Innholdsfortegnelse for 20 October 2022 i Landbouweekblad

Anderkant die reënboog Wat ’n ongelooflike terugslag. Twee jaar agtereenvolgens. Reuseveldbrande in die Noord-Kaap wat op byna presies dieselfde plek as verlede jaar uitbreek. Die bitter onredelikheid om weer vanjaar die angswekkende werklikheid te moet beleef van ’n veldbrand wat buite beheer woed. Dit is werklik een van die landbou se heel slegste ervarings. As plaasseun van die Noordoos-Kaap se grasvelde en diep klowe onthou ek brandseisoen op die plaas net met trauma. En dan die diep verligting wanneer die reën uiteindelik kom. Vuur is nie iets waarmee jy ligtelik omgaan nie — dit is is dodelik en verwoestend. Maar nie almal sien dit só nie. Die rede vir die brande vanjaar is dieselfde as laasjaar — brandstigting. Een van die verfoeilikste dinge om aan boere te doen. Die onvergeeflikheid…

REGISTRASIE van boere vir LITS-SA (The Livestock Identification and Traceability System in South Africa) begin vandeesweek (17 Oktober). Mnr. Willie Clack, voorsitter van die LITS-komitee, sê die heel eerste doelwit is net om die eienaars van lewende hawe te registreer. “Ons wil probeer om die eerste drie weke alle kommersiële boere wat vir BTW geregistreer is, te laat registreer en daarna wil ons dit van provinsie tot provinsie verder vat vir ander vee-eienaars.” Boere sal nie gevra word om hul BTW-nommers te verskaf nie. BTW word net gebruik om te onderskei tussen kommersieel en nie-kommersieel. Om te keer dat die stelsel oorlaai word, geskied die registrasie fase-gewys in hierdie kategorieë en per provinsie. “Van nou af tot ongeveer einde Januarie gaan ons net die mense op die stelsel probeer kry.…

BELANGHEBBENDES betrokke by sprinkaanbestryding in die droë dele van die Noord-, Oos- en Wes-Kaap is oorgehaal om swerms die hoof te bied voordat hulle die rampspoedige afmetings van verlede somer aanneem. Sprinkaanvoetgangers word reeds sedert middel Augustus aangemeld. In die Oos-Kaap het sprinkaanbeamptes reeds insekdoders begin toedien, al het hulle teen druktyd nog nie kontrakte met die departement van landbou, grondhervorming en landelike ontwikkeling gehad nie. Dit volg ná groot getalle sprinkane teen 5 September by Somerset-Oos, Paterson en Makhanda opgemerk is. Mnr. Gunther Pretorius, bestuurder van ekonomie en natuurlike hulpbronne by Agri Oos-Kaap, sê hulle het nie ’n ander keuse gehad as om reeds te spuit nie. “Ons moet die voetgangers so vinnig moontlik bespuit voordat hulle vlieërs raak, want dan raak dit onmoontlik om te bekamp. Verlede jaar…

SLEGS 42% van die aanbod is verkoop op die derde sybokhaarveiling van die winterseisoen, al was 80% van die aanbod RMS-gesertifiseer. Kopers kon nie reserwepryse betaal nie. Dié swak vertoning is deels te wyte aan ’n insinking in die vraag weens ekonomiese teenspoed in die lande wat sybokhaar invoer. Volgens Sybokhaar Suid-Afrika (SSA) se markverslag sit kopershuise nog met opgegaarde voorraad. Verder knou hoë inflasie in Europa en Brittanje, tesame met stadige ekonomiese groei in China, internasionale kopers. INFLASIE EN INSETTE Volgens mnr. Marco Coetzee, hoofbestuurder van SSA, het die ekonomiese probleme in invoerlande ’n regstreekse uitwerking op die plaaslike sybokhaarmark. Sowat 95% van Suid-Afrika se sybokhaar word uitgevoer, waarvan 40% na Italië, 30% na China en 15% na Brittanje. “Inflasie in Europa en Brittanje, wat gewoonlik sowat 1% is,…

POLISIE- en verkeersbeamptes wat motoriste by padblokkades aftrek of voorkeer en dan uitvra oor die besit van vuurwapens en lisensies daarvoor, is volgens Agri SA ’n bron van kommer. Luidens ’n verklaring deur Agri SA se afdeling vir landelike beveiliging is berigte ontvang van “onrusbarende praktyke rakende die vervoer van vuurwapens”. Daar word dan glo gesê indien die vuurwapen se lisensie vir jag of sportskiet uitgereik is, dit nie vir selfverdediging gebruik mag word nie. “Hierdie bewerings is vals. Elk van die artikels waarvolgens lisensies normaalweg uitgereik word, naamlik artikel 13 (selfverdediging), artikel 15 (geleentheidsjag of sportskiet) of artikel 16 (toegewyde jag of sportskiet), bepaal dat die wapen gebruik mag word waar dit veilig en vir ’n wettige doel is. “Daar is geen beperking in die Wet op die Beheer…

Geldbeplanning Die meeste mense is bekend met versekeringsprodukte vir gevreesde siektes wat ’n enkelbedrag (lump sum) by diagnose van sekere siektes aan die kontrakterende party uitbetaal. Die voordeel word uitbetaal wanneer aan die spesifieke versekeringsmaatskappy se vereistes voldoen word ingevolge die ooreenkoms tussen die versekeringsmaatskappy en die kontrakterende party. Die diagnose hoef nie terminaal van aard te wees om aan die kontrakterende party uit te betaal nie – die doel van dié versekering is om die versekerde finansieel te help om van die spesifieke siekte te herstel. BIED VOORDEEL Daar is ook ’n terminalesiektevoordeel by lewensdekking. Dié voordeel is ’n ooreenkoms tussen die versekeraar en die kontrakterende party van ’n lewensdekkingproduk waar die versekeraar ooreenkom om ’n enkelbedrag gelykstaande aan die lewensdekking op die versekerde lewe (wat die ongeneeslike siekte…

Plaaslike amandels is nou geredelik beskikbaar by Suid-Afrika se varsproduktemarkte, sê mnr. Dan Coetzee, uitvoerende hoof van Cape Almonds en voorsitter van die nuwe bedryfsorganisasie vir amandelkwekers, die Suid-Afrikaanse Amandelvereniging. Coetzee het volgens Bizcommunity gesê ’n ooraanbod van amandels in Amerika het daartoe gelei dat goedkoop, swak amandels op die Suid-Afrikaanse mark gestort word. Daarom het die amandelvereniging dit ten doel om seker te maak Suid-Afrikaanse verbruikers kry toegang tot beter neute teen mededingende pryse. Cape Almonds, ’n filiaal van ZZ2, het pas 50 ton amandels wat plaaslik verbou is onder die Al Monde-handelsnaam op Suid-Afrika se varsproduktemarkte beskikbaar gestel. Die neute is deur meer as 50 kwekers van die Wes Kaap onder ’n lisensie-ooreenkoms vir Cape Almonds geproduseer. Cape Almonds verwag dat daar geleenthede vir nuwe klein- en medium…

DONKIES is reeds 7 000 jaar gelede vir die eerste keer in Afrika mak gemaak, teen die tyd toe die Sahara ’n woestyngebied begin word het. Sowat 2 500 jaa later he donkies ook ’n hoefspoo in Europa e Asië begin k en weldra v der verspre blyk uit ’n studie in die vaktydskrif Science. Navorsers laboratorium wyd het daa gewerk. Ond van die sen bio-antropologie en genomika aan die Universiteit van Toulouse in Frankryk is die volledigste genomikastel nóg vir donkies saamgestel. Dit sluit inligting in van donkies it S id-Afrika en ander ande, soos Eswaotswana, Malawi, iek, Namibië en Lesotho.…

Wolskaapboerdery in die kommunale gebiede van die Oos-Kaap het in die afgelope 20 jaar ’n totale gedaanteverwisseling ondergaan. Dit het die lewenstandaard van vele mense verbeter, maar ’n groot hekkie staan in die pad van verdere vordering. Met die begin van die Nasionale Wolkwekersvereniging (NWKV) se kommunale wolverbeteringsprojek in 2002 is sowat 222 000 kg wol uit die kommunale dele van die Oos-Kaap teen R1,5 miljoen bemark. In 2021 is 5,4 miljoen kg wol van R300 miljoen verkoop danksy die impak van die projek. Dié projek is ’n toonbeeld van hoe die georganiseerde landbou en die staat kán saamwerk om transformasie in die landelike gebiede van Suid-Afrika te ondersteun, en word uit vele oorde geprys. Selfs mnr. Mooketsa Ramasodi, direkteur-generaal van landbou, grondhervorming en landelike ontwikkeling, het die bedryf met…

Die vraag na onverwerkte melk het sedert 2019 gestagneer op 3,4 miljoen ton per jaar. Dit is selfs moontlik dat die vraag in 2022 ietwat minder kan wees. Dit lyk of die mark nie bekommerd oor hierdie verskynsel is nie en dat die aanbod in balans is met die vraag vir die verskillende jare wat ontleed is. Die stagnasie kan verklaar word in die lig van die ekonomiese situasie en dat die mark in ekwilibrium was met die spesifieke bemarkingsveldtog van byvoorbeeld 2019. Die bemarkingsveldtog verwys na die 7 P’s van bemarking, naamlik produk, plek, promosie, prys, mense (people), teenwoordigheid (presence) en proses. Dieselfde is van toepassing op die ander twee jare van stagnasie. Data van NielsenIQ dui daarop dat die verkope van belangrike suiwelprodukte aan ’n wye front gedaal…

GAUTENG NIGEL DRIEFONTEIN (146), 306 ha, aan Zotec Developments (Edms.) Bpk., van Boet Uysfamilietrust, R115 494 633. PRETORIA HARTBEESTFONTEIN (240), 86 ha, aan H. en S.S. Ferreira, van T.P. en T.B. Nell, R1800000. INDERMINNE (113), 27 ha, aan J. Ndzombane, van S.I. Vilakazi, R970000. KWAZULU-NATAL BALLITO LOT 36A (2618), 30 ha, aan Redcorp Farms (Edms.) Bpk., van Amitasys BK, R2 200 000. NEWCASTLE LEYDEN (3341), 51 ha, aan JPF Farming (Edms.) Bpk., van L.P. Muller, R500 000. LIMPOPO ALLDAYS CASSEL (206), 21 ha, aan Nico Whelan-trust, van P.J. Geyer, R350000. CASSEL (206), 21 ha, aan P.J. Geyer, van Nico Whelan-trust, R350 000. BURGERSFORT BLYDERUS (596), 43 ha, en GLENCOE (210), 107 ha, aan Blyderus Mojomba (Edms.) Bpk., van Glencoe Sugar Estates BK, R60 000 000. LUTOPI (164), 1 885 ha,…

KOMMERSIËLE BOERE MOET GEKOESTER WORD WENBRIEF Daar is beslis geen beter alternatief vir Suid-Afrika as die huidige president nie. Daar is egter ’n gemis: ’n Goeie woord vir die land se boere, wat wêreldwyd as van die beste gereken word, is nog nooit geopper nie. Die vestiging van ’n welvarende swart, bruin en Indiërboeregemeenskap is om politieke redes in landsbelang, maar dit gaan ook rampspoedig wees as dit ten koste van die land se suksesvolle kommersiële sektor moet geskied. Suid-Afrika met sy lae gemiddelde reënval van 460 mm per jaar en sy min bewerkbare grond (13%) is nie ’n goeie landbouland nie. Nogtans presteer ons boere só goed dat hulle vandag as van die bestes ter wêreld gereken word. VERGEET VAN ONTEIENING Oor onteiening, wat tans weer ter sprake is,…

ANDERS as elders ter wêreld word minder hoendervleis per kop nou in Suid-Afrika geëet. Mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), skryf dit toe aan werkloosheid en verbruikers se onvermoë om meer vir hoendervleis te kan betaal. Hy het pas die internasionale pluimveeraad (IPC) se kongres in Bordeaux, Frankryk, bygewoon en sê Rabobank se syfers toon dat die wêreldverbruik per kop stabiel bly. China en Indië is groot verbruikers van hoendervleis en Indië se bevolking gaan dié van China na verwagting binnekort verbysteek. Die internasionale vraag na hoendervleis sal dus bly styg. Sowat 140 verteenwoordigers van oor die hele wêreld heen – onder meer Denemarke, Colombia, Paraguay en die grootste uitvoerland, Brasilië – het die kongres bygewoon. Die oorlog in Oekraïne en die gepaardgaande stygende…

Rubriek Intensiewe veeboere sal bevestig dat daar nie veel sprake van ’n winsmarge is nie. Die meeste probeer om hul direkte koste en minstens ’n deel van hul oorhoofse koste te dek en kontantvloei aan die gang te hou om deur die huidige swak siklus te kom. Groot boere wat in dié posisie is, gebruik die geleentheid om die jongste tegnologie aan te skaf om hul doeltreffendheid te verbeter sodat hulle voluit kan produseer as die siklus draai. Dis ook noodsaaklik om die beste teelmateriaal te bekom. Wat teelmateriaal en doeltreffendheid betref, plaas dit Suid-Afrikaanse boere op dieselfde vlak as hul internasionale mededingers. Met die jongste tegnologie en teelmateriaal mik varkboere na 35 speenvarkies per sog per jaar, met ’n baie lae vrektesyfer en ’n beter voeromsetting sodat meer kilogramme…

Rubriek SUIWEL Suid-Afrikaanse melkboere beleef weer eens ’n moeilike tydperk met stagnante produsentepryse en stygende insetkoste, terwyl melkboere in ander lande voordeel trek uit die hoër internasionale pryse. Die vrot prestasie van die plaaslike ekonomie, die korttermynklem van die plaaslike sekondêre bedryf en druk van nagemaakte en vermengde suiwelprodukte stel die volhoubaarheid van die plaaslike primêre bedryf in die gevaar, ondanks baie gunstige internasionale neigings. INTERNASIONALE PRENTJIE Die herstel van die wêreldekonomie ná covid-19 het skerp stygings in kommoditeitspryse tot gevolg gehad. Die vinnige groei in die vraag na suiwelprodukte en vergelykbare stadiger groei in produksie, veral in die vernaamste suiweluitvoerlande ( TABEL 1 ), het skerp stygings tot gevolg gehad. Die verloop van internasionale suiwelprodukpryse, soos weergegee in die Voedsel-en-landbou-organisasie (VLO) se suiwelprysindeks, word in GRAFIEK 1 getoon. Internasionale…

Een van die mooiste eienskappe waaroor ’n mens kan beskik, is volharding. Die vasbyters en die bittereinders het meermale die lof ontvang wat hulle waarskynlik verdien het. Ons gebruik die woord “waarskynlik”, want die begrippe wat aan volharding betekenis gee, kan natuurlik ook op ongunstige dinge dui. Neem byvoorbeeld die bittereinders wat ná die Anglo-Boereoorlog geweier het om die wapen neer te lê. Vir sommige lede van die Boerevolk was hulle die helde wat bly volhard het, selfs toe die pad onbegaanbaar geword het. Vir ander was die bittereinders die dwase wat nie gesonde rede wou insien nie. Wat ons hiermee wil sê, is dat volharding eers ’n deug is as dit op die regte doel gerig is. Jy kan ook volhard in die kwaad, en dit moet in die…

15% Vir die jaar tot September is trekkerverkope sowat 15% meer as verlede jaar. Altesaam 777 trekkers is in September verkoop, 4% meer as in September 2021. Die 17 stropers wat in September verkoop is, is vier minder as September 2021, maar in die jaar tot dusver is 25% meer verkoop as in 2021. Trekkerverkope het die afgelope maande verlangsaam, onder meer weens voorraadtekorte en oponthoude in hawens. – Salma 48 miljoen Nagenoeg 48 miljoen voëls moes in Europa van kant gemaak word in die grootste voëlgriepepidemieseisoen nóg. Daar was altesaam 2 467 uitbrekings onder pluimvee, 187 onder voëls in aanhouding en 3 573 onder wilde voëls. Die reikwydte van die uitbreking is ook ongekend, en het 37 Europese lande geraak. Eierpryse in Frankryk het meer as verdubbel. In Brittanje…

NÁ ’n seisoen met die hoogste soja-opbrengs nóg is daar groeiende verwagtinge dat daar in veral Noordwes en die Vrystaat ’n groot verskuiwing van mielies na sojabone gaan wees in die komende plantseisoen. In sommige distrikte kan daar vir die eerste keer ooit net soveel sojabone as mielies wees. Volgens mnr. Jozeph du Plessis, boer van Schweizer-Reneke en uittredende voorsitter van die sonneblom-, sojaboon- en sojaboonvoedselforum, is dit met die hoë koste van stikstof kostedoeltreffender om sojabone te plant aangesien sojabone nie stikstof nodig het nie. Hy het op ’n forumvergadering gesê sojabone was nou drie opvolgende seisoene winsgewender as mielies. “Weens die waterskade die afgelope seisoen was daar baie voorbeelde waar ’n boer aan die een kant van ’n pad mielies teen 3 t/ha gestroop het en aan die…

OMSTANDIGHEDE wat lei tot reusestorms, soos die orkaan Ian wat grootskaalse verwoesting en dood in die suide van Amerika en nabygeleë eilande veroorsaak het, het gewoonlik min invloed oor Suider-Afrika. Só sê mnr. Johan van den Berg, landbouweerkundige. Ian het sy ontstaan gehad in die warmer water van die Atlantiese Oseaan, wat nie direk gekoppel is aan die Indiese en die Stille Oseaan nie. Seestrome kan wel herverspreiding van energie laat plaasvind wat die weersomstandighede kan beïnvloed, maar dit geskied oor langer tydintervalle. Van den Berg verduidelik dat baie sterk laagdrukstelsels oor warmer see-oppervlakke ontstaan. Sulke stelsels word in die Indiese Oseaan siklone genoem, in die Atlantiese Oseaan orkane en in die Stille Oseaan tifone. MIN INVLOED Volgens hom behoort die orkane wat Amerika, Mexiko en eilande in die Atlantiese…

DIE Land Bank het nie nét skuld- en likiditeitsprobleme nie, hy sukkel ook om werknemers te behou. Een van sy groot probleme, luidens sy jaarverslag vir die jaar tot einde Maart 2022, benewens sy status as wanbetaler van skuld, is werknemers wat toenemend groener weivelde soek. Aan die einde van die 2021-’22-boekjaar was daar 349 heeltydse werknemers – 35 minder as aan die einde van die vorige jaar – en 28 werknemers op ’n vastetermynkontrak. Finansiële druk op die bank en volgehoue onsekerheid onder werknemers is die hoofredes waarom personeel die instelling verlaat. “Die bank het in die oorsigtydperk twee uitvoerende personeellede verloor en kernvaardighede in veral algemene bestuur en spesialisvelde gaan steeds verlore,” sê me. Thabi Nkosi, voorsitter. KLIËNTE GROET ÓÓK Die Land Bank se leningsboek vir korporatiewe en…

LEDE van Agri Noordwes sal in die nabye toekoms inligting oor onder meer diensleweringsprobleme op ’n digitale toepassing kan aanmeld. Mnr. Willem de Chavonnes Vrugt, herkose voorsitter, het op die organisasie se kongres op Klerksdorp gesê die digitalisering van die insameling van betroubare inligting gaan die proses van deelname vir lede aansienlik vergemaklik. “Ons het ’n diensverskaffer opdrag gegee om vir ons ’n aanmeldingstoepassing te ontwikkel. Dit beteken alles sal op jou foon kan gebeur. Jy sal byvoorbeeld jou foon kan gebruik om ’n padprobleem aan te meld. Jy sal ’n pin kan drop waar die probleem is, foto’s kan oplaai en ’n kort beskrywing kan gee. “Dit alles sal op die toneel gedoen kan word wanneer jy op die probleem afkom. Die verslag sal dan aan die betrokke lid…

1 ZIMBABWE Koringboere kry dollars Die Zimbabwiese regering gaan koringboere in Amerikaanse dollar vergoed, volgens dr. Anxious Masuka, minister van grond, landbou, visserye, water en landelike ontwikkeling. Dié aankondiging kom twee weke ná dit rugbaar geword het die land gaan 380 000 ton koring oes, wat vir die eerste keer in jare die vraag oorskry. Die regering sal $620 (R11 192) per ton betaal vir gewone koring, en die produsenteprys vir meel is $682 (R12 312) per ton vir premiegraad-koring. — CGTN 2 KENIA GM-verbod beëindig Die Keniaanse regering het ’n verbod op die invoer en produksie van geneties gemodifiseerde (GM) gewasse opgehef, wat beteken die produksie en invoer daarvan word weer toegelaat. Die land se kabinet het die besluit geneem ná ’n aanbeveling van ’n taakspan oor GM en…

DIE endemiese kransaasvoël (Gyps coprotheres) van Suider-Afrika is teen 11 kg van die groter aasvoëlspesies. Hulle voed in oop veldtipes soos fynbos, Kalahari-, karoo-, grasveld en oop bosveld. Broeipare maak net een kleintjie groot. Nadat die kransaasvoël lank op die rooilys van bedreigde spesies van die internasionale unie vir natuurbewaring was, is dit verlede jaar “byna ongemerk afgegradeer tot kwesbaar”, sê dr. Lindy Thompson en me. Danielle du Toit van die roofvoëlprogram van die trust vir bedreigde natuurlewe (EWT). “Die ideaal is om die Karoo en die groter Oos-Kaap ’n veilige hawe vir hierdie voëls te maak,” sê Thompson in die EWT-nuusbrief Conservation Matters. Altesaam 70 van die voëls is onlangs in die Oos-Kaap opgemerk waar hulle in kranse broei waar hulle voorheen nie voorgekom het nie. Broeipare het ook…

Rubriek GRONDKWESSIE So ’n paar jaar gelede het ek ’n saamrygeleentheid gegee aan een van die paneellede van die Nasie in Gesprek-reeks op Nampo na die gastehuis waar ons albei tuisgegaan het. My medepassasier terug Klerksdorp toe was ene dr. Simba Makoni, ’n kêrel toe reeds in sy sewentigs. In die ry het die statige heer Makoni vertel dat hy saam met oudpres. Robert Mugabe deel was van die vegters in die bosoorlog wat Zimbabwe destyds van mnr. Ian Smith se regering bevry het. Ná onafhanklikheid was hy dekades lank deel van die politburo van Zanu-PF en het hy ook gedien as minister van ekonomiese sake en ontwikkeling in die vroeë 2000’s, die era waarin grond van kommersiële boere weggeneem is, dikwels gewelddadig sonder sprake van ’n regsproses of vergoeding.…

Rubriek Dikwels hoor ’n mens op ’n finale of bankrotveiling: “Maar hy was ’n goeie boer. Hy het goeie diere gehad en sy gewasse was altyd goed.” “Goeie diere” kos geld, terwyl “funksionele diere” geld (wins) maak. Omset is nie wins nie, dit is net ’n deel van die vergelyking. Jy hoef net na talle rasse se rasstandaarde te kyk om die mynveld te verstaan wat boere moet trotseer wat winsgewende diere wil teel. Die enigste rasstandaard van belang is: Kan die dier ’n verkoopbare produk lewer wat meer werd is as wat dit kos om te produseer? Alle ander rasstandaarde is óf net gesonde verstand óf irrelevant. My interpretasie van ’n goeie veeboer is ’n boer wat sy diere vir maksimum produksie bestuur. Dikwels is daardie “goeie diere” eintlik…

SIMMENTALERS 1 Senior en grootkampioenbul, Milagro Reactor ACM 18 07. Eienaar: Mnr. Andrew Masterson (082 321 1462), Milagro-stoetery, Humansdorp. Hanteerder: Mnr. Theuns Bruwer. 2 Reserwe senior en reserwegrootkampioenbul, Simberg Zeus JS 18 128. Eienaars: Mnre. JD (Jamie) Berger (084 416 3703), Marius Nel (083 983 7280) en Frank Kilbourn, Simberg Simmentaler-stoetery, Coligny. Hanteerder: Mnr. Thomas Chauke. 3 Kalf en junior kampioenbul, Little Creek Ruma JE 21 03. Eienaar: Mnr. Kobus Erasmus (083 246 3132), Little Creek Simmentaler-stoetery, Ellisras. Hanteerder: Mnr. Jack Mashabane. 4 Hertogkampioen en Blupkampioen, Boswald Pedro BW 19 161. Eienaar: Mnr. Tielman van der Walt (083 274 5455), Boswald Simmentaler-stoetery, Hopetown. Hanteerder: Mnr. Jan Damons. 5 Koningin-, senior en grootkampioenkoei, Simlee Elna CE 14 01. Eienaars: Mnr. Callie (083 417 8342) en me. Erica Lee, Simlee-stoetery, Thabazimbi. Hanteerder:…

Een van die sleutelelemente tydens bemesting is om die verskil tussen druiwekultivars in ag te neem. Die hoeveelheid kunsmis wat toegedien word en die tydsberekening daarvan verskil tussen tafel-, wyn- en rosyntjiedruiwe. By wynmaak is kalium noodsaaklik vir die verkryging van mos van ’n goeie gehalte. Die beskikbaarheid van kalium is die belangrikste uit die oogpunt van vrugvorming en regdeur die rypwordingsproses. By tafeldruiwe is opbrengs, grootte, smaak en voorkoms die hoofproduksiedoelwitte. Tafeldruiwe het tipies hoër kaliumvereistes as wyndruiwe. Beskikbaarheid is die belangrikste van die blom- tot die rypwordingstadium. Wat rosyne betref, moet die produksiedoelwitte tydens bemesting in ag geneem word. Tydens die rypwording van rosyne neem die behoefte aan kalium aansienlik toe as gevolg van die beweging van groot hoeveelhede kalium van die blare na die korrels. In die…

PIESANG-JOGURTKOEK MET KLAPPERSTROOISEL Piesangs word veral in die somer baie vinnig ryp. Hierdie koek is ’n lekker manier om die oorryp vrugte te gebruik. Hoe ryper die piesangs, hoe lekkerder is die koek se geur. Klapperstrooisel ■ 125 ml klapper ■ 60 ml bruinsuiker ■ 5 ml kaneel ■ 3 ml gemmer Beslag ■ 120 g sagte botter ■ 125 ml suiker ■ 3 ekstragroot eiers ■ 4 groot oorryp piesangs, goed fyngedruk ■ 125 ml natuurlike jogurt ■ 30 ml suurlemoensap ■ 560 ml koekmeel ■ 5 ml bakpoeier ■ 5 ml koeksoda ■ Knippie sout Meng al die bestanddele vir die klapperstrooisel saam in ’n bakkie en hou eenkant. Voorverhit die oond tot 180 °C en bespuit ’n ringkoekpan baie goed met kleefwerende kossproei. Verroom die botter en…

NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 79 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 10 November 2022. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 91 Deur Gerda Engelbrecht Voltooi die rooster sodat elke ry dwars, elke kolom af en elke 3 x 3 kassie die nommers…

ELKEEN in Suid-Afrika moet weet hoe bek-en-klouseer versprei en wat die ekonomiese impak van die siekte op almal in die land is. Dié waarskuwing kom van dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), wat maandeliks ’n verslag saamstel oor veesiektes wat by veeartse reg oor Suid-Afrika aangemeld word. Hy sê sy kernboodskap in sy Augustus-verslag is steeds dat die onwettige vervoer van beeste voorkom moet word. Teen 19 September was daar reeds 146 uitbrekings op plase en in voerkrale en kommunale gebiede in ses provinsies wat voorheen vry van beken-klouseer was. Meer as 530 000 beeste is al teen die siekte ingeënt. Malan waarsku dat die klem nie net op bek-en-klouseer moet wees nie. Beesbrucellose (ook bekend as besmetlike misgeboorte) is ook ’n groot probleem wat…

Die nadraai van die moeilike landboutoestande het steeds ’n impak op grondpryse in die Noord-Kaap, Noordwes en Mpumalanga vanaf September 2021 tot Augustus vanjaar. Altesaam 197 transaksies is in 20 distrikte in die Noord-Kaap gesluit. Dit het 353 364 ha teen R1,955 miljard behels. In 20% van die distrikte is gunstige prysneigings waargeneem. By Calvinia (-24,6%), Kenhardt (-20%) en Namakwaland (-19,9%) het pryse skerp gedaal. By Kuruman het dit met 14,4% gestyg. Daar was 766 transaksies in 13 distrikte in Noordwes. Dit het 252 656 ha teen R2,917 miljard behels. ’n Verbetering in grondpryse is opmerklik in sewe distrikte. Grondpryse het veral gedaal by Moloporivier (-18%). In Mpumalanga was daar 376 transaksies in ses distrikte. In die proses is 71 346 ha vir R2,245 miljard verhandel. Pryse by Middelburg het…

Limousins behaal deesdae uitstekende pryse. ’n Rekordprys van R1,2 miljoen is in Mei betaal vir ’n bul, Xourel Italia, van mnr. John Devonport van Devlan Limousins, Villiers, deur La Reina Limousins van Edenville. Op dieselfde veiling is ’n koei en vers vir onderskeidelik R380 000 en R280 000 verkoop, sê mnr. A.J du Toit van La Rhone Limousins by Tulbagh en raadslid van The Limousin Cattle Breeders’ Society of Southern Africa vir bemarking en kommunikasie. Hy sê toenemende belangstelling in die ras het die naamsverandering van die genootskap genoodsaak om stoettelers uit Botswana, Zambië en Zimbabwe te akkommodeer. Groot belangstelling het ook in Mosambiek posgevat, en die eerste Limousins is reeds daarheen uitgevoer. “In die afgelope 10 maande is die rekordpryse vir Limousinbulle drie keer verbeter. Die drie topbulle is…

BOEREDAE 24-25 NOVEMBER: Opedag, Boknes-tuinbouklub. Boknes-gemeenskapsaal. Uitstalling van voedselproduksieprojekte, waaronder drupbesproeiingstelsels sonder aandrywing, die gebruik van gryswater, fynsaadspasieerders en twee soorte vertikale plantmetodes. Sars Pretorius, 073 456 2079. VERGADERINGS 30 NOVEMBER: Sauvignon Blanc SA, tegniese seminaar, web: www.sauvignonblanc.com FEESTE, EKSPO’S 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 17-20 NOVEMBER: Ionia-kersiefees tussen Fouriesburg en Ficksburg. Emile Moelich, 072 585 3684, e-pos: ioniacherrie@bloukruin.co.za 18 NOVEMBER: Landbouskrywers SA nasionale prysoorhandigingseremonie, www.agriculturalwriterssa.co.za SKOUE 20-22 OKTOBER: Prins Albert. Jean Grundlingh, 079 978 7446 of 023 541 1750; palandbougenoot skap@gmail.com 21-22 OKTOBER: Loeriesfontein. Jannie Loots, 082 859 1439 of 027 662 1575; e-pos: irmarik@telkomsa.net 21-22 OKTOBER: Cradocklandbouskou. SA Saalperde en Walliese Ponies: Colin Moolman, 082 928 0389, colin.moolman@afgri.co.za. Merino’s, Angoras, SA Vleismerino’s, Boerbokke, Dorpers en slaglammers: Hendrik Opperman, hendrikopperman8.gmail.com, 082 325 5748. Lusern: André Bezuidenhout, andre@abac.co.za. Stalletjies:…