Landbouweekblad 19 January 2023

IN ’N BLIK DIE Wêreldbank wil sy kapasiteit vir finansiering om klimaatsverandering en ander wêreldwye krisisse aan te pak, drasties uitbrei. ’n “Evolusie-padkaart” wat Reuters te sien gekry het en wat aan aandeelhoudende regerings gestuur is, dui op die aanvang van ’n onderhandelingsproses om die bank se doelwit en finansiële hulpbronne te wysig en dit weg te skuif van die land- en projekspesifieke uitleenmodel wat sedert die bank se stigting aan die einde van die Tweede Wêreldoorlog gebruik is. Die bank se bestuur wil spesifieke voorstelle om sy missie, bedryfsmodel en finansiële kapasiteit te verander, gereed hê vir goedkeuring op die vergadering van die bank en die ontwikkelingskomitee van die Internasionale Monetêre Fonds (IMF) in Oktober. Pleidooie neem toe vir die hervorming van ontwikkelingsbanke weens die groeiende druk wat ontwikkelende…

DUITSE SPIERKRAG Die landboutoerustingvervaardiger Equalizer, met sy hoofkantoor in Brackenfell, Kaapstad, is deur die Duitse landboumasjinerievervaardiger Lemken oorgekoop. Dit gee die maatskappy ’n beduidende kapitaalinspuiting en toegang tot veel meer markte. Die maatskappy is in 2000 gestig en het reeds ’n teenwoordigheid in Australië. Mnr. Anthony van der Ley, hoofbestuurder van Lemken, sê die twee maatskappye se reekse werktuie is aanvullend, en hulle sal kundigheid deel “in alle aspekte van die besigheid, waaronder ingenieurswese, bemarking en verkope”. Lees meer op bl. 19. KRAGSEKTOR VORDER Vordering om Suid-Afrika se elektrisiteitsektor vir groter private deelname te open, bied ’n sprankie hoop te midde van volgehoue beurtkrag. Business Day berig dat wysigings aan die regulasies vir kragopwekkingslisensies middel Desember in die Staatskoerant afgekondig is, wat onder meer die kwytskelding van die vereiste vir…

R300 miljoen PepsiCo se afdeling vir Afrika suid van die Sahara het ’n nuwe produksielyn ter waarde van R300 miljoen by sy Weet-Bixaanleg in Atlantis geopen om produksiekapasiteit te vergroot. Dié kapitaalbelegging is deel van ondernemings wat PepsiCo gemaak het as deel van sy verkryging van Pioneer Foods. Die nuwe produksielyn sal 14 bykomende werkgeleenthede skep oor vier skofte en sluit ook uitgebreide silokapasiteit vir 500 ton koring in. – PepsiCo 4% Warm, droë, winderige toestande oor die Noord-Amerikaanse Laagvlakte het koringproduksie oor die afgelope 40 jaar beduidend laat afneem, luidens navorsing deur die Kansas-staatsuniversiteit. Dié toestande het van 1982 tot 2022 skerp toegeneem, en gelei tot ’n 4%-afname in opbrengs per 10 uur van warm, droë, winderige toestande tydens koring se groeistadium. Dit raak plase in Suid-Dakota, Nebraska, Colorado,…

Anderkant die reënboog Ek kyk onlangs heel per toeval ’n TV-program saam met my drie seuns. So ’n standaard-, vervelige Hollywood-affêre waar die lewe en almal se tande altyd perfek is. Ek’s verbaas hoe baie van die aksie ek nie so lekker verstaan nie — van die uitdrukkings, kulturele verwysings en sommer baie van die humor ook. Dit is absoluut fassinerend dat my seuns nie my verwarring deel nie, en dit beaam my lankstaande vermoede dat ek al geruime tyd ouballie-status bereik het, al voel ek nog 35. Maar dit is ook verskriklik bemoedigend. Want tussen al die nuwe idees wat jeugdige energie ontsluit, is daar straks ook ’n paar puik oplossings. My oudste, wat tans met universiteit klaarmaak, wys my onlangs die ChatGPT-toepassing wat die web met kunsmatige intelligensie…

DROOGTE G’N ‘MENSGEMAAK’ Mnr. Johan Swiegers se brief “ ’n Mensgemaakte droogte?” in Landbouweekblad van 25 Augustus 2022 het betrekking. Die afgelope sewe jaar was ’n aaneenlopende droogte met hier en daar ’n bietjie reën. Dit was veral ná die wintermaande dat daar geen neerslag was nie en die voerrekeninge die hoogte ingeskiet het. Die aanname wat Swiegers maak dat dit ’n mensgemaakte droogte vanaf die jaar 2000 is, is so ver van die waarheid soos Engeland van die Karoo is. Ek dink die Suid-Afrikaanse boer is die beste ter wêreld. Die feit dat daar groot droogtehulp uit private insiatief gekom het om die boere te help, tesame met kospakkies wat aan hulle en hul werkers voorsien is, spreek boekdele. Soos die kraai vlieg, is ek 65 km suid van…

Mnr. Willie Geldenhuys van Ventersdorp het onlangs twee Suid-Afrikaanse rekordpryse vir ’n ram en ’n ooi op die 66ste nasionale SA Vleismerino-veiling in Bloemfontein behaal. Lees die artikel op bl. 56. VERTEL VAN JOU GESIN. Ek en my vrou, Nadia, het drie dogters: Delia (8), Ané (5) en Lindie (2). HET JY NÁ SKOOL GESTUDEER? Ek was vir ’n jaar ’n student aan die Landboukollege Potchefstroom, maar het toe besluit om eerder te begin boer. WAT IS JOU STOKPERDJIES? Wapens en jag. Ek het vanjaar my eerste buffel geskiet en dit was ’n lekker ondervinding. WAAR HOU JY VAKANSIE? Umhlanga. WATTER SPORTSPANNE ONDERSTEUN JY? Die Blou Bulle en die Springbokke.…