Innholdsfortegnelse for October 2014 i Rooi Rose

WINTER SE BOOMSKELETTE het plek gemaak vir ’n lieflike groen blaredos, en die vroeë botsels lê nou in geurende hopies onder die bome. Die blombolle het al grootliks uitgeblom, en nou kom die somerblomme aan die beurt. Oral is daar kleur en geur. Die voëlnessies wat oorgebly het nadat die puntenerige wyfies hulle uitmekaargepluk het, hang swaar van die eiertjies, en soggens se vroeë koorgesang begin al voor die eerste pienk van die sonsopkoms. Oktober se loomwarm middae volg mekaar nou al luierend op, anders as die vroeë middagskemer van net nou-die-dag. Elke seisoen het sy eie bekoring, sy eie mooi, maar die warmer maande is my gunstelingtyd. Om die sagte groen gras onder my voetsole te voel en na kabbelende water te luister is vir my iets vir die…

Wat trek jy aan as jy op jou mooiste wil lyk? Watter item laat jou nooit in die steek nie? Larissa Olivier (35), eise-assesor, Naudeville Ek is ’n modebewuste jong vrou met min geld, maar bekostigbare styl! Vir elke seisoen het ek ’n nommerpas rokkie met bybehore waarin ek pragtig voel. Maar my informele winterspakkie, ’n klassieke vlootblou staatmaker, is my eerste keuse, want ek lyk en voel so goed daarin. My gunstelingrok is ’n noupassende, knielengte rok met Skotse ruitpatroon. Ek gebruik sedert my tienerjare net Estée-Lauder-produkte, want dit laat my beeldskoon en vars voel. Ashline Groenewald (39), kleinhandelbeplanner, Kraaifontein My swart langbroek wat ek met saam met stewels of hofskoene dra, is (veral in die winter) my gunsteling. Ek kan die swart langbroek winter en somer dra, want…

In And So It Goes ontdek die karakters eers later in hul lewe die liefde. Is jy gereed vir ’n liefdesverhouding? Dit sal fantasties wees! Ek dink sommige mense is meer geneig tot verhoudings. Ek dink dit gebeur wanneer jy beskikbaar is om ’n intieme verhouding te begin, dit gebeur nie uit die bloute nie. Dit sal lieflik wees en ek hoop dit gebeur. Regtig? Vir seker! Hoekom nie? Maar ek doen nie iets aan die saak nie. Dis nie asof ek ure op die Internet deurbring om na ’n kandidaat te soek nie. Ek dink net daaraan. Hoekom sal jy nie aanlyn na ’n maat soek nie? Ek sou iemand eerder persoonlik wou ontmoet. Mense wat aanlyn na iemand soek, is avontuurlustig, maar vir my…

My vooropgestelde idees oor mense, die lewe, myself en celebs is so eiesinnig, vol grootheidswaan en sogenaamde beskeidenheid dat Johannes Christian, oftewel Chris Chameleon, binne die eerste halfuur, uur (weer eens, ná soveel kere) my pikante en nuwe rooi stewels onder my uitvee. Trouens, my voorbehoud word vir die eerste keer deeglik uitgedaag in die sowat twee uur wat ek en hy en Daniella so deeglik saamvier. Ons kuier in Linden, Johannesburg. Ons moet saambuk oor die tafel om mekaar te kan hoor tussen die Johannesburgse stemme deur. Messegoed wat klater en borde wat klink. Mumford & Sons wat vir die hoeveelste keer alt-folk sing. ’n Baba wat neffens ons knies. Dis net genade en goedheid wat hierdie drie koppe tesame laat eet. Ek sit later getoebroodjie tussen hom en…

HEIKE LE CORDEUR VAN FLEUR LE CORDEUR Jy kan Heike eintlik nie ’n bloemis noem nie - sy skilder eerder met blomme. Sy lyk boonop soos ’n blommekind uit ’n sprokiesboek wat ’n sonderlinge ooreenkoms met die legendariese Mexikaanse skilder Frida Kahlo toon. Van haar lang hare tot haar rooi lippe is sy die vergestalting van haar buitengewone, kreatiewe blomskeppings. Sy het op ’n skaapplaas buite Hanover grootgeword; kaalvoet en vry tussen die Karoobossies haar dae deurgebring. Tegnologiese ontwikkeling het die plaas eers laat in Heike se laerskooldae bereik, maar danksy haar ma is sy baie blootgestel aan die wêreld buite die plaashek. Sy was ook ’n kreatiewe gees en het Heike saamgeneem na kunsuitstallings en modeparades. Hul plaashuis was omsoom met ’n besonderse tuin waarin Heike se ma baie…

Ontmoet die John Frieda® Sheer Blonde®-reeks, die ideale oplossing om jou innerlike goue godin te ontdek. Maak nie saak watter soort blondine jy is nie, John Frieda® Sheer Blonde® se reeks bied ‘n unieke oplossing – van die Highlight Activating Moisturising Shampoo vir donker of ligte skakerings van blond tot Colour Renew Tone Correcting Shampoo & Conditioner om koperagtige skakerings teneutraliseer. Die nuwe Everlasting Blonde Colour Preserving Shampoo & Conditioner beskerm jou pas gekleurde blonde voorkoms vir tot 12 weke*. Met saffloerolie en bergamot-ekstrak voorkom hierdie merkwaardige formule nie net dat jou blond vervaag nie, maar laat jou hare sag en syglad sodat jy gereed is om jou beste blonde voorkoms te vertoon. Hare sag en syglad sodat jy gereed is om jou beste blonde voorkoms te vertoon. JOHN FRIEDA®…

Andre Calitz, of AJ, soos sy vriende hom noem, is die soort atleet wat ons gewone aardbewoners stom van verwondering laat. Verbeel jou jy hardloop Tafelberg se Platteklip-ravyn uit. Nie een maal nie, maar ’n yslike veertien en ’n half keer binne twaalf uur! Ons is nie die enigstes wat beïndruk is nie – die mense by Guinness Book of World Records is ook, en een van die dae gaan Andre se naam daarin pryk langs die beskrywing “Greatest vertical height climbing stairs in 12 hours”. Sy rekord van 10 257 meter, wat hy in April opgestel het, is immers byna 200 meter meer as die vorige rekord van 10 060 meter, en dit boonop oor ruwe, ongelyke terrein. (Om dit in perspektief te stel: Everest is 8 848 m…

Jy klim gou in jou motor om wegneemetes te gaan koop, of te gaan werk, of dalk stap jy vir die soveelste keer op ’n krieketveld ... min wetende dat iets kan gebeur wat jou lewe gaan verander. Lianie May, Arno Jordaan en Mark Boucher weet maar te goed dat die lewe binne ’n oogwink kan verander. Hulle het al ervarings gehad wat hulle oor die kosbaarheid van die lewe en ’n loopbaan laat nadink het; ’n ervaring wat hulle daaraan herinner het dat daar geen waarborge is nie. Gelukkig kan jy darem beheer hoe jy die voorval gaan hanteer. MARK BOUCHER Mark Boucher het geen idee hoeveel balle hy al met ’n krieketkolf afgeweer het nie, maar een bal het sy lewe verander. Die dwarsbalkie wat hom in sy…

Mode 2014 BYLAAGFOTO'S: JOHAN WILKE EN SALIE VAN HEERDEN. MODE HARE & GRIMERING: ALET VILJOEN, SUPERNOVA. MODEL: MODE: JENNA UPTON, MAX MODELS. ONS PRAGTIGE AGTERGRONDE IS GEVERF DEUR ELOUWNA MORKEL EN SUZANNE & DANIE KOTZÉ. WIT VERF (CASHMERE WHITE CAS1.) VIR AGTERGOND VERSKAF DEUR PLASCON. Wanneer ’n nuwe modeneiging verskyn, is ’n mens se eerste indrukke dikwels dat dit ’n bietjie vreemd lyk en nie in jou smaak val nie. Maar moenie so gou tou opgooi nie, jy moet net gewoond raak daaraan en uitpluis hoe jy dit gaan dra om by jou styl te pas. Vir my was die somer se NOMADIESE NEIGING presies dit: volksvreemd. Nou trek die interessante patrone en boduurwerk my aan, en onthou, HANDSAKKE MET FRAIINGS is ’n sleutelitem. Hierdie Gucci-handsak is besonder plat en…

GRIMERING & SKOONHEID Wat is jou gunsteling-grimeervoorkoms? Dis so moeilik om net een te kies! Juis hierom het ek twee voorkomste vir my grimeerreeks saam met MAC gekies. Een is meer dramaties en sexy en die ander een vars en natuurlik. Ek dink elke vrou het twee kante, en afangende van die bui waarin sy is, neig sy na een van hierdie grimeervoorkomste. Omdat modelle en aktrises soveel grimering dra, bly jy seker ver weg van grimering wanneer jy nie werk nie? Ek dra minder grimering in my vrye tyd, maar selde geen grimering nie. Vir ’n vinnige regruk, sit ek net ’n bietjie blosser en lipglans aan. Hoe voel jy oor jou samewerking met MAC? Dit was fassinerend om saam met MAC aan die projek te kon werk en…

VROUE VERTEL: “My einde was as mense met jou gesels en jou skaars kans gee om jou sin te voltooi voor hulle jou vertel van iemand wat dieselfde kanker gehad het en ná ’n uitgerekte siekbed ’n pynlike dood gesterf het.” - Karien (65). “’n Siekte kan jou isoleer, want jou lewe staan op sy kop en vir ander gaan die lewe doodgewoon voort. Dis goed as iemand laat blyk dat hy bewus is van jou situasie deur iets te sê soos: ‘Ek is so jammer om van jou diagnose te hoor.’ Daarna kan die gespek oor ander goed handel.” - Rika (50). “Ek kon slange vang as mense vir my sê hulle weet presies hoe ek voel. As ek vra of hulle kanker gehad het, was die antwoord gewoonlik…

Larissa Olivier Ek en my man werk albei voltyds, maar van vyfuur smiddae tot slaaptyd is dit gesinstyd. Ons kleur in, speel speletjies, maak tuin, bak en brou en eet heerlik om ’n tafel waar elkeen ’n beurt kry om ons Vader te bedank vir die wonderlike dag en die heerlike kos. Hier word gebabbel, want elkeen het gewoonlik ’n storietjie om te vertel. Voor ons gaan slaap, ruim ons die huis op. Elkeen het sy takie, die kinders ook. Naweke hou ons piekniek in die buitelug. Ons gaan ook gereeld berge toe, sommer om mekaar daar in die Maluti’s te geniet. Een maal per maand gaan ek en manlief vir ’n lekker bederf alleen na ’n lodge. Dit is vir ons ’n prioriteit om tyd alleen en saam met…

Suzette Ann Brickhill Vir my twee seuns is handelsname baie belangrik, juis omdat die etiket baie oor jou styl verklap. Styl speel deesdae ’n belangrike rol in die samelewing. Groepsdruk onder kinders ook. Ek laat hulle ekstra werk vir sakgeld doen sodat hulle kan spaar en koop wat hulle wil hê of nodig het – hulle het immers vir daardie geld gewerk. Die ander kant van die saak is dat die gehalte van handelsname net soveel beter is as die res. Johannelie Jackson Dis deesdae amper onmoontlik om kinders groot te maak wat nie van handelsname bewus is nie. Dit is immers orals sigbaar en die maats gesels by die skool daaroor. Ek kan wel met trots noem dat dit nie my kinders se lewe oorheers nie. Hulle is doodtevrede…

BLITSIDEE LOURIERTAKSOSATIES GENOEG VIR 8 1 Sny 6 lendeskywe ( sirloin ) in groot blokke en marineer vir sowat 4 uur in 125 ml olyfolie, 30 ml fyn gekapte knoffel en die gerasperde skil van 2 suurlemoene. 2 Ryg die blokke vleis op 6 gestroopte louriertakke en smeer die marinade oor. Geur met sout en braai oor warm kole. 3 Gooi die afgestroopte blare op die kole sodat die geur in die vleis kan intrek. Lourierblare is die geheime bestanddeel in die meeste soppe en bredies en gee ’n soet balsemgeur met note van neutmuskaat en kamfer. Eens het lourierblare ook geur aan groot geleenthede gegee. Italiaanse en Griekse soldate en atlete is met gevlegte lourierkranse gekroon wanneer hulle as oorwinnaars uit die stryd getree het. KOOP SÓ Vars blare…

DADELKOEK 1 MIDDELSLAGKOEK • 250 g dadels • 5 ml (1 t) koeksoda • 250 ml (1 k) kookwater • 250 ml (1 k) suiker • 125 g botter of margarien • 2 ekstragroot eiers, geklits • 10 ml (2 t) bakpoeier • 500 ml (2 k) koekmeel • 5 ml (1 t) vanielje-ekstrak • 200 g okkerneute (opsioneel), grof gekap VULSEL • 150 g dadels, fyn gekerf • 500 ml (2 k) suiker • 15 ml (1 e) botter • 125 ml (½ k) water • okkerneute, vir versiering • verglansde vrugte, vir versiering (opsioneel, ons het die koek net liggies met versiersuiker bestuif) Voorverhit die oond tot 180 °C. 1 Voer twee 23 cm-koekpanne met bakpapier uit. 2 Strooi die koeksoda oor die dadels, voeg die kookwater by en laat week tot sag. Maak die dadels met die agterkant van ’n vurk fyn. 3…

Wat staan mense te doen wat hulp wil verleen op die toneel waar ’n hond iemand aanval? • Omstanders se beste opsie is waarskynlik om soveel lawaai moontlik te maak, sê Deon Combrink, inspekteur by Uitenhage se Dierebeskermingsvereniging. Iets soos die geluid van ’n randsnyer kan inderdaad ’n hond afskrik. • Daarmee saam moet hulpverleners probeer om, hoe moeilik dit ook al mag wees, so kalm moontlik te bly. “As jy opgewerk is, sal dit na die hond oorspoel en hom ook meer opwerk.” • Volgens Deon skop mense baie keer in hierdie situasie na ’n hond. Al bedoel hulle dit goed, sal dit die dier net aggressiewer maak. “Dieselfde geld wanneer mense ’n hond met iets soos ’n krieketkolf slaan of met ’n skokstok skok.” • Mense wat nie…

Die jong wiskunde-professor wie se hare Floortjie van tyd tot tyd gesny het, se verskyning by die besige salon was so onvoorspelbaar soos dié van ’n verskietende ster. Hy het nooit geleer dat ’n afspraak eintlik nodig was nie, tog was dit asof die gode pligsgetrou vir kansellasies en laatkommers gesorg het en sy kon hom byna altyd akkommodeer. Voordat sy begin sny, het sy ’n oomblik lank met haar hande op sy skouers gestaan om haar aanslag te beplan, en sy donkerbruin oë wat hare in die spieël ontmoet het, was vreemd naak sonder die bril wat hy voor hom neergesit het. Het hy haar gesién? Sy het nie geweet nie. Maar terwyl sy besig was, het hulle gesels. En nie altyd oor ditjies en datjies nie. Manshaarkappers bedreig…

HARRY KALMER By Oppikoppi staan Harry Kalmer teen die reling van die Bornmanns se huisstoep en kyk uit oor die “dust bowl” waar derduisende rock-aanhangers kampeer en die rooi grond, wind en hitte ter wille van die musiek trot-seer. Sy hare staan skuins gewaai in daardie wind. Hy skud sy kop in ’n soort verwondering. “Wie weet watse stories lê nog daar onder. Daar is nie net duisend stories oor Johannesburg nie … ” Kalmer se boek met dié roerende titel het pas die lig gesien en het met die bekendstellingsaand almal uitverkoop – ’n ongekende prestasie. Hoekom is jy so sinies? (Glimlag.) Of is jy nie? Jy kan nie vyf jaar lank skryf aan ’n boek wat dalk eendag gepubliseer gaan word, hopelik geresenseer word en miskien lesers sal…

Die geliefde Suid-Afrikaanse skrywer Marita van der Vyver bly al jare in die Provence saam met haar Franse man, Alain Claisse, en het haar intussen in ’n ware Boergondiese sjef ontpop. Hier is ’n resep uit haar splinternuwe kookboek Winterkos in Provence. Hoender met kweper en heuning (4 porsies) In die geurige Marokkaanse kookkuns word sarajalo (die Arabiese woord vir kweper) gereeld saam met hoender en ander vleise gebruik. As jy nog nooit met kweper gekook het nie, is hierdie ver-Fransde weergawe van ’n Marokkaanse tagine die ideale resep om mee te begin. 2 e olyfolie • 4 groterige stukke hoender • 2 groot kwepers, geskil en in stukke gesny • 2 t kaneel • 2 t neutmuskaat • 2 e heuning • 500 ml warm hoenderaftreksel • ’n paar koljanderblare • sout en peper. 1 Verhit die…

POPULAR PROBLEMS – LEONARD COHEN. DIE GROOTSTE DIGTER/ SANGER WORD BINNEKORT TAGTIG, EN OM DIT TE VIER GEE HY VIR ÓNS ’N GESKENK: SY 13DE ALBUM. NIEMAND HET NOG DIE HELE ALBUM GEHOOR NIE, MAAR VERSKEIE SNITTE IS AL OP YOUTUBE EN ELDERS GEPUBLISEER. AS JY DAARVOLGENS MOET OORDEEL, GAAN DIÉ EEN DALK EEN VAN SY BESTES WEES. SONIC HIGHWAYS – FOO FIGHTERS. NÁ HUL VIER GRAMMYS VIR DIE WASTING LIGHT KON ONS SKAARS WAG VIR DIE NUWE FOO-ALBUM. ONMIDDELLIK HERKENBAAR AS ’N FF-STUK, MAAR MET IETS DIEPERS EN SELFS MUSIKALER. DIÉ BUNDEL WORD OP CD EN VINIEL-LANGSPEELPLAAT UITGEREIK. DAVE GROHL, HOOFSANGER, NOEM DIT “’N LIEFDESBRIEF AAN DIE GESKIEDENIS VAN AMERIKAANSE MUSIEK.” ’N BEIGE FORD CORTINA – MARLISE SCHEEPERS. DIÉ LIEDJIESKRYWER - ONDER MEER…

nooi jou na die eksklusiewe première van This is Where I Leave You met Tina Fey, Jane Fonda en Jason Bateman in die hoofrolle. • DATUM: Donderdag 16 Oktober 2014 WAAR: Nu Metro Menlyn Park (Pretoria), Nu Metro Canal Walk (Kaapstad) en Nu Metro Hyde Park (Johannesburg). Tyd: 20:00 KOSTE: Gratis! (Kaartjies is beperk tot twee per persoon en sluit gratis springmielies en koeldrank in). • Bespreek nou jou plek vir hierdie eksklusiewe rooi rose- lesersaanbod! Beperkte hoeveelheid sitplekke beskikbaar. • HOE OM TE BESPREEK: SMS “leave” gevolg deur jou naam, van, e-posadres en die naam van die teater waarheen jy wil gaan na 48409. Elke SMS kos R1,50 en gratis SMS’e geld nie. Aanbod sluit 13 Oktober 2013. This is Where I Leave You begin op 17…

Die skole hier rondom Upington vind baat by die leesprojek, reken ek. Maar daar moet iets spesiaals vir van die skole verder weg gedoen word. Vir die armer skole. Ek kontak toe die skoleprojekkoördineerder van Karstens-boerdery op Kanon-eiland, want hulle het skole so ver soos Klein Pella. Dit word haas tyd vir internasionale moedertaaldag. En juis in ons omgewing waar daar nog heelwat inheemse tale is, gaan dié dag ongesiens verby. “Werk iets uit,” stem sy in. Ons vier moedertaaldag op Vredesvallei, ’n klein nedersetting naby die Augrabieswaterval. Volgens meneer Pienaar, die skoolhoof, het die skooltjie so ’n bietjie meer as honderd leerders. Hierdie kinders kom uit Afrikaans-, Engels-, isiXhosa-, Setswana- en Nama-huise. Ek is veral opgewonde toe ek van die skool se Nama-kinders hoor; dat hierdie erfenis nog van…

“Ek is wie ek is,” sê die 68-jarige aktrise sonder verskoning, sonder berou. “Ek kan ’n rol vertolk as ek my met ’n karakter kan vereenselwig, maar ek kan nie iemand anders word nie. Ek weet nie hoe om dit te doen nie.” Vyf dekades lank al is Diane Keaton ’n ikon. Dié onkonvensionele skoonheid het haar paadjie op haar eie manier gestap en naam gemaak in flieks soos Annie Hall en The Godfather-reeks. Diane is nooit getroud nie, maar haar romantiese verhoudings met akteurs soos Woody Allen, Warren Beatty en Al Pacino het die voorblaaie gehaal. Sy het twee kinders aangeneem toe sy reeds in die vyftig was. Sy versteek ’n skerp intellek agter ’n ongeërde, vrye geeshouding, maar daardie bekende gestruktureerde uitrustings van haar laat dalk iets van…

Chris Chameleon het op die tere ouderdom van 18 die verhoog betree met sy selfgeskrewe eenmanstuk, Boy. Die stuk het landwyd pryse gewen. Toe volg sy driemangroep Boo! ’n Glam punkrock-groep wat wêreldwyd opslae gemaak het. Ná die ontbinding van Boo! het hy hom tot Afrikaanse musiek gewend met die aangrypende toonsettings van Ingrid Jonker se gedigte. Twintig jaar ná Boy het hy by Innibos weer op die verhoog geklim met ’n opvolgtoneelstuk, Man . En nou, vir die eerste keer, vertrek hy van nog ’n nuwe perron af: ’n Duetwerk saam met Daniella Deysel in Posduif , waar hulle saamsing aan die werke wat sy geskryf en hy getoonset het.…

Daar is oomblikke uit ’n mens se verlede wat vir altyd in jou geheue ingegraveer is. Een van mý onthou-oomblikke is daardie eerste keer toe ek “Kinders van die wind” oor die radio gehoor het. Elkeen wat hier lees, onthou dit waarskynlik ewe goed. In ’n era van spookasemmusiek, meestal vertalings van Duitse popliedjies, het die nostalgiese andersheid van Koos du Plessis se skepping diep getref - nie net die gestroopte klank en woorde nie, maar ook die stem. Verál die stem. Afrikaanse musiek het op daardie oomblik vir altyd verander, en die naam Laurika Rauch sou voortaan so deel wees van die Afrikaanse woordeskat soos melktert en biltong. Nou is dit 36 jaar later. Ek en Laurika gesels oor haar nuwe album, haar pad met musiek, oor roem, sommer…

• In ou Egipte het vroue hul hare met linte versier. Vermoënde vroue het kroontjies van goud of granaatsteen gedra terwyl vroue uit die laer stand bessies en blomblare daarvoor gebruik het. • In antieke Rome was haarstyle ’n uitdrukking van individualiteit. Ingewikkelde en selfs buitensporige kapsels is aangeprys omdat slegs ryk vroue ure aan hul hare kon bestee. • In die elfde en twaalfde eeu is daar in Europa gefrons indien getroude vroue hul hare los dra. Wanneer hulle oor die dood van ’n geliefde gerou het, is dit wel toegelaat. • In die Middeleeue is lang hare vir die maak van katapulttoue gebruik en in latere oorloë is dit as bomlonte ingespan. • In Middeleeuse Japan is vroue se hare as die belangrikste kenmerk van skoonheid beskou. Dit…

Die motto onderaan sy e-posboodskappe verklap iets van dié sportman se ingesteldheid: “Somewhere in the world someone is training when you are not. One day when you race him, he will win,” die wyse woorde van Tom Fleming. Bergloop is maar een van die sportsoorte waarin Andre die rekords laat spat. Hy het al verskeie silwer medaljes gekry in die Twee Oseane- en Comrades-marathon, en was die All Africa-driekampkampioen, asook die Suid-Afrikaanse tweekamp-, driekamp- en fietsrykampioen. Die mooiste plek? “Dis moeilik om te kies. Wat natuurskoon betref, dink ek die Visrivier-canyon in Namibië. Die mooiste dorp is seker Villefranche-sur-Mer in die suide van Frankryk.” Glo dit of nie, maar hy beskou hardloop as ’n manier om te ontspan. “Dis vir my ontvlugting, maar branderry is net so goed vir die…

Amanda Strydom dans soos ’n sjamaan, ’n oeroue sjamaan wat om die vuur dans téén die donker. “Ek dans tot dit lig word, dans totdat ek lig maak. Dans tot ek lig word.” Sy dans die donkerte nou al 28 jaar lank uit haar lewe. Sedert bipolêre depressie haar in die jare tagtig lamgelê het, het sy besluit sy gaan nooit weer in daardie donkerte lê nie. Vandag is sy een van ons hardwerkendste verhoogkunstenaars met ’n vol program wat menige jongeling haar beny. Sy skep haar eie werk en sorg dat sy besig bly. “Ek het ná my depressiejare begin om dit wat ek ken, neer te skryf en liedjies en vertonings daarvan te maak. Dit is my ingebore oorlewingsinstink,” sê die vrou wat deesdae nogal met ’n ysterheup…

MODE Accessorize 011 884 4643, 021 425 7701, 031 265 2525 Aldo 011 555 2300, 021 555 3594, 051 448 7357 American Swiss 021 938 1966 A.Y.K 083 256 7890, info@ayk.co.za Billabong 042 200 2600 Black Coffee 011 268 0989 Call it Spring 021 551 1527, 011 476 1294, 012 365 3477 Cape Cobra Leathercraft 021 415 3440, info@capecobra.co.za of capecobra.co.za Charles and Keith 0860 104 764 Chopard Boutique 021 421 4296, 011 325 4119 Cinnamon cinshoes.co.za CJR Gift Sales 011 257 6000, info@cjr.co.za Clarks 011 610 0328, 011 673 7377, 012 361 1027 colette by colette hayman 087 808 0080 Cotton On 021 552 9651, 021 981 9366 Desray 021 448 2887 Dune 011 685 7055, 021 529 1970 Edgars 011 495 6000 Erato erato.co.za Footwork 011…

• Ek weet hoe jy voel. Nee, behalwe as jy dieselfde kanker of behandeling gehad het, weet jy nié hoe die persoon voel nie. • Dis jou eie skuld. Dis nie nou die tyd om vir mense te vertel dat as hulle geoefen het / uit die son gebly het / nooit gedrink of gerook het / gewig verloor het / minder gestres het / ens. hulle nie kanker sou gekry het nie. • Ek weet net wat jy moet doen. • Jou buurvrou se dogter het dalk pas haar mediese graad cum laude verwerf, maar dit beteken nie sy weet meer as die spesialis wat die kankerlyer behandel nie. Moenie raad gee oor behandeling as jy nie opgelei is nie. • Ek voel hulpeloos. • Ek kan sien jy’t…

“In 2007 het ek borskanker gekry. Afgesien van die verskriklike verwarring – jy weet nie wáár so iets vandaan kom nie – word jy dadelik in die mediese wiel ingerol. Die beste wat jy kan doen, is om spesialiste te soek wat jy kan vertrou en dan blindweg op hul kennis staat te maak. Jy hanteer nie jou siekte nie – die dokters cope met jou. “Ek was gelukkig om net een bors te verloor en dat ek nie chemoterapie of bestraling nodig gehad het nie, maar ek moes verskeie operasies kry. Omdat die kanker estrogeenvatbaar was, moes ek jare lank anti-estrogeenmedikasie neem. Dis toksies en het my onmiddellik in die menopouse ingegooi: gloede, verhoogde emosionaliteit, alles. Baie vroue wat hierdie medikasie gebruik, sit gewig aan, word grys en kry…

Skink vir KANSA Reël tussen 15 September en 31 Oktober ’n Cuppa for Cansa -geleentheid en wen groot pryse van Le Creuset . Die inspirerendste teepartytjies wen elk ’n geskenkbewys van R1 000 en die algehele wenner ’n R10 000-geskenkbewys. Die geld wat ingesamel word, gaan aan Tough Living with Cancer . Meer inligting by lecreuset.co.za BELOFTE VAN BALANS Die pragmooi Spier-landgoed naby Stellenbosch is ’n bio-dinamiese plaas - wat beteken dat ’n ete daar ’n egte grond-tot-mond-ervaring word. Alle vars produkte wat in die restaurant gebruik word, word op die plaas verbou of kom van plase in die omgewing. So bly hulle getrou aan seisoenale produkte, wat verseker dat slegs die varsste bestanddele gebruik word. Elke ervaring op die plaas, van die wynproe en deli regdeur tot by die…

Eetlus en geurgeluk is van die oertye af een van die dwingendste dryfvere vir mense en diere. Sedert die begin van die geskiedenis waag mense hul lewe en hulle slaan ongekarteerde koerse in agter kos en lekkernye aan. Buiten die oorlewingsdrang om die liggaam te voed en honger te stil, is die lus vir iets lekkers - selfs in die moderne tyd waarin mense op geurlose pille en smaaklose skommels kan oorleef – ’n turbo-aanjaer. Die behoefte wat mense het om geurige kos te eet, was toentertyd al die dryfveer wat tot dapper waagstukke én skelmstreke gelei het. Hoedat die legendariese Makkebul van die Boesmanlandse kant en Dirk Ligter van Calvinia en tallose en naamlose ander skaapstelers hul lewe agter ’n lekker vleisie aan gewaag het, word nou nog saans…

Hokkiestokke is van kleins af deel van Pietie se lewe, want haar graadeenjuffrou, ook die hokkieafrigter, het haar aangepor om te begin speel. Dit het die koshuiskind van die Meisieskool Oranje in Bloemfontein sommer die kans gegee om uit die kamer te kom en lekker saam met haar maats te speel. En daar haal Pietie toe op 16 die nasionale span, die jongste speler wat dit kon regkry. En ja, Pietie is haar doopnaam, een wat sy by haar ouma “geërf” het. Sy het later vir oorsese klubs gespeel, waaronder vier seisoene in Holland. Op 27, in 2005, was sy moeg vir die intensiteit van internasionale hokkie. Boonop is hokkie nie hier ’n professionele sport nie en sy het besluit dis tyd om op ’n beroep te fokus. Sy het…

AS JY OEFEN • Roadid stel almal wat oefen in staat om die tuisblyers op die hoogte te hou (met ’n kaart en merker) van waar hulle is. Ideaal vir hardlopers, fietsryers en stappers. Die app se “Screen Lock” wys drie noodkontaknommers, jou bloedgroep en allergieë sou jy in ’n noodsituasie dalk nie kon praat nie. Die “Stationary Alert Notification” laat jou noodkontakte weet as jy skielik nie meer beweeg nie. Jy kan die app selfs op jou kinders se foon sit sodat jy kan sien of hulle veilig by die skool aankom. Gratis op iPhone en Android-fone. • Nike Running app gee vir hardlopers die afstand, roete en spoed en • Runtastic Roadbike het vyftig fietsryfunksies. Albei is gratis op iPhones en lg. ook vir Android-fone. RAAK GEORGANISEER •…

Een baie gelukkige rooi rose-leser en ’n metgesel kan vir drie nagte saam met Serena Hotels, Lodges and Resorts en fastjet die seën van Tanzanië gaan ervaar. OM IN TE SKRYF SMS die woord “SERENA”, jou volle naam, adres en ID-nommer na 48409. SMS’e kos R1,50 elk. Gratis SMS’e tel nie. Sluitdatum 31 Oktober 2014. Bepalings en voorwaardes op bl. 211. DIE PRYS • Een nag se verblyf in Dar es Salaam Serena-hotel en twee nagte se verblyf in Zanzibar Serena-hotel. Bed-en-ontbyt. • Retoervlugte met fastjet tussen Johannesburg en Dar es Salaam. • Vervoer tussen Dar es Salaam Julius Nyerere Internasionaal en Zanzibar. BEPALINGS EN VOORWAARDES • Die prys sluit retoervlugte slegs vanaf Johannesburg in. • Die prys is onderhewig aan beskikbaarheid en aflewering deur die borge. • Die prys…

IS ’N SKRYWER VAN PRETORIA. HAAR JONGSTE ROMAN, STIPPELLYN, OOR DIE STRUIKELBLOKKE IN VERHOUDINGS TUSSEN OUERS EN KINDERS, ASOOK MANS EN VROUE IS ONLANGS GEPUBLISEER. DIS ’N BAIE LEESBARE VERHAAL OOR DIE WERKLIKE EN DIE INNERLIKE REIS VAN TWEE VROUE, EEN MIDDELJARIG, EEN BEJAARD, GESKRYF IN DIE SOEPEL TAAL WAARVOOR DIÉ SKRYWER BEKEND IS. DIE GEVOLGE VAN EMOSIONELE LETSELS UIT DIE VERLEDE, VERAL NÁ TRAUMATIESE GEBEURE SOOS DIE TWEEDE WÊRELDOORLOG, KOM OOK ONDER DIE SOEKLIG. STIPPELLYN, TAFELBERG (R210). DIE ROMAN IS OOK AS ’N E-BOEK BESKIKBAAR.…

In Oktober praat ons oor “1 000” om aan te sluit by die tema van ons skrywer se boek. As jou boekklub al die vrae reg beantwoord, skenk Graffiti aan julle al die boeke wat in “Rooiwarm” bespreek word. Stuur jul antwoorde na roneln@caxton.co.za met “Oktober-boeke” in die onderwerpreël, of na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Vrae 1 Hoe skryf jy “1 000” in Romeinse syfers? 2 Hoeveel Arabiese nagte het Scheherazade stories vertel? 3 Wie speel die vroulike hoofrol in 1 000 Ways to die in the West? 4 Hoeveel myl sal The Proclaimers stap om by hul meisie te kom? 5 Waaruit kom die titel van Khaled Hosseini se lieflike boek A Thousand Splendid Suns? September-antwoorde 1…

WEN Boss Ma Vie-PARFUUM Wen een van sewe 75 ml-bottels Boss Ma Vie-parfuum ter waarde van R1 095 elk. Melissa-SKOENE Stem bloot ja of nee op ons vraag in “Wat dink jy” en jy kan een van twee lesers wees wat ’n geskenkbewys ter waarde van R1 250 van Melissa Jelly-skoene wen. Agter die skerms Kyk na agter-die-skerms foto’s van ons dinamiese voorbladvrou, Jo-Ann Strauss. Ons wou weet VUL JY BLOKRAAIE IN? NEE 44% JA 39% SOMS 18% WAT IS JOU GUNSTELINGGRIMEERITEM? MASKARA 32% LIPSTIFFIE 31% ONDERLAAG 24% OOGOMLYNER 11% BLOSSER 3% KAN JY SLAAP AS JY KAFEÏEN INGENEEM HET? JA 62% NEE 38% Aandetes vir die week Vyf maklike resepte vir Maandag tot Vrydag. Die resepte is nou ook in Engels beskikbaar! Skryf dit in jou dagboek Volg ons…

• Gebore Diane Hall (Keaton was haar ma se middelnaam) op 5 Januarie 1946. • Haar eerste groot rol was as Kay Adams-Corleone in ‘The Godfather’ (1972). Diane het ’n aan/ afverhouding met Al Pacino gehad wat met die verfilming van ‘The Godfather Part III’ beëindig is. Sy het vroeg in haar loopbaan in ’n klomp Woody Allen-flieks gespeel, soos Play It Again, Sam (1972), Sleeper (1973), Love and Death (1975) en Annie Hall (1977) waarvoor sy ’n Oscar gewen het. Die twee het tydens die verfilming van dié fliek ’n verhouding aangeknoop. Tussen 1971 en 1993 het hulle saamgewerk aan agt flieks en is steeds goeie vriende. Sy en Warren Beatty het begin uitgaan nadat sy teenoor hom in Reds (1979) gespeel het. Diane het haar dogter, Dexter, in 1996 aangeneem…

“Dis waar jy jouself een-tot-een met iemand bevind. Ek en jy, hiér, byvoorbeeld, het een of ander verhouding. Ek en die man daar oorkant, daardie een met die mooi (Salvador Dali)-snor, het een. Onbekend, maar tog. Ons deel ’n ruimte. En ek en die ou wat gister sy rewolwer in my gesig kom druk het, het ook ’n vlugtige verhouding gehad, albeit nie positief of langdurig nie. Ek en Daniella het ’n diepgaande een ... Ons s’n strek al oor duisende kilometers en woorde, gedigte, gedagtes en gedeelde landskappe heen. Tyd alleen sal bepaal watter een van hierdie die langste stand sal hou.”…

Musiek was van kleintyd af ’n groot deel van haar lewe, en daar was groot opofferings deur die jare. “Ek onthou hoe ek vakansietye in die halfdonker sitkamer van my oom–hulle se plaashuis klavier geoefen het terwyl die ander kinders met ’n donkiekar koekemakrankas gaan uithaal. Jare later het ek my ma eendag gevra hoekom sy my gedwing het om musiek te oefen terwyl die ander kinders buite speel. Toe het sy verbaas geantwoord dat sy gedog het dis ék wat wou oefen. Eintlik wou sy hê ek moet speel, maar ek het gaan oefen.” Sy is dankbaar dat haar ouers haar potensiaal gesien het. “Hulle wou my elke geleentheid moontlik gee om dit te ontwikkel.” Vandag is Laurika dankbaar vir al die spreekwoordelike halfdonker-sitkamers wat haar en die klavier…

Antoinette Schoeman Ek is baie modebewus en dra ’n kort styl wat by my gesigvorm en leefstyl pas. Ek gim en speel rolbal en kort hare is soveel praktieser. Ek sukkel nooit daarmee nie, laat net die ligstrepies maandeliks op-touch. My hare krul en ek kan dit elke dag was, natuurlik laat droog word en dit lyk altyd goed. Ek het nog nooit lang hare gehad nie. Kort hare laat my sprankelend en beeldskoon voel! Larissa Olivier Ek dra my hare skouerlengte omdat my gesig slank is. Dit pas my perfek. My haarkapper behandel my hare gereeld met goeie haarprodukte en sit die allermooiste strepies in. Ek het nog nooit van styl verander nie. Vir my is my hare perfek so en dit gee my die wêreld se selfvertroue! Ashline…

Sarahann en Andries is al drie jaar dolgelukkig getroud, en hulle besit hul eie produksiemaatskappy, The Playhouse. Sy borrel behoorlik as sy oor hom praat. “Ons is al nege jaar saam. Dit was die wonderlikste besluit van my lewe om met hom te trou.” Hennie Jacobs se vrou het hulle op ’n partytjie van haar vriendin die aktrise Nadia Valvekens aan mekaar voorgestel. “Maar toe is ons mos albei koppig. Ek besluit ek gaan hom nie bel nie, hy besluit hy gaan my nie eerste bel nie, en so het dit vir ’n rukkie aangehou,” skater sy. (Gelukkig het iemand toe darem vir iemand gebel...) Hulle vervaardig vyf programme vir ASTV en doen alles self. “Ons werk só lekker saam. Andries het letterkunde geswot en het honneursgrade in letterkunde en…

Daar is ’n ryper skoonheid aan Natasha Sutherland. Iets wat waarskynlik verband hou met die wysheid wat sy die afgelope paar jaar verwerf het - al was haar leerskool dikwels pynlik in die openbare oog. Natasha is gelukkig, vervuld. En haar dagboek is vol. Sy skryf aan twee boeke, studeer verder, werk as motiveringspreker en seremoniemeester, is handelsmerk-ambassadeur vir Placecol en DNB en boonop terug op TV. “Ek speel ’n kwetsbare, geslepe karakter in e.tv se Scandal. Dis so lekker om weer te kan speel en deel van ’n goeie span en produksie te wees.” Scandal word geskiet in dieselfde ateljees waar Egoli hom destyds daagliks voor die kameras afgespeel het en dit bring vir Natasha besondere herinneringe. “In daardie ateljees het ek destyds baie mense ontmoet wat ’n geweldige…

Die bekende stilis en voorkomskonsultant Hannon Bothma het al verskeie mooimaaksessies op TV en vir tydskrifte gedoen. Hy het ’n wye kennis van die skoonheidsbedryf en het gou besef daar is ’n behoefte aan ’n unieke en professionele haar- en grimeerreeks in Suid-Afrika en werk daarvan gemaak. Die Hannon Hare Care- en Faces-reekse is die resultaat van deeglike navorsing en ontwikkeling in Frankryk en Suid-Afrika. Die produkte is landwyd beskikbaar in uitgesoekte haar- en skoonheidsalonne - waar Hannon dikwels ook met kliënte oor hare en grimering konsulteer. Besoek www.hannon.co.za  vir meer inligting. LIEWE LESER Ons weet dat jy nie graag ’n uitgawe van jou gunstelingtydskrif teen dieselfde prys wil misloop nie. Die ekonomie knyp, ja, maar as intekenaar kan jy vir ’n aks meer as R19 steeds klokslag…

TheraVine™, wat in die hart van Stellenbosch se wynland ontwikkel is, is ’n sensoriese spa-reeks wat natuurlike skoonheid en velsorg bevorder. Dié wêreldklas-spareeks met produkte vir die gesig en lyf is die resultaat van ’n strewe na perfeksie wat jare lange en omvattende internasionale navorsing en ontwikkeling geverg het. Die helende produkte bevat tegnologies gevorderde, aktiewe bestanddele in die hoogste voorgestelde konsentrasies waarby die beste byprodukte van die druif gevoeg is. Die resultaat is ’n reeks hoog in antioksidante wat veroudering uiters doeltreffend bekamp en uitmuntende resultate verseker. TheraVine™ se gepatenteerde proses vereis dat net ekstrakte van onder meer pinotage-druiwe en ander kultivars soos merlot, chardonnay en sauvignon blanc gebruik word omdat hulle propvol antioksidante is wat voortydige veroudering, stres en die negatiewe effekte van besoedeling teëwerk. Jou vel neem…

Jy voel só magteloos as iemand na aan jou kanker kry. Pilletjies en trooswoorde is te skamper om ’n verskil te maak. Hulle is buitendien kort voor lank op, want jy rou en vrees ook. Jou hart breek oor die agteruitgang, oor die permanente skade, oor die verliese. Jy sal wát wil gee om die knoue sagter te maak. As jy net weet hoe. Daarom dat dit ons ontroer het toe hierdie vroue vir ons die stories vertel. DIE NAGMERRIE Die eerste wat jy van Heather Jansen sien wanneer sy uit die bakkie klim, is haar hare waardeur die ligte briesie waai. Dit léwe. Swaai sy haar kop, volg haar hare met die oorgawe van ’n waterval in vloed. En as sy ’n bietjie onseker raak en afyk, omvou dit…

As duisend vroue – jy ook – die lewe van die spreekwoor-delike non as hul voorbehoeding kies, sal 850 van hulle binne ’n jaar swanger wees, sê Kaapse ginekoloog Wynand Truter. “Moenie dink omdat jy min swanger veertigjariges sien dat jy nie sommer ná kanker swanger sal raak nie.” Maar ons bly bekommerd oor die Pil en kanker. Navorsing wat verlede jaar deur die Universiteit van Washington gepubliseer is, wys een uit elke 173 vroue ontwikkel borskanker voor sy veertig is, en dat daar ’n klein bietjie meer estrogeensensitiewe kankers as nieestrogeensensitiewe kankers is. Met ander woorde hierdie een vrou is vrugbaar én moet waarskynlik voorbehoeding sonder estrogeen, soos die Pil, gebruik. Die risiko is eintlik onbeduidend min maar ná kanker wil niemand kanse waag nie. Gestel dit is jý?…

Corné van der Nest Dis is ’n sensitiewe onderwerp. Laat ek dit so stel: Ek wíl graag oefen. Jare lank al is ek ongelooflik onaktief - in die oortreffende trap. Intussen is ek omring deur superfikse fanatikusse wat ongelooflik motiverend is. Stellenbosch het ’n aktiewe kultuur - daar is maar net ’n uitgesoekte paar wat nie aktief is nie. Deur wie jy jou omring, het ’n groot invloed op jou. Kies gesonde geselskap en jy word oornag aangesteek deur die lewenslus. Ek het ook besef deur te speel, is en bly fiks-word pret. Ons kan speel en die lewe geniet terwyl ons boonop fiks en gesond bly. Oefen hoef nie soos ’n berg voor jou te lê nie. Bly fiks deur bloot die lewe te lééf. (Bydrae verkort – red.)…

Natasha Rightford is ’n gekwalifiseerde NeuroSoma® myo-terapeut in Suid-Afrika. Sy verduidelik: “Ek kry uitstekende resultate met die behandeling van sinusitis, hoofpyne en migraine,” sê Natasha. “Die volgende probleme hou dikwels verband met ’n permanent saamgetrekte spier: ’n pynlike skouer, knie, heup- of elmbooggewrig, ’n verskuifde werwel, geskeurde knieskyf, geskeurde mansjetskouer, sweepslagbesering, temporaal-mandibulêre gewrigs- en spierstoornisse, tinnitus, vertigo, tenniselmboog, karpale tonnelsindroom, rugpyn, artritis, heupjig en tendonitis. “Ek sien dat angsstoornisse verbeter wanneer die spiere om die hart sagter en soepeler word. Voorvalle van wegholhartkloppings verminder en die angsaanvalle neem af. “Spierdistrofie, fibromialgie, veelvuldige sklerose en Parkinson se siekte is ’n uitdaging om mee te werk. Ons werk met spesifieke simptome: as iemand byvoorbeeld voorwerpe laat val, behandel ons die handspiere. Hierdie stadige treetjies herstel dikwels mense se vertroue in hul liggaam…

So ’n paar jaar gelede het ek ’n speelgroep by my huis gehad vir my kinders en ’n paar maats. Een ma het haar seuntjie elke dag met spierwit ontwerperskleertjies kom aflaai en voorskrifte gegee dat hy nie mag vuil word nie. Ek het net gewag tot sy om die draai is en dan vir hom van my kind se klere aangetrek. Dit was ’n plesier om te sien hoe hy dit geniet om met verf te mors en in modder te speel. Ek het hom geskrop voor sy ma kom en silwerskoon terugbesorg. ’n Onlangse studie deur dr. Kristen Copeland, ’n kindergesondheidnavorser by Cincinnati-kinderhospitaal se mediese sentrum, het bevind dat onvanpaste klere, wat kinders soos klein grootmensies laat lyk, hul spel en ontwikkeling belemmer. Uit die studie wat in…

SLIM IDEES JY KAN DIE VREUGDE SMAAK VAN JOU EIE KOS PLUK EN VOORSIT. ONS WYS JOU HOE MAKLIK DIT IS BESTE WENKE GROND Swak grond is geen verskoning nie. Gebruik net genoeg kompos - al is jou grond die vetterigste sand of die kliphardste klei. Bou lasagnebeddings met jou tuinvullis en kombuisafval om die gehalte van die grond te verbeter. Onthou om altyd eers die grond met ’n deklaag van dooie gras, strooi of houtsnippers te bedek wanneer jy plant. Die deklaag hou die grond lekker los en word later kompos wat die grond verder voed. Gooi altyd ’n bietjie kompos in elke plantgaatjie, druk die grond goed vas, gee die plantjie water en siedaar, nie lank nie en jy pluk die vrugte van jou eie handearbeid. ROOI ROSE.CO.ZA…

FEITE EN GEITE ’n Pynappel groei tot twee jaar lank voor hy volgroeid is. « » Jy kan vleis in pynappelsap marineer om die vleis sag te maak. « » Soetrissies is eintlik vrugte . Alle soetrissies is groen, die rooi en geel soetrissies is net ryper en daarom ook soeter. BLITSVINNIGE HOENDERROERBRAAI  Genoeg vir 4 KRY EERS AL DIE BESTANDDELE REG » 30 ml (2 e) olyfolie » 4 hoenderborsies, in repies gesny » sout » 1 ui, in ringe gesny » 2 knoffelhuisies, fyn gekap » 1 rooi soetrissie, wit vliesies en pitjies uitgehaal en in repies gesny » 1 pynappel, geskil en in blokkies gesny » 30 ml (2 e) sojasous » 30 ml (2 e) heuning » 15 ml (1…

Diere help kinders lees Diereliefebbers weet watter fantastiese terapeute diere is. In Suid-Afrika is daar talle terapiehonde wat by hospitale, ouetehuise en skole gebruik word. ’n Program wat my as boekliefebber én diereliefebber na aan die hart lê, is die Lees- Ukufunda-READ-projek waar geregistreerde terapiehonde ingespan word om kinders se leesvaardighede te verbeter Die program bestaan al sedert 1999 in die VSA. Hoekom werk dit? Dr. Marieanna le Roux van die Universiteit van Stellenbosch, wat haar proefskrif hieroor gedoen het, sê die kinders lees vir die hond en nie vir sy hanteerder nie. Die hanteerder (vrywilligers wat deur READ VSA opgelei is) antwoord dan namens die hond. Die kind vra ook vir die hond vrae oor moeilike woorde wat die hanteerder dan namens die hond antwoord. Omdat die hond die…

Enkele maande voor haar vyftigste verjaardag gaan stap Heila Greeff oudergewoonte die oggend. Dis ’n Donderdagoggend net ná agtuur, daardie stil tydjie ná die verkeersgewoel van kinders by skole aflaai. Sy’s ’n sportiewe vrou wat daagliks sowat 9 km met ’n stewige pas aflê. Dis ook haar bidtyd, haar praattyd met haar God om haar kop skoon te kry. Heila wissel haar roete gereeld af en stap dié dag met Thomas Muir-rylaan langs. Sy het al vroeër opgemerk dat ’n boerboelkruising langs die heining van ’n huis op en af hardloop wanneer sy verbystap. Maar, anders as ander dae, is die groot hek daardie dag oop. En toe die petite donkerkop opkyk, is die groot bruin hond amper op haar. Instinktief lig sy haar regterarm en voel sy kake om…

• Jy het ’n toeristevisum nodig, wat op alle lughawens in Tanzanië verkrygbaar is. •k ’n Geelkoorsinspuiting is verpligtend, jy sal nie daarsonder in die land toegelaat word nie. Kry die inspuiting minstens tien dae voor jou vertrek by ’n reiskliniek en onthou om jou geelkoorssertifikaat in jou paspoort te bewaar. •k Medikasie teen malaria is nie verpligtend nie, maar dalk moet jy nie ’n kans waag nie. • Tanzanië is subtropies, so pak ligte klere in. Die aande kan effe koel raak, onthou ’n truitjie of twee. • As jy foto’s van mense wil neem, vra eers hul toestemming. Dit word as ’n teken van respek gesien. • Moenie kraanwater drink nie, maar drink genoeg gebottelde water (jy wil nie ontwater nie). • Die reënseisoen is van Maart tot…

BOEK VAN DIE MAAND KAMPHOER  Francois Smith (Tafelberg) Smith hou hom gewoonlik daarmee besig om ander mense se boeke drukgereed te kry. Hy word nie verniet as een van die beste redigeerders in die land beskou nie. Maar toe hy die dag sy pen optel en aan sy eie boek begin skryf, het die aarde werklik ’n entjie verder op sy as gekantel. Kamphoer is met een woord verbysterend. Soos ’n koerantresensent tereg geskryf het: “Smith het met sy debuutroman hom direk in die annale as topletterkundige gevestig.” Kortliks handel die verhaal oor Susan Nell, ’n vrou wat in die Anglo-Boereoorlog verkrag, intens verneder en verwerp is. Sy oorleef die voorval net-net en wy die res van haar lewe aan die traumabehandeling en genesing van mense wat deurgemaak het wat…

Loop vir kanker Die jaarlikse Avon Justine iThemba Walkathon ter bewusmaking van borskanker vind op Sondag 26 Oktober plaas en begin by Marks Park in Johannesburg. Jy kan vir ’n 5- of 8 km-Walkathon inskryf. Met musiek, kosstalletjies, gesinsvermaak en meer. Registreer voor 12 Oktober by www.ithembawalkathon.co.za – die eerste 16 000 kry ’n geskenkpakkie. Al die veld is vrolik Op 25 en 26 Oktober kan jy weer na Klein Optenhorst se lieflike lentetuin gaan kyk. Vir net R40 kan jy die klein paradys bekyk, plus nog tee en skons ook kry. Die kwekery verkoop skaars en ongewone plante. Jenny Ferreira by 021 864 1210 of e-pos jenny.ferreira01@gmail.com Ballade vir Adeline in die Kaap Die Franse romantiese pianis Richard Clayderman hou op 9 Oktober ’n solo-konsert in die Grand Arena,…

Soos Nelson Mandela, is Nomzamo Winifred Zanyiwe Madikizela van adellike afoms. Winnie se voorsate was geslagte lank gerespekteerde leiers en die grootse skaakspel van mag en aansien, politieke alliansies en intrige vorm die tafereel waarteen die geskiedenis van die Madikizelastamgroep en die beroemde vrou hom afgespeel het. In ’n lewe vol beproewing en tragedie was Winnie die verpersoonliking van haar voorvaders se veelgeroemde eienskappe: vreesloos en outokraties met onverskrokke moed, koppige, onversetlike trots en ’n natuurlike instink om te regeer. Madikizela, Winnie se oupagrootjie, was ’n opperhoof en magtige krygsman wie se reputasie byna gelykstaande aan dié van die Zoeloekoning Shaka was. Haar oupa, hoofman Mazingi, was ’n visionêre leier wat lank voor ander tradisionele leiers ’n skool vir sy mense laat bou het. Hy was ook ’n vooraanstaande sakeman…