Innholdsfortegnelse for October 2015 i Rooi Rose

EK WAS WEER onlangs wonderlik bevoorreg om tyd in die natuur deur te bring waar ons tussen wild kon rondluier en ons aan hulle vergaap, sommer op kort afstand rondom die voertuig. Niks laat my so ontspan soos ’n rustige wildrit waartydens ek net die natuur kan indrink en uitkyk vir besonderse diere, plante en voëls tussen bome, koppies en kranse nie. Noudat die somer ons vanjaar eintlik onverhoeds oorval het en dit skielik sommer bloedig warm is, blykbaar die doen en late van daardie Spaanse kalante el Niño/la Niña, besef ek weer ons waardeer nie altyd die sonskyn wat ons Suid-Afrikaners te beurt val nie. Ek besef as ek daar is dat Europa met sy ouer kulture ’n sekere lewenstyl verteenwoordig waarna ek hunker, en dis ’n heerlike avontuur…

BADFEES Toe ons nog studente was, het ons vriendinne baiekeer saamgebad en in die badkamer gekuier. Maar soos die jare aangestap het en ons getrou het en ouer geword het, het hierdie lekkerte ook verval - of het dit saam met manlief geskied. Maar dis nie dieselfde nie. Onlangs kuier ’n paar van ons op Witsand en ek en my wederhelfte, wat gewoonlik in die buitekamer slaap, moet ’n gasstort gebruik. En daar raak die gas toe op, maar op Witsand is geen gas te koop nie. Die gevolg is dat ons in die hoofhuis moes stort of bad om warm te word, want dit was ysig koud. My studentevriendin was net lekker aan’t lê in ’n warm skuimbad toe ek aanklop en sê sy moet opskuif. Was dit nou…

Al is hulle al tien jaar saam – vier daarvan as Mnr. en Mev. Maspero – verhelder Elma se gesig wanneer sy oor haar man, Richard , praat. “Ons het mekaar by MFM ontmoet. Hy is net so dol op uitsaai soos ek en hy is deesdae SuperSport se gholfaanbieder.” Dit help beslis dat hulle in dieselfde bedryf is. “Hy verstaan die besetenheid en uitdagings van hierdie bedryf. En ek bedoel nie net dat hy dit met sy logika verstaan nie – hy verstaan dit met sy hart. Sy ondersteuning is die helfte van die rede hoekom ek nog uitsaai.” Hulle moes deur die jare baie opofferings ter wille van hul loopbane maak. “Richard is elke maand omtrent tien dae weg van die huis af vir toernooie. In die somermaande…

Ná Married … With Children het jy en die meeste hoofspelers suksesvolle loopbane gebou. Hoe het julle dit reggekry? Ons het ons nie probeer roem op daardie rolle nie. Toe die reeks verby was, het nie een van ons die soort rolle aanvaar wat mense van ons verwag het nie. Ek dink dit was ons redding. Ek moes van Kelly se beeld ontslae raak en wou nie meer daardie soort rolle vertolk nie. Ek dink ons kon ander karakters vertolk omdat die Bundys soveel van ons ware persoonlikhede verskil het. Hoe het dit gevoel om as tiener in so ’n suksesvolle reeks te verskyn - en een waarin die meeste mans jou as ’n sekssimbool gesien het? Ek het nooit die karakter huis toe geneem nie.…

Van die projekte wat die Van Vuurens aangepak het, is: • Die wildbewaringsentrum wat beseerde en weesdiere red en diere huisves wat nie weer vrygelaat kan word nie. • Die karnivoor-navorsingsprojek spoor jagluiperds en luiperds op plase op en hervestig hulle in bewaringsgebiede. • ’n Kliniek wat gratis primêre gesondheidsorg en mediese sorg in noodsituasies aan sowat 3 500 van die plaaslike San verskaf. • ’n San-kleuterskool wat kinders vir laerskool voorberei. • Die lodge op die plaas, wat van die projekte op die plaas finansier, is ’n hawe waar toeriste plaaslug kan gaan inasem. • Verskeie dokumentêre flieks is al oor die Van Vuurens se projekte gemaak.…

Afrikaans is die derde grootste taal in Suid-Afrika. Volgens die 2011-sensus het 6,85 miljoen (of 13,5%) van Suid-Afrikaners van verskillende kulture Afrikaans as hul moedertaal aangedui. Klink dit soos ’n taal in gevaar? Allermins! Kyk jy na die konstante stroom Afrikaanse boeke, CD’s, toneelstukke en ander skeppende werk in Afrikaans, is dit duidelik dat ons taal nie net geliefd is nie, maar ook aktief en kreatief gebruik word. En nie net deur die ouer geslag nie! HAIDEE MULLER, RSG-aanbieder en eertydse tydskrifjoernalis, sê onomwonde dat Afrikaans haar hart se taal is. “Dis my grootwordtaal. Ek kom van Oudtshoorn se wêreld af en daar praat die meeste mense Afrikaans. Afrikaans is ’n wonderlike taal, my hart en siel se taal. Selfs as student aan Rhodes het ek Afrikaanse vriende gehad, en…

Viljé Maritz het geneties gesproke seker ’n skraal kans gehad om iets anders as akteur te word. Sy pa, Albert Maritz, is ’n gesoute akteur en vervaardiger en sy oupa Dawie Maritz was op sy dag ’n bekende akteur en was onder meer te sien in Die vlakte duskant Hebron, Verspeelde lente, Klara Viljee en Die groen faktor. Maar Viljé sê hy wou eintlik nooit akteur word nie. “Ek weet hoe swaar dit in die bedryf gaan en hoe pateties akteurs betaal word. Albei my ouers was immers in ’n stadium in die kunste. My ma, Bev, was verhoogbestuurder by Kunstekaap en ek onthou ons het soms maar swaar gekry. Maar toe byt die gogga my, en siedaar! Nou geniet ek dit vreeslik en eintlik doen ek glad nie sleg…

Ek het altyd gedink die Paradys sal ’n soort biblioteek wees,” het Jorge Luis Borges gesê. Hy was ’n groot skrywer en ’n reus in die Suid-Amerikaanse Spaanse letterkunde. Enige boekliefhebber sal sy woorde beaam. Jy verbeel jou reusagtige biblioteke met rakke vol boeke – jou poort tot soveel wyse, geleerde, snaakse, aweregse, rebelse, spirituele, geniale geeste. ’n Paar boekliefhebbers sonder die boeke uit wat ’n groot indruk op hulle gemaak het en selfs ’n lewensveranderende invloed gehad het. NIC DE JAGER Nic is baie jare lank reeds bekend as akteur en as die radioman met die rustige stem. Sy program, Nic se Goed, is deesdae baie gewild op RSG. “Hier in die middel-70’s het ’n vreemde virus my vir ’n goeie teiken aangesien. Verskeie diagnoses later het die medici…

Mode 2015 Vanjaar se somerstyle is klassiek en maklik om te dra. Wat om saam te dra en hoe om dit te dra hoef jou nie teen die spieël uit te dryf nie. Net ’n romantiese wit rok en GLADIATOR-SANDALE en daar gaan jy. As dit vir jou ’n bietjie jonk klink, onthou dat swart van kroontjie tot toontjie nog nooit so klassiek gelyk het soos nou nie. Die vernaamste kleur is ROMANTIESE WIT wat jy dié somer saam met swart bykomstighede dra. Jy kan dit ook met swart-wit patrone kombineer wat so reg in die MONOCHROOM-styl pas. Ander kleure is STYLVOLLE VLOOTBLOU, GOUD en AARDSE KLEURE met name soos peper, kaneel, mosterd en oker. Die grootste style is die vrolike SEWENTIGS en DENIM wat nou in vars, nuwe style…

VRAE VAN DIE MAAND  V My tepels is ingetrek. Moet ek iets daaraan doen? - Nella, Port Elizabeth A Daardie klein roosknoppie op die voorpunt van jou bors staan glo gemiddeld 10 mm uit. Met baie variasies in lengte, vorm en skakerings. Tepels van alle vorms is normaal en gesond, mits jou tepels van jou tienerjare of jou laaste swangerskap so lyk. Dus, as jou tepels van altyd af ingetrek was, is dit normaal vir jou. Maar tepelveranderings is een van die vroegste tekens van borskanker. Vir die meeste van ons is borskanker ekwivalent aan ’n voelbare knop. Ons vrees ’n knop en soek daarvoor - en vergeet om na ons tepels ook te kyk Daarmee wil ons nie sê dat knoppe minder belangrik is nie. Inteendeel. Die meeste borskankers…

Estelle is die jongste van ons gesin se vier susters. Sy is nie net die laatlammetjie nie – sy was ook die troetelkindjie. “Skoothennetjie” het ons pa haar genoem wanneer sy tydig en ontydig op sy skoot geklim en onder sy blad genestel het. “Dottie” van “dogtertjie” afgelei, het ons ma haar genoem. ’n Ware klein skat wat nooit moeilikheid gemaak of gesoek het nie en immer besig was om haar poppe te versorg en die werf se katte en honde te streel en te verwen. Dit was helder dae waartydens ons nie ’n vermoede gehad het van die lewe se fel aanslag wat vir ons gesin voorgelê het nie. Toe borskanker jare gelede by ons tweede oudste suster, Cilla, gediagnoseer word, was ons verskrik. Skaars ’n hand vol jare…

Nadia Verster In my finale jaar as grafiese ontwerpstudent het my pa ’n paar maande in Mosambiek gaan werk en kort ná sy tuiskoms het my ma hom om ’n egskeiding gevra. My pa het nie lank daarna nie sy lewe geneem. Die hele familie was in ’n toestand, maar ons gesin het nader aan mekaar gegroei, sterker geword en die ware glorie van God ervaar. Ek is dankbaar vir almal wat my regop gehou het toe ek nie kon loop nie. Jy kan kies of jy wil bly lê, of opstaan. Ek het gekies om op te staan, my studie te voltooi en mense te help wat dieselfde trauma beleef. Ek staan ook my ma by wat steeds leer om met die gebeure te cope. Sy is my beste…

Die kuns van vormsnoei is so oud soos tuinmaak. Die Romeinse filosoof Plinius die Ouere het dié tuinstyl reeds in die antieke Romeinse tyd geboekstaaf. Maar daar is aanduidings dat dit reeds vroeër in die Ooste gedoen is, soos wat ons vandag nog sien in bome wat in wolkvorms gesnoei is. Ná die val van die Romeinse Ryk was dit net by kloosters en kastele waar die vormsnoei-tradisie nog behoue gebly het. Met die aanbreek van die Renaissance het vormsnoei meer argitektonies geword en die styl het deur Europa versprei. Toe ’n minder gestruktureerde voorkoms in die vroeë 1700’s mode word, het die gewildheid van vormsnoei ’n bietjie afgeneem. Sir Francis Bacon het in die sewentiende eeu daarna verwys as “childish taste”. In 1712 het Joseph Addison geskryf: “Our British…

Steak GENOEG VIR 4 STEAKS OLIE DIT SPEK-EN-KNOFFELOLIE • 500 g repiesspek • 2 knoffelhuisies, fyn gekap 1 Verhit ’n swaarboompan oor lae hitte. 2 Braai die spek ’n klompie op ’n slag tot al die vet uitgebraai is en die spek krakerig is. Haal uit. 3 Voeg die knoffel by die olie en braai vir 2 min. daar- in. 4 Kap die helfte van die spek ruweg (eet die res) en voeg weer by die olie. 5 Laat afkoel en marineer die vleis vir 1 uur in die olie. 6 Braai die steak oor warm kole en verf deurentyd met die spekolie. 7 Geur met sout en gemaalde swartpeper. VRYF DIT IN KOFFIEBOONSOUT • 60  ml (¼ k) koffiebone, fyn gemaal • 60 ml (¼ k) bruinsuiker • 20…

ITALIAANSE SOMERSLAAI OP ’N STOKKIE VOORBEREIDINGSTYD: 40 MINUTE • KOOKTYD: 15 MINUTE • GENOEG VIR VIER Skil 8 klein bete en meng in 15 ml olyfolie, sout, peper en 'n paar tiemieblaartjies. Bak by lae hitte tot gaar en blink. Laat heeltemal afkoel. uap 80 g okkerneute en braai oor hoë hitte in 'n droë pan. Roer deurentyd. Voeg 2 e suiker by en roer tot die suiker begin smelt. Skud die pan om die neute met suiker te bedek. Haal af en laat heeltemal afkoel. Gebruik 4 houtstokkies en ryg op elk 'n beet, gevolg deur roketblare en 2 balletjies bocconcini-kaas. Sit die stokkies op 'n lang bord en dien op met die okkerneute, 'n paar swartolywe, rosa-tamaties en dun gesnyde radyse. Sprinkel unorr Italian Vinaigrette Salad Dressing net…

Tuinvars ertjies. Geelwortelblokkies. Cauliflower florets. Gemengde groente. Soos grofgeskut het die pakke bevrore groente by my verbygevlieg. Asof sy besig was om ’n dodelike aanslag in ’n koue oorlog van ’n ánder aard te loods, het ’n tam vrou sonder ’n sweempie emosie een na die ander pak ysige groente uit die winkelvrieskas gehaal. Sonder om daarop ag te slaan of behoorlik te mik, het sy dit met ’n swiepende armhaal in haar inkopiewaentjie wat ’n tree of twee van haar af gestaan het, ingeslinger. “Chunky Slap Chips” kon ek uitmaak toe die laaste pak my skramsweg - en haar inkopiewaentjie gans en al – mis, en in ’n bondeltjie op die vloer beland. Dit was net my geluk dat een van die pakke groente my nie getref het nie.…

Andrew Smith en Shane Dryden het die aanlynwinkel Yuppiechef in 2006 in ’n voorkamer in Plumstead, Kaapstad, begin. Shane se pa het hul eerste produk vyf dae ná die opening van die aanlynwinkel gekoop. Nou het hulle ’n kas vol toekennings, ’n personeel van tagtig en ’n baie florerende onderneming wat hulle wêreldwyd wil uitbrei. Hulle het op kombuisprodukte besluit omdat almal kombuise het en kombuisware vele produkte insluit, wat ’n groot vraag na hul produkte sou verseker. Daarby het TV-programme soos MasterChef kos maak baie gewild gemaak. Tog glo hulle dat die kliënt nog net so spesiaal moet voel soos Denise, hul eerste “regte” kliënt wat met ’n handgeskrewe kaartjie vir die aankopie bedank is. Aflewering is gratis en ’n handgeskrewe bedankingskaartjie word steeds by elke bestelling ingesluit. Hulle…

HELENA HUGO Helena is een van ons gewildste skrywers in die Christelike liefde- en dramagenre. Waar kry jy jou stories? Van my kant af het ek geleer om oplettend te leef, te kyk, te luister en empatie met myself en my medeaardbewoners te hê. Dat ek dit regkry om te skryf is genade en elke storie ’n gawe van Bo. Hoekom het jy Christelike lektuur as genre gekies? Ek het kennis gemaak met die genre toe ek gevra is om Oceans Apart van Karen Kingsbury in Afrikaans te vertaal. Ná nog twaalf vertalings wat skrywers soos Terri Blackstock, Deborah Bedford en Joyce Meyer ingesluit het, het ek Francine Rivers se wenroman Redeeming Love gelees en besef dat ek in die geselskap van hierdie skrywers veilig voel. Het jy met elke…

Op Sondag 25 Oktober kan jy jou stapskoene aantrek vir ’n goeie doel: 2015 se Avon Justine iThemba Walkathon wat borskanker-bewustheid aanwakker en inligting oor die siekte bevorder. Registreer dadelik by www.ithembawalkathon.co.za vir ’n stappie van 5 of 8 km. Die eerste 20 000 mense kry iThemba-geskenksakke met Avon- en Justine-produkte, asook ’n T-hemp en ander verrassings. Die mense spring reeds om 08:00 by Marks Park in Johannesburg weg. Die hele gesin – en jou hond – is welkom: R100 vir volwassenes en R75 vir kinders onder 12. Daar gaan ook musiek, kosstalletjies en kinderaktiwiteite wees. Die instellings waarvoor geld ingesamel word, is die Borsgesondheid-stigting en Bosom Buddies. Bel 0861 00 99 02 ithembajhb@brandaxn.com of www.ithembawalkathon.co.za Die Abraham Kriel-kinderhuis op Nylstroom bied op 24 Oktober ’n damesdag by die Woodhill Country-klub…

IF I CAN DREAM – ELVIS PRESLEY JIP. ’N NUWE ALBUM VAN DIE KONING! VANJAAR SOU HY TAGTIG WORD EN OM DIT TE VIER IS KLASSIEKE ELVIS-LIEDJIES IN SY EIE STEM MET DIÉ VAN GASKUNSTENAARS SOOS MICHAEL BUBLÉ, IL VOLO EN DUANE EDDY GEKOMBINEER. VAN DIE NOMMERS IS “FEVER” EN “IT’S NOW OR NEVER”. VIR ELVIS-AANHANGERS EN WIE IS NIE EEN NIE? 2-STER HOTEL – BACCHUS NEL SEDERT SY EERSTE TREFFER, “OPPIPLAAS”, HET BACCHUS ONTWIKKEL TOT EEN VAN ONS VOORSTE LIEDJIESKRYWERS/ SANGERS. SAAM MET MARISSA WEST OP STEM EN MONDFLUITJIE EN RIAAN BRITZ OP TREKKLAVIER EN ALLERLEI ANDER KLAWERINSTRUMENTE, MAAK SY MUSIEK JOU HART VOL. LOW FI HOAX – THE OH! SO SERIOUS. HIER IS SUID-AFRIKAANSE FOLK OP SY LEKKERSTE EN VANA EN SY…

@home 0860 576 576 Belgotex 033 897 7500 Block and Chisel 021 691 0878 Breville by @home home.co.za Coricraft 011 611 8700, 021 508 5200 Country Road Woolworths.co.za Democratic Republic 011 784 0512 Hello Pretty hellopretty.co.za Hermes 021 442 7700 Jo Borkett joborkett.co.za Kitchenique kitchenique.co.za Le Creuset lecreuset.co.za Linen House 021 552 1505 Lion Matches 0860 546 600 Loft Living 021 422 0088 Maison Mara 021 418 1600 Mimco 011 290 1011 Montblanc 011 666 2804 Mr. Price Home 0800 212 535 Raphaella Booz 082 780 3221 Robin Sprong Wallpaper 021 447 9842 Sorbet by Clicks 0860 254 257 Superbalist superbalist.com Superga 011 608 0023, superga.co.za Tag Heuer Picot & Moss 011 669 0500, picotandmoss.co.za Tangle Teezer everythinghair.co.za Tik-Lee 011 884 0019 Topshop…

Drie van die lesers wat hul menings gestuur het, wen ’n Hedgren-handsak van R1 500. Wat is jou gunstelingblom? Waaraan laat dié blom se kleur of geur jou dink? Soné Vollgraaff (30), hoftussenganger, Montagu. Proteas. My trouruiker was ’n koningprotea en dit herinner my aan die dag waarop ek en my man ewige trou aan mekaar beloof het. Karen Radley (51), tuisteskepper, Vereeniging. Orgideë is vir my die mooiste blomme met die lieflikste kleure en hulle ruik nog lekker ook. Dit is net ’n elegante, sjiek en stylvolle blom. Carin Joubert (52), sekretaresse, Albertinia. Stargazer- en St Josefslelies is vir my sulke rein blomme en herinner my aan my belofte wat ek afgelê het. Dit laat my ook aan my seun se begrafnis en naderende Kersfees dink. Soné, Karen en…

SPEKKONFYT Maak 500 ml Die perfekte kombinasie van soet en sout! Sit die spek op bruschetta of op ’n kaasbord. 500 g repiesspek, fyn gekap 1 ui, fyn gekap 4 knoffelhuisies, gekneus en fyn gekap 125 ml sagte bruinsuiker 125 ml aangemaakte sterk koffie 60 ml esdoringstroop of heuning 1 Braai die spek in ’n pan tot bros en gaar. Skep uit en hou eenkant. Hou die olie in die pan. 2 Braai die ui en knoffel vir 5 min. in die spekolie. 3 Voeg die spek, bruinsuiker, koffie en esdoringstroop by. 4 Laat prut vir 20-25 min. of tot die konfyt blink en dik is. SPEKBURGER Wat het ’n burger nodig om dit nóg lekkerder te maak? Spek natuurlik. Maak jou gunstelingfrikkadelle, draai in repies spek toe en braai…

Wanneer sy en Richard wel saam tuis is, onthaal hulle graag. “Omdat ons so baie reis, is ons huis vir ons die lekkerste plek op aarde. Ons nooi graag vriende vir lekker kuiers op die stoep, en het onlangs fondue herontdek. Dis so maklik! En daar bestaan nie iets soos te veel kaas in ’n resep nie – so, ons hou heerlike kaasfondues.” In haar hart is Elma ’n huishen. “Ek is mal oor tuinmaak! Ons het ’n avokadoboom wat heeltyd dra, en ek het knoffel, uie en tamaties geplant. Ek boer tog te lekker in die voorstede!” sê sy laggend Nie dat sy noodwendig die groente eet wat sy kweek nie. “Richard is die kok in ons huis en hy moet die groente maar goed versteek in die kos,”…

Christina Applegate is gemaklik. Sy het altyd ’n uitdrukking in haar oë wat lyk of sy “oh!” uitroep. Jy is nie seker of dit iets goeds of slegs beteken nie, maar dit laat jou glimlag. Haar vermoë om mense te laat glimlag en op hul tone te hou het haar ’n internasionale ster gemaak toe sy maar 16 was. Haar eerste loopbaantree was as baba in haar ma se arms in die sepie Days of Our Lives, maar sy het naam gemaak as die dom en losbandige tiener Kelly Bundy in die komediereeks Married … With Children. Sy het die rol tien jaar lank vertolk en het daarna ’n in rits suksesvolle TVreekse soos Jesse, Samantha Who en meer onlangs Up All Night gespeel. Christina speel nou in die skreeusnaakse…

Die verbrokkeling van Altus en Paula se huwelik het 7de Laan- kykers se harte gebreek. Hulle moes kyk hoe die groot TV-liefde taan, maar het bly hoop dat die twee weer by mekaar sal uitkom. Die groot dag het uiteindelik aangebreek en ons kan die snesies gereed hou vir die oomblik wanneer die twee die tweede keer voor die kansel gaan staan. Daar is vroegoggend reeds ’n opgewondenheid by die 7de Laan-ateljees in Lone-hill, Sandton. Dis die dag van die groot troue. As jy nie geweet het een van die groot TV-huwelike vind vandag hier plaas nie, sou jy kon glo dit is ’n regte troue. Die opgewondenheid en afwagting op stel is presies nes dié op ’n regte troue. Oral staan “gaste” (ekstras) in pakke en deftige rokke rond.…

Mari Senekal Die meeste van die jongmense met wie ek te doen kry, is gek na Afrikaanse musiek, ons taal ook, maar hulle sukkel om die taal suiwer te gebruik en ken ook nie eintlik die geskiedenis van die ontwikkeling van Afrikaans nie. Hulle is almal wel trots om Afrikaans te wees, te praat en vir seker te luister. Marina Stain-Alberts Afrikaans is GROOT! Albei my seuns hou baie van Afrikaanse musiek en is trots daarop om Afrikaans te wees. Francis Snyman Die trots is vinnig besig om terug te kom. Jongmense sing in Afrikaans en vra oor die radio en TV na Afrikaanse liedjies. Dit wys mos hulle is trots Afrikaans en nie skaam vir hul taal nie.…

Die aantreklike 25-jarige is geheimsinnig oor sy verhoudingstatus. “Soos dit op facebook sê: it’s complicated.” Hy is darem bereid om te sê hoe hy sy ideale maat sien. “Sy moet ’n go getter wees, lus vir die lewe, spontaan , sportief . Mooi is altyd ’n bonus.” En sy idee van ’n romantiese afspraak? “Aandete op Tafelberg teen sononder . Lekker wyn en goeie geselskap. Idillies.” In Hollywood in my Huis kon jy al sien hy spog met ’n nuwe voorkoms. Om die blokkiesmaag en bultende spiere te kry bring hy ure in die gimnasium deur. Hoe ontspan hy? “Deur te gim en sauna as ek in Johannesburg is. As ek in die Kaap is, ry ek branders ! Kuiers saam met vriende is ook baie belangrik.” Hy werk tans…

Soné Vollgraaff The Shack deur William P. Young. Ek was in 2009 vir ‘n jaar in Engeland en het toe die boek gelees. Dit was ‘n geestelike ervaring en het my sommer weer met nuwe oë na my geloof laat kyk. In die vreemde was my geloof my anker. Alison Botha se storie, I have Life, was ook inspirerend. Karen Radley Dis ek, Anna. Ek kan my met die boek vereenselwig omdat ek ook deur so iets was en presies weet wat die skrywer sê! Dit leer ’n mens om te praat oor wat met jou gebeur het en so kan jy ander help wat dieselfde deurgemaak het. Carin Joubert Kind van Versoening deur Francine Rivers. Dit het my intens laat nadink oor aborsie ná ’n verkragting en het my…

Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES EN ID-NOMMER NA 48409. VRAAG: IN HOEVEEL GROOTTES IS ENGELSRUFER BESKIKBAAR? SMS’E KOS R1,50 ELK, GRATIS SMS’E GELD NIE. BEPALINGS EN VOORWAARDES OP BL. 188. SLUITDATUM 31 OKTOBER 2015. Glo jy aan beskermengele? Volgens die ou Engelsrufertradisie kan dié hangertjie jou help om met hulle te kommunikeer. Die kosbare, ragfyn juweelstuk is so kwetsbaar soos ’n engel, maar kan jou die krag gee om in enige situasie ander te kan help. Die pragtige mandjiehangertjies is met sorg en aandag aan detail en gehalte hand gemaak van 925-sterlingsilwer wat met rodium oorgetrek is. Binne-in elke mandjie is ’n omruilbare klokkie. Die klokkies is beskikbaar in 16 kleure en elke kleur het ’n spesiale betekenis. Wit versinnebeeld perfeksie,…

Jou vel moet foutloos lyk. Volg ’n goeie velsorgroetine om die vel in ’n goeie toestand te hou. ’n Primer /voorbereidingslagie laat jou onderlaag makliker aanwend en laat jou vel nog meer foutloos lyk. Kies ligte dekking (soos ’n BB-, CC- of getinte bevogtiger) en subtiele verbloemer sodat jy ’n bietjie kan kul as dit moet (wat die meeste van ons maar moet doen). Subtiele glans op plekke soos jou slape en bo jou wangbene is natuurlik ook ’n moet en daarby moet jou wenkbroue mooi vol lyk.…

Baie kenners verkies dat jy bly by plantolies soos olyfolie, en dierevet, soos botter, room en kaiings beperk. Ander sê dit is om’t ewe. Speel veilig en kyk na jou familiegeskiedenis vir hartkwale en cholesterolvlakke. Los die dierevette as jou risiko hoog is. soos wortels, patats, rys, aartappels, ertjies, brood, sousbone, mielies, tjips, mieliepap, ontbytpap, koeskoes, quinoa, beet, botterskorsies, ryp skorsies, pampoen, of gebak soos brood, beskuit, pasta, pizza. soos spinasie, blaarslaai, roket, basilie, enige soort kool, aspersie, uie, avokado, eiervrug, murgpampoen, olywe, soetrissies, rissies, knoffel, tamaties, pampoensaad, dennepitte, neute, vlassaad. Geniet alle vleis, vis, eiers en afval. Eet ’n maksimum van 3 porsies per dag. ’n Porsie is so groot soos jou handpalm. Eet twee keer per week salm of sardiens. Kies altyd volvet-suiwel, soos 3% melk, kase, volroomjogurt,…

Wat was jou kleinding / kleinkind se APGARtelling? Ons onthou almal dié een. Maar die vrou agter die term is byna vergete. Virginia Apgar was een van daardie ongelooflike baanbrekers wat vrouegesondheid wêreldwyd op ’n nuwe vlak geplaas het, al was sy nooit swanger, getroud, ’n vroedvrou of ginekoloog nie. Sy was ’n Amerikaanse narkotiseur. Sy het besef dokters en vroedvroue het ’n stelsel nodig om die gesondheid van ’n pasgebore baba maklik en vinnig te evalueer en het in 1952 die Apgar-stelsel ontwikkel. Sy het nog twee reusebydraes gemaak: Sy is so te sê vrou-alleen verantwoor-delik daarvoor dat kinders teen rubella (Duitse masels) ingeënt word, ná 1964 se rubellaepidemie waar een uit elke honderd babas aangetas is en blind, doof en/of met breinskade gebore is. Sy het ook die…

ROMANTIES Met hierdie romantiese slaapkamer bring jy die see huis toe. Kraakwit en sagte blou skep ’n koel en rustige vakansieatmosfeer Die muurafwerking skep die palet vir die vertrek. Hou by dieselfde kleure RUSTIEK Die eenvoud en sjarme van die witen-grys slaapkamer is tipies van die landelike styl. Die onafgewerkte houtvloere en kopstuk versterk die tema. Die besondere muurbedekking is ’n deurgang na Droomland Die kombinasie van loodgrys, wit en room is tans baie gewild EKLEKTIES Die eklektiese styl en teksture met ’n kleurskema van loodgrys, wit en spatsels geel, skep’n besondere atmosfeer in die slaapkamer Skep die landelike voorkoms met die rojale gebruik van antieke elemente LANDELIK ’n Verskeidenheid teksture, skakerings van roomwit en ’n ontspanne, gesellige atmosfeer is tipies van dié styl. ’n Sagte wolmat, muurpapier en strooikussings…

DIE VLEIS • Vleis moet by kamertemperatuur wees voor jy dit braai. Haal ’n uur voor die tyd uit die yskas en die verpakking. • Laat rus vleis vir 5-7 min. ná jy dit afgehaal het in ’n oondpan wat met foelie bedek is. • Groot vleisnitte soos ’n lamsboud moet eerder ontbeen en oopgevlek word. Dieselfde geld ’n heel hoender wat liefs plat gedruk moet word. Op hierdie manier braai die vleis meer eweredig en vinniger sonder om uit te droog. • Plat hoender: Sny die ruggraat aan weerskante met ’n skerp mes of kombuisskêr los. Lig uit en draai die hoender om en druk die karkas met jou hande plat. • Steak en tjops moet dikker gesny word - tussen 2,5 cm - 3 cm. DIE GEURMIDDELS •…

GIER VAN DIE MAAND MALVALEKKER Ons is mal oor al die opwindende geurgedaantes wat malvalekkers deesdae aanneem. Kry by rooirose.co.za  ons basiese malvalekkerresep en probeer ons nuwe geure vir die ou gunsteling. Die geure en sappe word aan die einde van die mengproses vinnig bygeroer - voor die malvalekkers begin set. GRANAAT-EN-WITSJOKOLADE-MALVALEKKERS Kook 500 ml granaatsap tot stroperig. Smelt 200 g witsjokolade. Vou die granaatstroop vinnig by wanneer die malvamengsel klaar geklits is. Gooi die helfte van die mengsel in die pan en gooi die helfte van die witsjokolade daaroor. Gooi die oorblywende mengsel in, gevolg deur die res van die sjokolade. BEET-EN-VINKEL-MALVALEKKERS Versap 1 rooi beet. Kap 10 g vinkelsaad fyn. Vou die beetsap en vinkel by wanneer die mengsel klaar geklits is. WORTEL-KARDEMOM-EN-LEMOEN-MALVALEKKERS Versap 2 wortels.…

HEILSAME SPINASIE-AVOKADO-EN-LENSIE-SLAAI 6–8 porsies Voorbereidingstyd: 20 minute Benodigdhede: slaaibak, mengbak SLAAI • 3 k babaspinasieblare • 2 k roket • 2 avokado's, gesny en met suurlemoensap besprinkel sodat hulle nie bruin word nie • ½ blikkie KOO Chick Peas in brine, gedreineer • ½ blikkie KOO Lentils in brine, gedreineer • 4 e granaatpitte • 4 e gesoute grondbone, ruweg fyngedruk • 2 t geroosterde pampoensade SLAAISOUS • ½ k gewone jogurt • ¾ k gegeurde crosse & blackwell mayonnaise: knoffel en kruie • ¼ k Mrs balls blatjang • 1 t rooirissie, fyn gekap • 2 t gemaalde swartpeper • sout na smaak • 2 e gekapte sprietuie SLAAI 1 Rangskik die babaspinasieblare en roket op 'n bord en skep die lensies daarop. Pak die avokadoskywe op die lensies…

STEM JA OF NEE OP ONS VRAAG IN “WAT DINK JY” EN JY KAN ’N GATINEAU-GESKENKPAK TER WAARDE VAN R2 830 WEN. DIE HOOGS SIGBARE EN DOELTREFFENDE RESULTATE WAT JY VAN GATINEAUPRODUKTE KAN VERWAG, IS TE DANKE AAN DIE KEUSE VAN DIE HEEL BESTE BESKIKBARE BRONNE. VAN DIE DOELTREFFENDSTE PLANTEKSTRAKTE IN DIE GEVORDERSTE FORMULES TOT DIE JONGSTE BIOTEGNOLOGIESE ONTWIKKELINGS EN STRENG TOETSE VERSEKER DIE DOELTREFFENDHEID EN VEILIGHEID VAN GATINEAU-PRODUKTE. VIR MEER INLIGTING KYK BY GATINEAU@ORLEANSDIST.CO.ZA VRAAG: KOOP JY DIKWELS IN AANLYNWINKELS? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP DIE “WAT DINK JY”- BLOKKIE OM DEEL TE NEEM.…

Die geit het haar al weer gevat, Ma,” hoor Willemien hoe Mietsie-van-die-winkel van die stoep se kant af roep toe sy verby stap. “Sy is weer besig met die wegloopding.” Willemien steur haar nie aan hulle nie. Mietsie kan heeldag op een plek sit, solank sy ’n blik koekies het om haar hand in te druk, of ’n glasbottel vol appelkosies. Sy het nie die wegloopding in haar nie. Sy hoor die winkel se sifdeur oopgaan en voel twee paar oë op haar rug. Brandt sal nie lank wonder waar sy is nie. Mietsie sal bel. Sy loop en sy loop en sy loop. Sy weet as sy so aanhou, loop sy sommer tot by Tietiesbaai vanmiddag. Of is dit al vanaand? Amper skemer, sy sal moet omdraai. Maar sy…

In Oktober praat ons oor “Ma” om aan te sluit by Helena Hugo se boek. As jou boekklub al die vrae reg beantwoord en getrek word, kry julle met die komplimente van Graffiti die boeke wat in hierdie uitgawe in “Rooiwarm” verskyn. Stuur jul antwoorde na roneln@caxton.co.za met “Oktober-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam, ’n posadres en selnommer. Vrae 1 “Ma, my maer hande steek vir jou ’n kers aan ...” Digter? 2 “Mama, just killed a man ... ” Eerste reël van watter liedjie, en deur wie? 3 “Mama Mia”. Komponiste? Van watter groep? 4 Wat was die eerste vollengte rolprent met klank én Afrikaanse dialoog? 5 Watter top- Spaanse regisseur het die kultusfliek, All about…

OP AARDKLOP Van 6 tot 10 Oktober is daar groot makietie op Potchefstroom wanneer een van die land se grootste kunstefeeste, Aardklop, weer sy stem dik maak. Veral die toneelprogram beïndruk. Bertolt Brecht se Moeder Moed en haar Kinders is nog net so relevant soos sewentig jaar gelede. En dan is Siener in die Suburbs en People Are Living There so eg Suid-Afrikaans as kan kom. Daar is vyf debuutproduksies ook, waaronder Jani, met Sandra Prinsloo as die omstrede rubriekskrywer en joernalis Jani Allen. Chris Vorster is pure verkleurmannetjie in Aartappels en Ammo. Diaan Lawrenson en Jody Abrahams is te sien in Leon Kruger se komedie Klein Jakkalsies. Musiekgewys is al die grotes daar: Laurika Rauch, Zoid en Van Coke, Elvis Blue, Amanda Strydom en ddisselblom! Kyk by www.aardklop.co.za PLEIN-TEATER…

Die Brit Mary Anning, een van die belangrikste fossielontdekkers tot nog toe, het geen wetenskaponderrig gehad nie. Die beendere wat sy in die 18de en vroeg 19de eeu aan die kus van Engeland by Lyme Regis gevind het, het bygedra tot die ontwikkeling van nuwe idees oor die ouderdom van die aarde en die uitwissing van spesies. As werkersklasvrou het Mary nooit in haar leeftyd die eer vir haar vondste gekry nie. Adellike versamelaars het haar fossiele gekoop en die vondste in wetenskaplike tydskrifte beskryf en is daarvoor gehuldig, maar dikwels het hulle nie eens haar naam genoem nie. Anna Pinney, ’n jong vriendin van Mary wat haar dikwels op haar versameltogte vergesel het, het geskryf: “Mary sê die wêreld het haar misbruik … die geleerde manne het haar brein…

Daar is iets spesiaals aan ’n hospitaal vroeg op ’n Maandagmôre. Iets ongereps, iets wat ’n mens aan nuwe moontlikhede laat dink. Ons wag om ingeskryf en opgeskryf te word, ek en die oom. Hy is bejaard en op krukke. Weerloos en dapper. Ek is nie meer so erg jonk nie en ver van krukke af. Weerloos op my eie manier en hopelik ’n bietjie dapper. Ons meld ons vir knievervangings aan. Vir hom gaan dit oor lewensgehalte op die laaste skof. Vir my gaan dit oor die depressieduiwel wat deur oefening op ’n afstand gehou kan word. Ons dra elkeen ons eie vrese na die waakeenheid saam. Ons word soos monsters vir die dissekteertafel voorberei. ’n Mooi assistentjie kom was die hele been in ontsmettingsmiddel en speld die hele…

WEN Wen ’n Canon-KAMERA Hou jy van foto’s? Wen een van twee Canon PowerShot SX520-kameras ter waarde van R8 000! Gee jou mening en WEN Sou jy meer video’s op ons webblad wou sien? Stem ja of nee en jy kan een van twee geskenkbewyse van Melissa-skoene ter waarde van R2 000 elk wen! BraaiTYD! Hierdie maand braai ons met oorgawe. Blaai na bladsy 160 vir heerlike resepte, PLUS kry ’n lekker resep vir lamstjops op ons webblad. Borskanker-MAAND Ons deel alles, van tatoeëermerke op die borste tot kanker sonder knoppe. Lees meer in ons gesondheidsafdeling. Agter die SKERMS Ons het met Elma Smit se voorbladfotosessie ’n paar oomblikke gesteel en met hierdie dinamiese jong vrou gesels. Kyk na die agter-die-skermsvideo-onderhoud. Ons wou weet GEBRUIK JY MEER AS EEN HANDSAK?…

‘AL WAT EK NOG ALTYD WOU DOEN, IS RADIO! OP ELF HET EK AL NA SASHA MARTINENGO GELUISTER EN NOU KON EK SAAM MET HOM WERK’ Dinamies. Borrelend. Snaaks. Vol selfvertroue. Gedrewe. Hardwerkend. Besig. Dis Elma Smit. Op 29 spog sy met ’n verbysterende CV, boonop een propvol eerstes: eerste Afrikaanse aanbieder in die geskiedenis van 5FM. Aanbieder by die eerste Afrikaanse ontbytprogram op TV. Eerste vroulike SuperSport-rugbyaanbieder, en meer onlangs, eerste aanbieder en vervaardiger van die nuus op die Afrikaanse aanlynnuuskanaal Netwerk 24. Ons sit en gesels in ’n sonkol by ’n restaurant neffens haar werkplek. Sy is sjiek van kroontjie tot hoëhaktoontjies. Maar moenie dat die fyn vroulikheid en modellyfie jou flous nie – Elma is nie ’n poppie nie. “In ’n stadium vroeg in my loopbaan het…

• Christina Applegate is op 25 November 1971 in Hollywood gebore. Haar ma was ’n sanger en aktrise en haar pa ’n vervaardiger. Hulle is kort ná haar geboorte geskei. • In 2008 is borskanker by Christina gediagnoseer en ná ’n dubbele mastektomie is sy kankervry verklaar.…

Moenie dink Les, soos sy vriende hom noem, is iemand wat sommer net op ’n kitaar sit en tokkel nie. Sy pad met musiek het op laerskool met klavier- en kitaarlesse begin, en vandag spog hy met musiekkwalifikasies van die Royal School of Music, die Royal Scottish Academy of Music, Trinity College én Unisa. Hy is lid van die internasionale gilde vir komponiste en studeer tans musiekkomposisie vir TV en rolprente deur Berkeley College in Amerika. Hy het ook al wêreldwyd opgetree: van Europa tot Kroasië, die Oekraïne en selfs Transsilvanië. In sy jonger dae was hy dikwels straatmusikant maar deesdae is hy ’n genooide kunstenaar voor volgepakte sale. Glad nie sleg vir ’n weeskind van die Weskus nie. “Ek het geswerf tussen agt families en my ma, Lisetta Javan,…

Louis van Niekerk (80), akteur Die lang man met die kenmerkende diep stem, tans weer te sien in Getroud met Rugby, is so deel van die Afrikaanse kultuur soos karringmelkbeskuit en braaivleis. In sy lang loopbaan was hy onder meer akteur, regisseur, toneelhoof en artistieke direkteur van die Transvaalse Raad vir die Uitvoerende Kunste (TRUK) en toesighoudende vervaardiger van Egoli. Mede-akteurs praat almal met groot lof van hom en deur sy jare lange betrokkenheid by die Teaterbystandsfonds het hy al talle oud-akteurs se finansiële ellende help verlig. Hy het op twaalf begin toneelspeel en sy eerste rol was in Babs Laker se Ek onthou vir Mamma. Ná skool het hy hom eers as struktuurtekenaar gekwalifiseer en as vryskutakteur sy liefde vir die verhoog uitgeleef totdat hy in 1965 voltyds by…

Aardse kleure Vanjaar se modekleure is aards, soos die sand en gedempte bruin en goud van die woestyn, of die kakies van safariklere. Dis ’n volwasse voorkoms met weelderige materiale, goue juwele en natuurlike bykomstighede Moenie aan aardse kleure net as vervelige bruine dink nie. Gebruik hierdie ou staatmakers op ‘n nuwe manier en skep verleidelike, rokerige oë daarmee. Jy kan bruin en beige selfs saam met grysbruin en grysgroen gebruik. Hou jou vel taamlik bleek met sandkleur lippe en blosser wat net definisie pleks van ‘n gesonde blos skep). Jou wenkbroue moet natuurlik lekker vol lyk. DOLCE & GABBANA LIGHT BLUE SUNSET IN SALINA EDT (R975 VIR 50 ML; R1 310 VIR 100 ML, BEPERKTE UITGAWE). ’n Heerlike en vars blommegeur wat die sonsondergange van die eiland Salina aan…

Ackermans 021 900 1000, ackermans.co.za Aldo 011 555 2300, aldoshoes.com Almay 011 971 0812 American Swiss 021 938 1966, americanswiss.co.za Avon 0860 102 345 Benefit Edgars & Red Square 0800 203 925 Billabong 012 348 1236, 031 566 5373, 021 851 3905, billabong.com Bionike Dis-Chem 0800 201 170 Bobbi Brown Edgars, Stuttafords, Red Square Bourjois 011 477 4722 Brava Clothing Line 082 326 0419, bravaclothingline.co.za Bronx 021 590 7000, bronxwoman.com Catrice Dis-Chem 0800 201 170 Chanel 011 325 1000, chanel.com Charles & Keith 021 552 4912, 012 663 5258, charleskeith.com CJR Gift Sales 011 257 6000, cjr.co.za Clarins 011 809 6300 Clinique Edgars, Stuttafords en Truworths Colette Hayman 087 80 800 80 Cotton On 021 552 9651, 021 981 9366 Coverderm coverderm.co.za Dear Rae 021 447 1390, dearrae.co.za Dior…

50% DIE HELFTE VAN JOU BORD bestaan uit grane, groente en vrugte. Dink aan groente soos pampoen, aartappels, rys, patats, heelgraanbrode, spinasie, roket, wortels, mielies, boontjies, ertjies, beet, skorsie, botterskorsies, tamaties, olywe, broccoli, sampioene, blaarslaai, kopkool, Brusselse spruite, blomkool, skorsies, soetrissies, murgpampoen, grondboonbotter, alle neute soos amandels en pekanneute. Vrugte soos appel, piesang, aarbeie, lemoen, nartjies, waatlemoen, perskes, pere, kiwis, appelkose, vye, turksvye, granate, ens. Grane is pap, brood, en gebak soos growwe beskuit. Kies veral heelgraan- en lae-GI-brood. 15% SKEP EEN PORSIE vleis in soos vis, eiers, hoender, vark, bees, ham, lewer, vleispatee, biltong, wors, afval, volstruis. 15% SIT EEN MELKITEM BY soos kaas, jogurt, melk, maaskaas, roomkaas. Drink koffie of tee met melk ná ete. 10-20% MIN VETTE (3 TEELEPELS PER DAG) Dink aan plantvette: olywe, neute, avo’s,…

• Die Amerikaanse FDA wys daarop dat mense met ’n tatoeëermerk kan voel asof die merk brand in ’n MRIondersoek (die “tonnel”), wat dikwels as deel van kankeropvolg gedoen word. Jy hoef nie ’n MRI te vermy nie maar wys jou tatoeëermerk aan die radiografis sodat sy voorsorg tref. • In Maart verlede jaar was die moontlikheid dat tatoeëermerke velkanker kan veroorsaak groot nuus in Duitsland. ’n Man het binne drie maande velkanker ontwikkel op die plek waar hy ’n rooi tatoeëermerk laat aanbring het. Velkanker weens die son is daar skaars. Daarom word daar ook na ander oorsake as die son gekyk. Op die ou end is besluit dat dit onmoontlik is om te bewys dat daar ’n verband is. Hulle het nogtans dermatoloë versoek om op te let…

• Kry behoorlike hulp en ondersteuning. • Wees eerlik met jouself en konfronteer jou werklikheid: Jy het ’n probleem; gee aandag aan jou ontkenning van die situasie; erken iets moet verander. • Stel grense vir jou werk en persoonlike lewe, vir werksure, verantwoordelikhede en vir elektroniese media. Skakel jou foon ná werk af en beperk die tyd per dag wat jy aan e-posse bestee. • Wees en leef in die oomblik . Vat een dag op ’n slag en sê vir jouself emosies en situasies is tydelik en sal vir seker verbygaan. • Dink positief en glo dinge kan verander. Staak denke van veralgemening en verban woorde soos “altyd” en “nooit”, of iets soos “my lewe is ’n gemors!” Nee, hierdie situasie is nóú ’n gemors; ek sukkel nóú om…

Oosterse én Westerse gebruike het deur die jare die Suid-Afrikaanse manier van tuinmaak beïnvloed. Die formele styl is dikwels in ou tuine aan die Kaap gebruik maar tendense van elders in die wêreld is net so ywerig gevolg. Plaaslike tuiniers en plantkundiges het ook nie op hulle laat wag nie en ’n eg Suid-Afrikaanse stempel op tuinmaak afgedruk. Meer en meer inheemse plante en hul nuwe variëteite is by kwekerye beskikbaar en word dikwels gebruik om vormsnoei by tuinontwerp in te span. Plante met kleiner blare werk eintlik beter vir vormsnoei omdat jy nie agterna sit met halwe blare wat met die heiningskêr bygekom is nie. Daarom is dit beter om plante soos Freylinia, soutbos, dwergnoem-noem, wildeolyf, Dodonea, Tecoma (voorheen Tecomaria - inheemse / Kaapse kanferfoelie) en Searsia (voorheen Rhus)…

GEBRAAIDE LAM-ENPERSKE-SOSATIES Genoeg vir 4 groot sosaties 180 ml (¾ k) PnP Perskeblatjang 60 ml (¼ k) lemoensap45 ml (3 e) PnP Kerriepoeier 10 ml (2 t) fyn gekapte PnP Knoffel 7,5 ml (1 ½ t) fyn gekapte PnP Gemmer 10 ml (2 t) heel PnP Koljander 1 lourierblaar1 PnP Skaapboud, ontbeen en in grootblokkies gesny16 PnP Droëperskes 4 louriertakke of sosatiestokke in watergeweek 1 Meng die blatjang, lemoensap, kerriepoeier, knoffel, gemmer, koljander en lourierblaar in ’n klein kastrol. Kook vir 5 min. oor matige hitte, trek van die hitte af en laat afkoel. 2 Sit die vleis in ’n groot glasbak en gooi die marinade oor. Marineer vir 2 tot 3 uur. 3 Gooi kookwater in ’n bakkie en week die droëperskes vir 15 min. daarin. 4 Ryg die…

Meng 4 groot skeppies Flora Gold met 1 gekapte rooi brandrissie, 1 gekapte knoffelhuisie, en ’n handjie vol gekapte koljander. Sny ’n ontbeende skaapboud in blokkies, sit die blokke op 4 sosatiestokkies en verf met die Flora. Braai die vleis oor matige kole vir 4 min. aan elke kant. Sit voor met die res van die Flora Gold -mengsel. Vervang die brandrissie en koljander deur ’n paar gekapte roosmaryntakkies en die gerasperde skil van 1 suurlemoen en meng by die Flora Gold. Vir nog resep-inspirasie besoek florastrongheart.co.za…

BURGERS GENOEG VIR 14 BURGERS 2 eiers 125 ml Griekse jogurt 10 ml mosterdpoeier 10 ml fyn gekapte knoffel gerasperde skil van 1 suurlemoen 1 wiel fetakaas, fyn gekrummel 2 kg gemaalde beesvleis sout en gemaalde swartpeper 60 ml olyfolie GLAD Bake & Cooking Paper GLAD Cling Wrap 1 Maak soos gewoonlik vuur in 'n skottelbraai. 2 Meng die eiers, jogurt, mosterd, knoffel en suurlemoenskil. Voeg die fetakaas by. 3 Meng die maalvleis en eiermengsel met jou hande in 'n groot mengbak en geur met sout en swartpeper. Verdeel in 14 ewe groot frikkadelle. 4 Indien jy die helfte van die burgers gaan vries, verpak die frikkadelle tussen lagies Glad Bake en draai dig toe met Glad Cling Wrap voor jy hulle vries. 5 Druk elke frikkadel met jou handpalm…

Om ’n gewone winkel te begin kos geld. Hope daarvan. En daar is groot risiko’s aan verbonde. Jy moet jou eie plek besit of winkelruimte huur. Dan is daar nog bemarking, dekor, rakke vir die uitstal van jou produk en verkoopsmense. Beduidende uitgawes nog voor jy ’n enkele ding verkoop het. Dit laat die aanlynwinkel na die perfekte oplossing klink. Die koste en risiko is kleiner en boonop kry jy kans om jou mark te toets en saam met jou onderneming te groei. Of hoe? DIS HARDE WERK “Vergeet van passiewe inkomste, dis ’n baie aktiewe inkomste dié!” sê Lelanie Slater van socialstationery.co.za wat haar aanlynwinkel in Julie 2014 begin het nadat sy vyf tot ses jaar oor leefstyl en dekor geblog het. “Dink mooi voor jy inspring,” sê Lelanie…

Claire Reid se eerste pogings tot ’n groentetuin was nie ’n dawerende sukses nie. Sy was 16 toe sy in 2002 groente wou kweek en dit vir sakgeld aan haar ouers verkoop. Sy het gou agtergekom dis nie so eenvoudig nie. Verskillende sade moes byvoorbeeld op verskillende dieptes geplant word en die afstand tussen die sade het gewissel. Sy moes ook ’n hele pakkie saad koop, al wou sy net ’n paar plantjies van ’n soort hê. Sy het besluit daar moet ’n makliker manier wees. Sy het met ’n pasta van meel en vloeibare bemesting die saadjies in lang stroke papier toegevou (waar dit reeds vooraf op die regte afstand uitmekaar en die regte diepte geplaas is) sodat dit makliker sou wees om net die strook papier in ’n…

IMMER WES Irma Joubert (Lapa) Kort voor die Eerste Wêreldoorlog ontmoet die ryk, beskermde 14-jarige Hildegard von Plötzke van Oos-Pruise ’n student uit Duits-Suidwes-Afrika. Gustav maak ’n onuitwisbare indruk op haar.en haar hart is gebreek toe hy teruggaan na sy land van herkoms toe die oorlog uitbreek. Ná die oorlog is daar van haar pa se rykdom weinig oor, maar sy trou met ’n ryk dokter en verhuis na Berlyn. Hulle het twee seuns en ’n dogtertjie, Ester. Die Tweede Wêreldoorlog breek uit en haar man en twee seuns sterf aan die front. Hildegard en Ester skuil in hul kelder, beleef die bomaanvalle, oorleef die koue, die hongersnood en die verskrikking van oorlog. Hildegard en Ester kry ’n uitkoms . Sy kry werk as huishoudster en versorger by ’n moeilike…

Platteland toe! Die Agri-Expo Livestock van 15-17 Oktober op Sandringham, Stellenbosch , gaan groot pret wees. Bokke, beeste, skape en wat ook al nog in oormaat … en bring die jongspan saam om ’n bietjie met die babadiertjies te speel. Eet boonop lekker! Iets heeltemal anders vir ’n slag. Besoek www.livestock.org.za vir meer inligting, of kontak Porchia Adams by 021 975 4440 of porchia@agriexpo.co.za Vlieg hoog Op 31 Oktober en 1 November gaan die vlieërs rinkink op die 21ste Internasionale Vlieërfees in Muizenberg, Kaapstad . Die kleurryke fees ten bate van Cape Mental Health is ’n wonderlike gesinspretdag waar jy van die mooiste vlieërs in die wêreld kan sien. Met ander vermaak, lekker kos en allerlei stalletjies. Vars lug! 021 447 9040 of info@cmh.org.za of www.capementalhealth.co.za Kansa-tee Dis weer sulke…

Ná haar dood, het Henry de la Beche, president van die Geologiese Vereniging, ’n eulogie oor haar geskryf wat hy op ’n vergadering van die vereniging voorgelees het. Dit was die eerste sodanige eulogie wat ter ere van ’n vrou geskryf is. CHARLES DICKENS Die skrywer het byna twintig jaar ná Anning se dood in sy literêre tydskrif All the Year Round ’n artikel oor haar geskryf waarin hy die probleme wat sy moes oorkom, uiteengesit het. Hy het die artikel geëindig met: “Die skrynwerker se dogter het naam gemaak, en verdien om dit te maak.” THE FRENCH LIEUTENANT’S WOMAN Daar is na Anning verwys in verskeie Britse historiese romans, die belangrikste daarvan deur John Fowles in sy 1969-roman The French Lieutenant’s Woman. In dié roman is Fowles krities daaroor…