Innholdsfortegnelse for 4/9/2020 i Landbouweekblad

INDIEN die regering 24 jaar gelede werk gemaak het van sy wetgewende magte om klein ondernemings te steun, sou die inperking weens die Covid-19-pandemie nie so ’n verwoestende uitwerking op sulke ondernemings gehad het nie. Mnr. Bernard Swanepoel, uitvoerende direkteur van die kleinsake-instituut, wys op twee kort sinne in artikel 18 van die Nasionale Wet op Kleinsake (Wet 102 van 1996) wat ministers die mag gee om riglyne in die Staatskoerant af te kondig om die “effek en toepassing van wetgewing op kleinsake” te hersien en te assesseer. Teoreties sou ons die veerkragtigheid gehad het om klein ondernemings te help indien hulle die tipe nadelige gevolge gely het soos wat ons nou weens Covid-19 beleef omdat die politici nasionale, provinsiale en munisipale wette kon gebruik, asook verskeie beleid en regulasies…

ARTIKELS & RUBRIEKE ■ Die lewe na ’n plaasaanval — Derek Mathews praat kaalvuis ■ Besin goed oor kultivars en behandeling ■ Wildveilings: Tegnologie keer die bedryf op sy kop ■ Dale Strickler: Maak jou boerdery droogtebestand ■ Vervoerbande slim herbenut SPESIAAL ■ Wiele GESIN ■ Boerekos: Appels in oorvloed TEGNOLOGIE Virtuele digitale veilings het aan die deur geklop net voor Covid-19 ’n nuwe era aangekondig het. Die buffelbul Kolisi, met horingafmetings van 48 5/8”, is in Februarie suksesvol op ’n toepassing-bieëry van die Dries Visser-vyfsterveiling verhandel — en die digitale veilingtoekoms verloop sonder tegnologiese hindernisse.…

MNR. GIDEON OOSTHUIZEN, lid van ’n familieboerdery by Rysmierbult in Noordwes, pas hoëdrukbeweiding met beeste en skape toe en boer ook met kontantgewasse. Hy betrek ook ander boere by sy boerdery om só ander in sy sukses te laat deel hê. Lees die artikel op bl. 46. VERTEL ONS VAN JOU GESIN. My vrou, Leynette, is my regterhand. Sy rig my lewe. Ons het twee seuns, Pierre en Raynard. HET JY NÁ SKOOL GESTUDEER? Ja, aan die Landboukollege Potchefstroom (Pampoenboere). HET JY ’N STOKPERDJIE? Skiet, jag en patrone laai. WAAR HOU JY VAKANSIE? By Scottburgh se woonwapark waar ’n mens lekker swem en branders ry.…

DIE Suid-Afrikaanse Weerdiens se model vir seisoenale voorspelling toon dat die Wes-Kaap hierdie winter na normale reënval kan uitsien. Mnr. Henning Grobler van die Suid-Afrikaanse Weerdiens het op Overberg Agri se voorplant-inligtingsdag op Rietpoel gesê boere moet egter onthou dit is ’n voorspelling en nie ’n belofte nie. Die seisoenale voorspelling vir reën- en temperatuurvooruitsigte vir drie maande wat die weerdiens aan die einde van elke maand bekend maak (sien GRAFIEK 1 en GRAFIEK 2 ), toon gekleurde of wit blokke. In die geval van reën is dit bruin (ondernormaal) of groen (normaal of bonormaal). “Ons wil bruin of groen sien, nie wit nie. Wit kolle is ’n aanduiding dat die model nie kan sê wat gaan gebeur nie. Daar is bruin in die model as die weerdiens sterk oortuig…

VEEARTSENYDIENSTE is as ’n noodsaaklike diens verklaar en boere sal tydens die inperking steeds toegang tot dié dienste hê, sê dr. Danie Odendaal, ’n veeartsenykundige konsultant en direkteur van die veeartsnetwerk. Hy sê alle veeartse het by die Suid-Afrikaanse Veeartsenyraad toestemming gekry om steeds hul dienste te lewer tydens die inperking, wat teen druktyd tot 16 April sou duur. Dit geld veral vir die voorsiening van nooddienste en veemedisyne. Die raad het ook die nodige dokumente aan veeartse verskaf sodat hulle vrylik kan rondbeweeg om hul werk te doen. Odendaal verwag dat veeboere waarskynlik die dektyd en gepaardgaande dragtigheidsondersoeke tot ná die inperking sal uitstel omdat dit vereis dat ’n groot klomp mense op een slag in ’n spesifieke gebied moet werk. “Indien daar egter gereël kan word dat minder…

DIE Suid-Afrikaanse wolbedryf gaan sy eie volhoubare standaard bekend stel om dit vir boere makliker te maak om akkreditasie te kry vir internasionaal erkende standaarde. Die nuwe standaard sal bekend staan as die Sustainable Cape Wools Standard en sal ’n verbetering wees op die bestaande kode van beste praktyke. “Die doel van die standaard is om boerderye op ’n vlak te bring waar dit vir boere makliker sal wees om akkreditasie te kry ingevolge internasionale etiese standaarde, soos die Responsible Wool Standard, ZQ of Abelusi,” sê mnr. Guillau du Toit, voorsitter van die Nasionale Wolkwekersvereniging. Hy sê dit sal die bedryf se algemene standaard op so ’n vlak bring dat hy homself kan vrywaar van kwessies rakende biosekerheid en dierewelsyn wat uitvoermarkte in gedrang kan bring. Volgens mnr. Deon Saayman,…

SUID -AFRIK A het 15 000 klein, mediumgroot en groot kommersiële plase wat vir 95% van die totale inkomste en 90% van totale indiensneming in die kommersiële landbou sorg. Volgens die 2017-sensus van die kommersiële landbou, wat op 24 Maart deur Statistieke Suid-Afrika bekend gemaak is, het die land 40 122 kommersiële boerdery-eenhede, maar meer as die helfte hiervan is mikro-ondernemings met ’n inkomste kleiner as R2,5 miljoen per jaar. Die totale getal is effens meer as die 40 079 van die vorige sensus van die kommersiële landbou, wat in 2007 gedoen is. Altesame 2 610 boerdery-eenhede in die jongste sensus, oftewel 6,5% van plase, word as groot beskou, met ’n jaarlikse inkomste van meer as R22,5 miljoen, en hul bydrae tot die totale inkomste is 67%. Die werknemers op…

BOERE in die Olifantsrivier-produksiestreek, wat in 2018 en 2019 weens droogte en watertekorte klein oeste geproduseer het, verwag hulle sal 46% meer wyndruiwe as verlede seisoen oes. Volgens mnr. Gert Engelbrecht, Vinpro se streekkonsultant in die Olifantsrivier-streek, behoort produsente vanjaar byna 24 t/ha te oes. “Dit was ’n voorspoedige jaar. Die winter was lekker koud en die wingerd het in September vinnig weggespring. Die hele somer was gematig en dit het goeie produksie en gehalte gesteun. “Ons het ongelukkig by Lutz-ville 15 mm reën in Oktober gehad wat donsskimmel op die wingerd veroorsaak het. Die opbrengs daar is ingeboet.” Volgens Engelbrecht het ’n hittegolf voorgekom op 5 Desember in ’n stadium toe kultivars deurgeslaan het, en sonbrandskade is opgedoen. Hoewel die droogte heelparty boere gedwing het om druiwe uit te…

D ie Suid-Afrikaanse Reserwebank het tot die stryd toegetree om die ekonomie aan die gang te hou deur rentekoerse met ’n volle persentasiepunt te verlaag. Ander maatreëls is ook aangekondig om banke met likiditeit te ondersteun en te keer dat die geld- en die bankstelsel se wiele al hoe stadiger knars en dalk tot stilstand kom. Daar was tekens dat die Suid-Afrikaanse bankstelsel onder erge druk begin kom (die gevolge van Covid-19) en dat geld opgedroog het. Die prys van bankaandele het skerp gedaal, wat banke se balansstate onder druk plaas te midde van die verwagting dat slegte skuld skerp gaan toeneem. Anders as wat baie mense dink, het banke nie groot eie kapitaalreserwes nie en is hul marges vir risiko baie dun om slegte skuld te absorbeer. Banke is…

Die Suid-Afrikaanse mark vir jalapeño’s en ander brandrissies is klein en tradisioneel. Kwekers sê dit groei steeds, ook ten opsigte van die aantal produsente. “Dit is nie so winsgewend soos tien jaar gelede toe ek daarmee begin het nie,” sê mnr. JD van Deventer van die plaas Vredehoek, sowat 10 km buite Montagu. Hy verskaf jalapeño’s aan ’n aantal verwerkers van brandrissies. “Tien jaar gelede was daar minder mense wat dit gekweek het, en dit was ’n gesogte produk. Daar is nou so baie produsente dat die kopers begin stry oor prys, want hulle kan op dit ander plekke goedkoper kry.” Hy sê pryse bly steeds geskoei op vraag en aanbod. Die prys op die varsproduktemark in Kaapstad kan baie wisselvallig wees. Die afgelope jaar het dit gewissel van R6…

Teelprogramme om beter kultivars vir swartbekbone (cowpeas) en patats in Suid-Afrika te ontwikkel, vorder goed. Dit het geblyk op die simposium van die SA Planttelersvereniging in Pretoria. Dr. Ntombi Mbuma, ’n navorser van die Universiteit van die Vrystaat, het met behulp van die Landbounavorsingsraad (LNR) 75 genotipes vir swartbekbone geïdentifiseer en daarna in Rustenburg en Potchefstroom vir opbrengs en voedingswaarde getoets. Volgens haar is die produksie van dié bone nog relatief onbekend in Suid-Afrika. Die peulgewas word vir menslik verbruik verbou en het ’n hoë voedingswaarde. Dit bestaan uit 15% tot 25% proteïen, 50% tot 60% koolhidrate en bevat baie vesel, vitamiene en minerale. “Dit is soortgelyk aan sojabone en kekerertjies, maar het die bykomende voordeel dat dit ook in ongunstige omstandighede, soos sanderige grond en droë toestande, geplant kan…

■ Plase van altesaam 12 000 ha. ■ ’n Bonsmarastoetery met 800 koeie. ■ Voerkrale vir 20 000 beeste. ■ ’n Veevoerfabriek wat 12 000 ton voer per maand kan vervaardig (daarvan word 8 000 ton verkoop en die res self gebruik). ■ ’n Fase C-bultoetsstasie met plek vir 600 bulle per jaar. ■ ’n Abattoir met ’n verwerkingsaanleg waar 5 000 beeste en 1 000 skape per maand verwerk word. Hy koop die skape by ander boere. ■ Groothandelverkope aan hotelle, restaurante en spyseniers, terwyl vleis ook uitgevoer word. ■ Vier slaghuise waar kleinhandelverkope gedoen word.…

PLASTIEKBEDEKKING VOORKOM SÓ DAT KUILVOER VERROT SealPlus, ’n plastiek wat suurstof versper, keer dat suurstof kuilvoer binnedring en voorkom dus verrotting. Dié plastiekbedekking lei tot minder kuilvoerverlies, kuilvoer van ’n hoër gehalte en dus beter voeding en produksie van jou vee. Swamgroei en ander onsuiwerhede word ook onderdruk. Die suurvlak van die kuilvoer word met tot 12% verlaag teenoor ander plastiekomhulsels wat nie suurstof kan versper nie. Die Clostridium-gevalle in die kudde kan gevolglik ook onderdruk word. Omdat daar minder afval in die boonste laag kuilvoer sal wees, sal minder vrot kuilvoer verwyder hoef te word voordat die res gebruik kan word. SealPlus se vermoë om suurstof te versper is 100 keer hoër as gewone poliëtileen-plastiek danksy die laag EVOH-plastiek (ethylene-vinyl alcohol copolymer) in die middel van die multilaag-samestelling. Daar…

WATTER TEGNOLOGIE IS ONMISBAAR IN JOU BOERDERY? ’n Skaal sodat ek beeste kan weeg en ’n selfoon om inligting te bekom en te kommunikeer. WAT IS DIE BESTE RAAD WAT JY AL GEKRY HET? As jy met olifante (groot koeie) wil boer, moet jy weet hulle kalf ook net een keer in twee jaar. WAT IS DIE GROOTSTE FOUT WAT JY IN JOU BOERDERY GEMAAK HET? Dat ek nie vroeër daarmee begin het nie. WIE WAS JOU MENTOR? My oupa. Ek het alles van beeste by hom geleer. Oom Koos van de Leeu het my baie van kalwers en voerkrale geleer. WAT IS JOU GROOTSTE STRUIKELBLOKKE IN DIE BOERDERY? Om altyd almal wat saam met my werk, opreg te motiveer.…

Hoewel die mark traag is om nuwe kultivars te aanvaar, is die meganisme vir nuwe kultivars blakend gesond, volgens Pannar. PAN 9141 is ’n nuwe klein, wit inmaakboon met ’n beperkte vrystelling, terwyl fabriekskaal-inmaaktoetse nog uitgevoer word. Die agronomiese eienskappe is soortgelyk aan PAN 123, die voorrang-inmaakboonkultivar in Suid-Afrika. Dit het ’n goeie verdraagsaamheid vir antraknose en is vir ’n eenvormiger boongrootte geselekteer om die inmaakgraad te verbeter. PAN 9213 is ’n rooi, gespikkelde boon wat bestem is om die gewildste boon in sy soort in die Pannar-pakket te word. Dit is die veelsydigste presteerder en lewer voortdurend hoër opbrengste in al die produksiegebiede as die ou staatmaker PAN 148 waarvoor dit dus ’n goeie plaasvervanger is.…

DIEREGESONDHEID BLOUBOSLUISE BY PERDE Ek sukkel om bloubosluise by perde te bestry. Ek het al verskeie middels gebruik, maar dit was nie suksesvol nie. Het julle asseblief raad oor dié bosluis? Die bloubosluis verkies beeste, maar kan ook by perde, donkies, skape en bokke voorkom. Dit kom ook dikwels by wild, soos sebras, rooibokke, bosbokke, koedoes, elande en swartwitpense, voor. Buffels is nie goeie gashere nie. Vir die pantropiese bloubosluis is beeste die voorranggasheer. Die bosluis kom slegs op ander gashere voor as daar beeste wat met bosluise besmet is, in hul teenwoordigheid is. Die bosluise heg op die gasheer se bene, nek, nekvel, onderlyn, area onder die stert, die stert en die agterkop vas. Die bloubosluis is ’n eengasheerbosluis — die nimfe, larwes en volwassenes kom op een gasheer…

Sjokoladestroopkoek met haselneutganache Hierdie fantastiese koek word net lekkerder hoe langer dit staan. Dit is ’n staatmaker in my huis. Ek versier dit nie altyd nie, want die stroopdeurdrenkte koek is ryk en lekker genoeg op sy eie. Met hierdie haselneutganache verhef jy dit tot ’n erg dekadente vlak! Koek ■ 250 ml koekmeel ■ 60 ml kakao ■ 250 ml suiker ■ 2 ml sout ■ 10 ml bakpoeier ■ 125 ml kookwater ■ 125 ml olie ■ 4 eiers, geskei Stroop ■ 180 ml ingedampte melk ■ 125 ml suiker Haselneutganache ■ 150 g heelneutsjokolade ■ 100 ml room ■ 5 ml haselneutlikeur (soos Frangelico) Voorverhit die oond tot 180 °C. Smeer ’n ringkoekpan van 25 cm met olie. Sif die meel en kakao en meng met die…

Deur in hul menigtes op landerye toe te sak, kan rooibekkweleas lande kaal stroop. ’n Nomadiese “superkolonie” kan miljoene sterk wees. Ondanks drastiese maatreëls (soos gifstowwe, vuurbomme en dinamiet) om hul getalle in bedwang te hou, bly hulle die suksesvolste en mees verwoestende voëlsoort. Hul gesinchroniseerde vlug skep die indruk van ’n enkele, monsteragtige organisme wat onvoorspelbaar styg en val, wieg en swaai oor die landskap. Dit is onmoontlik om ’n enkele voëltjie te volg, want die energie van die swerm is byna hipnoties. Na raming kan kweleas verliese in die landbou gelykstaande aan R879 miljoen per jaar veroorsaak. Die kweleas kom in droër savanne, grasveld en landerye voor. Dit is veral in graangebiede ’n verpesting. Afrika se totale bevolking word ná die broeityd op 1,5 miljard voëls geraam. Die…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot Januarie vanjaar vir grond van meer as 10 ha. Altesame 299 ooreenkomste is in dié tyd in 34 distrikte gesluit. In die betrokke tyd is 176 775 ha (31,8% minder as verlede jaar) teen R1,978 miljard verhandel. Die randwaarde is 20,5% minder as in die ooreenstemmende tyd ’n jaar gelede. Altesame 19 (55%) van die distrikte toon dalende prysneigings. Veral die ooste en die Karoo word die ergste geraak. Dit sluit in Aberdeen (-14,7%), Albanie (-23,4%), Cradock (-19,3%), Humansdorp (-24,1%) en Steytlerville (-13,2%). By Bedford, Mthatha, Port Elizabeth en Willowmore was daar net enkele transaksies en kon ’n vergelykende syfer teenoor die vorige maande nie bereken word nie. Die droogte se impak…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 7 MEI: Die Wes-Kaapse Veteraantrekker-en-enjinklub se hersteldag. Bredasdorp. Hennie Richter, e-pos: sekr.wk@telkomsa.net 26 AUGUSTUS: Boeredag, Noord-Vrystaatse SA Vleismerinoklub en die boerevereniging van die Rooi Skool, Kroon Boma, Kroonstad. Neline Pienaar, 082 440 4492, e-pos: bennieneline@eleo.co.za 31 AUGUSTUS-3 SEPTEMBER: Nasionale Simbra-week, Parys, 012 667 5258, e-pos: office@lrf.co.za web: www.breedplan.co.za 14-16 OKTOBER: LRF-veeskool op Aldam. Tema: ‘‘Beesboerdery – terug na die basiese beginsels’’. Charmainé Alberts, 051 821 1783 of palberts@telkomsa.net FEESTE, EKSPO’S 4 APRIL: Hoop en Inspirasiedroogtefees, Steytlerville. Afgelas vanweë Covid-19. E-pos: george@ noorspoort.co.za; Rosie Botha, 083 414 8016. 29-30 APRIL: Sussex-eeufeesviering. Afgelas vanweë Covid-19. Marianna du Plessis, 063 076 9135, e-pos: Marianna.duplessis@gmail. com, web: www.sussex.co.za…

4,8% Algehele vragvolumes in Suid-Afrika was in Februarie 4,8% laer as ’n jaar tevore. Dit is kleiner as die 5,1%-daling in Januarie vanjaar. Dié effense herstel is waarskynlik vanweë vooruit-aankope weens vrese oor Covid-19. Vragvolumes wat deur pyplyne vervoer is, het in Februarie met 2,5% gestyg teenoor ’n jaar tevore. Volumes wat per pad vervoer is, het met 8,8% gedaal teenoor die ooreenstemmende tydperk. Opgebergde voorraadvolumes toon ’n styging van 0,8% vanjaar teenoor ’n daling van 8% in 2019. – Ctrack 30 Volgens die verbruikerskommissie en die mededingingskommissie is ondersoeke na 30 maatskappye begin vir buitensporige kleinhandelpryse, onder meer vir handreinigers, gesigmaskers, ontsmettingsmiddels en toiletpapier. Mnr. Ebrahim Patel, minister van handel en nywerheid, het reguleerders vroeër gevra om die pryse van 22 produkte te monitor. Ondernemings wat die regulasies oortree,…

‘Raak betrokke. Dit skep vermoë en gee toegang tot ingeligte en doeltreffende optrede.’ DR. JOHAN BURGER, konsultant by die Instituut vir Sekerheidstudies, oor hoe om veilig te bly te midde van die inperking se hoër misdaadrisiko. Bl. 14/15 ‘Ons het vir rampbestuur gesê hulle moet die water bestuur asof ons in ’n droogte is.’ MNR. HENNING GROBLER, weervoorspeller van die Suid-Afrikaanse Weerdiens, oor waterbestuur die afgelope somer in die Wes-Kaap. Bl. 16 ‘Ek vermoed daar is ook eerder ’n mate van opportunisme op die mark as ’n werklike besorgdheid oor tekorte.’ MNR. ANTHONY CLARK, markontleder, oor ’n skielike styging in die mielieprys. Bl. 17 ‘Sommige gesigmaskers word van katoen gemaak, maar die regering wou nie bes gee nie.’ MNR. JOSEPH KEMPEN, direkteur van Loskop Katoen, oor perke op die bedrywighede…

In die rubriek “Die 6.5 mmgogga het gebyt” (LBW, 27 Maart 2020, bl. 73) is geskryf die 6.5 x 55 Sweedse Mauser vuur ’n 139 gr-koeël teen 625 vps. Die koeël word in werklikheid teen 2 625 vps afgevuur. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Jan Bosman, Landbouweekblad, Posbus 1802, Kaapstad 8000; e-pos: jan.bosman@ landbou.com; faks 021 406 2924; tel. 021 406 3183. Verskaf ook u telefoon- of selnommer.…

SUID -AFRIK A se ekonomiese vooruitsigte het skielik en ingrypend verander weens Covid-19 en Moody’s Investors Service se afgradering van die land se staatskuld tot rommelstatus. As hierdie terugslae een les inhou, is dit dat geen bedryf immuun is teen hoërisiko-bedreigings nie. Ook die landbousektor word geraak deur gevolge soos buitelandse kapitaal wat onttrek word en ondernemings wat nou reddingsboeie benodig. Die ligpunt is egter dat mense selfs in ’n krisis moet aanhou eet. Die landbousektor is in ’n bevoorregte posisie om te kan produseer en voedsel vir ons land se mense te kan voorsien, sê mnr. Omri van Zyl, uitvoerende hoof van Agri SA. “Die landbou is die ruggraat van die Suid-Afrikaanse ekonomie. In krisistye soos hierdie is dit veral nodig dat ons saamstaan, saamwerk, en só die pad…

DIE Oos-Kaap kan ’n natter vroegwinter verwag, maar weens warmer toestande is die kans op goeie sneeuneerslae laer. Só sê mnr. Hugh van Niekerk, Oos-Kaapse streeksbestuurder van die Suid-Afrikaanse Weerdiens. Hy voeg egter by dat die boere in die verre noordelike dele van die provinsie droër toestande in die laatherfs en vroegwinter kan verwag Dié gebied ontvang nie gewoonlik veel reën in die winter nie. Boere in die Winterberge en omliggende gebiede kan van April af bonormale reënval verwag tot middel Junie, waarna toestande droër as normaal sal raak namate die middel van die winter nader kom. Dié gebiede het vanjaar eers van Maart af behoorlike reënval ontvang, ondanks wydverspreide reën wat sedert die begin van die jaar oor groot dele van die Oos-Kaap aangeteken is. “Ons is in ’n…

DIE laaste wyndruiwe mag wél ingesamel word, maar die lig bly tans rooi vir wynuitvoer. Ná ’n dag waarin Vinpro, die Suid-Afrikaanse drankhandelsmerkeienaarsvereniging (Salba), die landbousakekamer Agbiz, Agri SA en Agri Wes-Kaap in ernstige samesprekings met die regering was, is ’n nuwe punt by die lys van noodsaaklike dienste gevoeg, naamlik dat oes- en opbergingsbedrywighede noodsaaklik is om die vermorsing van primêre landbougoedere te voorkom. Dit beteken die wynbedryf sal toegelaat word om die oes af te handel en dat die nodige kelderpraktyke kan voortgaan om te verseker die oes word nie “vermors” nie. Landbouwerkers wat moet pars, sal tydens die tydperk van inperking as noodsaaklike werkers beskou word. Die regering het aanvanklik nie die wynbedryf as noodsaaklik beskou nie, wat beteken het dat oes- en wynmaakpraktyke tydens die inperking…

1 NAMIBIË| Honderde vragmotors voorgekeer Honderde vragmotors met vee en lewensnoodsaaklike voorrade vir mens en dier is die afgelope week by padblokkades in Namibië voorgekeer te midde van inperkings weens Covid-19. By Rehoboth was daar in ’n stadium sowat 300 vragmotors wat vertraag is, terwyl amptenare sukkel om vragte, waarvan baie uit Suid-Afrika was, te verifieer. Voertuigbewegings in die Khomas-streek by Windhoek en die Erongostreek by Walvisbaai en Swakopmund is beperk tot voertuie wat noodsaaklike goedere vervoer. Volgens mnr. Piet Gouws, voorsitter van die Namibiese Landbou-unie, heers chaos by padblokkades weens onduidelikheid oor die regulasies, wat lei tot ’n opeenhoping van voertuie. Skynbaar is daar nie ‘n standaardbedryfsprosedure nie. Voertuie met melk, voedsel en veevoer ondervind nou groot vertragings. Die landbou-unie het met mnr. Calle Schlettwein, nuwe minister van…

L ANDBOUPRODUKTE wat as gesond geag word, soos knoffel, suurlemoen en gemmer, se pryse het skerp gestyg sedert die meeste van die land se inwoners vanweë die amptelike inperking in afsondering is. Volgens dr. Johnny van der Merwe, ’n dosent in landbouekonomie aan die Noordwes-Universiteit, het knoffelpryse in die week van 26 Maart met 18% gestyg teenoor die vorige week en is dit 169% hoër as die ooreenstemmende tyd verlede jaar. Die prys is gemiddeld 110% hoër as die gemiddelde vir die 13de week van die jaar. Dít ten spyte daarvan dat die aanbod ook hoër is. Suurlemoenpryse het met 28% gestyg teenoor die vorige week en is 35% hoër as die ooreenstemmende tyd verlede jaar. Verkope het met 60% gestyg teenoor die vorige week en is 107% hoër as…

Sonder ’n mark vir bone kan ’n boer baie geld verloor, het mnr. Hendrik Linde, landboukundige van Pannar, op die saadmaatskappy se jaarlikse ekstravaganza op Delmas gesê. Die boer moet ook seker maak hy het genoeg opbergplek vir die bone omdat die bone in baie gevalle opgeberg word as pryse met oestyd ongunstig is. As hy die bone kan opberg, kan hy wag tot die pryse styg. Gee deeglike aandag aan plantgesondheid. Vir ’n siektebesmetting om voor te kom, is drie faktore (die siektedriehoek) nodig, naamlik die klimaat (temperatuur en humiditeit) moet gunstig wees, die patogene bakterie moet teenwoordig wees en daar moet gasheerplante vir die soort bakterie op die land wees. In gunstige toestande kom veral swamsiektes op droëbone voor wanneer al drie bene van die siektedriehoek teenwoordig is.…

Die Amerikaners het dalk vir Dirty Harry, maar danksy die vindingrykheid van ’n plaaslike boer kan Suid-Afrika nou spog met Jan Gun! Dié 1,8 meter hoë, lewensgetroue, outomatiese brand-wag hou roofdiere, bobbejane en skelms op hul tone, vertel Jan se ontwerper, mnr. Ernst van Zyl, ’n wingerd-en-skaapboer van Vredendal. As eienaar van Skaapwagter, ’n maatskappy wat verskillende metodes gebruik om roofdiere af te skrik, het Van Zyl se nuwe ontwerp reeds die oë laat rek. ’n Omgesukkelde Jan spreek bobbejane in ’n kwaai stemtoon aan, mymer soms by homself oor hoe moeilik dit is om heeldag in die warm son te moet staan, haal die einste Dirty Harry aan (“Do you feel lucky, punk?”) en trek elke paar minute ’n skoot met sy geweer af. “Ja, Jan praat verskriklik baie…

Wanneer ’n mens na ’n plant kyk, kan ’n mens twee groepe tekens en simptome waarneem, naamlik abiotiese faktore en biotiese faktore. Simptome veroorsaak deur abiotiese faktore of nie-lewende faktore is byvoorbeeld voedingstekortsimptome weens voedingswanbalanse, te lae of te hoë grond-pH, chemiese toksisiteit, versuiptoestande of verdroging. Biotiese faktore word deur lewende faktore veroorsaak, soos bakterieë, swamme, virusse en insekte. Die siektedriehoek bestaan uit drie faktore: ’n Gasheerplant wat vatbaar vir die siekte is, die patogeen wat die siekte veroorsaak, en omgewingstoestande gunstig vir die patogeen om tot uitbreking te kom. Indien hierdie faktore gelyktydig ter sprake kom, het die sonneblom ’n verhoogte risiko van die siekte. Van die dag dat die saad in die grond geplant word, is die gewas blootgestel aan ’n veranderende ekostelsel en dus blootgestel aan potensiële…

te veel is, maar alles sal intrek.) Laat afkoel en keer uit. Smelt die sjokolade en room oor lae hitte tot glad. Laat effens afkoel en roer die haselneutlikeur by. Skep oor die koek. Bêre die koek in die yskas, maar sit voor teen kamertemperatuur. Lewer 12-14 porsies. Maklike sjokoladevlatert So ’n ryk en romerige sjokolade-yskastert is net die ding vir ’n warm dag. Kors ■ 1 pakkie (200 g) sjokoladekoekies (ek het Romany Creams gebruik) ■ 100 ml gesmelte botter Vulsel ■ 1 liter melk ■ 30 ml botter ■ 250 ml suiker ■ 60 ml mielieblom ■ 30 ml vlapoeier ■ 20 ml kakao ■ 2 eiers, geklits ■ 5 ml vanieljegeursel ■ 2 plakke (80 g elk) donkersjokolade, fyngekap ■ Kakao en vars kruisement, om af te…

Ons sien in die Bybel koning Dawid is ’n dorsvloer aangebied om ’n altaar vir die Here te bou en ’n offer te maak. In 2 Sam. 24:24 staan: “Hierop het die koning vir Arauna gesê: ‘Nee, ek koop dit beslis van jou teen die volle prys. Ek bring nie aan die Here my God offerandes wat my niks kos nie.’” Dawid het toe die dorsvloer en die beeste vir sowat seshonderd gram silwer gekoop. Hy het besef as sy offerhande hom niks kos nie, is dit nie die moeite werd om vir God te gee nie. Sommige van ons het dinge op ’n silwerskinkbord ontvang. Ons het nooit nodig gehad om daarvoor te werk nie en skat dit nie na waarde nie. As die plaas wat jy opgebou het,…

nooit in ons bestaan van 100 jaar is ’n uitgawe van die tydskrif saamgestel sonder dat dit iewers op ’n koöperasie- of winkelrak verskyn het nie. Nie die Groot Depressie, ’n wêreldoorlog of die politieke onstuimigheid van die 1980’s kon ons keer om ’n tydskrif vir boere uit te gee nie. Maar ná ’n eeu van getroue weeklikse diens het ’n virus van die ander kant van die wêreld alles verander. Dit was juis vanweë die indrukwekkende, interafhanklike internasionale wêreldorde, wat oor dekades soveel welvaart oor die aardbol heen geskep het met sy skeeps-, vragmotor- en vlugroetes, dat die verwoestende virus versprei het. Vandag is duisende mense al dood en dié getal styg daagliks. Van die wêreld se rykste lande spook om uitbrekings in bedwang te kry. Eensklaps is die…

INPERKING: REGULASIES EN RAAD VIR BOERE Die beste raad in hierdie buitengewone omstandighede is om soos van ouds ’n weeklikse lys op te stel van alles wat die werkers op jou plaas benodig en dan net een persoon winkel toe te stuur om die aankope te doen. Só sê me. Annette Steyn, die DA se skaduminister van landbou, grondhervorming en landelike ontwikkeling. Die landbousektor is deel van die noodsaaklike dienste wat steeds operasioneel moet wees ter wille van voedselsekerheid. “Hoewel die landbou as ’n noodsaaklike diens uitgesonder is, moet die regulasies ten opsigte van die inperking steeds nagekom word om almal se veiligheid te verseker in hierdie moeilike tyd,” sê Steyn. Sy het onderneem om duidelikheid te kry oor of die magtigingsvorm wat die landbou self opgestel het, steeds gebruik…

BOERVROUE GESELS SAAM Mev. Bettie Venter (voorheen Landman) van Queenstown is ’n bekende op skoue. Ná haar man se dood drie jaar gelede het sy die Friesbeesboerdery net so oorgeneem vir haar seun, wat nou 16 is, se ontwil. Benewens Friese boer Venter ook met Merino’s op die plaas Mooivlei. Sy het ’n beoordelaarskursus gevolg sodat sy kan weet op watter punte beoordelaars let en hoe sy op haar stoetery kan verbeter. Sy is die enigste vroulike Friesbeesbeoordelaar in die land. Verlede jaar is sy saam met ’n studiegroep na die buiteland. Op vanjaar se nasionale Friesbeeskampioenskap op die Kaapse skou was daar ’n hele groep boervroue uit Nederland (Friesland) wat na Suid-Afrika se beeste kom kyk het. Die toermoeder, mev. Joukje Terpstra, sê ’n Suid-Afrikaanse plaas verskil baie van…

BOERDERYGEMEENSK APPE is besonder kwesbaar te midde van die nasionale inperking wat weens Covid-19 ingestel is. Bestaande veiligheidsmaatreëls sal verskerp moet word weens die polisie se ontoereikende hulpbronne op die platteland en die onsekerheid wat teen druktyd oor plaaspatrollies geheers het. Plaaspatrollies is in sommige gebiede verbied weens regulasies wat nie-noodsaaklike beweging inperk. Volgens mnr. Tommie Esterhuyse, voorsitter van Agri SA se veiligheidskomitee, hang die status van burgerlike veiligheidsoperasies af van wat elke polisiestasiebevelvoerder besluit. Agri SA en TLU SA het albei teen druktyd indringend by provinsiale en nasionale polisie-owerhede voorspraak gemaak vir die voortsetting van plaaswagte tydens die inperking, met die nodige veiligheidsmaatreëls om verspreiding van die koronavirus te voorkom. “TLU SA druk hard vir duidelikheid hieroor en ook vir die staat om te verstaan dat dit noodsaaklik is…

GOEIE neerslae van 20-50 mm is tot middel April moontlik oor groot gedeeltes van die somerreëngebied – ook in die westelike dele. Dit kan probleme veroorsaak vir somergaanboere in die oestyd. Mnr. Johan van den Berg, ’n onafhanklike landbouweerkundige, sê die reënkans word versterk deur die Antarktiese Ossilasie- (AAO) indeks, wat, soos die El Niño- Suidelike Ossilasie-(Enso) indeks en Indiese Oseaan Dipool- (IOD) indeks neutraal is. “Die AAO-indeks bepaal dikwels die tyd en frekwensie wanneer koue fronte verder noordof suidwaarts beweeg.” Die Enso- en IOD-indeks is al van verlede Desember af in ’n neutrale fases, en sal na verwagting so bly tot minstens die middel van die winter. “Hoewel dit nog baie vroeg in die voorspellingstyd is, lyk dit of daar ’n kans van net 20% op El Niño-toestande in…

NAMATE die dae van inperking verbygaan, kom daar groter duidelikheid oor hoe die landbousektor met sy lewensnoodsaaklike werk kan voortgaan, terwyl die nodige voorsorgmaatreëls terselfdertyd ook ingestel word om die verspreiding van die virus te keer. Die georganiseerde landbou (Agri SA, Agbiz, Graan SA en TLU SA) dien in die departement van landbou se Covid-19-taakspan. Volgens mnr. Omri van Zyl, uitvoerende hoof van Agri SA, word die landbousektor se bestaande en potensiële probleme gereeld met die departement en die minister bespreek. Dit word deur die minister aan die nasionale Covid-19-bevelsentrum deurgegee. ’n Voorbeeld daarvan is dat die gewysigde regulasies ingevolge die Wet op Rampbestuur (Wet 57 van 2002) nou op die span se aandrang ook voorsiening maak vir die oes en opberging van alle landbouprodukte – wat wyn, tabak, katoen,…

“Hier is vandag darem 290 van ons gewone 350 werkers op die plaas en ons kan by die belangrikste werk uitkom,” sê mnr. Johann du Preez van Bavaria. Dit kos hulle egter dubbel soveel as gewoonlik om een werker by die werk te kry. Daar is baie werk wat nou op plase in die omgewing gedoen moet word. Sitrusboere pluk tans suurlemoene en pas noodsaaklike boordsanitasie in ander sitrusboorde toe om seker te maak vrugtevlieë en valskodlingsmot benadeel nie die oes wat later vanjaar gepluk moet word nie. Met die mango-oes wat pas klaar gepluk is, is dit nou belangrik om bome so vinnig moontlik gesnoei te kry vir optimale blom. Die meeste van Suid-Afrika se mango’s word by Hoedspruit verbou. Met net 65-75% van hul gewone arbeidsmag wat tans…

PLAASBESITPATRONE in Suid-Afrika het beduidend verander in die 10 jaar tussen 2007 en 2017, blyk uit Statistieke SA se sensus van die kommersiële landbou. Mnr. Risenga Maluleke, statistikus-generaal van Statistieke Suid-Afrika, het data uit dié sensus op 24 Maart bekend gemaak. Die getal boerdery-eenhede met alleeneienaars of wat aan trusts behoort, het gedaal. Hierteenoor het die eenhede in besit van beslote korporasies, openbare maatskappye, koöperatiewe verenigings, vennootskappe en private maatskappye gestyg. Die syfers rakende eienaarskap kan vergelyk word met die syfers van 2007, toe die vorige landbousensus gedoen is. Geen sensus is tussen 2007 en 2017 gedoen nie omdat die nodige geld nie daarvoor bewillig is nie. Volgens die jongste sensus is daar 40 122 boerdery-eenhede in die kommersiële sektor, vergeleke met 40 079 in 2007. Meer as die helfte…

DIE verwagtinge vir die kommersiële mielieoes van die huidige seisoen het ’n hupstoot gekry met die opwaartse aanpassing van die skatting tot 14,809 miljoen ton deur die Nasionale Oesskattingskomitee (NOK). Dit is 1,71% of 249 190 ton meer as die NOK se vorige skat-ting van 14,560 miljoen ton. Die skattings vir sonneblom, sojabone en grondbone lyk ook beter as voorheen. “Die uitstekende seisoen is nie net goeie nuus wat die bruto binnelandse produk betref nie, maar die vooruitsig van hoër voorraadvlakke sal voedselinflasie in bedwang hou, selfs al verswak die rand,” sê mnr. Paul Makube, landbou-ekonoom van FNB. Hy sê die swakker rand is ook voordelig vir landbou-uitvoer. Die hersiene skatting van die oppervlakte onder mielies is 2,611 miljoen hektaar en die verwagte opbrengs is 5,67 t/ha. REUSE-STYGING Presies hoe…

TEEN druktyd was daar 1 280 bevestigde Covid-19-gevalle in Suid-Afrika. Op 25 Maart was daar 709 bevestigde gevalle, waarvan 65 nie aan ’n spesifieke provinsie toegeskryf kon word nie. Let daarop dat 208 van die gevalle, of 76% van die 274 gevalle wat geïdentifiseer kon word, verband gehou het met Suid-Afrikaanse reisigers wat van Europa of Brittanje na Suid-Afrika teruggekeer het. Die meeste mense wat die siekte opgedoen het, was met dié reisigers in aanraking. Die meeste van dié gevalle is in die Wes-Kaap aangemeld, gevolg deur KwaZulu-Natal en Gauteng. Covid 19 het sy vastrapplek in die digbevolkte stedelike gebiede gekry. Dit kan ernstige gevolge vir die Suid-Afrikaanse gesondheidsdienste en landbou-uitvoerbedrywe inhou indien die virus onbeperk deur die plaaslike bevolking oorgedra word. GEVOLGE VIR DIE LANDBOU Aappels, pere en sitrus…

Boere gaan moontlik vanjaar 16,3 miljoen kartonhouers pere van 12,5 kg uitvoer. Dit is ’n verlaging van 4% teenoor die vorige seisoen se uitvoer, maar steeds ’n goeie oes, volgens mnr. Jacques du Preez, inligtingsbestuurder van handel en markte by Hortgro. “Die gehalte van die pere is werklik goed vanjaar. Vroeë pere was effens kleiner as gewoonlik vanweë hittegolwe verlede September en Januarie vanjaar. Suid-Afrika kon dus nie die geleentheid vir vroeë pere in die Europese mark vanjaar ten volle benut nie. Die later pere behoort weer normaal te wees. Daar is ’n hoë vraag na pere vanweë die Covid-19-pandemie wat die vraag na gesonde, vars kos verhoog het. Europa se oordragvoorraad is ook laer as gewoonlik, wat die groter vraag verder steun. Hortgro is bekommerd oor die beskikbaarheid van…

B oerdery is in die beste tye ’n riskante onderneming, en baie faktore is buite boere se beheer. Wat wel in jou beheer is, is om seker te maak jou familie se finansiële beplanning is bygewerk ten einde sekuriteit vir die boerdery, die familie en hul toekoms te verseker. Maak tyd om seker te maak alle dokumente rakende die boerdery se inkomstebelasting en BTW is bygewerk. Kyk na alle aspekte van jou beplanning om seker te maak dit is steeds volgens jou wense. Hier volg ’n paar belangrike aspekte om in ag te neem. TESTAMENTE Volgens statistieke wat die meester van die hooggeregshof einde verlede jaar bekend gemaak het, het 70% van alle mense wat gesterf het óf nie ’n testament gehad nie óf hul testament was ongeldig. Hierdie mense…

HOEKOM IS NASPEURBAARHEID SO BELANGRIK? Die Suid-Afrikaanse beesbedryf dra 15,3% tot die totale landbouproduksie by. Dit is aansienlik. Die gebrek aan ’n naspeurbaarheidstelsel veroorsaak die periodieke uitbreking (en potensiële verspreiding) van dieresiektes, soos wat onlangs met bek-en-klouseer ervaar is. Dit het tot ’n verlies van sowat R10 miljard gelei. Boonop belemmer dit internasionale handelsbetrekkinge met uitvoer in ’n tyd waar na die landbou gekyk word om ekonomiese groei te bevorder. WAT IS DIE STAAT SE ROL? Die staat se rol in die bekamping van siektes in die kommunale gebiede en voormalige tuislande het geheel en al in duie gestort. Van hierdie aksies sluit die gereelde dip van beeste in. Die staat se rol is die bestryding van siektes in hierdie gebiede, en uiteraard wetgewing. Die private sektor sal vir die…

Die beste presteerders is nie noodwendig die beste diere vir ’n sekere plaas of omgewing nie. Die klassieke voorbeeld is diere wat aanhou groei en ’n hoë volwasse gewig bereik, maar wat weens ’n té hoë onderhoudsbehoefte nie elke jaar ’n kalf of lam kan lewer nie. Optimale groei moet die uitgangspunt wees en nie noodwendig maksimum groei nie. As jy bloot op groeiteelwaardes vir hoë groei konsentreer, kan jy maklik geboortegewig ook verhoog, tensy jy vir ’n gemiddelde of lae geboortegewig as doelwit teel. Uit ’n ekonomiese oogpunt bly vrugbaarheidsteelwaardes, soos skrotumomtrek en dae tot kalf, verreweg die belangrikste aspekte. Die meeste bees- en skaaprasse het nou teelwaardes vir groei, vrugbaarheid en karkaseienskappe. ’n Mens moet altyd prioriteite by ’n teeldoelwit vir jou diere hê. Daar is selfs rand-indekse…

Die Boer van die Jaar, voormalige lid van pres. Cyril Ramaphosa se adviespaneel oor grondhervorming en voorsitter van die Sernick-groep, mnr. Nick Serfontein, het al honderde opkomende boere bemagtig en op die kommersiële pad geplaas. Wat is die een eienskap van ’n goeie vennootskap? Vertroue en integriteit staan uit. Dit geld ook in die huwelik. Watter oomblik het die bemagtigingslig vir jou opgegaan? Ek het in 2015 besluit om ’n boeredag vir opkomende boere te hou. Die opgewondenheid en dankbaarheid op mense se gesigte om die eerste keer by ’n plek te kom waar hulle inligting oor boerdery ontvang, het my geïnspireer om met die bemagtiging te begin. Wat laat jou aanhou hoop? Die landbou in Suid-Afrika is tans op ’n slegte plek. Tog is daar hierdie groot potensiaal, nie…

Background 18 (reg. nr. V21955, Wet 36 van 1947), ’n Molatek-produk, is alom bekend vir die waarde wat dit toevoeg tot diere op natuurlike weiding. Die hoë proteïeninhoud van bemeste en besproeide weiding is meestal vry van stikstof (stikstof is slegs ’n bousteen van proteïen). Die aanvullingsbehoefte vir bemeste en besproeide weidings is laer proteïen, maar van ’n beter gehalte. Gevolglik beveel Molatek aan dat Background 18 in seker gevalle met graan gemeng word. Molatek het in 2016 begin om ’n produk te ontwikkel vir diere op weiding met ’n hoë stikstofinhoud wat ’n behoefte aan voe-ding van ’n hoë gehalte het. Die produk, Pasture Master (reg.nr. V29510) bevat 12% natuurlike proteïen en 11 MJ/kg Me (dit is gelykstaande aan 69% totale verteerbare voedingstowwe). Tydens die ontwikkeling van Pasture Master…

SAALPERDE 1 Grootkampioen (driegang), The King And I. Eienaar en vertoner: Me. Petro Botha de Waal (082 558 3680), Botha-stal, Stellenbosch. 2 Grootkampioen (vyfgang), World’s Daddy Cool. Eienaar en vertoner: Mnr. Theun Burger (082 929 2032), Wiggins-stal, Porterville. 3 Grootkampioen (driegangkinderryperd), Vissershof Dark Emperor. Eienaar: Me. Elmarie Cilliers (082 683 5928), East Hillstal, Robertson. Vertoner: Zonnika Cilliers. 4 Grootkampioen (vyfgangkinderryperd), Hold Your Breath. Eienaar: Me. Carla Conradie (083 489 9520), Wiggins-stal, Porterville. Vertoner: Kiara Conradie. SA BOERPERDE 5 Universele Elite 5-kampioen (driegang-ryperd), Bakgat Rubetelli. Eienaar: Me. Trudie Viljoen, Appelsdrift-stoetery, Robertson. Vertoner: Me. Monica Viljoen. 6 Elite 5-grootkampioen (tradisionele driegang-ryperd), Burger-trots Geduld. Eienaar: Mnr. Johannes Langenhoven (083 314 0913), Burgertrotsstoetery, Swellendam. Vertoner: Me. Julindie van Brakel. 7 Elite 5-kampioen (tradisionele vyfgang-ryperd), Voorslag Ivan. Eienaar: Mnr. Mathys Streicher (0761271841), Voorslag-stoetery, Swellendam. Vertoner:…

Meellose sjokoladebrandewynkoek Beslag ■ 200 g donkersjokolade, gekap ■ 100 ml brandewyn ■ 200 g sagte botter ■ 250 ml strooisuiker ■ 5 eiers, geskei ■ 200 g gemaalde amandels ■ 3 ml bakpoeier ■ 30 ml kakao ■ 1 ml sout Versiersel ■ 100 g donkersjokolade ■ 60 ml room Voorverhit die oond tot 180 °C en smeer ’n koekpan van 24 cm deeglik met olie. Bestuif goed met kakao. Smelt die sjokolade, brandewyn en botter oor lae hitte tot glad. Verwyder van die hitte. Voeg die strooisuiker en eiergeel by en roer tot die suiker opgelos is. Meng die amandels, bakpoeier, kakao en sout in ’n groot bak en giet die sjokolademengsel by. Roer goed. Klits die eierwit tot stywe punte vorm en vou liggies by die sjokolademengsel…

GAUTENG CARLETONVILLE ROOIPOORTJE(453),470ha, aan Makojalo Beleggings (Edms.) Bpk., van Dirk & Kotie Lourenstrust, R5 000 000. PRETORIA KLIPDRIFT (90), 22 ha, aan Jabula Bush Camp (Edms.) Bpk., van Tuis Bes Konstruksie (Edms.) Bpk., R517 500. KWAZULU-NATAL BALLITO PLAAS (18435), 56 ha en LOT 69 (917), 20 ha, aan Sherpa Trade and Inv. (Edms.) Bpk., van Tongaat Hulett Developments (Edms.) Bpk., R230 000 000. PIETERMARITZBURG TRIPLE CREEK (18686), 35 ha, aan Hummingbird Education (Edms.) Bpk., van J.R.B. McKenzie, R1 500 000. UNDERBERG ALLENDALE (9846), 715 ha; LOT 12 (3511), 41 ha; LOT 13 (3512), 42 ha; LOT 14 (4957), 81 ha; MAXWELL (15163), 623 ha; MAXWELL (16590), 534 ha; REEKIE LYNN (8335), 208 ha; SHELTER NO 1 (9847), 510 ha; SHELTER NO 2 (9661), 250 ha en WUTHERING HEIGHTS (10079), 325…

DIE Meatmaster-groep Karoo Kalahari het inderhaas ’n aanlyn veiling gereël nadat dit begin deurskemer het dat sy veiling op 29 Februarie op Rustenburg nie sou realiseer nie vanweë die destydse verbod op veilings. Die vier verkopers was mnre. Jean du Plessis van Strydenburg Karoo, Chris Potgieter en Riaan Liebenberg van Upington Kalahari en Tommy Bissett van Hope-town Karoo. Du Plessis het die veiling gekoördineer. Volgens Du Plessis het die lede van die Kalahari Karoo-groep, “van wie die meeste net die groen en rooi belknoppie op hul selfone kan druk”, besef hulle weet eintlik niks van die konsep van ’n aanlyn veiling nie. Terme soos “platform”, “aanlyn registrasie”, “starting bid” en “current bid” het hulle nagte laat wakker lê. “Nou dat ons terugkyk en die proses beter verstaan, was die mal…

Moenie die Persieskaapras só vroeg al probeer afskryf nie. Mnr. Kobus Lotter, voorsitter van die Persie-telersgenootskap, sê hoewel die ras die afgelope paar jaar verskeie terugslae beleef het wat die getal Persies in die land onrusbarend laat daal het, kan daar weer ’n opflikkering in die ras plaasvind sodra die weer dit toelaat. Die Persie is ’n ekstensiewe skaapras, maar in die gebiede waar daar tradisioneel sterk daarmee geboer is, is daar al in sekere gebiede ’n rampdroogte wat oor vyf jaar strek. Dit maak dit eintlik onmoontlik vir boere om met die ras voort te gaan omdat daar net nie meer genoeg voer vir dié diere is nie. Boonop is die historiese mark vir Persieskape vanuit Suid-Afrika, die Verenigde Arabiese Emirate (VAE), se deur ook nou gesluit. “Die Arabiese…