Innholdsfortegnelse for April 2016 i Rooi Rose

EK WAS ONLANGS bevoorreg om ’n konferensie oor ontwerp in Kaapstad by te woon. Jaarliks word kreatiewe ghoeroes van oor die wêreld genooi om daar indaba te hou. Dis ’n broeiplek vir idees, ’n uitstalruimte vir skeppendes. Daar heers ’n aansteeklike gees van vernuwing en opwinding oor wat die toekoms vir die mens inhou en dit spoel oor in die uitruil van gedagtes en die deel van insigte. Ek wens dikwels ek was meer handvaardig skeppend, want so ’n belewenis is uiters inspirerend vir dié wat in prentjies dink en wie se vingers jeuk vir doen. Maar my brein werk nou eenmaal met woorde en woordprentjies. Die spreker wat my ten diepste getref het, was Naresh Ramchandani, ’n vennoot by ’n Londense advertensiemaatskappy. Hy toor met kopie en het ’n…

“My ma se haarkapper in Holland het raakgesien dat ek oor die nodige eienskappe beskik om ’n sukses van modelwerk te maak. Dit het vir my baie deure oopgemaak maar ek is tog soms spyt dat ek nie verder studeer het nie. Ek kon my nie altyd op ’n persoonlike vlak met die modewêreld vereenselwig nie. Die mens wat jy eintlik is, is soms ver verwyderd van die glanspersoonlikheid na buite. “Ek dink die beeld wat die modewêreld vandag uitstraal, is ’n bietjie te jonk. Die jong meisies in hul onderklere wat so opgehemel word, skep verkeerde indrukke. “My raad aan iemand wat in modelwerk belang stel, is dat jy bereid moet wees om hard te werk en moet glo in jouself en wat jy wil bereik. En jy moet…

Ryan Reynolds is lank en skraal en sy oë sal die hardste hart laat smelt. Hy is nie aantreklik in die tradisionele sin van die woord nie, maar danksy sy sin vir humor en sjarme word hy gou die aantreklikste man in die vertrek. Hy het gevorder sedert sy lawwe karakter in National Lampoon’s Van Wilder (2002), en het hom al bewys as ’n dramatiese akteur ( Buried, 2010), komediant ( The Change-Up, 2011) en romantiese held ( The Proposal, 2009). Van Hollywood se mooiste vroue, soos Scarlett Johansson en Blake Lively het al voor sy sjarme geswig, maar sy voete bly stewig op die aarde. Volg Margaret op facebook: Margaret-Gardiner/1450911831860524.…

Die Immelmans het in een van die boomryke buurte teen die heuwels van Somerset-Wes nesgeskop. Dit is ’n veilige hawe weg van die kollig en die uitdagings van die bedryf. Hier kan Barbara-Marié en haar man, Charl, hul onverdeelde aandag aan hul twee kinders en bondels energie, Max (5) en Wanda (4), gee. Hul ouers is duidelik versot op die twee. Barbara-Marié (toe Venter) het reeds op 14 bekendheid verwerf vir haar rol as Rika in die gewilde TV-reeks Konings. Sy onthou nou nog hierdie groot omwenteling in haar lewe. “Ek het destyds dramalesse geneem toe my dramatannie my oorreed om my foto in te stuur om vir ’n oudisie vir die reeks in aanmerking te kom. Ek lyk nogal na Anna-Mart van der Merwe en het ’n oudisie losgeslaan.…

‘Ek is enkellopend, so ek kan op die oomblik lekker op my werk fokus. Ek voel jy moet die golf maar ry terwyl dit daar is’ ‘Ek is altyd intens bewus van my eie emosies oor dinge, en vir my is toneelspel eintlik terapie’ Jacques, wat in Kempton Park grootgeword het, was sedert hy in 2001 sy drama-diploma aan die Technikon Pretoria behaal het – nogal met sewe onderskeidings! – selde sonder werk. Binne maande ná die voltooiing van sy studie was hy te sien in Song vir Katryn, en kykers sal hom onthou as die moeilikheidmaker, Renier, in Erfsondes. Die aantreklike Jacques was ook te sien in Getroud met Rugby, Donkerland, 7de Laan, Villa Rosa en Binnelanders, en verskeie Engelse TV-reekse, onder meer Jozi Streets en Isidingo. Kritici is…

“Ek dink en lees en skryf elke dag in Afrikaans. Maar miskien omdat ek dit baie min praat, neem die waarde en kosbaarheid van my taal net toe. Ek het al gewonder of ek nie in Engels vir die Kanadese mark moet probeer skryf nie, maar gou besef die liefde vir my taal sal dit nooit toelaat nie. Want Afrikaans was vir amper veertig jaar die instrument van my beroep as joernalis, en is steeds die kosbare band wat my en my lesers met mekaar bind. “Ek kan nogal die gevoel deel van Jhumpa Lahiri, Amerikaanse skrywer van Indies-Bengalese herkoms, wat onlangs in ’n artikel in The New Yorker onder meer sê: ‘When you live in a country where your own language is considered foreign, you can feel a continous…

TWEE kleure Wit-en-silwer of wit-en-goud is vanjaar baie gewild. As jy die styl ‘n bietjie woema wil gee, kan jy rooi-engoud of blou-en-goud (of enige ander kleure onder die son) saam dra. VAN BO NA ONDER: • ANNE KLEINHORLOSIE (R1 199) AMERICAN SWISS. • TAG HEUER-HORLOSIE (PRYS OP AANVRAAG) PICOT AND MOSS. • FREDERIQUE CONSTANT-HORLOSIE (PRYS OP AANVRAAG) PICOT AND MOSS. KLEURRYK Hier is iets nuuts aan die mode-front. Wees speels met die helderkleurige horlosies. VAN LINKS: • FOSSIL-HORLOSIE (R1 999) FOSSIL ACCESSORIES. • TEMPO-HORLOSIE (R399) AMERICAN SWISS. • OBAKU-HORLOSIE (R2 495) CJR GIFT SALES. GOUD en ROOSGOUD Dalk nie een van die jongste ten-dense nie, maar steeds baie gewild én baie mooi. Die beste van alles is dat die kleure by enigiets pas. BO VAN LINKS: • TITAN-HORLOSIE (R2…

BOURJOIS LASH MACHINE DRAMATIC VOLUME & LENGTH (R155,95) Jy wend net dié towerproduk tussen twee lae maskara aan en die veseltjies op die stafie van die Lash Machine laat jou wimpers voller, langer en lieflik lyk. Die produk wend maklik aan en dis net so maklik om af te haal. Die veseltjies koek soms effens op die wimpers saam, maar dié kan gelukkig maklik verwyder word. BENEFIT THEY’RE REAL! TINTED LASH PRIMER (R295) Ek was eers skepties oor hierdie produk – totdat ek dit gebruik het! Jy kan die bruin onderlaag vir wimpers net so gebruik vir ’n natuurlike veeragtige voorkoms, of onder jou gewone maskara aanwend om die wimpers ekstra definisie, lengte en volheid te gee. Boonop is dit liggewig en waterbestand en laat jou maskara langer aanbly. MEGA…

Jy sal nie glo wat jy deesdae per drup kan kry nie. Vitamiene. En dan moet jy hoor waarvoor. Dinge soos ’n Skin Lightening Infusion om donker velle ligter te maak, The Party Girl Drip vir jy weet wat en ’n Memory Booster Perfect for Exam Time vir studente en matrikulante. Al drie te kry by Light Sculpt Aesthetic Clinic in Johannesburg. Die aanbiedings van die Renewal Institute, ’n skoonheidskettinggroep wat vel-, gesondheid-, brein- en liggaamsvernuwing insluit en takke in al die groot stede het, se aanbiedings klink min of meer “medies” verwant, met vitamieninfusies vir jou hart, detoks, artritis en so aan. Jy kan kies tussen glutatioon, vitamien C, vitamien B6 piroksidien en EDTA, om enkeles noem, en jy word in hul private infusiesuites behandel. Greenhouse Health in Pinelands,…

‘SKILLIEWIEP SKILLIEWAP LAAT JOU VOETE TRAP, HOU DIE BLOMPIE SO DAT SY NEFFENS JOU STAP’ - George Weideman se Namakwalandse vers vat al die ligtheid en vreugde van dans raak. Praat jy met vroue – jonk, oud, nuwe of ervare dansers – bly die antwoord: “Dans is wonderlik! Dit het my lewe omgekeer.” GEREELDE DANS VERSTERK OOK JOU GEHEUE, KOÖRDINASIE EN FOKUS Die probleem is dat die “blompie” dikwels niemand het om mee te dans nie. Die man in jou lewe kan nie, of wil net nie dans nie en wil ook nie die lig sien dat dit ’n prettige vreugdeding is wat jou en hom uit jul groef van alledaagsheid kan bevry nie. Al wat oorbly, is om alleen te dans. Daar is talle huppelgeleenthede. Celia van Wyk,…

Die sogenaamde ‘verhouding’ was eintlik met ’n fiktiewe mens wat met opset ’n fiktiewe profiel geskep het Sy het alles verloor, het die vrou snikkend op Highveld Stereo se ontbytprogram vertel. Die man wat haar maande lank oor die Internet en Whatsapp die hof gemaak het en wat sy in daardie tyd vir minder as ’n uur gesien het (“hy het altyd ’n krisis gehad”) is vort met elke sent geld waarop sy haar hande kon lê. Uiteindelik het sy haar huis, meubels, motor en ook haar werk verloor omdat haar werkgewer gekla het dat dié krisis met haar werk inmeng. Sy moes in ’n skuiling vir haweloses intrek. “As hy my net wil kontak en sê hoekom hy dit aan my gedoen het, sal ek hom alles vergewe,” het…

Hannie Williams Ons mensdom is maar nie volmaak nie en ja, ek is al ’n rat voor die oë gedraai. Die wonderlike is dat ek rêrig nie nou die besonderhede van ’n enkele voorval kan onthou nie. Hoe ek dit sal voorkom? Deur nie naïef te wees oor enigiets wat te goed klink om waar te wees nie, want dan is dit vir seker te goed om waar te wees. Heleen Snyman Ja. Die persoon het ’n skelm aanlynverhouding gehad terwyl ons saam was. Ek sal nie weer vir alle mooi stories val nie. Noeline Burger Ek kan met dankbaarheid “nee!” antwoord. Ek sien myself as oopkop en ek probeer om nie naïef te wees nie.…

Wees volgende maand op die uitkyk vir die Rose’s #NotYourUsualskemerkelkieuitdaging en jy kan fantastiese pryse wen! ROSE’S LEMON FLAVOURED CORDIAL CAIPIRINHA GENOEG VIR 4 MENSE Caipirinha is ’n verfrissende Brasiliaanse drankie. Hier is ons weergawe met suurlemoen en roosmaryn. 1 suurlemoen, in dun skyfies gesny 20 ml (4 t) suiker 80 ml wit rum 500 ml (2 k) aangemaakte Rose’s Lemon Flavoured Cordial fyn gekapte ys 5 kort roosmaryntakkies 1 Verdeel die suurlemoenskyfies tussen 4 glase (hou ’n paar vir bo-op). Trek ’n paar van die blaartjies van een van die roosmaryntakkies af, kap fyn en meng met die suiker. Gooi 5 ml (1 t) van die suiker op die suurlemoenskyfies en meng met ’n roerstokkie. Druk met die stokkie af sodat die sappe en suiker goed meng. 2 Gooi…

BIERPLESIER Tuisgebroude bier gaan van krag tot krag en mikrobrouerye en spesialiteitsrestaurante wat hul eie bier brou, duik oral op. Ons was in ’n paar nuwes. • Tuk Tuk-mikrobrouery is in die hoofstraat van Franschhoek. Ons is mal oor die nywerheidsgevoel van die interieur met sy koper- en vlekvryestaalpype. Jy kan buite kuier of binne sit en jou biertjie drink terwyl jy kyk hoe die bier gebrou word. Smul aan lekker Mexikaanse kos wat perfek by die bier pas. Wat is dan nou lekkerder as ’n bord kaserige nachos saam met ’n glas yskoue bier? Die Tuk Tuk-mikrobrouery is oop van Dinsdae tot Sondae van 11:00 tot 22:00. Meer inligting by 021 492 2207; info@tuktukbrew.com • The Stellies Taproom is ’n nuwe mikrobrouery op die plaas Klein Joostenberg net buite…

Slaan ’n nuwe blaadjie om SIX-reinigers maak die vel sagkens skoon sonder om die vel uit te droog, terwyl die opknappers geformuleer is om met antioksidante van granaat-oorsprong die vel se natuurlike PH-vlakke te herstel. Die aktiewe bestanddele in die vogrome werk op ’n sellulêre vlak om elastisiteit te verhoog, jou vel te bevog en fyn lyntjies gladder te maak. Kyk by www.sixskincare.com of bel 011 312 7840 vir meer inligting. 8 rooi rose-lesers kan ’n Six-geskenkpak van R1 035 wen. Sleutelwoord: Spa Verfris jou dekor Wil jy vanjaar jou huis se dekor verfris? Jy kan al klaar ’n groot verskil aan enige vertrek se voorkoms maak deur net die deure en kaste se handvatsels te verander. Handles Inc het ’n reuse-verskeidenheid handvatsels van gehalte. Of jy nou antiek-sjiek, kontemporêre,…

HUILBOEK Ryk Hattingh (H&R) “Wie sou kon dink dat ’n stem soos myne ooit gehoor sal word? Waar sal so ’n klank in elk geval vandaan kom?” Só begin die outobiografiese roman van Ryk Hattingh – sy eerste boek ná 19 jaar. Dit is ’n verweefde teks wat hom afspeel tussen die hier van Nieu-Seeland en die verlede van Ryk se kinderjare in die jare sestig aan die Oos-Rand. Wie wás die kind op die stoep saam met sy ma en pa en ouma en boeties en Outa Toon? En wie was Outa Toon? Die man wat vir Ryk gesê het, “Jy is mos die een met die hart?” Die man wat vra: “Wie sou ooit kon dink dat ’n stem soos myne gehoor sal word … ” Huilboek is…

Giftig! Daar is een stof wat ons laat vrees, lekker kry of kreatief raak: gif. Power of Poison is ’n opwindende uitstalling wat SA toe kom en “gif” in al sy vorme ondersoek en uitstal. Jy kry van stories oor gif en die diere wat dit vervaardig, tot die illusies wat dit veroorsaak en die uitwerking daarvan op die menslike liggaam en psige. Daar is interaktiewe speletjies en lewende diere, asook ’n reis deur verhale soos Sneeuwitjie en Alice in Wonderland . Gaan stel vas hoe die Mad Hatter aan sy naam gekom het! Van 18 Maart tot 21 Julie in The Watershed, V&A Waterfront, Kaapstad, waarna dit Johannesburg toe gaan. Droomtroue Franschhoek is ’n plek waar droomtroues ’n werklikheid word. Met sy asemrowende natuurskoon en romantiese trouplekke kan dié…

Die skrywer van vandeesmaand se wen-brief ontvang Georgini se The Hamptons-juwele van R5 000. Georgini se nuwe The Hamptons-reeks vang die ontspanne styl en atmosfeer van die Hamptons-vakansiedorp vas. Die moderne, gesofistikeerde juwele het ’n kenmerkende voorkoms: geometriese ontwerpe in sterlingsilwer wat met rodium of roosgoud oorgetrek en met kubieke sirkoniums versier is. Die reeks sluit ringe, hangertjies, oorbelle en halssnoere in. Die stukke is ewe perfek vir bedags en saans en kan na enige geleentheid gedra word. Die pryse wissel van R499 tot R2 999. Besoek www.georgini.co.za of volg Georgini South Africa op facebook. ASPOESTERTJIE EN ROSELLA Sedert ek gehoor het dat ek rooi rose en Rosella se Royal-mooimaakkompetisie gewen het, het die bederf nog nie opgehou nie! Ek het soos Aspoestertjie gevoel die dag toe haar feetjiepeetma haar…

Die drie lesers wat hul menings met ons gedeel het, wen ’n African Extractsgeskenkpak van R1 000. Het jy ’n plan B wanneer jy iets groots beplan? Wat dink jy is noodsaaklik om ’n plan te laat werk? Heleen Snyman (35), administratiewe klerk, Namibië Gewoonlik probeer ek al die opsies ondersoek om te verseker daar is ’n Plan B. As al die positiewe en negatiewe gevolge op die tafel is, kan dit goed deurdink word voor ’n besluit geneem word. Hannie Williams (51), geregistreerde verpleegkundige, Port Elizabeth As ek iets beplan, dink ek altyd wat is die heel ergste wat kan gebeur, sou dit faal? Wanneer ek dit gedoen het, is ek rustig oor my plan en vertrou dat dit sal werk. Positiewe energie en gedagtes en nugtere denke is…

Beetskyfies Die meeste supermarkte verkoop deesdae beetskyfies. Ons hou veral van Woolworth’s se sout-en-swartpeper-beetskyfies (R10,95 per pakkie). Beet-smoothie Genoeg vir 500 ml Versap 'n ¼ rooi beet, geskil, en voeg daarby 100 g bevrore frambose, 100 g vars aarbeie, gesny, 100 g bevrore rooi bosbessies en 100 ml minerale water. Gooi ’n handjie vol ys en vars kruisementblare by. Beet-risotto Genoeg vir 4 2 rooi beetknolle, geskil en in blokkies gesny 750 ml (3 k) tuisgemaakte hoenderaftreksel 30 g botter 1 ui, fyn gekap 2 knoffelhuisies, fyn gekap 150 g risotto-rys 60 ml (¼ k) witwyn 50 g parmesaan, gerasper 125 g crème fraîche 1 Bring die beet en hoenderaftreksel in ’n groot kastrol tot kookpunt en kook vir 20 min. of tot die beet sag is. Verwerk in ’n…

“Dit was maar altyd in my agterkop om eendag my hand aan aktrise-wees te waag, maar terwyl die modelwerk my tyd so in beslag geneem het, het ek nie eens weer daaraan gedink nie. Ons was altyd aan’t beweeg maar moederskap dop ’n mens se lewe om. Gelukkig kan ek my ma, Rina, wat in Genève woon, kry om by die kinders te kom bly wanneer ek en Ben, ’n sakeman, soms gelyk weg is. “Ek wil nie nou meer te veel modelwerk doen nie en het begin om weer dramaklasse in New York te neem. ’n Mens is nou ouer en die groter lewenservaring help jou om meer na ’n karakter toe te bring.”…

• Ryan Rodney Reynolds is op 23 Oktober 1976 in Vancouver, Kanada, gebore. • Hy is die jongste van vier broers. • Op 15 het hy sy eerste TV-rol gekry in die Kanadese sepie, ‘Hillside’. Hy was voorheen verloof aan Alanis Morisette (2002 – 2006). Hy was getroud met Scarlett Johansson (2008 – 2011). Ryan het uiteindelik ware liefde gevind saam met Blake Lively met wie hy in 2012 getroud is. Hulle het ’n dogter, James. Ryan het Blake ontmoet met die verfilming van Green Lantern (2010) waarin albei gespeel het. Hy het al verskeie strokieskarakters in flieks vertolk.…

Dit voel of hy nog altyd met ons was en terselfdertyd lyk hy tydloos en net soos die eerste keer toe jy hom gesien het Sowat dertig jaar gelede sit ons in die tut-klas vir Engels. Een bitsige, swetende Vrydagmiddag was dit, wanneer die meeste studente al Strand toe gery het om te gaan swem of surf, maar ons is te bang om ’n woord van prof. Michiel Heyns te mis. Hy’s dié dag ook nie vreeslik beïndruk deur ons bedremmelde lotjie nie. “Look. Either you get a poem or you don’t. It seems that this time, as usual, only one person fully got under the skin of the poet. I’m going to read his interpretation – and you should listen. This is what poetry means and should be read…

Jacques hou nie van gimnasiums nie, maar besef hy moet goed lyk vir sy werk. “Toe ons aan Ballade vir ’n Enkeling gewerk het, het ons borgskappe vir persoonlike instrukteurs gekry. Ek het toe geleer dit werk vir my die heel beste as ek saam met ’n persoonlike instrukteur oefen, want ek het iemand nodig om my te dwing om hard te oefen. En ek moet oefen om goed te lyk, want ek het ’n vreeslike suikertand, vrek oor melktert en outydse Suid-Afrikaanse poedings soos malvapoeding en souskluitjies.” Bikram-joga verseker ook dat sy lyf soepel bly. Hy drink net kafeïenvrye koffie. “As ek nog kafeïen ook moet inkry, sal ek mal raak en heeltemal te aan die gang wees. Maar jy kan my enige tyd van die dag of nag…

Goeie OU DAE Bling , Mimco se jongste reeks, herskep veral die jare sewentig en negentig. Dis die era van girl bands , supermodelle, die kontras tussen bling en minimalistiese style en natuurlik die bemagtiging van vroue. HORLOSIE UIT DIE MIMCO-REEKS (R1 299) WOOLWORTHS. Kies ’n oorknoop-JAS Die sogenaamde “grunge”-styl was die vertrekpunt vir Cotton On se nuwe reeks - die afwerkings is net varser en skoner. Een van die jongste neigings is ’n kombinasie van donker denim en rissie- of dieprooi. JAS (R999) COTTON ON. Vir FRAAI voete Fraiings is nou hoogmode en fyn sandale kry soos die manskoene van die jare twintig ook hul deel. Probeer dié fraaie paar. HOËHAKSANDAAL (R549) ZOOM. TREK AANDAG House of Cinnamon is ’n plaaslike vervaardiger met baie kennis van die internasionale modemark.Dié…

‘Die mooimaaksessie het my verbasend goed laat voel en ek was baie beïndruk deur my voorkoms. Ek kon nie glo hoe goed dit my laat voel het om weer ’n rokkie te dra nie’ Fiona is ’n ma, ouma en huismoeder wat soveel van haar tyd aan ander bestee dat sy besef het sy sal ’n blaaskans moet vat. Daarby het sy gesmag na ’n geleentheid om weer mooi te voel. Sy wou ’n maklik hanteerbare voorkoms hê maar wat terselfdertyd stylvol genoeg is om by haar ouderdom te pas. Op sestig is Fiona steeds fiks en ferm, al voel dit nie vir haar so nie. Sy is lank en slank met lang bene - die perfekte figuur vir rokke soos dié een van POETRY (R999). Die lengte is net…

Doodgewone mense soos ek en jy wat die lekker van dans ontdek het, sê: • My brein het weer ingeskop, my sitvlak is stewiger en ek en my man dans weer op troues saam. • Soms moet ’n mens net laat gaan en dans gee jou daardie geleentheid. Ek het gewig verloor en het hope meer energie. • Ek stap altyd met ’n glimlag van die dansklas af weg. Buitendien kan ek nou weer omdraai sonder om om te val. Dit klink nietig, maar dis vir my belangrik. • Dit kry my weg van my eie gedagtes, weg van die rekenaar en weg van die selfoon af. • Ek het ná eierstokkanker my libido teruggekry! • Dit laat my sterk en mooi voel en dit bly altyd ’n uitdaging.…

Suid-Afrika het ’n kubermisdaadeenheid, maar dit vat lank vir ’n saak om by hulle uit te kom. Jy moet eers ’n saak by jou plaaslike polisiekantoor maak, en dit is juis waar dinge dikwels skeefloop, sê Glenda. “Maar druk deur. Dring aan om met ’n speurder of die stasiebevelvoerder te praat. As niemand in die polisie jou wil help om ’n saak te registreer nie, kontak die polisie se klagtedirektoraat. “Sodra jy ’n saaknommer het, kontak die Internetdiensverskaffer op wie se webwerf jy die skurk ontmoet het. Hulle sal ingevolge privaatheidswette niks oor sy werklike identiteit en kontakbesonderhede met jou kan deel nie, maar kan dan begin om sy aanlynaktiwiteite dop te hou en so dalk nog inligting kry wat later in die polisieondersoek gebruik kan word. Maar die polisie…

WAAR? Soek ’n sonnige plek vir jou kombuistuin - oggendson is beter. Jy hoef nie beddings te bou nie - ou plukkratte of selfs kleiner houers werk goed, of selfs ’n kompossak met potgrond. Besproei jou “groentebedding” met bottels vol water wat jy onderstebo en sonder die proppe in die potgrond druk. HOE? Enige tuin - en dit sluit jou kombuistuin in - begin met goeie grond. Maak jou eie kompos met bokasjikombuisafval en tuinvullis. Gebruik dit om die grond se humusinhoud te verhoog sodat water die grond beter binnedring en langer daar bly. Versnipper growwe tuinafval en gebruik dit as ’n deklaag. Werk altyd eers die kompos in of bou ’n bokasji-lasagnebedding en plaas die deklaag voor die plantslag. (Sien: “Laat jou vullis blom”, onder “Tuinmaak” by www.rooirose.co.za). Gee…

MARMEREIERS IN ’N OOSTERSE SOP GENOEG VIR 6 Die Chinese maak eiers op dié manier gaar en dis vir my so mooi. Die helder Oosterse sop is ongelooflik smaaklik, probeer dit gerus, selfs al maak jy nie die eiers nie. • 6 eiers, gekook soos beskryf • 2 swartteesakkies • 125 ml (½ k) sojasous • 15 ml (1 e) bruinsuiker • 2 steranyssade • 1 kaneelstokkie • 5 ml (1 t) swartpeper OOSTERSE SOP • 10 ml (2 t) olyfolie • 5 cmgemmer, geskil en gesny • 60 ml (¼ k) vissous • 15 ml (1 e) sojasous • 5 ml (1 t) bruinsuiker • 1,25 liter (5 k) tuisgemaakte hoenderaftreksel • 150 g Oosterse noedels, gaargemaak volgens die aanwysings op die pakkie • Sit met ’n hand vol…

Heerlike kos is die hoeksteen van die Italiaanse kultuur. Galbani is al vir meer as 130 jaar die gunstelingkaas in Italië. Vier dié tradisie met hierdie maklike resep. PIZZA MET SAMPIOENE, PARMAHAM EN GALBANI MOZZARELLA GENOEG VIR 4 MENSE Verhit die oond tot 200 °C. Sit 'n bakplaat in die oond om warm te word. Rol 100 g pizzadeeg dun uit en bak vir 5 min.op die voorverhitte bakplaat. Braai 100 g eksotiese sampioene, 1 gekapte knoffelhuisie en 2 takkies gekapte roosmaryn in 15 g botter tot goudkleurig. Haal die pizza uit die oond en pak 125 g Galbani Mozzarella, in skywe gesny, die sampioene en 'n hand vol kersietamaties op die pizza. Bak vir 10 min. of tot die kaas gesmelt is. Sit hier en daar 'n paar parmahamlappies…

SOPHIA KAPP Sophia is een van ons gewildste liefdesverhaalskrywers. Die sentrale tema in jou boeke is redemption – begenadiging. Hoe het dit gebeur? Ek dink dis waarskynlik die een ding waaraan mense deesdae die grootste behoefte het - om ondanks alles wat jy is en nie is nie en nooit gaan wees nie, te voel jy is goed genoeg. Om te weet jy is nog ’n kans werd, al het jy drooggemaak. Om te weet jy is liefde waardig. Om te weet daar is mense by wie jy geborge is. Dis ’n soort emosionele sekuriteit wat ons met ons moderne lewenswyse verloor het. Met ons oorvol skedules en voortdurende digitale kontak het ons dit reggekry om van mense vervreem te raak. Ons smag na omgee en…

Gaan ontdek die mistiek van antieke China en die soldate van die eerste keiser by die fassinerende uitstalling van die Terracotta-weermag. Die Terracotta-weermag is ’n waardevolle stel kleibeelde wat in 209 v.C. tot eer van keiser Qin Shi Huangdi en sy leër geskep is. Duisende jare later, in 1974 eers, is die beelde toevallig herontdek. Nou kom daar die eerste keer ’n volledige stel reproduksies van die beelde na SA. Van 11 Maart tot 29 Mei by die Gateway Shopping Mall, Durban, kan jy die meer as drie honderd stukke sien. Die uitstalling sal ook landwyd reis. Die uitstalling bied ’n belangrike kykie in die antieke Ooste en hul kulturele idees, asook in ’n stuk van die geskiedenis, met onder meer presiese reproduksies van brons strydwaens, knielende pyl-en-boog-krygers, brons gevegsklere,…

HANDFUL OF RAIN – JACK HAMMER. HIER ILLUSTREER PIET BOTHA-HULLE WEER EENS WAT JARE SE ERVARING OP DIE LANG REIS NA ERKENNING EN WOORDBEDREWENHEID KAN DOEN. BOTHA SE HERINTERPRETASIE VAN EN HULDEBLYK AAN 4 JACKS & A JILL SE “MASTER JACK” IS FOUTLOOS EN ROEREND. DIE RES VAN DIE SONGS VERTEL SY STORIES VAN DIE PAD EN DIE VERLIES VAN LIEFDE. UITSTEKEND. ANARCHYTECTURE – SKUNK ANANSIE. ’N VERSAMELING HARDE ALTERNATIEWE ROCK-RITMES MET SKIN SE HARTSTOGTELIKE, ENIGMATIESE STEM AAN DIE VOORPUNT. EEN VAN DIE BESTE LIVE BANDS IN DIE WÊRELD SE SESDE ALBUM STEL NIE TELEUR NIE. DIE REUSE-KITAARKLANKE EN TROMME IN “WE ARE THE FLAMES” NEEM STANDPUNT IN TEEN MODERNE TYE SE SOSIALE AGENDAS. MATTER – ST. LUCIA. DIE BAIE GEWILDE NEW YORKSE POPGROEP…

SKUD-SKUD Soutpotjies met ryskorrels ken ons seker almal. In ons huis sit ons ’n bietjie kruie by die sout in die soutpotte wanneer daar ’n gas met bloeddrukprobleme saam met ons aansit – die kruie verstop die gaatjies effens sodat minder sout deurval. Te veel sout is immers nie goed vir bloeddruklyers nie. Ons noem dié potjies Skud-Skud, want skud moet jy skud om die sout te laat uitkom. Die meeste mense leer hul kinders sekerlik goeie maniere en net so het ons die kleingoed sommer vroeg-vroeg al geleer om asseblief en dankie te sê, want dis mos net goeie maniere. Ouma se hart swel sommer van trots wanneer sy hoor hoe pragtig hulle daardie goeie maniere-woorde gebruik. Op ’n dag sit ons almal aan die etenstafel en Oupa sê-vra:…

NICOLA BREYTENBACH HET AS TOPMODEL MET DIOR, VERSACE EN REVLON DIE SOORT KONTRAKTE LOSGESLAAN WAT MENSE OORNAG BEKEND MAAK ‘ELKE DAG, OF JY NOU VIERUUR IN DIE OGGEND OP MOES WEES OF NIE, WAS VIR MY GOED EN OPWINDEND’ Sy word soggens langs die Hudson-rivier wakker. Die vrou met die gesig wat al op ’n groot skerm in New York se besige Times Square en op die kant van ’n enorme gebou te sien was. Op 36 is Nicola Breytenbach steeds die soort skoonheid wat wêreldwyd in advertensies vir juwele en diamante skitter. Sy het as topmodel met Dior, Versace en Revlon die soort kontrakte losgeslaan wat mense oornag bekend maak. Ná 17 jaar in die bedryf het hierdie Suid-Afrikaner van geboorte vir haar ’n gesogte plekkie in New York…

‘Ek sal vyf keer in ’n nag met ’n simpel glimlag op my gesig opstaan om doeke om te ruil’ Jy is gelukkig en kon ’n tweede keer geluk en liefde vind. Baie mans kan nie die verbintenis maak nie. Hoe kry jy dit reg? Sonder om te veel oor my eie verhouding te praat kan ek net sê verskillende goed werk vir verskillende mense. Party mense is gelukkig om verskeie informele verhoudings te hê, ander sal vir ’n jaar in ’n verhouding bly, en dan weer ’n nuwe verhouding begin wat ’n jaar lank hou. Ek oordeel niemand nie. Ek doen net wat vir my reg is en wat vir my werk. Het jy rolmodelle wanneer dit by verhoudings kom? Baie van my vriende het lang, suksesvolle verhoudings en…

Hy beskerm sy gesin se privaatheid soos ’n beer sy kleintjies, en hy en Annatjie het gekies om hul kinders weg van die kollig groot te maak Vanjaar is ’n groot jaar vir Bobby van Jaarsveld (29). Aan die einde van verlede jaar het hy tien baie suksesvolle jare in die mededingende Afrikaanse musiekbedryf gevier, en hy is tans een van die kykers se gunsteling-beoordelaars op M-Net se realiteitsreeks The Voice. Maar die belangrikste van alles vir dié gesinsman, is die geboorte van nog ’n Van Jaarsveldjie (wat ten tyde van ons onderhoud enige dag kon gebeur). Hy en sy vrou, Annatjie, met wie hy al van skooldae af uitgaan, kan nie wag dat hul dogtertjie haar opwagting maak nie. Hul seuns, Sion (4) en Leben (3), is ewe opgewonde.…

Royal Secret is sedert 1958 een van Suid-Afrika se topverkopers. Die parfumeur Germaine Monteil het die parfuum spesiaal vir prinses Grace van Monaco gemaak. Tot vandag toe bly die parfuum ’n misterie. Die twee fyngeure wat gebruik is, is deur onafhanklike parfumeurs geskep om seker te maak dat geen ander skoonheidshuis die geheime resep ontdek nie. Royal Secret word van die beste natuurlike essensiële olies gemaak. Die boonste note van bergamot en lemoen gaan oor in ’n sensuele vermenging van Oosterse speserye, rose en jasmyn. Die warm, gesofistikeerde hart van amber, sandelhout en muskus maak dit ’n onvergeetlike sensoriese ervaring. Die meeste vroue tik Royal Secret met ’n ligte hand aan, want dié ryk, koninklike samestelling is nogal ongevoelig vir persoonlike ruimte. Royal Secret versinnebeeld die uitbundigheid van die koninklikes,…

‘Ek was baie gelukkig, want die skade wat ek aan my brein opgedoen het, het glad nie my intellek benadeel nie en ek is nou in die wonderlike posisie om namens die breinbeseerdes te praat wat sukkel om hulself uit te druk’ ‘Ek weet nou ek het ’n onuitputlike bron van geduld en deursettingsvermoë’ Dit was ’n doodgewone lentedag toe Irene op 22 Oktober 2009 die grootste nuus van die dag op OFM was. ’n Vragmotor met ’n vrag van 25 ton het skuins voor ses daardie oggend oor ’n rooi verkeerslig gery en haar motor getref. (Om dit in perspektief te plaas: ’n olifant weeg ses ton.) Dat sy die botsing oorleef het, was die eerste van baie wonderwerke. Vyf en vyftig dae later was sy die eerste keer…

Toe sakevrou Aliza Jabes in 1989 die Laboratoire Nuxe-onderneming oorgeneem het, was sy van plan om haar kennis van aromaterapie en fitoterapie te gebruik om ’n multi-funksionele produk vir besige vroue soos sy te skep. Die resultaat was Huile Prodigieuse Dry Oil, ’n veelsydige wonderproduk en Nuxe se eerste kultusproduk. Die naam Nuxe is ’n kombinasie van die woorde “natuur’ en “luuks” – ’n goeie opsomming van die produkte. Nuxe is al sedert hul begindae eko-vriendelik. Die maatskappy het van 2003 af verskeie spa’s geopen en hul produkte is in meer as sestig lande beskikbaar. Kry dit plaaslik in uitgesoekte Truworths- en Woolworths-takke. Volg Nuxe op www.facebook.com/NuxeSA Die Nuxe-geskenkpakke, vir jou en ’n vriendin, sluit in: • Twee bottels Huile Prodigieuse Multi-Purpose Dry Oil • Twee bottels Huile…

Nege wenkbroureëls as jy jou wenkbroue laat uitgroei Die span van Eyecandy in Kaapstad gee raad: 1 Sit jou haartangetjie weg. “As dit moet, gooi die tangetjie weg en los jou wenkbroue vir minstens ses tot agt weke uit.” Meer en meer haartjies sal nader aan jou wenkbroulyn groei en jou wenkbroue sal voller lyk 2 Baie Eyecandy-kliënte glo aan ’n wenkbrouserum en ’n mens kan dit gerus oorweeg. Die meeste serums bevat peptiede wat groei van die haarwortels aanmoedig. Onthou, jy moet die serum elke aand gebruik, anders gaan bitter min gebeur. 3 As ’n serum vir jou aan die duur kant is, probeer ’n bietjie kasterolie. Oosterse vroue gebruik dit al eeue lank om haargroei te bevorder. Masseer elke aand ’n klein bietjie olie in jou wenkbroue in.…

‘Skoonheid kom van binne - dit is ’n manier van dink - en ek is trots daarop om deel van die boodskap te wees en die L’Oréal Paris-vroue te verteenwoordig’ “Ek was baie gevlei toe L’Oréal my nader. Die eerste keer toe ek die slagspreuk ‘Because I’m Worth It’ hoor, het dit my denke verander oor hoekom jy goed moet lyk. Dit beteken ook dat vroue eienaarskap van hul lewe en besluite moet neem.” Beweeg en BLY vars Vir veral die oefengeesdriftiges: SHIELD MOTIONSENSE (R28,99) het piepklein kapsuletjies wat bars sodra daar wrywing is en jou langer fris en vars hou. Beskikbaar in ’n deodorant of spuitkannetjie. Vir ALBEI Wie onthou nie die jare negentig se uniseks CK1 nie? En nou doen Calvin Klein dit weer met hul “geslagsneutrale” geur…

STEM JA OF NEE OP ONS VRAAG IN “WAT DINK JY” EN JY KAN ’N VINOLIA-GESKENKPAK TER WAARDE VAN R2 500 WEN! DIT SLUIT OOK ’N LOU HARVEY-TOILETSAKKIE, KAMERJAS EN EXCLUSIVE BOOKS-GESKENKBEWYS IN. VINOLIA BADSKUIM IS NOU BESKIKBAAR IN DRIE WEELDERIGE GEURE: VANILLA, FRENCH LAVENDER EN WILD ROSE, WAT DIE BESTAANDE REEKS SEEP EN HANDWASMIDDELS AANVUL. GENIET DIE WEELDERIGE GEUR VAN VINOLIA NOU NOG MEER! VRAAG: DINK JY MENSE WAT GEREELD DANS BLY LANGER JONK? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP DIE “WAT DINK JY”-BLOKKIE OM DEEL TE NEEM.…

Afspraakwebwerwe en facebook is kuberskurke se gunsteling-jagveld. Vroue moet meer pro-aktief optree om hulself te beskerm, sê Glenda. Beskerm jouself so: Hou die inligting oor jouself baie vaag. “Woorde soos finansiële klerk, afdelingshoof, eienaar van eie onderneming, besit eie huis, of selfs net self-employed laat die skurke onmiddellik twee maal na jou profiel kyk, want hulle dink jy het toegang tot baie geld. Moet ook nie te veel oor jou belangstellings sê nie. Onthou, hierdie skelms grond hul korrespondensie met jou op alles wat hulle van jou weet. Sorg dat dit min is.” Moenie te gou te veel intieme inligting aanlyn deel nie. “Moenie intieme seksuele gesprekke voer met iemand wat jy nog nie eens ontmoet het nie. Ek het al van hierdie gesprekke gelees wat my kliënte aanlyn gevoer…

’n Subtiele kleurskema laat meer ruimte om met teksture en lyne te eksperimenteer BLOMBOY Alwijn Burger, ook bekend as Blomboy, is ’n dekorstilis en konsepontwikkelaar vir uiteenlopende geleenthede en projekte. Vir Paasfees verkies hy ’n sagte, stemmige kleurpalet met skadu’s van lila en roospienk (scabious, krismisrose) met vlekkies sjokoladebruin teen ’n agtergrond van inheemse grasse en die warm bruin van eierdoppe. ’n Subtiele kleurskema laat meer ruimte om met interessante teksture en lyne te eksperimenteer. Hy hou van die kontras tussen “luuks” en “alledaags” en speel hier met kontraste tussen elemente soos kristal en eenvoudige servette wat met natuurlike kleurstowwe gevlek is. Die marmertafelblad bied ’n meer eietydse basis, maar sou maklik deur ’n gestyfde wit tafeldoek vervang kon word. • www.blomboy.com  • info@blomboy.com  • facebook / theblomboy; instagram @theblomboy Vergeetmy-nietjies en kantblomme…

GEROOSTERDE LAMSBOUD MET KRUIE GENOEG VIR 6 MENSE Verhit die oond tot 200 °C. Meng 5 skeppies Flora Gold, 5 takkies (net die blaartjies) gekapte roosmaryn, 4 gekapte knoffelhuisies en die gerasperde skil van 2 suurlemoene. Sny kepe in die bokant van die lamsboud. Vryf die hele boud met die Flora Gold- mengsel in. Sit die vleis in ’n groot oondpan en bak vir 2 uur of tot goudkleurig en gaar. Bedek met foelie as die vleis te donker braai. GEROOSTERDE BABA-AARTAPPELS MET KNOFFELBOTTER GENOEG VIR 6 MENSE Verhit die oond tot 200 °C. Sit 1 kg baba-aartappels (gewas) in ’n groot oondpan. Stip Flora Gold oor die aartappels en geur met seesoutvlokkies. Bak vir 40 min. of tot goudkleurig en gaar. Meng 4 skeppies Flora Gold, 2 gekapte knoffelhuisies…

Die plesier waarmee sy kos aangebied het, was deel van die genot daaraan Met ons Ma Hanna se 95ste verjaardag vier ons ’n week lank fees. Haar verjaardag het op ’n Donderdag geval, maar ons sit al die voorafgaande Sondag aan ons sus Estelle-hulle se groot tafel. Vanweë werkverpligtinge kan van haar kinders en kleinkinders nie almal tegelyk uit die windrigtings van die land en Namibië oor dieselfde naweek Kaap toe kom nie. Gevolglik hou ons toe twee Sondag-verjaardagetes. Fyn beplande etes, lieflik gedekte tafels, maar etes sonder spyskaarte en gange. Al wat ons almal op tafel wou hê vir die viering van haar liefderyke, mooi lewe, was die lekkernye waarmee sy ons as kinders en lateraan as grootmense en uiteindelik haar kleinkinders vertroetel het. Synde ’n vrou wat sing…

Rick Smith, prokureur by Van Stade van der Ende Ingelyf, is ’n spesialis op die gebied van sekwestrasies en vrywillige boedeloorgawes. Hy sê statistieke wys dat sekwestrasies na die einde van die jaar toe toeneem. Maar, sê hy, daar is wanopvattings oor die proses. “Amerikaanse flieks beeld dikwels uit dat wanneer mense gesekwestreer word, hulle outomaties opnuut van voor af begin en weer soos voorheen kan spandeer. Dit is blatant onwaar. ’n Gesekwestreerde moet deur die rehabilitasieproses gaan om weer in ’n posisie te wees om kredietwaardig te word, wat werklik al maatstaf is waarvolgens finansiële instellings iemand se terugbetaalvermoë kan bepaal.” Hy glo daar is lig aan die einde van die skuldtonnel. “Die positiewe is dat ’n gesekwestreerde individu sonder die stres van verskeie krediteure en regsaksies sy lewe…

Warm brood uit die buite-oond, afgekarringde botter en tuisgemaakte konfyt. Flesse ingelegde vrugte, sorgsaam en kunstig versier.” Só onthou my ma, Truiki, haar ma Anna. En kon Ouma lag! Skaterlag dat die trane spat. Soms ook maar lekker kwaai. ’n Vurige vrou, dié Anna Jansen van Vuuren. Ná oupa Dawie se dood is hul plaas buite Brits opgepak, en daarmee saam Ouma se hele lewe. Ek was ses jaar oud toe sy by ons in die Bosveld kom woon het. Soggens sou sy my roep om oor die draadloos na Siembamba te luister, saam toegewikkel onder een kombers. In die tuin op die plaas was ons dae ryk aan gesprek terwyl Ouma vir my mannetjies kerf uit pampoenskille, krimpvarkies maak uit mangopitte, pastelkleurige oortreksels vir die klerehangers hekel. Alles so…

Vandeesmaand is ons tema “divas” om aan te sluit by ons skrywer van die maand. As jou boekklub al die vrae reg beantwoord, kry julle die boeke wat vandeesmaand op “Rooiwarm” bespreek word, geskenk deur Graffiti. Stuur jul antwoorde na roneln@caxton.co.za met “April-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam; posadres en selnommer! Moeilik? Google dit … Vrae 1 Wat is ’n “diva”? 2 Wie was SA se bekendste internasionale diva? 3 Van watter land kom die vroue-popgroep Diva? 4 Wat was die naam van die Amerikaanse Diva-karakter in die 1981-kunsfliek Diva ? 5 Watter popdiva was eers ’n lid van The Supremes? Maart-antwoorde 1 Wie het Triomf geskryf? Marlene van Niekerk. 2 Wat is die skrywer Elbie Lotter…

DIE UITSONDERLIKE pianis, fluitspeler, sanger, liriek- /musiekskrywer en produksieskepper is ’n musikant in murg en been. Lizanne Barnard se spore lê ver: vanaf ’n B.Mus. aan Tuks, deur Europa en Suid-Afrika as begeleier vir kabaretsangers tot optredes saam met onder andere Helena Hettema, Evan Schoombie en Laurika Rauch. Ná ’n loopbaan van meer as twintig jaar het dié ATKV Crescendo-wenner en lid van die duo Marimmba! besluit sy gaan haar eie ding doen. Haar nuwe album (as Lizanne Barnard), getiteld Mis voor die Son, kry reeds lof-prysinge uit alle oorde. “Ek kom uit ’n familie van storievertellers. My ma het van kleins af vir ons gedigte gelees en my pa het ook geskryf en gedig. Dis in my are. Met die uitsondering van drie liedjies het ek al die lirieke…

DIE SONDAGKOERANT ‘BEELD’ (NOU ‘RAPPORT’) HET ’N INTERUNIVERSITÊRE KOMPETISIE VIR SJAMPANJEMEISIES GEHAD EN TOE NELLE HOOR DAAR IS ’N PRYSGELD VAN R250 (DESTYDS BAIE GELD) WAS SY BAIE LUS OM DEEL TE NEEM Nelle Dreyer het in die jare sewentig op die voorblad van rooi rose en verskeie ander Suid-Afrikaanse tydskrifte verskyn. Toe het sy dit gewaag om oorsee te gaan werk, en was die eerste Suid-Afrikaanse model wat internasionaal sukses behaal het. Sy het op die voorblaaie van menige toonaangewende tydskrif soos Vogue en Harper’s Bazaar verskyn. Sy het voor die lens van groot internasionale fotograwe soos David Bailey, Pierre Luigi, Gian Paolo Barbieri, F. Gianni, Rocco Mancino en Bob Kriegler gewerk. Sy het ook saam met bekende Suid-Afrikaanse fotograwe soos Barry Dunne, Barry Lategan, Desmond Bowes-Taylor, Beresford McNally…

Tog gee jy weer waardigheid aan daardie potjie, teepot en skottel. Dit kry ’n ereplek op jou rak Ons Afrikaanses het ’n kollektiewe dorpskultuur. Ons woon die hele wêreld vol, maar ons behou steeds daardie dorpskultuur. Ons gee vir mekaar om, ons werskaf met ons hande en ons kook ons tradisionele kos – wat net weer bewys, jy kan die mens uit die dorp vat, maar jy kan nie die dorp uit die mens vat nie. Selfs mense wat nie op ’n plattelandse dorp grootgeword het nie, het daardie dorpskultuur. Hulle hunker na ’n agterstoep, plant malvas in ’n pot, koop tweedehandse meubels en bou ten duurste ’n plaaskombuis. Dit moet outentiek lyk met ou koekblikke en al. Wat maak jy as jy nie jou ouma se ou koekblikke het…