Innholdsfortegnelse for April 2014 i Rooi Rose

AANHOUER WEN Seker een van die angswekkendste dinge wat ek al in my lewe moes doen, is om vir my rybewys te gaan. Die eerste keer ruk my been so dat ek in ’n paal vasry. Die tweede keer rol ek, die derde keer rol ek, en die vierde keer ry ek weer in ’n paal vas, want toe raak ek deurmekaar met gang- en parallelparkering. In die proses het ek ook heelwat plekkies gesien, want ek het telkens na ’n ander toetssentrum gegaan in die hoop dat ek minder sal stres. Maar toe, wonder bo wonder, kry ek my rybewys op 11 Maart 2013. Op die brose ouderdom van 46 jaar. My broer het altyd gesê my seun Marcel gaan sy rybewys nog voor my kry. Maar hierdie antie…

Bekende familielede Haar broer is die akteur Eric Roberts. Hy is die pa van die jong aktrise, Emma Roberts, wat die rol van Madison Montgomery in American Horror Story: Coven gespeel het. • My gunstelingflieks The Philadelphia Story , Voyager , The Mexican . • Ek sou ’n veearts geword het as ek nie ’n aktrise was nie. • Ware haarkleur Donkerblond • Gunsteling-stokperdjies Ek brei graag, plant groente in my tuin en ry perd. • Gunstelingkos Vir eet en kook: Italiaans…

Vermy alle suiker en graanprodukte - dus brood, koekies, koeskoes, rys, aartappels en mieliemeel. • Sny alle verfynde koolhidrate uit en probeer eerder jou koolhidrate uit laekoolhidraatgroente kry. • Moenie buitensporig proteïene eet nie. • Hou op eet sodra jy versadig is. • Eet vet, maar maak seker dis die regte vet. Eerder olyf-, klapper-, makadamiaof avokado-olie, varkvet en diervette as saadolies soos van sonneblom, kanola, druiwepit of katoen. • Eet baie groen en blaargroentes, maar versigtig met vrugte vanweë die hoë suiker. • Vermy alle sojaprodukte met die uitsondering van MNG-vrye sojasous by geleentheid. • Suiwelprodukte is toelaatbaar, mits jy nie ’n reaksie teen laktose het nie, of ervaar dat dit jou gewigsverlies belemmer nie. En alles moet volroom wees. • Vermy geprosesseerde en voorafbereide kos en kies vleis…

Rookpunt is die keerpunt wanneer olie verhit word tot dit by ’n sekere temperatuur in gliserol en vry-vetsure afgebreek word. In die stadium word die struktuur, geur en voedingswaarde van die olie verander en is dit skadelik vir die liggaam. Die gliserol word nog verder afgebreek tot op akroleïen wat ’n komponent van rook is. Akroleïen veroorsaak dat jou oë brand en keel begin jeuk. Daarom word die gebruik van sekere olies nie vir diepbraai of gebruik by hoë temperature aanbeveel nie. Die oorsprong en verwerking van die olie bepaal sy rookpunt - hoe fyner of meer verwerk die olie, hoe hoër die rookpunt.…

Rykie van Reenen het in haar joernalistieke loopbaan wat oor dekades strek, ’n nuwe styl vir Afrikaans losgeskryf. Geselstaal het uit haar tikmasjien gestroom. Vir die formele was daar nie plek in haar kopie nie. Deur al die jare heen het sy aan haar werksetiek getrou gebly. Sy kon dieselfde sin oor en oor tik. Want sien, dit moes perfek. Sy het die wêreld en lewe omskryf en daardeur ’n lesersmark ontgin. Of dit nou persoonlike korrespondensie, nuusverslaggewing, rubrieke of profiele was, haar woordgebruik het beïndruk. Sy het ’n oneindige passie vir haar beroep gehad en selfs gespot dat sy nie daaraan gewoond kan raak dat sy vir haar werk betáál word nie ... Sy het oor ’n baie wye spektrum berig, onderhoude gevoer met van die destydse eerste minister,…

Kleintyd het Juanita ure lank na mense soos Kenny Rogers en Don Williams geluister. “Ek het gedroom oor hoe dit in Nashville, Amerika, moet wees, en ek droom my hele loopbaan lank al van ’n groot Nashville-CD. Nou gaan dit uiteindelik waar word.” Sy en Doepie het ’n klompie jaar gelede in Nashville gaan vakansie hou. “Dit was eers genoeg om net daar te kon wees, maar die droom het gebly. Toe kry ek die geleentheid om vir ’n kykNET-program daar te gaan optree. Van my musiek is in verskillende country-style opgeneem. Dit was ’n lekker ervaring om te hoor hoe ’n Cajun-band ‘Ska-Rumba’ speel. Dit was groter en oorweldigender as waarvan ek kon droom. Dit was fantasties om ’n verhoog met van die grootste country-liedjieskrywers te kon deel.” Dit…

Deon het ’n goeie sangstem en hy was twee jaar lank lid van die Drakensbergse Seunskoor. • Hy pak elke jaar ’n staptog soos die Visrivier-canyon of die Otterwandelpad aan. • Hy het in die verhoogstukke Faan se trein en Faan se stasie gespeel. • Die rolprent Skoonheid , waarin Deon die hoofrol speel, was die eerste Afrikaanse fliek wat by die Cannes-rolprentfees vertoon is. • Deon het vanjaar sy tiende Cape Argus-fietswedren voltooi. • Hy het sy debuut op die silwerdoek in die fliek Proteus gemaak. • In die rolprent Winnie vertolk hy die rol van oudpresident FW de Klerk.…

Die vernaamste simptoom is uiters intense gesigspyne wat voel soos steek- of brandpyne of elektriese skokke. Die pyn is gewoonlik net aan die een kant van die gesig omdat die linker- en regterkant van die gesig deur twee afsonderlike trigeminale senuwees bedien word. Die pyn kan van ’n paar sekondes tot ’n paar minute duur, en kan honderde kere per dag voorkom. Die pyn kan in siklusse voorkom, en remissie kan soms maande duur voordat die pyn weer opvlam. Baie pasiënte word aanvanklik verkeerd gediagnoseer. Die trigeminale senuwee is verantwoordelik vir sensoriese data soos druk, temperatuur en gesigspyn wat bokant die kaaklyn ontstaan. Dit beheer ook die motoriese funksie van die spiere waarmee ’n mens kou. *Lees meer oor die simptome en oorsake van die toestand by www.wikipedia.org/wiki/Trigeminal_ neuralgia. Die soekwoorde…

Wanneer jy Bangkok van ’n boot af bekyk, sien jy ’n gans ander stad en voel dit byna of jy op ’n geheime sending is. Klim op een van die vrolike motorbote op die Chao Phraya-rivier en vaar deur die kanale van Thonburi. Die agterkante van die rivierbewoners se huise is op water gebou, en daar is ’n hele paar wat al in die water ingesak het. Hier baljaar die kinders in die water en as jy mooi kyk, sien jy hoe die mense in hul huise kuier. Dit was ’n kosbare oomblik toe ek sien hoe ’n man vir sy vrou sing. • Kleiner snoepiebote roei na die groter bote toe om hul produkte ten toon te stel en te verkoop. By sekere punte kan jy brood koop om…

Accessorize 011 884 4643, 021 425 7701, 031 265 2525 Afraid of Mice 021 423 7353 American Swiss 021 938 1966, sinen@asj.co.za Architects of Time 011 669 0790 Avon 0860 102 345 Bobbi Brown 011 516 3141 Burberry Burberry.com Buttermilk Bed Linen & Interiors 082 821 2323 CA Interiors 021 790 3370 Call it Spring 021 551 1527, 011 476 1294, 012 365 3477 Calvin Klein by Swatch Group 011 911 1200 Cartier cartier.com Chandler House 083 423 2001, chandlerhouse.co.za Chanel 011 325 1000, chanel.com Chopard Boutique V & A 021 421 4296 Clarins 011 809 6300 Clicks 0860 254 257, clicks.co.za D’Oré 011 783 7316, dorefashion.co.za Daniel Heller/Danrox 072 392 5745, heller@mweb.co.za Davines 011 791 3567 Denman Dis-Chem 0800 201 170 Dis-Chem 0800 201 170 Egality 071…

’n Vol jaar wag op Juanita. Naas haar druk konsertprogram is daar eers die groot album en dan op 30 Mei en 1 Junie haar eerste groot konsert saam met Steve Hofmeyr by Carnival City. Sy en Steve neem ook saam ’n ou Willie Nelson-liedjie vir haar CD op. “Ons beoog al lank om iets saam te doen en vanjaar word dit ’n werklikheid.” “Dit was tyd vir die twee om saam te sing,” sê Doepie. “Juanita en Theuns Jordaan doen elke drie, vier jaar iets saam, maar sy en Steve het nog nie eintlik saamgewerk nie. Hul vertoning het nog nie ’n amptelike titel nie, maar voorlopig heet dit Hoog tyd … net die keer.”…

Hy is nie net die Suid-Afrikaanse Davisbekerkaptein nie – wat beteken dat hy ons nasionale span afrig – maar rig ook twee van Pole se internasionale spelers af. Dit beteken dat hy steeds weke aanmekaar oorsee is. “Verlede jaar was ek 230 dae oorsee.” • Sy vrou Judy, met wie hy in 2005 getroud is, en haar kinders uit haar eerste huwelik, Suné en Fanie de Villiers, is sy hart se punt. “Min dinge is so lekker soos om tuis by my gesin te wees. Judy is ’n wonderlike mens – sy sal altyd eerder iemand anders help voor sy aan haarself dink. Sy is ’n vrolike mens – ek is mal oor haar lag. Ek mis hulle so erg dat ek maklik van ’n toernooi in byvoorbeeld Dubai sal…

1 Maak seker daar is genoeg werkvlakke en pakplek. 2 Beplan waar jy jou kombuis se vullisblik gaan plaas. Dit werk beter in ’n kas. 3 Gebruik oop rakke en maak jou breekgoed deel van die dekor. 4 ’n Kombuistafel skep meer atmosfeer as ’n toonbank. 5 Steek jou yskas en mikrogolf weg in ’n spesiaal ontwerpte kas wat by die res van jou kabinette pas. 6 Om geld te bespaar kan jy die raamwerk van jou bestaande kassies behou en slegs die deurtjies vervang. 7 Sorg vir genoeg natuurlike lig in die vertrek.…

Wat laat mense alleen vakansie hou?” het ’n vriendin opreg nuuskierig gevra, terwyl Mila opgewonde die vliegkaartjie voor haar neus gewaai het. “Buiten die reisjoernalis op soek na ’n storie, die rokjagter op soek na opwinding, of die treurende weduwee op soek na antwoorde.” “En Mila,” het sy beslis gesê, “jy is nie een van bogenoemde nie.” “Aptyt,” het sy geantwoord, hoewel sy eintlik nie seker was wat dit is omtrent reis wat haar prikkel nie. “Vreemde plekke, vreemde smake, reuke en mense. Dit hou my nuuskierig genoeg sodat ek nie stagneer in die sloot van eight-to-five boredom nie.” Mila se ma het net haar kop heen en weer geswaai, haar oë moedeloos gerol en aangebied om die malvas op haar stoep nat te lei en elke nou en dan…