Innholdsfortegnelse for February 2015 i Rooi Rose

MET ’N LIED IN DIE HART In Suid-Afrika begin alles ’n luukse word. Water in ons krane is nie meer ’n gegewe nie, elektrisiteit is wisselvallig en helaas, ’n rooi rose in die posbus is ook nie meer ’n sekerte nie, vanweë die voortdurende poskantoorstakings! Gelukkig kan ons steeds verseker wees van sielvolle en inspirerende artikels in die rooi rose en dat die winkelrakke altyd vol sal wees van ons geliefde tydskrif. Dus gaan koop ek my tydskrif met ’n lied in die hart en as ek so daardeur blaai, weet ek daar is steeds, na alles, hoop vir ons pragtige land. Charlotte Pretorius…

Brad was van jongs af ’n hartebreker en het die gewoonte gehad om verhoudings met sy medespelers aan te knoop. • Hy was verloof aan Jill Schoelen wat saam met hom in Cutting Class (1989) verskyn het. • Hy het met Juliette Lewis uitgegaan saam met wie hy in Too Young to Die (1990) en California (1993) gespeel het. Sy was 16, tien jaar jonger as hy, toe hulle begin uitgaan het. • Daarna het hy met Gwyneth Paltrow, sy medespeler in Seven begin uitgaan, en aan wie hy ook verloof was (1994 tot 1997). • Hy is in 2000 met Jennifer Aniston getroud maar in 2005 het hulle hul egskeiding aangekondig nadat Brad saam met Angelina in Mr & Mrs Smith verskyn het. Kort daarna het hulle die verhouding…

Daar is ’n ontploffing van navorsing oor die effek van facebook op ons, soos dié een van die Sentrum vir Eetstoornisse aan die Universiteit van Baltimore. Dit wys dat facebook ons liggaamsbeeld (hoe ons dink ons lyk) en ons bewustheid van liggaamsgrootte (hoe groot mense in die algemeen is) verwring. Dít is wat die 600 facebook-gebruikers in hul ondersoek gesê het: 51% sê foto’s van hulself maak hulle meer bewus van hul lyf en gewig 51% sê dat hulle hul eie lewe met hul facebook-vriende s’n vergelyk 34% (twee uit elke drie van dié wat hul lewe met vriende s’n vergelyk) het gesê so ’n vergelyking maak hulle baie hartseer 44% het facebook-vriende se gewig en lyf begeer 37% het gevoel iets aan hulself moes verander, en 44% het gesê…

• Afname in prestasie • Ongemotiveerdheid • Waardestelsel verander • Behoefte om meermale uit te gaan • Verwaand, beterweterig en oneerlik • Manipulerend, waaghalsig en onverantwoordelik • Waardevolle items verdwyn • Verwardheid, disoriëntasie en vergeetagtigheid • Uitputting, floutes en koma • Angs, vrese en agterdog • Depressie • Sweet • Slaap baie of min • Gewigsverlies • Droë mond. Oë, vel en spraak verander • Naarheid, hoofpyn en hartkloppings • Rusteloos en eufories.…

“My man is so moeilik en mislik met ons seun Pieter. Soms groet hy hom nie eens nie. En wanneer hy wel praat, is dit ’n uittrapsessie en hy word daarvan beskuldig dat hy lui is, niks waardeer nie en dat sy hare, sy kamer, sy houding, sy vriende, noem maar op, onaanvaarbaar is. “En hy praat nie mooi met die kind nie - hy skree in die vieslikste taal en hou aan en aan: Pieter se rapport is nooit goed genoeg nie – hy kan maar solank ’n bordjie maak en by die robot gaan bedel, as die kind nie daarvoor ook te sleg is nie. En aan die einde van die tirade wonder my man hoekom hy ooit kinders gekry het. Hy verstaan net glad nie die kind…

John Jacob deel sy kundigheid vir die skep van die perfekte badkamer met ons: Wat is die grootste fout wat mense maak wanneer hulle ’n badkamer ontwerp? Hulle skei nie die nat en droë gedeeltes van die badkamer nie. Wanneer jy die twee ruimtes met stylvolle en dekoratiewe kosynlyste skei, kan jy ’n leefplek inrig wat van die ruimte soveel meer as net ’n badkamer maak. Hoe gemaak met ’n klein badkamer? Moet nooit klein elemente in ’n klein ruimte gebruik nie. Kies prente met diepte en wees slim met beligting en jou kleurpalet. Is vloerteëls die beste opsie? Wanneer jy die nat en droë gedeeltes skei, is jou opsies vir vloerbedekkings grensloos. Swart baddens is groot nuus. Sal dit nie uit die mode gaan nie? Swart en wit is…

DATUM Donderdag 5 en Vrydag 6 Februarie by die Brooklyn Mall in Pretoria TYD Registrasie vanaf 09:00 – 09:30. Die program begin om 9:30 en duur tot 13:00. KOSTE R100. Dit sluit ’n noenontbyt, ’n geskenksak en ses maande digitale intekening op rooi rose in BESPREKINGS Vir meer inligting en hoe om te bespreek besoek caxtonevents.co.za BEPALINGS EN VOORWAARDES Betaling moet binne 24 uur ná bespreking gemaak word. Besprekings is nie bevestig totdat die betaling ontvang is nie. ’n Kansellasiebedrag van 30% is betaalbaar. Slegs vir mense bo 18. Spesifieke sitplekke kan ongelukkig nie bespreek word nie.…

Cornel de Beer , met wie Riana byna twee jaar gelede getroud is, se naam duik telkens in ons onderhoud op. “Hy is die slimste ou in die hele wêreld. Hy is ’n entrepreneur en ’n IT-ingenieur . Een van die dae gaan julle almal van hom weet!” Sy beskou hulle twee as ’n goeie kombinasie . “Hy is ’n baie toegewyde mens. Dis vir my fantasties dat een mens vir my soveel sekuriteit kan bied. Hy is baie ondersteunend , baie affirming. Ag, en hy is sommer net lief vir my.” As sy die horlosie kon terugdraai, sou sy graag vir haar ma wou vertel dat sy uiteindelik haar geesgenoot ontmoet het. “Ek het hom in 2012 op die Innibos-kunstefees ontmoet, net twee weke voor my ma se dood.…

Robbie is nie net aantreklik nie, maar het ook baie waagmoed. “Ná matriek het ek ’n jaar afgevat en my skipperslisensie gaan kry. Daarna het ek saam met drie ander ouens op ’n katamaran van 12 meter by 6 meter van Kaapstad na Nice in Frankryk geseil, waar ek ’n paar maande lank gewerk het. Ons was twee maande en tien dae op see – glad nie maklik nie, hoor! Ek het soveel wonderlike mense ontmoet dat ek besef het dit maak nie saak watter werk ek doen nie, dit moet net met mense te make hê. Ek leer gedurig by ander mense.” ’n Ontmoeting met Nelson Mandela toe hy twaalf was, het ’n onuitwisbare indruk op hom gemaak. Tot vandag toe is Madiba een van sy rolmodelle, en hy…

Verkragting is ’n aaklige werklikheid waaraan ’n mens nie eens wil dink nie. Maar dit gebeur. Ons probeer dit almal vermy maar daar is nog een ding wat ons kan doen: versekering vir ons en ons dogters. Dit sal nie verkragting keer nie maar dit kan ten minste die finansiële gevolge versag. Ons hou van Outsurance se Lady Out -aanbod wat die volgende insluit: • MIV-bloedtoets direk ná die voorval, op ses weke en weer op drie maande • driedag- antiretrovirale beginnerspak • medikasie teen ander seksueel oordraagbare siektes • ’n hospitaaltoelatingsdeposito as jy opgeneem sou word (jy moet dit later terugbetaal, maar ten minste kan jy dadelik gehelp word en later die finansies uitpluis) • telefoniese berading • drie beradingsessies per voorval. Bel Outsurance op 08600 60 000…

Lizette sê ouers wat vermoed dat hul kind dwelms misbruik, moet besin oor die gedrag-, gemoed- en fisieke veranderinge wat hulle in hul kind waarneem. “Aanvaar ’n beginsel van geen oorlog. Praat besorgd en rustig maar duidelik en reguit. Gaan praat saam met die kind met ’n geneesheer, psigiater of sielkundige en versoek urine- of bloedtoetse deur ’n dwelmtoetsinglaboratorium. Dit is belangrik om die dwelmmiddels te identifiseer. “Begin ’n behandelingsplan volgens die behoefte. Dit kan medikasie, dwelmtoetsings, psigoterapie, gesinsterapie, pastorale berading en maatskaplike hulpverlening insluit. Dit is belangrik dat ouers ook terapeuties ondersteun word.” Ouers moet ook hul eie skuldgevoelens, indien enige, hanteer. Dit hou dikwels verband met lang werksure, huweliksprobleme en te min sinvolle tyd of emosionele steun aan die kind. Ouers se gedrag en leefstyl moet ’n goeie…

Die risiko vir kindermishandeling en -verwaarlosing is groter waar die volgende faktore teenwoordig is: Waar daar alkohol- of dwelmmisbruik is. Wanneer daar geestelike siektetoestande soos depressie, bipolariteit, angs- of persoonlikheidsteurings is wat nie behandel word nie. As die kind sekere gestremdhede, spesiale behoeftes of gedragsprobleme het. Waar daar gesinsgeweld en huwelikskonflik is. Wanneer die ouers gebuk gaan onder groot stres en daar nie genoeg ondersteuningsmeganismes en mense is nie. Wanneer ouers nie goeie ouerskap- en kommunikasievaardighede het nie.…

Voorbeeld: Susan en Linda beplan albei om op sestig af te tree. (Die jaarlikse opbrengs op die belegging is op 15% geneem.) Susan begin op 25 spaar en belê elke jaar R10 000. Sy spaar net vir tien jaar tot sy 35 is. Haar belegging van R100 000 het tot R7 690 000 gegroei teen die tyd dat sy sestig is. Linda begin eers op 35 spaar en belê ook R10 000 per jaar maar vir ’n veel langer tydperk van 25 jaar tot sy op sestig aftree. Haar belegging van R250 000 het tot R2 460 000 gegroei teen die tyd dat sy sestig is. Linda het twee en ’n half keer meer as Susan gespaar, maar die opbrengs was minder as ’n derde van dié van Susan. Belangrik:…

Ackermans 021 900 1000 Aldo 011 555 2300 Anna Scott at Pacific Collections 021 674 6091 Anthonij Rupert-wyne rupertwines.com Aussie by Clicks 0860 254 257 Avon 0860 102 345 BaByliss by Clicks 0860 254 257 Big Blue 011 021 7640, bigblue.co.za Bourjois 011 477 4722 Call it Spring 021 551 1527, 011 476 1294, 012 365 3477 Captive 8 captive8.co.za Catrice by Dis-Chem 0800 201 170 Ceramic Factory ceramicfactory.co.za Charlotte Rhys charlotterhys.co.za Classic Revivals classicrevivals.co.za Clicks 086 025 4257 Clinique by Edgars, Stuttafords en Truworths Colette Hayman 087 150 0350, 087 150 0353 Coricraft coricraft.co.za Davines 011 791 3385 Dear Rae 021 447 1390, info@dearrae.co.za Denman by Dis-Chem Desray 021 448 2887 DIANE 021 447 4730, 011 482 4444 Dior by Edgars Donna Claire…

Riana glo nie daaraan om albums uit te ryg nie - sy werk lank aan elke snit op elke album. “Almal in ons familie is groot dromers. Ons wil die wêreld oorneem, niks minder nie. As jy ’n idee in jou kop het, hou jy nie op voordat jy gedoen het wat jy wíl doen nie. Ons Nelle kan net nie met die tweede beste tevrede wees nie. Daarom, al neem dit my ook tweehonderd liedjie-idees en nege maande in ’n ateljee, wil ek met elke album kan sê, ‘dié een is my beste’. Hierdie album is elke sent werd wat die mense daaraan gaan bestee.”…

Wat is vir ’n kunstenaar die verskil tussen ’n entoesiastiese bewonderaar en ’n teisteraar? Ghapi verduidelik: ENTOESIASTIESE BEWONDERAAR Is passievol oor jou oorspronklike musiek. Het al jou CD’s en DVD’s. Ken die name en woorde van jou oorspronklike liedjies. Woon gereeld jou vertonings by en kla nie om vir die kaartjie te betaal nie. Respekteer jou as mens en jou privaatheid. Respekteer jou tyd en gun ander ook ’n kans om te gesels. TEISTERAAR Stel nie regtig in jou kuns belang nie, maar gebruik dit as ’n wapen om by jou uit te kom. Probeer altyd verniet by ’n vertoning inkom deur hulle as deel van die bestuurspan of familie voor te doen. Gryp elke geleentheid aan om jou te annekseer en is soos ’n seekat oor jou. Wil by…

Ada Grobler, kinesioloog en numeroloog van Johannesburg, werk daagliks met die verband tussen pyn en emosie. Kinesioloë gebruik spiertoetsing om probleme op verskillende gebiede te identifiseer. “Omdat ons liggaamselle neurologies met ons brein verbind is, ontlok die spiertoetsprotokol die brein se reaksie op stressors op fisieke, emosionele, verstandelike, biochemiese, omgewings- en ander vlakke. Sodra die stressors geïdentifiseer is, gebruik ons dieselfde toetstegniek om die beste maniere te kry om die stressors uit te skakel of te minimaliseer. Dit bring die kliënt weer in balans en gee sy innerlike liggaamswysheid die geleentheid om genesing te bewerkstellig.” As ’n voorbeeld beskryf Ada een van haar kliënte se pad met fibromialgie, ’n aftakelende toestand wat wyd verspreide pyn, gewrigstyfheid, moegheid en slaapstoornisse insluit. “Astrid*, ’n aantreklike vrou van iets oor die veertig, het…

Volgens ’n opname van die Mediese Navorsingsraad in 2014 tas alle dwelmmiddels die sentrale senuweestelsel aan en lei tot die aftakeling van breinfunksies, asook fisieke probleme. Die inaseming van middels soos gom, petrol, gasse en sproeikannetjies is skadelik vir die brein, sê SACENDU, ’n organisasie wat deel van die Mediese Navorsingsraad is. Volgens kolonel Koos Jooste van Bellville-Parow Polisie is daar landwyd dwelmhuise en -laboratoriums wat dwelmmiddels vervaardig. Hy sê resepte vir die vervaardiging daarvan is op die internet beskikbaar. Dagga word toenemend tuis gekweek, selfs soms in ’n beligte klerekas. Dr. Liezel Kramer, ’n algemene praktisyn van Bellville, sê wanneer ’n vrou swanger raak en gedurende die swangerskap dwelms of alkohol gebruik, is dit nadelig vir die baba se gesondheid. Op die lange duur kan dit bydra tot latere…

Ouers wil meestal voorkom dat hul kinders seerkry, mishandel, misbruik of verneder word. Tog is dit nie moontlik om kinders altyd daarteen te beskerm nie en daarom moet hulle ook bemagtig word om moeilike situasies op te los. As ’n ouer se destruktiewe optrede patologie insluit, soos persoonlikheidsteurings, alkoholisme of middel-afhanklikheid, gesinsgeweld, seksuele misbruik, fisieke en emosionele mishandeling en verwaarlosing, moet dit aangemeld word. In gevalle van egskeiding kan dit nodig wees om ’n hofbevel te kry om die ander ouer se toegang te beheer. Kinders mag nie as boodskappers in voortgesette huweliksvetes en onmin betrokke raak nie. Stuur liewer e-posse as jy nie direk met die ander ouer kan praat nie. In huise waar daar nie patologie is nie maar eerder die onnadenkende, oorkritiese en koue optrede van ’n…

Werk langer Een van die beste maniere om jou pensioen te vergroot is om langer te werk. Dalk kan jy vra dat jou verantwoordelikhede verminder word, of dat jy korter ure werk. Wees bereid om te verander. Kyk watter ander vaardighede jy het en doen iets nuuts. Dalk wou jy nog altyd ’n klein blommewinkel gehad het, of ’n klein spysenieringsonderneming. Beplan daadwerklik hiervoor en doen vroegtydig kursusse om nuwe vaardighede aan te leer, of dalk ’n kwalifikasie te kry. Onthou, nie alle mense hou daarvan om skielik sonder enige struktuur of stimulering te wees nie. As jy betyds begin, het jy tyd om jou te vestig en ’n kliëntebasis op te bou. Skaal jou blyplek af Skuif vroegtydig na ’n kleiner blyplek met minder onderhoud. Baie mense klou verbete…