Innholdsfortegnelse for Mei 2016 i Rooi Rose

HOE MEET ’N MENS jou sukses as ma? Die teorie is mos dat ’n ma maar net so gelukkig soos haar ongelukkigste kind is! ’n Ma is immers ’n mens wat daagliks rondbeweeg met haar hart buite haar liggaam ... Ek wonder dikwels of ’n ma se waarde ooit bepaal kan word? Soveel beroemdes het al getuig van hul ma se invloed en impak op hul lewe. Maar met dié dat daar nêrens ’n skool is wat jou in die kuns van ma-wees kan oplei nie ... nou ja. Eintlik moet ek bieg dat van die beste ma’s wat ek geken het, nooit ’n kind gebaar het nie, maar tog intrinsiek ma’s was. Kyk ook maar na renoster-ma’s: dit is opmerklik dat die witrenoster-ma agter haar kalfie loop om hom…

‘Dis belangrik om die donkerder kant van jou menswees te ondersoek sodat jy kan besef jy is nie volmaak nie’ Ek assosieer jou met sonskyn. Kom jy ooit in die sneeu? Ons gesin gaan ski gereeld in Kanada en is gewoonlik ’n groep van twintig mense. Ons was een jaar daar vasgesneeu - wat ’n koue Kersfees! (lag). Dit lyk of jy jonger regisseurs verkies? (Lag) Nee, dis nie noodwendig jonger regisseurs nie. Ek probeer om in daardie plek te bly waar akteurs is wanneer hulle net begin toneelspeel; wanneer jy nuwe goed probeer. Ek wil altyd so wees. Ek hou daarvan om my oor te gee aan iets en dapper te wees. Ek wil nooit te bang wees om ’n wilde, vreemde keuse te maak nie. Dalk is dit…

‘Ons gesin is maar ’n bietjie vreemd - my sussie boer steeds saam met my pa, en ek het by my ma leer troukoeke versier’ Dis nie aldag dat ’n Suid-Afrikaner daarin slaag om die Franse kossnobs te wys waar Dawid die wortels gegrawe het nie, maar dis presies wat ’n boerklong van Mpumalanga, Jan-Hendrik van Westhuizen (33), pas gedoen het. Sy restaurant, JAN, in Nice, Frankryk, is onlangs met ’n gesogte Michelin-ster bekroon. Dis die eerste keer dat dié groot eer ’n Suid-Afrikaanse sjef in die hele Europa en Asië te beurt val. Jan-Hendrik, ’n kunstenaar en opgeleide fotograaf, se tweede kosboek, JAN, A Breath of French Air, het pas verskyn. Die restaurant was ook in Januarie vanjaar op die gesogte Condé Nast-lys van die 18 beste restaurante ter…

Albertus se belangstelling in viole het begin op ’n Europese rugsakreis saam met ’n universiteitsvriend. Hul reis het hulle onder meer geneem na die klein Duitse dorpie Mittenwald, wat sedert die middel van die sewentiende eeu bekend is vir die vervaardiging van viole en tjello’s. “As jy so deur die strate stap, kan jy deur die vensters sien hoe sit en werk die vioolmakers,” vertel Albertus. Hy het as agtjarige begin viool speel, en wat hy in Mittenwald gesien het, het hom gefassineer. Tuis gekom het hy dadelik probeer om ’n werkbare viool te maak. “Ek het sommer hout gaan koop by die hardewarewinkel, maar dit het natuurlik nie goed gewerk nie. Die regte hout is baie belangrik.” Danksy die koms van die Internet kon Albertus sy drome oor vioolmaak…

‘Sonder selfrespek kan jy nie jou medemens en omgewing met eerbied behandel nie’ Dave Pepler, die man wat so passievol kan praat oor die natuur en al haar wonderwerke, is ’n seun van Robertson in die Klein-Karoo. Die natuur het hom geboei vandat hy kan onthou. “Ek het kleintyd al geweet die natuur is die enigste konstante in my lewe. My oupa, Boy le Roux, het my as seuntjie veld toe gevat en my met groot geduld die klein geheime van die Karooveld gewys.” Ná matriek is Dave Saasveld toe – hy wou bosbouer word. “Maar bosbou het my verveel, want bome neem so lank om te groei!” Lees was van kindsbeen af ’n passie, en ’n loopbaan in die akademie het na ’n goeie plan gelyk omdat hy alles…

Mode 2016 Ons het die KLEURWIEL gespin en op die belangrikste kleure van die seisoen laat stop. Ons wys jou watter style pas by watter kleure en help jou sommer ook om vas te stel watter kleure jou die meeste sal vlei. Ek hou meer van winter- en herfskleure as van die somer se helder skakerings of sagte pastelle. Die AARDSE en JUWEELKLEURE van die winter skep ’n gesofistikeerde gevoel en die kleure werk goed saam met (tydlose) SWART, wat deesdae my gunstelingkleur is. Jy sal altyd elegant lyk wanneer jy van kroontjie tot toontjie in swart uitgevat is. Dit bly maar stylvol. MOET-HÊ ITEMS: • Bloese met hoë halse en strikkrae • Leergordel • Aanglipskoene • Geplooide romp • Borsspelde • Bruin of grys jas Susra Skoonheid 2016 Die…

LA MER THE LIFTING EYE SERUM (R2 700). Groen is die kleur van die natuur - kalmerend, ontspanne, helend. ’n Goeie keuse as jy jouself of ander moet kalmeer Die produk bevat La Mer se spesiale Stretch Mark Complex wat help om jou oë te “lig”. Wend dit rondom die oë aan – selfs bo en onder jou wenkbroue. Die aanwender het ’n ronder kant waarmee jy eers die vel om die oë masseer en daarna ’n paar druppels van die serum met jou vingers aantik. Daarna “stryk” jy die plooie met die plat kant van die aanwendertjie weg. Wend die serum voor jou oogroom aan. Jy sal gaande wees oor die rollertjie waarmee jy Nuxe Paris se teenverouderingsmasker, NUXE PARIS NUXURIANCE ULTRA RE-PLUMPING ROLL-ON MASK GLOBAL ANTI-AGING (R595) aanwend.…

In die Weste verwys melk na koeimelk. In Indië beteken dit buffelmelk HOE SMAAK DIT? BUFFELMELK IS ROMERIGER EN RYKER AS KOEIMELK MAAR VERDER SMAAK DIT SO NABY DAARAAN DAT MIN MENSE DIE VERSKIL AGTERKOM. KAMEELMELK IS SOETER EN MINDER ROMERIG AS MELK, MET ’N EFFENSE NASMAKIE. DIT KAN OOK EFFENS SOUT SMAAK Met net een waterbuffelmelkery naby Wellington en slegs ’n paar dosyn melkkamele in die Kalahari en naby Somerset-Wes, is dié soorte melk iets wat nog net die welgesteldstes onder die gesondheidsfoendi’s koop. Wat sien hulle in hierdie eksotiese melk waarvoor hulle tot R80 per liter opdok? Gaan dit werk vir jou cholesterol, diabetes, Bantingdieet en / of allergie? AS JY VIR KOEIMELK ALLERGIES IS WATTER MELK IS JOU BESTE ALTERNATIEF? ANTWOORD Dit is ’n nagmerrie as jou…

Hannie Williams Kinders sal gewis onseker oor hulself en die gesin se toekoms voel. Afhangende van die emosionele volwassenheid van die gesonde ouer kan dit ’n groeiproses vir die kinders wees. Eerlikheid oor die herstel, of nie, van die sieke, sal help dat daar nie verwagtinge geskep word waaraan nie voldoen kan word nie. Kinders verbaas ’n mens met hul insig en as hulle “deel” voel, kan hulle net soveel makliker die moontlike verlies / veranderinge verwerk / verstaan. Kinders kan so maklik by hul vriende gaan ondersteuning soek as hulle uitgesluit is, en dit kan katastrofies wees. Heleen Snyman Dit stem kinders tot onsekerheid oor wat die toekoms inhou as een van die ouers sou sterf. Ouers behoort die erns van die siektetoestand, asook moontlike gevolge aan kinders te…

Cecile du Preez Ek het my wonderlike man op die Internet ontmoet en ons is baie gelukkig getroud. Ons was albei net vir ’n maand op die site en hy het my gekontak op die dag wat my intekening sou verval - net betyds! Ek het in die proses ook ’n paar gawe mansvriende gemaak met wie ek so af en toe nog kontak het. Daar was ’n paar vreemde siele, maar ek het sommer gou op ’n ontmoeting aangedring sodat ons nie mekaar se tyd mors nie. Ek kan dit aanbeveel, want waar kry vroue bo veertig regtig die kans om mansvriende te leer ken? Chrisna Scheepers Ek het ’n baie oulike man deur Tinder ontmoet. Ja, daar is vreemde kalante en kansvatters ook, maar jy moet maar oopkop…

ROSE’S PASSION FRUIT ICE TEA-LAFENIS GENOEG VIR 8 MENSE 45 ml (3 e) vodka45 ml (3 e) jenewer45 ml (3 e) tequila45 ml (3 e) triple sec (lemoenlikeur)vlees en pitjies van 5 grenadellas +ekstra grenadellas vir bo-op250 ml sodawater3 blikkies Rose’s PassionFruit Ice Teafyngekapte ysvars kruisementblaartjies Meng al die bestanddele in’n groot glasbeker en tooi met vars kruisement-blaartjies en grenadellahelftes. www.rosescordial.co.za Facebook: Rose's Cordial South Africa Instagram: @rosescordial Neem deel aan die Rose’s #NotYourUsualskemerkelkie-uitdaging! Gaan na www.rooirose. co.za  vir jou kans om ’n geskenkpak ter waarde van R600 te wen…

KOLLETJIE KLEUR ’N KRING PIERNEEF-ROSE MET DIE LA MOTTE-MUSEUM OP DIE AGTERGROND IS DEEL VAN DIE VERNUWINGSPROJEK WAT IN 2010 VAN STAPEL GESTUUR IS. Simbiose ’N VARSWATERDAM MET SIMBIOTIESE PLANTE SOOS ELEGIA CAPENSIS, GUNNERA PERPENSA EN CALOPSIS PANICULATA VORM ’N SUBTIELE SKAKEL TUSSEN RESTAURANT EN WYNKELDER. Sukkulente VROEGOGGEND MET DIE EERSTE LIG WAT OOR DIE WEMMERSHOEKBERGE VAL. HIER IS DIE FOKUS OP SUKKULENTE SOOS COTYLEDON ORBICULATA, CRASSULA ARBORESCENS EN STOEBE PLUMOSA. DIE OU MEUL DIE HISTORIESE MEUL LANGS DIE LANING AKKERBOME IS DIE LAASTE IN SY SOORT WAT NOG IN DIE FRANSCHHOEK-VALLEI IN WERKING IS. IN DIE PIERNEEF À LA MOTTE-RESTAURANT KAN GASTE SMUL AAN DIE TRADISIONELE BROOD WAT GEBAK WORD MET MEEL WAT HIER GEMAAL WORD. Februarie is nie die ideale tyd om ’n tuin in die Suidelike Halfrond…

PANGEBRAAIDE SALM MET GRASUIE GENOEG VIR 4 MENSE Meng 3 skeppies Flora Gold met ’n handjie vol gekapte grasuie en die gerasperde skil van 1 suurlemoen. Smelt 1 eetlepel van die mengsel in ’n pan en braai 4 salmfilette met die vel na onder daarin. Skep die res van die Flora Gold-mengsel op die vis. Sit ’n deksel op die pan en braai die vis vir nog 5 min.of tot net gaar. FYN FRANSE BOONTJIES EN ASPERSIES IN KNOFFELBOTTER GENOEG VIR 4 MENSE Meng 3 skeppies Flora Gold met 2 fyn gekapte knoffelhuisies en ‘n bietjie gekapte pietersielie. Kook ‘n hand vol fyn Franse boontjies (punte afgesny) en ‘n hand vol aspersies vir 1 min. en dreineer onmiddellik. Smelt die Flora Gold-mengsel in ‘n middelslagpan oor matige hitte en soteer…

‘JY MÓÉT STEM AS ONS VERANDERING HIER WIL SIEN! ’ HOE KAN LESERS ’N VERSKIL MAAK? 1 RAAK BETROKKE! POLITICI GAAN NIE ONS LAND RED NIE. ONS MOET! 2 RAAK BETROKKE BY KINDERS SE OPVOEDING! MOENIE NET JOU KINDERS NA ’N BETER SKOOL STUUR NIE – HELP OM DIE NAASTE SKOOL DIE BESTE EEN TE MAAK. DIE EEN DING WAT GEHELP HET DAT ZIMBABWIËRS BYNA VIER DEKADES VAN DIKTATORSKAP OORLEEF HET, IS DIE FEIT DAT HULLE STEEDS VIR HUL KINDERS TOPGEHALTE ONDERRIG KON GEE. NOU IS HULLE WÊRELDWYD WELKOM. 3 PLAAS DRUK OP DIE REGERING! ONS HET NOU GESIEN WAT DRUK KAN REGKRY. ONDERTEKEN PETISIES, NEEM DEEL AAN VREEDSAME OPTOGTE, EN GAAN STEM! JY MÓÉT STEM AS ONS VERANDERING HIER WIL SIEN! 4 MOENIE JOU TE VEEL AAN DIE GERAAS…

Vandeesmaand is “flieks” ons tema om aan te sluit by ons skrywer van die maand. As jou boekklub al die vrae reg beantwoord, kry julle met die komplimente van Graffiti al die boeke wat in hierdie uitgawe in “Rooiwarm” bespreek word. Stuur jul antwoorde na roneln@caxton.co.za met “Mei-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam; straatadres en selnommer! Moeilik? Google dit … Vrae 1 Wie was die Russiese skrywer van die trefferfliek Doctor Zhivago , en wat die Nobelprys geweier het? 2 Wat was die heel eerste Afrikaanse fliek met spraakklank? 3 Watse tegniek is uniek aan die Star Wars -reeks? 4 Wat het hulle as bloed in die swart-wit fliek Psycho gebruik? 5 Watter fliek is finansieel die…

Vreemd is verkieslik bó vervelig, maar mag nooit stylloos wees nie Party mense word gevorm deur omstandighede, ander deur die kerk ... ag, daar is duisende vormende invloede in hierdie wêreld wat die skuld of die eer toekom vir die produk wat ons die mensdom noem. Ek is gevorm deur ’n paar invloede, maar die Oormag, of “the Force” soos ek hulle in my tienerjare begin noem het, is beslis een van daardie elemente. Die Oormag het twee lede, my ma en haar jonger suster, en as hulle jou beetgehad het, sal jy nooit weer dieselfde wees nie. My ma is oënskynlik die sagter lid van die Oormag, hoofsaaklik omdat sy verstrooid is. Maar as oudste het sy ’n tipe outoriteit. Die jonger lid van die Oormag is briljant, berekend…

Nicole Kidman het die grasie van ’n bokkie, ’n jongmeisiegiggel en sy kyk jou effe wantrouig aan. Haar stem laat jou aan karamel dink: soet en sag. Hoewel sy skraal is, straal daar ’n krag uit haar uit wat jy nie kan ignoreer nie. En tog wil ’n mens haar beskerm. Sy is sjarmant en kan altyd deur ’n ring getrek word. Haar rooi tapyt-rokke is ikonies. Bedags sal jy haar dikwels sien in die styl van die jare veertig – pêrels om die hals, ’n truitjie saam met ’n manlike broek en plat skoene wat haar vroulikheid net nog meer beklemtoon. Sy sit penregop terwyl sy gesels en stut haar ken op haar hand soos ’n blom op ’n lang stingel. Tog kry jy die idee dat sy enige…

‘Die veld is vir my ’n katedraal – die plek waar ’n mens jou hartslag weer met die groter geheel kan kalibreer’ Sy was die “eensame buitebeentjie”, ’n middelkind wat dikwels in die harwar en drama van ’n besige gesin verlore geraak het. Sy het so half verdwyn tussen vloer en politoer, skerts Karin Brynard. Maar miskien het dit haar joernalis en skrywer laat word, dié eenkantstaan. Sy is in die Vrystaat gebore, op Koffiefontein “probeer ’n bietjie om dit vir ’n doeanebeampte in Nieu-Delhi te spel” – en het mens geword in die Hantam, die Groot-Karoo en later Postmasburg in die Noord-Kaap. Of dié wye landskappe bygedra het tot haar kreatiwiteit, sal sy nie kan sê nie. “Maar vir my was dit ’n seëning. Die veld is vir my…

Jan-Hendrik reis baie, maar sê hy sal nie omgee om meer te reis nie. Arniston in die Wes-Kaap is een van sy gunstelingplekke. “Om rooiwyn te drink en truffels te soek in die Piemontewyndistrik in Italië is ook onvergeetlik.” Hy het ook al in Monaco gewoon, en woon die afgelope ses jaar in Frankryk. Hy leef tussen Parys, Nice en Suid-Afrika. “Al my familie en my ander helfte woon hier. Dis nie maklik nie, maar Suid-Afrika is darem net ’n oornagvlug ver. En ja, ek sal beslis terugkom. Die kosbedryf hier is vir my baie opwindend.” Jan-Hendrik bieg dat hy dit vir hom moeilik is om te ontspan. “Maar goeie geselskap en ’n lekker kosstorie is my gunstelingmanier om te ontspan. Ek skilder ook as ek tyd kry.” Sy ma…

‘Die vriendekring is gestroop van maskers en pretensie’ Van vriendskap tot vennootskap Vriendskap en vennootskap is glo ’n resep vir onmin en moet tot elke prys vermy word. Maar Dale Niehaus (46) en Marina Smith (44) het dié veralgemening opsy geskuif en saam hul onderneming, Chisel & Chalk, se deure oopgeskuif. Hulle pas wel een reël sonder uitsondering toe: as die winkeldeure soggens oopgesluit word, is hulle eers vennote en dan vriendinne. “Dit is ’n uitdaging om ’n vennootskap en vriendskap afsonderlik te bestuur en die grense van jul verhouding te respekteer,” vertel Dale. “As vennote kan ek en Marina van mekaar verskil en in belang van die besigheid optree. Maar die geheim is om ons vriendskap nie deel van die verskille te maak nie.” Hulle was voorheen kollegas en…

Daar was Anaïs Nin en Henry Miller. Diego Rivera en Frida Kahlo. Janis Joplin en Kris Kristofferson. Mary en Percy Shelley. Almal bekende kunstenaars uit eie reg. Nin en Miller het albei geskryf; Rivera was ’n beeldhouer/skilder en Kahlo die befaamde Mexikaanse kunstenaar met die kenmerkende wenkbroue. Die Shelleys was albei skrywers en digters. Suid-Afrikaanse kunstepare sluit in die Sestigerskrywer Jan Rabie en sy lewenslange liefling, skilder Marjorie Wallace, asook die akteur Marius Weyers en sy beeldhouervrou, Evette, wat ná veertig jaar steeds saam skep. Onder die jongeres vandag ken ons die bekroonde digterspaar Nathan Trantraal en sy vrou, Ronelda Kamfer, en die akteurspaar Anel Alexander en haar man, James, wat deesdae ook suksesvolle rolprentmakers is. Dis fassinerend om na elkeen se storie te luister. Wat het hulle na mekaar…

Goud is ’n towerkleur en dui op gesag, selfvertroue, kreatiwiteit, luuksheid en oorwinning WIE LYK GOED IN GOUD… MODE Goud sal enige vel- of haarkleur laat sprankel. GRIMERING Wees versigtig vir goud as jy baie bleek is - jy kan maklik uitgewas lyk, veral as jy ‘n effense pienk ondertoon het. Fokus veral op oogomlyner en maskara wanneer jy ’n goudkleurige uitrusting dra. GOUD is groot So groot dat modelle by die New Yorkse modeweek gelyk het asof hul gesigte met goudblad beplak is! Probeer liefs Tadashi Shoji se weergawe en trek net ’n dun lyntjie met ’n goue viltpen op die ooglede, of dra net ’n tikkie goud (of donker brons as jy bleek is), en swart oogomlyner. Haarbykomstighede in goud is ook groot nuus.…

Roes is ’n warm en aardse kleur. Die skynsel van rooi en oranje daarin maak daarvan ook ’n vrolike en energieke kleur SAGTE skakerings ’n Pragtige voorkoms wat vroue met ’n warmer (olyfkleurige) veltoon sal pas, maar vermy dit maar as jy ’n rooi ondertoon het. Die mooi kleur op die ooglede is MAC COSMETICS EYESHADOW IN EVERYONE’S DARLING (BEPERKTE UITGAWE). Dit is ook sommer op die middel van die lip aangetik nadat ’n lippotlood oor die hele lip aangewend is. Hierdie voorkoms is spesiaal geskep vir ontwerper Antonio Marras se modeweekvertoning. WIE LYK GOED IN ROES? MODE Mense met warm velskakerings en rooi of donker hare lyk goed in warm skakerings soos roesbruin. GRIMERING Net soos by mode, lyk vroue met warm veltone, roesbruin hare en groen oë goed…

Oranje is ’n warm, geesdriftige kleur wat glo kreatiwiteit aanwakker. Ideaal vir ’n dink- . skrum GLANSRYK en MAKLIK ’n Pluiskam en haarsproei is al wat jy nodig het vir dié styl - wat ook goed werk vir die bob en lob. Vat die boonste seksie van jou hare en pluiskam die agterste deel, maar hou die voorste hare glad en steek jou hare na agter vas. Pssst Dit is die ideale styl vir effense vuil hare! Verfris jou hare met droë sjampoe, wat ook sommer volheid gee, en pluiskam. WIE LYK GOED IN GESKROEIDE LEMOEN? MODE Dié aardse skakering pas by warm velkleure. GRIMERING Dié kleur vlei vroue met warm veltone. Vermy veral om jou oë as jou gesig hier rooierig is. Koraalkleure pas beter by die koel velkleure…

WIE LYK GOED IN ROOSKWARTS? MODE Ligpienk is perfek vir mense met porseleinvelle en ligte hare. GRIMERING Ligpienk lyk mooi by alle velkleure, terwyl ligpienk ooggrimering op sy beste by ligter velle lyk, maar ook baie mooi teen donker velle afsteek. Pienk is ’n romantiese kleur wat jou in kontak met jou gevoelens bring. Dis ’n simbool van jeugdigheid, onskuld en goedhartigheid PIENK skakerings Peter Phillips, skeppende en beelddirekteur vir Dior-grimering het dié pragtige grimeervoorkoms ontwerp. Hy het ’n reeks pienk skakerings gebruik. “Ek wou ’n baie glansende voorkoms skep, maar deursigtig en sag om by die pastelskakerings van die Dior-ontwerper Raf Simons se House of Dior-vertoning te pas.”…

Grys is ’n neutrale kleur en neutraliseer glo negatiewe invloede Grys naels Grys vingerpunte lyk modern, stedelik en minimalisties. WIE LYK GOED IN GRYS? MODE ’n Ligter grys pas by donker velle, en ’n houtskoolkleur is nommerpas vir ligte velle. GRIMERING Sementgrys is die kleur vir warm veltone, en steenkoolgrys pas by ’n kouer gelaatskleur. Loop ’n draai om blinkgrys as jy ’n bietjie ouer is.…

WIE LYK GOED IN DIEPSEEBLOU? MODE Vroue met ligte hare en blou of groen oë en ’n porseleinvel lyk die beste in byna enige skakering van blou. GRIMERING Ligte en koue velkleure lyk mooi met die koel skakerings van blou, soos vlootblou, terwyl diep turkooiskleure donkerder velle goed pas. Blou is kalmerend en simboliseer geduld, lojaliteit en wysheid Diepseeblou Essie se Aruba Blue het die modelle se vingerpunte versier by Costelle Taglia Pietra se herfs 2015-vertoning om by die diepseeblou skakerings van die klerereeks te pas. rooirose.co.za AS JY MEER WIL WEET OOR ONS WINTERSTYLTENDENSE, BESOEK WWW.ROOIROSE.CO.ZA EN KLIK OP DIE TRENDS-SKAKEL.…

JY VRA, ONS ANTWOORD Het jy ’n gesondheidsvraag? E-pos dit na ons gesondheidsredakteur, Salomé Delport, by salomed@ ctp-mail.co.za  Dié maand vra ons prof. Gert van Zyl, patoloog en hoof van die Departement van Geneeskundige Virologie aan die Universiteit van Stellenbosch uit. VRAAG VAN DIE MAAND Ek pas my kleinkind van drie op. As kind het ek erg waterpokkies gehad. Nou hoor ek my kans op gordelroos is eintlik goed, en dat daar ’n vaksien is wat kan keer. Maar ek lees ook op die Internet dat ’n meisietjie van haar oupa af gordelroos aangesteek het ná hy gevaksineer is. Is dit veilig vir my kleinkind as ek gevaksineer word? Elmarie (59), Bloemfontein ANTWOORD • Is gordelroos en waterpokkies dieselfde? Ja, want al verskil die simptome en…

Dit maak nie saak hoe jy 750 km sê nie – dit bly 750 000 m. Heelpad van Knysna tot in Franschhoek. Op ’n trapfiets. In ’n snikhete Februarie. Oor berge en dale. Veral berge, sien ek toe ek aan die einde van November tussen werk en wedrenne deur uiteindelik tyd het om behoorlik te kyk wat die wedren behels. Dag een van die TransCape-bergfietsmarathon strek van Knysna tot in George; 109 km waarin jy 2 716 m klim. Die res van die roete klink na ’n fyn beplande marteltog. Op dag twee trap jy 121 km en klim 2 100 m. “Hulle sê dís die moeilikste dag,” kondig my dogter met die wedrenprofiel in haar hand bekommerd aan. Ek wonder kortasem hoe enigiemand 2 716 m se heuwels in…

Dis eintlik alles die ma se skuld,” sê Dawn van Zyl, ’n verpleegkundige van Polokwane met ’n droë sin vir humor. “In Julie 2015 was ek moedeloos met my twee tieners, my huwelik, die eise van die lewe – alles was net te veel. Ek het ingegee en is in ’n psigiatriese hospitaal in Pretoria opgeneem. “Sowat vier maande tevore het ek gemerk dat my oudste dogter, Christi, ook depressief is. Dit het erger en erger geword. Toe ek in die hospitaal was, het sy vir my ’n Whatsapp gestuur waarin sy glad nie goed geklink het nie. Sy is toe in dieselfde hospitaal opgeneem en het gemoedstabiliseerders gekry. Op 10 Augustus is ons met nuwe moed vir die lewe terug Polokwane toe.” Op die oog af kon die Van…

SJOKOLADEKARAMELKOEK GENOEG VIR 1 GROOT KOEK VANIELJEKOEK 200 g STORK Bake en ekstra vir smeer 200 g strooisuiker 5 ml (1 t) vanieljegeursel 4 eiers 200 g bruismeel SJOKOLADEKOEK 200 g STORK Bake en ekstra vir smeer 200 g strooisuiker 4 eiers 150 g bruismeel 50 g kakaopoeier Grondboontjiebotter-en-roomversiersel Klop 500 g roomkaas glad met ’n elektriese menger. Sif 160 g versiersuiker by en meng goed deur. Meng 45 ml sagte grondboontjiebotter by en meng weer goed. Sjokoladetoffiesous: Smelt 175 g gekapte donkersjokolade en 110 g STORK Bake in ’n glasbak oor ’n kastrol met warm water. Roer tot glad. Haal die bak van die hitte af en laat effens afkoel. Klits 80 ml melk, 2,5 ml vanieljegeursel en 175 g versiersuiker in ’n ander bak tot glad en meng…

KRAKERIGE OOSTERSE SLAAI MET GARNALE EN MANGO GENOEG VIR 4 MENSE 30 ml (2 e) PnP Ekstra Suiwer Olyfolie 2,5 ml (½ t) gekapte PnP rooi brandrissie 5 ml (1 t) gekapte PnP gemmer 5 ml (1 t) gekapte PnP knoffel 500 g garnale, skoongemaak en afgedop 15 ml (1 e) heuning 60 ml (¼ k) sesamsaad 1 klein PnP rooikool, papierdun gesny 1 klein PnP groenkool, papierdun gesny 30 ml (2 e) sojasous 30 ml (2 e) PnP soetrissiesous 1 PnP mango, geskil en gesny LEMMETJIE-MAYONNAISE 25 ml (½ k) PnP mayonnaise gerasperde skil van 1 lemmetjie 30 ml (2 e) vars uitgedrukte lemmetjiesap 10 ml (2 t) gekapte PnP gemmer 1 Verhit die olyfolie in ’n pan oor matige hitte. Voeg die brandrissie, gemmer en knoffel by en…

Die gemene deler is gulhartigheid en liefde vir die dinge wat pragtig is en lekker smaak Dîners d’Épicures”: ’n “Tafel” wat regoor vyf vastelande staan, meer as 1 500 sjefs wat net so- veel spyskaarte berei en tienduisende mense wat wêreldwyd op die eerste dag van die Noordelike lente saameet. Vanweë my verbintenis met Gesertifiseerde Karoolam – as plaaskind, as kosliefhebber en beroepsgewys – het die Franse ambassadrise in Suid-Afrika my begunstig met ’n uitnodiging om aan dié Franse cuisine-fees deel te hê. Die fees was die inspirasie van die Franse meestersjef Auguste Escoffier, se “Dîners d’Épicures” waartydens dieselfde spyskaart op dieselfde dag in verskeie wêreldstede berei en voorgesit is in 1912, wat ’n jaar gelede - meer as 100 jaar later – die wêreldwye kosfees laat herleef het. Vir…

HY DAM TWAKKIE MET DIE SAMBOK BY EN SLAAT HOM MET AL SY MAG SODAT EK AAN DAARDIE ARM MET DIE SAMBOK MOET HANG. HY RUK MY IN SY DRIF VAN MY VOETE AF, MAAR KRY DAREM SY RY. TWAKKIE VERDWYN MANKOLIEKERIG TUSSEN DIE BOME IN Ek is vooraf gewaarsku: “Juffrou, jy moet daardie Twakkie van die begin af vasvat. Hy’s ’n vabond.” Dit was die dae van plaasskole, van donkiekarretjies en kaalvoetkinders, die dae toe slae nog soos soetkoek uitgedeel is. Ek is by die eenmanskool in daardie afgesonderde gemeenskap aangestel. Smôrens kom die leerlinge tussen die doringbome uit: die verslonste Pypertjies, Dorie, Piet, Sooi en Miempie. Tessie Hoogenbloem kom te perd, windmakerstrik in die hare. Die rokkie wip as sy haar perdryoorbroek oor die haak gooi. Sy kyk…

DAAR DOER IN DIE FLIEK Leon van Nierop (Protea) Leon van Nierop ken sy flieks, dit weet ons. Die gesoute resensent, draaiboekskrywer en pa van radio- en televisieverhale soos Wolwedans in die Skemer en Ballade vir ’n Enkeling het die grootste deel van sy lewe aan sy liefde vir die flikkerbeelde op die silwerdoek gewy. En nou deel hy dit met ons. Hierdie omvattende, maar beknopte ensiklopediefilmoteek van Suid-Afrikaanse, veral Afrikaanse, rolprente is ’n leesbare en wonderwekkende oorsig oor hoe flieks in ons land hul eerste lig aanskou het. Dit skets die verloop van ons kultuurgeskiedenis en hoe die bedryf gegroei het. Die boek is vir elke fliekverslaafde en liefhebber van die wonder van die grootste lewende beelde: rolprente. Indien jy wonder oor die titel? Dit is losweg gegrond op…

DIE KIND IS NOG JONGER – VERSKEIE. INGRID JONKER-KOORS DUUR VOORT. MET DIÉ NUWE HULDE-ALBUM GEE VAN ONS TOPEKLEKTIESE KUNSTENAARS HUL HARTE VIR INGRID. GERT VLOK NEL, ANTON GOOSEN, RIKU LÄTTI, JENNIFER FERGUSON, DIRK ACE, JIM NEVERSINK … NOEM MAAR OP. DIS GEENSINS ’N SOKKIEJOL NIE, MAAR DIS PITKOS MET KRAG. JOU SIEL SAL JUBEL. INTROVERTIGO – DAN PATLANKSY. HIERDIE UITSTEKENDE BLUESMUSIKANT STEL WEER NIE TELEUR NIE. OP SY NUWE ALBUM DIEN SY PERSOON AS INTROVERT AS DIE INSPIRASIE OM GOEIE LIEDJIES MET KITAARSPEEL TE VERWEEF. DIÉ KUNSTENAAR BLY BY SY INTENSITEIT EN ROCK/BLUESAARD. NET JAMMER DAT SY VERHOOGENERGIE IN DIE ATELJEE VERLORE RAAK. EVERYTHING SINCE THEN – JUST JINJER. DIE ALBUM HERDENK DIE GROEP SE FINESSE EN IS DEUR LEWENSERVARING GEÏNSPIREER. EVERYTHING SINCE…

A Pet’s Life apetslife.co.za Ackermans 0860 900 100 atFrits Dog Hotel & Daycare 021 200 4244, atfritsdoghotel.com Benji + Moon benjiandmoon.co.za Boardmans 021 529 1925, 087 820 8802 Builders 0860 284 533 Cool Paws coolpaws.co.za Coricraft 011 611 8700, 021 508 5200 Cotton On 021 552 9651, 021 981 9366 Eurolux 021 528 8400, 011 608 2970 Game 031 302 8991 H&M 021 826 7300 Hello Pretty hellopretty.co.za Hunter huntersa.co.za Lancôme 0860 102 491 Le Creuset lecreuset.co.za Lightworld 021 552 8881, 021 421 6455 Moroccanoil moroccanoil.com Mr Price Home 0800 212 535, mrphome.com Must Love Dogs mustlovedogs.co.za Pandora pandora.net Pretty Ballerinas 011 325 5411 Pylones pylones-sa.co.za SPREE spree.co.za Stefania Morland 021 422 2609 Stuttafords 011 879 1000 Superbalist…

DIE BEITELTJIE Ek onthou hoe gevoelvol Meneer Muller in die broeiende hitte van ’n somerse Vrydagmiddag N.P. Van Wyk Louw se gedig, “Die Beiteltjie” in die Afrikaanse klas voorgelees het. (0ngelukkig het die meeste matrikulante teen daardie tyd al lankal belangstelling verloor.) “Ek kry ’n klein klein beiteltjie, ek tik hom en hy klink;” ... Dis toe dat ek besef het rympies en poësie verskil” “en op die dag sien ek die nag daar anderkant gaan oop met ’n bars wat van my beitel af dwarsdeur die sterre loop” Deesdae dink ek baie terug aan daardie dae en daardie gedig en die respek wat ons vir Meneer Muller gehad het. En in die lig van en te midde van hedendaagse gebeurtenisse, besef ek toenemend: daardie respek ontbreek vandag. Ek besef…

Die drie lesers wat hul menings met ons gedeel het, wen ’n Hedgren Inner Cityskouersak van R1 500. Is jou troeteldiere vir jou soos vierbeenkinders, of is hulle net diere wat buite hoort? Chrisna Scheepers (37), onderwyseres, Kimberley. My hondekinders bly buite. Hulle glip so nou en dan in en dan maak ek maar of ek hulle nie sien nie. Ek gee nie om dat hulle inkom nie, maar hulle mors en verloor hare oral. Cecile du Preez (49), kampusbestuurder Boland Kollege, Strand. Ons twee katte is soos ons kleinkinders, en jou kleinkinders kan mos doen wat jou kinders nie durf waag het nie! Ons het basiese reëls, soos dat ons hulle snags in die huis toemaak sodat hulle nie in ’n kattemaaiery betrokke raak nie. Hulle kry net pilletjies,…

Op ’n dag, 16 jaar gelede, toe sy presies die helfte van haar lewe tot dusver geleef het, het almal in die land skielik geweet wie Minki van der Westhuizen is. Die langbeenmeisiekind van Durbanville, naby Kaapstad, het die nuwe gesig van Guess Jeans geword. Ja, dié befaamde internasionale handelsmerk wat vandag steeds woema in topmodelle soos Kate Upton en Gigi Hadid se loopbane blaas. Dit was ’n Minki met heuplengte blonde lokke, kurwes op perfekte plekke en ’n ongekunstelde glimlag. ’n Hele paar hoë-oktaan-jare het gevolg; in haar vroeë twintigerjare is sy in ’n peiling as die begeerlikste vrou ter wêreld aangewys. Die einste Minki het pas 32 geword. ’n Effense behoedsaamheid het in haar oë kom kruip. Haar lang maanhare het gewaai en in die plek daarvan het…

• Nicole Mary Kidman is op 20 Junie 1967 in Honolulu, Hawaii gebore. Haar Australiese ouers het tydelik daar gebly. • Nicole en Naomi Watts is jare lange vriendinne. Hulle het mekaar as tieners op oudisies vir Australiese TVreekse ontmoet. Nicole het haar eerste man, Tom Cruise, met die verfilming van haar eerste Amerikaanse fliek, Days of Thunder (1990), ontmoet. Hulle was van 1990 tot 2001 getroud. Hulle het twee aangenome kinders. Nicole het haar tweede man, die Australiese countrysanger Keith Urban, in 2005 ontmoet. Hulle is in 2006 getroud en het twee dogters: Sunday Rose (2008) en Faith Margaret (2010) is deur ’n surrogaat gebore. Haar spel in Moulin Rouge is met ’n Golden Globe bekroon en het haar ’n Oscar-benoeming besorg. Sy het ’n Oscar en ’n Golden Globe gewen…

Renske is passievol oor ma-wees. ‘Ek is baie lief vir radiowerk, maar ons kind is ons alles’ Mense verwys soms spottend na Renske Jacobs as “Renske Sonder Grense”. Nie omdat sy al ’n instelling by Radio Sonder Grense is of omdat sy aanbieder op Goeie More op RSG is nie. “Dit staan vir Renske Susanna Gertruida. Dis my pa se ma se name,” vertel die gesoute aanbieder, onbeskaamde outeur van haar eie “weird en wacky wêreld”. Radiobloed loop dik in haar are. Sy is immers Otterjasie se kind. Haar oorlede pa, Roelf Jacobs, was nie net die stem agter Siembamba se beminde varkie nie, maar het diep spore by die destydse SAUK getrap. Dit is nie juis dat haar paadjie tot by die pos as aanbieder van die ankerprogram Goeie…

Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES EN ID-NOMMER NA 48409. VRAAG: IN HOEVEEL KLEURE IS DIE KLOKKIES BESKIKBAAR? SMS’E KOS R1,50 ELK, GRATIS SMS’E GELD NIE. BEPALINGS EN VOORWAARDES OP BL. 172. SLUITDATUM 31 MEI 2016. Glo jy in beskermengele? Dan sal die ou tradisie van “Engelsrufer” jou help om met hulle te kommunikeer. Die Engelsrufer-hangertjie is ’n kosbare juweelstuk wat met sorg met die hand gemaak is. Binne-in die pragtige mandjie wat aan die kettinkie hang, is ’n omruilbare klokkie. Dis van hoogstaande gehalte maar so kwetsbaar soos ’n engel, tog kan dit jou krag en sterkte gee om in enige situasie iemand te kan help. Die klokkies is beskikbaar in nege kleure. Elke kleur het ’n spesifieke betekenis. (Die kombinasies…

WIE LYK GOED IN SWART? MODE Almal kan swart dra, hoewel iemand met ’n ligte vel en hare beter in grys of vlootblou sal lyk. ’n Warm velkleur lyk ook beter in sjokoladebruin as swart. GRIMERING Vir die dapperes onder ons! Jy moet ’n taamlike mooi, vleklose vel hê om met swart lipstiffie te kan wegkom. ’n Bleker gelaat lyk ook beter met die winter se swart lippe. Swart is ekstreem, misterieus, magies, vir rebelle en mense wat hulself vertrou ... SWART lippe Die modelle in ontwerper Giles se vertoning by die Londense modeweek het die loopplank met swart lipstiffie aangedurf. “Glansryke goth ontmoet Georgiaanse Engelse tuin,” was die MAC-grimeerkunstenaar se beskrywing van die voorkoms. Die belangrikste reël vir die gotiese voorkoms is dat dit fyn en afgerond moet lyk.…

Die sonnige kleur is glo die kleur van die intellek. Wanneer jy moet konsentreer, is geel dalk ’n goeie keuse ’n VEER of twee Ons hou van die kombinasie van die geel veer en die roesbruin hare en grimering wat by Veronique Branquinho se Paryse modevertoning te sien was. Dit was deel van MAC se Red 70’s-voorkoms. WIE LYK GOED IN MOSTERD? MODE Mosterd lyk goed by donker velle en donkerbruin hare. GRIMERING Mense met donkerder en warm veltone kan die kleur met ‘n geruste hart dra.…

Die kleur van transformasie. Esoteries, magies, sag en sensitief WIE LYK GOED IN EIERVRUGPERS? MODE Eiervrugpers is ’n vleiende kleur wat by almal pas. GRIMERING ’n Kleur vir alle veltone en ouderdomme. Gebruik die bloupers gerus wanneer jy die rokerige oogvoorkoms skep.…

Die diep kleur van ryp cabernet-druiwe; ’n donker, passievolle kleur wat ’n gesofistikeerde gevoel skep WIE LYK GOED IN CABERNET? MODE Die dieprooi kleur lyk beter by mense met donkerbruin / swart hare en donker velskakerings as by diegene met porseleinvelle en ligte hare. GRIMERING Vermy die kleur as jy dun lippe het, want dit sal jou lippe nog dunner laat lyk. Gebruik liewer die lipstiffie soos ’n lipvlek. rooi.rose.co.za AS JY MEER WIL WEET OOR ONS WINTERSTYL-TRENDS BESOEK WWW.ROOIROSE.CO.ZA EN KLIK OP DIE TRENDS-SKAKEL.…

Accessorize 011 884 4643, 021 425 7701, 031 265 2525 Ackermans 021 900 1000, ackermans.co.za Armani 0861 001 085 Benefit Cosmetics by Edgars, Red Square Bio Nike by Dis-Chem Black Opal 011 462 5329 Black Up 011 809 4000 Bobbi Brown Edgars, Stuttafords, Red Sqaure Bourjois 011 477 4722 Calvin Klein 021 418 0727, calvinklein.com Cartier 011 809 4000 Catrice by Dis-Chem Chanel 011 325 1000 Charles & Keith 021 552 4912, 012 663 5258, charleskeith.com CJR Gift Sales 011 257 6000, cjr.co.za Clarins 011 809 6300 Clicks 0860 254 257 Clinique by Edgars, Stuttafords en Truworths Colette Hayman 087 808 0080 Convoy 083 548 5321 Cotton On 021 552 9651, 021 981 9366 Dior by Edgars Dis-Chem 0800 201 170 Dolce & Gabbana 011 809 4000 Dr Hauschka 021…

HAP VANDAG ’N APPEL! Kan ’n appel ’n dag jou regtig gesonder maak? Navorsers aan die Universiteit van Sydney het gaan kyk en die volgende bevind: • Die vrug wat wêreldwyd die heel meeste geëet word, is piesangs. Tweede op die lys is appels. • Saam is hulle vir die meeste van ons ’n uiters belangrike bron van vesel, anti-oksidante, magnesium, vitamien C en kalium. • Onder 1 500 vroue wat 15 jaar lank opgevolg is, was daar 20% minder sterftes aan hartsiektes en kanker onder vroue wat 3-5 appels per week geëet het, en ’n yslike 35% minder sterftes by die vroue wat elke dag ’n appel geëet het. • Die navorsers glo appels verskaf minstens drie bestanddele wat saamwerk om die grootste moordenaars – hartkwale en kanker –…

Sanette Scheepers Ek het verlede jaar veertig geslaan, en nog kinderloos en ongetroud het my kop se draadjies behoorlik losgespring en vasgedraai in waansin en twyfel. Dis ’n skynbare teenstrydigheid dat so ’n groot mylpaal soveel twyfel en vrae kan bring. Dit gaan moontlik oor die skokbesef dat daar al soveel jare verby is waarin soveel kon of moes gebeur het. Ek dink twyfel skop nes, en jy wonder of jy die beste van die jare gemaak het. Die verwarring was darem net tydelik en ek het êrens weer berusting gevind dat alles is soos dit moet wees. Chrisna Scheepers Dis nie iets waarna ek opsien nie. Solank ek gesond en gelukkig is, is veertig ’n mylpaal waarna ek uitsien. Cecile du Preez Ja, veertig is verby en vyftig lê…

BEESTONG-BROODJIE GENOEG VIR 8 • 1 kg gepekelde beestong • 1 ui, ruweg gekap • 2 wortels, ruweg gekap • 2 selderystingels, ruweg gekap • 3 knoffelhuisies, gekneus • 1 bouquet garni (lourierblaar, pietersielie, roosmaryn en tiemie) • 2,5 ml (½ t) swartpeperkorrels BROODJIES • 1 klein rooikool, dun gesny • 1 klein groenkool, dun gesny • 1 rooi-ui, dun gesny • 1 wortel, in dun repies gesny • 8 sagte broodrolletjies MOSTERDSOUS • 15 ml (1 e) olyfolie • 30 ml (2 e) koekmeel • 60 ml (¼ k) witasyn • 125 ml (½ k) kook-water • 45 ml (3 e) mosterdpoeier • 60 ml (4 e) suiker • 125 ml (½ k) mayonnaise • 15 ml (1 e) korrelmosterd 1 Sit die beestong saam met die ui, wortels,…

GIER VAN DIE MAAND Omdat die lewe so gejaagd is, kom mense deesdae graag om die etenstafel tot stilstand. Daarom bied meer en meer restaurante ’n salige Sondagmiddagete aan met lang tafels en bakke vol kos - net soos by Ma se huis (net met baie minder skottelgoed!) • By die Makaron-restaurant in Stellenbosch kan die hele gesin vir ’n heerlike Sondagmiddagete gaan aansit. Teen R365 per paartjie en R110 vir kinders onder 12, kan julle rustig in die tuin gaan smul. Bespreek by 021 880 1549. • By Towerbosch-restaurant net buite Stellenbosch kan jy vir R220 aansit vir ’n feesmaal met geregte soos stadige geroosterde lamsboud, blomkool met truffels en aartappels in eendvet gebraai. En wat sal ’n Sondagmiddagete sonder ’n poeding wees? Hoe klink ’n donkersjokoladetert met gesoute…

PRÉSIDENT GESOUTE BOTTER GEKARAMELLISEERDE MELKTERT GENOEG VIR 8 MENSE Voorverhit die oond tot 180 °C. Smeer ’n 24 cm-tertpan met Président Gesoute Botter. DEEG: Meng 110 g Président Gesoute Botter en 100g strooisuiker saam in ’n voedselverwerker. Voeg 1 eier by en verwerk tot goed gemeng. Voeg 250 g koekmeel by en meng totdat ’n deeg vorm. Haal uit die bak, bedek met kleefplastiek en sit in die yskas vir 1 uur. Rol die deeg op ’n meelbestrooide werkvlak uit tot 5 mm dik. Voer die tertpan met die deeg uit en bedek die boom met bakpapier. Vul met bakboontjies en bak vir 10 min. Lig die papier en boontjies en uit bak vir nog 10 min. of tot goudkleurig. Hou eenkant. VULSEL: Verhit 1,2 liter melk en ’n kaneelstokkie…

Afrika se helende kragte Africology-produkte het nie bekendstelling nodig nie. As jy dit een keer by ’n spa geruik het, onthou jy die geur. Essensiële olies vermeng met die aardse geure van grondstowwe uit Afrika, soos Afrika-aartappel, aalwyn en rooibos laat jou sommer dadelik op ’n sagte wolkie wegdryf. Maar die pad wat Renchia Droganis (50), hoof- uitvoerende beampte van Africology, geloop het, het aanvanklik nie sagte wolkies ingesluit nie. Op 33 was sy geskei met vier kinders tussen ses en 12, en sonder kwalifikasies of ’n werk. “Ek en my man het sewe jaar lank saam ’n supermarkbakkery bestuur en ek was glad nie toegerus vir die arbeidsmark nie. Ek het van maaltyd tot maaltyd beplan.” Sy het sielkunde deur Unisa studeer en het ’n belangstelling in holistiese terapieë…

LEON VAN NIEROP Leon is sekerlik ons beste, mees belese en veral mees gesiene fliekresensent. Sy jongste boek is pas op die rak. Van waar jou intense belangstelling in flieks? Ek was ’n eenkantkind met min vriende (uit eie keuse). Ek het in ’n verbeeldingswêreld geleef, en toe ek fliek op vier ontdek ( Daar doer in die Bosveld van Jamie Uys) het ek die perfekte weerklank gevind vir die beelde en idees in my kop. Dit het vergestalting aan baie drome en ideale gegee. Dit het ook ontvlugting gebied. En later, toe ek in ’n oefeningboek my eerste onsekere resensie oor Die Kandidaat geskryf het, het ek besef rolprente is meer as net prentjies waarna jy kyk terwyl jy Whispers eet. Daar lê soveel verskuilde temas en boodskappe en…

Die beste Suid-Afrikaanse musiekfees wat nie in Suid-Afrika plaasvind nie, gebeur van 26 tot 29 Mei in Mosambiek. Die Subterranean Rhythm & Blues-fees (Strab) is nou al ’n instelling en in sy 14de jaar. Dié see-en-musiek-avontuur is in Ponta Malongane, Mosambiek duskant Kosibaai. Die fees het in 2003 as ’n wegbreekvakansie vir ’n paar duikervriende begin, met Piet Botha wat saans musiek maak. Die “fees” het intussen met rasse skrede gegroei. Verbeel jou: ’n breë, wit onbesoedelde strand met golwe wat sagkens inrol, ’n hoë houtdek reg by die water, heerlike R&R’s (Rum en Rooi koeldrank – en dit werk nét daar, moenie dit by die huis probeer nie!), die helderste Afrika-lug en die klanke van die room van ons musikante. Benewens die daaglikse skubaekspedisies en branderplankry is die musiekprogram…

Kamers! Dertien jaar al stal KAMERS die groeiende gemeenskap van plaaslike kreatiewe, innoverende en opwindende skeppers se werke uit. Passie, tydsaamheid en geduld-tot-perfeksie: dit is moontlik die beste manier om die uitstallers se werke te beskryf. Gauteng: St John’s College 20 – 24 April en ’n opvolg in September. In Irene is daar ’n jaareinde extravaganza, weer eens by die Open Window-skool. Die Kaap se skoue vind van 1 – 5 Junie by die Kasteel plaas, en in November in die wynlande. Vir meer inligting, kyk by rooirose.co.za Kaartjies by die deur of by www.plankton.mobi Groves & Vineyards Die immergewilde Groves and Vineyards-fees vier op 28 en 29 Mei sy sewende bestaansjaar. Die stylvolle “kontreifees” word gekenmerk deur wyne van verskeie landgoedere, olywe uit onse aarde, vonkelwynkuierkamers, boetiekbier, kunskos en…

AL WAT SY WOU DOEN, WAS OM TE STUDEER, NIE VOOR GELEERDES OP TE TREE OF HAAR BROERS TE ONDERRIG NIE. HOE MINDER TYD SY VIR HAAR STUDIE GEKRY HET, HOE GRETIGER WAS SY OM HAAR IN ’N KLOOSTER TE ONTTREK Die Italiaanse wiskundige Maria Gaetana Agnesi was die eerste vrou wat ’n wiskundehandboek geskryf het en die eerste vrou wat as ’n professor in wiskunde aan ’n Westerse universiteit aangestel is. Sy het wel nooit klas gegee aan die Universiteit van Bologna nie en eerder haar tyd aan minderbevoorregtes bestee. Sy was ook ’n gerekende filosoof. Maria het in ’n baie bevoorregte huis grootgeword, maar al manier waarop sy haar bevoorregting gebruik het, was om te studeer. Sy wou nie eens die teater besoek nie en het ook die…