Innholdsfortegnelse for 25 July 2024 i Landbouweekblad

Bibberweer Van die hoogste chardonnay- en shiraz-wingerde in die Wes-Kaap by Laastedrif-boerdery, teen die Matroosberg buite Ceres, is met ’n sneeukombers bedek. Rossouw Cillié, direkteur van die boerdery, sê hy het dié wingerd geplant as ’n eksperiment en as dit werk, sal hy dit oorweeg om nog wingerd te plant. Op 7 en 8 Julie het van die digste sneeu op die plaas geval sedert 2000, toe die sneeu 60 cm diep was. Cillié sê hulle kry jaarliks twee tot drie keer sneeu. Sneeu is ideaal vir die vrugteboorde op die plaas, want dan gaan dit in diep rus in en bou koue-eenhede op. Van 7 tot 12 Julie het meer as 100 mm reën ook op die plaas geval. Baie gewasse, soos steenvrugte, druiwe, neutsoorte en winterkoring, het ’n…

In eg Suid-Afrikaanse tradisie het grappe oor die land se nuwe ministers slegs ure ná pres. Cyril Ramaphosa sy nuwe kabinet aangekondig het, hul opwagting op sosiale media begin maak. Die grappe oor John Steenhuisen, die nuwe minister van landbou, het gewissel van Dear John wat nou John Deere geword het, tot ’n foto van dié man se gesig op ’n stel sterk bene in bekende kortbroek-boeredrag in ’n mielieland – natuurlik ’n voorstelling van sy eerste dag op kantoor. En dan’s daar die video van ’n trekker wat volspoed aan die jaag is met ’n lyfwagvoertuig wat agterna kom. Dis vir Manie lekker om by sy kollega te hoor dat ons nuwe minister die grappe met die nodige knippie sout neem en lekker saamlag. Hy het selfs opgemerk dat…

IN ’n week van uiterstes het groot dele van Suid-Afrika deurgeloop onder swaar reën, digte sneeu, swartryp en brande. Die Wes-Kaap is teen druktyd reeds tot rampgebied verklaar. Wouter Kriel, woordvoerder van die Wes-Kaapse departement van plaaslike regering, omgewingsake en ontwikkelingsbeplanning, sê hulle bly die situasie monitor aangesien verdere reën verwag word. “Riviere en damme is vol en nog reën kan verdere oorstromings veroorsaak.” Stormsterk wind en hoë deinings het werksaamhede in die hawens in Kaapstad, Saldanha, Gqeberha en Ngqura belemmer. Luidens ’n verklaring deur Transnet het sterk wind van 35 tot 50 knope, asook seedeinings van hoër as 3,5 m, veroorsaak dat skeepsbewegings ter wille van veiligheid opgeskort moes word. Humanitêre krisis kan ontwikkel Meer as 40% van Citrusdal se oes moet nog gepluk word, en die mees onlangse…

Die wolskaapbedryf bly die belangrikste bedryf in die meeste dele van die Oos-, Noord- en selfs die Wes-Kaap. Die wolbedryf is heeltemal op uitvoer gegrond en as sodanig word sy wel en weë hoofsaaklik deur internasionale markgebeure bepaal. Australië is die grootste wolprodusent en uitvoerder (ook na China). Suid-Afrika se woluitvoer en -pryse volg hoofsaaklik die Australiese prysneigings, met die wisselkoers wat ook ’n rol speel. Die droogtetydperk sedert 2015-’16 in veral die Karoo het daartoe gelei dat wolskaapgetalle erg verminder is. Dit gaan boerderye in dié streek ’n tyd kos om te herstel. Ander produksiegebiede, soos die Vrystaat en oostelike Hoëveld, loop erg onder skaapdiefstal deur. In sekere distrikte het boere selfs opgehou om met skape te boer weens die diefstalprobleem (en in ’n mindere mate weens roofdierverliese). Die…

Werkgeleenthede in die buiteland As ’n mens op sosialemediaplatforms vra vir hulp om plaaswerk in Amerika te kry, volg daar ’n string aanbevelings om met Magda van der Westhuizen van Euro Personnel Consultants te skakel. Sy werf al langer as 25 jaar Suid-Afrikaanse werkers vir boere in Amerika. Deur ses Amerikaanse werwingsagentskappe het Magda en haar maatskappy toegang tot 250 boere in Amerika vir wie sy jaarliks werkers uit Suid-Afrika werf. Magda sê dit is belangrik om van die begin af te besef die werk in Amerika is seisoenswerk. Dit is harde werk onder moeilike omstandighede saam met mense van oraloor. Een van haar Amerikaanse kliënte neem byvoorbeeld elke jaar 1 000 werkers tydens die oestyd in diens. Sy sê Junie en Julie is baie besige maande in die saaigebiede…

Die maatskappy Syngenta het sy posisie as ’n markleier in die pitlose-waatlemoen-segment verstewig en bied ’n omvattende verskeidenheid pitlose én pitkultivars wat uitnemendheid in gehalte, geur en siekteweerstand toon. Syngenta is bekend om sy pitlose kultivars, waaronder Captivation, Deliciosa en Valor, asook sy robuuste kultivars met pitte wat hoë prestasie lewer, soos Farao, Batukan, Ariadne en Liverpool. Hoë vruggehalte ■ Captivation troon uit as ’n waarmerk van uitnemendheid, gekenmerk deur groot, ovaalvormige vrugte en kragtige lote. Hierdie kultivar herdefinieer hoë vruggehalte en bied ’n wonderlike kombinasie van grootte, geur en visuele aantrekkingskrag. Die kragtige lootgroei en uitsonderlike vrugeienskappe posisioneer Captivation as ’n voorkeurkeuse vir boere wat hulle daarop toespits om pitlose waatlemoene van topgehalte aan die mark te lewer. ■ Deliciosa verteenwoordig die toppunt van vleisgehalte, tekstuur, kleur en geur…

PromosieBKT Die waardes waarop die Indiese bandemaatskappy Balkrishna, oftewel BKT, se daaglikse sakebedrywighede gegrond is, sluit die boustene van omgee, vrygewigheid en volhoubaarheid in. Dit is waardes waarby Tubestone aanklank gevind het, en daarom het hy met BKT hande gevat om die grootste invoerder van niegevestigde bandehandelsmerke in Suid-Afrika te word. Met hierdie boustene en albei se gebondenheid aan familiewaardes is BKT en Tubestone trots om vanjaar as hoofborge deel te wees van die Trekker vir ’n boer-reeks. Hierdie reeks is ’n toonbeeld van die waardes wat BKT en Tubestone na aan die hart lê met sy hoofdoel om inligting aan die landbougemeenskap oor te dra sodat boere ingeligte besluite rakende hul trekkers en werktuie kan neem. Deeglike toets Tydens die Trekker vir ’n boerreeks word die BKT-bande waarmee die…

Plaaslike boere kan tegnologie as ’n bestuursmiddel inspan, maar nie as ’n middel om misdaad te voorkom nie, sê Willie Clack, senior dosent aan Unisa se regskollege. Willie is ook ’n uitvoerende lid van die internasionale genootskap vir die studie van landelike misdaad (ISSRC), wat ’n webinaar aangebied het oor tegnologie se rol in die bekamping en polisiëring van landelike misdaad. ’n Senior Australiese polisiebeampte het tydens die webinaar vertel hoe goed die Australiese satellietgekoppelde Ceres Tag-oorplaatjie in ’n nagebootste skaapdiefstal die polisie gehelp het om vinnig op te tree en die skape terug te vind. Cameron Whiteside van Nieu-Suid-Wallis het gesê in ’n ideale wêreld sou hy wou sien dat alle lewende hawe, plaasgrense en toerusting deur satelliettegnologie gemonitor word. Die koste keer baie boere egter nog om beskikbare…

Jou storie Daar in Kanada se ys het ’n man en vrou gebly wat ná jare darem taamlik keelvol geraak het vir ys en sneeu. Hulle besluit toe genoeg is genoeg – hulle trek nou weg daar. Só hou hulle ’n veiling en verkoop die huis en als, maar hulle hou ’n klein ysslee van hout. Toe als verkoop is, pak hulle die 4x4 en die man maak die slee voor op die dakrak vas. “Kyk,” sê hy, “nou ry ons tot ons iewers kom waar mense vir ons vra wat vir ’n ding op ons dak is. Dáár gaan ons dan bly, want daar sal g’n stuk sneeu en bleddie koue wees nie!” Só ry hulle maande lank rond en vat naderhand die skip oor die see en kom…

Besoek landbou.com/veilings vir die jongste veilingsnuus. BONSMARA Goeie omset op produksieveiling van Bristow Bonsmara Bristow Bonsmara van Louis Trichardt het op 20 Junie sy 52ste produksieveiling op Bandelierskop gehou. Die stoetbul JRB 180058 is vir die hoogste prys van R300 000 aan Bonsmit (Edms.) Bpk. van Polokwane verkoop. Die duurste vers op die veiling is vir R25 000 aan Makarios Boerdery van Louis Trichardt en die Bestrinatrust van eMalahleni (Witbank) verkoop. Bestrina-trust het ook die duurste koei met ’n kalf vir R30 000 gekoop. Stoetbulle is vir gemiddeld R71 416 verkoop, verse vir R24 400 en koeie met kalwers vir R26 000. Die pryse vir kommersiële diere was soos volg: ■ Dragtige koeie met kalwers, R26 000. ■ Koeie met kalwers, R22 750. ■ Dragtige verse, R26 396. ■ Oop…

SA avo’s na twee nuwe uitvoerlande onderweg Westfalia het die tweede week van Julie die eerste vraghouer met avokado’s verpak wat bestem is vir Japan, ’n nuwe uitvoerbestemming vir Suid-Afrikaanse avokado’s. Die eerste besending na Indië – nóg ’n nuwe mark vir Suid-Afrika – is dieselfde week per lug versend. Die besending na Indië is net ’n klein hoeveelheid om die administratiewe proses van die uitvoerooreenkoms tussen Suid-Afrika en Indië te toets, sê Derek Donkin, uitvoerende hoof van Subtrop, die sambreelorganisasie vir subtropiese gewasse. As alles glad verloop, sal avokado’s voortaan per skip na Indië uitgevoer word. Saam met China, wat verlede jaar sy deure vir Suid-Afrikaanse avokado’s geopen het, het die uitvoerders nou drie nuwe lande waarheen hulle vrugte kan bemark. — JASPER RAATS Eerste ten volle Suid-Afrikaans-gekloonde kalf…

DIT is veral wanneer die staat beweerde onwettige watergebruike op ’n plaas vind dat aansoeke om die hernuwing van ’n lisensie lank neem. Adriaan Groenewald, waterregkenner van Groenewald Prokureurs op Humansdorp en ’n professionele waardeerder, het op ’n AgriSA-webinaar oor die verband tussen watergebruiksregte en grondwaardes gesê indien amptenare onwettige watergebruike vind, moet ’n boer eers aansoek doen dat dit gewettig kan word voordat die staat sy hernuwingsaansoek sal verwerk. Onwettige gebruike kan onwettige damme insluit, maar ook uiters tegniese kwessies, soos pypleidings in vleigebiede of waterwerke waar daar volgens hidrogeoloë “dreineringslyne” in die natuur is. Baie lisensies is van 2002 tot 2005 goedgekeur en verval dus nou 20 jaar later. Groenewald het gesê soms besef lisensiehouers nie eens dat hul lisensies verval het nie en dit is moeilik om…

STAATSAMPTENARE het belowe dat alles moontlik gedoen word om die oorsprong van ’n verwoestende veldbrand vas te stel wat die lewe van ses brandbestryders in die Mpophomenidistrik in die KwaZulu-Natalse Middelland geëis het. Voorlopig word vermoed dat wild- of heuningstropers moontlik die brand veroorsaak het. Die warm en winderige weersomstandighede was ongelukkig die perfek toestande om die vlamme aan te blaas totdat ’n wegholbrand uitgebreek het wat alles in sy pad vernietig het. Luidens Sappi Suider-Afrika, wat kommersiële bosbouplantasies in en om die Mpophomenidistrik het, was die brandbestryders wat gesterf het in diens van Farmusa Contracting wat deur Sappi Forests vir brandbestrydings- en bosboudienste gekontrakteer word. Farmusa is versoek om ’n brand te bestry wat sedert 03:00 op Sondagoggend 14 Julie gewoed het op nabygeleë veld wat nie aan Sappi…

DIE 20-jarige PUK-onderwysstudent Marchané Steyl het onlangs die 49ste Fauresmithuithourit ’n tweede jaar agtereenvolgens gewen. Dit was Marchané se vyfde deelname aan dié bekende uithourit, en sy het die dubbele wenslag op haar wit Arabierperd, Tornado, as baie spesiaal bestempel. Sy was ook die wenner in die ligtegewig-afdeling vir deelnemers ouer as 18 jaar wat minder as 75 kg weeg. “Elke jaar is die baan maar moeilik. Maar omdat ek reeds die roete ken, het dit dinge makliker gemaak.” Marchané was 14 jaar oud toe sy die eerste keer aan die uithourit deelgeneem het. Sy en haar drie broers woon op die gesin se wildplaas, Mandalay, buite Winburg in die Vrystaat, waar haar pa, Marnus, boer. Hier het Marnus elke kind al van kleins af in ’n perd se saal…

Skaapboere in ekstensiewe veegebiede het met ’n dubbele tameletjie te doen: Hulle moet te midde van klimaatsverandering ál warmer en droër toestande trotseer, en terselfdertyd produksie verhoog ter wille van winsgewendheid én om die effek van klimaatwisselings te versag. Een van die suksesvolste droogteplanne van Noord-, Wes- en Oos-Kaapse boere in die langdurige droogte van die afgelope dekade was om voerkrale op hul plase te vestig. Die vraag vir boere met wolskape in voerkrale is dan of hulle voerkraallammers moet skeer of nie. Skeer beteken bykomende produksiekoste en die stres waaronder dit die skape plaas, kan hul produksieprestasie beïnvloed. Pieter Theron, ’n PhD-student aan die Universiteit Stellenbosch (US), en sy studieleier, prof. Ters Brand, buitengewone professor aan die US en navorser by die Wes-Kaapse departement van landbou, het vroeg in…

Jy kan miskien alles wat jy soek onder een dak in Amerikaanse winkels vind, maar nie Karoolam nie. KFM 94.5 sal beslis ook nie op die agtergrond speel terwyl jy jou inkopies doen nie. Dít is maar twee van die dinge wat André Muller (22), oorspronklik van Calvinia in die Noord-Kaap, van sy geboorteland mis. André was daarna op skool aan die Hoër Landbouskool Boland buite die Paarl. “Ons familie bly op Calvinia, maar het ’n stukkie grond net buite die dorp. Ek het altyd gedurende skoolvakansies van my vriende op plase gaan help, en sal graag in die toekoms my eie plaas wil huur en later dalk selfs koop.” Hy woon sedert begin vanjaar in Dumas in die noorde van Texas, en werk vir Steele Bale and Hay Services,…

Maningi barak beteken “baie geseënd” en is ’n gepaste naam vir die Maningi Barak-boerdery. Die hoofkantoor is op die plaas Goed Genoeg. Johan Lategan, uitvoerende hoof, werk nou saam met Charlie de Beer, Pannar se verteenwoordiger, om die beste besluite oor mieliebasters te neem. Hulle plant net Pannar se mielies, koring en sonneblomsaad op besproeiingsgrond by Hartswater in die Noord-Kaap en op droëland by Dealesville en Bloemhof. Praktyke in die Vaalharts-besproeiingskema het aansienlik verander nadat boere sowat 20 jaar gelede spilpunte pleks van vloedbesproeiing begin gebruik het. Johan sê dit was ook toe dat Pannar sy eerste Suid-Afrikaans geteelde ultravinnige mieliebaster bekend gestel het. “Dit was die eerste mielies wat die marges vir ons kon lig vir ’n hoë-opbrengsboerdery. “Pannar Saad is nog altyd een van ons staatmakers. Ek het…

Trekker vir ’n boer 2 Waar die 55 kW-(75 pk) klas in fisieke grootte ontbreek, vergoed hy dubbel en dwars in veelsydigheid. Dié trekkers is ontwerp om verskeie behoeftes op ’n plaas te vervul en is nuttig vir algemene plaaswerk vir klein- tot groot boere danksy hul krag en beweeglikheid. Hulle is ideaal vir ploeg, plant, hark en sny, terwyl hul grootte dit moontlik maak om in oop landerye te werk, asook in kleiner ruimtes, soos in boorde. Tydens Landbouweekblad se Trekker vir ’n boer-dag wat onlangs by die Broodsnyersplaas-boerevereniging buite Middelburg, Mpumalanga, gehou is, het elf bestuurders, waaronder boere en landboustudente, die kans gekry om dié kleiner trekkers te toetsbestuur. Vyf van Suid-Afrika se voorste fabrikate – Case IH, New Holland, John Deere, Deutz-Fahr en Kubota – het hul trekkers…

Boereplan As bestuiwers van die meeste belangrike voedselgewasse is die behoud van bye waarskynlik een van die belangrikste aspekte vir die voortbestaan van die mensdom. Dit gebeur egter dikwels dat swerms bye by gate en barste in mure intrek, of in oop boorgate en ander moeilike plekke waar hulle nie “welkom” is nie. Dit is dan wanneer mense sommer gif gebruik en die swerm uitwis. “Dit is onaanvaarbaar, hoewel ek weet hulle kan nie op sulke plekke met die bye saamleef nie,” sê JP Rossouw. Hy het reeds sedert sy kinderdae in bye belang gestel en het in 1978 sy eerste swerms gehad toe hy ’n onderwyser op Graaff-Reinet was. Toe hy later ’n navorsingsprofessor in die fakulteit opvoedkunde aan die Noord-wes-Universiteit op Potchefstroom word, het hy sy byeboerdery daar…

Daar is ’n studie gedoen om die ekonomiese uitkomste van intensiewe en konvensionele kleinveeproduksiestelsels oor twee lamseisoene te vergelyk. Die doel was om die ekonomiese ongelykhede te evalueer en die lewensvatbaarste stelsel vir verbeterde produktiwiteit en volhoubaarheid te bepaal. ’n Semi-intensiewe weidinglamstelsel en intensiewe totale gemengde-rantsoen- (TMR) stelsel, elk met duidelike voedingsen bestuursvereistes, is vergelyk. Metodologie Die studie het 120 Merino-ooie ingesluit wat twee weke voor lam in twee groepe verdeel is, en verder verdeel is in subgroepe van een- en tweelinge. 1. Weidingstelsel ■ Ooie is met byvoeding op besproeide weiding geplaas. ■ Hulle is bedags geroteer tussen raaigrasweiding en saans gekraal weens diefstal. ■ Een- en tweelinge het daagliks onderskeidelik 350 g en 500 g van Molatek se Lamen Ooilek (reg.nr. V25056, Wet 36 van 1947) ontvang. 2.…

Bewaring Hulle bewaar spesiale stukke grond vir toekomstige geslagte. In ’n wêreld en natuurlike omgewing wat voortdurend verander, wil hulle graag die Klein-Karooveld laat behoue bly en dit in ’n beter toestand laat as waarin dit ’n eeu gelede was. Só het Carel Nel, die vyfde geslag op Boplaas by Calitzdorp, onlangs tydens ’n middagete op Groot-Constantia in Kaapstad gesê. Die doel van die spesiale ete was om sy 45ste oesjaar en sy wynmakerdogter Margaux Nel se 18de oesjaar te vier. “Ons het moeilike oesjare gehad, soos tydens die vloed van 2000 toe ons baie wingerde verloor het. Tydens die droogte van 2016 tot 2018 het ons ook wingerde verloor. Maar die mense van die Klein-Karoo is soos die vetplante: Hulle oorleef. Ná ’n droogte blom hulle en gaan weer…

GRONDPRYSE in Noordwes het van 2023 tot 2024 met 68,7% gedaal. Dít is volgens die jongste grondprysontleding wat die Wes-Kaapse departement van landbou tweeweekliks uitreik. Skerp dalings is ook in die Wes-Kaap (57%) en Mpumalanga (32,4%) gesien. Riaan Nowers, senior ekonoom by die departement, sê die grafiek wat dié data aandui, is ’n “regstreekse” grafiek wat bygewerk word met vars data van Landbouweekblad. Wandile Sihlobo, hoofekonoom van Agbiz, sê die droogtetoestande wat die El Niño-stelsel tydens die somer veroorsaak het, die vraag na grond en die impak van rentekoerse is van die faktore wat grondpryse beinvloed. “Maar ek wil waarsku: Ons moenie baie betekenis heg aan in die grondprysveranderinge op ’n jaargrondslag nie. Die oomblik dat ons uit die droogtesituasie is en die opgewondenheid oor die landbou weer inskop, kan…

POSBUS 1802, KAAPSTAD 8000; e-pos: lbw@landbou.com Betreding op plase: die probleme en oplossings Die uitermatig hoë voorkoms van misdaad op plase, of dit nou plaasaanvalle en -moorde, diefstal, brandstigting, stropery of onwettige jag is, is alles in een basiese misdaad gewortel: onwettige betreding op private eiendom. Boere van oor die hele Suid-Afrika is raadop oor betredings en kla dat nóg die polisie nóg die nasionale vervolgingsgesag (NVG) dié misdaad ernstig opneem. Daar word selde, indien ooit, teen betreders opgetree. Betreding is die onregmatige teenwoordigheid van mense of vee op private eiendom. Boere is veral kwesbaar vir onwelkome vreemdelinge wat op hul plase kom. Betreders betree nie slegs eiendom nie – hulle sal dikwels daar vertoef of oornag, water en elektrisiteit gebruik, onwettig visvang en jag, vee, oeste en metaal steel, en…

MET twee maande oor voordat die nuwe somergewasseisoen begin, lyk die weerverwagtinge bemoedigend met die einde van El Niño wat aangebreek het, sê Wandile Sihlobo, hoofekonoom van Agbiz. In ’n vooruitskouing van die nuwe somerseisoen sê hy dat die internasionale navorsingsinstituut vir klimaatsverandering van die Columbia-universiteit meen die kans op ’n La Niña-verskynsel van nou tot April 2025 is meer as 50%. “Tipies beteken dit bogemiddelde reënval vir Suid-Afrika en die suidelike wêrelddele.” Volgens hom is die SA Weerdiens en weerkenners in Australië nog versigtig optimisties met hul voorspellings oor La Niña, maar dit is te verstane omdat dit nog vroeg in die seisoen is. “Dit is egter wel die einde van El Niño en die vooruitsigte lyk beter. “Teen September behoort daar ’n beter aanduiding van die vooruitsigte te…

JIMMY DOS SANTOS van EcoFresh Direct in Johannesburg sê die kans is groot dat verbruikers binnekort gaan sien dat aartappelpryse die hoogte inskiet weens ’n tekort wat deur die koue weersomstandighede in Limpopo teweeggebring is. “Dit is moeilik om te sê wat gaan gebeur, maar in 2021 het ons dieselfde probleem gehad. Ná erge koue die provinsie toe getref het, was die minimum prys vir aartappels R100/kg.” Hy sê die swartryp wat aartappels getref het, gaan beslis die opbrengs beïnvloed en die tekort gaan teen einde Augustus op die markte gesien word. “Vanaf middel Augustus is die bedryf in ’n oorgangsfase wanneer ons eers aartappels vanaf Christiana in die Wes-Vrystaat kry en dan oorbeweeg na Limpopo. Die tragedie wat Limpopo-boere nou getref het, gaan beslis ’n tekort veroorsaak.” Hy glo…

Kortliks ’N AUSTRALIESE navorser “melk” giftige spinnekoppe om ’n biologiese insekdoder te maak wat sprinkane kan doodmaak, maar nie heuningbye nie. Dr. Shaodong Guo van die Sunshine Coast-universiteit in Australië het reeds gif van Blue Mountains-tregterspinnekoppe gebruik in ’n plaagdoder wat in Amerika goedgekeur is teen blaaspootjies, spinmyte en witvlieë by kweekhuisgewasse. Guo het aan Jennifer Nichols van ABC Rural gesê gif wat teen sprinkane gebruik word, is gewoonlik nie selektief nie. “Hulle maak nie net die plaag dood nie, maar ook voordelige insekte, voëls en paddas. “Spinnekopgifproteïene het hoë selektiwiteit en kan ’n sekere reeks spesies takel.” Bestaande bekampingsmetodes vir Australië se drie inheemse sprinkaanspesies is hoofsaaklik chemiese insekdoders, wat ’n ongunstige impak op die omgewing kan hê. Waar chemiese middels nie naby water of vleie gespuit kan word…

Renosters “betaal” eintlik reeds self vir hul bewaring, maar die biodiversiteitsbestuursplan (BBP) gaan dit volgens kenners nóg moeiliker maak om die diere teen stropers te beskerm en hul lewende waarde verder laat afneem. In teorie het die BBP ten doel om die nasionale metabevolking van inheemse wit- en swartrenosterspesies te bestuur, by te dra tot nasionale biodiversiteitsdoelwitte en aan diverse samelewingswaardes te voldoen. Volgens die inleiding van die plan streef dit ook daarna om stropery te bekamp en om die eienaarskap, bewaring en volhoubare benutting deur gemeenskappe en voorheen benadeeldes te bevorder. Dit wil samewerking en vennootskappe vir die bewaring van renosters moontlik maak en die risiko wat die vraag na renosterhoring skep, beperk. Ten einde wil die plan aan ál hierdie aspekte aandag gee om die wettige internasionale handel…

Herlewingslandbou Om volhoubaar en winsgewend in die halfdorre Oos-Kaapse Karoo te boer, is nie maklik nie. Daar is die natuur reeds wispelturig met sy gawes, en om daarteen te skop eerder as om dit doeltreffend te benut, kan boerdery nóg moeiliker maak. Dit is hoekom James Brodie gekies het om slim met die beskikbare hulpbronne op sy plaas, Doornplaats, te werk en dit te laat omskep in die vleis en wol wat ’n inkomste vir die Brodie-boerdery genereer. “Elke jaar verskaf die natuur gratis sowat 30 miljoen kubieke meter reënwater en sowat 100 miljard kilowatt-uur sonenergie aan ons plaas. Ons is egter nie in die bedryf wat water en sonskyn verkoop nie. Pleks daarvan het ons grond en plantegroei wat, indien dit behoorlik bestuur word, die beste geskik is om…

Die Suid-Afrikaanse Inkomstediens (SAID) vra hope dokumente aan wanneer hy ’n boer se dieselrabat-eise wil oudit om te bepaal of dit wat geëis word, korrek bereken is. Selfs al word alle toepaslike dokumentasie aan die SAID verskaf, ervaar ons in ons praktyk dat die SAID altyd fout sal vind en ten minste 50% van die geëiste dieseluitgawes terugskryf. Met rente. Dan neem die SAID eenvoudig die volgende paar BTW- en dieselterugbetalings om só te vereffen wat hy beweer die boer skuld. Of erger: Hy onttrek die geld uit die boer se bankrekening. Hoewel die Doeane- en Aksynswet (Wet 91 van 1964) ’n skedule bevat wat vir boere uiteensit watter aktiwiteite vir dieseleise toelaatbaar is en watter dokumente gehou moet word, ontvang hulle ouditbriewe van sowat 10 bladsye lank met terme,…

Berei grond beter voor met dié werktuig ’n Bloemfonteinse vervaardiger van werktuie het met ’n nuwe kombinasiewerktuig na vore gekom waarmee ’n saaiboer sy grond kan losmaak en dit vir planttyd voorberei. Dirk Rossouw, bemarkingsbestuurder van Stärk Fabrication wat werktuie by De Brug buite dié stad vervaardig, het die werktuig op die jaarlikse Zonnebloem-gewasdag by Middelburg (Mpumalanga) gedemonstreer. Hy sê die Stärk 25 bestaan uit ’n 15-tand-skeurploeg (ripper) met ’n tandspasiëring van 450 mm en ’n werkdiepte van sowat 500 mm (na gelang van die grondtipe), met swaardiens-saadbeddingrollers agter. Die skeurploeë word van baie sterk staal gebou en op die strespunte versterk, byvoorbeeld waar dit aan die trekker se driepunt haak. Die rollers werk met swaartekrag en is swaar genoeg om ’n doeltreffende saadbedding te skep. Hy vervaardig die skeurploeë…