Innholdsfortegnelse for 08 December 2022 i Landbouweekblad

Anderkant die reënboog Skokkend, maar dalk nog erger, doodgewoon ontmoedigend. Dit is ál hoe ’n mens die onlangse misdaadsyfers kan beskryf. In byna alle kategorieë het misdaad op ’n kwartaalgrondslag gestyg. ’n Droewige prentjie van absolute mislukking. Ja, jy kan die bedanking van minister Bheki Cele eis (en die man móét gaan), maar ons weet almal dit gaan ons net tydelik laat beter voel. Die werklike probleme gaan bly — vrot leierskap en erg gebrekkige opleiding wat tot by die kleinste plattelandse polisiekantoor strek. Soos altyd is daar uitsonderings. Individue in die polisie en die nasionale vervolgingsgesag wat plekplek nog vertroue inboesem. Maar meestal voel dit of die fundamentele vertrouensverhouding tussen die polisie (en die regstelsel in die breë) en die gemeenskappe wat hy moet dien, eenvoudig gebreek is. ’n…

’N SKAFLIKE mango-oes met vrugte van goeie gehalte gee boere hoop ná ’n taai jaar. Mango’s staan dikwels in die skadu van hoëwaardesubtropiese gewasse en sitrus oor dié vrug se aangewesenheid op die plaaslike mark en relatief laer inkomste per hektaar, teenoor gewasse soos makadamianeute en avokado’s. Kwekers van hoëwaardegewasse wat ook mango’s het, sê egter vanjaar gaan die mango’s dalk die pot aan die kook hou. Terwyl sitrus- en avokadokwekers nog tot verhaal kom ná wat as een van die moeilikste seisoene vir uitvoervrugte in baie jare beskou kan word, het mangokwekers begin oes aan vrugte waarvan die gehalte besonder goed is. Mnr. Duo Landman van die Landman Groep op Hoedspruit sê baie sitruskwekers in die omgewing het ook mangoboorde. Hy glo die goeie mango-oes kan help waar kontantvloei…

TOE pres. Cyril Ramaphosa in 2017 tot sy amp verkies is, het hy belowe om geweldsmisdaad binne 10 jaar te halveer, dog hy dank nie mnr. Bheki Cele, die minister van polisie, af nie. Dit was mnr. Andrew Whitfield, DA-LP, se reaksie op die droewige misdaadstatistieke vir Julie tot September. Cele se eerste woorde tydens sy bekendmaking van dié misdaadstatistieke was: “Die syfers lyk nie goed nie.” ■ Plaasmoorde het toegeneem van 15 na 16. ■ Alle kontakmisdade het met 18,5% of 25 373 tot 162 518 aangemelde voorvalle gestyg. ■ Daar was 13,6% meer moorde – 7 004 teenoor 6 163 die vorige kwartaal. Vuurwapens was vir 2 808 moorde verantwoordelik, messe 930, ander skerp voorwerpe 556, stomp voorwerpe 184, liggaamsdele 134 en bakstene en klippe 109. ■ Meer…

OMNIA HOLDINGS BOER VOORUIT Die netto inkomste van Omnia Holdings se landbou-afdeling het met 17% gestyg tot R5,8 miljard, en sy bedryfswins met 34% tot R658 miljoen. Dit is sonder sy Zimbabwiese bedrywighede. Mnr. Stephan Serfontein, uitvoerende hoof, sê verkoopsvolumes het gedaal vergeleke met die ooreenstemmende tyd verlede jaar, hoofsaaklik omdat Suid-Afrikaanse boere later in die seisoen insette gekoop het in afwagting op swakker kommoditeitspryse en gure weer wat oestyd vertraag het. Oor kunsmispryse sê Serfontein hulpbronpryse het in die afgelope kwartaal ’n bietjie gedaal ná die afgelope jaar se skerp stygings, maar dit is steeds aansienlik hoër as die gemiddelde vir die afgelope vyf tot tien jaar. “Wat ons vorentoe sien, is dat pryse steeds op ’n hoër vlak gaan wees weens faktore buite ons beheer, soos onderbrekings in…

MNR. JOHANNES LOUBSER van Fair Cape Dairies, wat die melkonderneming op sy plaas Welgegund by Durbanville bedryf, is weer aangewys as die Landbounavorsingsraad (LNR) se Meestersuiwelboer van die Jaar – ’n prestasie wat hy ook in 2015 en 2018 behaal het. In 2012 was Loubser die Wes-Kaapse Meestersuiwelboer van die Jaar. Die LNR se spesiale eerbewys vir innoverende ontwikkeling is ook vanjaar aan hom toegeken. Hy het tans 1 283 Holstein- en Ayshirekoeie in die melk met ’n gesamentlike produksie van 12 856 kg melk. “Langlewendheid is vir my ’n uiters belangrike seleksiedoelwit waarop ek klem lê – hou ’n koei so lank moontlik in jou kudde vir goeie leeftydproduksie,” het hy op die prysoorhandiging gesê. Daarby is koeigesondheid en vrugbaarheid die ander twee belangrike hoekstene in sy boerdery. “Langlewendheid…

1 MAROKKO Boere staan water af weens droogte Marokko se graanoes was vanjaar twee derdes kleiner as in 2021, en melkproduksie 30% laer, te midde van ernstige droogte wat reeds vyf jaar duur. Die reën was vanjaar so laat dat sommige koringboere dalk nie eens sal plant nie. Besproeiingskwotas sou hertoegewys word as drinkwater namate die land se netwerk van 149 damme leegloop. In Agadir, waar akwifers ook opdroog, sal ’n nuwe ontsoutingsaanleg vir drinkwater én besproeiing sorg, maar kommer heers oor die fossielbrandstowwe wat gebruik word om dié en ander ontsoutingsaanlegte aan te dryf. — Reuters 2 KENIA GM haastig ingevoer ’n Besending van 10 000 ton geneties gemodifiseerde (GM) mielies het op 22 Junie in Mombasa aangekom, dae ná die regering ’n nuwe tariefvrye periode vir…

Rubriek Voedselsekuriteit bestaan uit drie aspekte. Voedsel moet vir die verbruiker eerstens bekostigbaar wees. Tweedens moet bekostigbare voedsel toeganklik wees. Derdens moet voedsel veilig wees. Graanopbergers verseker dat die opberging van stapelvoedsel aan die wetlike vereistes van voedselveiligheid voldoen. Agbiz Grain het in 2022 ’n gedragskode gefinaliseer wat deur lede onderskryf word. Gesamentlik berg Agbiz Grain se lede ongeveer 70% van die graan en oliesade op wat jaarliks in Suid-Afrika gelewer word. Die lede wat die gedragskode onderskryf, is Afgri, Senwes, NWK, VKB, OVK, Overberg Agri, Silostrat, GWK, Kaap Agri, BKB Grainco, SSK en TWK Agri. ’n Gedragskode verduidelik hoe opbergers hul aktiwiteite om voedselveiligheid te verseker bestuur en rig. Die gedragskode van Agbiz Grain sal voortaan deel wees van opbergingsooreenkomste tussen Agbiz Grain se lede en hul kliënte. DIE…

INTERNASIONAAL: Die Chicagoprys het met 0,1%, of $0,35/t (R6,00/t), tot $260,62/t (R4 470/t) gedaal. Op ’n jaargrondslag is dit 14,7%, of $33,32/t (R571,47/t), hoër. Verwagte pryse: Maart – $262,67/t (R4 505/t), Mei – $263,92/t (R4 527/t). PLAASLIK: Die Safexprys van witmielies het met 1,2%, of R63/t, tot R5 360/t teenoor die vorige week gedaal. Die prys van geelmielies het met 1%, of R50/t, tot R5 100/t gedaal. Op ’n jaargrondslag is witmielies 54,9%, of R1 900/t, duurder, terwyl geelmielies 38,3%, of R1 413/t, duurder is. Verwagte witmieliepryse: Maart – R5 355/t, Mei – R4 783/t. Verwagte geelmieliepryse: Maart – R5 135/t, Mei – R4 620/t. INTERNASIONAAL: Die Chicagoprys het met 2,5%, of $7,61/t (R130,52/t), tot $292,52/t (R5 017/t) teenoor die vorige week gedaal. Op ’n jaargrondslag is dit 5,2%, of…

Olifante wat wild rondloop, word gaandeweg ’n groter probleem vir boere weens die skade wat hulle aan heinings, watertenks en krippe aanrig. Mnr. Thinus Pretorius sê die probleem stoomroller sedert 2015 toe die jag van olifante stopgesit is. Sedertdien het hul getalle toegeneem en hulle breek deur wildheinings wat hulle moet binnehou op soek na weiding en water. Op dié manier kan beeste en buffels ook uit die bek-enklouseervrye gebied ontsnap en Namibië se rooivleisuitvoerbedryf in gevaar stel. Die olifante in die ooste beweeg wes, dié in die noorde beweeg suid en vanaf Kamanjab trek hulle oos. “Die grootvoete beweeg nou al in klein troppies by Summerdown verby.” Drie komitees is aangewys om die probleem te ondersoek, bestaande uit verteenwoordigers van die kommersiële boere, die departement van omgewingsake en toerisme,…

KEN DIE KAROOBOSSIE 23 GEELKATSTERT Gewone naam: Geelkatstert, kopieva (wildekopieva, “copaiva”) Wetenskaplike naam: Bulbine asphodeloides Familie: Asphodelaceae Hierdie lelieagtige plant het ’n groot aantal lang, dun, gegroefde en groen tot donkergroen gladde blare wat spruit uit ’n geskubde, ondergrondse verkorte stingel. Die blare verskyn bokant die grond gedurende die laatlente- en somermaande. Die ietwat verdikte, knolagtige, ondergrondse stingel dien as opbergplek vir vog en voedingstowwe en stel die plant in staat om te oorwinter of droogtes te oorleef. ’n Aantal dun worteltjies dring die grond binne vanaf die onderkant van die ondergrondse stingel. Die geelkatstert blom gewoonlik in die somer en laatsomer, na gelang van die heersende klimaatstoestande. Met blomtyd word ’n aantal groen blomstele, soms tot 25, opgestoot wat elk aan sy eindpunt ’n groot aantal heldergeel blommetjies…

Vra vir Faffa landbou.com Die warm en nat toestande wat in sommige somerreënstreke voorkom, skep die ideale toestande vir haarwurmuitbrekings by skape. Wat staan boere te doen? Veldbestuur speel ’n belangrike rol om haarwurm op die plaas te bekamp, veral tydens ’n uitbreking. Wisselweiding, waar beeste vóór die skape in ’n kamp gejaag word om die larwes op te tel, waarna die skape in die kamp gejaag word, moet sover moontlik toegepas word. Die skape moet so kort moontlik in die kamp gelaat word, waarna die kamp vir minstens twee en ’n halwe maande moet rus, indien moontlik. ’n Haarwurm se siklus is 21 dae vandat die eiers uitbroei tot die volgende eiers gelê word. In ideale weerstoestande sal die eiers in die veld beland en dan uitbroei. Die larwe…

Hoekom boer julle met groente in die Kaapse Wynland? Een van ons grootste voordele is dat ons so naby aan al die markte is. Ons kernbesigheid is aarbeiproduksie, wat ons oor 52 ha op drie verskillende plase verbou. Ons boer ook met tamaties, soetrissies en kruie wat ons aan al die kettingwinkels reg oor Suid-Afrika lewer. Watter rol speel die tamatievertakking? Ons verbou tans 3,5 ha tamaties, maar kan dit binne die volgende maande tot 10 ha uitbrei danksy ’n plaas wat ons onlangs aangekoop het. Ons produseer twaalf maande van die jaar, en kan dus ons infrastruktuur, soos die pakskuur, ten volle benut. Watter kultivars verbou julle? Ek het meer as 30 jaar ondervinding van tamatie- en groenteboerdery en het baie oorsee gereis om die interessantste kultivars te kies.…

Grondpryse stabiliseer in groot dele van die Oos-Kaap en dit lyk asof ekonomiese konsolidasie aan die orde is. In die TABEL is ’n opsomming van grondtransaksies groter as 10 ha in dié provinsie vir die 12 maande tot Oktober vanjaar. In dié tyd is 331 ooreenkomste in 34 distrikte gesluit. Dit het 205 114 ha teen R1,794 miljard behels. By 38% van die distrikte is gunstige prysneigings waargeneem. Pryse het gedaal by Tarkastad (-24,3%), Fort Beaufort (-17,7%) en Willowmore (-14,4%). By Steynsburg het dit gestyg met 17,9%, by Humansdorp met 17,8% en by Barkly-Oos met 13,3%. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 30% (29%); 50-150 ha, 15% (12%); 150-300…

’n Bestendige prys vir slaglammers is deur die jaar nodig om skaapvleisverbruik ’n hupstoot te gee. Die prys van lammers het danksy ’n goeie vraag na skaapvleis in November tot R90/kg gestyg. Mnr. Sarel Cilliers van BKB se veevertakking sê die verbruikersvraag sal na verwagting in Desember effens toeneem, hoewel nie in dieselfde mate as in vorige feestye nie. “Die prys kan tot R95/kg styg. Produsente moet egter bedag wees dat ’n te hoë prys ’n kopersweerstand kan veroorsaak wat verbruikers na alternatiewe proteïenbronne laat neig.” Volgens Cilliers is die produksiekoste van skaapvleis vanjaar aansienlik hoër as in 2021 wat voerkrale se pryse benadeel, asook produsente se produksiekoste van stoorlammers. Die stoorlamprys in die derde week van November was R41,50/kg lewende gewig. Dit kom neer op ’n karkasprys van tot…

SIMPOSIUM 30 NOVEMBER: Sauvignon Blanc SA, tegniese seminaar, web: www.sauvignonblanc.com 29JANUARIE-2 FEBRUARIE: Tiende internasionale simposium vir die besproeiing van tuinbougewasse. Stellenbosch. Navrae: 083 261 0207; deidre@iafrica.com BOEREDAE FEBRUARIE 2023: Charolaisboeredag, Vryburg-skouterrein. June Wiid, 051 410 0953. SKOUE 8-10 DESEMBER: Tulbagh. Dina Wiese, 076 702 0212 of 023 230 0189; tulbaghskou@telkomsa.net 8-11 FEBRUARIE 2023: Heidelberg (Wes-Kaap). Sarah Koch, 082 725 4091; sarahs.val@gmail.com 10-11 FEBRUARIE: Victoria-Wes. Adri Gerber, 082 940 8231; vicweslandbou@gmail.com 15-19 FEBRUARIE: Riversdal. Cornel Pfaff, 082 412 7033; skou@riversdaler.co.za 23-25 FEBRUARIE: Williston. Klara Steenkamp, 060 580 7480; blomklara@yahoo.com 2-4 MAART: Swellendam. Danitsa Badenhorst, 082 093 1780; skou.reception@gmail.com of skouborge@gmail.com 8-11 MAART: Beaufort-Wes. Samantha Smit, 079 396 3531; samanthamegansmit04@gmail.com 13-15 APRIL: Clanwilliam. Wilna Nieuwoudt, 083 685 4356; info@clanwilliamexpo.co.za 27 APRIL-6 MEI: Bloemskou. Elmarie Prinsloo, 051 448 9894; info@bloemskou.co.za 4 MEI: Nasionale…

BOERE langs die Kalkfonteindam en verder stroomaf langs die Rietrivier het verlede maand agtergekom dat mynslik van Jagersfontein Developments se diamantverwerkingsaanleg by Jagersfontein, waar ’n slikdam op 11 September meegegee het, in die dam en besproeiingskanale beland het. Dit kom ná die afgelope weke se goeie reën. Inwoners van Fauresmith, Koffiefontein en Jagersfontein kry ook drinkwater uit dié dam. Die slik het verwoesting by Jagersfontein gesaai waar meer as 160 huise vernietig, troeteldiere en vee meegesleur en twee mense dood is, terwyl een nog vermis word. Boere buite die dorp het van hul veekuddes verloor. Mnr. Marius Schuurman, bestuurder van die Kalkfontein-watergebruikersvereniging, sê die dam is 103% vol ná die goeie reën. “Niemand het die ramp voorsien nie. Ons probeer die beste daarvan maak en voorsorg tref. Die water is…

DIE voortslepende kragkrisis en onvoorspelbare beurtkrag plaas groot druk op noodsaaklike werksaamhede op ’n plaas. Te midde van onsekerheid oor Eskom se vermoë om genoeg diesel te koop vir sy oopsiklus-gasturbines, oorweeg boere nou waarskynlik meer as vantevore alternatiewe kragstelsels op hul plaas om betroubaarder kragvoorsiening te verseker. Dit is egter nie so eenvoudig soos om te besluit waar jou ’n windlaaier kan staan, en of jy ’n dak- of grondgemonteerde sonkragstelsel wil hê nie, het mnr. Harold Burgess, besturende direkteur van Dabar Energy, op Landbouweekblad se eerste Gee my Krag!-webinaar gesê. Volgens hom is daar vier opsies vir alternatiewe, hernubare krag. Windkrag kan goed werk vir byvoorbeeld jagkampe of visvangoorde wat klein stelsels van sowat 1 MW tot 2 MW benodig. Individuele ondernemings het nie toegang tot stelsels van…

Rubriek Die intensiewe veebedrywe het die afgelope paar jaar deur ’n baie moeilike siklus gegaan met ’n ekonomie wat deur covid-19 geknou is. Die verswakkende ekonomie het produkpryse onder druk gehou, terwyl voerpryse skerp gestyg het. Winsmarges het erg gekrimp. Verskeie kleiner produsente het die vark- en eierbedryf verlaat. Gevolglik het produksie nou begin daal om die aanbod in ooreenstemming te bring met wat die mark bereid is om te betaal. Uitendelik sal die mark produsente moet vergoed vir hul kostestygings as verbruikers die produkte wil kry. In die geval van melkprodusente word die melkboerderye al hoe minder, maar al hoe groter. Die braaihoenderbedryf is redelik gekonsentreerd in lewering aan supermarkte, wat dit effe makliker maak om koste deur te gee. Die groot braaihoenderprodusente in Suid-Afrika is geïntegreerd, met hul…

Die uitvoer van Suid-Afrikaanse granate het vanjaar aansienlik gestyg met 15% meer granate wat in 2022 teenoor 2021 uitgevoer is. Volgens Hortgro se bedryfsoorsig, is die meeste van Suid-Afrikaanse granate na die Midde-Ooste gestuur, wat ongeveer 57% van die totale uitvoer behels. Dit word gevolg deur Brittanje (22%), Europa (13%), Afrika (4%) en die Verre Ooste en Asië (3%). Van die totale produksie is 59% vir uitvoer verwerk, terwyl 30% vars uitgevoer is. Nagenoeg 1% is vars op die plaaslike mark verkoop, terwyl 7% na sap verwerk is, en 3% wat vermors is. Daar is vanjaar altesaam 963 ha granate aangeplant – ’n styging van ongeveer 2% sedert 2021. Die meeste van die boorde is in die Wes-Kaap (78%), 11% in die Noord-Kaap, 8% in Limpopo en 2% in die…

’N BOEK met vertellings uit die annale van peerboerdery in Suid-Afrika gaan amptelik bekend gestel word op die 14de internasionale peersimposium in Januarie 2023 op Stellenbosch. People, pears and the stories they share is geskryf deur Buks Nel, nuwekultivarkenner van Tru-Cape-vrugtebemarking, en Henk Griessel, gehaltebestuurder. Dit volg op twee soortgelyke boeke oor die geskiedenis van appels in Suid-Afrika. Nel se vrou, die kunstenaar Ros Nel, is die illustreerder. Daar word onder meer vertel hoekom Beaufort-Wes in die Karoo soveel peerbome het, oor Nieu-Bethesda se wilde Asiatiese pere en oor die oudste Beurre Hardy-peerboord wat nog dra by die Kaapse Instituut vir Landbou-opleiding op Elsenburg by Stellenbosch. Aandag word ook gegee aan die wyse waarop die Gerald Wright-gedenktrust, wat gestig is ter ere van dié boer, gehelp het om byvoorbeeld ’n…

Hoe bly jy aan die voorpunt van nuwe tegnologie? Ek gebruik YouTube nogal baie om te sien wat daar is, en lees ook. Noord-Amerika is jou bakermat waar tegnologie vandaan kom. Europese toestande is baie ligter op werktuie en operateurs as by ons. Ek was al by die meeste van ons produkte se fabrieke. Dit is lekker om ’n kontak te hê om te help met instellings. As ons deesdae ’n werktuig bestel, doen ons dit op papier. Ons laat dit pasmaak vir ons doel – hoeveel hidrouliese pype ons wil hê, hoeveel olievloei en watter tipe haak en bande dit moet hê. By die stropers en trekkers het ons byvoorbeeld sekere dinge afgehaal en ander bygesit. Jy moenie net tegnologie hê om dit te hê nie. Dit dwing ons…

Watter tegnologie is onmisbaar in jou boerdery? My sakrekenaar en skaal. As jy nie meet nie, gaan jy nie weet nie. Ook ’n immobiliseerder tydens die hantering van ingekoopte beeste. Wat is die beste raad wat jy al gekry het? Moenie jou boerderystelsels aanhoudend verander as die markte verander nie. Maak aanpassings binne die stelsel wat vir jou werk. Wat is die grootste fout wat jy gemaak het? Ek het gedink ek kan ’n bees deur ’n droogte uit ’n sak aan die lewe hou en finansieel self lewend anderkant uitstap. Wie was jou mentor? Beslis my pa. Hy het ’n passie vir boerdery gehad en hy het daardie saadjie in my geplant en versorg. Wat stel die grootste eise aan jou? Die balans tussen grasproduksie, bosindringing en gebruik in…

HOUTSTOFIE KRY KOS IN ’N JAPTRAP GAAR Lifespace se kamp- en stapperstofie van vleklose staal bied ’n goedkoop manier om kos in die veld of ’n noodgeval by die huis, soos tydens beurtkrag, gaar te maak. Dit vou klein op – omtrent so groot soos jou dagboek. As dit opgeslaan is, is dit so groot soos die afgelope sewe jaar se dagboeke opmekaar gestapel. ’n Mens laai die stofie met dun houtjies, steek dit aan die brand en plaas jou kastrol of ketel op die stewige rooster van vleklose staal – en siedaar, jy kook water of maak kos in ’n japtrap. Jy kan ook soliede brandstofblokkies (fuel tablets) gebruik of selfs ’n klein alkoholbrandertjie in die vuurmaakplek plaas. Dit sal alles werk en is byna sonder uitsondering goedkoper as…

Op 2 Februarie sal dit 364 jaar wees sedert Jan van Riebeeck, die eerste kommandeur aan die Kaap, in sy dagboek geskryf het: “Heeden is Goode loff van die Caepse druyven d’eerste mael wijn geparst.” Op dié winderige dag was die oes maar skraps en dit het net ’n paar liter sap opgelewer, maar hierdie datum maak Suid-Afrika die enigste wynland wat presies weet op watter dag sy wynbedryf tot stand gekom het. Die eerste wingerdstokkies is reeds vyf jaar tevore ingevoer en in die Kompanjiestuin aangeplant. Die eerste oes was meestal muskadeldruiwe, asook ronde, wit druiwe met ’n lekker smaak en geur – vandag word daar gemeen dit kon Chenin blanc wees. Die afgelope jare is ’n wynoesherdenkingsgeleentheid op die geskiedkundige Groot Constantia-wynplaas aangebied, waar die wynbedryf onder meer…

Tydens my onlangse Bybelstudie – dit was uit die boek Handelinge – kon ek my vir die soveelste keer verlustig in die gedeelte wat handel oor die skipbreuk wat Paulus meegemaak het. Daar was ’n interessante groep mense op die skip bymekaar. Daar was die kaptein en eienaar van die skip, die offisier van die keiserlike regiment, Paulus, ’n gevangene, en saam met hom ander gevangenes op pad na Rome om deur die keiser verhoor te word. Dan ook die bemanning en soldate wie se verantwoordelikheid dit was om die beskuldigdes na die keiser te neem. Wat nog interessanter is, is die bydrae wat elkeen gelewer het toe ’n ernstige noodsituasie hulle tref. Die militêre manne, onder aanvoering van die Romeinse offisier, het hul mening gegrond op die kaptein en…

2% Agri SA vra dat die minimum loon met 2% minder as die verbruikersprysinflasie (VPI) verhoog word. “Dít verteenwoordig ’n beduidende verhoging, maar neem ook die uiters moeilike ekonomiese konteks waarin die sektor homself bevind in ag,” sê die organisasie. Volgens die buro vir voedsel- en landboubeleid (BFAP) was die gemiddelde jaarlikse inflasie van plaasarbeid sedert 2012 11,6%, teenoor ’n gemiddelde VPI van 5%. – Liana Mocke 5% Australië verwerk net 5% van sy eie wolskeersel, en die wolbedryf ondersoek die haalbaarheid van plaaslike verwerking om sy afhanklikheid van China te verminder. Die land stuur tans 80% van sy skeersel na China vir primêre verwerking voor dit na wolspinners elders gestuur word. Wool Producers Australia het Deloitte Access Economics gevra om te ondersoek of dit haalbaar is om tot 50%…

DIE ooglopendste risiko wat die mynslik in die Kalkfonteindam en sy kanale vir besproeiingsboere inhou, is dat die partikels grof en korrosief is, soos skuurpapier, en dus fyn besproeiingspuite en pype kan beskadig, sê me. Carin Bosman, direkteur van Carin Bosman Sustainable Solutions. Oplossings sal van plaas tot plaas verskil, maar boere moet planne beraam om die slik van die water te skei. “Jy het ’n retensietyd nodig. As jy ’n dammetjie op jou plaas het waar jy dit kan laat staan vir 48 uur, gaan van die slik kan uitsak, en as jy dan van naby die wateroppervlak af pomp, het jy minder probleme met die slik in jou toerusting. “Andersins kan jy, soos by die inlaat van die Kalkfonteindam gedoen is, ’n filtrasiestelsel bou. Pak klippe in ’n…

SWAAR reën wat rondom druktyd oor die Vrystaat, Gauteng, Limpopo, Mpumalanga, KwaZulu-Natal en die oostelike dele van Noordwes verwag is, het die risiko van vloede opnuut verhoog. “Dit is veral die Vaalrivierstelsel en die Oranjerivier ná die samevloeiing by Douglas wat ’n groot risiko vir vloede het,” sê mnr. Johan van den Berg, onafhanklike landbouweerkundige. Verdere reën is ook in die tweede en derde week van Desember oor die oostelike helfte van die land verwag, met gepaardgaande vloedrisiko’s. Van den Berg sê die heersende La Niña-stelsel begin verswak, wat moontlik teen einde Desember droër toestande tot gevolg kan hê. Boere in die Sentraal-Vrystaat het op 21 November aan Landbouweekblad gesê die lande is só nat dat planters vasval as hulle twee keer in dieselfde spoor ry. Van den Berg verwag…

ASTRAL FOODS moet tydelik minder hoenders slag omdat beurtkrag bottelnekke veroorsaak met hoenders wat gereed is vir slag. Mnr. Chris Schutte, uitvoerende hoof van dié genoteerde geïntegreerde pluimveeprodusent, het met die bekendmaking van die maatskappy se jaarresultate tot einde September gesê die maatskappy gaan in die eerste kwartaal van sy huidige boekjaar sowat 5 miljoen minder hoenders slag. Dit volg nadat die maatskappy sy produksie met 9% tot 5,8 miljoen hoenders per week kon verhoog danksy R1 miljard se beleggings in die uitbreiding van sy geriewe die afgelope paar jaar. ’n Braaihoender word gewoonlik op 33 dae oud geslag, maar weens beurtkrag was daar vanjaar al hoenders wat tot 50 dae oud moes word, het Schutte gesê. As hulle nie betyds geslag kan word nie, moet hulle op die plaas…

GROOT verbruikers van voer wat in die binneland geproduseer word, kan uitsien na prysverligting teen die tweede helfte van volgende jaar. Dit is omdat die mielie- en sojamark ’n laer prys en groter oes verwag, sê prof. Johan Willemse, onafhanklike landbou-ekonoom. “As ons kyk na pryse in Maart en Junie volgende jaar, is dit laer. Die mark verdiskonteer dus ’n groot oes,” het Willemse op ’n aanbieding oor markvooruitsigte gesê. “Van die veeboere het my al gevra of dit ’n goeie tyd is om nou die prys vas te maak, maar Rabobank reken die prys kan nog daal. Die gedagte is om ’n bietjie te wag, hoewel hier nou ’n geleentheid kom om vas te maak.” Saaiboere se produksiekoste gaan styg met mielieproduksiekoste wat tot 50% hoër is as verlede…

DIE landbou verloor sy jong mense aan “stropery” deur Amerika en dit is waarom ’n aanlyn landboukollege Afrikaanse jong mense wil lok. Agricolleges International, wat in 2018 aanlyn landboukursusse begin aanbied het, kon vanjaar van die kursusse in Afrikaans begin aanbied danksy geld van die Dagbreek Trust se trust vir Afrikaanse onderwys. Me. Laurika du Bois, bemarkingshoof van die kollege, het op ’n mediageleentheid van TLU SA gesê Afrikaanse jong mense het min geleenthede om landbou te gaan studeer. “Afrikaanse jong mense kom nie meer by landboukolleges in nie en kolleges is in ’n verwaarloosde toestand. Hulle kom nie maklik by koshuise en universiteite in nie weens kwotas en beperkte innames, en universiteite se kursusse het baie wetenskapliker, eerder as prakties, geword.” BEURSE Agricolleges International het saam met TLU SA…

Die 2022-aartappelseisoen het wel probleme gehad, maar volgens Aartappels SA skep dit ook geleenthede. Produsente is tans onder druk met die lae aartappelpryse wat van R35-R40 vir ’n sakkie van 10 kg wissel. Die koste van veral kunsmis, brandstof en gewasbeskerming het heelwat gestyg en plaas winsmarges onder druk. Die koste om gelyk te speel is tans R60-R65 om ’n sakkie aartappels van 10 kg te produseer, na gelang van die produksiegebied. Tans is daar ’n ooraanbod, met gemiddeld 2 miljoen sakkies daagliks beskikbaar. “Suid-Afrikaanse produksie het oor die jare aangepas by die groeiende behoefte. Die afgelope drie dekades se produksie het verdubbel vanaf 1,3 miljoen ton tot 2,6 miljoen ton. Terselfdertyd het die oppervlakte waarop aartappels geproduseer word, van 62 000 ha in 1990 tot 52 355 ha verminder,…

Geldbeplanning Selfs baie deeglike boedelbeplanning kan die nekslag toegedien word wanneer daar kontanttekorte in die boedel bestaan en die vloei van geld nie op ’n weldeurdagte wyse bestuur kan word nie. Onvoldoende vlakke van likiditeit in ’n boedel sal beteken dat die eksekuteur, wat die administrasie en bereddering van die bestorwe boedel moet behartig, nie die taak sonder onnodige struikelblokke en komplikasies kan verrig nie. Ons maan altyd kliënte en hul erfgename om te onthou dat hul uiteindelike erflating eers sal deurvloei nadat alle uitgawes en skuld deur die bestorwe boedel betaal is. Dit is dus ’n netto boedel wat aan die aangewese erfgename uit die testament vloei. DÍT MOET BETAAL WORD ’n Eksekuteur moet, in die uitvoering van sy of haar pligte tydens bereddering van die bestorwe boedel, kontant…

RubriekWEER Aktueel Volhoubaarheid van landbouproduksie, veral in Suid-Afrika, het ’n paar pilare. Die belangrikste is seker dat landbouproduksie van enige aard winsgewend moet wees, en tweedens dat daar voorsien moet word in die voedsel- en veselbehoeftes van die mense van ’n gebied of land, of selfs globaal. Derdens moet dit nie die hulpbron beskadig of laat agteruitgaan nie, en vierdens moet die soort boerdery ook sosiaal aanvaarbaar wees. SA HULPBRONNE VS. MEDEDINGERS? Suid-Afrika is die 39ste droogste land ter wêreld met ’n jaarlikse gemiddelde reënval van 460 mm tot 470 mm. Colombia is die natste land met gemiddeld 3 240 mm per jaar (sien KAART op bl. 43). Indien Suid-Afrika vergelyk word met belangrike landbouproduserende lande soos Amerika, waar die jaarlikse gemiddelde reënval ongeveer 715 mm is, Argentinië met amper…

Kos VANDEESWEEK Lekker ver aar SA w n 69 Chiro-behandeling vir diere se pyne 70 Geslagte se stories in dié mandjies gevleg 72 PASTARYS MET PESTOROOMSOUS, KERSIETAMATIES EN GEBRAAIDE HALLOUMI Sit dié pastagereg warm of teen kamertemperatuur voor. ■ ’n Halwe pak (250 g) pastarys (of orzo) ■ 125 ml basiliepesto ■ 250 ml suurroom ■ ’n Skeut vars suurlemoensap ■ 3 ml fyngerasperde suurlemoenskil ■ Sout en varsgemaalde swartpeper na smaak ■ 500 g kersietamaties, gehalveer (of in kwarte gesny) ■ 300 g halloumi, in blokkies gesny ■ Olyfolie, vir braai ■ Vars basiliekruid, om af te rond Kook die pastarys in ’n kastrol met vinnig kokende soutwater tot net gaar. Terwyl die pasta kook, klits die pesto, suurroom, suurlemoensap en -skil liggies saam. Geur met sout en peper.…

Jul besigheid, Paarl Basket, strek oor geslagte. Vertel meer oor die geskiedenis. My oupa Eduard Christiaan Marais en sy broer, Karel, het weens ’n genetiese toestand blind geraak. Hulle is toe na die Pionierskool op Worcester waar hulle geleer het om mandjies te vleg. Hulle het daarna teruggekom Paarl toe. My oupa het vir iemand gewerk en nie lank daarna nie, in 1945, het hy die besigheid oorgekoop en Paarl Basket begin. My oupa was een van die eerstes wat rottang op groot skaal van Singapoer af ingevoer het. Hy het gekonsentreer op die styl wat tipies is aan die vereniging vir blindes, soos koffieflesmandjies, meubels en riempiewerk. Ná sy dood in 1973 het my pa, JP Marais, die onderneming oorgeneem. My pa het meer op die groothandel gekonsentreer. Hy…

Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 75 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 5 Januarie 2023. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 98 Deur Gerda Engelbrecht Voltooi die rooster sodat elke ry dwars, elke kolom af en…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG PRETORIA ZWARTKOPPIES (364), 23 ha, aan Limapath (Edms.) Bpk., van Zwartkoppies Prop Inv (Edms.) Bpk., R26 450 000. WAGENBOOMSKOP (415), 164 ha, aan Ya Bana Vehicle Testing Station BK, van M.P. Bisschoff, R1 662 608. KWAZULU-NATAL BALLITO UMHLALI (1126), 40 ha, aan G.R. Milstead, van B.D.R. Milstead, R3 700 000. PIETERMARITZBURG CAMPERDOWN (1330), 21 ha, aan NCT Forestry Agricultural Co-Operative Bpk., van G. Fortmann, R11 000 000. PORT SHEPSTONE ETTERBY (5729), 177 ha, GLEN BEULAH A (7687), 154 ha, GLENVILLE (14244), 301 ha, GLENVILLE (17280), 259 ha, LOT DT (7767), 137 ha, NEW GARRETT (1977), 1 182 ha, NORWOOD (6675), 498 ha, en ROCKVALE B (7686), 510 ha, aan Sappi SA Bpk., van Field and Forest (Edms.)…