Landbouweekblad 15-Jan-16

LIETSJIES UITGEVOER Die lietsjiebedryf toon sterk groeipotensiaal nadat daar verlede maand vir die eerste keer lietsjies na Amerika uitgevoer is. Die besending is per vliegtuig uit Mpumalangana Atlanta vervoer en met die vrag se aankoms is dit bestraal om aan Amerika se streng fitosanitêre vereistes te voldoen. Volgens die Departement van Landbou, Bosbou en Visserye vorder verkope fluks en is nog bestellings reeds ontvang. In 2014 was SA se bruto inkomste uit dié bedryf R120 miljoen. TAAKSPAN WOEL Die Suid-Afrikaanse droogtetaakspan onder leiding van mnr. Omri van Zyl, uitvoerende hoof van Agri SA, behoort aan die einde van Januarie’n verslag uit te bring oor die omvang van die ramp, die ramphulp wat benodig word en waar dit benodig word. Die primêre doel is om die landbousektor in stand te hou…

62 Die plaasmoordsyfer het vir die vyfde agtereenvolgende jaar toegeneem, aldus AfriForum. In 2014 is 61 plaasmoorde bevestig en teen Kersfees laas jaar het die plaasmoordsyfer vir die jaar al op 62 gestaan. Daar was wél minder plaasaanvalle, maar meer moorde. In 2014 is 279 aanvalle aangeteken en verlede jaar is 270 aanvalle tot voor Kersfees aangemeld. Die meeste moorde was in Gauteng (13), gevolg deur Limpopo (11) en KwaZulu-Natal (8). – AfriForum 33,3% Die rand het verlede jaar bykans ’n derde van sy waarde teenoor die dollar verloor en aansienlik bygedra tot die styging in brandstofpryse. Op 29 Desember 2014 het die rand teen R11,60 teenoor die dollar verhandel en op 29 Desember verlede jaar was dit R15,30. Weens pres. Jacob Zuma se optrede verlede maand het die rand…

ELLENDE. Die wurggreep waarin die uitmergelende droogte die sentrale dele van Suid-Afrika het, is duidelik te sien in die stand van die riviere en damme in die Vrystaat en die res van Suid-Afrika. (Sien die grafika op bl. 15). Hier is die kurkdroë loop van die Caledonrivier soos dit op 26 Desember verlede jaar gelyk het waar die N6 dit net buite Rouxville in die Suid-Vrystaat oorsteek. Op die oewer het spilpunte, wat van besproeiingswater uit die rivier afhanklik is, ledig gestaan. In daardie stadium het die Oranjerivier by Aliwal-Noord nie meer gevloei nie, terwyl die dorpsdam by Smithfield reeds weke lank opgedroog was.…

Die invloedryke sake-publikasie The Economist het in sy Kersuitgawe groot opspraak gewek toe hy in ’n lywige artikel skerp kritiek gelewer het oor die wyse waarop pres. Jacob Zuma en die ANC-regering Suid-Afrika regeer. Daar word breedvoerig verslag gedoen oor die onbesonne optrede van Zuma met die onverwagse en eensydige afdanking van mnr. Nhlanhla Nene as Minister van Finansies en die skadelike gevolge wat dit vir die land inhou. Die artikel sê die uitdaging vir voorstanders van die demokrasie lê daarin om die onafhanklikheid van die howe en dít wat van ander instellings oorgebly het, te probeer beskerm omdat Zuma ’n neiging toon om dit te probeer verwoes. As hy nie gekeer word nie, loop die land die gevaar dat hy net ’n leë dop van dié demokrasie gaan nalaat…

‘Jou saak met jou Skepper moet reg wees wanneer jy op ’n moordenaar se spoor begin loop.’ Mnr. Sakkie Louwrens, misdaadbestryder van die Heritage Protection Group in Limpopo. Bl. 22 ‘Baie boere het besluit om die kans te waag om in droë grond te plant met die verwagting dat dit sal kom reën. Dit het egter nie gebeur nie.’ Me. Petru Fourie van Graan SA. Bl. 14 ‘Ek meen pres. Bill Clinton se visie met Agoa het verlore geraak, en eng kommersiële belange tree na vore.’ Mnr. Kevin Lovell, uitvoerende hoof van die SA Pluimveebedryf. Bl. 18 ‘Dit het nou die boere se heeltydse werk geword om die myne op te pas.’ Mnr. Piet Schutte, boer van Delmas, wat langs ’n Gupta-steenkoolmyn boer. Bl. 20 ‘Ons is gewoond aan hittegolwe,…

Dit is nie veronderstel om so te lyk nie. Die Kraairivier, wat die water uit al Barkly-Oos se honderde kilometers riviere en bergstroompies ontvang en dit dan naby Aliwal-Noord in die Oranjerivier stort, is nou niks meer as ’n paar poele onder in die vallei nie. Dit is die eerste keer in 43 jaar se besoeke aan die distrik dat ek dit só sien. ’n Paar dae tevore raak Aliwal-Noord se dorpswater op: Die eerste keer in die geskiedenis van ’n dorp wat op die oewers van een van ons grootste riviere staan. Die bietjie water in die winkels hou ook nie lank nie. Daar word darem water uit die Katse-dam in Lesotho gelaat. Terwyl almal wag daarop, spring die plaaslike Shoprite/Checkers in met skenkings van gebottelde water. Dis nie…