Innholdsfortegnelse for Maart 2017 i Rooi Rose

MAART IS VIR MY so ’n tusseninmaand, so sonder fut en woema. Maar dis dalk maar net ek wat so voel? Sonder veel fanfare en aankondiging, ná die goeie wegspring, word ons skielik deur die werklikheid van die sleurpad van nog ’n moeilike jaar gekonfronteer. Ons sien die jaar voor ons, en dit lyk of daar ’n paar draaie voorlê, maar van slaggate en moeilike bergpasse weet ons nog nie. Skielik is ons midde-in finansiële eise en kwellinge, lelike knoeiery in ons land en die wêreld, voorblaaie vol slegte nuus; nare werklikhede tref jou die een na die ander soos mailto:opeen-rooirose@caxton.co.za opeenvolgende branders in die gesig. In ons artikel oor hoe om die onmoontlike moontlik te maak, wys neurowetenskaplike Colleen Lightbody ons daarop dat elke dag uit 86 400…

Wat laat jou goed voel oor jouself ? Wat is jou beste eienskappe en wat waardeer jou vriende van jou? Susan Swart (55), fasiliteitsbestuurder, Randburg Ek voel goed oor myself wanneer ek doelwitte stel en dit bereik. My beste eienskap is beplanning en deursettingsvermoë, en vriende waardeer dat ek hulle onthou en deur moeilike tye by hulle staan. Bianca Coetzer (36), senior staatsrekenmeester, Graaff-Reinet Wanneer ek iemand my vriendskap bied, dan is ek 100% opreg. Ek is daar vir my gesin en stel hulle eerste. My vriende weet dat ek daar is indien hulle hulp of ’n oor nodig het. Leonie Mynhardt (45), senior data-analis, Centurion Wanneer ek goed versorg is. My beste eienskap is my toegewydheid, goeie organisasie en netheid. Ek dink my vriende waardeer my lojaliteit en dat…

Marmermode DIE ROMP MET SY MARMERPATROON IS 'N DAKSONTWERP WAT OP DIE LONDENSE MODEWEEK 2016 VERTOON IS. MARBLE-RESTAURANT Die Johannesburgse restaurant is die kreatiewe vennootskap tussen die bekroonde sjef David Higgs en restaurateur Gary Kyriacou. Die beeldskone restaurant is veral bekend vir sy oopvuurkookstyl (ons noem dit sommer "braai"). Al die geregte op die spyskaart het óf ’n vuurelement óf ’n rookelement. Geregte van vleis, vis of groente word vlamgeskroei en met rokerige elemente voorgesit. info@marblerestaurant.co.za Marmerkos Die marmergier is ook in kos te sien. Skep ’n marmereffek deur swart en grys voedselkleursel met ’n sosatiestokkie deur mengsels vir lekkers of versiersuiker te trek Marmer op jou VINGERPUNTE Marmernaels is al ’n rukkie groot nuus. Ons verkies om net een of twee naels met die tegniek te verf. Koop die…

‘Mense dink “Fifty Shades” het my lewe verander maar in werklikheid het “The Fall” my loopbaan in ’n heel ander koers gestuur’ Omdat jy bekend is vir twee uiteenlopende karakters, weet mense seker nie in watter kassie om jou te plaas wanneer hulle jou ontmoet nie? Ek moet versigtig wees om nie te dikwels in donker stegies uit te hang nie (lag)! Paul Spector in The Fall is die mees komplekse, donkerste karakter wat ek tot nog toe gespeel het. Hy is psigoties en verwronge. Omdat ek ’n modelagtergrond het, was ek aanvanklik gedruk om die vriendelike kêrel-rolle te aanvaar. Dis oukei, maar dit maak dit moeilik vir ’n akteur om later ander soorte rolle te kry. Om dié rede sal ek altyd dankbaar wees vir The Fall. Ek is…

‘My droom om ’n skrywer te wees was so vergesog dat ek te skaam was om dit vir enigiemand te vertel’ Wie sal die toneel uit Griet skryf ’n Sprokie vergeet waar die jong man ná ’n hewige liefdesessie met Griet vir haar grinnik, sy hele gesig vol bloed ... en die leser onmiddellik haar hart verloor? En wens vir daardie soort vryheid. Of waar Griet op die stoep uitkom en die berg is so mooi en leun so naby haar dat sy hom met haar hand sal kan terugdruk … Marita van der Vyver het naam gemaak met Griet, maar sedertdien het sy in die harte en lewe van lesers die land en die wêreld vol ingeklim. Daarna het die pragtige Die Dinge van ’n Kind gevolg, en Wegkomkans,…

Derek Watts Derek voel soos ’n ou vriend al ontmoet jy hom vir die eerste keer. As Carte Blanche- joernalis is hy al byna die afgelope dertig jaar op Sondagaande ’n gas in baie Suid-Afrikaners se voorkamers. “Ek was ’n sportaanbieder op TopSport toe Bill Faure my in 1988 genader het om op ’n Sondagaand ’n nuusprogram saam met Ruda Landman aan te bied. Die program het nie eens ’n naam gehad nie, en ek het nie kon dink dat ek so lank daarby betrokke sou wees nie. Mense het my aanvanklik gevra wat ek die volgende jaar gaan doen. “Ek dink die groot geheim was ons tydgleuf: sewe-uur op ’n Sondagaand, en die feit dat ons die program op Sixty Minutes, die nuus- en joernaalprogram van CBS News, gegrond…

AS JY GLO DAT JY IETS NIE KAN DOEN NIE, KAN JY NIE, WANT JOU BREIN HET JOU OORTUIG DAT DIT ONMOONTLIK IS Ja, jy kan jouself gelukkiger en suksesvoller dink as jy jou daarop toespits. Maar die teendeel is ook waar, en daarom moet jy jou brein reg fokus, sê Colleen Lightbody, ’n neurowetenskaplike in Sandton. ’n Vlooi kan 72 keer sy eie lengte spring, maar as jy hom in ’n bottel toemaak waar hy elke keer teen die deksel vasspring, sal hy later verleer om so hoog te spring. Selfs al haal jy die deksel af, sal hy nie kan uitspring nie, want hy dink dis onmoontlik. As jy glo dat jy iets nie kan doen nie, kan jy nie, want jou brein het jou oortuig dat dit…

• Dis oor die algemeen vleiend om jou bene langer te laat lyk, al doen jy dit om watter rede ook al. Kies ’n skoen in dieselfde kleur as die natuurlike kleur van jou bene, of die kouse wat jy dra. Swart skoene by swart kouse is ’n wenner. • ’n Spleet in die sykant van jou rok is verslankend en kan mooi, lang bene nog langer laat lyk. • Belê in onderklere wat pas. ’n Professionele brapasser kan bepaal of jy, soos die meeste vroue, ’n bra dra wat nie nommerpas is om jou borste die nodige ondersteuning en vorm te gee nie. • Vermy vollengte jasse en maksirokke indien jy ’n petit-grootte dra – dit sal jou oorweldig en korter laat lyk. • ’n Effekleur van kop tot…

Minell vertel Naelvorms Amandelvormig en gepunt (stiletto). Natuurlike naels is beter, want as jy dié vorms met vals naels probeer skep, sal hulle maklik breek. Natuurlik vs vals “Daar is ’n groot fokus op naelgesondheid en ek dink al meer mense gaan natuurlike naels kies en goed na hulle omsien, eerder as om vals naels/ punte te dra,” sê Minell. Minimalisme “Net ’n lyn, kol of ’n spatsel kleur op ’n nael is genoeg (soos die naels op ons foto’s). Dié vorm van naelkuns maak dit vir almal toeganklik en maklik. Dit is minder uitspattig en enigeen kan dit dra, selfs dié wat nie noodwendig aandag met hul naels wil trek nie.” WENK “Smeer ’n bietjie Vaseline Petroleum Jelly aan jou naelvliesies om naelgroei aan te help,” is Minell se…

Dalk het jy die afgelope vakansie van die wa afgeval. Volgens die Akeso-kliniek is die terugvalkoers vir mense wat rehabiliteer veral in die eerste jaar baie hoog, maak nie saak watter dwelm betrokke is nie. Maar een glips beteken nie jy moet opgee nie. Begin voor en byt vas. Dit kan net makliker raak. Akeso gee hierdie wenke: 1 Omring jou met positiewe, gelukkige en dwelmvrye mense. Dit beur jou op en laat jou goed voel oor jouself. 2 Fokus op konstruktiewe aktiwiteite. Bly besig op maniere wat jou inspireer en gesond laat voel. 3 Skakel in by ’n ondersteuningsgroep wat hul energie op vasbyt en positiewe ervarings fokus. 4 Sluit aan by ’n omgeegroep wat uitreik en ander mense help. So fokus jy op ander en vergeet ’n bietjie…

Daar is dikwels ’n donker en komplekse kant aan vrou-totvrou-verhoudings, al ervaar vroue soveel vreugde, begrip, ondersteuning en omgee in hul vriendskap met ander vroue. Elke meisie of vrou raak iewers die teiken van ’n giftige maat, kollega, skoonsuster of skoonma se skinderpraatjies of bytende grappies. Verhoudings en vriendskap is dikwels vroue se subtiele wapen om ander by te kom. Dis nie net ’n kinderprobleem nie. Giftige meisies word giftige vroue wat stekies probeer inkry om beter te lyk of te voel en hul sin te kry. Dis vir baie vroue moeilik om hulself te beskerm en reg op te tree sonder om ook die giftige skinderspeletjie te speel. Dikwels dink mense hul verdedigende, humoristiese of sarkastiese reaksie om ander op hul plek te sit is geregverdig en onskuldig, en…

Engelsrufer Danksy Engelsrufer het die eeue oue tradisie om engele op te roep in ons tyd ook ’n werklikheid geword. Dié reeks is bekend om sy verskeidenheid pragtige balletjies, elkeen met ’n unieke klank wat ’n bepaalde engel na jou toe sal laat kom. Dié misterieuse balletjies word soos ’n hangertjie aan ’n fyn kettinkie om jou nek gedra en kan na jou smaak met engelvlerke en ander bykomstighede versier word. Kettings, Engelsrufer-balletjies en bykomstighede is in silwer, goud en roosgoud beskikbaar. Meer inligting by www.engelsrufer.co.za Twee lesers kan elk Engelsruferjuwele van R5 000 kry! Sleutelwoord: Juwele SIX Sensational Velsorg Die topklas SIX Sensational-velsorgreeks is jou velspesialis in ’n ampule! Die reeks se revolusionêre Booster Elixir-serum speel nie net met jou spesifieke velsorgkwale klaar nie, maar is ook spesifiek ontwerp…

‘Sista, hoeveel kilogram het jy verloor? Jy lyk soos die nag’ Ons kom net gou ’n draai maak. Net om te kyk of jy oukei is.” Ek onderdruk ’n sug. As Nosiswe op ’n ding besluit het, het sy besluit. En nou is Liané nog saam met haar in die motor ook. “Dit is reg. Gee maar ’n missed call wanneer julle hier is, dan maak ek oop.” “Ek het versnaperinge gebring,” kondig Nosiswe aan toe ek die deur oopmaak. Die glimlag verdwyn toe sy my behoorlik bekyk. “Sista, hoeveel kilogram het jy verloor? Jy lyk soos die nag.” Liané lig haar sonbril van haar oë af en knik bevestigend. “Dit is hoekom ek op pizza aangedring het, Nossie. Ek het vir jou ’n JobMail gebring en ek hoop jou…

KLEIN GEDEELDE BORDJIES Meer en meer restaurante het nou ’n lys van geregte in kleiner porsies pleks van die meer tradisionele spyskaart met voor-, hoof- en nageregte. Die idee is dat almal aan tafel ’n verskeidenheid geregte bestel sodat almal kans kry om elke smaak en tekstuur te beleef. Die etes in Spek en Bone, die bekende sjef Bertus Basson se jongste restaurant in Dorpstraat, Stellenbosch, word volgens dié beginsel voorgesit. Bertus het met dié konsep die spyker op die kop geslaan. Die geregte is ’n absolute fees van smake en teksture. Om die waarheid te sê, ons het dit soveel geniet dat ons sommer iets van alles op die spyskaart geëet het! Die wynlys is ewe interessant met kleiner produsente wat voorrang kry. Besoek gerus Spek en Bone in…

HAAR MA SE GEHEUE WORD SLEGTER EN SLEGTER. VAN OOMBLIK TOT OOMBLIK GLIP DIE WERKLIKHEID BY HAAR VERBY. EN SELFS IETS WAT PAS GESÊ IS, WORD VERGEET. DIE JONG VROU IS EINTLIK REEDS ’N WEESKIND SONJA STRAUSS IS ’N OUD-ZWAANSWYKER (KAPENAAR) EN WOON AL ’N GERUIME TYD IN GEORGE. SY HET DIE VERHAAL NÁ HAAR PA SE DOOD IN JUNIE 2015 GESKRYF EN DRA DIT AAN HOM OP - MC (MARTIN) KRIGE.SY SKRYF: “DIT BLY VIR MY ’N OOMBLIK VAN VERWONDERING OM OOR DIE KERN VAN ’N STORIE TE STRUIKEL (WANT TE WAGTE IS EK DIT NOOIT). EN DIE KLAAR SKRYF VAN DIT WAT BEGIN IS, IS ELKE KEER ’N SIELE-SEGE!” Daar brand lig in die spoorweghuis se vierkantige vensters. Die jong vrou in die bed is bang en angstig.…

Ons vra vrae oor “dood”. As jou boekklub getrek word en al die vrae is reg beantwoord, kry julle die boeke wat vandeesmaand op ons boekrak staan, geskenk deur Graffiti. Stuur jul antwoorde na roneln@caxton.co.za met “Maart-boeke” in die onderwerpreël of na www.rooirose.co.za Klik op “boeke” en volg die aanwysings. Stuur ook jou boekklub se naam, posadres en selnommer! Moeilik? Google dit … Vrae 1 “Stop all the clocks ... ” gaan oor die dood van ’n geliefde. Digter? 2 Four Weddings and a Funeral . Manlike hoofrol? 3 Hoe begin die gedig wat Totius oor sy dogtertjie se dood geskryf het? 4 Hoe is sy oorlede? 5 Watter Afrikaanse gedig, en deur wie, het Madiba by sy inhuldiging gelees? Februarie-antwoorde 1 “O, die donkie”. Wie’t dié volksliedjie gesing? Chris…

WYS - OF DIT NOU SLIM , of deel met, of af-show is! Dit is die Woordfees-tema wat vanjaar van 3 tot 12 Maart in Stellenbosch plaasvind. Dis so ’n groot program is dat dit eintlik moeilik is om iets uit te sonder: begin sommer by die vroeëre dramaproduksies, soos Piekniek by Dingaan en Sing jy van Bomme wat afgestof is en met ’n nuwe baadjie aangebied word. Daar is ook groot musiekkonserte, soos Laurika op haar eie, asook Coenie en Amanda saam. Die boeke-aanbod is reusagtig, met verskeie besprekings, bekendstellings, gesprekke en nog meer. Die kunstefeestewenner Driving Miss Daisy met Sandra Prinsloo, word aangebied en die skrywer Irma Joubert wat sewentig word, word gehuldig. Marita van der Vyver kom uit Frankryk met haar jongste boek, Misverstand. Stian Bam is…

Die skrywer van vandeesmaand se wenbrief ontvang ’n Celltone-geskenkpak ter waarde van R6 000. Celltone is ’n unieke velsorgreeks wat uit ’n kombinasie van natuurlike bestanddele en slakjelekstrak bestaan. Die reeks bevat ’n gesigsorgroetine van ses stappe, weefselolie en die wonderlike Celltone-jel. Celltone het ook onlangs nuwe produkte bekend gestel: ’n Xtra Hydrating-behandeling, Spot Control en hul sonsorgreeks wat wondere vir jou vel kan doen. celltone.co.za DIE LEWE IS NIE VIR SISSIES NIE “Ag nee wat,” sê ek vir my man, dis nou genoeg ! Kyk hoe het die diamantduifie sy wyfie in nog ’n nag van passie verinnewoes! “ Sy probeer nie eens wegskram toe ek haar uit die hokkie haal nie - doodmoeg, geteer en geveer! Die jongste eiertjie lê stukkend op die vloer. Drie dae lank het…

WEN WEN wyn Danksy Four Cousins se reeks Skinny-wyne kan jy kuier en kook sonder om jou liefde vir goeie wyn opsy te skuif. Tien ‘rooi rose’-lesers kan elk ’n kis Four Cousins Skinny-wyn wen VIR JOU slimfoon Gammatek se jongste toevoegings tot die Body Glove-reeks is die perfekte bykomstighede vir jou slimfoon. 28 ‘rooi rose’- lesers kan elk Body Gloveprodukte wen (pryse wissel tussen R299 en R499). Ons wou weet VERSIER JY JOU HUIS ELKE JAAR MET KERSVERSIERINGS? JA 65% NEE 35% OEFEN JY MET ’N HORLOSIE? NEE 54% JA 39% SOMS 7% HET JY AL AAN JOU VOLGENDE VAKANSIE BEGIN BEPLAN? JA 46% NEE 40% NOG NIE, MAAR EK GAAN BINNEKORT 14% BEPLAN JY OM VANJAAR AAN ’N GROOT WEDLOOP SOOS DIE YSTERMAN OF COMRADES DEEL TE NEEM?…

Bruingebrand, borrelend en uitgerus. Christi Panagio skitter en dis moeilik om te glo dat sy later vanjaar veertig word. Maar behalwe die goeie gene, doen sy ook haar deel om na haarself om te sien en so gesond moontlik te leef. Soos gewoonlik het ons nie eens ’n haar- en grimeerkunstenaar nodig vir ons fotosessie nie, want dié takie doen Christi graag self en góéd. Terwyl sy haar grime-ring uit haar handyman - trommeltjie haal, wys sy my haar gunstelingblosser (van Naturalmente). “Hier is geen ‘slegte’ goed in nie. Ons vel is ons liggaam se grootste orgaan, tog dink baie mense nie eens twee keer oor wat hulle aan dié orgaan smeer nie.” Dié “bewustheid” is deel van ’n groter leefstylprentjie. Christi en haar man, die TVpersoonlikheid en aanbieder Nico…

Jamie Dornan is veral bekend vir sy rol as die beheervraat Christian Grey in Fifty Shades of Grey , maar hy was ook die vreesaanjaende reeksmoordenaar Paul Spector in die TV-reeks The Fall . Jamie is dankbaar dat hy ’n kans kry om sulke uiteenlopende karakters te speel, want ’n rol soos dié van Christian Grey kan maklik daartoe lei dat ’n akteur net eensoortige rolle kry. Sedert die uitreiking van die eerste Fifty Shades -fliek in 2015, het die skinderkoerante gerugte versprei dat Jamie sy vrou gaan los vir sy medester, Dakota Johnson, en selfs dat hy afgedank is. Maar die waarheid is dikwels net die teenoorgestelde. Jamie is ’n goeie ou. Ek het hom en sy vrou, die Britse aktrise Amelia Warner, die eerste keer op ’n partytjie…

Frederik de Jager Frederik, ouduitgewer en voormalige direkteur van Penguin Books in Johannesburg en ’n bekende in Afrikaanse letterkundekringe, het die soort nuwe begin gemaak waarvan jy gewoonlik net in flieks hoor: hy het die gejaagde stadslewe vir ’n Griekse eiland verruil. “Ons woon op die dorpie Molyvos op die eiland Lesbos, in die noordoostelike Egeïese See, byna teen Turkye. Hier het ons ’n nuwe soort bly- en kuierplek geskep wat ons The Talking Table noem. Ons gaste bly by ons in ons elegante ou herehuis in die middel van die dorp. Ons eet saam, en gesels is die belangrikste item op die spyskaart. Ons gaste kom uit alle wêrelddele en ons ervaar dat ons wydlopende, diepgaande en baie stimulerende gesprekke het wanneer mense van sulke verskillende agtergronde gemene grond…

• Sy ma is oorlede aan kanker toe hy agt was. • Sy pa, Harry, was ’n mynwerker en hy het Gary se eerste stel stokke met ’n banklening gekoop. • Op 14 het Gary die eerste keer gholf gespeel by die Virginia Park-gholfbaan. Hy was 16 toe hy gesê het hy gaan eendag die wêreld se nommereen-gholfspeler wees, en 17 toe hy professionele gholf begin speel het. • Hy is in 2000 as Suid-Afrika se Sportman van die Eeu aangewys. • In 1974 is hy in die World Golf Hall of Fame opgeneem. • In 2002 is Gary as die tweede beste gholfspeler tot nog toe aangewys. • Hy het ’n rekord van 52 keer aan die internasionale Meesterstoernooi by die Augusta-gholfklub deelgeneem – dit beteken elke jaar sedert…

‘ ’n Span se krag lê in die verskeidenheid mense daarin - dink net wat sal in Suid-Afrika gebeur as meer mense dit besef ’ Dié 31-jarige Kapenaar, wat die laaste paar jaar klubhokkie in Nederland speel, voer sedert 2009 ons manshokkiespan in internasionale wedstryde aan, ’n eer waaroor hy nie uitgepraat kan raak nie. “Ek glo ’n mens lei deur jou voorbeeld en dit dwing my om aan te hou werk om die heel beste hokkiespeler moontlik te wees.” Hoewel sy span die Afrikabeker gewen en daarmee vir die Olimpiese Spele in Rio gekwalifiseer het, kon hulle nie in Rio deelneem nie. (Austin wou nie oor die redes uitwei nie, maar daar is wyd in die media oor politieke inmenging berig.) Maar al was die teleurstelling groot, laat dié…

Verfynde ELEGANSIE Michel Herbelin het ná die sukses van die Salambo-reeks met nog ’n luukse versameling vorendag gekom. Elke horlosie is ’n herontwerpte kunswerk wat sorgvuldig met nuwe materiale, eenvoudige vorms en ’n kombinasie van Franse ontwerpe en Switserse tegnologie geskep is. Die horlosies is afgerond met delikaat gesnyde kristalle en/of pêrels wat daardie kenmerkende tikkie sofistikasie verseker. MICHEL HERBELIN-VLEKVRYESTAALHORLOSIE (R7 950) LUXCO IMPORTERS. DRAMATIESE afdrukke Le Coq Sportif-tekkies het ’n splinternuwe voorkoms danksy die bydrae van ’n jong Franse ontwerper Clémentine Henrion. Die ontwerp is geïnspireer deur Japanse motiewe, asook blomborduurwerk eie aan Slowenië. Die kenmerkende styl is met aaneenlopende motiewe geskep, van branders, wolke en lieflike voëls tot blomme met pompoms. TEKKIES (R1 599; 3-7) LE COQ SPORTIF. KÊREL-SNIT-jeans Versot op die stadstyl? Danksy die donker ondertoon, verbleikte…

Acanthamoeba keratitis (AK) is een van die wêreld se nuwe, verwoestende siektes. Dit is vir die eerste keer in die vroeë tagtigerjare geïdentifiseer – min of meer dieselfde tyd as vigs. Gelukkig is dit baie, baie skaarser. Orphanet, ’n webwerf wat inligting oor skaars siektes byeenbring, sê dit tref net sowat 9 uit 100 000 mense, onder wie 85% kontaklensdraers. Aangesien al meer mense kontaklense dra – daar is reeds 150 miljoen van ons, waarvan 60% vroue bo dertig is – is dit logies dat meer van ons AK gaan opdoen. Sover neem die getalle jaarliks toe. As jy maar net ’n besmette lens kon weggooi en aangaan met jou lewe sou dit minder sorgwekkend gewees het. Maar hierdie amoeba is ’n aggressiewe, gevaarlike kalant wat algehele blindheid in ’n…

Toets jouself, en maak werk daarvan as jy selfs net een keer “ja” antwoord. • Kan jy jou huismense en vriende hoor as jy nié na hulle kyk nie? Wat van die dominee en TV-aanbieders? • As jy voor die TV gaan sit, soek jy dadelik die afstandbeheer … sodat jy die klank effens harder kan stel? • Is jou radio en TV permanent op of naby sy maksimum volume gestel? Kla mense oor jou TV te hard is? • Kla jy oor die swak telefoon- en selfoonontvangs? Kan jy beswaarlik hoor wat ander mense sê? • Mompel veral party mense en omroepers irriterend erg? • Beweer mense dat jy nie die telefoon/deurklokkie antwoord nie, terwyl jy doodseker is dit het nooit gelui nie? • Maak mense opmerkings dat jy…

Deon* moes sweet om Letitia* sover te kry om te trou, maar as jy die twee saam sien, weet jy hulle is al twintig jaar lank besonder gelukkig getroud. Hulle het mekaar op universiteit ontmoet toe Letitia ’n honneursstudent was en Deon, drie jaar jonger, voorgraads. Een aand in die kerk het Letitia Deon se oog gevang “in haar rooi pakkie langs haar ma. Toe ek weer sien, skuif ek langs haar in”. “En my ma gooi vir my hierdie oë,” lag Letitia. Deon was maar skaam en het sy verliefdheid vir homself gehou, maar gou was hulle onafskeidbaar . “Letitia het die lewe probeer uit- figure en dit het my gefassineer.” Letitia het met groot lewensvrae geworstel: “Een van my vriendinne het verongeluk, ’n ander het haar lewe geneem.…

• Maak seker dat jy nie dalk die bedreigde, paranoïese een is wat dinge in situasies lees nie. Onthou, daar sal altyd mense wees wat mooier of beter as jy is en dis oukei. • Bly kalm, rustig, professioneel en sterk. Glimlag, maar weerhou jou van die emosionele reaksie en woede wat sy probeer uitlok en haar gedrag sal versterk. • Moenie met giftige opmerkings of skinderpraatjies vergeldend reageer nie, al word jy met beledigings, insinuasies of snedige opmerkings uitgelok, want dan lyk jy soos die giftige een. Jy het nie beheer oor wat sy doen nie, maar oor jou reaksie. • Werk hard en bewys haar verkeerd deur met selfvertroue, geloofwaardig en onkreukbaar op te tree. Iemand wat aanhou pik op iemand wat reg optree se nare en ontoepaslike…

Linne en breekgoed in verskeie patrone en skakerings van blou-en-wit leef in harmonie saam Gebruik oud en nuut saam. Antieke en eietydse ontwerpe is ’n wenkombinasie Blou-enwit vloerteëls kan oorweldigend wees - gebruik dit liefs op klein skaal Borde met fyn blompatrone uit kettingwinkels is goeie pasmaats vir blou-en-wit juweeltjies Vinielteëls is ’n nuutjie en ’n sakpasoplossing vir ’n vervelige muur…

Soos soet sonne het die halwe geelperskes op rakke in kombuise en skemer spense gegloei Toe Oom Hendrik die doodskis oopmaak, slaan ’n surerige, half bekende geur daaruit op. In die half donker het hy oor die doodskis gebuk en sy asem ingetrek. “Hmmm ... ” het hy behaaglik gesug. “Dankietog. Ons het nog ’n kookseltjie droëperskes vir Ouma Katriena se kerriekos oor,” het hy gesê. Ons kleintjies het agter hom aan met die trap soldervertrek toe opgeklouter en in afwagting gestaan. Hy het die slopie oopgeknoop en vir ons elkeen ’n verrimpelde perskehelfte gegee waaraan ons begin knaag het. Het ’n mens ’n redelike ruk (!) gelede grootgeword op Kakamas waar die somers siedend warm word, ken jy die son en jy ken geelperskes en jy skrik nie vir…

MISVERSTAND Marita van der Vyver (Tafelberg) ’n Heerlike leeservaring deur een van Afrikaans se mees geliefde skrywers. Die protagonis is ene Willem Prins en hy is (of was) ’n “groot skrywer” wat sy muse mis en dan onder ’n skuilnaam hygromans en erotika skryf. ’n Uitgewer in Parys lees sy een boek raak en hy vlieg Frankryk toe vir die bekendstelling daarvan en om sy langverlore seun te sien. Maar op sy besoek – en ons kennismaking met heerlike, aweregse karakters – gebeur “die gruwelnag” in Parys waar mense in restaurante en in die Bataclan-teater afgemaai word, enkele blokke van waar Willem op pad na die stasie is. En skielik draai Willem, en die hele Frankryk, se lewe op hul kop. Hy herbedink sy lewe, die waarde van Die Lewe,…

Sanlam-uitnodiging Portretskilders, spring aan die werk! Die derde Sanlam Nasionale Portrettoekenning is om die draai en ’n prys van R100 000 is op die spel vir die skilder van die beste portretstudie. Die fokus moet op die menslike figuur val - ’n stilfiguur of ’n lewenstudie kan ingeskryf word. Die sluitdatum is 13 Julie. Kyk by www.sanlamportraitaward.co.za of www.rust-en-vrede.com Pret in pers … Die epiese Hollard Daredevil-wedloop wat van 15:00 op Vrydag 24 Maart landwyd plaasvind, is beslis net vir diegene wat regtig moed het. Dis 5 km met ’n verskil. Mans van alle vorms, ouderdomme, kulture en inkomste kan deelneem, mits hulle dapper genoeg is om in ’n pers Speedo (ja, sowaar) “kanker uit ons strate” te hardloop! Registreer aanlyn by www.daredevilrun.com Wingerdpret Ommiberg Deel in parstydpret in die…

3INA 3ina.com/storelocator Air Austral air-austral.com/ en.html, 27 11 326 4440, 326 4443, 326 4388 Alayabar ayalabar.co.za Amazing Shine Dis-Chem, TakeAlot.com Article & Attire articleandattire.com Avon 0860 102 345, avon.co.za Benji & Moon benjiandmoon.co.za Biggie Best biggiebestwebshop.co.za Bio Sculpture 021 886 8786 Black UP 011 495 6000 Calvin Klein 021 418 0727 Carolina Herrera 011 809 4000 Catrice Dis-Chem Chloé 011 809 4000 Colleen Gericke Stensby 084 207 3330 De Kleipot 082 576 3653 Delos delos.co.za Elegant Touch Dis-Chem Essence Clicks, Foschini, Dis-Chem Essie Clicks, Dis-Chem Green Cross 0860 473 369 G-Star Raw 011 268 6116, 021 418 9000 H&M 0860 690 707, 021 826 7300, hm.com/za Homie 071 363 7962 Hope vol Hoop 076 732 0785 Krone tweejongegezellen.co.za L’Oréal Paris 0860 102…

TROTS AFRIKAANS Dit het alles begin met ’n sakeartikel wat ek vir ’n kliënt moes vertaal. Die heel eerste keer uit Engels in Afrikaans. En het ek nie lekker gelag vir my onbehendigheid met my moedertaal nie. Links en regs het woorde soos “filiale” en “houermaatskappye” my gepootjie. Google Translate was van min hulp en ek moes maar terugkeer na my tweetalige woorde-boek van twintig jaar gelede. En toe gebeur dit wragtig weer. Ek lê in die hospitaalbed en probeer die vrees weglees met die rooi rose wat ek as geskenk by Kamers gekry het. Op die tweede blad reeds struikel ek oor ’n woord soos “wensemmer” maar ek het vasgebyt en die tydskrif reël vir reël verslind; elke woord soos ’n stokkielekker in my mond om en om gedraai…

• Gebruik fluoriedvrye tandepasta. • Moenie gebottelde water drink nie. • Kies die vleis van vrylopende diere. Dit is duurder, maar as jy skoon eet, word jy nie so honger nie en het ook nie sulke groot porsies nodig nie. • Moenie met oogklappe leef nie, doen navorsing en lees. • Hou op om mind numbing goed op die Internet te volg en te lees, volg eerder goed waarby jy baat kan vind. • Drink water, verkieslik met ’n skyfie suurlemoen in, so ’n halfuur voordat jy jou eerste koppie koffie drink. Koffie op ’n nugter maag is suurvormend, en ’n gesonde ingewande moet alkalies wees. • Drink daagliks ’n smoothie om seker te maak jy kry al jou gesonde groentes in. My gunsteling- groen smoothie bevat kokosneutwater, broccoli, babaspinasie,…

•  James “Jamie” Dornan is op 1 Mei 1982 in Belfast, Ierland, gebore. •  Hy het twee ouer susters. Sy ma is aan kanker oorlede toe hy 16 was. •  In 2003 het hy as model vir modehuise soos Dior, Armani, Calvin Klein en Hugo Boss begin werk. Jamie het tussen 2003 en 2005 met Keira Knightley uitgegaan. Sy eerste fliekrol was in Sofia Coppola se Marie Antoinette (2006) as Axel Fersen en in 2011 was hy sheriff Graham in die TV-reeks Once upon a Time . Jamie het in 2013 die rol van die reeksmoordenaar Paul Spector teenoor Gillian Anderson (van The X-files -faam) in die TV-reeks The Fall losgeslaan . Hy en die Britse aktrise en liedjieskrywer Amelia Warner is in 2013 getroud. Hulle het twee dogtertjies, Dulcie…

Je-Ani, die aktrise wat afgelope vier jaar die rol van suster Naomi Ferreira in Binnelanders vertolk, was nie altyd ’n aktrise nie, al het die dramagogga al op skool gebyt. Tussen toe en nou lê ’n graad in drama , baie vasbyt en harde werk. En ’n hele klomp uiteenlopende maniere om die pot aan die kook te hou! “Sedert my hoërskooldae was ek al van ’n kassiere tot ’n au pair, ’n kelnerin, naskoolonderwyseres, bemarker en selfs ’n pesbestryder! Ek het ook ’n ruk skoolgehou . Maar niks het my my so gelukkig soos toneelspeel gemaak nie.” Daar het niks drasties gebeur om haar te laat besluit die tyd is ryp om voltyds aktrise te wees nie. “Ek wou vir ’n oomblik selfsugtig leef, en besluit toe dis nou…

Vivienne vertel dat sy dikwels saam met haar pa, Jock Verwey, ’n professionele speler by die Virginia Parkklub, gholf gespeel het. Sy het al van agtjarige ouderdom af saam met haar pa gestap en sy telling gehou wanneer hy speel. “My broer, Bobby Verwey, was ook ’n professionele speler,” onthou Vivienne. Sy was ook ’n goeie gholfspeler, en sy, Bobby en Gary het later gereeld saam begin speel. “Ons het altyd ’n sjieling elk gegee en daarvoor gespeel. Gary het altyd gewen, maar ek het geweet hy het meer daarvan gehou om na my bene te kyk as om te wen.” Sy was maar 14 toe hy haar gevra het om te trou, maar het haar gewaarsku dat sy sal moet wag tot hy meer geld maak voor hulle trou.…

Austin sê dis vir hom vreeslik moeilik om stil te sit. “My kop skakel nie sommer af nie. Ek is altyd die eerste ou wat ’n speletjie voorstel – veral as daar iets op die spel is en nie sommer net vir die pret nie,” sê hy laggend. Hy glo in balans , en eet meestal gesond. “Maar kitskos af en toe is in orde - my skelm plesiertjie is ’n Steers-burger. As ’n mens na sy plat maag en gebeitelde spiere kyk, is dit moeilik om te glo dat aartappelskyfies sy ander groot liefde is. Ek is ook dol op enige koue drankie – my meisie wil haar doodlag dat ek ys in alles sit, maak nie saak hoe koud dit buite is nie.” Austin en die Nederlandse hokkiespeler…

Spatsels kleur Kyk hoe mooi is die kontras tussen die twee wit naels en die naels met die spatsels kleur op. Ná die basislagie (Minell het jel gebruik) droog was, is spatsels kleur met ’n ronde kwassie op die naels aangebring. Terwyl dié nog effens nat was, is die goue foelie hierop gedruk en daarna is ’n bolagie aangeverf (sy het die jel drooggebak en toe die jelbolagie aangewend en gebak). Maskscara Gel It Polish in Bali Punch (pienk), Malibu (wit) en Cherry Bomb (rooi) is gebruik. MOEILIKHEIDSGRAAD maklik tot medium WENK Psst, as jy nie goue naelfoelie het nie, kan jy die goue foelie gebruik wat by bakwinkels beskikbaar is. Oorkruis Die oorkruisstrepies en die natuurlike kleur máák die naels. Die nael is met ’n fyn kwassie omlyn en…

GLANSEND URBAN DECAY NAKED ILLUMINATED TRIO (R650) bevat drie skakerings gesig- en lyfpoeier. Die mikrofyn ligreflekterende deeltjies lyk wonderlik op jou vel en skep ’n “stoute” glans. ROMANTIES en SENSUEEL Die pienk-en-oranje skakerings van die CHLOÉ LOVE STORY EAU SENSUELLE-bottel verbeeld romanse tydens ’n sonsondergang in Parys. Jy ruik vanielje, lemoenbloeisels en sandelhout (R935 VIR 30 ML, R1 370 VIR 50 ML EN R1 655 VIR 75 ML; BESKIKBAAR VAN 6 MAART AF). PÊRELS vir ouderdom DIE NIVEA Q10 PLUS ANTI-WRINKLE REPLENISHING SERUM PEARLS (R219,99 VIR 40 ML) bevat Q10-pêreltjies (in die hoogste konsentrasie tot nog toe in Niveaprodukte) wat binne-in ’n hidrojel van kreatien en hialuroonsuur geplaas word. Saam help dit om plooie te verminder en jou vel te bevogtig. Volgens Nivea se navorsing word tien jaar se Q10…

Begin met higiëne, higiëne en nogmaals higiëne, sê Meriek. Kyk na ons artikel “Hou jou kontaklense skoon” (bladsy links). Hier is nog wenke: • Sorg dat jy elke jaar by ’n optometris of oftalmoloog uitkom vir ’n behoorlike oogondersoek. • Al bestel jy kontaklense oor die Internet is jou jaarlikse oogondersoek ononderhandelbaar. • Daaglikse lense is die duurste opsie maar ook die veiligste omdat die kanse op besmetting baie kleiner is. • Gebruik jou lense soos hulle bedoel is om te gebruik: moenie daaglikse lense vir twee dae dra of maandelikse lense na drie maande uitrek nie. Moenie slaap met jou lense nie, al kan hulle ’n maand hou. • Gooi lense weg sodra hulle dof raak. • As jou lense jou oë irriteer, haal hulle dadelik uit en plaas hulle in…

Bianca Coetzer Ek glo jy moet met iemand trou wat jy as jou beste vriend beskou; iemand wat jy volkome vertrou en met wie jy alles kan deel; iemand wat in die verhouding net soveel gee as wat jy gee; iemand met wie jy kan gesels die dag wanneer julle oud is. En iemand vir wie jy nie bang is om te sê dat jy aangejaag het nie. Leonie Mynhardt Ek dink albei partye moet bereid wees om hulle aan die verhouding toe te wy - in goeie en slegte tye. Wanneer twee mense daardie punt bereik het, is hulle reg om te trou. Susan Swart Reeds 35 jaar gelukkig getroud. Ons het getrou omdat ons beste maats was, respek het vir mekaar, lief is vir mekaar en geweet het…

STEM JA OF NEE OP ONS VRAAG IN “WAT DINK JY” EN JY KAN ’N BEAUCIENCEGESKENKPAK TER WAARDE VAN R2 500 WEN! BEAUCIENCE IS ’N TROTS SUID-AFRIKAANSE VELSORGREEKS WAT VAN NATUURLIKE BESTANDDELE GEMAAK WORD. DIE REEKS IS OOK GEMIK OP DIE OMGEWINGSBEWUSTE VERBRUIKER, WANT HULLE GEBRUIK SOVER MOONTLIK OMGEWINGSVRIENDELIKE VERPAKKINGSMATERIAAL. DIE TEENVEROUDERINGSREEKS VIR ALBEI GESLAGTE BEVAT DIE AKTIEWE BESTANDDEEL PROTEASYL TP, WAT VAN DIE ERTJIEPLANT AFKOMSTIG IS, EN PLOOIE TEËWERK EN DIE VEL VERNUWE EN VOED. WWW.BEAUCIENCE.CO.ZA VRAAG: DINK JY ’N MENS KAN SONDER HULP WEER OPSTAAN? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY”.…

Bianca Coetzer Hulle kan ’n kind se selfbeeld knak en hom/haar ’n minderwaardigheidskompleks gee. My kind praat elke aand as ek by die huis kom openlik met my oor die dag se gebeure en ek beantwoord vrae en gee my mening. Sy weet dat as iets pla sy met my en haar pa kan praat. Wat ook baie help, is om jou kind, as dit moontlik is, aan kultuurdinge, veral drama te laat deelneem, dit help hulle om oop te maak. Leonie Mynhardt As dit nie reg hanteer word nie, kan dit lewenslank ’n uitwerking op ’n kind se lewe hê. Ek het op skool deurgeloop en dit het sekere dinge vir my vir altyd verander. Ek dink die beste raad is om met ’n grootmens wat jy kan vertrou…

Zane Wilson het lank gewonder hoe sy inligting aan gemeenskappe sonder elektrisiteit en Internettoegang, of met ’n lae geletterdheidsvlak , kon oordra. “Dis van die allergrootste belang dat mense kwessies soos depressie, skisofrenie, bipolêre siekte, tienerselfdood, MIV/vigs, diabetes, kanker en dementia verstaan en weet waar om hulp te kry.” Zane het met die konsep van Speaking Books vorendag gekom: ’n interaktiewe leermiddel wat in ’n spesifieke gemeenskap se taal verskaf word. “Afgesien van inligting in eenvoudige taal en kleurryke illustrasies het ’n Speaking Book ’n klankbaan wat deur ’n plaaslike celebrity voorgelees word. Gebruikers druk knoppies om die klankbaan te hoor. “Die boeke word oorsee vervaardig en kan aangepas word vir spesifieke behoeftes of vereistes, byvoorbeeld wat die taal en onderwerp betref.” “Speaking Books word op bestelling vervaardig en word…

DIE BESTE FRIKKADEL Dit is beslis beter om jou eie vleis te maal. Daarvoor het jy ’n gewone voedselverwerker nodig. Hou die vleis koud en gebruik die polsaksie op die masjien. Oorwerkte vleis sal pap word en die frikkadel sal te styf wees Karamelpynappelskywe is ’n lekker bolaag op ’n burger. Braai dun gesnyde skywe pynappel in botter en ’n bietjie bruinsuiker Fantastiese forelfrikkadel Gebraaide halloumi gee ’n burger sterstatus Hoenderfrikkadel – die frikkadel lyk donker omdat sojasous bygevoeg word. Smullekker Beste beesvleisfrikkadel ’n Gebakte eier is heerlik op enige burger - en dit is nie net vir ontbyt nie! Lamsvleisfrikkadel Bros gebraaide spek maak alles mos lekkerder! DIE BESTE BURGERBROODJIES Hierdie brooddeeg word met melk en botter verryk, wat dit ’n lieflike goue kleur en fantastiese smaak gee. Rooster…

Leef binne jou vermoë. As jy nie kontant vir iets kan betaal nie, kan jy dit waarskynlik nie bekostig nie Hoe erg lyk sake regtig aan die ekonomiese front? Prof. Wimpie Boshoff, dosent in ekonomie aan die Universiteit Stellenbosch, sê die Suid-Afrikaanse ekonomie groei baie stadig. “Verbruiksbesteding is pap, investering is laag en uitvoere vaar nie te waffers nie. Die Buro vir Ekonomiese Ondersoek aan die Universiteit Stellenbosch voorspel wel effe vinniger groei in 2017 (1,1%) en 2018 (1,9%).” Danelle van Heerde, hoof van adviesprosesse by Sanlam, sê baie mense verkeer tans onder erge ekonomiese druk. “Daar is ’n toename in werkloosheid. En hoë kos- en ander pryse, tesame met ’n verhoging in rentekoerse, laat verbruikersbesteding en welvaart krimp.” WAT IS DIE VLAK VAN WERKLOOSHEID? Prof. Boshoff sê daar is…

VANDAG MOET SY WEER BAIE LANK WAG TOT HAAR EIE BUS KOM. DIE NOMMER SEWES IS ALTYD SKAARSER AS DIE TWEES. DIT MAAK HAAR VIES MARIETJIE KOTZE HET IN SUID-AFRIKA SE VRIENDELIKE STAD GROOTGEWORD, IN VANMELEWE SE DAE TOE KINDERS NOG ORAL HEEN BUS KON RY. DIE ENIGSTE GEVAARLIKE DING WAT DALK KON GEBEUR, “WAS DAT JY UIT DIE BUS KON VAL AS JY MET DIE AFKLIMSLAG DIE TRAPPIES VAN DIE DUBBELDEKKER MISTRAP”. HOEWEL DIE ALL CLASSES-STORIE UIT HAAR VERBEELDING KOM, VOEL DIT “ASOF DIT UIT MY HART KOM VANWEË DIE ONSKULD DAARVAN”. Hantie sien die bus van ver af aankom, eers die dak, silwerblink en effentjies rond soos die deksels van haar ma se opskepbakke op die sideboard. Dan die res: ’n dubbeldekker! Sy’s bly daaroor. Sy hou daarvan…

RIKA CLOETE Rika het ’n obsessie met misdaadfiksie. Reeksmoordenaars, passiemoorde, gifmoorde, geestesversteurings – dit is van toentertyd af al deel van die mens se bestaan. Maar net so is die die drang na die uitlewering van die skuldige en die onwrikbare geloof dat die goeie die bose sal oorwin, diep in ons menswees gewortel. En dit is juis dít wat hoop vir die toekoms gee. Haar debuutbundel, eensaamigheid, is in 2002 uitgegee en in 2004 die avontuurromanse Die Oog van Isis. Doodsroeper is Rika se eerste spanningsroman. Hoekom ’n historiese misdaadroman? Die historiese moordraaiselroman is betreklik onbekend in Afrikaans. Die idee was om iets anders in die misdaadgenre te skryf as die moderne “krimis” en spanningsverhale wat deesdae verskyn. Maar dit het natuurlik sy uitdagings gehad. Daar was mos nie…

Die musiekblyspel Priscilla, Queen of the Desert wat op die Oscar-wenfliek gegrond is, kom maak van 28 Maart af ’n Suid-Afrikaanse draai by Artscape, Kaapstad en van Vrydag 28 April af is die stuk by Montecasino in Johannesburg te sien. Priscilla is ’n verfrissende musiekreis – en sommer ’n kopreis ook. Dit is ’n verrykende en humoristiese kykie na drie drag queens wat op ’n ou bus genaamd Priscilla spring op soek na vriendskap en liefde. Dit word die rit van ’n leeftyd! Dis wild, dis snaaks, dis heerlik anders en bowenal is dit vol heerlike musiek en danse. Met musieknommers soos “Don’t Leave Me This Way”, “I Will Survive” en “I Love The Nightlife” kan dit mos net pret wees! Verwag letterlik meer as 500 verregaande uitrustings, 200 imposante…

VRYHEID – JOE NIEMAND. KYK, ONS WEET NOU AL DIE MAN HET ’N VERSTOMMENDE STEM MAAR DIÉ NUWE ALBUM BIED OOK ’N RYKDOM VAN DIEPTE, VERSKEIDENHEID EN PATOS. DAAR IS LIEFLIKE BALLADES, OU TRADISIONELE WYSIES, SY EIE POËTIESE GESPREK MET DIE LUISTERAAR EN BOWENAL ’N INNERLIKE DIEPTE WAT JOU MÓÉT BEKOOR. DIS AFRIKAANS OP SY MOOISTE. KIEKIES, LUCAS SE LIEDJIES – JANNIE DU TOIT EN THEAN KOTZÉ. IN TIPIESE DU TOIT-STYL MAAK JANNIE SEKER DAT LUCAS MAREE ONTHOU SAL WORD. MET HIERDIE KEURIGE ALBUM VAN LUCAS SE MOOISTES, SOOS “VICTORIABAAI”, “DROOMVROU” EN “MILJOEN” KAN JY NIE ’N FOUT MAAK NIE. “KIEKIES IN MY PLAKBOEK” WAT VIR DIE TITEL GESORG HET, IS ’N KLEIN JUWEEL. FOUR – THE MUSES. OLIVIA KOTZE HET IN 2011 DIE UNIEKE…

BUCKMEISTER HET ’N REPUTASIE AS DOBBELAAR GEHAD EN GLADYS SE PA HET DIE VERHOUDING NIE GOEDGEKEUR NIE. TOG HET DIT DIE TWEE NIE AFGESKRIK NIE EN HULLE HET IN DIE GEHEIM VERLOOF GERAAK EN IS OP 12 DESEMBER 1908 GETROUD Die jaar 1888 was om verskeie redes ’n buitengewone jaar: Jack the Ripper het ’n skrikbewind in Londen gevoer, die eerste Kodak-kamera is vervaardig en bekendes soos Irving Berlin en T.S. Eliot is gebore. Nog ’n besonderse mens wat ook in daardie jaar, op 18 Desember, die eerste lewenslig aanskou het, is die Britse aktrise en model Gladys Constance Cooper. Sy het aan die naam Gladys geen erg gehad nie maar bloot na haarself as G verwys. Min het Gladys kleintyd gedink sy sou op die verhoog beland. Haar pa,…

Wenkbroue, ooggrimering, wangkleursel. Lipstiffie Elke vrou pak moeilike situasies op haar eie manier aan. Party storm ’n strydperk binne met ’n kaal gesig, onverskrokke en onopgesmuk maar van hul susters wys onverwoesbare dapperheid op ander maniere. My ma het op die Amerikaanse Ladies’ Home Journal ingeteken. Dit was een van haar min weeldes. Natuurlik het ek saamgelees. Eendag was daar ’n kompetisie waarvoor getikte inskrywings vereis is. Lesers moes skryf oor “Why I Love my Spouse”. Een wenner was ’n man, ’n boer wat geskryf het dat tikmasjiene nie in sy wêreld bestaan nie, maar dat hy nogtans nie oor sy vrou kon stilbly nie. Sy werk dagin en daguit skouer aan skouer saam met hom op hul plaas. Sy dra ’n blou oorpak net soos hy, sy dra diksoolstewels…