Innholdsfortegnelse for 22-Jan-16 i Landbouweekblad

Daar word verwag dat die wêreldbevolking teen 2030 met 16% tot 8,5 miljard mense kan groei, wat sal lei tot ’n groter vraag na landbouprodukte, en in sommige lande, voedselonsekerheid. Mnr. Wandile Sihlobo, ’n ekonoom van Graan SA, sê veral ’n land soos Suid-Afrika, waar 58% van die bevolking onder 30 is, behoort studie in landbou en agribesigheid baie sterker aan te moedig. ’n Groot aantal Suid-Afrikaanse boere word ouer en hulle word nie vervang nie, wat voedselsekerheid kan benadeel. Volgens Agri SA is die gemiddelde Suid-Afrikaanse boer 62 jaar oud. In die 1980’s was daar sowat 128 000 kommersiële boere in Suid-Afrika en in 2014 sowat 30 000. Dit is belangrik vir Suid-Afrika om dié boere se kennis te behou ter wille van die produktiwiteit van die primêre landbou.…

ARTIKELS & RUBRIEKE Só boer jy op 40 ha Mikrobes: Boere se onsigbare helpers Mecki aan die voorpunt van tegnologie Oud-marinier boer kranig in die Karoo Melk en osse uit een kudde vaar beste Boereplan: Jagbakkie en 4x4-waentjie gepak vir alles en nog wat GESIN Boerekos: Keur uit die Klein-Karoo SPESIAAL Dieregesondheid KLEINVEE Daarisbynanikswaarvoordieveeboermnr.JustinKingwillvanGraaff-Reinetterugdeinsnie.Afgesienvandieboerderybou,studeerenoefen hyookvirlangafstandwdelope,soosdieComrades.Allesopsyplaas getuigvandiedissipline,organisatoriesevermoëenvasbytwathyindie Britstevlootgeleerhet. FOTO:ROBSOUTHEY…

MNR. BAREND BYLIEFELDT van Hazyview meng so min as moontlik in by die natuurlike prosesse en siklusse in sy ouers se makadamiaboerdery wat hy bestuur, en sy opbrengs van meer as 11 ton per hektaar spreek boekdele. Lees meer op bl. 48. VERTEL ONS VAN JOU GESINSLEWE. Die plaas en die leefstyl wat daarmee saamgaan, is my hemel waar ek die skoonheid van God se skepping saam met my gesin ervaar. Ek is enkellopend – nie omdat ek wil wees nie, maar ek gaan min uit. Boonop het ek alles wat ek nodig het hier waar ek in die middel van nêrens woon. WAT IS JOU STOKPERDJIES? Ek hou van bord- en kaartspeletjies op reëndae, en as die son skyn, geniet ek my motorfiets, visvang en sommer om saam met…

ERNSTIGE tekorte aan veevoer dreig oor ’n dramatiese styging in die vraag daarna weens die droogte, gekoppel met beperkte produksievermoë by vervaardigers en druk op grondstowwe. Die meeste veevoervervaardigers is tot 90 dae agter met produksie en dit lyk nie asof dié prentjie gaan verbeter nie. Die agterstand is grootliks weens paniekbestellings deur boere. Verskeie veevoervervaardigers en landbou-ondernemings het aan mnr. Urbanus Badenhorst, direkteur van ontwikkeling by Agri Development Solutions (sentrale streek), bevestig dat veral die ruvoerfabrieke vir herkouers agterstande van tot 90 dae het. Badenhorst is ook betrokke by Lubern Voere en Adfarm. Suid-Afrika het minder ruvoerfabrieke met kleiner produksievermoë en laer produksietempo’s as fabrieke wat voer maak vir enkelmaag- en hoenderproduksie-eenhede. Boonop is die vraag na ruvoer nou ongewoon hoog omdat weiding vir skape en beeste weens die…

DIE landbousakekamer Agbiz wil die Regering nader om sekere bepalings van die Nasionale Kredietwet te verslap in die lig van finansieringstekorte wat weens die droogte gaan ontstaan. Die Kredietwet kan oorbruggingsfinansiering aan boere wat nie aan die kriteria vir terugbetaling voldoen nie, in die volgende planttyd aan bande lê. Dr. John Purchase, uitvoerende hoof van Agbiz, sê dit gaan vir banke, landboumaatskappye en ander instellings baie moeilik wees om krediet te verleen aan boere wat dié seisoen niks of min kon plant en finansieel onder groot druk verkeer. “Ons groot hindernis gaan wees om boere te help om in die volgende seisoen te plant, veral boere in die weste van die land en groot dele van die Vrystaat wat erg deur die droogte geraak word.” Purchase sê artikels 77 tot…

PROF. TERS BRAND van die direktoraat veekundige wetenskappe in die Wes-Kaapse departement van landbou gee praktiese wenke oor moontlike alternatiewe voerbronne. Druiwedoppe (13,3% ruproteïen en 32% TVV op ’n droë basis) is geredelik beskikbaar naby groot wynkelders. Dit kan met sukses as veevoer gebruik word. Witdruiwedoppe het groter waarde as rooies weens die hoë tannienvlakke in rooi druiwe. Hoe meer sap uit die doppe gedruk is, hoe minder waarde het die doppe omdat die suiker uitgedruk is. Druiwedoppe is smaaklik en word goed deur herkouers benut. Uitskotrosyne (6% tot 7% TRP en ongeveer 80% TVV op ’n droëmateriaalbasis) is in sekere streke beskikbaar, is smaaklik en hoog in energie wat hoofsaaklik in die vorm van suikers (tot 72%) beskikbaar is. Rosyne kan in produksierantsoene gebruik word en kan tot een…

Die landbousektor as geheel se tariefvoordele vir Amerikaanse uitvoer het in 2014 na raming R110 miljoen beloop, gegrond op ’n wisselkoers van R10,83. Sowat 75% van die landbou-uitvoer na Amerika behels neute, sitrus, wyn, suiker en tafeldruiwe. Uitvoersyfers van 2005 tot 2014 toon stygings in randwaarde, dikwels eerder danksy die verswakkende rand en nie ’n groei in volume nie. Die uitvoervolume van sitrus, byvoorbeeld, het eintlik sywaarts beweeg, terwyl minder neute in 2014 as in 2005 uitgevoer is, sê mnr. Christo Joubert, senior navorser by die Nasionale Landboubemarkingsraad. Die volume wynuitvoer het wel gegroei. Joubert sê ’n mens moet verder onthou landbou-uitvoer sal nie noodwendig tot stilstand kom as Suid-Afrika die tariefvoordele verloor nie. “Inteendeel, die verwagting is dat, sonder of met Agoa, die waarde van uitvoer kan verdubbel vanweë…

In Desember was daar nog hoop vir Suid-Afrika se boere in die somerreëngebied. Dié hoop is weggeskroei deur die een hittegolf ná die ander, met rekordhoë temperature en geen reën. Die omvang van die rampdroogte is nou baie duideliker. Talle boere en landboubesighede is besig om hard te werk aan planne vir die volgende 12 maande tot 18 maande. Die georganiseerde landbou en landboubesighede is op die hoogste vlak besig om goeie werk te doen en het reeds laat verlede jaar met invloedryke ministers begin gesels en inligting oorgedra. ’n Omvattende plan word nou saamgestel om teen einde Januarie aan die Regering voor te lê voor die nuwe staatsbegroting einde Februarie in die Parlement ter tafel gelê sal word. Wat die droogte betref, kry ’n mens twee groepe mense. Die…

Mnr. Alexious Shoko is duidelik ’n gewilde en getroue lid van die span op Mouton’s Valley. Mnr. Rickus Jooste, plaasbestuurder, sê Alexious se verantwoordelikheidsin strek veel verder as wat gewoonlik van iemand in sy posisie verwag word. “In Zimbabwe het hy dit nie maklik gehad nie; hy weet dus hoe dinge kan eindig en daarom is dit vir hom geweldig belangrik om goeie verhoudings met mense te hê.” Volgens mnr. Eric Starke, besturende direkteur, is hy ’n natuurlike leier. “Wanneer hy praat, luister die mense.” Me. Michele Starke, direkteur, voeg by: “Hy is werklik passievol oor die plaas en is altyd die een wat die vrae vra, soos hoekom iets op ’n spesifieke manier gedoen word, pleks van op ’n ander manier. Sy selfvertroue is ook verstommend.” Rickus sê Alexious…

Hulle glo daaraan om ’n boom te laat doen wat hy wil en nie teen die natuur te baklei nie, maar daarmee saam te boer, sê mnr. Barend Byliefeldt, ’n makadamiaboer van Hazyview wat met opbrengste van meer as 12 ton per ha sonder enige besproeiing spog. “Kyk daar,” beduie hy na een van die bome. “Dit is hoe ’n makadamiaboom wíl lyk, soos ’n gelukkige, vet, ou tannie.” Barend snoei sy bome minimaal en glo die geheim tot genoeg sonlig vir blomvorming lê eerder in boomspasiëring as snoei. Hy maak net onder die bome skoon sodat daar nie takke op die grond rus wat sy oesspanne se werk bemoeilik wanneer hulle neute optel nie. “Ek lig eintlik net die ou tannies se rokke so ’n bietjie op dat dit…

PLAASINLIGTING LIGGING: Humansdorp, Oos-Kaap NAAM: Groenwei GROOTTE: 1 140ha(640ha virmelkeryen500havir verskalwers) VERTAKKINGS: Melkery,aangeplanteweiding, kuilvoerproduksieenveld WEIDINGSTIPE: Besproeiing:kikoejoe,raaigras, klawerensigorei;droëland:hawerenraaigras JAARLIKSE REËNVAL:650mm KORTOM Met goeie voedingstegnologie het ’n melkboerdery in die Oos-Kaap produksie met 17% verhoog om die stalgemiddelde op 27,5 liter per koei te staan te bring. Met die presisieprogram word voedingsbehoefte én rantsoengrootte in die stal met groot akkuraatheid bepaal, terwyl doeltreffendheid en wins verhoog. Konsentraat in die stal word as persentasie van lewende gewig voorsien en is die resultaat van melkproduksie as persentasie van lewende gewig, kondisie-gekorrigeerde lewende gewig en groeibehoeftes. Selfs met ’n dalende melkprys is die ekstra koste van die tegnologie steeds lonend. Die Holstein-koeie van die Groenwei-boerdery in die distrik Humansdorp staan ongeduldig voor die melkstal se drukgang. Soos hulle deur die skaal en skandeerder stap en…

Resepte en stilering: ARINA DU PLESSIS Foto’s: BERNA COETZEE Hooffoto: GALLO IMAGES Sokkerbal-frikkadelle Dié groot, kaasgevulde frikkadelle is gelaai met proteïene en het ook ’n goeie porsie versteekte groente in. Frikkadelle ■ 1 ui, baie fyn gekap ■ 2 middelslag-wortels, geskraap en baie fyn gerasper ■ 2 middelslag-murgpampoentjies, baie fyn gerasper ■ 30 ml olyfolie ■ 5 ml Marmite ■ 30 ml water ■ 500 g beesmaalvleis ■ 3 snye bruin- of volgraanbrood, fyn gekrummel ■ 2 eiers ■ Sout en vars gemaalde swartpeper Vulsel ■ 100 ml gerasperde mozzarella ■ 100 ml gerasperde cheddar- of Goudakaas ■ Olyfolie, vir smeer Braai die ui, wortels en murgpampoentjies in die olyfolie tot sag en gaar. Voeg die Marmite en water by en roerbraai tot die Marmitemengsel lekker deur die groente gemeng…

Ek dans in die sweepslag, ek sit langs die vuur van die halleluja wat my met sy swaarde aangluur. Ek bid in die oggend vir die dinge wat op my wag, maar dis die halleluja wat my rondgooi in die nag. Om die een of ander rede is dit Gerald Clark se rou blues van sowat tien jaar gelede wat vandag deur die hittegolwe resoneer terwyl ek besin oor die jaar wat agter lê en wonder oor die een wat voorlê. Waar is jy as ek jou wil vashou vanaand terwyl die windjie roer en die sekelmaan vir my lag terwyl ek twyfel, twyfel terwyl ek bid vir reën waar is jy, waar is jy? Die wolke het die afgelope week telkens heerlik saamgepak en oor ons plaaswerf kom broei.…

Soms wens ek ek het méér geweet van die hemel sodat ek met groter kundigheid en gesag daaroor kon praat. Die meeste mense wil graag weet wat op hulle wag wanneer hulle die tydelike met die ewige verwissel. Sommige dink hulle wéét en soms waag iemand dit selfs om oor ’n sogenoemde “ná-doodse ervaring” te skrywe. Ek was elke keer jammer as ek van dié boeke gelees het, want dit was ’n groot teleurstelling. Ek het gewonder of dit nie juis die Here se bedoeling is om daardie verrassing vir eers terug te hou nie. Dit laat my dink aan ons kinderdae toe die Kersgeskenke eers vir ons weggesteek is. Jy’t geweet dit gaan kom, maar hoe dit gaan lyk, moes vir eers geheim bly. Wanneer ek in die Bybel…

DIE Rhodes-voedselgroep se goeie vertoning in sy eerste boekjaar ná notering is in ’n groot mate danksy goeie verkope in Afrika suid van die Sahara. Sy verkope in dié streek het in die boekjaar tot einde September vanjaar met 55,2% gestyg. Mnr. Bruce Henderson, uitvoerende hoof, het in ’n verklaring gesê die groep het bedrywighede in 14 ander lande in die streek en verkope is gunstig beïnvloed deur die byvoeging van blikkiesvleis en vrugtesap tot Rhodes se reeks produkte. Die groep se inkomste in die boekjaar het met 23,7% tot R3 miljard gestyg en sy nabelaste wins met 106% tot R170 miljoen. Rhodes se eerste dividend beloop 24,8c per aandeel. Die groep se verkope in sy afdeling vir vars voedsel het met 19,5% gestyg met veral goeie groei in die…

IN sy 30 jaar in die bedryf het hy nog nooit die veld in groot dele van die land so droog gesien nie. Dit is een van die redes waarom die prys van stoorlammers onder druk is, sê mnr. Chris Troskie, hoof van lewendehawebemarking by CMW. Troskie het sy kommer uitgespreek dat die “perfekte storm” aan die broei is as dit nie binnekort goed reën nie. “Binne die eerste drie weke van vanjaar het die prys van stoorlammers van R28/kg tot sowat R26/kg gedaal en daar word voorspel dat dit tot R24/kg sal daal as daar verdere druk bemarking is.” Hy sê dié wat met wolskape boer, is gelukkig dat hulle nog goeie pryse vir die vesel ontvang en dat dit vanweë die skerp daling in die rand met die…

GAUTENG CARLETONVILLE ZWARTKRANS (172), 21 ha, aan die Republiek van Suid-Afrika, van Plot 28 Zwartkrans-beleggings BK, R5 500 000. NIGEL WELVERDIEND (379), 15 ha, aan J.B.D. Prop. (Edms.) Bpk., van Jubilee-trust, R2 500 000. YZERVARKFONTEIN (194), 21 ha, aan J.S. Hong, van Oosthuizen-trust,R2700000. KWAZULU-NATAL ACORNHOEK GRIETJE (6), 22 ha, aan Denjean Inv.-trust, van M. Schrenk, R1 995 000. LADYSMITH WATERFALL (1161), 66 ha, aan The Biggarsberg-trust, van R. Meyer, R1 000 000. UTRECHT ZAAILAAGTE (780), 21 ha, aan S.J. Meyer, van N.J. en W.J. Ronald, R1 200 000. LIMPOPO ALLDAYS FONTAINEBLEAU (537), 103 ha, aan Tantus Trading 438 (Edms.) Bpk., van M.J.Joubert-trust,R1000000. MODIMOLLE DROOGEKLOOF (471), 16 ha, aan Meyer-boerderytrust, vanP.P.deKorte, R2000000. MPUMALANGA BETHAL KLIPPOORTJE (32), 21 ha, aan Mbali Coal (Edms.) Bpk., van Bombardie-eiendomme (Edms.) Bpk., R12 000 000. NELSPRUIT…

R10 AfriForum het ’n veldtog begin om hulp in droogtegeteisterde gebiede te voorsien. Lede van die publiek gaan op nasionale vlak aangemoedig word om R10 by te dra, waarna AfriForum die bedrae op ’n rand-tot-rand-grondslag sal verdubbel. ’n SMS-diens is geskep, en mense kan hul name na 38312 toe SMS om R10 tot die fonds by te dra. Elke SMS van R10 gaan ’n bydrae van R20 tot die droogtefonds verseker. 119 680 l Die Shoprite-groep het ingespring om ander gemeenskappe sonder water ook te help nadat die groep net ná Kersfees water na Aliwal-Noord gestuur het. Vier vragmotors wat elk 29 920 liter water kan vervoer, word uitgestuur. Mense op Senekal in die Vrystaat en dorpe in KwaZulu-Natal is al gehelp. Die vier vragmotors dra saam 119 680 liter.…

‘Ons weet ook nog nie in watter mate die gifstowwe in besoedelde water van byvoorbeeld groente of diere na mense oorgedra kan word nie.’ Dr. Anthony Turton oor die groot voorkoms van blougroen alge in Suid-Afrikaanse damme. Bl. 23 ‘Vir ten minste ses jaar [ná 2018] is daar ’n risiko dat Gauteng, wat vir meer as ’n derde van die land se bruto nasionale produk verantwoordelik is, nie ’n betroubare waterbron sal hê nie.’ Prof. Mike Muller oor die Polihali-dam in die Lesotho-Hoogland-projek wat agter skedule is. Bl. 24 ‘Na gisteraand se reën lyk dit vanoggend of my pampoene Red Bull ingekry het.’ Onbekende boer op Facebook ‘Op pad werk toe vanoggend het ek ’n kalf gesien drink aan haar dooie ma.’ Mnr. Phineas Gumede, ondervoorsitter van Kwanalu en Agri…

Uit: Die Landbouweekblad, 11 Januarie 1966 KOEI UIT KUILVOERPUT ‘GEBOOR’ ’n Boer maak altyd ’n plan, maar watter plan prakseer hy as een van sy beste melkkoeie in ’n kuilvoerput van sowat 20 voet (6 meter) diep val? Mnr. Karel van Wyk van die plaas Toekoms by Louis Trichardt het met dié ongewone probleem te doen gekry. Die koei het by die kuilvoertoring se deur, wat gelyk met die grond is, ingegaan en toe na onder getuimel. Benewens sy diepte van 6 meter het die kuilvoerput ook ’n toring van 10 voet bokant die grond gehad. ’n Veearts is ontbied. Hy het met ’n leer afgeklim tot by die koei en vasgestel dat sy niks oorgekom het nie. ’n Brandweer sou kon help om die koei uit te kry, maar…

TEN spyte van goeie reën in sommige dele van KwaZulu-Natal oor die feestyd trek die provinsie se boerderygemeenskappe swaar. “Ek sien elke dag hoe mense vir ure lank toustaan om water vir hul huishoudings en hul diere te kry,” sê mnr. Phineas Gumede, ondervoorsitter van Kwanalu en Agri SA. “Op pad werk toe vanoggend het ek ’n kalf gesien drink aan haar dooie ma. Selfs ons suikerriet onder besproeiing begin vrek, want ons besproeiing is net aanvullend.” Mnr. Edmond Rouillard van Pongola sê werk op plase raak al hoe minder en so ook die besteebare kontant in die omgewing. Groot verliese staar sitrus- en neutboere in die gesig weens swak oeste en boorde wat op die punt is om te vrek. Groot dele van die provinsie se kuddes is ver…

WATER uit die Katsedam sal aan droogte-geaffekteerde huishoudings beskikbaar wees vir die duur van die droogte, sê mnr. Sputnik Ratau, woordvoerder van die Departement Waterwese en Sanitasie. Op ’n vraag of daar planne is om die landbou by te staan, het hy gesê die departement fokus tans net op water vir menslike gebruik. Hy hoop dat die onlangse goeie reën wel die watersituasie sal help. Ratau het ook bevestig die sluise van die Katsedam sal oop bly solank die droogte voortduur. LESOTHO-DAMME BRING VERLIGTING Die water wat verlede week uit die Katse- en Mohaledam in Lesotho gelaat is, hou nie ’n wesenlike voordeel vir Suid-Afrikaanse landbou in nie – dit is uitsluitlik vir huishoudelike en nywerheidsgebruik Katsedam: 61% * Januarie 2015: 88% Damkapasiteit in miljard liter: 1 519 Mohaledam: 26%…

TYDENS die winter en erge droogtes verhoog die kalsiumen/of ysterkonsentrasie in plantegroei in so ’n mate dat dit die opname van energie, minerale en vitamiene vanaf die diere se spysverteringskanaal na die bloedstroom verswak. Dit gebeur omdat die diere se spysverteringskanaal meer alkalies word. Weens gevolglike chemiese reaksies word kalsium, fosfor en magnesium in die urine en mis uitgeskei en die diere ontwikkel ’n tekort aan dié minerale. Deur dus lekke aan vee te verskaf wat minder kalsium en yster bevat, word die inname daarvan verhoog en kan boere baie op fosfaat, mangaan, sink, jodium, kobalt, koper en seleen spaar, sê dr. Chris Landman, ’n voedingspesialis van Waterford in die Oos-Kaap. Landman, wat in pasmaaklekke spesialiseer, sê tydens droogtes bevat veldweiding genoeg vesel, kalsium en yster, maar te min fosfaat,…

WEENS die droogte staar kleiner lammeroeste, dalende skoonopbrengste en breekwol wolboere vanjaar in die gesig. Daarby is boere bekommerd oor die tekort aan voer en stygende mielie- en lusernpryse, sê mnr. Leon de Beer, hoofbestuurder van die NWKV. “Wolboere is egter in die gelukkige posisie dat hulle nie net van ’n vleisinkomste afhanklik is nie en dat die tuimelende rand wolpryse skerp kan laat styg. Die wolontvangste by die hawe is reeds sowat 5% minder as in die ooreenstemmende tyd verlede jaar. Met die hervatting van die wolveiling in Port Elizabeth op Woensdag het wolpryse teen teetyd reeds met 14% gestyg. Die markaanwyser het op 16 447 punte te staan gekom vergeleke met die 14 145 punte op 9 Desember verlede jaar. Mnr. Andre du Toit, hoofbestuurder van BKB se…

1 ZIMBABWE | Verinheemsing gaan voort Ondanks sy ekonomiese probleme gaan Zimbabwe voort met sy beleid van verinheemsing. Die regering het pas verdere maatreëls aangekondig waarvolgens buitelandse maatskappye nie in uitgesonderde bedrywe, soos die landbou en kleinhandel, betrokke mag raak nie. ’n Spertyd van einde Maart is ook aan alle bestaande buitelandse maatskappye gestel om planne in te dien oor hoe hulle aan die beleid gaan voldoen om 51% van hul maatskappye se aandele aan swart Zimbabwiërs oor te dra. Pres Robert Mugabe het in Desember gesê daar sal vanjaar geen genade betoon word aan buitelandse maatskappye wat nie aan die beleid voldoen nie. Die regering gaan ook ’n bemagtigingsheffing instel waarvolgens maatskappye met ’n groter buitelandse aandeelhouding meer sal moet betaal. Slegs plaaslike beleggers mag sake doen in onder…

WYDVERSPREIDE reën oor groot dele van die somergraan-produksiegebied het die oorverhitte witmielieprys begin Januarie net onder die vlak van R5 000/t in sy spore gestuit. Dié prys, wat voor Kersfees op die Johannesburgse beurs deur die Amerikaanse invoerpariteitsvlak gebreek het, het teen middel verlede week rondom R4 600/t verhandel. Dit was steeds sowat R900 bokant invoerpariteit. Geel mielies het rondom R3 700/t, omtrent op Amerikaanse invoerpariteit, verhandel. Intussen duur ernstige kommer voort oor dreigende tekorte weens die voortslepende droogte in die komende bemarkingstyd, wat op 1 Mei sal begin. Die reën wat intussen geval het, is te laat vir boere wat nog nie mielies kon plant nie, ook in die westelike dele van die produksiegebied waar die meeste wit mielies tradisioneel verbou word. Boere daar kan wel sonneblomme plant, maar…

TE midde van die heersende droogte en die El Niño-weerverskynsel moet Suid-Afrika “beplan vir die ergste en hoop vir die beste”, want droogte bring al die swakhede in waterstelsels na vore. Só sê prof. Anthony Turton, ’n waterbestuurspesialis wat al lank die owerhede waarsku oor die drastiese daling in die hoeveelheid én gehalte van water in Suid-Afrika. Hy is vol lof vir me. Nomvula Mokonyane, die huidige Minister van Water en Sanitasie. Hy sê sy is die eerste waterminister sedert prof. Kader Asmal (wat die amp van 1994 tot 1999 beklee het) wat “wesenlike, getuienisgebaseerde beleid en wetshervormings oor die bestuur van water en sanitasie ingestel het”. Hy sê egter die gebruik om ongekwalifiseerde individue weens politieke redes verantwoordelik te maak vir waterbeplanning en reaksie op noodgevalle in Suid-Afrika se…

GRONDHERVORMING werk nie, want nuwe toetreders het nie ’n “institusionele geheue” van die landbou nie. Swart Suid-Afrikaners word ook verhinder om ’n demografiese dividend op te bou, want die staat vertrou hulle nie met eienaarskap nie, het dr. Piet Croucamp (LINKS), ’n politieke ontleder, onlangs op ’n vergadering van Durbanville se boerevereniging gesê. “Private boere se eie inisiatief én kapitaal verdwerg enige grondher- vormingspogings wat die staat al aangepak het. ’n Kenmerk van dié private inisiatiewe is dat eienaarskap oorgedra word. Hoekom vertrou die staat nie swart Suid-Afrikaners met eienaarskap nie?” Nie eens Suid-Afrikaners met huise wat onder die Heropbouen Ontwikkelingsprogram (HOP) gebou is, kry ’n titelakte nie. Croucamp sê die verskil tussen wit en swart Suid-Afrikaners is dat wittes ’n “demografiese dividend” het wat toegang tot bates moontlik maak,…

Die helfte van die wêreld se kos wat uit die water kom, word deur boerderye gelewer en kom nie uit vangste nie, sê mnr. Ferdie Endemann, spesialisvoorligter in akwakultuur van die Wes-Kaapse departement van landbou. Talle boere benut akwakultuur as ’n boerderyvertakking, sê hy. Die belangrikste vereiste is die beskikbaarheid van markte. Akwakultuur behels nie net visboerdery nie, maar ook die produksie van plante én diere in die water. Dit kan klein vissies of perlemoentjies behels wat terug in die see of in ’n dam gesit en later weer gevang word. Dit kan ook intensiewe produksiestelsel wees, soos ’n voerkraal in beesboerdery, waar hoë digthede van die spesie vir ’n hoër opbrengs bestuur word. Ferdie sê, soos in enige ander boerdery, geld die basiese beginsels. Dit sluit in die beskikbaarheid…

’n Allemintige 2 000 teelkoeie is waaruit die hedendaagse Hereford-stoetery van die Kösters van Pretoria ontstaan het. Die Vicedale Hereford-stoetery is in 1948 op Vryburg deur die Hereford Ranching Corporation van mnre. Monty Ross en Harry Joffee (in ’n stadium voorsitter van Premier Milling) gestig. Die stoetery is 1952 aan Jaros Investment Co. verkoop, met mnr. Hans Köster (Hinner en Heiko se pa) as hoofbestuurder. In 1957 is die maatskappy aan mnre. Bokkie Niselow en Morris Hyman verkoop en die maatskappy se naam is na Jarrosson Estates verander. Hans is as besturende direkteur aangestel met die verantwoordelikheid om die maatskappy se stoetbeesafdeling uit te bou tot ’n internasionale, erkende kudde. Uiteindelik was die stoetery die grootste Herefordstoetery ter wêreld en een van die grootstes van alle beesrasse op aarde. Toe…

Sowat 20% meer mense het vanjaar ingeskryf vir die Wes-Kaapse Prestige Agripryse (voorheen die Plaaswerker van die Jaar-kompetisie). Vanjaar het 1 247 landbouwerkers eers op streeksvlak in 15 verskillende kategorieë deelgeneem. Vir elke streek is ’n streekswenner aangewys, waaruit die Landbouwerker van die Jaar gekies is. Deelnemers is beoordeel volgens hul ervaring en landboukundige vaardighede, asook algemene kennis van die landboubedryf en finansiële sake in die land en op die plaas (soos die begroting en kosteberekenings). Hulle is ook uitgevra oor onderwerpe, soos swart ekonomiese bemagtiging en die uitvoerketting. Mnr. Alexious Shoko het as wenner uit die stryd getree. Mee. Lien Visagie van Witzenberg en Martha Januarie van die Hexvallei was in die tweede plek. Mnr. Cornel Paulse van Franschhoek was derde. Alexious het R20 000 kontant, R20 000 se…

SIEKTES BARRY COATES DRIE-DAE-STYWESIEKTE: WAT JY MOET WEET Drie-dae-stywesiekte (DDS) is ’n siekte wat tot groot verliese in melkproduksie én selfs die dood van koeie kan lei. Waarvoor moet ’n mens op die uitkyk wees en wat staan ’n jou te doen as dit toeslaan? Gedurende die somer kan drie-dae-stywesiekte (DDS) miljoene rand se verliese veroorsaak vanweë ’n afname in melkproduksie en koeisterftes. Behalwe sekere dele van die Karoo kan dié siekte regoor Suid-Afrika voorkom. DDS lei tot ’n dramatiese agteruitgang in die kondisie van beeste. Dit word veroorsaak deur ’n virus wat hoofsaaklik deur Anopheles en Culex spp.-muskiete en die Culicoides spp.-muggie na beeste oorgedra word. Uitbrekings kom gewoonlik voor wanneer die insekte aktief is, veral in die tweede helfte van die somer en in die herfs tot met…

LIGGING Robertson, Wes-Kaap NASIONALE HACKNEYPONIE-KAMPIOENSKAPPE WES-KAAP SE SAALPERDWENNERS…

In die algemeen het die produksie van vrugte baie gunstig vertoon en die afgelope dekade met gemiddeld meer as 30% gegroei. Dié groei is grootliks gerugsteun deur vier van die groot produkte, naamlik lemoene, pomelo’s, pere en druiwe. Die bruto waarde van die vrugte wat gelewer is, is een en ’n half keer meer as tien jaar gelede. Die grootste groei kom van lemoene, suurlemoene, pere en druiwe, waarvan die waarde almal drie keer soveel is as wat dit in 2005 was. Uitvoer was die bemarkingskanaal wat die grootste inkomste gelewer het en ook in die toekoms kan lewer. Die verwerking van vrugte is egter ewe belangrik en lewer ook ’n goeie inkomste vir boere. Gegrond op hierdie inligting glo ek vrugteboere is verseker van ’n goeie toekoms. Daar is…

WAT VERKOOP JO’S SOAP? Ek maak ’n reeks natuurlike kruiesepe van olyfolie, klapperolie, bokmelk en gliserien. Dit word met plantolies gegeur. Daar is omtrent 15 verskillende geure, van sitronella tot ylang-ylang. Ek maak ook natuurlike skoonheidsprodukte, soos tandepasta, lipsalf en sjampoe. HOE HET DIE BESIGHEID ONTSTAAN? Ek is ’n nuuskierige mens wat altyd vroetel. Terwyl ek 15 jaar gelede my jongste verwag het, het ek ’n boek oor seepmaak by die biblioteek uitgeneem. Dit was die begin. Ek het ’n paar sepies gemaak en vir my vriendinne gegee. Hulle was baie opgewonde en het gesê ek moet dit verkoop. Kort daarna was hier ’n fees, waar ek ’n stalletjie gehad het. My seep het soos soetkoek verkoop. DOEN JY DIT ALLES SELF? Ja, op die oomblik koop ek die onverwerkte…

DIE landboudienste-en-verwerkingsmaatskappy Afgri het sy belange die eerste keer na Asië uitgebrei met die sluiting van ’n samewerkingsooreenkoms met ’n Indiese landboumaatskappy. Mnr. Chris Venter, uitvoerende hoof van Afgri, sê die twee maatskappye is aan mekaar voorgestel deur hul gemeenskaplike meerderheidsaandeelhouer, Fairfax Financial Holdings. Die ooreenkoms bied geleenthede vir uitbreiding en ontwikkeling aan sowel Afgri as National Collateral Management Services (NCML). “Die Indiese landbousektor verskil baie van Suid-Afrika s’n. Indiese boere boer meestal op klein skaal op plase van ’n halwe tot twee hektaar groot,” sê Venter. “Boere oes in sakke en verkoop dan die sakke by spesiale koopsentrums. Daar is dus geleenthede om ’n stelsel vir grootmaathantering te ontwikkel.” Die handelsvloei van produkte tussen Afrika en Indië sal bevorder word. “Van ons kant kan ons baie by hulle leer…

TE MIDDE van die ongunstige ekonomiese vooruitsigte vir vanjaar is dit belangrik dat Suid-Afrikaners hulself voortdurend daaraan herinner dat ons land een van min lande wêreldwyd is wat goedkoop voedsel vir sy burgers kan produseer. Dié prestasie kan aan ’n doeltreffende sakeklimaat toegeskryf word, asook produsente wat oor wêreldklas-kundigheid, ervaring en tegnologie beskik. Dit is bemoedigend, veral as ’n mens in ag neem dat daar faktore is wat Suid-Afrika se ekonomie kan benadeel. Dié faktore sluit die volgende aspekte in wat sake en beleggingsvertroue skaad: Die effek van China se markprysdalings, die devaluering van die yuan en die gevolglike swakker rand. Die groter wordende tekort op die handelsbalans en die beperkte terugbetaalvermoë van regeringskuld. Moontlike afgraderings van Suid-Afrika deur kredietgraderingsagentskappe binne ’n tydperk van 18 maande tot rommelstatus Buitelandse beleggers…

DIE oes van rooibostee het vanjaar vroeg begin vanweë warm en besonder droë toestande in die Wes- en Noord-Kaap. Boere moet onverpoos tee sny omdat rooibosplante geneig is om in ongunstige toestande hul blare af te gooi, sê mnr. Martin Bergh, besturende direkteur van Rooibos Bpk. op Clanwilliam. “Die teegehalte word benadeel as die verhouding tussen die stamme en blare te groot is omdat die waarde in die blare lê.” Die teeboere verwag dat vanjaar se oes dié van verlede jaar kan ewenaar omdat hulle die afgelope paar jaar meer rooibos geplant het en daar meer hektare tee is om te oes. Bergh sê die opbrengste per hektaar gaan laer wees. Verlede jaar was die rooibos-oes sowat 11 000 ton, maar verkope was meer as 15 000 ton. Vanjaar verwag…

2016 FEBRUARIE WILLOWMORE 11-12, Willowmore-skou, (Oos-Kaap: Boerbokke), Dorper, Merino, Angora. Jeugskou. Kobus Lötter, sel 082 432 2393; Amour Strydom (sekretaresse), sel 082 459 6696. VICTORIA-WES 11-13, Victoria-Wes-skou. Kraampies, Ilze, tel. 071 675 8878, of sel 082 940 8231. E-pos: vicwes landbou@gmail.com. HEIDELBERG 11-13, Heidelberg-landbouskou. (Skaap, bees en FNB: Hackney.) Perdeskou en vele vermaak vir besoekers. Lindie Giliomee, sel 084 575 9984. RIVERSDAL 17-20, Riversdal-skou. E-pos:riversdalskou@gmail.com, of skou@riversdaler.co.za. MURRAYSBURG 19, Murraysburg-landbouskou. Veld-Merino, Dorper, steak- en seekosete, VLVmini-skou. Gratis uitstalruimte beskikbaar. Roelou van Heerden, sel 082 413 3929, tel. 049 853 9940. DE AAR 25-27, Sentrale-Karoo, (SA Saalperd, Hackney), Marius Pienaar, tel. 053 631 7175, sel 083 282 3582, S.O. Vermeulen, sel 083 308 4250. (Veld-Merino), Bennie Steyn, sel 082 772 4548, Reinard Kock, sel 082 373 5546, Craig Ferreira, sel 083…

HOE ZUMA VERKEERD BEWYS WORD Ek en pres. Jacob Zuma was albei die afgelope feestyd op die platteland by ons families. Zuma is seker in die gemak van ’n lugmaghelikopter na Nkandla gekarwei. Vir ons was dit ’n 1 000 km-padreis, met die droogte net anderkant die motorruit. Net Graaff-Reinet was wonderbaarlik en onverklaarbaar ’n groen oase. As Zuma padlangs gery het, sou hy sy karvenster plek-plek in Zoeloeland moes toemaak teen die stank van ontbindende beeste, soos twee Nguni-stoetboere wat daarlangs gery het, vertel. Jy sien duisende dooie diere wat die laaste bietjie welvaart van honderde gesinne verteenwoordig. En dit nadat hul broodwinners hul werk in die mynafdankings vroeër verlede jaar verloor het. ’n Week of wat daarna, in sy eerste toespraak in die nuwe jaar, laat blyk Zuma…

PEET PIENAAR SE VOORSPELLINGS VIR REËN Die weerkenner prof. Peet Pienaar se voorspelling vir reën in die somer- en wintereëngebied het tot ongekende belangstelling op Landbou.com gelei. Binne enkele dae is die berig deur Carien Kruger (sien ook LBW, 8 Januarie, bl. 14) meer as 100 000 keer gelees en meer as 70 mense het kommentaar gelewer. Pienaar het voorspel dat dit van 10 tot 17 Januarie in die somerreëngebied kan reën, en afwisselende buie kan van 24 tot 31 Januarie voorkom. Hiernaas is van die kommentaar. RITA VENTER skryf: Ek sal graag meer van prof. Pienaar se voorspellings en waarnemings wil hoor. SYBRAND C. BAARD skryf: Dis wonderlik om te sien dit gaan iewers reën. Ek hoop dit reën ons ook raak in Namibië. HELENE skryf: Dis wonderlik om…

WEENS die ernstige droogte in die somerreëngebied is baie minder mielies aangeplant en gaan daar in die winter min oesreste vir voer beskikbaar wees. Mnr. Rudi Kuschke, weidingkundige van Klein Karoo Saadbemarking, gee hier raad oor wat tot einde vandeesmaand geplant kan word, mits goeie reën val. Sugargraze (soetsorghum x soetsorghum-baster) kan tot einde vandeesmaand geplant word met die oog op staandehooi tot September/Oktober. Dit moet verkieslik in rye geplant word, teen 5 kg/ha in die ooste en 3 kg/ha tot 4 kg/ha in die weste. Ander voersorghums word onsmaaklik met die bereiking van wasdom. Sugargraze se suikerinhoud styg tot 36% by sagtedeeg, daarom die uitstekende staandehooi. Laat Sugargraze toe om uit te groei tot die ryp geval het. Japannese radys kan teen 1 kg/ha saam met die Sugargraze in…

DIE saadmaatskappy Pannar het ’n nuttige boerderyrekenaar aanlyn beskikbaar gestel waarmee boere kan bereken of dit die moeite werd is om mielies oor te plant. Me. Christin Hunter, woordvoerder vir Pannar, sê die rekenaar is al baie jare as ’n Excel-sigblad beskikbaar vir interne gebruik deur hul landboukundiges en verteenwoordigers. Mnr. Nico Barnard, landboukundige navorser, het die boerderyrekenaar ontwikkel. Boere kan dit nou via die maatskappy se webtuiste, www.pannar.com, gebruik. Dit is sowat ’n maand gelede op dié webwerf beskikbaar gestel en het sedertdien honderde aktiewe gebruikers gelok. Die rekenaar bereken die verwagte koste vir die oorplant vir verskillende plantestande en die ontkiemingspersentasies in verskillende klimaatstreke nadat ’n aanplanting beskadig is. Dit is een van talle aanlynrekenaars op die maatskappy se webtuiste. Met van die ander gewilde rekenaars kan die…

DIE eerste geval van weerstandigheid by diere in Suid-Afrika teen die antimikrobiese middel Colistin is verlede week bevestig. Dié middel word gewoonlik as ’n laaste uitweg teen bakteriële infeksies gebruik. Dit volg nadat ’n geen wat bakterieë teen dié middel weerstandig maak, einde verlede jaar in China ontdek is. Dié geen, bekend as MRC-1, is toe geïdentifiseer in monsters wat in die laaste kwartaal van verlede jaar by verskeie plaaslike pluimveeplase ingevorder is, sê mnr. Johan Oosthuyse, uitvoerende hoof van die diere-farmaseutiese maatskappy V-Tech wat infeksies, die toediening van medikasie en die herstel van vee op 60% van Suid-Afrikaanse pluimveeplase monitor. Die maatskappy het kort ná die ontdekking in China saam met Switserse wetenskaplikes toetse vir die teenwoordigheid van die weerstandigheid in Suid-Afrika begin ontwikkel. “Wat kommerwekkend is, is dat…

AL dra die landbou net 11% by tot die Aarde se koolstofspoor, is dit ontstellend dat politici die besluite neem oor watter hulp na boere sal afwentel om die gevolge van klimaatsverandering die hoof te bied, sê mnr. Wayman Kritzinger (foto bo), voorsitter van Agri SA se nasionale hulpbronbeleidskomitee. Kritzinger was verlede maand op uitnodiging van die World Farmers’ Organization by die Verenigde Nasies se klimaatsveranderingskonferensie COP21 se beraad oor klimaatsverandering in Parys, Frankryk. Hy sê daar word gesaghebbend bereken dat landbouproduksie weens klimaatsverandering met 11% tot 18% per jaar gaan afneem en sowat 70% meer voedsel sal teen 2050 gelewer moet word om die wêreldbevol king van ’n geskatte 9,6 miljard mense te voed. Die geld wat nywerheidslande deur koolstofkrediete aan ontwikkelende lande, soos dié in Afrika, beskikbaar gaan…

“Vir stede is die huidige praktyk om genoeg water op te berg om in die behoefte van elke streek te voorsien tydens die ergste verwagte toestande in 50 jaar,” sê dr. Mike Muller, ’n siviele ingenieur en beplanner. “Om dié teiken te bereik vir die groeiende bevolking van Gauteng, Suid-Afrika se ekonomiese spilpunt, moet ’n nuwe dam gebou word. Die aangewese plek is die Polihali-dam, wat as Fase 2 van die Lesotho-Hoogland-waterprojek bekend staan. “Soos alte dikwels die geval in Suid-Afrika is, lê die probleem nie by die plan nie, maar by vertragings in die inwerkingstelling daarvan. Volgens die oorspronklike beplanning moes die dam al teen 2018 voltooi gewees het. Weens die stadige vordering verstaan ek dat dit nou nie voor 2024 water sal kan voorsien nie. “So vir minstens…

’n Kommersiële kloonsentrum, die grootste ter wêreld, open dalk reeds vanjaar in die noordelike Chinese stad Tianjin. Die sentrum gaan 14 000 m2 beslaan en beoog om aanvanklik sowat 100 000 vleisbeesembrio’s per jaar te lewer. Bouwerk aan die hoofgebou het reeds begin. Die Boyalife-groep, ’n Chinese maatskappy wat onder meer stamselnavorsing doen, het in November 200 miljoen yuan (sowat ’n halfmiljard rand) in dié projek belê. Volgens mnr. Xu Xiaochun, Boyalife se raadsvoorsitter, is die kloonsentrum se hooffokus kunsmatige oplossings vir China se groeiende behoefte aan vleis. Hy sê die land se beesboere kan nie bybly met die land se bevolkingsgroei nie. Die sentrum wil uiteindelik ’n miljoen vleisbeesembrios per jaar lewer en gaan ook resiesperde, speurhonde en troeteldiere kloon. Hulle kyk ook na moontlikhede wat betref die bewaring…

’n Israelse firma het ’n vernuwende “boom” ontwikkel wat met sonkrag elektrisiteit opwek. Dit bied aan verbygangers ’n plek bied om te rus, hul elektroniese toestelle te herlaai en met WiFi aan die internet te koppel. Die eTree is ’n produk van die maatskappy Sologic. Dit is toegerus met ’n reeks sonpanele op “takke” wat sonkrag opwek. Hierdie elektrisiteit dryf USB-herlaaipunte vir mobiele toestelle aan, gratis WiFi vir die omringende gebied en ’n LCD-skerm waarop inligting vertoon word, soos hoeveel elektrisiteit die boom opwek. Snags verlig die eTree die omgewing. Afgesien van kragopwekking bied die sonpanele ook skaduwee aan omstanders wat hulle op bankies onder die panele kan tuismaak. Die eTree is ontwerp om in woonbuurte en stedelike ruimtes, soos parke, skole en universiteite, ingespan te word. Die eerste een…

Die rede waarom baie mense later in hul lewe in finansiële ellende leef, of wie se naasbestaandes in finansiële ellende agtergelaat word, is in baie gevalle bloot omdat daar min of geen beplanning gedoen is nie. Maar, dan moet ek bysê, baie se finansiële ellende is juis omdat hulle die verkeerde mense vertrou het. Ons bekyk dié saak dus uit twee hoeke. Ek het eendag gelees iemand sê as mense die waarde van ’n goeie finansiële beplanner besef, sou hulle in toue voor sy deur gestaan het. Uit ervaring kan ek dit onderskryf. IN WIE SE BELANG TREE HY OP? Die eerste vraag is: Wie se agent is dié persoon? Is hy jou agent? Dis eintlik al wat tel. As ek my geldsake, en my vrou of man en kinders…

VOERONTLEDER MEET WAT IS IN JOU RANTSOEN Die XNIR ™ is ’n draagbare handtoestel vir graanof voerontleding. Die boer kan dus binne sekondes die eienskappe van voerrantsoene, soos kuilvoer, vasstel deur die persentasie vog, stysel, ruproteïen, suurbestande vesel (ADF), neutraalbestande vesel (NDF), as en vette te bepaal. Só ’n toestel is veral nuttig vir melkboere. Beter beheer oor wat in die totaal gemengde rantsoen voorkom en hoe dit by verskillende kuddes se voedingsbehoeftes inpas, is dus met hierdie toestel moontlik. Die onmiddellike assessering van die rantsoen spaar tyd en beperk die vermorsing van grondstowwe. Verhoog winsgewendheid en verbeter koeiprestasie deur veral droëmateriaal, energieen proteïenvlakke in die rantsoen te monitor en waar nodig aan te pas. Die toestel is maklik om in te stel en te gebruik en die resultate is…

SIEKTES FAFFA MALAN Hoe kry beeste knopvelsiekte? Al die metodes van die oordraging van knopvelsiekte is nog nie presies bekend nie. Knopvelsiekte kom meer gedurende die nat somer- en herfsmaande voor, veral in laagliggende gebiede en waterbane. Uitbrekings kom wel ook gedurende droë tye en die wintermaande voor. Die virus wat die siekte veroorsaak, is tot dusver nog nie uit muskiete en muggies geïsoleer nie. Onlangs is bekend gemaak dat blou-, bont- en bruinoorbosluise knopvelsiekte kan oordra. Die virus is wel uit stalvlieë (Stomoxys spp.) en die Musca confiscata geïsoleer, maar pogings om die siekte met die vlieë oor te dra, was nie suksesvol nie. Daar is ook gevind dat die virushoeveelhede in die bloed van ’n dier wat knopvelsiekte het, so laag is dat die meganiese oordraging deur insekte…

1 Senior kampioenhings, Shani Commander. Eienaars: Mnr. Danie en mev. Alta Alberts (sel 076 351 7196), Marocco-stoetery, Paarl. Vertoner: Mnr. Abdulla Davids. 2 Junior kampioen in die enkeltuig (4 jaar tot 5 jaar), Marocco Masterpiece. Eienaar en vertoner: Mnr. Abdulla Davids (sel 082 957 2502), Marocco-stoetery, Kaapstad. 3 Kampioen in die enkeltuig (2 jaar en ouer), King of Hearts. Eienaar: Mnr. Waleed Dirk (sel 082 556 9673), Dirk Bros-stal, Philippi, Kaapstad. Vertoner: Mnr. Robert Dirk. Waleed het ook Sweet Smile, die senior kampioenmerrie én die grootkampioen in die enkeltuig, en Eldorado, die junior kampioen in die enkeltuig (3 jaar en ouer), vertoon. 4 Grootkampioen in die siertuig, Great Ideas. Eienaar: Mnr. Adam Brenner (sel 083 448 2194), Brenner-stal, Kaapstad. Vertoner: Mnr. Dawood Davids. 5 Grootkampioene in die dubbeltuig, Chrisalta Show…

Die Port Elizabeth-gholfklub, in die middel van die stad en algemeen bekend as The Hill, is glo die naasoudste geregistreerde klub in die land (ná Royal Cape) en die oudste in die Oos-Kaap. Die SA Ope is in die vroeë 1890’s daar aangebied toe ’n goeie kampioenskaptelling ongeveer 82 houe oor 18 putjies was. The Hill se baanrekord staan vandag op 63. Dis natuurlik in ’n ander era, maar hoewel The Hill dalk nie onder die topbane tel nie, is die SA Amateur sowel as die Interprovinsiale toernooi onlangs weer hier gehou. Die agttiende putjie was in die vroeë 1900’s die middelpunt van groot konsternasie toe die heel eerste vlug vanaf Kaapstad ná 5 uur en 20 minute daar in ’n sandkuil geland het. Volgens die vlieënier, ene majoor Miller,…

DIE pluimveeprodusent Astral het ’n uitstekende boekjaar in 2015 agter die rug. Hy waarsku egter moeiliker omstandighede wag op die pluimveebedryf. Mnr. Chris Schutte, uitvoerende hoof, sê teenstortingstariewe vir invoer uit Duitsland, Nederland en Brittanje het nie vanjaar invoer uit die Europese Unie (EU) gestuit nie, maar bloot daartoe gelei dat invoer uit ander lidlande van die EU gekom het. REKORD-INVOER In Julie was die totale pluimvee-invoer op rekordvlakke – gelykstaande aan sowat 8,6 miljoen hoenders per week. “Dit was ondanks die swak rand. Die hoë vlak van invoer bewys duidelik dat storting steeds plaasvind,” het Schutte in ’n verklaring oor die groep se finansiële resultate vir die jaar tot einde September gesê. Volgens hom gaan die verwagte kwota van 65 000 ton Amerikaanse hoender wat ingevoer gaan word, die…

PPC Sement, ’n toonaangewende Suid-Afrikaanse sementverskaffer, is die landboumaatskappy Kaap Agri se Verskaffer van die Jaar 2015. Altesame 30 verskaffers is benoem en daar was vanjaar 13 nuwe benoemings. Mnr. Sean Walsh, besturende direkteur van Kaap Agri, het op die oorhandigingseremonie by Hermon gesê die landbou beleef deesdae uiters moeilike tye. Volgens hom het die nuwe verskaffers dus ’n streng siftingsproses deurloop aangesien dit nie maklik is om in die landbou sake te doen nie. Hy het onder meer na een van die ergste droogtes in dekades in Suider-Afrika verwys. Kaap Agri se aankope die afgelope 12 maande van die 30 topverskaffers was bykans R2,3 miljard – 41% van sy totale aankope. In 2012 het Kaap Agri sy eerste 100 miljoen liter brandstof verkoop en volgens Walsh behoort dit volgende…

Daar is ’n groot aanbod van puik aanteelvee en boere wat weiding het, word genooi om met hul afslaers te praat om van die vee te koop. Pryse word verskaf deur Noordkaap Lewendehawe (Kroonstad), BKB (Gouda) en GWK (Kimberley). Internasionaal: Die prys van mielies het met 2,2%, oftewel $3,10/t (R49,14/t), gedaal tot $139,30/t (R2 208/t). Op ’n jaargrondslag is dit 10,9%, oftewel $17,12/t (R271,38/t), laer. Verwagte pryse: Maart – $139,44/t (R2 210/t), Mei – $141,80/t (R2 248/t), Julie – $144,17/t (R2 285/t), September – $146,61/t (R2 324/t). Plaaslik: Die Safex-prys vir wit mielies het met 3,5%, oftewel R170/t, gedaal tot R4 660/t. Die prys van geel mielies het met 5,4%, oftewel R210/t, gedaal tot R3 690/t. Op ’n jaargrondslag is dit 135,7%, oftewel R2 683/t, hoër vir wit mielies, terwyl…

Die trekkerverkope van 246 eenhede in Desember is byna 30% laer as die 344 eenhede wat in die ooreenstemmende tyd die vorige jaar verkoop is. Verlede jaar se verkope is 12% laer as dié in 2014. Die 5 stropers wat verkoop is, is aansienlik laer as die 8 van verlede Desember. Stroperverkope vir die jaar is sowat 37% laer as dié van die vorige jaar. Die situasie het sedert verlede maand weens die droogte- en hittegolftoestande versleg. Somergewasse wat in die ooste van die land aangeplant is, lyk betreklik goed, maar opvolgreën is dringend nodig. In die weste (Wes-Vrystaat en Noordwes) is aansienlik minder aangeplant as in die vorige jaar. Die situasie sal duideliker wees sodra die Oesskattingskomitee sy voorlopige ramings vir aangeplante somergewasse teen einde vandeesmaand beskikbaar stel. Nie-amptelike…

’nRekordprysvanR500000vir ’nrooiBrangusbul(MasterJack) isopdieBrangus-rasgenootskap senasionaleveilingverledejaar opHarrismithbetaal. DiebulisdeurTweePlus-boerderyvanAliwal-Noordgeteelen aanMashininiEnterprisevan Bethlehemverkoop. Nóg’nrooibul(RankingRock, SW1358)watdeurSleewijkBrangus, Brandfort,geteelis,isteen R400000aanLeRocBrangus, Tweespruit,verkoop. Altesame70bulleisopdie nasionaleveilingteengemiddeldR59900stukverkoopen 41vroulikediereteengemiddeld R22146stuk. Verledejaarisnegeproduksieveilingsenvierklubveilingsaangebiedwaartydens288bullegemiddeldR31631stukbehaalhet en564vroulikedieregemiddeld R13807stuk. SleewijkBrangussebulDiesel (SW0930)isasZoetissemees beproefdebulopdieAldamVleisbeesskoolaangewys. Met’nkoei-kalf-verhouding vanongeveer48%isdieBrangus ’nwinswenneropdieveldenindie voerkraalmet‘nuitstekendenaspeengroei, voeromsettingsverhoudingendaagliksegewigstoename. VirdieBrangus-rasgenootskapisditverblydendomte sienhoeprestasiesyfers,visuelewaarderingenveilingspryse sterkgekoppelis.…

ALGEMEEN 1 SEPTEMBER 2015-29 FEBRUARIE: Gabriëlskloof se kosblik-ervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabrielskloof.co.za. 28-30 JANUARIE: Sentrale Boerbokveiling (Ian Brown CMW), Caroll-Ann Mienie, sel 079 477 4416, Afridome-skouterrein; web: www.afridome.co.za. 1-6 FEBRUARIE: Boerbokveiling, Caroll-Ann Mienie, sel 079 477 4416, Afridome-skouterrein; web: www.afridome.co.za. 11-13 FEBRUARIE: Heidelberglandbouskou: Skaap-, bees- en perdeskou, e-pos: bwonder mail@gmail.com, Lindie Giliomee, sel 084 575 9984. 12-14 FEBRUARIE: Perdespring, Afridome-skouterrein. Caroll-Ann Mienie, sel 079 477 4416; web: www.afridome.co.za. 15-20 FEBRUARIE: Bobaas-Boerbokveiling, Afridome-skouterrein. Caroll-Ann Mienie, sel 079 477 4416; web: www.afridome.co.za. BOEREDAE 8 MAART: MPO Wes-Kaap. George, Tramonto. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. 9 MAART: MPO Wes-Kaap. Swellendam, Chris & Ella. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. KURSUSSE 11-12 JANUARIE: Fynproewersampioenverbouing, entrepreneursvlak. Kaapstad.…