Innholdsfortegnelse for 01-Jun-18 i Landbouweekblad

BRUINBROOD was in Maart 65c goedkoper as verlede Julie en witbrood 46c. Volgens statistiek van die maatskaplike organisasie Pacsa (Pietermaritzburg Agency for Community Social Action), wat data saamstel oor kos vir armes, is bruinbrood tans goedkoper as in 2014. Pioneer Foods, wat Sasko-brood bak, het met die aankondiging van sy tussentydse resultate verlede week gesê winsmarges vir brood het gedaal weens ’n laer vraag en ’n mededingender markomgewing. Daar is tans ’n surplus broodbakvermoë, met baie meer mededinging van kleiner spelers, sê mnr. Geoff Penny, die uitvoerende direkteur van die Suid-Afrikaanse Kamer van Bakwese. Tydens die droogte in Suid-Afrika se noordelike provinsies het mieliepryse drasties gestyg en Suid-Afrikaners het minder pap en meer brood geëet. Sedert die einde van die droogte het hierdie situasie weer genormaliseer en die vraag na…

Mnr. Randy Dowdy van die deelstaat Georgia in Amerika, die huidige wêreldrekordhouer vir sojaboonopbrengs onder besproeiing, is vandeesweek in Suid-Afrika om oor sy wenresep te gesels. Die boeredae word deur Elim Kunsmis aangebied met die samewerking van Brandt, Monsanto en Landbouweekblad. Lees op bl. 30 in hierdie uitgawe ’n artikel oor hom. JURG EN CHRISTINA BECKER skryf: Dit is omdat hy in Amerika boer. Lekker subsidies. Lekker regeringsbeskerming. Lekker dik sneeu in die winter gee hulle ’n groot voorsprong met vog. Lekker pryse vir hul produkte — nie ’n Safex wat deur net ses mense beheer word nie. Jy kan self die gevolgtrekking maak. ’n Lekker dollar wat iets werd is en insetkoste minder maak — nie die rand wat niks werd is en maak dat ons ons ore van…

DIT was onregverdig dat handelaars geweet het hoeveel mielies ter see onderweg na Suid-Afrika, of op pad na ander lande is, terwyl boere in die duister was. Dít was mnr. Jannie de Villiers, uitvoerende hoof van Graan SA, se reaksie op ’n statutêre maatreël wat die rapportering van alle in- en uitvoer van mielies nou verpligtend maak. Dit is op 18 Mei in die Staatskoerant afgekondig. “Nou is die speelveld meer gelyk en die graanbedryf kan uitsien na groter deursigtigheid in die mieliemark.” De Villiers sê die handelaars het aanvanklik gesê hulle sal die inligting vrywillig bekend maak, maar dit het nie gewerk nie. Graan SA het toe mnr. Senzeni Zokwana, die Minister van Landbou, Bosbou en Visserye, versoek om ’n wysiging in dié verband aan te bring. Dit behels…

VOLGEHOUE goeie pryse vir vleis en ander veeprodukte bring mee dat die JSE se termynkontrakte tans nie goeie aftrek kry nie. Tog is dr. Raphael Karuaihe, kommoditeitsbestuurder by die JSE, optimisties dat verdere ontwikkelings in die landbou dié situasie kan laat verander. Die JSE, met die samewerking van die Rooivleis-Abattoirvereniging, bied dus steeds opleiding aan om boere touwys te maak oor hoe om hul inkomste met dié meganisme te verskans. Karuaihe sê geen termynkontrakte vir lamkarkasse of wol is nog verhandel sedert die kontrakte sowat ’n jaar gelede van stapel gestuur is nie. Die gebruik van die beeskarkas-kontrakte het ook drasties afgeplat ná dit in 2016 aanvanklik goed begin het. DROOGTE Hy meen die uitwerking van die droogte op boerderye en Suid-Afrika se veekuddes, asook die feit dat talle boere…

MET die uittog van die Australiese mynmaatskappy Peninsula Energy behoort die 32 200 ha Karooplase wat dié maatskappy tans verkoop, vir transformasieprojekte en groen energie benut te word, meen dr. Stefan Cramer, hidrogeoloog en raadgewer van die omgewingsinstituut van Suid-Afrikaanse geloofsgemeenskappe (Safcei). Gegewe die huidige swak vraag na uraan is dit onwaarskynlik dat ’n ander maatskappy Peninsula se voorbeeld sal volg om $10 miljoen (sowat R126,47 miljoen) of meer te spandeer op ’n myn-ontwikkeling wat dalk nie sal realiseer nie. “Peninsula is reeds besig om die 32 200 ha Karooplase te verkoop en boorgate te rehabiliteer. Die maatskappy het ook aangedui hy neem verantwoordelikheid vir die rehabilitasie van die proefmyne by Ryst Kuil en Rietkuil buite Beaufort-Wes. Daar is nog gesondheidsrisiko’s vir bure weens radioaktiewe stof en die besmetting van…

MNR . Johann de Wet, uitvoerende hoof van die familie-onderneming De Wetshof by Robertson, is as die Agri Wes-Kaap en Santam Landbou se Jongboer van die Jaar aangewys. Die De Wets boer met wingerd en lusern. Hulle maak veral wyn van Chardonnay-druiwe. De Wet se ambisie is om die wêreldwye leier op die gebied van Chardonnay-wyn te raak. De Wet het vroeër aan Landbouweekblad gesê dat Chardonnay die Suid-Afrikaanse wit kultivar is wat die beste pryse in die wêreld behaal en ook die hoogste lofbetuigings deur kritici ontvang. “Ek dink Chardonnay se toekoms is blink en dit gaan nog die witwyn-fokuskultivar vir Suid-Afrika word.” De Wetshof berei en bemark ’n reeks van vyf Chardonnays en De Wet het baie moeite gedoen om die verpakking op peil te bring. Hy het…

HOEWEL die huidige hoë wolpryse grootliks aangevuur word deur die lae wolaanbod, het ’n groter verbruikersvraag na wolprodukte ook ’n rol gespeel. Só sê ontleders wat die Internasionale Merinokonferensie onlangs in Uruguay toegespreek het. Meer as 400 afgevaardigdes van wolproduserende lande oor die wêreld heen het dit bygewoon. Voorleggings deur die grootste wolproduserende lande dui daarop dat produksie nie binnekort noemenswaardig sal styg nie. Australië se produksie sal dié seisoen met 0,6% daal tot 338 miljoen kg, vergeleke met verlede seisoen. ’n Tekort aan Merino-ooie, hoë vleispryse, swak klimaat en roofdierskade deur wilde honde is van die faktore wat produksie aan bande lê. In Suid-Afrika word produksie beperk weens veediefstal, ongediertes, politieke onsekerheid en droogte. Wolontvangste by die wolmakelaars tot einde April was 7% laer as in die ooreenstemmende tydperk…

Statistieke wil dit hê dat familieboerdery in ’n internasionale konteks sowat 80% van die wêreld se voedsel produseer en meer as 75% van die landbouhulpbronne beheer. Natuurlik is daar verskillende skale waarop sogenoemde familieboerderye funksioneer. Dit wissel van ’n paar hektaar (en selfs kleiner) in lande met goeie hulpbronne en waar bevolkings gekonsentreer is, tot Suid-Afrika se konsep van kommersiële familieboerderye. Dit is egter voor die hand liggend dat kommunale boerdery nie deel van dié benadering is nie. Daar word aanvaar dat die groot, meer korporatiewe plase ook deel van die toekoms is. Dié plase word egter deur die mark voortgedryf en van buite deur beleggers en professionele bestuurders bestuur. Die groot plase het nie noodwendig spesiale ondersteunende beleidsmaatreëls nodig nie. Daaruit volg dan dat die waardes en bestuur van…

Om naby ’n veeplaas te bly, kan dalk help om die risiko van alledaagse allergieë by volwassenes wat nie boere of plaaswerkers is nie, te verminder. Dié bevindings van navorsers is aanlyn gepubliseer in die joernaal Occupational & Environmental Medicine. Hoe nader mense aan veral varke en beeste bly, hoe laer skyn die risiko van allergiese sensitisasie (atopie) te wees. Atopie is die natuurlike of oorgeërfde oorgevoeligheid by die mens vir sekere stowwe. Vroeëre navorsing het getoon dat om op ’n plaas groot te word of te werk kan dalk die risiko verminder om allergieë te ontwikkel. Dit was egter nie duidelik of dié beskerming ook vir mense geld wat nie in die landbousektor werk nie, maar naby plase bly. Om ’n antwoord op dié vraag te kry, het Nederlandse…

WAT IS JOU TOEKOMSVISIE VIR DIE BOERDERY? Ek wil in alles wat ons aanpak tot die beste moontlike vlak ontwikkel vir volhoubare produksie en gesonde voedsel. In die proses moet die boerdery ’n verskil in die landboubedryf maak, asook ’n bydrae tot die omgewing lewer. WAARAAN GEE JY IN DIE KOMENDE SEISOEN VOORKEUR? Eerstens die vestiging van ’n tweede produksieveiling jaarliks in Maart, die ontwikkeling en oprigting van ’n appelpakhuis, die versorging van ’n nuwe appelboord sodat dit vinniger in volle produksie kan kom en die ontwikkeling van plaaseenhede wat onlangs aangeskaf is. WATTER ROL SPEEL DIE JONG BOER IN DIE EKONOMIE VAN SUID-AFRIKA? Die jong landbouer is onmisbaar in die voedselproduksieketting, want elke mens het hom daagliks vir drie maaltye nodig. IN WATTER MATE IS JOU BOERDERY VIR GRONDHERVORMING…

Boere eerste, dan innoveerders. Só beskryf Netafim homself op sy webwerf. Tot dusver het die ongeveer 150 miljard druppers wat Netafim vir sowat 2 miljoen boere vervaardig het, meer as 10 miljoen ha besproei. Die maatskappy is in 1965 by die kibboets Hatzerim in die Negeb-woestyn gestig. Weens die beperkte water en uiterste toestande moes die kibboetslede ’n manier vind om in die woestyn kos te produseer. Nie net het drupbesproeiing enorme waterbesparings meegebring nie, maar ook gewasse beter laat groei. Die maatskappy het presisiebesproeiing met landboukundige kennis en vernuwing gekombineer om boere te help om bykans enige gewas in enige klimaat met minder produksiemiddele te verbou. Die byvoeging van misstowwe het gevolg (sproeibemesting), en tans is die derde dimensie onderweg, naamlik die byvoeging van oesbeskermingsmiddels by besproeiingswater. Netafim neem…

■ Finansiële struktuur bied mededingende rentekoerse en sekuriteit. ■ Wentelkrediet kan op dieselfde manier as ’n oortrokke gerief gebruik word. ■ Indien ’n kliënt besluit om ’n huuraankoopooreenkoms vroeër as die normale termyn af te handel, word dit sonder boetes toegelaat. ■ Voorafgoedkeurings word afgehandel voor die produksiejaar begin. ■ Geen onbenuttingsgelde word gehef nie. ■ Mededingende omdraaitye vir kredietaansoeke. ■ eAccounts-platform met verskeie aanlyndienste.…

Navorsers aan die Noordwes-Universiteit het bevind die uitheemse boomsoort Prosopis, waarvan verskeie soorte in Suid-Afrika voorkom, teen 2007 ongeveer 1,7 miljoen hektaar (8% van Noordwes se grondgebied) ingedring het, skryf dr. Charlie Reinhardt, buitengewone professor in onkruidwetenskap aan die Universiteit van Pretoria én die Universiteit Stellenbosch. “Hierdie onkruid kom in sulke groot getalle in die Karoo voor dat die koste van bekamping in baie gevalle die plaaslike grondwaarde oorskry.” Luidens navorsing van die WNNR bekom Prosopis-bome water van diep in die grondprofiel en skei dit in vlakker grondlae uit. Só het die boom ’n waterbron in droogtetye en skep ’n vogtige mikroklimaat om Prosopis-saadontkieming onder die moederplant te bevorder. Digte boskasies ontstaan dus vinnig. Sy plantestand is tipies só dig dat dit tot vier keer meer water per eenheid grondoppervlak…

LIGGING: Rosetta, KwaZulu-Natal NAAM: Eastvale Farm GROOTTE: 6 ha VERTAKKINGS: Groente, varke, hoenders, skape en ’n perd REËNVAL: 900 mm/jaar KORTOM ■ Deur aan klante vars groente van uitstekende gehalte te verskaf, het me. Liz Williams op ’n kleinhoewe ’n winsgewende onderneming gevestig. ■ Sy lewer klante se groente by hul huise of ’n sentrale punt af, en handhaaf goeie kommunikasie met klante. ■ Deur die gehalte van die produk en diens te verseker, verseker Liz ’n volhoubare, winsgewende besigheid.…

Dr. Hercu van Niekerk is vanjaar vir ’n besonderse mylpaal vereer: ’n Halfeeu as praktiserende veearts. Hy het Suid-Afrika se perdebedryf in al sy fasette beleef sedert hy as boerseun van die plaas Generaalsdraai naby Wonderfontein soggens met ’n perdekar skool toe is. Nadat hy sy studies in veeartsenykunde in 1968 voltooi het, het hy hom as vennoot saam met dr. Robin Rous in Colesberg gevestig. Die praktyk is in ’n topskaapgebied geleë en bekend vir sy resiesperde, waarmee hy begin teel het. Hy het ook by top-Arabierstoeterye, soos Quimran van mnr. Willie du Toit en Vlinkfontein van mnr. Piet van der Merwe, gewerk. In 1974 het hy dosent aan Onderstepoort se fakulteit veeartsenykunde geword. Daar het hy etologie gedoseer, ’n honneursgraad verwerf en die Studvet-Nooitgedacht-stoetery begin. Hy is die…

Die Duitse vervaardiger Deutz-Fahr spog met ’n nuwe 6G-reeks trekkers. Die 6175G-model van 126 kW (op die foto) word tans in Suid-Afrika geëvalueer, maar gaan minstens voorlopig nie hier verkrygbaar wees nie. Die modelle wat wel eersdaags hier verkoop gaan word, het ’n vermoë van onderskeidelik 100 kW, 115 kW en 130 kW. PRYS: Die pryse is nog nie vasgestel nie. NAVRAE: Mnr. Cilliers van Zyl, sel 082 926 7054. Die nuwe Deutz-Fahr 9340 TTV-trekker van Duitsland is deel van ’n nuwe reeks wat plaaslik gebou word, maar slegs dié model word in Suid-Afrika verkoop. Sy SDF-sessilinderenjin van 7,7 liter wek 247 kW op. Die agterste hyser kan 12 ton oplig en die voorste hyser 5 ton. PRYS: R4,14 miljoen. NAVRAE: Mnr. Cilliers van Zyl, sel 082 926 7054. Hierdie…

SA VLEISMERINO’S: OOS-KAAPSE STREEKSKOU 1 Opperste en grootkampioenram (kort wol). Eienaar: Mnr. Stefan Naudé (links, sel 072 639 2185), Geelbek-Elitestoetery, Hanover. Hanteerder: Mnr. Themba Sikonyela. 2 Grootkampioenram (lang wol). Eienaar: Mnr. Andrew Jordaan (links, sel 082 855 5604), Montevideo-stoetery, Cradock. Hanteerder: Mnr. Siyanbongo Malie. 3 Senior kampioenram. Eienaar: Mnr. Van Aardt Greyling (links, sel 082 782 7674), Ricksustoetery, Dordrecht. Hanteerder: Mnr. Lawrence Kalipa. 4 Junior kampioenram. Eienaar: Mnr. Van Aardt Greyling (links) Ricksu-stoetery, Dordrecht. Hanteerder: Mnr. Pietman Lande. 5 Kampioenram (wol). Eienaar: Mnr. Pieter Badenhorst (links, sel 072 243 5123), PAR-Vleismerinostoetery, Colesberg. Hanteerder: Mnr. Koos Moses. 6 Kampioenooi (wol). Eienaar: Munnik van Niekerk (links, sel 072 243 5123), Meerderwyk-Vleismerino-stoetery, Colesberg. Hanteerders: Mnr. Pieter Badenhorst en sy seun, P.W. 7 Kampioen-ramlam. Eienaar: Mnr. Van Aardt Greyling (links), Ricksu-stoetery, Dordrecht. Hanteerder: Mnr.…

Coia en Andries de Villiers is die sesde geslag op die plaas Paardenberg net buite Stanford in die Overberg. Andries se ouers het aanvanklik met koring, groente en skape geboer en het ook ’n melkery op die plaas bedryf. Andries boer deesdae hoofsaaklik met proteas en fynbos vir die uitvoermark. Hy is ’n kranige sportman en is lief vir avontuur en die gasvryheidsbedryf. Toe hy dus 13 jaar gelede met Corneli, ’n opgeleide sjef, trou, was dit geen gewone partytjie nie. Hulle het besluit om onder ’n blaredak in ’n bos op die plaas te trou. “Daar was darem een kragpunt en ons het ’n paar badkamers gebou voor die onthaal,” vertel Coia. Dit was nogtans ’n groot avontuur om ’n troue vir 270 gaste op die terrein aan te…

Die son het vir ’n oomblik op die kruin van ’n duin gebalanseer en toe stadig aan die ander kant daarvan begin afgly. Dit was die teken vir lang skadu’s om van onder die bome uit die kameeldoringveld op te staan en oor die pan te begin skuifel. ’n Familie waaierstertmeerkatte het vir oulaas nog ’n paar manewales uitgehaal en toe skielik stilweg in hul gate verdwyn. Die temperatuur het merkbaar gedaal en daar het ’n amper doodse stilte oor die groot oopte tussen die duine kom lê.Net ’n kroonkiewiet het nog in die pan getalm . . . en die groot springbokram wat ek al vir goed twee uur lê en dophou het. Ek het hom die vorige middag die eerste keer gesien toe ek aan die kant van…

Dadels is een van die belangrikste gewasse wat in die gebied om die Dooie See verbou word. Die vrugte word veral na Europa en Brittanje, Suid-Korea, Thailand, Amerika en Rusland uitgevoer. In ’n aanplanting wat aan die Kalia-kibboets behoort, is, van links, mnre. Luan le Roux van Agrimotion, Prins van der Merwe van Yara, Herman Malan, sitrusen-komkommerboer van die Patensie Acht-boerdery, en Adian Fry van Distell. Van links is mnre. Willem Botha van Netafim, Martin de Kock van die makadamiaplaas Wildernis naby Nelspruit, Adian Fry, wingerdboukundige van Distell, Reynier Ferreira van Gonnakop op Patensie, Christof Opperman van die Patensie Acht-boerdery en Daryl Sampson van Samgro-groothandelkwekery op Wellington by ’n jojoba-aanplanting wat aan die Hatzerim-kibboets, waar Netafim ontstaan het, behoort. Hatzerim is naby Beer Sheva in die Negeb-woestyn geleë. Van links…

GASCON, ’n spesialis-ingenieursfirma wat al onder meer brandstoftenks vir die private ruimtemaatskappy SpaceX se tuie gebou het, oorweeg dit nou om tot die landboumark toe te tree. Gascon is in die Kaapstadse voorstad Elsiesrivier. Die maatskappy lê klem op presisie en werk van hoë gehalte, pleks van die laekostesegment, want “China is almal in daardie segment een voor,” sê mnr. Brian Sparg, verkoop-en-bemarkingsdirekteur van Gascon. Gascon maak skeepshouers vir vloeibare gas, vakuumhouers en enige swaardiens-, hoogs tegniese en nommerpas-ontwerpe vir maatskappye oor die wêreld heen. ’n Groot mark vir Gascon is in die Amerikas, waar brandstof en ander vloeibare chemikalieë, soos vloeibare suurstof, petroleum en selfs chloorgas, onderhewig is aan streng maatreëls wanneer dit vervoer moet word. “Die meeste van ons produkte word uitgevoer,” sê Sparg. “Ons het dus ’n…

Gegrond op syfers van die Sentrale Energiefonds op 17 Mei gaan die prys van petrol én van diesel op 6 Junie tot nuwe rekordhoogtes styg. Die onderverhaling op petrol is sowat 75c/ℓ en vir diesel sowat 82c/ℓ. Dit kan beteken dat die prys van petrol tot ’n nuwe rekordvlak van R15,47/ℓ sal styg en diesel tot R14,15/ℓ. Dit sal die eerste keer wees dat petrol meer as R15/ℓ kos en diesel meer as R14/ℓ. Mnr. Dawie Maree, hoof van landbou-inligting en bemarking by FNB, sê die verswakking van die wisselkoers oor die laaste paar weke en die styging in die ruolieprys speel ’n rol in die skerp stygings. Die verhoging in internasionale produkpryse dra die meeste skuld. “Vir graanboere is dit nie goeie nuus nie. Mielieboere oes tans, wat beteken…

GAUTENG CARLETONVILLE GOLDEN VALLEY (621), 52 ha, aan die nasionale Regering van die RSA, van D.C. en H.J. Scholtz, R2 400 000. KOPJESKRAAL (517), 27 ha, aan A. en J.P.D.P. Steytler, van D.M. Spence, R1 850 000. ONDERSTEPOORT PLAAS (41), 21 ha, aan I.B. Dube, van D. en F.J. Steyn, R1 500 000. PRETORIA BEYNESPOORT (335), 20 ha, aan Bybos (Edms.) Bpk., van W.J. Ras, R900 000. WELGEDACHT (130), 21 ha, aan J.J. Venter, van A.S. van Heerden, R600 000. KWAZULU-NATAL HARDING LOT FHA (7115), 73 ha; LOT FHX (5560), 44 ha; LOT JH (5354), 74 ha; LOT PH2 (7116), 82 ha; LOT PHA (5295), 115 ha en SUTTON (16118), 109 ha, aan Greg Simpson-familietrust, van D.C.N. Simpson, R6 000 000. LADYSMITH PAARDE KRAAL (1979), 463 ha en SCHOON FONTEIN…

53 uit 63 Suid-Afrika beklee die 53ste plek uit 63 lande op die internasionale instituut vir bestuursmededingendheid (IMD) se ranglys vir vanjaar. Suid-Afrika beklee die laaste plek in die kategorie vir die werkloosheidskoers, die 57ste plek vir sy verbruikersprysinflasie en die 51ste plek vir buitelandse belegging as ’n persentasie van bruto binnelandse produk. Vol-gens die indeks is Suid-Afrika se doeltreffende regsomgewing sy aantreklikste aspek. — Fin24 400 Vir die afgelope 400 agtereenvolgende maande was die temperatuur wêreldwyd warmer as normaalweg. Die laaste keer wat dit koeler as die gemiddelde was, was in Desember 1984, volgens nuwe data van die Amerikaanse nasionale oseaniese en atmosferiese administrasie (NOAA). April vanjaar was die warmste April in Europa in menseheugenis en in uiterste hittegolwe in Pakistan het temperature tot hoër as 50 °C gestyg…

‘Toe ons op die plaas begin het, het almal gedink ons sal net soos ander (transformasie-) plase misluk.’ MNR. KHAYA KATOO, raadslid van die sitrusplaas Entabeni, wat as een van die Oos-Kaap se topprodusente aangewys is. Bl. 18 ‘In sommige kampe is dit so droog dat die kunsmis nog nie geblus het nie.’ MNR. KOBUS HORNE, Overbergse boer, oor voortgesette droë toestande. Bl. 18 ‘Die departement (kan) nie halfpad deur die jaar sê hul geld is op en dat die werk nie kan voortgaan nie.’ MNR. DOUG STERN, voorsitter van Agri Oos-Kaap, oor die skikking in ’n lang hofgeding oor die instandhouding van paaie. Bl. 19 ‘Ons wonder hoekom Peta nie dadelik die mishandeling aan ons bekend gemaak het sodat ons dit kon ondersoek nie.’ ME. GRACE DE LANGE, inspekteur…

ONSEKERHEID en onduidelikheid oor die grond wat moontlik vir onteiening sonder vergoeding geoormerk gaan word, duur voort ondanks die ANC se diepgaande gronddebat verlede naweek. Mnr. Ernest Pringle, hoof van Agri SA se grondkomitee, meen die erkenning van die ANC se leiers dat gebrekkige implementering ’n reuserol in mislukte grondhervormingsplanne gespeel het, is ’n belangrike stap vorentoe in die proses. “Ons is ook bly dat daar behoorlik besin is oor die aanbevelings van die verslag van die hoëvlakpaneel oor sleutelwetgewing, wat duidelik aantoon wat die werklike struikelblokke in die pad van grondhervorming is. “Dit is ook bemoedigend dat daar soveel klem gelê is op die belangrikheid van stedelike behuising, en op die feit dat die potensiaal van grond in kommunale gebiede tot voordeel van daardie betrokke gemeenskappe ontsluit moet word.”…

1 ZIMBABWE| Bome en nóg bome Die Middelland se bosbou-owerheid wil teen einde volgende jaar 790 000 saailinge produseer as deel van die Command Agrobosbouprojek. Mnr. Rodrick Nyahwayi, die hoofvoorligter in die provinsie, sê 3 000 vrugteboom-saailinge is teen die derde week van Mei net in die stad Gweru geproduseer. Die staat se kwekerye is tot op kapasiteit gevul met sowel vrugtebome as inheemse bome. Die plan is om vanjaar 500 000 bome in die provinsie te plant om die kommerwekkende hoë vlakke van ontbossing weens die gebruik van hout in die droging van tabak teen te werk. Na raming verloor die land jaarliks 350 000 ha se woudlande. — The Herald 2 NIGERIË | Staak eers kartelle, sê professor ’n Nasionale minimum loon wat voorgestel word deur die Nigeriese…

WETGEWING moet altyd aan die Grondwet se vereistes voldoen. Indien ’n klousule oor onteiening sonder vergoeding dus in die Onteieningswet ingeskryf word, sal die beginsel van geen vergoeding net in sekere gevalle toepaslik wees omdat die Grondwet dit duidelik stel dat vergoeding regverdig en billik móét wees. ’n Oorkoepelende mag om sonder vergoeding te onteien, sal dus nie die grondwetlike toets slaag nie, sê prof. Elmien du Plessis, grondhervormingen eiendomsregkenner aan die Noordwes-Universiteit. Die ANC het by sy werksessie oor grondhervorming voorgestel dat ’n klousule by die wetsontwerp op onteiening gevoeg word wat dit duidelik stel in watter omstandighede en by watter grond sonder vergoeding onteien mag word én dat die Parlement dié wetgewing so gou moontlik moet deurvoer. Artikel 25 van die Grondwet moet ook dadelik gebruik word om…

Ongunstige produksietoestande vir sojabone in Argentinië en onsekerheid oor die uitkoms van die handelsoorlog tussen Amerika en China dra daartoe by dat die prys van soja-oliekoek sedert Januarie kwaai gestyg het. Die verwagting is dat soja-oliekoekpryse tot September hoog sal bly. Die nuwe seisoen se sojaboonoes word in September in Amerika gelewer. Sojaboonperse vaar goed met uitstekende parsmarges, maar plaaslike sojaboonpryse bly laag. Suid-Afrika se parsvermoë vir sojabone word op 1,8 miljoen ton geraam (sien TABEL 1 ). Teen ’n geskatte sojaboonoes van 1,4 miljoen ton en ’n voorraadvlak van 330 000 ton ewenaar die totale aanbod sojabone die parsvermoë. Die verwagte pars van sojabone kan in 2018-’19 tot 1 miljoen ton styg. Dit is egter heelwat laer as die beskikbare parsvermoë en Suid-Afrika be-nut nie sy volle vermoë nie.…

POLISIE van die Australiese deelstaat Victoria het wolboere gewaarsku om op hul hoede te wees vir woldiewe. Dit volg nadat ’n 28-jarige man verlede maand in die hof verskyn het op ’n aanklag van inbraak en diefstal nadat hy 12 bale wol op ’n plaas gesteel het. Hy het die bale aan ’n wolmakelaar verkoop nadat hy die baalnommers en identifikasie met ’n swart kleurstof verbloem het. Net twee bale is teruggevind. Die polisie sê wol word meestal gesteel uit skeerskure en wolpakhuise wat nie gesluit is nie. Hulle het boere aangeraai om op die uitkyk te wees vir mense wat verdag optree.…

Mense noem jou ’n game changer . Wat jy verander sedert jy in 2014 by Netafim aangesluit het? Netafim was nog altyd – van die eerste dag af – ’n goeie maatskappy wat wonderlike goed reggekry het. Die afgelope vier, vyf jaar het ons egter ’n baie duidelike strategie ontwikkel oor waarheen ons die onderneming wil neem. Wat behels hierdie strategie? Eerstens wil ons geografiese groei sien. Ons is sterk in Kalifornië (Amerika), Australië en Suid-Afrika, maar ons wil meer groei in Indië, China en die res van Afrika sien. Ons wil kyk hoe ons ons tegnologie in elke land waar ons betrokke is, verder kan uitbrei. Ons vaar byvoorbeeld goed in die Wes-Kaap, maar is nog nie so sterk in Suid-Afrika se mieliestreke nie. Die tweede…

Mnr. Ran Maidan kan die grade B.A. in rekeningkunde en ekonomie en M.B.A. in finansies van die Bar-Ilan-universiteit agter sy naam skryf. Hy is ook ’n gesertifiseerde openbare rekenkundige in Israel. Voor Ran by Netafim aangesluit het, het hy reeds sowat 15 jaar se ervaring in senior bestuursposte opgedoen. Hy was onder meer uitvoerende hoof van Adama Agricultural Solutions (destyds Makhteshim Agan Industries) se Asië-Pasifiese en Afrika- en Midde-Oosterse markte en het ook as finansiële hoof vir die groep gewerk. Sy CV sluit ook poste in soos senior adjunkvoorsitter en finansiële hoof van Koor Industries, finansiële hoof van die Elisa Defence Group en ouditbestuurder by KPMG Somekh Chaikin.…

Verlede jaar het niemand nog van listeriose gehoor nie en vandag is ons almal skielik kenners. Produkaanspreeklikheid het in dié geval al baie skade aan ’n bekende handelsnaam aangerig. Of hy gaan oorleef, sal net die tyd leer. Dit is egter nie die enigste soort aanspreeklikheid nie. Steinhoff het ons gewys hoe maklik ’n direkteur in die moeilikheid kan beland vir dinge wat ’n mededirekteur aanvang. Die Knysna-brande het ook weer die risiko van brande vir boere onder die vergrootglas geplaas. Boere of sakemense is dikwels onbewus van al die aanspreeklikhede waarmee hulle in die normale verloop van hul besigheid te doen kan kry. (Ons werknemers verstaan dit nóg minder.) In hierdie verband het wetgewing ook oor die afgelope 10 jaar in omvang en intensiteit so baie gegroei dat dié…

Vir me. Sherrilee de Bruyn, ’n sakevrou van Rosetta en ma van ’n tweejarige seun, is die gerief van die VegBox Company onvervangbaar. “Daarbenewens eet ek daagliks vars groente wat in seisoen is en uit my omgewing kom. Ek meen dus ek doen my deel om die koolstofspoor van kos te verlaag. Ek is ook trots daarop dat ek my gesin die gesondste kos moontlik voorsit. “Een van die grootste voordele is die gemak waarmee ek met Liz kan kommunikeer en haar aanpasbaarheid. Ek sal eerder kapsie maak as iets nie pluis is nie as om my vars groente, vleis en suiwelprodukte op ’n ander plek te gaan koop,” sê Sherrilee. Vir me. Katie Maasdorp, ook ’n werkende vrou, is die naspeurbaarheid en persoonlike diens ’n groot voordeel. “Die gehalte…

‘Ons kan nie kuddes met halwe waarhede bou wat ten opsigte van voedselsekerheid kommersiële veeboere en die staatskas miljoene rand kos nie.’ Ondanks herhaalde oproepe dat ramme behoorlik ondersoek word voor hulle op veilings verkoop word, flikker die gevaarligte steeds oor die gebrek aan ramvrugbaarheid en oor geslagsiektes, veral in ekstensiewe veegebiede. Veeartse wat in die land se ekstensiewe veegebiede teen die toenemende bedreiging van geslagsiektes onder kleinvee stry, is dit eens dat biosekerheidsmaatreëls gereelde ramtoetsing, inenting en kwarantyn moet insluit. Diere met potensiële siektes moet ook betyds uit kuddes verwyder word. Dr. Jaco Pienaar, staatsveearts op Beaufort-Wes, sê ramme in ekstensiewe gebiede word nie genoeg getoets nie en ook nie deur hul eienaars se telersverenigings verplig om die toetse te doen nie. Hy beveel ’n volledige toets aan en…

KOSTEGIDS DIE RAND EN SENT VAN WINGERD EN WYN Die Vinpro Kostegids is ’n móét as jy wyndruiwe verbou, wyn maak of ’n wingerdboukundige is. Meet jouself teen die bedryf se riglyne vir wyndruifproduksie, van produksie- en arbeidskoste tot teikeninkomste en trekkerloopkoste. Die syfers is gegrond op verlede jaar se Produksieplan-opname, ’n finansiële ontleding van die wynbedryfsliggaam Vinpro onder 250 wyndruifprodusente. Spesifieke inligting sluit produksiekoste per streek, teikeninkomste-riglyne, arbeidsnorme (man-ure per wingerdaksie), vestigingskoste en gedetailleerde meganisasiekoste in. Kry ook belangrike wynbedryfstatistiek en ’n kaart van die onderskeie wyndruifverbouingstreke in dié nuttige A5-grootte boekie. Prys: Die kostegids word gratis aan lede van Vinpro versprei. NAVRAE: Webwerf: www.vinpro.co.za; Me. Martina Newman, e-pos: member@vinpro.co.za; tel. 021 276 0458. TOERUSTING KEER DAT RYP JOU BOORDE KNOU Verskuifbare toerusting uit België, wat met gasaangedrewe waaiers…

Wildspastei Vulsel ■ Heel wildsblad, 1,5 kg tot 2 kg ■ 250 ml karringmelk ■ 1 of 2 skaapskenkels ■ 30 ml olie ■ Sout en vars gemaalde swartpeper ■ 1 liter water of groente-aftreksel ■ 1 ui, gekap ■ 10 heel naeltjies ■ 2 lourierblare ■ 5 ml fyn koljander ■ 10 ml seesout Sous ■ 2 uie, gekap ■ 30 ml olie ■ 250 ml Pinotage ■ 125 ml wynasyn ■ 200 ml klaarbereide, dik witsous ■ 30 ml Dijon-mosterd ■ 1 ui met 4 naeltjies ingedruk ■ 400 g skilferkorsdeeg ■ 1 eier, geklits Verwyder die taai buitenste membraan van die vleis. Giet die karringmelk oor die vleis en laat vir een of twee dae in die yskas marineer. Lig die vleis uit, vee die karringmelk af…

Benodigdhede ■ 12 meranti- of dennehoutmaatstokke (22 x 22 x 400 mm) of tapstokke (30 x 400 mm) ■ Houtseëlaar (kleurloos en mat) ■ Kleurtint vir verfmeng ■ Dun verfkwas ■ Tou (2 x 120 mm) ■ Skêr, potlood en maatband ■ Boor en houtboorpunt (5 mm) ■ Skuurpapier (100 grein) GIDSMERKE ■ Meet 3 cm aan albei kante van die stokke se eindpunte en trek ’n kruisie met ’n potlood. ■ Maak seker jou merkie is min of meer in die middel van die stok se breedte. SKUUR EN VERF ■ Skuur al die stokke met die skuurpapier. ■ Verdeel die houtseëlaar in twee houers. ■ Verf ses stokke met kleurlose houtseëlaar. ■ Meng die kleurtint by die tweede houer seëlaar en verf die ander ses stokke daarmee. ■…

Onlangs het ’n groot eer my te beurt geval: ek kon op Landbouweekblad se herlewingslandbou-konferensie op Reitz met lede van Suid-Afrika se landbougemeenskap gesels. Ek het opnuut besef hoe kragtig ’n gemeenskap van boere – van alle kulture – in Suid-Afrika is. Dis belangrik, want ongeag ons agtergrond, het ons as boere die kuns van vasbyt geleer. Dit was noodsaaklik! Een van my gunsteling-aanhalings (omdat ek al so baie kans gehad het om sy raad te volg) is van Winston Churchill, die ou bulhond selwers: “As jy deur die hel gaan, gaan voort.” ’n Mens kan nie help om sy ingesteldheid te waardeer nie, en hy is natuurlik reg ook. Ek kon onlangs weer dié woorde tot aksie laat oorgaan. Dit het my herinner hoe belangrik dit is om te…

DIE SA Menseregtekommissie wil antwoorde hê oor waarom ’n verbod nog nie op die uitsetting van plaaswerkers en -bewoners ingestel is nie. Pres. Cyril Ramaphosa het in 2014 (toe hy adjunkpresident was) reeds gesê uitsettings van plase af moet beëindig word totdat plaaswerkers en -bewoners voldoende verblyfreg kan kry. Toe hy vrae oor voedselsekerheid en die regte van plaaswerkers beantwoord het, het hy gesê baie plaaswerkers word steeds van plase af gesit, terwyl hulle hul lewe lank daar gebly en gewerk het en dat dit gestaak moet word. “Dit is ’n skending van hul regte. Die regte van plaaseienaars kan nie die basiese menseregte van plaaswerkers skend nie. Die plaasmoorde wat in Suid-Afrika plaasvind, moet ook veroordeel word, want ons kan nie die doodmaak van enigeen regverdig nie.” Hoewel Ramaphosa…

DIE Regering en die private sektor het ’n gulde geleentheid om saam te werk om ’n beter Suid-Afrika met meer werkgeleenthede vir almal te skep. Dít was die boodskap van mnr. Ebrahim Patel, Minister van Ekonomiese Ontwikkeling, op ’n geleentheid waar Coca-Cola Beverages Suid-Afrika (CCBSA) bekend gemaak het dat hy die Mintirho-stigting geskep en R400 miljoen beskikbaar gestel het om ontwikkelende boere by te staan om ten volle aan die kommersiële landboubedryf deel te neem. “Vennootskappe tussen die Regering en private sektor sal help om ’n Suid-Afrika met geleenthede vir almal te skep, terwyl breër transformasie toegepas word,” het Patel gesê. Hy het daarop gewys dat beleggersvertroue in Suid-Afrika sedert die begin van vanjaar verbeter het, terwyl die ekonomie met 1,3% gegroei het – dubbel soveel as in die ooreenstemmende…

Gars, ’n belangrike produk in die bierbrouproses, is ook ’n uitstekende wisselbougewas. Dr. Johann Strauss, senior navorser in volhoubare gewasproduksiestelsels, Wes-Kaapse departement van landbou, sê omdat gars baie materiaal maak, voldoen dit aan die vereiste vir bewaringsboerdery dat die grond bedek moet wees. “Garsstoppels is voedingsryk en breek stadig af, en sodoende bly die grond vir langer bedek.” Garsaanplantings in die Swartland is ook goeie nuus vir diversiteit in wisselboustelsels, sê Strauss. Op Overberg Agri se voorsaaiinligtingsdag op Rietpoel, het mnr. Frikkie Lubbe, AB InBev se landboubestuurder in die droëlandgebied, gesê hulle wil vanjaar 335 000 ton gars in die droëlandgebied koop. Die kultivar Nemesia is uitgefaseer en Erica gaan nog net in 2018 en 2019 ingeneem word. Hul grootste behoefte is vir Hessekwa (180 000 ton) en Agulhas (65…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf Maart verlede jaar tot Februarie vanjaar. Altesame 651 ooreenkomste is in 27 distrikte gesluit, wat 274 685 ha teen R580 miljard behels het. In 40,7% van die distrikte is dalende prysneigings waargeneem, hoofsaaklik in die Boland, die Weskus, die Karoo en die Suid-Kaap. Die grootste daling was in Ceres (-17,6%) en die grootste styging in Vanrhynsdorp (13,4%). Daar was 51 transaksies van kleur – 8% van die totaal. Dié soort transaksies sluit in verhandelings tussen individue (37), regeringsaankope van landbougrond (2) en grond wat vir stedelike ontwikkeling verkry is (1). Dié proses het 13 667 ha (5% van die totaal) teen R326 miljoen (6,4% van die to-tale waarde) behels.…

Daar is ’n “ongelooflike” vraag na Santa Gertrudis-beeste, veral in die kommersiële mark vir die teel van speenkalwers, sê mnr. Martin van Rooyen, rasdirekteur van die Santa Gertrudis-telersgenootskap. “Veral uit Botswana is daar ’n goeie vraag na diere, asook talle navrae oor die ras.” Belangstelling na Santas op veilings is baie goed. Veral die vraag na bulle neem vinnig toe vir speenkalwerteling. Dit draai om die goeie groeivermoë en voeromsetting van kalwers vir voerkrale – “die kommersiële teler sóék Santabulle om goeie speenkalwers mee te teel”. Bulle behaal deesdae gemiddeld R45 000 stuk, terwyl koeie gemiddeld R22 000 stuk behaal. Die hoogste prys wat nog vir ’n Santa Gertrudisbul betaal is, is R360 000 vir ’n bul van Valley Venture Santa Gertudis van Vryburg in 2017. Die hoogste prys van…

Vanweë die aard van hul werk het boere nie die luukse om té lank oor ’n probleem te besin nie. ’n Boer maak mos ’n plan. Boere het ’n diepe besef van die onmiddellikheid waarmee probleme opgelos moet word, anders word daar binnekort op die dorp werk gesoek. Die mielies moet af, die koring moet in, ou boorde moet vervang word, bulle moet gekoop word en ou ooie moet uitgeskot word. As daar ’n probleem met die stroper of in die bulkamp is, help ’n pratery net mooi niks nie, want die probleem moet opgelos word. Twak praat word gelos vir oom Gielie se swaar hand met die brandewyn en Coke laat Saterdagaand by die gholfklub. Dit voel egter of oom Gielie nooit opgehou het om doppe te gooi nie,…

In die artikel “Dinge raak nou lelik vir Olifantsrivier se boere” (L BW , 27 April, bl. 36) is nagelaat om te meld teen watter oppervlakte-eenheid (hektaar) mnr. Gideon van Zyl voorheen per week besproei het en nou besproei. Die betrokke deel moet soos volg lees: “ ’n Wingerdstok moet in Desember, Januarie en Februarie 300 m3 water per hektaar per week kry. As jy dít vir vyf weke doen, is jou toedeling van 1 700 m3 op. “Ons gee maar 30 m3 of 40 m3 per hektaar sodat jy die wingerdstok darem vir 40 weke kan water gee. Ons besproei nie eens 10% van wat die wingerd moet kry nie.” Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en…

DA AR is plek vir groot én klein boerderye in Suid-Afrika, maar titelaktes in stedelike én landelike gebiede is van deurslaggewende belang vir die landbou se voorspoed. Dít was die mening van sprekers wat aan ’n Nasie in Gesprek-geleentheid oor die belangrikheid van skaalekonomie op die Nampo-Oesdag deelgeneem het. “Die debat moenie gaan oor groot en klein nie. Ál wat belangrik is, is dat kommersiële opbrengste op alle grond behaal moet word,” het mnr. Jannie de Villiers, uitvoerende hoof van Graan SA, gesê. Hy het bygevoeg daar is ’n duidelike verband tussen plaasgroottes en regeringshulp. “Hoe kleiner die Regering se bydrae tot die landbou, hoe groter word die plase om skaalvoordele te benut. In Japan is die plasies piepklein omdat regeringsbydraes omtrent 48% beloop. Boere daar bewerk nie eintlik die…

DIE menslike verbruik van wit mielies het ’n plafon bereik. “Die mark is vinnig besig om te swaai, met die voermark wat die oorskot mielies begin absorbeer,” het mnr. Jannie de Villiers, uitvoerende hoof van Graan SA, in ’n onderhoud vir die TV-program Landbouweekliks op die Afgri-standplaas by die Nampo-Oesdag gesê. Hy het gesê Suid-Afrika se eerste vrag wit mielies is op pad na Spanje nadat die eerste uitvoerkontrak onlangs met dié land gesluit is. Graanpryse kan wel verbeter as China se ekonomie weer aan die gang kom ná die handelsoorlog tussen China en Amerika. Wat die mielieprys betref, is langtermynbeplanning belangrik, want boere sal steeds ’n wins moet kan maak as pryse by sowat R2 000/ton is. De Villiers sê Graan SA ondersoek alternatiewe gewasse, en die uitbreiding van…

OOS-K AAPSE boere gaan voortaan saam met die Oos-Kaapse provinsiale regering werk om die provinsie se padtoestande te verbeter. Dit is kragtens ’n onlangse skikkingsooreenkoms tussen Agri Oos-Kaap en die Oos-Kaapse departement van paaie, ná ’n vier jaar lange regstryd oor die haglike toestande van paaie in dié provinsie. In 2016 is berig dat die agterstand ten opsigte van instandhoudings- en herstelwerk aan die Oos-Kaapse paaie R25miljard beloop het, en steeds toeneem. Die skikking kom kortweg daarop neer dat die departement dadelik R15 miljoen beskikbaar moet stel om die haglikste paaie binne die volgende ses maande te herstel. Agri Oos-Kaap moet voortaan ook deel wees van die begrotingsproses waartydens besluit word watter paaie se onderhoud- of herstelwerk voorkeur gaan kry. “Die beste aspek van die ooreenkoms is dat die departement…

DIE Australiese regering het pas nuwe regulasies aangekondig waaraan uitvoerders van lewende skape moet voldoen. Dit volg nadat 2 400 skape verlede Desember op ’n skip onderweg na die Midde-Ooste weens hitte-uitputting gevrek het. Die voorval het groot opslae gemaak en talle instansies en organisasies het daarna aangedring dat dié praktyk beëindig moet word. Australië voer jaarliks sowat 2 miljoen skape lewend uit. Die regulasies bevat 23 aanbevelings oor hoe handelaars in lewende diere die toestande kan verbeter aan boord van die skepe wat skape in die somer vervoer. Een van die belangrikste aanbevelings is dat die ruimte per skaap aangepas moet word by die diere se grootte sodat hulle meer leefruimte het. Van die argumente teen die afskaffing van die handel in lewende skape is dat Australië nie die…

Die plaaslike bokmelkbedryf beleef ’n tyd van vernuwing en kaasmakers kom ál meer met hul eie style en veral interessante kaasname na vore. Me. Rina Belcher bedryf die veelbekroonde Gautengse boetiekkaasmakery Belnori saam met haar man, Norman. Toe die bokmelkkaasbedryf in sy kinderskoene was, was die aanbod redelik saai, met hoofsaaklik chèvre en klein semiharde kase, sê sy. Vandag is daar ’n groot verskeidenheid kase met unieke name, waarvan baie deur kleinboere gemaak word. “Daar is ’n Franse dorpsmentaliteit in Suid-Afrika aan die ontwikkel, met kaasmakers wat toenemend individualistiese name aan hul kase gee,” het sy op die jaarsimposium van die Suid-Afrikaanse Vereniging vir Suiweltegnologie (SAVST) buite Pretoria gesê. Die voormalige Franse president Charles de Gaulle het op ’n keer glo gesê: “Hoe kan ek ’n land regeer waar daar…

NetBeat het vanjaar sy buiging op Agritech gemaak. Dit is Netafim se alles-ineen- digitale boerderystelsel wat besproeiing, bemesting en oesbeskerming in ’n geslote siklus kombineer. ‘n Boer kan maklik monitor, ontleed en besproeiing outomatiseer — ongeag waar hy hom bevind. Die stelsel gee besproeiingsaanbevelings in werklike tyd deur onder meer gewasstadiums in ag te neem. Danksy wolkgebaseerde sagteware (wat toeganklik is vir slimfone) is toegang, data-integrasie, ondersteuning en opgraderings oor ’n afstand moontlik. G’n wonder Netafim noem dit ’n “besproeiingstelsel met ’n brein” nie.…

UNIGRO is trots daarop om die voorloper te wees in die voorsiening van pasgemaakte landboufinansiering aan kommersiële boere reg oor Suid-Afrika. As ’n belanghebbende in die landboubedryf verstaan die maatskappy boerderye en hul kliënte se finansiële vereistes. UNIGRO bied ’n mededingende en ekonomiese finansieringstruktuur aan boere met akkurate en doeltreffende dienste wat deursigtig geadministreer word. Hierdie aanbieding is nou uitgebrei om gerieflike toegang te bied tot die aanlyndiens eAccounts, wat ’n intydse transaksionele vermoë en toegang tot relevante rekeninginligting bied. Die eAccounts-platform is veilig, vinnig, gerieflik, maklik om te gebruik en toeganklik vanaf enige plek en op enige toestel. Kliënte kan ook hul aankoopkontrakte monitor. ’n Betalingsadvies is in PDF-formaat beskikbaar. Dié elektroniese platform het tot dusver meer as R8 miljard se kumulatiewe betalings behartig. Dit het ook ’n funksie…

WAT IS JOU BOERDERYBENADERING? Ek teel ’n opregte Dorper, sonder byvoeding. Die belangrikste teelwaardes is gehardheid, vrugbaarheid en ’n vol, maar gebalanseerde, bouvorm vir optimale vleisproduksie. Jy moet met só ’n topdier boer, want ’n swak dier vreet net soveel as ’n goeie dier. OP WATTER WAARDES IS JOU BOERDERY GEGROND? Jy moet gedissiplineerd wees, deeglik beplan en met goeie organisasie daardie beplanning goed uitvoer. WATTER PLANTEGROEI IS EG KAROO? As jy wil weet of jy in die Karoo is, gaan soek die volgende ses bossies: Silwerkaroo, kapokbos, skaapbossie, ankerkaroo, rivierganna en perdebos. Daar is ander, maar as jy dié ses sien, is jy in die Karoo.…

DIEREVOEDING JASPER COETZEE SOUTLEKKE EN ARTROSE Waarvan moet ’n mens kennis neem wat soutlekke betref, veral oor die voorkoms van artrose? Die hoofoorsake van artrose (gewrigsontsteking) by beeste is weens ’n tekort aan proteïene, fosfor, magnesium en mangaan. Dit word veroorsaak deur die voer van die verkeerde lekke en die hoë inname van kalsium uit die grond, drinkwater, weiding en lekke. As net soutklip of soutlek gevoer word, vreet die diere te veel sout, wat die osmotiese balans in die liggaamvloeistowwe versteur en die op-name van fosfor beïnvloed. Op sy beurt gee dit weer aanleiding tot ’n fosfortekort, wat onder meer as artrose manifesteer. BEENMEEL Die voer van beenmeel as ’n fosfaatbron word glad nie aanbeveel nie omdat die fosfaat in die vorm van trikalsiumfosfaat is, wat net sowat 50%…

Jy het pas ’n gesogte prys gewen. Wat verseker jou sukses as wildboer? Dis ’n kombinasie van dinge – die passie vir wat ons doen, ’n begrip vir goeie teelbeginsels (wat deur alle suksesvolle telers in die landbou toegepas word), goeie bestuur en personeel, asook die vermoë om in die mark se behoeftes te voorsien. Hoekom is die Oos-Kaap so geskik vir wildboerdery? Die plantegroei is perfek vir die diere wat ons teel, ons het goeie reënval en die regte tipografie vir wildboerdery. Die Oos-Kaap is een van die groter provinsies wat die jagbedryf betref, en wildteling sluit daarby aan. Die twee bedrywe werk hand aan hand. In dié opsig is die Oos-Kaap ’n nuwe ontwikkelingsnodus in Suid-Afrika, wat baie opwindend is. Hoe het die droogte die wildbedryf geraak? Dit…

Toe Peter Matkovich die Centurion-gholfbaan ontwerp het, was daar duidelik nie ’n gebrek aan grond nie. Dis geleë in Pretoria op die landgoed met dieselfde naam en in 1995 uitgelê, wat die gholflandgoed een van die oudstes in Suid-Afrika maak. ’n Mens merk dit ook op aan die argitektuur en grootte van die huise langs die skoonvelde – dit lyk sommer lekker om hier te bly! Om byna elke draai wag daar ’n (aangename) verrassing. Die baan van 6 370 m (van die klubbowwe af) het ’n paar lang putjies, soos die eerste een, ’n syfer vyf. Daar is ook ’n aantal putjies waar water in die spel kan kom. Die baan het 44 groot sandkuile en jy kan die setperk op min putjies van die bof af sien. Die…

Suider-Afrika het die laaste tyd een van die kwaaiste droogtes in ’n lang tyd ervaar en boere moet soos nog nooit vantevore nie in geloof boer (2 Kor. 5:7). Ek het nooit die geleentheid gehad om ’n Bybelkollege by te woon of ’n doktorsgraad in teologie te ontvang nie, maar ek was in die “skool van die lewe”. Die begin van my plaas was letterlik die een wonderwerk ná die ander en God kon in elkeen daarvan gesien word. Ek praat van die afweer van nasionale rampe, gesinstragedies, ekonomiese probleme en die politieke situasie; tog het God ons in geloof deur elkeen gedra. Daar is niks soos swaarkry om ons geloofswandeling te verskerp nie. Een teksvers wat deur die jare vir my baie kosbaar was, veral toe my kinders baie…

DIE nie-nakoming van bestaande arbeidswetgewing het min te doen met boere se vermoë om plaaswerkers te vergoed. Dit is eerder die gevolg van geskiedkundige praktyke en die outomatiese teenreaksie om plaaswerkers se welstand te bevorder, sê die Vroue op Plaseprojek. Openbare sittings oor die nasionale minimum loon is by die Parlement gehou. Die Vroue op Plase-projek het gevra dat ’n universele minimum loon met versekerde werksure en maandelikse lone ingestel moet word – veral om te verseker dat vroulike seisoenswerkers voldoende vir hul werk vergoed word. Me. Colette Solomon, direkteur van die projek, het gesê in navorsing wat hulle verlede jaar laat doen het, is bevind dat 43% van plaaswerkers nie die wettige sektorale vasstelling betaal word nie. Daar is ook bevind dat altesaam 72% van die vroulike seisoenswerkers nie…

AFRIKA, en spesifiek Suid-Afrika, staan voor talle knelpunte, maar het ook groot geleenthede om oor die volgende tien jaar ekonomies te groei. Dít is die mening van mnr. Ernest Pringle, voorsitter van Agri SA se beleidskomitee oor landbou-ontwikkeling. Hy het op Agri Noordwes se jongboeredag die vraag gevra: Waarom is Afrika steeds in armoede gedompel? “Afrika het die wêreld se swakste landbou met 35 uit 48 lande suid van die Sahara wat amper eksklusief op voedselinvoer reken. Daar is geen private grondeienaarskap in 80% van die lande op dié vasteland nie. As ’n resultaat daarvan het Afrika se groeipotensiaal oor die afgelope ses dekades plat gebly, terwyl sommige lande se vooruitsigte selfs afgeneem het. In vergelyking met Asië, wat homself in die 1960’s in dieselfde situasie bevind het, is Afrika…

Nuwe kultivars word tans deur frambooskwekers bekyk om te verseker hul bly voor in die klein, maar mededingende framboosmark in Suid-Afrika. Volgens mnr. Warren Heys, bestuurder by die Haygrove-bessieplaas op Hermanus, is daar tans nog geleentheid vir groei in die Suid-Afrikaanse mark, maar sal dit nie vir lank meer die geval wees nie. Volgens me. Elzette Schutte, koördineerder vir bessieboere by Hortgro (oorkoepelende organisasie van die sagtevrugtebedryf) is die grootste hindernis vir produsente om die rakleeftyd van die vars bessies te verleng vir die uitvoermark. Sy sê ook dat die gewildheid van die bloubessiebedryf groei in dié mark benadeel. Volgens syfers van Hortgro was daar in 2016-’17 altesame 2 081 ton frambose geproduseer, waarvan die meeste (1 181 ton) uitgevoer is. Altesame 538 ton is in die plaaslike mark versprei.…

BOEREDAE 14 JUNIE: Vleisbeesgenomikaboeredag. Irene. Web: wagyu.org.za 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. 14 JULIE: Piket se ploegdag. Aangebied deur die Swartlandse Veteraan-trekker-en-enjinklub. Piket. Hennie Richter. E-pos: sekr.wk@telkomsa.net 22 AUGUSTUS: Noord-Vrystaatse SAVM-klub bied ’n “mega-boeredag” en veiling aan met die samewerking van die boerevereniging van die Rooi Skool in Kroonstad. Kroon-Boma, Kroonstad. Neline Pienaar; sel 082 440 4492; e-pos: bennieneline@eleo.co.za EKSPO’S EN ANDER 19-20 JUNIE: Vervaardigingindaba. Sandton, Johannesburg. Web: www.manufacturingindaba.co.za 29 JUNIE–1 JULIE: Spar Kirkwood-wildsfees. Skaapkop-langtafel, sybokhaar-ekspo, wynstalletjies en landbou. River Valley buite Port Elizabeth. Jennifer Honsbein, tel. 042 230 0066. 25-26 AUGUSTUS: Reünie, Landboukollege Potchefstroom, 1978. Stonehenge naby Parys. Dries Schlebusch, sel 083 283 5745. 12 SEPTEMBER: Agri Mega-week…