Innholdsfortegnelse for Julie 2017 i Rooi Rose

AS ’N MENS ’N GESPREK MOET AANVOOR , veral as jy in vreemde geselskap is, is die weer altyd ’n goeie plek om te begin. Maar in tye soos nou raak dit ’n teer puntjie ... Indertyd toe ek ’n klompie jare in Engeland deurgebring het, het dit vir my gelyk asof daar maar deurentyd êrens reën neersif, jou sambreel moet altyd byderhand wees. Ná die hoeveelste week van toegetrekte lug en nat weer wat alles klam en muwwerig laat voel, het my bewolkte gemoed my laat wankel en my Afrikabloed begin dun word. Die herinnering aan die son en die hoop op ’n bietjie helder lug is al wat my soms daar kon deurtrek. Maar wat ons nou hier in ons land ervaar, is die ander kant van volop…

WEN Gemak en styl Meng styl met gemak en glip ’n paar Levi’s® Turin-skoene aan. Sewe gelukkige lesers kan elkeen ’n paar Levi’s® van R799,95 wen. Wen ’n droër Beskerm jou klere hierdie winter én spaar krag! Wen ’n Spindeldroër (6,5 kg) plus ’n luukse winterkombers van The Linen Drawer. WinterKOS Winterkos beteken ook kos wat die hart warm laat voel, soos sop, bredies, warmpoedings en warmsjokolade! Kry al ons heerlike resepte op een plek. rooi rose-WINKEL As jy van aanlyninkopies hou, sal jy die ‘rooi rose’-winkel baie geniet. Daar is produkte vir jou klerekas, huis, grimeersakkie en vele meer. Koop ook eksklusiewe #rooirose75- produkte van Rialheim, Jenna Clifford, oh-lief en ander. Agter die SKERMS Kyk na ons agterdie- skerms-video en -foto’s van Tracey Lange se fotosessie in Kaapstad. Ons…

F ranci Swanepoel het haar liefde vir drama as ’t ware met moedersmelk ingekry. Haar ouers, Marida en wyle Nic, was bekendes in die radio- en televisiebedryf. “Ek kan nie onthou dat ek ooit iets anders wou doen nie. Ek is die eerste keer vir ’n oorklanking gebruik toe ek maar vier was,” vertel sy vroegoggend oor ’n cappuccino. Later die oggend moet sy haar by die Getroud met Rugby-stel aanmeld waar sy deesdae dialoogafrigter is. “Dit was die begindae van televisie, en daar was nie eintlik kinderakteurs wat vir oorklanking gebruik kon word nie. Almal by die SAUK het maar hul kinders gebruik,” vertel sy. Sy was ook te sien in reekse soos Koöperasiestories. “Ek was een van die ou ‘af’ kindertjies daarin. Koos Roets het nog vir my…

Elsje Stark T oe Elsje Stark en haar man, Friedrich, wat op Kersdag verlede jaar oorlede is, destyds besluit het om hul talente saam te snoer om Stark Films te begin, kon hulle waarskynlik nie voorsien hoe ’n groot uitwerking hulle op die Suid- Afrikaanse vermaaklikheidsbedryf sou hê nie. Onder Afrikaanse kykers is hulle waarskynlik die bekendste vir die kykNET-reeks Binnelanders, wat reeds meer as tien jaar lank uitgesaai word. Maar Elsje is net so trots op hul ander “kind”, die Engelse dramareeks Generations, wat al die afgelope 23 jaar elke weeksdag uitgesaai word. Die Starks – hul seuns is ook by die maatskappy betrokke – was ook die vervaardigers van gewilde dramareekse soos Vlug na Egipte. Hoe het jy in die televisiebedryf beland? Ek dink al van kindsbeen af in…

Romantiese rokke Langsaan: Wees op die uitkyk na lig gebreide materiale en blompatrone wat vanjaar die winter mooi en gemaklik gaan maak. Rokke het vanjaar ook weer ’n plek in jou winterkas en die lengte wissel van maksi- tot minirokke. Kies die lengte wat jou vlei en rond die voorkoms met wolkouse en enkelstewels af. ROK MET BLOMPATRONE (R1 699; S-XL) ZARA.KASJMIERKOUSE (R350; S-XL) FALKE. Appliekwerk Die ryk tekstuur van hierdie baadjie en die appliekwerk daarop is van die sterkste kenmerke van die winter van 2017. Rond vanjaar se laag-op-laag voorkoms daarmee af, of hou die styl simplisties en dra ’n romantiese bloes daarby. KANTOORBAADJIE MET APPLIEKWERK (R1 499; S-XL) ZARA. OORTREKTRUI (R499; S-L) POETRY. LEVI’S-VLOOTBLOUBLOES MET SWAELTJIEMOTIEF (R599; XS-XL) EDGARS. Uitskiet-baadjies ’n Klassieke effekleurbaadjie sal altyd ’n stapelitem in…

susram@ctp-mail.co.za @susra_morkel MARILIZE DE CLERCQ MARILIZE IS ’N PERSOONLIKE STILIS WAT ENIGE VROU, MAN EN TIENER SE KLEREKAS IN ’N PERSOONLIKE BOETIEK KAN OMSKEP. SY IS ’N GESOGTE SPREKER EN BIED GRAAG WERKWINKELS OOR MODE EN SKOONHEID AAN. HAAR UITGANGSPUNT IS DAT SKOONHEID EN SELFVERTROUE NIE VAN JOU KLERE AFHANG NIE, MAAR DAT JOU KEUSE VAN KLERE ’N KREATIEWE TEGNIEK IS OM JOU UNIEKE FIGUUR, PERSOONLIKHEID EN LEEFSTYL TE KOMPLEMENTEER. Nuwe DENIM Die winter van 2017 gee jou die geleentheid om met ’n klassieke materiaal soos denim te eksperimenteer. Waag dit buite jou gemaksone en dra ’n denim met uitgerafelde broekspype, of met detail soos pêrels en borduurwerk. NOUPYPDENIM (R629; 26-32) ZARA. SILWER is ’n moet Of dit nou ’n romp of skoene is, ’n silwer fokusitem is ’n moet.…

Justine.kroes@outlook.com ‘Wat ’n lieflike dag vol bederf en pamperlang, ek het so baie deur hierdie ervaring geleer. En ek is gaande oor my nuwe haarstyl’ Natalie is die enkelma van twee dogters. In haar skaars aftydjies hou sy daarvan om meer oor voedselveiligheidstelsels te leer. Hierdie SWART ROK MET KAPMOUE (R699,95, TED BAKER, STUTTAFORDS) is perfek vir ’n aandjie uit. Die rok is vleiend en beklemtoon Natalie se ’n dun middel. ’n Elegante en tydlose swart nommer is altyd ’n aanwins vir ’n klerekas. Kombineer dit met ’N PALMTAS (R499, ACCESSORIZE) EN SWART BLOKHAKSKOENE (R599, STUDIO W, WOOLWORTHS) vir ’n tikkie ekstra glans. Vir naweekavonture saam met haar twee dogters is die denimsaam- met-denim voorkoms gepas (DENIMHEMP R1 599,95, TOMMY HILFIGER, STUTTAFORDS, DENIMBROEK R599, OLD KHAKI). ’N JAS (R1 199,…

SPROKIES-tuin TILLANDSIA USNEOIDES (SPAANSE MOS) EN T.TENUIFOLIA (LUGPLANT) IN ’N KOKEDAMA. BLOMTYD? NEE, DIE BLOMME KOM NOG - NET DIE VERKLEURDE BLARE VAN AECHMEA. Onwerklik MOOI BLOMME SIT ONOPVALLEND TUSSEN DIE VERKLEURDE BLARE VAN AECHMEA. MAKLIK EN MOOI NOU maar VAAL MAAR WAG TOT TILLANDSIA TENUIFOLIA BLOM! VOG KRY HULLE SOMMER UIT DIE LUG WANNNEER DIT REËN OF MISTIG IS EN HULLE MAAK HUL EIE VOEDINGSTOWWE UIT WAT OOK AL BESKIKBAAR IS Kristo Pienaar beskryf in sy bekende tuinboek Watter blom is dit? die bloeiwyses van die pynappelfamilie (Bromeliaceae ) as “spoggerig en helderkleurig” maar vir my is die blomme van hierdie vaal plante wat nou so hoogmode is, meer as skouspelagtig. Dis so onwerklik mooi dat mense meestal dink dis nagemaak. Ons het geleer dat ’n plant min of…

D ié aanklag van die Wildekanarie teen ’n jagter uit “Ballade van die Bloeddorstige Jagter”, ’n gedig van G.A. Watermeyer, het met ’n besoek aan Mauritius, Eiland van die Uitgestorwe Dodo, by my begin spook. Oral op die eiland doem die dooie dodo op – opgestop, geteken, geboetseer. Die dodo staan in winkelvensters en in advertensies, op handelsetikette, bemarkingspamflette, strandhanddoeke en lendeklede. Maar dié koddige, waggelende gevogelte wat selfs in die verhaal van Alice in Wonderland verewig is, is die ewigheid in. Danksy die mens se ingryping is die dodo uitgeroei en uitgestorwe. Anders as die wildekanarie in Watermeyer se gedig, was dit nie kinderhande wat die lewe uit die dodo gewring het nie, maar die Nederlandse setlaars wat in die skamele twintig jaar dat hulle oor Mauritius geheers het,…

BLOKRAAI 13 Wen kontant Vir rooi rose se blokraaigeesdriftiges gee ons ’n geldprys weg. Drie gelukkige lesers kan elk R500 wen deur Blokraai 13 korrek in te vul en die versteekte woord vir ons te SMS. Om in te skryf Voltooi die blokraai en gebruik die letters in die grys blokkies om die versteekte woord te ontsyfer. SMS jou antwoord vir ons om vir die prys in aanmerking te kom. Leidraad: Lid van ’n Afrikaanse kerk SMS jou antwoord, naam en van, adres en ID-nommer na 48409. SMS’e kos R1,50. Gratis SMS’e tel nie. Bepalings en voorwaardes op bladsy 101. BLOKRAAI 14 Een leser wen ’n SIX Sensationalgeskenkpak van R3 000 Die SIX Sensational-velsorgreeks is gerig op resultate en fokus daarop om jou vel gesond en ferm te maak. Dié…

Bloemfontein KANSA-tee in samewerking met SPAR JY KAN WEN! BRING ’N RAND OF TWEE SAAM VIR DIE LOOTJIES WAT JY OP DIE DAG KAN KOOP. DAAR IS LEKKER PRYSE OP DIE SPEL! Die jaarlikse KANSA-geldinsamelingsprojek wat rooi rose saam met verskeie merkwaardige borge aanbied, vier vanjaar sy 36ste bestaansjaar. Dié besondere projek wat as ’n oggendtee in Bloemfontein aangebied word, bevorder bewusmaking oor kanker en samel geld vir lewensveranderende kankernavorsing in. Ons is trots daarop om reeds drie dekades lank ’n jaarlikse geleentheid vir KANSA-ondersteuners en kankeroorwinnaars aan te bied om hul solidariteit in die stryd teen kanker te toon. En vanjaar is geen uitsondering nie. Die bekende kankeroorwinnaar Jana du Plessis is ons gasspreker. Sy is in 2011 as KANSA se Internasionale Held(in) van Hoop aangewys en het ’n…

Facebook is ’n peslike ding. Afgesien van die gewone lamente wat ’n mens oor so ’n kletsruimte kan opper, het dit mos daardie onvermydelike herinneringfunksie waarmee jy elke nou en dan weer in die doolhof van die verlede beland. Jy weet waarna ek verwys: Jy skakel op ’n doodgewone, slaapbenewelde oggend jou rekenaar aan sodat jy nog ’n uur of twee se werk voor brekfis kan inpas, en skielik staar jy vyf jaar terug die verlede in, in ’n gat so diep en so donker dat jy moet keer of jy bewe. En in een, ontsettende oomblik is jy terug in ’n tyd wat jy geglo het verby is en verstrengel in ’n wag-’n-bietjiebos van emosies wat haak en skeur en steek asof jy dit nie lankal uitgeroei het nie.…

Sommige mense kry ’n fris lepeltjie carpe diem (gryp die dag) met hul moedersmelk in. As jy vir Tracey Lange ’n vroegoggendprogram op die radio gee, raak dit kort voor lank méér as haar brood en botter. Dit word haar kos. Soggens as baie van ons nog klippe soek om die son mee te bestook, het sy meestal lank reeds die nuwe dag tegemoetgeloop. Ek is ’n gebore vroegoggendmens. Daar is niks soos die klank van voëls in die vroegoggendstilte nie.” n Mens sou kon sê sy lyk verdag baie na ’n Kaapse kanarie wat soggens die dag geelkeel op ’n telefoondraad begroet. Op en wakker. Vroeg uit en op die lug. Vir oefening, en ook net omdat dit vir haar so lekker is, stap sy daagliks van haar blyplek…

Sy is ’n vrou van vele talente - al lê die kooktalent dalk onder die maatemmer weggesteek H ierdie donkerkop met die borrelende persoonlikheid het reeds in 2004 bekendheid op die kassie verwerf toe sy die kosprogram Roer twee seisoene lank aangebied het. Sy vertel laggend dat die destydse oudisie vir Roer nie besonder goed verloop het nie en dat sy stomverbaas was toe sy die werk kry. “Ek het die vervaardiger gewaarsku dat ek geen kulinêre talente het nie, maar dit was juis vir hulle die aantrekkingskrag. Ek het immers die vermoë om dom vrae op die regte tyd te vra, wat die gehoor baie genot verskaf het.” En nou het Lise weer haar voorskoot afgeskud vir ’n splinternuwe kookprogram, Kook en Geniet, wat vanaf 5 Julie op kykNET…

H y het al met Nelson Mandela, Arnold Schwarzenegger, Bill Clinton en die beeldskone Sophia Loren onderhoude gevoer, maar as jy akteur, aanbieder en vervaardiger Hannes van Wyk vra wie hy die meeste bewonder, is dit sy ma, Mariet van Wyk (83), wat in ’n aftree- oord op Aliwal-Noord woon. Hierdie gewilde Kwêla-aanbieder se boek, Vroue na aan my Hart (Human & Rousseau), vier nie net die lewe van sy ma nie, maar ook dié van talle vroue wat deur die jare sy loopbaan en lewe gekruis het, soos Emsie Schoeman, Carike Keuzenkamp en Elize Cawood. Ons het hom leer ken as Krynauw in Egoli: Plek van Goud (1991) en daarna het hy rolle in reekse en flieks ingeryg, soos in Susanna van Biljon, Vallei van die Sluiers, Manakwalanders, Torings…

susram@ctp-mail.co.za @susra_morkel…

Nuut! Unieke, handgemaakte bykomstighede, juwele, klere, natuurlike skoonheidsprodukte en selfs kuns. Nuwe produkte word gereeld bygevoeg rooirosewinkel.co.za…

Botaniese bestanddele Botaniese bestanddele word reeds sedert die antieke tye in vel- en haarsorgprodukte gebruik. Die Egiptenare het al in 10 000 v.C. meer as 21 verskillende plantolies gebruik om hul velle te bevogtig en teen die woestyndroogheid te beskerm. Hou net in gedagte dat alles uit die natuur nie noodwendig goed is nie. Dink maar aan die Grieke wat eeue gelede lood aan hul gesigte gesmeer het om hul velkleur ligter te maak en later weens loodvergiftiging dood is. “Die mark vir haarprodukte met natuurlike bestanddele groei in ’n geweldige tempo,” sê Lauren Dibb, junior produkbestuurder van Kérastase. “Mense wat ’n gesonde leefstyl wil volg, begin deur gesond te eet en drink, hulle oefen en kies produkte met natuurlike bestanddele.” Onthou, daar is nie wette wat plantaardige en natuurlike…

JY VRA Soms lyk dit asof dit op my donkerblou skoolbaadjie gesneeu het. Ek het al ’n dosyn soorte sjampoe probeer. Wat kan ek nog doen? - Liné Hier is ’n feit waarmee algemene praktisyn dr. Gregory van Zyl ons verras: daar is verskillende soorte skilfers. Of meer korrek: skilfers het verskillende oorsake. “Die rede waarom mense jare lank met skilfers sukkel, is bloot omdat hulle nie weet watter soort skilfers hulle het nie en gevolglik die verkeerde behandeling kies.” WAT IS ’N SKILFER? Dit is net klein vlokkies volwasse vel wat afgeskilfer het. Al verpes jy hierdie “sneeu” op jou skouers, is hulle nie “vuil” of aansteeklik nie. Skilfers ontstaan as deel van die normale vervangingsproses wat elke oomblik by elkeen van ons plaasvind. So word nuwe velselle voortdurend…

salomed@ctp-mail.co.za @pretty_healthy WEET JY GENOEG VAN HPV-VAKSIEN? Wat is HPV? Die seksueel oordraagbare menslike papilloma-virus (MPV) veroorsaak servikale kanker. Kan jy dit keer? Ja. Een van die groot spronge vorentoe is dat hierdie kanker nou voorkom kan word deur jou dogter bloot te laat vaksineer. Waar kry jy die vaksien? Alle dogters in staatskole word op staatskoste gevaksineer – wat ’n reeks inspuitings in die boarm behels. Maar as jou dogter in ’n private skool is of tuis geskool word, is dit jou verantwoordelikheid. Kontak jou pediater of huisdokter. Hoekom huiwer ouers – selfs staatskoolouers? Die gebruiklike ouderdom is nege. As ouers is ons ongemaklik hiermee, waarskynlik omdat ons nie seks en dogtertjies van hierdie ouderdom kan verbind nie, sê dr. Kenneth Alexander, hoof van aansteeklike siektes by die Nemours…

DIE ATKV IN SYFERS 87 JAAR OUD 316 TAKKE LANDSWYD EN IN NAMIBIË SOWAT 1 200 GEMEENSKAPSPROJEKTE PER JAAR 51% VAN TAKKE IS GEÏNTEGREERD OF IN BRUIN OF SWART GEMEENSKAPPE MEER AS 60 NASIONALE JAARPROJEKTE 600 000 MENSE BEREIK IN DIE AFGELOPE JAAR BESIT LAPA UITGEWERS TAALGENOOT, HUL BEKROONDE TYDSKRIF, IS 86 JAAR OUD SEWE VAKANSIEOORDE BESIT TWEE AFTREEBEHUISINGSONTWIKKELINGS ‘GROTER BEGRIP VAN MEKAAR SE EIEGOED EN KULTURE SAL NOODWENDIG TOT ’N BETER SUIDAFRIKA VIR ALMAL LEI. DAAR IS SOVEEL GOEDGESINDHEID – DIT MOET NET ONTGIN WORD’ Helen Keller het gesê ’n draai in die pad beteken nie noodwendig die einde van die pad nie, tensy jy natuurlik nalaat om te draai,” sê dié dinamiese nuwe voorvrou van die ATKV, wat skynbaar meer as gereed is vir die draaie wat op…

roneln@caxton.co.za VLERKE VIR ALMAL Marion Erskine (H&R) – jeug Die 17-jarige Dewald se ouers stuur hom na ’n nuwe skool toe sy lewe onverwags omver gegooi word. Elke nuwe skool het sy boelies, en dis boonop nie maklik om ’n tiener te wees wanneer jy ’n skielike hakkelprobleem ontwikkel nie. Dewald probeer weer balans kry maar intussen neem sy beste vriendin belangrike besluite sonder om hom in die saak te ken. Daarby het een van die grootste boelies in die skool hom reeds as sy grootste vyand geteiken. Genoeg is genoeg. ’n Hartroerende verhaal – wat volwassenes gerus maar ook kan lees – deur die stigter van die gewilde facebook-groep, Lekkerlees Boekklub. “Karlien draai haar handpalms na onder en kruis haar duime oor mekaar. Dan begin sy die gefladder van…

@home 0860 576 576 3INA 3ina.com/storelocator Accessorize 011 884 4643, 021 425 7701, 031 265 2525 Afri-Berry afri-berry.co.za/stockists.html African Extracts Dis-Chem en uitgesoekte apteke Aldo 011 555 2300 Allthingsnice allthingsniceza@gmail.com Aloe Unique 021 785 4483 Anmari Honiball anmarihoniball.com Aromas retailbox.co.za Avon 0860 102 345 Beauscience 021 709 0362, beaucience.co.za Beauty Blender 086 111 2222 Bestbeautybuys.co.za 021 851 7705 Body Treats bodytreat.co.za Catrice Dis-Chem, Red Square, Pick n Pay en takealot Catrice Dis-Chem Charlotte Rhys charlotterhys.co.za Charwhite info@charwhite.co.za Clarins 011 809 6300 Clarks clarkssa.co.za Clicks 0860 254 257 Colette Hayman 012 663 1365 Cotton On 021 552 9651, 021 981 9366, cottonon.co.za Crabtree & Evelyn 011 792 7572 Diane-Paris 076 179 4010, diane-paris.com Dior 021 442 7700 Dr. Hauschka 021 702 3617 Earthsap faithful-to-nature.co.za Edgars 011 465 8784, 086 232 7228,…

Die drie lesers wat hul menings met ons gedeel het, wen ’n Carrarohorlosieboks ter waarde van R1 650. Is jy kreatief? Wat doen jy met jou talent? Wat inspireer jou om iets nuuts te skep? Nandi Olivier (45), projek- administratiewe bestuurder, Potchefstroom. Ja, ek is kreatief en hou daarvan om skeppend te wees, veral as ek ’n moeilike week by die werk gehad het. Dit is bevrydend en ek kan die resultate onmiddellik sien. Anke Wilhelm (34), lektor in organiese chemie, Bloemfontein. Ja, ek is skeppend. Kolwyntjies is my ding. Ek het pas vir my skoonsussie haar troukoek en bypassende kolwyntjies gemaak - rooifluweel met roomkaasversiering. Ek hou daarvan om myself uit te daag en om met nuwe versiertegnieke te eksperimenteer en ook om met kleure te speel. Esme Hanekom…

Margaret uit Hollywood Op 52 lyk Keanu Reeves steeds nie veel anders as die jong ou wat 28 jaar gelede in die lawwe komedie Bill & Ted’s Excellent Adventure sy eerste buiging op die silwerdoek gemaak het nie. Sedertdien het sy rolle in trefferflieks soos Speed, Point Break, The Matrix en Something’s Gotta Give van hom ’n bekende Hollywoodgesig gemaak. Hy is baie slim. En baie snaaks – een van daardie ouens wat met ’n ernstige gesig die grootste klomp nonsens kwytraak sonder dat jy agterkom dat hy besig is om met jou die gek te skeer. Maar wanneer dit by onderhoude kom, is hy meestal nie ’n maklike man nie. Hy is hoflik maar jy moet gewoonlik met een-woordantwoorde tevrede wees. Daarby het hy die gewoonte om jou uitdrukkingloos…

‘Tydens ’n talentkompetisie op hoërskool het ek besef ek kan darem noot hou en my op die kitaar begelei’ B rendan Peyper lyk soos die spreekwoordelike gaweoutjie- van-langsaan, maar moenie dat dit jou flous nie. Hy is supergewild en baie talentvol, maar ook beskeie, hardwerkend en gefokus op sy musiekloopbaan. Dié boerseun en oudleerling van die Hoërskool Jim Fouché in Bloemfontein het op die brose ouderdom van 15 ’n Idols-oudisie gedoen, maar ongelukkig nie na die volgende rondte deurgedring nie. Gelukkig vir sy duisende aanhangers het dit hom nie afgeskrik nie, en hy het hard aan sy musiekloopbaan gewerk. Hy was skaars uit matriek toe sy debuutalbum Stop, wag, bly nog ’n bietjie uitgereik is. Dit het 20 000 eenhede verkoop en goue status behaal, en die musiekvideo van die…

H aar dogter se briefie van oorsee het begin met “Dear Mom,” maar die onthulling wat daarop gevolg het, moes Pat Smailes van Port Elizabeth se hart uitgeruk het. Haar 19-jarige dogter, Lesley, het besluit om haar “vleeslike verbintenisse” vir ewig agter te laat en te trou met Thomas, ’n 27-jarige man wat deur ’n kerk vir haar gereël is. Die brief was deurspek met godsdienstige terme wat selfs vir die gelowige Pat vreemd moes geklink het. Lesley het ook geskryf dat sy nie een of ander “ydele graad” wou hê nie, maar in ’n “afsonderlike wêreld” wou woon waar sy nie “in aardse dinge verstrik sou raak nie”. Dit het glad nie geklink soos die rebelse, daggarokende tiener wat sy ’n paar maande tevore oorsee gestuur het met die…

D is die tydlose, sjiek ontwerp en die flambojante Franse flair wat Michel Herbelin se Cable-reeks ’n topverkoper onder die Michel Herbelin-naam gemaak het. Die unieke ontwerp is geïnspireer deur kabelstrukture en danksy die kombinasie van ’n fyn gevlegte staalbandjie, perlemoen en gepoleerde vlekvrye staal is ’n buitengewone uurwerk geskep wat getuig van tydlose elegansie en goeie vakmanskap. Dié kombinasie sorg vir ’n unieke ontwerp wat steeds die kenmerkende Michel Herbelin-styl dra. Vir meer inligting besoek michel-herbelin.co.za of bel 011 448 2210. Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES EN ID-NOMMER NA 48409. VRAAG: WAT IS DIE NAAM VAN DIÉ REEKS MICHEL HERBELINHORLOSIES? SMS’E KOS R1,50 ELK, GRATIS SMS’E GELD NIE. REËLS EN VOORWAARDES OP BL. 101. SLUITDATUM 31 JULIE 2017.…

3 OPSIES BESKIKBAAR: SKRYF AANLYN IN: MAGSATHOME.CO.ZA/MAGAZING.HTM BEL: 0860 100 999 E-POS: SUBS@MAGSATHOME.CO.ZA ONTVANG JOU MAANDELIKSE TYDSKRIFKOOPBEWYS VIA SMS HAAL JOU TYDSKRIF AF: GEBRUIK JOU WOOLIES-KAART EN HOU JOU KOOPBEWYSSTAAFKODE GEREED HET JY NIE ’N WOOLIES-KAART NIE? KRY EEN BY JOU NAASTE WOOLIES-WINKEL WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSIËLE DIENSTEVERSKAFFER (FSP15289) EN GEREGISTREERDE KREDIETVERSKAFFER (NCRCP49). WAS R444 | NOU R288,60 35% AFSLAG OP JOU 12 MDE SUBSKRIPSIE WONDERLIKE AANBIEDINGS! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1. Hierdie aanbod geld slegs nuwe subskripsies. 2. Hierdie koopbewys mag saam met enige ander Woolworthskoopbewys gebruik word. 3. Hierdie koopbewys moet saam met…

suzannek@ctp-mail.co.za @suzannekotze Wimpers met WOEMA Die borseltjie en die formule van CATRICE GLAM & DOLL FALSE LASHES MASCARA (R79,95) laat jou wimpers sonder ’n gesukkel voller en langer lyk en gee ook definisie. Die rubberborseltjie bedek die wimper en gly maklik oor die haartjies sonder dat klonte vorm. Die boogvorm van die borsel verseker ook dat jou wimpers baie mooi krul. ’n Moet-hê item vir jou grimeersakkie. CORNÉ TEEN-veroudering SOLAL SKINCARE SE LA BOMB RICH (R529) bevat hialuroonsuur. Die room voed en bevogtig die vel sonder om dit olierig te laat voel. Ek hou daarvan dat die produk in ’n lugdigte buisie verpak is sodat dit nie aan kieme blootgestel word nie. CORNÉ Subtiele PIENK As blondine breek ek nie sommer weg van my haarkleur nie, maar kry tog nou…

anet@marques.co.za GOED BEGIN ’n Lae-GI-ontbyt hou jou slank. Vroue slaan soms ontbyt oor in die hoop dat hulle gewig sal verloor, maar ongelukkig is die teendeel waar. ’n Lae-GI-ontbyt, soos Jungle Oats Energy Crunch Muesli kry jou metabolisme vroeg aan die brand, gee jou energie vir ’n flink brein en laat jou boonop langer versadig voel. TEENVEROUDERING Gehidroliseerde kollageen is die nuwe towerwoord wanneer dit by teenveroudering kom. Dit kan nie net pynlike gewrigte, rumatiek, beserings en ekseem verbeter nie maar ook jou vel jeugdiger laat lyk. Pro Active Liquid Collagen bevat gehidroliseerde kollageen en kos sowat R1 150 vir 500 ml. Kyk by www.proactivesa.co.za vir verskaffers en bestellings. DIK EN WELIG As jou hare treurig lyk, voel jy ook bekaf. Die nutrikafeïenkompleks in Plantur 21-produkte voed en versterk hare.…

’n Stoep vol koelte en ’n rusbed is die perfekte plek om die Karoo-hitte te trotseer S y wou altyd in die Klein-Karoo in ’n ou Victoriaanse huis aftree. En toe kry Franza von Horsten die huis van haar hart op die lieflike dorpie Montagu. “Fairmile”, soos sy die huis gedoop het, het ruim vertrekke, hoë plafonne, skuifraamvensters en die oorspronklike dennehoutvloere. Intussen het sy haar brood en botter as lektor in die Midde-Ooste verdien. Sy het juis die huis “Fairmile” genoem om haar te herinner aan die myle wat sy gereis het om die woonplek te kon betaal. Die restourasiewerk is baie selektief gedoen om die karakter van die huis te behou. Tog het Franza hier en daar ’n muur uitgebreek om oop leefplekke te skep. ’n Klein slaapkamertjie…

vickie@hardrain.co.za @vickiefantastic GIER VAN DIE MAAND Winterweelde Terroir, een van Suid-Afrika se bekroonde restaurante net buite Stellenbosch, bied ’n spesiale winterspyskaart aan wat jy nie durf misloop nie. Sjef Michael Broughton het die beste van die seisoen meesterlik op sy luuksespyskaart vasgevang met geregte soos Noorweegse salm met ’n bros sesamkors en ’n Viëtnamese slaaisous, en die Angus-bief met selderyknol en boerekool. Geniet dié besonderse geregte van Mei tot September teen R295 vir twee gange. ’n Glas Kleine Zalze-wyn is ingesluit. ONS DRINK NOU Holden Manz Big G 2013. Dié versnit van cabernet sauvignon en cabernet franc is vernoem na een van die mede-eienaars van dié Franschhoekse wynlandgoed, Gerard Holden, ’n groot man met ’n selfs groter hart. Big G is alombekend as ’n volronde, komplekse wyn en die pas…

A sseblief, asseblief hou op tjank, Vindiesel,” smeek ek, na aan trane. Die wolfhond kyk my met treurige bruin honde-oë aan en my hart wil breek. “Ek wens jy kan vir my sê wat makeer!” Dit is halftwee op ’n Donderdagoggend. Vindiesel eet nou al twee dae lank nie juis nie en sy weemoedige getjank het my uit die bed gejaag. Hy het ander simptome ook wat ek nie op hierdie platform sal noem nie, maar my ernstig bekommer. Wie kan ek nóú oor ’n siek hond bel? Nosiswe woon bitter ver, Barend is uitstedig en Liané weet meer van motorenjins as van diere. My ma’le is te oud om in die nag rond te ry, en om doodeerlik te wees, weet ek nie of my pa se standaard-kuur vir…

nicolek@caxton.co.za Gesonde hare Plantur 39-produkte is spesifiek ontwikkel om vroue ouer as veertig se haarverwante probleme te takel. Die doeltreffendheid van dié kafeïenkompleks lê daarin dat dit die haar diep binnedring en natuurlike haarverlies kan voorkom*. Plantur 39 is beskikbaar by Clicks, Dis-Chem en Takealot.com, asook by uitgesoekte apteke en kleinhandelaars. Meer inligting by plantur39. co.za. (*Sonder enige mediese toestand.) 2 rooi rose-lesers kan ’n Plantur 39-geskenkpak van R4 210 wen! Sleutelwoord: Hare Skoon en blink Chemico is die afgelope tagtig jaar ’n gunsteling in Suid-Afrikaanse huishoudings. Dié betroubare handelsmerk het onlangs ’n reeks nuwe produkte bekend gestel. Wees op die uitkyk na die Chemico Liquid Drain Cleen, Chemico Drain Cleen Granules, Chemico Liqui Cleen, asook die Chemico Paste Cleen wat nou drie keer meer doeltreffend is. 8 rooi rose-lesers…

A and na aand staan Hardy Potgieter op die stedelike spruitjie en uitkyk. Dit vloei vlak buite die veiligheidsheining waarteen hy staan. Besoedel of nie, dis tog afwisseling, ’n stukkie natuurlewe. Wat is daar immers binne die klein aftreehuis? Hy het lankal geen erg meer aan Gloria nie. Sy het hom, ’n veel jonger man, destyds met ’n slap riem gevang, en hy sal haar dit nooit vergewe nie. Hardy wag, met geduld. Dalk sien hy vanaand die waterrot. Die dier is skynbaar ’n geheime wese wat meestal in sy kleibunker hou. Dalk het dit selfs vir hom antwoorde op sy lewensvrae, soos hoe jy so ’n eensaamheid kan oorleef. Dat hier wel een in die spruit gesien is, het die nuwe buurvrou vertel toe sy met skons oorkom. Gloria,…

ERNS GRUNDLING Erns is ’n bekende reisjoernalis, asook een van die mede-aanbieders van die Viaprogram Agterpaaie. In 2015, moeg vir die lewe in die stad, moeg vir spertye, moeg vir die teleurstellings van die liefde en die lewe, het hy besluit om die uitdagende pelgrimstog El Camino de Santiago aan te pak. Sy boek oor dié staptog, Elders, is reeds ’n topverkoper. Hoekom het jy die Camino gaan stap? Mense durf iets soos die Camino om verskeie redes aan: vir die natuurskoon, ontspanning, fiksheid, nuuskierigheid, of om ’n lewenskrisis of groot verandering te verwerk. Ek was 35 jaar oud, oormoeg, oorwerk, oorgewig en ’n liefdesverhouding is onverwags beëndig. Ek moes iets doen, en besluit (gelukkig) toe op iets eenvoudigs: om lank en ver te gaan stap. Waarom daardie spesifieke roete?…

C lare Hollingworth, wat vroeër vanjaar op die rype ouderdom van 105 oorlede is, word as een van die beste oorlogkorrespondente tot nog toe bestempel. ’n Legende in haar eie tyd. “Ek moet erken, ek hou daarvan om in ’n oorlog te wees,” het sy op die vooraand van haar honderdste verjaarsdag aan The Telegraph gesê. “Ek hou van aksie. Ek is nie dapper nie, ek geniet dit net. Ek weet nie hoekom nie. God het my so gemaak. En ek is nie bang nie.” In 1939 was sy 27 en het maar ’n week as korrespondent vir die Britse Daily Telegraph in Katowice, Pole, gewerk. Sy het ’n motor geleen en uit nuuskierigheid oor die Duitse grens na Gleiwitz gery. Langs die pad het ’n vlaag wind ’n goiingsakversperring…