Innholdsfortegnelse for Mei 2017 i Rooi Rose

MOEDERSDAG herinner ons jaarliks daaraan dat ons ons geboorte te danke het aan ’n vrou in wie se liggaam ons vir om en by veertig weke geïnkubeer is, wie se bloed ons ontwikkelende liggaam direk moes voed, wat ons letterlik gedra het en gebaar het. Dis universeel ... Maar vir sovele is die vrou wat hulle grootgemaak het, aan wie se knie hulle die belangrikste kuns van menswees geleer het, nie die een uit wie se liggaam hulle in die wêreld gebring is nie. Moederskap is dus ’n gelade term, en beteken nie vir almal presies dieselfde nie. Nie alle vroue se liggame of omstandighede is bevorderlik vir swangerskap en geboorte nie. Van die beste ma’s wat ooit geleef het, het nooit hul eie kinders in die wêreld gebring nie.…

Sonder watter item in jou winterklerekas of grimeersakkie kan jy nie klaarkom nie? Elsa van Niekerk (50), boekhouer, Malelane My gunstelingitem is ’n paar grys stewels wat ek drie jaar gelede gekoop het. Hulle is supergemaklik en omdat grys my gunstelingkleur vir die winter is, pas die stewels by feitlik alles in my kas. Elzana Brand (45), hoofadministratiewe klerk, Stellenbosch Ongetwyfeld my skinny jeans. Ek lewe daarin en sou verlore gewees het daarsonder. Dit is warm en gemaklik en ek kan dit na informele en selfs meer formele geleenthede dra. Anien Botha (28), bemarker, Kaapstad Die leerstewels wat ek laas jaar by Country Road gekoop het. Hulle pas by alles en is van ’n goeie gehalte, so ek weet ek sal hulle jare lank kan dra. Sluit aan by ons…

Jou gunstelingplek op aarde? My ouers se huis. Ideale vakansie? Êrens waar daar sneeu is. Jou skuldige plesiertjie? Pizza met baie kaas. Gunstelingkos en drankie? Vars plaasbrood met botter. Yskoue sauvignon blanc. Jou skoonheidsgeheime? Ek dra bitter selde grimering en bly fiks met warm joga. Wat is op jou kluitklaplys? Om die Aurora Borealis in Finland te sien. Die vreesaanjaendste ding wat jy al gedoen het? Rotsklim! Wat maak jou kwaad? As ’n gesonde mens op ’n parkeerplek vir gestremdes parkeer. Rommelstrooi. Uitbuiting en neersien op ander. Wat maak jou gelukkig? My geliefdes en vriende. ’n Lekker gesprek. ’n Lekker boek. Om alleen te wees. My werk. • Volg Antoinette op Twitter by @AntoinetteLouw1…

 Roland Schoeman was maar 24 toe hy drie Olimpiese medaljes losgeswem het. Die aantreklike blondekop met die gebeitelde lyf het Suid-Afrika vier keer by die Olimpiese Spele verteenwoordig, maar verlede jaar die sonderlinge prestasie om vir ’n vyfde Spele te kwalifiseer met ’n breukdeel van ’n sekonde misgeloop. Nie dat hy hoef sleg te voel nie: sy mededingers was immers swemmers sowat ’n dekade jonger as hy, en vars uit hul loopbaanwegspringblokke. Roland, daarenteen, het al 18 jaar van uiters kompeterende, byna voltydse swem agter die rug. ‘Dokters het my ouers gewaarsku dat ek moontlik nooit eens ordentlik sou kon loop nie’ Sy lewensdroom was nie om ’n professionele swemmer te word nie, vertel die gebore en getoë Pretorianer uit Amerika, waar hy steeds lang tye van die jaar woon.…

“Ek weet nie regtig nie. My pa het my kleintyd Nuweland toe gevat om van my ’n Stormer te probeer maak, maar ongelukkig vir hom word ek toe die grootste Bulondersteuner wat daar is!” sê sy laggend. Sy was haar lewe deur versot op sport. “Daar is nie ’n beter tennisspeler as Roger Federer nie!” beduie sy geesdriftig. Kleintyd al het sy vasgenael die Olimpiese Spele op televisie gekyk, ewe met ’n notaboekie byderhand. Sy het selfs die Russiese en Roemeense gimnaste se name geken. Sy rits die vreemdklinkende name af: “Svetlana Khorkina, Andreea Raducan ... die kommentators het haar ‘The queen of the bars’ genoem. In st. 5 het ek snot en trane gehuil toe Andreea se medalje van haar weggeneem is nadat ’n verbode middel in haar urien-monsters…

‘As jy ’n skeppende gees het, maak dit nie regtig saak hoe en waar dit manifesteer nie’ Helena Hugo is nie net ’n bekende skrywer van inspirerende fiksie nie, maar ook ’n bekende naam op RSG. Sy het al verskeie vervolgverhale en radiodramas vir dié stasie geskryf en geregisseer. Ná 42 jaar van skryf, is daar min genres waaraan sy nog nie haar hand gewaag het nie. Tussen nou en 1975, toe sy haar eerste kinderverhale aan die radioprogram Siembamba voorgelê het, lê sewentig boeke, talle tydskrifkortverhale, radiovervolgverhale vir tieners en ’n paar radiodramas. Boonop het sy vyf radiosepies geskryf, onder meer Blinkwater wat luisteraars byna drie jaar (of 751 episodes) lank voor die radio vasgenael gehou het. Sy was ook die regisseur daarvan. Haar naamgenoot-dogter is ewe talentvol en…

DIS DEEL VAN MY PERSOONLIKHEID Mynie Grové stap al ’n lang pad met musiek. Op drie kon sy op gehoor klavier speel en ná ’n leeftyd se betrokkenheid daarby het dit deel van haar DNS geword. “Ek het lank gelede reeds besef dat ek nooit sonder musiek sou kon bestaan nie. Musiek bly tot vandag toe my grootste dryfveer.” Mynie is deesdae as vervaardiger by TOPSTARS betrokke, ’n sang-en-optrede-kompetisie wat die Shoprite-groep oor die hele Afrika aanbied. Die fokus is op persoonlike ontwikkeling en die wyse waarop musiek as instrument aangewend kan word om mense hul volle potensiaal te laat ontdek. “Mentorskap is deel van my. Ek glo in paying it forward. Daar is geen nut daarin om jou kennis en ervaring vir jouself te hou nie. Daar is niks…

Donker glansende lippe lyk meer informeel en mat lippe meer gesofistikeerd 1 Donker lippe Donkerder lipskakerings en winter is sinoniem. Dié seisoen is dit weer wat die oog vang en die mond versier. Kleure soos swartbessies, pruim, boergonje en eiervrug is in. Donker lippe - van glansend tot mat – het by modeweke wêreldwyd die kollig gesteel Donker glansende lippe lyk meer informeel en mat lippe meer gesofistikeerd. Albei voorkomste werk goed vir die aand en is verbasend vleiend. ’n Maklike manier om die kleur op ’n informele manier te dra is om jou lipstiffie met jou vingers op jou lippe te klad om ’n lipvlek te skep. 2 Fluweel Fluweel is die winter een van die wenners. Die materiaal is sag, vleiend en hou jou warm teen die winterweer.…

Selfs ons wat minder siek is, weet antibiotika werk. Daarom druk ons ons dokters. Daar is baie navorsing oor waarom dokters tog toegee en antibiotika voorskryf. Hier is sewe wat keer op keer opduik in ondersoeke oor redes waarom antibiotika onnodig voorgeskryf is: My lewe moet voortgaan Ons gaan met vakansie. My werk wag. Ek skryf eksamens. My geskiedenis sê so Dit is al wat vir my help. Dit het verlede keer gewerk. My selfdiagnose sê so Ek het strepkeel/sinusitis, want ek ken die simptome. Dit is ernstig My lyf is allerverskriklik siek; ek kan glád nie sluk nie. Dit duur al weke Ek het al maande lank verkoue. Dit werk vir my kontakkring Ek het dit aangesteek van my man/kind/kollega/ familie. Net antibiotika het vir hulle gehelp. Ek is…

MENSE WAT MEER OEFEN ERVAAR PYN MINDER INTENS - Volgens die joernaal PAIN KEN JY jou koolhidrate? ’n Lekker uitdaging vir banters: kan jy hierdie items in die volgorde van die minste koolhidrate (dus die beste keuse as jy bant) tot die meeste koolhidrate nommer? Ons het Die Banting-sakgids (R140 by die meeste boekwinkels) as bron gebruik. drie-eieromelet cordon bleu varksteak 100 g afval 100 g wors 100 g perlemoen 110 g mossels 100 g kreef 50 g spanspek 12 amandels 2 t chiasaad 2 t pampoensaad 2 t sonneblomsaad glas vonkelwyn glas wit of rooi wyn 30 g van die meeste kase 1 k volroommelk ⅓ k volroomjogurt tee of koffie met melk en een teelepel suiker tee of koffie met…

Volgens ’n onlangse UNICEFstudie is Nederlandse kinders die gelukkigste ter wêreld. Skrywers Rina Mae Acosta en Michele Hutchison, albei ma’s en met Hollanders getroud, wou vasstel watter benadering en leefwyse sulke gesonde, goed aangepaste kinders kweek. Die gevolg was The Happiest Kids in the World (Penguin, 2017, uitgewersprys R340). Dié lekkerleesboek verras jou met nuwe insig in ’n meer ontspanne ouerskapstyl. Ja, dit kán makliker wees! Meer inligting by www.penguinrandomhouse.co.za…

Dr. Janne Dannerup ( www.jmdpsych.com ) beantwoord ’n paar vrae en werp professionele lig op die kwessie. • Baie mense meen dis beter vir ’n man om pornografie te kyk as om te verneuk ... “Dit hang van jou en die lewensmaat se uitkyk af. As jy pornografie as verneuk sien, is dit nie beter nie, maar net ’n meer beskikbare manier van seksuele verneuk. “Maar as jy pornografie sien as ’n hulpmiddel vir seksuele stimulasie en erotiek vir albei partye, is dit beter as wanneer iemand jou verneuk. “Die werklike vraag is of pornografie julle nader aan mekaar bring, en of dit emosionele intimiteit vervang en ’n wig tussen julle indryf.” • As ’n lewensmaat baie pornografie kyk, wat is die gevaartekens vir jou, hom/haar en jul verhouding? “Dit…

Elsa van Niekerk As ek te wakker is, drink ek warm melk met peper en dit help regtig. As ek te lomerig voel, drink ek lekker sterk swart koffie - dit hou my wakker en is boonop my gunstelingdrankie. Elzana Brand Wanneer daar nie genoeg ure in die dag is vir alles wat gedoen moet word nie, voel ek soms so. Ek is moeg, maar skakel nie af nie. My redding is ’n vaste roetine vir my en my dogter. Anien Botha Ja, veral as ek gestres is. Ek probeer deur die dag vitamiene drink en gesond eet, en dit help dit ook baie om ná werk gim toe te gaan.…

Vetplante groei uitstekend in enige houer solank hulle goed dreineer VETPLANTE AS SNYBLOMME Vetplante is ideaal wanneer die materiaal vir blommerangskikkings min raak. Maar hulle lyk so mooi en werk so goed daarin dat ’n mens dit amper nie kan weerstaan om hulle gereeld in rangskikkings te gebruik nie. Hoewel vetplante hul eie water stoor en nie veel water nodig het nie (dikwels vrot hulle in tuine en veral in potte van te veel water!) gee hulle glad nie om as hul voete vir die rukkie in die water staan nie. Hulle maak dikwels sommer wortels daar in die houer en dan het jy ’n gewortelde steggie wat jy in die tuin of in ’n houer kan plant en selfs as ’n geskenk vir iemand kan gee. AS VERSIERING Plant…

EET DIT ROU ! Baie mense glo jy kry die meeste voedingswaarde en nutriënte uit jou voedsel wanneer jy dit rou eet. Die rou-gier is al ’n geruime tyd met ons maar tel nou goed spoed op. Dit spruit uit die behoefte om “skoon” kos sonder chemiese bymiddels en gifstowwe in te neem. Sjefs sit ook meer en meer geregte met slegs rou, organiese groente, sade en neute voor. MOEDERSDAG -VONKEL Die pragtige bottel van Durbanville Hills se splinternuwe vonkelwyn sal enige Moedersdagtee of ontbyttafel opvrolik! Dit is boonop ’n heerlike, ligte wyn met genoeg vonkel en gebalanseerde suiker en suurheid. Teen R75 bied die vonkelwyn waarde vir geld. EG SUIDAFRIKAANS Die Suid-Afrikaanse Melktertversameling (NB-uitgewers) deur Mari-Louis Guy en Callie Maritz bevat sekerlik die mees omvattende versameling melktertresepte in…

Jy vat nie vir Cobus terug as jy nie wil nie, Annemieke. As ’n man ’n streep het, het hy ’n streep Ek dink jy is baie kortsigtig.” My ma klits die pannekoekdeeg baie langer as wat S.J.A. de Villiers sou gelukkig maak. “Los die kind, Annemarie.” My pa laat sak sy koerant en kyk na my. “Jy vat nie vir Cobus terug as jy nie wil nie, Annemieke. As ’n man ’n streep het, het hy ’n streep.” “Sjt! Hy gaan jou hoor, Michiel.” “Hy stort, Ma.” Ek kou aan my onderlip en vat nog ’n soetkoekie om in my tee te doop. “Ek dink nie hy wil my terughê nie, Pa.” Die klitser se spoed word nóg opgedraai. “Waarom anders is hy hier!” bulder my ma oor die…

Die laatmiddagson val skuins deur die lang ry vensters, al met die gang langs by die skoolsaal verby, toe Bertus Duvenhage, doodmoeg en moedeloos, aangestap kom. In sy een hand dra hy die hoogspringlat en meetstok, in die ander twee maatbande. Sonder om eintlik kennis te neem, kyk hy deur die hoë ruite na die helder blou lug van die Oos-Vrystaatse berglandskap. Die boonste punt van ’n stapelwolk is sigbaar teen die agtergrond van verskemering. Hy sug, wikkel die lang veselglaslat ritmies in sy hand. Die Interhoër-atletiekkampioenskapbyeenkoms is oor tien weke en sy topatleet se fiksheid laat veel te wense oor. Dit is asof Stefaan net nie meer die nodige passie óf toewyding het vir die strawwe oefenprogram wat hy as toppresteerder moet volg nie. Kan dit die nuwe medikasie…

Ons vrae hou verband met “plaas”. As jou boekklub al die vrae reg beantwoord en getrek word, kry julle die boeke in hierdie uitgawe op ons boekrak, geskenk deur Graffiti. Stuur jul antwoorde na roneln@caxton.co.za met “Mei-boeke” in die onderwerpreël, of na rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit… Vrae 1 Wie het “Ou Ryperd” (“Old Faithful”) in Afrikaans vertaal en gesing? 2 Sanger/skrywer van “Oppiplaas?” 3 “I had a farm in Africa ... ” Uit watter boek kom die sin? Skrywer? 4 Hoe is sy oorlede? 5 Wie het die hoofrol in The Horse Whisperer gespeel? April-antwoorde 1 Wat beteken die woord “sirkus” (Latynse oorsprong)? Ring of sirkel. 2 Ladies and gentlemen / Boys and girls /…

Jeanne-Marie Webb, ’n gebore Zimbabwiër, het rooibostee as kunsvorm in die kollig geplaas met haar asemrowende, delikate kunswerkies op rooibosteesakkies. Haar jare lange projek, One Face a Day, is onlangs in Kaapstad uitgestal. Sy was op soek na die perfekte miniatuur-substraat vir haar skilderye toe sy op ’n ou, gebruikte teesakkie afkom en daar word dit toe die perfekte “doek” wat sy in gedagte gehad het. “Iets gebeur met die kleur en die tekstuur van die verf wanneer jy op rooibosteesakkies werk,” sê sy. Sy het ook met ander soorte tee geëksperimenteer, maar dit was die kombinasie van die rooi residu op rooibossakkies en ’n onderlaag wat die perfekte velskakering op die mini-portrette moontlik maak. “Ek het nooit kon dink dat die medium soveel sukses sou behaal nie. Toe ek…

WAT GAAN AAN? WAAROM IS JONG BRITSE KINDERS UIT KINDERHUISE GENEEM EN NA INRIGTINGS IN AUSTRALIË GESTUUR? HOEVEEL VAN DIÉ KINDERS SOU DAAR WEES, HET MARGARET GEWONDER Die Britse maatskaplike werker, Margaret Humphreys, het 23 jaar lank veldtogte gevoer om die gruwel van Britse kinders wat veral ná die Tweede Wêreldoorlog na Australië gedwing is, bekend te maak. Die regerings van Brittanje en Australië het die skandaal oor die lot van Britse “weeskinders” jare lank ontken. Die mense en kerke wat die kinders blykbaar om finansiële redes en/of ’n gevoel van “medemenslikheid” weggestuur het, het nooit kon dink hoeveel trauma dit vir die betrokke kinders sou inhou nie. En die meeste van die “weeskinders” wat eeue lank na Australië en ander lande gestuur is, was toe nooit weeskinders nie. En…

@home 0860 576 576 Belgotex belgotex.co.za Biggie Best biggiebestwebshop.com Block&Chisel 021 691 0878 Boschendal boschendal.com Cape Union Mart capeunionmart.co.za Colette Hayman 011 880 2134 Coricraft 011 611 8700 Daily Dish 079 726 8223 Design Store designstore.co.za Eurolux eurolux.co.za Frazer African Rose-parfuum rooirosewinkel.co.za GlamGlow by Red Square, Truworths, Foschini, Edgars, Woolworths H&M 0860 690 707 House of Sofia houseofsofia.co.za Hunter 021 510 4482, hunterbootsa.co.za Jacksons Fabrics 043 735 3750 Le Creuset lecreuset.co.za Longines longines.com Lucky Dog 021 554 3017 MatsiMela matsimela.co.za Miglio-pêreljuwele rooirosewinkel.co.za Milady’s miladys.com Mono Shop monoshop.co.za Mr Price Home mrphome.com Nest Designs 082 747 5443 Pamper Hamper 021 534 0404 Poetry poetrystores.co.za rooi rose-winkel rooirosewinkel.co.za Sheet Street 0800 212 535 Stuttafords 011…

Ek is géén opgaarder nie, maar ek ís ’n bewaarder Ek is ’n boeremeisie wat mal is oor ’n bargain. Tog weier ek om pryse af te stry - selfs in lande of op plekke waar dit van ’n mens verwag word. Ek wag eenvoudig tot ’n winskopie in my rigting waai. Gelukkig is die lewe vol winskopies wanneer jy jou oge oophou en jou moue oprol. ’n Tyd gelede het iemand twee gehawende stoele uit hul vakansiehuis gegooi en op die sypaadjie in ons straat gelos met ’n nota: “Dra weg, enigiemand, dis verniet!” Ek het ’n dankiebriefie vir hulle gelos, die stoele afgeskuur, rooi geverf (R200 se Dulux), wit lap gekoop (R250) en ’n welsynorganisasie betaal om dit oor te trek (R480). Vir onder R1 000 het ons…

WEN GLADPRODUKTE Moedersdag is die perfekte dag om vir Ma te wys hoe baie jy haar waardeer. Vyf gelukkige lesers kan elk ’n GLAD-geskenkpak van R1 000 WEN! Wedgewood Sulke soetgoed is die ideale geskenk vir daardie vrou wat jy “Ma” noem! 12 ‘rooi rose’-lesers kan elk ’n Wedgewood-geskenkpak van R450 WEN. Ons wou weet WAT DINK JY VAN ONS HEEL EERSTE VOORBLAD? DIT WAS PRAGTIG 56% EK HOU MEER VAN HOE DIT DEUR DIE JARE VERANDER HET 44% HOE ONTSPAN JY? MET ’N WARM KOPPIE KOFFIE EN ’N LEKKER BOEK 36% EK LEES MY GUNSTELINGTYDSKRIF, ROOI ROSE! 17% FLIEK EN SPRINGMIELIES 17% EK LÊ IN ’N WARM BAD MET SKUIMBORRELS 16% OEFENING LAAT MY ONTSPAN 14% Moedersdag Bederf jou ma met ’n baie spesiale koek-en-tee. Hier is heerlike resepte…

 Sedert ons onderhoud 13 jaar gelede vir een van haar eerste tydskrifvoorblaaie, het daar baie water in die see geloop vir die veelsydige Antoinette Louw. En dis nie net haar CV wat indrukwekkend gegroei het nie. Op 42 is sy nóg meer selfversekerd as destyds, ooglopend gemakliker met haarself, uitgesproke oor die dinge wat vir haar belangrik is. Kortweg: Sy weet wie sy is. Destyds was sy daagliks op ons TV-skerms in 7de Laan te sien. Maar sy wou méér doen, en het Johannesburg vir Kaapstad verruil en die geborgenheid van ’n vaste maandelikse inkomste prysgegee vir die uiters mededingende vryskutbedryf. Vandag is sy bly sy het dit gedoen, en nie net oor die interessante, uiteenlopende rolle wat dit haar besorg het nie. Dit het haar gehelp om haarself te…

 Daar is heelwat vroue voor en agter die kamera in Snatched. Hoe het die vermaaklikheidsbedryf deur die jare verander? ‘’n Verhouding wat hou, gaan nie oor die huwelik nie. Dis kommunikasie en versoenbaarheid wat belangrik is’ Daar is meer hoofrolle vir vroulike komediante soos Melissa McCarthy. Ek dink die bedryf het verander, nie regtig die vroue nie. Daar was nog altyd goeie vroulike komediante. Die komedies wat nou gemaak word, verskil ook baie van wat ons gedoen het. Deesdae word daar baie geïmproviseer, ons mag glad nie aan die draaiboek getimmer het nie. Dié was voorheen in yster gegiet. Hoe was dit om saam met Amy te werk? Toe hulle my vra, het ek dadelik gedink dit sal soveel pret wees om Amy se ma in ’n fliek te speel.…

Ná hul uitstekende vertoning by die Olimpiese Spele in 2004 en die Wêreldkampioenskap in 2005, het die Staat van Katar ’n klompie Suid-Afrikaanse atlete genader om daar te kom woon en die land op die sport-veld te verteenwoordig. Groot geld en baie voordele was op die spel. “Die oorspronklike aanbod was 250 000 Amerikaanse dollar en ’n woonstel in Doha, asook eersteklasvliegkaartjies na enige plek ter wêreld. Hulle sou ook my ma en suster, Samantha, na al my byeenkomste wêreldwyd vlieg en hulle verblyf betaal. Dit was ’n verstommende aanbod!” Die manier waarop die Suid-Afrikaanse Sportkonfederasie en Olimpiese Komitee (Saskok) hom en ander atlete behandel het, het gemaak dat hy die aanbod wel oorweeg het. “Voor die 2004 Olimpiese Spele het Saskok vir ons groot prysgeld belowe as ons medaljes…

 Jo Black (35) is om die minste te sê fassinerend. ’n Mens vergaap jou aan die baie lang, maar baie netjiese (en sysagte!) baard en arms vol tatoeëermerke, maar as hy eers oor sy lewe begin gesels, besef jy gou: dis ’n besondere mens dié. Hy het pas sy eerste album bekend gestel, maar jongmense landswyd ken hom reeds die afgelope paar jaar as die man agter die BTG-projek. BTG staan vir Be That Guy/Girl, en op besoeke aan skole gesels Jo op sy inspirerende manier met tieners oor geloof, naasteliefde en die uitdagings van die daaglikse lewe. Tussendeur sing hy ’n paar liedjies in sy kenmerkende diep stem. Hy is passievol oor dié bediening onder tieners. “Ek wil hulle inspireer om mense te wees wat ander soos iemand laat…

DIE LAASTE STASIE Hier leef ’n mens volgens die ritme van die see en die weer,” vertel die aktrise Illse Roos van hul lewe in Simonstad waar hulle die afgelope twee en ’n half jaar woon. “Ek het 25 jaar lank in Johannesburg gebly. Dit was goeie tye en ek is dankbaar daarvoor. Niks kom by die baldadigheid van ’n ordentlike Hoëveldse donderstorm nie!” Maar sy en haar man, Gary, het ’n droom gehad: “Ons wou eendag in die Kaap bly, maar ons werk was in Johannesburg. “Toe kry Gary kontrakwerk in Nigerië en ons besef dat ons dalk ons droom met vyf jaar kon vervroeg. Ons albei het wonderlike kindertydherinneringe aan Simonstad en dit was vir ons die plek wat al die kassies gemerk het. ’n Mens het gevoel…

Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES EN ID-NOMMER NA 48409. VRAAG: WAT IS DIE SONBESKERMINGSFAKTOR (SPF) WAT IN DIE PHYTOEXQUISITES™ DAY CREAM VOORKOM? SMS’E KOS R1,50 ELK, GRATIS SMS’E GELD NIE. REËLS EN VOORWAARDES OP BL. 101. SLUITDATUM 31 MEI 2017. Sh’Zen se baanbrekerteenverouderingsreeks, PhytoExquisites™, bevat ’n kombinasie van kragtige bestanddele soos roos, lemoenblomolie en jasmyn wat ’n gladde, ferm vel en gloeiende gelaat verseker. Die PhytoExquisites™ Cleansing Cream (125 ml) het ’n luukse, romerige tekstuur wat grimering sagkens verwyder terwyl dit die vel sag en verfris laat. Die PhytoExquisites™ Deep Cleansing Balm (50 ml) bevog die vel en verwyder gifstowwe sodat die tekens van veroudering minder opsigtelik is. Die PhytoExquisites™ Day Cream SPF 30 (50 ml) beskerm die vel teen sonskade…

Elsa van Niekerk Ek is gelukkig om nog my liewe mamma te hê, en dis nie vir my ’n hartseerdag nie. My kinders bly ver en ek bederf my met ’n lekker rusdag. Ek sê altyd vir my ma hoe lief ek haar het, so ek vier Moedersdag gereeld! Elzana Brand Dit is lekker om op Moedersdag bederf te word, maar gewoonlik bring ons die dag saam met my ouers deur. Familie is vir ons baie belangrik en daar is niks lekkerder as om ouma op die dag te bederf nie. Anien Botha Dis vir my ’n viering en ek bederf my ma altyd met ’n dag by die spa. Ek dink nie ons plaas te veel klem daarop nie, want ma’s verdien soveel meer as wat hulle kry.…

KAMERS/Makers 2017 Johannesburg 26 – 30 April 2017 St John’s College, Houghton 9:00 – 17:00 daagliks KAMERS/Makers 2017 Kaapstad 24 – 28 Mei 2017 Kasteel de Goede Hoop 9:00 – 17:00 daagliks 1 Ruby Marine-oornagvogmasker - Skoon. R445 vir 30 ml of R225 vir 15 ml. 2 Queen of Naps-kussingsloop - Big Heart Company. R175. 3 Bamboeshorlosie - Hallo Jane. R380. Beskikbaar by shop.kamersvol.com. 4 The Faraja-leerskoene - Uzuri. R699. Beskikbaar by shop.kamersvol.com. 5 T-hemp - Mevrou & Co. R285 vir kinders, R390 vir volwassenes. 6 Gedrukte leerskoene - Ana Luisa Footwear. R850. 7 Leerkinderskoene - Bear Bear & Me. R480. 8 Hasie-babaduvetstel - Big Heart Company. R550. Kaartjies kos R60 by www.plankton.mobi of R80 by die deur. Sluit 'n KAMERS/Makers-inkopiesak en nuwe tydskrif in. Afslag beskikbaar vir studente en…

LUUKSE FRANSE ROOSTERBROOD Genoeg vir 4 ’n halwe wit plaasbrood, in dik snye gesny 2 eiers 250 ml (1 k) room knypie sout 15 ml (1 e) olyfolie 250 g repiesspek 4 eiers GLAD Bake & Cooking Papier GLAD Kleefplastiek 1 Verhit die oond tot 200 °C. Voer ’n bakplaat met GLAD Bake & Cooking Papier uit. 2 Klop die eiers, room en sout in ’n vlak bakkie. Doop die snytjies brood afsonderlik in die eiermengsel. Sit op die voorbereide bakplaat en bak vir 10-15 min.of tot goudkleurig. 3 Verhit die olyfolie in ’n kastrol oor matige hitte. Braai die spek daarin vir 5-7 min. of tot goudkleurig en bros. 4 Voer ’n koppie met ’n vel GLAD Kleefplastiek uit. Breek ’n eier in die sakkie, draai die GLAD Kleefplastiek…

‘EK VEG NIE TEEN DIE REGERING NIE, MAAR TEEN DIE WANBESTUUR VAN DIE AARTOSTELSEL’ SÓ MOET BOETES INGEVORDER WORD ARTIKEL 18 VAN DIE DIE WET OP DIE ADMINISTRATIEWE BEREGTING VAN PADVERKEERSOORTREDINGS (AARTO-WET) BEPAAL DIE VOLGENDE: • KENNISGEWINGS VAN OORTREDINGS MOET PER GEREGISTREERDE POS AAN JOU GESTUUR WORD.AS DIT BINNE 32 DAE BETAAL WORD, KRY JY 50% AFSLAG. • JY KAN OOK SKRIFTELIKE VERTOË RIG DAT DIE BOETE VERLAAG WORD, OF OM IN DIE HOF TE VERSKYN. • KIES JY NIE EEN VAN BG. OPSIES NIE, MOET ’N AANMANINGSBRIEF OP JOU BEDIEN WORD. • BETAAL JY STEEDS NIE, MOET ’N AFDWINGINGSBEVEL UITGEREIK WORD WAT JOU FORMEEL BEVEEL OM DIE BOETE EN DIE KOSTE VAN DIE BRIEF TE BETAAL. GEEN RYBEWYS, PROFESSIONELE RYBEWYS OF VOERTUIGLISENSIESKYFIE KAN UITGEREIK WORD TOTDAT DIÉ BEVEL NAGEKOM…

ELDERS Erns Grundling (Queillerie) In 2015 is dié gesoute joernalis Europa toe om die Camino Francés, die bekende pelgrimstog in Spanje, te gaan stap. Hy is onvoorbereid, oorgewig, beseer en onfiks. Daarby is hy volledig ontnugter deur homself, die liefde en die lewe ook. Elders vertel die verhaal van sy staptog van 1 025 km oor veertig dae, sonder ’n selfoon, kamera of horlosie. In ’n tyd wat ons almal toenemend onder beleg voel weens die onmiddellikheid van selfone en sosiale media, ontdek hy die ware betekenis en beloning daarvan om in die oomblik te leef. Hy raak meer as een keer verlief, loop sy dubbelganger raak, beleef ’n reeks avonture en ontmoet kleurryke karakters, skud meer as tien kilogram af en kom tot waardevolle nuwe insigte langs hierdie eeue…

DEUG BLY STAAN Nou die dag beland ek agter ’n medesuster op die roltrap – net laag genoeg om haar van ’n ongewone hoek af te beskou. Ek kyk reg in die gebarste, vuil hakke vas. Van skone skrik kyk ek liefs boontoe – net om in ’n onvleiende broekielyn vas te kyk wat te diep in die vetjies insny. Dit is verreweg die onvleiendste posisie waarin ’n mens jou kan bevind, dink ek, en kry die suster innig jammer. Wie het nou kon dink dat ’n roltrap ’n mens só kan ontbloot. Alle waardigheid is daarmee heen. Maar wag, daar is natuurlik die haarkapper ook. Sit jy jou so reg van voor af in die spieël en bekyk, tree die werklikheid in. Maak nie saak hoe jy sit nie,…

Soos baie hedendaagse vroue, voel Antoinette nie dat moederskap ’n outomatiese uitvloeisel van vrouwees is nie. In ’n onlangse rubriek in die dagblad Beeld skryf sy onder meer: “Nie alle vroue is natuurlike ma’s nie. Nie alle vroue is goeie ma’s nie. Dit weet ons almal. Waarom dit dan afdwing? Waarom ’n vrou oordeel wat nie kinders het of wil hê nie? Dit maak jou nie minder vrou nie. Of selfsugtig nie. Maar dit is ongelukkig die persepsie. Jy hoef nie ’n biologiese ma te wees om ’n ma te wees nie.” Dis nie almal wat die moed het om ’n rubriek oor hierdie kwessie te skryf nie. Maar sy sien haar glad nie as uitgesproke nie. “Dalk is dit maar net omdat dit ’n onderwerp is waaroor nie altyd…

•  Goldie en Kurt Russell is sedert 1983 saam en het ’n seun, Wyatt. Hy is ’n professionele yshokkiespeler wat ook nou begin toneelspeel. •  Goldie is vyf jaar ouer as Kurt. •  Oliver en Kate is baie na aan Kurt, hulle beskou hom as hul pa. Goldie het in 1967 in die TV-reeks Laugh-In naam gemaak. Sy het in 1969 die Oscar gewen vir haar rol in Cactus Flower teenoor die legendariese Walter Matthau en Ingrid Bergman. Maar die meeste mense sal haar vir haar rol in Private Benjamin (1980) onthou. Later jare het ons haar gesien in Death Becomes Her (1992), Bird On A Wire (1990), The First Wives Club (1996) en The Banger Sisters (2002) teenoor Susan Sarandon. Goldie het twee kinders uit haar eerste huwelik met…

 anina Oberholzer se naam sou eers Carla Nicolette gewees het, afgelei van die familienaam Carel Nicolaas. “Maar toe my ma my die eerste keer in haar arms hou, het sy my glo net een kyk gegee en besluit ek is nie ’n Carla Nicolette nie, maar ’n Janina,” verduidelik sy haar ongewone naam. Ek het gesê ek dink daar is baie ander mense wat baie meer van rugby weet as ek Die vrolike donkerkop se ongekunsteldheid is verrassend en opvallend. Geen airs and graces nie, al is sy al ’n paar jaar lank mede-aanbieder van Toks en Tjops op kykNET, en voor dit reeds ’n bekende radiopersoonlikheid. Sy geniet die kollig, maar is ewe bereid om agter die skerms te werk, soos sy deesdae ook doen as produksiebestuurder by Afrikaans…

Jo het ’n besondere mannebediening. Hy braai elke Vrydagoggend vyfuur vleis vir enigiets tussen twintig en veertig manne by ’n winkelsentrum in Montana, Pretoria. “Ek doen die braaiwerk en dan gesels ons sommer net.” Daar geld net twee reëls: niemand mag sê watse werk hy doen nie. “En jy praat nie op die braaier se hand nie,” skerts Jo. Die werkstorie is sy manier om die mans te laat besef dat wie jy is belangriker is as wat jy al bereik het. “Mans is mos vreemde wesens – hulle praat nie oor goed wat pla nie. Maar ’n braaivleisvuur breek die ys. Ons praat oor pa-wees, man-wees, oor daar-wees vir jou gesin, en meer nog, oor die noodsaaklikheid om teenwoordig te wees wanneer jy saam met hulle is.” Hy glo…

TONEEL 1: AANLOOPBAANMOLES ’n Binnelandse vlug is al 45 minute lank vertraag, want ’n passasier is soek. Jy sit tussen twee reuse-rugbyspelers vasgegespe. Dis bedompig en ’n gillende baba kompeteer met die lugwaardin se laerskoolgrappies. Uiteindelik daag die laaste passasier, ’n Amerikaanse toeris, met ’n breë glimlag en ’n twee meter lange houtkameelperd op. Sy gaan sit oorkant jou. Wat gebeur? CINDY SWANEPOEL, AKTEUR, POPPEMEESTER EN STEMKUNSTENAAR Nadat ek ’n hele paar selfies saam met die rugbyspelers geneem het, sal ek die lugwaardin stilmaak deur die Amerikaner se houtkameelperd te gryp en ’n puppet show vir die skreeuende baba te doen. Hopelik sal dit die res van die passasiers ook so vermaak terwyl hulle warm kry! NEELS CLASEN, AKTEUR, REGISSEUR EN SKRYWER Sy gaan sit. Ek tik vir Os en…

Mode 2017 Nog ’n jaar is verby en dis weer WINTERTYD . Ons is al so gewoond aan dieselfde winter-trends jaar na jaar, darem elke keer met ’n ander kinkel. Maar vanjaar het die winter-style wat eintlik meer by die somer pas ons heeltemal ONKANT BETRAP . Ja, van die ou treffers is nog daar: BLOMME, FLUWEEL, SWART en LUIPERDDRUK . Maar ons sê ook hallo vir STREPE , en ’n bietjie meer WIT EN SWART eerder as kleurryk. Pienk was so ’n paar jaar gelede ook ’n winterkleur, hoewel dit eintlik een van die somerkleure is. LIGPIENK saam met die PASTELKLEURE en FUCHSIA saam met HELDER KLEURE. Die snaakse motiewe en dierepatrone is ook nie splinternuut nie, maar dit was nog nooit so sterk nie. Die gewildste is die…

SELFSORG GAAN OOK OOR VOORKOMING Ons hét gehoor. Ons ís gewillig om minder antibiotika te gebruik. Maar hóé oorleef jy sinusitis, laringitis of selfs brongitis sonder antibiotika? Hoekom is dokters vanjaar opnuut suinig met ons almal se staatmaker? Teen die tyd weet ons alles van weerstandige bakterieë, al besef ons nog nie hoe erg dit kan word nie. Volgens die CDC se 2016-syfers sterf daar net in Amerika nou reeds 23 000 mense per jaar aan infeksies wat voorheen maklik met antibiotika genees is. Tot ’n dekade gelede sou dokters byna almal met ’n kursus antibiotika kon deurtrek. Met ons staatmakers aan die vou, is dit tyd om antibiotika as Plan B te beskou. Maar sal dit werk? Volgens dieselfde bron herstel twee miljoen pasiënte met weerstandige kieme vanself. As…

Hoe maak dit saak as ’n vrou negatief is? “Dan is bloedoortapping, swangerskap en aborsie gekompliseerd,” sê dr. Kotzé. “Die probleem is sensitisering: ’n Rh-negatiewe persoon se liggaam sien Rh-positiewe bloed as ‘vyandig’, asof dit ’n kiem is wat uitgewis moet word. Dit maak dus teenliggaampies daarteen en vernietig die bloed. Hierdie teenliggaampies hinder jou nie en doen jou geen skade nie maar toekomstige Rh-positiewe babas sal dit selde oorleef.” Kan jy ’n Rh-positiewe bloedoortapping kry? Gestel jy is in ’n ongeluk en net Rh-positiewe bloed is beskikbaar? “’n Eerste onversoenbare bloedoortapping doen nie skade nie. Die probleem is dat jy gesensitiseer word. ’n Tweede oortapping kan fataal wees, want jou liggaam gaan hierdie bloed aanval en vernietig, en jou sonder bloed laat. Dit geld vroue én mans. Rh-negatiewe vroue…

• Elke jaar reik die pornografiebedryf meer as 30 000 flieks uit, terwyl Hollywood slegs sowat 500 gewone rolprente uitreik. • Daar is op enige gegewe oomblik wêreldwyd 30 000 000 besoekers op pornografiese webtuistes. • Die helfte van die Internet bestaan uit pornografie, of pornografieverwante materiaal. • Navorsing aan die Universiteit van Montreal wys dat die meeste mans deesdae reeds op tienjarige ouderdom aan pornografie blootgestel word. • Meer as 70% van tonele wat pornografiekykers die hoogste aanslaan, bevat ’n mate van geweld teenoor ’n vrou. • Meer as 10% van volwassenes erken dat hulle ’n aanlynverslawing aan pornografie het. • Sowat 30% van vroue gee nie om as hul mans pornografie kyk nie, maar 70% het ’n probleem wanneer dit afgelaai en gestoor word.…

“My seun, Le-Urtis (18), het van jongs af uitgeblink in sport, maar met die akademie gesukkel,” sê Anika Luke van Pretoria. “’n Arbeidsterapeut het bevestig dat hy konsentrasie- en fokusprobleme het. “Hy is ’n dromer en ‘raak weg’ in die klas. In die laer grade het ek hom help leer, maar later moes hy alleen regkom. Ons het ook gesukkel om hom soggens wakker te kry - ons moes ’n uur ekstra toelaat. “As ouers het ons verstaan dat hy nie bogemiddeld presteer nie, maar wou ook nie ondergemiddelde uitslae aanvaar nie. Hy het hard geleer vir eksamens maar die resultate het dit nie weerspieël nie. Dit was vir ons belangrik dat hy matriek slaag – selfs al sou hy ’n sportloopbaan kies, moes hy iets hê om op terug…

Die eau de nil-kleurskema is tipies van die styl en kontrasteer pragtig met die rooi en pienk beddegoed LANDELIK Ousus sal tot rus kom in ’n slaapkamer met die skoon lyne van die Skandinawiese styl en die kenmerkende natuurlike elemente daarvan, soos die houtvloer, die houtkassie en –tafel en die tong-en-groef houtpanele teen die muur Die kleurskema van steenkool, grys en sand skep ’n eietydse voorkoms MANNEGROT Ouboet se mannegrot is spaarsamig gemeubileer maar elke stuk getuig van gehalte. Geen fieterjasies hier nie. Die rooi kussings bring die bietjie kleur in wat die neutrale prentjie interessant maak terwyl die sybokaar-en-angorakombers vir tekstuur sorg. Die ottoman dien ook as bedtafeltjie Die ou prente, kantlinne en rooi ‘toile’ skep ’n sjarmante, Europese gevoel FRANS-PROVENSAALS Die houtmeubels en plafon het die verweerde gevoel…

BEET-BOKMELKKAAS-EN-VYETERT GENOEG VIR 1 MIDDELSLAGTERT (4-6 MENSE) Spelt het minder gluten as gewone meel en gee ’n heerlike smaak aan die tert. TERTDEEG • 50 g botter • 80 ml (⅓ k) water • 210 g speltmeel, te kry by gesondheidswinkels • 2,5 ml (½ t) sout • 5 takkies tiemie, blaartjies afgestroop • 10 ml (2 t) vinkelsaad VULSEL • 45 g botter • 2 rooi-uie, dik gesny • 300 g rooi beet, geskil en in kwarte gesny • 2 knoffelhuisies, fyngekap • 60 ml (¼ k) balsemiekasyn • 15 ml (1 e) bruinsuiker • 2 takkies tiemie • 4 vars vye of pruime, in kwarte gesny • 125 g crème fraîche • 30 ml (2 e) Dijonmosterd • 200 g bokmelkkaas • hand vol basiliekruid 1 Voorverhit die…

Dit was juis op ’n hetige laatsomerdag dat ek ’n bevlieging kry om orde te skep Een van my kosbaarste besittings is ’n houtkombuisrak wat ons pa vir ons ma as huisraad gemaak het toe hulle ná hul troue in hul eie huisie langs die kanaal naby die Grootrivier ingetrek het en wat nou as ’n boekrak in ons huis dien. Die Witrak – altyd in ’n skakering van wit van beenwit, krytwit tot boerseepwit geverf - was in ons grootwordhuis tussen die wingerd, ons ma se breekgoedkas. Ons bont teekoppies vier-vier in ’n nessie op hul pierings gepak, stapels borde met ’n herfsblaarpatroon om die rand en ’n beskuitkleur porseleinbak waarin sy oondbroodjies se deeg geknie het, was daarop uitgepak. Haar baie-óú Chinese gemmerpot met haar ma se wafelyster…

Hierdie ma van drie is al 25 jaar getroud. Sy het in Turffontein suid van Johannesburg grootgeword, en ná matriek aan die Hoërskool Die Fakkel onderwys aan die Goudstadse Onderwyskollege studeer. Daarna het sy tien jaar lank skoolgehou. Toe begin sy haar eie onderneming. “Ek het babadoeke ingevoer en verkoop.” Sy het Fines4U in 2006 begin nadat sy twee jaar lank by ’n soortgelyke onderneming gewerk het. “Ons was net twee. Sylvia Baker is steeds daar, en deesdae het ons ’n personeel van agtien. Ons administreer verkeersboetes vir sakeondernemings en individue, en kyk of daar uitstaande boetes teen jou naam is. Dan vra ons vir afslag en betaal die boetes. Ons help ook met dienste soos die lisensiëring van voertuie.” Wat het sy die afgelope paar jaar geleer? “Daar is…

RONEL NEL Ons het vir Ilse Salzwedel gevra om met ons alombeminde boekeredakteur oor haar nuwe boek, Pelgrimshoop, te gesels. Ervare joernalis, gepubliseerde digter en nou skrywer van ’n roman. Wanneer het jy geweet jy wil skryf jou loopbaan maak? Baie vroeg, op laerskool al. Hoewel my aanleg eintlik in die wetenskappe was, sing taal nog altyd met sy eie bekoring … Vertel meer oor Pelgrimshoop . Elias Bart, die boer vir wie Hannah gaan klasgee, doen moeite om na ander om te sien. Vliet Vorster, voorste boer en burgemeester, wat elke Saterdagaand Die Oog leegdrink en Sondag voor in die kerkgestoeltes sit, pes die “bont spul” op Elias Bart se plaas. Moeilikheid broei, en breek uit. Die boek speel hom in ’n enkele belangrike jaar in…