Innholdsfortegnelse for Oktober 2017 i Rooi Rose

HIERDIE KEER begroet ek die mooiste, mooiste maand met sekere voorbehoude. Ek beleef weer die vars oggende en heerlike vroegsomerdae, maar dit voel amper asof die winter ons vanjaar oorgeslaan het, behalwe vir ’n paar besonder koue dae. Boonop is ons hoop op behoorlike reën nog beskaam, en veral sommige provinsies bly maar swaarkry onder die droogte. Daar is darem ander seëninge ook aan hierdie tyd verbonde. Ek moet sê vir my het ons jaarlikse week naby die wildtuin vanjaar net betyds gekom om die aanslag van die stres van die stadslewe wat ons lei te besweer. Om saam met familie die natuur op sy eerlikste en gulhartigste te geniet is elke jaar ’n ongelooflike geskenk. Dit stel my in staat om die afdraande van die jaar ’n bietjie makliker…

Dis moeilik om te glo een van Suid-Afrika se mooiste bekendes is so vriendelik en doodgewoon soos die pragtige Clare Wiese-Wentzel, maar glo dit gerus, want dis hoe sy grootgemaak is. Al is haar pa, Christo Wiese, een van die rykste mense in Suid-Afrika, was die Wiesekinders se kinderjare doodgewoon. “Ons was in gewone skole, want my ouers het ons nie grootgemaak met die idee dat ons spesiaal of beter as ander mense is nie. My ma, Caro, het nie enige diskriminasie geduld nie. Wanneer ons ’n verjaarsdagpartytjie hou, het sy daarop aangedring dat elke enkele kind in die klas genooi word. Van my laerskoolmaats is vandag steeds van my beste vriende.” Wanneer Clare oor haar lewe gesels, kom jy agter dat sy uit ’n hegte gesin sonder fieterjasies kom.…

NICKY EN SAM DE BEER Nicky was 34 toe sy met Sam swanger geraak het en het die besluit geneem om nie vir ’n amniosentese te gaan nie. “Die risiko was vir my te groot, veral omdat geen resultate my sou oortuig het om my swangerskap te beëindig nie,” sê sy. Nicky het lank voor Sam se geboorte aangevoel dat hy nie normaal sou wees nie. “In Desember 2008, vyf maande voor sy geboorte, het ek dit in my joernaal aangeteken. In die 27ste week van my swangerskap het sy arms en bene nog nie genoeg gegroei nie, en daar het ook nie genoeg bloed na my plasenta gevloei nie. Op 32 weke was die baba se lewe in gevaar en hy is met ’n noodkeisersnee in die wêreld gebring.”…

Haarkleur Enige skakering van blond wat lyk asof dit effens uitgegroei is, amper soos die jare negentig se uitgegroeide voorkoms met ligter punte. Maar vanjaar moet die “uitgegroeide” hare dowwer en minder opsigtelik wees. Snitte Presiese snitte en skoon lyne met natuurlike tekstuur en ’n gepoleerde glans. SCHWARZKOPF PROFESSIONAL, ESSENTIAL LOOKS COLLECTION 1-2017, TREND 2- BEAT ICON.…

Wenk Sit eers jou lipstiffie aan en tik dan ’n glinsterende skakering op die middel van jou lippe aan. Dit sal jou lippe ook voller laat lyk.…

Die inspirasie Die hartstogtelike, gesofistikeerde jare vyftig was die vertrekpunt vir die skep van Schwarzkopf Professional se jongste voorkoms, “Opulent”, uit sy Essential Look Collection. Die kleur ’n Kombinasie van ses glinsterende skakerings, geïnspireer deur die kunswerke van die Renaissancemeesters. Die styl Elegante krulle, of golwe met baie volheid. SCHWARZKOPF PROFESSIONAL. ESSENTIAL LOOKS COLLECTION 1-2017, TREND 1 - OPULENT…

Gehalte en eerlikheid is van die gesinswaardes wat ook in ons onderneming sigbaar is,” sê die 81-jarige gravin Isabelle d’Ornano. Die op-en-wakker en uiters stylvolle vrou is steeds elke dag op kantoor en lees weekliks elke Sisleyverkoopsverslag. En dis geen geringe takie nie, want dié plantgebaseerde skoonheidsreeks is in meer as negentig lande beskikbaar. Haar seun, Philippe, is deesdae aan die stuur van sake, en haar dogter Christine, wat uit Londen werk, is die vise-president en sy sien ook na die groep se internasionale bemarkingstrategie om. “Omdat ons gesin en die maatskappy onlosmaaklik deel is van mekaar kan ons nie iets sê wat ons nie kan bewys nie. Ons baklei gereeld met ons bemarkingsafdeling hieroor, want ons is ’n skoonheidsmaatskappy, ons maak nie medisyne nie, al gebruik ons aktiewe plantbestanddele,”…

Hoewel melk ’n belangrike deel van jou dieet is, is mense nie altyd bewus van die voordele van melk nie. 1 Die proteïen in vars melk bevat al nege essensiële aminosure. Aminosure is die boustene van proteïene en help om selle en spiere te bou, en dit help die liggaam om te herstel en ondersteun ’n gesonde immuunstelsel. Ons liggame kan nie essensiële aminosure maak nie, ons kan dit net deur ons dieet inkry. 2 Melk is ’n goeie bron van kalsium en bevat ook kalium wat belangrik is vir gesonde bene en tande. Een van die beste dinge wat jy kan doen om tandbederf te voorkom is om vars melk pleks van gaskoeldranke te drink. 3 Drink ’n glas vars melk ná ’n joga- of oefensessie om terug te…

JY VRA Hoekom laat uie jou oë traan? • Volgens die National Onion Association begin jou trane by swael – jy ken dit as die kenmerkende reuk van ’n vuurhoutjie wat pas aan die brand gesteek is. Dit is in knoffel ook. Uie neem swael baie doeltreffend uit die grond op en omskep dit in swaeloksied. Wanneer jy die ui skil, kom dit in aanraking met ’n spesifieke ensiem wat dit in sinpropanetiaalswaeloksiedgas omskep – die rede vir jou trane • Is uie jou trane werd? Beslis. Volgens navorsingsresultate van die Wageningen-landbou-universiteit in Nederland is uie een van die onderskatte superkosse. Die verskillende swaelverbindings in uie is kragtige kiemdoders wat onder meer Helicobacter pylori, die organisme wat aan maagsere verbind word, doodmaak. Dit is een van ons beste bronne van…

Elke familie het een eksentrieke karakter. As jy nie weet wie dit is nie, is dit waarskynlik jy – Anoniem VIR ALLE KINDERS Die revolusionêre kinderhaarsalongroep, Maddy Magoo, fokus op innoverende haarsorg, snitte en stilering vir kinders van enige etniese herkoms – en op ’n prettige ervaring, wat ’n voor- en na-foto insluit. Kleintjies sowel as “tweens” voel hier tuis, en selfs verjaardagpartytjies kan hier gehou word. Peuters se eerste haarsny word met ’n persoonlike dapperheidsertifikaat en ’n haarlok beloon. Die eerste salon in Honeydew, Johannesburg, is gevolg deur vyf ander takke. Uitbreiding na ander sentra in Suid-Afrika is in die beplanningsfase. Meer inligting by 021 712 7832, info@maddymagoo.co.za of www.maddymagoo.co.za Tien lesers kan ’n Maddy Magoogeskenkbewys van R250 verniet kry – vyf in die Wes-Kaap en vyf in Gauteng.…

Die Barnardts het eers onlangs die pragtige nokke bo die plafon ontdek en dit toe oopgebreek Sonette se pragversameling silwerkandelare en -stolpe ’n Versameling uiteenlopende elemente maak van die vertrek ’n skatkis Sonette bied ’n mark, Markgoed, vanaf 31 Oktober tot 3 November by La Pineta aan. (Op die R44 tussen Somerset-Wes en Stellenbosch.) Markgoed1@gmail.com…

Basiese hawermoutkoekies met misokaramel GENOEG VIR 15 •110 g botter •75 g sagte bruinsuiker•15 ml (1 e) gouestroop•55 g volgraanmeel•55 g koekmeel•5 ml (1 t) bakpoeier•110 g hawermout•100 g pekanneute, ruweg gekap•10 ml (2 t) fyngemaalde gemmer•2,5 ml (½ t) sout•1 eier, liggies geklop 1 Voorverhit die oond tot 180 °C. Voer ’n bakplaat met bakpapier uit. 2 Meng die botter, suiker en gouestroop in ’n middelslagkastrol oor matige hitte. Roer deurentyd totdat die botter en suiker gesmelt is. 3 Meng die volgraanmeel, koekmeel, bakpoeier, hawermout, pekanneute, gemmer en sout in ’n middelslagmengbak. Maak ’n gaatjie in die middel. 4 Meng die stroopmengsel en eier by die droë bestanddele in. 5 Meng goed. 6 Rol die mengsel in klein (sowat 35 g) balletjies uit. Pak die koekies op die voorbereide…

Om na ’n pizzeria toe te gaan en ’n goeie pizza te eet,” het pous Franciskus verklaar toe hy gevra is wat hy die meeste mis sedert hy as Pous ingehuldig is. Saam met sy liefderyke aard, is sy voorliefde vir pizza een van die eienskappe van pous Franciskus wat hom gelief onder mense maak. Toe hy in 2015 op ’n pouslike reis in sy pousmobiel deur die strate van Napels ry, het sjef Enzo Cacialli, hoofpizzamaker van Pizzeria Don Ernesto, die kerkhoof se behoefte ter harte geneem en sorgvuldig ’n pizza vir die pous berei. Wit en goud, die amptelike kleure van die Vatikaan, het as sy inspirasie gedien. Op ’n laag buffel-mozzarellakaas het hy geel kersietamaties gepak en daarop ’n laag vars ricottakaas waarop hy met deeg “Il…

Ons weet jy is dol op rooi rose. En op innovering. Want in vandag se vinnige pas kan dit net jou lewe makliker maak. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het saamgespan om dit makliker as ooit te maak om jou rooi rose elke maand te kry. Hoe? So eenvoudig soos een-twee-drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif spaar jou tyd, en jy kry boonop al daardie spesiale tydskrifgeskenke wat slegs in die winkels beskikbaar is ... ’n groot voordeel! Dis die opwindende nuwe…

Craft-biere… 14 Oktober is ’n goeie dag vir fynproewers. Daar is die Stellenbosch Craft-bierfees in die Jan Maraisnatuurreservaat wat die belofte van ’n heerlike dag vol goeie bier, musiek en van die beste kos in die omgewing inhou. Die hekke open reeds om 11:00 en kinders is welkom. … of oesters en sjampanje En op 14 en 15 Oktober is daar boonop ’n Oester-en-sjampanjefees by die Hillcrest Quarry in Durbanville. Proe regte sjampanje, ’n verskeidenheid Suid-Afrikaanse Méthode Cap Classiques, en selfs Spaanse en Italiaanse vonkelwyne. En natuurlik is daar oesters vir Afrika. Hekke open om 12:00. Soos Mark Twain gesê het: “Too much of anything is bad, but too much champagne is just right.” Snaaksies Trending Comics is ’n vars vertoning vir almal wat ’n bietjie wil ontspan en lag…

Margaret Roberts, die kruiekoningin van Suid-Afrika, se naam was baie jare lank sinoniem met ’n gesonde leefstyl, geurige kragkosse en plante as natuurlike geneesmiddels. Sy is op 4 Maart vanjaar op 79 ná ’n kort siekbed oorlede. Met baie geesdrif en liefde vir kruie en ’n gesonde lewe het sy lesings by verskeie instellings gegee, onder meer by die Margaret Roberts Herbal Centre op haar plaas by De Wildt naby die Hartbeespoortdam. Sy het ook vir plantkunde- en biologiestudente aan die Universiteit van Pretoria klas gegee, TV- en radioprogramme aangebied, sowel as bydraes vir tuintydskrifte geskryf. Ná kruie het organies gekweekte groente en vrugte met ’n hoë vitamien- of minerale-inhoud as supervoedsel vir ’n gesonder lewe bygekom. Sy het die kruiesentrum 35 jaar gelede begin en dit saam met haar…

Om in ’n koninkryk te woon het sy voor- en nadele. Die Swazi’s is ’n verdraagsame volk en hulle maak nie rêrig beswaar as koning Mswati III die meeste van die voordele in die land geniet nie. Toe ons eenkeer by Ngwenya se grenspos (Oshoek aan die Suid-Afrikaanse kant) deurgaan, is dit weer een van daardie snikhete, bedompige dae wat jou grensloos geïrriteerd en energieloos laat. My man vra vriendelik na die welstand van die beampte wat ons paspoorte nagaan. Sy antwoord: “Too hot.” Is daar dan nie lugversorging of waaiers nie? Sy antwoord: “They are all in the palace.” Swaziland is ’n veilige land. As daar sprake van ’n bietjie weerstand of oproer is, ontplooi die ganse polisie-, weer- en verkeersmag. Op elke straathoek staan ’n wetstoepasser. Selfs binne…

Met die stilhou by Atlantic Studios in Milnerton bou die wolke aan ’n donker aflewering van die eerste hewige Kaapse storm van die jaar. By Suidooster se ateljees is alles ná ’n kragonderbreking ook in duisternis gehul. Op soek na Desiré Gardner se kleedkamer kom ’n bibberende Abduraghmaan Adams (Ian October) gangaf geloop, ’n kombers om sy skouers. Selfs in ’n droomfabriek is mense op hierdie oggend gekaap. Desiré kom oë geskreef teen die donker aangeloop. Ons beweeg na ’n plek waar daar meer lig is en dit verbaas my vir die soveelste keer om te sien hoeveel kleiner en fyner mense in die werklike lewe lyk as wat hulle op televisie vertoon. Nog ’n bekende gesig loer glimlaggend oor haar skouer. Is dit dan nie suster Naomi van Binnelanders…

Ons almal stry maar ’n stryd as dit kom by hoe ons lyk, en ons het almal ons eie onsekerhede,” vertel Clare, en verklap dat sy op skool maar skaam en selfbewus was weens ’n velprobleem. Juis omdat sy weet hoe weerloos ’n mens oor jou voorkoms kan voel, wil sy ander vroue help. “Ek is baie geseënd dat ek toegang het tot die heel beste mense in die skoonheidsbedryf, en ek wou graag al die wenke wat ek deur die jare by hulle geleer het, met vroue deel.” Sy het self deur die meer as duisend inskrywingsvorms van hoopvolle vroue gelees en die kortlys opgestel. “Van daardie stories is regtig hartseer. Dis so ’n groot kompliment dat hulle ’n vreemdeling vertrou met radikale voorkomsveranderings. Hopelik gaan die oormaaksessies hulle…

Vaselinetjie het in 2005 drie belangrike literêre pryse gewen: die Rapport/Jan Rabie-debuutprys, die MER-prys vir Jeuglektuur en die M-Net-prys vir ’n Afrikaanse teks in kort formaat. Dit het ook die ATKV-Kinderboekprys in die afdeling vir boeke vir graad 8–10 verower. Die boek vertel die verhaal van ’n weggooibaba wat deur ’n bejaarde bruin egpaar gevind en grootgemaak word. Maar toe die kind ouer word, is dit duidelik dat sy wit is, en die welsyn besluit dis beter dat sy in ’n kinderhuis geplaas word. Waar het die inspirasie vir die boek vandaan gekom? “’n Namibiese koerantberiggie van ’n weggooibaba wat duskant Walvisbaai naby die treinspoor gevind is, het by my bly spook. Sy was glo oortrek met miere en vlieë het reeds eiers in haar ore gelê toe iemand op…

Nuut! Unieke, handgemaakte bykomstighede, juwele, klere, natuurlike skoonheidsprodukte en selfs kuns – hier sal jy iets kry! Nuwe produkte word gereeld bygevoeg rooirosewinkel.co.za…

Mode 2017 Nuwe seisoene bring nuwe klere en die plesier van jou somerklerekas reg te pluk en aan te vul. Vanjaar se voorkoms is KLEURRYK en ROMANTIES met VLOEIENDE MAKSIROKKE en BLOESE met VALLE en PATRONE. Van die gunsteling-giere vir die dag is BLOMPATRONE, ’n T-hemp met ’N BOODSKAP, interessante DENIM, ’n paar AANGLIPSKOENE en iets HELDERS of PIENK. Vir die aand kan jy kies uit die JARE TAGTIG se beste: VALLE, GROOT SKOUERS en BLINK. Die moethê item vir skemerkelkies is ’N AANDTOP. Ek het vanjaar besluit om minder te koop en eerder my geld te bestee aan ’N TYDLOSE ITEM wat ek lank kan dra. Met die moderevolusie wat al hoe groter word, word ons almal aangemoedig om te vra WIE DIE KLERE maak, en of dit van…

Jou selfoon biep om jou te herinner dat jou vergadering begin, jy kan met jou TV die Internet besoek en jou slim koffiemasjien maak jou oggende baie beter. Alles in jou lewe werk saam om jou lewe te vereenvoudig sodat jy op jou gesin en loopbaan kan fokus, eerder as om jou te bekommer oor die wasgoed wat nie gewas is nie. Met AEG se nuwe wasmasjien is wasgoedwas nou ook ’n moeitevrye takie. Dié wasmasjien spaar jou nie net tyd nie. Dit het ’n 8 kg-ladingskapasiteit met ’n Delay Start-funksie wat jou in staat stel om die wasgoed te laai wanneer jy tyd het, en dan kan jy die wastyd skeduleer om by jou skedule te pas. Pleks dat jy jou delikate kledingstukke met die hand was, kan jy…

DOEN DIT SÓ Minder is beslis meer as dit by dié glansryke voorkoms kom wat met die minimum onderlaag en verbloemer geskep word – dit gaan oor glansprodukte wat net op die ooglede, wangbene en lippe aangetik word. Velsorgprodukte, soos olies en rome dien as jou “onderlaag”. “Dis net so ‘outyds’ om jou hele gesig met onderlaag te besmeer as wat dit is om jou hele gesig te poeier,” sê die grimeerkunstenaar Lyne Desnoyers. Maar hoe gemaak as jy nie die perfekte vel van ’n model het nie? “Verbloem waar nodig en gebruik ’n ligte onderlaag waar nodig, asook ’n romerige beklemtoner wat nie soos ’n poeierproduk al wat knop of merkie is, sal beklemtoon nie,” is MAC se senior grimeerkunstenaar, Raine Taube, se raad. Gebruik die beklemtoner waar lig…

Jou beste OEFENMAAT Mense met honde is aktiewer as mense sonder wollerige vriende. Hulle is sowat ’n halfuur per dag aktief met die honde besig, sê navorsers aan die Universiteit van Cambridge. Die 3 123 mense wat by die studie betrek is, was minder aktief op koue, nat dae, maar honde-eienaars het selfs op dié dae meer beweeg as wat ander op pragtige sonskyndae doen. Mense met honde het gemiddeld 2 760 meer tree per dag gegee. Honde is ’n groot motiveerder vir oefening, want mense doen dit vir die hond se plesier – nie omdat hulle verplig voel om oefening te kry nie. Ander voordele vir honde-eienaars: Honde kan stresvlakke by kinders en volwassenes verlaag. Hulle word verbind met ’n afname in hoë bloeddruk, en kan die risiko op…

PASMAATS KURATORS EN KUNSTENAARS GAAN GEREELD AFGEWISSEL WORD IN SINERGIE MET DIE LANDGOED SE RUIM TUIN. KUNS-PIKKEWYN WILLIAM SWEETLOVE SE HARSPIKKEWYN LEWER SPITSVONDIGE KOMMENTAAR OP DIE STAND VAN ONS OMGEWING. SPEELSE FLUIT-MASJIEN JEAN LEMMER SE FIETSRAAMWERK TOL BO DIE WINGERDE. BULMARK MARK SWART SE ‘BULLDUST’ STEIER VIR NIKS. ’n Mede-Belg, Dirk Vervaeke, was vir die tuinaanleg verantwoordelik. Inheemse plante en plaaslike materiaal is sover moontlik gebruik Die Elginvallei is in die vrugbare opvangsgebied van die Hottentots- Hollandberge geleë en grens in die suide aan die Kogelberg-biosfeer. Tien kilometer verder, anderkant die Palmietberge, lê die Atlantiese Oseaan. Dit is ’n streek wat die afgelope dekade ook bekend geword het vir sy uitmuntende wyne, hoofsaaklik te danke aan die klimaat en grond: Tafelbergsandsteen en Bokkeveldskalie. In die somer, wanneer tradisionele wynstreke gebuk…

rooi rose rooirose@caxton.co.za LES JOU DORS Frankie’s tradisionele koeldranke sal jou na jou kinderdae laat verlang met die smake van Cloudy Lemonade, Traditional Ginger Beer en Original Cream Soda. Die oulike, outydse botteltjies sal ook baie mooi lyk by jou volgende partytjie of piekniek. KOOKBOEK VAN DIE MAAND Tot siens, BOTTIE! Weaning Sense deur Kath Megaw en Meg Faure (Quivertree) is ’n moet vir enige nuwe mamma. Dit is belangrik om babas op ’n gebalanseerde, gesonde manier te voed wanneer hulle gespeen word. Dié boek beskryf die belangrikheid van gesonde voeding, gegrond op wetenskaplike navorsing, en gee ook baie resepte en wenke oor hoe om moeilike eters te hanteer. R320 by die meeste boekwinkels. NATUURLIK GOED Knorr se nuwe Naturally Tasty-reeks word met natuurlike bestanddele gemaak. Net gehalte-bestanddele word saamgemeng…

Daar’s kantgordyntjies voor my vensterraam, en alles is so ordelik soos dit my betaam. Soggens kom die melkman en saans lees ek koerant, en soms as als te veel word, voel ek astrant … Nie regtig nie. Ek luister net na my stokou Laurika Rauch-CD wat ek met die uitpakkery ontdek het. En ek verf strepe op my nuwe sitkamermuur. Wittes en bloues. Dit is nou wel effe 2008, maar ek is te arm vir muurpapier. “… Dan sal my Neanderdalman my hartsnaar so laat span … Hoe, Oe … “Wie op aarde sing daar, Annemieke?” Werner Louw staan met ’n hamer in sy hand in die deurkosyn, in sy volle Griekse-goddiereliefhebbende- glorie wat slegs bederf word deur die groteske plastiekmasker oor sy gesig en ’n dowwe blou oorpak. “Laurika…

Die reuk van die pas gesnyde grasperk herinner hom altyd aan vars, yskoue waatlemoen, dink Wynand toe hy die grassnyer skoonmaak en in die buitekamer bêre. Op die stoeptrappie kap hy die stof en gras uit sy ou tekkies voor hy kaalvoet binnetoe stap vir ’n bier. Hy trek The Who Live uit die CD-rak met meestal net ou rockalbums, druk die skyf in die speler en skuif die volume op tot by agt. Drie kwart van die bier gly yskoud in sy keel af. Roger Daltrey sing met sy jong sewentigs-stem van My Generation en Substitute. Hy gaan haal nog ’n bier in die yskas en deur die eetkamervenster sien hy die lang, skraal seun voor die toegesluite hek buite die oprit staan. Hy maak die blikkie oop en…

RENÉ BOHNEN Rene is nou werklik ’n digter wat vir haar ’n plek oopgeskryf het in die ongenadige wêreld van die poësie. Op die Vingerpunte van die Heelal, haar derde bundel, word reeds hoog aangeskryf deur dié wat so bevoorreg was om dit al onder oë te kon hê. Hoe beïnvloed jou fotografie jou skryfwerk? Die kamera verskaf letterlik ’n ekstra lens, ’n nuwe perspektief - dit is aanvullend tot my skryfwerk. Ek is nie eintlik ’n berekende fotograaf nie en ek soek eerder na iets waarby ek aanklank vind as wat ek ’n toneel opstel. Soms ontketen die neem van ’n foto ’n spesifieke gewaarwording wat ek dan verder in ’n gedig ontgin. Partykeer sal ek ’n foto neem om die visuele detail van ’n plek of ’n dier…

Natasha Klue is ’n besonderse mens - ’n gestremde meisie wat verlede jaar haar matriekjaar met goeie punte voltooi het, en nou haar eerste boek op die rakke het: Die miljoenêr en sy Cinderella-tipe meisie (Mar-Leo). Natasha het net een verswakte nier en het ook ’n breindefek. Sy kon op drie nog nie praat nie en ook nie loop nie. Intussen was sy by spraakterapeute, haar mond is opgebou en sy het by ’n arbeidsterapeut leer loop. Hoewel ’n “ontwikkelingsagterstand” by haar gediagnoseer is, het haar enkelma, Francien, haar nogtans in ’n gewone skool gesit. Sy moes graad elf herhaal, maar het matriek met pragtige resultate geslaag. “Ek hou nog altyd baie van lees en skryf. Ek het ’n reuseverbeelding. Ek het begin met kortverhale en toe kom die boek…

A Bird named Frank shop@abirdnamedfrank.co.za, rooirosewinkel.co.za Arkivio 082 840 7143 Ayalabar ayalabar.co.za Bulgari 011 883 1325 Cartier 011 666 2800 Colette Hayman 087 808 0080, 012 663 1365 Doktor & Misses 011 403 1024 Espadril espadril.co.za Esque 08600 ESQUE (37783) HMR Homes 082 410 4187 Jane Sews janesews.co.za Kamers shop.kamersvol.com Lovilee lovilee.co.za Mr Price Home 0800 212 535, mrphome.com NM Design nmdesign.co.za Project Dyad 021 44 76 007 Shauna Neill 031 035 0886 Sofacompany 021 200 5904 Soylites soylites.co.za Steenberg steenbergfarm.co.za Superbalist 087 362 7300 The Skin Creamery 082 563 7928 Wilderer Gin wilderer.co.za Wolkberg wolkberg.com Woolworths 021 407 7002, 0860 022 002, woolworths.co.za Yuppiechef 0861 702 4969 GESONDHEID • Ondersoek jy eers die handelsmerk voor jy ’n organiese produk koop? Ja, ek doen navorsing 54% Nee, ek neem dit…

WENK: MENG ’N LEPELVOL CLOVER CREAM O’ NAISE DEUR DIE ROU MAALVLEISMENGSEL OM DIE FRIKKADELLE LEKKER SAPPIG TE MAAK. HET JY GEWEET? JY KAN DIE CREAM O’ NAISE TUB GEBRUIK NA DIT LEEG IS - VERSAMEL AL MINIBURGERS EN KRAKERIGE KOOLSLAAI MET GEROOKTE PAPRIKA MET CREAM O'NAISE Genoeg vir 500 g gemaalde beesvleis 100 g chorizo-wors, fyngekap hand vol pietersielie, fyngekap 30 ml (2 e) olyfolie 1 klein rooikool, in dun repies gesny 1 klein groenkool, in dun repies gesny 125 ml (½ k) Clover Cream O'Naise 5 ml (1 t) gerookte paprika 60 ml (¼ k) Clover Cream O'Naise 6 klein broodrolletjies 1 Meng die maalvleis, chorizo en pietersielie in ’n mengbak. Geur met sout en swartpeper. 2 Verdeel die maalvleismengsel in 6 frikkadelle en druk effens plat. 3…

Wat is jou gunstelingseisoen? Wat doen jy om dit te vier? Bewerly Britz Die lente, want die weer is lekker en jy kan tyd in die natuur deurbring. Ons jongklomp vier die lente deur te braai en in die swembad te baljaar. Charlotte Manuel Winter is die beste seisoen wat daar kan wees. Lekker dik aangetrek, snoesig onder die duvet met geurige warm koffie, Milo en ’n lekker boek of tydskrif. Igna du Plessis Ek is mal oor die somer. Dit gee my energie en dis ’n bonus dat ek nie moet opstaan terwyl dit nog donker is nie. Die dae is langer en soms swem die kinders nog tot byna slaaptyd - somer bring so ’n sorgvrye gevoel. Ek bespreek ’n lekker pedikuur om my mooi somersandale met trots…

Margaret uit Hollywood Shirley MacLaine is intimiderend en onvoorspelbaar. Silwerdoeklegendes van haar tyd - sterre uit die goue era van Hollywood - het ’n soort “koninklikheid” ontwikkel. Maar Shirley is anders. Sy staan nie terug in ’n geveg nie. Haar katoë hou jou gevange soos ’n muis voor sy haar prooi vang. Jy voel paniekbevange as jy dink dat jy iets gesê het wat haar irriteer, en is skoon verlig wanneer sy jou met ’n antwoord beloon. Sy het steeds ’n vlymskerp humorsin. Shirley is die suster van die Hollywoodster, Warren Beatty, die muse van Alfred Hitchcock, en saam met Frank Sinatra, Dean Martin en Sammy Davis Jnr. die enigste vroulike lid van The Rat Pack uit die jare vyftig. Sy is ’n Oscar-wenner (Terms of Endearment), ’n skrywer en…

RIAAN HULLEY, stilis Riaan bring sowat 90% van sy werkstyd saam met vroue deur, of dit vir rooi rosevoorbladfotosessies of advertensieveldtogte is. “Wanneer ek saam met ’n span vroue werk, van die fotograaf en produksieleier tot die model, is daar beslis ’n rustiger atmosfeer, selfs al is dit dinamiese vroue wat presies weet wat hulle wil hê. Die gevoel is ook ligter, jy voel sommer gemaklik genoeg om oor jouself te gesels,” sê Riaan. Hy meen daar is ook nie so ’n onderlinge magstryd tussen vroue nie; iets wat hy nogal by mans teëkom. “Vroue het my vir seker ook geleer om meer deernis te hê. My ondervinding is dat wanneer daar konflik is, mans meer in ‘oorlog’-modus gaan, terwyl vroue meer bedaard is, oor die situasie sal dink en…

‘Dis net jy en jou bord en daardie groot vrede ... Dit en die kop skoonmaak bly ’n mens teruglok’ Hy was Suid-Afrika se eerste wêreldkampioen- branderplankryer en word beskou as een van die 25 invloedrykste branderplankryers van die twintigste eeu. Hy is ook ’n gerekende sakeman, motiveringspreker, omgewingsaktivis en skrywer, en het dit sy lewenstaak gemaak om mense te inspireer. En op 62 is Shaun Tomson steeds so sexy soos in die jare sewentig toe hy bekend geword het as vreeslose temmer van die wêreld se grootste branders. Hoe het jy ’n branderplankryer geword? Die strand was altyd ’n belangrike deel van my lewe. My vroegste herinneringe is aan my pa wat my leer om in die see te swem. Van daar af was dit ’n natuurlike sprong na…

Wyle tant Sann de Lange moes op sestig leer motor bestuur toe haar man oorlede is. Toe ’n vriendin vir haar sê, “Sjoe, Sann, jy het darem baie moed!” het tant Sann geantwoord: “Ja, jy spel dit met ’n ‘t’.” Met hierdie klein anekdote som Marion Holm haar oorlewingstrategie op. Ná borskanker, ’n breingewas en ’n heupoperasie het sy geweet sy “moet” net aangaan, en ja, dit het “moed” geverg. Die herstelproses ná die operasies het haar lank uit aksie gehou. Wat haar daarna aan die gang gekry het, was die feit dat sy móés werk. Sy het nie ’n keuse gehad nie. “Ek is so dankbaar dat ek weer móés werk, want as ek ryk was en nie aan die gang móés kom nie, sou ek waarskynlik nou nog…

DOEN DIT SÓ Grimeerkunstenaar Tom Pecheux het ’n reënboog van skakerings (’n bietjie geel, ’n tikkie groen, rooi, ’n spatsel blou en selfs pers en ’n tikkie goud) saam gebruik sonder om die model soos ’n basaarpoeding te laat lyk. Stylvol en pragtig. Die res van die grimering was klassiek en minimalisties, maar afgerond. Oranje, groen en lila is oor mekaar oor die hele oog tot onder die wenkbroubeen gebruik. ’n Blou streep is op die onderste ooglid getrek, skarlakenrooi is in die binnehoek van die oog gebruik en ’n tikkie goud op die buitehoek.…

Hierdie pragtige, natuurlike voorkoms was by Marco de Vincenzo se 2017 somer/lente-vertoning in Milaan te sien DOEN DIT SÓ MAC se senior grimeerkunstenaar, Raine Tauber, sê dis baie belangrik dat jy moeite doen met die keuse van die regte skakering vir jou gelaat. Hou aan tot jy die perfekte pasmaat vir jou velkleur kry – daar ís een vir jou. Sy beveel ook aan dat jy die lipkleur met ’n klein, sagte kwassie aanwend sodat dit amper lyk of die buitelyne effesn JUICY COUTURE VIVA LA JUICY GLACÉ EDP (R1 195 VIR 100 ML EN R895 VIR 50 ML; BEPERKTE UITGAWE. DIE HOOFNOTE VAN DIE OORSPRONKLIKE VIVA LA JUICY IS NOG DAAR, MAAR DIE NUWE GEUR IS ’N YSKOUE WEERGAWE VAN DIE OORSPRONKLIKE - ASOF JY DIE PARFUUM OP YS…

Mode & skoonheid Accessorize 011 884 4643, 021 425 7701, 031 265 2525 Aldo Martins 021 795 0124 American Swiss 021 938 1966 Avon 0860 102 345 Caslazur caslazur.com Chanel 011 809 6300, chanel.com Clarins 011 809 6300 Clicks 0860 254 257, clicks.co.za Colette Hayman 021 551 7552, 031 514 0500 Convoy 083 548 5321 Cotton On 021 552 9651, 021 981 9366 Country Road 0860 022 002 Devernois by Emilia Boutique 021 674 4394 Dior Edgars Dolce & Gabbana 011 809 4000 Dr. Martins 0861 192 636, zando.co.za Dune Londen 011 685 7055, 021 529 1972, 011 214 7783 Elizabeth Arden elizabetharden.co.za Espadrilles espadril.co.za Essence 0860 254 257 Essie Clicks en Dis-Chem Fila footweartrading.co.za Footwork 011 345 8000 Foschini 021 938 1018 Fossil Accessories South Africa 021 555 1848…

Die Knorr Naturally Tasty-reeks word van net die beste bestanddele gemaak en gaan deur die tradisionele droogmaakproses sodat die natuurlike geure vasgevang word. CHILLI CON CARNE GENOEG VIR 4 500 500 g ekstra maer maalvleis 1 x Naturally Tasty Chilli Con Carne 1 x 400 g-blik gekapte tamaties 1 x 400 g-blik nierboontjies, gedreineer 125 ml water 300 g gaar rys 1 Braai die maalvleis bruin in ’n pan. 2 Voeg die con carne-sakkie, tamaties, nierboontjies en water by. Verhit tot kookpunt en roer deurentyd. 3 Verlaag die hitte, sit ’n deksel op en laat prut vir 15-20 minute. Roer kort-kort. 4 Kook intussen die rys volgens die aanwysings op die pakkie. 5 Sit die chilli con carne met die rys voor. Die reeks is beskikbaar by uitgesoekte Pick n Pay-winkels.…

Hande uit die hare Danksy Vigro® hoef jy jou nie meer oor jou kapsel te bekommer nie. Die aktiewe bestanddeel Follicusan™ in Vigro® help om jou hare weer tot hul volle glorie te herstel.* So ook help die verskeie vitamiene en minerale om jou hare van binne af te voed. *Die doeltreffendheid van die produkte kan van verbruiker tot verbruiker verskil. Gebruik volgens die aanbevelings en raadpleeg ’n mediese praktisyn indien simptome nie opklaar nie. Agt rooi roselesers kan elk ’n Vigro®-geskenkpak van R1 000 wen. Sleutelwoord: Vigro ’n Sysagte vel Die bekroonde velsorgreeks Spalicious spog met ’n reeks produkte wat spesifiek ontwikkel is om veroudering van die hande en lyf teë te werk. Dié Silky Softreeks is sysag, word maklik geabsorbeer, is nie olierig nie en propvol aktiewe bestanddele…

Ons vra vrae oor “wêreld”. As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Oktober-boeke” in die onderwerpreël of na rooirose. co.za Klik op “boeke” en volg die aanwysings. Stuur jou boekklub se naam, posadres en selnommer! VRAE 1 Wie het die gedig, “Die wêreld is ons woning nie”, geskryf? 2 Wie het die amptelike “World Song” geskryf en opgeneem? 3 Around the World in 80 Days. Skrywer? 4 Wat is die omtrek van die wêreld in km? 5 Wat noem Amanda Strydom die wêreld? September-antwoorde 1 “Birds Flying High” – watter liedjie begin so? “Feeling Good.” 2 Wie het dit aanvanklik gesing? Nina Simone. 3 “En ’n…

BLOKRAAI 19 Wen kontant Vir rooi rose se blokraaigeesdriftiges gee ons ’n geldprys weg. Drie gelukkige lesers kan elk R500 wen deur Blokraai 19 korrek in te vul en die versteekte woord vir ons te SMS. Om in te skryf Voltooi die blokraai en gebruik die letters in die grys blokkies om die versteekte woord te ontsyfer. SMS jou antwoord vir ons om vir die prys in aanmerking te kom. Leidraad: ’n Chemiese element SMS jou antwoord, naam en van, adres en ID-nommer na 48409. SMS’e kos R1,50. Gratis SMS’e tel nie. Bepalings en voorwaardes op bladsy 99. BLOKRAAI 20 Een leser wen ’n Spaliciousgeskenkpak van R3 000 Spalicious is ’n wonderlike reeks produkte vir die hande, voete en lyf. Met verskeie lyfrome, afskilfermiddels, maskers, masseerolies en selfs ’n selluliet-“Fix…