Innholdsfortegnelse for 29 September 2022 i Landbouweekblad

Te midde van die wetlike niemandsland waarin aanspreeklikheid vir die verwoesting van die Jagersfontein-slikdamramp hom bevind, het die burgerlike samelewing ingespring om die gemeenskap te hulp te snel. Die hulporganisasie Gift of the Givers het skaapvoer geskenk en ook skenkings van kos, watertenks, drinkwater en beddegoed bemiddel in die dae ná die ramp. Die Bloemfonteinse Dierebeskermingsvereniging (DBV) het honderde honde, katte, hoenders en bokke uit die slik in oorstroomde informele woonbuurte rondom die dorp gered. Me. Reinet Meyer, senior inspekteur van die DBV, sê daar was onder meer beeskrale en varkhokke reg onder die damwal voor die ramp. “Ons kry nie eens hierdie diere se karkasse nie – hulle is eenvoudig net weg.” Sy sê die veeverlies is ’n groot maatskaplike kwessie vir arm huishoudings wat die diere nodig gehad…

MNR. CAREL VAN DER MERWE, boer van Van Wyksvlei, en sy entiteite wat in ’n ingewikkelde likwidasiegeding met die Land Bank gewikkel is, se aansoek by die appèlhof om teen sy finale sekwestrasie te appelleer, is op 7 September met koste van die hand gewys. Appèlregters Visvanathan Ponnan en Wendy Hughes het bevind daar is nie ’n wesenlike rede waarom die appèl teen sy sekwestrasie kan slaag of ’n appèl aangehoor moet word nie. In dieselfde week is ’n aansoek van Van der Merwe in die hooggeregshof in Kimberley van die hand gewys dat regter Mpho Mamosebo, die voorsittende regter, haarself onttrek aan die verhore oor sy entiteite se likwidasie en trust se sekwestrasie, sy sakereddingsplan en sy aansoek om ’n artikel in die Maatskappyewet (Wet 71 van 2008) as…

BOERE, verbruikers én handelsbetrekkinge binne die Suider-Afrikaanse Doeaneunie (Sadu) kan ly weens die skielike verbod op groenteinvoer uit Suid-Afrika wat Namibië en Botswana verlede maand ingestel het. Só waarsku die nasionale landboubemarkingsraad (NLBR) in ’n artikel, en voeg by dit is “in stryd met die beginsels van Sadu”. “Dit raak die streekswaardeketting, waarin boere en landbou-ondernemings in Suid-Afrika baie belê het om te verseker dat daar genoeg voedselvoorraad op die Sadu-mark is.” Die twee lande se regerings regverdig dit egter as deel van pogings om hul eie opkomende, jong bedrywe te beskerm. Botswana en Namibië het albei sedert die instel van die verbod ’n skema vir boere bekend gestel om plaaslike groenteproduksie aan te moedig. Die raad verwelkom steun aan boere, maar sê dit moet geskied te midde van oop…

DIE landbou het ’n plan nodig om volhoubaar en inklusief te groei sodat swart boere ook uit die groei kan voordeel trek. Volgens mnr. Wandile Sihlobo, hoofekonoom by Agbiz, kan die landbou ’n bydrae lewer om Suid-Afrika se groeivooruitsigte, wat tans maar droewig lyk, te verbeter. “Suid-Afrika se landbou het sedert 1994 meer as verdubbel in waarde. Ook in volumes was daar enorme groei, veral te danke aan vee en vars produkte. Daar is egter dinge in die land wat ons in die oë moet kyk, soos dat die landboubedryf dualisties is en dat baie swart boere nie in die groei deel nie.” Dit kan stabiliteit in die bedryf benadeel en is ook onaanvaarbaar vir die wetmakers. “Dit moenie ’n zero-som-spel wees waar jy by ’n wit boer vat en…

DIE Schoeman-groep het onlangs kontrakprodusente wat droëbone verskaf as deel van sy Zamukele-ontwikkelingsprojek vereer vir hul prestasies. Die projek verskaf produksiemiddele, wat saad, kunsmis en tegniese voorligtingsdienste insluit, op ’n leenbasis aan dié boere, wat dan die produksiekoste terugbetaal ná hul produk gelewer is. Die projek ondersteun tans 63 boere in vyf provinsies – Mpumalanga, die Vrystaat, Limpopo, Gauteng en Noordwes – met behulp van agt vennote, insluitend die Schoeman Groep wat die projek help finansier, AgriTechnovation, Tiger Brands, Rhodes Food Group, Laeveld Agrochem, TriFert, Pannar en John Deere. NUWE REKORD “Ons het vanjaar die hoogste aanplantings nog gehad met 2 196 ha wat met witbone beplant is en ’n nuwe rekordoes van 1 145 ton is behaal,” sê mnr. Success Mdluli, projekbestuurder by Zamukele. “Ongelukkig was die seisoen nie…

HOEWEL ’n paneel ekonome in ’n Nasie in Gesprek-sessie op Nampo Kaap verskil het oor kwessies in die plaaslike ekonomie, verwag almal dat die oorlog tussen Rusland en Oekraïne nog lank gaan duur. “Ek meen ons gaan ’n lang, uitgerekte oorlog sien,” het mnr. Dawie Roodt, hoofekonoom van die Efficient-groep, gesê. Hy verwag dat inflasie internasionaal hoog gaan bly, maar dat kommoditeitspryse gaan stabiliseer en pryse stelselmatig gaan begin daal. Me. Madalet Sessions, portefeuljebestuurder by Denker Capital, meen ook dat die oorlog lank kan voortduur. Terwyl die ekonomiese situasie in die wêreld onseker is, sal die Engelse gesegde geld van: Capital is cowardly. Sessions en dr. Roelof Botha, ekonomiese adviseur by die Optimum Investment Group, het ook verwys na die gesegde dat kapitaal soos ’n koedoe, met indrukwekkende horings, skugter…

SUID-AFRIKA én sy rooivleisbedryf ervaar steeds die druk van die groeiende bek-en-klouseer-krisis en die gepaardgaande beperking op invoer, het mnr. Louw van Reenen in sy voorsittersverslag op die jaarvergadering van die rooivleisbedryfsforum (RMIF) gesê. Hy het gesê sommige lande het hul handelsprotokolle met Suid-Afrika opgeskort. Uitvoer gaan grootliks voort na die Midde-Ooste en Afrika, maar alle uitvoer na Asië en die Ooste is opgeskort. Dit beteken dat die bedryf groot verliese aan inkomste ervaar. Sover dit die statutêre heffing betref, is ’n groepering gevorm wat bestaan uit die Rooivleisprodusente-organisasie (RPO), die nasionale organisasie vir opkomende rooivleisprodusente (Nerpo), die Suid-Afrikaanse Voerkraalvereniging en die Rooivleis-abattoirvereniging. Die groepering het BFAP bygestaan met die opstel van ’n plan ter ondersteuning van ’n nuwe heffing, wat ingedien is. Die huidige heffing sal in November verstryk.…

Suid-Afrika het dit in die afgelope paar weke reggekry om ’n miljoen meer kartonhouers avokado’s van 4 kg uit te voer as wat aanvanklik geskat is. Die SA Avokadokwekersvereniging se skatting vir 2022 was 15,5 miljoen kartonhouers, maar mnr. Derek Donkin, uitvoerende hoof van Subtrop, die sambreelliggaam vir subtropiese gewasse, sê ’n goeie opbrengs van laat avokado’s in sekere streke en buite-seisoenvrugte in ander, het daartoe bygedra dat Suid-Afrika se uitvoer vir die jaar op 16,5 miljoen ton staan. Dit was egter ’n moeilike seisoen vir avokadokwekers met ’n skerp daling in pryse op die Europese mark vanaf Mei tot middel Junie. Daarna het pryse verbeter, maar Donkin sê boere wat in dié tyd vrugte uitgevoer het, het dit in meeste gevalle teen verliese gedoen. Selfs oor die beter maande…

KYK volgende keer ’n bietjie dieper in jou hond se oë as jy tuis kom — dalk sien jy trane van blydskap daarin raak. Volgens kenners raak honde ook emosioneel en tranerig. Dit gebeur dikwels wanneer hulle weer hul eienaars groet nadat hulle vir ’n tydperk van mekaar geskei was. “Ons het gevind dat honde trane stort terwyl hulle gelukkige emosies ervaar,” sê prof. Takefumi Kikusui van die Azabu-universiteit in Japan. Kikusui reken dit het te doen met die werking van oksitosien, die sogenoemde moederlike of liefdeshormoon. Oksitosien word ook vrygestel wanneer hondeeienaars met hul troeteldiere speel. Kikusui het oor die rol daarvan begin dink nadat een van sy poedels ses jaar gelede kleintjies gekry het. Hy het opgelet dat wanneer hulle aan hul ma gesuip het, die teef se…

AktueelWILD en JAG Meer as 70% van Europa en Brittanje se inwoners wat aan ’n meningsopname oor die wenslikheid van trofeejag deelgeneem het, is glo daarteen gekant. Só berig die internasionale toerismewebwerf Daily Tourism Update oor ’n onlangse navorsingsverslag van die diereregte-organisasie World Animal Protection (WAP). Daar het volgens WAP 10 900 mense van reg oor die wêreld aan die navorsingsopname deelgeneem, waarvan baie gereelde besoekers aan Suid- en Suider-Afrika is. Suid-Afrikaanse deelnemers is blykbaar ook by die navorsing betrek. KORTOM ■ Navorsing deur ’n diereregte-organisasie het bevind die meeste van die wêreld se mense, veral in Europa en Brittanje, is gekant teen trofeejag. ■ Jagorganisasies sê toerisme alleen kan nie vir bewaring betaal nie en jag is noodsaaklik. ■ Beroepsjagters waarsku dat ondeurdagte omgewingsbeleid van die regering reeds besig…

Grondmikrobiologie Boerderypraktyke moet daarop gemik wees om die reusegetalle mikro-organismes in die grond só te bestuur dat hulle vermeerder en ingespan kan word om sekere dienste tot voordeel van plante te verrig. Dan hoef minder ingekoopte insette gebruik te word, sê prof. Karin Jacobs, ’n grondmikrobioloog van die departement mikrobiologie aan die Universiteit Stellenbosch. “Mikro-organismes is betrokke by alle kringlope (siklusse) in die grond. Hulle hou alles aan die gang.” Jacobs se eerste kennismaking met mikro-organismes in grond was by fynbos. Sy was verras deur die groot verskeidenheid swamme en bakterieë wat sy daar gevind het. Deesdae bedryf die departement mikrobiologie ’n kommersiële projek wat mikro-organisme-ontledings vir landbougrond doen, genaamd Sporatec. Jacobs het op die boeredag wat Landbouweekblad en Charl Baard Landbouprodukte by Lake Grappa buite Kakamas gehou het, gesê…

BEESSTERT MET LEMOEN ’n Sweempie sitrus maak’n bekende gunsteling nóg lekkerder. ■ 1,5 kg beesstert, in litte gesaag ■ Sout en varsgemaalde swartpeper ■ 4 elk heel kruienaeltjies en peperkorrels ■ 2 lourierblare ■ 750 ml goeie beesvleisaftreksel ■ 125 ml blatjang ■ 45 ml lemoenmarmelade ■ 45 ml worcestersous ■ 125 ml lemoensap ■ Water, indien nodig Sit die stukke beesstert in ’n groot swaarboomkastrol. Geur met sout en peper en voeg die kruienaeltjies, peperkorrels, lourierblare en aftreksel by. Verhit tot kookpunt. Bedek, verlaag die hitte en stowe die beesstert stadig, oor lae hitte, vir ongeveer 3 uur tot sag. (Vul die water gereeld aan, want dit kan droog kook en aanbrand.) Voeg die blatjang, marmelade, worcestersous en lemoensap by. Bedek weer en stowe vir nóg ’n uur oor…

Die Roechama-Angusstoetery van die Malherbe-familie van Hertzogville is aangewys as die Teler van Kampioene (rooi Angus). Telers wat trofeë ontvang het, is (van links) mnre. Wilru Campher (Loumotta-stoetery, Ventersdorp), Piet Delport (Hide-A-Way’s, Migdol), Andrew Masterson (Milagro, Oesterbaai), Loutjie Campher (Loumotta-stoetery, Ventersdorp) en RC en Gert Malherbe (Graslaagte, Hertzogville). In die afdeling vir die swart Angus is mnr. Andrew Masterson (naaslinks) se Milagro-stoetery as die Teler van Kampioene aangewys. By hom is, van links, mnre. Loutjie Campher, Seymour Currie (Joyce’s Angus, Melkbosstrand), Ruben Redelinghuys (Red Rubie-stoetery, Drie Riviere, Vereeniging), Philip de Waal (Locheim-stoetery, Moorreesburg) en Edmund Els (Rocky Ridge Ranch, Wes-Kaap). Lede is vir hul bydrae tot die bedryf vereer. Van links is mnre. Basie Bezuidenhout wat namens die Vrystaatse Angusklub (Klub van die Jaar) opgetree het, Issie Liebenberg namens Martin…

Twee jong telers se opgang in die Dormerbedryf het op dié genootskap se nasionale veiling ’n hoogtepunt bereik deur die tweede agtereenvolgende jaar rekordpryse vir van die land se beste teelmateriaal te betaal. Die Eksteenbroers, Marius jr. en Jan van Hatari-wildtelers by Bloemfontein, het ’n Suid-Afrikaanse rekordprys van R80 000 vir ’n ooi van mnr. Johannes du Toit van Remkuil-Dormers by Caledon betaal. Die Eksteens het saam met ’n konsortium van kopers R260 000 vir die veiling se duurste ram van die Nova Barletta-boerdery van mnr. Lodie van Reenen en sy vrou, Chriselle, van Clocolan betaal. Die medekopers is mnre. Steyn Steenekamp en Abraham Steyn van die Droërivier-stoetery (Burgersdorp), Tjaart Steenekamp (Twee Broers, Barkly-Oos) en Pieter Jordaan (Buffelsfontein-stoetery, Somerset-Oos). Altesaam 50 ramme is vir gemiddeld R26 950 verkoop en 80…

DIE energiereguleerder, Nersa, gaan vanjaar weinig ruimte hê om Eskom se aansoek om ’n tariefverhoging van 32% beduidend te beperk, soos wat die afgelope paar jaar die geval was. Eskom vra vir ’n toegelate inkomste van R351 miljard. Vir die huidige jaar het Eskom ’n 20%-verhoging gevra, maar Nersa het slegs 9,61% goedgekeur. Een van die grootste faktore in daardie besluit was ’n aftrekking van amper R26 miljard in Eskom se toegelate inkomste vir vermindering in batewaarde, wat Eskom op R1,2 biljoen vasgestel het, maar wat volgens Nersa R500 miljard was. Eskom het dié besluit van Nersa hof toe gevat en op 15 September laat blyk die spertyd is verby sonder dat Nersa aangedui het of hy die aansoek teenstaan. Verder moet Nersa ’n hofbevel uitvoer om R15 miljard by…

R1,9 miljoen Die Agri Securitas-trustfonds het vandeesmaand uitbetalings van R1,9 miljoen goedgekeur aan boereverenigings in vyf provinsies vir misdaadvoorkoming. Die meeste van die aansoeke was vir die installering of uitbreiding van kamerastelsels. Dis volgens gemeenskapsterugvoer die suksesvolste manier om misdadigers af te skrik en verdagtes na te spoor. Sedert die trust in 1999 gestig is, is meer as R16 miljoen uitbetaal danksy skenkings. — Agri SA 63% Voerverkope aan die plaaslike pluimveebedryf verteenwoordig 63% van die jaarlikse verkope van lede van die vereniging van veevoervervaardigers (Afma). Die totale jaarlikse produksie beloop 7,1 miljoen ton, aldus mnr. Wouter de Wet, uittredende voorsitter, se 2021-’22-verslag op Afma se jaarkongres. Op internasionale vlak is 28% van voerproduksie vir braaihoenders, 25% vir varke, 13% vir lêhenne, 11% vir melkbeeste en 9% vir vleisbeeste. —…

MNR. HERMAN DU PREEZ (38), eienaar van die Frangipani-boerdery by Lichtenburg, is as Noordwes se Jongboer van die Jaar aangewys. Hy boer met mielies, braaihoenders, ’n Simmentaler-stoetery, ’n kommersiële Bonsmara-tipe vleisbeeskudde en wild. Lees die artikel op bl. 48. VERTEL VAN JOU GESIN. Ek en my vrou, Surina, het drie kinders: Heinrich (11), Jolienke (8) en Annelé (4). Surina het haar as apteker bekwaam. My ma, Franci, bly op Lichtenburg, en ek het ’n suster, Yolande, en twee broers, Jacques en Bennie. HET JY NÁ SKOOL GESTUDEER? Nee, ek wou dadelik begin boer. HET JY ’N STOKPERDJIE? Ek speel graag gholf. WAAR HOU JULLE VAKANSIE? Ons is dol oor die Wes-Kaap met sy mooi natuur en plase. WATTER SPORTSPANNE ONDERSTEUN JY? Die Lions-rugbyspan.…

Regter Mpho Mamosebo het op 13 September uitspraak voorbehou nadat betoë gelewer is in Van der Merwe se aansoek dat ’n artikel in die Maatskappyewet ongrondwetlik verklaar word. Hy voer aan dat die betrokke artikel arbitrêr is en nie dieselfde beskerming aan alleeneienaars en trusts bied as aan beslote korporasies en maatskappye in gevalle van sakeredding nie. Volgens hom is sakeredding pleks van likwidasie in sy, die skuldeisers en breër gemeenskap se belang. Van der Merwe voer aan sy entiteite word in een besigheid bestuur.…

DIE invloed van wêreldgebeure en politieke besluite op die landbouwaardeketting het duidelik geblyk uit die landbougroep VKB se jongste jaarresultate, wat onlangs bekend gemaak is. Grain Field Chickens, die groep se hoender-abattoir wat onder meer bevrore hoenderstukke aan die mark lewer, se winste het verbeter danksy volumegroei en omdat hoër produkpryse die styging in insetkoste kon temper. Tog het hoër graanpryse winsmarges onder druk geplaas en daar is min beweegruimte vir verdere prysverhogings. “Ons beleef tans ’n verbruikersmark wat onder groot druk is en die bekostigbaarheid van ’n produk soos bevrore hoender raak beslis ’n kwessie,” sê mnr. Sas Kasselman, besturende direkteur van VKB Landbouverwerking. Hy waarsku die regering se versuim om nuwe teenstortingstariewe in te stel, kan die hoendermark baie ongunstig beïnvloed. SOJA Die prestasie van Free State Oil,…

Rubriek Die jongste syfers van Statistieke SA dui op ’n negatiewe groeikoers van 0,7% vir die tweede kwartaal ná die eerste kwartaal se positiewe groeikoers van 1,7%. Al drie die produksiesektore – die landbou (-7,7 %), mynbou (-3,5%) en fabriekswese (-5,9%) – het negatief gegroei teenoor die ooreenstemmende kwartaal verlede jaar. Die redes wat aangevoer word, is onder meer die knaende beurtkrag wat produksie erg ontwrig, en beperkings in infrastruktuur en hawens wat die uitvoer van minerale en landbouprodukte soos vrugte aan bande lê. In baie streke is swak dienste ook ’n beperkende faktor vir die produksiesektore. Daarby speel die stygings in ander koste soos vervoer, elektrisiteit, arbeid en plaaslike belastings ’n rol. Stygende rentekoerse maak dit al hoe moeiliker om produksie te finansier in die ekonomiese afswaai. Die feit…

Energiedoeltreffende praktyke word gebruik in Vititec se tonnels waar geënte bo- en onderstokke in hittetoestande kans kry om te heg. “Ons beproef nou die metode in koelkamers wat met ’n 48000 BTU-lugversorger toegerus is. Voorheen het ons staatgemaak op verwarmingselemente in tonnels wat uit die 1970’s dateer. Met die nuwe metode bespaar ons tot 97% Eskom-krag,” sê mnr. André van Wyk, bestuurshoof van Vititec. Boonop kan heelwat meer stokkies sodoende op een slag gekallus word. Nuwe netstrukture is hierdie seisoen opgerig by die Paarl-perseel, waar ’n deel van die maatskappy se 1 100 ha grondvesen moederblokke is. Daardeur word gekyk of meer wingerdstokkies op ’n fraksie van die oppervlak en binne beter reikwydte verbou kan word. In die lig van klimaatsverandering word gedurig gesoek na kultivars wat weerstand bied teen…

Geldbeplanning Indien die raad van trustees nie die reëls volg met betrekking tot hoe ’n trust geadministreer behoort te word nie, soos deur Suid-Afrika se howe en wetgewing neergelê, sal daar later ook nie op die voordele en beskerming wat ’n trust bied, staatgemaak kan word nie. Daar word deesdae vereis dat familietrusts minstens een onafhanklike trustee (nie ’n begunstigde of ’n familielid van ’n begunstigde van die trust nie) moet hê. Dit is ook belangrik om te onthou dat ál die trustees, ook die onafhanklike trustee, aktief behoort deel te neem aan die administrasie van die trust. Die onafhanklike trustee behoort dus op die hoogte te wees van die trust se aangeleenthede. Daar bestaan in die plaaslike reg nie iets soos ’n rustende trustee nie. Indien jy ’n trustee…

In ’n boek wat handel oor die Anglo-Boereoorlog vertel die skrywer hoe ’n persoon met die naam Martjie Louw ’n wet uitgevaardig het wat onder meer bepaal het dat as ’n Boerekryger gevang sou word met die kakie-uniform wat die Engelse soldate gedra het, hy tereggestel kon word. Hierdie Martjie Louw was eintlik die Boere se verafrikaansing van die Engelse term martial law wat “krygswet” beteken. Dit het my laat dink aan wat God se Woord in baie duidelike taal aan ons stel: “Niemand kan vir twee base tegelyk werk nie. Hy sal of die een minder ag en die ander een hoër, of vir die een meer oorhê en die ander een afskeep. Julle kan nie God en Mammon dien nie” (Matt. 6:24). En dit is dan nou die…

Meer as die helfte (51%) van die distrikte in die Vrystaat het ’n gunstige prysneiging vir die twaalf maande tot Augustus vanjaar getoon. By Brandfort (23,4%), Parys (23,1%), Wepener (15,8%), Heilbron (13,7%) en Bothaville (13,6%) het pryse skerp gestyg. Dit het egter skerp gedaal by Jacobsdal (-23,1%) en Philippolis (-11,9%). In die betrokke tydperk is 645 ooreenkomste in 41 distrikte gesluit. Dit het 298 637 ha teen R3,531 miljard behels. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 11% (10%), 50-150 ha, 17% (14%); 150-300 ha, 26% (24%); 300-450 ha, 16% (20%); 450-600 ha, 7% (11%); groter as 600 ha, 24% (21%). Die TABEL gee ’n opsomming van grondtransaksies groter as…

‘Jy sê al 20 jaar lank die land gaan ontplof, en kyk, hier sit ons nog.’ MNR. ROELOF BOTHA, ekonomiese raadgewer by Optimum Investment Group, aan mnr. Dawie Roodt, oor dié se waarskuwing dat anargie in Suid-Afrika kan uitbreek. Bl. 24 ‘Dit is nie die ANC wat jou grond gaan vat nie, dit is jou buurman as hy ’n beter boer as jy is.’ MNR. THEO VORSTER, uitvoerende hoof van Galileo Capital, oor hoekom boere volhoubaarheid voorop moet stel in hul sakeplan. Bl. 18 ‘Die regering se reaksie op mislukking was om net nog planne te beraam, pleks van om te gaan kyk na dit wat nie werk nie.’ MNR. WANDILE SIHLOBO, hoofekonoom by Agbiz, oor gebrekkige groei onder swart boere. Bl. 20 ‘As ’n aksie van die regering wat…

Anderkant die reënboog Ná ’n onderbreking van twee jaar was dit goed om weer Nampo op Bredasdorp te hou. Die parkeerterrein was al vroegoggend vol, en tot sover as Struisbaai was daar nie blyplek vir ’n muis nie. Benewens die kans om mekaar weer ’n bietjie in die oë te kon kyk oor ’n koppie koffie, is dit altyd lekker om ’n fisieke vergestalting van ons bedryf te sien. Die besef dat die landbou nog ’n besonderse vlak van kundigheid aan Suid-Afrika beskikbaar stel. Die gemoedsrus dat ons altyd nog ’n plan sal kan maak. Om vanjaar die Merino Classic op Nampo Kaap te kon sien, was ook baie spesiaal. Dit is immers die distrik waar Michiel van Breda in 1817 vir die eerste keer kommersieel met die Merino geboer…

Die inwoners van Die Hel is nou wel in staat om padlangs na hul tuiste aan te stryk nadat die pad vir hulle daarheen deur die Kaaplandse provinsiale administrasie gebou is, maar dit is nie te vergelyk met die prestasie van ’n handjie vol boere in die Oos-Kaap wat op eie koste ’n kortpad boontoe gemaak het nie. Die bou van die Saalboompad oor die ontsagwekkende Drakensberge tussen Barkly-Oos en Elliot deur hierdie handjie vol boere is een van die merkwaardigste prestasies van padbou in die geskiedenis van Suid-Afrika. ’n Tiental boere van Saalboom het kort ná die Tweede Vryheidsoorlog ’n gangbare pad oor die Saalboomnek deurgesukkel, 7 myl (11,3 km) lank oor die Drakensberge van 10 000 voet (3 048 m). Hulle het self met pik en graaf gewerk…

WEENS kapasiteitsprobleme en gebrekkige konsultasie kon die landwye vervoerverbod op beeste om verdere uitbrekings van bek-en-klouseer te probeer keer, nie sy doelwit bereik nie. “Die enigste ander manier om die voorkoms van hierdie siekte te verminder, is om ‘bek-en-klouseervry met inenting’-sones in Suid-Afrika in te stel en die siekte te bestuur soos in Suid-Amerika gedoen word,” sê mnr. Angus Williamson, voorsitter van die KwaZulu-Natalse Rooivleisprodusente-organisasie (RPO). “Dit is van deurslaggewende belang dat dié entstof plaaslik deur een of meer private ondernemings vervaardig word. Dit is die enigste verdedigingslinie wat in hierdie stadium vir ons oor is.” Nog moontlike uitbrekings is in KwaZulu-Natal en die Vrystaat aangemeld slegs dae voordat die nasionale vervoerverbod van 21 dae op 8 September opgehef is. Luidens berigte keer die polisie en staatsdieregesondheidstegnici nie voertuie doeltreffend…

MET planttyd vir die somerseisoen wat eersdaags begin, verwag die Suid-Afrikaanse Weerdiens ’n swak La Niñatoestand wat matige reën tot voordeel van landbouproduksie kan beteken. Volgens die voorspelling kan die swak La Niña gedurende die res van 2022 voortduur en vroeg in 2023 neutraliseer. Mnr. Wandile Sihlobo, hoofekonoom van die landbousakekamer Agbiz, beskou dit as ’n ietwat gerusstellende voorspelling wat dui op bogemiddelde reënval, maar binne hoeveelhede wat nie tot nadeel van landbouproduksie sal wees nie. Die weerdiens voorspel goeie reënvaltoestande in die vroeë somer (Oktober tot Desember), wat kan voortduur tot die midsomer. Boere in die oostelike dele, wat die Oos-Vrystaat, Mpumalanga, KwaZulu-Natal en die Oos-Kaap insluit, sal na verwagting middel Oktober met aanplantings begin. “Dit is gunstig vir die plant van somergrane en oliesade omdat hierdie gewasse goeie…

TITELAKTES, landbouproduksie en voedselsekerheid loop die risiko om deur die voorgestelde wet op grondonteiening benadeel te word. Die onteieningwetsontwerp is in die finale fases om wet te word, hoewel dit onverwags op 14 September by die portefeuljekomitee oor openbare werke en infrastruktuur vasgehaak het. Die komitee moes op daardie dag die verslag oor wetsontwerp aanvaar, maar dié proses is uitgestel tot 20 September, die dag ná dié uitgawe se druktyd. Die definisie van “onteiening” in die wetsontwerp bly ’n belangrike geskilpunt. “Daar was baie besprekings oor die definisie van eiendom en of die definisie vaste en roerende eiendom moes uitsluit, maar geen bespreking het oor die definisie van onteiening plaasgevind nie,” sê me. Annelize Crosby, hoof van regsintelligensie by Agbiz. “Soortgelyk is daar die regsmening wat die komitee van adv.…

1 MAROKKO Sitrusproduksie kan styg Die Amerikaanse departement van landbou verwag dat Marokko se produksie van veral nartjies en mandaryne in die 2021-’22-produksiejaar 13% hoër sal wees as die vorige jaar, lemoene 11% hoër en lemmetjies 2% hoër, met produksie van onderskeidelik 1,36 miljoen ton, 1,15 miljoen ton en 45 000 ton. Die styging word toegeskryf aan gunstige produksietoestande en ’n toename in aangeplante hektare. Na verwagting sal die land 500 000 ton nartjies en mandaryne uitvoer (8% meer as die vorige jaar) en 25% meer lemoene, oftewel 120 000 ton. — USDA 2 KENIA Voedselonsekerheid word só gepak Die kleinhandelprys van mielies het binne ’n jaar verdubbel, en akademici maan die nuwe regering van mnr. William Ruto om dringende stappe te doen om voedselonsekerheid weens ’n kombinasie van pandemieverwante…

BIOSEKERHEIDSMAATREËLS is in wese die stappe wat enige regdenkende boer in elk geval doen om ’n verbreking van die biosekerheidsketting te keer, het dr. Gideon Brückner, oudhoof van die internasionale dieregesondheidsorganisasie (OIE) se kommissie vir dieregesondheid, op ’n konferensie van die Rooivleisprodusente-organisasie oor die rooivleisbedryf se strategie tot 2030 gesê. In Suid-Afrika is daar verskeie faktore wat ’n risiko vir die verspreiding van bek-en-klouseer inhou. Dit sluit in die onwettige verskuiwing van vee; verstedeliking; die vervoer van vee na veilings; seisoenale feesgeleenthede wat tot baie beweging van mense en vleisprodukte lei; families versprei oor provinsiale grense wat daartoe lei dat mense rondry; menslike beweging vanaf besmette plase/gebiede; die onwettige slag van diere en die vervoer van besmette vleis; voedselonsekerheid en die voorsiening in vleisbehoeftes wat tot die onwettige slag van…

Wat was die vonk vir jou loopbaan as avonturier? Die grootste geheim is om ’n bietjie gatvol te wees. Dalk gaan vier uit tien mense wat dié artikel lees, sê: “Sjoe, ek wil eintlik ’n verandering in my lewe sien.” Ek het eendag in Nuweland se woud gesit ná ek gaan draf het. Ek het ’n goeie werk, ’n bietjie geld in die bank, ’n lekker kar en ’n mooi meisie gehad, maar iets was verkeerd. Ek was ongelukkig en wou nie meer die nege-tot-vyf-ding doen nie. Op daardie Sondagmiddag het ek myself belowe ek gaan iets doen wat myself verbaas en wat niemand in die wêreld nog gedoen het nie. Die Dinsdagoggend het ek die kaart van Afrika uitgehaal en besluit ek gaan met my fiets rondom die vasteland…

NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 75 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 20 Oktober 2022. Geen posstukke word meer as inskrywing aanvaar nie. Geen erkenning van ontvangs word gestuur nie. Deelnemers kan soveel keer SMS soos jy wil. WENNERS! Oplossing van blokraaisel no. 1704 Leidraad: Toerusting op ’n plaas GRONDBREKER Die wenners van Omgewingspraatjies…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE HARTEBEESTFONTEIN (366), 345 ha, aan Usizo-Thuso Trading & Projects BK, van Orion Dagbreek Beleggings (Edms.) Bpk., R1 750 000. KOEDOESFONTEIN (478), 64 ha, aan D. en R.G. Rodel, van J.F. van Zyl, R2 100 000. KRUGERSDAL (5), 550 ha, aan Thekwane Group (Edms.) Bpk., van Bengil-boerderytrust, R4400000. MODDERFONTEIN (445), 22 ha, aan T.D. de Bruin, van C.P. Harmse, R270 000. VLAKFONTEIN (37), 81 ha, aan Celtic Place (Edms.) Bpk., van J.H. van Coller, R1 300 000. PRETORIA DE ONDERSTEPOORT (300), 56 ha, aan Specialised Road Maintenance (Edms.) Bpk., van B.D. van Niekerk, R5 000 000. HARTEBEESTFONTEIN (484), 21 ha, aan E.B. en L.P. Pejane, van J. en S. Madibeng en T.T.R. Masudubele, R1 210 000. HONINGNESTKRANS…

KONFERENSIES 28-29 SEPTEMBER: Koolstofboerdery, grondbewaring en nuwe tegnologie. Zimbali-kusoordkonferensiesentrum, Umhlanga. E-pos: ryan@empiretraining.co.za VERGADERINGS 30 NOVEMBER: Sauvignon Blanc SA, tegniese seminaar, web: www.sauvignonblanc.com FEESTE, EKSPO’S 13 OKTOBER: Prysoorhandiging, FNB Sauvignon Blanc SA Top 10. Web: www.sauvignonblanc.com 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 18 NOVEMBER: Landbouskrywers SA nasionale prysoorhandigingseremonie, www.agricultural writerssa.co.za SKOUE 28 SEPTEMBER-1 OKTOBER: Nampo Alfa, Parys. Albert Loubser, 082 562 2188 of 012 664 4793, albert@plaasmedia.co.za 30 SEPTEMBER TOT 1 OKTOBER: Uniondale-landbouskou. Saalperd-streekskou, Kaapse Boerperde, Boerbokke, Merino’s, honde, jeugskou, budgies, wynproe, pretdraf, skoudans, uitstallers en veteraanmotors. Pieter-Matt Stemmet, 083 272 8858. 4-8 OKTOBER: Robertsonlenteskou. Annette Eksteen, 023 626 2512; robertsonskou@barvallei.co.za 13-15 OKTOBER: Villiersdorp. Johannie Barnard, 083 312 1476; skoongesig@breede.co.za 20-22 OKTOBER: Prins Albert. Jean Grundlingh, 079 978 7446 of 023 541 1750; palandbougenoot skap@gmail.com 21-22 OKTOBER: Loeriesfontein. Jannie Loots, 082…