Innholdsfortegnelse for 2 February 2023 i Landbouweekblad

Anderkant die reënboog Die natuur probeer altyd ’n ewewig vind. Plante sal op verskillende tye en so lank as moontlik blom om hulle die beste kans op bestuiwing te gee. Die meevallertjie is dan dat insekte, voëls en knaagdiere wat die nektar en stuifmeel vreet, ook sommer vir ’n langer tyd kos het. Só wen almal uiteindelik. Ja, ’n individuele rooibok boet met sy lewe om ’n leeu te voed, maar die hele stelsel word sterker en veerkragtiger wanneer swakker diere verwyder word. Dit is juis dié ewewig waarna baie boere in hul eie boerdery streef. Aangepaste diere wat reg wei, stimuleer die veld om meer en ’n groter verskeidenheid plante op te lewer — ’n klomp ekstra goedkoop voer (en medisyne) vir die boer. Organismes in gesonde grond lewe…

TE midde van rekord-beurtkragfases stoei boere en ander kraggebruikers wat hul eie sonkragprojekte installeer, stééds met rompslomp. Dit is om eerstens hul netwerkgekoppelde projekte te laat goedkeur, en daarna om die korrekte rekenings te kry waarvolgens hulle die ooreengekome kWh-krediete kry vir krag wat hulle aan die netwerk gelewer het. Ondanks die 100 MW-drempel vir registrasie van opwekkingsgeriewe word boere egter tot 1 MVA beperk ten opsigte van die grootte van hul sonkragstelsels. Dit is omdat Eskom se beleid oor verrekening en opberging (offsetting and banking) bepaal dat aansoeke vir sulke stelsels wat groter as 1 MVA is, op ’n individuele grondslag geevalueer sal word en deur die nutsmaatskappy se pryskomitee goedgekeur moet word. Talle kliënte van die sonkragmaatskappy Sonfin se aansoeke om netwerkverbinding is om skynbaar lukrake redes afgekeur.…

Agri SA stel die volgende voorrangsake voor om die kragkrisis te verlig: ■ ’n Kompromie met beurtkragskedules. Boere in sekere gebiede is bereid om hoër vlakke van beurtkrag gedurende Mei, Junie en Julie te verduur – op voorwaarde dat daar voldoende elektrisiteit beskikbaar sal wees in die kritieke besproeiingsmaande vanaf Januarie tot April. ■ ’n Alternatiewe tariefstruktuur vir die huidige Ruraflex-tarief wat sal verseker boere word nie onregverdig belas met hoër elektrisiteitstariewe wanneer besproeiing in spitstye moet plaasvind nie. ■ Meer hernubare elektrisiteitsopwekkingstelsels wat tans nog nie aan die kragnetwerk gekoppel is nie, moet toegelaat word om surplus krag terug in Eskom se kragnetwerk te sit. Die proses kan gepaard gaan met bepalings om terugkoop-tariewe af te handel. ■ Dringende uitbreiding van Eskom se kapasiteit, asook die steun van Nersa…

BEURTKRAG gaan vir ten minste nóg twee jaar een van die vele probleme wees waarmee die landbousektor sal moet saamleef. Eskom is wel bereid om die landbousektor tegemoet te kom omdat die impak van beurtkrag op dié sektor meer drasties en tasbaar is. Eskom het op 22 Januarie sy regrukplanne om die kragkrisis in Suid-Afrika op te los, bekend gemaak. Hoewel sy planne nie regtig iets nuuts bied nie, is daar tekens van hoop. Die nuwe plan sluit in die aanpak van bedryfskwessies by veral problematiese aanlegte, waaronder Tutuka, Duvha, Majuba, Kusile, Matla en Kendal. Die kragsentrales wat die beste presteer, waaronder Medupi, Lethabo en Matimba, sal volgens Eskom “beveilig” word. Die plan sluit ook die soektog na eksterne gespesialiseerde vaardighede in. VOORSPELBARE BEURTKRAG Eskom het gesê hy wil alles…

Die mielieforum het aanvanklik die aansoek om die voorgestelde wysigings op 11 Augustus 2021 ingedien vir die afkondigingsproses. Toe dit duidelik word dat dit nie voor die huidige bemarkingseisoen, wat op 1 Mei 2022 begin het, afgehandel sou wees nie, is gevra vir ’n tydelike bedeling om die oes daarvolgens te gradeer. Die regering se voorwaarde was dat daar geen besware moes wees nie, maar sommige verwerkers het beswaar gemaak en gesê hulle was nie by die besluite betrokke nie. Die departement het die tydelike dispensasie teruggetrek en op 28 Oktober is die regulasies vir openbare kommentaar gepubliseer. Die sperdatum was 28 November. Daar is op ’n vergadering op 17 Januarie probeer om konsensus te bereik oor voorgestelde veranderinge vir die gradering van mielies, maar dit het misluk, en die…

Beurtkrag en lae pryse plaas druk op krisantboere. Mnr. Leon Pretorius van Pretorius Blomme naby Delmas, Mpumalanga, sê beurtkrag veroorsaak groot probleme ten opsigte van diesel en onderhoud aan hul kragopwekker. “Ons het die bykomende insetkoste wat beurtkrag van verlede Februarie tot einde Februarie vanjaar gaan meebring, bereken as 4 sent per stingel. Die totale koste van net die diesel in dié tyd gaan rondom R230 000 draai. Beurtkrag is nou ’n insetkoste, net soos elektrisiteit, kunsmis en arbeid.” Daar word nou sonkrag op die plaas geïnstalleer. Krisantboere kry tans lae pryse vir hul blomme weens ekonomiese toestande en omdat hulle uitgelewer is aan markpryse. “Daar is nog ’n redelike vraag na krisante. ’n Blom is ’n lewende geskenk en die enigste wat volgens kleur ’n emosie het. Die ekonomie…

IN 2022 het ’n Amerikaanse boer die wêreldrekord vir droëlandmielies verbeter toe hy 28,84 t/ha (459,51 skepels per akker) geoes het. Mnr. Russell Hedrick, van die westelike deel van die deelstaat Noord-Carolina, het tydens sy laaste oes gemiddeld 16,18 t/ha op sy plaas behaal waar hy geenbewerkingspraktyke toepas. Op een land van 40 akker (16,28 ha) het hy gemiddeld 23,16 t/ha geoes. Vir sy inskrywing in die 2022-opbrengskompetisie van Noord-Carolina se mieliekwekersvereniging het hy 28,84 t/ha op 0,541 ha geoes, berig die Amerikaanse landboutydskrif Agweb. Die 37-jarige Hedrick is ’n eerstegenerasie-boer en voormalige brandbestryder wat deeltyds in 2012 begin boer het. In 2015 het sy volle aandag na die boerdery geskuif. Die vorige wêreldrekord van 27,75 t/ha (442,14 skepels per akker) het mnr. Frances Childs in 2002 opgestel toe hy…

Die Nederlandse regering het einde verlede jaar aangekondig hy gaan tot 3 000 “spitsbesoedelaar-plase” en groot nywerheidsbesoedelaars uitkoop in ’n poging om ammoniak- en stikstofoksiedvrystellings, wat ingevolge Europese Unie-wetgewing onwettig is, te verminder. Hiermee probeer hy sy planne deurvoer om honderde plase uit produksie te dwing om stikstofoksiedvrystellings te verminder. Me. Christianne van der Wal, minister van natuur en stikstofbeleid, het gesê boere sal meer as 100% van die waarde van hul plase aangebied word om op te hou boer. Die Nederlandse regering het nou vir die eerste keer pertinent te kenne gegee dat gedwonge onteiening vanjaar sal volg as die huidige vrywillige maatreëls aanhou misluk. Die spitsbesoedelaars – meestal boere – sal ’n finale lys keuses aangebied word: Innoveer om vrystellings aansienlik te verminder, gaan oor na ’n nuwe…

Mnr. Johannes Loubser Watter tegnologie is onontbeerlik in jou boerdery? Die gerekenariseerde bestuurstelsel, presisieboerdery, satellietnavigasie en die Afimilk-melkbestuurstelsel. Wat is die beste raad wat jy al ontvang het? Bestee self soveel moontlike tyd aan jou boerdery en maak gebruik van kundigheid. En jou grootste fout gemaak? Ek het in ’n stadium self voer gemeng. Het jy ’n mentor? My pa, Eduard, wat in 2021 oorlede is, was my mentor. Watter vernuwing het die grootste impak op jou boerdery gehad? Die nuwe melkaanleg en koeihuise wat opgerig is. Ook die rekenaarstelsel wat die horisonne geopen het. Dit was die beste besluit om sulke tegnologie in te bring.…

LIGGING VRYSTAAT INLIGTING Plek: Springfontein Plaas: Grootzuurfontein, Bobsfontein en Jakhalsfontein Grootte: 2 632 ha Vertakkings: Merino’s en ’n Rooipoenskop-stoetery, skaapvoerkraal Veld: Suidwestelike karoo-agtige veld van die Vrystaat en skyn-karooveld Reënval: 423 mm/jaar KORTOM ■ ’n Wetenskaplike weidingstelsel laat dié Suid-Vrystaatse boerdery se inkomste met R147 per hektaar verhoog en die risiko vir droogte van 65% tot 20% afneem. ■ Die swakste deel van die plaas se weidingskapasiteit het tot 17 ha/GVE verbeter teenoor 28,7 ha/GVE in 2004. ■ ’n Driegroep-kampstelsel met ’n ritme van vier seisoene word toegepas. Die aansienlike veldverbetering op ’n aanvanklik weidingsarm skaapplaas in die Vrystaat het nie oornag gebeur nie, maar ná net duskant twintig jaar van volgehoue veldbestuur, het die risiko van droogte van 65% tot 20% afgeneem. Boonop kan mnr. Arnold Griesel van Grootzuurfontein…

BOEREBROKKIE Hoekom boer jy met eiers? Die lêhenboerdery is deel van ons geïntegreerde, natuurlike boerderybenadering. Ons gebruik hoendermis as ’n natuurlike misstof by ander gewasse (pekanneute en blomme) op ons plaas. Eiers bied ’n bestendige inkomste. Watter rasse verkies jy? Hyline- en Lohman Brown-henne. Hulle is robuus en lê baie eiers. Hoeveel eiers kan ’n hen lewer? Tot sowat 300 eiers per jaar. Vertel meer oor jul vryloop-filosofie. Dierewelstand is vir ons baie belangrik. Ons skep ’n omgewing wat so stresvry moontlik is deur die henne bedags toe te laat om vrylik in oop weikampe te skrop. Saans slaap hulle in veilige onderdak-areas. Watter voordele hou dit vir die hoenders, die eindproduk en die finansies in? Die eiergele is helderoranje omdat die henne in die weikampe na kos soek en…

Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 75 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 16 Februarie 2023. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 104 Deur Gerda Engelbrecht Voltooi die rooster sodat elke ry dwars, elke kolom af en…

Die volgende ontleding van grondverkope in Suid-Afrika is van transaksies vir grond van meer as 10 ha in Mpumalanga, die Noord-Kaap en Noordwes van Desember 2021 tot verlede November. In Mpumalanga was daar 385 transaksies in 6 distrikte. Dit het 74 275 ha teen R2,223 miljard behels. In 83% van die distrikte is gunstige prysneigings opgemerk. Slegs by Middelburg het pryse met 2,5% gedaal. In die betrokke tydperk is 228 transaksies in 20 distrikte in die Noord-Kaap gesluit. Altesaam 404 899 ha is teen R1,943 miljard verhandel. Pryse by Calvinia het met 14,4% gestyg, terwyl dit met 14,5% by Namakwaland gedaal het. Die helfte van die distrikte in die provinsie toon gunstige prysneigings en by 15% van die distrikte is neigings onveranderd. In Noordwes was daar 780 transaksies in 13…

RENOSTERHORING: WETTIGE HANDEL SAL WERK SKEP WENBRIEF Die aktuele artikel “Tyd ryp vir vars aanslag oor renosters” (LBW, 17 Desember 2022) beskryf die benarde posisie waarin vrylopende en ander renosters nou is, maar gee nie die rede daarvoor nie en brei nie uit oor die ongelooflike welvaart wat renosterboerdery deur die verhandeling van die horings vir Suid-Afrika kan skep nie. Die wettiging van handel in renosterhoring sal duisende werkgeleenthede skep en ongekende inkomste vir Suid-Afrika beteken. Die renoster sal die mees ekonomiese plaasdier met die grootste inkomste wees. Tans is renosters byna waardeloos. Die Crous-broers se veiling sowat twee maande gelede het dit bewys. ’n Renosterkoei met ’n kalf het gesukkel om R100 000 te haal. Sowat 15 jaar gelede was die prys van ’n koei met ’n kalf R400…

BESPROEIINGSBOERE langs die Vaalrivier in die Vrystaat loop al hoe meer deur onder kabeldiefstal, maar selfs al slaag hulle daarin om diewe op heter daad te betrap, word baie van hulle later deur die howe vrygelaat weens leemtes in polisie-ondersoeke. Mnr. David Britz, voorsitter van Vierfontein se boerevereniging, wat ook betrokke is by die plaaslike reaksiemag, sê verlede jaar was daar in hul gebied minstens drie gevalle waar tien diewe aangekeer is deur boere wat self kameras dophou en die omgewing patrolleer. “Elke keer is koper in hul besit gevind, en elke keer is die verdagtes, wat reeds alles erken het, vrygelaat weens probleme met die Vierfontein-distrikspolisiekantoor se ondersoeke na die voorvalle. “Die boere van die omgewing plaas hul lewe en hul gesinne se veiligheid op die spel om die…

Rubriek Die departement van landbou, grondhervorming en landelike ontwikkeling het ’n versoek ontvang om die mieliegraderingsregulasies te wysig. Die bedryfsverteenwoordigers, soos Graan SA, Agbiz Grain, die NCM, Sacota en Afma, is versoek om teen einde November 2022 kommentaar op die voorgestelde wysigings in te dien. Die departement het op 17 Januarie 2023 met die belanghebbendes vergader. Hulle kon nie konsensus oor die wysigings bereik nie. Daar is onsekerheid of die navorsing voldoende is om die voorgestelde wysigings te ondersteun en die gebrek aan konsensus het die besluit van die departement bepaal. Klem is daarop gelê dat wetgewing verbruikers se voedselveiligheid voorop stel. Enige voorgestelde wysigings van ’n graderingsfaktor wat die voorkoms van mikotoksiene kan verhoog, word onder die vergrootglas geplaas. Die opbergingsektor het die volgende kommentaar op die voorgestelde wysigings…

INTERNASIONAAL: Die Chicagoprys het met 3,2%, of $8,25/t (R141,19/t), tot $267,18/t (R4 573/t) gestyg. Op ’n jaargrondslag is dit 12,6%, of $29,94/t (R512,40/t), hoër. Verwagte pryse: Maart – $266,52/t (R4 561/t), Mei – $265,74/t (R4 548/t). PLAASLIK: Die Safexprys van witmielies het met 5,5%, of R245/t, tot R4 726/t teenoor die vorige week gestyg. Die prys van geelmielies het met 4,1%, of R185/t, tot R4 665/t gestyg. Op ’n jaargrondslag is witmielies 32,4%, of R1 156/t, duurder, terwyl geelmielies 25%, of R934/t, duurder is. Verwagte witmieliepryse: Maart – R4 650/t, Mei – R4 531/t. Verwagte geelmieliepryse: Maart – R4 690/t, Mei – R4 582/t. INTERNASIONAAL: Die Chicagoprys het met 0,5%, of $1,27/t (R21,73/t), tot $273,05/t (R4 673/t) teenoor die vorige week gestyg. Op ’n jaargrondslag is dit 3,2%, of $9,02/t…

“Boere in Suid-Afrika produseer bogemiddelde opbrengste in ondergemiddelde toestande,” sê mnr. Egon Zunckel (INLAS), wie se boerdery gereeld aan plaaslike opbrengs-kompetisies deelneem. Hy glo indien Suid-Afrikaanse boere in Amerika sou boer, sou hulle soortgelyke opbrengste kon behaal. “Daar is ongelukkig verskeie faktore wat teen Suid-Afrikaanse boere tel om optimale opbrengste soos dié in Amerika te kan produseer.” Zunckel bedryf Zunckel Farms saam met sy seuns, Tyson en Carl, op die plaas Rustenburg naby Bergville in KwaZulu-Natal, en plant ook op grond by Warden in die Oos-Vrystaat. Die boerdery bestaan uit ’n saaiery (mielies, sojabone, koring en droëbone) en vleisbeeste. Suid-Afrikaanse mielieboere se kwessies sluit wisselende klimaatstoestande soos temperature en winde in. “As mielies aan temperature bo 32 °C en winderige toestande blootgestel word, ervaar die plant stres.” Verskillende tipes en…

LUIDENS ’n studie in die joernaal Diversity kom verskillende spesies myte reg oor druifplante voor. Elkeen is nie eksklusief tot spesifieke plantdele beperk of vir spesifieke simptome verantwoordelik nie. Dit het implikasies vir die plaagbekampingsprogramme van Suid-Afrikaanse wingerdkundiges, meen navorsers van die departement van landbou, grondhervorming en landelike ontwikkeling, die Universiteit Stellenbosch (US) en die Landbounavorsingsraad (LNR) wat die studie onderneem het. Die knopmyt (Colomerus vitis) is ’n wêreldwye wingerdplaag. Die volwasse knopmyte is net 0,1 mm tot 0,2 mm groot en te klein om met die blote oog gesien te word. Hul eiers en larwes is selfs kleiner. Die hoofnavorser van die studie, dr. Davina Saccaggi, wat gedurende die dekade lange navorsingsprojek by die departement se diagnostiese dienste vir plantgesondheid werksaam was, werk deesdae vir Citrus Research International. Volgens…

VEELDOELIGE NUWE REEKS KLEEFMIDDELS Die Pratley Pratlok-reeks anaërobiese kleefmiddels is ideaal vir verskeie bedryfstoepassings. Die reeks kleefmiddels het die Technology Top 100-toekenning van die Da Vinci-groep ontvang. Die keuse tussen produkte is vereenvoudig om die regte middel vir die spesifieke toepassing te vind. Die Pratley Pratlok-reeks word volgens kleure gekodeer. Die produknaam is ook vereenvoudig – Partlok Screw Grade 0-6 kan byvoorbeeld vir skroewe van tot 6 mm gebruik word. Dit verminder risiko omdat die regte kleefmiddel gebruik word. Na gelang van die graad van kleefmiddel wat gebruik word, sal ’n enkele druppel op ’n skroefdraad binne 8 tot 18 minute begin verhard en binne 24 uur gereed wees vir werk. Die reeks bestaan uit kleefmiddels wat in die afwesigheid van suurstof verhard. Die Pratley Pratlok Nut Lock Grade 6-10…

Valkoog Met ons aankoms by die Duinepos-selfsorgeenhede vul ons dadelik die waterbakke en sommer gou is die Kaapse fisante, slangverklikkers en verrassend, die swartkopkanaries, by om dit te benut. ’n Piet-tjou-tjou-grysmees is ook byna dadelik besig om met homself in ons voertuig se truspieëltjie te baklei. Ná middagete verkas ons na die Abrahamskraal-voëlskuiling langs ’n dam wat die enigste vars water in die park hou. Langs die toegangspad vind ons bergpatryse en die bedreigde witvlerkkorhaan. Die hoogtepunt is egter ’n witkruisvleivalk wat stadig en laag oor die renosterveld sweef op soek na prooi. By die skuiling word sewe soorte eende en swart- en grootkoningriethane geïdentifiseer. ’n Gesogte grootriethaan sorg vir die grootste opwinding. In die skuiling self het witkeelswaels ’n nes en kom die volwassenes met verstommende reëlmaat ingevlieg om…

GAUTENG CARLETONVILLE EIGENAARSFONTEIN (442), 141 ha, aan Fortuway (Edms.) Bpk., van Dr A Jacobsz Inc, R5413043. OUDEDORP (376), 69 ha, aan Holistivate (Edms.) Bpk., van A. Smit, R2 300 000. NIGEL GOEDVERWACHTING (442), 391 ha, aan A. Meiring, van A. Meiring, R1 723 500. WINTERHOEK (314), 177 ha, aan SN Hart (Edms.) Bpk., van Mabogoana Prop-trust, R3650000. WELVERDIEND (379), 22 ha, aan T.P. Zikode, van A.S. Human en M. Human, R2 200 000 KWAZULU-NATAL HARDING E’BUTA (18224), 15 ha, aan SSR Security BK, van Ebuta BK, R5 000 000. UNDERBERG PLAAS (17507), 217 ha, aan Struan Farms BK, van John Fergus Vinnicombe-trust, R5300000. LOT FP 25 (5819), 80 ha, aan Ossie Marx-familietrust, van Johan & Stefan Eiendomme BK, R2 700 000. UTRECHT WELGEVONDEN (287), 21 ha, aan Azania Psychology (Edms.)…

95% Ondanks verwoestende reënstorms wat die Kaliforniese kus die afgelope weke getref het, is 95% van dié belangrike Amerikaanse landbou-deelstaat steeds in droogtetoestande gehul. Die sentrale vallei van Kalifornië beslaan 1% van Amerika se plaasgrond, maar produseer ’n kwart van die voedsel — meer as ’n derde van die land se groente en twee derdes van die vrugte en neute, volgens die US Drought Monitor. — Fox News 12,7% Voedselprysinflasie het in Desember op 12,7% op ’n jaargrondslag gestaan, en dié van kos en nie-alkoholiese drankies op 12,4%. Stygings in die prys van olies en vette het verstadig tot 22,4%. Die inflasiekoers van brood en grane het op 20,6% gestaan en dié van groente op 12,5%. Verwerkte én onverwerkte voedsel se inflasievlak was hoër as die verbruikersprysindeks van 7,2%, teen…

Langlewendheid, koeigesondheid en vrugbaarheid bly die hoekstene van die Loubser-meestersuiwelboerdery, maar die wêreld van teling het in die afgelope jare die speelveld totaal verander. Mnr. Johannes Loubser van Welgegund buite Durbanville het die titel as SA Meestersuiwelboer verlede jaar die vierde keer verower. Lees die artikel op bl. 44. Vertel van jou gesin. Ek en my vrou, Alma, het drie kinders. Nicola is ’n onderwyseres in die Koue Bokkeveld, Pieter boer saam met my, en Eline is ’n sportklere-ontwerper. Wat is jou stokperdjies? Jag, visvang en seil op die Langebaan-strandmeer. Geniet jy sport? Ja. Ek speel gholf en ondersteun die Stormers. Het jy gestudeer? Ná matriek aan die Hoër Landbouskool Boland het ek ’n tweejaardiploma in veekunde aan die Landboukollege Elsenburg behaal. Mnr. Deon Malherbe van die plaas Eselfontein, Ceres,…

1 NIGERIË | Mexiko wil méér uitvoer Nigerië is die fokuspunt vir Mexiko se ambisies om landbou-uitvoer na Afrika te vergroot. Van die produkte wat oor en weer tussen Mexiko en Afrikalande uitgevoer word, is sesamsaad, rys, aarbeie, mielies, appels, kakao, okkerneute, pere, tabak, druiwe, pluimvee, kreef en sardyne. Nigerië en die Mexikaanse voedselveiligheidsliggaam Senasica het ooreengekom dat Nigerië uitvoermaatskappye in dié land sou sertifiseer volgens Mexikaanse vereistes om te verseker daar word aan alle veiligheidsvereistes voldoen. – Farmers Review Africa 2 KENIA | Sonkrag verbeter die landbou ’n Internasionale ontwikkelingsagentskap, World Neighbours, spesialiseer in die installering van klein, goedkoop toerusting wat deur sonkrag aangedryf word om boere by te staan. Van dié toerusting sluit in ’n mobiele sonkragwaterpomp vir die besproeiing van groente uit huistuine. Dié pomp word deur…

DIE bedryfsliggame wat die Suid-Afrikaanse wynbedryf verteenwoordig, gaan later vanjaar deur een organisasie, SA Wine NPC, vervang word. Vier van die huidige ses wynbedryfsliggame sal na verwagting teen die middel van die jaar onder dié liggaam saamgevoeg word en sal produsente, die wynhandel en die brandewynbedryf verteenwoordig. Die Suid-Afrikaanse wynbedryfsinligting en -stelsels (Sawis) en die bedryfsliggaam Wines of South Africa (Wosa), wat verantwoordelik is vir die bemarking van Suid-Afrikaanse wyn in die buiteland, sal weens kontraktuele verpligtinge met die regering “nie deel wees van SA Wine NPC nie, maar deur kontrakte baie nou met die organisasie saamwerk”, volgens mnr. Rico Basson, besturende direkteur van Vinpro. Die organisasies Vinpro, Winetech, die Suid-Afrikaanse drankhandelsmerkvereniging (Salba), die Suid-Afrikaanse wynbedryfstransformasie-eenheid en Vinpro doen volgens Basson almal goeie werk, maar samewerking skiet tekort. Hulle het…

Rubriek KORTOM ■ Die verwagte knellende ekonomiese omstandighede in 2023 kan groot besighede tot bankrotskap dryf. ■ Die vraag na kommoditeite kan verswak en daarom kan kommoditeitspryse daal. ■ Sakeleiers in Suid-Afrika beskou die inploffing van die staat en sy dienste, saam met die ineenstorting van infrastruktuur, as die grootste risiko’s oor die volgende paar jaar. Twee belangrike navorsingsverslae is in Januarie bekend gemaak. Die Wêreldbank gee ’n vooruitsig van wat in die volgende twee jaar te wagte kan wees in die wêreldekonomie, terwyl die Wêreld- Ekonomiese Forum (WEF) die groot risiko’s bespreek. Hierdie diepgaande navorsingsverslae het ten doel om aan te dui wat die verwagte toestande in die volgende twee jaar gaan wees. Die bedoeling is dat besighede (en regerings) daarop ag moet slaan en hulself probeer posisioneer vir…

Uieboere hoop op stygende pryse vanjaar te midde van stygende produksiekoste en die voortdurende kragkrisis. Mnr. Rossouw Cillié, eienaar en besturende direkteur van die Laastedrif-boerdery, sê die afgelope twee jaar het die styging in produksiekoste boere finansieel kwaai onder druk geplaas. Die vooruitsigte vir die jaar sluit volgens hom daarom hopelik ’n styging in pryse in wat beter is as in die verlede. Dit gebeur reeds. Uie is een van 44 sleutelprodukte in ’n mandjie van kosprodukte wat die koopkrag van lae-inkomstehuishoudings bepaal. Luidens die jongste verslag oor Desember se pryse, het die prys van uie amper ’n 100%-styging teenoor Desember getoon. Cillié meen daar is steeds geleenthede vir uitvoer. Hy sê tans word Suid-Afrikaanse uie meestal na Europa en Brittanje uitgevoer, maar daar word ook heelwat uie na Afrika…

Nederland is ’n land met 4 miljoen beeste, 13 miljoen varke, 104 miljoen hoenders en 17 miljoen mense. Hierdie lewende wesens leef op 41 000 km², waarvan 17% van die see herwin is en 20% steeds onder water is. In die wêreld tel dit as een van die digsbevolkte lande – nie net ten opsigte van mense nie, maar ook ten opsigte van lewende hawe. Hierdie betreklik klein land is ook die grootste uitvoerder van vleisprodukte in Europa. Dié oorvloedigheid kom egter teen ’n prys. Die gepaardgaande intensiewe boerderypraktyke, veral dié van lewende hawe, lei tot skadelike besoedeling, hoofsaaklik omdat die diere se mis ’n afvalproduk is wat ’n probleem skep. Die vermenging van mis en urine produseer ammoniak wat saam met die afloop van stikstofryke kunsmis vanaf bewerkte lande…

Wat is die grootste fout wat jy gemaak het? Om ’n Forelle-boom in ’n palmet-stelsel te laat bind. Ek wil nie weet hoeveel miljoene ons daar verloor het nie. Dit is waar ek geleer het om nie toe te laat dat iemand ’n proefkonyn van jou maak nie. Watter lesse het jy al geleer? Ek probeer nie meer suksesvol bespaar nie, maar eerder suksesvol bestee. Ek sal byvoorbeeld kruisbande aansit met plae, want as jy daar wil bespaar, gaan dit jou vang. Hoe dra jul toerismevertakking tot die boerdery by? Ons het daardeur ’n handelsmerk gebou wat my kinders eendag kan gebruik as hulle hul eie kaas of iets wil maak om te bemark. Ons bied ’n bergfietswedren, ’n driekamp en ander gebeurtenisse op die plaas aan. Daar is min…

Geldbeplanning Vir meer as 30 jaar doen ek en my kollega AJ du Plooy, medeskrywer van vandeesweek se rubriek, boedelbeplanning vir sakelui, boere, persone in professionele beroepe en ander mense. Ons doen holistiese beplanning, asook aftree-, beleggings- en sakebeplanning. Tydens die ontledings word testamente en trusts geoudit en gewysig waar nodig. Sake- en ander risiko’s word geïdentifiseer, en wenke en voorstelle word daaroor gegee. Die wysiging van boedelstrukture en vererwingswenke is gewoonlik noodsaaklik om belastings en koste by afsterwe te verminder. Ons ervaar daagliks dat mense se sake nie in orde is nie en dat vele blapse gemaak word. Almal behoort vooraf te weet hoe sake gaan verloop as ’n geliefde sterf. Ná die afsterwe kan verkeerde besluite, foutiewe dokumente en risiko’s nie reggestel word nie. ’n Mens se boedel…

GRENADELLAKAASKOEKYSIES Maak hierdie maklike ysies vir nagereg pleks van roomys. Dit bevat min vet en suiker en is propvol proteïene. ■ 5-6 ryp grenadellas ■ 500 ml vetvrye of laevetgrenadellajogurt ■ 10 ml heuning ■ 100 ml gladde maaskaas Sny die grenadellas oop en skep die pulp uit in ’n bakkie. Meng goed tot glad. Verdeel die pulp tussen 4-6 suigstokkievorms van plastiek. Klits die jogurt, heuning en maaskaas saam tot glad en vul die vormpies tot bo daarmee. Steek roomysstokkies van hout in elke vormpie en vries oornag tot hard. Om uit te keer, doop die vormpies vinnig in warm water en trek die ysies versigtig aan die stokkies uit. Geniet dadelik. Lewer 4-6 porsies. GESONDE TUNAPASTASLAAI Pastaslaai is ’n gunsteling, maar dit bevat dikwels te veel vet en…

Van jongs af was Arné Stander (31) gefassineer deur insekte. Hy was die seuntjie wat spinnekoppe en skerpioene aangehou en bidsprinkane met vlieë gevoer het. Dié hartstog het uiteindelik gelei tot sy droomwerk as inwonende entomoloog by Babylonstoren in die Drakenstein-vallei, waar hy onder meer verantwoordelik is vir die plaas se Kaapse heuningby-bevolking. Arné sien om na die sowat 50 korwe op die plaas, hou die bye se welstand dop en maak korte mette van uitheemse roofinsekte, soos Duitse wespe (Vespula germanica) wat waag om dié bestuiwers se lewe te bedreig. Hy begin juis vanjaar met ’n PhD-graad by Maties waartydens hy die invloed van byeboerdery op die verspreiding van die Duitse wespe en ander uitheemse wespe sal ondersoek. Arné bestuur ook die tilapia-visse in die klein dammetjies by die…

Nou die dag lees ek ’n baie mooi aanhaling deur ’n man met die naam van Charles Kettering. Hy het gesê ons moet almal besorg wees oor die toekoms, want ons moet die res van ons lewens daar deurbring. Ek dink dit is baie toepaslik. Ons konsentreer op die nuwe seisoen, nuwe jaar en dinge wat nou vir ons belangrik en duidelik noodsaaklik is, maar ons moet ook bekommerd wees oor die toekoms. Waar gaan ons die ewigheid deurbring? Moet nooit bang wees om op ’n onbekende toekoms in ’n bekende God te vertrou nie. Die Here het aan ons belowe dat Hy ons nooit sal verlaat nie; Hy sal ons nooit in die steek laat nie (Hebreërs 13:5). En dit is wonderlike nuus vir die toekoms. Corrie ten Boom,…

PRYSE Bonsmara SA het ’n bo verwagte suksesvolle veilingsjaar in 2022 beleef, ten spyte van beken-klouseer en die nagevolge van covid-19. Talle veilings is uitgestel, maar nie afgestel nie. Mnr. Louis Steyl, uitvoerende hoof van Bonsmara SA, sê wat bulle betref, is een meer veiling as die 104 van 2021 aangebied, 79 meer bulle verkoop en die gemiddelde prys van die bulle (R79 365) was R5 806 hoër. “Uitskieterpryse vir bulle was R2,1 miljoen in 2022 en R1,5 miljoen in 2021 wat aanleiding gee tot die aanname dat die diere vir kommersiële boere onbekostigbaar geword het,” sê hy. “Maar as die gemiddelde gewig van ’n speenkalf (230 kg) en die gemiddelde slagprys van R40/kg in ag geneem word, geld die algemene reël dat die waarde van agt speenkalwers (8 x…

BOEREDAE 11 FEBRUARIE: Drakensbergerbeestelersgenootskap: Vrystaatstudiegroep. Vrede. 051 410 0974. 22 FEBRUARIE: Charolaisboeredag, Vryburg-skouterrein. June Wiid, 051 410 0953; june@stemma.co.za SKOUE 8-11 FEBRUARIE: Heidelberg (Wes-Kaap). Sarah Koch, 082 725 4091; sarahs.val@gmail.com 10-11 FEBRUARIE: Victoria-Wes. Adri Gerber, 082 940 8231; vicweslandbou@gmail.com 15-19 FEBRUARIE: Riversdal. Cornel Pfaff, 082 412 7033; skou@riversdaler.co.za 23-25 FEBRUARIE: Williston. Klara Steenkamp, 060 580 7480; blomklara@yahoo.com 23-26 FEBRUARIE: Bieliemieliefees, Reitz. Navrae: 083 303 6117 (voorsitter, borge en kunstenaars) of 083 395 2640 (uitstallers, algemene navrae en kampering). 2-4 MAART: Swellendam. Danitsa Badenhorst, 082 093 1780; skou.reception@gmail.com of skouborge@gmail.com 2-4 MAART: Kÿto Karoofees, De Aar. Navrae: 053 631 3691; info@karoofees.org 3-4 MAART: Tarkastad. Leon Goosen, 082 555 5530; skoustalletjies@gmail.com 3-4 MAART: Plaaskultuurfees, Clocolan. Veteraantrekker- en enjinuitstalling met demonstrasies. Valencia Pieterse, 082 775 1675; vpieterse64@gmail.com 8-11 MAART: Beaufort-Wes. Samantha Smit, 079…