Innholdsfortegnelse for 28 July 2022 i Landbouweekblad

DÍS G'N NOODGEVAL Die Europese Unie se haastige inwerkingstelling van nuwe regulasies wat verpligte kouebehandeling van onder meer Suid-Afrikaanse lemoene vereis op 24 Junie, ’n skamele drie dae ná die afkondiging daarvan, druis in teen die beginsels van deursigtigheid, sê die departement van landbou, grondhervorming en landelike ontwikkeling in ’n verklaring. Dit is Suid-Afrika se standpunt dat die maatreël nie verklaar kan word as ’n noodmaatreël nie, en dat minder beperkende maatreëls ondersoek behoort te word. Weens dié maatreël is alle sitrus wat ná 14 Julie in Europa aangekom het, onwettig ingevoer. Lees meer op bl. 18. GOEIE VOORUITSIGTE Met La Niña-toestande wat tot minstens einde vanjaar verwag word, lyk toestande gunstig vir reën vanaf ongeveer Oktober in die somerreëngebiede. “Gemiddelde tot bogemiddelde reënval kan verwag word van veral November…

Anderkant die reënboog Dit is besonder goeie nuus. Suid-Afrika kan uiteindelik sojabone na China uitvoer. Dít nadat ’n uitvoerprotokol vir sojabone middel Julie deur die onderskeie regerings onderteken is. Die department van landbou, grondhervorming en landelike ontwikkeling en Graan SA verdien ’n groot pluimpie daarvoor. Dit kom op ’n goeie tyd. Plaaslike sojaboonproduksie staan tans op ’n rekordvlak van 2,09 miljoen ton. Suid-Afrika se verwagte oordragvoorraad teen die einde van die seisoen staan op 377 800 ton — ondanks 50 000 ton se uitvoer. Besonders! Met sojabone wat tans winsgewender as die meeste ander somergewasse is, word rekordaanplantings ook voorspel. Veral noudat beter kultivars hoër opbrengste lewer en omdat sojabone meestal minder kunsmis as byvoorbeeld mielies benodig. (Genadiglik is kunsmispryse darem aan die daal.) Ja, daar is die kwessie van…

Suid-Afrikaanse vervaardigers van landbouwerktuie het soms nie die praktiese boerdery-ondervinding om werktuie só te ontwerp en te vervaardig dat hulle werklik doeltreffend is nie, volgens mnr. Hannes Coetzee, boere-ingenieur van Burgersdorp. En hy is ’n man wat uit ondervinding kan praat. Nie alleen het hy twintig jaar lank geboer nie, maar die afgelope nege jaar al ontwerp en vervaardig hy plaaswerktuie so reg na die boer se smaak. Die mense van Burgersdorp is met reg trots op hul boerseun wat nou al deur die hele Suid-Afrika bekendheid verwerf het met sy werktuie. Hy het as jong man met Merino’s, Dorpers en later stoet-Jerseys op ongeveer 1 454 ha begin boer. Dit het maar swaar gegaan en hoewel hy knap geboer het, wou dinge nooit behoorlik vlot nie. Die keerpunt het…

1 ZAMBIË Beleggings gesoek Sedert mnr. Hakainde Hichilema 11 maande gelede die Zambiese president geword het, doen hy sy bes om buitelandse beleggings te lok in die landbou, energie, die mynwese, vervaardiging en toerisme. “Ons werk om ’n produksiesentrum te wees. Ons het die grondoppervlak, ons het die klimaat, ons het die grond, goeie grond, ons het die water,” het hy gesê. “Ons wil munt slaan hieruit om koring, mielies, katoen en vrugte te produseer, ons plant avokado’s sodat ons die maksimum voordeel kan trek, die streek voed en na die res van die wêreld kan uitvoer.” — Financial Mail 2 SENEGAL Lening steun voedselsekerheid Die Afrika-ontwikkelingsbank het ’n lening van €121 miljoen (R2 miljard) toegestaan vir ’n noodlandbouprogram om Senegal se voedsel-selfvoorsienendheid te versterk te midde van hoër voedselpryse.…

’N BOTTEL van die ikoniese GS Cabernet 1966 is vir R38 000 verkoop op ’n wynveiling wat op 10 Julie deur Strauss & Co aangebied is. Dieselfde wyn, maar uit die 1968-oesjaar, is vir R28 000 per bottel verkoop. Die GS Cabernetwyne het verreweg die hoogste pryse van enige Suid-Afrikaanse wyne op die veiling behaal. “Dit wys hoeveel vertroue daar in hierdie wyne is, veral as ’n mens in ag neem dat die openingsbod R25 000 per bottel was,” sê mnr. Michael van Deventer, kurator van die ondergrondse Tabernakel-wynbiblioteek op Stellenbosch, wat die wyne verkoop het. Die Tabernakel het ’n hand vol historiese wyne beskikbaar gestel om opgeveil te word. Geld uit die verkope is bestem vir ’n projek om wyle mnr. Duimpie Bayly, die bekende wynpersoonlikheid wat verlede jaar…

Vleis hou belangrike voordele vir algehele menslike gesondheid en lewensverwagting in, het ’n span internasionale, multidissiplinêre navorsers bevind. Hulle het die vraag ondersoek of vleis onregverdig daarvan beskuldig dat dit sleg is vir menslike gesondheid. Dr. Wenpeng You van die Universiteit van Adelaide, studieleier, sê hulle het die navorsing wat ’n ongunstige kollig op vleisverbruik in die menslike dieet plaas, van naderby bekyk. Wanneer daar slegs na die verband van vleisverbruik met menslike gesondheid of lewensverwagting binne ’n sekere groep of ’n sekere streek of land gekyk word, kan dit tot ingewikkelde en misleidende gevolgtrekkings lei. You sê sy span het die verband tussen vleisinname en lewensverwagting, asook kindersterftes op internasionale en streeksvlak bestudeer. Die vooroordele in die navorsingstudie is tot die minimum beperk sodat die gevolgtrekking meer verteenwoordigend is…

Rubriek Die Organisasie vir Ekonomiese Samewerking en Ontwikkeling (OESO) en die Voedsel-en-landbou-organisasie (VLO) het pas hul tienjaarsiening bekend gemaak vir wêreldlandboumarkte, wat volgens hulle ’n riglyn kan gee vir beplanning. Hulle gee vooruitsigte van markgroei en-pryse op wêreldvlak, maar ook op streekvlak vir die belangrikste landbouprodukte. Die Suid-Afrikaanse landbou moet met bitter min beskerming met invoer meeding, terwyl die kommersiële landbou feitlik die helfte van sy inkomste met uitvoer verdien. Internasionale markte en pryse bepaal die verloop van die plaaslike graan- en veemarkte, asook vrugte-uitvoer. Dit is dus raadsaam om kennis te neem van wat die kundiges in die volgende dekade vir landboumarkte verwag. GAAN PRYSE DAAL? Die vertrekpunt van die ontledings is die hoë pryse van die meeste basiese landboukommoditeite die afgelope twee jaar weens die covid-19-aanbodontwrigtings, wat vererger…

Steenvrugte Die pruimbedryf sal daarby baat vind om een miljoen tot twee miljoen kartonhouers minder te produseer, maar het ook ’n kommersiële plan nodig om elke kultivar in die beste tydvak moontlik te bemark om die bedryf weer op die wenpad te plaas. “Vandat ons plant tot aan die einde van die produksieketting moet ons aan winsgewendheid dink,” het mnr. Pietman Wessels, landbou-ekonoom by Frudata, tydens ’n paneelbespreking op Hortgro se tegniese simposium op Somerset-Wes, gesê. Hoewel talle uitvoergerigte bedrywe hulle vanjaar in stormwaters bevind het weens ongekende probleme in die internasionale en plaaslike logistieke ketting, het pruimboere behoorlik gebloei. Volgens me. Karin van Rensburg, tegniese bestuurder by In2Stone, het pruimboere goed geld gemaak tot die 2014-’15-seisoen, maar nie die afgelope twee jaar nie. Mnr. Hubert Leclercq, besturende direkteur van…

DORPERS 1 Senior en grootkampioenram. Eienaar: Mnr. Mickey Phillips (naasregs, 082 498 2884), Heathfield, Tarkastad. Van links is mnre. Jacobus le Roux (BKB), Ashley Phillips (seun), Phillips en sy vrou, Vanessa. Hanteerder: Mnr. Phakamane Bhalimani. Phillips was die teler van kampioene in die Dorper-afdeling en het ook die meeste punte verwerf. 2 Senior en grootkampioenooi. Eienaars: Mnr. Mickey en me. Vanessa Phillips, Heathfield, Tarkastad. Hanteerder: Mnr. Kwekwe Zuba. 3 Junior en reserwegrootkampioenooi. Eienaar: Mnr. Jannie Visagie (links, 082 788 5510), Leeupan, Boshof. By hom is me. Monique van Vuuren (middel, Bloemskou) en mnr. Beran Marola (hanteerder). 4 Junior en reserwegrootkampioenram. Eienaar: Mnr. Jannie Visagie (links), Leeupan, Boshof. By hom is mnre. Beran Marola (middel, hanteerder) en John Melville (OVK). WIT DORPERS 5 Senior en grootkampioenram. Eienaar: Mnr. Tromp Cilliers (links,…

Die JF Kanguru 270 is ontwikkel met alle graanboere in gedagte. Dit help met logistieke en opbergingsvereistes, selfs vir diegene wat reeds ’n vaste silo het en wat hul produksievolume enige tyd wil verhoog. Dit is ’n robuuste, mobiele werktuig vir die opberging van graan of kunsmis en kan vervoer word na waar die boer dit nodig het. Dit laat jou toe om die graan in ’n groot sak en in ’n anaërobiese omgewing en stabiele temperatuur op te berg. VOORDELE VAN DIE JF KANGURU 270 Dit maak voorsiening vir die afsonderlike opberging van verskillende soorte graan. Dit is ’n baie goedkoper alternatief as ’n vaste opbergingseenheid. Die werktuig se mobiliteit verseker dit kan maklik op strategiese plekke opgestel word, wat logistiek vergemaklik en koste verminder. Die werktuig dra by…

Valkoog Lank gelede het die paddabevolking nie ’n heerser gehad nie en hulle het ’n koning nodig gehad om oor hulle te heers. Die paddanasie het bymekaar gekom en tot die Skepper begin bid vir ’n koning. Die Skepper het hul gebede beantwoord en vir hulle water as koning gegee. Die water was egter stil en dit het hulle nie gehelp nie. Weer het hulle gebid en toe gee die Skepper vir hulle ’n drywende stomp as koning. Die stomp was egter ook stil. Die paddas het na die stomp geswem en met oorverdowende gekwaak hul lot bekla. Toe stuur die Skepper vir hülle die hamerkop, 'n groot bruin voël met 'n kop in die vorm van 'n hamer, om oor hülle te heers. Die paddanasie was verheug, want hülle…

Wen 2 boeke! Vandeesweek kan 2 lesers elk ’n eksemplaar van Omgewingspraatjies wen. Leidraad: ’n Waterbouwerk. Lees op bl. 90 hoe dit werk. WEN OMGEWINGSPRAATJIES! Twee lesers kan elk ’n eksemplaar van Omgewingspraatjies wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 18 Augustus 2022. Geen posstukke word meer as…

Gunstige prysneigings in Gauteng, KwaZulu-Natal én Limpopo is in die 12 maande van verlede Julie tot Junie vanjaar waargeneem. Die TABEL toon grondtransaksies groter as 10 ha in die betrokke tyd. In Gauteng was daar 501 transaksies en 58 316 ha is teen R2,435 miljard verhandel. Pryse by Nigel het effens gedaal. By Pretoria het dit met 5,6% gestyg. In KwaZulu-Natal was daar 355 transaksies in 13 distrikte. Dit het 115 314 ha teen R3,032 miljard behels. In 61% van die distrikte het pryse gestyg. By Kokstad het pryse met 18,5% gestyg. In die betrokke tydperk is 584 ooreenkomste in 12 distrikte in Limpopo gesluit. Dit het 183 456 ha teen R2,638 miljard behels. In 91% van die distrikte in die provinsie is grondprysverbeteringe opmerklik. Slegs by Lephalale het pryse…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland.org.za27-30 JULIE: Afrikaner-beesweek tydens die Thabazimbi-skou. Lesings, simposium, eksamen, praktiese aanbiedinge en skou van beeste. Pieter de Kock, 082 809 7496, Elbie de Kock, 082 456 6755, Zenobi Munnik, 071 880 4773. 17-18 AUGUSTUS: Internasionale varsprodukte-assosiasie (IFPA) se Suider-Afrika-konferensie, Century City-konvensiesentrum, Kaapstad. E-pos: membershipsa@fresh produce.com FEESTE, EKSPO’S 25 JULIE: Inskrywings open vir Sauvignon Blanc SA Top-10-kompetisie, www.sauvignonblanc.com 12-13 AUGUSTUS: Wes-Kaapse Landbouveterane-ekspo, Villiersdorp. Hennie Richter, 073 391 8495 of 022 451 2692; e-pos: sekr.wk@telkomsa.net 12 OKTOBER: Prysoorhandiging, Sauvignon Blanc SA Top-10. 21 OKTOBER: Prysoorhandiging, Landbouskrywers SA Xhariepstreek. Web: www.agricultural writerssa.co.za 27-30 OKTOBER: Langkloofbloeiselfees,…

HOENDERVLEISINVOERDERS het die doodsklok gelui vir die pluimveesektor-meesterplan, wat hulle in 2019 onderteken en sedertdien teengestaan het. Hulle het verskeie aspekte van die plan gekritiseer, wat ontwikkel is om invoer te beperk en belegging, uitbreiding en werkskepping in die plaaslike pluimveebedryf aan te spoor. Dit is geen verrassing nie dat invoerders invoertariewe wat hul inkomste en winste verminder, teenstaan. Die verrassing is dat hulle in die eerste plek ingestem het tot invoerperke. Vroeër vandeesmaand het die hoendervleisinvoerders se publikasie, Chickenfacts, in ’n twiet weke se kritiek afgesluit deur te sê die pluimveemeesterplan is “gedoem tot ’n mislukking” ná hul eienaars, die vereniging vir vleisinvoerders en -uitvoerders (Amie), aangekondig het dat hy sy deelname aan die meesterplan “herevalueer” – ’n afskeid wat ál waarskynliker lyk. Of die invoerders wil bly of…

DIE scenario in Suid-Afrika is op die oomblik soortgelyk as in Sri Lanka waar betogers onlangs die president se ampswoning bestorm en ingeneem het. “As jy die teelaarde het vir politieke onbestendigheid wat veroorsaak word deur dinge soos armoede, swak ekonomiese groei, hoë brandstofpryse, skaars hulpbronne en korrupsie, kan dit tot ’n uitbarsting lei, veral as die regering nie werklik in beheer is nie,” sê mnr. Theo Venter, politieke ontleder en dosent aan die Universiteit van Johannesburg. Hy sê die omstandighede wat ’n jaar gelede tot die onluste in KwaZulu-Natal aanleiding gegee het, is steeds aanwesig in Suid-Afrika en selfs nou meer intens met die verhoogde brandstofpryse, stygende kospryse en die hoë prys van kookolie. “Ons het ’n baie hoër konflikpotensiaal nou as ’n jaar gelede.” Die verskil tussen Suid-Afrika…

Die verminderde wintervoorsiening van groente het die prysdruk op geelwortels ietwat verlig. Produsente ontvang weer R4-R6/kg. Die gemiddelde prys het sedert verlede November tot begin Mei vanjaar met die helfte gedaal. Sommige kleiner produsente het in dié tyd hul groente vir varke gevoer om die hoë verspreidingskoste die hoof te bied. Mnr. Quentin de Nysschen, ’n middelslag-groenteboer wes van Bloemfontein, sê die hoë insetkoste het hom verhinder om markte so ver as Oos-Londen te bedien. “Die vervoerkoste van 34 ton groente na Johannesburg het die afgelope 18 maande van R10 200 tot R17 000 per vrag verhoog,” sê hy. Hy verbou beet en wortels op 70 ha onder besproeiing. Suid-Afrika se grootste produksie van wortels is by Brits en Johannesburg. Enkele groot produsente het egter in die sentrale binneland langs…

Geldbeplanning Party mense raak onmiddellik spandabelrig as hulle geld sien of as hulle weet dat daar geld beskikbaar raak. Ander raak weer vrekkerig en suinig, en pot alles op vir “eendag”. Dan is daar die geldgieriges wat net wil aanhou geld maak. ’n Ander groep is weer nie gepla oor geld nie. Hulle kry swaar en voer ’n sukkelbestaan. Dit gaan uiteindelik oor jou ingesteldheid teenoor geld. Iemand wat ’n avonturier is wat wil bergklim, skubaduik, visvang, jag of wat ookal, weet dat hy of sy geld nodig het daarvoor en spaar daarvoor. Die ander uiterste is mense wat geen ideale of vooruitsigte het nie en te min geld, en nog minder waagmoed, visie en durf, het om iets daaraan te doen. Die geheim van die lewe is om ’n…

DIK LENSIESOP MET BOTTERSKORSIE EN WORTEL Ek hou daarvan om rooilensies in sop te gebruik. Dit is ’n voedsame (en sakpas) manier om ’n resep te rek en meer te maak, en is ook ’n goeie bron van proteïen. ■ 500 g (1 pakkie) rooilensies, 1-2 uur geweek en gedreineer ■ 3-4 liter water ■ 1 ui, gekap ■ ’n Halwe pak (125 g) spekvleis, gesnipper ■ ’n Halwe klein botterskorsie, geskil, ontpit en in blokkies gesny ■ 3 wortels, geskraap en in ringe gesny ■ Olyfolie ■ Sout en varsgemaalde swartpeper na smaak ■ 125 ml suurroom Voorverhit die oond tot 200 °C. Terwyl die oond warm word, sit die gedreineerde lensies in ’n groot sopkastrol, voeg die water en ui by en verhit tot kookpunt. Prut tot die…

‘Dit kos ons miljoene rande, terwyl dit teen ’n fraksie van die prys plaaslik vervaardig kan word.’ MNR. DEWALD OLIVIER, uitvoerende hoof van die SA Voerkraalvereniging, oor die bek-en-klouseerentstof wat Suid-Afrika in dollarpryse uit Botswana invoer. Bl. 15 ‘Die skape het reeds ’n gat in my sak gevreet met dié dat hulle eers in Julie uit die lamkampe na die medicslande kon gaan, en steeds is daar nie genoeg weiding nie.’ MNR. BERTUS EKSTEEN, boer van Piketberg, oor weidingstoestande op sy plaas. Bl. 16 ‘Vir die eerste twintig jaar was die wyn geheel en al ondrinkbaar. Met verloop van tyd het dit egter ’n merkwaardige varsheid en karakter ontwikkel.’ MNR. MICHAEL VAN DEVENTER, kurator van die ondergrondse Tabernakel-wynbiblioteek op Stellenbosch, oor die GS Cabernet 1966, waarvan die maker nie bekend…

R12,2 miljoen 824 Die Khoi en San het onlangs ’n uitbetaling van R12,2 miljoen ontvang as deel van ’n skema waardeur hulle beloon word vir die aandeel wat hul tradisionele kennis in verkope van rooibostee het. Die rooibosteebedryf het bevestig dat 1,5% van die plaashekprys van rooibos jaarliks in ’n trust betaal sal word. Geouditeerde jaarstate van hoe die geld versprei is, sal jaarliks aan die departement van omgewing, visserye en bosbou voorgelê word. – Suid-Afrikaanse Rooibosraad Daar is in Junie 824 trekkers verkoop, wat 26% meer is as die 652 wat in Junie 2021 verkoop is. Vir die jaar tot dusver is 4 130 trekkers verkoop teenoor 3 504 verlede jaar, wat amper 18% meer is. In dieselfde maand is 50 stropers verkoop, teenoor 30 in Junie 2021. Vir…

MNR. NICO STRAUSS boer by Velloor in die suide van Namibië met Dorper-skape en Brahmantipe beeste en bedryf ook ’n besproeiingsboerdery met lusern, mielies, voersorghum en rosyne. Lees op bl. 38 hoe hy in moeilike toestande sukses behaal. VERTEL VAN JOU GESIN. Ek en my vrou, Marné, het drie kinders: Mia (24), ’n bedryfsingenieur op Ceres, Koos (21), ’n student in bedryfsingenieurswese aan die Universiteit Stellenbosch (US), en Getha (15), ’n leerder aan die Private Skool Keetmanshoop. Marné hou haar besig met kuns en naaldwerk, en bied veselkunsklasse aan. WAT HET JY NÁ SKOOL GESTUDEER? BCom finansiële rekeningkunde aan die US. HET JY ’N STOKPERDJIE? Boerdery is my stokperdjie. WAAR HOU JULLE VAKANSIE? Vakansie is gewoonlik ’n kort kuiertjie op Kleinbaai. WATTER SPORTSPANNE ONDERSTEUN JY? Private Skool Keetmanshoop se sportspanne.…

SUID-AFRIKA se lewendige graanbedryf kon die impak van die oorlog in Oekraïne op voedselbeskikbaarheid versag, maar verbruikers gaan tog die gevolge van vertragings van graanskepe uit dié sleutelgraanuitvoerland aan hul beursies voel. Teen druktyd was onderhandelinge in Istanboel onderweg tussen Rusland, Oekraïne, Turkye en die Verenigde Nasies oor nagenoeg 130 vragskepe vol uitvoergraan wat in die Swartsee vasgekeer was, te midde van toenemende wêreldwye kommer oor Rusland wat Oekraïnse uitvoer deur die Swartsee blokkeer, berig The Guardian. “Die oorlog het ’n reuse-impak op die wêreldekonomie. Die covid-19-pandemie was die begin van die storm, maar intussen het die storm net ál groter en groter geword en al die faktore dra daartoe by dat sommige lande die kos wat hulle nodig het, nie betyds gaan kry nie of heelwat duurder daarvoor gaan…

DIE mieliebedryf wag op hete kole vir die departement van landbou, grondhervorming en landelike ontwikkeling om die voorgestelde graderingsregulasies vir mielies, wat reeds op 11 Augustus verlede jaar ingedien is, vir kommentaar in die Staastskoerant af te kondig. Pogings sedert 2018 om die graderingsregulasies vir mielies aangepas te kry om dubbelsinnigheid in veral die definisies te verminder, val steeds vas. Selfs pogings om ’n tydelike reëling in te stel vir die huidige bemarkingseisoen wat op 1 Mei vanjaar begin het, het misluk. Mnr. Corné Louw, hoof van toegepaste ekonomie en lededienste by Graan SA, sê toe dit begin vanjaar duidelik geword het die nuwe regulasies, waaroor binne die bedryf konsensus bereik is, gaan nie betyds vir die bemarkingsjaar afgekondig word nie, is daar om die tydelike reëling aansoek gedoen. Dit…

DIE landboumaatskappye VKB Beleggings (VKB) en Griekwaland-Wes Korporatief (GWK) het onlangs besonderhede van hul voorgenome samesmeltingstransaksie aan aandeelhouers bekend gemaak. Albei ondernemings is ten volle in produsente se besit deur middel van aandelekapitaalstrukture. VKB se direksie het reeds goedkeuring vir die transaksie verleen. Dit sal voortgaan indien GWK-aandeelhouers op 11 Augustus op ’n spesiale aandeelhouersvergadering ten gunste daarvan stem, en indien mededingingsowerhede dit goedkeur. GWK en VKB het op 17 Julie 2020 vir die eerste keer voornemens vir samewerking aangekondig. Op 8 Julie vanjaar is ’n voorgestelde transaksie vir samesmelting van die twee maatskappye aan GWK-aandeelhouers bekend gemaak. Luidens ’n gesamentlike kennisgewing is die twee ondernemings meestal werksaam in verskillende geografiese gebiede, en daarom is direkte mededinging beperk. Hulle glo ’n samesmelting hou vele langtermynvoordele in, soos die behoud van…

DIT was “ ’n algemene Afrikastandpunt” vir Suid-Afrika om teen ’n nuwe internasionale standaard vir die welstand van lêhenne te stem op ’n onlangse vergadering van die wêreld-dieregesondheidsorganisasie (OIE). Só het mnr. Reggie Ngcobo, woordvoerder van die departement van landbou, grondhervorming en landelike ontwikkeling, gereageer op kritiek van die Dierebeskermingsvereniging (DBV) oor dié stap van die regering. Ngcobo het ook daarop gewys dat daar nie ’n tweederde-meerderheidstem vir die nuwe riglyne op die OIE-vergadering verkry kon word nie. Dr. Abongile Balarane, hoofbestuurder van die Suid-Afrikaanse Pluimveevereniging (SAPV) se eierorganisasie, sê die voorgestelde riglyne kon onbedoelde gevolge in minder ontwikkelde ekonomieë, soos Suid-Afrika, gehad het wat die verskaffing en bekostigbaarheid van eiers betref. “Die SAPV meen alle bestaande eierproduksiestelsels moet behoue bly en dat opsies aan Suid-Afrikaanse verbruikers gebied moet word…

DIE Rooivleisprodusente-organisasie (RPO) versoek alle belanghebbendes wéér om aan die bewegingsbeperkings binne die provinsies waar bek-en-klouseer uitgebreek het, te voldoen. Hulle is gevra om nie diere met gesplete kloue sonder die nodige kennis van die gesondheidstatus van die plaas van oorsprong te verskuif nie. Volgens die nasionale dieregesondheidsforum kan die uitbreking van bek-en-klouseer in vyf van die nege provinsies verbind word met die onwettige verskuiwing van diere van die bek-en-klouseerbesmette sone (of beskermingsone met inenting) na die sone vry van dié siekte. Geen diere met gesplete kloue (beeste, skape, bokke, varke en wild) mag uit die siektebeheergebiede van Limpopo en KwaZulu-Natal en/of in die waarnemingsones in Noordwes, Gauteng en die Vrystaat verskuif word om enige rede anders as om geslag te word en om na voerkrale verskuif te word nie.…

KINDERS van 9 tot 11 jaar oud se morele ingesteldheid teenoor diere verskil drasties van dié van volwassenes. Hulle meen plaasdiere moet dieselfde as mense en troeteldiere hanteer word. Hulle vind die eet van diere minder moreel aanvaarbaar as wat volwassenes doen. Volgens Britse navorsers wys die bevindinge daarop dat sogenoemde spesieisme – ’n morele hiërargie wat verskillende waardes aan verskillende diere toeskryf – tydens adolessensie aangeleer word. “Mense se verhouding met diere is vol etiese dubbele standaarde,” sê dr. Luke Mc-Guire van die Universiteit van Exeter, luidens ’n verklaring deur die instelling. “Sommige diere is geliefde huismaats, terwyl ander op fabrieksplase aangehou word vir ekonomiese gewin. Uitsprake oor hul waarde hang grootliks af van die spesie betrokke: Honde is ons vriende, maar varke is voedsel.” Die navorsingspan het opnames…

Daar is goeie nuus vir aartappelboere wat met laatroes sukkel. Corteva Agriscience het pas ’n nuwe swamdoder, ZorvecTM Encantia® (reg.nr. L11227, Wet 36 van 1947), bekend gestel wat spesifiek laatroes, ’n bakterie wat tans plaaslike aartappelgroei benadeel, bekamp. Dié produk, gegrond op Zorvec Active, is die eerste in ’n nuwe klas swamdoders en het ’n unieke biochemiese werking wat geen kruisweerstand met bestaande swamdoders het nie. “Ná meer as ’n dekade se navorsing het ons ’n nuwe produk ontwikkel met ’n ongeewenaarde vlak van konsekwentheid, veral wat betref die bekamping van waterswamme (oomycetes). Dit maak laer bedryfskoste en groter doeltreffendheid moontlik,” sê mnr. Stephan Marais, produkbestuurder by Corteva Agriscience. Die produk het ’n gunstige omgewingsprofiel, is doeltreffend teen baie lae gebruikskoerse en het geen skadelike uitwerking op voordelige spesies nie.…

Op AB Inbev se modelplaas op Caledon in die Wes-Kaap is dit belangrik om ’n volhoubare wenspan te hê. Om hierdie doel te bereik, moes sekere fasette verbeter word. Ons het begin kyk na presisietoerusting. Dit het gelei tot die aankoop van Falcon se Amazone ZA-TS 3200 Super Profis Hydro-strooier. Met dié strooier se 128 seksies mors jy nie kunsmis deur dit dubbel te plaas of oor te slaan nie. Met die druk van ’n knoppie strooi jy tot op die einde van die land met feitlik geen kunsmis wat oor die draad val nie. In 2020 het ons Amazone se ArgusTwin-stelsel aangeskaf. Hierdie masjien se 14 radar-oë kontroleer die kunsmis voortdurend. Dit help om die lande meer gelyk te maak, terwyl die radars seker maak die strooipatroon bly dieselfde.…

Die Sensako-handelsmerk is sinoniem met bewese teelmateriaal wat uit ’n soliede navorsingsplatform ontwikkel is en daarop gemik is om graanprodusente en -verwerkers te bevoordeel. Gerugsteun deur Syngenta se globale ervaring, wye kiemplasmabasis, tegnologie en kundigheid bied die Sensako-handelsmerk nou nóg meer voordele vir die Suid-Afrikaanse boer, met die klem op aanpasbaarheid en volhoubare groei op langer termyn. “Ons wil met ons navorsing probeer om vinniger op veranderinge te reageer en ons mededingende voordeel te behou. Die samevoeging van Syngenta se wêreldwye ervaring met Sensako se kundigheid in Suid-Afrika beteken dat buitengewone produkte en innovasie aan produsente in Suid-Afrika gebied kan word,” sê mnr. Pieter Craven, saadverkoops-en-bemarkingsbestuurder by Syngenta. GEENTEGNOLOGIE “Ons het onlangs goedkeuring verkry vir die kommersiële vrystelling van die opwindende nuwe geentegnologie in ons mielieprodukte, Agrisure Viptera®, ’n stapelgeenproduk…

Hoe het jou broccolivertakking gegroei? Nadat ek ’n bietjie navorsing oor die klimaat en die markbehoeftes gedoen het, het ek ’n klein bietjie broccoli geplant. Van daar het dit gegroei tot waar ons vandag regdeur die jaar broccoli verbou en oes. In die somer plant ons sowat 50 000 saailinge per week. Wintertyd plant ons weekliks 30 000 tot 50 000 saailinge van die Parthenon-kultivar. Hoe verseker jy volhoubaarheid? Ons gebruik hoofsaaklik organiese bemesting en doen gereeld sapontledings om enige tekorte uit te wys. Dit help ons om die spuitprogramme uit te werk vir die beste resultate. Ons neem ook grondmonsters voor elke gewas geplant word sodat ons die nodige regstellings kan doen. Ons glo ’n gesonde, gebalanseerde plant met hoë Brix-vlakke kan siektes en insekte afweer sonder dat dit…

Terwyl verskeie rietpaddaspesies die oostelike deel van die kusgordel van Suider-Afrika hul tuiste noem, is Pickersgill se rietpadda (Hyperolius pickersgilli, PRP) die seldsaamste een. Dit word in minder as vyftig vleilande gevind aan die kuslyn wat oor sowat 1 000 km van Port Shepstone tot St. Lucia in die noorde van KwaZulu-Natal strek. Aangesien hulle endemies aan die gebied se gefragmenteerde kusvleilande is, is hulle ekstra afhanklik van hul habitat, wat steeds benadeel word deur landbou-, stedelike en nywerheidsontwikkeling. Slegs twee van die vleilande waar daar bevolkings van PRP voorkom, is onder die beheer van Ezemvelo KZN Wildlife (EKZNW). Nietemin het dié klein rietpadda, wat niks groter as ’n R5-muntstuk is nie, daarin geslaag om in onlangse jare ’n terugkeer te maak. Die internasionale unie vir natuurbewaring het die padda…

Danksy tegnologiese ontwikkeling kan ons vandag dinge beleef wat tot onlangs toe nog nie eens in ons gedagtes opgekom het nie. Op die oomblik sit ek in my studeerkamer met ’n selfoon in die hand en kyk na ’n vernietigende sprinkaanplaag wat groot dele van ons land teister. Waar daar lig moet wees, is daar nou ’n donkerte. ’n Swerm sprinkane wat vir etlike kilometers deur die lug trek, sluit die son uit en saam met hulle gaan ’n onversadigbare eetlus wat alles wat groen is, verorber. Waar kom dié miljoene sprinkane vandaan? vra ek ’n boer wat reeds meer as dertig jaar lank boer en nog nooit so iets beleef het nie. Hy trek net sy skouers op. Vir myself, ’n gebore Bolander, is dit ook vreemd. Ja, ek…