Innholdsfortegnelse for Junie 2017 i Rooi Rose

VADERSDAG IS VANJAAR ongemaklik naby die dag waarop my kinders se pa hulle finaal gegroet het. En vir my het dit die gedagte onderstreep dat, hoe ons ook al ons siening van ’n gesin moes omvorm om by ons snelveranderende werklikheid aan te pas, daar altyd ’n vader-en-moeder behoefte by ons as mens is. Dis natuurlik nie bloot vasgevang in die wese van die mense nie, maar dis eienskappe waarna ’n kind smag en wat hy mis as hy dit ontbeer. Wanneer hy dit in woorde kan uitdruk, kom dit daarop neer dat ons almal ’n toevlug en ’n veilige paar sterk arms in ons lewe nodig het, asook ’n ruimte waar ons behoort, waar ons altyd tuisvoel, waar ons sonder voorbehoud en voorwaardes liefde ontvang. Kinders gedy as albei…

Margaret uit Hollywood Ek het Emma Watson as jong, skraal dogtertjie ontmoet toe sy as Hermione Granger van die Harry Potter-flieks aan die wêreld voorgestel is. Haar intelligensie en kalmte was toe al opvallend, en almal het groot dinge van haar verwag. Tien jaar later sweef sy by die Beverly Hills-hotel in, uitgevat in ’n stylvolle Oscar de la Renta-kantrok. Vandag is sy ’n stylikon. Sy glimlag minder as in die verlede, dis asof sy geleer het om haar teen die aanslag van die media te pantser. Want daar het ’n storm om haar losgebars – mense sien haar as dié moderne feminis. Sy is slim. Sy praat nie in clichés nie. Sy word nie afgeneem waar sy dronk buite ’n nagklub rondstrompel nie. Sy is ’n voorstander van gelykheid…

Hy het geen twyfel dat sy pad vorentoe weer met radio sal kruis nie, maar voorlopig wag daar drie nuwe uitdagings: ’n eenmanstuk wat hy spesiaal vir die Inniboskunstefees ontwikkel, ’n nuwe televisieprogram wat mense gaan laat regop sit, en sy outobiografie wat volgende jaar verskyn. Moenie dink die boek gaan bloot Rian se storie van A tot Z wees nie. “Dis nogal moeilik om te besluit wat sit jy in, en wat laat jy uit. Dit sal waarskynlik gaan oor die goed wat ek eerder nie moes gesê het nie.” Hy bly ’n oomblik stil, dink ’n bietjie. Vervolg dan: “Of nee, eintlik moes ek dit tog gesê het. Want dit het groot debatte tot gevolg gehad.” Later vanjaar gaan ons hom ook weer op kykNET beleef in ’n…

‘Dis vir my belangrik dat hulle weet dat my liefde vir hulle geen perke het nie Met vier seuns tussen die ouderdomme van vier maande en tien jaar oud, kan jy jou net indink hoe woelig dit in die Du Plessis-huishouding gaan. Maar pa Jay – sy regte naam is Jaco du Plessis – is dol daarop om ’n pa te wees. “Pa-wees is ongelooflik! Daar is niks soos ’n drukkie van jou kind as jy by die huis kom en hy sê vir jou dat hy jou gemis het nie,” vertel die gewilde sanger, wat erken pa-wees het sy lewe verander. “Dit het my verantwoordeliker gemaak, en die ware betekenis van liefde geleer. Ek leer daagliks by my kinders. Nes jy dink jy weet alles, sê een van die…

KORT SNITTE 2016 was die jaar van die bob en 2017 is die jaar van die kort snitte. Baie van die style sal mans ewe goed pas Geslagloos Die twee style is albei van Schwarzkopf Flex Collection se Genderless-reeks. Albei lyk ewe mooi met of sonder tekstuur. Die kleur is ekstreem: blond, vaalblond of swart met blou en groen strepies FOTO SCHWARZKOPF ESSENTIAL LOOKS. Sportief ’n Donker basis met bessie, boergonje en rooi skakerings wat diepte en glans gee, is kenmerkend van Schwarzkopf Flex Collection se Athleisure-tendens. Die style is deur Yuccies (Young Urban Creatives) geïnspireer wat van luukse gimklere ook draklere maak. Hierdie snit is van die Catwalk-reeks. FOTO SCHWARZKOPF ESSENTIAL LOOKS Rebels Kort blonde style, effens kunstig, rebels, punkerig en met ondersnitte, is die kenmerk van Intercoiffure Mondial…

suzannek@ctp-mail.co.za @suzannekotze Aantrekkingskrag AZZARO WANTED (R955 VIR 50 ML EN R1 200 VIR 100 ML) Volgens die Franse parfumeur Fabrice Pelegrin is die geur ’n weerspieëling van die manlike aantrekkingskrag en magnetisme waarmee sommige mans geseën is. “Dis die dubbelsinnigheid tussen die warm houtnote en die koue speserye wat die geur so verleidelik maak. “Jy ruik gemmer, suurlemoen, jenewerbessies, kardemom, kuskusgras en tonkabone.” ELEGANT LANVIN ÉCLAT D’ARPÈGE POUR HOMME (R1 095 VIR 100 ML EN R995 VIR 50 ML) is die manlike weergawe van die parfuum Éclat D’Arpège vir vroue wat in 2002 bekend gestel is. Jy ruik sitrus, aromatiese kruie, elegante blomme, hout en muskus. TEM daai haartjies TWEEZERMAN SCISSORS & COMB (R300) is ideaal vir die knip van gesighare. Die lemmetjies is gerond sodat jy weg van jou…

anet@marques.co.za JY KAN GEMOTIVEERD bly hierdie WINTER Dit bly maar ’n uitdaging om te oefen as dit nat en koud is, maar as jy eers in die gewoonte is, gaan jy só lekker voel. Boonop keer dit dat jy in die koue maande soos ’n mosbolletjie uitrys. Hier is 10 goeie wenke • Skryf vir ’n wedren in September in en vertel al wat leef en beef daarvan. • Kry die regte klere vir die weer. Beskou dit as ’n belegging in jou gesondheid. • Teken in op ’n oefentydskrif wat jou elke maand aan jou doelwitte herinner. • Kry ’n oefenmaat of sluit by ’n klub aan. • Kies ’n lekker liedjie vir jou wekker, eerder as daardie irriterende wekkerklank. • Kry ’n verwarmer met ’n outomatiese skakelaar (jy…

Wanneer ’n mens by die huis kom, moet jy dikwels meer as jou werkspakkie uittrek, of jou boonste knope losmaak. Tuis is daar ander rolle, ’n ander hiërargie en verwagtinge waarin jy moet inglip om verhoudings te laat werk. Maar dis nie vir almal ewe gemaklik en natuurlik om dan anders op te tree, of om volgens ander spelreëls op te tree nie, veral as jy by die werk die reëls bepaal en gewoond is daaraan dat jou woord wet is en almal versigtig na jou pype dans. By die werk het jy ’n sekere rol, verantwoordelikheid en identiteit, wat tuis anders is. Jy kan en moet albei die identiteite wees – maar nie terselfdertyd nie, anders gaan iets skade ly. Dis ook belangrik dat nie een van die rolle…

mariettes@caxton.co.za VEERKRAG As ek terugkyk op my lewe is dit makliker om die oorwinnings te herroep as die uitdagings, want die oorwinnings herinner my aan die mens wat ek vandag is én laat my besonder trots en dankbaar voel. Tog sou daar nie oorwinnings gewees het sonder uitdagings nie. Die moeilikste tema op my pad was verwerping, in verhoudings, in my werk, in die lewe ... Ek het soveel keer gevoel ek moes myself bewys dat ek amper gedwing was om op ’n plek te kom waar ek uiteindelik besef het wie ek is. Toe ek myself eers begin aanvaar en liefkry, het ek verwerping nie meer so persoonlik opgeneem nie. Inteendeel. Ek het besef daar is soveel meer aanvaarding en waardering vir wie ek is en wat ek doen,…

Vroegherfs op ’n Vrydagoggend roer ’n skeut weemoed deur die lug toe ek onder Nuweland se ou akkerbome deur die paadjies van die Montebello- kwekery wandel. Hier het ons in ons studentedae op soel somersaande gesit en musiek maak. Dit was etlike jare voordat die terrein opgeknap is - die reuk van wilde sering was in die lug en ons het geglo ’n nuwe era was besig om aan te breek. Die middelpunt van hierdie sonderlinge kwekery is die historiese glas-en-hout kweekhuis wat uit 1902 dagteken. Kate Mason, haar ma, Shirley, en ’n assistent, Melvin Ngoma, bestuur die kwekery. Tuinmaak is geslagte lank al sinoniem met die Masons wat op ’n plaas in KwaZulu- Natal gewoon en grootgeword het. Vir Kate was die ervaring van ’n lewe tussen plante ’n…

vickie@hardrain.co.za @vickiefantastic…

BLOKRAAI 11 Wen kontant Vir rooi rose se blokraaigeesdriftiges gee ons ’n geldprys weg. Drie gelukkige lesers kan elk R500 wen deur Blokraai 11 korrek in te vul en die versteekte woord vir ons te SMS. Om in te skryf Voltooi die blokraai en gebruik die letters in die grys blokkies om die versteekte woord te ontsyfer. SMS jou antwoord vir ons om vir die prys in aanmerking te kom. Leidraad: ’n Been in die onderbeen SMS jou antwoord, naam en van, adres en ID-nommer na 48409. SMS’e kos R1,50. Gratis SMS’e tel nie. Bepalings en voorwaardes op bladsy 113. BLOKRAAI 12 Een leser wen ’n SKNLOGICgeskenkpak ter waarde van R3 000 Die SKNLOGIC-velsorgreeks werk met die vel se biologiese prosesse ten einde sigbare resultate te lewer. SKNLOGIC-produkte bevat nie…

Kamers KAMERS/Makers begin hul 15de jaar met nuwe energie, vasbeslote om kreatiewe entrepreneurskap in SA tot die hoogste vlak te bevorder. Hulle beskryf 2017 as “ons jaar van goeie werk. Ons mooimaakjaar. Ons doel is om die krag van ons KAMERS/ Makers-platform verder en dieper te versprei in die gemeenskappe waarna ons uitreik.” Met die Herfsmark bring meer as 150 makers hul produkte, heerlike kos, wyn en musiek na Johannesburg en Kaapstad. Diegene wat nie kan wag nie, kan aanlyn by shop.gaan koop. 26 – 30 April, St John’s College, Johannesburg en 24 – 28 Mei, Die Kasteel de Goede Hoop. Kaapstad. Klein wyne, grote plesier Bederf hierdie winter jou innerlike smulpaap en bespreek vroegtydig ‘n sitplek (of twee) vir die eksklusiewe wyn-en-kos-ervarings wat op die La Petite Ferme-landgoed aangebied…

Nancy Wake het in die Tweede Wêreldoorlog skouer aan skouer saam met die Franse Résistance teen die Duitsers geveg. Die Franse versetvegters wat ná die Nazi-besetting teen die Duitse magte geveg het, het meestal in die geheim in woude bymekaargekom. Nacy het mense uit Frankryk gesmokkel wat die gevaar geloop het om na konsentrasiekampe gestuur te word, asook geallieerde vegvliëeniers en manskappe. Sy het die Nazi’s só lank en só goed ontwyk dat hulle haar die “Wit Muis” gedoop het. Vir die Britse Special Operations Executive was sy Hélène terwyl die Franse Résistance-vegters die kodenaam Andrée gebruik het. In een stadium het die Duitsers ’n losprys van 5 miljoen frank op haar kop geplaas - die grootste bedrag wat in daardie stadium in die verband uitgeloof is. Sy het volgens…

Waarmee hou jy jou tans besig?” begin ek tastend my weg oopvoel na die mens voor my. Amalia Uys loer met groot blinkbruin oë na my oor haar warm sjokoladedrankie en lag onnutsig. “Niks!” Maar eintlik skep sy net ’n slag asem, sê sy. Haar stem is sterk en warm, haar woorde geartikuleerd soos dit ’n aktrise betaam. “Ek het maar verlede week teruggevlieg uit Johannesburg waar ek weer ’n maand lank opnames vir Binnelanders gedoen het. En die afgelope internasionale advertensieseisoen was besiger en lekkerder as ooit. Omdat Kaapstad so ’n besonderse bestemming is en dit vir die internasionale advertensiemaatskappye soveel goedkoper is om hier te skiet, sak hulle deesdae in die somermaande op ons toe.” Sy kruis haar bene in die nousluitende langbroek met die gate op die…

Emma Charlotte Duerre Watson is op 15 April 1990 in Parys, Frankryk gebore. Sy het in Oxfordshire, England grootgeword. In 2014 het Emman graad in Englse literature aan Brown0universiteit behaal.…

Van Witbank tot Mauritius. En tussen dié twee plekke het Anneline Kriel se pad wye en interessante draaie gegooi. En ’n gebrek aan opwinding was daar ook nie. Die blondekop was net 19 toe sy as Mej. Wêreld gekroon is nadat die oorspronklike wenner, Helen Morgan, ná vier dae bedank het omdat dit aan die lig gekom het dat sy ’n kind het. Dit klink dalk na ’n sprokie, maar dit was allermins. Die bloedjong Anneline moes leer om fel kritiek en internasionale boikotte te hanteer. Sy is as die gesig van apartheid bestempel, en Amerika en Australië het onder meer geweier dat sy as deel van die Mej. Wêreld-toer daarheen gaan. Tog het sy gou die liefling van die media geword. Hoe voel sy vandag oor skoonheidskompetisies? “Ek dink…

‘Hierdie ervarings vorm ’n databasis waaruit ’n akteur vir elke rol kan put, hoe uiteenlopend ook al’ Toe hy die eerste keer by die Hoërskool Goudrif in Johannesburg in ’n skoolrevue gespeel het, was die saadjie vir sy latere loopbaan gesaai. Só vertel André Lotter (33), wat die rol van Rikus Wellman in 7de Laan vertolk. Die newe-effekte van sy eerste hoofrol in ’n skooltoneelstuk toe hy in matriek was, het beslis ook sy belangstelling geprikkel, skerts die oudhoofseun van die Laerskool Oosterkruin aan die Oos-Rand. “Dit was heerlik om in die kollig te wees en deur almal bewonder te word !” As eerstejaar-dramastudent aan TUT het hy finaal besef: drama is in sy bloed, al het niemand in sy familie daarin belang gestel nie. Vandag glo hy elke stukkie…

Die ontdekking van fito-kaffeïen-kompleks as die energiegewende bestanddeel vir hare was ‚n ware gelukskoot vir Dr. Wolff Research en gevolglik ook vir baie vroue. Dit kan nie makliker wees nie: net die sjampoe en ‘n tonikum om die kopvel mee te masseer. Die Plantur 39-to-kaffeïen- produkte vir ylerwordende hare en haarverlies*. Wanneer estrogeenvlakke afneem gedurende menopouse mag vroue haarprobleme ervaar. Hierdie verandering kan onverwagte newe-eekte hê: yler hare en haarverlies* is dikwels die gevolge. Duitse wetenskaplikes het ‘n produk ontwikkel wat hare beskerm teen hormoon-geïnduseerde uitputting: ‘n to-kaffeïen- kompleks, geïnkorporeer in ‘n unieke sjampoe en ‘n tonikum vir daaglikse kopvelversorging. Dr. A Klenk, hoof van Dr. Wol_ Research, sê: “Konvensionele sjampoes, ongeag hoe duur dit is, kan hierdie gevolge van menopouse nie beheer nie.” Ook belangrik is dat hierdie produkte…

• Jy bepaal en is in beheer van wat, hoe en wanneer dinge gebeur. • Neem die besluite en maak reëls wat vir ander geld maar nie vir jou nie. • Jy het vryhede en voorregte wat ander nie het nie. • Gee bevele, maar ander moet mooi vra as hulle iets wil hê. • Verwag gehoorsaamheid. • Verwag spesiale diens. Ander moet jou bedien en dinge vir jou doen. • Gee dikwels nie waardering vir klein dingetjies nie, dis immers hul werk waarvoor hulle betaal word. • Verwag van ander dankbaarheid en waardering vir die geleenthede wat jy hulle gee. • Duld nie teëspraak en ander menings nie. • Lewer kritiek, maar ander mag nie. • Is oorhaastig en luister nie werklik nie, sê net dadelik wat ander moet…

Turkse waterglasies in juweelkleure is perfek vir die basaarvoorkoms Romantiese ontwerpe soos dié op stoffeermateriaal is weer groot nuus Soek op vlooimarkte na items met karakter waarmee jy interessante fokuspunte kan skep…

PLAATKOEKIES MET JUNGLE ENERGY CRUNCH MUESLI Genoeg vir 12 plaatkoekies, 1:45 minute 10 g sakkie kitsgis 5 ml strooisuiker 125 ml (½ k) warm melk 12 5ml (½ k) warm water 225 g (1½ k) koekmeel 125 ml (½ k) Jungle Energy Crunch, Muesli Granola 2,5 ml sout 125 ml (½ k) water 1,5 ml (¼ t) koeksoda olie vir die bakslag 250 g repiesspek, bros gebraai 1 avokado, fyngedruk met ’n bietjie sout en suurlemoensap 1 Meng die gis en suiker in ’n bak, gooi die melk en water by, roer tot die gis opgelos het en laat staan vir 10 min. tot dit ligte borrels maak. 2 Meng die meel, muesli en sout in ’n mengbak, gooi die gismengsel by en meng goed. Bedek met kleefplastiek. Laat staan…

Waarin het ek my begewe? Wie praat so met ander mense? Die baard-brille het name. Henk, Dewald en Lafras. Dit is nou my base en die direkteure van Man- Jfique Designs (Edms) Bpk. “Jy het nou nog nie ’n kantoor nie, A,” sê Lafras verskonend. “Sodra ons kontantvloei op die been is, sal ons vir jou een inrig. Jou werkstasie is voorlopig hier in die ontvangsgedeelte.” “Hier is darem ’n koffiemasjien,” troos Dewald. “Ons het ook vir jou ’n behoorlike rekenaar opgestel. Hier is Wi-Fi en alles,” sê Lafras trots. “Onthou, Vrydae loop ons eenuur tensy ons ’n dreigende deadline het.” Ek knik effe oorweldig ... “E, so waarmee begin ek?” Ek voel soos ’n skooldogtertjie in graad een. Sê nou ek verstaan glad nie die tekstielbedryf nie? Ontwerp is…

ISABELLA Mariël le Roux (Quiellerie) Isabella Dickson luister na haar hart, staak haar studie en trou met Gideon, die joviale boerseun met die enigmatiese ligbruin oë. Saam durf hulle die ongenaakbare mynwêreld van die Noord-Kaap aan waar sy met die aardsheid van die omgewing en die mynmense kennis maak. Net ná haar dogter se geboorte begin Isabella se lewe onder haar verkrummel. Stemme uit die kameeldoringbos klink op die wind en sy besef dat die ondenkbare gebeur het: dit is sý wat die bedreiging is! Versoening klop op onverwagte wyses aan, en dit is ’n opdraande pad om haarself weer te vertrou. Totdat sy, anderkant die halfeeumerk, langs die branders by Bloubergstrand perspektief kry. Isabella is ’n unieke en deurdagte verkenning van ’n moederskap wat nie die norm is nie.…

Dié beskeie jongman wat op Bronkhorstspruit grootgeword het, het almal goed laat regop sit met sy weergalose uitvoering van U2 se “One” op die “blinde” eerste aand van die tweede seisoen van The Voice. En beskeie is hy werklik, plat op die aarde, soos ons sou sê, sonder ’n tikkie geswelde ego. Jy sal maklik op ’n Saterdagoggend in die plaaslike Pick ’n Pay in hom vasloop in sy plakkies en kind aan die hand, en dan beland in ’n lang gesprek oor enigiets behalwe musiek. Nie dat musiek nie ’n reusedeel van sy lewe is nie, inteendeel: behalwe dat hy een van die stigterslede van die immergewilde Klopjag is, is hy een van die “hoofdwerge” van die groep Die Tuindwergies. Min mense weet ook dat hy ’n uitsonderlike komponis…

Skuins na elf reik Landi na haar glas en voel dis leeg. Sy sug en stoot die deken en kombers opsy. Sy skakel nie die bedlig aan nie, neem die glas en katvoet sommer kaalpoot badkamer toe. Neels (sy moet ophou om die kind Neelsie te noem, want twaalfjariges verpes verkleinwoorde) is tienuur al bed toe. Sy het toegelaat dat hy na ’n ruimtefantasie op televisie kyk. Hy stel die afgelope tyd al hoe meer in dié soort ding belang. Sy kom by sy kamerdeur en sien dis op ’n skrefie oop. Sy lig is af. Sy gaan staan. Neels praat met iemand. Sy frons. Hy het mos nie ’n selfoon nie. Met wie praat hy? Dis ’n growwe, binnensmondse gefluister. Oefen hy vir ’n toneel of iets? Sy luister…

@home 0860 576 576 3INA 3ina.com/storelocator Accessorize 011 884 4643, 021 425 7701, 031 265 2525, accessorize.co.za Ackermans 021 900 1000 African Extract 021 514 3100, africanextracts.com Aldo 011 555 2300 Avon avon.co.za Azzaro 011 809 6300 Babylonstoren babylonstoren.com/spa Block and Chisel monique@ blockandchisel.co.za Boere Sjiek 021 982 2023 Bulgari prestigecosmetics.co.za Caslazur caslazur.com, info@caslazur.com Catrice by Dis-Chem Clarins 011 809 6300 Cloth and Label 011 326 5702, 011 325 5089 Colette Hayman 087 80 800 80 Coricraft 011 611 8700, 021 508 5200 Cotton On 021 552 9651, 021 981 9366, cottonon.co.za Country Road woolworths.co.za Delos delos.co.za Designstore designstore.co.za Essence Dis-Chem, Foschini, Clicks Exact 086 000 543 Famke 021 461 4911, famke.co.za, info@famke.co.za Forever 21 021 555 3324 Forever New 011 555 2300 ghd 086 010 9366 Green Cross 011…

Die drie lesers wat hul menings met ons gedeel het, wen ’n RVB Skinlabgeskenkpak ter waarde van R1 625 Dink jy dis soms nodig om die reëls te oortree? Het jy dit al gedoen? Retha Booyens (25), Potchefstroom, dieetkundige Ek het al verskeie kere die reëls oortree, sommige daarvan het goed geëindig, ander rampspoedig. Ek is van kleins af geleer dat ek enigiets kan doen as ek bereid is om die gevolge daarvan te dra. Dit het my ’n sin van verantwoordelikheid en oorsaak-gevolg geleer en ek is nie spyt daaroor nie. Annarine Goldie (18), Stellenbosch, skolier Ja, dit is nodig en ek het al die reëls oortree. Daar is ’n aanhaling wat lui: “Well behaved women rarely make history.” Soms is dit nodig om grense te verskuif sodat jy…

Sy broer het net nou die dag gevra of hy nou klaar is met radio, vertel Rian van Heerden oor ’n koppie koffie. Hy is pas klaar met sy derdelaaste skof as aanbieder van Jacaranda FM se ontbytprogram. “Toe sê ek vir hom: radio never leaves you. Ek is nog nie heeltemal klaar nie.” Hoe waar hierdie woorde is, besef hy toe iewers in die volgende 48 uur, want op 31 Maart – wat sy laaste dag sou wees – maak Jacaranda se stasiebestuurder die verrassende aankondiging: Rian bly nog drie maande aan. Hoekom, wil ek later by hom weet. Het die dramatiese middernagtelike politieke gebeure van die vorige aand, toe pres. Zuma die minister van finansies en 14 ander ministers en adjunkministers afgedank het, iets met sy besluit te…

Pierre van Pletzen wat eersdaags as Manie Kraaywinkel op kykNET in PHIL 101 te sien is, hou sommer baie van hierdie quirky, onvoorspelbare, eksentrieke ou met sy unieke manier van dink. Kan ook nie anders nie – Pierre is ook nie juis ’n hoofstroomdenker nie. Hy ryg deesdae die produksies in. Naas PHIL 101 het hy ook onlangs aan Meerkat Maantuig gewerk, ’n rolprent wat op Riana Scheepers se boek Blinde Sambok gegrond is. Aanhangers van sy 7de Laan-karakter, Oubaas, het niks te vrese nie. Pierre het nog genoeg tyd vir die Laan Sedert ek op ’n roepbasis by die Laan is, is dit makliker. Almal moet maar meet en pas.” Dit was vir hom heerlik om saam met regisseur Johan Cronjé aan PHIL 101 te werk. Johan was ook…

TEKEN IN EN WEN ’N RVB SKINLABGESKENKPAK Ons weet jy is dol op rooi rose. En in vandag se vinnige tye is innovering iets wat almal se lewe kan verbeter. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het saamgespan om dit makliker as ooit te maak om jou rooi rose elke maand te kry. Hoe? So eenvoudig soos een-twee-drie: Jy hoef slegs aanlyn te registreer vir jou jaarlikse subskripsie, en dan kry jy elke maand ’n SMS-kode waarmee jy jou tydskrif by jou tyd, en jy kry boonop al daardie spesiale tydskrifgeskenke wat slegs in die winkels beskikbaar is ...…

Justine.kroes@outlook.com ‘Ek is trots daarop dat ek ingestem het om ’n nuwe voorkoms te kry en het so baie uit hierdie goedvoel-ervaring geleer! Ek is maar skaam en kamerasku maar ek het myself regtig verbaas!’…

JY VRA Hoeveel eiers kan my man eet? Daar is cholesterol in sy familie maar hy is op medikasie, en sy cholesterolvlak is normaal. - Hilde DIE 2016 FINSE ONDERSOEK Die 160 mg - 180 mg cholesterol in ’n eier maak eiers een van die kosse met die meeste cholesterol per porsie. Daarom is eiers vroeër verdoem en tot drie, vier per week beperk. Maar die teorie dat eiers = cholesterol = hartsiektes is sedert die jare negentig weerlê, en ondersoek na ondersoek het gewys dat eiers nié hartsterftes verhoog nie. Die mees onlangse is ’n groot ondersoek deur die Universiteit van Oos-Finland. Meer as duisend gesonde mans sonder hartprobleme is oor 21 jaar gevolg om te kyk of eiers en ander cholesterolryke kos werklik hartsiektes veroorsaak. • Die bevindings? Die…

Retha Booyens Tieners is in ’n ongelooflike moeilike stadium van hul lewe omdat hul liggame deur puberteit gaan en ’n kaskade van hormone beleef. Terselfdertyd is hul breinontwikkeling nog nie voltooi nie, daarom verstaan hulle nie die veranderinge nie en is hulle konstant gefrustreerd. Die beste ding wat ’n ouer kan doen, is om hulle in alles te ondersteun en daar te wees as die tiener hulle nodig het. Annarine Goldie Stres. Dis dalk ’n cliché, maar tieners ervaar in die hoërskool die eerste keer werklike druk (soos in die grootmenswêreld). Dit is meestal vir hulle oorweldigend. Ouers moet kinders daarop wys dat dit normaal is om so te voel en hulle laat verstaan dat selfs die slegste en stresvolste dae net 24 uur lank is. Lisa Human Seksuele en…

Diep in die hart van die Afrikabosveld, langs die Krugerwildtuin, lê die bekende Thornybush- natuurreservaat van meer as 14 000 ha. Die Vyf Grotes en verskeidenheid diere en voëls wat jy hier raakloop, sal elke natuurliefhebber se hart warm (en soms wild!) laat klop. In dié kontrei en in die noordoostelike Sabi Sands lê Thornybush se twaalf luukse-lodges versprei. Die gesogte vier- en vyfsterlodges, waarvan een ’n selfsorglodge is, is elk individueel ontwerp en verseker ’n intieme en baie unieke boservaring. Tesame met die luukse verblyf, kom ook daardie ongeëwenaarde wildbesigtigingsritte wat die Thornybush-natuurreservaat in ’n eie klas plaas. Die prys Twee nagte vir twee mense by die vyfster- Thornybush River Lodge. Ingesluit alle etes, koffie, tee, verversings, oggend- en aandsafari’s in oop voertuie, opsionele staproetes en skemerkelkies tydens die…

Gemmer en borrie bevat kragtige anti-oksidante wat jou immuunstelsel in die wintermaande sal versterk. Wees op die uitkyk na vars borrie by supermarkte en groentewinkels Risotto hoef nie net met rys gemaak te word nie - ander grane soos gort werk ewe goed en is supervoedsaam GEURIGE GROENTELASAGNE IN ’N PAN GENOEG VIR 4 •30 ml (2 e) olyfolie •1 ui, fyngekap •2 knoffelhuisies, fyngekap •250 g knopiesampioene, in kwarte gesny •125 g sjiitakesampioene, middeldeur gesny (hou ’n paar heel vir bo-op) •1 rooi soetrissie, in blokkies gesny •1 x 400 g-blik heel geskilde tamaties, in die sous fyn gedruk •125 ml (½ k room) •1 klein murgpampoentjie, in ringe gesny •100 g bruinlensies •hand vol basiliekruid, fyn gekap •125 ml (½ k) basiliekruidpesto •4 lasagne-velle •250 g mascarpone •250…

Mense hou nie daarvan om te verken en nuwe dinge te ontdek nie’ Ek voel hoedat ’n sweetdruppel ’n klam kronkelpaadjie teen my rug afloop toe ek my handsak langs my stoel op die plaveisel neersit. Asof ’n skottel gouestroop oor die Kaap gekantel het, skyn die hoogherfsdag in die binnehof van ’n baie ou gebou in die middestad waar ek in ’n Franse restaurant vir middagete aansit. Die bome se geel blare val nie af nie - hulle daal. Net so tydsaam soos die mense wat in die lou middaguur oor die pleintjie dwaal. Die dag is gloeiend en traag soos gouestroop - asof ’n soet behaaglikheid in die natuur en in die mense rondom my se gemoedere heers. Nadat hy my stoel ingestoot het, sit my gasheer oorkant…

anet@marques.co.za ONGELUKKE GEBEUR NIE SOMMER NIE. ONGELUKKE WORD VEROORSAAK HOPE RUIMTE Ek het die Opel Mokka X in die Kaap getoets toe ek die Argus (nou die Cape Town Cycle Tour) gaan ry het en die oulike ontwerp van die motor het my dadelik beindruk. Ek het reguit van die lughawe af gery om te gaan registreer en my fiets in Seepunt op te laai, en te laat besef dat ek reeds ’n groot tas in die motor het. Ek was heel verbaas toe ek die fiets (sonder om die wiele af te haal) en die tas saam kon inpas nadat die agterste sitplekke platgevou is. Die Sondagoggend het ons sommer twee fietse en twee volwassenes ingepas. Die wind het wel ons wedren weggewaai, maar die Mokka X was die…

Web: Stellenbosch se studente is opstandig. Die dorp brand, en in Sophia se huisie droom sy van wegloop, Toe hul Magriet, die bruin dogtertjie wat sy en Diederick oorsee aangeneem het, wegraak en Sophia ook ontsenu word deur die herontmoeting met ’n jeugliefde en daarna ontvoer word, moet sy spartel om uit die web te kom en haar kind van die spinnekop te red. In Naomi Meyer se debuutroman word die Boland en SA se brandpunte verlig deur die storie van ’n wit gesin met een bruin kind, hul huiswerker en die gewig van die geskiedenis. Hoe beïnvloed jou eie werk die storie? My werk was ’n inspirasie op baie vlakke. Wat ek op LitNet lees, en die interessante inhoud en materiaal wat my inboks en die webruimte betree, het…

Al wat hy weet, al wat hy ken, is: as ’n dame val, help jy haar op. Dis wat jy doen en bogger die res Die geliefde is nie sonder foute en aldag ewe geliefd nie. Hy is eintlik maar gemaak en laat staan, maar hy ís ’n handige man om te hê. En só hulpvaardig. Help waar hy kan. Verder onthou hy ook nog van die goeie maniere wat hy geleer is toe dit nog wettig was om ’n kind ’n klap teen die kop te gee. ’n Man is daar om swaar goed te skuif en pakkies te dra en ’n ware heer help altyd as hy ’n dame in ’n dilemma teëkom. Jy vra nie vrae nie en jy soek nie verskonings nie, jy bult jou spiere…