Innholdsfortegnelse for 05-Oct-18 i Landbouweekblad

OES GEMIDDELD Die grootte van vanjaar se kommersiële mielie-oes het in die jongste raming — die laaste van die seisoen — nader beweeg aan Suid-Afrika se langtermyngemiddelde van 12,5 miljoen ton. Die Nasionale Oesskattingskomitee raam die oes nou op 12,9 miljoen ton — 276 100 ton (2,09%) minder as die Augustusskatting. Dié verwagte 12,9 miljoen ton is steeds heelwat meer as Suid-Afrika se plaaslike verbruik van 10 miljoen ton tot 1 1 miljoen ton en sal die surplus wat uitgevoer moet word, vergroot. ’n Geskatte 2,319 miljoen ha is onder mielies. Die verwagte opbrengs is 5,58 ton/ha. DROOMDEBUT Me. Emilize Vögel, stoetbestuurder van die Wagondrift-boerdery, ontvang een van die rits pryse wat sy onlangs op die Steytlerville-skou losgeslaan het van mnr. John Hayward van Hobson & Co. Dit was haar…

BELEGGERS op soek na ongewoon hoë opbrengste is besig om toe te sak op die daggasektor, wat tans blitsvinnig sy histories informele baadjie vir ’n meer korporatiewe formaat verruil. Die toeloop op dagga-aandele is danksy die verwagte wettiging daarvan vir onspanningsgebruik in Kanada vandeesmaand, en die feit dat die medisinale gebruik daarvan nou al in byna die helfte van Amerikaanse deelstate wettig is, en ontspanningsgebruik in nege deelstate goedgekeur is. Die onlangse hofbeslissing wat die private, persoonlike gebruik van dagga in Suid-Afrika wettig, beteken soortgelyke neigings kan waarskynlik ook plaaslik verwag word. Canopy Growth, wat op die Toronto-aandelebeurs genoteer is onder die kode WEED, het in Augustus beleggings van $4 miljard (R57,45 miljard) ontvang van Constellation Brands, wat onder meer die biere Corona en Modelo vervaardig. Canopy Growth se webwerf…

DIE WERKLIKHEDE VAN ONTEIENING Ek wens almal in Suid-Afrika kan deel hê in die optimisme wat voortgespruit het uit Landbouweekblad en Agri SA se grondberaad op Bela-Bela. Met “almal” wil ek nie net die boere insluit nie, maar ook die politici. Ons boere is van nature optimisties. ’n Spreker het een keer op ’n landboubyeenkoms gesê: “Soos met evolusie, waar die reël van oorlewing van die sterkste geld, het dit ook in ons boerderye gegeld. Slegs die optimistiese boere het oorgebly. Die pessimiste het almal reeds uitgesterf en boer nie meer nie.” Die geneigdheid deesdae is dan ook om boere as optimiste of pessimiste te kategoriseer. Daar is egter heelwat boere (waarvan ek een is) wat verkies om eerder realiste genoem te word. Die volgende werklikhede in hierdie hele grondonteieningscenario…

ONSEKERHEID oor grondbeleid kan beleggings in boerderye tot stilstand bring en uitvoer en indiensneming knou, sê prof. Ferdi Meyer van die Universiteit van Pretoria en direkteur van die Buro vir Voedsel- en Landboubeleid (BFAP). As tafeldruifboere byvoorbeeld nou op ’n beleid van “strategiese disinvestering” besluit deur nie ou boorde te vervang of nuwe kultivars aan te plant nie, kan uitvoer oor die volgende tien jaar met 40% daal en indiensneming met 30%. “Dit is net die uitwerking as boere beleggings terughou weens onsekerheid oor beleid. Dit toon nog nie die uitwerking van enige groot ontwrigting, soos onteiening sonder vergoeding nie,” het Meyer in sy voorsittersrede op die jaarlikse konferensie van die Landbou-ekonomievereniging van Suid-Afrika (Levsa) op Somerset-Wes gesê. SUKSESVOL Hy het beklemtoon hoe belangrik dit is dat grondhervorming in Suid-Afrika…

DR. VUYO MAHLATI, ontwikkelingsbeplanner en voorsitter van die African Farmers’ Association (Afasa), wat ook al twee jaar lank lid van die Nasionale Beplanningskommissie is, sal die leiding neem in die paneel wat bestaan uit lede met uiteenlopende agtergronde en standpunte. Prof. Ruth Hall, senior navorser by die instituut vir armoede, grond en landboustudies (Plaas), wie se navorsingswerk oor grondhervorming oor 23 jaar strek. Prof. Mohammad Karaan, professor in landbou-ekonomie aan die Universiteit Stellenbosch. Hy was ook ’n lid van die Nasionale Beplanningskommissie. Adv. Tembeka Ngcukaitobi, ’n regskenner en skrywer verbonde aan die Regshulpbronsentrum en die Johannesburgse Balie. Me. Bulelwa Mabasa, ’n prokureur met 16 jaar ervaring, waarvan 12 jaar met grondhervormingskwessies was. Dr. Thandi Ngcobo, uitvoerende hoof en stigter van die Dr. J.L. Dube-instituut aan die Universiteit van KwaZulu-Natal, wat…

D IT begin al hoe minder waarskynlik lyk dat die grondwetlike hersieningskomitee voor die verkiesing gaan klaar wees met sy ondersoek na ’n moontlike wysiging van artikel 25 van die Grondwet. Dit kom nadat dié parlementêre komitee besluit het dat hy bykomende mondelinge kommentaar oor die voorgestelde wysiging aan die Grondwet ten opsigte van onteiening sonder vergoeding sal aanhoor. Talle mense wat skriftelike kommentaar ingedien het, het gevra om ook mondelinge kommentaar te lewer. Die voorlopige verslag oor die openbare sittings wat in die provinsies gehou is, dui op oorweldigende steun ten gunste van ’n grondwetlike wysiging. Dié verslag is reeds by die komitee ingedien. As deel van die proses van openbare kommentaar is skriftelike kommentaar ook ingewin. Volgens mnr. Lewis Nzimande, medevoorsitter van die komitee, is meer as 700…

ASTRAL  | 80%-verbetering Die genoteerde hoenderprodusent Astral verwag dat sy verdienste per aandeel in die 2018-boekjaar minstens 80% hoër sal wees as in die vorige boekjaar — R35,06 per aandeel teenoor R19,48 per aandeel. Die maatskappy sê in ’n aankondiging op die JSE-nuusdiens die beter resultate is hoofsaaklik te danke aan ’n verbetering wat voerkoste betref, asook inkomste uit finansiering. Astral sê ofskoon sy resultate vir die tweede helfte van die boekjaar vergelykbaar is met dié van die vorige jaar, het pluimveeverkoopsvolumes en kleinhandelpryse onder druk gekom weens ’n swakker verbruikersvraag wat veroorsaak is deur stygings in brandstofpryse en BTW. Die boekjaar het op 30 September geëindig, en die resultate word op 19 November bekend gemaak. QUANTUM FOODS  | 219%-styging Die genoteerde kosprodusent en -verwerker Quantum Foods verwag dat sy…

Die vooraanstaande Britse wynjoernalis en wynmeester Tim Atkin het vanjaar vir die eerste keer 100 punte toegeken aan Nuwe Wêreld-wyn. Dié eer het Kanonkop se Paul Sauer 2015, ’n Bordeaux-versnit, te beurt geval. Twee witwyne, Alheit Wingerde se Magnetic North 2017 en Sadie Family ‘T Voetpad 2017, kry elkeen 99 punte in sy boekie. “Ek ken nie maklik sulke hoë puntetellings toe nie, maar hierdie drie ongelooflike, wêreldklas-wyne verdien dit,” sê hy. Atkin se sewende jaarlikse gids oor die Suid-Afrikaanse wynbedryf is onlangs bekend gestel. Atkin het mnr. Chris Alheit van Alheit Wingerde in die Hemel-en-Aarde-vallei as die Wynmaker van die Jaar uitgesonder. Mnr. Lukas van Loggerenberg van Van Loggerenberg Wyne in Devonvallei is sy gekose Jong Wynmaker van die Jaar. Die Wynprodusent van die Jaar is mnr. Basie van…

‘N ONDERSOEK is nodig om vas te stel waarom die Namibiese ministerie van grondsake 5 miljoen ha grond wat aan hom vir herverdeling aangebied is, van die hand gewys het. Mnr. Ryno van der Merwe, voorsitter van die Namibiese Landbou-unie (NLU), gaan dié kwessie op die tweede Namibiese grondberaad bespreek wat van 1 tot 5 Oktober in Windhoek plaasvind. Van der Merwe sê luidens ’n verklaring meer as 8 miljoen ha grond is sedert 1992 deur die beginsel van ’n gewillige koper en ’n gewillige verkoper aan die Namibiese regering aangebied, maar die regering het net 3 miljoen ha vir hervestiging aangekoop. Die oorblywende 5 miljoen ha kon gevolglik aan enige gewillige koper verkoop word. Die redes waarom die grond van die hand gewys is, moet ondersoek en stappe gedoen…

KORTOM ■ Suid-Afrika se landbouskuld het met byna 10% gestyg. ■ Die oorsig van 2017-’18 tot dusver toon min groei in die landbousektor. ■ Die rand-dollar-wisselkoers het verswak, wat onder meer ’n invloed op die pryse van produksiemiddele sal hê. D ie Departement van Landbou, Bosbou en Visserye het in September vanjaar die statistieke oor die landbou-ekonomie bekend gemaak vir die tweede kwartaal van vanjaar, asook die oorsig vir 2017-’18 gemeet teenoor die vorige jaar. Die algehele indruk is dat daar min groei in die landbousektor is. Dit klop met die onlangse syfers van die landbou se bydrae tot die ekonomiese groeikoers wat vanjaar swakker presteer het as verlede jaar. Dit was ’n puik jaar ná vorige jare met kwaai droogtes in die somerreëngebied. Nadat die syfers saamgestel is vir…

Met kontantgewasse is daar gewoonlik wortels wat aktief groei vir drie tot vyf maande, maar dekgewasse skep nuwe opsies. “Dekgewasse laat boere dinge kweek wat hulle nooit gedink het moontlik is nie. Dit bring die pret terug in boerdery,” sê mnr. Steve Groff, ’n boer en “dekgewasafrigter” van Amerika. Hy sê dekgewasse is nie net ’n manier om grondgesondheid te verbeter, die gebruik van kunsmis en plaagdoders te verminder en kontantgewasproduksie te verhoog nie. Dit kan ook winsgewende kontantgewasse wees, veral as verskillende soorte gewasse op dieselfde land verbou word. Hy plant ’n mengsel van ertjies, wieke en kanola saam. “Die erte en wieke gee stikstof en die kanola bied ’n stewige plant waarteen die erte en wieke kan oprank. Aangesien hul sade se grootte verskil, oes ons hulle saam…

Dadels is van die oudste bome wat aan die mens bekend is. Dit groei nog altyd in die gebied rondom die Dooie See en is boonop een van die beste landbouprodukte om mee te boer wat wins betref, sê mnr. Yossi Schick, bestuurder van die Kalia-kibboets se dadelplantasie van 150 ha, een van die grootste dadelaanplantings in Israel. Met ’n inkomste van sowat $70 000/ha (R900 000/ha) teenoor produksiekoste van $35 000/ha tot $40 000/ha (R450 000/ha tot R514 000/ha) kan ’n mens verstaan waarom hulle bereid is om in die dorre, harde gebied ’n bestaan te maak uit die landbou. Die gebied stel groot eise aan mens én plant: Teen sowat 400 m laer as seevlak is Kalia na aan die laagste bewoonbare punt op aarde. As daar 80…

Grondeienaars behoort nie die bewaring van renosterveld in landbouproduksieterme te beoordeel nie, meen mnr. Mike Gregor, besturende direkteur van die plaas Elandsberg naby Wellington, waar renosterveld van 2004 af amptelik bewaar word. ‘‘Vir ons is daar voordele ten opsigte van waterbewaring. Die Elandsbergnatuurreservaat is deel van die spons van die Bergrivierstelsel.’’ Hy sê die grootste voordele van die bewaring van renosterveld is die moontlikhede vir landboutoerisme wat dit skep en die geleentheid om ander soorte van uitwissing te red deur hul habitat te bewaar. ‘‘Die oorblywende stukkies renosterveld is al wat ons het. Bewaring gee ons ’n kans om dit met ander te deel.’’ Die 3 800 ha renosterveld op Elandsberg huisves die suurpootjie (Psammobates geometricus), ’n skilpad waarvan die status ernstig bedreig is. Gregor sê die bewaring en bestuur…

Die temperatuur-regulerende eienskappe wat betonkorwe bo houtkorwe het, is vir hom die grootste voordeel van die Beegin-korwe, meen mnr. Danie Peach van Bee Unique, wat bestuiwingsdienste verskaf en heuning tap in die Vrystaat en Noordwes. “Ek kon waarneem dat die bye minder energie gebruik om die binnetemperatuur op 36 °C te hou. Dit beteken hulle gebruik minder energie aan take soos organisering. Die swermgrootte het ook baie vinniger ná die winter toegeneem en die bye het in ’n vroeër stadium begin heuning maak.” Hy het ook minder las van kewers in die betonkorwe. Peach is veral opgewonde oor die gietvorms en beoog om sy besigheid daarmee uit te brei. “Ek is daarvan oortuig dat die betonkorwe duursamer is en minder onderhoud sal verg.” Hy sal egter nie heeltemal met houtkorwe…

Sedert 2001 het Vtec Trailers uitgebrei tot ’n fabriek wat tot 1 000 waens per jaar kan lewer. Met ’n netwerk van meer as 20 agente en medewerkers wat landwyd waens verkoop en versien, is dit maklik om die wa van jou keuse naby jou tuisdorp te kry. In hierdie digitale era is dit selfs nog makliker om bloot aanlyn deur die verskeidenheid beskikbare waens te sif en te bestel. Vtec Trailers bied gratis konsultasies om die koper te help onderskei tussen wat hy nodig het en graag wil hê. Die maatskappy help ook met herstelwerk of vervangingsbesluite. Sleepwaens word reg oor die wêreld gebou met die doel om goedere van punt A na punt B te vervoer. In Suider-Afrika is hierdie behoefte uniek vanweë beperkte logistieke kanale en omdat…

Die gehalte van lusernhooi wissel aansienlik weens die invloed van verskeie faktore, soos die klimaat, grond, water, die snystadium, voginhoud en veral die hooimaakproses. Die voedingswaarde is wél nie altyd met die blote oog waarneembaar nie. Die wisselende gehalte van lusernhooi het die noodsaaklikheid van ’n vinnige en akkurate graderingstelsel beklemtoon. Dit het gelei tot die ontwikkeling en suksesvolle toepassing van ’n nasionale lusernhooigraderingstelsel. Die Nasionale Lusern Trust (NLT) se skema sertifiseer die lusernhooi ingevolge die bepaling van die gehalte en gradering daarvan. Die bepaling van lusernhooi se gehalte sluit in die neem van verteenwoordigende monsters met ’n standaard-holpuntboor van ’n vrag lusernhooi, die ontleding daarvan met ’n naby-infrarooi-spektrofotometer (NIRS), die beraming van die nuwe lusernkwaliteitsindeks (NLKI), en die gradering van lusernhooi volgens gehaltestandaarde. Die NLKI word bereken op grond…

Met ’n geskiedenis wat oor meer as 50 jaar strek, is Bonnox se sukses grootliks te danke aan sy gehalteprodukte, getroue personeel en die visie van sy stigter, mnr. Volker Schadewaldt. Vandag bedryf mev. Anita Gent dié familie-onderneming nadat sy ’n paar jaar gelede die leisels as besturende direkteur van Bonnox by haar pa oorgeneem het. HOE GEMAAK Sy sê as boere heinings by Bonnox aankoop, kan hulle van gehalte seker wees. “Dan weet jy jy kry ’n ware Bonnox-heining. Ons sal jou help om die regte pale, binddraad en gereedskap te koop om die werk vinnig gedoen te kry.” Om die heinings op te rig, moet die pale 98 meter uit mekaar geplant word om voorsiening te maak vir die vasmaak van die heining aan die paal. Gebruik ’n…

Verlede Oktober is Lely se voermaakafdeling (wat Welger insluit) deur AGCO, Massey Ferguson se vervaardiger, verkry. Die reeks RB-rondebalers bestaan uit vyf modelle met vaste of veranderlike kamers vir die baal van gehaltehooi, -kuilvoer en -strooi oor die hele spektrum. Daar is drie vastekamer-modelle: die intreevlak- MF RB 1125F, die MF RB 2125F en die swaardiens- MF RP 2125F. Dié balers maak bale met ’n deursnee van 1,25 m. Die 18 PowerGrip-staalrollers en vinnige baalrotasie lewer kompakte, eenvormige bale. Die reeks bied ook twee modelle met veranderlike baalkamers – die MF RB 4160V en MF RB 4180V, wat bale van 0,9 m tot 1,6 m of 1,8 m in deursnee en tot 800 kg maak. Vier naatlose dubbellaagbelde verseker duursame werkverrigting teen hoë snelhede. Kenmerke van die reeks sluit in…

My liewe medeboere, meer as ooit tevore wil ek julle aanmoedig om op die Here Jesus Christus te vertrou. Psalm 119:105 sê immers: “U woord is die lamp wat my die weg wys, die lig op my pad.” Vir boere is dit nie ongewoon om voor groot uitdagings te staan te kom nie; hetsy weens die elemente, politiek, ekonomie of huishoudelike probleme, maar ons moet voortgaan. In Eksodus 14:14 sê die Bybel: “Bly julle maar kalm. Die Here sal vir julle veg.” Onthou, die Israeliete was tussen die duiwel en die diep blou see. Voor hulle was die reusagtige Rooi See en agter hulle die sterkste weermag ter wêreld in daardie tyd. Die Israeliete het geen vorm van verdediging of wapens gehad nie. Hulle was heeltemal kwesbaar; tog het die…

’n Konynseleksiegroep met 71 lede (37 boerderye) het met ’n studie begin om die wins en produksie van volhoubare konynboerdery te ondersoek. Mnr. Pieter Keyser, voorsitter van die groep, sê praktiese en eenvoudige formules en doelwitte gaan gebruik word om verskillende kategorieë te ondersoek. “Ons lede gaan hul boerderye vergelyk om die meeste kilogramme geslag per wyfie in verhouding met die eenheid se grootte, die meeste groeiers geslag per wyfie, die meeste groeiers gespeen per wyfie, asook die beste gemiddelde daaglikse gewigstoename (GDT) van geboorte tot speen te vind. Al hierdie syfers word dan vergelyk met ’n slagregister as stawing van die resultate,”sê hy. Keyser sê die groep het ’n langtermyn-kuddegemiddelde van 6,29 kleintjies per wyfie per siklus teen ’n speengewig van 829 g met ’n GDT tot speen van…

10 Die Nigeriese regering wil 10 maatskappye in staatsbesit in die vierde kwartaal aan uitgesoekte beleggers en die publiek verkoop om 289 miljard naira (R1 1 ,24 miljard) in te samel om in die land se begroting vir vanjaar te voorsien. Die regering se privatiseringsagentskap het onlangs 21% van die nasionale munt aan die sentrale bank verkoop vir 17,3 miljard naira (R673 miljoen), en hoop om die verkoop van nog twee maatskappye vroeg in Oktober af te handel. — Fin24 95% Boere “benodig meer waardering en minder blaam”, het dr. Pieter Mulder, voormalige Adjunkminister van Landbou, Bosbou en Visserye, op die onlangse TLU SA-jaarkongres gesê. Die sowat 34 000 kommersiële boere lewer sowat 95% van die land se voedsel. Dit beteken dat minder as 0,07% van die bevolking verantwoordelik is…

‘Dit help nie jy probeer ’n krisis aan die een kant keer en dan skep jy ’n krisis aan die ander kant nie.’ MNR. ADRIAAN GROENEWALD, waterkenner, oor die dreigende krisis in die Oos-Kaapse vrugtebedrywe omdat die Regering weier om waterkwotas uit die Kougadam te verhoog. Bl. 16 ‘Dit kan nog na enige kant toe swaai, veral in die lig van die verandering wat die afgelope week of twee voorgekom het.’ MNR. JOHAN VAN DEN BERG, klimatoloog by Santam, oor die ontwikkeling van ’n El Niño-weerstelsel. Bl. 16 ‘Om die ekonomie te stimuleer, begin by vertroue vir beleggers.’ MNR. BENNIE VAN ZYL, hoofbestuurder van TLU SA, oor die kanse dat pres. Cyril Ramaphosa se ekonomiese reddingsplan gaan werk. Bl. 14 ‘Die groei in die mark is in die boonste segment,…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur REALIS geskryf.…

Gegewe die enorme potensiaal vir werkskepping in die landbou, bevat pres. Cyril Ramaphosa se herstelplan heelwat voorstelle vir die sektor: ■ ’n Steunpakket vir swart kommersiële boere sodat hulle toegang tot voedselwaardekettings kan kry deur toegang tot slagplase en voerkrale. ■ Gemengde finansiering sal met die hulp van die Land Bank, Nywerheidsontwikkelingskorporasie en kommersiële banke verskaf word. ■ Transaksies word tans deur die Land Bank afgehandel wat oor die volgende drie tot vyf jaar werk in die landbou sal skep. ■ ’n Groot deel van dié geld sal vir arbeidsintensiewe uitvoergewasse gebruik word. ■ Boere sal huurkontrakte vir 30 jaar kry sodat hulle makliker toegang tot ontwikkelingsgeld sal kry. ■ ’n Paneel kenners is aangestel om die Regering oor grondhervorming te adviseer. (Sien BERIG hiernaas.)…

DIE twis oor heffings wat tussen die sojaboonbedryf en die Landbounavorsingsraad (LNR) gewoed en tot ’n interdik gelei het, is uiteindelik besleg. Mnr. Gerhard Keun, hoofbestuurder van die Olie- en Proteïens aadontwikkelingstrust (Opot), en dr. Shadrack Moephuli, hoofbestuurder van die LNR, het by laasgenoemde se hoofkantoor in Pretoria ’n ooreenkoms onderteken waarin die organisasies onderneem om in die toekoms nouer saam te werk. “Vir die sojaboonbedryf is dit ’n vreugdevolle dag om uiteindelik ná ’n lang onderhandelingsproses saam met die LNR te vergader en die verklaring te onderteken om saam te werk. Hiermee erken ons ook die werk wat deur die LNR gedoen is om tot hierdie stap te lei,” sê Keun. EENSYDIGE BESLUIT Die twis tussen die sojaboonbedryf en die LNR spruit uit ’n eensydige besluit van mnr. Senzeni…

VANWEË die huidige woelinge oor veral grondhervorming het die organiseerders van die Aldam-veeskool vanjaar besluit om sy blik wyer as veekunde te gooi. Daar is vanjaar dus ook die kans om na insette van mnre. Roelf Meyer, politikus, Ryno van der Merwe, voorsitter van die Namibiese Landbou-unie, Dan Kriek, voorsitter van Agri SA, en dr. John Purchase, uitvoerende hoof van Agbiz, te luister oor die polities-ekonomiese kruispad waarvoor die landbou tans staan. Dr. Michael Bradfield, direkteur van Breedplan Suider-Afrika, sê Zimbabwe is duidelik nie ’n voorbeeld van hoe om grondhervorming suksesvol te laat gebeur nie. Suid-Afrika kan ook nie Botswana se voorbeeld volg nie omdat daar nooit apartheidswetgewing was wat grondbesitpatrone beïnvloed het nie. Hy meen Namibië bied dalk die beste voorbeeld waar landbouleiers met die staat saamwerk aan ’n…

1 RUSLAND Staat maak SA boere die hof Pogings van die Russiese regering om Afrikaanse boere na Rusland te lok om te kom boer, duur steeds voort, en het nou al selfs die gerespekteerde Amerikaanse dagblad Washington Post gehaal. Die koerant haal mnr. Wladimir Polubojarenko, ’n gesant van die provinsiale regering Stavropol, aan wat sê hy betaal uit sy eie sak vir Suid-Afrikaners om na Rusland te reis om boerderygeleenthede te ondersoek. Dit is volgens die koerant onwaarskynlik dat dié pogings sonder die Kremlin se goedkeuring geskied. Wit Afrikaanse boere is blykbaar ’n aantreklike opsie om Rusland se krimpende bevolking aan te vul, en hul waardes strook met Russiese doelwitte om mede-Christene te beskerm. Mnr. Adi Schlebusch, ’n Vrystater wat na Rusland wil verhuis, sê Christelike waardes is vir hom…

Die droogte wat die afgelope drie jaar in die Wes-Kaap heers, het boere gedwing om anders te dink oor water en besproeiing.’n Nuttige handleiding waarin alles wat die moeite werd is om te weet oor die besproeiing van wingerd vervat word, kon dus nie op ’n beter tyd kom nie. Handbook for Irrigation of Wine Grapes in South Africa is deur dr. Philip Myburgh, ’n senior navorser by die Landbounavorsingsraad se Infruitec-Nietvoorbij-instituut vir Vrugte, Wingerd en Wyn, geskryf. Hy het meer as 40 jaar ervaring as navorser oor wingerdbesproeiing. “Die boek is ’n handleiding, wat beteken dat dit nie net wetenskaplike inligting bevat nie, maar ook baie praktiese wenke en inligting wat van toepassing is op enige boer wat wyndruiwe verbou,” sê Myburgh. Volgens me. Lucinda Heyns van die Instituut…

Wetenskaplike metodes bly die beste manier om akkuraat vas te stel waar ’n droogtegeteisterde plaas se grondwater-are vir die presisiesink van boorgate lê. Vergeet maar van die hoed-, waterbottel-, wiggel- en koperdraadmetodes. Só sê mnr. Japie Kleynhans van die onderneming MSG Eksplorasie op Jan Kempdorp. Hy meen waterwys met die hulp van elektroniese satellietskandering is die oplossing vir die watertekorte wat Suid-Afrika en die wêreld in die gesig staar. Volgens Kleynhans het hy ’n program vir gevorderde satellietafstandswaarneming vanaf die Amerikaanse ruimte-agentskap Nasa bekom. Hy ontwikkel dit nou al die afgelope agt jaar om nie net waterryke breuke op te spoor nie, maar ook groot gebiede te identifiseer waar formasies met diamante, goud, ystererts en ander minerale op plase voorkom. Volgens hom is dit die enigste program in sy soort…

Vandeesweek wil ek klem lê op die belangrikheid van ’n testament nadat ek gelees het die Amerikaanse soulsanger Aretha Franklin is oorlede sonder om ’n testament agter te laat. Sy het bates van R1,2 miljard gehad. Ek ken nie boere in hierdie welvaartsklas nie, maar ek dink tog ons kan in die algemeen kyk na die belangrikheid van ’n testament in die Suid-Afrikaanse konteks. As jy sterf en nie ’n testament nalaat nie, sterf jy “intestaat”. Daar word dan met jou bates gehandel ingevolge die Wet op Intestate Erfopvolging (Wet 81 van 1987). Hierdie wet, en dus nie jyself nie, bepaal dan wie erf. Kom ons kyk na van die gevolge. Indien jy nie ’n testament nalaat nie, sê die wet, moet daar op ’n bepaalde manier te werk gegaan…

Wat die gesogte eerbewys as Suider-Afrikaanse Stoetteler van die Jaar anders maak, is dat dit nie net op rekenaarinligting gegrond is nie. “Dis nie asof die beoordelaars net data op ’n rekenaar bekom het nie. Hulle het ook baie persoonlike data oor die kudde ingewin. Behalwe produksie- en reproduksiedata wou hulle byvoorbeeld weet dat ek bulle aan stoet- én kommersiële boere verkoop,” sê dr. Joggie Briedenhann. Wat reproduksie betref, het die beoordelaars selfs gekyk na die persentasie koeie wat in hul eerste, tweede en derde siklus dragtig raak. Dit gaan dus nie net oor tussenkalfperiode (TKP) en ouderdom met eerste kalf (OEK) nie, maar in watter siklus ’n koei dragtig geraak het. Die dier wat in haar eerste siklus dragtig raak, is die vrugbaarste koei. Hulle wou ook bevestig of…

Sy ervaring in Suid-Afrika het aan hom bevestig dat minstens die area rondom Klein-Pella in die Noord-Kaap uiters geskik is vir dadelproduksie, sê mnr. Yossi Schick, bestuurder van die Kalia-kibboets se dadelplantasie. Hy het onder meer vir Karsten-boerdery se dadelvertakking in Suid-Afrika gewerk. “Die bome het hitte en baie water nodig, veral in die aanloop tot oestyd. Daar is hitte in die Noord-Kaap en ek staan elke keer verwonderd as ek die Oranjerivier sien waaruit boere kan water pomp.” Volgens hom is die ideale klimaatstoestande vir dadelproduksie matige winters waar die temperature nie enkelsyfers bereik nie en warm, droë lentes en somers. Die koeler winters beteken wel dat Suid-Afrikaanse dadelboere ’n korter aanloop tot oestyd het – iets wat hulle in gedagte moet hou as hulle uitdun. Die grond in…

Landbouweekblad sal binnekort breedvoeriger oor bestuursriglyne vir renosterveld berig, maar intussen behoort grondeienaars wat die renosterveld op hul eiendom reg wil bestuur, só te maak: ■ Renosterveld behoort ten minste elke tien jaar gebrand te word. Dit moet nooit in die eerste lente ná ’n brand bewei word nie. ■ Renosterveld moet net van laat November tot vroeg Maart bewei word. Oorbeweiding in renosterveld moet voorkom word deur dit ’n ruskans te gee. Waar moontlik, moet renosterveld afsonderlik van omringende weidings bewei word. ■ Alle indringerbome, soos rooikrans, portjackson, denne- en bloekombome, in renosterveld moet uitgeroei word. Waar bloekombome in renosterveld geplant is, en nie as voeding vir bye gebruik word nie, behoort dit afgekap te word. ■ Moenie waterlope, riviere of vleie omploeg nie, en gee natuurlike plantegroei ’n…

SENSORS KRY WAARSKUWINGS OOR VERANDERINGE Sencam Solutions het oplossings ontwikkel waarmee jy jou boerdery doeltreffender, winsgewender en met laer stresvlakke kan bedryf. Hy bied verskeie sensors wat boere kan inlig oor aktiwiteite en bewegings op die plaas. Voorbeelde sluit in die meet van humiditeit in ’n graansilo, temperatuurveranderings in koelkamers, die meting van damvlakke, die beheer van besproeiingspompe en waarskuwings oor moontlike inbrake. Buitengewone sensors, wat skelms nie verwag nie, word veral vir sekerheidsoplossings benut, soos sensors wat vibrasie, klank en temperatuur bepaal. Die sensors stuur die data na die boer se selfoon en hy kry ’n waarskuwing sodra die sensors abnormale bewegings registreer. Die gebruiker besluit self in watter mate hy ’n waarskuwing wil ontvang, byvoorbeeld met hoeveel grade die temperatuur in ’n koelkamer moet styg. Die gebruiker kan…

Die Suid-Afrikaanse Landboumasjinerie-assosiasie (Salma) se jongste syfers toon dat die kleinhandelverkope van trekkers en stropers in Augustus effens gely het, onder meer weens die laat mielie-oes, kommer oor boere se kontantvloeiprobleme, probleme met bankfinansiering en politieke onsekerheid. Trekkerverkope van 487 eenhede in Augustus is sowat 18% minder as die 591 eenhede wat verlede Augustus verkoop is. Vir die jaar tot dusver is trekkerverkope egter sowat 7% hoër as verlede jaar. Stroperverkope van nege eenhede is drie eenhede minder as die 12 eenhede wat verlede Augustus verkoop is. Vir die jaar tot dusver is stroperverkope nou sowat 7% laer as verlede jaar. Die landboumasjineriebedryf is egter steeds hoopvol, ondanks die laer verkope. “Sodra boere klaar hul somergewasse geoes het en beplanning vir die nuwe produksiejaar begin, sal hulle kyk na die…

Glifosaat word deur die plant se blare en sagte stamme opgeneem en regdeur die res van die plant vervoer tot in die wortels en ondergrondse opbergingsorgane, soos knolle en bolle. Omdat glifosaat sistemies is, sal plante (onkruid) wat met glifosaat bespuit is, stadig oor ’n paar dae of weke vrek. Geen deel van die plant behoort te oorleef nie. Geen produkte vir gebruik in die landbou of huistuine wat chemies van aard is, mag verkoop word voor dit streng geëvalueer is. Dié middels word in Suid-Afrika deur die Wet op Misstowwe, Veevoere, Landboumiddels en Veemiddels (Wet 36 van 1947) gereguleer. GEEN GEVAAR Glifosaat het ’n geskiedenis van meer as 40 jaar se veilige gebruik en is in meer as 160 lande geregistreer. Dit was al die onderwerp van meer as…

Abilene Poultry is een van die grootste eierproduseerders in Afrika en lewer sowat 35 000 eiers per dag. Benewens die produksie van eiers boer die maatskappy ook met vleisbeeste. RADARKAMERAS Nadat Abilene Poultry se produksie agteruit begin gaan het weens diefstal, het mnr. Ken Baxter, eienaar van Abilene Poultry, en StratTech, ’n strategiese tegnologiemaatskappy wat produkte vir sekuriteitsrisikobestuur verskaf en vervaardig, na oplossings gesoek. Hulle het besluit op ’n termiese (hitte-) radarkamerastelsel, oftewel die Thermal Imaging Radar-kamerastelsel. StratTech is ’n verspreider van dié produk uit Amerika en het een van min amptelike gesertifiseerde TIR-installeerders wat sy opleiding in Amerika gekry het, in sy diens. LEWENSGEHALTE Die belangrikste rede waarom daar besluit is op die termiese radarkamerastelsel, was omdat dit ’n groot gebied kan monitor, dit het min blinde kolle en…

Ontbeende lamsnek met kruie en suurlemoen ■ 800 g ontbeende lamsnek ■ 15 ml olyfolie ■ 125 ml flou groenteaftreksel ■ sap van 1 suurlemoen Vulsel ■ 3 takkies origanum ■ 12 vars kruisementblare ■ 45 ml platblaarpietersielie ■ 4 vars dadels, ontpit en gekap ■ 2 knoffelhuisies, fyn gekap ■ 15 ml suurlemoenskil ■ 15 ml elk fyn koljander en komyn ■ 15 ml heuning ■ Sowat 120 ml vars broodkrummels, in die oond gedroog Maak die vulsel: Stroop die groen kruie van enige growwe takkies en kap fyn. Meng met die res van die vulselbestanddele. Vlek die vleis (vetkant na onder) oop en geur goed met sout en peper. Skep die vulsel bo-op die lamsvleis en rol op met die vetkant na buite. Bind vas met kombuistou in…

“Die Hackney is ’n vermaaklikheidsperd,” sê mnr. Danie Alberts, voorsitter van die SA Hackney-perdetelersgenootskap. “Hy moet vlugvoetig wees – as jy hom inspan, moet hy nie klak-klak-klak verbykom nie. As die beoordelaar sy oë toehou, moet hy hom nie hoor nie. “Sy agteraksie moet ook mooi wees – hy moet behoorlik instoot. ’n Hackney is soos ’n Volkswagen; sy dryfkrag sit agter. “Hy moet met ’n vurige houding aankom wat jou laat dink dat jy hom aan ’n paal sal moet vasmaak om hom vas te hou. Hy moet sê: ‘Man, hier is ek!’ Ore mooi vorentoe, asof hy iets soek. Party trekperde lyk ongelukkig, met ore wat kant toe hang of platgetrek is.” Die Hackney is lewendig, verduidelik Danie, maar as jy van kleins af mooi met hom werk,…

Agri SA het saam met AgriSeta (die staatsagentskap wat verantwoordelik is vir die administrasie en finansiering van opleidingsprogramme binne die landbou) en die Universiteit Stellenbosch die eerste leierskapsontwikkelingskursus in die landbou aangebied. Die kursus het oor twee maande gestrek en veranderingsbestuur, mentorskap, konflikhantering en projek- en finansiële bestuur behels. Al die studente wat ingeskryf het, het geslaag. Mnr. Johannes Möller, voormalige voorsitter van Agri SA, is die beskermheer van die projek. Hy het onlangs saam met dr. Christo van der Rheede, adjunk-uitvoerende direkteur van Agri SA, die sertifikate oorhandig. Die studente het die geleentheid gehad om by kundiges in die landbou te leer. Dit sluit in mnre. Rossouw Cillié, boer van Ceres, Willem Bestbier, hoofbeampte van die SA Tafeldruifbedryf, en Gerard Martin, uitvoerende hoof van Winetech. Die studente het ook…

Ek wil my stem voeg by die koor van verontwaardiging wat middel September by Nampo Kaap opgegaan het oor die onkunde waarmee die nie-landboumedia dikwels oor die landbou skryf. Vir mense wat brood, vleis en groente eet, wyn en bier drink, rook, en woljassies en leertassies dra, weet sommige van hulle darem min van die landbou. Dieselfde geld ander kommentators en selfs besluitnemers. Boerdery en die landbou is aansienlik meer ingewikkeld en gesofistikeerd as die prentjie in hul koppe. Dis seisoenaal en aan skommelinge in die natuur uitgelewer. Ten spyte daarvan is boere nie besig om en masse op te hou belê en planne te maak nie. Inteendeel. Enigiemand wat met ’n oop gemoed (en oë) lank genoeg in boerderygebiede rondbeweeg, sal verbaas wees om te sien hoe die trekkers,…

GROND: HIER IS RAMAPHOSA SE RAADGEWENDE PANEEL Pres. Cyril Ramaphosa het die name bekend gemaak van ’n adviespaneel wat die interministeriële komitee oor grondhervorming, onder leiding van adj.pres. David Mabuza, sal bystaan. Die paneel bestaan uit tien lede en sal die komitee raad gee oor beleidskwessies wat met grondhervorming te doen het, soos restitusie, herverdeling, sekerheid van verblyfreg en landbousteun aan nuwe boere. ANTOON ROODT skryf: En só besluit “hulle” oor die eiendom van ander. Ek is jammer, maar as saamgespan en gekonkel word oor hoe om “wettiglik” die eiendom van die een te steel en aan die ander te gee, dan is dit net daar waar ek van die bus afklim. HANNETJIE MACMILLAN skryf: Dit is meestal mense met baie jare se ondervinding in grondverdeling — met ander woorde…

DIE Land Bank is gereed om tot die sukses van pres. Cyril Ramaphosa se herstelplan by te dra, sê mnr. Bennie van Rooy, die bank se finansiële hoof. Hy sê die bank het ’n groot rol om meer landbougrond in produksie te kry deur die nodige finansiering en grootskaalse projekte aan te pak, wat tot voedselsekerheid en werkskepping kan bydra. Van Rooy sê die “gemengde finansiering” waarna Ramaphosa in sy plan verwys, behels enige vorm van finansiering waar die bank en nog ’n instelling se finansiering dit moontlik maak om ’n laer rentekoers aan opkomende boere te bied. Die bank het reeds, danksy skenkings van die Nasionale Tesourie se Jobs Fund, projekte saam met kommersiële boere aangepak, waar laekostelenings toegestaan is en die boere tegniese raad aan opkomende boere gee.…

DIE weerstelsels waarvolgens die vlak van die verwagte El Niño-verskynsel voorspel word, het “effens begin draai”, sê mnr. Johan van den Berg, ’n klimatoloog by Santam Landbou. Volgens die El Niño Suidelike Ossillasie-indeks (Enso) is die aanduidings vir ’n El Niño-weerstelsel tans neutraal. “Die aanduidings is egter steeds dat ’n swak El Niño-stelsel kan heers in die midsomer, maar die stelsel lyk tans minder intensief as wat vorige voorspellings aangedui het,” sê Van den Berg. September en Oktober is gewoonlik die maande waartydens voorspellings ten opsigte van El Niño of La Niña met meer sekerheid gemaak kan word. “Die Enso-indeks dui al ’n El Niño-stelsel aan, maar die werklike see-oppervlaktemperature in die El Niño-gebiede is minder as 0,5 °C warmer as normaal, wat nog dui op neutrale toestande,” sê hy.…

SUID -AFRIK A ANSE boere sal elke maatreël tot hul beskikking moet gebruik in hul onderhandelinge met die Regering rakende die grondkwessie. Dít is die mening van dr. Pieter Mulder, voormalige Adjunkminister van Landbou, Bosbou en Visserye, wat op TLU SA se jaarkongres in Pretoria gepraat het. Hy sê hy was betrokke by verskeie voorstelle en oplossings waaroor die Regering en boere ooreengekom, maar waarvan dan niks gekom het nie. “ ’n Slim plan gaan nie genoeg wees nie; boere sal hul bedingingsmag moet gebruik om volhoubare verandering te bewerkstellig.” Mulder sê voedselsekerheid is ’n belangrike bedingingsposisie vir die kommersiële landbou. “Die Regering besef die erns van voedselsekerheid en dat hongersnood sy mag vinnig kan wegkalwe. Onthou egter, in Zimbabwe was die meeste boere reeds van hul grond teen die…

1 GHANA Groot belegging in sukkelende hoenderbedryf ’n Aantal Marokkaanse beleggers het op die onlangse Ghana-Marokko-pluimveeberaad in Accra aangedui dat hulle in die Ghanese pluimveebedryf wil belê. Ghana voer jaarliks nagenoeg 135 miljoen ton pluimveevleis in. Volgens dr. Owusu Afriyie Akoto, Ghanese minister van landbou, kan die land minder afhanklik van invoer raak indien Marokkaanse maatskappye se beloofde kapitaalinspuiting in die Ghanese bedryf ’n werklikheid word. Marokko is ’n netto uitvoerder van pluimveevleis. Die invoer van kitsbevrore pluimvee uit Europa het verlede jaar met 70% gestyg, en plaaslike boere kan nie meeding met die laer pryse nie. — MyJoyOnline 2 ZAMBIË Invoer bedreig suiwelbedryf Die Suiwelvereniging van Zambië (DAZ) sê die grootmaatinvoer van goedkoop melk en suiwelprodukte bring onregverdige mededinging en strem groei in die bedryf. Volgens mnr. Borwell Chiyabi,…

DIE formulering van nuwe beleid gaan nie geraak word nie deur die skielike afsterwe van me. Edna Molewa, Minister van Omgewingsake, sê mnr. Albi Modise, woordvoerder van die departement. Een van die nuwe konsepwetsontwerpe waaraan Molewa en haar span gewerk het, raak klimaatsverandering. Dit is in Junie vir openbare kommentaar bekend gestel. Hierdie wetgewing moet die weg baan vir koolstofbegrotings en ander stappe om die vrystelling van kweekhuisgasse te verminder. Nog wetgewing waaraan tans gewerk word en wat voor die Nasionale Vergadering dien, is die wetsontwerp op die nasionale bestuur van omgewingswette. Mees onlangs het Molewa aangedui dat beleidsveranderinge moontlik sal moet kom rakende geblikte leeujag en die uitvoer van leeubene. Dit volg nadat vooraanstaande internasionale bewaringsorganisasies Suid-Afrika se voorstaan van hierdie praktyk bevraagteken het.…

DIE wynbedryf is by breekpunt tensy boere R12 000 per ton vir druiwe betaal word. Dít was mnr. Eben Sadie, bekroonde wynmaker en eienaar van Sadie Family Wines, se waarskuwing op die Philadelphia-boerevereniging se jaarvergadering. “Suid-Afrika se wynbedryf is by ’n kruispad. Ons weet dis nie winsgewend nie en ouens kan nie meer boer nie, daarom is baie wingerde die afgelope tyd uitgekap. Ons kan nie eens meeding met rooibostee nie, met sitrus val ons heeltemal uit die bus uit en as jy genoeg hektare koring plant, kry wingerd ook pak.” Hy sê wynboere is prysnemers, wat nie genoeg vir hul druiwe betaal word om duur boerderypraktyke te regverdig nie. Die verlies aan hektare, ’n tekort aan grootmaatwyn en die invloed van die droogte het egter ’n tweede kans gegee…

HAND EL A ARS wil vanjaar van middel September tot die eerste week van November ’n bietjie meer as 350 000 ton mielies uitvoer. Dit is volgens die inligting oor uitvoervoornemens wat die Suid-Afrikaanse Graaninligtingsdiens (Sagis) nou weekliks bekend maak. Om die speelveld tussen kopers en verkopers meer gelyk te maak, moet handelaars nou vooruit inligting aan Sagis verskaf oor hul voorgenome in- en uitvoer. Dié inligting word om 12:00 op ’n Donderdag saam met weeklikse in- en uitvoersyfers bekend gemaak. Volgens die jongste syfers wil die handelaars 248 770 ton geel en 101 879 ton wit mielies uitvoer. Geen mielie-invoer word in dié tydperk beoog nie. In die huidige bemarkingsjaar wat in Mei begin het, is 1,092 miljoen ton geel mielies uitgevoer tot 14 September, die meeste daarvan (545…

D ie produksie van landbouprodukte en die verwerking en die verspreiding daarvan in dorpe en stede gaan toeneem. Dit sluit veral die produksie van landbouprodukte in kweekhuise, akwakultuur en binnenshuise vertikale boerderypraktyke in. Groenteproduksie op die dakke van geboue in Johannesburg is al ’n werklikheid. Daar is verskeie bronne wat die groei in stedelike landbou wêreldwyd projekteer en dit moet versigtig hanteer word. Sommige maatskappye wat in stedelike boerdery belê het, bestaan nie meer nie of is nie meer aktief betrokke by voedselproduksie in stedelike gebiede nie. Volgens Global Market Watch kan die wêreldmark vir vertikale boerdery in 2022 al $6 triljoen beloop. Suid-Afrika se totale bruto produksiewaarde vir primêre landbouproduksie is sowat R266 miljard. Volgens Research and Markets sal dié mark in Europa in 2023 $7,2 biljoen bereik. Die…

■ Boere wat die grond met ’n verskeidenheid dek- en kontantgewasse bedek kan hou en vir die grootste deel van die jaar lewende wortels in die grond het, kan groot voordele te wagte wees. ■ Mnr. Steve Groff, ’n Amerikaanse boer en dekgewasraadgewer, se plaaseksperimente toon dat dekgewasse help om kunsmis doeltreffender te maak. ■ Daar is ook voordele daarin om dekgewasse so vroeg moontlik te plant om waarde te put uit die groter hoeveelheid materiaal van gewasse wat langer kan groei.…

Die dae is verby dat ’n bul met ’n indrukwekkende voorkoms die hoogste prys behaal het, want dit sê bykans niks van sy waarde as toekomstige teelbul nie. Die koms van genomika is besig om hierdie oudmodiese manier van bulseleksie op sy kop te keer. Die Namibiese leierboer dr. Joggie Briedenhann het die groot waarde van genomika reg aan die begin van die tegnologiese ontwikkeling gesnap. Vandag pas hy die beginsels reeds voluit in sy Bonsmarastoetery Hartebeestloop toe. Briedenhann en sy vrou, Eugenie, is dus nie om dowe neute op die vorige Aldam-veeskool as Pick n Pay, Landbouweekblad en Breedplan se Suider-Afrikaanse Stoetteler van die Jaar bekroon nie. Hulle bedryf hul stoetery op die plaas Hartebeestloop by Stampriet in die suide van Namibië, waar hulle ook ’n kommersiële veeboerdery en…

Die Suid-Afrikaanse dadelbedryf groei uit sy kinderskoene danksy nuwe aanplantings elke jaar. Mnr. BJ van Zyl van korporatiewe dienste by ZZ2 sê in Suid-Afrika word dadels tans verbou op sowat 240 ha, waarvan ongeveer 180 ha aan die Karsten-boerdery behoort. Die Namibiese dadelbedryf (waarby ZZ2 ook ’n belang het) strek oor sowat 700 ha. Die vernaamste produksiestreek is rondom Klein-Pella in die Noord-Kaap. “Die boorde lewer ongeveer 2 400 ton dadels per jaar, wat hoofsaaklik uitgevoer word. Baie min daarvan word in Suid-Afrika bemark. Karas, ’n ZZ2-projek, het wel die binnelandse mark betree deur dadels op varsproduktemarkte en kleinhandelspunte te verkoop,” sê BJ. “Die bedryf se toekoms lyk uiters belowend, want dadels word as ’n supervrug beskou omdat dit so gesond is. Suid-Afrika lewer ook in die teenoorgestelde tyd van…

SIMMENTALER 1 Junior en grootkampioenbul, Wellaway Bosman WA16-36. Eienaars: Mnre. Gavin (links) en Stephen Matthews (middel, sel 076 865 0640), Wellawaystoetery, Sannieshof. Hanteerder: Mnr. Hendrik Motsamai. 2 Senior, grootkampioen- en superkoei, Taaibosspruit Dipsie PJO12-65. Eienaars: Mnre. Chris en Pieter Oelofse (sel 079 275 9695), Taaibosspruit-stoetery, Lichtenburg. Hanteerder: Mnr. Jors Kgotsile. 3 Reserwe junior en reserwegrootkampioenbul, Taaibosspruit Izaiah PJO16-71. Eienaars: Mnre. Chris en Pieter Oelofse, Taaibosspruit-stoetery, Lichtenburg. Hanteerder: Mnr. Jors Kgotsile. 4 Reserwe senior, reserwegrootkampioen en superkoei, Simberg Sadau JS10-15. Mnre. Jamie Berger (sel 084 410 3703) en Marius Nel (sel 083 983 7280), Simberg-stoetery, Coligny. Hanteerder: Mnr. Thomas Chauke. WIT BRAHMAN 5 Junior, groot en opperste kampioenbul, Brandwater HOT15-487. Eienaar: Mnr. Linde du Plessis (links, sel 083 700 8592), Brandwater-stoetery, Fouriesburg. Hanteerder: Mnr. Sam Motaung. 6 Senior en grootkampioenkoei, Brandwater…

Sedert Suid-Afrika in die 1990’s toenemend wêreldwyd begin sake doen het, het Tal-Tec stadig maar seker meer gevestig geraak in Afrika. Deesdae bedien die onderneming klante deur gevestigde, toonaangewende maatskappye in Botswana, Namibië, Zambië en Zimbabwe. Hy word goed verteenwoordig in die Suider-Afrikaanse Ontwikkelingsgemeenskap, maar het ook tevrede klante in Kenia, Uganda, Rwanda, Nigerië en Marokko. Tal-Tec se eerste uitstalling was 46 jaar gelede op die Pretoria-skou, twee jaar voor die maatskappy in Brits gestig is. Deesdae stel Tal-Tec landwyd produkte op verskeie skoue en boeredae ten toon. In 2010 het Tal-Tec ’n bykomende eiendom van 1 ha aangeskaf en met ’n uitbreidingsprogram begin wat vandag vrugte afwerp. “Ons gaan ons produksieproses verdeel en die grondstowwe en onderdeleverwerking na die nuwe gerief van 3 000 m2 verskuif. Die sweis- en…

K2 Saad bied ’n wye reeks saad van hoë gehalte aan produsente, waaronder agronomie-, weiding- en groentesaad. Nuvance, ’n groentemaatskappy, funksioneer as ’n filiaalmaatskappy van K2 Saad. K2 Saad se tegniese span bied ook die nodige ondersteuning sodat produsente volhoubaarheid kan verseker. K2Saad se ontstaan dateer van 1945 toe dit deel uitgemaak het van Klein Karoo Koöperasie. K2 Saad is in die vroeë 2000’s tot stand gebring en is sowat vyf jaar gelede uitgekoop deur Zaad, onder die landbou-arm Zeder, van PSG. Die maatskappy verskaf saad aan produsente in Afrika suid van die Sahara. Hoewel verskeie maatskappye se saad versprei word, is K2 Saad al hoe meer daarop toegespits om sy eie kultivars te vestig. VERNUWING K2 Saad se bestuurspan, met mnr. Eugene Muller as besturende direkteur, het onlangs veranderinge…

Van die belangrike gedragspatrone wat ’n veeboer moet onthou, is dat beeste slegte ervarings lank onthou. Goed ontwerpte krale maak die beeste rustig en makliker hanteerbaar. Beeste is baie gevoelig vir rowwe hantering. Volgens gedragskenners wil diere na die plek gaan waar hulle gemaklik was. ’n Gekromde drukgang bied die valse indruk dat hulle teruggaan na daardie gerieflike plek. Me. Carin Nortjé van Algar Veehanteringstoerusting sê dit is doeltreffender om in sirkels te werk. Dit keer dat daar “dooie” hoeke gevorm word waarin die diere bly maal pleks van om vorentoe te beweeg. Die hoogte van die kraal, die wydte van die gange, die plasing van toegangshekke, die helling en oppervlak van die grond, die posisie van die kraal op die plaas en genoeg ruimte vir die vragmotors om te…

Benodigdhede ■ Plastiekhouer (breed genoeg vir twee borsels aan weerskante en onder die skoen) ■ Boor en ’n baie dun houtboorpunt ■ Betonboorpunt (nr. 6) ■ 6 kort houtskroewe (3 mm) ■ 3 skropborsels (plastiek) ■ 2 betonskroewe (6 mm) ■ Wondergom en ligkleurige kryt ■ Skroewedraaier TREK GIDSMERKE ■ Gebruik wondergom om die borsels aan die binnekant van die plastiekhouer, een in die middel van elke sy, in plek te hou. ■ Trek gidslyne rondom elke borsel met die kryt. ■ Verwyder die borsels. BRING DIE BOOR ■ Met ’n dun houtboorpunt, boor gaatjies deur die houer – sowat 1 cm van die binnelyn van die gidsmerke af. ■ Plaas die skropborsels aan die binnekant van die plastiekhouer en boor deur die bestaande gaatjies. BORSELS OP HUL PLEK ■…

Daar is net drie Suid-Afrikaanse voëlsoorte wat op sandstrande broei: Die swarttobie (Haematopus moquini),die vaalstrandkiewiet (Charadrius marginatus) en die Damarasterretjie (Sternula balaenarum). Al drie is boonop uiters kwesbaar vir versteuring deur mense, diere en meeue. Die swarttobie, BirdLife Suid-Afrika se voël van die jaar, is swart met ’n rooi snawel en bene – ’n onmiskenbare voël wat nie sommer verwar kan word nie. Die wyfie is ietwat groter as die mannetjie en het ’n langer, meer gepunte snawel. Die kuikens is eers grys en donserig en die jongetjies se snawels word geleidelik rooierig, met ’n swart punt. Die wyfies neem drie jaar en die mannetjies vier jaar om volwassenheid te bereik. Hulle vreet hoofsaaklik mossels, klipmossels, skaaldiere en wurms en voed selde buite die tussengety-sone. Anders as wat hul Engelse…

Goeie reënval en betreklik lae dagtemperature in September skep verwagtinge vir ’n bogemiddelde koringoes, sê mnr. Johan de Lange, hoofbestuurder van regstreekse verkope en dienste by Kaap Agri. “Ná ’n droër tyd en oostewind in die middel van die produksietyd wissel oesverwagtinge in die noordelike deel van die Swartland van gemiddeld tot bogemiddeld. Dele in die suide kan uitsien na goeie oeste.” De Lange sê verdere reën gaan ’n verskil maak. “Die koring is in die aarvulstadium, maar daar is nog koring wat blom.” Mnr. Johan Lusse, bestuurder van Overberg Agri se graandiensafdeling, sê oesverwagtinge in hul bedieningsgebied in die Swartland is gemiddeld tot bogemiddeld. “In die Overberg verwag ons gemiddelde tot bogemiddelde oeste in 70% van die gebied. In die ooste verwag ons gemiddelde tot ondergemiddelde oeste. Reën sal…

GAUTENG PRETORIA GROENFONTEIN (526), 22 ha, aan K. Mpofu, van F.W.H. Mock, R320 000. HARTBEESTFONTEIN (240), 62 ha, aan Nadosize (Edms.) Bpk., van Meerstad Five Nine Inv (Edms.) Bpk., R1 500 000. WITKLIP (539), 21 ha, aan J.G. en M.M. Steyn, van C. en R. van der Merwe, R2 100 000. ZANDFONTEIN (317), 22 ha, aan Cosmopolitan Projects Tshwane (Edms.) Bpk., van L. Croukamp, R14 000 000. ZANDFONTEIN (317), 27 ha, aan Cosmopolitan Projects Tshwane, van C. Smit, R15 000 000. ZANDFONTEIN (317), 37 ha, aan Cosmopolitan Projects Tshwane, van Anglo Rhodesian Brickworks, R18 500 000. KWAZULU-NATAL LADYSMITH MATOWAANS KLOOF (1063), 528 ha, aan Sizakahlegemeenskapseiendomsvereniging, van Jana-trust, R4 000 000. QUAGGAS DRIFT (1258), 152 ha, aan Qedusizi-gemeenskapseiendomsvereniging, van Phillipus de Jager-trust, R1 196 188. PORT SHEPSTONE LINCOLN (13982), 31 ha,…

By altesame 42,8% van die distrikte in die Vrystaat het grondpryse laer geneig in die 12 maande tot Julie vanjaar. In twee distrikte is geen onlangse transaksies aangeteken nie. Die ontleding van grondverkope in die TABEL is vir grond van meer as 10 ha. In dié tyd is 643 ooreenkomste gesluit wat altesame 261 005 ha teen R3,643 miljard behels het. Daarvan was 82 transaksies van kleur – 13% van die totaal. Dié soort transaksies sluit in verhandelings tussen individue (68), staatsaankope vir landbougrond (7) en grond wat vir stedelike ontwikkeling verkry is (10). Dit het 28 894 ha (11,1%) teen R441 miljoen – 12,1% van die totale waarde – behels. Van die totaal was 50 transaksies vir grond van minder as 50 ha (8%), met die meeste transaksies (329…