe dié mooie mens voor die kamera kan smeul? Kyk na ons agterdie-skerms…

Nuut! Unieke, handgemaakte bykomstighede, juwele, klere, natuurlike skoonheidsprodukte en selfs kuns – hier is iets vir almal! Nuwe produkte word gereeld bygevoeg rooirosewinkel.co.za…

Die meeste mense wat dol is op rolprente of TV-reekse, ken die name van die akteurs, dikwels ook dié van die regisseur en die kameraman, soms selfs ook dié van die draaiboekskrywers. Maar daar is ’n horde ander mense wat net so toegewyd en ywerig aan rolprente werk, maar wie se name nie so bekend is onder gewone mense nie. Twee sulke toegewyde mense is Nerine Pienaar, kostumier, wat al heelparty toekennings vir haar werk in rolprente gekry het, en Claudia Hamman, ’n haarstilis en grimeerkunstenaar. Dis ook belangrik dat die kostumier en die grimeerkundige goed moet kan saamwerk, sê Claudia, want hul werk vul mekaar aan. Die twee hou altyd ’n dinkskrum voordat hulle aan ’n rolprent begin werk. Nerine, wat ’n groot kostumeringsateljee in Randburg in Johannesburg het,…

‘Dit is een ding om te sê jy gaan iets doen, maar om dit wel te doen is iets heel anders. My ouers het my geleer om te dóén, en ek hoop om dit ook vir my kinders te leer. Dit gaan oor eerlikheid en integriteit,’ sê Chris Hemsworth KOEL lippe ELIZABETH ARDEN PLUSH UP LIP GELATO (R295 ELK) laat jou lippe heerlik koel voel en die tien skakerings verseker helder spatsel kleur. Die jel bevat peptiede en hialuroonsuur (vir plomper lippe), galambotter wat die lippe beskerm, vitamien A en roosmarynekstrak. COUTURE-haarsorg Die Franse modehuis Balmain spits hom nou ook op haarsorg toe. Die produkte in BALMAIN PARIS HAIR COUTURE MOIS-TURISING CARE SET (R1 795, GLAM-IT.CO.ZA GLAM-IT.CO.ZA) se geskenkstelletjie is verryk met suiwer organiese argan-olie, wat jou hare glad…

Annezel Meiring Vir my is die glas half vol. Dit het soms tot gevolg dat ek teleurgesteld is wanneer die werklikheid deurskemer dat die glas eintlik leeg is. Dit help wel in die sin dat die mense om my ook graag wil glo die glas is half vol. Dalk, net dalk is ons reg. Haneke Louw My glas is heeltemal vol, al mag ek dalk nie altyd hou van wat in daardie glas voorgesit word nie! Maar of dit nou soet of bitter is, daar is soveel om te beleef dat daar nie baie tyd is om te veel daaroor te wonder nie. Ek geniet elke liewe oomblik van die lewe. Ek is dankbaar vir elke klein dingetjie. Alles het in elk geval ’n seisoen - soms huil ons en…

Colette Nel Ek dink vir seker sommige ma’s aanvaar te veel verantwoordelikheid en neem alles op hulself. Dis waarskynlik te wyte aan die vinnige pas waarin ons leef. Dis net vinniger en makliker om alles self te doen. Ongelukkig strek dit tot nadeel van ma en kind. Die kind leer nie om verantwoordelikheid vir besluite en die gevolge daarvan te aanvaar nie, en hulle kry nooit die kans om belangrike keuses te maak nie. Ouers brand uit weens te veel verpligtinge en druk, wat weer negatief op die gesin inwerk. Dis ‘n bose kringloop wat almal negatief beïnvloed. Sanri van der Walt Ek dink daar is ma’s wat te veel vir hul kinders wil doen. Sodoende word te veel druk op die ma’s geplaas en die kinders leer nie om…

Hoop staan glimlaggend op die drumpel van die jaar wat kom, en fluister: ‘Jy gaan gelukkiger wees’ - Alfred Tennyson JY KAN ... ... by jou Nuwejaarsvoornemens hou. Hier’s jou uitdaging! Wanneer die Nuwejaarsvoorneme-energie ons almal beetkry, kan jy jou gerus afvra: wat wou ek nog áltyd graag gedoen het? ’n Blog begin, gereeld gaan stap, lieflike foto’s neem? Besluit sommer op die plek om dit dertig dae lank te doen. Nét dertig dae - hoe erg kan dit wees? Skryf elke dag ’n blog, stap 15 minute lank, of neem een foto. Doen dit net. Dit kan jou selfvertroue, avontuurlus, kreatiwiteit of gesondheid ’n heerlike hupstoot gee – en jy gaan met soveel meer oorgawe leef! Party mense gebruik die dertig dae om iets uit te skakel, soos…

VLOEIBARE GOUD Broad Valley-olyfolie is wraggies een van die mooiste en mees praktiese olyfolies wat jy in jou kombuis kan hê. Frantoioen carotina-olywe word vir die olie gebruik. Die olywe word met die hand geoes en koud gepars om net die beste smaak te verseker (R350 vir 2 liter). Kyk by broadvalleywines.co.za Italiaanse VONKEL Prosecco is ’n baie gewilde Italiaanse vonkelwyn wat die wêreld aan die gons het. Dit steek selfs Franse sjampanje as vonkelwynkeuse verby. Prosecco word slegs in die Venetostreek in Italië verbou en word deur streng wetgewing gereguleer om gehalte te handhaaf. Die besondere vonkelwyn word gewoonlik van glera-druiwe gemaak, anders as sjampanje wat van pinot noir, chardonnay of pinot gris gemaak word. Prosecco is ook bekend vir die pragtige bottels waaruit jy dit kan skink en…

Die man se huis is ver agter op die erf. Sophia en haar ouma loop deur die oop motorhek, onderdeur hoë bome met plat krone. Die reën sif neer. Die erf is kaal en trietsig. Hulle skoene suig in die modder vas. Sophia se kuite span. Sy verbeel haar twee arms rys uit die pappery en gryp haar enkels vas. Die twee sukkel tot naby die agterdeur. Saam met die blok botter in die boeppensmandjie wat Sophia en haar ouma op ’n Saterdagoggend by die man se huis kom aflewer, is ’n dosyn eiers en ’n bossie beet. Vroegoggend help Sophia die afgeweegde botter toedraai in botterpapier waarop haar ouma se handelsnaam in sierletters pryk: Crafford Botter. Die botterpapier bestel haar ouma deur die pos. Sophia ry saam wanneer haar…

SPERTYD  Elsa Joubert (Tafelberg) As jy let op die helderheid van gees en ongelooflike woordvaardigheid in die laaste boek van een van Afrikaans se beste en gewildste skrywers, kan jy nie glo dat sy dit in haar 95ste jaar geskryf het nie. In die laaste titel van haar outobiografiese drieluik – die ander was ’n Wonderlike Geweld (2005) en Reisiger (2009) – fokus sy hoofsaaklik op haar latere jare, die bewuswording van die naderende dood en haar belewenis van die hede. “Hulle sê jy sak terug na jou wortels wanneer die winde van tyd jou liggaam en jou gees begin skeeftrek … ” So begin dié teer, dog eerlike en onsentimentele reis deur die tyd wat sy in die aftreeoord deurgebring het - herinneringe aan haar lewenspad tot nou toe…

DIE HELDER KLEURE VAN NDEBELE-KUNS MAAK MENSE GELUK-KIG EN DIT MAAK ESTHER GELUKKIG WANNEER SY VERF. ‘DAAR IS GEEN REDE VIR MY OM OOIT OP TE HOU VERF NIE. MY VERSTAND BLY HELDER OMDAT EK DOEN WAAR-VOOR EK LIEF IS’ Op 82 kan Esther Mahlangu terugkyk op ’n lewe wat hom dalk effe anders ontvou het as wat sy verwag het. Van ’n stowwerige dorpie in KwaNdebele in Middelburg, Mpumalanga het sy die wêreld deurkruis met haar kenmerkende Ndebele-kuns en werk gedoen vir bekende maatskappye soos BMW en Belvedere Vodka. Daar is selfs ’n Esther Mahlangu-straat in New York. Esther, die oudste van nege kinders, het haar ma en ouma van kleins af dopgehou wanneer hulle die huis met tradisionele Ndebele-kunswerke versier het. Hierdie geometriese patrone was aanvanklik net geverf…