Innholdsfortegnelse for March 2014 i Rooi Rose

SOET STORIE Die aspris-hitte het my vroegdag laat hensop. Met geen siel tuis nie en die gordyne dig, kon ek alles met bandjies en rekke afruk. Op my spierwit duvet, met ’n tydskrif in die hand en ’n temende waaiertjie, het ek my verbeel ek lê iewers op ’n pêrelwit strand ... nee, Sandy Bay. Die 38 °C het my blitsig in ’n doeselslapie gedompel. Dis toe ek van skaamgeit oor dié lang see-kuier opvlieg dat ek dit sien: ’n Groot, bruin vlek waar die duik van my lyf duidelik op die bed wys. Twee gedagtes meld by my halfgaar brein aan: Bloed? Maar waarvandaan? Het my uur geslaan? Of het my dae van Adult Pampers aangebreek? Dis eers toe ek myself bevoel vir lekkasies dat ek onthou van die…

In 2007 het sy vir ’n oudisie gegaan vir die rol van Bella Swan in die Twilight-reeks, maar Kristen Stewart het die rol gekry. Ek bewonder Meryl Streep, Susanne Bier, Moeder Teresa en Abraham Lincoln vir hul werk. En my ma. Gunstelingmusiek: Stevie Wonder, Janis Joplin, Jake Bugg, Arctic Monkeys. Slegte gewoonte: Ek is ’n swak selfoongebruiker. Ek is so verlig wanneer mense verstaan, dan hoef ek nie skuldig te voel wanneer ek vir ’n paar maande “verdwyn” nie. Elle het haar as die invloedrykste vrou in die vermaaklikheidsbedryf aangewys en Rolling Stone noem haar die talentvolste jong aktrise in Amerika. Donald Sutherland, haar medespeler in The Hunger Games, vergelyk haar toneelspel met dié van veteraanakteur Laurence Olivier en sê sy is ’n “uitmuntende en briljante akteur”.…

As hy enige drie mense, lewend of dood, vir ete kon nooi, sou Elvis Presley een van hulle wees. “Hy was ’n ikon. Jy kan dit nie beskryf nie - hy het net daardie ietsie spesiaals gehad. Iemand soos Steve Hofmeyr het dit ook. Ek sou vir Elvis wou vra of die Elvis wat ons op die verhoog en op die silwerdoek gesien het, die ware hy was. Of was dit alles net ’n slim foefie? Jon Bon Jovi sou ook een van sy gaste wees. Ek sal wil weet hoe hy dit regkry om sulke ongelooflike goeie liedjies te skryf! As ek maar net een liedjie kon skryf wat so goed soos syne is ... Sy oupagrootjie Jakobs sal die derde gas wees. Ek het grootgeword met ’n klomp…

Jelliebabas het ’n vreemde nuwe dimensie: dit is nou moontlik om hulle van menslike gelatien te maak … wat hulle alte veel meer mens maak as waarmee mense gemaklik is. Gelatien soos ons dit ken, word gekry deur die velle, pote, ore en naels van veral beeste en varke af te kook, ’n morsige, onaangename proses. Chinese navorsers het ’n nuwe tegniek ontwikkel waarmee hulle die menslike geen wat gelatienvervaardiging beheer in gisselle insit, wat dan in die laboratorium tonne suiwer, topgehalte gelatien maak. Ril jy? Komaan, dink daaroor: Jy gaan nie menslike vel, of ore soos met dierlike gelatien eet nie. Dit is maar net gekweekte gelatien. Daar is net ’n báie klein deeltjie van ’n menslike sel se DNS daarin – veel, veel minder as wat jy deur…

Verhoudingsterapeut Anri van den Berg sê dit hang van elke situasie en omstandighede af, maar sy gee dié belangrike raad: In manipulasiegevalle gaan dit oor beheer. Die “oortreder” wil die beheer in die situasie verkry, deur jou te ignoreer. Dit werk dan ook baie goed as jy agterna hardloop en alles doen om weer guns te wen. Dus versterk jy net hierdie gedrag. Gaan na die persoon toe en sê rustig, kalm en opreg: “Dit is vir my baie belangrik dat ons hierdie situasie uitpluis en dit in die toekoms probeer vermy. Ek sal bitter graag rustig met jou hieroor wil praat en wil verstaan hoe jy hieroor dink en voel. Wanneer jy reg is om met my te kom praat, kom soek my gerus.” Dit is dan jou verantwoordelikheid…

• Beperk jou verwagtinge en moenie jou met ander vergelyk nie. • Leef in die nou, in hierdie oomblik. • Wees dankbaar. • Put vreugde uit die klein dingetjies, die alledaagse. • Vertrou jouself, ander, die goedheid van die lewe. Wees jouself en doen wat by jou pas, wat jóú gelukkig maak. • Gebruik moeilikhede as leermeesters en leergeleenthede. • Verander jou gedagtes oor dinge – sien die goedheid en potensiaal raak. • Bevorder jou verhoudings en belê in vriendskap. Gee. Saai liefde, geduld en aanvaarding en maai ongekende liefde. • Vergewe. • Omring jou met gelukkige mense, positiwiteit en sinvolle aktiwiteite. • Ontwikkel goeie sosiale en emosionele vaardighede: konflikhantering, streshantering, tydsbestuur en balans in jou rolle en verantwoordelikheid. Sorg vir jou liggaam.…

2 True Clicks 0860 254 257 Accessorize 011 884 4643, 021 425 7701, 031 265 2525 Afraid of Mice 021 423 7353 Aldo 011 555 2300 Almay 011 971 0812 American Swiss 021 938 1966, sinen@asj.co.za Aussie Clicks 0860 254 257 Avon 0860 102 345 Bio Nike Dis-Chem 011 589 2200 Bioderma 011 801 1915 Call it Spring 021 551 1527, 011 476 1294, 012 365 3477 CaraMia Living caramia-sa.co.za Cartier 011 666 2800, cartier.com Catrice Cosmetics Dis-Chem 0800 201 170 Ceramic Factory ceramicfactory.co.za Chanel 011 325 1000, chanel.com Chillstix livin.co.za CK One 011 809 4000 Clarins 011 809 6300 Clinique Edgars, Stuttafords en Truworths Cotton On 021 552 9651, 021 981 9366 Coverderm 012 460 1220 Dermalex Clicks 0860 254 257 Dermalogica 011 268 0018 Desray 021 448 2887 Dior…

My vorige onderhoud met Lika was enkele weke ná klein Hugo se geboorte, feitlik twee jaar gelede. Ek onthou die moederlike verwondering waarmee sy na die piepklein seuntjie gestaar het. Is moederskap toe wat sy verwag het? “Hugo is soveel meer as wat ek verwag het! Hy is ’n onafhanklike klein mensie en sê gedurig ‘ek wil sélf’. Maar om moederskap en werk te balanseer , is ongelooflik moeilik . Ek haal my hoed af vir alle ma’s wat dit regkry. Ek besef nou eers hoeveel ekstra jy van jouself moet gee as jy kinders het.” “Ek vergaap my elke dag aan Hugo. ’n Kind is soos ’n spons. Hy is so bewus van wat om hom aangaan. Hy wil altyd alles weet en leer so maklik . Hy en…

Ons skoonheidsassistent, Justine Kroes, gee raad: • As jy jou lippe voller wil laat lyk, gebruik ’n lipstiffie in sagter skakerings of een wat effens blink . Vermy donker kleure op dunner lippe. • Dra sagter ooggrimering by ’n sterk of helder lipkleur. Die vleiendste lipkleur is een of twee skakerings donkerder as jou natuurlike lipkleur. • Jou lipstiffie en blosser moet ooreenstem - byvoorbeeld ’n blosser met ’n oranje ondertoon by koraalkleurige lipstiffie. • Elke vrou moet ’n mooi rooi lipstiffie besit; vlamrooi as jou vel ’n geel ondertoon het, en diep- of wynrooi vir ’n blou ondertoon.…

“As ’n mens ’n atleet is, is jy baie in voeling met jou liggaam. Jy is bewus van elke spier. Ek het boonop ’n haastige soort geaardheid – as ek iets gedoen wil hê, moet dit nóú gedoen word. Maar my siekte het my geleer daar is dinge waaroor jy geen beheer het nie. Ek moes leer dat ek sekere goed nie meer kan doen nie, al wil ek ook, en dis nogal vir ’n beheervraat ’n moeilike ding om te leer, hoor! Veral as jy boonop ’n perfeksionis is.” Sy moes noodwendig leer om haar situasie te aanvaar . “’n Mens het nie ’n keuse nie – jy móét dit eenvoudig aanvaar. Ek moes leer dat ek niks kan forseer nie, en dat dit níks help om te sit…

• Leer ken jou kind se selfoon. Vra jou kind uit oor sy foon se funksies. Maar hou in gedagte dat kinders slim is en hul fone goed ken. Hierdie is ’n deurlopende proses vir ’n ouer. • Belê in jou verhouding met jou kind. Praat openlik en benadruk dat ’n mens beheer verloor sodra ’n foto gestuur word. Vra hoe jou kinders sal voel as hul ouers of voog, die hele skool, onderwysers en selfs ’n toekomstige werkgewer dit onder oë kry. • Sê jy verstaa n dat kinders onder sosiale druk kan verkeer om onvanpaste foto’s te stuur, maar beklemtoon dat die sosiale vernedering uiteindelik baie groter kan wees as die foto versprei word. • Al respekteer jy jou kind se privaatheid , moet daar reëls en grense wees. ’n…

 Spreuke sê: “Vir die man wat praat sonder om daaroor te dink , is daar minder hoop as vir ’n dwaas.” Anri sê dit is belangrik, veral as emosies hoog loop, om eers te gaan afkoel voordat jy ’n argument verder neem. Die verskil tussen ’n afkoeltydjie en stilstuipe lê in die bedoeling, asook in die kommunikasie van die bedoeling. Dis belangrik om vir jou lewensmaat te sê: “Ek wil graag verder hieroor praat , want ek weet dis belangrik. Gee my net gou tien minute sodat ek net myself ’n bietjie agtermekaar kan kry,” of iets soortgelyks. Kom terug en probeer weer. Uiteindelik praat julle wel daaroor, wanneer daar met empatie geluister word met die doel om te verstaan en word oplossings gekommunikeer om soortgelyke voorvalle te voorkom.…

Met Heyneke Tours se spesiale aanbod vir rooi rose-lesers kan jy ook die vreugde en vlaktes van Zimbabwe ervaar. OPSIE 1 Oornag in die beroemde Victoria Falls-hotel en gaan skuil dan in The Hide in die Hwange Nasionale Park (drie nagte). Albei plekke het vyfstergraderings. Ingesluit • Vervoer van die lughawe na die Vic Falls-hotel • ontbyt • ’n begeleide toer van die waterval en • aandete in die boma. • Vervoer na die Hwangehoofkamp • ontbyt, middag- en aandetes en wildsritte. Koste R22 396 per volwassene wat deel. OPSIE 2 Oornag in Meikles-hotel en sit dan af na die Changa-safarikamp (twee nagte). Albei het vyfstergraderings. Ingesluit • Vervoer van die lughawe na die Meikles • ontbyt • huurvlug van Harare na die Fothergill-landingstrook • twee nagte akkommodasie by Changa…

Vrou soek Boer is ’n heerlike romantiese komedie wat verlede winter op Wakkerstroom in Mpumalanga verfilm is. Lika onthou hoe koud dit was. “Een toneel is in ’n swembad verfilm – ons het amper gevries!” vertel sy laggend. Sy het baie van haar karakter gehou. “Ons ontmoet Maryke as ’n stadsmeisie in ’n verhouding met ’n metroman, een wat nie eens ’n pap wiel kan omruil nie. Sy is amper dertig, ongetroud - haar verhoudingslewe wil maar net nie vlot nie - en sy leef vir haar werk as beleggingsbankier. Toe loop dinge by haar werk skeef, net toe sy hoor sy het by ’n verlangse familielid ’n bakkery op die platteland geërf. Sy bedank summier, al is sy heeltemal hulpeloos in ’n kombuis en almal taamlik skepties oor haar…

Sy is 65 jaar oud, maar lyk dit nie. Hoekom kies sy ’n politieke loopbaan wanneer ander van haar ouderdom al aftree? “Ek was nog altyd polities, maar het nooit aan ’n politieke party behoort nie. My lewensreis is sterk beïnvloed deur die Swart Bewussynsbeweging, waarvan ek ’n stigterslid was. Dit het my bemagtig om myself met trots swart te noem.” En by praat het dit nie gebly nie. Mamphela het ambisie gehad en hard gewerk om die loopbaanleer na sukses te klim. Op haar indrukwekkende CV pryk posisies soos visekanselier van die Universiteit van Kaapstad, besturende direkteur van die Wêreldbankgroep, asook verskeie direkteurskappe. Met harde werk het sy ’n fortuin van R55 miljoen opgebou en ’n plek op 2012 se Forbes-lys van Afrika se rykste vroue losgeslaan. In Februarie…

1 Kalmeer hom heel eerste. Maak tee of skink vir julle koeldrank. Gesels in ’n vriendelike, sussende toon en/of trek sy aandag van die onmiddellike situasie af. 2 As hy kalmer voel, kan julle begin gesels. Fokus eers op innerlike bewustheid (mindfulness). Gee hom kans om bewus te word van sy innerlike emosies en reaksies. 3 Verken die emosies en gee hulle name , met vrae soos: Wat voel hy? Wat het die reaksie uitgelok? Wat dink hy gaan gebeur? Wat is die ergste wat kan gebeur? Is dit werklik nou hier aan die gebeur? Onderskat hy sy vermoë om dit te kan hanteer? Hoe wens hy dat die situasie moet wees? 4 Help hom om by deurdagte optrede uit te kom, eerder as om terug te val op sy…

• Moet onder geen omstandighede suggestiewe foto’s aanstuur/versprei nie. • Praat met ’n volwassene wat jy kan vertrou as jy onder druk verkeer om iets teen jou sin te stuur. Of praat met ’n berader by Childline SA se tolvrye nommer, 08000 55 555. • Indien jy suggestiewe foto’s ontvang van iemand wat jy ken en wat dalk kon dink dat jy aanleiding gegee het, neem jou foon na ’n volwassene wat jy vertrou sodat hulle kan sien wie dit aan jou gestuur het. • Indien die afsender ’n vreemdeling is, moet die polisie betrek word. Moet niks aan die foon verander nie sodat die bewyse behoue kan bly. Op hierdie manier kan die anonieme teisteraar dalk vasgetrek word. • Enigiemand wat materiaal teëkom wat as kinderpornografie geklassifiseer word, word aangemoedig om…

GELUK IS DIKWELS IN DIE OOG OF IN DIE OOR ... DIE FRANSE FILOSOOF EN SKRYWER, JEAN-PAUL SARTRE, HET GESÊ: “HEL IS ANDER MENSE.” MAAR SO IS OOK DIE HEMEL ANDER MENSE. EN DIE KEUSE IS JOUNE. Verskillende mense vind geluk in verskillende dinge: Vir sommige lê plesier in die aangename en die genot wat die lewe kan bied, maar vir die meeste van ons lê dit eerder in ons betrokkenheid by ’n werk, gesin, liefde en aktiwiteite. Dalk in ’n betekenisvolle lewe waarin jy jouself is en as mens kan ontwikkel, of in die ervaring dat jy iewers behoort en ’n bydrae tot iets groters as jyself lewer. En dan is die plesier en genot wel die versiersuiker op die goeie koek wat jy met dankbaarheid en ’n lied…

Begeer jy die ruimte en weelde van die Lexus GS, maar gaan nie wakker lê as jy nie die landspoedrekord breek nie, gaan die Lexus ES jou wawiele laat doen van plesier. Veral ook omdat dit die bekostigbaarste Lexus op die mark is. Die ES is verlede jaar vir die eerste keer in SA op die Johannesburgse Internasionale Motorskou bekend gestel. Prysgewys is die ES billiker as die IS-sedan, maar met byna die ruimte van die GS-sportnutsreeks. G’n wonder dis die beste Lexus-sedanverkoper ter wêreld nie. Daar is twee modelle in die reeks: die 2,5 liter-petrolenjin (R435 900) en die petrol-/elektriese weergawe met Lexushibriedaandrywing (R515 000).…