Innholdsfortegnelse for Oktober 2016 i Rooi Rose

AS ’N MENS van woorde leef, soos ek, maak woorde ook prentjies in jou kop. Dis vertroude dinge waarsonder jy net nie wil wees nie. Daar moet altyd iets wees om te lees waarop ek my hande kan lê, want daarsonder voel ek gestres. As jy dan vir eers in ’n vreemde land is, voel jy besonder verlore, want die woorde op advertensieborde en geboue wil net nie sin maak nie. My eerste ervaring daarvan was Griekeland, en die som daarvan is dat alles so lank neem en ’n mens so dom voel, maar jy is met vakansie, daar’s baie tyd en dis al wat saak maak. Elders in Europa is die woorde vreemd, maar die letters is bekend en spring binne ’n kort tydjie redelik sinvol agtermekaar. Argentinië is…

As jy geld het om een ding aan jou voorkoms te verander, wat sou dit wees? Jenny Oosthuizen (44), voltydse ma en administratiewe hulp vir haar man, Pretoria Ek sal die babarolletjie om my maag laat verwyder. Ek werk hard om gewig te verloor en dit af te hou, al gaan dit soms moeilik in die winter, maar die hardnekkige rolletjie bly klou! Die maagoefeninge saam met my dogtertjie maak die spiere stywer, maar ai, die rolletjie sit! Carene Malan (29), finansiele adviseur, George As ek baie geld gehad het, sou ek graag my bobene wou laat kleiner maak. Ek oefen hard en eet gesond, maar my ronde bobene is maar geneties. Ek sal eers verby my man moet kom, want hy is alte lief vir my voorkoms en vroulike…

Alte fraai Maak jou teepartytjie spesiaal en versier die happies met blomme. MOOI TEEKOEKIES Koop winkelsponskoeke en sny kleiner met ronde koekiedrukkers. Stapel opmekaar met geklopte room of botterversiersel tussenin en versier ook die buitekante met geklopte room of botterversiersel. Pak eetbare kruie- en wilde blommetjies om die koekies. HIBISKUS-YSTEE GENOEG VIR 500 ML 3 hibiskus-teesakkies handjie vol goji-bessies handjie vol droë roosblare- of -knoppies 30 ml heuning Sit die tee, bessies, blare en heuning in ’n teepot en gooi 500 ml kokende water oor. Laat staan om te trek en af te koel. Gooi in ’n digsluitende beker en sit vir twee uur in die yskas. Skink in ’n glas vol fyn gekapte ys. BROSBROODKOEKIES MET GESIGGIES GETOOI Sit die gesiggies tussen twee velle bakpapier en plaas iets swaars…

Zetske se swangerskap was die ideale geleentheid om ’n keer model te speel vir haar klerereeks vir swanger vroue. “Die reeks se naam is Halo en die items is baie veelsydig - jy kan dit lekker op-dress vir meer formele geleenthede, of jy kan dit informeel dra. Jy kan dit dra voordat jou magie begin wys, en ook daarna. Ek kies die materiaal so dat dit veeldoelig is.” Zetske se betrokkenheid by mode het ’n paar jaar gelede begin toe die ontwerper Leo Validus haar gevra het om ’n klerereeks saam met hom te ontwerp. Toe haar vriendinne die een ná die ander swanger word, het sy besef daar is ’n gaping in die mark vir unieke, stylvolle klere vir veral swanger vroue. Haar eie swangerskap het haar gehelp om…

•  Sam Heughan is op 30 April 1980 in Skotland gebore. •  Hy is in 2015 as een van ‘People Magazine’ se Top 10 Sexiest Men Alive aangewys. •  Hy het sewe oudisies vir ‘Game of Thrones’ afgelê. Hy is in 2003 vir die Laurence Oliviertoekenning vir die belowendste akteur in Outlying Islands benoem. Wanneer Sam se karakter in Outlander, Jamie Fraser, sy hemp uittrek, is sy bolyf en rug oortrek met littekens wat hy opgedoen het toe hy mishandel is. Dit sluit prosteses in wat opgeplak moet word. Die hele proses duur sowat twee en ’n half uur. Sam is ’n blondekop maar vir sy rol in Outlander word sy hare rooi gekleur. Al die kostuums in die reeks is sonder enige ritssluiters en velcro gemaak om so outentiek…

Deon het die afgelope vier jaar ’n nuwe vrou in sy lewe. Marianne Vorster, wat met ons onderhoud styf langs hom sit, is ’n skilder en hulle het mekaar in die Karoo - Deon se hartsplek - ontmoet. (Hy besit ’n huis op Loxton waar hy graag gaan skryf.) Hulle woon al drie jaar in Stellenbosch, en hul lyftaal verklap dat hulle gek is na mekaar. Maar hy praat nie graag oor hul verhouding nie. “Ons is saam, en ons is baie gelukkig. Ek voel nie my boeke het iets met my persoonlike lewe te make nie.” Hy en Marianne is regte huishenne, vertel hy darem. Is sy vir hom ’n klankbord? “Ja, maar net in ’n sekere mate. Omdat sy lief is vir my, gaan sy nie objektief wees…

Marnus glo aan ’n gesonde leefstyl, en gebruik geen diereprodukte nie. Hy het selfs ’n vegan-restaurant in Johannesburg besit, maar het dit ’n paar maande gelede verkoop. “Ek drink daagliks baie water, en groen tee as ek vir iets warms lus is. Ek drink darem ook rooiwyn! Wie drink dan nou nie rooiwyn nie?” skerts hy. Hy leef eenvoudig omdat hy dit so verkies. “Ek versamel nie goed nie – ek kan clutter nie verdra nie. Ek glo vas minder is meer.” Hy ry ’n goeie, luukse motor, maar niks blink of oordadig nie. (Ek sou hom nie aan sy motor as ’n miljoenêrsakeman kon uitken nie!) Die een ding waarop hy wel geld uitgee, is reis. Hy was al die wêreld vol. “Van Suid- en Noord-Amerika, Engeland, Europa en…

‘My pa was nie blasé oor die lewe nie, hy was opgewonde en vol verwondering daaroor; ’n positiewe man wat die dag aangegryp het’ Iets van my het saam met my pa gesterf. Dit voel of ’n stuk van my uitgeruk is.” Sangeres Helena Hettema sê sy is rou, seer en voel leeg nadat rowers haar 82-jarige pa, die legendariese Springbok-tydrenjaer Jan Hettema, in Junie op sy plaas naby Boschkop doodgeskiet het. Haar emosies ry nog wipplank sedert die tragedie. “My pa het nie vyande gehad nie. Dis vir my moeilik om te dink dat twee mans met balaklawas en gewere hom een oggend halfnege op sy plaas doodgemaak het.” Jan se vrou van 41 jaar, Elsa, ’n sterk, positiewe, maar brose vrou met artritis is in die voorval deur…

‘Ek is nie moedeloos oor ons land nie. Mense van alle rasse wil presies dieselfde dinge hê’ Om ’n oop gaatjie vir ’n onderhoud in Theuns Eloff se dagboek te kry, is makliker gesê as gedaan. Hy is ’n bedrywige man. Sedert hy in 2014 as visekanselier van die Noordwes-Universiteit uitgetree het, deel hy sy kennis en ervaring met verskeie organisasies. Aan die sakefront is hy voorsitter van die Astral Foods-direksie en wat kultuur en taal betref, doen hy sy deel as voorsitter van die Dagbreek Trust én Veldtog Afrikaans. Dan is daar nog die Trust vir Afrikaanse Onderwys, en sedert 1 Julie vanjaar is hy ook uitvoerende direkteur van die FW de Klerkstigting, ’n logiese pos vir iemand wat hom al sedert sy studentedae beywer vir dialoog oor grense…

Mode 2016 Die reënboog het saam met vanjaar se somermodes op die winkelrakke beland. Daar word nie verniet na die modekleure as REËNBOOGKLEURE verwys nie - die gewildstes is HELDER GROEN, SUURLEMOENGEEL, SPAANSE ROOI en SNORKELBLOU . In ons stylgids sal jy alles oor die dra van die kleure en die plek daarvan in jou klerekas te wete kom. ORANJE EN KORAAL staan as die tropiese kleure bekend en met geel daarby word dit die sonsondergangkleure genoem. Meng en pas gerus dié pragtige skakerings. TAANKLEURIGE bykomstighede en ’n sonbruinlyf is al wat jy daarby nodig het. SWART en WIT is oudergewoonte met ons, dié keer in die minimalistiese styl uit die JARE NEGENTIG wat nou weer as die belangrikste styl van die somer opgeduik het. Ander kleure is LAVENTEL en…

‘ Effens PUNK uit die 90’s ’ is grimeerkunstenaar Lucia Pieroni se beskrywing van hierdie voorkoms. Die skoonheidshuis Mac verwys daarna as die “akwatiese”- grimeertendens wat op die grafiese aanwending van kobalt- en ander blou ooggrimering gegrond is. Mac het die voorkoms spesiaal vir die Jonathan Saundersmodevertoning in Londen geskep. ‘’n Sekere soort blou dring jou siel binne,’ - kunstenaar Henri Matisse…

Wimpers met VOLHEID Wimpers met volheid laat die meeste grimeervoorkomste op hul beste lyk. Hoewel daar ook ’n neiging is om modelle sonder enige maskara op die loopplanke te laat verskyn, is grimeerkunstenaars dit eens dat vroue oor die algemeen beter met maskara lyk. Dié treffende voorkoms is met CLARINS SE 4-COLOUR EYESHADOW PALETTE (R495) geskep maar danksy CLARINS SE NUWE MASCARA SUPRA VOLUME (R295) het die fokus op die wimpers geval. GRAFIESE omlyner Peter Phillips, kreatiewe-en-beelddirekteur by Dior, was behoorlik kreatief met grafiese oogomlyner. Vir die Dior Haute-Couture modevertoning het hy grafiese oogomlyner gebruik om ’n unieke voorkoms vir elke model se oogvorm te skep. ‘Vroue wat swart dra, se lewe is kleurryk’- Neiman Marcus…

Reguit uit die NEGENTIGS Die inspirasie vir vanjaar se modieuse middelpaadjie met lang hare wat aan weerskante van die gesig oor die skouers hang, kom uit die jare negentig - wat hierdie somer steeds groot nuus is. Die VLEGSEL In teenstelling met die romantiese vlegsels wat elke somer te sien is, het hierdie soort vlegsel ’n sterker, meer minimalistiese voorkoms. Daarby is dit supermaklik en vinnig om te maak. Netjiese vlegsel, rekkie en siedaar! Die PONIESTERT Hier is nog ’n maklike haarvoorkoms. Maak ’n middelpaadjie en ’n baie lae poniestert wat jy met ’n swart strikkie vasbind. Dit werk goed by ’n uitrusting met skoon lyne en ’n sportiewe gevoel. Laventel simboliseer vroulikheid, verfyndheid en elegansie…

Accessorize 011 884 4643, 021 425 7701, 031 265 2525 A-list 021 422 4844 Almay 011 971 0812 American Swiss 021 938 1966 Armani 0861 100 1085 Avon 0860 102 345 Balmain 011 372 6020 Benefit Cosmetics 087 357 3587 Bio Scuplture 051 943 0377, biosculpture.co.za BioNike by Dis-Chem Black Up 011 495 6000 Bobbi Brown Edgars, Stuttafords, Red Square Calvin Klein 021 418 0727, calvinklein.com Catrice by Dis–Chem Chanel 011 325 1000 CJR Gift Sales 011 257 6000, cjr.co.za Clarins 011 809 6300 Clicks 0860 254 257 Clinique Edgars, Stuttafords en Truworths Colette Hayman 087 808 0080 Converse All Stars 087 940 4600 Dior 011 809 4000 Dis-Chem 0800 201 170 Dolce & Gabanna Make Up 011 809 4000 Dune London 011 685 7055, 021 529 1972, 011 214…

Chemoterapie en bestraling tap jou energie. Maar te veel rus laat jou nie uitgerus voel nie. Jou spiere en bloedsomloop verswak, wat jou nóg moeër maak. Wat jy nodig het, is gereelde, matige oefening, wys navorsing. Oefening maak ook jou kop skoon van al die ander spanning en emosionele wroeging wat komplimentêr saam met die diagnose kom. Watter soort oefening? Stap, joga en swem is goed vir almal. Swem is laeimpakoefening en jou liggaam word deur die water ondersteun as jou gewrigte seer is. Kry vir jou ’n poelnoedel om jou te help dryf as jy nie ’n watwonderse swemmer is nie. Bestraling kan jou vel te sensitief maak vir chloorwater. • Kyk hierdie video vir idees vir oefeninge in die swembad: www.youtube.com/ watch?v=ZgxniVfKT4I • Jy kan selfs in die bed…

ANTWOORD Sekere apteke (bekend as compounding pharmacies) kan deesdae medisyne vir jou opmaak wat nommerpas vir jou behoeftes is. So perfek vir jou soos jou eie snyerspakkie. Gestratifiseerde of verpersoonlikte medikasie, noem hulle dit. Die Britse Royal Pharmaceutical Society glo dit gaan die rol van dokters en die apteker ingrypend verander. Die dokter van die toekoms gaan jou genetiese profiel beskikbaar hê en ná sy diagnose kan hy net daar op sy rekenaar vasstel watter risiko’s jy loop, waarna hy op die uitkyk moet wees en watter pilletjie vir jou die doeltreffendste is. Dit sal hom in staat stel om gespesifiseerde medikasie vir jou te soek en nie meer voor die voet die een-grootte-pas-almal pille van die groot farmaseutiese maatskappye voor te skryf nie. Die apteker van die toekoms sal…

Aletta Olivier Ek was ’n onderwyseres en het geweet wat die leerplan behels toe my kinders op laerskool was. Ek was dus geneig om te veel te help. Aan die einde van my dogter se st. 3-jaar (graad 5), het sy saam met haar rapport vir my ’n briefie gegee: “Veels geluk! Mamma slaag st. 3 met 86%. Kan ek st. 4 alleen doen, asseblief?” Kinders wil eintlik selfstandig wees. Dit gee hulle selfvertroue en leer hulle om verantwoordelikheid te aanvaar. Ouers moet meer aanmoedig en erkenning gee, eerder as om die take en huiswerk te doen. Natuurlik kan ouers help en raad gee, maar te veel ouers kry 90% vir die kind se take. Dis beter vir die kind om 70% vir sy eie werk te kry en trots…

SOEK SOLANK ’N SONNIGE KOL WAT MINSTENS VYF UUR PER DAG SON KRY Die voordele van ’n eie groentetuin raak nie net jou sak nie. Lees jy ’n bietjie rond, sal jy sien dat grond wat met Effektiewe Mikro-organismes (EM) behandel is, soos met bokasji, ook jou gesondheid beïnvloed vanweë die kragtige, lewende mikro-organismes wat daarin voorkom. Daarbenewens is daar die ongelooflike voordele van probiotika in ’n spesifieke habitat wat dan die omliggende omgewing aktiveer, ook die plante wat daar groei en weer gesonde, voedsame brandstof aan diere en die menslike liggaam verskaf. (rooi rose, Julie 2016.) Begin beplan jou tuin deur ’n aansteekbord saam te stel met prentjies van elemente waarvan jy in jou kostuin sal hou. Soek solank ’n sonnige kol wat minstens vyf uur per dag son…

Jy kan een van dié spoggerige kookboeke wen as jy jou lekkerste, lafste of vrolikste kuier met ons in sowat honderd woorde deel. SKRYF SÓ IN: • Klik op die KUIERKOSFORUM by rooirose.co.za en beskryf jou kuier daar. NÓG ’N KANS! • Deel ’n foto van jou lekkerste kuier op rooi rose se facebook-blad en jy kan ’n kopie van Kuierkos wen. • Gebruik die hutsmerk #Kuierkos om in aanmerking te kom. • Ons gaan ook al ons gunsteling-kuierfoto’s op die rooi rose-webblad deel. • Kuierkos is vanaf Oktober verkrygbaar in boekwinkels landwyd en kos R330. BEPALINGS EN VOORWAARDES: Die spesiale aanbod geld tot 9 Oktober. Slegs een boek per persoon. SPESIALE AANBOD SLEGS VIR ‘ROOI ROSE’-LESERS BESTEL JOU KUIERKOS-KOOKBOEK VOORAF BY WWW.TAKEALOT.COM EN KRY 20%-AFSLAG. GEBRUIK DIÉ SPESIALE KODE WANNEER…

Jy het reg – jy het ramen as ‘two minute noodles’ leer ken Ramen is die nuwe geld,” het die koerantopskrif gelui. Ek kon nie ophou lees nie. Met die Suid-Afrikaanse rand as geldeenheid wat ’n immer ontwykende beweeglikheid soos kwiksilwer het, was ek geboei deur ramen as “nuwe geld”. As ruilmiddel is ramen van ’n onbesproke, bestendige aard en dit toon ’n voortdurende groei in ruilwaarde, lui die berig wat gegrond is op die doktorale proefskrif wat ene Michael Gibson-Light aan die Universiteit van Arizona gedoen het. Nadat hy met talle gevangenes en bewaarders gesprekke gevoer het, het hy bevind dat ramennoedels in Amerikaanse tronke tabak, koeverte en posseëls as die mees gesogte ruilmiddel vervang het. Mense se behoefte aan geur, voedingswaarde en warmte is deurslaggewend in die nuwe…

VIAN OELOFSEN Die lieflike sketse in die nuwe Liewe Heksie- boeke is die handewerk van Vian Oelofsen. Hoe werk die skrywer-illustreerder-proses? Dis vir my makliker en beter as die manuskrip/ teks klaar is wanneer ek met ’n boek begin. Ek werk selde direk met ’n skrywer - die uitgewer is altyd betrokke - en ek het gewoonlik vrye teuels om my in die illustrasieproses uit te leef. Dus: die skrywer vertel eers die storie en dan kry ek die geleentheid om die storie visueel op nog ’n vlak te vertel en my eie interpretasies en gevoelens in te werk. Dis soos ballroom dancing. Jy sit ’n bietjie flair en twirls en sparkle in sonder om op jou partner se tone te trap. Hoe besluit jy watter element jy gaan illustreer…

Bouwer Bosch is sekerlik een van ons veelsydigste kunstenaars. Die gewilde sanger en akteur is vandeesmaand te sien in sy nuwe rolprent, Sy klink soos Lente, waarvan hy ook die vervaardiger en musiekskrywer is. Was dit moeilik om die oorgang van musikant na akteur/rolprentvervaardiger te maak? Dit is beslis uitdagend om ’n nuwe skill te probeer aanleer. Ek het nog so baie om van toneelspel te leer. Dis belangrik om oopkop bly en by die bestes te leer. Ek het met die maak van die prent baie by Stiaan Smith geleer, veral wat spel en skryf betref. Ek dink die lekker deel van musiek maak en soms akteurwees is dat jy die geleentheid het om jou in verskillende mediums uit te druk. Met musiek sing jy jou eie lirieke en…

Working Mothers-ekspo The Working Mothersekspo, wat saam met MiWay Life aangebied word, stal alles uit wat werkende ma’s nodig het – boonop alles onder een dak. Vanaf 4 tot 6 November by die Sandtonse Konvensiesentrum. Ontmoet die seremoniemeesters, Elana Afrika en Claire Mawisa, by die Sprekershoekie. www.workingmothersexpo.com Kansa-tee Danksy die betrokkenheid van ons lesers het rooi rose met ons bekende KANSA-projek deur die jare ’n groter bewustheid van kanker geskep en broodnodige geld ingesamel. Die geleentheid het ontwikkel in ’n dag van musiek en ’n gekuier om die pragtige teetafels - om van die talle pryse nie eens te praat nie! Vanjaar kuier ons op 12 Oktober weer by die Saint George-hotel in Pretoria. Rozanne McKenzie is die seremoniemeester en ons sprekers is Madelein Rust, ook ’n kankerpasiënt, asook die…

Beskerming teen die son ’n Pragtige, gesonde vel sal nooit uit die mode gaan nie. Nou kan jy elke oomblik in die son geniet terwyl jy jou vel teen skadelike UVAen UVB-strale beskerm wat tot velkanker, velpigmentasie en plooie kan lei. Met meer as ’n eeu se kundigheid, asook goedkeuring van KANSA en ISO, kan jy gerus wees as jy jou vel met NIVEA Sun beskerm. Die NIVEA Sun-reeks sluit in Anti-Age Face Sun Cream SPF 50+, ’n ligte, nie-vetterige room wat jy onder jou grimering kan dra, Protect & Moisture Trigger Spray SPF 50+ wat die vel bevog en verfrissende Protect & Refresh Lotion SPF 50. 20 rooi rose-lesers kan elk ’n NIVEA Sun-geskenkpak ter waarde van R875 kry. Sleutelwoord: NIVEA-Sun ’n Kroon om op trots te wees Hask…

DIE OORSPESIALIS HET DIT BEVESTIG: ALICE IS GEHOORGESTREM. MAAR OP AGT KON SY DUITS EN ENGELS PRAAT EN LIPLEES, EN HET LATER OOK FRANS EN GRIEKS LEER PRAAT. SY WAS ’N BEDREWE LIPLESER EN MENSE HET SOMS TE LAAT BESEF HULLE MOES LIEWER AGTER BAKHANDE GEPRAAT HET Jy kan jou net indink hoe lekker daar agter adellike bakhande oor die doen en late van die pragtige prinses Alice geskinder is. Die stywelippies sou seker fluister dat klein Philip net so aan sy lot oorgelaat is, dalk dat haar man al weer aan die rinkink is. En het jy gehoor? Sy is in ’n inrigting. Stomme vrou. Dié prinses se tragiese lewe het dalk vir sappige skinderstories gesorg. Maar een ding staan vas: Alice was ondanks báie terugslae tog sterk genoeg…

WEN Gee jou mening en WEN Waar is ’n Desembervakansie op sy lekkerste? By die see of by die huis? Gee jou mening en jy kan een van vyf Melissageskenkbewyse van R1 000 elk wen. WEN juwele! As jy net in een perfekte, nuwe stuk vir die somer wil belê, maak dit juwele uit Georgini se nuwe Seratajuweelreeks. Gaan kyk net eers gou by rooirose. co.za  en skryf in, want jy kan dalk die wenner van een van twee hangertjies van R4 000 elk wees. Borskanker Oktober is Borskankermaand. Ons kankergids takel alles wat met die siekte verband hou, van kosmetiese tatoeëring en skoonheidsraad tot ekstra wenke oor die kankerdieet. Zetske agter die SKERMS Ons voorbladvrou, Zetske van Pletzen, se ooievaarstee…

‘DIS VIR MY DIE HEEL LEKKERSTE OM HOM TE VOEL BEWEEG – HY IS NOGAL BESIG!’ PRODUKSIE: HANNELIE DIEDERICKS; STILERING: RIAAN HULLEY; HARE & GRIMERING: ADELLE JUNG MET MAKE UP FOR EVER; PRODUKSIE-ASSISTENT: MELISSA-JADE MYBURGH; NAELS: SORBET Ek hou haar ongemerk dop. Gedurende ons onderhoud is Zetske van Pletzen se hande heeltyd beskermend om haar swanger magie gevou. Af en toe vryf sy ingedagte daaroor, haar gesig die ene verwondering oor die geskop van haar ongebore babaseuntjie. Dit lyk nie asof sy eens bewus is daarvan dat sy dit doen nie, en dis duidelik dat sy heeltemal bekoor is deur die nuwe lewetjie wat aan die begin van Oktober sy opwagting moet maak. “Dis vir my die heel lekkerste om hom te voel beweeg – hy is nogal besig,” vertel…

‘Dis ’n baie romantiese reeks, maar dis nie al wat daarin steek nie. Dis baie ongewoon’ Waar het jy grootgeword? Hoe was jou kinderjare? Ek is op Dumfries & Galloway in die suidweste van Skotland gebore. My kleintyd was idillies - grootgeword in gerestoureerde stalle op die terrein van ’n ou kasteel langs ’n meer. Ek dink dis waar my passie vir toneelspeel vandaan kom. Ek het altyd met ’n pyl en boog gespeel. Op twaalf het ek en my ma Edinburg toe getrek waar ek by die dramaskool in Glasgow, The Royal Scottish Academy, ingeskryf is. Daarna het ek ter wille van my loopbaan twaalf jaar lank in Londen en Los Angeles gebly. Dis wonderlik om nou in Skotland te kan werk. Wanneer het jy geweet dat jy ’n…

Die naam Deon Meyer is ’n handelsmerk wat tot in Europa, Skandinawië en Amerika bekend is Hy kan presies onthou wanneer en waar hy besluit het dat hy ook eendag stories wil skryf. Deon Meyer was tien, dalk elf jaar oud, toe hy met sy stapeltjie boeke op die muurtjie voor die Klerksdorpse biblioteek vir sy ma sit en wag het en besef het hy wil ook eendag mense met sy stories vermaak. “My ma was versot op boeke – sy het veral graag Engels gelees. Ek en my twee broers is aangemoedig om te lees en sy het ons elke week biblioteek toe geneem vir nuwe boeke. Ek het reeds van jongs af Engels ook gelees.” Op 14 het hy sy eerste “boek” geskryf. Sy broers, wat dit teen…

Ná byna ses jaar van harde werk en groot opofferings is Leah die musieksensasie van 2016 Ná haar regsgraad het sy besluit om voorlopig nie verder in die regte te studeer nie, maar eerder haar kanse op die verhoog te waag en vir ’n diploma in musiekteater aan die Waterfront-teaterskool in Kaapstad ingeskryf. Drie jaar lank het sy gesing, gedans en toneel gespeel onder die streng en wakende oog van onder meer Delia Sainsbury, medestigter van die teaterskool. Ballet, moderne jazz, klopdanse, sang- en dramaklasse, opleiding in TV-aanbieding, die teorie en praktyk van musiekteater ... Sy rits die vakke af waaruit die grootste deel van elke dag bestaan het. “Dit was rof, hoor! Ons kursus het baie praktiese klasse behels eah se debuutalbum, Wonderwerk, is eers verlede jaar uitgereik, maar…

‘Die rooikoppie het tans meer as seshonderd en vyftigduisend aanhangers wêreldwyd. En die getal bly groei’ Sommer nou die dag nog was die 19-jarige Madeline Stuart, of Maddie soos sy genoem word, ’n oorgewig tiener. Deesdae stap dié Australiese meisie die internasionale loopplanke plat al is sy ’n downsindroomlyer. Haar ma, Rosanne (44), is die wind onder Maddie se vlerke. Van die dag dat Maddie gebore is, was Rosanne onvoorwaardelik daar vir haar. Die familie het nie juis omgegee wat van Maddie word nie, en dit het Rosanne net meer vasbeslote gemaak om die beste vir haar dogtertjie te gee. “Dis ek en Maddie teen die wêreld,” sê Rosanne, en gee Maddie se hand ’n drukkie. Sy het nie voor Maddie se geboorte geweet die kindjie het Down se sindroom…

Die skryf van liedjies en gedigte is ’n gawe waarvoor sy dankbaar is. Dit is genesend. “Ek skryf ’n liedjie soos ‘Citizen’ in een sessie klaar as hy vloei. Soms kom die woorde eerste en dan die musiek. Dis ’n magical ding. Daar is nie ’n formule nie. Ek sien ’n beeld soos ’n straatkind met ’n wit gesig wat in die motors se ligte dans en dan skryf ek daaroor. ’n Oomblik ... ” Sy het ’n aanleg en voorliefde vir tale en kan onder meer Frans vlot praat. Sy sing ook in Italiaans, Nederlands en Vlaams. “Vir my kom musiek en woorde altyd saam en het ’n ritme. Ek moet dit kan voel. Dit is ’n sielsding en nie ’n analitiese ding nie. Die liedjie ‘Divided Heart’ het…

As student – hy het grade in die regte en teologie - was hy drie jaar agtereenvolgens die voorsitter van die PUKstudenteraad en ’n jaar lank nasionale president van die Afrikaanse Studentebond. Hy het in sy dienspligtyd ’n meestersgraad in teologie voltooi en as jong predikant in Pretoria sy doktorsgraad. Die onderwerp - “Staat, geregtigheid en rasseklassifikasie” – was dapper as jy in ag neem dit was die onstuimige jare tagtig, ’n tyd van noodtoestande in die townships en ’n apartheidsregering wat verbete aan wit oorheersing klou. Toe doen hy as predikant boonop die ondenkbare en gaan Dakar toe om saam met ’n groep Afrikaanses onder leiding van Van Zyl Slabbert informele gesprekke met die ANC te voer. Die druk wat daarop gevolg het, het hom uiteindelik laat besluit om…

GROEN oë en vingerpunte Ons sê ja vir hierdie soort naelkuns! Die moderne oogomlyner word in ’n sterk, reguit lyn getrek en beslis nie met katoogopwiplyne soos vroeër nie. Vir die nuwe Franse manikuur gebruik jy nou net ’n natuurlike kleur pleks van pienk en vervang die wit punte deur enige kleur van jou keuse. GROEN is groot Karen Millen se Lente/ Somer 2016-reeks is dinamies, speels, veelsydig en onbeskaamd vroulik. Klem word gelê op uniekheid en persoonlike styl. Hierdie groen lyk soos Pantone se ‘Green Flash’. Die kleur is simbolies van uniekheid en die onverwagte…

‘Enigiets is moontlik met sonskyn en ’n bietjie pienk’ - Lilly Pulitzer…

Trek die aandag weg van jou borste met aksente soos ’n hoedjie, sterk brilraam of ’n bypassende serp om jou skouers Tuitjies. So noem André Brink tepels in Vlam in die Sneeu, die versameling van sy en Ingrid Jonker se liefdesbriewe. Poëties en soveel mooier. Mooi vóél is juis so belangrik vir ons ná al die trauma en verwonding van borskanker op soveel vlakke van vrou-wees. “Die diepste, gelukkigste oomblikke van my lewe is die heelheid wat oor ’n vrou se gesig kom as sy haar nuwe tatoeëertepels het. Sy glimlag ánders. Tevrede. Dalk is dit net ek wat so dink?” Tanya Swiegers-Loots se oë blink van passie vir haar nuwe werk. Sy is ’n suksesvolle kunstenaar met werke in bekende galerye. Of wás, want sy het dit verruil vir…

Carene Malan My werk bestaan maar meestal uit e-posse en oproepe wat my baie afhanklik van tegnologie maak, van drukkers en skandeerders tot selfone, die Internet en rekenaars. Ons televisie het aan die begin van die jaar gebreek en al het die versekering uitbetaal, het ons besluit om nie weer ’n TV te koop nie. Dis vir ons belangrik om in die aande gesinstyd te hê. Ons steek in die winter die kaggel aan, speel met die kinders op die mat, bou blokkies en legkaarte, lees boeke en geniet dit om vry te wees van skerms en tegnologie. Dit laat ’n mens vry en lig voel en doen ons verhoudings, kommunikasie en huwelik goed. Ons kan dit vir enigeen aanbeveel ... Die gebreekte TV was toe ’n bedekte seën. Jenny…

PAMPOENKAASKOEKIES MAAK 10 Hierdie sout kaaskoekies is ’n heerlike voorgereg by ’n aansitete of happies by ’n vingerete. KORS • 200 g soutbeskuitjies, fyn gemaal • 200 g geroosterde amandels, fyn gemaal • 130 g gesmelte botter • sout en gemaalde swartpeper • 250 ml mascarponekaas • 125 ml gladde volroommaaskaas • 500 ml gaar pampoenpuree • 3 eiers • 10 g meel • ertjiespruite en sagte kruieblare, vir garnering 1 Voorverhit die oond tot 160 °C. 2 Spuit twee diep muffinpanne met kleefwerende kossproei en voer met bakpapier uit. Maak seker dat die papier oor die kante steek sodat jy die koekies maklik kan uittel. 3 Meng die beskuitjiekrummels, amandels en botter en geur met sout en peper. 4 Druk die mengsel op die boom en teen die kante…

GEVULDE HOENDER MET GALBANI MOZZARELLA, BASILIEKRUID EN SONDROËTAMATIES GENOEG VIR 4 MENSE 4 groot, ontbeende hoenderborsies, met die vel sout en swartpeper 250 g Galbani Mozzarella, in dik skywe gesny 100 g sondroëtamaties hand vol basiliekruidblare 30 g botter 30 ml (2 e) olyfolie 1 Verhit die oond tot 200 °C. 2 Sny die hoenderborsie aan die sykant oop sodat dit oopgevlek is, maar moenie deursny nie. 3 Geur met sout en swartpeper. Sit drie skywe Galbani Mozzarella op elke oopgevlekte hoenderbors, gevolg deur die sondroëtamaties en basiliekruidblare. 4 Verhit die botter en olyfolie in ’n pan oor matige hitte. Braai die hoenderborsies velkant na onder tot goudbruin. Sit die borsies in die oond en bak vir nog 15 min. of tot gaar. 5 Sit warm voor met geroosterde baba-stingeltamaties.…

Onderste BOOM Kremetartbome het hul eie bekoring. Baobabs of the World: the upside-down trees of Madagascar, Africa and Australia deur Andry Petignat en Louise Jasper is ’n gids met die móóiste foto’s. Een kyk, en jy kry sommer lus om hierdie bome in hul verskillende omgewings te gaan ontmoet. Die boek bevat interessante gegewens oor die lewensgeskiedenis van kremetartbome, die agt kremetartspesies en die rol daarvan in die lewe van mense. www.penguinrandomhouse.co.za (uitgewersprys R230). Alles wat BLOM Moenie die Kaapstadse Blommeskou van Donderdag 27 tot Sondag 30 Oktober by die Kasteel de Goede Hoop mis-loop nie. Elke jaar snoer dié skou alles saam wat met tuine en tuin maak, die jongste neigings en ontwerpe, asook skoonheid en volhoubaarheid te make het. Kom vier sommer ook die plaaslike kos, kultuur en gemeenskap.…

Nedine en Jawaahier se ghoemamusiek loop soos koesisterstroop oor jou ken. Uitgevat in kostuums wat jou aan die jare vyftig laat dink, neem hulle jou op ’n reis met pynlik eerlike lirieke van hoe die slawekultuur en Kaapse Maleierliedjies, tradisionele Afrikaanse musiek, moppies en piekniekliedjies saam in ’n Afrikaanse musiekkultuur ontwikkel het. Hulle het al gehore by Aardklop, die KKNK, Suidoosterfees, US Woordfees en die Cederbergfees met musiek, humor en kwinkslae vermaak. Liedjies soos “Daar kom die Alibama”, “Bobbejaan klim die berg”, “Rietjie in die water”, “Boomstraat,” “Beestepote” en “Ons is vannie Kaap” (Taliep Petersen), fokus op Afrikaanse en Suid-Afrikaanse diversiteit. Joernalis Bun Booyens het op ’n keer die groep in ’n e-pos gekomplimenteer: “Die klank van die Bokkies kon nêrens elders in die wêreld geskep word as in die…

Ons vra vrae oor kuns om aan te sluit by Vian se illustrasies. As jou boekklub al die vrae reg beantwoord en getrek word, kry julle al die boeke wat in “Rooiwarm” bespreek word, geskenk deur Graffiti. Stuur jul antwoorde na roneln@caxton.co.za met “Oktober-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit… Vrae 1 Wie het Alice in Wonderland eerste geïllustreer? 2 Wie het die geïllustreerde boek Die Klein Prinsie (Le Petit Prince) geskryf? 3 Watter SA kinderboekskrywer en -illustreerder is ook ’n sanger en akademikus? 4 Wat word Japannese strokiesboeke genoem? 5 Wie het Beatrix Potter se boeke geïllustreer? September-antwoorde 1 Wat is die volle gesegde oor “die oog van ’n naald”? Dit…

Dit is nou eenmaal onmoontlik om terug te gaan en weer te begin lewe, maar jy kan vandag nog veranderinge aan jou lewe aanbring Namate ’n rekenaar ouer word, draai die wêreld mos stadiger vir hom. Dis wat onlangs met myne gebeur het. Alles wat die liewe ou masjien gedoen het, het gesukkel: aanskakel, afskakel, vensters oopmaak, vensters toemaak. Om alles te kroon het die een of ander vreeslike skanderingsproses soms op die agtergrond aan die werk gespring. Niks wat ek gestel het, het gehelp nie. Stadig was die rekenaar. Stadig. Daar was uiteindelik net een raad: Vee alles van die hardeskyf af en begin van voor af. Dis nogal ’n vreeslike proses om ’n rekenaar te formateer. Jy moet so twee frustrerende dae opsy sit en baie koffie en…

OOR ORE OOR – die woordeboek sê dis ’n sintuig van die gehoor. Kleintyd het ek gehoor van “klein muisies met groot ore” en “Husse met lang ore” en ek wonder steeds hoe maak ’n mens ’n knoop in jou oor. As ek vergeet het om my ore te was, moes ek hoor van mielies of boontjies in my ore plant. By die skool het juffrou gesê haar “ore tuit” as ons almal gelyk wou praat. Ons is dikwels die ene ore – dis mos lekker om na skinderstories te luister. Maar wanneer ons regtig moet “hoor” gaan dit dikwels by die een oor in en by die ander oor uit … “Wie ore het om te hoor, laat hom hoor,” hoor ek steeds my kleintyddominee in die hoë toring-kerkgebou…

1 Hoe voel jy daaroor om pa te word? Baie opgewonde, maar ook lekker op my senuwees vir die onbekende wat voorlê! Ek sien uit na al die nuwe avonture. Ek is so ’n bietjie benoud oor die vuil doeke (lag). 2 Watter soort pa wil jy wees? Ek wil ’n fun pa wees en ’n goeie vriend vir my seun. En ek wil vir hom ’n goeie voorbeeld stel. Ek wil kan jammer sê wanneer dit nodig is, kan raas wanneer ek moet, maar ook kan troos. 3 Waarna sien jy die meeste uit? Om sy lyfie vir die eerste keer vas te hou en in sy ogies te kyk! Maar eintlik sien ek uit na die hele reis saam met hom, om te sien hoe hy grootword, en…

Sam Heughan het die DNS van ’n hartebreker: lank, gespierd, aantreklik ... Die Skotse akteur staan 1,89 m in sy sokkies en is nou gewoond daaraan om ’n sekssimbool te wees. Sam speel die rol van Jamie Fraser in Outlander, die TV-reeks wat op Diana Gabaldon se suksesvolle reeks boeke gegrond is. Toe ek hom die eerste keer in 2015 ontmoet het, was hy baie ongeërg oor die gewildheid van die reeks ná net een seisoen. Dit gaan vir hom oor die werk en hy was onbewus van die herrie wat op die Internet losgebars het nadat hy in ’n kilt by die Outlander-première opgedaag het. ’n Paar maande later was ek gelukkig genoeg om by ’n ete op ’n Skotse landgoed tussen hom en Caitriona Balfe, sy medespeler, te…

Deon se eerste werk was dié van joernalis by Volksblad, en daarna was hy onder meer finansiële joernalis, kopieskrywer en handelsmerkstrateeg. Hy het al ’n hele paar draaiboeke geskryf wat gegrond is op van sy vroeëre kortverhale, onder meer Jakhalsdans, Die Ballade van Robbie de Wee en Die Laaste Tango, waarvan hy ook die vervaardiger was. Terwyl hy met Koors besig was, het hy nog twee draaiboeke voltooi en een, Jagveld, is reeds verfilm. Hy beskryf dit as die eerste volwaardige spanningsfliek in Afrikaans. Deon het ook die draaiboeke vir twee televisiereekse geskryf: Orion (gegrond op sy gelyknamige roman) en Transito. Die rolprentregte van 13 Uur is reeds aan ’n oorsese vervaardiger verkoop, en daar is sprake dat van sy ander romans ook verfilm sal word.…

‘My ma was ’n enkelouer, en ek kom glad nie uit ’n ryk gesin nie. Ek moes vroeg al uitspring om my eie sakgeld te verdien’ Marnus Broodryk (31) beskryf homself as ’n “regte Afrikaanse seun van die Vrystaat”. Dié Gautengse miljoenêrentrepreneur se benadering tot die lewe is verfrissend en inspirerend, en gebore uit ’n kombinasie van swaarkry, vasberadenheid en baie harde werk. “My ma - die heldin van my lewe - was ’n enkelouer, en ek kom glad nie uit ’n ryk gesin nie. Ek moes vroeg al uitspring om my eie sakgeld te verdien.” Sy skool het kinders se rapporte teruggehou as hul skoolfonds nie betaal is nie, en Marnus het nie vir die vernedering kans gesien nie. “Ek moes maar maniere kry om my eie skoolfonds te…

Maddie en Rosanne is in Afrika op uitnodiging van KultureCity, ’n nie-winsgewende organisasie wat hom vir outisme beywer. Maddie-hulle gaan ook vir tien dae deur Uganda reis en onder meer kinderhuise besoek. Die kuier word afgesluit met ’n modeparade waarop plaaslike ontwerpers se klere vertoon sal word en Rosanne ’n bewusmakingspraatjie oor mense met gestremdhede sal lewer. Maddie is ’n goeie danser en ambassadeur van die Inside Outside-dans-en-teaterskool. Sy het in Julie in Londen by Culture Device opgetree waar sy die skool verteenwoordig het. Die instelling werk met mense met probleme soos dementia en lei mense op om as professionele dansers op te tree. Die nie-winsgewende skool is van skenkings afhanklik. Kyk by www.gofundme.com/k22cw8ny. Meer inligting oor Maddie by www.facebook.com/ madelinesmodelling.…

andice Swanepoel het op ’n bees-en melkplaas naby Mooirivier in KwaZulu-Natal grootgeword. “Van my mooiste kindertydherinneringe is hoe ek en my boetie op ons plaas gespeel en in die bos en tuin geleef en gedroom het. Ons was blootgestel aan soveel verskillende diere, insekte en plante.” Sy verlang ook na die safari’s en haar familie, biltong en die sonsondergange. “Ek hoop my seuntjie het ook die kans om die natuur, unieke skoonheid en ryk kulture van Afrika te ervaar.” Die bekende model se besonderse skoonheid is op ’n vlooimark, van alle plekke, “ontdek”. Sy was toe 15 en ’n leerling aan die meisieskool St. Anne’s College. Op 16 het sy meer en meer modelwerk in Europa begin doen en ná twee jaar is sy New York toe waar die bekende…

Die RVB Skinlab se Perfection 30 days Anti-Oxidantstelsel bevat ’n hoë konsentrasie aktiewe bestanddele wat dieselfde uitwerking as ’n 30 dae lange skokbehandeling op jou vel het en jou veltoon, pigmentasie, plooie en oneweredige velkleur verbeter. Die behandeling bestaan uit drie hoogs gekonsentreerde fases wat gesamentlik optimale resultate verseker: ’n fermer, gladder en meer eweredige, helder veltoon. Astaxantin werk die skadelike uitwerking van vrye radikale teë en beskerm jou sellulêre DNS. Dit streel en beskerm ook ’n rooi, geïrriteerde vel en herstel die vel se beskermingslagie sodat jou vel goed gehidreer is. Biotin aktiveer die vel se belangrikste funksies, stimuleer selmetabolisme en verminder die tekens van moegheid en stres. Biotin stimuleer ook die vel se ondersteuningstrukture (kollageen en elastien) wat die vel fermer en gladder maak. Vitamien C stimuleer die…

Skakerings van BLOND “Ysblond” noem Wella hierdie interessante blonde skakering. ’n Eenkleurige haarstyl is uit en volgens die jongste neiging word daar nou ’n paar skakerings van dieselfde kleur gebruik wat so goed gemeng is dat dit skaars sigbaar is en baie natuurlik lyk. Die haarwortels is ’n bietjie donkerder en die punte ligter. Die styl het ’n effense sewentigsgevoel met ’n lang kuif en sagte lae wat informeel en natuurlik lyk. WIT en goud Essie se naelkunstenaar het met hierdie wit-en-goue naels by Baja East se herfsvertoning in New York vorendag gekom. Kyk mooi en jy sal sien dit lyk of die goue strepies die letters BE vorm om Baja East se nuwe logo te wys maar dis ook ’n mooi ontwerp wat ons inspireer om soortgelyke strepies en…

Eens het Britse Indiese soldate hul broeke in tee, kerrie of modder geweek om met die omgewing saam te smelt.Die kleur is ‘kakie’ genoem…

Al wat jy moet vrees, is om jou borsondersoek te vergeet Die GOEIE SYFERS Soms moet jy net die gegewens onderstebo bekyk om te sien hoe volop die goeie nuus is. Volgens ons Nasionale Kankerregister se jongste syfers (2012) is Suid-Afrika se leeftydrisiko 1/15 vir wit vroue, 1/21 vir bruin vroue en 1/20 vir Indiërvroue. Vir swart vroue is dit 1/53. Dus sal 94 tot 95 uit elke 100 van ons tipiese lesers nóóit borskanker kry nie. • 89% van vroue wat borskanker kry, is vyf jaar later steeds met ons. Dus: jy kán oorleef. • Byna net soveel – 83% – haal die tienjaarmylpaal. • Meer as drie kwart (78%) is 15 jaar later nog hier, met ’n normale lewe. • 84% van vroue met herseptien-positiewe kanker oorleef tien…

Daar is nie iets soos dom vrae oor borskanker nie Groensap • Groen groentes soos spinasie, broccoli, roketblare en krulkool is propvol antioksidante, vitamiene en minerale wat jy nodig het om kanker te beveg. Verpulp die groente saam met ’n appel en een geurende krui soos seldery, kruisement, tiemie of basilie in ’n voedselverwerker en verdun met sodawater. Drink die groentevesels met die sap as jy met hardlywigheid sukkel. As jou terapie jou na diarree laat neig, gooi die versapte groente deur ’n sif om die vesel en sap te skei. Smoothies • Gebruik suikervrye, ongegeurde jogurt of amandelmelk. Drink as maaltydvervanger of tussen maaltye om gewig aan te sit. Meng 250 ml (1 k) volroomjogurt met 1 avokado, ’n hand vol bessies en ’n hand vol spinasieblare. Verdun met…

Ouers moet oppas om nie vir kinders te doen wat hulle op hul eie kan regkry nie Ouers wat aandag aan ’n kind se huiswerk gee, kan werklik ’n invloed op sy welslae op skool hê. En hoewel daar baie ouers is wat alles in die stryd werp om die kalante sover te kry om hul werk te doen van mooipraat, raas, smeek en verduidelik tot straf en belonings, bly dit desondanks ’n gestoei. Skoolsukses is belangrik, want kinders wat goed doen, is gelukkiger, het meer selfvertroue, geesdrif en toekomsmoontlikhede. Skoolwerk is ’n kind se wérk en berei hom op sy beroepslewe voor. Wanneer kinders hul werk geniet, doen hulle goed. Maar wanneer dit nie goed gaan nie, kan hulle nie soos volwassenes van werk verander nie. Hulle sukkel maar…

‘’n Verhouding is ’n spansport, nie ’n individuele vertoning nie’ MENSE SAL SOMS MET DIE EERSTE DIE BESTE PERSOON ’N VERHOUDING AANKNOOP NET OM NIE ALLEEN TE WEES NIE Ja, daar is redes hoekom sekere mense moeiliker ’n pasmaat kry as ander, sê die kenners. Maar is daar ’n bloudruk met duidelike aanwysings wat jy kan volg? Helaas, nee, maar jy kan wel ’n paar sondes uitskakel. 1 NOOIT DIE REGTE TYD NIE Dr. Helgo Schomer, die vrolike sielkundige op 702-radiostasie, noem dit die “Wanneer ek-sindroom”. Wanneer ek eendag gewig verloor het; wanneer ek minder spanning by die werk het; wanneer, wanneer ... “Dis die dodelikste sindroom vir enkellopers. As jy heeltyd voorwaardes het oor wanneer jy reg gaan wees om mense te ontmoet, maak jy dit bitter moeilik,…

Lucy (38) is besonder aantreklik, haar gelaatstrekke eweredig. ’n Hele paar koppe draai toe sy ligvoets by die restaurant instap. Net soms wanneer die lig op ’n sekere manier op haar gesig val, sien jy geringe littekens. Nege jaar gelede was sy in ’n donker gat. Ná haar Amerikaanse veghond (pit bull terrier) haar aangeval het, het sy drie maande lank in haar huis weggekruip. Dit was te pynlik wanneer mense na haar gestaar het. Die nimmereindigende verduidelikings het haar uitgeput. Sy wou nie nuwe mense ontmoet nie en het soos ’n kluisenaar begin leef. Net soos haar gesig, was haar selfvertroue ook aan flarde. Waar eens ’n neus was, was nou net ’n gapende wond. Dit sou jare duur voordat sy weer naastenby sosiaal aanvaarbaar sou lyk. Hoe op…

“Freud, my African Grey-papegaai, is byna twaalf jaar oud en leer my elke dag iets nuuts (en ja, ook nuwe kombinasies van woorde!) Wanneer hy die geringste kans kry, probeer hy my voer terwyl hy steunerige tjankgeluidjies maak. Die toewyding en geduld wat hy hiermee aan die dag lê, is verstommend. ’n Bietjie navorsing wys toe wat ek vermoed: dis sy manier om vir my te wys ek is ‘sy’ mens, want dis presies hoe papegaaie hul kleintjies voer. Broeipare voer mekaar ook as ’n teken van omgee.” BRONNE www.nationalgeographic.com; www.independent.co.uk http://www.african-grey-parrot.com…

GESONDE SLAAI MET KRAKERIGE SAADBESKUITJIES Genoeg vir 4 SAADBESKUITJIES 250 g sonneblom-, pampoen- en sesamsade, gemeng 35 g lynsaad 100 g koekmeel 2,5 ml (½ t) bakpoeier 2,5 ml (½ t) sout 45 g Flora Regular 80 ml melk SLAAI 200 g gaar broccolini 250 g kersietamaties, middeldeur gesny 1 klein komkommer, in linte geskil 100 g slaaiblare SLAAISOUS 15 ml (1 e) heelkorrelmosterd 15 ml (1 e) witwynasyn 5 ml (1 t) heuning 50 g sonneblom-, pampoen- sesam- en lynsade, gemeng en ruweg gekap 125 ml (½ k) Flora-sonneblomolie sout en peper 1 Verhit die oond tot 160 °C. 2 Verwerk die saadmengsel, lynsaad, koekmeel, bakpoeier, sout en Flora in ’n voedselverwerker tot krummelrig. Voeg ’n bietjie van die melk by en verwerk totdat dit ’n werkbare deeg vorm.…

VIR DIE SUIKER TANDE   Darling Sweet se mooi, handgemaakte lekkers trek altyd my oog. Ons gebruik hul toffiesmere tussen lae sponskoek of tussen brosbroodkoekies, maar jy kan dit natuurlik nét so uit die botteltjie verorber as die lus jou beetpak! Wees ook op die uitkyk na ander smullekker produkte soos die heuning-ensout-toffies en die rooiwyn-en-sjokoladetoffies. Die 200 gtoffiesmeer kos tussen R55-R65 per botteltjie. Koop dit aanlyn by shop.kamersvol.com en www.darlingsweet.co.za MONSTERAGTIGE MELKSKOMMELS Die monsteragtige melkskommels is die eerste keer in Australië gewaar en nou is dit wêreldwyd ’n gier. Die idee is om die melkskommel so luuks en ryk moontlik te maak en met lekkernye soos donuts, koekies, sjokolade, vrugte, geklopte room en vele meer te oorlaai. Jy kan aan só ’n monster gaan smul by Craft in Parkhurst,…

Mevrou, kan ons help?” Drie jong gesigte lag vrolik op na Magriet. ’n Mens sou sweer hul eie ma’s verloor elke tweede dag hul motors op al wat ’n parkeerterrein is. Maar ook ’n enkelvrou in die greep van die menopouse het nog haar trots. Sy probeer die gloed in haar nek ignoreer, vat haar handsak stewig vas en glimlag verbete. “Nee wat, dankie, daar’s nie probleme nie.” Wel, ’n mens kan dit seker so stel. Dat sy nie kan onthou waar sy parkeer het nie, is immers nie ’n probleem nie. Dis ’n ongeluk wat ’n plek soek om te gebeur, aangesien dit fluks besig is om ’n gewoonte te word. Hoe gaan sy weet wanneer haar karretjie die dag gesteel is en nie bloot vergete nie? Stel jou…

SWARTVAL Martin Steyn (Lapa) Martin Steyn het 2015 se ATKV Woordveertjie vir Spanningslektuur gewen, en in 2016 sommer wéér so gemaak – die derde keer dat ’n skrywer dié gesogte prys twee jaar agtereenvolgens wen. En pas het nog ’n boek uit sy pen die lig gesien. Swartval is anders in die sin dat dit nie doodreguit ’n riller is nie. Claire Winters word in ’n sementsel gevange gehou deur, dink sy, die een wat die blomme op haar kar gelos het. Dié keer gee hy nie, dié keer wil hy vat. Vir háár. Haar hoop is dat haar broer, ’n speurder, dalk sal kom om haar te red – hy weet immers wie die man is wat haar ontvoer het. Steyn voer ’n kragtoer uit deur in die prooi…

SY KLINK SOOS LENTE Wat sou jy doen as jy die meisie van jou drome ontmoet en weet jy’s nie goed genoeg vir haar nie? Jy jok! Ben (Stiaan Smith), ’n selfvoldane werktuigkundige, ontmoet Linda (Amalia Uys), ’n beeldskone, nie-op-die-mond-gevalle ouditeur een aand in ’n kroeg. Hulle gesels en daar is dadelik vonke maar toe Linda vra wat hy doen, jok hy en sê hy is die hoofsanger in ’n band, want Linda is nie net buite sy liga nie, haar pa is sy baas. Linda hou dadelik van die sjarmante muso, en Ben moet ’n band begin om sy leuen te verbloem en die meisie van sy drome se hart te wen. GIRL ON A TRAIN Die Paula Hawkins-boek was ’n reusetreffer en die fliek met sy uitstekende rolverdeling…

STRANGER TO STRANGER – PAUL SIMON. DIE ANDER HELFTE VAN SIMON & GARFUNKEL BLY MAAR EEN VAN DIE BESTE LIEDJIESKRYWERS. HY HET AANHOU ONTWIKKEL EN NIE VASGEVAL IN ALLES WAT HOM VIER DEKADES GELEDE REEDS GEWILD GEMAAK HET NIE. SOWAT VAN BEELDENDE KLANK EN SKONE LIRIEKE HET EK LANK LAAS GEHOOR. TOT DUSVER MY TOP-CD VAN 2016. YOU WANT IT DARKER – LEONARD COHEN. DIÉ COHEN-ALBUM IS ’N TERUGBLIK OP ’N LEWE VOL UNIEKE ERVARINGS, VOL PATOS, INSIGTE EN WYSHEID. DIE 82-JARIGE IKON EN SKRYWER VAN DIE ONVERGEETLIKE “HALLELUJAH” SE JONGSTE BEVAT NOSTALGIESE EN MAGIESE LIEDJIES EN WORD REEDS “’N MEESTERSTUK” EN “KLASSIEK” GENOEM. BESONDERS. ENCORE UN SOIR – CÉLINE DION. DIE IMMERGEWILDE DION SE JONGSTE ALBUM IS ’N HULDEBLYK AAN DIE LEWE VAN EN…

@home 0860 576 576 AAKS Maison Mara 021 418 1600, maisonmara.co.za Aldo 011 884 4141 Belgotex 033 897 7500 Chanel 011 325 1000 Coricraft 011 611 8700, 021 508 5200 Espadril espadril.co.za ghd ghdhair.com/za H&M 0860 690 707 Halo Maternity Collection van Zetske zetske.co.za Hemma 021 905 0136, 082 8871548 Kamers kamersvol.com, shop.kamersvol.com Krone tweejongegezellen.co.za Linen House 021 552 1505 Monoshop monoshop.co.za Mr. Price Home 0800 212 535 Pylones pylones-sa.co.za Raymond Weil, Picot & Moss 011 669 0500 Sorbet sorbet.co.za Spiro’s Mica Hardware 021 976 3110 Swarovski Swarovski.com/boutiquefinder Tally Weijl 011 682 1409 Tik-Lee 011 884 0019 To The Moon And Back moonandback.co.za Typo 021 914 5486 Weylandts 0860 103 400 White Sparrow whitesparrow.org Woolworths 0860 022 002 YDE 011…