Innholdsfortegnelse for 24-Jun-16 i Landbouweekblad

Die feit dat kredietgraderingsagentskappe besluit het om Suid-Afrika (nog) nie af te gradeer nie, het veel meer aandag gekry as die rede hoekom dit gebeur het – die sakegemeenskap, Regering en arbeidsmagte het as ’n verenigde front met die agentskappe praat. Aangesien kredietagentskappe veral deur sakevertroue beïnvloed word, moes dit ’n verskil gemaak het. Samewerking tussen dié sleutel-belanghebbendes in die ekonomie is ’n belangrike verandering in hul verhouding. Dit was jare lank gespanne en voorheen nooit op ’n goeie vlak nie. Op een vlak is dit nie verbasend dat hulle saamgewerk het om ’n afgradering teen te werk nie – al drie gaan verliese ly as die ekonomie ly, wat ook al hul verskille mag wees. Dit is egter steeds merkwaardig dat hulle tot vanjaar nog verkies het om mekaar…

ARTIKELS & RUBRIEKE ■ Topgraanboer verruil mielies vir beeste ■ Wes-Kaap se Jongboer van die Jaar nie bang vir risiko ■ Droogte knou produksie, pryse vergoed net plek-plek ■ Uitvoerappels gee Vrystaters markvoorsprong GESIN ■ Koekies en beskuit SPESIAAL ■ Fertasa GRAAN Sedertsyontstaan50jaargeledehetdieDohne-Merinovinnigopgang gemaakensypotensiaalvirfynwol,reproduksieengroeitempogetoon. Vandagword’nberoepgedoendatdiebalansvandiéskaaprasnie versteursalwordnie.Diéramlammerswasagtmaandeoudtoediefoto opdieplaasGeluksdam,Edenburg,geneemis.…

KOMMER OOR BRUCELLOSE Brucellose is besig om die veebedryf op hol te jaag en hou ’n ernstige bedreiging vir vleisproduksie in. Volgens dr. Hannes Pienaar, hoofstaatsveearts vir siekterapportering, het die direktoraat van dieregesondheid saam met provinsiale veeartsenykundige dienste ’n werkgroep aangestel om bekampingsmaatreëls te hersien. “Dit lyk nie of die huidige maatreëls voldoende is nie. Ons soek maniere om die siekte onder beheer te bring,” het hy op die Rooivleis-abattoirvereniging (RVAV) se konferensie op Stellenbosch gesê. INGE skryf: Die belangrike vraag is eintlik wat die Rooivleispro-dusente-organisasie (RPO) se kommentaar hierop is. Hy spog heeltyd in die media oor hoe hy die Suid-Afrikaanse kudde teen dieresiektes uit Namibië beskerm (veral teen daardie lammers en kalwers wat so net voor Kersfees dié kant toe kom), maar as dit kom by die plaaslike…

’n Unieke platform op Landbou.com sal talle brandende vrae oor grondverkope in Suid-Afrika kan beantwoord. Dié platform bevat plaasverkope wat die afgelope 12 maande by die Aktekantoor geregistreer is en wat in die tydskrif en op die webwerf gepubliseer word. Die ontleding van data van die plaasverkope is vir 12 maande per distrik saamgevat en verskyn in nuttige tabelle (kyk op bl. 87 vir die Vrystaatse data). Die tabelle sal sover moontlik weekliks en per provinsie in LBW gepubliseer word. Die tabel bevat die aantal transaksies per distrik per maand (oor die 12 maande), die totale hektare verkoop, die laagste prys per hektaar, die hoogste prys per hektaar, die gemiddelde prys per hektaar en die distrik se prysneigings. Mnr. Johann Bornman, voorsitter van Agri Development Solutions, het die platform saamgestel,…

Brucellose ruk handuit en is ’n ernstige bedreiging vir vleisproduksie. Beheermaatreëls vir die siekte word daarom tans hersien. Dr. Hannes Pienaar, hoofstaatsveearts vir siekterapportering, sê ’n werkgroep wat deur die direktoraat van dieregesondheid en provinsiale veeartsenydienste aangestel is, hersien die brucellosebeheermaatreëls. Hy het op die Rooivleisabattoirvereniging (RVAV) se konferensie op Stellenbosch gesê die beskikbaarheid van entstowwe is nie ’n probleem nie, maar boere stel nie daarin belang om hul vee teen brucellose in te ent nie. Mnr. Gerhard Neethling, hoof- uitvoerende beampte van die RVAV, sê brucellose is die dieresiekte wat produksie tans die ergste knou. “Ons verloor nou baie diere as gevolg daarvan. Dit is die bedryf se grootste bekommernis wat siektebeheer betref.” Volgens die Wêreldgesondheidsorganisasie word die besmetting van diere na mense oorgedra wanneer mense regstreekse kontak met…

1 ZIMBABWE | Skamele mielie-oes Mnr. Joseph Made, minister van landbou van Zimbabwe, het verlede week in die parlement aangekondig die land se graanbemarkingsraad het tot dusver dié seisoen net minder as 35 000 ton mielies ingevorder. Die gemiddelde syfer vir Zimbabwe se mielieproduksie oor vyf jaar is 700 000 tot 1 miljoen ton. ’n Mielietekort van 2,5 miljoen ton staar die land in die gesig. Om die tekorte te help verlig, het die staat die afgelope jaar permitte aan private meulenaars toegestaan om 1,2 miljoen ton mielies in te voer, maar weens beperkinge ten opsigte van hul vermoë kon hulle tot dusver net sowat 450 000 ton invoer. Zimbabwe moes vroeër vanjaar ’n lening van $200 miljoen (meer as R3 miljard) aangaan vir die invoer van mielies om hongersnood…

TEEN 2050 sal die wêreld waarskynlik sowat 70% meer kos moet lewer om in die groeiende wêreldbevolking se behoefte te voorsien. Die landbou het dus uitstekende groeigeleenthede. Dit kom egter teen ’n prys, en om die pas van produksie vol te hou, is nuwe tegnologie nodig. Toekomstige neigings in voedselproduksie het egter een ding gemeen: water. Sonder water en die doeltreffender benutting daarvan sal ons nie nuwe geleenthede kan benut nie. Water en die grond wat daardeur besproei word, gaan duur word. Ons word egter deur ’n groot uitdaging in die gesig gestaar, en dit is om die beskikbaarheid van besproeiingswater vir voedselproduksie beter te benut. SKAARS HULPBRON Die wêreld se gemiddelde langtermynreënval is ongeveer 860 mm. In SuidAfrika is dit 495 mm, ongeveer die helfte van die SuidAfrikaanse Ontwikkelingsgemeenskap…

Ek kyk vandeesweek na enkele gevalle waar kapitaalwinsbelasting niksvermoedende betrokkenes ’n lelike streep kan trek – ná jou dood en in die lewe. Kapitaalwinsbelasting is al sedert 2001 met ons, maar tog hou dit steeds vir baie mense slaggate in. Dit is ’n ingewikkelde stuk belastingwetgewing wat ’n paar onverwagte gevolge het as dit nie reg hanteer word nie. Eerstens, kapitaalwinsbelasting is nie ’n afsonderlike belasting nie. Dit vorm deel van die Inkomstebelastingwet (Wet 58 van 1962). Hoewel dit nie ’n belasting op inkomste skep nie, skep dit wel ’n belasting op kapitaal. Kapitaal is nie volgens die wet deel van “inkomste” nie en kan dus nie as inkomste belas word nie. Die agtste skedule van die wet betrek dit egter en daarom word dit saam met inkomste belas. Die…

Vir die eerste keer sedert 1994 het ’n handleiding met bemestingsriglyne vir die wynbedryf die lig gesien. ’n Paneel bestaande uit grond-, bemesting- en wingerdboukundiges het saamgewerk om algemeen aanvaarde riglyne vir wingerd in Suid-Afrika in ’n maklik verteerbare formaat – met pragtige kleurfoto’s – saam te vat. Die boek, Bemestingsriglyne vir die wynbedryf, is deur mnr. Braham Oberholzer, grondkundige by VinPro, saamgestel en deur Winetech en Villa Crop gefinansier. Volgens mnr. Francois Viljoen, bestuurder van wingerdboukundige dienste by VinPro, het wingerdboukundiges in die laat 1980’s groot meningsverskille oor die bemesting van wingerd gehad. Dit het gelei tot ’n werkgroep waar wingerd-, landbou- en bemestingkundiges hul riglyne vir wingerdbemesting in Suid-Afrika neergepen het. Dié handleiding het in 1994 verskyn en die afgelope twee dekades ’n goeie grondslag vir die bedryf…

■ Grondvoorbereiding. Hoewel Handré hoofsaaklik strookbewerking op Kerrera toepas, is hy stelselmatig besig om na geenbewerking oor te skakel. Hy sê met strookbewerking beloop die kilowattvereiste slegs 0,5 kW/ha en die algehele dieselverbruik tot strooptyd 17 liter/ha. Hy het sy lande teen middel Oktober met 2 liter Roundup Turbo per hektaar en ammoniumsulfaat bespuit en nadat die eerste 15 mm reën geval het strookbewerking op die lande toegepas. Die eerste mielies is gedurende die eerste week van November geplant. Normaalweg plant hy al sy lande binne 2-3 weke, maar weens die droogte het hy dit hierdie seisoen tot ’n week voor Kersfees versprei. ■ Bemesting. Die Omnia-mengsel 7:15:7 (29) is met die planter teen 250 kg/ha (droëland) en 300 kg/ha (besproeiing) gebandplaas. Ná opkoms is Solical N (33) teen 150…

MNR. JOHANNES JOUBERT WAT IS DIE SLIMSTE DING WAT JULLE IN DIE BOERDERY GEDOEN HET? Om oor te skakel na ’n wisselboustelsel wat op lang termyn volhoubaar is en waarin jy weet hoe jou beplanning vir die volgende paar jaar moet wees. WAT IS DIE DOMSTE DING WAT JULLE AL GEDOEN HET? Om geleenthede by ons te laat verbygaan as gevolg van vrese vir die onbekende stand van politieke sake in die land. WATTER TEGNOLOGIE EN PRAKTYKE IS ONONTBEERLIK IN JUL BOERDERY? Die hele praktyk van presisieboerdery met al die toerusting wat daarmee saamgaan: Die kalkstrooier, veranderlike toediening, spuit, planter en stroper (wat opbrengskaarte beskikbaar stel) is almal ewe belangrik in ons produksieketting. WAAR STAAN JULLE TEN OPSIGTE VAN DIE VEE-GRAANDEBAT? Ons voel dat vee nog ’n plek in ons…

WILMARÉ LOTZ Wilmaré Lotz van Rawsonville werk al van jongs af by Boland Mushrooms, haar pa se sampioenboerdery, en het dit in 2010 oorgeneem. Sy oes elke dag wit- en bruinsampioene vir die restaurant- en spyseniersbedryf. Hoe het jy ’n sampioenboer geraak? My pa, wyle Theo Griessel, kweek sedert die 1980’s sampioene. As kind het ek vir ekstra sakgeld vakansietye as verpakker en plukker gewerk, maar die gogga het my nooit gebyt nie. In my finale jaar, toe ek ’n tesis oor kompostering skryf, het ek besef ek wil die sampioenboerdery beproef. Ons het met agt groeikamers begin. Vandag het ons 16 kamers, wat weekliks tussen 4,5 ton en 5,5 ton sampioene oplewer. Watter sampioene kweek jy? Die gewone wit knopiesampioen en die bruin, oop sampioene (Agaricus bisporus en brunnescens).…

Terwyl ’n klompie van ons rugbyliefhebbers om ’n vuur sit en gesels oor die Springbokke se vertoning – of gebrek daaraan – sê ’n ouerige vrou: “Hulle het van die afskop af so sonder traak gespeel.” Ek het geweet wat sy daarmee bedoel het, maar dit was vir my vreemd. Om sonder traak te speel beteken eenvoudig daar is nie genoeg belangstelling of sigbare motivering nie. Die uitslag maak nie saak nie. Hulle speel sonder hart en passie. Dit geld byna enige projek. As jy dit sonder traak aanpak, kan jy nie verwag om groot sukses te behaal nie. Dis nie net wát jy doen nie, maar ook hóé jy dit doen wat die uitslag bepaal. Die “traak” – of die gebrek daaraan – sal die hóé bepaal. Dis nie…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 24 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

JONG boere moet selfondersoek doen en maniere vind om die hindernisse en pessimisme in die landbou in oplossings en iets opbouends te verander, sê mnr. Jacques Beukes (35), die Wes-Kaap se aanspraakmaker op die Jongboer van die Jaar-titel. “Die verskil begin by jou,” het Beukes, ’n tafeldruifboer van die plaas Modderdrift in die Hexriviervallei, gesê. “Sien die geleenthede raak – veral wat swart ekonomiese bemagtiging bring – en werk saam met die Regering om hierdie geleenthede plaas toe te bring,” het hy gesê kort nadat hy naby Durbanville as die Wes-Kaapse wenner aangewys is. Beukes boer al tien jaar lank op Modderdrift. Sy broer, Eugene, is ook by die boerdery betrokke. Hy beskou dit as ’n voorreg om by ’n gesinsonderneming betrokke te wees. “Ons vergeet dikwels die waarde van…

25,4% Die wêreld se 20 grootste melkverwerkers verwerk altesaam ongeveer 25,4% van alle melk wat wêreldwyd gelewer word. Die twee grootstes is Dairy Farmers America, wat laas jaar sowat 28,1 miljoen melk ingeneem het, en Fonterra van Nieu-Seeland, wat 22,1 miljoen liter verwerk het. Dié lys is onlangs deur die suiwelnavorsingsnetwerk IFCN uitgereik. Nestlé en Danone het die grootste omset van melk per kilogram. — IFCN 2,5miljoen Die Europese Unie het vanjaar al 2,5 miljoen kartonhouers sitrus meer uit Suid-Afrika ingevoer as verlede jaar. Sowat 9,8 miljoen kartonhouers is reeds vanjaar na Europa verskeep. Volgens mnr. Justin Chadwick, die hoof- uitvoerende beampte van die Sitruskwekersvereniging, het uitvoer na die meeste bestemmings toegeneem, onder meer die Midde-Ooste, Noord-Amerika, Asië en Afrika. Uitvoer na Rusland het egter gekrimp. — Fresh Fruit Portal…

‘Ons moet ophou om vingers na mekaar te wys oor wat die grondoorsake is en verenig om enige vorm van geweld teen plaaseienaars en plaaswerkers stop te sit.’ MNR. SENZENI ZOKWANA, Minister van Landbou, Bosbou en Visserye. Bl. 14 ‘Daar moet nie ’n situasie bestaan waar boere voel hul plase kan môre van hulle weggeneem word nie.’ MNR. MIKE MLENGANA, nuwe direkteur-generaal van die Departement van Landbou, Bosbou en Visserye. Bl. 23 ‘Mei was so droog dat ons die reën in halwe millimeters begin meet het. Die 3 mm wat ons gekry het, het darem die stof laat lê.’ MNR. JANNEMAN FOURIE van die plaas Mierkraal, tussen Caledon en Riviersonderend. Bl. 19 ‘Boere moet dadelik die entstof bestel aangesien die bestellings op ’n waglys eerste uitgevoer sal word.’ DR. FAFFA…

DIE Noordoos-Vrystaat loop deur onder ’n goed georganiseerde sindikaat skaapdiewe wat vandeesmaand op twee agtereenvolgende naweke meer as 50 Merino’s gebuit het. Tot dusver is daar nog geen leidrade wat sal help om die skuldiges vas te trek nie. Voorverlede naweek is 31 swaar dragtige ooie uit ’n kraal op die plaas Mikpunt van mnr. Pieter Japp van Steynsrus gesteel, oor twee plase gejaag en op ’n padreserwe geslag. Die diewe is vort met die karkasse. Die naweek voor dit is 23 ooie op die plaas van mnr. Jurie Wessels by die Wonderkop-stasie tussen Steynsrus en Kroonstad geslag. Mnr. Niekie Grobler, veiligheidsverteenwoordiger van die distriksboere-unie Steynsrus, sê die diewe slag 20 tot 25 skape op ’n keer. “Hulle stel net in die karkasse belang en die skape se velle en…

Daar is hoop vir Limpopo se sukkelende Sapekoe-teelandgoed by Tzaneen nadat ZZ2 aangekondig het dat hy meer as R500 miljoen gaan bestee om die ou teeplantasies te ontbos vir die aanplant van uitvoeravokado’s. Die projek, wat oor 10 jaar sal strek, behels die vestiging van avoboorde op ongeveer 2 500 ha. ’n Veertigjaarkontrak verbind ZZ2 tot die reddingsplan waarvolgens 591 begunstigdes van die Makgoba-trust na volhoubaarheid gelei sal word en die grond se produksievermoë optimaal benut word. Avokado’s sal onder die handelsnaam Makgoba Afrika bemark word, wat op sy beurt aan Makgoba Asset Management behoort, ’n onderneming waarin ZZ2 en die Makgoba-trust elkeen 49% van die aandele besit. Mnr. Tommie van Zyl, besturende direkteur van Bertie van Zyl Boerdery (Edms.) Bpk. (ZZ2), het aan Tzaneen se plaaslike koerant, Die Bulletin,…

SUID-AFRIKA se beesbedryf sal dringend moet werk maak van sy sertifisering oor malbeessiekte nadat Namibië invoer tydelik opgeskort het. Namibië het onlangs die eerste Afrikaland geword wat deur die internasionale dieregesondheidorganisasie (OIE) gesertifiseer is as ’n land met ’n weglaatbare risiko van malbeessiekte (BSE). Nou dring hy aan dat lande wat beeste vir teeldoeleindes daarheen wil uitvoer, ook BSEvry verklaar word. Invoer is op 7 Junie opgeskort en verlede Maandag heringestel. Hoewel malbeessiekte nog nie in SuidAfrika gediagnoseer is nie, sê mnr. Gerhard Schutte, bestuurder van die Rooivleisprodusenteorganisasie (RPO), die land moet nou aansoek doen om BSEvrye status. “Boere het tot nou toe goeie pryse op stoetveilings verdien waar Namibiese kopers kom koop. Ons gaan daardie buitelandse valuta verloor,” sê hy. Schutte sê teen die huidige wisselkoers kan beesuitvoer ook…

Die Suid-Afrikaanse veebedryf gaan sowat vier jaar nodig hê om te herstel van die droogte se uitwerking op weiding en veegetalle, maar kuddevermindering is op ’n einde, meen prof. Ferdi Meyer, direkteur van die Buro vir Voedsel- en Landboubeleid (BFAP). “Ek meen ons het dié draaipunt bereik en van nou af is dit ’n kwessie van hoe veeboere weer hul kuddegetalle sal vermeerder,” het hy gesê op die Noord-Kaapse RPO-kongres in Kimberley. Die getal vroulike diere in die Noord-Kaap het met ’n geraamde 20% afgeneem. Plaaslike boere word ook ingeperk deur die stygende voerkoste, in teenstelling met wêreldmarkte waar die voerkoste aansienlik afgeneem het en boere reeds met die heropbou van kuddes begin het. “Ons siklus is weens die droogte ’n bietjie agter. Ons sal na verwagting aanstaande jaar met…

HOENDER | SAPV vra hof om pekelperk te keer Die nuwe perk van 15% op die toevoeging van pekelwater tot hoenderstukke aan die been kan sommige pluimveeprodusente tot ’n val bring en die ondergang van die pluimveebedryf beteken. ’n Perk van 25% sou meer redelik wees. Só voer die SA Pluimveevereniging (SAPV) aan in sy aansoek in die Pretoriase hooggeregshof om ’n interdik teen die Departement van Landbou, Bosbou en Visserye se nuwe pekelregulasies in te stel. Die regulasies tree op 22 Oktober in werking. Die vereniging vra dat die regulasies, wat op 22 April vanjaar afgekondig is, hersien word. Mnr. Kevin Lovell, uitvoerende hoof van die SAPV, sê in hofstukke minstens 63% van alle pluimveeprodukte wat in Suid-Afrika verbruik word, kom van produsente van kitsbevrore hoenderstukke (in Engels bekend…

Vanwaar jou verbintenis met die landbou? Ek het naby Port St John’s in die Transkei grootgeword, ’n omgewing met kommunale boerderye. Almal het bestaansboerderye gehad. Selfs mense wat in die myne gewerk het, het hul geld gebruik om beeste te koop. Ons moes van kleins af beeste, skape en bokke oppas en het in die veld grootgeword. My liefde vir boerdery het 35 jaar gelede dáár begin en dit is hoekom ek later by Magaliesburg begin boer het. Ek het ’n verwaarloosde plaas aangeskaf en dit oor jare opgebou terwyl ek ook by Telkom gewerk het. My plaas is net groter as duisend hektaar. Ek plant mielies en boer ook met beeste en skape. My mentor was ’n wit boer, mnr. Piet Minnaar van Letsitele, en ek het baie van…

WES-KAAP Mnr. John Durr, voorsitter van die Wes-Kaapse RPO, het in sy voorsittersrede gesê die impak van die droogte in die Wes-Kaap se drie belangrikste produksiestreke is nie in dieselfde mate gevoel nie. Dit het egter wel ’n groot invloed op die bestuur van veeboerderye in dié gebiede en die veebedrywe in die Wes-Kaap as ’n geheel gehad. Die Overberg, wat vir ongeveer 50% van die veeproduksie in die Wes-Kaap verantwoordelik is, het weer ’n bogemiddelde produksietyd vir graangewasse én veeproduksie gehad. Die Swartland en die Weskus is deur klein graanoeste gekenmerk, wat ’n groot impak op die produksie van voergewasse en ruvoer gehad het. Dié twee streke is vir ongeveer 29% van die provinsie se veeproduksie verantwoordelik, asook vir die reproduksie van diere in daardie gebied. Die Sentraal-Karoo en…

Die Jouberts plant kanola hoofsaaklik om te oes, maar het in die verlede van hul kampe laat bewei. Mnr. Johannes Joubert vertel van die jaar toe hulle klein kampies kanola met ooie laat bewei het en steeds 1,4 t/ha geoes het. Hy meen egter 2012 was eerder ’n uitsondering as die reël, want hulle het baie goeie reën gehad nadat die kanola bewei is. “Ons het agt kampies van 4 ha elk agter my huis. Ons het hulle in Maart al beplant en in Mei het ek vier troppies van 300 ooie elk so oorkruis ingesit en hulle elke week tussen die kampies geskuif. Met die 1 200 ooie wat ons vir vier weke in die kampies geroteer het, is elke kampie vir ’n week straf gevreet, en dan laat…

PLAASINLIGTING LIGGING: 1. Johannesburg, Gautengen2.Ladysmith, KwaZulu-Natal KORTOM ■ Boere en landbou-ondernemings moet die reuse- informele mark ontgin. ■ Die bokbedryf is potensieel R3 miljard per jaar werd. Suid-Afrika moet jaarliks bokke teen ’n koste van R500 miljoen invoer. ■ Die bedryf is goed georganiseer. Daar ís winsgewende markte wat Suid-Afrikaanse boere en ondernemings kan ontgin, maar hulle sien dit eenvoudig nie raak nie. Só sê mnr. GG Alcock, uitvoerende hoof van Minanawe, ’n spesialis-bemarkingsmaatskappy wat op die informele mark en ekonomie fokus. Alcock werk reeds 20 jaar lank in hierdie sektor – en dit is waar hy tuis voel. Sy agtergrond is ook diep gewortel in die kulture van dié sektor (sien die KASSIE op bl. 44). Ondanks die probleme wat die formele ekonomie ervaar, glo GG dit is die…

Die invoer van grondstowwe veroorsaak dat melk se produksiekoste in Namibië hoër as in Suid-Afrika is, sê mnr. Hannes Kemp. Benewens grondstowwe vir veevoer word ander produksiemiddele, soos saad en kunsmis, ook ingevoer, grootliks vanaf Suid-Afrika. Besproeiingswater is duur (29 sent/m3) en dit kos sowat R4 350 per jaar om ’n hektaar lusern te besproei. Dit maak voer duur. Namibië is ’n droë land en het nie die geriewe, soos Suid-Afrika, om ruvoer maklik te verbou of in die hande te kry nie. Vervoer oor groot afstande maak alles baie duur. Daarom is hul produksiekoste hoog. “Ons moet dus goed bestuur om te midde van hierdie struikelblokke winsgewend te boer.” Die winsgewendheid van Namibiese melkboere kan verhoog as die plaaslike kettingwinkels se melkinvoer beperk word. Dan sal die plaaslike boere…

KALAHARI RED 1 Junior en grootkampioenram. Eienaar: Mnr. Gallie Brits (regs, sel 082 418 7271), M.H. Brits-boerdery, Vryburg. Hanteerder: Mnr. Boesman Horing. 2 Senior en grootkampioen-ooi. Eienaar en vertoner: Mev. Elrizé van der Merwe (sel 083 494 7354), Bosveld-boerdery, Lichtenburg. 3 Reserwe junior en reserwegrootkampioen-ram. Eienaar: Mnr. Gallie Brits (regs, M.H. Brits-boerdery, Vryburg. Hanteerder: Mnr. Boesman Horing. 4 Junior en reserwegrootkampioen-ooi. Eienaar en vertoner: Mev. Elrizé van der Merwe, Bosveld-boerdery, Lichtenburg. SA BOERBOK 5 Senior en grootkampioenram, opperste kampioen-kleinveeram en opperste kampioen-kleinveedier op die skou. Eienaar: Mnr. Fanus Hanekom (sel 079 192 2822), Al2 Hanekom-stoetery, Kuruman. Hanteerders: Mnre. Joseph Kana (links) en Richard Dikolelo. 6 Senior en grootkampioen-ooi. Eienaar: Mnr. Fanus Hanekom, Al2 Hanekom-stoetery, Kuruman. Hanteerders: Mnre. Richard Dikolelo (links) en Joseph Kana. 7 Reserwe senior en reserwegrootkampioen-ram. Eienaar: Mnr.…

Waar het jy aan die idee gekom? My man bak suurlemoen-meringues vir tuisnywerhede. Ek wou die kondensmelkblikkies wat hy weggooi, red – min wetend dat ek binne weke verwoed blikkies by baksters en eetplekke sou insamel. As grafiese kunstenaar het ek soms vir kliënte blikkies met papier oorgetrek, en die volgende stap was om ’n viniel-plakker te maak. Dit werk goed vir vetplantjies en kruie wat buite staan. Die blikkie roes, maar die viniel bly staan. Waar kom jou inspirasie vandaan? Kliënte kom dikwels met hul eie idees, en ek is dol daaroor om hul versoeke lewe te gee. Vir my bly ontwerpe vir babatees en troues die lekkerste. Ek moet bieg, ek het al idees ge-Pinterest tot ek blou in die gesig is. Hoe baat jou onderneming die gemeenskap?…

Navorsers glo die trekboere, wat tussen 1825 en 1875 die binneland begin deurkruis het, het daardie jare die Hantam-Karoo se korbeelhuise gebou. Volgens die Verklarende Handwoordeboek van die Afrikaanse Taal word korbeelhuise gebou deur elke volgende laag stene of klippe effens meer na die binnekant te laat uitsteek. Die huisies het meestal sirkelvormige mure, wat tot op ongeveer twee meter vertikaal gebou is. Daarna buig dit met verdrag na binne tot dit by die bopunt van die huisie byeenkom. Die opening bo-op die koepel word met ’n groot plat klip bedek. Sommige korbeelhuise was wel reghoekig en ander vierkantig. SLIM ONTWERP Die stene wat effe na binne uitsteek, is gedurende die bouproses as klimplek na hoër bouwerk gebruik, ook wanneer die dakklip tydens mooiweersdae afgehaal is om vars lug in…

DWARS 1. Hoofstad Kuba (6) 4. Gehegtheid (6) 8. Draad van hout (5) 9. Gebied (4) 10. Suid-Europese struik (8) 13. Draadloos (5) 15. Onbeperkte mag (5) 18. Fuifparty (8) 19. Uitgestorwe voël (4) 22. Kroon (5) 23. Manier van doen (6) 24. Beslis (6) AF 1. 1,167 morg (7) 2. Verskiet (5) 3. Lekkergoed (4) 5. Skim (7) 6. Baie groot (5) 7. Beeldraaisel (5) 11. Daklat (4) 12. Beesvleissnit (4) 14. Takbok (7) 16. Grillig (7) 17. Neutsoort (5) 18. Seun van Esau (5) 20. Skattig (5) 21. Lykkleed (4) OPLOSSING DWARS: 1. Havana; 4. Liefde; 8. Grein; 9. Area; 10. Kuisboom; 13. Radio; 15. Almag; 18. Jamboree; 19. Dodo; 22. Tiara; 23. Metode; 24. Beskik. AF: 1. Hektaar; 2. Verte; 3. Noga; 5. Fantoom; 6. Enorm; 7.…

’N TAMATIE-verwerkingsaanleg wat 15 000 ton tamaties per jaar kan verwerk, is op Modjadjiskloof naby Tzaneen bekend gestel. Die R100 miljoen-projek wat gesamentlik deur die voedselmaatskappy All Joy en Dursots van stapel gestuur is, is onlangs deur mnr. Rob Davies, die Minister van Handel en Nywerheid, geopen. Die aanleg sal teen die einde van vanjaar werk verskaf aan omtrent 300 mense van die Modjadjiskloof-omgewing en tamaties sal by 14 opkomende boere gekoop word. Davies sê die projek skakel goed in by sy departement se industriële beleidaksieplan wat daarop klem lê om werk te skep deur Suid-Afrika se verwerkingsvermoë van onder meer landbouen voedselprodukte uit te brei. Voedselverwerking het volgens Davies in 2014 R78 miljard rand tot die bruto binnelandse produk bygedra en aan 362 000 mense werk verskaf. Hy het…

DIE einde van die plaaslike aspersiebedryf is dalk baie naby. Volgens die grootste twee produsente is dit bykans onmoontlik om die produksiekoste van aspersies te verhaal met die inkomste wat verdien word. Die vorige seisoen het ’n swak oes gelewer weens die droogte. Volgens ’n boer wat anoniem wil bly, was die beste aanplantings se opbrengs skaars twee ton per hektaar. In Suid-Afrika kan ’n goeie aanplanting op droëland hoogstens vier ton per hektaar lewer – dan is die boer gelukkig as sy/hy 66% daarvan kan bemark. Volgens ’n ander boer, wat ook anoniem wil bly, kan die opbrengs per hektaar aansienlik verhoog word met besproeiing op die regte tyd van die jaar, maar arbeidskoste is steeds die doodsteek vir die bedryf. “In Peru kan aspersieboere tot 22 ton per…

DITgaangoedmetdieSuid-AfrikaanseMerinolandskaapras, tenspytevan’nafnameindiegetalstoettelersdieafgelopejare, ondermeerweensekonomiese redesenveeverliesweensveediefstalenskadelikedierewatdie landseskaapbevolkinggeknou het.Mnr.DirkduPlessisvandie plaasVerdeeld,Koppies,sêditis verblydenddatdiegetalstoettelersdieafgelopetydopmeer as30metsowat13000geregistreerdedieregestabiliseerhet, metselfs’neffensegroei. Diekuddeboerewatbydietelersgenootskapaskommersiële telersgeregistreeris,hetaansienliktoegeneem. AldiedierewatopdiegenootskapsebelangriksteveilingverledejaarinBloemfonteinaangebiedis, isverkoop.Diegemiddelde prysvanrammewasmeeras R9000stuk. DuPlessisserammeisopsy produksieveilingvroeërvanjaar teennetmeerasR6000stuk verkoop.Aldiekommersiëleooie vangenooideverkopersisookop dieveilingteengemiddeldR1800 stukverkoop. GroeitoetsproewewatDu Plessisseseun,Ben,opdieplaas doen,toondatdieramlammers ’nGDTvan420gramhandhaaf, metinagnemingvandiewisselendeseisoene.…

Ons het daardie oorwinning teen die Iere in die eerste toets bitter nodig gehad; net om weer ’n bietjie geloof in ons vermoëns as land te kry. Ons hét die spelers, maar dit was asof hulle nie eens by Nuweland uit die bus geklim het nie. Daar was ysters, soos Eben Etzebeth, wat die bal amateuragtig aangeslaan het, Duane Vermeulen, wat nie bal agter die skrum kon beheer nie, en Pat Lambie, plat op sy rug ná net 20 minute. Dit is maar aan die jong bloedjies, soos Faf de Klerk, oorgelaat om vir Suid-Afrika se reputasie te speel. Teen die tyd dat u dié rubriek lees, sal ons weet of Allister Coetzee ’n haas uit die hoed kon pluk om Suid-Afrika se nasionale trots in die tweede toets te…

MNR. HANDRÉ SCHOEMAN van die plaas Kerrera buite Ida in die Oos-Kaap verwag ’n hoër mielie-oes as verlede jaar, selfs al het hy lank verby die aanbevole sperdatum geplant. Hy het geleer dat minimumbewerking koning in ’n droogte is. Lees die artikel op bl. 34. VERTEL ONS VAN JOU GESIN. Ek is in 2009 met Sherene getroud en ons het twee kinders, Juan (5) en Inge (3). WAAR HET JY GESTUDEER? Ek het in 1999 matriek aan die Hoër Landbouskool Oakdale voltooi en is toe na Stellenbosch waar ek die graad B.Com. (Rek.) en in 2003 ’n honneursgraad in bestuursrekenkunde verwerf het. In die Desember-vakansies het ek in Engeland op ’n kalkoenplaas gaan werk om vir my studiegeld en koshuisverblyf te betaal. EN NÁ JY JOU GRAAD GEKRY HET? Toe…

DIE droogte het nuwe momentum gebring aan pogings om oplossings vir duur multirisiko-oesversekering te vind. Mnr. Dawie Buys, tegniese raadgewer van die Suid-Afrikaanse Vereniging van Versekeraars (SAIA), sê goeie vordering is die afgelope jaar en veral die afgelope tyd gemaak in gesprekke tussen die bedryf, die Land Bank, die nasionale Tesourie en die Departement van Landbou, Bosbou en Visserye. ’n Vennootskap tussen die openbare en private sektor word in die vooruitsig gestel en verskillende modelle word ondersoek waardeur die Regering betrokke kan raak by ’n produk vir veelvuldige oesversekering. “Dit is duidelik die Regering is ernstig oor die kwessie.” Sowat drie jaar gelede het die twee staatsdepartemente ’n konsultant opdrag gegee om ’n verslag met voorstelle op te stel. Die SAIA was een van die partye wat in November 2014…

Meer as 1,3 miljoen ha landbougrond, met 5 400 titelaktes, kan in die Noord-Vrystaat en ’n aanliggende deel van Noordwes in die gedrang wees nadat energiemaatskappye reeds meer as een aansoek om eksplorasieregte vir aardgas ingedien het. Bekommerde boere het pas ’n forum gestig in ’n poging om hul belange te beskerm en die moontlike bedreiging van hidrobreking in dié hoëproduksie-somersaaigebied af te weer. Die eerste aansoek was deur Rhino Oil and Gas. ’n Tweede aansoek, deur Motuoane Energy, se kaart sluit glo netjies by dié eerste aansoek aan en omvat ’n gebied suid van Kroonstad, met plase buite Hennenman, Ventersburg en Theunissen. Die landboumaatskappy VKB het op sy beurt die omgewingskonsultant Enviro Works van me. Elbi Bredenkamp aangestel om te verseker dat die eksplorasie-aansoeke aan ál die wetlike vereistes…

NOORD-KAAPSE veeboere is bitter ontevrede oor prysstygings en voorraadtekorte van Onderstepoort Biologiese Produkte (OBP) se entstowwe. RPO-lede het op die organisasie se Noord-Kaapse vergadering gesê hulle beoog ’n beswaarskrif aan die OBP se raad en dr. Steven Cornelius, uitvoerende hoof. Hulle wil Cornelius ook vir samesprekings nooi om skakeling met die OBP te verbeter. Mnr. James Faber, voorsitter van die Noord-Kaapse RPO, sê die gesondheidstatus van die land se veestapel is in die gedrang as ’n siekte, soos slenkdalkoors, uitbreek en produsente onverhoeds sonder die nodige entstof betrap. Die OBP het vroeër vanjaar aangekondig hy wil regstreeks met die farmaseutiese bedryf meeding. Hy het sy verspreidingsvennootskap met Bayer beëindig en sy produkte self na koöperasies en veeartse begin versprei. Dr. Koos Louw, voorsitter van die Noord-Kaapse Dieregesondheidsforum, sê leë beloftes…

Skaapvleis beklee vandag reeds ’n nismarkposisie by die verbruiker. Beesvleis moet ook duurder word sodat dit ’n soortgelyke posisie onder verbruikers geniet, het dr. Pieter Prinsloo, ondervoorsitter van die nasionale RPO, op die organisasie se jaarvergadering gesê. “Wynproe is ’n algemene praktyk onder verbruikers, maar vleisproe moet ook uitgebou word tot ’n eksotiese praktyk soos wat wynboere met hul produk gedoen het. Wonderlike smake en woorde vir vleis is beskikbaar. Dit moet net in die praktyk toegepas word,” het hy gesê. ’n Spesiale komitee is reeds saamgestel om na die Australiese vleisstandaarde te kyk. Die Suid-Afrikaanse stelsel wat gebruik word, “praat glad nie met die verbruiker nie”. Die Australiërs het deur hul stelsel ’n gehalteversekering aan hul beesvleis gekoppel “en dit is die pad wat ons in Suid-Afrika ook behoort…

DAAR is ’n jagmark vir kleurvariante, sê die megawildboer mnr. Piet du Toit. Hy was die spreker op die onlangse veiling van die Bloodline-groep op Bela-Bela. Volgens hom is daar tans baie vrae in die wildbedryf en almal is op soek na antwoorde. Du Toit sê sommige telers het in die afgelope tyd ernstig gekyk na maniere om waarde in sekere wildsoorte te ontsluit. “Ons weet ons kan nie net aanhou teel met ’n kleur nie, ons moet iewers ’n jagmark kry.” Hy sê die mark is oor die laaste paar weke getoets en vier swart rooibokramme is teen $6 000 (amper R92 000) en $8 000 (sowat R120 000) gejag. “Daar is dus ’n onderliggende jagmark. Gaan weeg dit op teen bees- en skaappryse. Dan sien ’n mens dat…

DIE politieke kartetse vlieg oor vastelande en tussen drukgroepe nadat ’n voorstel dat verkope van die onkruiddoder glifosaat in die Europese Unie (EU) tydelik voortgesit mag word, amptelik van die hand gewys is. Drie EU-lidlande met van die meeste inwoners – Frankryk, Duitsland en Italië – wat minstens 65% van die unie se burgers verteenwoordig, het buite stemming gebly, wat meegebring het dat die nodige meerderheidsteun vir die voorstel nie verkry kon word nie. Die lisensie vir die verkoop van glifosaat in die EU verstryk einde vandeesmaand. Die hernuwing van die lisensie vir die volgende 15 jaar het die afgelope maande wye teenstand vanaf verskeie drukgroepe en aktiviste ontlok. Hulle vrees onder meer dat die middel kankerwekkend is. Die Europese Kommissie, die EU se uitvoerende arm, het intussen voorgestel dat…

Prof. Mohammad Karaan, dekaan van die fakulteit landbouwetenskappe aan die Universiteit van Stellenbosch, is opgewonde dat daar ’n landboumens aangestel is wat boer en ’n kenner van die georganiseerde landbou is. “Ek dink sy groot probleem gaan wees om die departement in ’n effektiewe instelling te omskep, die kollektiewe belang van die landbou te bevorder, en om op te tree in die belang van alle belanghebbendes, nie net enkeles s’n nie. “Die landbou is te lank deur produsentekwessies gedomineer. Ek dink die breë kwessies van waardetoevoeging, die omgewing, humanitêre sake, biosekuriteit, internasionale handel en voedselsekerheid moet groter belang geniet.” Hy hoop Mlengana sal ’n bydrae lewer tot ’n verenigde georganiseerde landbou. Mnr. Johannes Möller, voorsitter van Agri SA, sê die organisasie verwelkom Mlengana se aanstelling, ofskoon hulle ook met die…

Daar is tans talle gesprekke oor die rooivleisbedryf se vooruitsigte vir die volgende paar jaar. Danksy die bietjie laat reën in sommige weidingsgebiede voor die winter meen party mense daar is genoeg weiding om veeboere deur die winter te help tot die volgende groeityd. Dit is ’n fout; die probleme kom nog. Dan is daar mense wat nie besef nie dat Suid-Afrikaners tot in Junie/Julie volgende jaar sal moet wag voor mieliepryse met die volgende oes kan daal. Daar sal dan eers weer ’n kans wees om diere winsgewend te kan voer. Party mense praat van groot prysstygings, ongeag die huidige stand van die ekonomie, met verbruikers se beursies wat ál dunner raak. As ’n mens sinvol oor die vooruitsigte wil praat, moet jy eers na die groter prentjie kyk.…

Boere in die Amerikaanse deelstaat Maine beskou ’n erfenis-varkras met wol en 65% tot 70% vet in sy vleis as ’n ideale landbou-geleentheid. Die Mangalitsa, wat elders ook Mangalica genoem word, is in die 1830’s deur die Hongaarse aartsbiskop Josef geteel toe daar ’n groot vraag na dié varke was omdat varkvet die voorkeur-vet vir kook en bak was. Die diere is met ’n dik laag blonde, krullerige wol bedek, soortgelyk aan dié op skape, wat hulle teen Maine se winterkoue beskerm. Daarby is die Mangalitsa een van die vetste varkrasse ter wêreld, en die diere lewer vleis met gemiddeld 65% tot 70% vet van hul liggaamsgewig, berig die Mainegemeenskapskoerant Bangor Daily News. Die Mangalitsa het byna uitgesterf nadat die Oostenryk-Hongaarse keiserryk ná die Eerste Wêreldoorlog ineengestort het, en goedkoper…

PLAASINLIGTING LIGGING: Ida, Oos-Kaap NAAM: Kerrera GROOTTE: 1243ha (360hadroëlande,90ha onderspilpuntbesproeiingen 200hahuurgrond) VERTAKKINGS: Mielies,sojaengroenvoer,Dohne-Merino-ooieenSimmentaler-Herefordkruisings DRAKRAG: 3ha/GVE REËNVAL: 700-750mm/jaar HOOGTE BO SEEVLAK:1340m GRONDTIPE: Kleileem(15%klei) KORTOM ■ Danksy die waagmoed van ’n Noordoos-Kaapse boer wat lank ná die aanbevole sperdatum geplant het, lyk sy mielieen garsopbrengs selfs beter as in die voorafgaande jaar. ■ Die goeie opbrengs wat hy behaal het, is volgens hom ’n bewys daarvan dat minimumbewerking die beste bewerkingspraktyk in die droogte is. ■ Beter waterbestuur is hoog op sy agenda en hy beoog ’n paar damme vir spilpuntbesproeiing. Met die grootste deel van Suid-Afrika in die wurggreep van die droogte het Landbouweekblad in Desember verlede jaar ’n besoek aan die Noordoos-Kaap gebring om te kyk hoe boere geraak word. Tydens dié besoek is mnr. Handré Schoeman (34) van Kerrera…

PLAASINLIGTING LIGGING: Riversdal, Wes-Kaap PLAAS- OF BOERDERYNAAM: JoubertKweekkraal-boerderyBK PLAASGROOTTE: 3026ha BESTUURSVORM: Beslotekorporasie VERTAKKINGS: Koring,gars,kanola,hawer,lusern virweiding,’nMerinostoeteryenkommersiële Merinokudde REËNVAL: 450mmperjaar,waarvandiehelfteindie somervalendieresindiewinter KORTOM ■ Kanola was eers net ’n wapen teen onkruid en siekte-oordrag vir die Suid-Kaapse wenners van die Proteïennavorsingstigting se kanolaopbrengskompetisie, maar nou is dit ’n volwaardige kontantgewas. ■ Plaagbestryding by kanola is doeltreffend wanneer dit voorkomend gedoen word. ■ Navorsing oor die bestryding van siektes en doeltreffende oespraktyke is nodig om die bedryf te verbeter. Kanola se mededingendheid het die afgelope twee jaar ietwat gedaal teenoor koring en gars, maar die broers mnre. Johannes en Geoffrey Joubert van Kweekkraal-boerdery, Riversdal, sê dit bly ’n onmisbare kontantgewas in hul gediversifiseerde boerdery. Skape bly ewe belangrik in hul boerdery. Joubert Kweekkraal-boerdery BK was immers in 2008 die Nasionale Skaapboer van die Jaar.…

Mnr. GG Alcock is ’n fassinerende mengsel van Suid-Afrikaanse kulture. Hy het as ’n tradisionele Zoeloe-seun saam met sy broer, Khonya, in ’n landelike deel van KwaZulu-Natal grootgeword. Sy ouers, Neil en Creina Alcock, was filantrope en melkboere wat ’n gerieflike lewe vaarwel geroep het om na die Msinga-vallei te verhuis. Hulle het tussen die Mchunu- en Mthembu-mense gewoon en gewerk, en hulle beywer vir die regte van mense wat deur die apartheidsregering se gedwonge verskuiwings geraak is. Die Alcock-gesin het in ’n modderhut sonder elektrisiteit gewoon. Creina het vir GG en Khonya tuis onder ’n akasiaboom onderrig terwyl hulle in die laerskool was. Toe hulle hoërskool toe moes gaan, het die Departement van Onderwys hulle gedwing om na ’n “regte” skool te gaan. Neil is in ’n taxi-aanval vermoor…

DIEREGESONDHEID MARIJKE HENTON E. COLI BY DIERE Ek boer in Parys in die Vrystaat. Met my laaste sewe groepe lammers het ek ernstige probleme met E. coli by hulle ondervind. Ek het al my krale ontsmet en amper alle soorte medisyne gebruik. Is daar niks op die mark wat dié kiem kan doodmaak nie? Ek het onlangs van die lammers Onderstepoort toe gevat en wag nog op die uitslae. Escherichia coli is ’n bakterium wat algemeen voorkom. Wanneer ’n mens van E. coli praat, dui dit eintlik op ’n groot groep verskillende E. coli- stamme (biotipes of serotipes). Daar is letterlik duisende verskillende stamme. E. coli kom in alle diere se dermkanaal voor. Dit kom ook in water en die omgewing voor, veral waar daar mis is, soos in krale.…

Tuna-enaspersiepasta Dat ’n ete wat jy met twee blikkies kos maak, nou so lekker is! ■ Halwe pak (250 g) pasta ■ 125 g kersietamaties ■ 1 wiel fetakaas, gekrummel Tuna-en-aspersiesous ■ 2 middelslag-uie, fyn gekap ■ 2 knoffelhuisies, fyn gekap ■ 45 ml olyfolie of botter ■ 1 blik (170 g) tuna, goed gedreineer ■ 30 ml koekmeel ■ 1 blik (430 g) aspersiestukkies ■ 180 ml melk ■ Sout en vars gemaalde swartpeper Voorverhit die oond tot 200 °C. Kook die pasta in ’n pot vinnig kokende soutwater tot gaar, maar steeds ferm. Halveer die kersietamaties en meng dit met die gekrummelde fetakaas. Hou eenkant. Terwyl die pasta kook, braai die uie en knoffel in die olyfolie of botter tot sag. Voeg die tuna by en braai vir…

Vir oulaas staan hy op die koppie bokant die opstal en skreef sy oë teen die laatmiddagson. Hy teug die reuk van stof en veld diep in sy longe, voel hoe die bekendheid daarvan iets diep binne hom laat roer – soos elke dag gedurende die afgelope 31 jaar. Die liefde vir dié grond, die plaas, die koppies en klippe is deel van hom, soos die DNS wat sy ysblou oë en die vaalblond van sy hare bepaal het. Hy sug en kyk vir oulaas verby die sementdam met die windpomp wat vier geslagte al water pomp vir Swaarverdiend se diere, verby die lande met gewasse wat hy nie dié jaar sal oes nie. Uiteindelik dring Jakkals, die Jack Russell, se blaf- en huilgeluidjies tot hom deur. “Jakkals, kom hier,…

Kola,” sê oom Martiens terwyl hy die blikbeker na my toe uithou, “het ek jou al vertel wat ’n ongepoetste klein verderf van ’n dier ’n ratel is?” “Nee, Oom. Daai storie ken ek nie.” So por ek aan terwyl ek oorleun en die blikbeker se boom met ’n goeie knerts lawaaiwater toemaak. Ek weet mos oom Martiens se gesels vat eers lekker galop as sy keel effe warm gemaak is. “Jong, dourie jare voor ek en jou pa oppie paaie gewerk het, was ek mos vee-inspekteur ok. Lekker rondgery so tussen die plase en die manne se vee opge-check. “Nouja, een môre ry ek doer van Uhlenhorst se kant af, Dordabis toe, en net daar waar die Tierpoort is, so neffens die afdraai na Rehoboth toe, sien ek skielik…

In buitengewoon strawwe droogtetoestande kan skape net kragvoer kry om sonder ruvoer te oorleef. Mielies is die beste energiebron om in droogtetoestande te voer. Hoewel dit duur is, is die koste per eenheid energie in die meeste gevalle laer as ander voerbronne. Die grootste risiko met mielievoeding is suurpens. Dit is gevolglik noodsaaklik om mielies met ’n konsentraat te meng wat die nodige buffers, proteïene, minerale en spoorminerale bevat. Meng 800 kg mieliemeel met 200 kg Voermol SS200 (V8592). Wanneer heel mielies gevoer word, meng 200 kg mielies met een kannetjie (25 kg) Voermol Korn Kandy (V1551) en 3 kg gebluste kalk. Wanneer hamels of ramme vir tydperke van vier weke en langer gevoer word, meng 2,5 kg ammoniumchloried by die Korn Kandy-mengsel. Die hoeveelheid proteïen en gehalte van die…

OP 26 Mei vanjaar het Wesgro, voorheen die Wes-Vrystaat Aartappelmoerkwekers, sy nuwe handelsmerk vir tafel-aartappels op die RSA Markagente se vloer op Johannesburgse varsproduk-temark begin. In hierdie strategiese vennootskap gaan Wesgro met vyf verskillende verpakkings, naamlik ’n 1 kg, 2 kg, 4 kg, 7 kg en 10 kg verpakking, hoofsaaklik sy aandag op die informele mark deur spaza-winkels, smouse en onafhanklike verkopers vestig. Volgens mnr. Gerhard Posthumus, die besturende direkteur van Wesgro, het hulle navorsing getoon dat tot 70% van hul toekomstige verkope in die informele segment van die mark sal plaasvind. “In hierdie lig is RSA Markagente ’n goeie vennoot, aangesien hy dieselfde aptyt het vir uitbreiding en ontwikkeling van markte in die ganse Afrika as Wesgro,” verduidelik Posthumus. Volgens mnr. Jaco Oosthuizen, besturende direkteur van die RSA Markagente-groep,…

MET oestyd in volle swang het die weer opsy geskuif as hoofdrywer van prysbewegings op die SuidAfrikaanse mieliemark. Die wisselvallige rand en die Amerikaanse Chicagobeurs voer nou weer die botoon. ’n Ietwat sterker rand teenoor die Amerikaanse dollar het plaaslike mieliepryse die laaste ruk onder druk geplaas. In Amerika het sy departement van landbou die aanvanklike droogtevrese daar besweer, wat op sy beurt die Chicagopryse onder druk geplaas het. Amerikaanse boere se mielieaanplantings is deur droër weer aangehelp en basies afgehandel, met ’n driekwart in goeie tot uitstekende toestand, sê Graan SA in sy daaglikse markverslag. Mieliepryse op Safex handhaaf steeds rekordvlakke vanweë die droogte, laat aanplantings en laat ryp in talle gebiede. Teen middel verlede week het die prys van wit mielies vir lewering in Julie bokant R4 900/ton…

HOEWEL die situasie nog kan verander, verwag mnr. Dawie Maree, hoof van landbouinligting en bemarking by FNB, dat die pryse van petrol én van diesel begin Julie weer sal styg. “Indien daar nie noemenswaardige verandering in die olieprys en die wisselkoers is nie, kan die prys van petrol met ongeveer 35 c/liter toeneem en die prys van diesel met tot soveel as 70c/liter,” het hy gesê op grond van inligting wat teen middel Junie beskikbaar was. “Na my mening sal dié prysverhogings, indien dit wel realiseer, nog verdere druk op die reeds vuisvoos verbruiker – en nog méér so op die platsak-produsent – plaas. Die rimpeleffek van die hoër brandstofpryse is natuurlik nie goed vir inflasie en op die ou end vir die totale ekonomie nie.” Vir ’n verbruiker is…

GAUTENG CARLETONVILLE ELANDSFONTEIN (346) 348 ha, aan Wagterskop Development (Edms.) Bpk., van R.V. von Abo en W.P. Venter, R3 500 000. HARTSENBERGFONTEIN (332) 12 ha, aan K. & K. Edwards-familietrust, van K. Edwards, R1 320 000. OUDEDORP (376) 291 ha, aan Towdah-boerdery (Edms.) Bpk., van Boldprops 81 (Edms.) Bpk., R9 690 000. WELVERDIEND (97) 60 ha, aan H.J. Jansen van Rensburg, van M.M.M. Buyskes en P.L.Y. Buyskes, R3 135 000. NIGEL DWARSFONTEIN (209) 25 ha, aan Jerrie & Johan BK, van D.J.C. Smith en S.R. Smith, R800 000. LANGKUIL (363) 40 ha, aan F.J. Cronje en M.C.M. Cronje, van S.A. de Koker en W.C. de Koker, R575 000. NOOITGEDACHT (176) 10 498 ha, aan D.S. Madondo, van D.M.C. Calligaro en I.G.V. Calligaro, R550 000. UITVLUGT (434) 13 ha, aan Warn…

BOEREDAE 2 JULIE: Inligtingsdag:Vleisbeeskuddeseleksie. FoxintheHills (tussenParysenPotchefstroom). JeanvanderMerwe,sel082719 7521. E-pos:jean@blackhills.co.za. Web:www.blackhills.co.za. 27 JULIE: Dr.JasperCoetzee: Nuwebeginselsinpresisie-skaapboerdery. Noord-VrystaatSAVM, RooiSkool,Kroonstad.NelinePienaar, sel0824404492. E-pos: Bennieneline@eleo.co.za.Ofsel 0832792375,sel 082 440 4492. KURSUSSE 20-22 JUNIE: KI. Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985 . Web: www.rltsafrica.com. 23 JUNIE: Fynproewer-sampioenverbouing, entrepreneursvlak. Oos-Londen.(Alternatiewelik viarekenaargesteundeonderrig.) Dr.AdriaanSmit,sel0827498553. 23 JUNIE: Dragtigheidswaarneming, beeste.Krugersdorp.DiRothman, sel0827721208,Andy,sel 0827700480,Lilly,sel078546 7985. Web:www.rltsafrica.com. 23-24 JUNIE:Kommersiële fynproewer-sampioenverbouing. Oos-Londen.(Alternatiewelikvia rekenaargesteundeonderrig.)Dr. AdriaanSmit,sel0827498553. E-pos:restaurant@delheim.com. 24 JUNIE: Kalfgrootmaak. Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985. Web: www.rltsafrica.com. 4-6 JULIE: KI, skape en bokke, Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985. Web: www.rltsafrica.com. 4-8 JULIE: Byeboerdery-winterskool. NGK Bergsig, Durbanville. Robert Post, tel. 021 971 1022. E-pos: crpost@telkomsa.net.…

JUNIE PARYS 27 Junie–2 Julie, (Nasionaal: SA Boerperd) Afridome, Parys. Petro Grové, sel 082 551 3221; Caroll-Ann Mienie, sel 079 477 4416. Web: www.afridome.co.za JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein. Web: www.afridome.co.za. 15-17, Boran. Caroll-Ann Mienie, sel 079 477 4416, Afridome-skouterrein, web: www.afridome.co.za. AUGUSTUS PRETORIA 5–9, (Streek, Gauteng: SA Boerperd) Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaequestraincentre@gmail.com. PRETORIA 24-28, Jakarandaskou, Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou, Pienaardam, Middelburg. Karkaskompetisie, bulveiling, beesskou, perdespringkompetisie en vele meer. Catrien, sel 079 882 5207. E-pos: accom3@pienaardamresort.co.za.…