Innholdsfortegnelse for 10/4/2020 i Rapport

Die Kaapse speurder lt.kol. Charl Kinnear, wat verlede maand koelbloedig in sy motor voor sy huis vermoor is, het kort voor sy dood ’n dossier na die nasionale vervolgingsgesag (NVG) verwys met klagtes dat ses polisielede in die provinsie kop in een mus met Kaapse bendelede is. Die groep, wat volgens die dossier as ’n “rampokkereenheid” (rogue unit) optree is en kapteins en adjudant-offisiere insluit, het na bewering getuies geïntimideer om nie te getuig in bendeverwante sake nie en kwaadwillige gerugte versprei oor speurders wat hierdie ondersoeke lei. Kinnear self, lt.gen. Peter Jacobs, die nasionale hoof van misdaadintelligensie, en die speurhoof in die Wes-Kaap, genl.maj. Jeremy Veary, is van die polisieoffisiere wat glo deur hierdie rampokker-polisieoffisiere beswadder is. Al ses se name is aan Rapport bekend, maar word op regsadvies…

Vir die queer aktiviste wat die afgelope twee weke in ’n luukse villa in Kampsbaai plak, was twee doodsdreigemente, ’n klomp negatiewe kommentaar en ’n uitspraak teen hulle in die hooggeregshof nie genoeg om hul geesdrif vir hul stryd te demp nie. Nadat die eienaars van die huis ’n hofbevel gekry het dat hulle teen komende Donderdag moet uit, het die sewe aktiviste op sosiale media gesê: “Die manier waarop ons ons feministiese politiek beliggaam het, is ’n klein oorwinning na ’n onafwendbare globale queering van die reg. Aluta continua.” Kelly-Eve Koopman, een van die aktiviste, het verlede week vir Rapport gesê hulle het dit teen ongelykheid en die feit dat luukse blyplek soos die Villa Panacea wat hulle beset het, leeg staan terwyl armes haweloos is. Volgens Larsen Chemicals,…

“In donker tye moet die lewe gevier word.” Sommige het gebak en ander het gebrou, maar ’n Oos-Kaapse kunstenaar het Covid-19 ’n kreatiewe kishou gegee. Ds. Marius Lourens en sy vrou, Mariana, besit die onthaal-en-piekniekplek Swan Lake Gardens in Theescombe, Port Elizabeth. Toe hulle weens die in-perking moes sluit, was die Lourense besorg oor wat van hul vier werkers sou word. “Hulle is so kosbaar en doen altyd hul bes vir ons,” sê Marius. “Ons wou tydens die inperking vir hulle ons bes doen.” Marius is predikant van die NG gemeente Vanstadensrivier en Mariana ’n berader vir onkologiepasiënte. Albei kon voortgaan met hul werk. “Dis vanjaar my 40ste jaar as kunstenaar en ek wou iets spesiaal doen daarvoor,” sê Lourens. “Toe besluit ek om die werkers te gebruik om my…

‘Die lewe is ’n jolly ride en ek is nou eers in 3de rat!’ Die 37-jarige Bijon de Kock van Kaapstad het in sy ma se ou Mazda leer bestuur en vandag ry hy supermotors. Sy werkplek is in die beknopte kajuite van die wêreld se vinnigste super-motors. Hy beskryf homself as ’n “gewone ou in ’n wêreld van ongelooflike karre”. Bijon het sy eie klein filmmaatskappy met ’n kontrak om die sportmotors te verfilm wat Novitec, ’n Duitse maatskappy, in supermotors ombou. Sy huidige reeks, Supercar Diaries, is te sien op Novitec se YouTube-kanaal. Bijon doen alles self: Hy bestuur die motors, gesels oor hulle en doen sy eie kamerawerk. In die films blits hy rond in die nuutste supermotors van Lamborghini, Ferrari, Porsche, Maserati, Tesla en Rolls-Royce. “Niemand…

Terwyl bewaringsbewustes sê dis tragies dat sewe leeus van die Karoo Nasionale Park van kant gemaak is, kook ’n skaapboer van woede oor sy verskeurde skape. In dieselfde gebied waar Eddie Steenkamp en sy gesin nog verlede Sondag piekniek gehou het en sy werkers twee dae later skape aangejaag het, het ’n trop leeus die afgelope week 20 van sy teelooie doodgebyt en een beseer. Die sewe leeuwyfies is Dinsdag van kant gemaak nadat hulle twee keer binne 24 uur uit die park ontsnap het. Steenkamp woon op ’n saaiplaas by Hopefield in die Wes-Kaap, maar het ’n plaas wat aan die park buite Beaufort-Wes grens. Hy het Maandagoggend op pad van daar na Hopefield teruggery toe hy ’n oproep ontvang dat die skape doodgebyt is. Nog ’n dragtige ooi…

Mense wat weens Covid-19 gril vir die betaalmasjientjie in winkels het kontaklose en digitale betalings skerp laat toeneem. Dit lyk ook of diegene wat weens die vrees vir die virus oorgeskakel het na kontaklose betalings geen planne het om terug te keer na die ou manier om ’n PIN in te sleutel nie, wys die uitslag van ’n onlangse peiling deur Mastercard. Driekwart van die mense wat aan die peiling deelgeneem het, sê hulle gebruik nou kontaklose betaalmetodes en 88% sê dis ’n meer higiëniese manier van betaal. Altesame 71% verkies dit om te koop by winkels wat hierdie opsie bied en 69% is voornemens om aan te hou met kontaklose betalings, selfs al sou Covid-19 hom uiteindelik uitwoed. Teen Maart het die getal kontaklose transaksies in Suid-Afrika dertienvoudig by…

“Ons moet hulle ontstel, ons wil hê hulle moet bang wees.” Só het die Springbok-afrigter Rassie Erasmus, sy Springbok-span opgesweep voordat die Bokke die All Blacks in 2018 in Wellington met 36-34 in die Rugbykampioenskap geklop het. ‘Ek hoop almal raak kwaad. Dit moet seermaak.’ Dié spanpraatjie agter die skerms is deel van SuperSport se dokumentêre program Chasing the Sun, wat vanaand op M-Net begin. Die eerste episode van vyf, wat die Bokke se pad na Wêreldbekerglorie in Japan in 2019 beskryf, begin net voordat Erasmus as afrigter die leisels van die span oorgeneem het, toe die Bokke in die sewende plek op die wêreldranglys was. Dit was van die donkerste dae in Springbok-rugby nadat die Bokke met 57-0 in Albany deur die All Blacks afgemaai is. Die eerste episode…

Pitso sal vlag laat wapper Pres. Cyril Ramaphosa het die voormalige Sundowns-afrigter Pitso Mosimane se skuif na die Egiptiese sokkerklub Al Ahly geloof. Die president glo die aanstelling is ’n aanduiding van nie net Mosimane se vermoë as ’n topafrigter nie, maar ook van eenheid in Afrika. “Pitso Mosimane sal gemis word as ’n krag in Suid-Afrikaanse sokker, maar sy aanstelling deur ons vasteland se voorste klub sal die bande van vriendskap tussen ons lande versterk. “Dit is ook ’n erkenning van die talent en vermoë van ons vasteland. “Ek wens Pitso en sy span sterkte toe terwyl hulle die vlag van sokker op die vasteland laat wapper,” het Ramaphosa gesê. – Sport24 Dhoni ‘kolf’ voort op 194 Indië se Mahendra Singh Dhoni is nou die speler met die meeste…

’n Model en televisiepersoonlikheid wat voorheen met Michael Schumacher se Formule Een-spanbaas getroud was, het nuus oor die Duitse motorsportlegende se gesondheid op Italië se Big Brother gedeel. The Sun berig Elisabetta Gregoraci, eksvrou van Flavio Briatore, wat aan die stuur was van Benetton toe Schumacher sy wêreldtitels saam met dié span in 1994 en 1995 verower het, is ’n deelnemer aan die realiteitsreeks. Sy het op die TV-program beweer die F1-ikoon kan deesdae slegs met sy oë kommunikeer. Volgens Gregoraci is die wenner van sewe F1-wê-reldtitels geskuif na ’n huis op die Spaanse eiland Majorka wat ingerig is om in sy mediese behoeftes te voorsien. “Hulle het na Spanje getrek en sy vrou het ’n hospitaal in daardie huis ingerig. Slegs drie mense mag hom besoek en ek weet…

Nadat hulle Dinsdag uit die vergrote Pro16-reeks geskop is, is daar vrae of die Cheetahs dit volgende jaar sal kan bekostig om hul tuiswedstryde in die Vrystaat-stadion te speel. Die instandhouding en sekuriteit by die Vrystaat-stadion be-loop sowat R8 miljoen tot R9 miljoen jaarliks. Dis ’n reuse-uitgawe vir ’n unie wat vorentoe miljoene rande minder in TV-regte en borgskappe van SA Rugby sal verdien. Ná hul Pro16-dwarsklap sal die Vrystaters moontlik gedwing word om hul tuiswedstryde eerder van 2021 af op ’n veld soos Shimlapark te speel. So ’n skuif kan hulle ’n jaarlikse besparing van sowat R5 miljoen bied. Dit kan hulle ook in ’n posisie plaas om nie hul spelerbegroting ná hul Pro16-dwarsklap te sny nie en om só vorentoe minstens met spanne soos Griekwas en die Pumas…

Nathi Mthethwa, minister van sport, het glo Donderdag op ’n digitale vergadering aan Krieket Suid-Afrika (KSA) se raad en lederaad gesê dié beheerliggaam het nie die vermoë om homself te help of om selfondersoek te doen nie. Ondanks besware van KSAraadslede en lederaadslede, het die minister KSA tot Dinsdag tyd gegee om sy samewerking aan Saskok te gee, anders kan Mthethwa volgens art. 13(5) van die Nasionale Wet op Sport en Ontspanning by KSA intree. Mthethwa, wat geen doekies omgedraai het nie, het glo verwys na KSA se weiering om met Saskok saam te werk as die “olifant in die kamer”. Saskok, wat deur KSA en die minister genader is om by die krieketbeheerliggaam te help, wil ’n onafhanklike taakspan aanstel om KSA te ondersoek. Hy eis dat KSA se…

Oorsese toeriste mag Suid-Afrika weer besoek, maar net as hulle kom van lande waar die Covid-19-pandemie in bedwang is. Naledi Pandor, minister van internasionale betrekkinge, het Woensdag ’n lys bekend gemaak van lande wat volgens die regering nog ’n hoë risiko inhou. Toeriste mag voorlopig nie van dié lande na Suid-Afrika reis nie. Die lys sal elke twee weke heroorweeg word. Die regering het die lys saamgestel op grond van beskikbare data oor infeksie- en sterftekoerse. Geen beperkings is ingestel op Afrikalande nie. Reise vir sakedoeleindes, sport en studie word ook nie deur die beperkings geraak nie. Enigeen wat na Suid-Afrika wil reis moet ’n bewys hê dat hy binne 72 uur voor sy vertrek negatief getoets het vir Covid-19. Die eerste vlug wat die land binnegekom het nadat die…

Die hoofstraat van Zastron is vernoem na die dapper draagbaardraer Lucas Majozi, wat in die Tweede Wêreldoorlog met Brittanje se medalje vir “Distinguished Conduct” beloon is. Majozi het die aand van 23 Oktober 1942 tydens die Slag van El Alamein, onder hewige geweervuur, aangehou om gewondes na veiligheid te neem. Selfs toe hy deur skrapnel gewond is, het Majozi aangehou om lewens te red. Nadat sy mede-draagbaardraer dood is, het Majozi ook voortgegaan om gewondes op sy eie rug na veiligheid te dra. Die destydse bevelvoerder van die Suid-Afrikaners in die veldslag, genl. Dan Pienaar, was vol lof vir Majozi se heldedade: “Hierdie soldaat het grootse en dapper dinge gedoen. Met verskeie koeëls in sy liggaam het hy keer op keer die hel van masjiengeweervuur getrotseer om gewonde mans te…

Die vermaarde koerantman en uitgewer sir Harold Evans is in die ouderdom van 92 aan hartversaking in New York dood. Evans was vir 14 jaar redakteur van The Sunday Times (1967 tot 1981) en een jaar (1982) van The Times. Hy het verskeie groot scoops gehad, onder meer oor die talidomiedskandaal. Talidomied was van die laat 1950’s tot vroeë 1960’s ’n gewilde pil onder swanger vroue. Dit het glo vir hul oggendsiekte gehelp, maar talle van hul kinders is sonder ledemate gebore. In 1972, op die voorblad, verskyn die storie “Our thalidomide children, a cause for national shame”. Miljoene ponde in skadevergoeding is aan verskeie families uitbetaal. Voor sy aanstelling by The Sunday Times op die ouderdom van 38 was hy die redakteur van ’n oggendblad, The Northern Echo, in…

Vingeralleen Pollux is saam met die res van die land opgewonde oor die feit dat die Valke hierdie week uiteindelik uit hul Covid-19-slaap ontwaak het en ’n paar grootkoppe begin aankeer het om aan ons howe te kom verduidelik wat hulle weet van ons geld wat in hulle bankrekeninge verdwyn het. Die grootste vis tot dusver is die voormalige ANC-parlementslid Vincent Smith, ’n man wat op sy dag kliphard gewerk het om sweaty Nathi Nhleko se vuurpoel-verslag oor Zuma se Nkandla-kampong deur die parlement aanvaar te kry. En nou staan die groot meneer alleen in die beskuldigdebank – met nie eens ’n gekamoefleerde Kareltjie Niehaus om trooswoordjies in sy oor te fluister nie. Dis nou stank vir dank. Aardverwarming Gepraat van groot visse. Die groot afwesige onder die aangeklaagdes tot…

Modderstoeiery of treinsmêsj? Die meeste kommentare oor die afgelope Woensdagoggend se debat tussen pres. Donald Trump en sy Demokratiese teenstander Joe Biden wil dit hê dat daar nie veel te leer was uit die chaotiese spektakel nie. Hulle is verkeerd. Die geskel en onderbrekings ten spyt was daar nogal baie te leer oor die manier waarop die verkiesing hom oor die volgende maand gaan uitspeel. Die belangrikste daarvan is dat Trump besig is om die plot te verloor. Die man wat Woensdagoggend vir die debat met Joe Biden aangetree het, is nie dieselfde een wat vier jaar gelede met Hillary Clinton gedebatteer het nie. Vier jaar gelede het hy miskien dieselfde hovaardige selfvertroue uitgestraal as tans, maar met ’n belangrike verskil: Hy het na sy teenstander geluister voordat hy haar…

Pres. Donald Trump (74) het sonder ’n masker met sy gewone afsprake voortgegaan nadat hy reeds geweet het iemand na aan hom het Covid-19. Trump was die laaste maande halsstarrig oor die dra van ’n masker en het gereeld die erns van die pandemie bevraagteken. Hy is Vrydagaand – ’n maand voordat die Amerikaanse presidentsverkiesing op 3 November gehou word – in die Walter Reed- militêre hospitaal opgeneem waar hy eksperimentele behandeling vir Covid-19 kry. Dr. Sean Conley, die Withuis se arts, het gister op ’n mediakonferensie gesê dit gaan goed met Trump en hy toon ligte simptome. Hy het glo nie suurstofbehandeling nodig nie en loop in die hospitaal rond. Conley het die media te woord gestaan saam met die nege ander spesialiste wat die president versorg. Trump kry…

Die drie ANC-hoës wat op 30 Julie uit hul ampte geskors is weens hul beweerde betrokkenheid by ’n onregmatige Covid-19-tender is reeds meer as R600 000 betaal sedert hulle met “spesiale verlof” gestuur is. Dr. Bandile Masuku, Gautengse LUR vir gesondheid, is einde Julie op betaalde verlof geplaas te midde van bewerings dat sy departement ’n tender van R125 miljoen aan die Royal Bhaca Projects van Thandisizwe Diko toegeken het. Hy is getroud met Khusela Diko, woordvoerder van pres. Cyril Ramaphosa wat ook geskors is. Masuku se vrou, Loyiso, is ook geskors. Sy is ’n burgemeesterskomiteelid in die Johannesburgse metro. Daar is beweer die Diko’s en die Masuku’s is huisvriende. Die driestuks se toekoms is die naweek op ’n vergadering van die ANC se provinsiale uitvoerende komitee (PUK) in Gauteng…

Thoko Didiza, die minister van landbou, grondsake en landelike ontwikkeling, wat honderde plase in staatsbesit aan opkomende boere wil verhuur, voer ’n hewige stryd teen korrupsie onder haar eie amptenare. Didiza het Donderdag aangekondig nóg 700 000 ha landbougrond op 896 plase in staatsbesit gaan in die komende weke vir huurkontrakte aan opkomende boere aangebied word. Maar talle voorvalle van korrupsie met die toekenning van grond, asook opkomende boere wat deur amptenare van die department uitgebuit word, het die afgelope tyd aan die lig gekom. Een geval was dié van Vuyani Zigana, ’n belowende opkomende boer van Kokstad, wat deur amptenare van sy grond afgeskop is omdat ’n ryk sakeman die grond wil hê. ’n Verslag oor die Zigana-geval sal nou aan die parlement voorgelê word saam met aankondigings “oor…

’n Kaapse eiendomsagent wat gearresteer is omdat hy glo fopnuus oor die koronavirus versprei het, meen hy sal skotvry daarvan afkom danksy ’n internasionale verslag waarin Suid-Afrika se regulasies as te vaag beskryf word. Stephen Birch (54) was voorheen in die nuus toe hy in 2012 beweer het hy het Madeleine McCann se oorskot gekry. Dié Britse kleuter het in Mei 2007 by ’n vakansieoord aan die suidkus van Portugal verdwyn. Die Kapenaar het destyds gesê hy het sy “vonds” by Scotland Yard en die Portugese polisie aangemeld. Birch is in April gearresteer nadat ’n video waarin hy Suid-Afrikaners aanraai om hulle nié vir die koronavirus te laat toets nie, soos ’n veldbrand op sosiale media versprei het. Die DA het ’n klag ingedien dat hy ’n regulasie van die…

Derduisende kleuterskole gaan Covid-19 nie oorleef nie. Dié sektor het onherstelbare skade gely weens ’n kombinasie van die feit dat die skole eers op 6 Julie ná ’n hofaansoek kon oopmaak, ouers se werkverlies, vrese vir die virus en min tot geen hulp van die departement van maatskaplike ontwikkeling. Anton van der Merwe, besturende direkteur van die SA Childcare Association, ’n sambreelliggaam wat onder meer administratiewe hulp en dienste aan kleuterskole verskaf, sê hy weet van eienaars wat polisse moes afkoop om hul werknemers te betaal. Rentia Robbertze, ’n arbeidsterapeut wat die Pride & Joykleuterskool in Somerset-Wes be-sit, sê van die 60 kinders tussen een en vyf jaar oud wat hulle voor inperking gehad het, is daar nou net die helfte oor. “Ek moes ’n hele klassie toemaak en daardie…

Die private ondersoeker Mike Bolhuis sê hy vloek 21 keer in net die eerste episode van die tweede reeks van Bolhuis, sy TV-reeks wat op 15 Oktober op kykNET hervat word. Die reeks word deur Rian van Heerden vervaardig. “Sensitiewe kykers moet verstaan, ons werk as ondersoekers soms met die worst of the worst. Om by sulke ouens ’n indruk te maak moet jy in ’n taal praat wat hulle verstaan,” sê Bolhuis. Volgens hom is dit ook nie net rampokkers en uitvaagsels wat vir kru taal terugdeins nie. “Wat mense vloekwoorde noem is meestal net beskrywende woorde. “As ek vir ’n laaitie met ’n dwelmprobleem sê, ‘Ek bliksem jou as jy weer só met jou ma praat’, sien hy die bliksemstrale en hoor hy die donderweer. Só kry mens…

‘Nersa moet nie sulke verhogings toelaat.’ ’NMediumgrootte fabriek wat sy krag by Johannesburg se City Power koop, sal 43% meer daarvoor opdok as sou dieselfde fabriek in Kaapstad gestaan het. In Sandton, waar verbruikers krag regstreeks van Eskom koop, sou die koste selfs laer gewees het as in Kaapstad. Dít is die bevinding van die sakeman David Mertens, wat vir die Nelson Mandelabaai-sakekamer kragtariewe in verskeie munisipaliteite vergelyk het ná die verhogings wat op 1 Julie in werking getree het. Madibeng (Brits) in Noordwes en Ekurhuleni aan die Gautengse Oos-Rand is net agter Johannesburg met duur tariewe, terwyl Emfuleni (Vereeniging en Vanderbijlpark) en Nelson Mandelabaai (Port Elizabeth) naas Kaapstad die meeste genade met fabriekseienaars het. In die geval van Johannesburg en eThekwini (Durban) sluit die koste ook bo-heffings in, wat…

Wie moet opdok vir die skade as die geiser in jou huurwoonstel bars of die uitsuigwaaier vlam vat tydens die samoesa-braaiery? Verwarring oor die verskillende versekeringsverantwoordelikhede van die huurder van ’n deeltitel-eiendom, verhuurder-eienaar en die regspersoon (body corporate) lei dikwels tot groot onmin en kan selfs in die hof gaan draai. Ricardo Coetzee, woordvoerder van Virseker, sê regsaanspreeklikheid is ’n ingewikkelde saak en elke geval sal op meriete beoordeel moet word. Wie vir watter skade verantwoordelik is, sal ook ’n rol speel. In ’n neutedop kom die verantwoordelikhede egter neer op die volgende: ■ Die eienaar-inwoner van ’n volreg-eiendom is verantwoordelik vir die versekering van die gebou, huisinhoud en Sasria-dekking (versekering teen skade wat kan spruit uit stakings, oproer en terrorisme); ■ Die eienaar-inwoner van ’n deeltitel-eiendom is verantwoordelik vir…

Al hoe meer Suid-Afrikaners wat gesond wil eet, maar nog skrikkerig is om winkel toe te gaan, koop nou ook hul vars vrugte en groente aanlyn of by die produsente, wat dit by hul voordeur aflewer. Lianne Jones van die Produce Marketing Association (PMA) sê dié deel van e-handel het vinnig gegroei tydens die Covid-19-inperking. Luidens die PMA se webblad sal ’n geraamde 25 miljoen mense wêreldwyd teen 2023 vars produkte aanlyn koop. Jones het Woensdag tydens ’n FNB-geleentheid oor landbouvooruitsigte gesê Suid-Afrikaanse ondernemings soos Sir Juice, Green Butler, UCook en Yebo Fresh het dié behoefte opgelet en hul aanlyn aanbod uitgebrei. Volgens haar verkoop sowat 40% van die wêreld se bekendste handelsname nou “snelbewegende verbruikersgoedere” regstreeks aan verbruikers. Die bedryf kan teen 2025 tot $130 miljard groei, aldus Kantar…

Toe Darryn Binder ’n klein seuntjie was, het hy een dag ’n foto van ’n kaskar in ’n tydskrif gesien. Sy wêreld was reeds een vol wiele. Vandat hy kon onthou was daar die klein motorfietsies wat hom en sy ouboet, Brad, gelok het om op hulle te klim. Die brullende ysterperde waarop pa, Trevor, die ander ooms die stryd aangesê het. Dit was in Darryn se bloed om iets met wiele en ’n enjin te sien en met sy he-le hart te begeer. “Dis waar dit begin het,” vertel Darryn die afgelope week uit Spanje, waar hy en Brad woon. “Ek het die kaskarre gesien en gesê ek soek een, en voordat ons geweet het, het ons daarin rondgejaag. Dit was seker so twee of drie jaar toe my…

Neil Powell, Blitsbok-afrigter, is heeltemal tevrede daarmee om nog so ’n bietjie gryser te word, solank as wat sy sewes-spelers op die rugbyveld uitblink en in een stuk na die Springbok-sewesspan se hoofkwartier in Stellenbosch terugkeer. Verskeie Blitse, wat in Powell se groep is met die oog op volgende jaar se Olimpiese Spele in Tokio, het verlede naweek uitgeblink in van hulle se eerste proesel van senior vyftienmanrugby. Die Blitsbok-afrigter het met gemengde gevoelens gekyk hoe van sy ouens geskitter het, want hy weet sulke vertonings in die langer weergawe kan van sewesspelers vorentoe ’n nog hoër kommoditeit in Suid-Afrikaanse rugby maak. Stedman Gans, Kurt-Lee Arendse (albei Bulle), Werner Kok (Haaie) en Angelo Davids (Stormers) het almal in hul wedstryde vir hul onderskeie spanne uitgeblink. “Dis ’n soet-suur gevoel,” het…

Professionele sport het die klem van die span na die individu, van die “ons” na die “ek” verskuif. Presies soos wat Dok Craven voorspel het. Die bemarkingsindoenas en die media weet al lank dis makliker om ’n enkeling as ikoon te bemark as wat dit is om dit met ’n span te doen. Daarom fokus die media soveel op individuele prestasies, veral as dit aan iets bepaald gekoppel kan word. Daar is egter ’n reuseverskil tussen individuele en spansport. In ’n sportsoort soos gholf val die kalklig vanselfsprekend op die individu. Per slot van rekening is die speler alleen op die baan en hy/sy is alleen verantwoordelik vir die gehalte van die spel. Niemand kan dus die individu verkwalik wat groot bedrae aan prysgeld of borgskappe verdien nie. Die neiging…

Die Kanadese tiener Leylah Fernandez se naam is nie een wat ’n klokkie by veel tennisliefhebbers sal lui nie. Maar dis ’n naam wat Petra Kvitova nie gou sal vergeet nie. Fernandez het Kvitova gister in die derde ronde van die Franse Ope laat klippe kou, en binne ’n halfuur tot ’n voorsprong van 5-1 gestorm. Die Tsjeg het binne drie minute vir die eerste keer deurgebreek, maar daarna al drie haar eerste afslaanpotte verloor. Fernandez beskik oor ’n voorarmhou waarvan menige spelers net kan droom en het Kvitova ’n paar keer daarmee in ongeloof gelaat. Die gety het egter teen Fernandez begin draai toe sy in die sewende pot vir die stel afgeslaan het. Sy het skynbaar toe eers besef sy is besig om die vloer te vee met…

Die Sale Sharks se belangrike Premierliga-wedstryd vandag teen die Worcester Warriors is gister tot Woensdag uitgestel nadat 16 spelers en beamptes positief vir Covid-19 getoets is. Dié spogklub in Manchester wemel van Suid-Afrikaanse spelers, onder wie die Springbokke se Wêreldbeker-skrumskakel, Faf de Klerk. Ander Suid-Afrikaners wat hul brood en botter by die klub verdien, is die kaptein, Jono Ross, die drie Du Preez-broers, Jean-Luc, Dan en Robert, Akker van der Merwe, Rohan Janse van Rensburg en Cobus Wiese met Lood de Jager tans beseer. Dit is nie bekend watter 16 spelers en/of beamptes die virus onder lede het nie. Dié wedstryd is een van ses wat vandag gespeel sou word. Almal sou op dieselfde tyd begin het om te bepaal watter spanne tot die halfeindronde deurdring. Sale, vierde op die…

Hul geboortedorpe is ’n volle 7 913 km uitmekaar, maar danksy krieket het daar ’n hegte vriendskap tussen AB de Villiers en Vi-rat Kohli gevorm. ‘Die spesiaalste ding van sport is vriendskap.’ Dié vriendskap tussen De Villiers (36) van Bela-Bela en Kohli (31) van Nieu-Delhi het in 2011 begin, in hul eerste jaar as spanmaats by die Royal Challengers Bangalore (RCB) in die Indiese Premierliga (IPL). In die laaste nege jaar het hulle band weg van die veld gesorg vir ’n vreesaanjaende vennootskap op die veld. Ongelukkig vir RCB was die dodelike duo van Kohli en De Villiers nog nooit genoeg om hulle tot die IPL-titel aan te voer nie. RCB se kruis was nog altyd gebrekkige boulwerk. Die kolwers, met De Villiers en Kohli altyd aan die spits, was…

Bokke, bly asseblief ver weg uit Australië! Te oordeel aan gister se proefwedstryd op Nuweland, sal die All Blacks die Bokke soos biltong kou as Suid-Afrika wél aan die Rugbykampioenskap Doer Onder gaan deelneem. Selfs die Wallabies, wat soos die Kiwi’s ook reeds etlike ure se rugby in die lyf het, sal Bok se kind verrinneweer as hulle súlke spinnerak-rugby opdis. Maar die twee Bok-hulpafrigters, wat die breiers van gister se Groen- en Goud-span was, sê hulle berei nog voor asof hulle wel sou gaan deelneem. “Die besluit oor die Kampioenskap is nie in ons hande nie,” sê Mzandele Stick, wat die Groenspan afgerig het. “Ons taak as afrigters is om te verseker ons berei so goed as moontlik voor. Enige geleentheid wat ons met die spelers kry, moet ons…

Suid-Afrika se proteas en ander fynbos is gewilder as ooit in Europa, Rusland en Asië, maar om dié honger na fynbos te voed verg fyntrap. Net buite Gansbaai werk die Flower Valley Conservation Trust al meer as twee dekades onvermoeid om fynbos te bewaar en deur die volhoubare gebruik daarvan ook werk en ’n inkomste te genereer vir mense wat in fynbosstreke woon. Die trust is ’n organisasie sonder winsbejag en beywer hom daarvoor om fynbos oral waar dit in Suid-Afrika voorkom te bewaar. Baie fynbosspesies word al dekades lank uitgevoer. Nie net is fynbos pragtig nie, maar die blomme hou ook lank. Op die oomblik is die koningprotea, die Protea compacta en vaalstompie (“silver brunia”) veral gewild op die internasionale mark, sê Roger Bailey, waarnemende direkteur van die trust.…

Die grootste deel van die jaar is verby. Waar het die tyd heen gevlieg? Dis wat almal wil weet, sonder dat iemand ’n antwoord kan gee. Daar ís nie ’n antwoord nie, seg sommige. Maar hulle’s verkeerd. Daar is. Sy naam is Triber. Renault Triber. En as dit dalk na ’n speling op “Bond, James Bond” klink, slaan jy die bal mis. Daar lê ’n hele wêreld, ’n grote heelal, tussen die Triber en 007. Die een doen sy ding deur baccarat in die Monte Carlo-casino te speel. Glans, opwinding en Aston Martins is die wagwoorde. Die ander doen sy ding as ’n bussie vol mense in die agterbuurte van, sê nou maar, Mumbai. Armoede en kruipsnelhede is waarskynlik die wagwoorde. Maar daar ís vae ooreenkomste. Die een se naam…

Ons moet keer dat ons land nie soos daai Suid-Amerikaanse lande word waar mens sommer doodgeskiet word nie, sê die oudjoernalis oor die telefoon. Die dag tevore, 18 September, was nag: Die skoolhoof van die Umyezo Wama Apile High School in Grabouw is by die kruising op die N2 buite die dorp doodgeskiet. Die skieter het Zameka Mfubesi daar ingewag en doodgeskiet. Twaalf koeëls. Sy was op pad huis toe. Nog nie ’n uur later nie, 55 km daarvandaan, is lt.kol. Charl Kinnear meters van sy huis se oprit deur ’n laksman in ’n rooi kappietrui doodgeskiet. Vyf skote; die meeste om sy hart. Sy polisievuurwapen, wat hy altyd byderhand gehou het, was onder sy boud ingesteek. Mfubesi en Kinnear se moordenaars wou doodseker maak dat hul teikens gedood word…

Meer as ’n dekade se werkskepping is deur die inperking van ses maande uitgewis – en die armste mense is boonop die swaarste deur die werkverlies getref. Die omvang van die werkverlies is die afgelope week in twee navorsingstukke ontleed. Daar word ook jare van potensiële onrus weens nypende armoede voorspel indien nie drasties ingegryp word nie. Statistieke Suid-Afrika (SSA) het Dinsdag bekend gemaak 2,2 miljoen minder mense het in die tweede kwartaal van 2020 ’n werk gehad as in die eerste kwartaal. Dit het die werkloosheidskoers volgens die uitgebreide definisie op 42% te staan gebring. Woensdag het ’n groot span navorsers onder leiding van die Stellenbosse akademikus dr. Nic Spaull die bevindings bekend gemaak van hul tweede inkomstedinamika-studie, die National Income Dynamics Study Coronavirus Rapid Mobile Survey (Nids-Cram). Volgens…

Die tou waarmee ’n jong plaasvoorman se lyk op ’n plaas in die Oos-Vrystaat aan ’n paal vasgemaak is, is waarskynlik kort tevore gebruik om hom mee te verwurg. Brendin Horner (22) is Vrydagoggend met ’n geweefde swart tou en ’n gespegordel om sy nek gevind nadat hy die vorige aand in die Paul Roux-omgewing vermis geraak het. Sy hande en voete was los. Gilly Scheepers, eienaar van die Bloukruin-boerdery vir wie Horner gewerk het, sê hy verstaan nie wat die motief vir dié wrede moord is nie. Niks is gesteel nie. Horner se selfoon was by hom en sy gereedskap wat in die bakkie was, was steeds daar. “Dis ’n onsinnige moord wat ons nie verstaan nie. Ek verstaan dit glad nie.” Scheepers het ’n Johannesburgse private speurder aangestel…

Daar is geen redelikheid in die regering se besluitneming oor watter lande as hoërisikolande vir internasionale reisigers geklassifiseer word nie, sê die Vereniging van Suider-Afrikaanse Reisagente (Asata) en ander kenners. Reisigers van lande in Europa met relatief min aktiewe Covid-19-gevalle word verbied, terwyl besoekers van Afrikalande met vier keer meer aktiewe gevalle hier welkom is. Armenië in Europa haal byvoorbeeld die lys, hoewel hy die afgelope twee weke net 13 aktiewe gevalle per 100 000 inwoners gehad het. Suid-Afrika se grense is oop vir mense van Marokko, wat 85 aktiewe gevalle per 100 000 het. Dr. Naledi Pandor, minister van internasionale betrekkinge en samewerking, het Woensdag op ’n mediakonferensie gesê die regering volg die Wêreldgesondheidsorganisasie (WGO) se riglyne. Volgens die WGO is lande met meer as 20 aktiewe gevalle per…

Byna drie dekades gelede is Johan Dreyer as jong polisieman medies ongeskik verklaar nadat hy in die sogenaamde Slag van Ventersdorp gewond is, maar hy het steeds nie ’n sent vergoeding van sy voormalige werkgewer ontvang nie. Dreyer (50), wat in Lydenburg in Mpumalanga woon, sê hy het elke minuut van sy lewe pyn, maar kan nie mediese behandeling of medikasie bekostig nie. Eindelose navrae aan die polisie lewer weinig op. “Die polisie het my lewe verwoes.” Dreyer is op 9 Augustus 1991 gewond. Die destydse pres. FW de Klerk sou op ’n openbare vergadering in Ventersdorp praat. Dreyer, toe ’n 21-jarige sersant by die Lichtenburg-polisiekantoor, is as deel van ’n groep polisie- en weermaglede na Ventersdorp gestuur om orde te handhaaf. Kort voor 19:00 het die dorp se krag…

“Ek het van niks geweet nie, net dat ek moet mooi voel.” So sê Miné Fourie nadat haar kêrel, die sanger Almero Welgemoed, vir haar ’n “matriekafskeid” gehou het vir haar 23ste verjaardag. Elke keer as daar oor matriekafskeid gepraat word, vertel Fourie van haar slegte ervaring met die “glansaand”. “Eendag gaan ons jou matriekafskeid oordoen,” het Welgemoed haar belowe. Haar eerste matriekafskeid was kort nadat sy ’n emosionele ineenstorting gehad het, al haar hare afgeskeer het en alles moes bymekaarskraap om net deur matriek te kom. Sy sê benewens die stomp haarstyl, was haar rok, wat sag en pienk moes wees, “hard” en bottelgroen omdat die kleremaakster gedink het die kleur pas beter by haar oë. Toe hulle vra vir ’n nuwe rok, het dit nooit by hulle uitgekom…

Verregse sokkerondersteuners in Pole, asook ’n aantal politici, smag daarna dat hul held Janusz Walus in Suid-Afrika vrygelaat word. Walus (67), wat die SAKP-leier Chris Hani in 1993 doodgeskiet het, sal op 15 Oktober 27 jaar agter tralies wees. Reusebaniere met sy foto daarop is ’n bekende gesig in Poolse sokkerstadions. Sy aanhangers bepleit daarop sy vrylating. Hulle dra ook serpe met die woorde #StayStrongBrother daarop. Die joernalis Cezary Lazarewicz, wat ’n boek oor Walus geskryf het en ’n onderhoud met hom daarvoor gevoer het, het in September aan die BBC gesê Walus het sowat tien jaar terug briewe van sy Poolse aanhangers begin ontvang. “Hulle het geskryf hulle bewonder hom omdat hy kommunisme in Suid-Afrika pro-beer stop het, dat hy die groot hoop van die wit ras is.” Walus,…

Op teen ’n heuwel in Fraaisig, Hornlee, met Knysna en sy meer glinsterend daar onder, deur ’n houthekkie en prieel waaroor ’n wildedruif rank met die eerste lenteblare liggroen spatsels teen wit latte . . . Dáár ontmoet jy “die vrou sonder longe”. Dis hoe die Tuinroete vir Noleen Dirkse ken. As sy by Knysna se provinsiale hospitaal aankom, meestal diepnag in ’n ambulans, groet hulle haar “hallo, lewende wonderwerk!” Want Dirkse moes lankal dood gewees het. Twintig jaar gelede het dokters haar ses maande gegee om te leef. Tien keer het sy tuberkulose (TB) oorleef, maar nou is haar hart vergroot, haar niere moeg en net twee klein stukkies van een long werk nog. Maar niks stuit dié klein vrou in haar spierwit broekpak en die suurstoftenk wat sy…

Hoëhakskoene voer nie meer die botoon nie en helderkleurige lipstiffie het nie meer die laaste sê nie. Dít is deel van die “bo blink, onder stink”-modestyl wat onwillekeurig deur Covid-19 meegebring is. Anders gestel: mense wat van die huis werk, kies netjiese hemde, deftige bloese en juwele aan die bolyf wat sigbaar is vir deelnemers aan Zoom- of Teams-vergaderings. Maar hulle kan wegkom met moeë denims en sonder hoëhakskoene omdat alles van die middellyf ondertoe veilig agter die lessenaar en van die rekenaarskerm weggesteek is, sê mode-ontleders en tendensvoorspellers. In Amerika word sowat 12% minder formele skoene nou as in 2019 verkoop, berig www.glossy.co. Amber Grant, ’n kreatiewe konsultant en tendensvoorspeller van KwaZulu-Natal, noem die nuwe styl “sleutelborddrag”: ’n gemaklike sweetpakbroek en plakkies of plat skoene, gekombineer met ’n meer…

Die eerste skof van vanjaar se Giro d’Italia-fietstoer is deur ’n ernstige ongeluk ontsier nadat Miguel Ángel López van die Astana-span geval het en hospitaal toe is. López het een van sy hande van sy fiets afgehaal tydens die tydtoets oor 15,1 km. Sy fiets het naby Palermo ’n hobbel in die pad getref waarna hy deur ’n staalversperring gejaag het voordat hy ’n paar toeskouers getref het. “Miguel Ángel is hospitaal toe gebring vir waarneming. Ons sal so gou moontlik van enige verdere nuus laat weet,” het die span in ’n verklaring gesê. López se drome is nou daarmee heen aangesien hy nie die skof kon voltooi nie. Die skof is deur Filippo Ganna van die Ineos Grenadiers-span gewen in 15:24. Ganna was ook eerste in verlede Vrydag se…

Die Suid-Afrikaanse aanslag in die mans-enkelspelkompetisie van die Franse Ope het nie die eerste week oorleef nie, nadat Kevin Anderson gister met mag en mening deur een van dié sport se nuwe wonderkinders uit die toernooi geskouer is. Anderson is in net 94 minute deur die 22-jarige Rus Andrey Rublev van Roland Garros verjaag. Rublev, wat Sondag die Hamburg Ope gewen het en steeds daardie golf van momentum ry, was met 6-3, 6-2, 6-3 baas. Anderson het nog nie vanjaar veel wedstryde onder die knie nie, met eers ’n besering en toe die opskorting van tennis wat verhoed het dat hy sy peil op die baan kon probeer herwin. Hy het die afgelope week vir die eerste keer sedert Januarie twee wedstryde in ’n ry gewen, maar is nie eens…

Zubayr Hamza gedy onder druk. Die bykomende verantwoordelikheid van die Cape Cobras se kapteinskap sal dié 25-jarige Protea-kolwer dus nie lamlê nie. Trouens, hy dink dit kan net die regte doepa wees om sy internasionale loopbaan ook weer op dreef te kry. “Ek beskou my as iemand wat in drukkokersituasies die beste uit myself kry,” het Hamza vandeesweek aan Rapport gesê. Hamza, wat verlede jaar teen Pakistan sy toetsdebuut gemaak het, neem die leisels oor by Dane Piedt en sal ’n bykans splinternuwe Cobras-span van volgende maand af op die veld lei. “Selfs sonder die kapteinskap beskou ek myself as iemand wat onder druk kan presteer. “In my loopbaan het ek erg deurgeloop. . .” “Nou dat ek kaptein is, sal daar dalk bykomende druk en verantwoordelikheid wees. En beslis…

Oudkrieketspelers en -administrateurs het genoeg gehad van die bestuursprobleme wat Krieket Suid-Afrika (KSA) lamlê en wil ’n drukgroep stig om verandering te probeer afdwing. Barry Skjoldhammer, gewese voorsitter van die Gautengse krieketraad, en Hugh Page, ’n oudspeler van Transvaal en ook ’n voormalige nasionale keurder, is in gesprekke met ander prominente krieketfigure van oor die land heen wat by dié drukgroep wil aansluit. Hulle wil eis dat KSA die veelbesproke forensiese verslag na sy bestuurspraktyke bekend maak, en dat daar opgetree word teen diegene wat daarin geïmpliseer word. Skjoldhammer en Page sê die doel is nie om weer by die administrasie van krieket betrokke te raak nie. “Dit gaan daaroor dat almal tot nou toe teruggesit en gekyk het hoe die dinge ontvou, en hoe krieket in ’n hoop ineenstort.…

Pasop! Hier trek ’n rou vis deur die lug! Koes! Koes weer! Hier kom nog een! Om jou word gegil en gejil; die ander toeskouers skaterlag en skreeu aanmoedigings. As jy die Pike Place-mark in Seattle, in die noordweste van die VSA, aandoen sonder dat jy weet dat dié boeremark bekend is om sy visgooiery – van alle dinge! – gaan jy dalk met die instap soos ’n vis op droë grond voel. Die dag as die vis byt In die laat 1800’s was Seattle maar rof en tjommel, want dié stad het met rasse skrede gegroei. In die dekade van 1890-1900 het Seattle se bevolking amper verdubbel – van 42 000 tot 80 000 siele. Goudsoekers, houtkappers, vissermanne, skeepsbouers en handelaars het daarheen gestroom. Baie van die omliggende streke…

In die gejaagde lewe in ’n viruslandskap is dit soms nodig om net te gaan afskakel en waar beter om die masjien bietjie te laat luier as op ’n klein Suidoos-Vrystaatse dorp met ’n groot hart? In Zastron, twee uur se ry van die Rosestad op pad na Lesotho, glo die plaaslike slagter, Leon Scorrano (59), beslis in die gesegde “Ver van jou goed, naby jou skade”. “Maak nie saak wanneer jy gaan nie, jy sal Leon altyd agter die toonbank van sy slaghuis kry. Sy vleis is van ongelooflike gehalte,” vertel Maria Shaer (52), die eienaar van die plaaslike meubelhandelaar Squares Furniture & Gifts. Daar was dus net een uitweg toe die verwagte Oos-Vrystaatse biltonglus Rapport se verslagspan oorval, Zastron-slaghuis. Scorrano, wat die slaghuis in 1978 by sy pa,…

■ Die Virtuele Instituut vir Afrikaans (VivA) het pas sy nuwe gratis aanlyn leesen-luisterbiblioteek bekend gestel. Die luisterbiblioteek bevat voorlesings van Afrikaanse boeke vir kinders en grootmense. Vir die heel beginners word die teks só aangebied dat jong lesers kan lees terwyl hulle na die voorlesing luister. Afrikaanse skrywers soos Fanie Viljoen, Christien Neser, François Bloemhof, Eben Venter, Elsa Winckler, Marion Holm, Joan Hambidge, Karin Hougaard, Kristel Loots, Peet Venter en Reinette Lombard van Tippie-faam het hul werk vir die projek beskikbaar gestel en voorlesings word gedoen deur onder andere Holm, Hougaard, Esmarie Yssel en Altus Venables. Gaan na viva-afrikaans.org en registreer om toegang te kry tot die luisterbiblioteek. ■ As jy gou spring, kan jy teen afslag kaartjies koop vir die Festive Vegan & Plant Powered Show, ’n aanlyn…

Ons kyk vandag na ’n paar belangrike punte oor beleggings. Dis ’n wêreld vol grys gebiede, finansiële slaggate en selfs lokvalle as jy nie versigtig is nie. Die doel met enige belegging is om eerstens jou kapitaal te beskerm en twee-dens dit te laat groei. Dis behoorlik ’n bekvol gesê in een sin. Kom ons kyk. As die beskerming van jou geld nie belangrik is nie, is die beste “belegging” wat jy kan maak waarskynlik om te gaan dobbel. Óf jy verloor alles óf jy wen die boerpot. As dit jou ding is, moenie verder lees nie. Op die keersy van dié munt, as beskerming vir jou alles is en jy gee nie om vir groei nie, is die beste opsie waarskynlik om dit onder jou bed te versteek (of…

Ons eerste oproep was na SA Rugby se woordvoerder, Andy Colquhoun, met ’n versoek om met Saru se uitvoerende hoof, Jurie Roux, of die Saru-president, Mark Alexander, te praat. Colquhoun: Mark en Jurie het albei (die versoek) van die hand gewys op grond daarvan dat die besluit deur die lede geneem is eerder as deur die uitvoerende gesag. Ons bel Alexander op sy selfoon. Hy antwoord uiteindelik per WhatsApp. Alexander: Jammer, ek kan nie my foon antwoord nie, want ek is in Wêreldrugby-vergaderings vir die volgende twee dae. As dit dringend is, kontak Andy by die SA Rugby-kantoor. Rapport: Baie dankie vir die reaksie. Ons wil graag ’n onderhoud doen oor die nuwe Pro-reeks. (Is dit) Oukei as Andy (Colquhoun) dit doen? Alexander: Perfek. Ons bel weer vir Colquhoun. Rapport:…