Innholdsfortegnelse for 11 August 2022 i Landbouweekblad

PLUIMVEESKOK Mnr. Ebrahim Patel, minister van handel, nywerheid en mededinging, het op 1 Augustus in weerwil van ’n aanbeveling deur die kommissie vir internasionale handelsadministrasie (Itac) alle teenstortingstariewe op hoendervleis vir 12 maande opgeskort. “In sy besluit het die minister die huidige vinnige styging in voedselpryse in die markte van die Suider-Afrikaanse Doeane-unie en die res van die wêreld oorweeg, en die groot impak wat dit het, veral op armes. Dit sluit ook in die impak wat teenstortingstariewe op die prys van hoendervleis as een van die bekostigbaarder bronne van proteïen kan hê,” lui die verklaring. Die plaaslike bedryf het vroeër gesê syfers toon dat verbruikers nie die voordeel van uiters goedkoop ingevoerde hoendervleis op winkelrakke geniet nie. WOLKRISIS GEPAK Die plaaslike wolbedryf het reeds op verskeie vlakke druk toegepas…

Anderkant die reënboog Waar lê Suid-Afrika se breekpunt? En veral op die platteland, waar boere oor die jare noodgedwonge ál meer die laaste skans teen algehele verval moes word? Dit is ’n onrusbarende vraag, en een waarvoor Jannie de Villiers op bl. 52 van hierdie uitgawe antwoorde soek. Baie mense wonder daaroor, veral namate die las al hoe swaarder word. In die jagveld oor die naweek kom dié onderwerp weer op. Laataand, om ’n hardekoolvuur, soos dit hoort. Ons gesels oor hoe die platteland van ons kinderjare deesdae in baie opsigte onherkenbaar is. Hoe burgemeesters destyds net ’n reistoelae ontvang het en daar nie sprake was van duur karre en die ander bisarre voordele waarop raadslede van piepklein, bankrot munisipaliteite meen hulle geregtig is nie. Die skande van hoe munisipaliteite…

’n Mens kan jou skaars voorstel dat in ’n land van droogtes, soos Suid-Afrika, daar ’n gebied kan wees met ’n bestendige reënval van sowat 40 duim (1 500 mm) per jaar wat landboukundig nog braak lê. Vir boerdery oral in die land is water die beperkende faktor, maar hier waar daar volop water is, word nog feitlik nie geboer nie. Hierdie streek is langs die Tsitsikammakus, ’n golwende plato tussen berg en see. Vir so ’n eienaardige toestand moet daar darem ’n goeie rede wees. Vir die nuweling wat sy hand aan die ploeg slaan en iets probeer saai, word dit gou duidelik: Die grond is suur en arm. Met die baie reën deur die jare is al wat plantvoedsel is, uitgeloog en weggespoel see toe. Wat oorgebly het,…

DIE departement van water en sanitasie het in die laaste week van Julie skielik openbare vergaderings op enkele dorpe afgekondig en gehou oor sy voorgestelde nuwe tegniese regulasies vir hidrobreking. Volgens mnr. Janse Rabie, hoof van natuurlike hulpbronne van Agri SA, het hulle teen 22 Julie nog geen besonderhede gekry oor waar en wanneer die vergaderings sou plaasvind nie. Maar op Maandag 25 Julie het mnr. Sputnik Ratau, woordvoerder van die departement, ’n verklaring uitgereik wat meld dat die vergaderings op dieselfde dag op Theunissen in die Vrystaat sou begin. Openbare vergaderings is die res van die week in die Noord- en Wes-Kaap gehou. Daar sou luidens dié verklaring eers later besluit word op ’n datum vir ’n vergadering in Limpopo. Geen melding is gemaak van enige vergaderings in ander…

DIE departement van handel en nywerheid het kort voor druktyd ’n dispuut by die Wêreldhandelsorganisasie (WHO) ingedien oor die Europese Unie (EU) se reëls vir sitrusinvoer wat op kort kennisgewing ingestel is. Die EU-owerhede het slegs 23 dae ná die nuwe regulasies op 14 Junie afgekondig is, geprobeer om dit af te dwing. “Dit was onmoontlik vir Suid-Afrikaanse produsente om hul nakoming te verseker en dit is duidelik hoe ongeregverdig en diskriminerend hierdie wetgewing is. Dit het verwoestende gevolge vir ons plaaslike sitrusbedryf,” sê mnr. Justin Chadwick, uitvoerende hoof van die Suider-Afrikaanse Sitruskwekersvereniging. “Die plaaslike bedryf meen steeds dat die kouebehandeling wat in die nuwe regulasies voorgeskryf word, strydig is met wetenskaplike bewyse. Dit is ’n arbitrêre en onnodige handelsbeperkende maatreël en oortree dienooreenkomstig internasionale vereistes vir sulke fitosanitêre handelsregulasies.”…

DIE oogmerk van die insolvensie-wetgewing is om te verseker dat ’n geordende verdeling van die insolvente persoon se bates aan die skuldeisers gedoen word, sê mnr. Japie van Deventer van NJVR Prokureurs in Pretoria, ’n kundige in likwidasies en sekwestrasies. “Dit is gevestigde reg dat daar tot die beste voordeel van die skuldeisers as geheel (concursus creditorum) opgetree moet word. “ ’n Trustee of likwidateur beklee ’n posisie van vertroue, nie net teenoor skuldeisers nie, maar ook teenoor die insolvente persoon.” Ongelukkig tree nie alle likwidateurs altyd in die beste belang van die skuldenaar óf die skuldeisers op nie. Van Deventer vergelyk ’n likwidasie- of sekwestrasieproses as ’n wiel. “Die as is die bates waarom alles draai. Die speke is die trustees, sakereddingspraktisyns, afslaers, prokureurs en personeel van banke en…

Insette om die metodologie te verbeter waarvolgens Suid-Afrikaanse maatskappye ten opsigte van voedsel- en landbouproduksie met ander landboumaatskappye wêreldwyd gemeet word, is gesoek op ’n vergadering van die World Benchmarking Alliance (WBA) in 7 Julie in Kaapstad. Die WBA is ’n internasionale organisasie sonder winsoogmerk wat die invloedrykste maatskappye wêreldwyd volgens die Verenigde Nasies se doelstellings vir volhoubare ontwikkeling beoordeel en in rangorde plaas. Die WBA se insigte dien as ’n meganisme om aanspreeklikheid te bevorder. Dit behoort ondernemings aan te spoor om suksesvolle aandrywers van verandering te wees om aan die Verenigde Nasies se doelstellings vir volhoubare ontwikkeling te voldoen. Om te verseker dat die regte faktore gemeet en toepaslike maatstawwe gebruik word, het die WBA bande met meer as 300 instellings wêreldwyd gesmee. Dit is ’n uiteenlopende groep…

INTERNASIONAAL: Die Chicagoprys het met 1,3%, of $3,00/t (R50,27/t), tot $231,61/t (R3 881/t) gedaal. Op ’n jaargrondslag is dit 6,9%, of $14,87/t (R249,18/t), hoër. Verwagte pryse: Sept. – $243,45/t (R4 080/t), Desember – $244,95/t (R4 105/t). PLAASLIK: Die Safexprys van witmielies het met 3,2%, of R134/t, tot R4 335/t teenoor die vorige week gestyg. Die prys van geelmielies het met 4,2%, of R171/t, tot R4 285/t gestyg. Op ’n jaargrondslag is witmielies 34,8%, of R1 118/t, duurder, terwyl geelmielies 27,2%, of R915/t, duurder is. Verwagte witmieliepryse: Sept. – R4 368/t, Desember – R4 436/t. Verwagte geelmieliepryse: Sept. – R4 346/t, Desember – R4 405/t. INTERNASIONAAL: Die Chicagoprys het met 2,8%, of $8,38/t (R140,43/t), tot $287,56/t (R4 819/t) teenoor die vorige week gedaal. Op ’n jaargrondslag is dit 14,1%, of $35,55/t…

KOMMERSIËLE én kleinboerderye is belangrik vir voedselsekerheid en landbou-ontwikkeling, maar gesprekke oor grondhervorming lê te veel klem op die dualiteit tussen die stelsels. “Só ’n invalshoek is problematies: Grond alleen bepaal nie landbousukses nie. Arbeid, kapitaal en ondernemingsgees speel ook ’n besliste rol,” skryf me. Fenji Materechera, ’n PhD-student in sistemiese analise aan die Universiteit van die Witwatersrand, en prof. Mary Scholes, wat die navorsingsleerstoel in toegepaste sistemiese analise by Wits beklee, in ’n artikel op die webwerf The Conversation Africa. “Suid-Afrikaanse boerdery funksioneer binne ’n meer holistiese stelselbenadering.” In ’n studie in Vhembe in Limpopo onder kommersiële en kleinboere het die navorsers plaasgrootte, grondeienaarskap, topografie, grondbeskrywing, reënval en probleme oorweeg, hoe dit opbrengste en inkomste uit drie hoëwaardegewasse, naamlik makadamianeute, mango’s en avokadopere beïnvloed, en hoe albei stelsels voedselsekerheid…

Geldbeplanning Almal het al gehoor van ’n sogenoemde lewenslêer waarin al jou belangrike inligting bymekaar gehou word sodat dinge makliker vir jou naasbestaandes is wanneer jy die dag sterf. Baie boere weet egter nie waar om te begin nie. Jou Old Mutual- finansiële adviseur of makelaar het toegang tot ’n besonder nuttige dokument, bekend as Your Life Matters – The Old Mutual Life File. Die doel daarvan is om alle finansiële inligting, regsdokumente, besigheidsen persoonlike inligting bymekaar te hou sodat jou boedel makliker beredder kan word. Hierdie dokument kan voltooi word met onder meer die volgende belangrike inligting wat van praktiese belang is. ■ Jou sekuriteit. Dit behels waar jou spaarsleutels gebêre word en waar vuurwapens en vuurwapenlisensies gehou word. Indien jou huis met ’n alarmstelsel beskerm word, wat die…

Vooraanstaande, internasionale en plaaslike sprekers word elke jaar genooi om hul kennis op die LRF-Veeskool oor te dra. Baie deelnemers het oor die jare aangedui dat hulle waardevolle idees huis toe gevat het om onder hul omstandighede toe te pas. As produsente op die voorpunt van ontwikkeling in die veebedryf wil bly, bied die Veeskool beslis die geleentheid. WINSGEWENDE KOEIKUDDE Vanjaar se tema is “Hoe om ’n winsgewende koeikudde te bou”. Die koeikudde is elke beesboer se “fabriek” en moet so winsgewend moontlik en met die minste moontlike onderhoudsbehoeftes bestuur word. Op die eerste dag konsentreer die Veeskool op basiese beginsels van suksesvolle veeboerdery as geheel, en dra ook basiese, praktiese bestuursaspekte oor. Deelnemers kan net vir die eerste dag registreer of vir al drie dae. Die program is op…

Sluitingsdatum: 1 September 2022 Wen 2 boeke! Vandeesweek kan 2 lesers elk ’n eksemplaar van Omgewingspraatjies wen. Leidraad: Vrugte. Lees op bl. 90 hoe dit werk. Sudoku Nr. 81 Deur Gerda Engelbrecht Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 80 BLOKKIESRAAISEL DWARS 6 In die . . . (in orde) (4)7 Soort hond (6)8 Uitgee (geld) (6)10 Net-net raakskiet (4)13 Geringskat (11)14 Bobbejaan (4)17 Karring (6)20 Behandel (6)21 Dikker as beslag (4) AF 1 Langoordiere (4)2 Liefling…

GRONDVERHANDELING IN DIE OOS-KAAP: JULIE 2021 – JUNIE 2022 Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE ELANDSFONTEIN (334), 51 ha, aan M.S. Mokotedi, van M.D. en N.E. Kitchenbrand, R1 100 000. NIGEL HOUTPOORT (392), 77 ha, aan D.R. Naran en P. Naran, van Lappie Beleggings (Edms.) Bpk., R1 170 000. HOUTPOORT (392), 77 ha, aan Mshengu Business Consultants (Edms.) Bpk., van D.R. Naran en P. Naran, R2 800 000. PRETORIA BEYNESPOORT (335), 20 ha, aan Heuningfontein-boerdery (Edms.) Bpk., van Spaarkamp Beleggings (Edms.) Bpk., R1544875. WELGEVONDEN (124), 21 ha, aan Glenkichie (Edms.) Bpk., van J.P. Kolver, R3 500 000. DE WAGENDRIFT (417), 21 ha, aan Elephant Rest Prop (Edms.) Bpk., van W.S.C. Tomes, R2500000. ELANDSHOEK (337), 20 ha, aan E. en H. Mundanga, van…

KONFERENSIES 17-18 AUGUSTUS: Internasionale varsprodukte-assosiasie (IFPA) se Suider-Afrika-konferensie, Century City-konvensiesentrum, Kaapstad. E-pos: membershipsa@freshproduce.com FEESTE, EKSPO’S 12-13 AUGUSTUS: Wes-Kaapse Landbouveterane-ekspo, Villiersdorp. Hennie Richter, 073 391 8495 of 022 451 2692; e-pos: sekr.wk@telkomsa.net 12 OKTOBER: Prysoorhandiging, Sauvignon Blanc SA Top-10. 21 OKTOBER: Prysoorhandiging, Landbouskrywers SA Xhariepstreek. Web: www.agricultural writerssa.co.za 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 11 NOVEMBER: Landbouskrywers SA nasionale prysoorhandigingseremonie, www.agricultural writerssa.co.za VERGADERINGS 16 NOVEMBER: Sauvignon Blanc SA, tegniese seminaar, www.sauvignonblanc.com SKOUE 25-27 AUGUSTUS: George. Karien Pienaar, 084 432 9484 of 044 873 4165; info@george landbouskou.co.za of president@georgelandbouskou.co.za 26-27 AUGUSTUS: Porterville. Jurgen Bolz, 072 598 4799; info@portervilleskou.co.za 5-10 SEPTEMBER: BKB-Afrikalewendehawe-ekspo (BKB-ALE), Afridome, Parys. Carla de Kock, 082 447 1650; info@bkbale.co.za 7-10 SEPTEMBER: Swartlandskou, Moorreesburg. Dorothy Visser, 082 784 5089 of 022 433 1607; info@swartlandskou.co.za 14-17 SEPTEMBER: Nampo Kaap, Bredasdorp. Charmaine Plaatjies,…

MEDIADEKKING van die nagenoeg 40 000 Nederlandse lewendehaweboere wat betoog teen planne om stikstofvrystelling te verminder, sien deurgaans sleuteldeelnemers oor: Nederlandse landboubesigheidsbelange wat dié protesaksies steun in die hoop om die status quo te behou. Die bedryf wat gehelp het om Nederland ’n brandpunt van stikstofbesoedeling te maak, werk nou agter die skerms om regulatoriese perke op vrystellings te keer. Dit het sterk raakpunte in Kanada, waar die kunsmisbedryf twyfelagtige data aangryp en deur die media versprei teen die regering se plan om teen 2030 stikstofgebruik op plase met 20% en stikstofoksiedvrystellings met 30% te verminder. Stikstof is ’n superbesoedelaar, met sowat 300 keer die verwarmingspotensiaal van koolstofdioksied. Een onlangse studie het bevind die gebruik van stikstofkunsmis het sedert die 1960’s met 800% toegeneem. Danksy voorspraak deur die bedryf kon…

’N AANLYN databasis waarop grondeienaars kan bepaal of daar eise teen hul grond is, is onlangs deur Saai, die netwerkorganisasie vir familieboerderye, bekend gestel. Die databasis bestaan uit alle Staatskoerante sedert 1998 waarin enigiets afgekondig is oor grondeise of beweerde grondeise, soos voorgeskryf deur artikel 11(1) van die Wet op die Herstel van Grondregte (Wet 22 van 1994). Enige lid van die publiek kan binne sowat 20 sekondes self op die databasis soek. Die diens is gratis. Mnr. Francois Rossouw, uitvoerende hoof van Saai, sê buiten die feit dat dit gebruikers toegang gee tot ’n databasis van grondeise wat reeds in die Staatskoerant afgekondig is, kan dit ook ’n versoek aan die betrokke provinsiale grondeisekommissaris stuur om uit te vind of daar ’n eis teen ’n gebruiker se grond is…

AL lyk Suid-Afrika se voedselprysinflasie beter as dié van ander ontluikende ekonomieë, dui die maandelikse stygings sedert Mei daarop dat koerse hier besig is om op te vang met ongekende voedselprysinflasie elders ter wêreld. Die buro vir voedsel- en landboubeleid (BFAP) wys in sy verslag oor die Junie-inflasiekoers daarop dat Suid-Afrika se voedselinflasie van 8,6% goed vergelyk met Zambië se 11,9%, Kenia se 13,8% en Brasilië se 13,9%. Die maandelikse stygings is egter die vierde vinnigste ná die Europese Unie, Amerika en China. Voedselinflasie in daardie gebiede was onderskeidelik 11,6%, 10,4% en 2,9%. BFAP sê sy empiriese navorsing toon dat dit drie tot vier maande duur vir prysskokke in graan- en oliesaadmarkte om ten volle in kleinhandelpryse te weerspieël, en die Junie-inflasiesyfers wys die impak van die Russiese inval in…

EEN van die bekendste grondkundiges aan die Universiteit van die Vrystaat (UV), prof. Piet le Roux, is in die ouderdom van 71 jaar aan kanker oorlede. Hy was onder meer verantwoordelik vir die stigting van ’n grondklassifikasiewerkgroep waarvoor hy deur die grondkundevereniging van Suid-Afrika vereer is. Le Roux het in 1970 sy voorgraadse studie aan die UV voltooi en sy daaropvolgende akademiese kwalifikasies ook by sy alma mater verwerf. Prof. Chris du Preez, ’n oudkollega wat saam met hom by die Hoër Landbouskool Landboudal op Jacobsdal skoolgegaan het, sê Le Roux se spesialisveld was grondklassifikasie en kartering, asook hidropedologie. Hy is sowat 12 jaar gelede as hoogleraar aangestel. Le Roux het die bynaam Attie Karate gekry omdat hy hom in die Oosterse gevegskuns onderskei het. Hy het saam met sy…

Die verhoging van 75 basispunte in die repokoers wat die SA Reserwebank se monetêre beleidskomitee (MBK) op 21 Julie aangekondig het, is die skerpste rentekoersverhoging in 20 jaar. Dit is deel van die proses om rentekoerse terug te neem na die meer “normale” vlakke van voor die covid-19-pandemie. Die skerp verhoging lok heelwat kritiek uit. Die ekonomie is reeds onder druk. Die verhoging gaan investering en ekonomiese groei knou en groot koste vir die landbou meebring. Die skerp verhoging in die plaaslike inflasiekoers tot 7,4% vir Junie, wat aansienlik bo die MBK se teikenplafon van 6% is, het volgens die MBK die skerp rentekoersstyging genoodsaak. Die wêreld se belangrikste ekonomieë is tans in ’n ekonomiese fase wat beskryf word as stagflasie: dalende ekonomiese groei (selfs negatief) en stygende inflasie. Die…

Kropslaai raak al hoe gewilder in Suid-Afrika. Die vraag daarna styg voortdurend. Kropslaai beslaan sowat 60 % van alle soorte slaai wat in Suid-Afrika aangeplant is. Die meeste word in Gauteng geproduseer. “Kropslaai is vinnig gereed om te gebruik in sekere tye van die jaar, naamlik 60 dae vanaf planttot oestyd. Daarom plant boere dit weekliks,” sê mnr. Hugo Burger, tegniese bestuurder by die saadmaatskappy Hygrotech. Enza Zaden en Rijk Swann is die twee gewildste kropslaaikultivars wat in Suid-Afrika gekweek word, en is die markleiers. Dit is moeilik om te bepaal hoeveel die totale Suid-Afrikaanse produksie is omdat die gewas weekliks aangeplant word. Geen kropslaai word uit die buiteland ingevoer nie. Alles wat plaaslik verbruik word, word binnelands geproduseer. Kropslaai word hoofsaaklik vooraf verpak en bemark. Talle boere verkoop dit…

Rubriek LANDBOUSAKE Ek volg die Tour de France-fietswedren elke jaar entoesiasties. Dit is veral die strategieë tydens die bergfases wat my interesseer. Daar is baie lewenslesse te leer in hoe spanwerk op só ’n moeilike dag werk. Vandag dink ek egter hoe ons land sukkel met ’n spanlid wat nie regtig behoorlik bergop kan ry nie. Die kameras fokus nie juis op hierdie ryers wat planke toe gery is wanneer die steiltes hul voordoen nie. Dan is die klem op die relatief vars manne wat weet hoe om berg met ’n fiets te klim. Byna elke jaar is daar ’n dag wanneer een van die gunstelinge ’n afdag beleef en halfpad bergop teen die spreekwoordelike muur vasry. Dan gebruik die kommentators talle byvoeglike naamwoorde om sy poging te beskryf: Hy…

VERBETERDE VOETSTUK VIR LAERS MAAK INSTALLERING VINNIGER Die maatskappy Cooper Roller Bearings is sedert 1907 internasionaal bekend om die ontwerp en vervaardiging van spesialis-laers. Dit word plaaslik deur Bearings International verskaf. Dié maatskappy, wat reeds sedert 1937 Cooper-laers verskaf en ook die opknapping en vervanging van hierdie onderdele behartig, het nou nuwe voetstukke vir die laers begin versprei. Die voordeel van die nuut ontwerpte voetstuk is dat dit die installeringstyd aansienlik verminder. Waar dit tot 20 uur kan duur om ’n tradisionele laer op ’n belangrike toepassing, soos ’n vervoerband-aandrywing op ’n katrol, te vervang, word die tyd met sowat vier uur verminder. Die skuins voetstuk gly eenvoudig onder die staaf in om vervanging te vergemaklik. Die maatskappy is ook besig om sy bestaande aluminium-monterings te vervang met geperste staal…

Die vader van die LRF-Veeskool was dr. Michael Bradfield, hoof van Breedplan in Suider-Afrika, wat die geleentheid altyd gereël het. Hy is in Januarie aan kanker oorlede en die Veeskool vind vanjaar die eerste keer sonder hom plaas. Bradfield het die byeenkoms begin om ’n gaping in veeboere se kennis te vul, veral kommersiële en beginnerboere se begrip van moderne bestuursbeginsels en -metodes, om hulle in staat te stel om meer geld te maak. Prof. Frikkie Neser, hoof van veekunde aan die Universiteit van die Vrystaat (UV), vertel die grondslag is reeds sowat 20 jaar gelede gelê op ’n vergadering tussen hom, Bradfield en prof. Gert Erasmus, destyds hoogleraar in diereteelt aan die UV, in laasgenoemde se kantoor. Daar het hulle die geleentheid begin beplan om presteerders in die veebedryf…

‘Die regulasies gaan landwyd geld, daarom kan jy nie besluit om openbare vergaderings vir kommentaar net selektief op enkele klein dorpe te hou nie.’ MNR. JANSE RABIE, hoof van natuurlike hulpbronne by Agri SA, oor vergaderings oor nuwe hidrobreking-regulasies wat op kort kennisgewing net op enkele klein dorpe gehou is. Bl. 15 ‘Duisende grondtransaksies, finansieringsaansoeke en planne om te ontwikkel of uit te brei, is al deur grondeise in die wiele gery.’ MNR. FRANCOIS ROSSOUW, uitvoerende hoof van Saai, oor hoekom die organisasie ’n aanlyn databasis van grondeise van stapel gestuur het. Bl. 21 ‘Dit is asof daar by sommige sakereddingspraktisyns nie werklik ’n belangstelling is om die skuldenaar se besigheid te red nie.’ MNR. JAPIE VAN DEVENTER, insolvensieregkenner, oor hoe sommige regslui skuldenaars se regte misken. Bl. 18 ‘…

60 000 ton In die Julie-skatting vir somergrane het die nasionale oesskattingskomitee die soja-oes met ’n verdere 60 000 ton verhoog vergeleke met die Junie-skatting, tot ’n nuwe rekord van 2,15 miljoen ton. In minder goeie nuus is die sonneblomoes met 4% afwaarts aangepas tot 922 750 ton weens die moontlike impak van Sclerotinia. Die grondboonskatting is ook skerp afwaarts aangepas met 10,8% tot net 49 000 ton, weens nat toestande. – Nico van Burick R3 184 ’n Gebalanseerde dieet vir ’n gesin van vier, soos beskryf word in die buro vir voedsel- en landboubeleid se spaarsamige gesonde voedselmandjie, het in Junie R3 184 gekos. Dit was R13 duurder as in Mei en R270 meer as in Junie 2021. ’n Huishouding waar twee volwassenes die minimum loon verdien en kindertoelae…

MNR. DAAN VILJOEN, eienaar van SA Stamboek en Vleissentraal se Vleisbeeskudde van die Jaar vir 2022, se liefde vir sy beeste en sy klem op vrugbaarheid, die akkuraatheid van die kuddedata deur die toepassing van produksie-aantekening en die teel van poenskopbulle vir verhoogde kommersiële speenkalfproduksie, kenmerk sy Bonsmara-stoetery Gelibar by Clarens. Lees die artikel op bl. 40. Vertel van jou familie. Ek en my broer, Dirk, het albei ’n seun en twee dogters. My dogters, Janique en Denielle, woon onderskeidelik in Kaapstad en op Hermanus. Dirk se dogter Elizna woon ook in Kaapstad en Rianette is ’n onderwyseres in Bloemfontein. Dirk se seun, JG, is by die saaivertakking van ons boerdery betrokke, en my seun, Jean, verkies die beeste. Hoe het die boerdery ontstaan? Dit was aanvanklik ’n vennootskap tussen…

DIT blyk dat temperature wat rypskade kan veroorsaak, met van 10 tot 30 dae aangeskuif het in die afgelope 5 tot 15 jaar, veral in die sentrale tot suidelike binneland van Suid-Afrika. Die baie lae temperature wat taamlik laat ná die winter nog voorkom, veroorsaak groot skade aan veral winterkoring-aanplantings wat in die gevoelige aar- en pitvormingstadiums is van ongeveer middel Augustus tot einde Oktober. Dit is egter moeilik om uit die afgelope drie jaar af te lei of dit vanjaar die geval gaan wees, sê mnr. Johan van den Berg, onafhanklike landbouweerkundige. “In 2019 het erge rypskade teen 30 Oktober voorgekom wat honderde miljoene rande se skade veroorsaak het. Op 3 en 4 November 2021 het swaar ryp ook pekanneutbome in die suidwestelike dele van die Vrystaat beskadig. “Dit…

’N “UITSKUDPROSES” is aan die gang met taaipitperske-aanplantings wat die afgelope vyf jaar aansienlik gedaal het. Ook appelkose en Bon Chretien-pere volg dié neiging, hoewel nie teen dieselfde stywe pas nie. “Weens onsekerheid is daar ’n gebrek aan vertroue in die toekoms van die inmaakvrugtebedryf,” het mnr. Anthony Dicey, voorsitter van die Inmaakvrugteprodusentevereniging (IVP), op dié organisasie se jaarvergadering op Rawsonville gesê. Verskeie boere het op die vergadering aan Landbouweekblad gesê hulle haal boorde uit, veral omdat die toekoms van die grootste vrugteverwerker, Langeberg & Ashton Foods (L&AF) op Ashton, in die weegskaal is tensy Tiger Brands binnekort ’n nuwe eienaar vir die fabriek vind. PRYSE SUKKEL Volgens mnr. Jacques Jordaan, uitvoerende hoof van die IPV, is dit ook ’n gevolg van droogte, pryse en aantrekliker alternatiewe gewasse. “Jy kon…

Mnr. Japie van Deventer, ’n likwidasiespesialis van Pretoria, sê insolvensie is ’n spesialisveld en hy maan boere om seker te maak hulle kry goeie regsadvies. “Elke individuele geval se feitestel is uniek wat moontlik anders hanteer moet word. Die regsbeginsels bly egter dieselfde en moet korrek toegepas word.” Hy verduidelik die wetlike raamwerk waarbinne likwidasies en sekwestrasies plaasvind, is as volg. “Aansoeke om ’n likwidasie of sekwestrasie word in die hooggeregshof of by die kommissie vir maatskappye en intellektuele eiendom (CIPC) gedoen wanneer ’n regsentiteit vrywillig gelikwideer word. Die meester van die hooggeregshof hou toesig oor die proses en stel ook likwidateurs of trustees aan. Prokureurs en advokate word deur die likwidateurs of trustees aangestel om regswerk te doen namens die insolvente boedel. “Die toepaslike wetgewing behels die Insolvensiewet (Wet…

1 NAMIBIË Studie ondersoek stropery en konflik Die Namibiese Landbouunie het onlangs saam met die land se universiteit van wetenskap en tegnologie ’n opname begin oor veediefstal, wildstropery en konflik tussen mense en diere om die ware ekonomiese impak daarvan, asook verliese vanweë roofdiere, te bepaal. Die landbou-unies van opkomende en hervestigde boere neem ook aan die studie deel. Die bevindings van die studie word vroeg in Oktober bekend gemaak. — NLU 2 KENIA Staat stel maksimum prys vir mieliemeel in Die Keniaanse meulenaarsvereniging en die landbouministerie het ’n ooreenkoms onderteken wat die maksimum kleinhandelprys vir ’n pak mieliemeel van 2 kg stel by Sh100 (R14,23). Dit is om Keniaanse verbruikers te beskerm teen stygende lewenskoste. Meulenaars sal meel teen gesubsidieerde pryse aan kleinhandelaars verkoop. Die program is moontlik danksy…

GRAAN SA en Alfa-expo bied vanjaar van 29 September tot 1 Oktober die eerste Nampo Alfa-ekspo (lewende hawe, jag en buitelewe) op Nampo-park buite Bothaville aan. Die twee organisasies het reeds in 2019 besluit om hande te vat en die nuwe ekspo op die landboukalendar te plaas, maar weens covid-19 was dié planne vir twee jaar op ys. Hulle sê in ’n gesamentlike verklaring daar is ’n groot behoefte onder boere vir ’n jag-en-buitelewe-ekspo met ’n praktiese aanslag. Op dié ekspo sal daar geleenthede wees vir praktiese demonstrasies van onder meer 4x4-voertuie, woonwaens, kampeer- en jagtoerusting, en moontlik selfs ’n skietbaan. Die lewendehawe-deel sluit in vleis- en melkbeeste, kleinvee, varke en bokke, en ’n aantal kompetisies, onder meer die nasionale vleisbees-interraskampioenskap, die junior interraskompetisie vir landbouskole en prestasiekampioenskappe. Daar is…

Dit was ’n besonder moeilike tyd vir Suid-Afrika se vyebedryf sedert die covid-19-pandemie, asook met die begin van Rusland se oorlog teen Oekraïne. Die wêreldwye impak van albei insidente, asook die besmetting deur die vyeboomboorder (Phryneta spinator) en ’n sukkelende nasionale ekonomie, het egter nie die vasbeslotenheid van Suid-Afrika se vyeboere gedemp om hul lot om te keer nie. Suid-Afrika se 28 vyeprodusente is meestal in die Wes-Kaap. In 2018 was daar 234 ha vyeboorde in Suid-Afrika, maar dit het tot 173 ha in 2021 gedaal. Suid-Afrika het in 2020-’21 altesaam 425 ton vye uitgevoer. Die vier grootste internasionale markte is Brittanje (51%), die Verre Ooste en Asië (33%), die Europese Unie (11%) en die Midde-Ooste (5%). Een van die grootste probleme vir die lugvragvervoer van vye na internasionale markte…

Rubriek AGTER DIE PLAASHEK Ek het onlangs deur die pragtige Suid-Afrika rondgery, onder meer twee keer in Noordwes. Dit is maklik om te sien waarom die Vryburgomgewing die Texas van Suid-Afrika genoem word. Eenvoudig gestel, dit is beeshemel. Verskoon die uitdrukking, maar as ’n kind van God glo ek die lekkerste plek om te wees is in die hemel, en daarom noem ek die lekkerste plek vir ’n bees die beeshemel. Dit lyk asof die Vryburg-omgewing al die boksies vir ’n bees afmerk. Terwyl ek daar rondgery en boere besoek het, was ek verstom oor hoe mooi kalwers uitgroei en hoe vet hulle ma’s terselfdertyd is. In Engels praat hulle van ’n “brittle” omgewing. Rondom Vryburg, Setlagole, Stella en Piet Plessis lyk dit soos die spreekwoordelike Kanaän ná hierdie wonderlike…

Tuinbou Baie plaaslike en internasionale verbruikers van die nagenoeg 135 000 ton avokado’s wat jaarliks in Suid-Afrika geproduseer word, wil weet dat dié boomvrugte omgewingsvriendelik verbou word, en boonop geen voedselveiligheidsrisiko’s inhou nie. Dit is redelike vereistes, maar veroorsaak kwessies vir boere. Hulle kom toenemend agter dat hul historiese arsenaal van doeltreffende, dog duur en potensieel skadelike gewasbeskermings- en voedingsprodukte, kommerwekkend beperk word deur druk van die samelewing en wetgewers. Avokadoboere moet dus omgewings- en verbruikersvriendeliker maniere vind wat soortgelyk of hopelik doeltreffender is om hul boorde te beskerm en te voed. Opbrengste en vrugtegehalte moet ook dieselfde of beter wees. In die lig van steeds stygende insetpryse moet ’n plaas se winsgewendheid beslis nie bedreig word nie. Dit is nie min gevra nie. Volgens mnr. Mark Hutton, ’n biospesialis…

Die LRF se vlagskip-eerbewys is Landbouweekblad en Breedplan se Suider-Afrikaanse Stoetteler van die Jaar. Prof. Frikkie Neser, hoof van die departement vee-, wild- en weidingkunde aan die Universiteit van die Vrystaat, doen jaarliks die beoordeling vir hierdie eerbewys. Daar is elke jaar baie sterk kandidate wat met mekaar meeding. Inskrywings is oop vir alle stoettelers in Suider-Afrika – hulle hoef nie met die LRF geaffilieer te wees nie. Vir ander pryse wat op dié geleentheid oorhandig word, ding die stoettelers op ’n rasgrondslag met mekaar mee. Beproefde bul van die Jaar. Bulle wat in aanmerking kom, moet drie en ’n half jaar of ouer wees. Hulle moet ’n nageslag van minstens honderd kalwers in drie of meer kuddes hê, waarvan twintig of meer kalwers in die voorafgaande twee jaar gebore…

SAGTE KOFFIE-ENKANEELKOEKIES Hierdie maklike skepbeslagkoekies is nie hard en bros nie. Hulle het ’n sagte binnekant en moet liefs binne twee dae nadat dit gebak is, opgeëet word (wat beslis nie moeilik sal wees nie!). ■ 125 g sagte botter ■ 250 ml ligbruinsuiker ■ 1 ekstragroot eier ■ 500 ml koekmeel ■ 3 ml koeksoda ■ 5 ml bakpoeier ■ 2 ml sout ■ 7 ml kaneel ■ 180 ml sterk, koue koffie ■ 10 ml vanieljegeursel Voorverhit die oond tot 190 °C en voer ’n paar bakplate met bakpapier uit. Bespuit liggies met kleefwerende kossproei. Verroom die botter en bruinsuiker goed saam. Voeg die eier by en meng goed. Sif die meel, koeksoda, bakpoeier, sout en kaneel oor en roer die mengsel ’n paar keer. Meng die koffie…

Daar bestaan ’n Engelse gesegde wat mooier klink as wat dit waar is: “If you can dream it, you can do it.” Ja, goeie drome kan die voorloper van sukses wees, maar daarmee saam moet sekere werklikhede in ag geneem word. Sukses berus op ’n paar pilare. Visie, beplanning, gewilligheid, deursettingsvermoë en die inroep van kundigheid, toegepas met wysheid, is alles deel van die pakket. Uiteindelik is dit die telbord wat bepaal wat die slaagsyfer is. Die sakewêreld ken hierdie resep, daarom bring hy al dié aspekte in berekening. Ek wonder wat my eie kerk en alle ander Christelike kerke se slaagsyfer vir bogenoemde toets sal wees. Ek moet tot my diepe teleurstelling sê dat die toets wat drome en werklikhede aan ons stel, nie ’n mooi resultaat het nie.…

RUVASA VOORKOMS VAN BOSLUISOORGEDRAAGDE SIEKTES BLY HOOG HOEWEL daar in Junie ’n afname aangeteken is ten opsigte van die aanmelding van siektes wat deur insekte oorgedra word as gevolg van die winterweer, kom siektes wat deur bosluise oorgedra word, steeds op baie plekke voor. Bosluisoorgedraagde siektes, soos Afrika- en Asiatiese rooiwater, knopvelsiekte, anaplasmose en hartwater, is in die meeste provinsies aangemeld. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), wat maandeliks ’n verslag saamstel oor veesiektes wat by veeartse reg oor Suid-Afrika aangemeld word, sê knopvelsiekte het in al die provinsies voorgekom, Afrika-rooiwater in al die provinsies buiten die Wes-Kaap en Asiatiese rooiwater in al die provinsies buiten Noordwes en die Wes-Kaap. Anaplasmose is ook oral buiten in die Wes-Kaap en Limpopo aangemeld. Die veesiekteverslag vir Junie…

Groot dele van die Oos-Kaap herstel nog ná die droogte. ’n Stabilisering in grondpryse in die 12 maande tot Junie vanjaar is opmerklik. In die TABEL is ’n opsomming van grondtransaksies in die betrokke tyd. Altesaam 328 ooreenkomste is in 33 distrikte gesluit. Dit het 179 579 ha teen R1,562 miljard behels. In 11 (33%) van die distrikte is gunstige prysneigings waargeneem. By Jansenville het pryse met 24% gestyg en by Kariega met 14,7%. Distrikte wat ongunstige grondprysdruk ervaar, sluit in Gqeberha (-23,9%), Steynsburg (-20,7%), Willowmore (-17,1%), Maclear (-15,9%), Graaff-Reinet (-15,8%), Tarkastad (-14,9%), Cathcart (-14,4%) en Middelburg (-14,2%). Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 31% (28%); 50-150 ha, 15%…

BORAN GROOT SKARE OP NASIONALE VEILING Die Boran-beestelersgenootskap van Suid-Afrika het geskiedenis gemaak deur waarskynlik die grootste skare nog na ’n nasionale veiling te lok. Mnr. Christopher Havenga, die rasadviseur, sê sowat 600 belangstellendes het die nasionale veiling in die Afridome op Parys bygewoon. “Die genootskap het sy mikpunt bereik deur hoë gemiddelde pryse te behaal en nie om rekordpryse na te jaag nie.” Altesaam 97 beeste van 63 verkopers is teen altesaam R9,649 miljoen verkoop. “Mnr. Deon Stegmann, voormalige Springbokflank, is een van die telers wat nog nie eens ’n eie produksieveiling aanbied nie, maar wat met sy eerste deelname aan die nasionale veiling hoë pryse behaal het.” Die duurste koei en kalf was DOC 16-02 van mnr. Dawood Docrat van die Aseel-stoetery, Vereeniging, wat vir R300 000 aan…