Innholdsfortegnelse for 14 Oct 2021 i Landbouweekblad

VOORUITSIGTE VIR GROEI IS ONREALISTIES Die ekonomiese groeivooruitsigte vir vanjaar van 5% en hoër wat vanweë verskeie optimistiese redes deur ekonomiese kommentators aangevoer word, is nie realisties nie. Die eerste belangrike rede is die feit dat verskeie finansiële batebestuurders en ekonome die groeikoers vir die tweede kwartaal met die eerste kwartaal vanjaar vergelyk, wat volgens Statistieke SA 1,2% beloop het. Hulle annualiseer dan steeds die kwartaallikse groeikoers tot ’n jaarkoers van 4,8% omdat hulle aanvaar die oorblywende twee kwartale sal dieselfde verloop as die tweede kwartaal hê, wat nie korrek nie en onrealisties is. Die “jaarkoers” wat só bereken word, is geensins ’n aanduiding wat die verwagte groeikoers vir 2021 kan wees nie. Statistieke SA het hierdie kwartaal vir die eerste keer besluit om nie meer die kwartaallikse groeikoerse te…

TWK INVESTMENTS was op 30 September die eerste maatskappy wat op die hernoemde Kaapstadse Aandelebeurs (CTSE), voorheen bekend as 4 Africa Exchange (4AX), genoteer het. Met 38 951 986 gewone aandele wat teen R35/aandeel genoteer is, is TWK se markkapitalisasie byna R1,4 miljard. Mnr. André Myburgh (regs), uitvoerende hoof van TWK, het aan die einde van die eerste dag gesê die aandeel het ’n nuwe hoogtepunt van R35,50/aandeel behaal – hoër as die hoogste prys wat op die ZAR X-beurs behaal is. Myburgh, wat baie opgewonde is oor die nuwe notering en gepaardgaande geleenthede, sê dit het saamgeval met die bekendstelling van CTSE se nuwe naam en is deur verskeie hoëlui bygewoon. NUWE GELEENTHEDE TWK, wat ondernemings in die landbou-, graan-, finansiële dienste- en motorbedryf en bedrywighede in verskeie provinsies…

1 NIGERIË| Wurms vreet mielieplanne op Die Nigeriese sentrale bank se plan om ’n stokkie te steek voor die jaarlikse invoer van 4 miljoen ton mielies is in die gedrang. Dit is omdat herfskommandowurms boere tot 80% van hul aanplantings kos. Plaaslike mieliepryse is tans 45% hoër as die internasionale prys weens tekorte. Die land het die afgelope drie jaar sy mielieproduksie verhoog van 11 miljoen ton tot 20 miljoen ton, en die bank se goewerneur het aangedui dat die mikpunt vir aanplantings sal verhoog van 250 000 ha tot 500 000 ha om die land meer selfvoorsienend te maak. — New Telegraph 2 GHANA Neutboere bly agter Te midde van ’n reusevraag na kasjoeneute wêreldwyd kan Ghana, wat jaarliks sowat 85 000 ton produseer, veel meer hierby…

INTERNASIONAAL: Die Chicagoprys het met 2,3% tot $210,54/t (R3 162/t) gestyg. Op ’n jaargrondslag is dit 42,8% hoër. Verwagte pryse: Des. – $213,38/t (R3 205/t), Maart – R216,68/t (R3 254/t), Mei – $218,57/t (R3 283/t), Julie – $218,57/t (R3 283/t). PLAASLIK: Die Safexprys van witmielies het met 3% tot R3 268/t teenoor die vorige week gestyg. Die prys van geelmielies het met 3,9% tot R3 450/t gestyg. Op ’n jaargrondslag is witmielies 4,6%, of R159/t, goedkoper, terwyl geelmielies 4,2%, of R139/t, goedkoper is. Verwagte witmieliepryse: Maart – R3 319/t, Mei – R3 218/t, Julie – R3 225/t. Verwagte geelmieliepryse: Maart – R3 476/t, Mei – R3 320/t, Julie – R3 344/t. INTERNASIONAAL: Die Chicagoprys het met 2,3%, of $5,99/t (R89,97/t), tot $263,66/t (R3 960/t) teenoor die vorige week gestyg. Op…

SA Stamboek stel binnekort die eerste kleinveeprogram vir die seleksie van Merino’s bekend. Die Merino is die eerste kleinveeras wat dié ontwikkeling volg sedert die vleisbeesrasse. Die Bonsmara, Beefmaster en Drakensberger gebruik die afgelope drie jaar van dié tegnologie. Onlangs het die Hugenoot ook by hulle aangesluit. Die drie vernaamste melkrasse, die Jersey, Holstein en Ayrshire, ontvang ook al geruime tyd genetiese teelwaardes vir seleksiedoeleindes. Dié nuus is op SA Stamboek se onlangse virtuele teeltsimposium bekend gemaak. Dr. Japie van der Westhuizen, hoofbestuurder van SA Stamboek, sê die Suid-Afrikaanse veebedryf is in ’n sekere mate nog navolgers van buitelandse navorsingsontwikkeling. “Telers moet kennis neem dat moderne tegnieke en die vooruitgang in die wetenskap wel tot hul beskikking is, ten spyte daarvan dat minder hulpbronne plaaslik vir navorsing beskikbaar is.” Die…

Private en kommunale grondeienaars sal vrywillig kan deelneem aan die proses om grond as deel van die park te verklaar. Hulle behou eienaarskap en regte tot die grond. Sanparke en sy vennote sal met grondeienaars saamwerk om biodiversiteit op die eiendom te help beskerm. Die proses sal individueel voltooi word met elke grondeienaar. Grondeienaars gee toestemming in ’n geskrewe dokument wat hulle en Sanparke onderteken. Daarna word ’n bestuursooreenkoms tussen Sanparke en die grondeienaar aangegaan waar die onderskeie rolle uiteengesit word. Die betrokke eiendom word verklaar as deel van die nasionale park. Sanparke sal voorts optree as die besturende gesag van die betrokke eiendom. Die geskrewe ooreenkoms word aangeteken en geregistreer teen die titelakte van die eiendom, en die bestuursooreenkoms tree in werking. Grondeienaars en grondreghouers sal steeds ’n inkomste…

Twee Vrystaatse beesboere is die finaliste vir die gesogte Molatek-Landbouweekblad- Breedplan Suider-Afrikaanse Stoetteler van die Jaar-kompetisie waarvan die wenner op die LRF-Veeskool aangewys word. Die finaliste is mnre. Riaan Theron van RAT Brahmane, Koppies, en Willem Botha van Tendele Simmentalers, Senekal. Wenners van ander veeboerkompetisies sal ook bekroon word wanneer die LRF-Veeskool van 13 tot 15 Oktober by Aldam naby Ventersburg en ook aanlyn aangebied word. WILLEM BOTHA Mnr. Willem Botha neem vanjaar vir die eerste keer aan die Stoetteler van die Jaar-kompetisie deel. Hy en sy broer, Hendrik, het van 1998 tot 2008 saam geboer. Toe is die boerdery verdeel sodat elkeen nou op sy eie boer. Willem se boerdery bestaan uit die Simmentaler-stoetery Tendele en ’n kommersiële boerdery met Simmentaler-kruisbeeste, asook ’n saaiboerdery met mielies en sonneblomme. Willem…

Van wie leer jy die meeste? Beslis van my pa, mnr. Michie Visser. Ek is hom ewig dankbaar dat hy sy meisiekind maar verdra en geleer het. In my werk as landbou-ekoloog kan ek prof. Johnny van den Berg uitsonder. My praktiese leermeesters was beslis mnre. Frank van den Heever en Randolf Meyer. Wat is die slimste ding wat jy in die boerdery gedoen het? Om saam met die natuur te begin boer en nie net hoofstroomidees slaafs na te volg nie. Probeer om elke keer iets te doen wat jou grond vrugbaarder sal maak. Wat is die domste ding wat jy al in die boerdery gedoen het? Om nie vooropkoms-onkruid te bestuur nie. Die gereedskap het meer gediversifiseerd geraak en maak nie net staat op chemiese middels nie. Die…

■ Prins Albert: Renu-Karookwekery (Sue Milton-Dean) ■ Tulbagh: Intaba Environmental Services (Johann van Biljon) ■ Stellenbosch: Envirowise (Lynda Muller) ■ Worcester: Landcare Field Reserve & Nursery; Karoo Botaniese Tuin ■ Weskus: Vula Environmental Services; Veld & Fynbos-kwekery ■ Overberg: Green Futures-kwekery; ZWUA Genadendal-kwekery (Lana du Toit) ■ Skiereiland: Cape Ecological Services, Good Hope Gardens-kwekery, Cape Flats-fynboskwekery, Urban Landscape Solutions.…

In ’n vorige gesels het ons daarop gewys dat die aftakeling van ’n kerk nie net van buite af geskied nie, maar die droewigste vorm van aftakeling kom van binne af deur selfvernietiging. Dit is verseker nie ’n aangename onderwerp om oor te skryf nie. Tog is dit noodsaaklik. Net vanoggend sit ’n afgetrede boer van Caledon en ek oor ’n koppie tee en gesels. Hy sê toe vir ’n saaiboer is dit nie net ’n geval van goeie saad in die grond inwerk en dan hoop vir die beste nie. Onkruidbestryding het belangrik geword as jy enigsins ’n goeie oes verlang. Dit is toe dat ek opnuut besef die onkruid tussen mense is selfvernietiging. Asof dit só gereël is, val my oog op die koerant wat langs my lê.…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 14-16 OKTOBER: TLU SA Kragdag, aangebied met die samewerking van Sakeliga. Diamantvalleilandgoed, 20 km oos van Pretoria.E-pos: sentraal@tlu.co.za, web: www.kragdag.co.za KONFERENSIES 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. 18-19 OKTOBER: AFMA-simposium, virtueel. Tema: Omarming van die ‘Nuwe Normaal’. Registreer: www.afmasymposium.co.za 28-29 OKTOBER: Vierde Nywerheidsrevolusie Agritech-konferensie, Protea-hotel, Stellenbosch, asook aanlyn. Mathema-konferensies en opleiding. Tel. 011 862 4001, e-pos: info@mathematraining.co.za SKOUE 14-16 OKTOBER: Villiersdorpskou. Edu Roux, 082 922 1123; Johannie Barnard, 083 312 1476; e-pos: skoongesig@breede.co.za 14-16 OKTOBER: Prins Albertskou. Madri Rossouw, 083…

INTERNASIONALE voedselpryse was in September amper 33% hoër as ’n jaar vantevore, en het sedert Julie met 3% gestyg tot vlakke wat nog nie sedert 2011 ervaar is nie. In Augustus was kospryse volgens die voedselprysindeks van die Verenigde Nasies (VN) se voedsel-en-landbouorganisasie hoër as in 2011, toe opstande oor kos bygedra het tot regeringsveranderinge in Libië en Egipte. Gegrond op reële prysstygings is dit tans moeiliker om kos op die internasionale mark te koop as byna elke jaar sedert die VN se rekordhouding hieroor in 1961 begin het. Die enigste uitsonderings was 1974 en 1975, toe 1973 se rekordhoë olieprys tot snelle inflasie in talle ekonomieë gelei het. Tans dra brandstofpryse, ongunstige weerstoestande en covid-19 by tot voedselpryse van geskiedkundige hoogtepunte. Die reële gemiddelde voedselprys het sedert 2000 begin…

86 000 In die tweede kwartaal het indiensneming met 86 000 poste of 0,9% gedaal teenoor die eerste kwartaal, van 9,652 miljoen tot 9,566 miljoen. Daar was 60 000 (0,6%) meer mense in diens in Junie 2021 as in Junie 2020. Heeltydse indiensneming was in Junie 27 000 of 0,3% laer as in Maart, en 17 000 (0,2%) laer as in Junie 2020. Deeltydse indiensneming het met 59 000 afgeneem van die eerste na die tweede kwartaal. - StatsSA 1 340 Brandbestryders van Werk met Vuur het sedert April op meer as 1 340 veldbrande gereageer en die totale brandoppervlakte in dié brande tot net minder as 400 000 ha beperk. Die projek het byna 5 000 brandbestryders in 200 basisse reg oor Suid-Afrika. Sowat 100 brandbestryders en nege bestuurders…

DIE vrywillige heffings waarmee die wintergraanbedryf in Oktober 2020 begin het, het tot 31 Augustus vanjaar meer as R26 miljoen ingesamel om noodsaaklike dienste mee te finansier. Bedryfsleiers glo daar sal suksesvol daarop voortgebou kan word. Die georganiseerde landbou moes verlede jaar met die vrywillige hefffing ingryp toe die Nasionale Landboubemarkingsraad nie die bedryf se aansoek om die voortsetting van die statutêre heffings met sekere voorwaardes betyds wou aanbeveel nie. ’n Alternatiewe stelsel moes vinnig ingestel word om belangrike instellings en dienste, soos die graanlaboratorium, die graaninligtingsdiens en verskeie navorsingsprojekte, te bly finansier. Mnr. Leon du Plessis, administrateur vir die trust wat bekend staan as die Suid-Afrikaanse wintergraan-bedryfstrust (SAWCIT), het op ’n virtuele vergadering van die koringforum gesê met die seisoen wat op 30 September geëindig het, is heffingsgeld steeds…

BOERE in die Swartland, wat vanweë probleme met opberging vanjaar nie kon gars aanplant nie, sal teen 15 Oktober hoor of hulle in 2022 kan aanplant. Mnr. Gert Claassen, die Swartland se verteenwoordiger op Graan SA se garswerkgroep, het op ’n Graan SA-vergadering op Moorreesburg gesê vergaderings wat verteenwoordigers van boere in die Swartland en Suid-Kaap in September met landboukundiges en kopers van AB InBev gehou het, het goed afgeloop, al het daar nie konkrete ondernemings na vore gekom nie. “Daar is niks op die tafel nie, geen kontrak nie. Ek sal boere nie aanraai om die geveg op hul eie aan te pak nie, maar ek is taamlik optimisties dat ons volgende jaar sal kan aanplant.” Gars bied nuwe moontlikhede vir wisselbou en onkruidbestryding aan graanboere in die Swartland,…

GRONDHERVORMING en die grondkwessie kry groot aandag in die ANC én die EFF se manifeste vir 1 November se plaaslike verkiesing. Grondgebruike en hervorming is egter onderskeidelik ’n nasionale en provinsiale bevoegdheid en hoort nie op munisipale regeringsvlak nie. “Die ANC én EFF vermeng nasionale en plaaslike funksies en behoeftes in hul manifeste,” sê mnr. Theo Venter, ’n politieke en beleidspesialis. “Die grootste enkele behoefte is dienslewering en daarin word behuising vervat, nie grondhervorming nie.” Boonop is die kundigheid hiervoor nie beskikbaar nie en die finansiële vermoë ontbreek, sê hy. Die DA maak geen melding van grondhervorming in sy verkiesingsmanifes nie. Pres. Cyril Ramaphosa het met die bekendstelling van die ANC se manifes gesê kiesers sal nie beboet word vir sypaadjiekostuine nie. Dit ná die onlangse herrie toe mnr. Djo…

MET die bekendstelling van SA PALS in Mpumalanga op 21 Oktober by die Mbombela-stadion in Mbombela, begin sinvolle landbou-ontwikkeling in die provinsie stoom optel. Dié projek is in 2015 deur boere in die Ceres-distrik in die Wes-Kaap begin. Met ’n trotse prestasierekord van hoogs suksesvolle grondhervormingsprojekte landwyd, skep dit voortdurend (en met groot welslae) die vereiste toestande om sy innoverende, vennootskapgebaseerde model vir grondhervorming tussen kommersiële boere en swart opkomende produsente doeltreffend te vestig. Van die sprekers is mnr. Jannie de Villiers, voormalige uitvoerende hoof van Graan SA, mnr. Jeremia Mathebula van Amersfoort, voormalige swart Graanboer van die Jaar, mnr. Pierre Vercueil, voorsitter van Agri SA, en dr. Reuel Khoza, bekende sakeman en avokadoprodusent. Besoek bit.ly/3orDTWd om te bespreek of kontak events@landbou.com vir meer inligting.…

Suid-Afrika het die afgelope vyf jaar ’n oplewing in amandelproduksie beleef danksy ’n goeie vraag na dié neut deur gesondheidsbewuste mense. Baie van die amandelbome wat in die 1980’s hier aangeplant is, moes plek maak vir winsgewender gewasse. Tans produseer Suid-Afrikaanse kwekers 200-300 ton amandels per jaar. Nagenoeg 3 000 ton word ingevoer. Die meeste van die ingevoerde amandels is reeds gedop. Verwerking word dus in die buiteland gedoen, maar die opening van ’n amandelverwerkingsaanleg op Robertson het bygedra tot ’n oplewing in produksie in die Breederivier- en Olifantsriviervallei, asook in die Klein-Karoo. Suid-Afrika kan puik amandels goedkoper as Amerika produseer, vanwaar die meeste neute tans ingevoer word. Een van die boerderye wat reeds vanaf 1974 amandels kweek, Amanteco Amandels van die plaas Addersfontein op Montagu, is vandag waarskynlik die…

Een van die aspekte wat mense van diere onderskei, is ons vermoë om uit die verhale en foute van ander te leer. Partykeer twyfel ek egter oor ons vermoë om te leer uit ons eie foute. Maar hopelik help die stories in die leerproses. ’n Kollega vertel van kliënte wat nagenoeg 15 jaar lank na ’n tante omgesien het. Hulle het verwag dat haar klein boedel eendag na hulle sou gaan. Groot was die verrassing toe dit aan haar broer in Londen bemaak is, wat nooit moeite met haar gemaak het nie. Baie mense het verwagtinge oor wat hulle gaan erf. Die werklikheid verskil egter heeltemal. Weens swak aftreebeplanning en die lewensverwagting wat deurlopend toeneem, is die boedels van ouers in die algemeen baie kleiner as 20 jaar gelede. Trouens,…

Vrystaat Landbou bied brandstof vir die vervoer van geskenkte veevoer aan afgebrande en droogtegeteisterde gebiede, op sekere voorwaardes. Die aansoeker moet ’n e-pos of WhatsAppboodskap stuur aan mnr. Jack Armour by 071 672 0271 of jack@vslandbou. co.za, of me. Elize Spence by 072 567 5629 of elize@vslandbou.co.za. Die versoek moet die volgende inligting bevat: ■ Tipe voer (krag- of ruvoer) met beskrywing van die soort en grootte bale, hoeveelheid voer, kilometers wat afgelê moet word vir ’n leë en vol vrag, brandstof verbruik vir ’n leë en vol vrag, en geskatte liters brandstof wat geëis gaan word. ■ Die versoek moet eers goedgekeur word voordat iemand vertrek om veevoer op te laai omdat faktore, soos kritieke situasies, afstand en tipe voer, eers oorweeg moet word en ’n aflaaipunt en skakelpersoon…

DRA TOU SAAM IN NUTTIGE HOUER Tou so dun soos skoenrieme is deesdae sterk genoeg om lugballonne te anker. Dit is behandel om wind en weer baie lank te kan trotseer. Stappers, bergklimmers en ander avonturiers vertrou hierdie dun tou al geruime tyd met hul lewe, en nou maak ’n nuwe touhouer dit ook bruikbaar vir mense met harder eelte aan hul hande. Dink aan ’n groot tandevloshouer wat 15 m tou met ’n breeksterkte van 149 kg kan hou. Boonop het die houer van dié sewedraadvalskermtou ’n ingeboude snylem as jy dalk net ’n stukkie tou êrens nodig kry. Die TRD-touhouer is klein genoeg om soos ’n maatband op jou heup te dra wanneer jy die dag met tou gaan werk. Dit kan met nuwe tou gelaai word wanneer…

MALVALEKKERS MET GEROOSTERDE KLAPPER Toe ek klein was, het ons daardie papsagte klapper-malvalekkers wat jy in die winkel koop, “oumawange” genoem. Hierdie weergawe is so lig soos ’n veer, met ’n delikate vanieljegeur, en laat my eerder aan wolke as aan wange dink. ■ 40 ml (25 g) gelatien ■ 200 ml water ■ 2 ekstragroot eierwitte ■ 500 ml strooisuiker ■ 5 ml vanieljegeursel ■ 1 ml amandelgeursel of rooswater (opsioneel) ■ 250 ml fyn klapper, gerooster Bespuit ’n vlak bak van ongeveer 30 cm x 20 cm met kleefwerende kossproei. Sprinkel die gelatien oor die water in ’n groot maatbeker en laat staan tot gespons. Smelt in die mikrogolf tot die mengsel helder en glad is, maar wees versigtig om nie die mengsel te laat kook nie. Giet…

Suid-Afrika het met vanjaar se Standard Bank Chenin Blanc Toptien-kompetisie die internasionale standaard vir die kultivar gestel. Só meen mnr. James Pietersen, voorsitter van die paneel beoordelaars. Danksy die gesonde mededinging onder plaaslike wynmakers is die land volgens hom steeds die voorste bron van die opwindendste en heerlikste weergawes van dié druifsoort. “Hoewel die kategorie floreer, het dit nie ’n gees van selfgenoegsaamheid in die hand gewerk nie. “Dit het duidelik geblyk uit vanjaar se 138 inskrywings, die toenemende getal areas waarin Chenin blanc aangeplant word, die groter benutting van dopkontak, meer natuurlike gisting en die gebruik van ’n groter verskeidenheid gistingsen verouderingshouers, van amforas tot ouer en groter vate – van beton-‘eiers’ tot tenks.” ‘Stellenrust het reeds agt keer onder die wenners getel en DeMorgenzon sewe keer.’ Pietersen sê…

AFKORTINGS: MP = Mpumalanga; G = Gauteng; L = Limpopo; NW = Noordwes; VS = Vrystaat; KZN = KwaZulu-Natal; OK = Oos-Kaap; WK = Wes-Kaap; NK = Noord-Kaap RUVASA GOEIE REËNSEISOEN VEROORSAAK BAIE VEESIEKTES VOORSPELLINGS vir ’n goeie reënseisoen vir Suider-Afrika is goeie nuus vir vee- en wildboere, maar reën laat nie net die weiding groei nie. Dit laat ook baie insekte uitbroei wat siektes en plae veroorsaak. Na aanleiding van veesiektes wat in Augustus by dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), aangemeld is, beklemtoon hy dat reën ideale omgewingstoestande skep vir die voorkoms van muggies, muskiete en bytende vlieë, asook bosluise en inwendige parasiete. Talle dodelike siekes word deur hierdie insekte en bosluise veroorsaak en hou dus risiko’s op plase in. Daarom moet voorkomende…

‘Die afwesigheid van die staat om rampondersteuning te bied en skade te beperk, is absurd.’ MNR. NICOL JANSEN, voorsitter van Agri Noord-Kaap, oor die onhoudbare situasie van boere tydens die onlangse veldbrande. Bl. 16 ‘Hoewel ons nie aldag die oudits en wat daarmee saamgaan, wil hanteer nie, kry ons vir seker ’n premie.’ MNR. BILLY VAN ZYL, voorsitter van die Nasionale Wolkwekersvereniging, oor die vraag na volhoubaar gesertifiseerde wol. Bl. 19 ‘Die krisis bedreig die vordering wat reeds met die sektor se transformasie gemaak is.’ MNR. ANDREW RUSSELL, voorsitter van SA Canegrowers, oor die beperkte kapasiteit van suikermeulens. Bl. 21 ‘Wisselvallige weerpatrone, asook ernstige natuurrampe, is ooglopende risiko’s waarvoor daar beplan en voorsiening gemaak moet word regdeur die landbouwaardeketting.’ MNR. JANSE RABIE, hoof van natuurlike hulpbronne by Agri SA, oor…

Dis ’n jaarlikse pelgrimstog. ’n Paar dae langs die Oranjerivier. Ek, my laaities, hopelik ’n paar fris grootbekgeelvisse, en die stilte. Die vlakte onder die Anenouspas tussen Steinkopf en Port Nolloth is kaler as ’n jaar vantevore. Plekplek stoot dit reeds klein rooi duine. Watter planne kan nog gemaak word ná agt jaar se droogte? By Alexanderbaai draai jy regs en ry met ’n sinkplaatpad al langs die Oranjerivier na die park. Die beskeie nuwe wingerde wat aangelê word, is opvallend. Binne die park weet jy sommer Akkedispas, tussen Sendelingsdrif en ons kampeerplek by De Hoop, se hange gaan vanjaar ook ’n bietjie kaler wees. ’n Eggo van wat dit eens was, toe ons vir die eerste keer agt jaar gelede die pas aangedurf het tussen kokerbome gehul in geel…

DIE jongste produksieskattings vir gesaaides bly van die hoogste in meer as ’n dekade. Die kommersiële mielie-oes word nou ietwat laer geskat op 16,2 miljoen ton, en die koringoes is opwaarts aangepas tot 2,1 miljoen ton. Volgens die nasionale oesskattingskomitee (NOK) se agtste skatting vir somergewasse is die mielie-oes nou 105 000 ton (0,64%) minder as in Augustus, maar 6% groter as die 2020-oes. Die afgelope dekade word dit net oortref deur 2017 se oes van 16,8 miljoen ton. Geelmielies, met ’n beraamde oes van 7,6 miljoen ton, is meer as 2017 se 6,9 miljoen ton, en die meeste nóg sedert 2010. Wat wintergewasse betref, dui die tweede produksieskatting vir koring op ’n oes van 2,1 miljoen ton, wat sowat 0,5% meer is as die vorige skat-ting. Die verwagte opbrengs…

WEENS die covid-19-verwante handelsbeperkings sal 2020 waarskynlik as die moeilikste jaar nóg vir die plaaslike wynbedryf onthou word, maar dit het nie die bedryf se passie en vasbeslotenheid om dié probleme te oorkom, geblus nie. Só sê die buro vir voedselen landboubeleid (BFAP) in sy jongste vooruitskouing vir wyndruiwe en wyn van 2021 tot 2030. Luidens die BFAP-verslag kon die handelsbeperkings nie op ’n slegter tyd gekom het nie, want druiweproduksie het net begin stabiliseer ná ’n drie jaar lange droogte in die Wes-Kaap. Al het die handelsomgewing aan die begin van 2021 verbeter, bly die bedryf steeds onder druk weens ’n surplus in voorraad en nuwe handelsbeperkings. In totaal kon die bedryf sedert die begin van die inperkingsperiode plaaslik vir 23 weke glad nie handel dryf nie en vir…

OP 13 Oktober kan boere wat die LRF-Veeskool bywoon, kies tussen tussen twee plaasbesoeke wat van die voorste ontwikkelings in veeboerdery demonstreer. Die een is die intensiewe skaapboerdery en lamhokstelsel van mnre. Llewellyn en Gareth Angus, Wisp-Willboerdery, Arlington, en die ander die ZI Meyer Genetics Centre van mnre. Thys en Pieter Meyer, ZI Meyer-boerdery, Lovedale, Lindley. Die Angus-familie boer met Merino’s, Simmentalers, Simbras en wild. Gareth is onder meer in beheer van die skaapboerdery. Hy sal praat oor hoe hul intensiewe skaapboerdery funksioneer en hul gebruik van RFID Experts se stelsel vir makliker en akkurater kuddebestuur. Mnr. Willie Kruger van RFID Experts sal die klassering van skape met radiofrekwensieoorplaatjies (RFID) demonstreer, en sy kollega mnr. Schalk de Villiers sal praat oor die lewensvatbaarheid van intensiewe skaapboerdery. VOERMETING Die Meyers boer…

Die bruto inkomste van die landbou het in die 2020-’21-boekjaar met 20,4% verbeter tot R369,4 miljard teenoor die vorige jaar, terwyl landbouskuld met 2,7% tot R192,6 miljard toegeneem het. Die landbou se skuldverhouding het gestabiliseer by 35% van bates. Die insetpryse vir die jaar was gemiddeld 4,8% hoër as in die vorige jaar, terwyl produsentepryse gemiddeld 6,7% hoër was in 2020-’21 as in die vorige jaar, aldus die jongste ekonomiese oorsig van die departement van landbou, grondhervorming en landelike ontwikkeling. In die nuwe somerproduksiejaar gaan die kosteprysknyptang weer met mening knyp. In die somersaaigebied is akkerbouproduksiekoste per hektaar vir die meeste gewasse reeds sowat 18-22% hoër as in die vorige seisoen weens skerp stygings in insetpryse. Die prys van sekere kunsmis het met meer as 50% gestyg. Die styging in…

Die uitvoer van Suid-Afrikaanse frambose sal in die komende seisoen stabiel bly. Dit lyk asof daar ’n groot vraag is na dié bessie. Volgens me. Elzette Schutte, bestuurder van Berries ZA, is daar tans ’n groot vraag na frambose, maar die volumes is beperk. Die uitvoer verloop gewoonlik van Julie tot Mei, met ongeveer 19 ton van die verwagte 1 700 ton wat tot dusver in die 2021-’22-seisoen uitgevoer is. Suid-Afrika het in 2020-’21 ongeveer 1 700 ton frambose uitgevoer. Aanplantings is stabiel en daar word tans frambose op 131 ha verbou. Dié gebied is sedert 2019 dieselfde, toon syfers van Berries ZA. Daarteenoor word drastiese groei in die aanplantings van bloubessies gesien. Die aanplanting van swartbessies bly stabiel. Die verwagting is dat die aangeplante gebied van frambose dieselfde sal…

■ BOESMANLAND-VELDHUISIE tussen Kakamas en Loeriesfontein – soek op Facebook; dieveldhuisie@gmail.com ■ ROOIBERG-GASTEPLAAS naby Williston – soek op Facebook; carienvs@gmail.com ■ STUURMANSFONTEIN tussen Carnarvon en Williston – soek op Facebook; stuurmansfontein@lantic.net ■ SANDRIVIER-GASTEPLAAS net buite Carnarvon – soek op Facebook; 083 343 7271 ■ SOUTPOORT-GASTEPLAAS naby Loxton – soek op Facebook; thirionm@gmail.com ■ HIGHER KAROO tussen Fraserburg en Beaufort-Wes – web: higherkaroo.com; info@higherkaroo.com…

Statistieke van rehabilitasie aan die Berg- en die Breërivier in die Wes-Kaap toon daar is van 2016 tot 2021 goeie vordering met die Breë-en-Bergrivier-rehabilitasieprojek van die Wes-Kaapse departement van omgewing en ontwikkelingsbeplanning gemaak (www.westerncape.gov.za/eadp/ berg-river-improvement-plan-brip). Daar is 24 rehabilitasiepersele wat sowat 12 ha beslaan en nagenoeg 2,16 miljoen plante is geplant. Die ReforestAction-vennootskap vir 2021 tot 2023 onderneem om vanjaar 20 terreine wat sowat 10 ha beslaan, met 35 800 bome te beplant. Die einddoel is 120 persele van sowat 60 ha en meer as 300 000 bome.…

Sadie Family Wines van die Swartland se 2019 Sadie Family Columella het volpunte behaal in die internasionaal bekende wynjoernalis Tim Atkin se jongste verslag oor die Suid-Afrikaanse wynbedryf. Die wynkelder se 2020 Skurfberg Chenin Blanc het 99 punte behaal. Dit is die tweede keer dat dié wynkelder volpunte in Atkin se verslag behaal ná die 2019 Skurfberg Chenin Blanc die prestasie verlede jaar behaal het. Sadie sê eerder as om op die 100 punte wat dié wynkelder behaal het te konsentreer, moet die uitstekende prestasie van Suid-Afrikaanse wyne in Atkin se verslag gevier word. “Suid-Afrika is een van die opwindendste plekke in die wynwêreld en bars tans uit sy nate. Ek is net ’n trotse Suid-Afrikaner wat bly is dat ek ’n bydrae tot hierdie landskap kan lewer. Al wat…

MARKNEIGINGS HERSTEL VAN GRONDPRYSE OPMERKLIK In die TABEL is ’n ontleding van grondtransaksies groter as 10 ha in Mpumalanga, Noordwes en die Noord-Kaap vanaf verlede September tot Augustus vanjaar. In 83% van die distrikte in Mpumalanga is gunstige prysneigings opgemerk. Slegs Acornhoek se pryse het met 21,5% gedaal. Altesame 365 transaksies is in ses distrikte geregistreer. In die proses is 89 579 ha teen R3,110 miljard verhandel. Altesame 629 transaksies is in 13 distrikte in Noordwes geregistreer. In die proses is 204 727 ha teen R2,758 miljard verhandel. ’n Verbetering in grondpryse is opmerklik in ses distrikte (42%). Die nagevolge van die moeilike landboutoestande rem steeds grondpryse in sekere gebiede. Distrikte wat veral geraak word, sluit in Derdepoort, Coligny, Reivilo, Vryburg, Mahikeng en Marikana. Pryse by Wolmaransstad het met 13,2%…

Die hoogste prys op die nasionale Brahman-veiling wat tydens die jaarlikse BKB-ALE-skou in die Afridome op Parys gehou is, was R500 000 vir ’n bul van mnr. Burnie en me. Kosike Staal van BW Staal, Bos Blanco Brahmane, Kroonstad. Die kopers is dr. Paul Pienaar, Bar Circle-beleggings, Pretoria, en mnr. Piet Calitz van Zatara Brahmane, Wepener. Die duurste koei (3-in-1) is vir R80 000 deur Staal aan Pienaar verkoop. Staal het ook die hoogste prys van R170 000 vir ’n koei met kalf behaal. Mnr. Dirk Jerling van die Grandin-stoetery, Ghanzi, Botswana, was die koper. Die duurste dragtige vers is vir R140 000 deur mnr. José Maciel, Arc-en-Ciel Brahmane, Secunda, aan mnr. Lourens en me. Irma du Plessis, Louma-boerdery (Nedibest-stoetery), Thabazimbi, verkoop. Du Plessis het ook die duurste oop vers…