Innholdsfortegnelse for 15-Jul-16 i Landbouweekblad

Onlangs is berig oor vyf Zimbabwiërs wat 15 ha van ’n plaas langs die N7 buite Malmesbury in die Wes-Kaap oorgeneem en dit in ’n florerende tuinboukundige besigheid omskep het. Hulle kweek spinasie, broccoli, kool, blomkool, tamaties en mielies. Die groente word op die Eppingmark in Kaapstad verkoop. Dié boere werk almal heeltyds en is hoogs gekwalifiseerd met grade in die landbou, fisika, ingenieurswese en tale. Hulle het nou ses werknemers. Dié voorbeeld hou lesse in vir grondhervorming in Suid-Afrika. Daar ís geleenthede vir kleinhoeweproduksie, veral as dit aan sekere waardekettings gekoppel is. En om bloot grootskaalse, kommersiële boerdery op kleiner skaal na te boots sal noodwendig misluk, soos vele studies reeds bewys het. Hierdie is ook nie ’n eenvoudige geval van “grond aan die mense”, soos die retoriek van…

ARTIKELS & RUBRIEKE ■ SA boere welkom in Zambië ■ Keurwyn: Rimpelings van ’n revolusie ■ Skyfplanters en dekgewasse laat boere vorder ■ Swakara tel sy kop op ■ Boereplan: Min werk nodig met verskuifbare drukgang GESIN ■ Wenresepte vir wildsvleis SPESIAAL ■ Veebedryf WYN Suid-Afrikasekeurwyn-markisnoginsykinderskoene,maardanksy vreeslose,jongwynmakers,soosmnr.EbenSadie,en’ninternasionale belangstellinginhulle,isdaar’noplewinginplaaslikekeurwyne(en pryse).DieduurstewyninSuid-AfrikakosR2500perbottel,endie duursteFransewynR250000!…

‘BAIE OM OOR OPTIMISTIES TE WEES IN SA’ Te veel mense voel “verlam” deur die gebeure en politieke retoriek wat daagliks om hulle afspeel sonder om werklik te sit en ’n behoorlike bestekopname van die goeie te doen. Só het mnr. Max du Preez, politieke ontleder, gesê. Hy was die genooide spreker op die Sybokhaarkwekersvereniging se jaarkongres op Graaff-Reinet. FANIE BRINK skryf: Wat Max en die meeste ander politieke kommentators en politici glad nie verstaan nie, is dat geen politieke stelsel volhoubaar is sonder ekonomiese groei nie, selfs nie eens ’n diktatorskap nie. Hieroor is daar feitlik niks om oor optimisties te wees nie. Trouens, alle aanduidings is dat die ekonomie in ’n doodloopstraat beland het en dat die ANC se beleid van sosialisme of kommunisme die ekonomie net verder…

DIE TLU SA het verlede week sy sesmaandelikse syfers oor plaasaanvalle bekend gemaak. Hy sê 39 mense is van Januarie tot Junie in 186 aanvalle op plase vermoor, teenoor 27 mense in 131 plaasaanvalle in die ooreenstemmende tyd verlede jaar. “Ons stem nie met die polisie saam dat plaasmoorde en -aanvalle besig is om af te neem nie,” het mnr. Henry Geldenhuys, ondervoorsitter van die TLU SA en voorsitter van sy veiligheidskomitee, gesê. “Sedert 2011 het plaasmoorde jaarliks stelselmatig toegeneem — van 48 in 2011 tot 64 verlede jaar. As dieselfde neiging in die tweede helfte van vanjaar voortduur, kan die aantal plaasmoorde teen die einde van die jaar op 78 staan. Die aanvalle het ook toegeneem van 96 in 2011 tot 318 verlede jaar en die moontlikheid bestaan dat…

grondDIE Vasarigroep se aanbod om die KWV se bedryfsbates en handelsmerke te koop, kom neer op sowat R16,91 per aandeel, oftewel ’n premie van bykans R11. New Rose 7 en Warshay Beleggings (wat aan Vasari behoort) het in Mei aangekondig dat hulle Niveus se aandeel van 57,13% in die KWV vir R1,15 miljard wil koop. Die waarde van die niebedryfsbates, wat die eiendom van Niveus (wat op sy beurt aan Hosken Consolidated Investments behoort) bly, beloop R3 per aandeel. Dié inligting kom uit die omsendbrief aan die KWV se aandeelhouers oor die transaksie. Aandeelhouers sal op 29 Julie kan stem of dit moet voortgaan of nie. Dit sluit produksiegeriewe, handelsmerke en die wynen brandewynvoorraad in. Die KWV se hoofgebou, die Laborielandgoed, die kunsversameling en ’n aandeel van 31% in die…

’N VENYNIGE geskil oor twee Pretoriase broers se revolusionêre hidroponika-tegnologie speel hom tans af voor die hof van die patentekommissaris in Pretoria. Die geslote hidroponika-stelsel, waaroor Landbouweekblad in sy 20 Mei-uitgawe berig het, kan tot 1 200 plante per vierkante meter kweek, terwyl dit water, voedingstowwe en krag baie suinig gebruik. Die twee broers, mnre. Jacques en Eugene van Buuren, bemark tans dié stelsel onder die naam Eden Green Hydroponics. Hulle mag egter kragtens ’n onlangse interdik nie adverteer dat hul stelsel gepatenteer is nie omdat hul patent-aansoek vir dié stelsel nog hangende is. Mnr. Gideo van der Merwe, hul voormalige sakevennoot, het dié interdik aangevra, maar die regstryd oor wie nou eintlik die intellektuele eiendom van die tegnologie besit, is nog lank nie verby nie. Jacques verduidelik in hofstukke…

DIE prys van kitsbevrore hoenderstukke aan die been in ’n 2 kg-pak – die hoenderproduk wat deur die meeste lae-inkomstehuishoudings in Suid-Afrika gekoop word – het volgens marknavorsing die afgelope jaar grootliks onveranderd gebly. Volgens mnr. Kevin Lovell, uitvoerende hoof van die Suid-Afrikaanse Pluimveevereniging (SAPV), verkoop winkels 80% tot 90% van dié hoenderproduk teen ’n spesiale korting. Die SAPV het die navorsing laat doen om te kyk of pryse gestyg het nadat syfers van Statistieke Suid-Afrika (SSA) reuseprysstygings vir bevrore hoender getoon het. Die Nasionale Landboubemarkingsraad (NLBR) gebruik die SSA se syfers om maandeliks die koste van ’n basiese voedselmandjie te bereken.Volgens dié indeks was die prys van bevrore hoender per kilogram in Januarie 26,77% duurder as ’n jaar gelede, in Februarie 39,57% duurder en in April 61,6% duurder. Die…

Sowat 20 km noord van Schweizer-Reneke in Noordwes draai die grondpad af na die plaas Doornpan. Ná ’n baie droë somer is dit duidelik dat ’n redelik goeie oes op sommige plase langs die pad afgehaal sal word, terwyl ander boere waarskynlik nie eens die stroper uit die skuur gaan trek nie. Die boere wat baie laat in die seisoen geplant het, is op die oog af beter daaraan toe en plek-plek staan mielies en sonneblom stewig. Op Doornpan boer mnr. WP Strauss met mielies, sonneblom en grondboontjies. Hy het ook ’n skaap- en beeskudde. “Ons plant op droëland en volg ’n wisselboustelsel met mielies, sonneblom en grondboontjies. My wit mielie-aanplantings beslaan sowat 20% en sonneblom sowat 30%.” Die plaas het sand-, Hutton-, Avalon- en Tukulu-grondtipes. WP plant al sy…

Groot koppe, sterk lywe, en ’n goeie geaardheid. Dís wat vir mnr. Wik Strydom, Rottweiler-teler van die Stormberge, die deurslag in ’n goeie hond gee, hetsy as waghond of as troeteldier. Hy teel al by die 30 jaar Rottweilers, en het oor die jare sy veeboerdery met Dormers, Drakensbergers en Holstein-Friese op die plaas Vryheid, tussen Jamestown en Queenstown in die Oos-Kaap, vir die hondeboerdery verruil. Wik, wat met Engelse Boele grootgeword het, se groot passie is Rottweilers. Sy teelhonde woon in groot, omheinde kampe rondom sy plaashuis op Vryheid, waar hy hulle kan dophou en mettertyd vasstel wat elkeen se temperament is. Elke kamp het ’n huis met ’n dak waarin die diere kan slaap, maar Wik kom agter die Rottweilers hou nie juis daarvan nie. Hulle kry gou…

MNR. JOHN GRIFFITHS WAT HET DIE GROOTSTE IMPAK OP JOU BOERDERY GEHAD? Diversifikasie van my aanplantings om sodoende die volle potensiaal van die besproeiingsgrond te benut. Ek ploeg ook ál my boerderywins in die boerdery terug om groei te bewerkstellig. WAT IS DIE BESTE RAAD WAT JY AL ONTVANG HET? Om nie te doen wat almal doen en altyd in die hoofstroom te swem nie, maar om jou eie kop te volg – al is dit soms die teenoorgestelde van wat almal doen. WAT IS DIE GROOTSTE FOUT WAT JY AL BEGAAN HET? Om soms gewasse later as hul optimale planttyd te plant weens omstandighede. Wanneer tyd jou inhaal, laat vaar eerder ’n gewas en oorweeg ander gewasse, want elke gewas moet optimaal presteer. WATTER TEGNOLOGIE IS ONONTBEERLIK? GPS in…

Van tyd tot tyd sien ’n mens snaakse, sagte pienk vrugte wat lyk soos turksvye met tong-agtige blaarlelle op die winkelrakke. Almal besef egter nie dié besonderse vrugte is een van die wêreld se nuutste superkosse nie. Die draakvrug (dragon fruit), of pitaya, is ’n kaktusagtige plant met kleurryke vrugte wat uiters geskik is vir tropiese en subtropiese produksiegebiede. Dit het sy oorsprong in Mexiko, waar dit natuurlik voorkom. Deesdae is kommersiële draakvrugplantasies oor die wêreld heen gevestig, met Sentraal- en Suid-Amerika en lande in die Verre-Ooste, soos Viëtnam, as die vernaamste uitvoerders. “Die kultivars wat ons tot nou toe in Suid-Afrika gehad het, is geneig om effens bitter vrugte voort te bring,” sê mnr. Howard Blight van die Amorentia-kwekery in Tzaneen in Limpopo. Hy vermoed dit is hoekom die…

PLAASINLIGTING LIGGING: Caledon,Wes-Kaap KORTOM ■ ’n Voormalige boer van Caledon spits hom nou toe op die maak van toerusting wat skaapwerk vergemaklik. ■ Hy las pype van verskillende diktes en lengtes met die grootste sweisgemak. ■ ’n Opvoubare, verskuifbare drukgang, wat skape se gewoonte om in kringe te loop in gedagte hou, is geskep. Mnr. Sas de Kock van Baden Ligte Staalprojekte naby Caledon probeer toerusting maak wat maklik is om te hanteer en verskuifbaar is, deur met ontwerpe vorendag te kom wat op wiele gemonteer kan word, of opgevou en op ’n bakkie gelaai kan word. Sy kennis van “skaapsielkunde” laat hom ál meer dink aan maniere om skaaphantering makliker en meer natuurlik te maak. Hoe langer hy met sweiswerkprojekte werk, hoe beter is die planne wat hy maak.…

Lamsnekkerrie met botterbone ■ 45 ml olie ■ 8 stukke lamsnek (elk ongeveer 2 cm dik) ■ Sout en vars gemaalde swartpeper ■ 2 uie, grof gesny ■ 10 ml sterk kerriepoeier ■ 5 ml elk komyn, koljander, kaneel en brandrissievlokkies ■ 100 ml sjerrie of ander soetwyn ■ 750 ml flou vleisaftreksel ■ 2 blikke (410 g elk) botterbone ■ vars koljander vir garnering Verhit die olie en gebruik ’n kombuisskêr om kepies rondom die stukke lamsnek te knip (dit keer dat die lamsnek omkrul wanneer jy dit braai). Geur die vleis met sout en peper en braai dit in lotte in die olie bruin. Skep uit en hou eenkant. Braai die uie, kerriepoeier en speserye saam tot die uie halfsag is. Voeg die sjerrie by en verhit, terwyl…

ROMAN Verlorenkop, Celesté Fritze, R240, Queillerie (2016) Johanna (Jo) du Plooy is van klein af bewus dat daar geheime op haar ma se grootwordplaas, Verlorenkoppe, versteek lê. Later word Jo belas met haar eie geheim, wat veroorsaak dat sy vlug – van haar familie, van die landspolitiek en van haar eie seksualiteit. ’n Vlug wat haar oplaas terugneem na waar alles begin het. NIEFIKSIE Anderkant uit – stories oor trauma en hoop, Hanlie Retief met Louis Awerbuck en Lise Swart, R215, Tafelberg (2015) Die bekende joernalis Hanlie Retief kry dit met haar onderhoude in Rapport reg om lesers in die binnekamers van beroemde, berugte en doodgewone mense in te nooi. Anderkant uit is ’n versameling van die onderhoude oor mense wat trauma beleef én oorleef het. In die boek voer…

Die strawwe toestande wat met alledaagse plaaswerk gepaardgaan, stel 4x4-bande voor groot uitdagings. In dié rol word die bande tot hul uiterste beproef wat terrein en taaiheid betref. Hulle moet alles kan baasraak – van sagte, pasgeploegde landerye en rotsbesaaide bergpaadjies tot bedrieglike, klewerige modder en skynbaar ondeurdringbare bos. Daarbenewens moet die band ewe bedrewe wees wanneer die plaaspaadjies vir die oop teerpad verruil word. Daarom moet die bande hope klouvermoë bied – ongeag snelheid of padoppervlak – en boonop aan die hoogste verwagtinge voldoen wat duursaamheid, veiligheid en betroubaarheid betref. RUWE TERREIN General Tire word al meer as ’n eeu lank beskou as ’n baanbreker wat bandtegnologie en -ontwikkeling betref. Dié Amerikaanse bandevervaardiger het ’n uitgebreide reeks 4x4-bande wat die meeste veldrytoepassings dek. Gegewe die wye verskeidenheid toestande waaraan…

DIE huidige grondhervormingsproses vernietig die lewens van die begunstigdes daarvan en die Regering sal dié proses behoorlik moet doen óf dit laat vaar. Dít is die African Farmers’ Association of South Africa (Afasa) se woorde aan die Regering nadat dié organisasie verskeie stories van boere moes aanhoor wat op moedverloor se vlakte sit. Mnr. Aggrey Mahanjana, sekretaris-generaal van Afasa, vertel van ’n Oos-Kaapse boer aan wie ’n melkplaas sowat ses jaar gelede deur die Departement van Landelike Ontwikkeling en Grondhervorming toegewys is. Dié boer het sy werk gelos om te boer. Hy het gehoop dat hy ondersteuning van die herkapitaliseringsprogram van die departement sou kry, maar dit het nie gebeur nie. Intussen is die plaas steeds sonder melkbeeste, melkerytoerusting en masjinerie. Sy pleidooie om hulp aan die Ministerie van Landelike…

Internasionaal: Die prys van mielies het met 7,3%, of $11,75/t (R175,29/t), tot $148,50/t (R2 215/t) gedaal. Op ‘n jaargrondslag is dit 6,4%, of $10,19/t (R152,01/t), laer. Verwagte pryse: September – $138,97/t (R2 073/t), Desember – $141,73/t (R2 114/t), Maart 2017 – $144,48/t (R2 155/t), Mei 2017 – -$148,02/t (R2 208/t). Plaaslik: Die Safex-prys vir wit mielies het met 1,9% gedaal en dié van geel mielies met 2,5%. Op ‘n jaargrondslag is dit 48,7%, of R1 500/t, hoër vir wit mielies, terwyl geel mielies 25,8%, of R703/t, duurder is. Verwagte witmieliepryse: September – R4 640/t, Desember – R4 670/t, Maart 2017 – R4 351/t. Verwagte geelmieliepryse: September – R3 480/t, Desember – R3 518/t, Maart 2017 – R3 420/t. Internasionaal: Die gemiddelde prys van koring het met 5,2%, of $8,82/t (R131,58/t),…

GAUTENG CARLETONVILLE BRONKHORSTFONTEIN (329) 11 ha, aan A.K. Moodley en S.K. Moodley, van R.G.N. Tasker, R590 000. FRISCHGEWAAGD (562) 41 ha, aan Hendrik van Wyk-trust, van L.J. de Wet, R1 450 000. GERHARDMINNEBRON (139) 45 ha, aan Daruska (Edms.) Bpk., van Thaba-Jahtrust, R1 100 000. HOLFONTEIN (49) 209 ha, aan Haasbroek & Seun (Edms.) Bpk., van M.M. Pieterse, R350 000. IQ (555) 506 ha, aan Martwalt-boerdery (Edms.) Bpk., van J.J.F. Martins en M.C.M. Martins, R3 218 000. RHENOSTERFONTEIN (560) 165 ha, aan K2014034184 SA (Edms.) Bpk., van A. Olwagen en A.J. Olwagen, R3 000 000. ROODERAND (510) 16 ha, aan Nederduitsch Hervormde Kerk van Afrika in Potchefstroom, van Nederduitsch Hervormde Kerk van Afrika in Venterskroon, R2 550 000. DERDEPOORT MARICO WATER (32) 1 539 ha, aan Uzzi’a Game Breeders (Edms.)…

BOEREDAE 27 JULIE: Dr.JasperCoetzee: Nuwebeginselsinpresisie-skaapboerdery. Noord-VrystaatSAVM, RooiSkool,Kroonstad.NelinePienaar, sel0824404492. E-pos: Bennieneline@eleo.co.za.Ofsel 0832792375,082 440 4492. 29-30 JULIE: AgriWorks-landbou-ekspo, Trimpark, Potchefstroom. CADEK-media, tel. 021 854 4700. Web: www.agriworks.co.za. E-pos: info@cadek.co.za. GELDINSAMELING 26 JULIE: Veiling van uitsoekwyn by Beyerskloof, Stellenbosch, ten bate van die Elsenburg- finalejaarwynboustudente se oorsese toer. Lorraine Geldenhuys. E-pos: lorraing@elsenburg.com. KONGRESSE 7 SEPTEMBER: TLUSA,algemene jaarkongres.Tema:Kommersiëlelandbou– diesleuteltotstabiliteit. WNNR-konferensiesentrum,Pretoria. LynneKaiser,tel.0128048031. E-pos:media@tlu.co.za. KURSUSSE 11 JULIE: Hittewaarneming, kunsmatigeinseminasieendragtigheidsondersoeke. Bloemfontein. PeterMilton,sel083630 8868. 11-12 JULIE: Fynproewer-sampioenverbouing, entrepreneursvlak. Kaapstad. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 12 JULIE: Koei/kalf.Bloemfontein. PeterMilton,sel0836308868. 13 JULIE: Speenkalf: Wag vir regte prys. Bloemfontein. Peter Milton, sel 083 630 8868. 14-19 JULIE: Kommersiëlefynproewer-sampioenverbouing. Kaapstad.Dr.AdriaanSmit, sel0827498553. 15 JULIE: Lees en vertolk van bulkatalogus. Bloemfontein. Peter Milton, sel 083 630 8868. 18-19 JULIE: Veeversorging. Krugersdorp. Di Rothman, sel 082 772 1208; Andy,…

31 jaar Die Britse pond het tot sy laagste vlak in 31 jaar teen die dollar gedaal nadat die Bank van Engeland handelsbanke se kapitaalvereistes verlig het om hul leningsvermoë ’n hupstoot te gee. Die pond het tot $1,305 gedaal, die laagste sedert September 1985. Dit volg op verlede maand se referendum waarin Britte gestem het ten gunste daarvan om die Europese Unie te verlaat. – Business Day R18,73 mjd. Suid-Afrika het in Mei ’n handelsoorskot van R18,73 miljard gehad, die hoogste in 19 jaar. Uitvoer het in Mei met 14% gestyg vanweë die verkope van edelmetale en stene, met invoer wat met 6,6% gedaal het weens laer aankope van diereen groenteprodukte. Dit volg op ’n rekord-handelstekort van R18,7 miljard in Januarie. – Trading Economics 576 Altesaam 576 van die…

‘Die impak van die diefstal was so groot dat ons nie vanjaar die opbrengs op die perseel sal kan bepaal nie.’ MNR. PEET BEZUIDENHOUT, lid van die Argent-studiegroep, oor nagenoeg 15 ton mielies wat van hul toetsperseel gesteel is. Bl. 14 ‘Daar is duidelik ’n aptyt om die Amerikaanse produk na Suid-Afrika te bring.’ MNR. DONALD MACKAY van XA International, oor hoendervleis-invoertariewe. Bl. 16 ‘Ons het ’n beduidende getal opkomende boere sien misluk omdat hulle nie die vereiste finansiële ondersteuning ontvang het nie.’ MNR. CHRISTO SMITH, direkteur van verbruikersmarkte en agribesigheid by KPMG. Bl. 19 ‘Ons stem nie met die polisie saam dat plaasmoorde en -aanvalle besig is om af te neem nie.’ MNR. HENRY GELDENHUYS, voorsitter van die TLU SA se veiligheidskomitee. Bl. 15 ‘Ons regerings sal moet saamwerk…

WENBRIEF Die berig “Boere ‘moet staat laat goed lyk’ ” (LBW, 27 Mei) het betrekking. Dit is glad nie ’n slegte idee wanneer mense op hul knieë staan en om hulp smeek nie, maar kom ons vra die vraag: Wat doen die Regering om boere goed te laat voel? Is dit net dat boere nog nie onteien en van plase verdryf is nie? Vir baie boere wat steeds in rou gedompel is, sal dit ’n bitter pil wees om te sluk. Hoe kan iemand te midde van al die wit kruise vir die slagoffers van plaasmoorde, asook die opkomende boere wat probeer om sonder eiendomsreg te boer, die Regering laat goed lyk? Oor die vertolking van transformasie heers daar ’n Babelse verwarring. Gevolglik sal voorbeelde van dit wat bedoel word…

GRAANDIEFSTAL in die Delmas-omgewing het sulke afmetings aangeneem dat ’n studiegroep nie vanjaar die mielie-opbrengs op een van sy proefpersele kon bepaal nie. Die Argent-studiegroep, wat ’n proefperseel van 35 hektaar langs die N12-snelweg tussen Delmas en Springs aangeplant het, was verstom om te vind graandiewe het 15 ton tot 20 ton mielies gesteel. “Die impak van die diefstal was só groot dat ons nie vanjaar die opbrengs op die perseel sal kan bepaal nie,” sê mnr. Peet Bezuidenhout, ’n lid van die studiegroep. Vir die saad-, kunsmis-en chemiese maatskappye wat produksiemiddele gelewer het, is ’n jaar se proewe nou ook daarmee heen. ‘Mielies het nie ’n barcode nie.’ Bezuidenhout sê vanjaar was die eerste keer in die studiegroep se 35-jarige bestaan dat graandiefstal op so ’n groot skaal plaasgevind…

ONDERHANDELINGE tussen die Regering en ’n organisasie wat huurarbeiders met grondeise verteenwoordig, het op ’n breekspul uitgeloop. Me. Laurel Oettle, direkteur van die Association for Rural Advancement (Afra), het by navraag gesê dit was weens “eensydige optrede” deur mnr. Gugile Nkwinti, Minister van Landelike Ontwikkeling en Grondhervorming. Afra tree namens sowat 20 000 huurarbeiders op wat al 15 jaar wag dat hul grond eise afgehandel moet word. Die organisasie is in ’n uitgerekte hofstryd met die departement daaroor gewikkel. Regter Seena Yacoob van die Grondeisehof in Randburg het op 24 Mei beslis die twee partye moet ter goeder trou voor 30 Junie ’n memorandum van verstandhouding onderhandel. RAADPLEGING Volgens Oettle het die partye se onderhandelings goed begin, maar kon hulle weens die minister se optrede nie ’n ooreenkoms bereik nie.…

Vir ’n boer is dit die belangrikste om hom toe te spits op dít wat hy in sy boerderystelsel kan beheer, sê mnr. Ian Proudfoot, KPMG se globale hoof van agribesigheid. “Soek na maniere om doeltreffendheid te verhoog, soos die inspan van vernuwende tegnologie en die integrasie van dataontleding as aanvulling tot jou instink as boer,” sê Proudfoot. Mnr. Christo Smith, direkteur van verbruikersmarkte en agribesigheid by KPMG in Suid-Afrika, sê die hoë werkloosheidskoers in Suid-Afrika kortwiek soms die inspan van nuwe tegnologieë. Hy meen ook die land vorder stadig om met die internet plaaslik en in ander lande nuwe klante te vind en produkte te bemark, terwyl daar aan die globale front groot suksesstories is. Meer navorsing moet gedoen word. “Dit is hartseer dat daar baie min doeltreffende navorsingskuddes…

DIE maatskappye wat op nagenoeg 750 000 km² van die Karoo wou uraan en molibdeen myn, het verlede week aangekondig hulle gaan hul aansoeke op die meeste van dié grond laat vaar. Die maatskappye Tasman Pacific Minerals en Lukisa JV Company, albei filiale van die genoteerde Australiese maatskappy Peninsula Energy Limited, besit 40 prospekteerregte vir uraan en molibdeen in die Wes-, Oos- en Noord-Kaap. Hulle het aanvanklik aansoek gedoen om verskeie mynbouregte vir die ontginning van uraan en molibdeenerts in die Karoo, by onder meer Laingsburg, Prins Albert, Rietkuil (by Beaufort-Wes) en die nasionale park Tankwa. Verlede Woensdag het Tasman RSA onverwags aangekondig dat hy die omvang van sy beoogde mynbedrywighede gaan inkort en ’n nuwe aansoek indien vir net 12% van die oorspronklike gebied – nagenoeg 73 000 ha.…

Dit lyk onafwendbaar dat die Suid-Afrikaanse ekonomie vanjaar in ’n resessiefase gaan verkeer en dat die land eers teen middel volgende jaar ’n opswaai kan begin verwag. Daarmee saam gaan die feit dat 2015-’16 die droogste jaar op rekord in Suid-Afrika was. Die vorige werklike groot droogte was in 1982 en 1983, en die land was van 1982 tot 1986 basies in ’n resessiefase. Inflasie het skerp gestyg tot bo 20% en die rentekoers het duskant 25% gaan draai. Die destydse regering se begrotingstekort het onhanteerbaar geword en markkragte het uiteindelik balans teruggebring. Die finansiële rand en die kommersiële rand is toe ook ingestel om kapitaaluitvloei te beheer. Dié tyd was ook ’n waterskeidingsjaar in Suid-Afrika se politieke bestel, met oudpres. P.W. Botha wat ’n flater begaan het met sy…

Eens op ’n tyd was daar baie moedswillige grappe oor die Damara. Party kleinveeboere het na dié ras as die vierbladskaap verwys, terwyl ander geskerts het dat jy hom sommer kon faks as iemand ’n ram by jou koop. En ’n boud kon ’n mens kwansuis sommer in ’n broodrooster gaarmaak . . . Dit was omdat die skape toe relatief plat op die boude en blaaie was en dus nie baie vleis gedra het nie, die gevolg van eeue se natuurlike seleksie in uiterste Afrikatoestande, waar net die sterkstes oorleef. Hulle moes gereeld droogtes oorleef en met min sorg klaarkom, maar steeds produseer en reproduseer. Daardie dae is verby, sê mnr. Neels Nel van die plaas Diepkloof, waar hy en sy vrou, Adri, met hul Krinkhout-Damaras boer. Hulle teel…

MAAK BALE PERS WOL OUTOMATIES SAAM Die Kanna-wolpers word deur ’n hidrouliese eenheid met ’n werkkrag van 2,2 kW aangedryf en werk ten volle outomaties. Die wol wat in die baalruimte gelaai word, word saamgepers en sodra die baalbalk sy hoogste druk begin toepas, word vier penne van albei kante deur die sak gesteek vir die volgende vrag wol. Die Kanna-pers het ’n ingeboude elektroniese skaal om die baal se gewig (tot 180 kg) te bepaal. Die toestel is ook op wiele gemonteer om groter beweeglikheid te verseker. Mnr. Willa Nolte (op die foto) sê sy pers het ’n praktiese toets met sowat 70 bale met vlieënde vaandels geslaag. Volgens hom kan ’n enkele operateur die toestel gebruik en die grootste voordeel is dat dit arbeid bespaar en bale van…

Hoekom werk kruie in jou omgewing? Kruie groei goed in swakker grond en by ons is swak, sanderige grond. Die meeste kruie gebruik ook min water. Ek het 22 jaar gelede begin kruie plant as ’n manier om die landbou te betree. Dit was ’n goeie opsie, want ek kon met goedkoop grond my boerdery begin. Ons het eers naby Franschhoek geboer, maar 11 jaar gelede die plaas in die Hemel-en-Aardevallei gekoop. Die plaas is 40 ha groot, met 18 ha onder produksie. Wat doen julle alles? Ons hooffokus is vlugtige olies, waarvoor ons roosmaryn, laventel en inheemse fynbossoorte, soos wilderoosmaryn en kooigoed, plant. Ons gebruik ook lourierblaarolies. Vir die voedselbedryf lewer ons vars en gedroogde roosmaryn. Waar bemark julle die olies en vars kruie? Die olies word alles in…

“Ek het van kleins af hard gewerk, maar ’n mens se punte hang ook af van jou onderwysers se aandag, motivering en belangstelling,” sê Cee-Jay Plaatjies uit sy koshuiskamer in die manskoshuis Eendrag op Stellenbosch. “Dis daai vraag ‘hoe gaan dit nog?’ wat ’n mens spesiaal laat voel en motiveer om te presteer. Ek was gelukkig om sulke onderwysers op Murraysburg te hê. “Vir beter punte in wiskunde, fisika en rekeningkunde het ek en my vakonderwysers ure lank vraestelle deurgewerk en ekstra inligting ingewin. Daar’s gehelp met sluitingsdatums vir beursaansoeke, motiveringsbriewe en goeie referente. Selfs ons skoolhoof, mnr. Van der Linde, het uit sy pad gegaan om my na ure te help, al het hy nie vir my skoolgehou nie. “As vakadviseurs van die departement van onderwys die skool besoek…

EK GLO, MAAR . . . DS. KOBUS VAN DER WESTHUYZEN Geloof is veel meer as net ’n goeie gedagte dat alles sal regkom. Geloof is ook ’n verbintenis tot ’n daad. Ek glo, daarom dóén ek. Ek wil lesers twee verhale vertel. (In hierdie rubriek vertel ek die een verhaal.) Die eerste verhaal is opgeteken in die Handelinge van die Apostels soos beskryf deur Lukas (Hand. 12). Koning Herodes het die apostel Petrus in die tronk gesit nadat die koning Jakobus met ’n swaard doodgemaak het. ’n Mens kan jou net voorstel wat in die gemeentelede se gemoedere omgegaan het. In dié tragiese omstandighede het ’n groep Christene in Maria se huis saamgekom om te bid vir Petrus se vrylating. Dis hier waar geloof ter sprake kom. Glo hulle…

SUID-AFRIKA se beleidsvorming moet klem lê op sy boerdery en boerderygemeenskap en nie slegs op landbougrond nie. Mnr. Tony Leon (foto), afgetrede veteraan-politikus, sê die Suid-Afrikaanse regering moet hom nou eerder daarop toespits om die land se onderbenutte grond tot volle produksie te ontwikkel pleks daarvan om meer grond te herverdeel. Leon het op die kongres van die Noord-Kaapse Rooivleisprodusente-organisasie in Kimberley gesê Suid-Afrika se beleidsvorming moet eerder die bestaande kleinboere help ontwikkel as om meer grond te herverdeel. Volgens Leon het swak beleidskeuses ’n moeilike situasie in Suid-Afrika vererger. Wat hom betref, som die opmerking “Behou die kundigheid” van dr. Kraai van Niekerk, ’n eertydse minister van landbou, die belangrikste stap van ’n regering op om sy ekonomie, sy landboubedryf en voedselsekerheid te ondersteun. Leon sê swak beleidsformulering van…

SUID-AFRIKA is nie produktief genoeg nie. Dit is besig om die land se vrugtebedryf in te haal, waarsku prof. Wiehann Steyn, projekbestuurder vir oesproduksie by Hortgro Science. Hy het op ‘n inligtingsdag oor mango’s op Hoedspruit gesê Suid-Afrika se wisselkoers laat sy vrugte-uitvoer gesonder lyk as wat dit werklik is. Steyn het appels as voorbeeld gebruik. Hy sê Suid-Afrikaanse appelboere behaal byvoorbeeld hoë opbrengste van relatief klein en swak vrugte van redelik groeikragtige boorde op swak onderstamme. Hy sê die bedryf maak staat op werkers wat, gemeet aan ander lande, onproduktief voorkom. Volgens Wiehahn het die werkers se gebrek aan produktiwiteit meer te doen met opleiding en toerusting as die mense self. “Nogtans maak die appelbedryf goeie geld danksy die swak rand, verkope in Afrika en hoë opbrengste.” Hy sê…

DIE plaaslike amandelbedryf het die potensiaal om in die toekoms groot spronge vorentoe te gee, maar dan sal daar groot beleggings in veral die verwerkingsvermoë van dié neute gemaak moet word. ’n Verslag oor die plaaslike amandelbedryf deur die voormalige Nywerheidsontwikkelingskorporasie (IDC) wys daar is tans net een groot belanghebbende in die land wat amandels op kommersiële skaal verbou. Plaaslike produksie kom egter nie naby die vraag na veral uitgedopte amandels nie. Derhalwe moet groot hoeveelhede amandels vanuit veral Amerika ingevoer word. Die IDC se verslag wys die plaaslike vraag na uitgedopte amandels het vanaf 2004 tot 2014 jaarliks teen gemiddeld 9,4% gegroei, terwyl die vraag na amandels in die dop in dieselfde tyd met 12,8% gegroei het. Luidens die verslag is Suid-Afrika geposisioneer om ’n streeksmark vir die Suider-Afrikaanse…

DIEvolgendeontledingvan grondverkopeinSuid-Afrika handeloordiegrondtransaksiesvirstukkegrondgroter as20haindieWes-Kaapvir April2015totMaart2016. Altesame475ooreenkomsteisin28distrikte gesluiten262048haisteen R4,878miljardverhandel. Daarvanwas24transaksies, oftewel5%,vankleur.Transaksiesvankleurisdiétussen individuewatniewitisnie,regeringsaankopeengrondwat virmunisipalegebiedebekom is.Indiéprosesis10377ha of4%teenR519miljoen (10,6%vandietotalewaarde) verhandel.Eentransaksie wasvirlandbougrond,tien virdorpsontwikkelingen13 kanasprivatetransaksies geklassifiseerword. Uitdietotaalwas167 (35%)transaksiesvirgrond kleineras50ha,120(25%) wasvirgrondgroteras50ha tot150haen132(28%)was virgrondgroteras300ha. Intienvandiedistrikteis dalendeprysneigingswaargeneem. Oorwegendwysdie syfers’nstygendeprysneigingindieprovinsie. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

DIE Bos Blanco-boerdery het vanjaar weer puik Beefmasters op sy vroulike produksieveiling by die Kroon Boma, Kroonstad, aangebied. Die duurste koei (3-in-1) is teen R75 000 aan mnr. M. Steyl van Winburg verkoop. Koeie (3-in-1) het gemiddeld R24 660 behaal. Dragtige koeie is teen gemiddeld R18 140 stuk verkoop. Die onderneming Mushlemdow van Koster het die duurste koei teen R30 000 gekoop. Die duurste koei met kalf is aan Forum SA Trading van Ventersburg teen R37 000 verkoop, terwyl koeie met kalwers gemiddeld R21 750 behaal het. Die veiling is aangebied deur Vleissentraal Bethlehem en mnr. Lukas Kleynhans was die afslaer.…

JULIE PARYS 15-17, Boran. Afridome-skouterrein. Caroll-Ann Mienie, sel 079 477 4416, Web: www.afridome.co.za. LUTZVILLE 28-30, Skaapkampioenskap; Benede-Olifantsrivierperdekampioenskap. Perde, 083 398 0899. Stalletjies, 083 620 2294. E-pos: jeanetteafox@gmail.com. AUGUSTUS PRETORIA 5–9, (Streek, Gauteng: SA Boerperd). Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3@pienaardamresort.co.za. PARYS 17-26, Alfa-week (beeste) Brahman. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. TULBAGH 28 September-1 Oktober: Fries- en…

Dit is daardie tyd van die jaar. Drie weke van winterskoolvakansie. Wanneer almal met ’n kind op skool moet skarrel om tyd in te ruim om ’n bietjie saam met die gesin weg te breek. Vir boere is daar altyd iets wat nog afgehandel moet word. Brandbane wat moet klaar, die nadraai van strooptyd, die laaste speenkalwers wat verkoop moet word. Dit is ’n jaarlikse ritueel waaraan die laaste oujongkêrels van my geslag ook nou uiteindelik begin deelneem, soos hul onverwagse familiefoto's op Facebook getuig. Dít terwyl ons joernaliste sukkel om afsprake met boere te kry, soos almal na die kus en die Bosveld uitwyk, en die jong manne by Suid-Afrika se landboubesighede se e-posse laat weet hulle is met verlof. As ’n grootmens doen jy maar met jou kinders…

MNR. JOHN GRIFFITHS, Noordwes se Jongboer van die Jaar, boer op die plaas Atlanta buite Brits met verskeie gewasse, waaronder mielies, droëbone en groente. Uit die aard van die uiteenlopende reeks gewasse is bestuur vir hierdie raakvatter die hoeksteen tot ’n suksesvolle boerdery. Lees die artikel op bl. 36. VERTEL ONS VAN JOU GESIN. Ek is die afgelope vier jaar met Melissa getroud. Ons het nog nie kinders nie. HET JY ’N STOKPERDJIE? Ek jag graag en vang vis. Dan gaan ek ook op 4x4-uitstappies en ek boer. As jy hou van wat jy doen, sal jy nooit ’n dag in jou lewe werk nie! WAAR HOU JULLE GRAAG VAKANSIE? Beslis die KwaZulu-Natalse Noordkus. Ons is seemense. MNR. NEELS NEL boer met Damaraskape by Groblersdal in die Bosveld. Hy vertel…

1 ZIMBABWE | Staatsamptenare staak Vertraagde salarisbetalings het verlede week gelei tot gewelddadige betogings in die land se hoofstad, Harare. Volgens die polisie is sowat 100 mense in hegtenis geneem en moes traangas en waterkanonne gebruik word om betogers uiteen te jaag. Die Zimbabwiese regering se besluit om salarisbetalings aan staatsamptenare te vertraag, volg op geldtekorte by die tesourie. Die enigste staatsamptenare wat in Junie betaal is, is polisie- en veiligheidsbeamptes. Ander staatsamptenare het net ’n $100-voorskot ontvang saam met die nuus dat hul salarisse vertraag is. Die betogings volg op voorverlede week se blokkasie van die Beitbrug-grenspos met Suid-Afrika ná ’n regeringsverbod op kosinvoer. Minstens 71 mense is in hegtenis geneem. — Business Day 2 NIGERIË | Voëlgriep tref hoenderbedryf Tienduisende hoenders en kuikens het gevrek of moes die…

DIE 2015-’16-droogte het ’n nadelige uitwerking op die produksiekoste van varkvleis en produsente se winsmarges. Die koste van geel mielies dra 60-70% tot die totale produksiekoste by. Die swak rand dra verder daartoe by dat die invoerkoste van voer meer as die verwagting gestyg het. Plaaslike varkvleispryse het nie genoeg tred gehou met die hoër produksiekoste nie. Die droogte het daartoe bygedra dat rooivleispryse nie gestyg het soos verwag is nie. Varkvleispryse het gevolglik ook nie veel gestyg nie. Saam met die droogte moes die bedryf ook rekening hou met die uitbreking van Afrika-varkpes en die onmiddellike verbod wat Namibië op die invoer van lewende varke en rou varkvleis ingestel het. Die Suid-Afrikaanse varkvleisbedryf het egter uitstekende beheermaatreëls om te voorkom dat die uitvoer van Suid-Afrikaanse varkvleisprodukte ’n risiko vir…

Ek het onlangs twee brokkies “raad” gehoor wat ek graag wil bespreek ingeval lesers dit teëkom. Die eerste is dat jy jou geld in ’n buitelandse polis moet belê, want só ’n polis sou dan van boedelbelasting vrygestel wees. Dit is nie waar nie. Enigiemand wat sulke twak aan jou probeer afsmeer, moet jy liefs vermy. Die Boedelbelastingwet (Wet 45 van 1955) is baie duidelik hieroor. As jy ’n Suid-Afrikaanse burger is, bestaan jou boedel uit alle eiendom wat jy besit. Dit maak nie saak waar dit is nie, en dit sluit alle eiendom wat joune geag word in. Geagte eiendom verwys na eiendom wat streng gesproke nie jou eiendom is nie, maar omdat die wet sê dit is, is dit. Dit sluit polisse op jou lewe in. Sommiges beweer…

Water – nes olie, gas en minerale – is ’n kommoditeit met ’n berekenbare waarde, en die enigste manier om dit te bewaar, is deur verbruikers daarvoor te laat opdok. Prof. Eilon Adar, direkteur van die Ben-Gurion-universiteit se Negeb Zuckerberginstituut vir waternavorsing, sê die rede waarom Israel nie ’n tekort aan water het nie, al is dit ’n woestynagtige land, is omdat dit deur ’n nasionale watergesagsliggaam gereguleer word. Eilon was die genooide spreker tydens die Israel-Suid-Afrika-waterkonferensie wat in Kaapstad gehou is. “In Israel is water ’n nasionale kommoditeit. Jy besit die grond, maar jy besit nie die water daaronder of bo jou nie.” Dié liggaam, wat “uit kundiges en nie politici nie” bestaan, moet die beskikbaarheid van water monitor, asook die prys en toewysing daarvan vasstel. Die organisasie hou…

MNR. NEELS NEL WAT DIE BESTE BOERDERYBESLUIT WAT JY AL GENEEM HET? Om met stoetvee te boer, want ek is meer ’n veeboer as ’n saaiboer. WAT MAAK JOU TROTS AS BOER? Dat ek kon help om die Damara met doelgerigte seleksie te verbeter tot ’n skaap wat baie meer vleis op die boude en blaaie as voorheen het, mét behoud van sy sterkste eienskappe: gehardheid, vrugbaarheid en goeie moedereienskappe. HOEKOM BOER JY JUIS MET INHEEMSE KLEINVEERASSE? Hierdie rasse het deur die eeue in Afrika se harde toestande aangepas om droogtes te oorleef en met min sorg klaar te kom, en steeds goed te produseer en reproduseer.…

DIEREVOEDING ULRICH MÜLLER VOEDINGSWAARDE VAN GROENVOER Ek is geïnteresseerd in die toetse wat vasstel hoeveel voedingswaarde ’n voedingstof bevat. Alles word getoets met behulp van die droëmateriaal van die rantsoen. Ek weet wél my ooie vaar baie goed en het baie melk op onderskeidelik rape en groenvoer. Kan daar bepaal word wat die voedingswaarde is sonder om dit eers na droëmateriaal om te skakel? Nog ’n vraag: Hoe kan ’n heel mieliepit wat vir ’n bees gevoer word meer voedingswaarde hê as een wat ontkiem het? Die heel mieliepit is steeds net 40% verteer, maar die ontkiemde/hidroponies ontkiemde mieliepit is 95% verteer. Die bees moet mos meer voedingswaarde uit die 95% verteerde materiaal kry? Die waarde van grondstowwe word bepaal deur die digtheid van voedingstowwe. Om die grondstowwe in die…

Watter soorte kaas maak julle? Ons het ’n wye verskeidenheid handgemaakte kase met wit skimmel – Camembert en Brie in verskillende vorms en groottes. Ons maak ook bloukaas en verouderde, harde kase. Ons egte landgoedkaas word van 100% Jersey-melk van die stoetery op die plaas gemaak. Ons kaas bevat geen preserveer-, kleurof geurmiddels of kunsmatige goed nie. Dit is in alle opsigte heeltemal natuurlik. Waar het die idee vir die onderneming vandaan gekom? Die plaas behoort al veertig jaar aan die Visser-familie. Dit was voorheen ’n aarbeiplaas met ’n klein Jersey-kudde. My man, Rob, het altyd daarvan gedroom om kaas te maak. Ná hy ontelbare kaasproeë hier en in Europa bygewoon het en twee jaar lank met ’n resep vir ’n wit skimmel-kaas geëksperimenteer het, het ek die stemmetjie binne-in…

Toe ons nog kinders was, het ’n mens nie so baie soorte honde gekry soos deesdae nie. Ons het altyd net ’n gewone hond gehad, tot skaaphonde mode geraak het. Toe het Robert sy opwagting gemaak. Al wat ons geken het, was wolfhonde (gevaarlike goed), bulhonde (die gevaarlikste) en dan het ’n mens honde gekry. Ons het altyd ’n hond gehad – net gewoonweg ’n hond met hare en ’n stert wat hy kon waai. En toe raak skaaphonde mos mode en almal wat ’n plaas gehad het, moes ’n skaaphond hê. En so kry ons toe ’n skaaphond. As ek sien hoe vandag se skaaphonde lyk, het daardie skaaphond meer skaap in hom gehad as hond. Ek en my broer het besluit dat daardie hond die hond van alle…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 27 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

Northmec streef voortdurend daarna om bekostigbare toerusting van ’n hoë gehalte by sy bestaande reeks toerusting te voeg. Dit is dus met groot vreugde dat twee bykomende modelle as toevoegings tot die huidige reeks Jacto Uniport-selfloopspuite aangekondig word. Naas die huidige selfaangedrewe Uniport 3030-spuit met ’n tenk van 3 000 liter en ’n spuitbalk van 32 m stel Jacto twee nuwe modelle bekend: Uniport 4530 en Uniport 2530. “Die bekendstelling voorsien in ons kliënte se behoeftes en beteken Jacto se reeks selfaangedrewe spuite is nou nog vollediger. Die twee nuwe modelle is ontwikkel met maksimum doeltreffendheid, ook wat ekonomie en tegnologie betref. Dit is faktore wat belangrik is vir optimale doeltreffendheid,” sê mnr. Marcus Portari, Uniport-produkbestuurder by Jacto. JACTO UNIPORT 4530 Die Jacto Uniport 4530 het ’n tenk wat 4…

WEENS die swak rand trek Suid-Afrika nie voordeel uit die lae internasionale pryse van landboukommoditeite nie. Mnr. Paul Makube, senior landbou-ekonoom van FNB, sê in tye van plaaslike tekorte, soos dié wat Suid-Afrika weens die droogte ervaar, is invoer veronderstel om gapings te vul. Weens die swak rand het landbou-invoer egter duur geword. Suid-Afrika geniet om dieselfde rede ook nie die voordeel van die rekordlae pryse van ruolie nie, wat internasionale vragkoste laat daal het. Internasionale landboukommoditeite se pryse sal na verwagting danksy goeie produksie afwaarts bly neig, sê Makube in ’n verklaring. Die Verenigde Nasies se Voedsel- en Landbou-organisasie (VLO) het die wêreldwye produksie van somergraan vir volgende jaar onlangs op 1,313 miljoen ton geraam, wat op ’n jaargrondslag byna 11 miljoen ton meer is. Makube verwys ook na…

DIE volume pere wat vanjaar uitgevoer word, sal met sowat 10% toeneem vergeleke met die 15,3 miljoen kartonhouers van 12,5 kg wat verlede jaar buiteland toe is, sê me. Thea Visser, inligtingsbeampte by Hortgro. Volgens Visser word sowat 47% van die oes uitgevoer en net 15% as vars vrugte plaaslik bemark. Sowat 35% van die oes word ingemaak en 3% gedroog. Die grootste uitvoermarkte vir pere verlede jaar was Europa met 42%, gevolg deur die MiddeOoste (17%) en die VerreOoste en Asië (elk met 16%). Brittanje se markaandeel het 8% beloop, gevolg deur Rusland (7%) en Afrika (5%). Ceres, Elgin, Grabouw, Villiersdorp en Vyeboom het 69% van die land se peeraanplantings. Ceres en die EGVVgebied het onderskeidelik 45% en 32% van die peeruitvoervolume verlede jaar opgelewer. Die gewildste vyf kultivars…

AL het die droogte die meeste wingerdboere se beplanning in die wiele gery, moet hulle hul bes doen om te verseker daar is genoeg besproeiingswater om die wingerd in stand te hou – al is die produksie laag. Volgens mnr. Johan Wiese van die Voor-Groenberg Kwekerye op Wellington is dit belangrik om waterbesparingspraktyke, soos onkruidbestryding en deklaagbewerking, so goedkoop en prakties moontlik te doen om enige beskikbare water vir noodsituasies te bespaar. Hy sê die aanplantings van wyndruiwe het afgeneem weens die huidige lae winsgewendheid van wyndruifproduksie. “Nuwe aanplantings is beperk tot enkele landgoedere wat ‘n behoefte aan die nuwe wyne in hul reeks het, maar weinig by produsentekelders.” Volgens hom word die tafeldruifbedryf deur nuwe wit, rooi en swart pitlose druiwe aangedryf. “Reënbestandheid en vrugbaarheid van die druiwe is…

DIEteelmateriaalvandieMeatmasterskaaprasissteedsgesog inNamibië.IndelevanSuidAfrikawaardaarnietradisioneelmet Meatmastersgeboerwordnie,is ditdievroulikedierewatinaanvraagisengoeieprysebehaal. Volgensmnr.ClintonCollett, ondervoorsittervandieMeatmastertelersgenootskap, isál diedierewatop’nproduksieveiling( sienverslaglangsaan)in Upingtonaangebiedis,teenindrukwekkendepryseverkoop. “DaarwasmeestalNamibiese boereopdaardieveilingenditbeaamdievraagnapuikdiere,” sê Collett. OpCollettseeieproduksieveilingisookáldieramme( 64) enooie(110)verkoop.Dieooieis teengemiddeldR7127stukendie rammeteengemiddeldR11967 stukverkoop. “Op’nanderveilinginLimpopoisagtrammeteengemiddeldR5500stukverkoopen69 ooieteengemiddeldR3144stuk. Indaardiegebied(waardieMeatmasternognie’ngewilderasis nie)isditduidelikdatdaar‘ngroot vraagnaooieis.Dierammese teelmateriaalisniesogesognie.” Dienasionaleveiling,waarop ongeveer200ooieen100ramme tekoopaangebiedsalword,isop 11AugustusinBloemfontein. NAVRAE:Me.SonjaWasserman, tel.051 410 0955.…

KROONSTAD, BRAHMAN, R75 000 Ál die Brahmane wat op die Sale of the Greys op Kroonstad aangebied is, is verkoop. Diere van mnr. BW Staal se Bos Blanco Brahmane en mnr. Wayne Porter van Tarka Brahmane is aangebied. Die vers BOS 13 341 (foto) is teen die hoogste prys van R75 000 aan mnr. Paul Duarte van Bela-Bela verkoop. Altesame 49 dragtige verse is teen gemiddeld R28 000 stuk verkoop, terwyl 12 koeie gemiddeld R23 000 stuk behaal het. Twee stoetbulle is teen R50 000 stuk verkoop. Semenstrooitjies het gemiddeld R465 stuk behaal, met ‘n hoogste prys van R2 000 vir ‘n strooitjie van die bul BOS 03 216. Die veiling is aangebied deur SHM Afslaers en die afslaer was mnr. Johan van der Nest.…

VELDBLOMMETJIE, VS, SKRYF: Manie, ek het my man deur die dood verloor, is selfonderhoudend en woon in ’n woonstelletjie in ’n aftree-oord, maar ek is nie ’n alleenmens nie. Ek verlang ’n vriend om mee te kommunikeer, verkieslik in Bloemfontein in die Vrystaat. Ek is 62, 1,57 m lank en weeg 80 kg. Ek hou van lees, kosmaak en lekker gesels. Ten spyte van my hartseer kan ek nog lag. Ek drink en rook nie. Ek hou van lekker kuier. Ek hou die pos dop. DUIFIE, NW: 70-jarige weduwee, tuisteskepper, 1,05 m, 69 kg, met blou oë en blonde hare. VEK. Hou van stap, tuinmaak, naaldwerk, bak, kook, die buitelewe, die see en reis. Eerlike, liefdevolle mans wat nie rook of drink nie en in ’n vaste verhouding belang stel,…