Innholdsfortegnelse for 18-May-18 i Landbouweekblad

Dit is een van daardie stories wat Suid-Afrika bitter nodig het. Dit is ’n storie wat jou oortuig dat dinge gaan uitwerk, al steek sinnelose en onaanvaarbare geweld oral kop uit. Net nou die dag is ’n sitruspakhuis op Fort Beaufort in die Oos-Kaap aan die brand gesteek ná ’n loongeskil, al behartig hierdie pakhuis ook uitvoersitrus vir die plaas se grondhervormingsprojek. Hoe help dit? In Noordwes word dorpies in puin gelê, met yslike verliese vir plaaslike besighede en boere se bedrywighede wat ernstig ontwrig word. Waarvoor? ’n Klomp roofsugtige politici gebruik gewetenloos belastingbetalers se geld om volgelinge te betaal om amok te maak. Hoekom? Net sodat hulle meer toegang kan kry tot belastingbetalers se swaarverdiende geld, waarvan hulle nóg meer uitdeel om aan bewind te kan bly, terwyl dienste…

DIE soja- en koringbedryf gaan voort met planne om produksie met ’n spesiale heffing vir teling en tegnologie te bevorder. Weens die Regering se kat-en-muisspeletjies daarmee word die invordering van die sojaheffing met ’n jaar vertraag. Mnr. Jannie de Villiers, uitvoerende hoof van Graan SA, sê hulle het besluit om mnr. Senzeni Zokwana, Minister van Landbou, Bosbou en Visserye, toe te laat om die heffing af te kondig volgens die ooreenkoms wat beding is. “Daar was egter soveel vertragings dat dit eers op 1 Maart volgende jaar in werking sal tree. ’n Mens kan nie van boere wat al gestroop het, verwag om nou die heffing te betaal nie.” Zokwana wou aanvanklik hê die Landbounavorsingsraad (LNR) moet die hoofbegunstigde wees sonder dat die LNR in jare enige voordeel vir die…

MEER as 78 600 besoekers het verlede jaar die Nampo-Oesdag oor vier dae besoek en selfs meer besoekers word vanjaar verwag. Gegewe die toestand van sommige paaie in die Vrystaat word mense wat die Oesdag vandeesweek bywoon, aangeraai om liefs sekere roetes na Nampopark te vermy. Mnr. Cobus van Coller, voorsitter van die Oesdagkomitee, sê die een roete om liefs te vermy, is die R59 tussen Viljoenskroon en Bothaville. “Die pad word op die oomblik herbou. Hoewel daar bane aan weerskante van die pad geskraap is, moet veral motoriste wat nie aan grond- en stofpaaie gewoond is nie, eerder een van die ander roetes kies.” Besoekers wat van Parys af op die R59 na Viljoenskroon ry, word aangeraai om by die vierrigtingstop by Viljoenskroon regs te draai op die R76…

’N OMVANGRYKE internasionale landbouversekeringskema kom vandeesweek ’n stap nader aan ’n werklikheid op die Suider-Afrikaanse Konfederasie vir Landbou-unies (Sacau) se jaarlikse kongres. Die skema het reeds gunstige reaksie van sommige van die wêreld se grootste herversekeraars ontlok. “Vanweë die uitgebreide geografiese verspreiding en volume kan die voordeel van skaal benut word om die risiko in die landbou te versprei,” sê dr. Theo De Jager, voorsitter van Sacau, wat saam met mnr. Ishmael Sunga, besturende direkteur, nou by die ontwikkeling van die skema betrokke was. Hy sê Sacau het reeds met die COP17-kon-ferensie in Durban einde 2016 versoek dat die Verenigde Nasies (VN) ’n fonds skep om slag-offers van natuurrampe te help om hul boerderye weer op die been te kry. Die VN was egter van mening dat boerdery ’n besigheid…

ALLES dui daarop dat die avokadobedryf in die volgende vyf tot sewe jaar net verder gaan groei, sê mnr. Derek Donkin, uitvoerende hoof van Subtrop, die sambreelliggaam vir subtropiese gewasse. Die oesskatting vir vanjaar staan tans op 130 000 ton. Daarvan sal nagenoeg 70 000 ton, verpak in 17,5 miljoen kartonhouers van 4 kg elk, uitgevoer word. Verlede jaar is net meer as 10 miljoen kartonhouers uitgevoer. Dit sal die grootste uitvoervolume in die geskiedenis van die Suid-Afrikaanse avokadobedryf wees. Donkin skryf die rekordoes aan verskeie faktore toe, waarvan die toename in aanplantings die belangrikste is. Die klimaat het ook saamgespeel met genoeg reën en sonskyn op die regte tye. Boonop is vanjaar ’n “op-jaar” vir avokadobome, wat afwisselend een jaar ’n goeie oes en die volgende jaar ’n kleiner…

T WEE Parlementslede wat me. Maite Nkoana-Mashabane, Minister van Landelike Ontwikkeling en Grondhervorming, gevra het hoeveel grond die Regering sedert 1994 vir herverdeling aangekoop het, het twee verskillende antwoorde gekry. Boonop verskil inligting oor hoeveel geld aan die begunstigdes van restitusie betaal is. Die bedrag wat volgens Nkoana-Mashabane betaal is, sowat R1,1 miljard minder as wat me. Nomfundo Gobodo, hoofgrondeisekommissaris, verlede jaar aan die Parlement se portefeuljekomitee vir landelike ontwikkeling en grondhervorming meegedeel het. Dr. Pieter Groenewald, leier van die VF Plus, en mnr. Sam Matiase, EFF-LP, het vrae in dié verband gestel. Aan Groenewald het Nkoana-Mashabane gesê 5 407 plase is vir herverdeling aangeskaf. Aan Matiase was die antwoord 5 278. Groenewald wou in sy vraag weet hoeveel titelaktes sedert 1994 oorgedra is vir grond wat vir die begunstigdes…

DIE algehele verkope van trekkers en stropers kan 5% hoër wees as verlede jaar op grond van die sterk groei in verkope in Maart en April. Die 459 trekkers wat in April verkoop is, is 15% meer as die 398 eenhede van verlede April. In die eerste vier maande van vanjaar is 13% meer trekkers verkoop as in die ooreenstemmende tyd verlede jaar. Een minder stroper is in April verkoop as in verlede April. Verkope vir vanjaar is tot dusver steeds ongeveer 5% laer as verkope vir dieselfde tydperk verlede jaar. Die Suid-Afrikaanse Landboumasjinerievereniging sê in ’n verklaring die volgehoue goeie trekkerverkope dui op goeie marksentiment en dat die onlangse verswakking in die rand sekere kopers se besluite oor aankope vervroeg het. “Hoewel die meeste trekkerverkope tradisioneel verband hou met…

Die 2018-’19-be-markingsjaar vir mielies in Suid-Afrikahetop1Mei met ’n rekord-oordragvoorraad van byna 3,9 miljoen ton mielies begin. Dit is 700 000 ton meer as die beginvoorraad in 2006-’07. Produsente het destyds 2,8 miljoen hektaar in die voorafgaande produksiejaar beplant en ’n gemiddelde opbrengs van 4,1 ton/ha behaal. Vanjaar se rekord-oordragvoorraad is voorafgegaan deur aanplantings van 2,63 miljoen hektaar mielies en ’n rekordopbrengs van 6,4 ton/ ha. Produsente het in die huidige produksiejaar 2,3 miljoen hektaar mielies geplant en kan dalk ’n opbrengs van 5,5 ton/ha kry. UITVOER NEEM TOE Absa se seisoenale maandelikse prysindeks is gegrond op die afgelope tien jaar. Daarvolgens daal pryse nadat ’n seisoenale hoogtepunt in Januarie bereik is tot ’n laagtepunt in Mei. ’n Swakker rand weens ’n sterk Amerikaanse dollar en hoër Amerikaanse mieliepryse weens onsekere…

Jong roketblare kan tot drie maal meer voedingswaarde hê indien dit aan strestoestande blootgestel word, het ’n studie aan die Universiteit Stellenbosch (US) getoon. Hierdie navorsing is met roketblare gedoen wat aan uitermatig hoë ligblootstelling onderhewig was. Die belangrikste gevolgtrekking van die navorsing is dat voedingstowwe wat nog nooit voorheen in roketblare bespeur is nie, nou daarin voorgekom het, volgens dr. Bianke Loedolff. Sy is verbonde aan die US se instituut vir plantbiotegnologie aan die fakulteit landboouwetenskappe en was die navorsingsleier. “Plante bou ’n verskeidenheid biologiese verbindings, wat fitochemikalieë genoem word, in die blare op tydens die groeiproses. By die meeste plante kan die eerste jong blaartjies wat groei, tot tien keer meer fitochemikalieë en voedingswaarde as die latere volwasse blare hê. Plante ervaar dikwels stres wanneer hulle te min…

Wat maak mnr. Llewellyn Angus se kuddes anders as al die ander kuddes van die ras en die ander rasse wat aan die kompetisie deelgeneem het? Goeie weiding en veldbestuur is die beginpunt van goeie veeboerdery, “wat nog te sê van stoetboerdery”. Totale prestasietoetsing (met vrugbaarheid altyd vooropgestel) en deelname aan die vleisbeesgenomikaprojek, sinvolle teeldoelwitte wat in die stoeterye se genetiese neigings weerspieël word en die terugploeg van sy kennis en ervaring in die stoetbedryf, wat hy aan opkomende boere oordra, is ook belangrik. “Dit is die vier hoofaspekte,” meen Llewellyn. “En moenie die totale afhanklikheid van die Hemelse Vader uitlaat nie. Ken Hom in al jou doen en late.” Hy sê hy en sy seun Gareth hou gereeld bees- en weidingsdae vir kommersiële en opkomende telers om inligting oor…

Hierdie toerusting is vir die klein wildboer wat sy paar wildsbokkies wil bederf. Die American Feeder, wat in China vervaardig word, bestaan uit ’n sak waarin voerkorrels geplaas word, met ’n opening onderaan wat op vasgestelde tye ’n sekere hoeveelheid kos met behulp van ’n elektroniese tydstelsel laat uitval. Die boer besluit hoeveel voer op ’n slag en hoe gereeld dit vrygestel moet word. Die opening kan 1-16 keer per dag oopmaak vir tye van 1-30 sekondes. Prys: R1 224. Navrae: Soin Africa, Pretoria, tel. 061 754 8647. ’n Strik vir ’n vlak- of bosvark. Die staalstrop word om die plat skyf aangebring, met die ander punt van die strop aan ’n boom vasgemaak. As die vark daarop trap, skiet die strik na bo en vang hom aan die poot.…

Nampo, soos die grootste landbouskou in Suid-Afrika alombekend staan, w o r d d e u r G r a a n SA aangebied en skep ’n unieke platform waar boere, belanghebbendes in die landboubedryf en die voorste insetverskaffers kan skakel, vriendskapsbande hernu en betrekkinge versterk. Dié skou word van Dinsdag 15 Mei tot Vrydag 18 Mei buite Bothaville in die Vrystaat gehou. Sowat 740 uitstallers en bykans 80 000 besoekers sal na verwagting by Nampo-park opdaag en dus is dié skou een van die grootstes in sy soort ter wêreld. “Suid-Afrikaanse boere se ontvanklikheid vir nuwe tegnologie is een van die hoofredes waarom die land kan roem op volhoubare voedselproduksie. ‘Effektiwiteit met tegnologie’ is vanjaar se tema en dit vind groot byval by boere,” sê mnr. Jannie de Villiers,…

Almal wil weet of swart ekonomiese bemagtiging (SEB) ’n toekoms in die landbou het en of die landbou daarsonder kan voortbestaan. Die Departement van Handel en Nywerheid het verlede Desember reeds nuwe kodes vir SEB in die landbousektor aangekondig. Die grootste wanopvatting onder die meeste boere is dat SEB hul voortbestaan bedreig. Dit is glad nie die geval nie. Die talle suksesvolle kommersiële besighede en boere wat reeds hierdie beginsels toepas en steeds suksesvol handel dryf en vooruitgang toon deur SEB eerder te verwelkom as om daarteen te skop, is bewyse hiervan. SEB kan onskatbare waarde tot enige boerdery toevoeg. Die merkwaardigste daarvan is die toegang tot goedkoper en makliker bekombare kapitaal. Verskeie instellings bied gunstige bepalings en voorwaardes teenoor SEB-kragtige entiteite. Boerderye kan dus makliker en goedkoper uitgebrei word.…

AFGRI word nie net deur vorige geslagte se suksesstories aangevuur om vorentoe te beweeg nie, maar dit is ook die vooruitsig van toekomstige geslagte wat die maatskappyaanspooromaandie voorpuntteblyvanlandbou-ontwikkeling en tegnologie. BLY AAN VOORPUNT AFGRI vier vanjaar sy 95ste bestaansjaar. Die maatskappy het sy oorsprong in 1923 te danke aan 150 boere van wie 29 op ’n vergadering die Oos-Transvaalse Landboukoöperasie (OTK) gestig het. Dié toonaangewende maatskappy in die landbou kon hom oor dekades voortdurend aanpas by omstandighede. Dit het hom in staat gestel om aan die voorpunt te bly met voedselproduksie en diensverskaffing aan produsente binne die landbousektor. SÓ HET DIT BEGIN OTK het vinnig gegroei deur opberging en tegniese dienste aan boere in Mpumalanga te bied. In 1963 het die koöperasie ’n ooreenkoms met John Deere gesluit vir die…

Klean Kanteen vervaardig nie net bot-tels, glase, bekers en houers waarin kos verpak kan word nie, maar bied ook groen oplossings vir ons alledaagse lewe. Deur dié produkte te gebruik, doen jy iets goeds vir die omgewing. Al koop jy net een Klean Kanteen-produk en gebruik dit vir altyd, het die maatskappy sy doel bereik. Die bottels en houers is ontwerp om ’n leeftyd te hou en dus is dit nie meer no-dig om elke keer omgewingsonvriendelike houers van karton of plastiek te gebruik nie. Die vakuumgeïsoleerde bot-tels hou koue drankies koud en warm drankies warm – van jou oggendkoffie tot ’n vrugteskommel vir middagete sal nou altyd die regte temperatuur wees. LEATHERMAN Pas nadat hy in 1975 gegradueer het, het Tim Leatherman en sy vrou, Chau, ’n toer deur…

Kampioenhingsvul, grootkampioenhings en opperste kampioen van die skou, Eduan HS Victor. Eienaar: Mnr. Willem Naudé (sel 082 775 7067), Eduan-stoetery, Rhodes. Junior en grootkampioenmerrie, Pure Perd Mani’s Fine Line. Eienaar: Mev. Ina van Aswegen (sel 082 920 6378), Pure Perdstoetery, Petrusburg. Kampioen-merrievul, Pure Perd IBS Fancy My Spots. Eienaar: Mev. Ina van Aswegen, Pure Perd-stoetery, Petrusburg. Senior kampioenmerrie, Prima Donna. Eienaar: Me. Evi van Dyk (sel 073 256 1768), Vygeboom-stoetery, Naboomspruit, Limpopo. Kampioenreun, Bar Rey Spirit. Eienaar: Me. Jacky Venter (sel 082 602 2985), Huckleberry, Kayalami.…

Veesiektes is ’n belangrike faktor wat veeproduksie in Afrika beperk. Dit wissel van grootskaalse epidemies tot algemene siektes wat produksiepotensiaal beïnvloed. Baie van hierdie siektes kan binne ’n kort tydperk (minder as 24 uur) nadat die eerste tekens van siekte waargeneem is permanente skade of vrektes veroorsaak. Die meeste parasitiese siektes veroorsaak deurlopend verliese weens ’n gunstige klimaat vir die ontwikkeling en vermenigvuldiging van hierdie organismes. Wanneer die simptome egter gou genoeg opgemerk word en die boer die regte behandeling toepas, kan dit produksieverliese en selfs vrektes voorkom. V-NET Die oogmerk is om die gebruik van die V-Net-toepassing landwyd te vestig en bekend te stel sodat veeartse en boere beter kan kommunikeer. Die Veeartsnetwerk, ook bekend as V-Net, is ’n organisasie wat ’n elektroniese stelsel ontwikkel het en bestuur om…

Watter rol speel patats in jou gemengde boerdery? Dit pas goed in by die druiweseisoen en ons oes en verkoop patats in ’n tyd wanneer ons nie ’n inkomste uit sitrus verdien nie. Dis ’n lekker inspuiting. Ons plant gewoonlik in September en oes dan einde Januarie. Patats benodig net drie maande tussen plant- en oestyd, maar dit hang af van die toestand van jou rankie. Ons koop rankies op Wellington en vanjaar het ons weens die droogte eers laat ranke in die hande gekry. Vanjaar het ons sowat 5 ha geplant; dis sowat 300 000 steggies. Ons oes 50-60 ton per hektaar. Hoekom kan jy in jou omgewing met patats boer? Patats wil hitte hê om te groei. Ná Maart loop jy ’n risiko om patats in die grond…

Die “rykdom van armoede” klink na ’n teenstrydigheid. Rykdom kan tog nie armoede wees nie, en andersom ook nie. Om lig op die onderwerp te gooi, moet ons eers vra: “Van watter soort rykdom of armoede praat ons?” Ons begrip en belewenis van die begrippe kan drasties verskil. Die volgende ware verhaal, wat ’n goeie vriend aan my vertel het, kan opheldering bring: “Ek het arm grootgeword. Gelukkig vir my was my verstand nie deel van die armoede nie. Nadat ek kaalvoet deur my skoolloopbaan gedraf het, het ek met ’n lening van die Helpmekaar-studiefonds gegradueer en ’n goeie werk gekry. Dinge het vir my so goed verloop dat ek later ’n rykdom beleef het wat vir my ’n vreemde ervaring was. Tot my skaamte en skande moet ek sê…

Die wit proteas op mnr. Japie van Staden se plaas Doornkraal naby Cullinan in Gauteng blom nie elke jaar op dieselfde tyd nie. “Dit is wat dié protea so moeilik maak om te kweek – dit het nie ’n vaste roetine nie,” sê Van Staden. Die proteas blom tans en het vier jaar gelede ook dié tyd van die jaar geblom. Van Staden oes nou sowat 1 000 blomme per dag op die vier hektaar wat hy onder wit proteas het. Hy verwag dat hulle weer in Desember sal blom en sê dit lyk asof hulle nagenoeg elke agt maande blom. Van Staden noem die betrokke wit protea op sy plaas My Lady en sê dit is so groot soos ’n Brenda-protea. Die kleur kan wissel na gelang van die…

Ons besluite word in die beste belang van die boere geneem, bevestig deur tyd in boere se landerye deur te bring en dan te verseker dat hulle die saadprodukte wat die beste presteer, en net die beste persoonlike diens ontvang. Ons weet ons sukses is van ons boere se sukses afhanklik. Só sê mnr. Nick Goble, sakebestuurder. MERKWAARDIG Mnr. Brian Corbishley het op 27 Mei 1958 amptelik die Pannar Saadmaatskappy, geleë op die plaas Oakleigh buite Greytown, geregistreer. Hy sou nie van die ophef gehou het nie, maar dié verkorte anonieme huldeblyk ná sy afsterwe op 7 Januarie 2017 vertel die verhaal van ’n merkwaardige man wie se storie ook die Pannar-storie geword het. Brian is op 10 April 1937 gebore en was deel van die geslag wat die Stil…

Boerdery vir die toekoms vereis langtermyndoelwitte om ’n gesonde onderneming vir toekomstige geslagte te verseker. Pannar se veelsydige sojaboonpakket beskik oor ongeëwenaarde stabiliteit by grond met verskillende opbrengspotensiaalvlakke en selfs oor verskillende produksiestreke. Dit is ’n bewese en veilige keuse. ’n Goeie wisselbouprogram is een van die gewasverbouingspraktyke wat ’n volhoubare boerdery bewerkstellig. Sojabone bied talle voordele as wisselbougewas, veral in kombinasie met mielies in die medium- tot hoëpotensiaalgebiede. Pannar se sojaboonpakket is veelsydig en behoort jou die beste kans op sukses te gee. KOMMERSIËLE SUKSES Pannar het toegang tot die beste kommersiële sojaboonkultivars, hetsy dié wat plaaslik of in die buiteland ontwikkel is. Pannar se beleid is om die beste kultivars in Suid-Afrika bekend te stel, ongeag van waar hulle kom. Die sukses van dié beleid word gestaaf deur…

Pannar lê die afgelope 20 jaar klem op tegnologie. Pannar se inlywing by die DuPontgroep en DuPont se samesmelting met Dow Agroscience verlede September het ’n groot, nuwe onderneming die lig laat sien wat boere baie meer bied rakende biotegnologie, advies, navorsing en gewasbeskerming. Dit voeg meer waarde toe tot die reeds bestaande voordele van ’n saadverskaffer wat al dekades lank streef na noue samewerking met die boer. “Die grondslag waarop Pannar 60 jaar gelede begin is, is steeds die hartklop van die maatskappy,” sê me. Christin Hunter. Sy is verantwoordelik vir skakeling en veral die digitale inligtingsplatforms by Pannar. Christin het onlangs tydens Pannar se reeks boeredae, beter bekend as die Pannar Extravaganzas, nuwe insigte gebied oor die maatskappy en die tegnologie wat help om oeste te beskerm. “In…

PANNAR SAAD (EDMS.) BPK. HOOFKANTOOR Posbus 19, Greytown 3250 Tel. 033 413 9500 Registrasienommer: 1986/002148/07 Webwerf: www.pannar.com E-pos: infoserve@pannar.co.za SAKEBESTUURDER Nick Goble Sel 082 822 6436 KOMMERSIËLE EFFEKTIWITEITSBESTUURDER Flip Botha Sel 082 650 4525 BEMARKINGSBESTUURDER John Odendaal Sel 082 771 5553 INTERNASIONALE NAVRAE David Lambie Posbus 508, Greytown 3250 Tel. 033 413 9500 E-pos: international@pannar.co.za SLEUTELREKENINGBESTUURDER VIR ONTWIKKELENDE BOERE Reggie Mchunu Sel 082 098 5242 PRODUKBESTUURDER: VOERGEWASSE Petrus van Rooyen Sel 082 822 6438 HOOFLANDBOUKUNDIGE Pieter Rademeyer Tel. 056 216 3016 Sel 082 776 5583 PRODUKLANDBOUKUNDIGES WESTELIKE PRODUKSIESTREEK AK Geldenhuys Sel 082 496 6058 OOSTELIKE PRODUKSIESTREEK Grant Pringle Sel 071 678 1511 STREEKSKANTORE IN SUID-AFRIKA KWAZULU-NATAL EN KAAP Posbus 19, Greytown 3250 Tel. 033 413 9500 STREEKSVERKOOPSBESTUURDER Petrus van Rooyen Sel 082 822 6438 LANDBOUKUNDIGE Grant Pringle Sel 071 678…

20,6 miljoen Die wêreldgraanvoorraad gaan tydens die 2018-’19-seisoen met 20,6 miljoen ton daal tot 756 miljoen ton. Dis die eerste keer in ses jaar dat dit ’n daling toon, sê die Verenigde Nasies se Voedsel- en Landbou-organisasie. Sedert die 2012-’13-seisoen het voorraad wêreldwyd met meer as 200 miljoen ton gegroei. Graanproduksie wêreldwyd sal na verwagting met 41,2 miljoen ton daal tot 2,607 miljard ton, die laagste in drie jaar. – Agrimoney 20 ton Nagenoeg 20 ton kaas is onlangs aan die publiek aangebied op die 17de Kaasfees wat by Sandringham buite Stellenbosch gehou is. Nagenoeg 30 000 mense het die geleentheid bygewoon. Mnr. Johan Ehlers, uitvoerende hoof van Agri-Expo, wat die geleentheid reël, sê hulle was saam met die uitstallers verras oor die sterk koopkrag op die fees, ondanks die…

WAAR IS DIE PLANNE? Die debat oor die onteiening van grond sonder vergoeding was die afgelope weke op almal se lippe, veral diegene wat grond besit. Die kommentaar van baie mense, waaronder geleerde mense, was dat onteiening sonder vergoeding aanvaarbaar is. Nou wonder ek maar net. Waar in ons goeie Grondwet, wat beskou word as een van die bestes ter wêreld, gee ek as individu aan ander mense die reg om namens my te besluit? Waar gee ek aan ander mense die reg om my van my eiendom te vervreem? Dit is maklik om te sê onteiening is aanvaarbaar as jy nie self geraak word nie. Maar miskien lê die probleem juis hierin: Die mense wat wel toestemming gegee is om namens my te onderhandel en beding, is doodstil. Die…

SK A ARS ’n week ná die internasionale diereregte-organisasie People for the Ethical Treatment of Animals (Peta) ’n video vrygestel het wat die Suid-Afrikaanse bokhaarbedryf met selektiewe redigering uitbeeld as ’n dieremishandelaar, het die bokhaarbeurs met 3,9% gestyg en boonop ’n paar nuwe prysrekords laat spat. Op die veiling van 8 Mei, die vyfde van die seisoen, het die mark volgens die jongste verslag van Bokhaar Suid-Afrika op R279,78/kg gesluit. Van die bokhaar wat aangebied is, is 99% verkoop. Naas somerkleinbokkiehaar het die gemiddelde pryse in al die kategorieë gestyg – vir jongbokkie- (somer), fyn grootbok- en sterk grootbokhaar. Die hoogste prys op die veiling was R480/kg vir ’n lot van 22 mikron-kleinbokkiehaar. Twee kategorierekords vir bokhaar wat deur plaaslike verwerkers aangekoop is, is aangeteken. In die kategorie vir grootbokhaar…

SUID -AFRIK A kan nog lank met ’n surplus mielies sit, wat pryse onder druk sal hou. Die uitvoer van wit mielies het in die eerste week van die nuwe bemarkingsjaar ’n hupstoot gekry toe 63 383 ton mielies uitgevoer is. Die bemarkingsjaar 2017-’18 is volgens syfers van die Suid-Afrikaanse Graaninligtingsdiens (Sagis) einde April afgesluit met uitvoer van 2,245 miljoen ton, waarvan 769 000 ton wit en 1,476 miljoen ton geel mielies was. Mnr. Brink van Wyk, handelaar van die verhandelingsonderneming BVG, sê gemeet aan die mikpunt om 4 miljoen ton mielies in die afgelope bemarkingsjaar uit te voer ten einde die surplus weg te werk, was dit teleurstellend. Hy het al ’n jaar gelede voorspel dat die totale uitvoer waarskynlik nie veel meer as 2 miljoen ton sal wees…

VARKBOERE wat sedert Maart nie meer varke aan sekere Enterprise-aanlegte kan lewer nie, het ’n reëling met hul vorige abattoir getref om steeds van hul varke namens hulle te slag. Enterprise se verwerkingsgeriewe in Polokwane, Pretoria en Germiston is sedert Maart gesluit nadat die staat listeriose in monsters van sekere produkte gevind het. Tiger Brands het die monsters ook onafhanklik laat toets en het op 24 April bevestiging ontvang dat die ST6-stam van Lister ia wel in produkte van die Polokwane-aanleg teenwoordig was, het die maatskappy in ’n SENS-aankondiging gesê. Volgens Tiger Brands bly die drie Enterprise-geriewe gesluit terwyl regstellende werk voortduur. Volgens die maatskappy het sy varkboere intussen ’n reëling met Pork Packers aangegaan. Dit geld sedert 2 Mei. VRA OM OOP TE BLY Me. Nevashnee Naicker, direkteur van…

DIE droogte in die Wes-Kaap het sekere afdelings van Kaap Agri swaar getref, maar sy strategie van diversifikasie het die invloed op die maatskappy as geheel versag. Kaap Agri se inkomste het in die ses maande tot 31 Maart met 5,4% tot R3,4 miljard gestyg. Die maatskappy sê in sy halfjaarresultate dat sy algemene kleinhandelsafdeling swaargekry het, maar danksy uitbreidings en verbeterings in sy reeks het hy sterk groei in sy nie-landboukleinhandelskategorieë behaal. “In die afgelope ses maande was verbruikers- en sakevertroue laag en baie kliënte se bestedingsvermoë is deur die versterking van die rand ingeperk. Laer besteebare inkomste het ook na die kleinhandelbrandstofsektor oorgespoel,” sê die maatskappy. Die droogte het ’n groot invloed op die inkomste van Wesgraan en die betrokke handelstreke gehad. Inkomste uit graanhantering is beduidend ingeperk…

KORTOM ■ Die wêreld se markte wag om te kyk wat die slotsom van China en Amerika se onderhandelings oor invoertariewe gaan wees. ■ China belê stelselmatig al hoe meer en op groot skaal in ander lande se landboubedrywe. ■ Suid-Afrika se Regering bly sukkel om ’n behoorlike landbouhandelsverdrag oor plaaslike landbouprodukte met China te sluit. China se invoer van landbouprodukte uit Amerika is onlangs beklemtoon met mnr. Donald Trump, president van Amerika, wat dreig om Chinese invoer na Amerika met tariefverhogings te beperk. Op sy beurt dreig China om Amerikaanse landbouprodukte wat na China uitgevoer word, met 25% te belas. Dié hele proses ontwrig markte en almal wag op die uitslag van die onderhandelinge tussen China en Amerika teen Junie vanjaar. Amerika voorsien sowat ’n kwart van China se…

Weens die bederfbare aard van vye is dit waarskynlik die moeilikste vars produk om mee te boer en te versprei, maar dis ’n lekker uitdaging vir produsente met ’n liefde vir boerdery en mense. Só sê mnr. Avril de Villiers, voorsitter van die Suid-Afrikaanse vyeprodusentevereniging (Safpa). Die vereniging is amptelik al sowat ’n jaar lank aan die gang. Bykans alle plaaslike vyeboere (’n raps oor die 30) is lid van die organisasie. Die plaaslike vyebedryf is sowat 250-300 ha groot, waarvan byna 90% van die aanplantings die Evita/Parisienne-vy uitmaak. Die res is die Ronde du Bordeaux-kultivar, ’n babavy wat veral geskik is vir slaaie of versiering en wat vroeg geoes word. Albei is egter Mediterreense sagteskilkultivars. “Die bedryf is redelik stabiel, met organiese groei wat plaasvind. Daar is min nuwe…

Besluit eerstens wat die kudde se tekortkominge is, byvoorbeeld lae speengewig. Indien die kommersiële boer sy bulkalwers verkoop en die verse vir vervanging hou, werk hy volgens die selfvervangende voerkraalindeks. Hy kan ook afsnypunte op spesifieke teelwaardes plaas, soos geboortegewig en maklike geboorte. Maak seker die 200 dae-teelwaarde is ver bokant die gemiddelde. Sommige beesrasse het nog nie ekonomiese indekse nie. Dan kan die bulkoper bloot afsnypunte op sekere teelwaardes plaas en die bulle op die veilingskatalogus merk wat hierdie afsnypunt gehaal het. Dan eers doen hy ’n visuele waarneming van die bulle wat hy gemerk het vir struktuur en ander eienskappe. Dan eindig hy met ’n paar bulle waarop hy kan bie. Moenie die mooiste bul op sigwaarde koop as hy nie op die lys is nie. Teel beeste…

DRAAGBAAR NUWE KRAGOPWEKKER VIR BINNE EN BUITE ’n Nuwe, kompakte kragopwekker wat klein genoeg is om oral saamgeneem te word en tog genoeg krag opwek vir allerlei noodsaaklikhede, is onlangs deur Honda bekend gestel. Die nuwe EU22i weeg net 21 kg. Dit is ’n nuwegeslag-opwekker met tegnologie wat dit geskik maak vir kraggevoelige elektriese toerusting, soos rekenaars en TV-stelle, asook standaard- huishoudelike toestelle, soos haardroërs, strykysters en koffiemakers. Die omhulsel is ontwerp om geraas tot die minimum te beperk en selfs op volle krag sal dit nie ’n steurnis veroorsaak nie. Die gevorderde GXR120-vierslagenjin lewer tot 2 200 W met verbeterde brandstofverbruik ongeag die lading. Die kragopwekker is ideaal vir kampeerders en kragtig genoeg vir alle standaardtoestelle wat gewoonlik in ’n woonwa te kry is. Prys: R18 026. NAVRAE: Mnr.…

Sedert die Suid-Afrikaanse mark in die 1990’s toenemend wêreldwyd begin sake doen het, het Tal-Tec stadig maar seker meer gevestig geword in die Afrikamark. Deesdae bedien hy klante deur gevestigde, toonaangewende maatskappye in Botswana, Namibië, Zambië en Zimbabwe. Hy word goed verteenwoordig in die Suider-Afrikaanse Ontwikkelingsgemeenskap, maar het ook tevrede klante in Kenia, Uganda, Rwanda, Nigerië en Marokko. Tal-Tec se eerste uitstalling was 46 jaar gelede op die Pretoria-skou, twee jaar voordat die maatskappy in Brits gestig is. Deesdae stel Tal-Tec landwyd produkte op verskeie skoue en boeredae ten toon. In 2010 het Tal-Tec ’n bykomende eiendom van 1 ha aangeskaf en met ’n uitbreidingsprogram begin wat vandag vrugte afwerp. “Ons gaan ons produksieproses verdeel en die grondstowwe en onderdeleverwerking na die nuwe 3 000 m2 -geriewe skuif,” sê mnr.…

Dit gaan broekskeur met boere wat steeds blootgestel is aan die droogte. Waar ander boere ná die droogte in ’n heropboufase is, is betroubare middele nodig wat opbrengste help verseker. Die Wes- en Suid-Kaap het verlede jaar die ergste droogte van die afgelope eeu ervaar, wat tot ’n baie moeilike seisoen bygedra het. Gevolglik het BASF die prys verlaag van Ceriax® , sy vernuwende swamdoder by kleingraan. Dit sal boere help om die nuutste tegnologie by hul kleingraan te gebruik in ’n moeilike seisoen en steeds ’n hoër opbrengs op hul belegging verseker. “Ons is trots daarop dat ons regtig na die bedryf luister,” sê mnr. Bright Breytenbach, landbousakebestuurder by BASF Gewasbeskerming Suid-Afrika. “Ons glo dit sal plaaslike kleingraanboere in ’n groot mate ondersteun. Ons sal voortdurend na nuwe geleenthede…

T een 12:30 knars alles tot stilstand op The Oaks. Dan is dit tyd vir die hele familie om saam aan te sit vir middagete. “Om daagliks saam te eet bring ’n gevoel van samehorigheid. Boonop is dit ’n groot lekkerte vir ons kinders om deel te wees van ’n familie waar almal so om die tafel op die hoogte kom van mekaar se doen en late,” vertel Lize-Marie Ehlers. Die Ehlers-familie kook en bak graag met wat op die plaas gelewer word. Dit is vir Marianne en Lize-Marie baie lekker om te kyk hoeveel geregte hulle uit die boord, kraal of groentetuin kan optower en tafel toe kan bring. “Omdat ons oorspronklik van Namibië af kom, kan iets wat goed en geil groei, soos ’n vrug aan ’n boom,…

Die prys van klas A2/A3-lams-vleis het sedert einde verlede jaar skerp gedaal, wys statistieke in die landboumaatskappy GWK se weeklikse nuusbrief. Einde Desember was die prys rondom R86 per kilogram, terwyl dit in die week van 4 Mei rondom R64 per kilogram behaal het. Dit is egter steeds meer as teenoor die ooreenstemmende tyd verlede jaar, toe dit rondom R60 per kilogram behaal het. Histories het slagpryse in die winter ’n stygende neiging getoon. GWK meen ’n herhaling van dié neiging sal waarskynlik van die beskikbaarheid van slagdiere afhang. Luidens Absa se weeklikse verslag oor veepryse het die prys van skaapvleis in die week van 7 Mei grootliks teenoor die vorige week gestyg. Die prys van klas A2/A3 het met gemiddeld 2,2% tot R68,74/kg gestyg, terwyl klas C2/C3 se prys…

Oor die afgelope ses dekades het Pannar se filosofie om saam met die boer te werk, onveranderd gebly. Vandag is hierdie filosofie steeds daarop gegrond om die vertroue van boere te wen en om in vennootskap met hulle te werk. Omdat Pannar se span elke dag met boere werk en na hulle luister, kan omgewingspesifieke produkte aanbeveel word wat boere en hul plase bevoordeel. OESSUKSES Pannar bied ’n omvattende saadportefeulje, asook landboukundige advies aan ’n breë front. Die fokus daarvan is om opbrengste, produktiwiteit en wins te verhoog, maar ook om risikofaktore te beperk. Deur die boer te help om plae, onkruid en siektes by gewasse, soos mielies, sonneblom, sojabone, droëbone, koring, graansorghum en weidingsgewasse, te beheer, dra verder by tot sy oessukses. 60 JAAR VAN VOLHOUBAARHEID Die leuse “60…

G’N PLOEG IN SIG. Mnr. Abri Richter het onlangs begin koring plant op sy plaas Langvlei, sowat 20 km van Piketberg in die rigting van Eendekuil. Op hierdie spesifieke stuk grond het hy verlede jaar nie geoes nie omdat daar niks in die koringare was nie. “Ons het verlede jaar te min reën gehad om graan te lewer en het net saad teruggehou,” sê hy. Die Richters beoefen reeds sedert die laat 1980’s verminderde bewerking. Hulle het drie jaar gelede ’n enkelskyfplanter van die onderneming Equalizer in Brackenfell in gebruik geneem. Dit was egter weens die volgehoue droogte nog nie moontlik om resultate van dié planter te vergelyk met sy vorige tandtipe planter nie. Hy hou van die nuwe planter se veelsydigheid. “Hy kan baie mooi plant in absoluut droë…

GRAAN SA het ’n klag by die Mededingingskommissie gelê omdat Anheuser-Busch InBev (AB InBev), die wêreld se grootste brouery, die prysformule verander het waarvolgens garsboere in Suid-Afrika vir hul moutgars vergoed word. Mnr. Jannie de Villiers, uitvoerende hoof van Graan SA, sê garsboere het by Graan SA gekla oor die verandering. “As ons en die boere saam oor die prys praat, oortree ons ook die mededingingswet en kan ons van samespanning aangekla word. Daarom het ons die klag, tesame met die kontrakte soos dit verlede jaar en vanjaar lyk, aan die kommissie vir ’n beslissing gestuur. Ek verstaan hulle het ook reeds kommentaar van AB InBev aangevra en ontvang.” Die boere glo AB InBev oortree een van die voorwaardes wat die mededingingstribunaal gestel het toe die $106 miljard-oorname van SABMiller…

1 ZAMBIË | Zim-boere se vertrek laat leemte Die besluit van meer as 70 wit Zimbabwiese kommersiële boere wat in Zambië boer, om gehoor te gee aan die nuwe president se uitnodiging om weer in Zimbabwe te gaan boer, gaan die Zambiese landbou knou. Mnr. Calvin Kaleyi, woordvoerder van die Zambiese nasionale boereunie (ZNFU), sê die meeste van dié boere het aanbiedinge vir 99 jaar-huurkontrakte gekry, asook lenings teen lae rentekoerse. Dié boere verbou tabak, soja en ander kommersiële gewasse. Kaleyi sê die Zambiese landbou sal beslis ly as die boere besluit om terug te trek, “maar jy kan hulle nie juis keer nie, weens al die aansporing wat aangebied word,” het hy gesê. Die boere lewer ’n belangrike bydrae tot die land se opbrengste van uitvoergewasse. – The Southern…

DIE dieregesondheidsmaatskappy Afrivet was einde April in Doebai deel van ’n uitgelese groep wat insette gelewer het vir die Bill en Melinda Gates-stigting se strategie vir veeboerdery in Afrika. Afrivet was die enigste Suid-Afrikaanse dieregesondheidsmaatskappy wat genooi is. “Die stigting wou insae van nie-regeringsorganisasies en maatskappye in Afrika kry. Ons is onder meer as klankbord gebruik om die strategie en beleide te evalueer en in ’n mate te help formuleer,” sê dr. Peter Oberem (links onder), besturende direkteur van Afrivet. Die doel van die byeenkoms was ook om diensverskaffers en nie-regeringsorganisasies byeen te bring. “Afrivet spits hom al jare lank daarop toe om voedselproduksie in Afrika te verbeter deur seker te maak dat produkte en die nodige tegniese kennis vir kommersiële boere beskikbaar is, ondanks die grootte van die boerdery,”…

BUITEN sy opspraakwekkende vermaning aan mnr. John Steenhuisen, DA-hoofsweep, om te “shut up”, het pres. Cyril Ramaphosa tydens ’n vurige vraesessie in die Parlement ook etlike ander klappe uitgedeel oor verskillende politieke belangegroepe se hantering van die grondkwessie. Hy het “diegene wat na die buiteland gaan om steun te werf teen die Regering se soeke na onteiening sonder vergoeding”, gevra om terug te keer na Suid-Afrika en hier aan die gesprekke deel te neem ten einde ’n oplossing te bereik. Dit was ’n ooglopende verwysing na AfriForum se omstrede veldtog om in die buiteland steun te werf teen onteiening sonder vergoeding, Hy het ’n aspek wat selde in politieke uitsprake verskyn, uitgewys, naamlik dat mense grond soek om huise op te bou. “Hulle wil nie die grond eet nie. Hulle…

DIE geïntegreerde pluimveeen-veevoerprodusent Country Bird Holdings (CBH) het ’n aanbod aan NWK gemaak om laasgenoemde se hoender-en-veevoerbedrywighede, Opti Agri, te koop. NWK het op 7 Mei in ’n verklaring bekend gemaak dat sy direksie die aanbod van R290 miljoen (BTW uitgesluit) voorwaardelik aanvaar het. Opti Agri bestaan uit twee vorige regsentiteite, Opti Chicks en Opti Feeds, wat nou afdelings binne Opti Agri is. Volgens mnr. Theo Rabe, uitvoerende hoof van NWK, is Opti Agri winsgewend en dra dit tot dusver by tot NWK se sukses. Die voorgestelde transaksie strook volgens hom met NWK se sakestrategie. “Die opbrengs van so ’n voorgestelde transaksie kan goeie waarde aan NWK-aandeelhouers en belanghebbendes bied. “Samewerking en integrasie met nasionale en streekbelanghebbendes is onafwendbaar indien ’n landbou-onderneming relevant wil bly,” het hy gesê. SAKEWAARDE Mnr.…

’n Skilpadkewer wat vir biologiese bekamping uit Mexiko ingevoer is, het binne ’n jaar nadat dit in die Oos-Kaap gevestig is, beduidende blaarskade aan ’n indringerplant uit sy geboorteland aangerig. Tecoma stans L. (Bignoniaceae), ook bekend as geelklokkies, is een van vele indringerplante wat in die 1800’s as sierplante na Suid-Afrika gebring is. Dit is ’n immergroen boom of struik wat inheems tot Mexiko is. In Suid-Afrika het dit nie natuurlike vyande nie en het dit ’n indringer geword, geklassifiseer as kategorie 1b volgens die regulasies van die Wet op Nasionale Omgewingsbestuur: Biodiversiteit. Geelklokkies dring oop veld, versteurde gebiede, die kante van paaie en vleilande binne. Dit lewer duisende lewensvatbare, ligte, papieragtige, gevleuelde sade op wat maklik deur wind en water versprei word. Geelklokkies het al in die meeste provinsies,…

Kontrakte is regsdokumente wat gegewens en vereistes vervat oor ’n spesifieke saak waar twee of meer partye kontrakteer. Hier volg enkele vereistes waaraan kontrakte moet voldoen. Partye ■ Natuurlike persone se volle name en identiteitsnommers. ■ Regspersone, dus ’n maatskappy se registrasienommer en die volle name van die per-soon wat die maatskappy verteenwoordig. ■ Na die partye word verwys as “koper” en “verkoper” of “eerste party” en “tweede party” of “huurder” en “verhuurder”, na gelang van die soort kontrak. Interpretasie-klousule ’n Lys definisies. In ’n kontrak staan dat die “wet” iets verbied of toelaat. Die interpretasie-klousule bepaal wat “Wet” beteken, soos die Boedelwet (Wet 66 van 1965). Prys en betaling Albei partye moet presteer. Wat die een aanbied, word deur die ander een met ’n geldprys of goedere vergoed. Die…

Daar is min dinge so frustrerend vir ’n saaiboer as om maande lank pligsgetrou vir sy mielies te sorg met die verwagting dat hy ’n goeie opbrengs gaan kry, net om later uit te vind daar gaan dadels van kom. Mnr. Fanie Yssel (foto regs), tegniese bestuurder van akkerbou by Klein Karoo Saadbemarking, sê mielieboere ondervind soms dat die koppe terugtrek ( FOTO 1 ); met ander woorde daar is nie pitte op die punt van die mieliekop nie. Die gebruiklike verklaring is gewoonlik dat die mielies dors gely het of dat die boer ’n fout met sy bemesting gemaak het. Dis nie noodwendig die oorsaak nie. Fanie sê om die antwoord uit te pluis, moet ’n mens verstaan hoe ’n mielie groei. Nadat die pit ontkiem het, is die…

Spogvoorbeelde van die Bonsmararas is by dié telersgenootskap se Nampo-uitstalling te sien, met ’n bul en ’n koei met ’n kalf in die Beeskompleks en verse in die buitekraal. “Dié vee is ’n goeie voorbeeld van die funksioneel doeltreffende diere wat die ras so gesog maak vir die kommersiële mark en by voerkrale,” sê mnr. Louis Steyl, rasadviseur by Bonsmara SA in Bloemfontein. “Tegniese personeel sal die hele week by die stalletjie wees. Besoekers sal ook ’n Bonsmarasakkie vol inligting kry, asook die Maart-uitgawe van die tydskrif Bonsmara – Die Rooi Ras. Bederf jouself of geliefdes ook met Bonsmaraprodukte, soos hemde, gordels, hoede en bufferplakkers vir jou bakkie,” sê Louis. RASVOORDELE Veldaanpasbaarheid. Die Bonsmara bied goedkoper produksie van die veld af. “Bonsmara SA was die eerste beestelersgenootskap wat prestasietoetsing verpligtend…

Radium Engineering was een van die eerste uitstallers wat dekades gelede by die Nampo-Oesdag betrokke geraak het. Vanjaar is dié maatskappy en sy reeks topprodukte by standplaas B4 te sien. Radium se verhaal het in 1965 op ’n plaas in Limpopo naby Radium begin toe John Roest ’n veeskaal gebou het. Die eenvoudige, doeltreffende ontwerp is gepatenteer en vervaardiging het begin. Die gewildheid van die toerusting het gelei tot ’n onderneming wat toegewy is aan die toerustingsbehoeftes van Suid-Afrikaanse boere. In die laat 1960’s het Mike Roest, John se seun, sy eie koringplanter gebou weens die erge droogte en ’n tekort aan geld. Teen die middel 1970’s het die plaaswerkswinkel te klein geraak om met produksie by te bly. Radium Engineering is amptelik in 1976 gestig en maak tot vandag…

1 Opperste kampioen, ’n Limousin. XRL15/59 Xourel Rainmaker. Eienaar: Le Rouxfamilie (mnr. Derick le Roux, regs, sel 079 602 5376), Xourel-stoetery, Lichtenburg. Hanteerder: Mnr. Stasi Motsabi. 2 Santa Gertrudis. JH16/47. Eienaars: Mnre. Johan (sel 082 523 8191) en Heinrich Havemann, Santarust-stoetery, Delareyville. Hanteerder: Mnr. Moos Keikabile. 3 Simbra. GPC16/10. Eienaar: Mnr. Gawie Coetzee (sel 072 267 6036), GPC-stoetery, Lichtenburg. Hanteerder: Mnr. Michael Sapa. 4 Angus. JMS16/35 Vansia Sniper. Eienaar: Mnr. J.M. Steyn (sel 072 408 5699), Vansiastoetery, Bothaville. Hanteerder: Mnr. Moki Shabalala. 5 Simmentaler. AB15/36 River Valley Levi. Eienaar: Mnr. Peter Abrahams (sel 082 568 1212), River Valley-stoetery, Heidelberg (Gauteng). Hanteerder: Mnr. Ashwill Moyo. 6 Brahman (haltermak). HOT15/456. Eienaar: Mnr. Linde du Plessis (sel 083 700 8592), Brandwater-boerdery, Fouriesburg. Hanteerder: Mnr. Sam Motaung. 7 Brahman (nie-haltermak). RAT16/188. Eienaar: Mnr. Riaan…

Die nasionale dieregesondheidsforum se brucellosebestuurskomitee het ’n lys saamgestel van belangrike dinge wat boere oor beesbrucellose moet weet. ■ Brucellose is ’n aanmeldbare dieresiekte ingevolge die Wet op Dieresiektes (Wet 35 van 1984). Dit is ’n chroniese siekte waarvoor daar geen behandeling by beeste is nie. ■ As een dier besmet is, moet die hele kudde as potensieel besmet beskou word. ■ Volgens wet moet alle verse eenmalig tussen die ouderdom van 4-8 maande teen brucellose ingeënt word, met S19 of met RB51 (Tabel 2 van die dieresiekteregulasies). ■ Die S19-entstof mag slegs by verskalwers tussen die ouderdom van 4-8 maande gebruik word. Indien dit op ’n latere ouderdom gebruik word, kan die dier aanhoudend positief toets in bloedtoetse. Dit kan ’n verwarring oor die ware siektestatus veroorsaak. ■ Besmette…

Beesvleisbredie met droëvrugte en neute Om droëvrugte in vleisgeregte te gebruik is vir Suid-Afrikaners niks nuuts nie en die neute bo-oor sorg vir die lekkerste tekstuur en geur. ■ 1 kg riboogsteak, in blokkies gesny ■ 30 ml olyfolie ■ 2 elk uie en knoffelhuisies, gekap ■ 5 ml elk komyn en paprika ■ 3 ml elk fyn kaneel en gemmer ■ Knippie borrie ■ 5 ml gerasperde, vars gemmer ■ 1 liter vleisaftreksel ■ 1 blik (410 g) tamatiepuree ■ Sout, vars gemaalde swartpeper en heuning na smaak ■ Hand vol elk droëappelkose, droëvye en pruimedante, gesnipper ■ 30 ml elk geroosterde, gevlokte amandels en gekapte pimperneute Braai die steakblokkies in ’n bietjie olie oor hoë hitte tot bruin. Verlaag die hitte effens en voeg die uie, knoffel, al…

0-6 JAAR Eerste lesse deur AZ Books. Uitgewer: Human & Rousseau. Prys: R235 Elke blad in dié vrolike en kleurryke klankboek skets ’n ander toneel – in die supermark, ’n dag op die strand of op ’n verjaardagpartytjie. Klein vingertjies kan die bladsy “aktiveer” en op die aangewese prentjie druk om dit te laat “praat” (realistiese klanke en interessante feite word voorgelees). So leer hulle speel-speel van getalle, kleure, vorms, diere en teenoorgesteldes. 6-9 JAAR Nina en die crazy klere deur Elizbè van der Colff. Uitgewer: Tafelberg. Prys: R155 Nina en haar bff, Jessie, is terug – dié keer gaan loer hulle in by die Eksotiese Eksperimente Ekspo. Hulle neem Nina se swart-en-rooi pet saam, want Nina wil hê professor Crower moet kyk of hy ’n wetenskaplike verklaring…

Lang vlugte, groot tydverskille en vlugvoosheid beteken die BC Bike Race is nie een van die maklikste wedrenne vir Suid-Afrikaners met min tyd om aan te pak nie. Maar dis al wat teen hierdie baie spesiale wedren tel. Ek reken dis een van die mees ongekunstelde en gebalanseerde wedrenne in ’n pragtige deel van die wêreld se noordelike woude. Omdat die meeste wedrenne in Suid-Afrika so taai, tegnies en moeilik is, is dit verfrissend om deel te neem aan ’n wedren wat nie gevaarlik is nie, maar tog tegniese uitdagings op enkelspoorroetes bied. Die afstande is nie té ver nie, maar ook nie heeltemal mak nie. Om die uitdagendste bergfietswedren ter wêreld aan te bied is een ding, maar ek dink dis moeiliker om ’n wedren te ontwerp wat méér…

Ten spyte daarvan dat sowat 300 ha meer grondbone vanjaar aangeplant is, het die weer daartoe gelei dat Suid-Afrika se grondboonoes na raming sowat 11 450 ton minder as verlede jaar gaan wees. Mnr. Lourens de Kock, ondervoorsitter van die SA Grondboonforum, sê laat reën het daartoe gelei dat boere vanjaar heelwat later grondbone aangeplant het. “Dit skep ’n moeilike situasie omdat die nodige hitte-eenhede vir die laaste deel van die ontwikkeling van die plant nie altyd genoeg is nie. Dit gaan nie net ’n invloed op die opbrengs hê nie, maar ook op die gradering van grondbone met lewering,” sê hy. “Die lae hitte-eenhede van einde April, begin Mei, kan daartoe lei dat die uiteindelike oes kleiner kan wees as die derde skatting van die Oesskattingskomitee,” het De Kock…

MAART 2017 – FEBRUARIE 2018 MARKNEIGINGS GRONDPRYSE DAAL IN 45,2% DISTRIKTE In byna die helfte van 42 distrikte (45,2%), in die Vrystaat het grondpryse laer geneig in die 12 maande tot Februarie. In vyf distrikte is geen transaksies aangeteken nie. Die ontleding van grondverkope in die TABEL is vir grond van meer as 10 ha. In dié tyd is 664 ooreenkomste gesluit, wat 289 763 ha teen R3,550 miljard behels het. Daarvan was 68 transaksies van kleur – 10% van die totaal. Dié soort transaksies sluit in verhandelings tussen individue (51), regeringsaankope (9), en grond wat vir stedelike ontwikkeling verkry is (1). Dit het 31 444 ha (10,8%), teen R404 miljoen – 11,4% van die totale waarde – behels. Van die totaal was 55 transaksies vir grond van minder as…

BOEREDAE 25-26 MEI: Swartlandse Veteraan-trekker-en-enjinklub se ploegdag. Môreson buite Malmesbury. Hennie Richter. E-pos: sekr.wk@telkomsa.net 26 MEI: Swartlandse Veteraantrekker-en-enjinklub se hersteldag. Bredasdorp. Hennie Richter. E-pos: sekr.wk@telkomsa.net 28-31 MEI: Die Amerikaner Randy Dowdy, wêreldrekordhouer van die hoogste sojaboonopbrengs van 11,47 t/ha, toer in Suid-Afrika. 28 Mei: Winterton. 29 Mei: Bethal, 30 Mei: Potchefstroom. 31 Mei: Koedoeskop. Elim-hoofkantoor, tel. 012 252 4455. 14 JUNIE: Vleisbeesgenomikaboeredag. Irene. Web: wagyu.org.za 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. 22 AUGUSTUS: Noord-Vrystaatse SAVM-klub bied ’n “mega-boeredag” en veiling aan met die samewerking van die boerevereniging van die Rooi Skool in Kroonstad. Kroon-Boma, Kroonstad. Neline Pienaar; sel 082 440 4492; e-pos: bennieneline@eleo.co.za EKSPO’S EN ANDER 26-27 MEI: Meer as…

Pannar se jongste pakkette sluit iets nuuts vir elke tipe saaiplaas in: van mielies vir besproeiing of droëland, wit of geel, meerkoppig of enkelkoppig, en met of sonder biotegnologie is beskikbaar. Of jy dus vir die graanmark, kuilvoer of weimielies plant, gesels met Pannar se verteenwoordigers oor die ideale pakket vir jou plaas. GEEL MIELIES Drie nuwe ultravinnige basters is tot die geel pakket toegevoeg. In optimale verbouingstoestande met beste bestuurspraktyke en besproeiingskedulering het Pannar se ultravinnige geel basters uitsonderlike opbrengste van meer as 20 t/ha gelewer, sê mnr. Peet van der Walt, bemarkingsbestuurder. PAN 3R-524R en die nuwe PAN 3R-724BR is goeie keuses onder besproeiing. PAN 3R-724BR het in 2016­’17 die eerste plek in Pannar se evaluasieproewe behaal. Die planttipe leen hom tot ’n hoë stand van 95 000…

■ Riglyne vir die gebruik van Clearfield® -sonneblom sluit goeie rentmeesterskap van tegnologie in. ■ Verbou altyd Clearfield® - sonneblom in ’n driejaarwisselboustelsel met ander gewasse wat nie koring, mielies of sonneblom met die Clearfield® -eienskap is nie. ■ Onderbreek die siklus van sonneblomproduksie en gebruik onkruiddoders met ’n alternatiewe werking. ■ Pas goeie landboukundige praktyke toe om siekte- en insektedruk by die sonneblom te beperk. ■ Gebruik onkruiddoders met ’n alternatiewe meganisme (nie-ALS-ensiem) van werking by sonneblom in die wisselboustelsel, dus ’n groeireguleerder of ’n fotosinteseinhibeerder. ■ Verminder die seleksiedruk vanweë die deurlopende gebruik van onkruiddoders wat die ensiem asetolaktasesintase- (ALS) inhibeerder bevat. ■ Gebruik ’n onkruiddoder met ’n alternatiewe meganisme van werking om opslag-Clearfield® -sonneblom en ander ALS-weerstandbiedende onkruide te bekamp. ■ Beperk die uitsluitlike gebruik van ALS-onkruiddoders…

In die 25 jaar wat hy al as landboukundige werk, het mnr. AK Geldenhuys, produklandboukundige by Pannar in die westelike streek, baie geleer oor risikoverspreiding, veral met die wisselvallige reënval in die westelike droëlandstreke van Noordwes, die Wes-Vrystaat en Limpopo. ’n Belangrike vereiste vir mieliebasters in hierdie produksiegebied is sterk meerkoppigheid om soveel as moontlik in opbrengs op te maak as optimale toestande heers, en om in ’n minder gunstige jaar risiko te beperk, sê hy. Hy benadruk ook siekteweerstand by die basterkeuse. “Kies die basters met die beste weerstand teen die algemene siektes wat gewoonlik in jou omgewing voorkom. Gee ook spesiale aandag aan die plaaslike saailingplae wat gewoonlik daar voorkom.” Vir mnr. Klaas van Wyk, landboukundige in die Noord-Kaap, is Pannar se ultravinnige geelbasterpakket ’n staatmaker. Al is…

Wyle mnr. Brian Corbishley, wat 60 jaar gelede die meerderheidsaandeel in Pannar se voorganger, Pioneer Seed Company, besit het, het altyd gesê hoe belangrik dit is om genoeg kos vir almal te produseer. Só het hy sy eerste groot sakegeleentheid geïdentifiseer: om baster-mieliesaad van goeie gehalte aan KwaZulu-Natal se boere te voorsien. Pioneer se naam het in 1992 verander na wat vandag bekend is as Pannar Saad. Dit vorm deel van die nuwe beoogde CortevaTM Agriscience. Dit is hoe DowDuPont se landbouafdeling bekend sal staan as dit na verwagting teen Junie volgende jaar op sy eie bene sal begin staan. (DuPont is Pannar Saad se moedermaatskappy.) Die Pannar-span word dus deel van ’n groep wat die wêreld se slimste en vaardigste landboukundiges insluit, en deur twee eeue van wetenskaplike prestasie…

In ’n boerdery kan die produsent net bestuur wat hy kan beheer, maar die wetenskap ontsluit ’n nuwe wêreld op die gebied van reproduksie. Die dae is verby van net kyk na tussenkalfperiodes. Die doel van die Aldam-veeskool is om boere in te lig en iets te bied waarmee hulle hul bestaande boerderypraktyke kan aanvul om produktiwiteit en winsgewendheid te verbeter. Ons kan terugdink aan die besoeke deur dr. Roger Hunsley van Amerika wat sterk op karkaseienskappe en die verskillende vleissnitte gekonsentreer het. Van die belangrikste en invloedrykste belanghebbendes in die rooivleisbedryf het ook byeengekom. Beter samewerking en ander ingrypende veranderinge in die bedryf het daaruit voortgespruit. SPESIFIEKE TEMA Die Veeskool het elke jaar ’n spesifieke tema. Twee jaar gelede is klem gelê op die voordele van ’n vleisgraderingstelsel. Die…

Indien ons wil hê die bedryf moet groei, moet ons meerderwaardige bulle identifiseer en hulle as KI-bulle gebruik. Kunsmatige inseminasie (KI) het ’n groot bydrae gelewer tot die genetiese vordering wat in die melkbeesbedryf gemaak is. Oor die afgelope 40 jaar het die melkproduksie per koei per jaar meer as verdubbel. Hoewel KI ’n algemene bestuurspraktyk in die melkbedryf is, het die gebruik daarvan nog nie tot sy volle reg in die vleisbeesbedryf gekom nie. Internasionaal word KI wel ál meer by vleisbeeste gebruik. ’n Goeie voorbeeld is Angus Amerika. Indien Suid-Afrika wil hê die vleisbeesbedryf moet ekonomies groei, moet meerderwaardige bulle geïdentifiseer en as KI-bulle gebruik word. Jaarliks is daar ’n toename van R50-R60 in die gemiddelde waarde van die Amerikaanse Angus se ekonomiese indekse. Vir Simmentaler Amerika is…