Innholdsfortegnelse for Julie 2016 i Rooi Rose

DAAR IS soveel dinge wat ek al in die loop van my lewe gebreek het, beslis te veel om te tel ... Baie van my gunsteling-besittings het ook al bes gegee onder normale verslyting, óf weens ongeërgdheid van ander, of ekself, óf per blote ongeluk. Feit bly, dinge breek en ’n mens vee die stukkies bymekaar en beweeg aan. Dis wanneer die woord “broos” skielik eendag op een van jou geliefdes van toe-passing word dat die ware betekenis daarvan jou skielik met ’n skok tref. Rondom jou word jy en ander naastes en selfs vreemdelinge meteens of gaandeweg daarvan bewus dat iemand naby jou bitter breekbaar geword het. Alles anders vervaag rondom so ’n bewustelikheid, en jy fokus met ’n verskriklike intensiteit op daardie geliefde wat gaandeweg of selfs skielik,…

• Mooiloop! Elma bied saam met Denvor Phokaners die SABC2-reisprogram Mooiloop! aan. “Ons verken Suid-Afrikaanse dorpies en ontmoet die interessantste mense. Ons skiet ’n paar dae aan een program en moet vir kontinuïteit dieselfde uitrusting dra. Ons moet kilometers ver stap en natuurlik sweet ons! My hare is ook ’n uitdaging – as dit reën, krul dit binne drie sekondes. En die volgende dag krul dit glad nie. Gelukkig is dit ’n program sonder pretensie en ons neem onsself en ons hare nie te ernstig op nie.” Maandae om 19.30. • Semi’naar’: die Masker maak die Mens Elma se tweede eenvroustuk is ’n komiese satire wat fyn met die motiveringsbedryf spot. “Ek speel die rol van Joeliehen Trimmelman, wat ’n passie vir koekbak het en toe gesigmaskers begin maak. Ek…

•  Mark Alan Ruffalo is op 22 November 1967 gebore. Hy het twee susters, Tania en Nicole, en ’n broer, Scott, wat in 2008 doodgeskiet is. Hulle is almal haarkappers (nes hul ma). •  Hy is disleksies. •  In 2002 het hy ’n breingewas gehad wat suksesvol verwyder is, maar ’n deel van sy gesig was ’n lank ruk verlam. Hy het glo meer as agt honderd oudisies gedoen voor hy uiteindelik sy eerste groot rolle gekry het, soos Rumor has it ... met Jennifer Aniston en Kevin Costner. Hy is in 2000 met die aktrise Sunrise Coigney getroud en hulle het drie kinders - Keen, Bella Noche en Odette. Mark was onlangs in die bekroonde drama Spotlight te sien. Mark is ’n uitgesproke eko-aktivis en het organisasies gestig, Water…

‘Ek was op ’n reis wat sowel ongelooflik as ondraaglik was. En ek het desperaat gesoek na genade en vergifnis’ Oor die breedte van die restaurant waai hy, staan op en stap nader om my met ’n warm omhelsing te groet. “Goeie middag. Ek is Paul Young.” In ’n dik aksent, maar in Afrikaans. Wat omtrent die omvang van sy Afrikaans is. Daarna gesels ons verder in die rooi taal. Hy’s nie ’n lang man nie, en praat in ’n beheerste, sagte stem, wat sekerlik sy Kanadese wortels verraai. En warm. Hy het ’n egtheid en ’n warmte aan hom wat maak dat jy onwillekeurig ook sagter praat. ’n Mens is maar lekker senuagtig wanneer jy die skrywer van boeke moet ontmoet waarvan daar al meer as 25 miljoen kopieë…

‘Ek glo my beste werk word gemeet aan die uitwerking wat dit op mense het, eerder as aan toekennings’ ‘My ma het komedietalente gehad en my pa was baie musikaal. Hulle het my aangemoedig om kreatief te wees’ Sy sal onthou wil word as iemand wat ’n inspirasie was. “Al was dit ook net vir een siel,” sê die gewilde Kaapse aktrise June van Merch (55). TV-kykers sal haar onthou vir onder meer Fishy Feshuns, Going Up, OnderEngele en Swartwater, en meer onlangs Die Boekklub. Te oordeel na die gewildheid van dié reeks is dit redelik veilig om te aanvaar dat sy in haar lewe en loopbaan van die afgelope dertig jaar heelwat meer as een mens geïnspireer het. Haar pad as bruin aktrise was nie aldag maklik nie. Sy…

’n NUWE vorm Die ongewone silindervorm van die 9 kar.-geelgoudoorbelle gee enige uitrusting’n moderne voorkoms. SHASHE-OORBELLE (R1 950) DEAR RAE. Gehalte Tread + Miller se Herfs/ Winter 2016-reeks getuig van gehalte. Boonop beloof hulle ’n inkopie-ervaring waar die koper eksklusiewe aandag kry, sonder om opdringerig te wees. RARE EARTH SE CHELSEA-STEWEL (R999) TREAD + MILLER. Minimalisties Die slagspreuk van Calvin Klein se horlosiereeks sê alles: “Modern. Minimalisties. Presies.” CALVIN KLEINHORLOSIE (PRYS OP AANVRAAG) CALVIN KLEIN WATCH + JEWELRY. EENVOUDIG en SJIEK Probeer ’n jas sonder ’n kraag vir ’n skoon, moderne voorkoms. JAS (R420; 8-20) EXACT.…

‘Ek is opgewonde en trots daarop dat Lira ons in Suid-Afrika verteenwoordig’ SÊ BOBBI BROWN, SKEPPER VAN DIÉ AMERIKAANSE GRIMEERREEKS Die beeldskone sangeres en model Lira is Bobbi Brown Suid-Afrika se eerste plaaslike gesig. “Ek het soveel respek vir haar inspirerende lewensverhaal en haar sterk verbintenis om terug te gee. Haar positiewe ingesteldheid, natuurlike skoonheid en selfvertroue verteenwoordig ons filosofie van ‘wees wie jy is’,” sê Bobbi Brown. VITAMIEN C Vitamien C is ’n wonderlike bestanddeel in skoonheidsprodukte en maak jou vel helderder en verbeter ’n oneweredige veltoon. ENVIRON C-BOOST CLARIFYING CREAM (R355, UITGESOEKTE SPA’S EN ENVIRON-SALONNE) werk veral goed saam met ’n vitamien A-room. ’n TROPIESE geur As jy gelukkig genoeg is om nou na ’n warm plek te reis, is MICHAEL KORS CORAL EDP (R920 VIR 30…

TJOEF-TJAF Die meeste onfikses se verskoning is dat hulle nie tyd het om te oefen nie. Dié argument is dalk geldig vir ’n uur se oefen, maar wat van 10 min? En van dié 10 min. is net een minuut intense oefening, die ander nege behels ligte oefening, herstel en afkoel. Ja, sowaar as vet. En die bonus is dat jy fiks word en ook sensitiewer vir insulien, wat weer help om daardie vetrolletjies weg te smelt. In ’n nuwe studie, waarvan die resultate in April gepubliseer is, het 25 mans drie keer per week vir 12 weke op ’n stilstaande fiets geoefen. Dís wat die studiegroep gedoen het: FIKS IN 10 MINUTE Warm 2 min. lank op ’n stilstaande fiets op. 1 Trap vir 20 sek. so hard as…

Engela Campher Ek sou nie sê ek is teleurgesteld nie - die lewe is maar vol wen en verloor. Ek het my seun geleer dat ’n verloor ’n geleentheid is om met meer vasbeslotenheid vir die volgende keer voor te berei. ’n Ouer moet beslis ’n verloor-met-grasiehouding hê en probeer om dit ook by hul kinders te kweek. Uit elke verloor leer jy en is jy ’n trappie nader aan die groot wen! Elizabeth Botes Ek het nooit my drie seuns gedryf om te presteer of enigsins te wen nie. Ons was albei in die onderwys en het ons kinders van kleins af geleer dat deelname baie belangriker as prestasie is. Stella Nel Ek is steeds trots op hom omdat hy probeer het. Hy het baie daaruit geleer: hy het…

VLEILANDE BEDREIG Kosbare landbougrond by Philippi naby Kaapstad word bedreig deur ontwikkelaars wat die gebied wil ontwikkel en volgens woordvoerders een derde van die 3 000 ha landbougrond gaan beslaan. Die Philippi Horticultural Association (PHA) meen 4 000 werkgeleenthede en 150 000 ton groente en blomproduksie gaan in die slag bly. Die ontwikkeling gaan nie net die landbougrond verswelg nie maar ook die vleilande in die omgewing versteur. Die vleilande dien as ’n “groen battery” wat die omgewing in staat stel om sy grondwaterbronne te “herlaai”. Die grondwaterbronne is ’n lewensnoodsaaklike waterbron vir die stad Kaapstad. Die meeste boere in die omgewing voer ’n lewensvatbare bestaan op plase van ongeveer 2 ha. Die meeste van die landboubedrywighede is organies en volhoubaar vir die omgewing (en grondwater). Abalimi Bezekhaya (oor wie…

OOSTERSE VARKRAFELTJIEVLEIS GENOEG VIR 4 MENSE • 15 ml (1 e) PnP Ekstra Suiwer Olyfolie• 1,5 kg PnP Varknek, ontbeen• 2 PnP Uie, in dik skywe gesny• 2 PnP Knoffelhuisies, gekneus• 5 cm vars PnP Gemmer, geskil en gerasper• 125 ml (r k) PnP Hoenderaftreksel• 4 steranyspeule• 4 wonderpeperkorrels• 125 ml (r k) PnP Soetrissiesous• 60 ml (S k) hoisinsous• 60 ml (S k) sojasous• 250 g PnP Jasmynrys, gekook volgens die aanwysings op die pakkie• hand vol vars PnP Koljanderblare 1 Verhit die olyfolie in 'n swaarboomkastrol oor 'n hoë hitte. Verbruin die vleis alkant daarin tot goudkleurig. Voeg die ui, knoûel en gemmer by en soteer tot sag en goudkleurig. Verlaag die hitte. 2 Voeg die aftreksel, steranys en wonderpeper by en kook vir sowat 2 uur tot sag. 3 Voeg die soetrissie-, hoisin- en sojasous by en kook vir 30…

So ’n week voor haar sewentigste verjaardag het Margaret die lastige begeerte om die twee foto’s wat sy nog al die jare in haar laai versteek met die wêreld te deel. “Ek soek dit op die Internet,” bieg sy teenoor Wiaan, die kleinseun van Dollie Jansen in die kamer skuins oorkant hare. Hy groet haar altyd terloops as hy Sondagmiddae vir sy ouma in die tehuis kom kuier. Margaret het onlangs gehoor hy werk vir ’n fotograaf in die stad. Dié dat sy vandag haar stuursheid afskud en ’n gesprek met die jong man met die poniestert aanknoop. “Dit kan seker gedoen word, Tannie.” “Maggie,” help sy hom reg. “Noem my só.” “Oukei.” Hy lag. “Gee vir my die foto’s. Ek sal dit by die werk scan en vir jou…

CECILIA STEYN Cecilia Steyn is die ma van twee seuns en woon in Klerksdorp. Op die dappere ouderdom van veertig het sy in 2014, onder die mentorskap van haar broer en bekende skrywer, Fanie Viljoen, die eerste keer haar hand aan die skryfkuns gewaag en daar is haar eerste jeugroman, Die Meisie op die Dak, toe ’n reuse-sukses. Wat het jou ‘skielik’ laat besluit om te begin skryf? Ek dink in my hart was ek dalk nog altyd ’n skrywer, maar het nooit iets daaraan gedoen nie. Die skielike skryf is alles my ouderdom se skuld (ek’s in die veertig) en dalk ook aan ’n bietjie leënessindroom te danke! Die jaar 2014 was vir my een van eerstes. My oudste seun is uit die huis, ek is die eerste keer…

So, deesdae het nuustyd ook mý speeltyd geword Ek onthou ’n ritueel uit my kinderdae baie goed. Saans teen seweuur is almal kant en klaar geëet. Die kinders mag nog ’n halfuur lank speel voordat dit tyd is vir bad en bed toe gaan – mits hulle dit in doodse stilte doen. Want Pappa kyk die TV-nuus en die weervoorspelling. Sedert ek pa van my eie gesin is, was dié bekende ritueel ’n ruk lank ook deel van ons aandroetine. Maar die afgelope jaar het dinge stadig maar seker verander. Ek het opgehou nuus kyk. Ek kan nie die presiese oomblik onthou toe dit gebeur het nie. Maar op ’n kol het ek eensklaps vuisvoos begin raak; siek en sat daarvoor om my dag af te sluit met die jongste…

Wat is jou gunstelingtydverdryf ? Voel jy skuldig wanneer jy tyd vir jouself afknyp? Engela Campher (44), produksiebestuurder, Mosselbaai Ek het drie gunstelinge: lees, blokraaie en stap. Stap is my-tyd vir kop skoonmaak. Toe my seun jonger was, het ek wel skuldig gevoel wanneer ek tyd vir myself maak. Ek sou gaan fliek maar heeltyd wonder wat hy doen en myself stil-stil vasvat omdat ek “hier” is en nie by hom nie. Deesdae doen ek graag die my-tyd ding wanneer hy ook besig is, dan voel ek nie skuldig nie en geniet elke oomblik. Elizabeth Botes (70), tuisteskepper, Bellville As ek regtig wil ontspan, lees ek - ek is van kleintyd af ’n onversadigbare leser. My naaldwerkmasjien staan altyd reg en as ek ’n tydjie kan kry, kwilt ek! Dis…

‘As jy hou by die waarheid wat jy in jou hart glo, sal jy jou argument wen. As jy van ’n egotistiese plek af kom, gaan dit nie werk nie’ Was jy al te bang om ’n rol te aanvaar? Die een oudisie waarheen ek nie gegaan het nie omdat ek gedink het ek sou dit nie kon doen nie - en ek dink steeds so - was vir No Country for Old Men. Ek het nie geweet hoe om die rol te vertolk nie. Ek was ook bang vir die Coen Brothers. Ek was bang ek stel hulle teleur. En toe moes ek Foxcatcher doen, wat my ook bang gemaak het. Ek het glad nie geweet hoe ek die rol fisiek gaan aanpak nie. Dit was seker een van…

Drie gewone ouens. Mans met gesinne. Pa’s wat pa-dinge doen en huisverbande afbetaal. Maar wanneer hulle saamstaan en musiek maak, is “doodgewoon” nie deel van die klank nie. Hulle maak al meer as ’n dekade lank saam musiek maar het eers verlede jaar hul eerste enkelsnit “Dit stop nou” uitgereik en kort daarna hul CD Hoop in die Donker, en toe word Nagligte ’n gonswoord. Die groep is ook vir twee Ghoemas benoem: Beste Nuweling van die Jaar en Beste Alternatiewe Album. Wanneer hulle nie hul musiekdroom najaag nie, is Jacobus Brink (34), beter bekend as Roof, ’n beleggingsanalis, sy kleinboet Eddie (32) praktiseer as NAV-spesialis en Wynand Jonker (38) is ’n advokaat. En ja, daar is baie goed wat om hul aandag meeding. Die uitdaging is om ’n balans…

‘Hoewel ek ’n ekstrovert was tussen familie en vriende, was ek in my hart ’n klein seuntjie van die platteland en vreesbevange vir die grootmenswêreld’ Moenie die 33-jarige Stiaan, wat vroeër vanjaar te sien was as Retief in Vir Altyd, geringskat nie. Hy het die hoofrol vertolk in die kortfliek Preparation, wat internasionale pryse gewen het by onder meer die Shnit Internasionale Kortfliekfees. Die Oscar-bekroonde regisseur Gavin Hood het Stiaan se vertolking van Kingsley Bell as “ongelooflike spel” bestempel. By die Hyperdrive-rolprentfees in Londen is hy ook bekroon as beste akteur vir sy spel in Preparation, en die London Film Review het die fliek vyf sterre gegee. Maar dit was so byna of Stiaan het nooit akteur geword nie ... Vertel van jou kinderdae ... Ek is in Pretoria gebore,…

STEM JA OF NEE OP ONS VRAAG IN “WAT DINK JY” EN JY KAN ’N SPA-GESKENKBEWYS TER WAARDE VAN R2 500 WEN! SATISKIN, SUID-AFRIKA SE VOORSTE SKUIMBAD-HANDELSNAAM, NOOI JOU OM JOU VIR ’N OOMBLIK AAN HUL WEELDERIGE STORTJEL OOR TE GEE. MET LIEFLIKE GEURE SOOS BLISSFUL BERRY EN OCEAN ENERGY SAL JOU DAAGLIKSE STORT IN ’N GEURIGE PAMPERLANGSESSIE OMSKEP WORD. SATISKIN SE STORTJEL IS PH GEBALANSEER EN SAL JOU VEL SATYNSAG LAAT VOEL. VRAAG: HET JY NA DIE BOEKKLUB OP KYKNET GEKYK? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP DIE “WAT DINK JY”- BLOKKIE OM DEEL TE NEEM.…

THE BODY SHOP LIP & CHEEK STAIN IN DEEP BERRY (R150). Ek hou baie van donker lippe, maar wil nie altyd so gegrimeer lyk nie. The Body Shop Lip & Cheek Stain gee daardie tikkie donker kleur (amper soos ’n rooiwynvlek) wat ek wil hê, sonder dat dit soos “ernstige grimering” lyk. Dit voel nie of jy iets op jou lippe het nie, en droog dit ook glad nie uit nie. ’n Staatmaker wat in my handsak bly. SUZANNE KOTZÉ, SKOONHEIDSREDAKTEUR SMASHBOX L.A. LIGHTS BLENDABLE LIP & CHEEK COLOR (R320). is ’n lip-en-wangkleurstokkie in een. Dit wend maklik aan en lyk nie oordadig of te helder op my wange nie, maar gee daardie mooi pienk en gesonde gloed. Dit is beskikbaar in drie verskillende kleure. Ek is gaande oor die…

‘As jy nie mense het wat jou ondersteun nie, moet dit asseblief nie doen nie’ Kyk, ek het altyd geweet ek sou laat trou en laat kinders hê, maar daar was ’n afsnypunt wat my later nie baie beweegruimte gegee het nie,” vertel Marga Sander met ’n laggie. “’n Mens se lyf word ouer en jy weet veel langer kan jy nie wag as jy ’n kind wil hê nie, man of nie.” Marga was nog nooit konvensioneel nie. Haar familie weet dit en haar vriende aanvaar haar so. Haar werk as musikus pas hierdie kreatiewe vrygees soos ’n handskoen. In die klassieke musiekwêreld is sy bekend as ’n begeleier van sangers, kore en instrumentaliste, maar haar repertorium strek veel wyer. As orkeslid en assistent-musiekregisseur was sy betrokke by musiekproduksies…

Skep iets besonders met ’n versameling ligte in dieselfde styl - al verskil die vorms Die ongewone babakamer is sonder tierlantyntjies Skep flair in jou voorportaal met ’n ongewone kombinasie van vorm en tekstuur DOEN DIT SELF…

PNP SOETRISSIESOUS Soetrissiesous is een van die veelsydigste produkte wat jy in jou kombuiskas kan he. Gebruik dit om jou vleisgeregte bietjie byt te gee, of voeg dit by slaaisouse vir 'n pikante smaak. PNP HOENDERAFTREKSEL Dis 'n goeie idee om PnP Hoenderaftreksel in jou kombuiskas te hou. Dit gee ekstra geur aan bredies, sop en souse. PNP JASMYNRYS Jasmynrys is 'n natuurlik klewerige rys wat goed pas by Oosterse geregte. Jy kan dit ook gebruik om jou eie soesjie te maak.…

‘Poets’ is nie net ’n werkwoord nie – dis ’n afsloofwoord Bak jy ’n poets, gaan dit gewoonlik met pret gepaard – heel anders as wanneer die woord “poets” ’n werkwoord word. ’n Bedremmeldheid wat my herinner aan Aspoestertjie in haar vodde, sak oor my toe wanneer ek ’n piramide skottelgoed moet takel of my geel stoflap, vaal dweil en skropborsel - tradisionele wapens van ’n poetser teen die nimmereindigende opruimwerk van ’n huishouding – uithaal. Al kan ’n mens ’n groot sosiale flater met ’n poetsbakkery begaan, is die resep vir ’n poets gewoonlik flatervry: ’n niksvermoedende slagoffer wat geflous, gefop of gefnuik word en daarna uitgelag word. Maar om te poets is nie grappies nie. Ongeag of jy moeg of besig of hartseer of gelukkig is – die…

EK HET ’N REUSEBEWONDERING VIR DIE KRAG EN DEURSETTINGSVERMOË VAN SUIDAFRIKANERS Jy het OUTA begin om teen e-tol in Gauteng te baklei, maar nou veg julle aan ander fronte ook ... Ons het Eskom onlangs hof toe geneem oor die gebrek aan konsultasie met die verhoging van elektrisiteitspryse en beoog om ander belangrike belastingverwante kwessies, soos koolstofbelasting, te takel. Ons wil die regering oor wanbesteding en die vermorsing van ons belastinggeld aanvat, maar sonder om die fokus op e-tol te verloor. Die organisasie se naam staan deesdae vir Organisation Undoing Tax Abuse. Hoekom die rigtingverandering? Mense het ons dikwels gevra om by ander belangrike kwessies ook betrokke te raak. Ons het ’n baie suksesvolle manier ontwikkel om die publiek te betrek en te bemagtig om vir hul regte op te…

1 Dit is bekostigbaarder as wat jy dink: 'n Ski-vakansie is een van die duurste vakansies, beweer mense graag. Maar met fyn beplanning skiet jy dié argument aan flarde. 2 Die weer is ideaal: Ja, dit word koud, maar Oostenryk se berge het die ideale ski-temperature en is wêreldwyd bekend as ’n skibestemming. 3 Dit is beroemd! Skiresort.de, die wêreld se grootste toetsportaal vir ski-oorde, het Kitzbühel as die beste ski-oord in die wêreld benoem - in 2013, 2014 en 2015! 4 Perfek vir adrenalienverslaafdes. Met vertikale hellings van meer as 1 500 m is dit die perfekte speelgrond vir adrenalien-junkies. 5 Jou oë sal dit nie kan glo nie! Oostenryk se natuurskoon is ’n meesterwerk. Daar is alles - van sneeubedekte dorpe en berge tot ’n groen platteland. 6…

Van die druif TheraVine™ kombineer die kragtige antioksidante afkomstig van druiwe met die jongste tegnologie en aktiewe bestanddele om ’n doeltreffende velsorgreeks te skep. TheraVine™-produkte word geformuleer deur die jongste internasionale navorsing te bestudeer sodat innoverende produkte van hoogstaande gehalte gemaak kan word. Kyk by www.theravine.co.za of bel 021 886 6623 vir meer inligting. 6 rooi rose-lesers kan elk ’n TheraVinegeskenkpak ter waarde van R1 948 kry. Sleutelwoord: reeks Heerlike lyfprodukte Spalicious se heerlike hand-, voet- en lyfreeks vir die winter (beperkte uitgawe) is nou beskikbaar. Spalicious maak stylvolle skoonheidsprodukte van die hoogste gehalte, met lieflike geure soos Grapefruit and Thyme en Fig and Pomegranate. Moenie van die topverkoper Mandarin and Sandalwood Self Heating Sugar Scrub vergeet nie. Die reeks bevat afskilfermiddels, weekmiddels, lyfbotters, maskers en olies - alles wat…

Vandeesmaand is ons tema “hart” om by ons skrywer van die maand aan te sluit. As jou boekklub al die vrae reg beantwoord, kry julle al die boeke wat dié keer in “Rooiwarm” bespreek word - geskenk deur Graffiti. Stuur jul antwoorde na roneln@caxton.co.za met “Julie-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam; posadres en selnommer! Vrae 1 Waar die hart van vol is ... (voltooi die idioom) 2 Waar staan hierdie vers in die Bybel? 3 Watter Duitse sanger het “Jou Hart is weer Myne” gesing? 4 Watter groot digter het die wonderlike gedig “i carry your heart with me (i carry it in)” geskryf? 5 Wie het die gewilde rock-song “Hungry Heart” gesing? Junie-antwoorde 1 Jaws,…

“Die man met sy hart op sy mou,” dis wat Majozi genoem word. Hierdie boorling van Durban het al diep spore getrap, veral in die noorde van Suid-Afrika. Hy’t jazz en pop aan die Universiteit van KZN studeer, en sedertdien is die gospelsanger – met ’n lekker indie-aanslag – gewild onder alle kultuurgroepe en musiekliefhebbers. Gaan kyk maar op YouTube. Dis aansteeklik. Sy tweede song, “Darlings”, kon omtrent daagliks op elke radiostasie oor die land gehoor word. Sy jongste album, Fire, het pas die rakke getref. ’n Opheffende, lieflike album met Hugo Ludik aan die produksiekant, kan die album eenvoudig nie misluk nie. Hartverwarmend, is die woord. Hy klassifiseer sy musiek as “pop indie folk”, maar dis nie omvattend genoeg nie. Soos hy sê: “I generally just love making music…

O, DIE NOSTALGIE Wat ’n verrassing toe ek die “Drie dorpies wat by jou sal spook” (rooi rose April 2016) lees. Ek (75) het vanaf 1951 tot 1953 op Rusplaas skoolgegaan. Ons het by die Ohrigstaddam gewoon toe die dam gebou is. Die sowat 20 kinders van die damwerkers is soggens met ’n ou skoolbus Rusplaas toe geneem. Dit was ’n tweeklaskamer-skooltjie met so 60 kinders, waar mnr. Muller en sy vrou skoolgehou het. Elke graad en standerd het sy eie ry gehad en terwyl die een groep hul somme gedoen het, was die ander besig met geskiedenis of gesondheidsleer, terwyl ’n ander groep buite hulle tafels geleer het. Vandag ken ek nog al my tafels! Ons het ’n tennisbaan en ’n sokkerveld gehad. As dit nodig was, het die…

WEN PRAGTIGE juwele Voel elke dag fantasties met jou versameling juwele. Jy kan een van twee Emozionigeskenkpakke ter waarde van R3 500 elk wen! Gee jou mening en WEN Hou jy daarvan om oor Hollywoodbekendes se doen en late ingelig te word? Gee jou mening en jy kan ’n Active Lab-geskenkpak ter waarde van R2 800 wen. www.activelab.co.za Vry van SUIKER Lewe suikervry met ons unieke #VryVan-veldtog. Teken in op ons nuusbrief en kry elke dag resepte, wenke, raad, kennersnotas en vele meer oor ’n suikervrye lewenstyl. PLUS wen lekker pryse! Agter-dieskerms Die maand se pragtige voorbladvrou, Elma Postma, is by Fine Living by David Muirhead in Sandton afgeneem. Moenie hierdie video laat verbygaan nie… Jy sê Hoe gereeld verander jy jou huis se dekor? 65% sê:…

‘EK WIL BESLUITE NEEM WAT MY WAARDES EN BEHOEFTES WEERSPIEËL.EK IS IN ’N LIGTER FASE VAN MY LEWE, EN EK WIL BAIE LAG!’ Om ’n aktrise én ’n gelukkige mens te wees verg nogal ’n balanseertoertjie. Jy moet uiteenlopende karakters oortuigend kan speel sonder om jouself te verloor. Jy moet die publiek ’n kykie in jou lewe gee sonder om jou privaatheid in te boet. Jy moet die glansbeeld wat van jou geskep word, versoen met die feit dat vryskutakteurs nie aldag werk het nie. Jy moet aanvaar dat die oppe en affe in jou lewe of dit nou te make het met jou verhoudings of met jou gewig – deur die wye wêreld raakgesien en bespreek word. En dan moet jy nog op aanvraag motiveringspraatjies kan hou! Elma Postma…

Daar is ’n sagtheid en ’n bestendigheid aan Mark Ruffalo wat jou sommer saggies teen hom wil laat leun. Al is hy nie ’n spierpaleis nie, weet jy hierdie groot teddiebeer sal jou dra en steun. Hy het ’n persoonlikheid wat mense kan kry om hul samewerking te gee. Hy is sedert 2000 getroud met die aktrise Sunrise Coigney en hulle het ’n seun, Keen (2001), en twee dogters, Bella Noche (2005) en Odette (2007). Mark het ’n string goeie flieks agter sy naam, soos Collateral saam met Tom Cruise en Reservation Road saam met Leonardo diCaprio. Hy speel ook die strokieskarakter The Hulk in The Avengers-reeks. Meer onlangs was hy te sien in die bekroonde dramas Foxcatcher en Spotlight. Vanjaar is hy terug in Now You See Me: The…

‘Dikwels is ligsinnigheid net die omhulsel om die ernstige te verteer’ Dis vroegoggend in Proteavallei, Bellville – anderkant Kaapstad se boereworsgordyn. Die tuin voor die huis in Klipkersstraat is groen en bebos. Trixie, die tienjarige gemmerkat, sit in die sonnetjie, besig met smôrens se lyfsorg. Sy lyk soos Garfield; baie vet en baie liefderyk. Sy’t ná ’n jaar blind geword, maar is ongelooflik onafhanklik. Die babakatte, Sokkies en Nutmeg, speel voetjie-voetjie en doen gimnastiek in die boomtakke. Doppie, die driejarige skilpad, strek sy skubbe lui-lui en smul aan die gras, nog nat van oggenddou. Die lig dans in die ruim oopplanwoning met sy groot vensters en talle skuifdeure. Dis die begin van ’n nuwe dag. “Daar’s nie iets soos ’n gewone dag nie. Elke dag is anders. Daar’s geen roetine…

Stiaan het ’n ruk in Engeland gewerk, en was ook al in Australië. Tog beskou hy hom nie as ’n reisiger nie. “Maar ek glo daar sal ’n tyd in my lewe kom wat die reisgogga my sal byt.” Sy gunstelingkos is oorskietpizza – vir ontbyt! – en hy kan nie kook nie. “Tel hot dogs maak as kook?” Hy is by tye baie gesteld op gesond eet. “Ek is baie wisselvallig. Ek sal maande lank draf en gim toe gaan en reg eet, en skielik weer ’n lang ruk niks reg doen nie.” Dis dus nie ’n verrassing om te hoor dat hy nie baie lief is vir roetine nie. “Ek is op my gelukkigste wanneer elke dag ’n verrassing kan wees!” Stiaan hou van lees. “Soms lees ek…

TENDENS 1: NUWE KLEURTEGNIEKE Haarstiliste het al meer maniere geskep om kleur op ’n kreatiewe manier aan te wend. “Wat ook al jou kleur vir 2016 is, solank dit net nie doods en eenkleurig is nie,” sê haarstiliste Shelene Shaer van Tanaz en Wayne Gates van wayne.com by die One&Only. Hulle skep beweging met tegnieke soos sombré, babaligstrepies en ecaille (skilpaddop). Die style op die bladsye is almal van die Wella Couture Color Ecaille Collection Create Look Book-versameling. WAT IS DIE VERSKIL? Die span van StyleBar verduidelik wat is wat. BABALIGSTREPIES Uiters dun, sagte ligstrepies word gebruik om ’n soliede kleur sagter te laat lyk. Dit skep beweging en dimensie. Die tegniek kan ook op spesifieke dele van die hare gebruik word, soos ligter stukkies op die voorste hare om…

‘Die ervaring het my die selfvertroue gegee om nuwe dinge aan te pak. Ek het soveel grimeer-en stileerwenke gekry wat ek nou daagliks toepas. ’n “Kick start” vir die nuwe ek!’ Nicole het ’n tipiese peervorm, een van die algemeenste lyfvorms. As jou heupe en agterstewe breër as jou skouers is, is jy die gelukkige eienaar van ’n peervormige lyf! Probeer altyd die aandag van jou heupe aftrek en kies iets soos ’n A-lynromp of ’n rok wat jou kurwes versag. Hierdie A-LYN-MIDIROMP (R2 299,95; BANANA REPUBLIC BY STUTTAFORDS) versag Nicole se kurwes. Dra ’N SAGTE BLOES (R899, COUNTRY ROAD) daarby. ’N SWART HOFSKOEN (R1 599, ALDO) gee ekstra lengte en Nicole is reg vir ’n belangrike werksdag of vergadering. Verander hierdie voorkoms maklik na ’n minder formele werksvoorkoms (of…

Ons gesels met Lindy Melton, ’n CDT-terapeut van Tygerberg-hospitaal. Wat behels CDT? Dit hang van jou graad van edeem af. Ons gebruik kompressiekledingstukke en/of drie lae verbande wat op ’n spesifieke manier aangewend word en/of doelgepaste massering bekend as die Vodder-tegniek. Hoe lank voor jou bene normaal lyk? Dit hang ook van die graad van edeem af. As jou limfstelsel erg onderaktief is, kan dit maande neem; ander lyk binne weke normaal. Maar hierdie vorm van edeem is nie geneesbaar nie en limf gaan weer opbou. Daarom bly jy op ’n tweemaandelikse onderhoudsplan. Hoe lank is ’n sessie? Verbinding duur sowat twee uur, en massering tot een uur. In erge gevalle bly die verbande oornag aan. Is dit seer? Glad nie. Die Vodder-tegniek is ’n baie ligte maar doelgerigte massering.…

KRAG VIR DIE DAG Thrive is ’n nuwe ontbytkos vol proteïen en voedingstowwe. Die kos is vry van graan en soja en kry proteïene van ertjies. Kies uit drie geure: sjokolade, vanielje en aarbei. Meng met water of melk vir ’n ontbytpap of gladdejantjie. Ook beskikbaar in individuele porsies (R4,99 vir 50 g) vir haastige kantoorwerkers. R40 vir ’n 500 g-houer. KRY ’N HUPSTOOT Magnesium speel ’n belangrike rol in ’n reeks prosesse in jou liggaam, soos reëlmatige hartklop, immuniteit en beendigtheid. Dit kan selfs jou bui en slaappatroon verbeter. Jou spiere het magnesium nodig vir optimale energievoorsiening en om krampe te keer. Magnesium Glycinate is in ’n vorm wat die liggaam maklik kan opneem. Beskikbaar by Clicks en Dis-Chem teen sowat R238 vir 60 tablette. VIR ALLE EINAS 8-TREK…

• Jy hou by die reëls en dieselfde reëls geld almal. • Reëls word vooraf bepaal en verander nie in ’n kompetisie nie. • Aanvaar die uitkoms. Moenie ander of die skeidsregter kwalik neem, of verskonings vir jou prestasie maak nie. Wenners maak nie verskonings nie. • Jy speel, wen en verloor soos jy wil hê die ander ou moet speel - sonder selfsug, intimidasie en vuil spel. • Dit gaan oor meer as jouself. Jy is lojaal aan jou span, afrigter en mense wat in jou belê het. • ’n Mens wens ander geluk wanneer hulle wen. Jy gee erkenning aan jou opponente en spanmaats vir goeie spel of optrede. • Sê dankie as ander jou gelukwens: “Dankie, dis gaaf van jou.” Jy spog nie fyn deur jou prestasie…

DIE TUINTJIE IS KLEIN, MOET JOU NIE MISGIS NIE, MAAR DEUR KONTOERE EN DIE AFWISSELING VAN PLANTMATERIAAL WORD DIE TUINPERSEPSIE GROTER In Observatory, Kaapstad, is daar ’n straat met ’n pansteel-erf. Die meeste verbygangers sal nooit weet wat agter die diskrete hekkie met sy hoë rietskerm skuil nie. Maar wanneer die houtskans oopskuif, staar jy verbluf na ’n lowergroen gang wat jou met die intrapslag noop om te begin verken. ’n Wit klipengel wink by die verste perspektiefpunt. Trippe-trappe-trone oor die sigsag-plaveisel en aan weerskante van die paadjie groei ’n netwerk van verskeie varings, daardie oerplante, gevolg deur wasblomme wat welig deur ’n berkeboom rank en clivias wat geduldig op Augustus se oranje wag. Jou oë koes tussen die besonderse samevoeging van hartvormige klippe onderlangs en geroeste implemente wat teen…

ROSE’S LEMON FLAVOURED CORDIAL Hierdie nuwe vrugtestroop het ’n pikante smaak en kan sommer maklik in ’n verfrissende drankie omskep word. Jy kan jou eie skemerkelkies optower – met of sonder alkohol – of selfs die stroop met ’n bietjie ys- of sodawater meng. ROSE’S LEMON FLAVOURED ICE TEA ’n Ou gunsteling met ’n kenmerkende Rose’s-smaak. Gooi hierdie saam met ys en ’n paar vars kruisementblare in ’n beker en skink aan tafel. ROSE’S LIME FLAVOURED ICE TEA Hierdie ystee is ietwat ongewoon. Vir ’n vars maar lig gegeurde koeldrank is dié lemmetjie-ystee ideaal. Sit dit saam met ’n paar skyfies vars lemoen voor. ROSE’S PASSION FRUIT FLAVOURED ICE TEA Daar is ’n geur vir elke smaak. Die grenadellageur is soet en uniek. Probeer dit gerus saam met ’n paar…

Ons smeer die bene met tamatiepasta en rooster dit tot goudkleurig en gekaramelliseer om die meeste geur daaruit te kry Die gelatien in die bene herstel die maagwand en beskerm jou op dié manier teen allerlei spysverteringsiektes en inflammasie DIE GEURBASIS  Elke beensop begin met dieselfde groentegeurbasis: uie, wortels, seldery en preie. Die groente word oor ’n gasvlam geskroei of in die oond gerooster om die maksimum geur te onttrek Speserye soos swartpeperkorrels, kaneel en sout gee geur maar moet eers spaarsamig bygevoeg word Knoffel en ’n bouquet garni (’n bossie vars pietersielie, tiemie en lourierblare, saamgebind) gee ekstra geur Kragsop met murgbene kan tot 48 uur lank stadig oor lae hitte prut maar 3-4 uur is voldoende. Hoenderkragsop kan slegs vir 12 uur prut omdat die bene sagter is…

FEETJIEKOLWYNTJIES GENOEG VIR 12 200 g STORK Bake, sag gemaak 200 g strooisuiker 10 ml (2 t) vanielje-ekstrak 4 eiers 200 g bruismeel 5 ml (1 t) aarbeigeursel VERSIERSUIKER 250 g STORK Bake, sag gemaak 250 g versiersuiker 10 ml (2 t) vanielje-ekstrak pienk voedselkleursel STERKOEKIES Meng 250 g sag gemaakte STORK Bake en 250 ml (1 k) suiker in ’ n elektriese menger tot lig en donsig. Voeg 1 eier en 5 ml (1 t) aarbeigeursel by en meng goed. Sif ’ n knypie sout, 200 g koekmeel en 5 ml (1 t) bakpoeier by en meng goed tot die deeg bymekaarkom. Rol die deeg dun uit en sny sterretjies met ’ n koekiedrukker uit. Bak die koekies vir 7 min. tot goudbruin. VERSIERSEL: Meng 1 eierwit, 10 ml…

1 Jy ondersteun ’n goeie saak Die SPAR Vroue-uitdaging ondersteun ’ n aantal begunstigdes en skenk elke jaar honderde duisende rande aan Irene Homes, Helpnet, die Jakaranda Good Morning Angels, die Hanna-liefdadigheid- en bemagtigingsvereniging en die Zoleka Mandela-stigting. Deur net deel te neem, speel jy ’ n rol daarin om hierdie organisasies te help. 2 Jy kan in ’n unieke T-hemp deelneem. Vanjaar moedig SPAR elke deelnemer aan om haar wedloop-T-hemp aan te pas om haar unieke persoonlikheid uit te beeld. Jy kan jou hemp glansryk versier soos jy wil. Sny dit, maak dit korter, kleur dit of kikker dit op. Plaas dan ’ n foto van jou finale hemp op die SPAR Women's Challenge Pretoria facebook-blad. Jy kan dalk ’ n lekker prys wen! 3 Daar is baie pryse…

Avontuur Ek was lanklaas in Durban en was verbaas toe ek onlangs sien hoeveel dit ontwikkel het. Die uShaka Marine World se infrastruktuur is wêreldklas en dis die ideale uitstappie vir diegene met ’n voorliefde vir die seelewe. Behalwe visse en seediere van elke kleur en geur, voel dit kompleet of jy op ’n baie ou skip is. Wet ’n Wild het die hoogste waterglybaan in die Suidelike Halfrond en glygeute vir oud én jonk. Die opgeknapte Golden Mile is ’n fees vir die oog, silwerskoon en veilig. Die promenade het my veral verras, nogal met ’n Segway onder my voete! Doen gerus so ’n toer vanaf die Moses Mabhida-stadion. Durban se mooiste hotel, The Oyster Box, is ’n moet-besoek as jy die asemrowende dinge in die lewe waardeer. En…

DIE PIPPIE LANGKOUS OMNIBUS Astrid Lindgren (H&R) Ag, hoe wonderlik! Die onnutsige Pippie waarmee ons almal sekerlik grootgeword het, is terug – en al haar verhale in een boek, nogal. Die geliefde, koddige heldinnetjie met die sproete en rooi vlegsels word vanjaar sewentig, maar sy is altyd in die kleine met ons. Pippie is bekend vir die stories wat sy versin, maar sy het ’n groot hart, een van pure goud. Sy is so verskriklik sterk (sy tel in ’n stadium haar perd bokant haar kop op) dat sy booswigte gou op hul plekke sit! Geniet die nostalgiereis, of stel jou kinders aan hierdie wonderskrywer (sy het meer as negentig kinderboeke geskryf ) se unieke en mees geliefde karakter bekend: die enigmatiese Pippie Langkous. Uitgewersprys R180 rooi rose R162 SIRKEL…

INNIBOS Laeveld Nasionale Kunstefees, 28 Junie tot 2 Julie in Nelspruit, Mpumalanga. Musiek, toneel, boekepraatjies; drentel en koop in die Bosmôl; hits die rockers aan in die Innibos RockRumoer-kompetisie en geniet die Laeveldse winter-weer. Die tema is vanjaar #droomgroot. Dertien jaar gelede het Innibos sy ontstaan aan so ’n groot droom te danke gehad. En vandag nog droom hulle elke jaar om die fees nóg beter vir ons feesgangers te maak. Kom kyk maar self: By Innibos sal jy vanjaar die heel beste toneel, musiek, boeke en kunsproduksies te siene kry - ’n feesprogram om van te droom! Volledige program by www.innibos.co.za. Kaartjies by Computicket.…

NATALIA – NIBS VAN DER SPUY. DIT IS VREEMD DAT PROFETE NIE IN HUL EIE LAND ERKEN WORD NIE. NIBS SE KITAARSPEL EN STEM IS MISLEIDEND EENVOUDIG, MAAR DIE DIEPTE EN DIE VERSKEIDENHEID IS GROOT EN WYD. HIER BRING HY HULDE AAN SY TUISLAND, KZN, EN MENG MET GEMAK KLANKE VAN MASKANDA, WÊRELDWYE KITAARSTYLE EN SY EIE VERWERKINGS. BRILJANT. GUY BUTTERY – GUY BUTTERY. GUY WAS NIBS SE STUDENT, EN IS EWENEENS ’N MEESTERLIKE KITAARSPELER. SY STYL IS WEL BAIE MEER VOL VIRTUOSITEIT. SOOS IEMAND AL GESÊ HET: AS HY KAN KITAARSPEEL SOOS GUY SY KITAAR INSTEL, SAL HY KLAAR BAIE GELUKKIG VOEL. GEEN WONDER DIE OORSESE GEHORE STAAN TOU OM HOM TE SIEN WANNEER HY DAAR GAAN SPEEL NIE. FALLEN ANGELS – BOB…

Inmekaargedraai Die dinamiese en gerekende kunstenaar en fotograaf, Nomusa Makhubu, se uitstalling, Intertwined 2005 – 2015, is tot einde Julie in die museum van die Universiteit Stellenbosch te sien. Makhubu is internasionaal vir haar kuns sowel as haar akademiese prestasies bekend - sy het haar Ph.D. in visuele kunste aan die Rhodes Universiteit voltooi en is ’n Abe Baileygenoot. Sy word ook as een van ons groot nuwe jong(-erige) stemme beskou en is ’n ontvanger van die Absa l’Atelier-prys. So rol ons… kykNET-kykers kan gerus van 1 Julie af die deurmekaar rapper met die lang pet, Jack Parow, se nuwe televisieprogram, Dis Hoe Ons Rol, dophou vir sy humoristiese – en vreemde – besoeke aan al nege ons provinsies. Hy gaan soek die snaakse, die onsinnige, die algemene en die…

DIE IMPETUS VIR HAAR BELANGSTELLING IN DIE SEE WAS WAARSKYNLIK HAAR ONTDEKKING VAN ’N FOSSIEL IN ’N KLIP IN DIE VELD. DIT WAS DIE FOSSIEL VAN ’N SEEDIERTJIE. MILJOENE JARE GELEDE WAS HULLE STUKKIE PLAAS DEEL VAN DIE OSEAAN! RACHEL WAS GEFASSINEER Toe sy klein was, wou Rachel Carson ’n skrywer word. Om ’n wêreld deur woorde weer te gee was haar droom. Maar toe sy op universiteit die lieflikheid van die natuur deur ’n mikroskoop ontdek, was haar studierigting en loopbaan vir haar uitgestippel. Sy het ’n toegewyde marinebioloog geword wat uiteindelik deur gevoelige prosa haar wetenskaplike kennis en haar kommer oor die verwoesting van die natuur en sy fyn ekologiese samehang met die mensdom kon deel. Rachel het in haar bekendste boek, die blitsverkoper, Silent Spring, wat in…

@home 0860 576 576 Accessorize 011 884 4643, 021 425 7701, 031 265 2525 Ackermans 0860 900 100 Aldo 011 555 2300, 021 555 3594 Avon 0860 102 345 Babyliss by Clicks Billabong 042 200 2600 BMM 078 035 1793 Bobbi Brown by Edgars, Stuttafords, Red Square Calvin Klein Watch & Jewelry 011 911 1200 Carolina Herrera 011 809 4000 Clarins 011 809 6300 Clicks 086 025 4257 Clinique by Edgars, Stuttafords en Truworths Colette Hayman 087 150 0350, 012 663 1365, 031 514 0500 Consol consol.co.za Country Road 0860 002 002 Dear Rae 021 447 1390, dearrae.co.za Democratic Republic 011 784 0512 Dis-Chem 0800 201 170 Dolce & Gabbana Make-Up 011 809 4000 Dr. Hauschka 021 702 3617 Edgars 011 495 6000 Elizabeth Arden 021 597 1700, elizabetharden.co.za…