Innholdsfortegnelse for 01 September 2022 i Landbouweekblad

MOET OBK ASHTON SE INMAAKFABRIEK RED? Ons is almal bewus van die moontlikheid dat die vrugte-inmaakfabriek op Ashton, wat onder meer Koo-produkte vervaardig, om finansiële redes moet sluit. Dit is ’n hartseerstorie en almal bid dat ’n oplossing gevind sal word. Duisende werkgeleenthede by die fabriek en op plase in die omgewing is in die gedrang. Besighede op Ashton en omliggende dorpe se voortbestaan hang af van ’n noodsaaklike oplossing om die fabriek te red. Die Langeberg Koöperasie het sy ontstaan in die 1940’s te danke aan ’n familielid van my: Oom Lang Sarel Conradie en sy tydgenote. Oom Sarel was ’n legende in sy tyd. Ek het sentimentele herinneringe aan die skoolvakansies toe ons skoolseuns vrugtekissies by die koöperasie gemaak het vir ’n sakgeldjie. ’n Hele 8 sjielings en…

DIE verbod op die verskuiwing van beeste weens beken-klouseer bring talle ontwrigtings vir beesboere mee. Dr. Michael Swart, staatsveearts in die Wes-Kaap, het uitgewys dat melkboere wat hul bulkalwers verkoop, dit nou nie meer sal kan doen nie. Hulle sal die kalwers moet voer totdat hulle verkoop en verskuif mag word. “Beseerde beeste wat vir noodslag moet gaan, sal ook eers ’n gesondheidsertifikaat vanaf private veeartse benodig.” Boere wat teelbulle het, sal ook nie die bulle kan vervoer terwyl die verbod geld nie. Benewens ooglopende redes, soos die onwettige verskuiwing van beeste tydens die toepassing van die verbod, kan die siekte aanhou versprei deur byvoorbeeld speeksel in water. Volgens Swart kan ’n siek bees se speeksel in krippe beland en só na ander diere oorgedra word. “Die siekte kan ook…

Dr. Stuart Varrie waarsku dat wolboere nie van die uitbreking van bek-enklouseer kwytgeskeld is nie en steeds die nodige biosekerheidsmaatreëls gereed moet hê om verspreiding na hul plaas te voorkom. Op ’n onlangse paneelbespreking op Agri Oos-Kaap se kongres oor die uitbreking van bek-en-klouseer het dr. Shaun Morris, ’n veearts wat konsultasiedienste aan voerkrale bied, boere gewaarsku dat die virus oornag deur die onwettige of ongereguleerde beweging van diere in ’n sleepwaentjie uit Limpopo na die Wes-Kaap versprei kan word. “Boere moet besef dat daar tans ’n uitgebreide uitbreking van bek-enklouseer in die land is wat nie onder beheer is nie,” sê Varrie. Boere moet bewus wees van biosekerheid op die plaas, wanneer diere na die plaas gebring word wat moontlik die virus kan versprei. Boere moet onder meer op…

GESLOTE VEESLEEPWA Die behoefte op die mark vir geslote sleepwaens vir die vervoer van skape en beeste het die afgelope tyd ál hoe groter geword. Dié neiging kan aan kosbaarder vee toegeskryf word. Goeie teelmateriaal is duurder en ’n boer wil nie meer sy peperduur bul of ram op ’n oop sleepwa vervoer nie. NIC 6 is ’n geslotebakkonsep wat deur NIC Trailers op Coligny vervaardig word as een van 147 modelle. Só voorsien hy in die hoofstroom- en doelgeboudesleepwamark se behoeftes. Die jongste sleepwaens het lugwaaiers wat van die bakkie se krag af werk en die lugvloei binnein reguleer. NIC Trailers vervaardig al vir 23 jaar hoëgehalteswaardienssleepwaens wat deur ’n boer se bakkie getrek kan word en het al meer as 19 000 sleepwaens verkoop. Prys: R140 000 NAVRAE:…

Die behoorlike voorbereiding van lande vir planttyd word met die huidige hoë produksiekoste ál belangriker. Om doeltreffende besluite te neem en die potensiaal van hul opbrengste te verwesenlik, is dit belangrik dat produsente op die hoogte bly wat landbouwerktuie betref. Na gelang van die tekstuur en topografie is grondvoorbereiding die hardste werk vir ’n produsent. Die verkeerde werktuig kan die risiko van erosie of ’n misoes verhoog. Die werktuie uit Falcon se stal is ’n ware kragvertoning van betroubaarheid en werkverrigting, en beloof om die proses van grondvoorbereiding aansienlik te vergemaklik. Hoe meer plantmateriaal daar is, hoe groter is die hoeveelheid oesreste. Dit is belangrik om hierdie reste doeltreffend tot die grond te voeg om die organiese inhoud te verhoog, maar dit moet eers goed verwerk word. Falcon se reeks…

KARAMELSJOKOLADEROLKOEK ■ 3 sjokoladerolkoeke (sien resep hieronder) ■ 3 blikke (385 g elk) karamelkondensmelk ■ 500 ml sjokoladegeurbotterversiersel ■ Sjokoladebas (sien Kombuiswenk op bl. 83) en roosmaryntakkies, om te versier Sjokoladerolkoek (lewer 1 koek) ■ 4 ekstragroot eiers, geskei ■ 80 ml strooisuiker ■ 80 ml ligbruinsuiker ■ 15 ml sterk koffie ■ 60 ml gesmelte botter ■ 5 ml vanieljegeursel ■ 125 ml koekmeel ■ 60 ml kakao ■ 5 ml bakpoeier ■ 1 ml sout Bak die sjokoladerolkoek: Voorverhit die oond tot 180 °C en bespuit ’n standaard-bakplaat met kleefwerende kossproei. Voer die bakplaat met bakpapier uit (laat die papier ook teen die kante van die pan oploop) en bespuit die papier baie goed. Klits die eierwitte tot stywe punte vorm en voeg die strooisuiker by. Klits baie…

SUID-AFRIKA, ’n waterskaars land met chroniese elektrisiteitstekorte en ’n groot onverwesenlike potensiaal vir voedselproduksie, is die perfekte kandidaat vir gewasproduksie onder afdakke van sonpanele. Hoewel dié tegnologie, wat as agri-fotovoltaïese stelsels bekend staan, ’n nisproduk is waaroor min navorsing nog gedoen is, is daar groot belangstelling onder navorsers en boere. Een só ’n projek in Insinya, Kenia, behaal blykbaar belowende resultate deur opbrengste te verhoog en terselfdertyd goedkoop elektrisiteit op te wek én reënwater te oes. Eerder as dat die panele net bo die grond opgerig word, staan agri-fotovoltaïese stelsels etlike meter bo die grond op staalrame. Hulle gooi ’n skadu oor die grond wat hulle ideaal maak vir vrugte en groente wat nie te veel son moet kry nie, soos druiwe, kiwivrugte, soetrissies, tamaties, komkommers, wortels, aarbeie en bloubessies.…

20-22% Die papiervervaardiger Sappi het onlangs ’n prysstyging van 20% tot 22% vir kartonprodukte aangekondig. Dit is ’n verdere terugslag vir die sitrusbedryf kort ná die Europese Unie se nuwe beperkings op lemoene. Mnr. Justin Chadwick, uitvoerende hoof van die Suid-Afrikaanse Sitruskwekersvereniging, sê die aankondiging word as opportunisties beskou, siende dat al die koste in die voorsieningsketting met dubbelsyfers toeneem. — Michelle van der Spuy 2009 Amerikaanse katoenboere gaan weens droogte vanjaar die kleinste oes sedert 2009 hê. Die oes het met 5 miljoen bale gekrimp. Texas, waar die meeste katoen gelewer word, verteenwoordig omtrent die hele daling sedert verlede jaar, volgens die Amerikaanse departement van landbou. Texas sou na verwagting 2,9 miljoen bale produseer, vergeleke met 7,7 miljoen bale in 2021. Nasionale produksie het met 28% gedaal tot 12,57…

Me. Thoko Didiza, minister van landbou, grondhervorming en landelike ontwikkeling, het ’n landwye verbod op die verskuiwing van beeste aangekondig wat vanaf 16 Augustus vir 21 dae geld, in ’n poging om die verspreiding van bek-en-klouseer hok te slaan. Daar was wye reaksie op die verbod. Mnr. Gerhard Schutte, uitvoerende hoof van die Rooivleisprodusente-organisasie, sê dit is ’n drastiese stap, maar daar moet ook herbesin word oor die benadering tot die siekte. “Tans word selektiewe inentings nie in Suid-Afrika toegepas nie, en ons sal daarna moet kyk. Die vervaardiging van entstowwe, en hoe dit beskikbaar gestel word, sal ook in die kollig moet kom.” Mnr. Anton Vos, besturende direkteur van Vleissentraal, sê die verbod is oorhaastig ingestel. “Ek stem definitief saam dat die minister weeklikse veilings stopsit, maar produksieveilings en…

TE midde van ’n teleurstellende reënseisoen het Wes-Kaapse boere reeds teen middel Augustus strategies begin dink oor hoe om water in die komende produksieseisoen te benut. Die damvlakke in die Wes-Kaap het toe op 64,6% gestaan teenoor 63,9% die vorige week en 77,9% ’n jaar tevore. Die Theewaterskloofdam, die provinsie se grootste dam, was 76,8% vol teenoor 76,1% die vorige week en 101,9% ’n jaar tevore. Ander damme wat aansienlik leër as ’n jaar gelede is, is die Voëlvleidam (63,8% teenoor 63,1% die week tevore en 89,9% die jaar tevore) en die Wemmershoekdam (67,1% teenoor 65,2% die week tevore en 97,6% die jaar tevore). Mnr. Jannie Strydom, uitvoerende hoof van Agri Wes-Kaap, sê die groot waterskemas se damvlakke is op 63% ook heelwat laer as verlede jaar, toe dit op…

DIE effek van China se verbod op Suid-Afrikaanse wol weens die wye uitbreking van bek-en-klouseer was duidelik op die eerste veiling van die 2022-’23-seisoen, wat op 17 Augustus plaasgevind het. Luidens ’n Cape Wools-verslag is 8 348 bale aangebied nadat 4 528 bale weens die verbod voor die veiling onttrek is. Van dié bale is 80,6% verkoop. Die prys vir nie-RWS-wol het sedert die vorige veiling met 5,9% teruggesak tot R155,12/kg, terwyl die prys van RWS-wol met 4,9% tot R171,18/kg gedaal het. Die prysdalings kom ondanks ’n verswakking van 7,9% van die rand teenoor die dollar en 2,6% teenoor die euro. In dollarwaarde was die prysdalings aansienlik groter – nie-RWS-wol was in dollarwaarde 12,77% goedkoper en RWS-wol 11,86% goedkoper as op die laaste veiling van die 2021-’22-seisoen. Luidens Cape Wools…

HULDEBLYKE het van oral ingestroom vir me. Judith Wilson (45) wat onlangs weens skielike gesondheidskomplikasies dood is. Sy was die afgelope agt jaar die Suid-Afrikaanse Suikervereniging (SASV) se handelsdirekteur. Volgens mnr. Trix Trikam, uitvoerende direkteur van die SASV, het Wilson tydens haar loopbaan by die vereniging onder meer die “allerbelangrike” meesterplan vir die suikerrietwaardeketting tot 2030 aangevoer, die suikerterminaal in die Durbanhawe suksesvol bestuur en die Shukela-opleidingsentrum ná die covid-19-pandemie herstel. “Judith was ’n geliefde en hoogaangeskrewe lid van die SASV se uitvoerende span. Sy het die grootste bewondering, vertroue en agting van alle suikerbedryfslede en ander belanghebbendes gehad, insluitend amptenare van verskeie staatsdepartemente.” Mnr. Deane Rossler, uitvoerende hoof van die Suid-Afrikaanse Suikermeulenaarsvereniging, sê Wilson se wye reeks professionele verantwoordelikhede het haar betekenisvolle vermoëns en vaardighede weerspieël. “Judith het ’n…

Rubriek Die jongste aantal weke was baie sleg vir van Suid-Afrika se uitvoerbedrywe omdat dit voorkom dat die staat weer sy plig versaak om biosekerheidsmaatreëls vir die landbou in stand te hou. Die regering is ook veronderstel om te onderhandel met uitvoerbestemmings om probleme te voorkom. Vanjaar het uitvoerbedrywe reeds aansienlike verliese gely. In die geval van sitrus het die eensydige optrede van Spanje (binne die Europese Unie) ondanks bewyse tot die teendeel oor valskodlingmot en protokolle waarop reeds ooreengekom is, sitrusuitvoer na Europa tot stilstand geruk. Ná ’n tyd se gesloer het die regering wel probeer inspring om ’n katastrofe af te weer. Iets soortgelyks het met woluitvoer na China gebeur. In 2019 is ooreengekom op protokolle vir woluitvoer na China, waaraan plaaslike woluitvoerders voldoen. Met die jongste uitbreking…

Dadels is ’n wondervrug wat nie net deur die inwoners van die Midde-Oosterse lande gekoester word nie, maar al hoe meer Suid-Afrikaners besef die voedingswaarde daarvan en die gesonde leefstyl wat dit verteenwoordig. Me. Sabeeha Rahman van die Durbanse onderneming Wonder Dates sê afgesien van die hoë vraag uit die Moslem-gemeenskap wat dadels met godsdienstige praktyke verbind, neem die vraag na dadels toe onder verbruikers van ander geloofsoortuigings. Wonder Dates versprei die afgelope 14 jaar plaaslik gekweekte en ingevoerde dadels in KwaZulu-Natal en metrogebiede in die res van Suid-Afrika. “Verbruikers geniet dadels vir die gesondheidsvoordele, soos ’n lae suikerinhoud, vir ontbytgeregte en gebak. Ons hoor daagliks van nuwe gebruike van dadels in resepte.” Die prys van dadels uit Namibië en die noordelike deel van die land wissel van R70-R100 per…

’N FOTOGIDS van ’n allemintige 372 bladsye oor Limpopo se veldblomme is bekend gestel. Die Photographic guide to the wildflowers of Limpopo Province kan onder meer gratis afgelaai word. Dit is geskryf deur die plantkundige Sylvie Kremer-Köhne, ’n kenner oor die bedreigde Cythna-aalwyn (Aloe lettyae) wat in die provinsie groei. Sy was een van die lede van die Vriende van die Haenertsburg Grasvelde wat hulle vir die stigting van die Haenertsburg-natuurreservaat in 2016 bearbei het. “Die boek is ’n veelkleurige tentoonstelling van die provinsie se blommeverskeidenheid. Met uitstekende kleurfoto’s, maklik verstaanbare teks en verspreidingskaarte wat wys waar plante in Limpopo voorkom, help hierdie gids ’n mens om byna 800 spesies akkuraat uit te ken,” skryf dr. Dave Thompson, ’n navorser oor biodiversiteit by die Ndlovu-node van die Suid-Afrikaanse omgewingsobservasienetwerk SAEON,…

Geldbeplanning ’nBK was aanvanklik ’n goedkoper en eenvoudiger instelling om te bedryf. Dit het bygedra tot die gewildheid van dié ondernemingsvorm. Op 1 Mei 2011 is die Maatskappyewet egter gewysig, wat bepaal dat geen nuwe beslote korporasies opgerig mag word nie. Bestaande BK’s word egter nie geraak nie en kan onbepaald voortbestaan. BK’s is gesien as die alternatief vir ’n eenmansaak wat die risiko’s van besigheid “weghou” van die eienaar se boedel. Hoewel tegnies korrek, is die eienaar as lid van die BK nie noodwendig gevrywaar van alle aanspreeklikheid en besigheidsrisiko’s nie. Tot tien mense kan lede wees van ’n BK. Die BK is egter ’n onafhanklike regspersoon wat in eie naam funksioneer en self verantwoordelikheid neem vir sy eie verpligtinge. Belange in ’n BK kon aanvanklik slegs gehou word…

Hierdie nuwe reeks gereedskap maak meganisasie toeganklik en bekostigbaar en bespoedig baie daaglikse take. Dit is ekonomies om te gebruik, met die bykomende voordeel van versoenbare onderdele in al die toerusting vir maksimum gerief en minder staantyd. Die reeks sluit in: ■ Die STIHL BT 230-awegaar kan gebruik word vir die boor van gate van tot 300 mm in deursnee om te plant of vir heinings of stutpale. Standaard-boorpunte kan gebruik word, wat selfs groter gerief beteken. ■ Die mobiele STIHL WP 230-waterpomp is ideaal om water by die lande en vee te kry. Dit het ’n indrukwekkende suighoogte van 8 meter, ’n pomphoogte van 27 meter en kan tot 250 liter per minuut pomp. Die geïntegreerde sif filtreer klein voorwerpe en vuil deeltjies. ■ Die draagbare STIHL SG 230-petrolspuit…

‘Ja, die boek is baie mooi, ek hou daarvan. Ek het my droom gehad, ek wou altyd ’n boek maak. Ek wou lank my eie ene in die hande gehad het.” Só vertel die 28-jarige Mianke van den Hever van die plaas Beestekuil buite Hanover oor die verskyning van Mianke fluister vir perde en skryf ’n storie (Naledi, 2022) deur Jan Bezuidenhout. Een uit ’n duisend babas word wêreldwyd met Downsindroom gebore. Dié genetiese afwyking ontstaan reeds by bevrugting, en veroorsaak ’n ekstra nommer 21-chromosoom by ’n mens, en gepaardgaande fisieke en intellektuele beperkinge. Op Beestekuil ken Mianke egter nie juis beperkinge nie, en sy is almal se spreekwoordelike regterhand. Sy kan bakkie bestuur, ’n kolskoot skiet, skaap werk en ’n bobaas-slaai maak. Sy help vee inent. ’n Perd se…

In die Woord van God staan daar in Jak. 5:16: “Bely julle sondes eerlik teenoor mekaar en bid vir mekaar, sodat julle gesond kan word.” Dit is baie belangrik om teenoor mekaar te bely omdat dit is wat die Here van ons verwag. Die duiwel wat broeders verkla, het nie langer grond onder die voete nie. Op ’n plaas waar ons baie naby aan mekaar leef – gesinslede, werknemers en werkgewers – is dit belangrik om die lug te suiwer tot wat dit voorheen was. Ek wil julle as boere aanmoedig om oor jul probleme, oortredings en versoeke te praat. En as julle iets gedoen het wat julle weet nie reg is nie, moet julle dit bely. Die Bybel is baie duidelik daaroor, want as jy dít doen, gee dit…

Van links is mnre. Bennie van Rensburg van Ceres, Jacques Jordaan, uitvoerende hoof van die Inmaakprodusentevereniging (IPV), en Anthony Dicey, voorsitter van die IPV. Van links is mnre. Ean von Buddenbrock van Prins Alfred Hamlet, Gerhard Brand en Laurie Prins, albei van Ceres. Van links is mnre. Hannes Beukman van Bonnievale, Pieter Kriel van McGregor, Hansie van der Merwe en LeFebre van der Merwe, albei van Bonnievale. Van links is mnre. Wouter de Wet van Robertson, Pieter-Burger Kriel van McGregor, Johan Bruwer, Stephan Bruwer en Francois Bruwer, almal van Robertson.…

Die prys van grond in groot dele van die Oos-Kaap is besig om te stabiliseer. In 33% van die distrikte is gunstige prysneigings in die twaalf maande tot Julie vanjaar waargeneem. Die TABEL gee ’n opsomming van grondtransaksies groter as 10 ha in die Oos-Kaap in die betrokke tyd. Altesaam 322 ooreenkomste is in 33 distrikte gesluit. Dit het 179 065 ha teen R1,587 miljard behels. By Barkly-Oos het pryse met 24,1% gestyg, by Jansenville met 24% en by Uniondale met 15,5%. Pryse het skerp gedaal by Steytlerville (-23,8%), by Steynsburg (-22%), by Willowmore (-17,1%) en by Middelburg (-14,2%), Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 31% (28%); 50-150 ha,…

KONFERENSIES 28-29 SEPTEMBER: Koolstofboerdery, grondbewaring en nuwe tegnologie. Zimbali-kusoordkonferensiesentrum, Umhlanga. E-pos: ryan@empiretraining.co.za FEESTE, EKSPO’S 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 11 NOVEMBER: Landbouskrywers SA nasionale prysoorhandigingseremonie, www.agriculturalwriterssa.co.za VERGADERINGS 16 NOVEMBER: Sauvignon Blanc SA, tegniese seminaar, www.sauvignonblanc.com SKOUE 27 AUGUSTUS-2 SEPTEMBER: Stampriet-skou, een van die grootste kleinveeskoue in Afrika. Karkasbeoordeling, jeugskou en die beoordeling en veiling van skaapen bokrasse. Stalletjies met boerderyprodukte, kosemporium, kursusse, sprekers. Jaco van Zyl, +246 81 357 6071; Gert van Wyk, +246 81 122 3315; Dewald van der Merwe, +246 81 041 2114; Wilkie Knouwds, +246 81 873 2012. 5-10 SEPTEMBER: Die BKB-ALE-skou op Parys is afgelas vanweë die verbod op die vervoer van beeste weens die vlaag uitbrekings van bek-en-klouseer. Die Brahman- en Simbra-beestelersgenootskappe sou hul nasionale kampioenskappe daar hou. E-pos: info@bkbale.co.za 7-10 SEPTEMBER: Swartlandskou, Moorreesburg.…

‘Dit sal beslis help vir die laboratoriums wat agter is met toetse, asook tegnici en staatsveeartse wat toetse op plase moet doen.’ MNR. JAMES FABER, voorsitter van die Rooivleisprodusenteorganisasie, oor die beperking op die verskuiwing van beeste wat vir 21 dae geld weens die uitbreking van bek-en-klouseer. Bl. 15 ‘As dinge verkeerd gaan, kritiseer ons graag die landelike veiligheidsplan, maar die sukses daarvan berus op eenheid en volgehoue samewerking.’ GENL.MAJ. JAN SCHEEPERS, adjunkkommissaris van sigbare polisiëring in Limpopo, oor boere se belangrikheid in die sukses van landelike veiligheid. Bl. 17 ‘Data in dié hidrologiese jaar (is) ’n spieëlbeeld van wat ons voorheen in droër jare ervaar het.’ MNR. ZAHID BADROODIEN, Stad Kaapstad se burgemeesterskomiteelid vir water en sanitasie, oor vooruitsigte vir watervoorsiening in die stad en omliggende gebiede. Bl. 18…

Anderkant die reënboog Dit was ’n ontnugterende vooruitsig. Groei in landbou gaan in die volgende jaar of twee lelik knor, laat die buro vir voedsel- en landboubeleid onlangs in Somerset-Wes weet op die bekendstelling van sy jaarlikse toonaangewende Baseline-vooruitskouingsverslag. (Hoe geseënd is ons nie om in Suid-Afrika die vaardigheid van BFAP tot die landbou se beskikking te hê nie!) Dit voel asof die landbou homself te midde van ’n perfekte storm bevind. Bek-en-klouseer, logistieke chaos, van paaie tot hawens, handelsversperrings uit die bloute, die angswekkende koste van skeepsvragte, die onsmaaklike moles by die Land Bank, die ontstellende onlangse plaasaanvalle . . . Die lys kan selfs langer gemaak word. Uitvoerbedrywe wat net ’n paar jaar gelede ’n ongekende opbloei beleef het, met optimistiese aanplantings wat net een keer in ’n…

IN die aanloop tot die verskuiwingsverbod op beeste het staatsveeartse in KwaZulu-Natal, een van Suid-Afrika se bek-en-klouseer-brandpunte, tevergeefs probeer om hulp van wetstoepassingsagentskappe te kry om die verspreiding van die siekte hok te slaan. Kort ná die verbod ingestel is, het dr. Temba Sikhakhane, hoofdirekteur van staatsveeartsenydienste in KwaZulu-Natal se suidelike streek, aan ’n vergadering van belanghebbendes by Nottingham Road gesê sy personeel word nie toegelaat om voertuie vir moontlike oortredings van dieregesondheidswetgewing voor te keer en te deursoek nie, tensy ’n gemagtigde wetstoepasser teenwoordig is. Hy het gevra dat die weermag ontplooi word om die verbod op die verskuiwing van beeste af te dwing. Hy het gesê ’n “baie toegewyde” span van 211 dieregesondheidstegnici het sedert Maart 256 000 diere in KwaZulu-Natal teen bek-en-klouseer ingeënt. Baie diere, veral in…

1 NAMIBIË | Dié versekering kan boere help Indeksgebaseerde rampversekering, wat ontwerp is om eerder teen gedeelde verliese te beskerm as individuele risiko’s, begin momentum kry ná ’n ondersoek deur die Namibiese oorsigtelike gesag vir finansiële instellings (Namfisa) bevind het daar is belangstelling in dié soort versekering onder boere én versekeraars. Nagenoeg 70% van die land se bevolking is van die landbou afhanklik, en meer as 97 800 stuks lewende hawe het van Oktober 2018 tot Desember 2019 weens droogte gevrek. — New Era 2 KENIA | GM kassawe bring uitkoms ’n Nuwe kassawe-kultivar wat deur die Keniaanse landbou-en-lewendehawe-navorsingsorganisasie in Mtwapa ontwikkel is, kan verliese van dié stapelgewas weens kassawe-bruinstreepsiekte met tot 90% verminder. Dié siekte word as een van die wêreld se gevaarlikste beskou omdat dit so ’n verreikende…

Volgens mnr. Andrew Bennett, nuwe uitvoerende hoof van Sacta, was die bruto inkomste uit heffings vir die boekjaar tot einde Februarie R161,7 miljoen. Daarvan moet 20% aan transformasie bestee word en 5% het gegaan vir kommissie en administrasie. Dit was ’n totaal van sowat R8,5 miljoen. Die ander 75% word volgens markaandeel onder saadmaatskappye verdeel. Vir wintergewasse, wat koring, gars en hawer insluit, is daar verlede November R56,3 miljoen aan saadmaatskappye uitbetaal. Wat sojabone betref, is daar in Augustus bykans R68 miljoen aan saadmaatskappye uitbetaal. Invordering van heffings was in die bemarkingsjaar 92% vir koring, 85% vir gars en 73% vir hawer. Wat sojabone betref, is 99,5% van die heffings ingevorder. Die heffing vir koring, gars en hawer in die nuwe bemarkingsjaar is R32/ton en vir lupiene gaan dit R35/ton…

Die vraag na kopkool op van die varsproduktemarkte is betreklik wisselvallig wat die prys daarvan dienooreenkomstig beïnvloed. Mnr. Jonathan Neto, ’n markagent by die Johannesburgse varsproduktemark, sê die voorsiening van kopkool is voldoende. Die prys wissel van R40-R70 per sak van 8 tot 10 kopkole. Die vraag na kool neem gewoonlik teen die einde van die maand toe. Dr. Martin Makgose Makobo, ’n tuinboukundige by die saadmaatskappy Hygrotech, sê vanweë ’n oorproduksie van kopkool, veral op die markte in Johannesburg en Pretoria in 2021 toe die produsenteprys aansienlik gedaal het, het verskeie produsente vanjaar die produksie van kopkool laat afskaal. Daar is tans ’n oplewing in die vraag na dié groentesoort op markte. ’n Interessante neiging word in Gauteng ondervind met ’n verhoogde vraag na blaargroente, soos spinasie, krulkool (kale),…

Suid-Afrika het ná die uitbreking van bek-en-klouseer in 2019 die reeds bestaande gesondheidsertifikaat vir wolhandel met China heronderhandel voor woluitvoer kon voortgaan. Die nuwe gesondheidsertifikaat het twee bykomende vereistes gehad, naamlik dat alle makelaars se opbergingsgeriewe geregistreer is as uitvoergerief met ’n ZA-nommer en dat die wol aan die nodige vereistes vir uitvoer tydens ’n bek-enklouseeruitbreking voldoen, soos dat wol vir ’n sekere tyd teen ’n sekere temperatuur opgeberg word. Alle makelaars het hul opbergingsgeriewe ingerig om wol vir vier weke teen 18 °C op te berg en sommige het ook aanlegte ingerig vir verhitting van agt dae teen 37 °C om die virus af te breek indien dit in die wol teenwoordig is. Die temperature is individueel en verifieerbaar aangeteken, met ’n onafhanklike diensverskaffer, Webroute, wat diens gelewer het.…

KORTOM ■ Daar is maatreëls wat die impak van soortgelyke nat seisoene as die afgelope een op die ontwikkeling van saailinge kan verlig. ■ Indien ’n boer sy mielies in baie nat sandgrond plant, is die kouters wat die saadvoor oopmaak, geneig om te “sleep” weens die verminderde grondweerstand. ■ Saadgrootte kan in nat toestande deurslaggewend wees. Klein sade het minder reserwes om die saailing te voed tot sy wortels die kunsmisband bereik. Gewoonlik is dit ’n droogte wat saaiboere aan die suidpunt van Afrika kortwiek, maar die afgelope somer was baie reën en sopnat grond die remskoen – veral in sandgrond. Wanneer die sluise van die hemele oopmaak, kan ’n boer niks aan die onmiddellike situasie doen nie, maar wat kan vooraf gedoen word om die skade te verminder?…

Die eerste perde-uithourit het in 1964 plaasgevind toe Landbouweekblad ’n debat aangevuur het om te bepaal watter perderas die beste uithouvermoë het. Landbouweekblad het toe ’n uithourit gereël van Hanover tot by De Aar, daarna na Richmond en terug na Hanover om tot ’n slotsom te kom. Vroeër jare was veeartspunte nie verpligtend soos vandag nie. Die uithourit was ’n groot sukses en ’n Arabierperd het koning gekraai. Die volgende jaar, 1965, is verskeie perde vergiftig deur mense wat teen die rit gekant was. Sowat 60 perde het gevrek. Ná die tragedie is die volgende uithourit eers weer in 1973 op Fauresmith gehou. Slegs 17 ruiters het daardie jaar deelgeneem. Deesdae neem 250 tot 300 ruiters jaarliks deel.…

Noudat die oestyd tot ’n einde kom, begin die voorseisoenbeplanning vir die volgende seisoen. Dit beteken dit is tyd dat die boer aan die voorbereiding van sy toerusting begin dink en ’n grondvoorbereidingsprogram gereed kry. Hetsy hy spuite, strooiers of planters soek, Staalmeester is die voorkeur-vennoot. Dié vervaardiger en verspreider van landboutoerusting het ’n bewese rekord van meer as sewe dekades, wat hom een van die oudste en betroubaarste landboutoerustingmaatskappye in Suider-Afrika maak. KUNSMISSTROOIERS Kunsmisstrooiers word gebruik om korrelkunsmis en plaagdoders toe te dien. Staalmeester het dié opsies: ■ Enorossi-kunsmisstrooiers (kapasiteit van 500 liter, polietileen- of staalbakvariasies). ■ Soilmaster-kunsmisstrooier (kapasiteit van 800 liter of 1 000 liter). ■ JF 1300-kunsmisstrooier (1 300 liter-kapasiteit). BALKSPUITE Trekkergemonteerde en sleeptipe spuite word ontwikkel wat aan die verskillende vereistes van plantbeskermingsbehandelings voldoen. Dié toerusting…

Valkoog Die jaarlikse uitgawe van die Guinness World Records is uiters gewild onder mense wat wil weet wie die vinnigste, grootste, kleinste, ensovoorts is. Sportsterre het byvoorbeeld groot aanhang, met Victor Matfield wat 127 toetse vir die Springbokke gespeel het, Cristiano Ronaldo wat meer as 800 doele in sy loopbaan aangeteken het, en Rafael Nadal wat die meeste titels in die groot tennistoernooie gewen het. Maar hoe lyk die rekords wat deur voëls opgestel is? Baie mense vra my dikwels wie die vinnigste voël is. Die volstruis kan tot 50 km/h hardloop, met Usain Bolt wat nie ’n kans staan nie. Wanneer gekyk word na die vinnigste voël in vlug, moet daar onderskei word tussen direkte, horisontale en vlug wanneer geduik word. Die vinnigste bevestigde direkte vlug is dié van…

Sluitingsdatum: 22 September 2022 Wen 2 boeke! Vandeesweek kan 2 lesers elk ’n eksemplaar van Vars uit die oond wen. Leidraad: ‘n Insek. Lees op bl. 90 hoe dit werk. WEN VARS UIT DIE OOND! Twee lesers kan elk ’n eksemplaar van Vars uit die oond wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag…

Mnr. Daniel Naudé (derde van links) van Yonder Hill Wine Farm, Stellenbosch, wat die Ankole-stoetery Benella besit, het R1 650 000 vir die bul Cumulus NANK 10-120 ontvang. Van links is mnre. Jaco Pretorius (uitvoerende hoof van Veilingswinkel), Brandon Leer (afslaer), Naudé en sy vrou, Caren, met hul kinders, Benjamin en Ella, en JP Smith (bedryfshoof van Veilingswinkel). Dr. Morné de la Rey (naasregs) van Embryo Plus, Brits, het rekordpryse van R950 000 vir ’n vers en R340 000 vir ’n dragtige vers ontvang. Van links is sy seun, Sean-Luc, mnr. Jacques Malan, voorsitter van die Ankole-telersgenootskap, dr. Petra de la Rey, hul dogter, Je-Miné, en mnr. Brandon Leer, die afslaer. Van links is me. Angelique en mnr. Hannes Pretorius van die Buffalo Creek-wildplaas, Thabazimbi, en dr. Morné de la…

GRONDVERHANDELING IN DIE OOS-KAAP: AUGUSTUS 2021 – JULIE 2022 Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG NIGEL DOORNFONTEIN (92), 22 ha, aan Grindrod Holdings SA (Edms.) Bpk., van Nourse Mines Silica Bricks (Edms.) Bpk., R120 000 000. LANGLAAGTE (186), 85 ha, aan Duine Heuning Produsente BK, van J.M. de Vries, R1600000. WITKOPPIE (373), 99 ha, aan Harvestfresh Farms (Edms.) Bpk., van Hartley-boerdery (Edms.) Bpk., R9 000 000. PRETORIA LEEUWFONTEIN (299), 21 ha, aan Proper Country Construction (Edms.) Bpk., van P. van der Merwe, R2 100 000. ROOIKOPJES (483), 102 ha, aan Bristles Holdings (Edms.) Bpk., van H.J.G. Fourie, R2450000. KWAZULU-NATAL HELPMEKAAR LANGLAAGTE (6898), 260 ha, STRUISLAAGTE (13066), 222 ha, UITZICHT (4112), 40 ha, en UITZIGHT NO 2 (4276), 103 ha, aan Rooiland-trust, van Kanaan…