Innholdsfortegnelse for 23 February 2023 i Landbouweekblad

DIE ANDER SÊ DIE skaal van die probleem wat die nuwe minister van elektrisiteit moet oplos, is amper onbegryplik groot, en daarmee saam die politieke probleme. Wie ook al president Ramaphosa aanwys, sal polities minder gewig dra as die twee veterane mnr. Pravin Gordhan (minister van openbare ondernemings) en mnr. Gwede Mantashe (minister van minerale hulpbronne en energie). Verder is die ganse krisis waarvoor Suid-Afrika staan, verweef met die elektrisiteitskrisis. Elektrisiteitstekorte en die gevolglike beurtkrag is die resultaat van korrupsie, onbekwaamheid, die ANC se onvermoë om plaaslike regerings te bestuur, kaderontplooiing, staatskaping en feitlik alle ander ongunstige politieke dinamika van die afgelope 20 jaar. Om dit om te keer is ’n enorme taak en sal baie jare duur. Maar vir die ANC moet dit alles opgelos word voor volgende jaar…

DIE ekonomiese skade van beurtkrag in die landbouwaardeketting bly uitkring, en talle sakeleiers het gewaarsku oor die rampspoedige gevolge wat dit vir voedselsekerheid inhou. Die KAL-Groep (voorheen Kaap Agri) het op sy onlangse jaarvergadering te kenne gegee dit is “onmoontlik om die verlies aan inkomste weens beurtkrag te kwantifiseer”. Volgens mnr. Sean Walsh, uitvoerende hoof, het beurtkrag in die eerste kwartaal van die huidige boekjaar ál die voorafgaande jare se gesamentlike koste oortref. “Die verlies aan inkomste is onmoontlik om te bepaal. Die invloed van verhoogde koste en kapitaalbesteding dwing jou verdienstes afwaarts.” Die maatskappy het in drie maande R15,9 miljoen bestee aan kragopwekkers, die onderhoud en waardevermindering daarvan, en om kragopwekkers te huur. “Sonder die koste weens beurtkrag sou ons uitgawes 1,8% minder gewees het as verlede jaar.” Tog…

DIE voorlopige tariewe op tjips uit België, Nederland en Duitsland het op 14 Januarie verval en die bedryf in die Suider-Afrikaanse Doeane-unie (Sadu) het nou geen beskerming nie. “Die verstryking van tariewe moes nie gebeur het nie,” sê mnr. Hilton Zunckel, direkteur van die handelsregfirma Hilton Lambert wat die tjipvervaardiger McCain Foods SA in sy aansoek om teenstortingstariewe verteenwoordig. “Itac (die kommissie vir internasionale handelsadministrasie) het sy werk voltooi en ’n aanbeveling aan mnr. Ebrahim Patel, minister van handel, nywerheid en mededinging, gemaak.” Die aartappelwaardeketting het Patel amptelik versoek om die verstryking van die tariewe so gou moontlik reg te stel. Die tydraamwerk vir sulke stortingsondersoeke is 18 maande, wat vir die huidige ondersoek middel Mei vanjaar is, maar die saak sloer in werklikheid al langer as 18 maande. Itac…

Kortliks SKOON water is ’n belangrike ekostelseldiens wat die ekonomie van die Tuinroete ondersteun. Daarom is groter samewerking nodig om te sorg dat genoeg beskikbaar is. Volgens dr. Bianca Currie, uitvoerende hoof van die Tuinroete-biosfeerreservaat in die Suid- en Oos-Kaap, konsentreer hul werksaamhede op volhoubare ontwikkeling deur landskapwye koördinering en die strategiese medebestuur van natuurlike hulpbronne. ’n Werkgroep van 40 kundiges kyk veral na waterrisiko’s en -bestuur. Hulle sluit in waterbesluitnemers, staatsinstellings, munisipaliteite, die departement van water en sanitasie, besproeiingsrade, die Suid-Afrikaanse nasionale parke, Cape-Nature en bedryfsbelanghebbendes, soos MTO Forestry en PG Bison. “Ons ontwikkel ’n stelsel van samewerkende bestuur om skoon water te verskaf en die omgewingsintegriteit van geïdentifiseerde voorkeurgebiede in die reservaat te verseker,” sê Currie. Dit sluit in waterrentmeesterskap- en indringerskoonmaakprojekte in sleutelopvangsgebiede. Twee strategiese waterbrongebiede, die…

Herlewingslandbou KORTOM ■ Die Damara-ooie word met die toepassing van meerramparing oor ’n tydperk van sewe weke op die veld gedek en hulle lam ook daar. ■ Dan begin ’n bestuurstelsel met die lammers wat ná drie uur, drie dae en drie maande toegepas word om seker te maak hulle kry voldoende steun om maksimaal te ontwikkel. ■ ’n Visuele beraming van die beskikbare weiding (gras en vreetbare bosse) word in Mei gedoen, en net die helfte van die weiding word dan gebruik om ’n buffer teen moeilike tye te hê. Presisiebestuur in ’n ekstensiewe gebied is ál manier om volhoubaar en een stap voor droogtes en roofdiere te bly. In sy semi-intensiewe lamstelsel op die veld het mnr. Koos Briedenhann van die plaas Buffelhoek by Otjiwarongo in die noorde…

Vesel Groen katoen floreer met min voedingstowwe en is ’n yster as wisselbougewas, meen mnr. Richard Godfree-Thom, een van ’n hand vol katoenboere in die Vaalharts-skema buite Hartswater in die Noord-Kaap. Besparings van tot R3 000/ha is moontlik as jy oordeelkundig bemes, sê hy. Dié jong derdegeslagboer het ná skool vir ’n stroopkontrakteur in Texas, Amerika, gewerk. Tuis is hy aan die diep kant ingegooi toe hy ná sy eerste jaar sy landboustudie moes laat vaar nadat melanoom- en longkanker by sy pa, Stuart, gediagnoseer is. Sy pa is kort daarna oorlede. Boer is in sy bloed. “Ek kan nie onthou dat ek ooit huiswerk gedoen het nie. Direk ná skool het ek na ons landerye gehardloop om op ’n trekker te klim.” Só het hy baie lesse by sy…

KRAGTIGE KOORDLOSE TUINSPUIT WAARBORG PRESISIETOEDIENING Die kragtige Stihl SGA 85 is ’n koordlose tuinspuit wat ’n aanwins sal wees vir enigeen in die bosbou-, vrugte- en wynbousektor. Die SGA 85 is die eerste battery-aangedrewe spuit in die Stihl-reeks waarmee plaagdoders of kunsmis doeltreffend toegedien kan word. Die hoë druk waarteen dit spuit, asook groot, deursigtige 17 literhouer, maak die Stihl SGA 85 ideaal vir boere en mense wat tuinmaak. Dit kan ook doeltreffend aangewend word vir moeilike take en grootskeepse bedrywighede, soos vrugteverbouing of wingerdbou. Die spuit weeg net 6,2 kg en het individueel verstelbare rugbande en ’n hoogteverstelbare borsband. Dit maak dit gemaklik om vir langer tydperke te gebruik. Die koper-holkeëlspuitstuk sal jou help om vloeistowwe met presisie toe te dien. Jy kan die drukking maklik van 1 bar…

ONTEIEN-KOMMER Die publiek kan tot 6 Maart kommentaar lewer op die wetsontwerp oor onteiening. Agbiz en Agri SA het albei ernstige voorbehoude oor die wet in sy huidige vorm, omdat die definisie in die huidige wetsontwerp te eng is en ’n gaping laat vir staatsoptrede wat eiendomsreg sonder vergoeding kan beperk. Die twee organisasies meen ook die klousule wat voorsiening maak vir nulvergoeding is oop vir misbruik, omdat die lys van vyf situasies waarin nulvergoeding toegeken word, ’n oop lys is; dit is “nie beperk tot” die vyf gevalle nie. Lees meer by bit.ly/3lmEYPo. Lewer kommentaar by bit.ly/3jWml4z. DREIGENDE SKADE Droë toestande kan in die laaste deel van Februarie oor die binneland ontstaan weens tropiese storms wat nader aan Madagaskar en die Afrikakuslyn beweeg. Daar is dus ’n kans dat…

ENERGIE: RAAK SO SELFSTANDIG MOONTLIK Heeltydse beurtkrag is nou ’n werklikheid. Die topbestuur van Eskom, waaronder mnre. Mpho Makwana, voorsitter van die direksie, André de Ruyter, uitvoerende hoof, Jan Oberholzer, bedryfshoof, en Thomas Conradie, hoof van opwekking, het in ’n volledige uiteensetting van die stand van sake by Eskom aangekondig dat heeltydse beurtkrag vir minstens twee jaar verwag moet word. Die onderliggende boodskap is duidelik: Daar is geen kitsoplossing vir energievoorsiening in Suid-Afrika nie. Dit neem nie weg dat alles wat dadelik gedoen kan word, dadelik gedoen móét word nie. Met ander woorde korrupsie, die lewering van swak steenkool en werknemers wat nie hulle plig doen nie, moet die nodige aandag kry. Dit is alles sake wat binne Eskom se beheer is. Gewone burgers is in dié verband toeskouers van…

DIE stryd om genoeg van die regte kanolasaad betyds in die hande te kry, kan die plaaslike bedryf op die duur laat stagneer. Mnr. Andries Theron, voorsitter van die Proteïennavorsingstigting, sê die probleem met saadbeskikbaarheid wat nou al vir ’n derde jaar voorkom, kan meebring dat boere tot ’n groter mate hul eie saad vermeerder. “Jy koop een sakkie saad en vermeerder dit. Dit is baie goedkoper en jy behandel die saad soos jy moet. Oor twee, drie jaar sê die saadmaatskappye hulle verkoop nie meer genoeg saad nie en gaan ophou om saad in te voer. “Dan verloor ons toegang tot nuwe teelmateriaal in Suid-Afrika.” Die kanolabedryf het einde Januarie met saadmaatskappye vergader om die kwessie te bespreek. Volgens Theron kort die bedryf nog 90-100 ton saad, sowat ’n…

DIE landbou en steenkoolbedryf voer al vir jare ’n ongemaklike buurmanskap, veral op die Mpumalanga-Hoëveld, waar boere en myne om dieselfde waterhulpbronne meeding en waar nagenoeg 27% van die bewerkbare landbougrond in besit van mynmaatskappye is. Die energiekrisis wat deur die oorlog in Oekraïne meegebring is, het van die wêreld se grootste ekonomieë gedwing om swaarder op steenkoolkrag te steun, ondanks hul ondernemings om na groen energie oor te skakel. Daarmee saam het die vraag na hoëgraad-steenkool die hoogte ingeskiet, soos ook die internasionale steenkoolprys. Trouens, Suid-Afrika kon teen huidige steenkoolproduksievlakke nie eens voordeel trek uit dié internasionale bonanza nie weens probleme met Transnet Freight Rail en vertragings by Transnet-haweterminale se steenkool-uitvoerhawe by Richardsbaai. Een nuwe toetreder wat munt wil slaan uit dié oplewing in steenkool is Canyon Coal, ’n…

DIE inwoners van die Kgetlengrivier-munisipaliteit se stryd teen hul sukkelende munisipaliteit duur voort, ondanks terugslae in die hof. Nadat die gemeenskap in ’n ongekende stap in 2021 met die hooggeregshof se hulp beheer oor Koster en Swartruggens se watersuiweringsaanlegte en riooldienste oorgeneem en alles in ’n kort tydjie reggeruk het, sit hulle nou weer net waar hulle was. “Die rioolaanlegte op Koster en Swartruggens staan stil en daar is niemand in sig nie, behalwe die sekerheidswagte,” sê mnr. Carel van Heerden, voorsitter van Kgetlengrivier Besorgde Inwoners (KBI). “So ook met die watersuiweringsaanleg. Ons het net sporadies water en dan is dit bruin en stink soms na vis.” Die jongste terugslag in die hof was toe die hooggeregshof in Mahikeng beslis het die munisipaliteit se besluit om Magalies Water aan te…

Die Forelle-peerbedryf kon sedert 2012 nog R300 miljoen ontsluit danksy ’n projek wat boere help om hul produkte vroeër op die mark te hê. Die Fema-projek, oftewel Forelle Early Market Accessprojek, is sowat tien jaar gelede van stapel gestuur. “Ons kon die mark vyf weke vroeër betree, die bemarkingsgaping beskerm, asook nuwe markte oopmaak wat fermer pere verkies, soos die Middeen Verre Ooste,” het dr. Ian Crouch, besturende direkteur van Experico Agri-Research Solutions, op die internasionale peersimposium op Stellenbosch gesê. Dit is volgens berekeninge sowat R20/kg meer Forellepere wat bemark word. Suid-Afrikaanse Forelle-pere moet ’n koue-opbergingstyd van 12 weke ondergaan voor dit verkoop kan word – sodat dit nie melerig raak nie. Produsente het hul vrugte dus so vroeg moontlik geoes om met dié opbergingstyd te kon begin. Dit veroorsaak…

Aktuee LIGGING KWAZULU-NATAL INLIGTING KwaZulu-Natalse Middelland Die boer uiter ’n vloekwoord toe ’n hoëkaliberkoeël naby sy kop verbyfluit en die kant van ’n voertuig tref, slegs ’n meter of wat van hom af geparkeer. Mnr. Piet le Roux (’n skuilnaam) en sowat 30 mede- kommersiële boere en ander grondeienaars in die KwaZulu-Natalse Middelland soek skuiling. Hulle probeer hulself beskerm teen ’n genadelose koeëlreën van vasberade veediewe. Dié diewe is soos die rowers van Amerika se ou Wilde Weste – hulle weier om oor te gee sonder ’n bakleiery. Hierdie skermutseling tussen kommersiële en kommunale vee-eienaars van die KwaZulu-Natalse Middelland en groepe hoogs georganiseerde, swaar gewapende veediewe, raak die nuwe normaal. Die veediewe is vasbeslote om die vee wat aan ander behoort, onwettig af te rokkel. Hulle maak boonop ernstig beswaar…

Boereplan Die uitvoerrosyntjieboer mnr. Dirk Louw se hande staan vir niks verkeerd nie. Ná ’n slapelose nag verlede Maart oor die swak gradering van rosyne in ’n uitsonderlik nat jaar, het hy ’n ou stroper aangepas om ’n skud-aksie uit te voer – 500 kg rosyne word op dié manier binne sewe minute gegradeer. Dit het hom ’n beter gradering vir sy 2022-oes besorg in ’n jaar waarin die twee swakste grade byna 20% van die rosyntjie-oes uitgemaak het, veral by Groblershoop. Louw, van Silver Moon Investments, was al onder meer Landbouskrywers SA se Nasionale Toetreder tot die Kommersiële Landbou in 2019 en ’n finalis in Toyota SA se Nuwegenerasieboer van die Jaar-kompetisie in 2022. Sy drooggeriewe vir rosyne voldoen aan die Wet op Landbouprodukstandaarde (Wet 119 van 1990) ten…

FOKUS BESPROEIING Die eerste rol plaaslik vervaardigde Streamline XTM-dunwanddruplyn is onlangs by Netafim Suid-Afrika se Kaapse druplynaanleg gemaak. Om met optimale doeltreffendheid aan ’n veranderende mark te lewer, is die nodige opgraderings gedoen om voorsiening te maak vir die gevorderde vervaardiging van dunwanddruplyne by hierdie aanleg. In die konteks van verswakte ekonomiese groei is beleggings in die Suid-Afrikaanse ekonomie nodiger as ooit. Enige belegging het die potensiaal om ekonomiese bedrywighede te verhoog, kapasiteit te bou en geleenthede te skep. Dit is teen hierdie agtergrond dat Netafim Suid-Afrika se uitbreiding van sy kapasiteit vir druplynvervaardiging goeie nuus vir die bedryf is. Netafim Suid-Afrika het die afgelope 30 jaar verhoogde watergebruiksdoeltreffendheid in Suid-Afrika en die Suider-Afrikaanse Ontwikkelingsgemeenskap beklemtoon. Sedert 1992 het die maatskappy die aanvaarding van presisiebesproeiingsoplossings aangedryf. Een van die…

Sy is dalk ’n plaasmeisie in murg en been, maar ’n gewone boervrou is Julie Hobson beslis nie. “Hoewel ek op ’n plaas grootgeword het, het ek dit die grootste deel van my lewe probeer vermy om met ’n boer te trou. In die proses het ek ’n hele paar paddas gesoen,” sê sy laggend oor die foon. Met ons gesprek neem sy ’n blaaskans tydens die opruimingswerk ná haar en haar man, Sean, se suksesvolle Heritage Angora-ramveiling die vorige dag op die plaas Wheatlands naby Jansenville. “Op ’n manier was dit dus asof ek huis toe gekom het toe ek wel weer op ’n plaas kom woon het. “Ek is in my wese ’n entrepreneur en ek sien soveel potensiaal in die landbou vanuit ’n sake-oogpunt. Ek het ook…

Drie groente-inligtingsdae van die groentesaadmaatskappy Starke Ayres is deur talle boere en ander mense in die groentebedryf by Kempton Park bygewoon. Nuwe kultivars en staatmakers is met groot belangstelling deur die boere gade geslaan en met mekaar vergelyk.…

Manie Almal wat by die landbou betrokke is, weet boere is prysnemers, met min beheer oor inset- of produkpryse. Die meeste kommersiële boere is ook voortdurend in ’n stryd gewikkel om winsgewend te bly. Hulle moet voortdurend produksie probeer verhoog om kop bo water te hou vanweë die kosteknyptang. Daarom was dit vir Manie ontstellend toe Neva Makgetla, ’n senior navorser in strategieë vir handel-en-nywerheidsbeleid, ’n uitvoerbelasting op mielies voorgestel het, minstens in tye van hoë pryse. Sy sê dié belasting op produsente kan dan gebruik word om lae-inkomstehuishoudings te help teen die ongunstige impak van hoër kospryse deur byvoorbeeld maatskaplike toelaes te verhoog. Manie stem saam dat verbruikers die grootste las dra van hoër voedselinflasie – en ongelukkig tref dit die armstes die ergste. Makgetla sê kos is meer…

DIE hooggeregshof in Pretoria sal eersdaags uitspraak lewer oor die wenslikheid van ’n besluit om Bayer (Monsanto) se droogteverdraagsame mieliekultivar MON 86470 in Suid-Afrika toe te laat. Me. Mariam Mayet, uitvoerende direkteur van die African Centre for Biodiversity (ACB) wat die aansoek gebring het, sê die aanlyn hofverrigtinge van 7 en 8 Februarie was nie bedoel om uitspraak te lewer oor of die geen droogteverdraagsaam is of nie, maar net of die prosedures wat gevolg is om dit toe te laat, prosedureel korrek was. “Toe die geen in 2015 deur die uitvoerende raad vir geneties gemodifiseerde organismes (GMO’s) goedgekeur is, het die ACB ’n administratiewe appèl aangeteken en onsekerhede, risiko’s en nie-nakoming van Suid-Afrikaanse wette uitgewys.” Ten spyte daarvan het die appèlraad bloot die besluit van die uitvoerende komitee outomaties…

1 BRITTANJE | Voëlgriep besmet soogdiere Daar is groeiende kommer oor die erns van hoogs aansteeklike voëlgriep H5N1 ná dit in otters en vosse in Brittanje gevind is. Daar word vermoed dat dié diere gevreet het aan voëls wat die siekte gehad het. Die Britse diere- en plantgesondheidsagentskap (Apha) het gevind die besmette diere het ’n mutasie van die virus gehad wat dit makliker maak om soogdiere te besmet, maar daar was geen bewys van oordrag tussen soogdiere nie. Brittanje loop tans deur onder die grootste uitbreking van voëlgriep in sy geskiedenis. Prof. Ian Brown, wetenskaplike direkteur by Apha, het gesê daar is ’n bewustheid dat voëlgriep tot ’n pandemie soos covid-19 aanleiding kan gee en dat meer internasionale samewerking nodig is om dié siekte te beveg. — BBC 2…

IN Suid-Afrika is daar al geruime tyd lank nie betyds genoeg voorraad van entstowwe beskikbaar nie. Dié instemming is op ’n vergadering tussen verteenwoordigers van die nasionale dieregesondheidsforum met mnr. Dipepeneneng Serage, waarnemende adjunkdirekteur-generaal van landbou, grondhervorming en landelike ontwikkeling, en dr. Mpho Maja, direkteur van dieregesondheid, bereik. Die verteenwoordigers van die departement en die forum is dit eens dat: ■ Samewerking met en die betrokkenheid van die private sektor nodig is. ■ Wetlike vereistes heroorweeg moet word om die betrokkenheid van die private sektor te huisves. ■ Dringende samesprekings nodig is tussen die departement en Onderstepoort Biologiese Produkte (OBP). Die departement en die forum sal hul lede en belangegroepe op die hoogte hou van die proses. Daar was konsensus dat daar aan albei kante waardering is vir die opbouende…

INTERNASIONAAL: Die Chicagoprys het met 0,7%, of $1,81/t (R32,11/t), tot $266,08/t (R4 720/t) gedaal. Op ’n jaargrondslag is dit 6,4%, of $16,01/t (R284,03/t), hoër. Verwagte pryse: Maart – $267,94/t (R4 753/t), Mei – $267,07/t (R4 738/t). PLAASLIK: Die Safexprys van witmielies het met 1,1%, of R50/t, tot R4 420/t teenoor die vorige week gestyg. Die prys van geelmielies het met 0,9%, of R39/t, tot R4 411/t gestyg. Op ’n jaargrondslag is witmielies 21,7%, of R787/t duurder, terwyl geelmielies 16,7%, of R631/t, duurder is. Verwagte witmieliepryse: Maart – R4 399/t, Mei – R4 325/t. Verwagte geelmieliepryse: Maart – R4 457/t, Mei – R4 442/t. INTERNASIONAAL: Die Chicagoprys het met 0,2%, of $0,44/t (R7,81/t), tot $277,65/t (R4 926/t) teenoor die vorige week gedaal. Op ’n jaargrondslag is dit 2,2%, of $6,31/t (R111,94/t),…

HOE die landskap van die Suid-Kalahari saam bewaar, en waar nodig herstel kan word, is die onderwerp van die Restore Kalahari-seminaar wat op 17 Maart op Kathu gehou word. Dit wil bedryfsleiers en diensverskaffers in die gebied betrek om te besin oor gesamentlike gebiedspesifieke rehabilitasieplanne. Die natuurgebied is sedert die 1950’s plek-plek grootskaals verander weens mynboubedrywighede, en word toenemend as terrein vir sonkragopwekkingsprojekte gebruik. Daar is toenemende druk en regulasies oor die herstel en bewaring van veral terreine wat in onbruik verval het. Kenners gaan onder meer goeie praktyke, gevallestudies en oplossings rakende die handhawing en herstel van die gebied se ekostelsels bespreek. NAVRAE: Me. Glaudin Kruger, e-pos: kruger@krugerassociate.com, 072 320 7015.…

As Russiese troepe aan besette gebiede onttrek, lyk die patroon byna oral dieselfde: Die meeste plase en ondernemings is geplunder. Wat die Russe nie kon steel nie, het hulle vernietig. Miljoene stuks pluimvee en honderdduisende perde, varke en beeste is doodgemaak. Sedert sowat 200 000 Russiese troepe Oekraïne op 24 Februarie 2022 binnegeval het, het die produksie van landbouprodukte aansienlik afgeneem weens verliese in die besette gebiede en sones van aktiewe militêre operasies. Die inkomste van die bevolking het ook gedaal weens die sluiting van baie besighede, en ’n wanbalans tussen vraag en aanbod het ontstaan. Groot landboubedrywe probeer om hierdie probleem op te los deur uitvoer te verhoog, terwyl klein en mediumgroot ondernemings in moeilike omstandighede verkeer omdat hulle hulle nie maklik tot uitvoer kan wend of pryse kan…

Jou storie Die telefoon lui. “Môre, Servaas,” word daar gegroet. “Hoe gaan dit daar by julle, jong?” “Môre. Nee, wat. Dit gaan goed, geen nuwe moeilikheid nie. Laas nag goed gereën en die damme is vol.” “Man, dit is nou juis hoekom ek jou bel. Dis dróóg hier by ons. Die ooie begin een van die dae lam en die groenvoer is maar baie effentjies. Jy het nie dalk lusern om te verkoop nie?” “Ek sal net moet loer, maar ek dink ons kan jou Bedford vol maak. Ek het mooi lusern met baie blaar vir R3 ’n baal en dan ’n ander lot wat ’n bietjie gras in het vir R2,50. Wat soek jy?” “Die lot met die gras gaan nie vir my werk nie. Wanneer kan ek kom…

Stel jou voor – ’n vlieg van net 15 mm lank, maar met ’n tong wat 90-100 mm in lengte kan strek. Dít is die Moegistorhynchus longirostris, een van Suid-Afrika se merkwaardige en unieke langtongvliegspesies. Dit is die enigste bestuiwer van vele langbuisblomme, soos die krities bedreigde Hesperantha oligantha, en bedreigde spesies, soos die berglelie, asook verskeie malva-, Plectranthus-, Gladiolus-, Watsonia- en Lapeirousia-spesies. Suid-Afrikaanse langtongvliegspesies is langer as 90 jaar laas behoorlik hersien. ’n Onlangse studie oor meer as 50 langtongvliegspesies wat endemies aan Suid-Afrika is, het getoon dat meer as die helfte van die Suid-Afrikaanse spesies in die langtongvlieg-familie tans nog onbeskryf is. Dr. Genevieve Theron van die sentrum vir funksionele biologie aan die Universiteit van Kwa-Zulu-Natal (UKZN) het dieselfde tegniek as bevolkingsekoloë gebruik om die diversiteit van langtongvlieë…

GRAAFF-REINET / ANGORA / R80 000 VEILING VAN DIE WEEK Dié ram is vir die hoogste prys van R80 000 op die Heritage-groep se veiling by Graaff-Reinet verkoop. (Lees berig langsaan.) Van links is mnre. Jakkie Nel (afslaer), Chris Curtain (House of Fibre), Max van der Wath (koper), Sean en me. Julie Hobson (verkopers) en mnr. Emile Janse van Rensburg (koper). Die kopers is albei van Sutherland. Mnr. Samuel Matekane, eerste minister van Lesotho, was een van die topkopers. “Hy het tien baie goeie ramme gekoop wat nou in kwarantyn is en oor ’n maand na Lesotho geneem sal word,” het Hobson aan Landbouweekblad gesê. Die vier Angora-stoeterye van die Heritage-groep het ’n lang geskiedenis van nou saamwerk. “Ons het dieselfde waardes met die teel van Angorabokke. Ons wou hê…