Innholdsfortegnelse for November 2016 i Rooi Rose

JY SIT NOU met die Novemberuitgawe in jou hand, en ons nooi jou uit om die dag te pluk. Die jaar het al weer byna uitgeloop! Hoe het dit so gou gebeur? Ek is gereeld verstom deur die gang van die tyd en die feit dat die dae mekaar so vinnig opvolg. In baie van die populêre sielkundige boeke word ons deesdae gemaan om meer bewustelik te lewe. Dis een van die maniere wat daar is om stres hok te slaan en sin te maak van wat met ons gebeur. Ek ervaar dat baie mense met ’n gelatenheid leef wat alles wat gebeur maar aanvaar en hulle daarin berus as dat dit maar so moet wees. Dit is vir my regtig moeilik om so passief-aanvaardend te leef. Ek is geneig…

Is dit vir jou maklik of moeilik om ‘in die oomblik’ te leef en jou volle aandag aan iets te gee? Anny van Aswegen (37), persoonlike assistent, Rustenburg Baie mense leef óf in gister óf in ’n vooruitsig, soos ’n verjaarsdag of vakansie. Ek is soos ’n spons en bogenoemde is my water. Hede is iets wat ek moet aanleer weens my hewige werkskedule. Dit is belangrik om nóú te lewe, want tyd is geleen, maar geld bepaal baie en dra gewig. Nadia Mans-Kemp (30), lektor, Stellenbosch Ek het ’n tyd gelede ’n persoonlike katarsis beleef en besef ’n mens moet elke goue oomblik geniet. Die lewe is soos ’n seepbel, en as die mooi borrels verbykom, moet jy in verwondering kyk en glimlag, anders gaan dit ongesiens by jou…

Meer as mooi Vir haar Stella McCartney Pop-fyngeur wou Stella ’n nuwe generasie vroue hê wat meer as net mooi modelle is. Sy wou vroue gebruik wat iets belangriks het om te sê. Sy het die Kanadese elektroniese musikant Claire Boucher, ook bekend as Grimes, gekies. “Ons het baie gemeen: ons is albei besorg oor volhoubaarheid, omgewingsverantwoordelikheid en wil diere beskerm,” sê Stella. SKOONGESIG In ’n bedryf waar jy selde iemand sonder grimering sien, het die sangeres Alicia Keyes ’n opskudding veroorsaak toe sy sonder ’n kriesel grimering by die MTV-toekennings opgedaag het. Sy is van plan om dit so te hou. ANDERS mooi Die 22-jarige Winnie Harlow (gebore Chantel Young Brown) is ’n Kanadese model met die velsiekte vitiligo (depigmentasie van die vel). Op skool is sy so gespot…

‘Jy kan eers gelukkig wees by iemand anders as jy gelukkig met jouself is’ Watter eienskap van Allen het jou die meeste verras? Soos baie van my gunstelingregisseurs het hy sy eie manier van werk. Hy laat jou toe om jou rol te besit en is regtig nie besitlik oor sy fliek nie. Vir iemand wat flieks maak met so ’n kenmerkende styl was sy informele manier van werk vir my ’n verrassing. Ek het gedink hy sou meer leiding gee, hoewel hy bekend is daarvoor dat hy nie van lang gesprekke of repetisies hou nie. Die tonele in sy flieks rol by ’n mens verby, amper soos wat dit in die werklike lewe is. Dis vir my baie interessant. In die fliek het jou karakter ’n affair…

Sy het so half per ongeluk politikus geword, vertel die premier van die Wes-Kaap en ons eie ystervrou. “Ek was die voorsitter van die beheerliggaam by my kinders se skool, Grove Primary School in Kaapstad. Ons skool en tagtig ander skole het die regering aangevat oor die rampspoedige vrywillige afleggings- en herontplooiingspakkette wat hulle vir onderwysers aangebied het. Ek was die woordvoerder vir die groep en het in daardie stadium baie oor onderwysbeleid geskryf. Op versoek van Tony Leon het ek ook die Demokratiese Party (DP) se opvoedkundige beleid herskryf - dit was nog voor die tyd van die Demokratiese Alliansie (DA). “Hy het my toe gevra om as kandidaat vir die party te staan. Ek het ingestem – ek was nommer vyf op die DP se lys van kandidate…

Matthew was die eerste Suid-Afrikaner wie se musiek in die no.1-posisie op iTunes gedebuteer het ‘Niemand kan jou drome vir jou bewaarheid nie – jy moet dit self doen’ Sy mediawoordvoerder reël ’n ontmoeting in Starbucks in Rosebank, Johannesburg. Verrassing nommer een: hy drink nie eintlik koffie nie. “Dit akkordeer nie lekker met my nie,” vertel hy nadat hy ewe galant vir my ’n cappuccino gaan koop het. Hy teug aan ’n botteltjie water. “Ek eet nie altyd te gesond wanneer ek toer nie, nou pro-beer ek om so ’n bietjie daarvoor te vergoed deur baie water te drink.” Verrassing nommer twee is dat die aantreklike 25-jarige waaroor vroue swymel, reeds langer as ’n jaar gelukkig met Jessica (22) getroud is. Sy is ’n opgeleide onderwyseres, maar het besluit om…

‘Ek is al meer as agt jaar voor die kamera en ek is gemaklik daar. Dis op die oomblik vir my die heel lekkerste’ Kry iets waarvan jy hou, en jy sal nooit ’n dag in jou lewe werk nie.” Dis die TV-aanbieder Rozanne McKenzie se leuse. Ons onthou haar nog uit haar Dagbreek- dae, die ontbytprogram waarvan sy die aanbieder was. Deesdae bied sy die TV-program Flits aan wat Donderdagaande regstreeks op kykNET uitgesaai word en weeksdae bied sy soggens van nege tot twaalf Jacaranda FM se verkeersnuus aan. Saans is daar gesellighede wat sy moet bywoon, so nie is dit vroeg bed toe, want met ’n tweejarige wat bedags haar aandag verg, is slaap vir haar goud werd. In die week doen sy navorsing vir Flits en verder…

‘Dit het my soveel meer selfvertroue gegee! Dit was ’n wonderlike ervaring!’ Nicole is by ’n onlangse Garnier-lesersdag as die gelukkige wenner van ’n mooimaaksessie aangewys. Sy sê sy was vasgevang in haar daaglikse roetine en haar voorkoms het nuwe lewe gekort. Nicole se grootste bekommernis was haar lengte - sy is 1,56 meter lank. Sy is kort maar spog met ’n dun middeltjie en dit is waarop sy moet fokus. Werk saam met jou beste eienskappe om jou “onbeminde” eienskappe te verbloem. Die meeste mense smag na ’n langer en slanker silhoeët, en met die regte kledingstukke kán jy wel die illusie skep dat jy lank en slank is. Eksperimenteer met eenstukke. Dis gemaklik, modieus en nie net mense met lang bene beskore nie. In hierdie EENSTUK (R899) VAN…

1 Kyk jou rekening sorgvuldig deur. Weerspieël dit die konsultasie? Is ekstra items ingemerk? Waarvoor is dit? Het jy hierdie diens ontvang? 2 As die mediese fonds nie sekere kodes wil betaal nie moenie sommer net die balans aan jou dokter oorbetaal nie. Vra die mediese fonds waarom hulle nie betaal nie. Dikwels is dit juis omdat die item reeds onder ’n ander kode betaal is – en jy moet ook nie daarvoor betaal nie. 3 As jy toelaat dat jou dokter jou eis namens jou hanteer, gaan die eis na en teken dit vóór jy die spreekkamer verlaat. 4 Gaan die maandelikse betalingstaat na wat jy van jou mediese fonds ontvang. Is jy korrek aangeslaan? Jy moet byvoorbeeld nie betaal vir die duurder medikasie as jy die generiese middel…

Dis ’n kuns om ’n gesonde balans tussen jou eie en ander se behoeftes te handhaaf Stel jou voor hoe gaaf dit sou wees as ons elke dag onbelemmerd kon aanpak - sonder ’n enkele verwyt oor wat ek die vorige week versuim het, kommer oor iemand vir wie ek dalk meer behoort te beteken, of ’n nare herinnering aan ’n onreg wat ek vroeër aangedoen is. Let maar op na die kwelvrae wat ongenooid by jou opkom: “Moes ek nie maar … ?”; “Wat as ek nie hulp aanbied nie … ?”; “Hoekom het dit tog gebeur?” Dié gedagtes wys jy gee om. Die meeste van ons wil graag goed wees vir ons nabymense, vir die gemeenskap en vir onsself – gewoonlik in daardie volgorde! Maar as jy mooi…

“Ek sien net drie soorte terreine in die heelal: myne, joune en God s’n,” sê die Amerikaanse selfhelpkenner Byron Katie. “Dit wat buite mense se beheer is, is op God se terrein. Baie van ons stres spruit daaruit dat ons buite ons eie terrein leef. As ek dink my man behoort harder te werk, is ek op sy terrein. As ek my oor vloede bekommer, is ek op God se terrein. Wanneer jy buite jou eie terrein leef, voel jy seergemaak en alleen. As jy besig is om iemand anders se lewe te leef – om namens hom keuses te maak – is daar niemand in jóú lewe nie. Jy is afgesny van jouself. “Wanneer jy gespanne of ongemaklik voel, kan jy jou gerus afvra op wie se terrein jy…

• Respekteer, waardeer en geniet jou vriendin vir wie en wat sy is. Ag haar wil en menswees net so belangrik soos jou eie. Dié ingesteldheid bring die beste in jou en jou vriende na vore. • Kommunikeer jou behoeftes duidelik en eerlik, asook wat vir jou aanvaarbaar of onaanvaarbaar is. Sê as dit jou pla as sy jou kinders kritiseer. • Beskou konflik as ’n groeigeleentheid. • Vra verskoning vir jou foute, wanneer jy oorgereageer het of iets verkeerd geïnterpreteer het. Vergewe, dit maak heel. • Vertrou jou vriend met jou eie, eerlike weerloosheid. So gee jy iets wat werklik saak maak en vind jy jouself en jou vriend. Wanneer sy jou sonder jou maskers en verdedigingsmeganismes aanvaar, is dit vir haar ook makliker om vir jou ook om…

• Wees bedag op mekaar se behoeftes ná werk en gun mekaar tyd om ná die dag te herstel. As jy die ekstrovert is, wil jy dalk ’n klas by die gim bywoon waar jy gesels en energieke musiek hoor, terwyl hy (die introvert) liewer alleen wil gaan hardloop, of die koerant rustig wil sit en lees. Daarna is julle gereed om saam gehaltetyd deur te bring. • Vroue kan oorsensitief wees en ’n man se stilswye persoonlik maak. Pleks van persoonlike boodskappe in sy stilswye te lees, verstaan dat hy bloot nie lus is om te gesels nie. Dis nie oor jou nie, dis net hoe hy voel. • Verduidelik hoekom jy iets met hom bespreek. “Ek het ’n oplossing vir my probleem by die werk nodig,” of “Ek…

Almal is mal oor tuisgemaakte lekkernye, en hierdie Hertzoggies is die perfekte happie om op Buurmandag met jou bure te deel. Loer gou in by SPAR vir al die bestanddele en maak die koekies maklik en gou en gaan klop net op 6 November aan jou bure se deur. Deel en geniet! HERTZOGGIES GENOEG VIR 12 240 g SPAR Koekmeel 10 ml (2 t) bakpoeier 30 ml (2 e) SPAR Witsuiker 2,5 ml (½ t) sout 125 g SPAR Botter 3 groot SPAR Eiers, geskei 40 ml koue water SPAR Appelkooskonfyt 160 g SPAR Witsuiker 100 g fyn klapper 100 g SPAR Gevlokte Klapper 1 Voorverhit die oond tot 180 °C. Spuit ’n 20 cm x 30 cm-pannetjie met kleefwerende kossproei. 2 Sif die SPAR koekmeel, bakpoeier, suiker en sout…

• Maak seker daar is nie spelfoute nie. Nie net om ’n goeie indruk te wek nie, maar as die posisie waarom jy aansoek doen, of kwalifikasies, verkeerd gespel is, kan die sagteware dit nie herken nie en uitskop. Moenie op ’n spelprogram staatmaak nie, dit herken dalk nie die soort foute nie, of verander woorde outomaties na iets heel anders. • Kies belangrike woorde in die advertensie vir die aanstelling en gebruik dit en variasies daarvan in jou CV. • Gebruik ’n standaard Word-dokument. Nie elke program kan ’n PDF hanteer nie. • Gebruik hoofletters waar dit vereis word sodat ’n groep woorde wat met mekaar verband hou deur die stelsel herken word, soos University of Cape Town. • Gebruik ’n standaard lettertipe in swart. • Bly konsekwent wanneer…

CORLI BOTHA Corli is vanjaar se Koekedoor-wenner, en sy’t onlangs haar eerste kookboek gepubliseer: Corli se kombuis. Wanneer het jy geweet jy gaan kook vir ’n bestaan? Ek dink daar was nog altyd ’n liefde vir iets in die kombuis, my ouma Corrie was ook ’n groot invloed met haar koeke, troukoeke en gebak wat van kindertyd soos “feetjiesprinkels” op my gaan lê het en al die bakpoeier laat rys het. Ek het drie jaar gelede besluit dat daar geen rede is hoekom ek my liefde, passie en elke dag se kook- en bakgenot nie as ’n beroep kan uitleef nie. Hoe het jou tyd in Frankryk jou beïnvloed? Ek dink ’n stukkie van my hart lê nog in Frankryk. Ek het baie tyd in koswinkels en koffieplekkies deurgebring en…

Die onstuitbare Janice Honeyman se weergawe van die legendariese Robin Hood is van 2 November tot 20 Desember by die Joburg-teater te sien. Honeyman is bekend vir haar weergalose pantomimes, en dié een – vir die hele gesin – gaan niks minder wees nie. Robin Hood en sy vrolike manne (en vroue!) gaan die verhoog stormloop met ’n aksiebelaaide, skreeusnaakse komi-drama. Die span belowe daar sal nie een oomblik van terugsit en verveling wees nie. Hoe kan dit dan anders met Robin wat nie net een boef nie, maar twee aanvat: Die bose Sheriff van Nottingham en die vuiluil Guy van Gisbourne. En tussendeur kry hy nog tyd om om die hand van die skone en vreeslose Maid Marion te vry. Die klassieke verhaal van die “goeie” struikrower wat sy…

DIE WÊRELD BINNE MY – JOSHUA NA DIE RËEN. DIE ALBUM IS NOU AL ’N MAAND OF WAT OP DIE RAKKE. DIE BESKEIE JONGMAN HET VIR HOM BINNE ENKELE JARE ’N SPESIALE PLEK IN DIE HARTE VAN LUISTERAARS OOPGESING MET SY TREFFENDE, EERLIKE LIRIEKE EN LIEFLIKE STEM. HIERDIE, SY DERDE ALBUM, IS MOONTLIK SY BESTE TOT NOG TOE. JANNIE DU TOIT CHANTE/SING/SINGS/ZINGT BREL – JANNIE DU TOIT. ’N MENS KAN SÊ DAT DIE CD DALK EEN VAN DU TOIT SE DROME IS WAT WAAR GEWORD HET - EEN WAARAAN HY AL MEER AS TWINTIG JAAR WERK. IN AFRIKAANS, FRANS, ENGELS EN HOLLANDS, IN ENIGE TAAL, VAL BREL SE GUNSTELINGE SAG OP DIE OOR. ’N HEERLIKE OORSIG EN VERSAMELALBUM VIR LIEFHEBBERS VAN DIE BESONDERSE KUNSTENAAR. GLA…

Kan jy nie wag nie? Gaan loer nou al in by shop.kamersvol.com. Daar kan jy die heerlikheid van KAMERS/Makers heeljaar beleef . KAMERS/Makers 2016 Stellenbosch 1 tot 6 November Anura Vineyards 09:00-17:00 daagliks. KAMERS/Makers 2016 Irene, Pretoria 28 November - 4 Desember Open Window, Southdowns 09:00-17:00 daagliks. Kaartjies kos R50 by www.plankton.mobi of R70 by die deur. Sluit 'n KAMERS/Makers-inkopiesak en geskenk in. Afslag beskikbaar vir studente en pensioentrekkers. Gratis toegang vir onder 18's. kamersvol.com | facebook.com/kamersvol | Twitter & Instagram: @kamersvol | shop.kamersvol.com.…

TEEN DIE TYD DAT SY 21 WAS, HET DIE AMERIKANERS REEDS VAN HAAR KENNIS GENEEM EN HET SY OP BROADWAY OPGETREE. MAAR ’N NOG GROTER EER HET HAAR TE BEURT GEVAL TOE SIR LAURENCE OLIVIER HAAR GEVRA HET OM DESDEMONA TEENOOR SY OTHELLO TE SPEEL Sy speel met oortuiging ’n statige, aristokratiese vrou in die TV-reeks Downton Abbey , sowel as ’n slonsige boemelvrou in die humoristiese The Lady in the Van . Die naam is Maggie Smith, byna 82, en die aktrise is al byna sewe dekades lank een van die grootste name in die vermaaklikheidsbedryf. Voordat dié Britse aktrise haar eerste Oscar gewen het in The Prime of Miss Jean Brodie (1969) was sy al jare ’n beroemde verhoogster in Brittanje. Daarna het sy ook in rolprente en…

Moenie vra hoekom die invliegsafari of sagte handdoeke my nooit beskore was nie Afrika is vir my soos daardie madeliefie-speletjie: Ek het jou lief. Ek het jou nie lief nie. Nee wag, ek het jou lief. Vergeet dit. Ek háát jou. Neem kennis. Ek ken nie die Afrika van invliegsafari’s en viersterhotelle nie. Ek sou graag stylvol in kakie en safarihoed wou invlieg. Afkoel in ’n lugverkoelde tent, deftiger as my gastekamer, heuning-en-byewas-seep in die badkamer, sagte handdoeke. Ek ken ’n ander Afrika, die een waar jy jou twaalf jaar oue vier-trek met elke denkbare gerief laai. Van opwasbak tot portapottie, van kombuismes tot insekdoders, van geelkoorskaart tot gesertifiseerde afskrifte van elke denkbare en ondenkbare dokument wat jy tot nog toe gekry het. (Ek ry my “goeie vordering”- sertifikaat van…

WEN WEN juwele! Die nuwe My Angel-reeks van Nomination is deur beskermengele geïnspireer. Elke perfekte vlerk is in Italië met die hand gemaak. Jy kan een van drie geskenkpakke ter waarde van R2 500 elk wen. GEE JOU mening en WEN Hou jy daarvan om in die somer buite te kuier? Gee jou mening en jy kan ’n SEIKO-brilraam en NuPolar-enkelvisievoorskriflense van Dynamic Vision ter waarde van R5 000 wen. SOMER Dis tyd om buite te baljaar! Ons gee vir jou die beste somer met braairesepte, dekoridees vir buitekuiers, asook wenke om sonskade te vermy. Agter-die-SKERMS Ons kuier agter die skerms by ons voorbladvrou, Jo-Ann Strauss, se fotosessie vir ‘rooi rose’. Kyk hier na foto’s! Bekendes se WENKE Ons gunsteling- ‘rooi rose’-voorbladgesigte deel hul beste skoonheidswenke! Kyk onder Skoonheid. Ons…

JO-ANN EN HAAR MAN, MICHAEL HELD, SE TWEEDE SPRUIT IS IN APRIL GEBORE EN NES DIT WAS MET OUBOET NOAH, NOU 28 MAANDE, GAAN JO-ANN VIR HANNAH OOK SO LANK MOONTLIK BORSVOED Hier sit ons weer saam om ’n tafel, Jo-Ann Strauss en ek. Twaalf jaar later. In die Moederstad. Ons “oe” en “a” oor haar twee kinders en my twee kinders wat elkeen van ons sedertdien ryker geword het. En ons verwonder ons aan die tyd wat verloop het – hoe goed ons voel ondanks die meer as ’n dekade wat intussen verby is en ten spyte van die lewe wat sy gang gegaan het. “Nee, allermins,” sê Jo-Ann wat vanjaar 35 geword het, “ons voel so goed as gevolg van die lewe wat sy gang gegaan het!” berispe…

Kristen Stewart laat ’n mens aan ’n luilekkersomermiddag dink. Sy lyk effe lusteloos en haar halfmas-oë laat ’n mens sommer ook lui voel. Haar stem klink soos ’n ou motor wat nie soggens aan die gang kan kom nie. Haar woorde tuimel vinnig uit haar mond, gevolg deur ’n skielike stilte wanneer sy besef dat almal aan haar lippe hang. Dan byt sy op haar lip, laat sak haar oë en mompel en strompel deur die res van haar antwoorde. Sy staan haar plek in die kollig vol, en hou ’n mens se aandag op die silwerdoek, maar eintlik wil sy net met die omgewing saamsmelt en glad nie opvallend wees nie. Maar sy sal nooit daardie soort vrou wees nie, daarvoor is sy te mooi en te talentvol. Haar…

“Deur elke mens op jou pad met waardigheid en respek te behandel, maak jy reeds ’n bydrae wat te dikwels onderskat word. Elkeen wat vir iemand anders ’n werk gee en minstens probeer om hulle ordentlik te betaal, maak reeds ’n enorme bydrae. Raak betrokke by die soort gemeenskapsprojekte wat jou raak: of dit nou is om riviere skoon te maak of klimaatverandering te help bekamp, of nagskuilings, of die lot van gestremdes – alles is noodsaaklike komponente van ’n beskaafde, deernisvolle gemeenskap.”…

Jy kan sommer sien Matthew is gek na sy vrou. Hy het selfs ’n spesiale liedjie vir haar geskryf wat hy op hul troudag gesing het. (Hy het “Jess’ Song” later vir sy nuwe album verwerk.) Met ’n besige toerprogram soos syne is daar maar min tyd vir ontspanning, hoewel fliek ’n gunsteling is. “’n Mens kan net wegraak in wat daar voor jou op die skerm gebeur. Al jou sintuie is daarop gefokus en jy kan aan niks anders dink nie. “Kleintyd was daar altyd iets wat ek eerder as lees wou doen. Ek is nou spyt daaroor dat ek nie meer gelees het nie.” Het hy ’n kluitklaplysie? “Ek wil beslis een maal ’n valskermsprong doen. Maar net een keer. Ek hou nogal van adrenalien maar verkies minder…

‘As ek iets kon oordoen, sou dit wees om my kwalifikasie in kindersielkunde te kry. Dis ’n passie’ Emo Adams ‘Ek glo alles wat in jou lewe gebeur, “shape” jou’ Die geliefde Kaapse verhoogpersoonlikheid Emo Adams soek nooit na woorde op sy gewilde program Jou Show nie, maar op skool was hy maar ’n stil outjie, sê hy. “Ek het onlangs een van my hoërskoolonderwysers by Canal Walk raakgeloop en hy vertel toe laggend dat hy steeds verras is om my op televisie te sien, want in sy klasse het ek nooit gepraat nie. Maar wanneer ek op die verhoog klim, kry ek super powers!” Op 38 voel ek in my hart steeds 18. Wat sou die tiener Emo gesê het as hy my nou kon sien? Ek hoop hy…

‘Ek gebruik die produkte al my lewe lank en was in die wolke toe ek gevra is om by die Neutrogenafamilie aan te sluit,’ sê Gemma VEGAN-vriendelik Die Nak Aromas haarproduktereeks is vegan- vriendelik en ruik wonderlik. Bestel by retailbox.co.za NAK AROMAS BLONDE CONDITIONER (R320 VIR 275 ML). Vrugte-OLIE BIONIKE 15 FRUIT XSENSE MULTI-SENSORIAL OIL (R230) kan op jou hare, voete en vel gebruik word. Dit bevat olies van Italiaanse vrugte en die geur is manjifiek – jy het nie eens parfuum nodig nie. SilwerSKOON Vee alle grimering blitsig met GARNIER MICELLAR OIL-INFUSED CLEANSING WIPES (R59,95) af. Die micellar-water in die lappies trek vuilighede soos ’n magneet aan en die olie los waterdigte grimering op. ’n Wenner! Alles in EEN Kyk net hoe slim! ESTÉE LAUDER DOUBLE WEAR NUDE CUSHION…

Volgens KPMG wat in 2010 ’n omvattende verslag oor mediese bedrog voltooi het, is die volgende die algemeenste: • 40% kodebedrog, soos byvoeging van kodes of gebruik van kodes vir die duurste dienste terwyl die goedkoopste diens gelewer is. • 25% dienste nooit verskaf nie. • 6,6% generiese medisyne. (Die apteker verskaf aan jou die generiese medisyne, maar eis vir die duurder handelsmerk.) • 7% verskaffing van onnodige dienste waarby die dokter self baat vind. Die dokter doen byvoorbeeld ’n sonar in sy spreekkamer maar stuur jou ook vir ’n mammogram. Ander soorte bedrog sluit in: • Eise vir besoeke wat nooit plaasgevind het nie. • Plaasvervanger-behandeling, soos as ’n pedikuur as ’n podiatriese eis ingedien word, of ’n eis vir psigiatriese behandeling, terwyl ’n verpleegassistent die pasiënt ’n uur…

Saam met die bloeisels en blomme van die nuwe seisoen kom die hooikoors! BioNase verlig allergiese reaksies soos hooikoors en sinusinfeksies en is nie gewoontevormend nie. Die middel bevog ook die neusgange en hou dit vry van bakterieë en kieme wat siektes kan veroorsaak. Beskikbaar by apteke teen sowat R96 vir 30 ml en R140 vir 70 ml. WEN: Tien rooi rose-lesers kan elk ’n houertjie BioNase ter waarde van R140 wen. SMS net BioNase, jou naam, adres en ID-nommer na 48409. Kompetisie sluit 30 November 2016. SMS’e kos R1,50 en gratis SMS’e geld nie. Bepalings en voorwaardes op bl. 129.…

1 Glo jy dat jy slegs ’n goeie mens is as jy alles vir almal is? Gaan drink jy byvoorbeeld koffie saam met ’n vriendin terwyl jy na alleentyd smag? 2 Moet jy álles wat skeefloop, regstel - of dit nou ’n lewensmaat is wat die pad byster raak of ’n bejaarde ouer wat sukkel om die lewe te hanteer? 3 Vra jy mense wat jy wil help hoe hulle die situasie ervaar en watter oplossing hulle in gedagte het, of maak jy aannames oor hoe hulle voel en oor wat behoort te gebeur? As iemand byvoorbeeld studeer en nie deurkom nie, reël jy sonder meer ekstra onderrig? 4 Beskou jy diegene met die krisis onbewustelik as iemand met minder gesonde verstand, kreatiwiteit, ondernemingsgees of vaardighede as jy? 5 Wat…

Liz Greyling As vriendskap die stadium bereik het wanneer alle kommunikasie en gee slegs van een kant af kom, is dit tyd om so ’n vriendskap te laat gaan. Dit kan wel gebeur dat vriendskappe sterf van- weë bv. afstand en tyd (soos skoolvriendinne). Ek het nog nooit ’n vriendskap só verbreek nie, maar as dit wel sou gebeur, sou ek eerlik wees en dit openlik en persoonlik sê, nie per brief, SMS of telefoonoproep nie. Nadia Mans-Kemp Namate jy groei en as mens ontwikkel, kry jy vriende by en ontgroei ander. Vriendskap word van twee kante gevoed – albei vriende moet moeite doen om die vriendskap te laat blom. Andersins moet dit ’n stille dood sterf. Anny van Aswegen Dis goed om eerlik te wees wanneer jy in jou…

VOOR JOU ROL DIE TUIN SOOS ’N TAPYT TUSSEN BERG EN SEE OOP Jy kon behoorlik hoor hoe die koningsproteas hande klap toe Suid-Afrika in Mei die 34ste goue medalje by die Chelsea-blommeskou in Londen verower. Die eer vir die bekroonde uitstalling van die SA Nasionale Biodiversiteitsinstituut (SANBI-Kirstenbosch en Harold Porter) by die Koninklike Tuinbouvereniging in Londen kom ontwerpers David Davidson, Ray Hudson, die SANBI-personeel en ’n groep vrywilligers toe. Dit was ons 43ste deelname aan die roemryke geleentheid. Die fokus van die uitstalling was die plante van die Harold Porter Nasionale Botaniese Tuin, wat deel van die Kogelberg-biosfeerreservaat op Bettysbaai is. Dié floristiese groen kol in die hart van die fynboskoninkryk is tussen die hoë sandsteenwande van die Kogelbergreeks en die Atlantiese Oseaan geleë. Dit sluit fynbos, woude, vleilande…

DADEL-EN-GRAANBESKUITJIES MET BOTTERSKORSIE-HOEMOES GENOEG VIR 10 BESKUITJIES • 6 dadels, ontpit en fyn gekap • 75 g sonneblomsaad • 50 g tefgraan • 50 g hempsaad • 50 g pampoensaad • 135 g hawermout • 40 g psilliumvesel • 5 ml (1 t) sout • 50 g klapperolie • 250 ml (1 k) water HOEMOES • 30 g hempsaad, fyn gemaal • 1 ml (¼ t) kaneel • 2,5 ml (½ t) komyn • 1 ml (¼ t) gerookte paprika • 2 knoffelhuisies, fyn gekap • 200 g botterskorsie, geskil en gerooster • 1 x 400 g-blik kekerertjies, gedreineer • 30 ml (2 e) water • 80 g tahini • 60 ml (¼ k) olyfolie BESKUITJIES Voorverhit die oond tot 160 °C. 1 Verwerk die dadels, sonneblomsaad, tefgraan, hemp- en…

• Sit ’n onderwerp by As jy by ’n groot maatskappy om ’n posisie aansoek doen, is die kanse goed dat hulle ook ander posisies adverteer. As jou aansoek net “werksaansoek” in die onderwerpreël het, kan dit misgekyk word omdat dit nie dadelik na die regte departement gestuur word nie. • Kry jou feite reg Dit kan na basiese inligting klink, maar dis waar baie aansoekers klei trap. Lillian sê werkgewers kry daagliks CV’s wat aan ’n ander organisasie gerig is wat ook poste adverteer. Maak doodseker van alle feite oor jou posisie, asook die maatskappy se naam, en kry ’n tweede paar oë wat dit sorgvuldig nagaan. • Maak dit uniek As jy by meer as een maatskappy en om verskeie posisies aansoek doen en vir almal ’n generiese…

Op ’n mooi dag in Mei, ’n allermooiste dag met wolke wat soos wit somerrose in die blou herfshemel blom, staan Katinka Malan saam met haar studente op die vliegveld. Eintlik het sy beplan om die dag rustig tuis deur te bring en die herfsdag te koester met ’n boek in die hand en Vivaldi se Vier Seisoene op die agtergrond. Maar toe kom haar studente met die voorstel dat hulle juis op dié Saterdag hul kwartaallikse uitstappie wil onderneem. “Daar’s Duitsers by Magaliesburg wat met sweeftuie vlieg,” het hulle opgewonde vertel. Toe Thomas, een van die studente wat van Namibië af kom, verduidelik dat ’n sweeftuig ’n vliegtuig sonder ’n enjin is en byvoeg dat sweef ’n internasionale sportsoort is waar van hulle as toerismestudente darem kennis moet neem,…

Ons vra vrae oor kos om aan te sluit by ons Koekedoor- skrywer. As jou boekklub al die vrae reg beantwoord en getrek word, kry julle die boeke wat in hierdie uitgawe bespreek word, geskenk deur Graffiti. Stuur jul antwoorde na roneln@caxton.co.za met “November-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit … Vrae 1 Eat, Pray, Love ... Skrywer? 2 Wanneer is die eerste uitgawe van S.J.A. de Villiers se Kook en Geniet gepubliseer? 3 Wie het dit gepubliseer? 4 Waaroor gaan Don McClean se liedjie “American Pie”? 5 Watter smullekkerte is deur die hertog van Sandwich geïnspireer? Oktober-antwoorde 1 Wie het Alice in Wonderland eerste geïllustreer? Arthur Rackham. 2 Wie…

’N ASEMROWENDE UITSTALLING wat een van Suid-Afrika se mees erkende en beste beeldhouers se werk oor die afgelope veertig jaar wys, kan vanaf 30 Oktober by The Gallery op die Grande Provence-landgoed in Franschhoek gesien word. Beeldhouer Andries Botha se gemengde media-werke is al wêreldwyd uitgestal, maar word min in ons land gesien. Benewens die beelde is daar ook tien reusedigitale drukwerke en vier multimedia-makette. “Die beelde oorkoepel veertig jaar van ’n skitterende loopbaan, een vir elke dekade, en nog nooit saam uitgestal nie,” sê Trent Read, direkteur van die galery en die kurator van die uitstalling. Die uitstalling word reeds gesien as een van die belangrikste gebeure op vanjaar se kunstekalender. Botha is gewoonlik nie geneë om sy werke in die openbaar uit te stal nie. “Die meeste van…

OMMEKEER Bitter, vol wraakgedagtes en selfbejammering, swartgallig. Hier sit ek bedruk. Ons het ’n weelderige lewe gelei. Luukse motors, goeie velprodukte, spa-uitstappies, oorsese reise. Ons het soms tot drie naweke per maand in die asemrowendste hotelle gebly – van hier tot in Las Vegas. En toe gebeur dit. Ons verloor álles. Skielik bly ons in ’n huurhuis. Ek loop kilometers ver om te kom waar ek moet wees. Ons draai sente om vir ’n koppie boeretroos en pap en tik. Woede, haat, afgunstigheid vreet my op. Swart. Alles is swart. Op ’n dag stap ek na ’n Internetkafee. ’n Jong seun sit langs my en doen ’n taak. Nogal vroeg, dink ek. Bunk seker skool omdat sy taak nie in is nie. Sy pa sit by hom. Ek sukkel met…

Kinders en vakansie. Twee uiterstes? Miskien. Kinders en ver vlieg in vliegtuie? H’m, vir seker ’n uitdaging sal menige ma sê. Dit gaan als oor hoe jy daaroor dink, meen Jo-Ann, stapels bagasie ten spyt. Hier is haar vakansieraad (en glo haar maar, sy wás immers al ’n paar keer om die aardbol): Maak gereed vir ’n avontuur Aanvaar dat jy eerder bokke en hasies gaan vryf as om in kunsgalerye rond te loop. Daar is iets baie besonders aan om die lewe weer deur die oë van ’n kind te ervaar; stel jou oop daarvoor. Beplan goed As jy vlieg, moet jy al die ure wat julle in die lug is in ag neem en genoeg interessante goed inpak om jou kinders besig te hou. Wees realisties oor die…

•  Kristen Jaymes Stewart is op 9 April 1990 gebore. •  Sy het drie broers, Cameron, Dana en Taylor. Dana en Taylor is aangeneem. •  ’n Talentsoeker het Kristen raakgesien toe sy op agt in ’n skoolkonsert opgetree het. Haar eerste groot rol was as Jodie Foster se dogter in Panic Room (2002). Hayden Panettiere van Nashville-faam sou aanvanklik die rol gespeel het. Emile Hirsch, Kristen se medespeler in Into the Wild (2007), het haar aanbeveel vir die rol van Bella in die Twighlight-reeks. Vir haar rol as Joan Jett in The Runaways (2010) moes sy leer kitaar speel en het toe ook ses liedjies vir die klankbaan gesing. Wanneer sy nie werk nie hou sy daarvan om tert te bak en branderplank te ry.…

Helen het in Maart vanjaar 65 geword. Hoekom het sy juis nou haar memoires geskryf? “Toe ek as leier van die DA bedank het, was dit die einde van ’n era en ek wou daardie fase in my lewe afsluit. Ek het gedink my memoires is ’n goeie manier om dit te doen. Toe uitgewers my met aanbiedinge nader het, het ek aan die werk gespring.” Sy het ses maande lank daaraan gewerk. “Ek moes baie gedissiplineerd wees en sover moontlik elke dag skryf.” Skryf is natuurlik vir haar niks nuuts nie. In haar twintigerjare was Helen immers die joernalis wat snuf in die neus gekry het dat Steve Biko nie dood is weens ’n hongerstaking in die tronk, soos die NP-regering Suid-Afrikaners wou laat glo nie. Haar berig op…

‘’N TAAL IS ’N LEWENDE ORGANISME WAT SOOS ENIGE ANDER DIER ’N BEPAALDE HABITAT NODIG HET OM VOORT TE BESTAAN’ - Danie Marais DANIE MARAIS Danie is onder meer bestuurder van PEN Afrikaans, joernalis en musiek-junkie. Hy het eenkeer in ’n onderhoud gesê hy gebruik poësie as ’n vorm van selfverdediging. Dit laat ’n mens wonder of hy ’n kung fu-meester is, want sy eerste twee digbundels, In die Buitenste Ruimte (2006) en Al is die Maan ’n Misverstand (2009), is met verskeie literêre pryse bekroon. Hy is samesteller van As almal ver is: Suid-Afrikaners skryf huis toe (2009), Nuwe Stemme 4, in samewerking met Ronel de Goede (2010), Solank verlange die sweep swaai (2014) en Pruimtwak & Skaduboksers – rubrieke, heildronke en nagedagtes (2015). Laasgenoemde is opgedra…

HIK-HIK-HIKHIK HOEKOM ’N MENS - EN SELFS FETUSSE HIK, WEET NIEMAND NIE. DAAR IS OOK GEEN RAAD NIE. DIT KOM EN GAAN VANSELF. ‘N ONVERWAGSE MOONTLIKE OORSAAK IS SKIELIKE TEMPERATUURVERANDERING, SOOS AS JY VOOR DIE BRAAIVURE STAAN, ASOOK TE VEEL DRANKIES, SIGARETTE EN OM TE VINNIG TE EET. DIABETES? NUUT en MAKLIKER vir jou Op ’n onlangse mediakonferensie om nuwe diabetesmedikasie bekend te stel, het dr. Stephen Lawrence van die Britse Warwickuniversiteit se mediese skool verduidelik dat diabetes in vier fases verloop: FASE 1 Jy raak insulienweerstandig. Maar jy kan jou diabetes met dieet alleen beheer. FASE 2 Jy het meer as 50% van jou pankreas verloor, en het nou daagliks langwerkende insulien nodig om jou bloedsuikervlak konstant te hou. FASE 3 Jou liggaam kan nie meer maaltye hanteer sonder…

Liz Greyling Emosionele bagasie moet noodwendig ’n mens se daaglikse lewe beïnvloed. My emosionele bagasie is deel van wie ek is. Maar ek probeer fokus op die seëninge wat na my kant toe kom, op dit wat ek wel het en om ’n gelukkige mens te wees. Ons kan nie kies wat die lewe aan ons uitdeel nie, maar ons kan kies of ons net gaan swaarkry of nie. Dis ook belangrik om jouself te vergewe vir dinge wat gedoen of gesê of nagelaat is. My geloof stel my in staat om dinge wat buite my beheer is te laat gaan. Nadia Mans-Kemp Ja, ek dink die meeste mense het emosionele bagasie wat ons moeg maak. My wyse Ouma Emmie het altyd gesê jy moet jou gemoedskoffer van tyd tot…

• Daar is ’n lekkerte, geluk en sin in julle saamwees. • Jy weet hy gee werklik om, want jy ervaar sy belangstelling, liefde en aanvaarding en wonder nie waar jy met hom staan nie. • Sy bring die beste in jou na vore en laat jou spesiaal en gewaardeer voel. • Sonder om woorde te weeg kan julle albei sê wat julle dink en voel. Julle kan onbevange julself wees, met tekortkominge, goeie punte, prestasies en al. • Wanneer dit swaar gaan, is hy daar vir jou maar hy put ook vreugde daaruit wanneer dit met jou goed gaan. • Haar lojaliteit is bo verdenking. Jy weet jy kan haar met enigiets vertrou en selfs al loop dinge tussen julle skeef, sal jou donkerste geheime steeds veilig wees. •…

Gelukkig is ons nie meer op die planeet van “Men are from Mars, Women are from Venus” nie. Byna ’n kwarteeu terug het skrywer John Grey mans en vroue in twee kampe gejaag om die verskille in ons gedrag te verduidelik. Die nuwe be- nadering is om jou persoonlikheid en liefdestaal te verstaan om kommunikasie te verbeter. Dis nou à la Gary Chapman se boek The Five Love Languages. “Jou liefdestaal is die manier waarop jy jou liefde vir jou maat wys, en dit is ’n kombinasie van jou agtergrond en persoonlikheid,” verduidelik sielkundige en berader Lesley-Anne Pedlar. “Dit het ook ’n invloed op hoe jy met jou geliefde kommunikeer en konflik hanteer.” Hoewel daar nie vaste reëls is nie, verduidelik Lesley dat mans en vroue oor die algemeen anders…

• Almal ken die skaakmatsituasie wanneer een ongelukkig lyk, maar niks sê nie en ontken dat iets skort. Soms is dit makliker om ’n gesprek oor ’n veilige onderwerp te begin wat dan die deur oopmaak vir ’n dieper, emosionele gesprek. • Die taal wat ons gebruik, speel ’n groot rol in konflikhantering. Dink eerder wat jou aandeel in die probleem is as om iemand te blameer oor wat hy verkeerd gedoen het. • Besef dat mans ook buie het. Soms het hy net ’n drukkie nodig om die spanning ná ’n lang dag te verlig. • Doen iets saam wat nie konfrontasie tot gevolg het nie. Gaan stap en gesels oor alledaagse onderwerpe tot die situasie reg is om oor ’n probleem uit te vra. • Jonell se ervaring…

KRAKERIGE SAADBESKUITJIES MET BEETHOEMOES Genoeg vir 4 mense SAADBESKUITJIES 375 ml (1½ k) gemaalde amandelmeel 1 eier 30 g koue botter, in blokkies gesny 15 ml (1 e) elk lynsaad, sonneblomsaad en pampoenpitte 5 ml (1 t) sout BEETHOEMOES 200 g gaar beet, geskil (bak dit in die oond vir 40 min.) 15 ml (1 e) olyfolie 1 x 400 g-blikkie kekerertjies, gedreineer 1 knoffelhuisie, gekap 45 ml (3 e) tahini 60 ml (¼ k) olyfolie sout en swartpeper 100 g gemengde sade en neute GLAD Bake & Cooking Paper GLAD Cling Wrap GLAD Zip Seal 1 Voorverhit die oond tot 180 °C. Voer ’n bakplaat met GLAD Bake & Cooking Paper uit. 2 Meng die amandelmeel, eier, botter, sout en sade in 'n voedselverwerker en verwerk tot dit ’n…

Ons sluk dop en pitte en al, en voel die wilde sap oor ons kenne drup Ek gaan dood van die honger,” hoor ek die man sê. “Ek gaan dood van die honger,” is ’n woordsnoer wat dikwels gebruik word. Ek onthou hoedat ek my kinders smiddae ná skoolbedrywighede opgelaai het en dan was dit naas ’n groet hul eerste mededeling: “Ek gaan dóód van die honger!” Dit was dan dat hulle in die kruideniersakke in die motor ingeklim het en dit geplunder het. Gewoonlik het ek voordat ek hulle opgelaai het by die skoolbuurt se kruidenierswinkel aangedoen en kosvoorraad vir die dag aangeskaf. By die groentemark sou ek soet geelwortels, gul avokado's en tamaties koop. By die bakkery-afdeling het ek elke dag twee warm brode gekoop. Een was vir…

AS JY WERKLIK IETS WIL DOEN, SAL JY ’N MANIER KRY. AS JY DIT NIE DOEN NIE, SAL JY ALTYD ’N VERSKONING KRY MAAK SEKER JY HET ’N MEDIESE FONDS VOOR JY 35 IS Hoekom? Dis uiters noodsaaklik om die reëls van mediese fondse te verstaan sodat jy nie later opdok nie. ’n Mediese fonds mag nie weier om jou te aanvaar nie maar kan duur voorwaardes stel. Wanneer jy by ’n mediese fonds aansluit, is daar drie uitsluitsels: 1 ’n Wagtydperk van drie maande waar jy bydraes betaal, maar geen voordele het nie. 2 ’n Wagtydperk van 12 maande waar jy nie vir bestaande siektetoestande (soos swangerskap) mag eis nie, maar jy is wel gedek vir ander mediese uitgawes wat nie met daardie toestande verband hou nie. (Dit kan…

Een van die groot voordele daarvan om ’n avontuur soos hierdie saam met ’n ervare toerleier soos Mariska Griffin van Explore Plus Travel & Tours aan te pak, is dat sy en haar vennoot, Rika Groenewald, jare se ervaring van die hotel- en toerismebedryf het. (Mariska het onder meer ’n lodge in die Serengeti bestuur.) Hulle weet presies hoe om te sorg dat jy die beste waarde vir jou geld én tyd kry. Jy vertrek byvoorbeeld net ná middernag uit Johannesburg, wat beteken dat jy op die vliegtuig kan slaap en ’n ekstra dag tot jou beskikking het by jou bestemming. ’n Mens moet Tanzanië op jou tyd geniet. Explore Plus sorg vir die kleinste detail, soos ’n fotogids van die diere en voëls van Oos-Afrika wat jy reeds op…

OFFERANDE Chanette Paul (Lapa) Caz Coijn is terug en daar is ’n hengse klomp ongeslypte diamante in haar besit. Is dit waarom haar eksman skielik opdaag? Is dit waarom ’n Kongolese vrou haar as ’n kunshandelaar voordoen en 2 000 Euro vir dáárdie beeldjie aanbied? Is dit waarom daar op bladsy 100 reeds talle lyke rondlê? Soos altyd skryf Paul ten eerste om te vermaak maar enigeen wat al ooit ’n bietjie dieper gekrap het, weet ook dat daar baie vlakke in haar werk is. Offerande ondersoek identiteit soos min ander. Wie is ’n Afrikaan en wie is ’n Europeër? Is dit jou velkleur, jou ouers, of jou paspoort wat dit bepaal? Caz en haar dogter gaan op soek na waar hulle vandaan kom en saam met die spannende storie…

Noordhoek-pret Café Roux in Noordhoek is een van die voorste plekke in Kaapstad om na jou gunsteling-kunstenaar te gaan kyk. Met plek vir net honderd mense gee dit jou die kans om ’n intieme vertoning van Suid-Afrikaanse kunstenaars by te woon. In November tree onder andere Prime Circle (7 Nov.) Gangs of Ballet (9 Nov.), Jack Parow (18 Nov.) en Ard Matthews (25 Nov.) op. Pryse wissel van R100 tot R200 afhangende van die vertoning. Vir meer info en om te bespreek kyk by www.caferouxsessions.co.za of e-pos info@caferoux.co.za Parkmusiek Trek op 26 November op na die Voortrekkermonument in Pretoria vir die grootste Park Acoustics- vertoning van die jaar. Van tienuur tot middernag. Bring jou eie kosmandjie en piekniekkomberse saam. Van die kunstenaars sluit Mango Groove, Desmond & the Tutus, Olugbenga…

@home 0860 576 576 Aromas by StyleBar Arthur Kaplan 011 669 5600 Badger Sunscreen naturescolours.com Balthazaar balthazaardesigns.com Bella Luna 011 325 4990 Bioderma 021 685 4366 BioNike Dis-Chem Black Coffee blackcoffee.co.za Bo & Luca 0606 598 648, boandluca.com Caribbean Tan 021 534 0287 Clarins 011 809 6300 Clicks 0860 254 257 Colette Hayman 087 80 800 80 Cotton On 021 552 9651, 021 981 9366 Coverderm coverderm.co.za Dermafix 0861 282 323, dermafix.co.za Dis-Chem 0800 201 170 Elizabeth Arden 021 597 1700, elizabetharden.co.za Estée Lauder 011 516 3000 Eucerin 0860 102 091 Forever 21 021 555 3324 Foschini 021 938 1018 Fossil Accessories 021 555 1848 Garnier 0860 102 492 Gatineau 021 701 2900 Givenchy givenchyconversations.com Glo Minerals 021 552 6999 H&M 0860 690 707 Hannah…