Innholdsfortegnelse for 05 May 2022 i Landbouweekblad

SKOUGEREED Teen 25 April was daar reeds tekens van voorbereidings vir die eerste Nampo-oesfees sedert 2019 — van die werktuie wat ten toon gestel gaan word, was afgelewer, kultivarproewe het geil gestaan en van die groot markiestente was opgeslaan. Nampo vind van 16 tot 20 Mei plaas nadat dit die afgelope twee jaar nie gehou kon word nie weens die covid-19-pandemie en beperkings op groot samekomste. “Bothaville het miljoene rande in dié twee jaar verloor. Jy kon die effek van die verlore inkomste sien. Ons is werklik dankbaar dat die tyd van die pandemie nou eindig,” sê me. Hettienne von Abo-Moolman, sakevrou van Bothaville. ONGEDULDIG Die Spaanse sitrusbedryf was einde April op hete kole omdat ’n nuwe protokol wat 16 dae se kouebehandeling teen valskodlingmot vir lemoene uit Suid-Afrika en…

ARTIKELS & RUBRIEKE ■ Bek-en-klouseer: Indiepte ondersoek kom agter die kap van die byl ■ BKB-hoof: ‘Maak die ketting korter en raak relevant!’ ■ Só raak rumengesondheid produksie ■ Bemagtiging: In harmonie op Harmony ■ Droogte: Studiegroep herleef om veld, boerderye te herstel ■ Sink of swem: Pak versuipte sandgrond só ■ Alice Wonderland is terug: Hoe diep moet ’n mens krap? ■ Waterreeks: Hoe bepaal die departement hoeveel water ’n aansoeker kan kry? GESIN ■ Boerekos 20 is hier!…

MET skadebepalings steeds onderweg het lede van die SA Suikerrietkwekers die totale skade weens die onlangse vloede in produksiegebiede op sowat R222,9 miljoen geraam. Teen 19 April het meer as 300 suikerrietkwekers aangedui meer as 2 500 ha suikerriet is beskadig en sal herplant moet word. Dié skade beloop R194,9 miljoen. Daarby kan ska-de van R27,9 miljoen aan plaasinfrastruktuur gevoeg word. Dr. Thomas Funke, uitvoerende hoof van die SA Suikerrietkwekers, sê dié terugslag kom nes talle suikerrietkwekers begin herstel ná die brandstigting tydens die onluste in Julie verlede jaar, toe 554 000 ton suikerriet afgebrand is. Dit het die bedryf R84 miljoen se skade berokken. Funke sê honderde kleinskaalse kwekers sal waarskynlik nie van die jongste verliese kan herstel nie. Die kwekers het spesifieke paaie en brûe aangedui wat vir…

DIE wettigheid van die oordraagbaarheid van, en handel in, waterregte sal op 25 Augustus vanjaar in die Grondwethof beslis word. Dit volg nadat die departement van water en sanitasie appèl aangeteken het teen die appèlhof se beslissing dat waterregte wel oordraagbaar en verhandelbaar is. Volgens Agri SA sal die Grondwethof se uitspraak beduidende gevolge vir die landbousektor inhou, ten opsigte van beleggersvertroue én toegang tot kapitaal. Die saak spruit voort uit ’n omsendbrief wat die departement in Januarie 2018 uitgereik het, waarin die departement probeer het om die reg van houers van watergebruiksregte om dié regte oor te dra, op te hef. Die hooggeregshof in Pretoria het aansoeke om ’n verklarende bevel oor die wettigheid van die omsendbrief van die hand gewys, waarna die saak deur die appèlhof aangehoor is.…

DIE Europese Unie (EU) se staande komitee oor plante, diere, voedsel en voer sou die week van 25 April nuwe regulasies oor valskodlingmot bespreek en moontlik daaroor stem. Mnr. Deon Joubert van die Suid-Afrikaanse Sitruskwekersvereniging (SKV) bestempel dié regulasies in ’n verklaring as waningelig. Indien ten gunste daarvan gestem word, sal dit ook die volhoubaarheid van die sitrusbedryf en 140 000 meestal landelike werkgeleenthede bedreig. Ingevolge die voorgestelde wysigings moet uitvoerlande in Afrika ’n drastiese, verpligte kouebehandeling van 0 °C tot -1 °C vir minstens 16 dae toepas op lemoene wat vir die EU bestem is – ondanks die deeglike risikobestuurstelsel wat Suid-Afrika die afgelope paar jaar toepas om die EU doeltreffend teen plae en siektes te beskerm. GROTER SONDAARS Joubert sê die onderskeppings van valskodlingmot is die afgelope paar…

KENIA se verbod op geneties gemodifiseerde (GM) mielies kan noodsaaklike invoer vir dié land in die nuwe bemarkingsjaar bemoeilik. Die vraag na mielies in Afrika suid van die Sahara gaan in die 2022-’23-bemar-kingsjaar na verwagting aansienlik hoër wees as die vorige jaar, terwyl die lande wat normaalweg in die streek uitvoer – Suid-Afrika, Tanzanië en Zambië – minder voorraad as verlede jaar sal hê. Mnr. Wandile Sihlobo, hoofekonoom van die landbousakekamer Agbiz, sê op streekvlak word gewoonlik sowat 3,4 miljoen ton mielies ingevoer, waarvan die meeste witmielies vir menslike verbruik is. Die invoerlande is normaalweg Kenia, Zimbabwe, Botswana en Mosambiek. “Kenia sal na raming in die 2022-’23-bemarkingsjaar sowat 700 000 ton mielies moet invoer. Hoewel dit sowat 13% minder is as in die vorige bemarkingsjaar, is dit steeds ’n aansienlike…

Luidens die jongste syfers van die departement van landbou het landbouskuld in Suid-Afrika met 7,5% gegroei tot R204,8 miljard einde Desember 2021. Landbouskuld is nou gelykstaande aan sowat 35% van die bates van die landbou, wat aansienlik hoër is as in Amerika en Australië, waar dit rondom 12-14% is. In 2021 het die bruto inkomste met sowat 11,5% tot R368 miljard toegeneem, maar besteding aan intermediêre insette het met 7,1% tot R202 miljard gegroei. Dit was hoofsaaklik goeie oeste wat die landbou se inkomste in 2021 ’n hupstoot gegee het, want die pryse van insette en uitsette het albei met 5,1% gestyg. Natuurlik weet ons nou reeds die syfers vir 2022 heelwat gaan swakker wees. Insetpryse – onder meer brandstof, kunsmis, elektrisiteit en die minimum loon – het drasties gestyg.…

Die oestyd vir mielies het begin en die aanduidings is dat die kommersiële oes naby 15 miljoen ton kan draai. Daar is wel gerugte van gehalteprobleme weens die baie nat toestande, sê dr. Werner Rossouw, direkteur en handelaar van Silostrat. Dit is egter onseker in watter mate dit die oesgrootte sal beïnvloed. Onsekerheid oor die oespotensiaal en eindvoorraad kan lei tot wesenlike pryswisseling op langer termyn. Die oesskattingskomitee het einde Maart beraam dat die kommersiële mielie-oes 14,6 miljoen ton sal beloop. Dit is 1,07% of 156 100 ton meer as die vorige skatting ’n maand tevore. Verde-re onsekerheid oor die eindvoorraad kom weens uitvoeroptimisme. Dit lyk asof die uitvoer van mielies momentum op mediumtermyn behou. Die uitvoervoorneme vir die komende agt weke vir spesifiek geelmielies is 450 848 ton. Volgens…

BAIE min van die plante en diere in Afrika se genetiese samestelling is al gekarteer. Selfs minder werk hieroor is deur Afrika se eie kenners gedoen. Dit is broodnodige werk om die vasteland se biodiversiteit beter te kan verstaan, vir telingsprogramme en om inheemse plante, waaronder diere, swamme en ander organismes, volhoubaar te kan gebruik in die lig van veranderende klimaatspatrone. Meer klem is ook nodig op afgeskeepte gewasse wat in spesifieke streke as kos gebruik word en tot voedselsekerheid in Afrika bydra. Só sê diegene betrokke by die Africa BioGenome Project (AfricaBP) luidens ’n verklaring oor dié inisiatief. Dit is verlede Junie van stapel gestuur. Sedertdien werk 109 wetenskaplikes en 22 organisasies van reg oor Afrika, waaronder Suid-Afrika, reeds saam hieraan. Die geenvolgorde van 798 plante en 3 278…

Rusland se ekonomie is die 11de grootste ter wêreld, maar wat bruto binnelandse produk per lid van die bevolking betref, is hy maar 68ste op die ranglys. Ten opsigte van die afgelope vyf jaar se ekonomiese groei is dié land in die 168ste plek. Rusland is dus nie ’n ekonomies vooruitstrewende land nie, maar daar is maniere vir ’n korrupte en stagnerende land om sy invloed op die wêreldekonomie af te dwing, veral as hy ’n groot energievoorraad het. Hy het sedert die ineenstorting van die Sowjetunie in 1991 homself geleidelik as vernaamste olie- en gasverskaffer vir ’n ontvanklike Wes-Europa gevestig en hierdie lande vir hul energiebehoeftes van hom afhanklik gemaak. Gevolglik kon pres. Wladimir Poetin dit tot nou toe as wapen gebruik om die stilswyende verdraagsaamheid vir vele van…

■ Dit lyk asof ’n La Niñaverskynsel die derde jaar agtereenvolgens gaan voorkom en dat dit tot minstens in die tweede deel van die somer van 2022-’23 gaan heers. ■ Hoewel daar nie ’n sterk verband is tussen reënvaltoestande oor jare tussen die winter- en somerreëngebiede nie, lyk dit steeds asof winter- én somerreëngebiede gemiddelde tot bogemiddelde reënval kan kry vir die onderskeie produksieseisoene. ■ ’n Sterk moontlikheid bestaan dat droër toestande kan begin intree vanaf die winter van 2023 vir die winterreëngebied, asook die somer van 2023-’24 vir die somerreëngebied. Die projeksie is dat die tydperk vanaf ongeveer 2024 tot 2030 ’n droër tydperk kan wees en swakker produksietoestande gaan veroorsaak. ■ Met baie grondwater en goeie produksietoestande wat tans heers, behoort die eerste jaar van ondergemiddelde reënval nog…

Die sojaboonbedryf het die afgelope vyf jaar groot verbeterings ondergaan op pad na volwassenheid. Nouer samewerking tussen verwerkers en voerformuleerders het gelei tot groot spronge in die regte rigting wat verwerkingsgehalte en -prosesse, asook aankoopstrategieë betref. Die plaaslike lewendehawebedryf verbruik 1,2 miljoen ton soja-oliekoek per jaar. In Suid-Afrika word soja-oliekoek plaaslik vervaardig, maar ’n deel word ook ingevoer. In die afgelope paar jaar het die plaaslike veevoervervaardigingsbedryf ál meer begin steun op die plaaslik vervaardigde soja-oliekoek namate die plaaslike persers hulself begin vestig het. Om soja-oliekoek by rantsoene in te sluit, het veevoervervaardigers ’n volhoubare aanbod van oliekoek nodig wat reg verwerk is om die teenvoedingsfaktore uit te skakel. Dit moet ook aan die gehaltestandaarde vir olie- en proteïeninhoud voldoen. Nog vereistes sluit in mededingende pryse, veral vir die voermeulens…

Hoewel Namibië vanjaar goeie reën gehad het, is genoeg suipwater vir vee en wild altyd ’n probleem in dié waterarm land. Plase is groot, en boere kan nie daagliks by al hul veeposte uitkom om die water na te gaan nie. Vir wyle mnr. Ben Louw van Kaukerus, tussen Kalkrand en Uhlenhorst sowat 180 km suid van Windhoek, was deurlopende watervoorsiening vir sy beeste en wild altyd belangrik. Hy moes veral ’n plan beraam in een van sy plaas se grootste en beste kampe met ’n trae boorgatlewering. Sy een seun, Leon, sê veral in die tyd voor elektriese krag aangelê is, was watertoevoer deur die windpomp by die boorgat ’n probleem omdat daar baie dae geen wind gewaai het en dus geen water gepomp is nie. Gevolglik was die…

PISSALADIÈRE (TERT MET GEKARAMELLISEERDE UIE, OLYWE EN ANSJOVIS) Hierdie tert is die nederige pizza se kleinneef en is o, so Frans. Ek is dol oor die soutige ansjovis-ontploffing in my mond, gekombineer met die botterige soetheid van die uie. Sit dit met ’n slaai as ’n maaltyd voor saam met ’n yskoue, vatgegiste Chenin – die lewe kan nie beter raak nie. ■ Olyfolie en botter, vir braai ■ 2 uie, geskil en in dun skyfies gesny ■ 250 ml droë witwyn (of rooi, as jy verkies) ■ 30 ml melassesuiker ■ 10 ml droë Provensaalse of Italiaanse kruie ■ Swartpeper na smaak ■ 400 g klaargerolde blaardeeg, ontdooi ■ 1 eier, geklits met ’n skeut melk ■ 32 ansjovisfilette in olie ■ 125 ml swartolywe, ontpit en gehalveer Verhit…

Kel-kie-wyn! Die geluid kom nader en word meer totdat voëls uit alle rigtings op die grond rondom die watergat toesak. Honderde en selfs duisende van dié voëls kan so bymekaarkom. Een nader die water versigtig, drink vinnig, dompel sy pensvere in die water en vlieg vinnig weg. Dit is die teken waarop almal wag en die menigte sak op die water toe met fladderende vlerke en ’n groot geraas – dit lyk asof die water kook. Net so vinnig laat spaander hulle weer in verskillende rigtings totdat die laaste roep in die verte verdwyn. Dié skouspel is ’n geliefkoosde tydverdryf van voëlkykers en fotograwe by die watergate in die Kgalagadi-oorgrenspark. Die kelkiewyn (Pterocles namaqua), wat aan die sandpatrys-familie behoort, kom nomadies voor na gelang van weersomstandighede en die beskikbaarheid van…

In die meegaande TABEL is ’n opsomming van grondtransaksies groter as 10 ha in die Wes-Kaap vir die 12 maande tot Maart vanjaar. Pryse by Calitzdorp het met 24,2% gestyg en by Montagu met 14,8%. Dit het met 14,9% gedaal by Kaapstad, met 15,2% by Laingsburg, met 12,1% by Oudtshoorn en met 14,8% by Robertson. Altesaam 508 ooreenkomste is gesluit. In dié proses is 182 388 ha teen R4,317 miljard verhandel. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 35% (36%); 50-150 ha, 27% (19%); 150-300 ha, 12% (13%); 300-450 ha 6% (11%); 450-600 ha, 4% (4%); groter as 600 ha, 16% (18%). Altesame 51% van die distrikte toon ’n gunstige…

KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland. org.za BOEREDAE 4 MEI: Skaapboeredag met Neill Powell en Pieter Möller, Prieska. Aangebied deur Oranjerivier Voere. 082 808 4129. 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar. Web: www. sauvignonblanc.com GHOLFDAE 13 MEI: Op die plaas-gholfdag, Morgenzon-gholfklub. Aangebied deur die Morgenzon-landbou-akademie. Gawie, 073 855 2321. FEESTE, EKSPO’S 30 APRIL - 2 MEI: SA Kaasfees Opwip-piekniek, Sandringham, Stellenbosch. 6-8 MEI: Internasionale Sauvignon Blanc-dag, verskeie deelnemende wynbestemmings, www.sauvignonblanc.com 24-26 JUNIE: 20ste Kirkwoodwildfees, web: www.wildsfees.co. za; e-pos: wildsfees@kirkwood. co.za 2-4 JUNIE: Ekspo, Hervormde kerk saam met Agri…

Twee groot probleme wat nie-kommersiële boere ondervind, is gebrekkige toegang tot betroubare kragvoorsiening en lae waterdruk. Met Reinke se nuwe enjinaangedrewe minispilpunt (engine driven mini pivot, EDMP), kan ’n kleinboer ook sy diere se weiding besproei of selfs sorg dat die lappie mielies agter die huis genoeg water kry. Die groot voordeel van die enjinaangedrewe spilpunt teenoor ’n wateraangedrewe spilpunt is dat daar nie soveel waterdruk hoef te wees nie. Die minispilpunt het nie ’n beheerpaneel nie, maar bied ’n keuse van ratkaste wat die spoed en dus toedieningsvolume bepaal. Die ratkaste is beskikbaar met lae spoed, standaardspoed of hoë spoed. Na gelang van die ratkasverhouding sal die spilpunt vinniger of stadiger loop teen dieselfde enjinomwentelinge per minuut. Die krag agter die minispilpunt is ’n kragtige petrolenjin van 4 kW…

Daar word voorspel dat die wêreldbevolking teen 2030 op 9 miljard sal staan, wat reusedruk op natuurlike hulpbronne en voedselsekerheid sal plaas. Met die beskikbare oppervlakte vir voedselproduksie wat daagliks kleiner word, moet meer voedsel per eenheid geproduseer word. Hierdie groeiende vraag na landbouprodukte sal hoofsaaklik die markte van ontwikkelende ekonomieë raak, veral in lande en gebiede wat dig bevolk is, soos Asië en Afrika suid van die Sahara. Die manier waarop lande wêreldwyd op hierdie groeiende vraag gaan reageer, sal bepalend vir wêreldvoedselsekerheid wees. BENADERING Sedert 1953 het die Omniagroep met doelgerigte beplanning en optrede ’n gunstige impak op die Suid-Afrikaanse landbousektor gehad. Die Omnia Nutriology® -model word gerugsteun deur ’n holistiese benadering wat klem lê op die kweek van gewasse deur die gebruik van gespesialiseerde produkte, asook innoverende…

As een van die oudste vervaardigingsmaatskappye van landboutoerusting in Suider-Afrika het Staalmeester ’n gevestigde en diverse bedryf reg oor Afrika opgebou. Benewens Staalmeester-agente in Namibië, Botswana, Zambië en Zimbabwe voer hy ook meer as 100 verskillende werktuie en landboumasjinerieprodukte uit na klein- en mediumboere in 18 Afrika-lande. Staalmeester se produkaanbieding sluit in hamermeulens, dorsmasjiene, bossiekappers, balers, snyers, harke, kuilvoerkerwers, hidrouliese kragvoereenhede, balkspuite, planters, kunsmisstrooiers, baalkerwers, voerwaens, houtkerwers, baalvurke en -laaiers, graan- en kuilvoerversakkers, houtverwerkingsmasjiene, voermengers, paal-gatgrawers en heiningsnoeiers. Die maatskappy bied ook ’n volledige reeks onderdele aan. As ’n baanbreker-vervaardiger van landboutoerusting getuig hierdie groeiende uitvoerspoor van Staalmeester se onderneming om ’n voorkeur- en betroubare meganisasievennoot vir klein- en mediumboere te wees. “Die afgelope sewe dekades is baie verandering wêreldwyd bewerkstellig en Suid-Afrika het baie gunstige veranderinge beleef. Ten spyte…

Die maatskappy, wat deur boere begin is, verstaan dat boere duursame en doeltreffende werktuie van gehalte nodig het wat koste, arbeid en tyd bespaar. “Ons het ’n oopdeurbeleid waar boere ’n werktuig in die veld kan toets voordat hulle hulself tot ’n transaksie verbind,” sê mnr. Lindsay Hunt, direkteur van Farm Italy. DIE SPAN Farm Italy Imports het ontwikkel uit Hunt Africa, ’n buffelteel-onderneming wat in 1994 gestig is. In 2008, op ’n besoek aan ’n Italiaanse landbouskou, het dit duidelik geword dat daar aansienlike geleenthede was om doeltreffender te leer boer. In 2010 is Farm Italy Imports geregistreer en is sy eerste werktuie vir veldtoetsing ingevoer. Die maatskappy was só beïndruk dat dit wat as ’n bykomende besigheid begin is, sy kernbesigheid geword het. Hunt besoek Italië gereeld om…

Gehalte kan ’n mens net sien as jy daaraan kan vat, sê me. Chari Liebenberg, eienaar van NMR Engineering, wat vanjaar weer gehalteprodukte op die Nampo-oesdag ten toon stel. Vir Nampo het die maatskappy voorbeelde gereed gekry van die meeste van sy kleiner produkte, soos kalwerhokke, voerringe, krale en laaibanke. GOEIE GEHALTE “Ek sal nooit Nampo misloop nie. Dit is die enigste skou waar ons uitstal. Twee maande se om-set, bykans 15% van ons jaarlikse omset, word op Nampo alleen bestel,” sê Liebenberg. “Die covid-19-inperkings kon ons ’n groot knou gegee het. Ons verkope lyk egter steeds goed en ek meen dit is ’n goeie getuigskrif vir die gehalte van ons produkte.” NMR Engineering is een van Suid-Afrika se oudste en bekendste ingenieursmaatskappye. Liebenberg het die onderneming in 2000 by…

DANKSY ingryping deur Operasie Vulindlela, die presidensie se projekbestuurseenheid, is die omslagtige proses wat vereis word vir private entiteite om elektrisiteitsprojekte van 10 MW tot 100 MW te genereer, ietwat vereenvoudig. Daar is egter steeds regulatoriese vereistes van twee jaar waaraan voldoen moet word voordat oprigting kan begin. Nagenoeg 58 projekte deur myne, nywerhede en ander ondernemings is tans in die ontwerpfase, maar net vier is al by die nasionale energiereguleerder (Nersa) geregistreer. Indien hulle almal suksesvol voltooi word, sal kapasiteit van nagenoeg 4 500 MW by die nasionale netwerk gevoeg word. Daar word wyd gemeen sulke projekte is die vinnigste manier om die nasionale opwekkingskapasiteit te vergroot. Nersa se vereiste dat entiteite wat private elektrisiteitsaanlegte wil bou ’n ondertekende koopooreenkoms met hul toekomstige klante moet wys wat die verkoopprys…

6,6% Voedselprysinflasie het in Maart 6,6% op ’n jaargrondslag bereik. Die koers vir voedsel én nie-alkoholiese drank was 6,2%, vir olies en vette was dit 19,8%, vir vleis 9%, brood en grane 4,7%, vis 4,6%, en vir melk, eiers en kaas 4,1%. Die koers vir verwerkte kossoorte was 7,3%, wat beduidend hoër is as die 5,8% vir onverwerkte kossoorte. Groente was 2,8% duurder en vrugte 0,7% goedkoper. Vir soetgoed was die prysinflasie op ’n jaargrondslag 3,4%. – StatsSA R28 miljoen Nege voormalige werknemers van RCL Foods staan tereg op aanklagte van bedrog ter waarde van R28 miljoen en geldwassery. Hulle is op 13 April by Malelane in hegtenis geneem en is op 19 April in die Tonga-landdroshof op borgtog van R20 000 elk vrygelaat. Volgens die polisie is geld aan…

IN PA SE VOETSPORE In ligte trant word gesê namate ’n mens ouer word, word jy al hoe ryker. Jy het silwer in jou hare, goud in jou tande, stene in jou niere, staal in jou gewrigte en lood in jou skoene. Maar terselfdertyd het jy baie wysheid in jou kop. My pa, Petrus Grobler, sou in Februarie vanjaar sy tagtigste verjaardag gevier het. Sowat drie en ’n half jaar gelede het ek van die swaarste nuus van my lewe gekry. Iemand het die prop uitgetrek sodat die blousel van die hemel uitloop. Die dag waaraan jy nooit wou dink, het aangebreek. ’n Groot onwerklikheid. Hy was gesond. Sy lewensdraadjie net té vinnig geknip, volgens ons. En tog is hy sag weggeneem. Die skrywer Max Lucado het eenmaal gesê: “Wanneer…

MET die hulp van adv. Gerrie Nel het die plaaslike makadamiabedryf ’n aksieplan om miljoene rande se makadamiadiefstal te bekamp, ontwikkel en begin toepas. Makadamias SA (Samac) het onlangs sy eerste slypskool gehou nadat die organisasie in Januarie ’n misdaadondersteuningsafdeling gevestig het om die hoë vlakke van neutdiefstal aan te pak. Uit frustrasie met ’n oënskynlike laksheid onder owerhede om mense wat makadamiakwekers se neute in tonnemaat steel, aan te keer en te vervolg, het Samac verlede jaar by Nel van Afri-Forum se private vervolgingseenheid om hulp aangeklop. Nel het op Samac se makadamiadag in November verlede jaar gesê dit is ’n skande dat daar sedert 2020 geen inhegtenisnemings was nie ten spyte van die data en inligting wat Samac aan die Valke beskikbaar gestel het. Die instelling het selfs…

BOERE se strategiese posisie in Suid-Afrika is “baie meer gunstig” as vier of vyf jaar gelede. Dis omdat die land nou baie vinnig in ’n rigting beweeg waar een groot politieke party nie meer ’n vernietigende beleid op die land kan afdwing nie. Die staat gaan nie die kapasiteit hê om sy beleid uit te voer nie. Daarom verminder die risiko’s nou heelwat vergeleke met vier of vyf jaar gelede, meen dr. Frans Cronjé, onafhanklike politieke en ekonomiese ontleder en strateeg. Hy het gepraat op ’n konferensie van Vrystaat Landbou (VL) in Bloemfontein oor die landbou se toekoms in ’n veranderende politieke en ekonomiese omgewing. “Die staat se geld is op en hy het nie die hulpbronne om dienste te lewer en werk te skep nie – twee dinge wat…

1 MAROKKO| Graanoes daal rampspoedig Marokko verwag om 53% van sy graanoes te verloor weens die ergste droogte in dekades. Mnr. Mohammed Sadiki, die minister van landbou, het gesê boere het sowat 3,5 miljoen ha grane gesaai, waarvan 44% sagtekoring, 24% hardekoring en 32% hars was. Slegs 21% van die aanplantings was in goeie toestand en 16% gemiddeld. Luidens die Amerikaanse departement van landbou het graanproduksie met 60% gedaal. Jaarlikse koringverbruik is nagenoeg 10,5 ton per jaar en produksie van net 2,2 miljoen ton word verwag. — Farmersreview Africa 2 SOMALIË | Oorlog en droogte bring erge hongersnood Erge hongersnood staar nagenoeg 13 miljoen mense in die Horing van Afrika in die gesig weens volgehoue droogtetoestande, volgens die Verenigde Nasies. Verder lei die effek van die oorlog tussen…

Misdadigers het ’n groot ongunstige impak op mense se lewe en kan net so ’n groot impak op die graanbedryf hê as ons nie katvoet loop nie. Gedurende 2021 was daar twee gevalle in Amerika waar graanopbergers se logistieke stelsels deur gyselware (ra n - somware) aangeval is. Gyselware is ’n program wat wetend of onwetend deur ’n werknemer afgelaai word. Die programmatuur wat ’n silokompleks se logistiek beheer, word sodoende oorgeneem. Die enigste manier waarop die wettige eienaar weer toegang kan kry, is om ’n groot losprys aan die misdadigers te betaal vir die kode wat die logistieke stelsel beheer. Agbiz Grain het ’n veldtog begin om die graanbedryf hiervan bewus te maak. Daar is egter ook ander vorme van misdaad in die graanbedryf wat toeneem wanneer graanpryse hoog…

INTERNASIONAAL: Die Chicagoprys het met 4,5%, of $13,72/t (R209,21/t), tot $318,10/t (R4 850/t) gestyg. Op ’n jaargrondslag is dit 32%, of $77,19/t (R1 177/t) hoër. Verwagte pryse: Mei – $311,64/t (R4 752/t), Julie – $310,06/t (R4 728/t). PLAASLIK: Die Safexprys van witmielies het met 4,4%, of R181/t, tot R4 321/t teenoor die vorige week gestyg. Die prys van geelmielies het met 5,4%, of R229/t, tot R4 485/t gestyg. Op ’n jaargrondslag is witmielies 34,2%, of R1 100/t, duurder, terwyl geelmielies 32,9%, of R1 110/t, duurder is. Verwagte witmieliepryse: Mei – R4 297/t, Julie – R4 350/t. Verwagte geelmieliepryse: Mei – R4 476/t, Julie – R4 505/t. INTERNASIONAAL: Die Chicagoprys het met 0,6%, of $2,37/t (R36,14/t), tot $401,92/t (R6 129/t) teenoor die vorige week gestyg. Op ’n jaargrondslag is dit 63,4%,…

Danksy bloedmonsters — en die bloedsweet van dr. Christina Meiring — is die volledige genetiese kode van 71 wildehonde in die Krugerwildtuin nou ontleed. Dit is nog nooit voorheen vir só ’n groot groep wildehonde gedoen nie, en is noodsaaklik vir verdere beplanning rakende hul bewaring, sê sy. Meiring, wat op ’n sitrusplaas by Kirkwood in die Oos-Kaap grootgeword het, het onlangs haar doktorsgraad in molekulêre biologie met dié werk aan die Universiteit Stellenbosch verwerf. Volgens haar navorsing doen Afrika-wildehonde heel moontlik beestuberkulose op wanneer hulle besmette prooi eet. Die Krugerwildtuin is die tuiste van Suid-Afrika se grootste selfonderhoudende bevolking wildehonde.…

Met ’n opbrengs van 15,23817 ton mielies per hektaar op ’n uitgesoekte deel van 2 ha het mnr. Japie Breedt van die plaas Bronkhorstfontein by Bapsfontein, Gauteng, die hoogste opbrengs behaal vir droëlandmielies in die sentrale streek in Graan Suid-Afrika se Groei vir Goud-opbrengskompetisie in 2021. Die kultivar was DKC 64-54BR van Bayer, ’n vinnige groeier wat in die groeiklas van 114-117 dae vanaf opkoms tot fisiologies rypheid val. Dit is wat hy verkies in die streek waar hy boer. Die 2 ha was deel van ’n land van 70 ha wat gemiddeld 12,67 t/ha opgelewer het. “Eintlik is ek nie ’n boer se agterwêreld nie,” sê Breedt (40) terwyl hy vertel hoe hy boerdery geniet. Dit is egter duidelik as ’n grap bedoel, want ’n boer verwerf tog nie…

Die afgelope paar maande het drie eksterne gebeurtenisse die landbou oorheers. Eers was dit die covid-19-pandemie wat in Maart 2020 toegeslaan het, toe die strooptogte veral in KwaZulu-Natal verlede Julie, en tans die Russiese inval in Oekraïne. (Intussen het storms en oorstromings die reeds voos KwaZulu-Natal getref, maar ek laat dit eers buite berekening vir dié rubriek.) Wat opgeval het, is die goeie samewerking tussen die staat of regering en die private sektor in dié moeilike tye. Daar is dadelik met die regte kapteins van die sektor kontak gemaak en eerstehandse inligting van grondvlak is ingewin. Die inligting is nie eers gewas en gekeur om in te pas by wat die politici wou hoor nie – dit was die harde feite. En dit was verfrissend. Daar is ook sommer dadelik…

■ Die Habata-boerdery van die Oos-Kaap het sy boerderybelange na die Wes-Kaap uitgebrei. Dit is nie net geografiese diversifikasie nie, maar hy het ook tafel- en wyndruifvertakkings tot die boerdery gevoeg. Nektariens volg later vanjaar. ■ Tafeldruiwe en sitrus word in baie groot blokke geplant, en die boerdery pluk die vrugte as hy dit regkry om volume én gehalte aan klante te lewer. ■ Kontantvloei word nougeset bestuur. Met intydse finansiële inligting word koste tot op blok- en taakvlak uitgewerk. Vanjaar is dit egter moeilik met produksiemiddele se pryse wat byna daagliks verander.…

INLIGTING Ligging: Windhoek Naam: Kaukerus ■ ’n Unieke watertoevoerstelsel in ’n dam wat outomaties aan- en afgeskakel word namate ’n vlotter op die damwater daal of styg, sorg dat die dam en suipkrippe vir vee en wild altyd genoeg water het. ■ ’n Vlotter wat op die damwater dryf, met ’n kraan wat die watertoevoer uit die tenk beheer, voed die dam se watervlak uit die tenk. ’n Skakelaar wat deur die vlotter se hoogte op die damwater beheer word, is in die tenk geïnstalleer en skakel die boorgatpomp aan en af. ■ Die stelsel is ook by ander veeposte aangebring om die damwatervlakke te beheer.…

Vroeg vanoggend terwyl ek in my stiltekamer Bybel lees, het die Here my daaraan herinner dat Hy nie tyd het vir mense wat oorloop van trots nie. Inderwaarheid staan daar in 1 Pet. 5:5: “En julle wat jonger is, moet aan die ouer mense onderdanig wees. Almal moet trouens teenoor mekaar nederig wees en mekaar help, want God weerstaan die hoogmoediges, maar aan die nederiges gee Hy genade.” Met ander woorde, as ons ons eie kop volg, sal God nie langer betrokke wees nie. Ek was altyd baie traag om ’n geskenk te aanvaar. Ek is op die ou manier grootgemaak dat as jy iets nie kan bekostig nie, moet jy daarsonder klaarkom. Soms wil God egter vir ons ’n geskenk gee, maar dan wil ons dit nie aanvaar nie.…

Aangesien die landbougemeenskap die stapel en ruggraat van ons land en ekonomie is, moet boere seker maak dat hulle die regte, behoorlike en professionele boedel-, finansiële en opvolgbeplanning vir hul boedels in plek het, wat hul unieke omstandighede en omgewing in ag neem. Teen hierdie agtergrond is dit belangrik om die volgende vrae te oorweeg: Wie sal die opvolger van die landbouentiteit wees? Het hulle die nodige vaardighede, kundigheid en kennis om die entiteit te bedryf? Deel hulle dieselfde visie en passie vir boerdery? 50% van Suid-Afrikaners kan nie bekostig om te sterf nie Kom ons wees eerlik, niemand wil aan die dood dink nie. Dis ‘n ongemaklike onderwerp. So, in plaas daarvan om daardie belangrike gesprekke te hê oor wat met ons bates sal gebeur en hoe ons geliefdes…

Reinke is een van die grootste spilpuntvervaardigers in private besit ter wêreld. Hierdie Amerikaanse maatskappy het die afgelope paar jaar na Afrika uitgebrei. Sy Durbanse pakhuis word gebruik om voorraad vir Afrika-boere aan te hou. Reinke-agentskappe in Suider-Afrika is nie net toegerus om Afrika-boere te help om hul spilpuntbesproeiing te beplan nie, maar hulle kan ook die spilpunte oprig en tegniese ondersteuning aan boere verskaf. Benewens die agentskappe het Reinke ook bemarkers om die produkte aan die Afrika-landboumark bekend te stel. Reinke is trots op die innoverende ontwerp van die spilpuntstruktuur om instandhoudings- en bedryfskoste te verminder, en om die gebruiksduur van die besproeiingstelsel te verleng.…

‘Dis nie iets wat jy . . . met ’n vliegtuig of hommeltuig kan doen nie, jy moet in die landerye kan inkom om die oes af te haal.’ MNR. CORNÉ LOUW, hoof van toegepaste ekonomie en lededienste by Graan SA, oor somergraanboere se bekommernis oor strooptyd in die nat toestande. Bl. 16 ‘Eers as boere self by die polisie in Lesotho die diefstalle gaan aanmeld, kry ons resultate. Die polisie daar sê die diewe gee Lesotho ’n slegte naam en hulle help ons om die diere te soek.’ MNR. WJ CHURCH, Vrystaatse boer van Zastron by wie vele skape gesteel is, oor die apatie van die plaaslike owerhede om veediefstal op die Lesothogrens hok te slaan. Bl. 20 ‘Ons het mos die afgelope twee jaar gesien as daar vog…

Dit is ’n mooi gebaar. Die Prof. Mohammad Karaan-gedenklesing wat nou jaarliks op Stellenbosch aangebied gaan word ter nagedagtenis aan Karaan wat verlede jaar ontydig aan covid-19 oorlede is. Dit was juis sy unieke perspektief op Suid-Afrika se probleme wat sy heengaan so ’n groot verlies maak. Vanjaar is die eerste lesing deur Kuben Naidoo, adjunk-goewerneur van die Suid-Afrikaanse Reserwebank, gelewer, en daar was werklik min waarmee ’n mens nie kon saamstem nie. “Die landbou het ’n toegewyde landboubank nodig. Dit moet jaarliks ’n subsidie uit die fiskus ontvang en suksesvolle swart kommersiële boere vestig,” was, onder meer, sy raad. Seker ’n bietjie soos die Land Bank veronderstel is om te wees, maar net met kundiger bestuur en duideliker doelwitte, of hoe? Volgens Naidoo behoort geld nie ’n struikelblok te…

MNR. JAPIE BREEDT van die plaas Bronkhorstfontein,Bapsfontein, het koning gekraai in die Groei vir Goud-opbrengskompetisie vir droëlandmielies in die sentrale streek. Ná ’n opbrengs van 15,24 ton mielies per hektaar jaag hy 20 t/ha onder besproeiing en 13 t/ha op droëland na, maar presisieboerdery is nodig om dit te bereik. Lees meer op bl. 38. VERTEL VAN JOU GESIN . Ek is ’n vrygesel. Ek het twee susters, Adelei Alberts, wat in Mosselbaai woon, en Jean-Marie Ehlers-Breedt, wat my in aartappeloestyd in die pakskuur help. HET JY NÁ SKOOL GESTUDEER? Ja, ek is as sjef aan die Granger Bay-hotelskool in Kaapstad opgelei. HET JY ’N STOKPERDJIE? Ek speel graag gholf. WAAR HOU JY VAKANSIE? Enige plek in die Wes-, Noord- of Oos-Kaap.…

DIE landbou het ’n toegewyde landboubank nodig wat jaarliks ’n subsidie uit die fiskus ontvang om suksesvolle swart kommersiële boere te vestig. Mnr. Kuben Naidoo, adjunkgoewerneur van die Reserwebank, het in die eerste Prof. Mohammad Karaan-gedenklesing op Stellenbosch gesê gegewe die bedryf se geskiedenis en die nodigheid om te transformeer sodat swart boere kan floreer, is dit die enigste gevolgtrekking wat hy kan maak. “Ek skat ’n heeltydse staatsubsidie van sowat R2 miljard per jaar, tesame met private donasies en amptelike ontwikkelingshulp sal genoeg wees om tot R20 miljard se vergunningslenings moontlik te maak.” Dit sal die landbou in veral die voormalige tuislande tot ’n kommersiële vlak neem. “Dit is meer as wat die huidige gebruik van dieselfde geld kan doen in die hande van die regering,” het Naidoo gesê.…

STYGENDE mieliepryse, droogtes in verskeie graanproduserende lande, Rusland se inval in Oekraïne en die onbeheersde uitbreiding van die plaaslike varkbedryf bring die bedryf onder ongekende druk. Dr. Pieter Grimbeek, hoofveearts by Agri Farmacy, sê dit sal egter nóg skadeliker vir die bedryf wees as varkboere hul kuddes ontbind, want dit sal lei tot ’n ooraanbod op kort termyn en selfs meer druk op die mark. Grimbeek raai boere aan om te verseker dat hulle so doeltreffend as moontlik produseer en maniere vind om hoë voerkoste teen te werk. “Weens stygings in voerkoste toon min boere gunstige winsmarges. Kleiner, en veral opkomende, boere wat hul diere uit sakke voer, het bykans geen kans teen gevestigde boere wat self voer kan meng nie. Selfs die beste van hierdie boere bereik tans net-net…

Wanneer dit by vererwing kom, is die belangrikste punt om te onthou dat elke mens die reg het om sy of haar bates te bemaak soos hy of sy wil. Niemand is onder ’n verpligting om volgens ’n resep te bemaak nie. Kortom, die hof sal net inmeng as jou bemakings onwettig is, indruis teen die morele en sedelike norme van die samelewing, of onmoontlik is. Net ’n verdere nota hieroor vir veral vroue wat binne gemeenskap van goedere getroud is. Jy hoef nie jou besittings te bemaak soos jou man wil hê nie. Niks keer jou om jou eie testament op te stel en jou helfte van die gemeenskaplike eiendom te bemaak soos jy wil nie. TESTAMENT NIE ABSOLUUT Die tweede punt, waarby ek eintlik wil uitkom, is selfs…

Die meer as verdubbeling van Suid-Afrika se aanplantings van grenadellaboorde die afgelope paar jaar het ’n ooraanbod van hierdie nisvrug geskep. Tot 300 ha nuwe grenadellaboorde het tot ’n ooraanbod van vars grenadellas aan die land se belangrikste uitvoermarkte van Brittanje en die Europese Unie gelei. Veral swakker vrugte word per see vervoer en het tot ’n daling van ongeveer 35% in uitvoerpryse gelei. Mnr. Garrick Mullin, ’n direkteur van die Pico Fresh-uitvoermaatskappy wat verantwoordelik is vir sowat 60% van Suid-Afrika se uitvoer van grenadellas, sê vars grenadellas word in los maat deur die meeste kleinhandelaars verkoop. Grenadellas het ’n baie sterk geur wat verbruikers in staat stel om klein hoeveelhede daarvan te koop om ’n nagereg of vrugteslaai te geur. “Daarom sal grenadellas nooit ’n kommoditeitsvrug wees nie. Dit…

Daar is al baie geskryf, navorsing gedoen of bespiegel oor natter en droër siklusse of die “vet” en die “maer” jare, soos reeds in Bybelse tye daarna verwys is. Natter en droër tydperke is inherent deel van die klimaat, maar die oorsake wat daartoe aanleiding gee, is nog grotendeels onbekend. Die sonvleksiklus, ENSO (El Niño Suidelike Ossilasie met El Niño en La Niña), wisselende energievlakke van die son, relatiewe posisies van hoog- en laagdrukselle en die stand van planete is bydraende faktore of oorsake van die afwisselende siklusse. Tog is boere dikwels onvoorbereid op die begin van natter of droër siklusse, en dus nie gereed om swakker toestande te bestuur of beter toestande ten volle te benut nie. Beplanning raak ál belangriker teen die agtergrond van duur insetkoste, en proewe…

Vandag onthou ek weer ’n insiggewende gesprek met die veewagter Piet Kolobe, ’n natuurlike veemeester (stock-man), ’n klompie jare gelede. Hy het navraag gedoen oor hoekom ek ’n sekere volwasse bul wil verkoop. ’n Deel van my breedvoerige antwoord was “. . . die bul se kalwers vaar nie so goed in die fase D-toetse as ons die jong bulkalwers voer nie”. Hy het lank oor my antwoord nagedink, en toe gevra: “Maar is hulle nie gemaak om gras te vreet nie?” Hoe meer ek daaroor nadink, hoe meer besef ek watter krities korrekte teenvraag dit was. Elke keer as besoekers op die plaas kom kuier, besef ek dat die beeste onder hoëdrukbeweiding nie soveel tradisionele spogregte het as diere wat veld selektief of dan tradisioneel benut nie. Hierdie feit…

Wat is die belangrikste les wat jy al geleer het? Ek hou nie van kortpaaie nie. Ek sal nooit vergeet nie, die eerste pale wat ek gekoop het om wyndruiwe te plant, was tweedehands. Met die eerste oes het al die pale gebreek en op die grond gelê. Daar het ek geleer om ’n ding liewer reg te doen en die regte mense se raad te vra. Wie is jou mentors? Op skool het ek baie in die Hexriviervallei by die Naudé-familie van Denauboerdery en my oom mnr. Anton Viljoen van ASV-boerdery gekom. Hul boerderye het my van jongs af beïndruk. Toe ek ná universiteit begin boer, was ons bure in die Nuy-vallei baie behulpsaam en het my altyd gehelp met toerusting en tegniese kennis. En natuurlik my skoonpa, mnr.…

POMP WATER MET SONKRAG Met geen einde in sig vir Eskom se alewige beurtkrag nie, wend boere hul ál meer na alternatiewe krag. Sonkragpompe is baie nuttig om water te pomp. Mnr. Pierre Oosthuizen van Open Solutions Noordwes sê ’n sonwaterpomp gebruik sonpanele en beheerapparaat om die son se energie te versamel waarmee water dan uit ’n boorgat of rivier na ’n watertenk of dam gepomp word. Só ’n stelsel het nie batterye nodig om die elektrisiteit in op te berg nie, maar pomp net wanneer die son skyn (in sonnige Suider-Afrika minstens ses tot sewe uur), wat die stelsel kostedoeltreffend maak. ’n Sensor beheer die sonpomp en skakel dit af wanneer die tenk of dam vol is om te verseker die boer het altyd genoeg water. Die pomp skakel…

Die departement van bosbou, visserye en die omgewing het op 25 Maart afgekondig dat die rooi-ivoor-, jakkalsbessie-, spikkelneut- en umtiza-bome nou beskermd is. Naas Grové, president van die Dendrologiese Vereniging van Suid-Afrika, sê die mens, natuurlike vyande en klimaatsverandering speel elk ’n rol in die bedreiging van dié vier bome, maar sonder die mens se betrokkenheid sal die ander twee nie op lang termyn enige invloed hê nie. Volgens hom was die rooiivoor se botaniese naam voorheen Berchemia zeyheri, maar dit is nou Phyllogeiton zeyheri. In Engels word hy red ivory genoem, in Tswana moye en in Zoeloe umnchaka. Die boom kom natuurlik voor in Limpopo, die Noord-Kaap, Noordwes, KwaZulu-Natal en Mpumalanga, asook in Mosambiek en verder noord tot in Zimbabwe. Dit kan maklik van saad gekweek word. Dit groei…

GAUTENG PRETORIA BRAKFONTEIN (559), 336 ha, aan Mulkru-boerdery (Edms.) Bpk., van J. Dippenaar, R11 000 000. KWAZULU-NATAL BALLITO CHAKA’S KRAAL (865), 80 ha, aan Centmid Properties (Edms.) Bpk., van J.M.C. Mallandain, R14 500 000. LADYSMITH PAARDE KRAAL (1979), 194 ha, en SCHOON FONTEIN (1978), 119 ha, aan T.J. Lombard, van W.H. Boshoff, R2 197 615. PAARDE KRAAL (1979), 194 ha, en SCHOON FONTEIN (1978), 119 ha, aan Phillipus de Jager-trust, van T.J. Lombard, R4 200 000. PIETERMARITZBURG CAMPERDOWN (1330), 47 ha, aan To Anywhere Carriers Central Region (Edms.) Bpk., van Bucher-trust, R7 000 000. OTTO’S BLUFF (13013), 31 ha, aan The Gary Pedlar-trust, van Abrina Management (Edms.) Bpk., R12 200 000. UMVOTI VLEY (1886), 398 ha, aan Cardona Investments (Edms.) Bpk., van Proudacres Farm (Edms.) Bpk., R41 480 000. PORT…

Beefmasters het stewige pryse op die eerste twee veilings van die jaar onder die beskerming van die Beefmaster-beestelersgenootskap behaal. Op die veiling van mnre. Pieter van Deventer en Jan du Toit van Lichtenburg was die gemiddelde prys van dragtige koeie R31 500, R22 500 vir dragtige verse, R31 500 vir dragtige koeie met kalwers, R32 000 vir koeie met kalwers en R55 400 vir bulle. Op die produksieveiling van mnr. Theo Coetzee van Majesto-Beefmasters op Derby het die duurste stoetbul R350 000 behaal en die gemiddelde prys van die 71 bulle was R84 700. Die duurste stoetvers het R100 000 behaal en die gemiddelde prys van die 97 verse was R33 500. Dragtige stoetkoeie het gemiddeld R32 300 behaal, stoetkoeie met kalwers gemiddeld R33 000 en stoetkoeie gemiddeld R25 800.…

Enigiemand is welkom om tot 9 Mei sy of haar boereplan vir vanjaar se kompetisie in te skryf. Van die vorige boereplanne behels landbou-masjinerie wat omskep is om beter te werk of meer werk te kan doen. Ander was nuwe uitvindings wat die lewe op die plaas makliker maak. Daar was selfs al ’n klompie kinders en jong mense wat pryse met hul planne gewen het. Duisende besoekers maak elke jaar ’n punt daarvan om talle van dié vindingryke idees by die boereplannewerf op Nam-po-park te kom besigtig. In die res van die jaar is Omnia Nutrilogie® en Landbouweekblad ook daartoe verbind om soveel moontlik van die slim planne en patente wat op plase ontstaan, aan lesers te wys as deel van die tydskrif se boereplannekompetisie en in die jaarlikse…

Die RAV4 Hybrid word wyd geloof vir sy praktiese gebruik, brandstofdoeltreffendheid en werkverrigting. Deur die bewese TNGA- strukturele platform met ’n gespierde hibriede dryfstelsel van 2,5 liter te kombineer, bied die RAV4 ’n ry-ervaring in pas met die behoeftes van die moderne verbruiker. Die RAV4 Hybrid-reeks is vir 2022 hersien, met ’n nuwe tweegradering-strategie wat die bekende GX-R en VX behels. STILERING EN VOORKOMS Die GX-R bied ’n stylvolle dog robuuste buitekant met prominente swart bekleedsel, swart skerms en ’n silwer bufferbeskermer. ’n Groot trapesium-sierrooster met twee parallelle dwarsstawe en misligte aan weerskante omraam die bloukleurige Toyota-kenteken. Die binnekant het leerafwerking met treffende oranje. Die VX-variant het ’n unieke voorste sierrooster, ’n dieper lugskort en vertikaal gemonteerde misligte. Die leerbinnekant word van blou binnebeligting vergesel. TOERUSTING EN EIENSKAPPE Die GX-R…

As ’n multi-gewasspesialis bied Pannar ’n breë gewasportefeulje wat gekenmerk word deur goeie opbrengspotensiaal, aanpasbaarheid en stabiliteit, wat die risiko in gewasproduksie tot die minimum beperk. Pannar se formidabele mieliepakket is die afgelope tyd met verskeie nuwe basters verbeter. GEELMIELIEBASTERS Pannar se geelmieliepakket van ultravinnige, vinnige en mediumgroeitydbasters bied die boer ’n goeie langtermynstrategie vir risikoverskansing. Hier die stabiele basters is wyd aangepas en agronomies goed gebalanseerd. PAN 5R-882BR Hierdie nuwe mediumvinnige stapelgeenbaster het tweedegenerasie-stronkboorderweerstand. Indien ’n mens net een baster kan kies, sal die stabiele prestasie van PAN 5R-882BR dit ’n uitstekende keuse maak. Dit is deel van die PAN 5A-182-platform wat wyd aangepas is vir alle produksiegebiede, en is ’n opbrengsleier op die oostelike Hoëveld. PAN 5R-882BR het ’n goeie skepelgewig en lewer dieporanje, blink graan van uitstekende…

Noem die naam AGA, en jy hoor nostalgiese stories oor hoe die lou-oond gebruik is om pasgebore lammers in die winter te laat oorleef, of hoe Ouma beskuit en lekkernye in die vertroude AGA gebak het. AGA-eienaars is gaande oor hul kooktoestelle. Vir hulle is ’n AGA meer as net ’n stoof en ’n oond – dit is ’n lewenswyse. Die mense van AGA Rayburn Suid-Afrika is baie trots op hierdie erfenis. AGA Rayburn se produkte uit die AGA-fabriek in Brittanje word steeds handgemaak van gietyster en bedek met glimmende, glasagtige emalje. Die geheim van die AGA is die manier waarop dit kook. Die gietyster-kookaksie sorg vir die verskil. Kos smaak eenvoudig beter, bloot omdat ’n AGA beter kook deur sagte, stralende hitte te gebruik om die kos se natuurlike…