Innholdsfortegnelse for 14-Sep-18 i Landbouweekblad

DOODLOOP-RIVIER Die Krakeelrivier in die Langkloof het ná slegs een dag weer byna leeggeloop ná wydverspreide reën verlede naweek. Die rivier voed die Waboomrivier, wat op sy beurt in die Kougarivier inloop. Mnr. Riaan Strydom, ’n boer van die omgewing wat dié foto’s geneem het, sê baie water gaan in die droë rivierlope verlore, en afloopwater uit die gebied het nie die Kougadam gehaal nie. Hy sê met opvolgreën wat met druktyd voorspel is, kan die water wel die dam haal. Die Langkloof is een van die hoofproduksiegebiede van appels en pere in Suid-Afrika. Volgens Hortgro is die naasmeeste peerbome en die vierde meeste appelbome in Suid-Afrika in die ooste van die Langkloof geleë. Lees meer op bl. 16. LISTERIOSE KWYN Die genoteerde kosverwerker Tiger Brands sê voorbereidings om sy…

DIE Regering sal minstens R500 miljoen bestee om die onderverhaling in brandstofpryse in September te dek, het mnr. Jeff Radebe, Minister van Energie, gesê. Die petrolprys sou na verwagting met 25 c/liter styg. Weens voortdurende groot stygings in die prys het die Regering die styging tot 5 c/liter beperk. Dit is die eerste keer sedert 1990 dat die Regering brandstofpryse ingekort het, berig Bloomberg, ná druk van vakbonde en opposisiepartye om op te tree. Die tekort sal uit ’n heffingsrekening betaal word wat die onderverhaling en oorverhaling van die prys balanseer met daaglikse wisselinge in die olieprys. Dit word deur die Sentrale Energiefonds bestuur. Dr. Azar Jammine, hoofekonoom by Econometrix, sê dié tydelike prysstilstand is “onlogies en gevaarlik”. “Die koste vir die departement sal in hierdie geval meer as R575…

ARTIKELS & RUBRIEKE ■ Só lyk grondpryse in Suid-Afrika nou ■ Stuiting van ondergrondse versuring ’n stap nader ■ Potgieters se rooi beeste besorg lekker wins ■ Laat wei maar, dit kan jou geld spaar ■ Gelukkige, droë lammers in dié skaapvoerkraal SPESIAAL ■ Hooimaak GESIN ■ Boerekos: Die lieflike geur van laventel WISSELBOU ’nBewesestudie indieWes-Kaaptoon ditnouswartopwit:Die integreringvanskapebywisselboukanonkruidonderdruk, jougeld bespaarén dieomgewingbeskerm.Envirdieboerewatnieveewil integreernie,wysdienavorsinggewasverskeidenheidonderdruk onkruidbeter.…

’n Voormalige gedugte jagter — en nou bewaringsboer en buffelteler — teel siektevrye buffels op sy plaas, Zeekoegat, naby Heidelberg in die Wes-Kaap, en ontwikkel ook ’n nuwe dubbeldoelbeesras. MNR. LINDSAY HUNT meen Suid-Afrika moet waak daarteen om klein buffels met oorgroot horings (“rotte met horings”) te teel — en in die “geblikte buffeljag”-slagyster te trap. Lees die artikel op bl. 36. VERTEL ONS VAN JOU GESIN. Ek en my vrou, Laura, het twee jong, voorskoolse kinders. HET JY GESTUDEER? WAT EN WAAR? Ek het ekonomie en ekonomiese geskiedenis aan die Universiteit van Kaapstad gestudeer. WAT LEES JY GRAAG? Enigiets van die skrywer Trevanian (Rodney W. Whitaker), asook heelwat nie-fiksiewerke. WAAR HOU JULLE VAKANSIE? Meestal in Italië. Dis ’n ontsettend uiteenlopende land waar ek terselfderyd ook soms werk en nuwe…

DIE droogte in die Wes-Kaap en laat oeste in die somersaaigebiede het ’n groot rol gespeel in die inkrimping in die landbou-ekonomie in die tweede kwartaal van vanjaar. Só sê mnr. Wandile Sihlobo, hoof van landbousakenavorsing by die landbousakekamer Agbiz, oor die inkrimping van 29,2%. Aangesien die sektor se ekonomie in die vorige kwartaal ook gekrimp het – met 33,6% – is dit nou in ’n tegniese resessie. Die inkrimping in die landbou het daartoe bygedra dat die nasionale ekonomie ook in ’n tegniese resessie beweeg het deurdat dit die tweede agtereenvolgende kwartaal met 0,7% ingekrimp het. Sihlobo sê in ’n verklaring die landbou-inkrimping van 29,2% is heelwat groter as die 19% wat hy verwag het. Hy sê daar was op ’n jaargrondslag ’n daling van 20% in koringproduksie, 13%…

SONDER ingryping en ’n gunstige wisselkoers is die “dood van die inmaakbedryf” straks op hande. Só het boere op ’n spesiale vergadering deur die Inmaakprodusentevereniging (IPV) op Robertson gesê. Dit volg nadat Lange-berg & Ashton Foods (L&AF) boere pas “onaanvaarbare’’ kontrakte, wat net vir ’n jaar geldig is, aangebied het. Die L&AF oorweeg ’n voorstel om sy westelike fabriek op Ashton te sluit. “As hulle net ’n kontrak vir een jaar aanbied en boonop oorweeg om ’n fabriek te sluit, moet jy darem baie hoopvol wees as jy dink dit gaan in die toekoms beter gaan. “Ons kan nie toelaat dat hulle weens onbekwaamheid en onrealistiese verwagtings oor marges ’n bedryf, wat nog altyd wesenlik was in die Wes-Kaap, sluit nie, veral nie as ’n mens die gevolge vir arbeid…

DIE huidige openbare gesprek oor grondonteiening rig baie skade aan en kan verhoudinge in Suid-Afrika in die aanloop tot die 2019-verkiesing laat ontspoor, waarsku me. Melanie Verwoerd, politieke ontleder en voormalige Suid-Afrikaanse ambassadeur in Ierland. Verwoerd het afgevaardigdes op Agri Noord-Kaap se kongres gemaan om nie met oorlogpraatjies laer te trek nie en te waak teen ’n denkwyse van “ons teen hulle”. “Dit is ’n gesprek wat aan die een kant deur die EFF aangedryf word en aan die ander kant deur AfriForum. Albei groepe probeer vrees aanwakker, wat verhoudinge in die land en die moontlike oplossing van die gronddebat kan beduiwel,” sê sy. Verwoerd voorsien dat ’n poging aangewend sal word om artikel 25 van die Grondwet aan te pas. “Soos ek dit van ANC-bronne verstaan, is dit daarop…

1 ZAMBIË | Blokketting help met bier-kassawe Zambian Breweries is besig om ’n nuwe tegnologieplatform in werking te stel wat sy aankope by duisende kassaweboere aansienlik sal vergemaklik. Die brouery gebruik die kassawe vir die land se gewilde en goedkoop Eagle Lager. Die inligtingsplatform BanQu is ontwerp met die hulp van buitelandse konsultante en gebruik ’n selfoongebaseerde blokkettingstelsel om naspeurbaarheid te versterk. Die stelsel gebruik GPS om boere op te spoor, agente te identifiseer en om transaksies te verifieer. Aanvanklik was 1 000 boere in die gidsprojek, en vanjaar wil die maatskappy hierdie aantal verdubbel. – Lusaka Times 2 ANGOLA | Brasilië maak vriende Die Brasiliaanse minister van lewende hawe, landbou en voorsiening, mnr. Blairo Maggi, besoek Angola vandeesweek op die vooraand van ’n sakesending om vennootskappe in die landboubesigheidsektor…

DIE plaaslike suikerbedryf staar ’n ramp in die gesig omdat die Regering nie die dollargebaseerde verwysingsprys, waarop die invoertarief gegrond word, genoegsaam verhoog het nie. Die verwysingsprys is van $566 tot $680 verhoog. Die bedryf het aansoek gedoen vir ’n verwysingsprys van $856. Die Suid-Afrikaanse Suikervereniging (Sasa) het in sy aansoek aan die Kommissie vir Internasionale Handelsadministrasie (Itac) gesê die bedryf kort dringende beskerming vir die koste van plaaslike produksie omdat subsidies aan ander lande se suikerrietboere die wêreldsuikermark verwring. Mnr. Trix Trikam, uitvoerende direkteur van Sasa, sê Itac se beskermingsmaatreël is onvoldoende in die lig van dié werklikhede. Die gewysigde verwysingsprys is geldig tot Augustus 2021. Die bedryf sal dus nou ’n nuwe aansoek by Itac moet bring vir ’n hoër verwysingsprys. GEVOLGE VIR BEDRYF Trikam waarsku oorg rampspoedige…

eesvleispryse het plaaslik sedert 2010 op ’n jaargrondslag gestyg. Die gemiddelde jaarlikse pryse vir klas A-beesvleiskarkasse het oor die afgelope drie kalenderjare met 24% toegeneem, terwyl speenkalfpryse met 69% gestyg het. Die laer mielieprys, 2016 se droogte en ’n kleiner nasionale beeskudde ondersteun plaaslike bees- en speenkalfpryse. Suid-Afrika het ’n wesenlike tekort aan gehalte-speenkalwers. Weens kontantvloeidruk hou graanprodusente ook hul speenkalwers terug om die laer mieliepryse beter te benut. Die rand se gemiddelde jaarlikse waarde het oor die afgelope drie jaar sedert 2016 versterk, ondanks die wisselkoersbewegings. Die ondersteuning wat die rand op ’n jaargrondslag vir beesvleisuitvoer gebied het, het gedaal. Die beleidsonsekerheid wat nou volg, kan tot ’n swakker rand lei. Dit kan egter die uitvoer van beesvleis aan die een kant en jagpakkette vir die wildbedryf aan die…

Die beste manier om vinnig grondregte aan die meeste Suid-Afrikaners terug te besorg, bly ’n doeltreffende grondhervormingsproses met die minimum staatsbetrokkenheid. Ons siening daaroor stem min of meer ooreen met dié van regsgeleerdes, soos advokate Tembeka Ngcukaitobi en Thuli Madonsela, asook die ANC se eie standpunt wat die party op sy onlangse grondberaad aanvaar het. Dié standpunt stel dit dat die huidige be-palings van die Grondwet wat onteieningsmagte verleen, onmiddellik toegepas moet word om die grense van die vergoedingsklousule te toets voor ’n wysiging van die Grondwet oorweeg word. Dit maak voorsiening vir ’n omvattende grondhervormingsprogram met duidelike beginsels wat in die Grondwet vervat word. Die Grondwet gee ook aan die staat ’n duidelik gedefinieerde taak om grondhervorming, waaronder besitreghervorming, in die voormalige tuislande in werking te stel. Die Grondwet…

Die Kaapse Blommeryk is die kleinste blommeryk ter wêreld en huisves die grootste verskeidenheid, maar is ook een van die mees bedreigde ryke. Klimaatsverandering gaan na verwagting fynbos ernstig knou. In die jongste nuusbrief van die Flower Valley-bewaringstrust in die Overberg, skryf me. Lesley Richardson, uitvoerende direkteur, daar is ses redes waarom klimaatsverandering so ’n groot bedreiging vir die toekoms van fynbos inhou. Beramings wat wetenskaplikes as deel van die Wes-Kaapse departement van landbou se SmartAgri-projek gedoen het, toon die fynbosbioom se omvang kan met 51% tot 65% krimp weens klimaatsverandering. Navorsing toon ook die rykdom plantsoorte kan verminder weens warmer en droër weer, veranderde brandpatrone en indringerplante. Klimaatsverandering is boonop sleg vir besigheid omdat die bevolkings van fynbossoorte wat wild gepluk word, kan verklein, hul habitatte gefragmenteer kan word…

Die sitrusbedryf sal swaar op handelsmerke moet staatmaak om verbruikersvertroue in te boesem en die vraag aan te wakker na die groot volumes sagtesitrus wat na verwagting binnekort na die mark gaan vloei. Só meen mnr. Etienne Rabe, visevoorsitter van Wonderful, die grootste sitrusprodusent in Amerika. Suid-Afrika produseer tans sowat 200 000 ton mandaryne per jaar. Na verwagting sal dit tot 750 000 ton styg. Altesaam 500 000 ton word jaarliks in die Suidelike Halfrond geoes, en vooruitskatting toon dit kan vyfvoudig groei. “Die mandarynbedryf het sedert 2009 met rasse skrede gegroei, maar ons is bekommerd dat 64% van die mandarynaanplantings jonger as vyf jaar oud is. Daar is dus ’n berg vrugte wat kom – nie net van Suid-Afrika nie, maar oral uit die Suidelike Halfrond,” het hy op…

Slenkdalkoorshet inMei vanjaar by Jacobsdal in die Vrystaat uitgebreek, sê dr. Faffa Malan, bestuurder van die Herkouer-veterinêre Vereniging van Suid-Afrika (RuVASA), in sy Julie-verslag. Boere moet altyd op die uitkyk wees vir die simptome daarvan sodat dit so vinnig moontlik in die kiem gesmoor kan word. Slenkdalkoors is ’n soönotiese siekte. ’n Soönose is enige siekte of infeksie wat natuurlik oordraagbaar is van gewerwelde diere aan mense en omgekeerd. Mense is dikwels toevallige gas-here wat die siekte opdoen deur noue kontak met ’n besmette dier wat simptomaties kan wees of nie. Die simptome is soortgelyk aan dié van griep, begin vinnig en veroorsaak strawwe koors, hoofpyn en pyn in spiere, rug en gewrigte. “Baie mense herstel sonder probleme, maar ’n veranderlike persentasie kan ernstiger simptome ontwikkel wat die lewer aantas…

Wanneer ’n verbruiker winkel toe gaan om kruideniersware te koop, staan verskeie faktore in die pad van ’n goeie ervaring. Sekere produkte is nie beskikbaar nie, daar is te veel mense in die winkel, die ry by die betaalpunte is te lank en dalk is die verbruiker moeg en geïrriteerd. Gevolglik moet tegnologie en die varsproduktemark hande vat om saam die verbruikerservaring geriefliker te maak. Internasionale handel, aanlyn inkopies, wetenskap en tegnologie, talentbestuur en verbruikersneigings is van die aspekte wat die internasionale varsproduktemark die afgelope paar jaar beïnvloed het, het me. Jin Ju Wilder, voorsitter van die internasionale raad van direkteure van die bemarkingsvereniging vir vars produkte PMA, gesê op dié vereniging se konferensie wat in Augustus by die WNNR in Pretoria gehou is. Mededinging in die kruidenierswarebedryf kom van…

Idwala is ’n voorloper op die gebied van kalkverskaffing en sy produkreeks vir die landbou is daarop toegespits om verskeie oplossings te bied, van grondregstellings tot plantvoeding. Idwala se myne by Port Shepstone (kalsiumkarbonaat) in KwaZulu-Natal en by Daniëlskuil (kalksteen) in die Noord-Kaap is op van die rykste kalsiumbronne in Suid-Afrika gevestig en dit dra by tot die hoë gehalte van die produkte. Wêreldklastegnologie word ingespan om om dié grondstowwe verder te verwerk. Die maatskappy is deel van die Synchem-groep, wat uit verskeie vooraanstaande chemiese maatskappye bestaan. OMYA, ’n maatskappy wat in Switserland gesetel en ’n wêreldleier op die gebied van kalsiumprodukte is, bied ook ondersteuning aan Idwala. SIEN IS GLO ’n Voorbeeld van hoe goed Idwala se produkte in die praktyk werk, wys by die Wesvalia-boerdery by Howick in…

Rissie-enknoffelrolletjies Deeg ■ 5 x 250 ml witbroodmeel ■ 1 pakkie (10 g) kitsgis ■ 30 ml suiker ■ 7 ml sout ■ 2 ekstragroot eiers ■ 60 ml olie ■ 500 ml louwarm water ■ 2 knoffelhuisies, baie fyn gekap Rissie-en-knoffelbotter ■ 200 g botter, gesmelt ■ 2 groen brandrissies, pitte verwyder en fyn gekap ■ 3-5 knoffelhuisies, baie fyn gekap ■ 5 ml fyngekapte, vars roosmaryn ■ Vars gemaalde swartpeper na smaak Smeer 2 middelslagbroodpanne liggies met botter of spuit met kleefwerende kossproei. Meng die droë bestanddele vir die brood saam in ’n groot mengbak. In ’n ander bak, klits die eiers, olie, water en knoffel saam en voeg dit by die droë bestanddele terwyl jy meng, tot ’n sagte deeg vorm. Knie die deeg op ’n meelbestrooide…

SOÖNOTIESE siektes het die grootste potensiaal om die volgende wêreldwye pandemie te word, sê dr. Lesley van Helden, staatsveearts van die Wes-Kaapse departement van landbou wat die tweejaarlikse internasionale One Health-kongres in Saskatoon in Kanada bygewoon het. Die kongres word aangebied om akademici en beleidmakers op die gebiede van menslike, diere- en omgewingsgesondheid byeen te bring om oor knelpunte te praat. Luidens die Julieverslag van dr. Faffa Malan, bestuurder van die Herkouerveterinêre Vereniging van Suid-Afrika (RuVASA), oor siektes wat deur veeartse in Suid-Afrika aangemeld is, word die uitbreking van dieresiektes internasionaal as ’n bedreiging beskou, met soönose die grootste gevaar. Dit behels siektes wat van ’n dier na ’n mens en van ’n mens na ’n dier oorgedra kan word. Van Helden sê in haar verslag aan RuVASA ’n miljard…

Die pionier van witlof in Suid-Afrika, mnr. Fanie van der Merwe van Bronaar Plase in die Koue-Bokkeveld, het ná meer as twee jaar se navorsing en ontwikkeling die kommersialisering van rooilof aangekondig. “Rooilof, in België bekend as rooi andyvie, is net so moeilik om te produseer soos witlof. Dit word ook in hidroponika-donkerkamers met beheerde klimaat in die tweede fase van produksie gekweek. Bronaar is opgewonde om aan Suid-Afrikaners die geleentheid te bied om dié gesogte Belgiese groente te leer ken. “Omdat die produksiekoste van rooilof met sy pragtige rooi are in die wit blaar, baie hoog is, is dit ’n luukse groentesoort, soos artisjokke en vars, wit aspersies. “Daar is twee redes waarom witén rooilof duur is om te produseer. Die eerste fase van produksie is om die sigorei-wortel…

Die volgende ontleding van grondverkope in Suid-Afrika is van transaksies vir grond van meer as 10 ha in Mpumalanga, die Noord-Kaap en Noordwes vanaf Junie verlede jaar tot Mei vanjaar. In Mpumalanga was daar ’n dalende neiging in twee distrikte. Altesame 411 transaksies het 99 293 ha teen R2,582 miljard behels. Daarvan was 97 (24%) ooreenkomste van kleur, wat 31 676 ha (31,9%) teen R747 miljoen behels het. Die meeste transaksies (33%) was vir grond van minder as 50 ha. In die Noord-Kaap is 302 transaksies in 20 distrikte beklink. Dit het 809 570 ha teen R2,518 miljard behels. Daarvan was 39 transaksies van kleur (13%), wat 174 701 ha (21,6%) teen R534 miljoen (21,2% van die algehele waarde) verteenwoordig. Altesame 72% van die transaksies was vir grond van meer…

As deel van die tweede Certified Wagyu Breeders-veiling op 21 September in die Atterburyteater, Pretoria, sal belangstellendes met ’n nuwe slimfoontoepassing op ’n afsonderlike, intydse (“timed”) veiling kan bie. Afgesien van die geleentheid om aan die “timed” veiling (wat op 19 September elektronies open) te kan deelneem, kan belangstellendes ook die katalogus van die veiling op die toepassing sien. Op die veiling sal pryse wat per lot behaal word, dadelik op die toepassing verskyn. Met die CWB-toepassing kan voornemende bieërs maklik aansoek doen om registrasie en hulle sal maklik en elektronies op diere, embrio’s en semen kan bie. Die CWB-toepassing vergemaklik bieëry aangesien dit vinnig reageer. Toegang tot die veiling is op die bieër se vingerpunte. Bod-inkremente word outomaties uitgewerk volgens die bodpatrone van bieërs. Deelnemers kan ander botte sien…

73% Pinotageverkope in Suid-Afrika het die afgelope vyf jaar met 73% toegeneem, volgens mnr. Beyers Truter, voorsitter van die Pinotage-assosiasie. Hy was ’n spreker by die Kaapse Peroldversnitkompetisie vir versnitte met 30% tot 70% Pinotage. Die wenwyne vanjaar is Leipzig Master Blend 2017, KWV Abraham Perold Tributum 2014, Lyngrove Platinum Latitude 2016, Pulpit Rock Louisa 2014 en Wildekrans Cape Blend Barrel Select Reserve 2015. – Alani Janeke 127% Die invoertariewe vir koring en koringmeel het op 24 Augustus met nagenoeg 127% gestyg. Vir koring het die tarief gestyg van 28,17 c/ kg tot 64,06 c/kg, en vir meel van 42,26 c/kg tot 96,09 c/kg. Die lande van die Suid-Afrikaanse Ontwikkelingsgemeenskap (SAOG) is uitgesluit van dié tariefmaatreël. Die tarief geld vir produkte soos geklassifiseer ingevolge die Suid-Afrikaanse Inkomstediens se tariefonderafdelings 1001.91…

‘Dit is soos om vlieë met ’n voorhamer te probeer doodslaan.’ MNR. RICHARD SPOOR, regskenner, oor die staat se besluit om grond te onteien in gevalle waar prysonderhandelinge misluk. Bl. 22 ‘In feitlik ál die betrokke distrikte het kuddes met meer as 50% verminder, met dieselfde persentasie verlies aan inkomste.’ ME. HESTER OBERMEYER van Save the Sheep Sutherland, oor die swaarkry in die Karoo se droogtegeteisterde gemeenskappe. Bl. 16 ‘OBP vervaardig soveel entstof as wat daar in die vorige jaar verkoop is. Die stelsel kan egter nie verkope registreer waarvoor daar nie voorraad was nie.’ DR. PETER OBEREM, direkteur van Afrivet, oor die rede vir die lae vlakke van entstof teen slenkdalkoors. Bl. 18 ‘Alle nuwe boere benodig hulp en bystand, ongeag hul agtergrond.’ MNR. JUSTIN STIRK, lid van Frontier…

MELKBOERE KRY MINDER, MAAR FABRIEKSPRYSE STYG Melkboere se produsentepryse het sedert Maart vanjaar met 5,5% gedaal, maar die fabriekspryse van suiwelprodukte het in dieselfde tyd met 2,2% gestyg. Die MPO sê verskeie melkboere moes reeds die bedryf verlaat weens die uitwerking van die kosteknyptang op hul boerdery. JOHAN SCRIBANTE skryf: Dit is duidelik dat die MPO nie kan somme maak nie. Van R5,30 (per liter) tot R4,00 is beslis nie (’n daling van) 5,5% nie! Dit lyk eerder na meer as 20%. En ons bloei dood weens hul lamsakkigheid. JOHAN VAN NIEKERK antwoord: Ai, Johan. Jy is nog een van die bevoorregte boere wat wel R4,00 kry. My prys is lankal R3,50, en dis nie weens penalisasie nie. Dis ’n prys op ’n briefhoof. Dit het ook niks te doen…

DIE Departement van Landelike Ontwikkeling en Grondhervorming gooi wal teen bewerings dat die staat twee plase wat aan die Akkerland Boerdery in Limpopo behoort, wil onteien om die vestiging van ’n steenkoolmyn daar te verhaas. Mnr. David Brown, uitvoerende hoof van die betrokke mynmaatskappy Coal of Africa Limited, wat intussen sy naam verander het na MC Mining, sê in een van sy eie publikasies dat toegang tot oppervlakregte van die twee plase die projek vertraag. Hy wys in die betrokke publikasie daarop dat daar ’n grondeise-proses aan die gang is en hoop dat die uitstaande kwessies vandeesmaand afgehandel kan word. Só kan hulle toegang tot finansiering van R1,3 miljard kry vir die bou van die myn. Boonop toon die maatskappy se eie prospektusse dat die Musekwa-gemeenskap, die groep wat die…

DIE Suid-Afrikaanse Pluimveevereniging (SAPV) wil dr. Rob Davies, Minister van Handel en Nywerheid, met ’n hofbevel dwing om die kwota Amerikaanse hoenderstukke wat sonder teenstortingstariewe ingevoer kan word, te laat opskort. Amerika en Suid-Afrika het die kwota van 65 000 ton per jaar in 2015 onderhandel om te verseker dat Suid-Afrika deel kon bly van die Amerikaanse wet op groei en geleenthede in Afrika (Agoa). Suid-Afrika hef sedert 2000 ’n teenstortingstarief op Amerikaanse hoenderstukke aan die been, maar die kwota is sedert einde 2015 van die tarief vrygestel. Die SAPV vra die Hooggeregshof in Pretoria om Davies, kragtens die Wet op die Bevordering van Administratiewe Geregtigheid (die sogenaamde Paja), op-drag te gee om die nodige stappe te doen om die tariefkorting op die kwota op te skort. RABAT Dr. Ziyanda…

’N VEEBOER uit die dorre Karoo is vanjaar die streekwenner wat die Noord-Kaap in Toyota se Jongboer van die Jaar-kompetisie verteenwoordig. Mnr. Van Zyl Naudé van die plaas Niekerksfontein, Richmond, is op die jaarkongres van Agri Noord-Kaap in Kimberley as die streekwenner en die gebied se Veeboer van die Jaar aangewys. Die naaswenner is mnr. Danie Fourie, ’n besproeiingsboer van die plaas Spookland, Douglas, wat die Noord-Kaap se Besproeiingsboer van die Jaar is. Naudé is een van sy gemeenskap se voorslaglede wat onder meer die dorp se jaarlikse veldskou reël. Hy het ook meegehelp dat die nasionale Merino-veldskou, die Merino Classic, van 13 tot 15 Februarie aanstaande jaar tydens die Richmond-skou aangebied word. Sy plaas van meer as 10 000 ha met natuurlike bossie- en grasveld is aan die rand…

CHINA ontwikkel tans sowat 90% van die wêreld se chemiese, aktiewe bestanddele wat in gewasbeskermende produkte gebruik word, en die vereistes en regulasies oor die gehalte daarvan word daar baie opgeskerp. Meer as 2 000 vervaardigers van gewasbeskermingsprodukte werk in China, het mnr. Rudolph Geldenhuys van die maatskappy InteliChem gesê op ’n tegniese inligtingsdag naby Robertson wat aangebied is deur die Droëvrugte Tegniese Dienste (DTD) en die Inmaakvrugte-produsentevereniging (IPV) . Produkte is vandag baie “sagter” en omgewingsvriendeliker as 50 jaar gelede. “Die akute giftigheid het met sowat 50% gedaal.” In Switserland moet sintetiese doders binne drie jaar uitgefaseer wees, en in Frankryk binne vyf jaar. Binne vyf jaar moet die aktiewe bestanddeel in middels, soos glifosaat, in die hele Europese Unie (EU) uitgefaseer wees. GROEIPROJEKSIES Die markaandeel van biologiese produkte…

KORTOM ■ Die georganiseerde landbou het laat blyk hy sal saam met die Regering werk om grondhervorming te bevorder binne ’n stelsel wat eiendomsreg waarborg. ■ Die Land Bank se finansiële posisie is gesond, maar dié situasie kan vinnig verander as sy finansiers aandring op die onmiddellike terugbetaling van hul geld. ■ Danksy Landbouweekblad en Agri SA se grondberaad, gesprekke met senior politici en groter samewerking binne die georganiseerde landbou het die gesprek in die laaste twee weke van Augustus geswaai van grondonteiening na grondhervorming. it wil voorkom of die regerende ANC se meedoënlose standpunt van die laaste paar maande – dat onteiening sonder vergoeding op groot skaal as beleid voorgestaan word – in die proses is om deur werklikhede getemper te word. Die standpunte van die landbou is welbekend.…

Hoewel die Vaalhartsomgewing in die Noord-Kaap Suid-Afrika se grootste en vernaamste pekanneut-produksiegebied is, lewer die Waterberg-omgewing in Limpopo ’n al hoe groter bydrae tot die land se aanplantings. Een van die mense wat ’n sleutelrol in die aanplanting van pekanneute in Limpopo speel, is mnr. Ivan Otto, voorsitter van die Suid-Afrikaanse Pekanneut-produsentevereniging (Sappa) in Limpopo. Otto het 160 ha onder pekanneute op sy plaas naby Modimolle en hy verskaf deur sy kwekery plantmateriaal aan boere tot in Mpumalanga se Laeveld. Ondanks die pas waarteen pekanneute in Limpopo aangeplant word, sê Otto die streek is eintlik baie onderontwikkel wat pekanneute betref. Deesdae is daar een of twee verwerkers in Gauteng, maar die meeste neute wat in Limpopo verbou word, word steeds na Vaalharts vervoer. Die Waterberg-omgewing is baie geskik vir pekanneute…

In die 1960’s was die sitrusbedryf maar beperk wat betref die aantal kultivars tot sy beskikking, maar teen die 1970’s het ’n paar betrokkenes, veral mense wat destyds by Outspan gewerk het, ’n belangstelling in nuwe kultivars begin kweek. Suid-Afrika was een van die eerste lande wat die nuwe kultivars wat maklik afskil, aangegryp het — tot 15 jaar voor Kalifornië. Die eerste satsuma-tipes is vroeg in die 1970’s ingebring, en dit was basies die begin van proewe met kultivars wat maklik afskil. Vroeg in die 1980’s is ’n fondasieblok geplant en tot in die 1990’s het mense gewoeker om nuwe kultivars te identifiseer en in te voer. Kultivarmaatskappye het sedert die middel van die 1990’s hul deure oopgemaak. “In 2001 het laat mandaryne van ’n goeie gehalte wat ook…

Die bekroonde rooibosboer mnr. Hannes van der Merwe het ’n lang boerderypad geloop voor hy op sy eie grond kon beland. Danksy noukeurige produksiebeplanning, behoorlike plantasievestiging en -bestuur, en navorsing dra hy die kroon as Rooibos Bpk. se Boer van die Jaar (sien ook “Van huurder tot voorste rooibosboer”, LBW, 15 Junie 2018). Hy bestuur sy plantasies deur die jaar met werktuie wat hy self bou. Voor die rooibosplantjies geplant word, word Neutrog-hoendermiskorrels met ’n skeurploeg in die grond gebandplaas. Twee Kverneland-tande, vas aan ’n sentrale balk van 100 mm x 4,5 mm vierkantyster, breek die ploegbank. Bo-op die werktuig is ’n kunsmisbak (’n ou mielieplanterbak) vol hoendermiskorrels. ’n Ysterwiel is met kettings en ratwiele aan ’n spiraalstaaf in die kunsmisbak gekoppel. Dié wiel dryf die vrystelling van die korrels…

Die herfskommandowurm, oorspronklik uit Amerika, het behoorlik opslae in die media gemaak. Al wat motlarwe is, word gou in boerderykringe vir die nuwe onwelkome amokmakers uit die buiteland aangesien en entomoloë word daagliks om identifikasieraad oorval. Herfskommandowurms is in werklikheid die derde immigrantgogga wat binne net ’n paar jaar ernstige kommer in die Suid-Afrikaanse landbou wek. Taamlik vars in die geheue is die verskyning van nog ’n immigrante motspesie Tuta absoluta, wat groenteboere in 2015-’16 ongemaklik laat kriewel het. ’n Wyle voor Tuta se koms, het ’n ander indringer in 2013 die vrugteverhoog met ingeneem, naamlik die vrugtevlieg Bactrocera invadens. Selfs vóór dit het nagmerrievliegies, Liriomyza trifolii (Amerikaanse blaarmyner) en meer onlangs L. huidobrensis (ertjieblaarmyner), groenteboere salpeter laat uitslaan. Al hierdie immigrante het hulle plaaslik stewig ingewurm en word vandag…

Onlangse studies het dit duidelik gemaak dat alle seewier en seewierprodukte nie dieselfde is nie. Seewier wat verskillend verwerk word, kan eindprodukte met biologiese en fisiologiese verskille tot gevolg hê. Seewierekstrakte word té algemeen deur vervaardigers en gebruikers saam gegroepeer sonder om die geografiese oorsprong, die seewiersoort en die verwerkingsproses in ag te neem. Gevolglik is alle seewierprodukte nie identies of ewe doeltreffend nie en dit kan nie dieselfde toegedien word nie. Navorsers aan die Universiteit Stellenbosch het die verskille tussen Kelpak® en soortgelyke produkte ondersoek. Gebruik jou foon om via die QR-kode die navorsing te lees of tik die skakel https://link.springer.com/article/10.1007/s10811-015-0644-z op jou internetlaaier in. Nuwe, wetenskaplike bewyse is gevind met beter verduidelikings hoe Kelpak® in landboutoedienings funksioneer. Die tradisionele verduideliking was dat seewierprodukte natuurlike planthormone, soos ouksiene en…

Waar in Suid-Afrika word koring oral verbou? Die Wes-Kaap is verreweg die grootste produksiegebied. Destyds is daar ook op plekke soos die Oos-Vrystaat met koring geboer, maar dit het weggeval. Die voordeel in die Wes-Kaap is dat ons natuurlike winterreën kry; elders moet koring onder spilpunte verbou word. Hoe bemark julle? ’n Oop vryemarkstelsel geld vir die koringbedryf. Ons verskaf aan agente wat die koring namens ons verkoop aan die Bokomo’s, Tiger Brands en Sasko’s van die wêreld. Ek en my vrou het al die organiese nismark ondersoek, maar dit was ’n doodloopstraat omdat dit duur is om ’n meule op te rig. Produksie en bemarking is ook moeilik. Mense is gewoond aan luukse, sagte kos; hulle wil nie meer goeie, growwe meel eet nie. Watter voordele bring bewaringsboerdery? Dis…

Indien die sentrale deel van die land in die vroegsomer, of die hele somer, weens ’n moontlike El Niño-stelsel droë, warm toestande het, kan dit tot laer produksie van lusern lei, hoewel die gehalte hoog sal wees. Mnr. Fanus Linde, hoof van veevoer en vesel by GWK, sê dit sal lusernpryse laat styg, maar pryse kan ook baie wissel weens die onbestendigheid van faktore wat pryse beïnvloed. Dié “koningin van voergewasse” is veral belangrik in hoëproduksie- intensiewe bedrywe, soos melkproduksie en skaapvoerkrale. “Pryse het die afgelope vyf jaar van R1 600/ton tot R3 000/ ton of meer gewissel, maar die gemiddeld vir prima-grade het die afgelope seisoen tot R2 000/ ton en R2 200/ton teruggesak.” Linde sê pryse word deur die graad van die lusern, die internasionale prys, die wisselkoers,…

BOEREDAE 12-14 SEPTEMBER: Nampo Kaap. Bredasdorp. Web: www.grainsa.co.za 11 OKTOBER: Melkbokinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za 12 OKTOBER: Vleisbeesinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za EKSPO’S EN ANDER 20-21 SEPTEMBER: AGRI 5 se kommoditeite-werkswinkel en ekspo. Oos-Londen. Tel. 011 056 6856, e-pos: info@atoneworks.co.za 21-24 SEPTEMBER: Dewetsdorp-veldfees. Plesierrit, pretstap, ghongskiet, skaap- en beesskou, bekende sangers, Vrystaatse bergfietskampioenskap. Hansie Swanepoel, sel 082 821 2909. Johan Fourie, sel 082 878 3147. 22-24 SEPTEMBER: Driedagtrekkerrit, aangebied deur die Suid-Kaap-tak van die SA Federasie van Veteraantrekker-en-enjinklubs. E-pos: sekr.wk@telkomsa.net 29-30 SEPTEMBER: Tafelbergerfgoedversamelaars se veteraneekspo. Delvera, Stellenbosch. Uitstallings van veteraantrekkers, enjins, motors en militêre toerusting. Land Rover se 70ste verjaardagviering. Mariëtte, sel 082 670 7637. 30 SEPTEMBER: Groote…

Met ál groter wordende woede luister ’n mens na die getuienis tydens die verhore oor staatskaping en die aanslag op die Suid-Afrikaanse Inkomstediens. Die skaal, ywer en skaamteloosheid waarmee Suid-Afrika die afgelope dekade rot en kaal besteel is, is eenvoudig verbysterend. Teen die tempo waarteen gesteel is, wonder ’n mens of daar hoegenaamd gewerk is. Die kans is ook skraal dat die verantwoordelike blikskottels binnekort agter tralies gaan sit. Ons het ons wetstoepassers en vervolgingsgesag in so ’n mate verwaarloos dat ons stomme staatsaanklaers sukkel om selfs die eenvoudigste saak te pak, soos om die Guptas se korrupte betrokkenheid by die Estina-melkprojek te bewys. Maar wat verwag ’n mens wanneer die polisie in Noordwes blykbaar self miljarde rande verduister het? Oudpres. Jacob Zuma en sy plunderaarsbende het hul “werk” deeglik…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur PETRUS ROUX geskryf.…

WYDVERSPREIDE en broodnodige reën het verlede naweek verligting gebring vir boere in die droogste dele van die Oos-Kaap. Mnr. Peter Knoesen, voorsitter van die Steytlerville-boerevereniging, sê veral die heel droogste dele het reën gekry. “Nog heelwat opvolgreën is egter nodig. Die aarde is droog, die boorgate het gesak en die watergehalte het verswak.” Hy sê dit het ongeveer 12 mm naby aan die dorp gereën, en nader aan die berge in die rigting van die Baviaanskloof het boere ongeveer 20 mm gemeet. Volgens die Suid-Afrikaanse Weerdiens het Joubertina 32 mm reën ontvang, Patensie 42 mm en Uitenhage 38 mm. ’n Boer van Steytlerville het nagenoeg 100 jaaroud-Angorabokke weens die reën verloor. Knoesen sê die drakrag van die veld is baie swak, maar dit is noodsaaklik dat boere by die regte…

HOEWEL dit lyk of Onderstepoort Biologiese Produkte (OBP) en boere die blaam vir tekorte aan entstof teen slenkdalkoors voor mekaar se deur wil lê, het albei partye ’n aandeel in die situasie. Só sê dr. Peter Oberem, direkteur van die dieregesondheidsmaatskappy Afrivet. Landbouweekblad het die afgelope paar maande berig dat entstoftekorte kan ontstaan as boere nie betyds daarvan bestel nie. In reaksie daarop skryf mnr. D.P. Viljoen van Upington in ’n brief dat hy by sy plaaslike veearts, asook by Agrimark navraag gedoen het oor die beskikbaarheid van entstof teen slenkdalkoors. “Albei instellings het navraag gedoen by die verskaffers en bestellings geplaas, maar sonder sukses. “Die antwoord was deurgaans dat die entstof óf nie beskikbaar is nie óf om die een of ander rede nie aangestuur kan word nie. “Dit…

DIE georganiseerde landbou het oor die afgelope twee maande begin om die morele vraagstukke binne die sektor te erken en te verstaan, wat beteken Suid-Afrika bevind hom nou eintlik aan die begin van die gesprek oor grond, meen dr. Theo Venter, politieke ontleder aan die Noordwes-Universiteit. “Dit is belangrik om te verstaan hoe die ander party in ’n saak dink en ek meen dit is wat in die georganiseerde landbou gebeur. ’n Meewarige of beterweterige houding gaan nie ’n oplossing help vind nie, maar net groter vyandigheid skep,” het Venter op Agri Gauteng se kongres in Centurion gesê. “Daar is duidelik ’n behoefte om die bepalings binne artikel 25 van die Grondwet duideliker te maak. Voorsiening is reeds gemaak vir onteiening en daar is goeie redes daarvoor, soos waar grond…

ONSEKERHEID sal in Suid-Afrika heers en baie politieke geraas sal plaasvind tot die verkiesing volgende jaar – en dit beïnvloed die ekonomiese wisselvalligheid van die land. Geen beleidsekerheid en min ekonomiese groei kan verwag word tot met die verkiesing. Dié waarskuwing kom van mnr. Dawie Maree, hoofekonoom van Eerste Nasionale Bank (FNB), op ’n tegniese inligtingsdag naby Robertson. Die inligtingsdag is deur Droëvrugte Tegniese Dienste (DTD) en die Inmaakvrugte-produsentevereniging (IPV) aangebied. Maree sê die wêreldekonomie lyk op papier gunstiger as wat dit werklik is, en daar is heelwat onsekerheid. “Ramaforia”, die euforie ná pres. Cyril Ramaphosa se beëdiging, het Suid-Afrika aanvanklik beter laat voel ná die Zuma-era, maar neerdrukkende ekonomiese werklikhede bestaan steeds. Hoewel die Amerikaanse ekonomie goed groei, is talle ander ontwikkelde ekonomieë besig om af te plat. Die…

BRITSE wynliefhebbers teug graag aan ’n glasie organiese wyn. Volgens mnr. Richard Dennis, senior kommersiële bestuurder by die verspreider Ehrmanns Wines in Brittanje, het die vraag na organiese wyn in 2015 die eerste keer die aanbod oorskry. “Dis ’n neiging wat nie gaan ophou nie. Dit plaas verkopers in ’n sterk posisie, want dis ’n verkopersmark. Ons beskou dit as ’n drastiese verskuiwing in die mark. Mense raak meer bewus van wat hulle koop, en soek hul produkte noukeurig uit. Kleinhandelaars reageer daarop deur die produkte meer geredelik beskikbaar te stel,” het hy op die sertifiseringsliggaam Ecocert se organiese wynsimposium op Stellenbosch gesê. Teen sowat 0,4 m miljoen ha is druiwe op drie ná die grootste permanente gewas ter wêreld wat organies verbou word. Altesaam 5,3% van die wêreld se…

Deesdae kry ek gereeld navrae van lesers wat hul beleggings wil afkoop om hul skuld te betaal. Hulle sê die rentekoers op die skuld is hoër as die opbrengs op die belegging, en dat die druk op hul maandelikse uitgawes te hoog is. As ons net na die rentekoers kyk, blyk dit dat so ’n besluit sin maak: Betaal die skuld teen 10% af met ’n belegging wat teen net 8% groei. Ongelukkig wys die somme dat die aflos van die skuld selde ’n goeie besluit is. Die rede waarom dit nie werk nie, is mense se manier van optree en dink wanneer dit by geld kom. Die oomblik wanneer ons ietwat van ’n oorskot in ’n maand het, verbeter ons ons lewenstyl. Dit is hoekom ’n salarisverhoging net vir…

WATTER TEGNOLOGIE IS ONONTBEERLIK? Ek probeer toerusting en werktuie gebruik wat ongeskoolde arbeid grootliks uitskakel, sodat meer geskoolde werkers ingespan kan word. WAT IS DIE BESTE RAAD WAT JY AL ONTVANG HET? Gebruik jou grond soos ’n bank — verbeter dit altyd in goeie jare sodat dit in ’n goeie toestand is in moeiliker jare. WAT HET DIE GROOTSTE IMPAK OP JOU BOERDERY GEMAAK? Die betreklik onlangse skerp daling in die pryse van sekere wildspesies veroorsaak dat meer gekonsentreer moet word op kombinasieverskeidenheid om wins te maak. Goeie kombinasies is nie altyd maklik nie. HET JY ’N MENTOR? Ek het oor die jare baie by Mike Gregor van Elandsberg Plase geleer wat praktiese boerderypraktyke betref. Dr. Baltus Erasmus, my buurman, leer my geweldig baie van grond en grondbestuur. HOE BEMARK…

OORSAKE VAN STYWESIEKTE Wat veroorsaak stywesiekte? Die begrip “stywesiekte” in Afrikaans word gebruik om siektes by beeste te beskryf wat verskeie oorsake het. “Stywesiekte” word veral gebruik vir ’n sindroom wat deur ’n fosfaattekort veroorsaak word, drie-dae-stywesiekte (wat deur ’n virus veroorsaak word) en ’n toestand wat deur ’n plant, Crotolaria burkeana, veroorsaak word. Die stywesiektebossie Crotolarea burkeana groei veral in beboste grasveld; oop, sanderige gebiede; ou, bewerkte lande; uitgetrapte veld; en versteurde grond. Die bogrondse deel van die plant is baie gevoelig vir ryp en vrek in die winter. Die plante is wydverspreid in Mpumalanga, Noordwes, Limpopo, die Noord-Kaap en Botswana. Die plant behoort aan die ertjiefamilie, groei sowat 400 mm hoog en dra geel blommetjies met ’n paar rooi strepies op die agterkant en peule. Soms word die…

1 Senior, groot en opperste kampioenram. Eienaar: Mnr. Danie Theron (regs, sel 082 414 2196), Moedig-stoetery, Trichardt. Links is mnr. Dokter Gule. 2 Senior, groot en opperste kampioenooi. Eienaar: Mnr. Kobus Lötter (links, sel 082 432 2313), Doornpoort Genetics, Willowmore. Hanteerder: Mnr. Jack Nkutha. 3 Junior en reserwegrootkampioenram. Eienaar en hanteerder: Mnr. Kobus Lötter, Doornpoort Genetics, Willowmore. 4 Reserwe senior en reserwegrootkampioenooi. Eienaar: Mnr. Danie Theron (regs), Moedig-stoetery, Trichardt. In die middel is mev. Delien Theron. Links is mnr. Dokter Gule.…

Met sy wit nek en bors is die lelkraanvoël duidelik onderskeibaar van die bloukraanvoël en die mahem, die twee ander kraanvoëlsoorte wat in Suid-Afrika voorkom. Die kaal vel op die gesig en die kenmerkende lelle is ook uniek. Nes by die bloukraanvoël is die verlengde binnevlerkvere aansienlik langer as die stert en hang byna op die grond. Lelkraanvoëls is omnivore en vreet bolle, grassade, slakke, vis en paddas. Dié kraanvoëls kom van Tanzanië, deur Mosambiek, Zambië, Swaziland, Suid-Afrika, Zimbabwe, Botswana en Angola voor. Die hoogste konsentrasie van die voëls kom in die Okavango-delta in Botswana voor, maar meer as die helfte van die voëls word in Zambië aangetref. Uit ’n geskatte totaal van 7 500 lelkraanvoëls in Suider-Afrika kom 5 000 in Zambië voor. In Suid-Afrika word die totale bevolking…

Daar is seker min dinge waaroor daar meer geredeneer word as oor die reg of verkeerd van wat geëet of gedrink mag word. Ek onthou vandag hoe ek geluister het wanneer my pa en oom Herman oor dié dinge gepraat het. Oom Herman was ’n smous wat op sy rondes, so ongeveer maandeliks, by ons oorgestaan het. My ouers het met kenmerkende boeregasvryheid almal ontvang wat ’n stukkie kos of “onderdak” gesoek het. In die buitekamer op ’n ysterkatel in ’n tuisgemaakte matrassloop van dik kakiemateriaal wat jaarliks met vars garsstrooi gestop is, kon hy homself tuismaak. Oom Herman het by ons gesin aan tafel geëet wat ook al te ete was, al was dit nie altyd sonder gewetenswroeging nie. Sy geloof het hom nie toegelaat om varkvleis te eet…

Daar is ’n redelike aanbod van swakker tamaties op die Johannesburgse varsproduktemark. Met die somerreën wat vanjaar lyk of dit effe stadiger aankom, is dit net die boere wat gehaltetamaties onder erkende handelsmerke lewer, wat nou regtig ’n premie vir hul produk verdien, sê mnr. Roy Coetzer, besturende direkteur van RSA Markagente se kantoor by die Johannesburgse Varsproduktemark. Hy sê die someraanplantings lyk egter goed en as die reën nie wegbly nie, sal boere na alle waarskynlikheid ’n goeie jaar hê. “Tans is die pryse nie gunstig nie en selfs boerderye met handelsmerke wat oor die jare die verbruikers se vertroue gewen het, verdien nie die premies wat hulle graag sou wou hê nie.” Landbouweekblad het vroeër berig dat mnr. Johan van den Berg, klimatoloog van Santam Landbou, meen Suid-Afrika…

GAUTENG CARLETONVILLE DOORNFONTEIN(522)82ha, aanDavelBoerdery,van H.W.enV.Fourie,R2000000. ELANDSFONTEIN(346) 134ha,aanSSchneiderInv,van J.R.Joubert,D.A.,G.E.M.en R.Westbrook,R2000000. HARTEBEESTFONTEIN(38) 66ha,aanCradlePekanneut Boerdery(Edms.)Bpk.,van F.J.Pieterse,R1800000. KWAZULU-NATAL BALLITO WINDLANDS(16070)36ha, aanDiliInvestments1(Edms.) Bpk.,vanY.Yang,R3200000. HARDING WONDERHEUVEL(263) 1164ha,aanMansfield-trust, vanA.Fawcett,R23750000. HELPMEKAAR GOWRIE(2248)241ha,aan E.L.MolefeenR.P.Molefe,van C.vanZyl,R2520000. PIETERMARITZBURG MARITZDAAL(940)21ha, aanD.P.McKenzie,vanAndrew Early-trust,R3876000. SHACKLETON(2164)362ha, aanBigTackleTrading27,van SydneyRosseau-familietrust, R10600000. ULUNDI DUNOLLY(11113)137ha,aan SuperTurf&Landscaping (Edms.)Bpk.,vanSime-familietrust,R2000000. LIMPOPO ALLDAYS BEALEY(216)112ha,aanFull ScoreTrading127,van I.D.Saayman,R764655. BURGERSFORT GROVEDALE(239)182ha,aan JonkmanspruitMango’s,van H.Bekker,R25000000. MIDDLESEX(205)44ha, aanKrugerMiljoen(Edms.) Bpk.,vanJGK-familietrust, R4000000. HOEDSPRUIT GUERNSEY(81)22ha,aanJan Daniel&ElardusInv(Edms.) Bpk.,vanRoderick-trust, R3400000. LEPHALALE RICHMOND(4)592ha,aan QuaggaAdventuresAnd Safaris,vanAnaboomWildsplaas,R6000000. MODIMOLLE EERSTEGELUK(512)59ha, aanBasson-familietrust,van T.BuchlingenW.P.J.Buchling, R881000. THABAZIMBI ADRIAANSHOOP(291)562ha, aanVoyagyn(Edms.)Bpk.,van DarrianInv,R7980000. ELANDSKUIL(378)181ha,aan OkamapuBoerdery(Edms.) Bpk.,vanBuitendagBoerderye Eiendomme(Edms.)Bpk., R17000000. MOOIVALLEI(342)89ha,aan E.P.Kleynhans,vanM.C.Mare, R1100000. USUTU SMIRNA(188)963ha,aandie nasionaleRegeringvandie RepubliekvanSA,vanSmirna-familietrust,R8000000. MPUMALANGA BETHAL ROODEBANK(323)130ha,aan Masiema-trust,vanC.M.Woest, R2300000. KOMATIPOORT ESPERADOANNEX(222) 165ha,aanVasticom(Edms.) Bpk.,vanZamani-gemeenskapseiendomsvereniging, R1200000. HIGHLANDS(240)27ha,aan MatailaneBatau-familietrust, vanC.W.enW.A.vanderWalt, R4100000. LEANDRA RIETKOL(237)48ha,aan RossgroInvTwo(Edms.)Bpk., vanS.C.P.Fourie,R2800000. RIETVALLEI(195)310ha,aan LancelotProp(Edms.)Bpk., vanF.G.daCostaenM.D.L.da Costa,R4000000. MIDDELBURG LOSKOPNOORD(12)110ha, aanChigatiFarming,vanNutrichem,R11554200. PLAAS(416)379ha,aan HooggenoegBoerdery,van MafubeCoalMining(Edms.) Bpk.,R9549322. PLAAS(416)379ha,aanBeestepanBoerdery(Edms.)Bpk., vanHooggenoegBoerdery, R20520000. PLAAS(848)111ha,aanMachadyProp(Edms.)Bpk.,van Lorien-familietrust,R1100000. NELSPRUIT BOSCHJESKOP(250)28ha, aanRosesMacadamiaShambaFarm,vanJ.I.deBruin, R6000000. ELANDSLAAGTE(131)47ha enSUIKERBOSCHKOP(139) 43ha,aanWildlifeSOS-trust, vanM.L.Holder,R3000000. WATERVAL(331)121ha,aan Setlafor(Edms.)Bpk.,vanFour ArrowsInv142(Edms.)Bpk., R4400000. NOORD-KAAP BRITSTOWN HONDEBLAF(46)186haen…