Innholdsfortegnelse for August 2015 i Rooi Rose

STENE DES AANSTOOTS Op ’n dag gee ek my jare lange tuinman, Simon, die opdrag om ’n nuwe bedding in die tuin te maak. Ek beduie lank en baie presiés hoe die blombedding moet lyk. Hy verstaan en ek gaan verdien my daaglikse brood. Ná skool ry ek met ’n gevoel van afwagting huis toe. Die bedding is daar, die kompos is in, goed omgespit, netjies gehark, maar … Om die netjiese bedding is ’n ry grys bakstene in ’n sigsagpatroon gerangskik. Sorgvuldig en presies. Die een baksteen netjies skuins op die ander een. My mond hang oop. Hier voor my - in my eie tuin - is vir my die toppunt van kitsch: grys bakstene in ’n sigsagpatroon! Die volgende verrassing was groter. ’n Terracotta-eendjie is pragtig met glansverf…

Outisme is een van ’n groep ernstige ontwikkelingsprobleme genaamd “outisme spektrum versteuring” (osv) wat in die vroeë kinderjare verskyn - gewoonlik voor die ouderdom van drie. Sommige kinders toon tekens van outisme as babas, maar ander kan normaalweg ontwikkel vir die eerste paar maande of jare en dan skielik begin onttrek, aggressief raak of taalvaardighede verloor wat hulle reeds verwerf het. Kinders met outisme het oor die algemeen probleme in drie belangrike areas van ontwikkeling: sosiale interaksie, taal en gedrag. Maar omdat outisme-simptome wissel, kan twee kinders met dieselfde diagnose heeltemal anders optree en verskillende vaardighede hê. In die meeste gevalle word outisme gekenmerk deur ’n onvermoë om te kommunikeer, of om normale interaksie met ander mense te hê. Die aantal kinders by wie outisme gediagnoseer word, styg jaarliks. Sowat…

“Ná vier jaar regoor die planeet, kan ek eerlik sê ek is rustiger. My land is baie spesiaal, en maak nie saak waar ek gaan nie, ek is mal oor my taal! En Suid-Afrikaners is nou maar eenmaal ’n lekker nasie. My liefde vir my familie wen ook elke keer. “Ek het ook geestelik gegroei. Ondanks baie vrae oor geloof, keer ek elke keer maar terug na God toe. Hy sorg vir my, beskerm my, maak my oë oop om die mooi om my te sien. Dis Hy wat my hart sag maak om uit te reik na ander. Hy het my ook my talente gegee en my toegerus met die nodige persoonlikheidseienskappe om te kan reis, soos aanpasbaarheid. “Hierdie reise het ook my selfbeeld versterk en my meer selfvertroue…

• Calorie Counter - MyFitnessPal Gee die kaloriewaarde van byna enige kos. • Runtastic ’n Navigasie-app wat jy vir hardloop, fietsry en enige aktiwiteit kan aanwend. Dit gebruik GPS om jou roete te wys en monitor hoe jou oefening vorder. • Endomondo Maak jou fiksheidsroetine pret deur as ’n persoonlike afrigter en oefenmaat op te tree. Jou roetes word aangeteken en jou vertonings ontleed. Daar is ook ’n oudio-afrigter wat jou kan motiveer. • BodySpace Bied verskeie oefenprogramme en jy kan bykomstighede en produkte by die aanlynwinkel bestel. • Move Tracker Werk met GPS en kan jou spoed, afstand, tyd, polsslag, pas en hoogte bo seevlak meet. Eenvoudig om mee te werk, maar baie doeltreffend. • Daily Ab Workout Gee jou elke dag twee verskillende maagspieroefeninge met video’s om te wys hoe dit gedoen moet word.…

Pryse verskil baie, ’n mens moet jou eie moete en wille in ag neem. Daar was vyf van ons. • Die huis was ’n bietjie meer as £700 vir die week. Selfsorgverblyf in Brittanje word gewoonlik per week verhuur, en naas ’n toegeruste kombuis word beddegoed en handdoeke ook verskaf. Maar maak eers seker! • Motorhuur was sowat £105 vir die week. • Die koste per persoon was dus sowat £160 vir die week in Polperro. • Toegangsgeld na die herehuise en tuine was sowat £12 per persoon, maar vir die Eden Project was dit £25. Vir Eden sou ons 20% afslag kon kry as ons twee weke voor die tyd kaartjies gekoop het. • Volgens ons berekeninge was selfsorgverblyf goedkoper omdat jy jou eie kos by ’n kruidenierswinkel kan…

Op 33 vra mense haar al meer wanneer sy gaan trou en met ’n gesin begin, maar met die jare het sy haar filosofie oor trou verander. “Ek was in my twintigerjare baie opgewonde oor die vooruitsig om eendag te trou. Ek het ’n paar jaar gelede na trourokke gekyk, maar daardie fase is nou verby. Ek sal trou as dit die regte tyd is. “My verhouding is op die regte plek, maar ek gaan nie trou net omdat mense druk op my plaas nie.” Sy sê sy is versigtig om te trou, want vir haar gaan dit nie net oor die troudag en die mooi rok nie. Dit gaan oor twee individue wat hul lewe vir altyd saamvoeg. “Die mense na aan my en my geliefde verstaan my en…

Wat is jou gunsteling-wintergereg? Ek maak graag vir my gesin stadig gekookte biefghoelasj met my ma se kluitjies. Regte onthoukos! Wat is jou lekkerste tydverdryf in die winter? As ek ’n kansie kry tussen die kinders deur, is dit my lekkerste bederf om met ’n boek voor ’n kaggel op te krul. Die hoogtepunte in jou lewe? My kinders! Dit is so ’n wonderlike ervaring en watter voorreg is dit nie om jong lewens te help vorm om môre se leiers te word nie. Om Siba’s Table op Food Network aan te bied het sekerlik die grootste impak op my lewe gehad. Ek kan dit nou nog nie glo dat 60 miljoen mense wêreldwyd na my program kyk nie. Die program word van Amerika en Asië tot Australië, Europa en…

Onthou, dis ’n onseker lewe en nie aldag maklik nie. “Maar tog glo ek die meeste verrassings broei uit onsekerheid.” • Jy móét vaardighede hê waarmee jy geld kan verdien, of waarvoor jy iets kan ruil. • Jou reisdokumente (soos visas) moet reg wees. • Reis kan uitputtend wees. “Doen dit terwyl jy jonk genoeg is en baie energie het.” • Jy moet straatslim en aanpasbaar wees. “Soms moet jy jou in die ubuntu van Suid-Afrika verdiep, ander kere in die aloha van Hawaii.”• “Daar is ’n gesegde van ‘hang loose’ in Hawaii. Dit beteken dat jy moet wag en sien wat gebeur, en die oomblik nou geniet en omarm. Soms is dit ook nodig.”…

DATUM: 29 Augustus 2015 8:30 – 9:00 Koffie, tee, kursusmateriaal en registrasie. 9:00 – 10:00 Teoretiese voorlegging: basiese meganiese uiteensetting van ’n 4x4-voertuig, bewustheidsvlakke van ’n bestuurder, bestuurdershouding en bestuurstegnieke vir ruwe terrein. 10:00 – 11:00 Module een: Opdraandes en afdraandes: die gebruik van donkierat en bestuurstegnieke. 11:30 – 12:00 Module twee: Die korrekte gebruik van die agterste ewenaarslot ( diff lock ). 12:00 – 13:00 Module drie: Sand: bande en banddruk, motorherwinning en bestuurstegnieke vir sand. 13:00 – 14:00 Middagete 14:00 – 16:00 Module vier: Bestuursvaardighede: opdraandes en afdraandes, modder, sand, klippe en skuinstes. 16:00 – 16:30 Afsluiting…

A.Y.K. 011 325 4110 Accessorize 011 884 4643, 021 425 7701, 031 265 2525 Ackermans 021 900 1000 Aldo 011 555 2300 Avon 0860 102 345 BaByliss Clicks 0860 254 257 Beauty Blender 0861 11 22 22 Bio Sense Professional 011 305 1600 Blistex 021 531 1341 Catrice Dis-Chem 0800 201 170 Cetaphil Clicks en Dis-Chem 0800 201 170 Chanel 011 325 1000 Clarins 011 809 6300 Clicks 0860 254 257 Clinique Edgars, Stuttafords en Truworths Cotton On 021 552 9651, 021 981 9366 Country Road 0860 022 002 Creightons Dis-Chem 0800 201 170 Day Birger et Mikkelsen 011 447 0839 Dior by Edgars Dis-Chem 0800 201 170 Dokter and Misses dokterandmisses.com Dove 031 312 7692 DuSud at Errol Arendz 021 461 1385, YP@ERROLARENDZ.CO.ZA Edgars 011 495 6000 Engelsrufer…

Sedert die eerste seisoen van Musiek Roulette het ons ’n ander dimensie van dié sangeres leer ken en in die tweede seisoen blom sy al meer voor die kamera. “Ek het altyd vir my ma gesê ek gaan eendag ’n TV-aanbieder word. Toe kom die kans. Ek het ’n geweldige bewondering vir Johan Stemmet. Dit is ’n voorreg om saam met hom en sy deeglike, professionele span te werk. Die span het twee jaar lank hard aan die program gewerk voor dit ’n werklikheid kon word. Wanneer ons begin skiet, stap, eet en slaap ek Musiek Roulette .” Sy hou daarvan as mense verras word. “Ek het van kleins af speletjies uitgedink waarin ek mense verras. Ek doen dit steeds, veral vir my vriende en geliefdes. Dis lekker om mense…

Wanneer hy nie in die VSA is nie, mis hy sy mense. “Ek kom uit ’n groot gesin en dis altyd lekker om hulle weer te sien.” Hy verkies om sy kinders uit die kollig te hou, maar verklap tog dat die lekkerste plek op aarde is “waar ek ook al saam met hulle is”. Dave het al baie gereis en het onder meer twee jaar in Genève, Switserland gewoon en gewerk. Maar as hy ’n gunstelingvakansieplek moet kies, is dit Hawaii. Al lyk dit nie so as jy na sy lyf kyk nie, is hy ’n suikertand. “My ma se tuisgebakte aarbeikoek en ’n yskoue Coke is die lekkerste lekker.” Hy lees tans One Summer: America 1927 deur Bill Bryson, maar nes Bears Grylls (die rooiwarm man in ons…

Kobus was voorheen kunsjoernalis en resensent by Beeld en programbestuurder van die KKNK. Hy is ’n vryskutkreatiwiteitsafrigter en bied onder meer The Artist’s Way-kursusse aan (lees “Leef speel-speel” op www.rooirose.co.za). Kobus het vanjaar die Orde van die Beiteltjie ontvang en in 2008 was sy debuutdrama Mara Wie? in die topvyf van die Nagtegaal-tekskompetisie. Die stuk is in 2011 met die ATKV-Mediaveertjie as beste radiodrama bekroon. Hy is as asemhalingsterapeut opgelei en sy stokperdjies sluit chi kung en dansvorme soos kontak-improvisasie in. Meer inligting by kburger@afrihost.co.za…

• Citroën C4 Cactus 1.2l PureTech 60 kW FEEL R224 900 • Citroën C4 Cactus 1.2l PureTech Turbo e-THP 81 kW FEEL R259 900 • Citroën C4 Cactus 1.2l PureTech Turbo e-THP 81 kW SHINE R284 900 Pryse sluit ’n waarborg van drie jaar of 100 000 km in, sowel as ’n vyf jaar-/100 000 km-diensplan en padbystanddiens met die opsie om op te gradeer na ’n FreeDrive van vyf jaar-/100 000 km-waarborg. STANDAARDTOERUSTING 7 duim-volkleurraakskerm, ses lugsakke, lugversorging, Bluetoothskakeling vir handvrye foongebruik en klankstroming, snelheidsbeheer met beperker, elektries beheerde voorste vensters en kantspieëltjies, satellietkontroles op die stuurwiel, klankstelsel met vier luidsprekers. ABS-remme, elektroniese remkragverspreiding, noodremhulp en elektroniese stabiliteitsbeheer. Die C4 is 200 kg ligter as sy voorganger.…

Madeleine van Biljon het baie mense geken. En baie mense het haar ook goed leer ken. En baie ontmoetings het uit haar werk as joernalis gespruit. Met haar tagtigste verjaardag het Madeleine van Biljon gespot dat sy nooit ’n “shorthand” aangeleer het nie. Notas en nogmaals notas was die gevolg. Sy het dinge beleef. Sy was teenwoordig die dag toe dr. H.F. Verwoerd in die Parlement vermoor is. André P. Brink het sit en skryf en sy het hom dopgehou. Van Robert Hodgins se skilderye kon sy nie genoeg kry nie. Baie het in haar woonplek gehang. Sy was groot vriende met die Oppenheimers en was gereeld ’n gas in hul huis. Prof. Elize Botha was ook ’n goeie vriendin van haar. Sy het graag onthaal. Volgens Martie Retief-Meiring sou…