Innholdsfortegnelse for September 2015 i Rooi Rose

TEEN DIE TYD weet ons al taal is nie staties nie. Afrikaans is maar net so geneig tot verandering en vernuwing soos elke ander taal. En uitdrukkings word maklik gepopulariseer deur gebruik, dikwels oorgebruik, in die media. Woorde word modewoorde, byvoorbeeld: alles is deesdae uitdagings, nie probleme nie; koel het min met temperatuur te make, wel met houding. Dit maak tog sin dat ons aan die begin van die lente op groen sal fokus. Wat is per slot van rekening groener as die teergroen van lente? Ons is deur ’n strawwe winter, ons het koue en donker trotseer, te wyte aan die knaende beurtkrag. Die meeste van ons moes allerhande alternatiewe kragbronne en ligbronne en kosmaakmetodes beproef, en ten duurste aanskaf. Gesprekke is oral oorheers deur klagtes en selfs uitbarstings…

As ’n vet, sewejarige meisietjie wou ek so bitter graag ’n paar dansskoentjies hê. By die skool het baie meisies danslesse geneem. Ballet was die gewildste. My ouers kon dié lesse nie bekostig nie en ek het gedink ek kon myself netsowel leer - as ek net skoene gehad het. Op ’n dag kom my ouma met ’n groot sak skoene in alle groottes en kleure van ’n vendusie af, asook ’n paar bloedrooi hardehakskoentjies. Regte klopdansskoentjies. Van toe af kon jy elke dag ’n geklik-klak, tap-tap en klikkekie-klap hoor. (’n Paar jaar later het ek en my skoolkys ’n danskompetisie gewen!) Tussen die oefen deur was daar ook trane. My pa het eendag by die huis gekom en daar was bloed, bloedrooi bloed, oral. ’n Gesig wat my deur…

Lede van die Joburg Balletgeselskap het kleur en atmosfeer aan ons foto’s gegee. Moenie hul lenteseisoen van 28 Augustus tot 13 Septemberin die Joburgteater misloop nie. PROGRAM 1: Don Quixote Don Quixote is een van die groot 19de-eeuse klassieke ballette. Die stuk speel hom in Barcelona af en vertel die verhaal van Kitri en die arm Basilio. Liefde oorwin in dié ballet wat bekend is om sy talle hoogtepunte, soos die beroemde Pas de Deux. PROGRAM 2: Celebration 7 Celebration 7 is ’n meesleurende samestelling van die beste uit die klassieke ballet en kontemporêre dans. Dit sluit briljante toevoegings tot die repertoire in, soos die die klassieke stukke Paquita en La Vivandière. Kaartjies by www.joburgtheatre.com…

Voor Amal het George altyd ’n beeldskone vrou aan sy sy gehad. Hy het verhoudings gehad met: aktrise Kelly Preston (wat nou met John Travolta getroud is) 1987 – 1989. aktrise Talia Balsam. Hulle was van 1989 – 1993 getroud aktrise Ginger Lynn Allen Franse realiteitsprogram-persoonlikheid Céline Balitran (1996 - 1999) die Britse model Lisa Snowdon (2000) aktrise Renée Zellweger (2001) aktrise Krista Ellen (2002 – 2008) realiteitsprogram-persoonlikheid Sarah Larson (2008 – 2009) Italiaanse aktrise Elisabetta Canalis (2009 – 2011). WWE-stoeier Stacy Keibler (2011 – 2013) hy en Amal Alamuddin het op 28 April 2014 verloof geraak…

Toe haar predikantman, Piet van Vuuren, in ’n kanoongeluk omkom, was Hantie 33. Sy het hul kinders van ses, vyf en twee alleen grootgemaak en is eers op 45 weer getroud. Hantie Londt “Om vroeg in die dertig skielik alleen te wees, is moeilik. Enersyds was ek op die piek van volwassenheid en vol energie. Andersyds was my lewenservaring nog beperk. Ek was met ’n gebalanseerde, geestelik volwasse man getroud - ek kon my kwalik ’n ongelukkige huwelik voorstel. Daarby was ons ervaring op die platteland een van geborgenheid. “Ek moes besluit waarheen ek en die kinders moes gaan. Die logiese keuse was Bloemfontein waar my ouers en een suster gewoon het. My ma was ’n dinamiese, praktiese mens wat my simpatiek behandel maar nooit gepamperlang het nie. “Al was…

Jolette Meyer Ja. Ek het in ’n baie goeie huis met lieflike ouers en twee broers grootgeword. Op skool was ek geneig om mense wat foute maak te kritiseer en kon my nooit indink hoe ander so verkeerd kon dink en doen nie. Later in my lewe het ek presies dieselfde foute begaan. Ek het ’n dure les geleer en besef niemand is verhewe bo die alledaagse uitdagings en versoekings wat deel van menswees is nie. Mariska Venter Ek moes in twee van my swangerskappe narkose kry. Dit was traumaties en ’n hoë risiko. Ek was regtig siek en dit het ’n keerpunt in my lewe geword. My geloof het ’n ander dimensie gekry en ek het anders oor mense en dinge begin dink. Dis nooit lekker wanneer so iets…

TOWER staffie Nadat ek my hare met die TANGLE TEEZER BLOW STYLING FULL PADDLE (R360, UITGESOEKTE SALONNE OF WWW.HAIRCAIR.CO.ZA) drooggeblaas het, wou kollega Justine weet of ek by die salon was. (Ek gebruik die ghd Aura-haardroër.) As jy so na hierdie borsel kyk, kan jy skaars glo die wye tande kan jou hare so glad en mooi droogblaas, maar dit is juis danksy die wye tande dat die lug beter vloei en jou hare gouer en gladder droog word. SUZANNE Wimpers met WOEMA Ek is altyd op soek na ’n maskara met ’n fyn borseltjie wat ek vir ekstra definisie oor my vals wimpers kan aanwend. Die AVON COLORTREND BOOST IT! MASCARA (R69,90) se borseltjie kam my wimpers netjies en is ook fyn genoeg om op my onderste wimpers te…

’n Vriendin, Heidi Pryer, het René as ’n kandidaat vir die skep van ’n nuwe voorkoms voorgestel. “René bestee soveel tyd aan ander, maar min tyd daaraan om haarself goed te laat voel. Dis belangrik dat iemand haar ’n slag spesiaal laat voel.” René is ’n enkelma en ’n dokter in ’n psigiatriese hospitaal. Sy het ’n mooi lyf en ons het haar gewys dat dit nie nodig is om haar figuur onder lospassende klere weg te steek nie. Sy lyk professioneel in hierdie NOUPYPDENIM (STUDIO W BY WOOLWORTHS, R499) terwyl die SWART HOFSKOENE (ALDO, R1 249) daardie ekstra bietjie lengte skep wat haar slanke bene mooi beklemtoon. Die WIT KRAAGHEMP (MANGO BY EDGARS, R399) breek die swart en lyk sommer vars ook. Die JAS (TED BAKER BY STUTTAFORDS, R3…

RadiCAL Junior-koutablette en RadiCAL Adult-koutablette bevat aktiewe bestanddele soos kalsium, magnesium en vitamien D wat beengesondheid kan ondersteun. Vier gelukkige rooi rose-lesers kan elk ’n geskenkpak met Radicalprodukte en -items ter waarde van R1 000 elk wen. Stuur jou naam, huisadres en dagtelefoonnommer na rooi rose/RadiCALweggee, Privaatsak X1030, Lyttelton 0140, of stuur ’n e-pos na win@nativa.co.za  met rooi rose/RadiCAL in die onderwerpreël. Sluitdatum 30 September 2015.…

Die jongste aantrekkingskrag in die geskiedkundige tuin is die Boomslang-hangbrug wat verlede jaar ter herdenking van die honderdjarige bestaan van die tuin gebou is. Die hangbrug seil letterlik soos ’n slang deur die boomtoppe en bied ’n wonderlike en ongewone uitsig oor die uitgestrekte tuin wat steeds op enige besoeker aan Kaapstad se wat-om-te-doen-lysie hoort. Volgens die jongste statistieke het die besoekerstal in 2014 die eerste keer sedert die vestiging van die tuin in 1913 die een miljoen-kerf oorgesteek. Die toekennings bly ook nie agterweë nie. Kirstenbosch is vroeër vanjaar met die Internasionale Tuintoerisme-toekenning vir 2015 bekroon. Die tuin van 36 ha is reg in die hartjie van die Kaapse Blommeryk geleë wat in 2004 deur UNESCO tot Wêrelderfenisgebied verklaar is. Kirstenbosch is ook deel van die groter Tafelberg Nasionale…

AMASI-BOTTERBROODJIES 12 botterbroodjies Maklik 30 minute • 450 g bruismeel + ekstra om bo-oor te strooi • knypie sout • 150 g PnP Gesoute Botter , by kamertemperatuur+ ekstra viropdiening • 100 g PnP Strooisuiker • 350 ml Amasi • 10 ml (2 t) vanielje-ekstrak • 2 ekstragroot plaaseiers • 15 ml (1 e) PnP Vars Volroommelk • PnP Aarbeikonfyt vir opdiening vars geklopte room, vir opdiening 1 Verhit die oond tot 200°C. Smeer 'n groot bakplaat. 2 Sit die meel, sout en botter in 'n mengbak of voedselverwerker. As jy dit met hand meng, vryf die botter in die meel in tot dit soos broodkrummels lyk. As jy 'n voedselverwerker gebruik, meng totdat dit ook soos broodkrummels lyk. Roer die suiker by. 3 Klits die Amasi, vanielje en een…

Knorr Cook-in-Sauces is beskikbaar in vyf heerlike geure: Thai Green Curry, Casserole, Chicken and Mushroom, Chicken à la King en Chicken Curry. Hierdie droë souse sal jou maaltye dikker maak en meer geur gee. En daar is een vir elke dag van die week. Hier is heerlike planne met Knorr Dry Cook-in-Sauces: Maak jou eie Thai-viskoekies: Meng witvisülette met 'n eier en suurlemoensap tot 'n gladde pasta. Roer 'n sakkie Knorr Thai Green Curry Dry Cook-in-Sauce by, maak die koekies en braai. Verander jou hoender › la king in 'n romerige hoender-en-groente-lasagne, of gebruik die sous as 'n basis vir 'n kaas-en-tuna-tert. Jy kan dit saam met byna enige seekos-, groente- of pastagereg gebruik. Die Knorr Chicken and Mushroom Cook-in-Sauce is baie veelsydig. Jy kan dit vir baie geregte soos…

BLITSIN N KITS Met die Breville Kinetix Twist Blender in jou kombuis kan jy al ons heilsame smoothies en sappe in vandeesmaand se kosartikel maak. Die masjien werk blitsig en dankie tog, maak maklik skoon. Die menger het vier spoedverstellings en ’n oulike sitrusversapper bo-op. The Breville Kinetix Twist kos R1 999. Kry aanlyn by home.co.za of by@home-winkels. WONDERSAAD Chia is nie verniet die Maja-woord vir “krag” nie. Die klein saadjies is proteïenryk, bevat 19 aminosure, anti-oksidante en omega-3 en is supergoed vir jou bene omdat dit ook kalsium en magnesium bevat. Die sade is laag in koolhidrate en absorbeer 9-12 keer hul volume in vloeistof. Dit beteken dis ’n baie gesonde en laekoolhidraat-manier om nageregte te laat stol en sop en bredies te verdik. Gebruik chiasaad ook in smoothies,…

Theo Vorster, ’n sakeman, aanbieder van Sakegesprek met Theo Vorster en skrywer van Sakegesprek * het Suid-Afrika se veertig top-sakeleiers na hul suksesgeheime uitgevra. Hier is vyf gemene delers: • PASSIE Volgens hom kom dit eerste by almal met wie hy in sy boek praat. “Bestee eerder meer tyd daaraan om jou passie te vind as om iets te doen waarvan jy nie hou nie.” • WERK HARD Vorster onderskryf Malcolm Gladwell, skrywer van boeke soos Outliers, The Tipping Point en Blink, se teorie dat dit sowat tien duisend uur se werk verg om iets perfek te bemeester, en sê dis iets wat suksesvolle sakemense gemeen het. “Dis beslis ’n geval van practice makes perfect.” • VISIE Jy moet ’n visie vir jouself…

Ivor Price is op 23 April 1980 in Mitchells Plain op die Kaapse Vlakte gebore. “Maar ek beskou Kraaifontein as my komvandaanplek. “Die liefde vir woorde loop sterk in ons familie. My ma kan moeilike blokraaie binne minute voltooi - daar het altyd woordeboeke rondgelê. My suster Bonita het vreeslike mooi opstelle en gedigte geskryf, en my broer Arthur, ’n rekenmeester, se passie is om deur sy projek, Rymklets Republiek, Afrikaanse hip-hop te bevorder.” Ivor se pa is ’n predikant, en sy jongste suster, Yolanda, ’n maatskaplike werker. Op hoërskool het Ivor by sy skoolkoerant betrokke geraak en van Naspers se skoolkoerantkursusse bygewoon. “Ek het op koerante verlief geraak en al op 14 Die Burger met my storietjies begin pes. Ek het nog ’n plakboek met van die berigte wat…

CORLIA FOURIE Corlia is rooi rose se verhaalredakteur, maar ook ’n skrywer uit eie reg. Haar boek, Tussen Heinings, ontvang net lof van oraloor. Waaroor handel Tussen heinings ? Die eietydse stadsroman handel oor ’n groep kennisse – sommige van hulle werk by ’n nuwe vrouetydskrif – wat kop probeer hou (pun intended) in ’n land waar die idee van die reënboognasie reeds verflou het te midde van geweld, misdaad en wanbestuur. Die “heinings” is nie nét letterlik nie, maar het ook te doen met vrees en wantroue tussen mense. Tog kry sommige dit reg om oor die heinings na mekaar uit te reik sodat die roman nie neerdrukkend is nie. Wat was die aha!-oomblik wat jou laat dink het: Hieroor wil ek ’n boek skryf? My…

Van 4 – 6 September is daar weer groot makietie op Darling wanneer die twaalfde Voorkamerfest plaasvind. Een van die uniekste feeste in die land het sy ontstaan gehad op Evita se Perron, die dramahuis van Pieter-Dirk Uys (Evita Bezuidenhout), en onder leiding van die Hollandse vervaardigers Wim Visser en Inge Bos. Die fees word hoofsaaklik deur die plaaslike gemeenskap gereël, en is uniek in die sin dat lede van die gehoor ’n “roetekaartjie” koop en na die voorkamers van verskillende huise in die Darling-gemeenskap geneem word. Op so ’n roete sien jy drie vertonings (teater, musiek, komedie, drama, dans) en kan jy die een oomblik in ’n reuse- lounge sit en die volgende oomblik in tannie Kitty se huisie se ingangsvertrek. Daar is vier verskillende tydgleuwe oor die naweek,…

NINA REVISITED: A TRIBUTE TO NINA SIMONE – VERSKEIE. OE! ME. SIMONE VAN “MY BABY JUST CARES FOR ME”-FAAM WORD OP DIE ALBUM VEREER DEUR VAN DIE GROOTSTE DIVAS (EN ’N PAAR HERE), SOOS LAURYN HILL, MARY J. BLIGE, COMMON, USHER EN LISA SIMONE (NINA SE DOGTER). HOOGTEPUNTE SLUIT IN “NE ME QUITTE PAS” (HILL) EN “DON’T LET ME BE MISUNDERSTOOD” (BLIGE). VYFSTERVERMAAK. LAND – TREE 63. DIE BESONDERSE GOSPEL-ROCKGROEP HET NÁ AGT JAAR WEER ’N ALBUM UITGEREIK – EN HULLE HET NIKS VAN HUL EDGE VERLOOR NIE. OP DIE ALBUM BESIN HULLE OOR HOE OM DIE STORMS VAN DIE LEWE TE DEURSTAAN EN IN OORWINNING AAN DIE ANDER KANT UIT TE STAP. DIE MUSIEK IS LEKKER HARD EN BAIE, BAIE GOED. LIEWE LAND! BUSKING CAPE TOWN –…

@home 0860 576 576 Accessorize 011 884 4643, 021 425 7701, 031 265 2525 African Extracts 021 514 3100 Africology africologyspa.com Avon 0860 102 345 Babor babor.co.za Banana Moon 011 447 8238 Bebe Ruth beberuth.co.za Bourjois 011 477 4722 Ceramic Factory ceramicfactory.co.za Charles and Keith 0860 104 764 Clarins 011 809 6300 Clicks 0860 254 257 Colette by colette hayman 087 150 0350, 087 150 0353 Coricraft 011 611 8700, 021 508 5200 Country Road 0860 022 002 Coverderm coverderm.co.za Day Birger et Mikkelsen 011 447 0839 Democratic Republic 011 784 0512 Dermaceutic 011 706 2518 Dermalogica 011 268 0018 Dis-Chem 0800 201 170 Dr. Hauschka 021 702 3617 Dulux 0860 330 111 Edgars 011 495 6000 Elemis 011 325 1000 Environ 0800 220 402…

As tiener was dit vir my ’n vreeslike verleentheid wanneer my ma by troues gehuil het. Die bruid het skaars haar voet in die kerk gesit, of my ma begin snik. Dan word daar al snuiwende na snesies in haar handsak gesoek, tot ’n tannie in die bank agter ons uitkoms bied met ’n opgefrommelde papiersakdoekie wat sy met ’n meelewende sug onder haar horlosiebandjie uithaal. Met ’n rooi gesig en nog rooier ore het ek daar langs my ma in my valletjiesrok gesit en my voorgeneem om nooit, maar nóóit, so in die openbaar te huil nie. Maar oor sekere dinge kan ’n mens nie besluit nie. Jy het nie ’n keuse oor hoe jou DNS aanmekaar gestring word, en oor watter oorgeërfde geit eensklaps sy kop gaan uitsteek…

WEN Wen ’n Canon-KAMERA Hou jy van foto’s? Wen een van twee Canon PowerShot SX520-kameras ter waarde van R8 000! WEN digitale kykgenot Wat is jou gunstelingartikel op ons webblad? Deel jou mening en jy kan een van drie VIDIsubskripsies WEN! Agter die SKERMS Amalia Uys smeul as ’n ballerina op bl. 20 . Kyk ook na pragtige agterdie-skerms-foto’s tydens ons voorbladfotosessie by Joburg Ballet. Heuning Ons skoonheidspan het heuning as reiniger getoets en verstommende gevolge gesien. Jy sal verbaas wees hoe hierdie soetigheid jou vel kan opkikker. WENDYhuisies Ons gaan elke week wys hoe jy ’n Wendy-huisie ’n nuwe voorkoms kan gee. Hou die volgende vyf weke ons DEKORafdeling dop vir inspirerende idees. Ons wou weet DRA JY GRAAG SYKOUSE IN DIE WINTER? JA…

Jy het onlangs verjaar? Hoe het jy dit gevier? Ek het pas ’n rolprent met Jodie Foster voltooi en dadelik vir my verjaardag Los Angeles toe gevlieg. Ek het 25 goeie vriende vir ete by my huis genooi. Dit was heerlik. Ek moes die volgende dag ’n promosiedag vir ’n fliek bywoon. Dit was ’n lang dag! (lag). Wat was die beste geskenk wat jy gekry het? Ek het nog nie my geskenke oopgemaak nie. Die ete was eergisteraand en sedertdien werk ek nog volstoom. Ek hou daarvan om alles self oop te maak en dankiebriefies vir almal te skryf. Jy het seker interessante gaste gehad, maar as jy enige vier mense na jou partytjie kon nooi, wie sou dit wees? Ek sal by Amerika hou sodat ons dieselfde taal…

Om gemaklik in jou eie vel te leef is vir seker ’n persoonlike versugting vir elkeen van ons. Vir gewone, onbekende siele soos ons is dit ongetwyfeld makliker as vir iemand wat deurentyd in die kollig, op die verhoog, voor gehore, op televisie, radio en op iPods is. Karen Zoid het, op haar eie en eiesinnige manier, terug in haar vel geklim. En dit is ’n lieflike gebeurtenis om te aanskou. Om eerlik, geloofbaar en egoloos in die vermaaklikheidsbedryf te blom, is byna ongekend. Wat is haar geheim? En hoe het sy dit reggekry? ’n Deel van die resep is familie. Geloof. Balans. Sekerheid sonder skroom. Ons het haar ’n bietjie gepols. Karen Zoid was nog altyd ’n enigma. Sy’t haar in haar swart Voortrekkergewaad aan ons bekend gestel –…

Hannes is ’n maklike, innemende geselser, en op 45 heel tevrede met waar hy hom in die lewe bevind. “Daar is natuurlik baie dinge wat ons almal nog wil doen, maar ek kan eerlikwaar sê – dankie Vader! – dat ek op ’n goeie plek is. Ek het al wonderlike kanse en geleenthede gekry waarvoor ek ontsettend dankbaar is, en al heerlike werk gedoen saam met formidabele mense.” Oor sy nuwe rol as aanbieder van Kwêla, een van die gewildste programme op kykNET, is hy filosofies. “Ek dink Coenie was ’n wonderlike ankeraanbieder, maar ek glo elke aanbieder moet sy eie stempel afdruk en homself wees. Ek is maar net Hannes wat my eie ding doen.” Hoe sal jy jouself beskryf? Uiters lojaal en met ’n klein hartjie, al moet…

• ’n Irrasionele vrees vir baarde word “pogonofobie” genoem. • Grottekeninge wys dat prehistoriese mense hul gesigshare uitgepluk het deur gapermosselskulpe soos ons huidige haartangetjies te gebruik. • In ou beskawings is baarde gevleg, gekleur, met kraletjies of gouddraad deurweef, geolie, geparfumeer of met goudstof besprinkel. • In die eerste en tweede Egiptiese dinastieë was ’n baard die simbool van koningskap. Manlike sowel as vroulike farao’s het ’n vals baard van goud gedra. • In antieke Indië is ’n baard so hoog aangeskryf dat dit as waarborg vir die betaling van skuld gegeld het. • Die Spartane het lafaards gestraf deur ’n deel van hul baarde af te skeer. • Alexander die Grote het sy soldate beveel om hul baarde af te skeer sodat vyande hulle nie daaraan kon gryp…

KUITLENGTE broeke Kuitlengte broeke is ’n praktieser keuse in die warmer dae wanneer koue enkels nie jou voorland is nie. Indien jy jou enkels verder wil beklemtoon, kan jy sandale met ’n enkelband daarby dra. MOULOSE jas Gooi ’n moulose jas oor jou hemp en jeans en jy lyk dadelik soos die cool-ste mens in die kantoor. ’n Kamisool en noupyplangbroek by die moulose jas plaas saans jou uitrusting in ’n eie klas. SOMER jas Somerjasse word algemeen in die Europese lande gedra. Dié ongevoerde, ligte jasse is vroeglente en in die koeler someraande ewe prakties hier by ons. Hou in die somer by ligte kleure. UITSNY-detail Uitsny-detail is kenmerkend van die wit romantiese styl. Die delikaatste kant en broiderie anglaise word vir hierdie pragtige skeppings gebruik. MAKSIrokke en rompe…

Swart truffels, goud en pêrels Onder ’n reuse-eikeboom, diep in ’n Franse woud, snuffel honde deesdae volgens ’n eeue oue tradisie na Estée Lauder se jongste en kosbaarste vonds: die swart diamanttruffel. Die skoonheidshuis gebruik die skaars truffel in die nuwe ESTÉE LAUDER-SERUM, RE-NUTRIV ULTIMATE DIAMOND SCULPTING/REFINISHING DUAL INFUSION SERUM (R4 000). Duur ja, maar dit neem glo tienduisend uur om die produk te maak. Die spesiale serum het twee silinders: in een van hulle is die ekstrak van die swart diamanttruffel, asook 24 kar. fyngoud en SIRT-6 wat die selle help om die digtheid, soepelheid en elastisiteit daarvan te herstel. In die platinumsilinder is bestanddele wat jou vel glad maak, asook verpoeierde pêrels vir ’n mooi, glansende vel. Met een pomp (dis al wat jy nodig het vir jou…

BESTE WENK LAAT JOU SLIMFOON HARDER WERK Roete en pas As jy nie geld wil bestee aan ’n oefenhorlosie wat jou roete en pas kan monitor nie, kan jy jou slimfoon inspan. Jy kan deesdae verskeie apps aflaai waarmee jy soveel meer uit jou oefensessie kan kry. Dra jou foon in ’n zip lock-sakkie in jou hardloopbroekie se sak, of kry een van die verskeie armbandfoonhouers wat by sportwinkels beskikbaar is. Apps Probeer Runtastic wat GPS vir roetes gebruik, Move Tracker wat deur GPS jou spoed, afstand, tyd, polsslag, tempo en hoogte bo seespieël meet. Nike running app is gratis vir iPad, iPhone en iPod touch. Musiek kan baie nuttig wees wanneer jy oefen. Besoek www.jog.fm/popular-workout-songs en laai musiek af volgens jou pas. Dus, dit gee vir jou die ritme…

BLOMKUNS-‘JUWELE’ DEUR MARIDA VAN PARADISO FLOWERS IN SOMERSET-WES WWW.PARADISO.CO.ZA; 021 852 9882 MODEL CARMEN VAN BOSS; HARE EN GRIMERING ALET VILJOEN VAN SUPERNOVA WONDERWATER GENOEG VIR 1 LITER WATER Sit vitamienryke vrugte en groente in jou water wanneer jy jou immuunstelsel ’n hupstoot wil gee. Dit sal jou boonop aanmoedig om meer water te drink. MAAK DIE WATER SO: 1 Sit die gesnyde vrugte, groente en kruie in ’n groot beker met 1 liter minerale water. 2 Laat vir 1 uur week. 3 Voeg ’n hand vol ys by en skink “GROEN” WATER • 1 klein komkommer, in linte gesny • 1 kiwi, geskil en dun gesny • 1 groen appel, dun gesny • 1 handjie vol groen druiwe, korrels middeldeur gesny • 1 handjie vol kruisementblare SITRUS-WATER • 1…

Amandels word al van die vroegste tye af in kookkuns gebruik. Deesdae is dié veelsydige neute uiters gewild (en duur) - ook omdat aanhangers van die laekoolhidraatdieet hulle in gemaalde vorm in gebak kan gebruik. Die neute is propvol goeie monoonversadigde vette wat slegte cholesterol (LDL) verlaag en jou teen hartsiektes beskerm. Daarby is hulle ryk aan vitamien E, ’n kragtige anti-oksidant, en bevat ook baie goed-vir-jou minerale soos magnesium, kalium en sink BLITSIDEE VINNIGE AMANDELPLAATKOEKIES Meng 500 ml (2 k) amandelmeel, 2,5 ml (½ t) sout, 2,5 ml (½ t) bakpoeier, 10 ml suiker of xylitol met 125 ml (½ k) gewone volroomjogurt en 4 eiers. Meng goed. Verhit ’n middelslagpan oor matige hitte en smelt 30 ml botter daarin. Bak eetlepels vol (sowat 4 op ’n slag) van…

SKAAPTJOPS MET PATATKOEKIES Genoeg vir 4 8 skaaptjops 125 ml Clover Amasi 60 ml Dukkah 45 ml olyfolie, ekstra vir braai Patatkoekies 2 groot patats, geskil en gerasper 1 eier 75 g Clover Plain Feta 50 g koekmeel 100 g Clover Mooi River Botter sout 1 Marineer die skaaptjops vir 30 min.in die Clover Amasi. 2 Verhit die oond tot 180 °C. 3 Patatkoekies: Meng die patat, eier en Clover Plain Feta in ’n groot mengbak. Voeg die meel by totdat die mengsel bymekaarkom. 4 Verhit die Clover Mooi River Botter in ’n pan oor matige hitte en braai lepels vol van die mengsel op ’n slag vir 2 min. aan ’n kant. 5 Haal die tjops uit die Clover Amasi en druk met papierhanddoek droog en strooi die Dukkah…

• English Breakfast is ’n vermenging van net die beste tee Ceylon-tee van verskeie teeplantasies in Sri Lanka, wat met sy sagte, verfrissende smaak perfek is vir daardie eerste koppie tee in die oggend. • Earl Grey, wat oorspronklik uit Brittanje kom, is delikaat gegeur met bergamot-lemoen, wat die tee ’n aangename sitrus- smaak gee wat enige ligte maaltyd sal komplementeer. • Prince of Wales-tee is ’n sterk vermenging, perfek vir ’n middagtee.…

• Nismark, of iets van alles? Dis aanloklik om soveel moontlik te doen, maar besluit op jou nismark en hou daarby. Word die heel beste daarin en bou jou handelsmerk. • Groothandel, of ’n paar eksklusiewe afsetpunte? ’n Groothandelaar wil jou produkte verkoop, en jy kan jou geluk nie glo nie! Maar is dit altyd ’n goeie idee? Vra jou of jy die kapasiteit het om genoeg produkte te lewer vir groothandelverkope. Kan jy meer personeel en toerusting en ’n groter perseel bekostig? Dikwels is stadiger, bestendige groei ’n beter langtermynopsie. • Lees die fynskrif in elke kontrak. Moet niks sommer net aanvaar nie. • Hou jou vinger op die finansiële pols. Sorg dat jy die boekhouding verstaan om probleme betyds te keer. As jy niks van boekhou weet nie,…

D is nou al nege maande, hopelik is daar vandag ’n antwoord van die uitgewer oor haar storie. Met ’n glimlag en ’n wuif van haar arm, groet Annemarie haar kollegas wat in die groot, oop ruimte voor hul werkstasies sit voordat sy by haar kantoor instap en voor haar rekenaar inskuif. ’n Vinnige loer na haar horlosie bevestig sy het nog ’n halfuur voordat een of ander politikus van die opposisieparty vir ’n fotosessie opdaag. Rick of Mick of iemand. Die hele ding irriteer haar. Goed, sy verstaan daar word oral besnoei, maar sy is die leefstylredakteur verdomp, nie ’n pimp vir plaaslike politici nie. Pleks dat die vent doen wat hy veronderstel is om te doen en die regering op sy tone hou. Nou wil hy sy foto…

In September praat ons oor “heinings” om aan te sluit by Corlia Fourie se boektitel. As jou boekklub al die vrae reg beantwoord en getrek word, kry julle met die komplimente van Graffiti die boeke wat in hierdie uitgawe in “Rooiwarm” verskyn. Stuur jul antwoorde na roneln@caxton.co.za met “September-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit … Vrae 1 Something there is that doesn’t love a wall. Digter? Naam van gedig? 2 Die hek staan in die skad’wee van ’n kremetart. Ek lig die knip. Ek maak ’n hek oop in my hart. Wat is die titel van dié Uys Krige-gedig? 3 Wie het die hoofrolle gespeel in die fliek Beyond Borders?…

Drie van die lesers wat hul menings gestuur het, wen ’n Carraro-beursie van R1 500. As jy van iets in jou lewe ontslae kon raak om ’n minder gekompliseerde lewe te lei, wat sou dit wees? Mari Senekal (37), onderwyseres, Polokwane Ek sou sonder enige skuld wou leef. Ek is tans besig om my skuld bietjie vir bietjie af te betaal. Sonder skuld kan jy meer sorgvry leef en besluite neem. Marina Stain-Alberts (61), persoonlike assistent, Kraafontein Vir my sal ’n ligter en minder gekompliseerde lewe beteken ek weeg minder en bereik my doelgewig! Die alewige stres oor gewigskwessies kry my onder. Om hierdie doel te bereik moet ek skouer aan die wiel sit en ’n gesonder leefstyl handhaaf, wat genoeg oefening insluit. Francis Snyman (71), afgetrede onderwyseres, Yzerfontein Ek…

Hoflik, intelligent, sjarmant – en glad nie sleg op die oog nie. George Clooney is dié koning onder die sterre. Regisseur, Oscar-wenner, filantroop. Dit voel asof ek my vreeslik bederf wanneer ek tyd saam met hom deurbring, maar sonder enige newe-effekte. Hy voer intelligente gesprekke oor enige kwessie en gebruik humor om onderwerpe waaroor hy nie wil praat nie, vry te spring. Vir ’n man wat met ’n eindelose string beeldskone langbeenmodelle en -aktrises uitgegaan het, het hy die perfekte vrou gekies. Amal Alamuddin is intelligent en suksesvol uit eie reg. En sy het styl. Hoewel George in onderhoude nie graag oor sy persoonlike lewe praat nie, blink sy oë wanneer hy vertel hoe oulik sy vrou is. Volg Margaret op facebook Margaret-Gardiner/1450911831860524.…

Neil Sandilands het op sy veertigste verjaarsdag deur die strate van die French Quarter in New Orleans gestap. Dr. John het pas die New Orleansjazzfees afgesluit. “Ek het nooit gedink ek sou daardie paadjie verby Lake Pontchartrain na New Orleans ry nie; verby die massas water, die Atchafalaya-kom, die moerasse waar krokodille, alligators, derduisende oorgrootinsekte, slange en die beroemde Louisiana crawfish woon.” Hy kon in die strate stap waar groot geeste soos Tom Waits gebly het. Skrywer Charles Bukowski se inskrywing, “Hank was here”, is op ’n sementsypaadjie in die Bywater-buurt. “Sedert ek voet aan wal gesit het en met my eie ‘Manifest Destiny’ begin het, moes ek letterlik van voor af begin,” vertel hy. Dit gaan nou goed met sy loopbaan in Amerika. Hy het verlede jaar onder meer…

Hannes het ’n propvol dagboek, en sê ’n wonderlike ondersteuningsnetwerk help hom om al die balle in die lug te hou. Hy sorg darem dat hy genoeg rus, en om op die strand te stap met sy honde is een van sy gunstelingmaniere van ontspan. “Ek werk graag in die tuin, en sit maklik tot twaalfuur op ’n naweeksoggend nog in my pajamas rond. My hartsvriende is ook in die Kaap.” Hy hou baie van reis en was al die wêreld vol. “Soms vir werk, maar ook sommer net vir vakansie. Ek is mal oor Europa, veral Italië en Frankryk.” Parys, Rome, Wene en New York is onder sy gunstelingstede. Lees is nog ’n gunsteling-tydverdryf. “Ek kry deesdae nie so baie tyd soos altyd om te lees nie, maar ek…

Stap jy by Boeresjiek, die unieke eet-en-koop-plekkie by die Okavango-afrit naby Durban-ville in, voel dit amper of jy ’n kunsfliek betree. Pragtige kandelare, gedekte tafels met die mooiste porselein en tierlantyntjies, allerfraaie kolwyntjies op stapelborde, koeke wat jou laat kwyl, vars blomme in glashouers ... Hier word jy weggevoer na ’n wonderwêreld van mooi, mooier, mooiste. EK MAAK MY KIND SE DROOM KLAAR Maar vir Sonja Fourie is dit ook ’n ontvlugting van die hartseer in haar lewe. Sy en haar dogter, Jeanne, het in 2010 dié projek saam aangepak toe haar man met die huurders van sy pakhuis gesukkel het en hulle besluit het om die plek as winkel te gebruik. Maar ’n maand voor hulle sou oopmaak, kry Jeanne brongitis en beland in die hospitaal weens asemnood. Ná…

Aan die ARM Rolex se nuwe Yacht-Master met 18 kar. Everose-goud het ’n innoverende Oysterflexband. Dit bied die robuustheid van ’n metaalband, maar ook die buigsaamheid en gemak van ’n elastiese band. Paryse styl Die internasionale handelsmerk Lipault is nou hier beskikbaar. Die veelsydige sakke word van topgehalte materiale vervaardig. www.lipault.com LUUKS Via La Moda kombineer moderne tegnologie en tydlose vaardighede om onder meer luukse volstruis- en krokodilleersakke en -bykomstighede te maak. Die velle is organies gelooi om die natuurlike kleur daarvan te bewaar. www.vialamoda.co.za AFGEROND Die delikate en elegante reeks is ontwerp om by elke geleentheid te pas. Alle stukke is handgemaak uit silwer en met ’n rodium-, goud- of roosgoudlaag bedek en ook net die beste gehalte kubieke sirkoniums word gebruik. EIETYDS Robyn Murray Design se reeks juweliersware…

Hoe werk antioksidante? Oksidasie is ’n natuurlike proses - dink maar aan ’n appel wat bruin word sodra dit geskil is en aan lug (suurstof ) blootgestel word. So beïnvloed oksidasie, wat meestal deur vrye radikale veroorsaak word, ook ons velle. Vrye radikale is suurstofmolekules wat ’n elektron verloor het en onstabiel is. Hulle probeer hulself genees en steel elektrone by gesonde molekules, wat op hul beurt net nog vrye radikale vorm en in die proses ons selle beskadig. Vrye radikale word nie net deur ons liggame vrygestel nie, maar ook deur eksterne faktore soos besoedeling, sonlig en sigaretrook. Vrye radikale kan tot veroudering bydra. Anti-oksidante neutraliseer en keer vrye radikale wat die molekulêre struktuur van ons DNS beskadig. Anti-oksidante is tans ’n baie gewilde bestanddeel in skoonheidsprodukte. Vita-mien A,…

Om in te skryf STUUR ’N SMS MET JOU ANTWOORD, VOLLE NAAM, ADRES EN ID-NOMMER NA 48409. VRAAG: DIE NUTRA EFFECTS RADIANCE-REEKS HELP OM WAT TE VERMINDER SODAT DIE VEL GLADDER EN STRALENDER SAL LYK? SMS’E KOS R1,50 ELK. GRATIS SMS’E GELD NIE. SLUITDATUM 30 SEPTEMBER 2015. KOMPETISIES: BEPALINGS EN VOORWAARDES OP BL. 148. Die Avon Nutra Effects-reeks is die velprodukte van die jaar! Die anti-oksidanten vitamienryke formules van Nutra Effects versorg jou vel met die kragtige voedingstowwe wat in sade voorkom. Die Avon Nutra Effects Radiance-reeks help om die voorkoms van pigmentasie te verminder sodat die vel gladder en stralender sal lyk. Jou vel sal sommer die eerste dag al helderder lyk en ná drie weke sal die kleur meer egalig wees. Danksy die seepvrye formule van die reinigers…

VRAAG VAN DIE MAAND Jy weet mos hoe oordrewe sommige aktrises ’n hoogswanger vrou kan vertolk? So met die hand op die lae rug en die gesig effens vertrek van pyn? Dit is hoe ek baie dae voel, behalwe dat ek nie swanger is nie. My lae rug is altyd ligweg tot taamlik seer. Dit is seerder wanneer ek baie staan en effens beter wanneer ek loop. Ek het gehoor hialuroonsuur-inspuitings kan help?” - Marelise (39), onderwyseres JY VRA, ONS ANTWOORD Fassineer - of pla - iets omtrent jou gesondheid jou? Stuur ’n e-pos met jou vraag na ons gesondheidsredakteur, Salomé Delport, by salomed@ctp-mail.co.za  Ons kies elke maand die interessantste vraag en kry kundiges om jou te antwoord. 1 JOU SPIERE HET VERGEET HOE OM REG TE WERK…

STAATMAKER Ons almal ken Milo van kindsbeen af. Hierdie drankie wat al sedert 1930 deur oud en jonk geniet word, is nou nog beter met meer mout, melk, vitamiene en minerale. Die bestanddeel Activ-Go is net die ding om kinders ekstra woema te gee vir ’n aktiewe dag. BOU IMMUNITEIT Immufend behandel simptome van griep en verkoue en bevat Wellmune wat ontwikkel is om jou immuniteit te versterk en ondersteun sodat jy gouer kan herstel. Kies uit ’n wye reeks produkte wat suiker- en alkoholvry is en geen kunsmatige versoeters bevat nie. Pryse wissel tussen R100 en R130. Beskikbaar by Clicks, Dis-Chem, gesondheidswinkels en apteke. DORSLESSER MET MEER Tydens oefening sweet jy en verloor belangrike minerale soos natrium, kalium, kalsium en magnesium. Die nuwe Powerade ION4 bevat nou al vier…

Mari Senekal Ek het nie kinders nie maar is ’n onderwyseres en albei my susters het twee kinders. Baie kinders stel uit, en al doeltreffende manier wat ek tot dusver gekry het, is om hulle te herinner aan die lekker dinge wat hulle kan doen nadat die “onsmaaklike” taak verrig is. Marina Stain-Alberts Ja, ek dink die meeste kinders is maar so, maar ek verwys altyd na Langenhoven se spreuk: “Laat ons die swaarkry met lekkerkry klaarkry!” Francis Snyman As ouma van kleinkinders, wys ek vir hulle hoe lekker dit is om iets waarvoor hulle nie lus is nie dadelik te voltooi. Dan het hulle tyd vir hulself en boonop daardie heerlike wete dat alles wat gedoen moes word, afgehandel is.…

PARTYTJIE Amélie* is 18 jaar gelede op 42 geskei. “Ek hou nooit partytjies nie – ek nooi eerder ’n paar mense oor vir ’n intieme ete – maar ek het besluit dis ’n groot dag dié. Ek wou erkenning gee aan die lang pad wat ek moes stap, die verlede afgooi en my toekoms vier. Ek wou dit uitsê: ‘Ek is nou geskei, en dis verby!’ My vriendinne en skoonsusters het gekom en die gebeure het spontaan ontvou. Ek het Antjie Krog se gedig “ek staan op ’n moerse rots” voorgelees en elkeen het vir my ’n wens gegee. Ons het geëet, gedans en gepaartie. Ek dink ek was ’n bietjie buite myself – dit was ’n besonder emosionele dag. So ’n geleentheid help jou om jouself weer te vind…

DIE OUTYDSE, GEHARDE KOOLBLOM HET NOG LANK NIE SY VEELSYDIGHEID EN BEKORING VERLOOR NIE. DIS ’N DEKORELEMENT UIT EIE REG WAT ’N VERRASSENDE EIETYDSE GEVOEL IN ENIGE OMGEWING SKEP, VERAL WANNEER DIT SOOS HIER BY TEKSTURE SOOS HOUT, SEMENT, GLAS, METAAL EN LOWERGROEN HANGPLANTE GEBRUIK WORD. Versier jou tafel ook met die skoonheid van die natuur Hang prente met botaniese ontwerpe in verskillende mediums bymekaar Gebruik ’n ou skoensak van goiing vir ’n vrolike muurtuintjie Groepeer ander plante saam met die klein tuintjie in ’n blikskottel ’n Doek met botaniese drukwerk skep ’n vars voorkoms in enige vertrek…

THAISE HOENDERKERRIE VOORBEREIDINGSTYD: 10 MINUTE • KOOKTYD: 15 MINUTE • GENOEG VIR VIER 1 Verbruin 500 g hoenderrepies, een gesnyde ui en 2 e gekapte knoûel in 2 e olyfolie tot goudbruin. Geur met 'n knypie sout. Voeg 200 g murgpampoentjies wat in repies gesny is en 200 g groenboontjies waarvan die bo- en onderpunte afgesny is by en braai vir 1 min. 2 Meng die Knorr Thai Green Curry Dry Cook-In-Sauce-sakkie met 'n blikkie (400 g) kokosneutroom en roer by die hoender. 3 Laat prut vir sowat 10 min. tot dit eûens verdik het. 4 Voeg die gerasperde skil van een lemmetjie by en garneer met vars koljander en 50 g gekapte en geroosterde kasjoeneute. 5 uook 250 g noedels volgens die aanwysings op die pakkie en sit saam…

Meng 4 groot skeppies Flora Gold met 50 g gekrummelde bloukaas en ’n handjie vol gekapte pietersielie. Blansjeer 250 g fyn groenbone vir 2 min. in gesoute kookwater. Dreineer en sit in ’n braaipan. Braai in die Flora-mengsel en sprinkel 50 g geroosterde amandels oor. Nog ’n lekker variasie: Voeg stukkies bros gebraaide spek by die boontjies terwyl jy dit in Flora Gold braai. Vir meer gesonde resep idees gaan na florastrongheart.co.za…

New York toe,” moes my kinders verduidelik. “Mariëtte was op pad New York toe.” Dikwels het ek vir Mariella en Peter voorgeskryf dat dít is wat hulle moet antwoord as ek op my omswerwinge dalk eendag iewers elders op die grootpad, of miskien op ’n voetpad, heengaan, en belangstellendes hulle vra waarheen ek dan kwansuis op pad was. Só groot was my begeerte om in New York, en in die besonder in Manhattan, uit te kom, dat ek immer in my drome op pad was daarheen. Waarheen ek ook al koers ingeslaan het, was al my roetes en al my bestemmings tot nog toe eintlik net ompaaie en verversingsposte onderweg na New York. Ek was in vervoering toe my vriende Cecilie en Christoff Botha my met verblyf in hul woonstel…

Hoe voel dit om in daardie warm stoel in te skuif? Dis ’n groot voorreg! Ek het grootgeword met Monitor - kleintyd was die radio in ons kombuis altyd op die Afrikaanse stasie ingeskakel, en ons het soggens voor skool die jongste nuus saam met die Jungle Oats ingekry. Ek het ook lank gedroom oor die geleentheid om saam met Anita Visser te kan aanbied. Sy’s ’n kundige joernalis en omroeper, en saam met die res van die Monitor-span sien ek daarna uit om luisteraars op die hoogte te hou van al die nuus wat saak maak. Nou moet ek net aan die vroeg opstaan gewoond raak - ek sal maar drie wekkers moet stel! Hoekom is radio nog relevant in ons digitale era? Ek is ’n groot voorstander van…

WONDERBOOM Lien Botha (Queillerie) Die wonder-fotograaf Lien Botha se boekdebuut is ’n kragtoer. ’n Distopiese, post-apokaliptiese verhaal wat vertel van die tiran Albino X wat in beheer van die Wes-Kaap is en vanaf sy Vergelege-troon regeer. Magriet Vos moet onder sy invloed uitkom – én haar geheue terugkry. In ’n verwoeste Suid-Afrika moet Magriet haar pad terug na die noorde en haar familie kry. En sy moet daar uitkom voor haar brein haar heeltemal in die steek laat. ’n Liriese debuut, met integrale fototekste daarby gewerk. Uniek en vars. Uitgewersprys R275 rooi rose R247,50 TUSSEN HEININGS Corlia Fourie (Tafelberg)  rooi rose se verhaalredakteur, Corlia Fourie, se boek is die oorrompelende verhaal van gewone mense wat dit regkry om ondanks kwessies soos misdaad, egskeiding en emigrasie met hul lewe voort te…

Uitgeprop Die Franschhoek Uncorked Festival op 26 en 27 September op die Anthonij Rupert-landgoed is een van daardie feeste wat jy wil bywoon as jy in die omgewing is. Hul legendariese Oyster Bar met L’Ormarins Cap Classique-wyne, gourmet-panini’s en die nuwe Protea-wyne kan geproe word. Met musiek deur Newton. En dis alles vir ’n goeie doel: om geld vir Kansa in te samel. Webtickets; 021 874 9041, tasting@rupertwines.com Pure Pierneef Vir ware kunsliefhebbers: Die kans om ’n versameling van Pierneefkunsskatte in die hart van Jozi te sien. J.H. Pierneef: A Space for Landscape kan tot 12 September by die Standard Bank-galery in Johannesburg gesien word. Dit is die eerste omvattende Pierneef-uitstalling die afgelope dertig jaar. Toegang is gratis! Klop-klop Onthou dat die 18de Clover Aardklopkunstefees van 6 – 10 Oktober…

Hou die blink kant bo Sugar and Spice is Georgini-juwele se nuwe, delikate versameling vir Herfs/Winter 2015. Die reeks vier die soet en speseryryke oomblikke in die lewe en sluit ringe, hangertjies, oorbelle en nekstukke in. Kies uit pienk, koffie- en deursigtige kleure. Die reeks het iets vir elke geleentheid. Alle stukke is van 925 suiwer silwer, oorgetrek met rodium, roosgoud of goud en versier met kubieke sirkoniums. Van R699-R2 999. Kyk by www.georgini.co.za vir meer inligting. 4 rooi rose-lesers kan ’n Georginigeskenkpak van R3 097 verniet kry. Sleutelwoord: Sugar Vir ’n jonger vel SENSAI se Cellular Performance Lift-reeks takel die verlies aan fermheid vir ’n gladder, helderder vel. Die innoverende Cellular Performance Lifting Cream is sag en ryk en werk afsakking teë vir ’n fyner, fermer voorkoms. Die luukse…

Die Franse skrywer Colette is in die res van die wêreld veral bekend vir Gigi, Chéri en die Claudine-stories. Maar in haar tuisland word sy en Proust nou as die oorspronklikste skrywers van die eerste helfte van die twintigste eeu beskou. Toe sy in 1954 op 81 oorlede is, is sy met ’n staatsbegrafnis vereer. Haar kis, met die Franse Driekleur daaroor gedrapeer, is in die binnehof van die Palais-Royal in Parys geplaas. Duisende mense het hul respek daar kom betoon. Colette was nie net bekend vir die manier waarop sy in haar werk grense verskuif het, vroulike seksualiteit verken en die politiek van gender oopgeskryf het nie, maar ook vir die goed wat sy in die gewone lewe aangevang het. Sy het nooit vir ’n skandaal teruggedeins nie. In…