Innholdsfortegnelse for 06 Jan 2022 i Landbouweekblad

ARTIKELS & RUBRIEKE ■ Topbeesboere benut tegnologie slim vir skaapboerdery ■ Topsonneblomboer: Biologie, wisselbou gee deurslag ■ Eksklusiewe onderhoud met leierboer: Belangrikste grondlesse uit katastrofiese Mugabe-jare ■ Só kan skeiding tussen swart en wit boere vernou word ■ Nog vooruitskouings vir 2022: Dink wyer oor krag; Groente: Geleenthede in die onsekerheid; Subtropiese gewasse en sitrus: Logistiek dié probleem; Tegnologie: Groener toekoms wink SPESIAAL ■ Vee GESIN ■ Vuurwarm roomysresepte!…

Uit: Die Landbouweekblad, 11 Januarie 1972 Die satansbosuitroeiery het nou vir my ’n raaisel geword. Hier sit ons met ’n onkruid (Solanum elaeagnifolium) wat ’n erger vraagstuk as litjieskaktus kan word, maar ons besluit om die bestrydingsveldtog — wat, as ek reg onthou, nou drie jaar aan die gang is — te staak. Wat sal gebeur as ons dieselfde met litjieskaktus doen? Die katjie sal dankie sê, want nou kan hy weer ongestoord groei om verlore veld terug te wen. Litjieskaktus word as ’n nasionale plaag beskou. Dit kan weiveld in sy doringvuis toevou en verwurg. Daarom gooi ons nou reeds 14 jaar lank daarteen wal met pers konkas spuitstof en spanne bespuiters. Ons het al 81 miljoen liter spuitstof gebruik en die veld-tog kos ons tot dusver meer as…

■ In Augustus 2021 het die appèlhof in ’n saak wat deur ZZ2-boerdery, die Tamatieprodusente-organisasie (TPO), die noordelike uiekomitee (NUK) en die varsprodukte-invoerdersvereniging gebring is, bevind die staat se gebruik van private gevolmagtigdes om inspeksiedienste namens hom uit te voer, is wel grondwetlik toelaatbaar en tariewe mag daarvoor gehef word. Die hof het bevind dat Prokon, wat inspeksies vir die varsproduktesektor moet doen, sy tariefstruktuur moet hersien. ■ In Mei 2021 het die hooggeregshof in Pretoria Impumelelo Agri Business Solutions se tariewe tersyde gestel in ’n aansoek wat deur die Suid-Afrikaanse inmakersvereniging en die Suid-Afrikaanse vrugtesapvereniging gebring is, omdat die maatskappy in sy konsultasie oor tariewe “nie aan die minimum vereistes van billike administratiewe optrede voldoen (het) nie”. ■ In Februarie 2021 het dieselfde hof bevind dat Nejahmogul sy tariefstruktuur…

ONGEWONE weerpatrone het in Desember somer- én winterreënstreke op hul tone gehad. Die winterreënstreek het van Mei tot Desember 2021 gereeld reën gekry, ofskoon die winterreëntydperk gewoonlik van Mei tot middel Augustus strek. Veral die reën einde November en vroeg Desember het skade aan ongestroopte wintergewasse en selfs vrugte en druiwe veroorsaak, volgens mnr. Johan van den Berg, onafhanklike landbouweerkundige. Van begin Oktober tot middel Desember het baie plekke ongeveer 50% meer reën as gewoonlik gekry. Die oorsaak hiervan was die temperature in die Atlantiese en Indiese Oseaan. Die Atlantiese Oseaan se water was teen middel Desember warmer as gewoonlik teen die weskus, terwyl die Indiese Oseaan koeler teen die suid- en ooskus was. Die uitwerking van die La Niña-verskynsel het ook tot dié weerpatrone bygedra. SOMERREËN Wat die somerreëngebiede…

MNR. MICHAEL CORDES (foto regs), gerekende bemarkingspesialis in die varsproduktebedryf, is vroeg in Desember onverwags op 79 jaar oorlede. “Dit is ’n baie groot verlies en ons is hartseer oor sy heengaan. Mike was ’n absolute ensiklopedie vir die varsproduktebedryf. Hy het alles geweet en verstaan hoe dit werk,” sê mnr. Francois Knowles, registrateur by die landbouprodukte-agenteraad (Apac).“Hywas’nbaieaangename mens.” Knowles sê Cordes het ’n belangrike rol gespeel om agente in die varsproduktebedryf op te lei. Hy was lank ook die diensverskaffer om opleiding vir agente in die varsproduktemark reg oor Suid-Afrika te bestuur. “Al die agente het deur sy hande gegaan. Hy was die een wat seker gemaak het die agente se vaardighede word opgebou en weet wat die wette en reëls vereis waaraan hulle moet voldoen.” Die opleidingsplatform is…

Besigheid word gedoen in ’n internasionale en plaaslike ekonomiese en landbou-omgewing wat die afgelope twee jaar drasties verander het. Dié veranderinge het ’n deurvloei-effek na die nuwe jaar en sekere neigings gaan voortduur. Daar is ook nuwe neigings, aandrywers en risikofaktore wat verwag kan word. Dit is altyd ’n goeie uitgangspunt om aan die begin van ’n nuwe jaar bestekopname te doen oor die verwagte groot aandrywers waarop ’n mens bedag moet wees. Daar is ook altyd ’n nuwe onvoorsiene skok, wat beteken jy moet vinnig aanpas en buigsaam bly in jou besigheid. Dit is moeilik in die landbou omdat dit ’n langtermynbedryf is. Onthou, die plaaslike landbou is regstreeks gekoppel aan wêreldmarkte en -prysbewegings. Sowat 50% van die landbou se bruto inkomste kom van uitvoer. Daarom moet boerderye wyd…

OUER sonneblomme is bekend daarvoor dat hul blomkoppe ooswaarts na die son gerig is, sodat dit soggens in volson staan en smiddae in die skadu is. Suid-Afrikaanse en Amerikaanse plantkundiges het onlangs gewonder wat die gevolg is as dit nie gebeur nie. Die navorsingspan het ouer sonneblomplante wat in potte gegroei het, gedurende veldproewe en onder beheerde toestande weswaarts gedraai sodat hul blomkoppe eers smiddae volson kon geniet. Dié blomme was reeds te oud om nog te kon ronddraai agter die son aan, soos wat die geval met jonger blomme met sagter stingels is. Só is gevind dat die mikroklimaat van die blomkoppe wat vroegoggend skadu pleks van die gebruiklike volson geniet, wesenlik verskil. Dit beïnvloed saadvorming, die vrystelling van stuifmeel, en die hoeveelheid bestuiwers wat na ’n blom gelok…

Grondvogvlakke was op die meeste plekke goed, en teen einde November was meer as 80% van die aanplantings in die oostelike produksiegebiede afgehandel. In die westelike dele, waar die optimale planttyd van 15 November tot einde Desember is, het die aanplantings ook betyds begin. Mnr. Luan van der Walt, ekonoom by Graan SA, sê hoewel dit nog vroeg in die seisoen is en baie nog kan gebeur, het dit goed gegaan met aanplantings aan die begin van die seisoen. “In dele van veral die westelike produksiegebied was dit te nat, maar in die algemeen het die seisoen goed begin. “As ’n mens na die eindvoorraad verlede jaar van sowat 2,8 miljoen ton mielies kyk, en gegewe die plantvoornemens en gemiddelde opbrengste, kan ons teen die einde van die seisoen weer…

Die produsenteprys sal met gemiddeld 28% moet styg om die melkboer ’n kans te gee om lewensvatbaar te bly. Die wisselwerking met die res van die waardeketting gaan onder groot druk wees, meen mnr. Bertus van Heerden, hoofekonoom van die Melkprodusente-organisasie (MPO). “Uiteindelik gaan dit oor die verbruiker wat ook onder druk is weens onder meer geadministreerde pryse wat aggressief gestyg het. “Die belanghebbendes laer af in die suiwelwaardeketting sal daadwerklik kostestrukture moet ondersoek. Doeltreffendheid in die waardetoevoegingsdeel van die waardeketting sal onder die vergrootglas geplaas moet word om die bekostigbaarheid van finale produkte te beskerm.” Volgens Van Heerden het insetkoste in die breë landbousektor in sommige gevalle meer as verdubbel. Die gepaardgaande risiko’s is ingewikkelder as gewoonlik weens die wisselvalligheid in van die insetmarkte. “As ’n boer aan die…

Volhoubaarheid is hoog op verbruikers se ál langer wordende lys vereistes, en die sybokhaarbedryf voldoen aan presies dit waarvoor handelsmerke en kleinhandelaars vra. Volgens mnr. Marco Coetzee, bestuurder van Sybokhaar SA, kan dit ’n goeie impak op die goeie vraag na sybokhaar hê. Hy waarsku egter dat baie in die af-seisoen kan gebeur, veral met covid-19 wat steeds teenwoordig is, en dat dit moeilik is om markvooruitsigte te bepaal. Me. Luané Stapelberg, sybokhaarbemarker by OVK, sê die nuwe vlaag covid-19-gevalle en gevolglike inperkings in Europa kan ’n ongunstige impak op pryse hê. Plaaslik kan die inperkings die produksie en verbruik van bokhaar beinvloed. Die energie- en besoedelingskwessie in China kan pryse ook benadeel. Pryse sal verder bepaal word deur die waarde van die Suid-Afrikaanse geldeenheid, asook die vraag wat tans…

Verskillende kundiges beskryf die drie beginsels van bewaringsboerdery só: ■ Gevorderde gewasrotasie vir natuurlike bemesting en die bestryding van plae, onkruid en siektes. ■ Minimale versteuring van die grond om die grondstruktuur, waterindringing en waterhouvermoë te verbeter. ■ ’n Permanente organiese deklaag op die grond om grondvog te bewaar en temperatuur op die grondoppervlak te verlaag. Dit lei tot aktiewer mikro-organismes. BRON: J.A. Strauss, P.A. Swanepoel, M.C. Laker en H.J. Smith. “Conservation agriculture in rainfed annual crop production in South Africa”. South African Journal of Plant and Soil.…

Die ontwikkeling van ’n genetiese ontleding vir die beraming van teelwaardes vir die Boerboel het dié ras se genetiese verbetering ’n aansienlike hupstoot gegee. Dié ontleding van die Suid-Afrikaanse Stamboek- en Diereverbeteringsvereniging is ’n hulpmiddel waarvolgens telers op ’n roetinegrondslag kan besluit of hul werpsels vir registrasie geneties meerderwaardig is of nie. Dr. Bernice Mostert (regs), ’n senior genetikus van SA Stamboek, sê telers kan só verseker dat die nuwe teelmateriaal wat hulle bekom, nie net voorkomsgewys beter is nie, maar ook geneties beter as die gemiddelde van hul eie stoetery. “Dit gaan ’n groot uitwerking hê op die tempo van genetiese verbetering van die ras.” Die Boerboel is die eerste honderas wat jaarliks geneties deur SA Stamboek ontleed word. Dit behels onder meer die bepaling van teelwaardes vir werpselgrootte…

MANGO-ATJAR ■ 60 ml olie ■ 2 uie, gekap ■ 2 rooi soetrissies, ontpit en in klein blokkies gesny ■ 15 ml wit mosterdsaadjies ■ 15 ml komynsaad ■ 5 ml gemaalde koljander ■ 5 ml gemengde speserye ■ 2 brandrissies, ontpit en gekap ■ 3 ryp maar ferm mango’s, geskil en grofgekap ■ 360 ml witasyn ■ 560 ml suiker ■ Sout en varsgemaalde swartpeper na smaak Verhit die olie en braai die uie, soetrissies, mosterd- en komynsaad, koljander, gemengde speserye en brandrissies stadig oor lae hitte tot die uie en soetrissies sag is. Voeg die mangostukkies, asyn en suiker by en roer, terwyl verhit word, tot die suiker opgelos is. Verhit tot kookpunt en prut stadig tot verdik en geurig. Geur na smaak en bottel warm. Lewer 2…

Wat was die sneller vir Gerugte van ’n ontvoering? My joernalistieke instinkte tree gewoonlik in wanneer ek begin dink aan moontlike temas vir ’n nuwe boek. Ontvoerings het omtrent ’n misdaadmodegier in Suid-Afrika geword en ek het besluit op so ’n ontvoering (of vermeende ontvoering), maar met ’n paar kinkels, sodat dit die kapstok kan word waaraan ek ander temas kan hang. Vertel meer van Ella Neser. Dit is nou al die negende boek waarin sy voorkom. Hoe het hierdie karakter ontstaan en het jy van die begin af geweet sy gaan ’n lang pad met jou stap? Wat maak haar so ’n suksesvolle karakter? Ella het haar eerste verskyning in Abel se ontwaking gemaak as ’n jong, naïewe moordspeurder wat aan die diep kant ingegooi word met haar eerste…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 7-8 MAART: Landbouweekblad se konferensie oor herlewingslandbou. Reitz. Navorsingsresultate van proefpersele in die somerreënstreek, die koste van herlewingslandbou en watter somme om te maak as boere na dié stelsel wil oorskakel. E-pos: events@landbou.com 10 MAART: Landbouweekblad se konferensie oor herlewingslandbou. Ottosdal. 15 MAART: Landbouweekblad se konferensie oor herlewingslandbou. Kaapstad. SKOUE 9-12 FEBRUARIE: Heidelberg. Sarah Koch, 083 476 7445; sarahs.val@gmail.com 11-12 FEBRUARIE: Victoria-Wes. Adri Gerber, 082 940 8231; Hanlerie Esterhuisen, 084 704 6077; vicweslandbou@gmail.com 16-20 FEBRUARIE: Riversdal. Betsie van Noordwyk, 072 015 9671 of 028 713 1215; riversdalskou@ gmail.com 24-26 FEBRUARIE: Williston. Klara Steenkamp, 060 580 7480 of 082 613 3137; willistonskou3@ gmail.com 3-5 MAART:…

ONLANGSE bottelnekke en prysstygings onderstreep die risiko’s wat met uitgestrekte globale voorsieningskettings gepaard gaan wat kwansuis rondom die beginsel van ekonomiese doeltreffendheid gebou is. ’n Verslag deur pres. Joe Biden van Amerika se administrasie erken dat dié benadering, wat doeltreffendheid en lae koste ten koste van sekuriteit, volhoubaarheid en veerkragtigheid geprioritiseer het, tot risiko’s in die hele ketting gelei het. Voorsieningskettings kan op twee belangrike maniere ’n ekonomie in gevaar stel, buiten sekuriteitsoorwegings. Hoe komplekser só ’n ketting, hoe groter die ekonomiese risiko’s. ’n Breuk in enige skakel kan die hele ketting raak en pryse die hoogte laat inskiet indien dit lei tot skielike tekorte van ’n nodige inset. Die ergste scenario is waar ’n tekort in een deel van die ketting domino-effekte veroorsaak, wat ander maatskappye laat misluk en…

Ongeduld. Dít is wat ek Suid-Afrika in 2022 toewens. Mag ons baie, baie ongeduldiger raak oor al die onverskoonbare geploeter, doelbewuste dwarsboming en ander loutere nonsens wat die land terughou, en begin werk maak van ons reuseprobleme. Die oplossing is voor die hand liggend. Net ekonomiese groei gaan ons red. Daar is eenvoudig te veel mense, verstedeliking en kompleksiteit in ons ekonomie vir enigiets anders. Vir die ekonomie om te groei, het ons wet en orde nodig. Reëls waarvolgens daar gewerk word. Sonder reëls kan die ekonomie nie groei nie. Skuins voor Kersfees ry ek Caledon toe met die N2. Weens covid-19 is dit die eerste keer in ’n hele paar maande dat ek die pad ry. Net anderkant Grabouw is ek skielik verbluf deur wat ek sien. Reg langs…

Ingevolge die Wet op Landbouprodukstandaarde (Wet 119 van 1990) het die minister van landbou, grondhervorming en landelike ontwikkeling beheer oor die verkoop van landbouprodukte, en kan die verkoop van ’n voorgeskrewe produk verbied word in ’n aantal omstandighede: (i) indien dit nie volgens die voorgeskrewe klas of graad verkoop word nie. (ii) indien dit nie voldoen aan die voorgeskrewe standaarde rakende die gehalte, klas of graad nie. (iii) indien dit nie voldoen aan voorgeskrewe vereistes wat betref verpakking, merk en etikettering nie. (iv) indien dit ’n verbode stof bevat of nie ’n voorgeskrewe stof bevat nie. (v) dit moet op die voorgeskrewe wyse of met die voorgeskrewe besonderhede verpak, gemerk en geëtiketteer word. Die departement het nie self die kapasiteit om deur inspeksies te bepaal of die wet nagekom word…

VERSKEPINGSKOSTE wat skerp gestyg het, dra daartoe by dat die koste van ingevoerde produkte styg, en is deels daarvoor verantwoordelik dat saaiboere met hul hande in die hare sit oor hoë produksiekoste. Terselfdertyd kan dit egter help om die verbruik van plaaslike produkte, soos soja-olie en soja-oliekoek, aan te moedig. Dr. Tracy Davids, bestuurder van kommoditeitsmarkte en vooruitskouing by die buro vir voedsel- en landboubeleid (BFAP), sê die verskepingskoste tussen Suid-Afrika en Argentinië is nou meer as dubbel soveel as in die middel van verlede jaar. Sy skryf die styging toe aan duurder ruolie, logistieke bottelnekke, vertragings en tekorte aan skeepshouers. Wat sojabone betref, behoort die plaaslike rekordoes en moontlik baie hoër parsvolumes die plaaslike prys van olie en oliekoek laer as invoerpariteit te hou en plaaslike verbruik aan te…

DIE direksie en bestuur van die landboumaatskappy Senwes besin oor die maatskappy se huidige dubbele aandeelhoudingstruktuur, en sal in die eerste helfte van vanjaar besluite oor die toekoms hiervan aan sy lede oordra. Senwes, wat op die ZAR-Xbeurs genoteer was, moes sy notering beëindig nadat die Gedragsowerheid vir die Finansiële Sektor ZAR-X se lisensievoorwaardes in Augustus 2021 opgeskort het. Sedertdien word Senwes se aandele oor die toonbank verhandel as ’n tussentydse maatreël. “Op lang termyn wil ons ’n meer verhandelbare omgewing skep. Dit is nie noodwendig dat dit net ’n genoteerde oplossing is nie,” het mnr. Francois Strydom, uitvoerende hoof van Senwes, gesê. Hy het gewys op die eiesoortige omstandighede wat die groep, as ’n landboumaatskappy, moet oorweeg. “Aan die een kant het landbou-ondernemings gewoonlik nie baie verhandelbare aandele nie.…

Dit is noodsaaklik vir die testateur om die regte en verpligtinge van die erfgename van beperkte regte te verstaan, aangesien dit die testateur sal help om te besluit watter tipe beperkte reg hy of sy in ’n testament wil aanwend. VRUGGEBRUIK Vruggebruik, oftewel usufruct, is een van die algemeenste persoonlike regte wat aan ’n persoon verleen word om die eiendom van ’n ander te gebruik en om die vrugte daarvan te geniet. Die vruggebruiker word nie die eienaar van die eiendom nie, maar kan die eiendom gebruik en geniet, en is verplig om die eiendom vir die blote eienaar (bare dominium-houer) te bewaar. Vruggebruik oor ’n plaaseiendom sluit gewoonlik vruggebruik van die vee, geboue, meubels en boerderytoerusting in. ’n Vruggebruik kan lewenslank wees, vir ’n sekere termyn, of tot ’n…

Die planttyd het goed begin vir produsente van sojabone en sonneblomme, sê mnr. Corné Louw, senior ekonoom van Graan SA. “Anders as in die vorige paar jaar was daar voor planttyd al in baie gebiede genoeg grondvog om met baie min reën te kon plant, en sommige boere het vroeg geplant. Die meeste het egter gewag vir die optimale planttyd.” Luidens ’n opname in Oktober deur die Oesskattingskomitee oor boere se plantvoornemens was die aanduiding dat daar met sojaboon-aanplantings ’n toename van sowat 12% of bykans 100 000 ha was vergeleke met die 827 100 ha van die vorige seisoen. In die geval van sonneblomsaad word die verwagte aanplantings geraam op 556 000 ha, 78 000 ha (16%) meer as die 478 000 ha van die vorige seisoen. Die eerste…

Boere in die Wes-Kaap het in 2021 tot 7 t/ha van die koringkultivar SST0166 geoes, maar hul teelprogram gaan voort om die beste vir die gebied te ontwikkel, sê mnre. Driecus Lesch en Wessel Germishuizen van Sensako/Syngenta. Lesch sê die nuwe kultivar, SST0187, waarvan ’n beperkte hoeveelheid saad in 2022 beskikbaar sal wees, het uitstekend gevaar in die nasionale kultivarproewe en Sensako se proewe in die Swartland en Rûens. Dit is ’n medium- tot lang groeier, soos SST0117, met hoë opbrengspotensiaal, goeie siekteweerstand en weerstand teen uitloop. ’n Nuwe lang groeier, SST0208, sal in 2024 beskikbaar wees. Die droëlandmoutgarskultivars Hessekwa, Elim en Kadie, en Overture en Genie vir die besproeiingsgebiede, is in dié stadium beskikbaar. Nuwe eksperimentele moutgarskultivars sal vanjaar in beperkte hoeveelhede beskikbaar wees, sê mnr. Daniel de Klerk,…

Vanjaar gaan ’n toetsjaar vir belangrike grond- en politieke kwessies wees. Dit lui onder meer die begin in van plaaslike koalisieregerings, die ANC se voorbereiding vir sy 55ste nasionale konferensie in Desember, asook die voorbereiding vir die algemene verkiesing in 2024. Die bestuur van die pandemie en die gepaardgaande ekonomiese opbou sal ook ’n groot deel van die politieke proses wees, voorspel prof. Dirk Kotze, hoof van die departement politieke wetenskap aan die Universiteit van Suid-Afrika. Hy meen die grootste politieke kwessie gaan verpligte inentings wees, en hoe dit in die samelewing op verskillende terreine gaan werk. “Dit het die potensiaal om baie polariserend te wees. Politieke partye, kerke, ondernemings en ander groeperings gaan hulself daarvolgens posisioneer, en dit kan baie problematies word.” Kotze sê dit sal belangrik wees om…

Die snywurms se skade was nogal sleg ná al die mooi van die vorige week se opwinding oor die makro-rooforganismes wat ons elke dag waarneem. Ek besef nou dat ons ongelukkig al so baie van ons rooforganismes uitgewis het dat dit ’n tydjie gaan duur voor alles weer in balans kom. My wurmuitbreking was eenvoudig te groot vir die min rooforganismes. Ons moes dus die chemikaliepad stap, wat nogal hartverskeurend was. Omdat wurms maar in jou gedagtes is, vra ’n mens so in die gesels vir ander boere: “Hoe lyk die snywurms daar by jou?” Die antwoord is in die meeste gevalle: “Hoekom vra jy? Ek weet nie. Ek het mos gespuit.” Is dit hoe ons moet redeneer? Spuit maar in elk geval? Dit is mos goedkoop. Dit werk. Voorkoming…

Is dit maklik om met honde te teel? Mense maak die fout om te dink dat ’n hondetelery so eenvoudig is as om ’n reun en ’n teef bymekaar te sit. Daar is baie meer aspekte wat in ag geneem moet word Watter aspek het die grootste impak op jou boerdery gehad? Diereaantekening. Die Suid-Afrikaanse Boerboeltelersvereniging bedryf ’n goeie stelsel saam met SA Stamboek. By geboorte word elke hondjie van ’n mikroskyfie voorsien en daarvolgens geregistreer. Het jy ’n mentor? My pa, John, was sekerlik die grootste invloed in my lewe. Wat die honde betref, wyle mnr. Kenny van der Merwe. Hoe bemark jy jou honde? Deur Facebook, WhatsApp en skoue.…

In die Woord van God staan daar in Ps. 126:5-6 geskryf: “Wie met trane saai, sal die oes met gejuig inbring. Al loop hy en huil terwyl hy die saaisak dra, kom hy juigend terug wanneer hy die gerwe dra.” Ek dink hierdie skrifgedeelte is baie pertinent vir ons boere in hierdie tye waarin ons leef, terwyl daar soveel hartseer, lyding en trane is oor wat die covid-19-pandemie aan ons doen. Saam met die afgelope tyd se plundering en brandstigting het ons met trane gesaai. Iemand het eendag vir my gesê: “Daardie trane is soos goeie saad en selfs al saai jy dit met trane, kan jy jou voorberei om ’n wonderlike oes in te samel.” Dit is nie nou die tyd om vals te wees wanneer dit by ons…

742 In November 2021 is 742 trekkers verkoop, wat 22% meer is as die 606 wat in November 2020 verkoop is. Vir die eerste 11 maande van 2021 (die jongste beskikbare data teen druktyd) was trekkerverkope 25% meer as die vorige jaar. Daar is agt stropers in November verkoop, teenoor vier die vorige jaar. Tot einde November 2021 is 250 stropers verkoop, teenoor 182 in 2020. Na verwagting sou trekkerverkope 25% hoër wees in 2021 as 2020. — SA Landboumasjinerie-assosiasie 5,5% Die inflasiekoers vir voedsel en nie-alkoholiese drankies was in November (die jongste beskikbare data teen druktyd) 5,5%, wat op ’n jaargrondslag gelykstaande was aan die verbruikserprysindeks vir daardie maand. Voedselprysinflasie was 6%. Olies en vette se koers was 21%, vleis 8,5%, en melk, eiers en kaas 5,4%. Alkoholiese drankies…

Water is nie net noodsaaklik vir lewe nie, maar ook regstreeks verantwoordelik vir ekonomiese en maatskaplike ontwikkeling. Suid-Afrika lê ongelukkig in ’n droogtegordel met gemiddelde jaarlikse reënval van net 460 mm, wat die land die 30ste droogste land ter wêreld maak. Van die oostelike dele van die land neem reënval weswaarts af tot op die vlak waar 21% van die land minder as 200 mm per jaar kry. Hoë temperature veroorsaak ook dat die potensiale verdampingsverliese die reënval ruim oorskry (1 100 mm tot 3 000 mm per jaar). Al wat kan help, is goeie bestuur. Suid-Afrika se watersituasie is benard. Dit is waarom kundiges die regering al dekades lank waarsku dat die land teen 2025 te min water gaan hê om in al die behoeftes te voorsien. Hoewel afloopwater…

’N KENNISGEWING oor inspeksietariewe vir die graanen oliesadebedryf wat Leaf Services verlede jaar in die Staatskoerant afgekondig het, is tersyde gestel deur ’n appèlraad van die departement van landbou, grondhervorming en landelike ontwikkeling. Leaf Services is ’n gevolmagtigde instelling wat in 2016 deur die departement aangestel is om inspeksiedienste te doen ingevolge die Wet op Landbouprodukstandaarde (Wet 119 van 1990). Die inspeksiedienste was uit die staanspoor omstrede, en talle belanghebbendes het reeds Leaf Services se aanstelling en die vasstelling van sy tariewe in die hof betwis. (Sien die K ASSIE hiernaas.) Ingevolge kennisgewing 382, wat op 25 Junie 2021 in die Staatskoerant afgekondig is, het Leaf Services bekend gemaak dat inspeksietariewe van R1,80/t vir onverwerkte graan en oliesade, en 2c per brood, vanaf 12 Julie 2021 sou geld. Met die…

1 ANGOLA| Droewe vooruitsigte vir 2022 Weervooruitsigte vir die huidige saaiseisoen toon ’n groot waarskynlikheid vir ondergemiddelde reënval in Angola se sentrale graanproduserende provinsies en in die suide, wat twee droë landbouseisoene agtereenvolgens en lae opbrengste beleef het. Ondanks reën in Oktober en vroeg in November is grondvogvlakke laag. Boonop is saadbeskikbaarheid laag, luidens die Voedsel-en-landbouorganisasie van die Verenigde Nasies. – CAJ News 2 KONGO | Moerasgrond bedreig Omgewingsaktiviste is bekommerd dat die einde van ’n moratorium op houtkappery in die turfmoeras in die Kongo-kom dié grond onherstelbaar kan beskadig, en die Demokratiese Republiek van die Kongo (DRK) se deel van die tweede grootste reënwoud ter wêreld kan bedreig. Ondanks die moratorium gaan ontbossing vir landbou én houtkappery onverpoos voort, maar daar was darem beter beskerming vir bestaande…

Wyn in ’n aluminiumkannetjie? Ja, inderdaad. ’n Boek, The winemaker’s guide to wine in a can, is pas deur Winetech, die Suid-Afrikaanse wynbedryforganisasie, bekend gestel. Die skrywer is dr. Carien Coetzee, wat ’n doktorsgraad in wynkunde aan die Universiteit Stellenbosch (US) verwerf het. Haar studie was gerig op basiese wynmaaktegnieke en veral op die gehalte en aromasamestelling daarvan, asook die veroudering van wyn. Sy bedryf tans haar eie wynkonsultantonderneming, Basic Wine. Die boek, wat op ’n tegniese seminaar van die Sauvignon Blanc-vereniging van Suid-Afrika bekend gestel is, bestaan uit twee dele. Die eerste deel gee ’n holistiese oorsig van wynverpakking in aluminium, en die tweede deel handel oor tegniese aspekte oor wyn wat in aluminiumkannetjies versprei word. Wyn wat in sulke aluminiumkannetjies versprei word, het internasionaal al heelwat veld gewen.…

BRAD O’NEILL Mnr. Brad O’Neill boer met suikerriet by Richmond en was verlede jaar Kwanalu se Jongboer van die Jaar. Hy is by die georganiseerde landbou betrokke en is lid van Kwanalu en die Richmond-brandbeskermingsvereniging, en dien ook in die komitee van die Richmond-landbouvereniging en die Middelland-Suid se suikerrietplaag-en-siektekomitee. Wat het die afgelope jare jou aanslag verander? Die baie moeilike ekonomiese toestande en onstabiele wêreldwye suikerprys, tesame met die ongunstige weerafwykings die afgelope jare, soos droogte, ryp, hael, swaar reënval en sneeu, het my gedwing om sekere veranderinge aan my benadering te maak. Volhoubaarheid is ’n sleutelpunt, met minder meganiese bewerking, langer braaktydperk en groenbemesting. Jaar twee van covid-19 . . . Wat het jy anders aangepak? Die onsekerheid wat uit die covid-19-pandemie voortgespruit het, was die moeilikste tydens die…

Dieselfde makrofaktore wat die braaihoenderbedryf in 2021 onder druk geplaashet,saldalk vanjaar ook ’n rol speel. Mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), sê in 2021 was die pryse van voergrondstowwe relatief tot die hoendervleisprys baie ongunstig vir die bedryf. “Grondstofpryse het verhoog, terwyl ons nie ’n groot verhoging in vleispryse gesien het nie.” Die GRAFIEK wys die veranderinge in die verhoudings tussen die hoendervleisprys en die mielie- en sojaboonpryse. Hoë voerpryse is aangedryf deur die hoë wêreldvraag na grondstowwe. “Hoewel dit van Januarie tot Mei effe verbeter het, het dit nie genoeg verligting vir die bedryf gebring om te gedy nie.” Die swak rand het ’n invloed op grondstofpryse én invoer, en sal albei vanjaar na verwagting duurder maak. VOËLGRIEP Breitenbach sê in die eerste…

Herhaalde verbiedinge op die handel van drank, vertragings en stilstande by hawens, ’n flou plaaslike vraag asook ’n groot oordragvoorraad, terwyl die volgende bogemiddelde oes reeds in die wingerd hang. Dít is maar net sommige van die kwessies wat die Suid-Afrikaanse wynbedryf sedert die begin van die covid-19-pandemie die hoof moes bied – en die einde van die pandemie is nog nie in sig nie. Ondanks ál dié struikelblokke tel die bedryf stadig kop op en probeer hy homself uit die verknorsing kry. Mnr. Rico Basson, bestuurshoof van Vinpro, sê ondanks die terugslae wat covid-19 oor die afgelope twee jaar meegebring het, is die wyn- en brandewynbedryf oorgehaal om in 2022 nie net terug te keer na waar dit voor die pandemie was nie, maar vorentoe te beweeg en sy…

Die covid-19-pandemie saam met beleidonsekerheid en droogtetoestande het Suid-Afrika se wildbedryf die afgelope twee jaar tot ’n laagtepunt gedwing, sê mnr. Richard York, uitvoerende hoof van Wildbedryf SA (WRSA). York skryf die wildbedryf se laagtepunt in 2019 toe aan baie spekulatiewe “wildboere” wat aan die mark onttrek het toe die droogte en onsekerheid oor die regering se grondbeleid tref en ’n ooraanbod van wild veroorsaak het. Pryse vir lewende wild het intussen verstewig. York sê statistieke van African Wildlife Auctioneers (AWA) dui daarop dat gewone wild, soos rooibokke, blesbokke en koedoes, nou dubbel die pryse behaal wat in 2019 daarvoor betaal is. “Daar is nou definitief ’n onderaanbod van wild en dit jaag pryse weer effe op,” sê York. Koedoekoeie het in 2019 byvoorbeeld gemiddeld R4 450 behaal, maar die…

VERSPREI ORGANIESE KUNSMIS BETER MET DIÉ WERKTUIG-KOMBINASIE Die Heliodor-skotteleg van Lemken word binnekort met ’n presisie-misstrooier gekombineer. Van Maart 2022 af sal die Lemken Heliodor met ’n voorbereidingstelsel toegerus word wat dit moontlik maak om ’n Vogelsang DosiMat DMX-presisie-misstrooier bo-op die eg te heg. Die kombinasie van twee bewese werktuie is ideaal vir die presiese en lae-verliesverspreiding van organiese kunsmis, wat dan deur die eg in die grond ingewerk word. Die Heliodor bied ’n goeie basis vir die toediening aangesien dit kompak en laag is en dus min bykomende druk op die trekker se optel- en trekvermoë plaas. Die DosiMat DMX is bekend om sy doeltreffende dwars- en lengteverspreiding wat konsekwent gehandhaaf word, selfs teen uiters lae en hoë toedieningskoerse. Die manier waarop die twee werktuie saamwerk, is eenvoudig: Mis…

In die 2020-’21-groeiseisoen was bakteriese blaarstreep ’n probleem in die distrik Wakkerstroom, Mpumalanga, nadat dit vir ’n paar jaar “verdwyn” het, sê prof. Bradley Flett van LNR-Graangewasse op Potchefstroom. Mnr. Ghini Greyling het dit daar opgemerk. Nou blyk dit dié mielieblaarsiekte steek ook kop uit by Dundee in KwaZulu-Natal. “Aanvanklik was bakteriese blaarstreep vir ’n paar seisoene ’n probleem in Noordwes en die Noord-Vrystaat, maar dit het later vir ’n paar jaar heeltemal ‘verdwyn’. Dit kan toegeskryf word aan klimaatsveranderinge oor seisoene,” sê Flett. “Die voorkoms daarvan op saailinge by Dundee is ongewoon en dui daarop dat die siekte moontlik ook saadgedraag kan wees.” Mnr. Pieter Bruwer, landboukundige by Langfontein Seeds (Oostelike Hoëveld en Noord-KwaZulu-Natal), monitor en karteer tans die simptome van bakteriese blaarstreep by verskillende mieliekultivars. Patologiepersoneel van die…

Destyds, toe sy uit Krugersdorp waar sy in die polisiediens gewerk het, by haar vriendin op Hoedspruit gaan kuier het, het Retha Redelinghuys net die veselrige Sabre-mango geken. “Ons het dit krimpvarkies genoem,” onthou sy. Min het sy toe besef dat sy eendag haar eie mango-ensitrusboerdery in die omgewing gaan bedryf. “My man, Christo, het die plaas in 1981 gekoop en sowat drie jaar hier geboer voor ons getroud is. Destyds het Christo en sy broer saadmielies geproduseer, maar mettertyd oorgeskakel na ’n vrugteboerdery wat 105 ha sitrus – van lemoene tot suurlemoene, pomelo’s en sagtesitrus – en 75 ha mango’s produseer,” vertel Retha, wat al die jare aan Christo se sy op die plaas gewerk het. Sy het veral haar staal getoon met logistiek en om te sorg dat…

In die TABEL is ’n opsomming van grondtransaksies groter as 10 ha in die Vrystaat vir die 12 maande tot November 2021. Die pryse van die meeste distrikte in dié provinsie is stabiel en toon nie veel verandering nie. Altesame 63% distrikte toon gunstige prysneigings. In die betrokke tydperk is 673 ooreenkomste in 41 distrikte gesluit. In die proses is 296 506 ha teen R3,334 miljard verhandel. Pryse by Bothaville (-13,9%) en Parys (-16,2%) het met meer as 10% gedaal. By Bultfontein (11,2%), Edenburg (21,9%), Jacobsdal (11,4%) en Odendaalsrus (17,5%) het die pryse met meer as 10% gestyg. Ten opsigte van plaasgrootte, lyk die verhandelings soos volg (met verlede jaar se syfer tussen hakies): kleiner as 50 ha, 9% (10%); 50-150 ha, 15% (15%); 150-300 ha, 23% (26%); 300-450 ha,…

TULI RAS BELEEF REKORDJAAR Veilingpryse in 2021 was die hoogste in die 22ste bestaansjaar van die Tulibeestelersgenootskap. Mnr. Charl van Rooyen, rasadviseur van die genootskap, skryf dit toe aan die toenemende gewaarwording onder telers dat produksiekoste uiters belangrik in die beesboerdery is. “Vandaar die groot belangstelling in die Tuli as die winsgewende veldbees.” Die vraag na vroulike Tuli-beeste is baie groot en dit is moeilik om in die vraag te voorsien. Enkele van die Tuli-veilings het die vraag na die ras duidelik getoon. Die duurste bul op die produksieveiling van die Rautenbach-broers, Albie en Cornelis van Reitz, is vir R170 000 verkoop. Bulle het gemiddeld R82 400 behaal. Die gemiddelde prys vir kommersiële bulle was R73 000. Op die Tip Tree-veiling op Makhanda het die duurste bul R130 500 behaal,…