Innholdsfortegnelse for 6-May-16 i Landbouweekblad

‘Ons kan dit nie bekostig nie.’ Limpopo se departement vir ekonomiese ontwikkeling, omgewing en toerisme oor die feit dat ’n beoogde platinumen chroom-mynprojek in Limpopo 240 hektaar landbougrond steriel sou laat. Bl. 21 ‘Hoewel die veld nou mooi lyk, is daar nie genoeg kos vir die beeste om hulle deur die winter te dra nie.’ Mnr. Michris Janse van Rensburg, ’n boer van Bultfontein, oor die stand van natuurlike weiding ná die reën. Bl. 15 ‘Hulle het die mark vir hulself vir die volgende drie jaar. Hulle gaan die meeste daarvan maak.’ Mnr. Rubin Els van Thaba Tholo, oor die Regering se besluit om nie by Cites aansoek te doen om die wettiging van die internasionale handel in renosterhoring nie. Bl. 17 ‘Ons hou ’n braai om hierdie historiese geleentheid…

DA Me. Annette Steyn, die DA se skaduminister vir landbou: Die begrotingstoespraak was ’n duidelike teken dat boere nie vir die ANC-regering belangrik is nie. En as boere nie belangrik is nie, dan is voedselsekerheid ook nie belangrik nie. Dit is duidelik dat die landbou nie belangrik is nie, want die Departement van Landbou, Bosbou en Visserye én die Departement van Landelike Ontwikkeling en Grondhervorming se begroting is vir die tweede agtereenvolgende jaar besnoei. Die land sal die skok van hierdie dwase besluit nog jare lank moet dra. EFF Mnr. Nazier Paulsen, EFF-LP belas met landbousake: Die landbou in China dra 34% tot die totale werksmag van daardie land by, terwyl net 11,3% van sy grond bewerkbaar is. Slegs 9% van die grond in Brasilië is bewerkbaar, maar 15% van…

HANDEL tussen Suid-Afrika en Amerika beloop tans sowat $20 miljard (R300 miljard) per jaar en hy glo vas dit kan nog aansienlik uitgebrei word, sê mnr. Patrick Gaspard, ambassadeur van Amerika in Suid-Afrika. Gaspard het die suksesvolle onderhandelinge oor die Amerikaanse wet op groei en geleenthede in Afrika (Agoa) met ’n groot braai by sy ambassadeurswoning in Pretoria gevier. Agoa maak onder meer voorsiening daarvoor dat 65 000 ton Amerikaanse hoender jaarliks na Suid-Afrika ingevoer mag word. Sommige van hierdie hoender is vir die braai benut. “Deur Agoa is 80 000 werksgeleenthede in die landbousektor in Suid-Afrika geskep en ’n verdere 30 000 werksgeleenthede binne die res van die voorsieningsketting. “Ek is oortuig daarvan indien ons Agoa se tariefvoordele nóg meer gebruik, kan nóg meer werk geskep word.” Gaspard sê…

DIE sakeman mnr. Aliko Dangote wil die rysproduksie in Nigerië – die naasgrootste invoerder van dié graansoort ter wêreld – opjaag namate hy al hoe meer betrokke raak by die landbousektor. Dangote het sy geld gemaak deur sement, ’n produk wat Nigerië altyd moes invoer, plaaslik te vervaardig. Sy Dangote-groep wil nou dié “plaasvervangingsmodel vir invoer” op rys toepas met ’n belegging van $1 miljard (R15 miljard), berig die tydskrif Forbes. As deel van dié plan sal 150 000 ha in die staat Jigawa in kommersiële plaasgrond omskep word en verwerkingsaanlegte gebou word. Sy onderneming, Dangote Rice, het reeds behandelde saailinge aan 5 000 kleinboere oorhandig. Dangote Rice wil teen 2021 bykans 1 miljoen ton halfgaar witrys per jaar produseer, volgens die Daily Trust-koerant. In die 2014-’15-seisoen het Nigerië 2,6…

DuPont Pioneer het ’n finansieringsprogram van R10 miljoen van stapel gestuur om droëlandboere te help om weer op die been te kom ná die droogte. Die program behels dat boere in nood die volgende produksiejaar se saad op ’n uitgestelde betaalbasis kan koop. “DuPont Pioneer het hande gevat met koöperasies in die droëlandgebiede,” sê mnr. Prabdeep Bajwa, die maatskappy se streekdirekteur vir Afrika. “Boere kan saad deur die koöperasie aanskaf en die skuld eers ná 2017 se oes aan die koöperasie terugbetaal.” Mnr. Paul Schickler, voorsitter van DuPont Pioneer, het gesê sy maatskappy se konsep van “vroeë mielies vroeg” leen hom goed tot die verbouingstoestande wat nou heers, want dit reën nie net minder nie, maar plek-plek is die groeityd korter. As die boer dus so vroeg moontlik vinnige groeiers…

DANKSY ’n toelatingsooreenkoms tussen die Universiteit Stellenbosch (US) en die Ross-universiteit se Skool vir Veeartsenykundige Medisyne (RUSVM) in Basseterre op die Karibiese eiland St. Kitts is Onderstepoort nie meer die enigste opsie vir voornemende veeartse in Suid-Afrika nie. Kragtens dié ooreenkoms kan veekundestudente aan die US se fakulteit landbouwetenskappe toelating tot die RUSVM se veeartsenykursus verkry mits hulle aan spesifieke akademiese vereistes voldoen. Afgevaardigdes van die RUSVM het verskeie universiteite in Suid-Afrika besoek en toe op die US besluit. Studente wat vir toelating tot die veeartsenykursus aan die RUSVM in aanmerking kom, sal die aansoekgeld kwytgeskeld word, is verseker van onderhoude en kan vir internasionale finansiële ondersteuning in aanmerking kom. Om vir toelating in aanmerking te kom, moet Maties die voorgeskrewe program in die departement veekundige wetenskappe volg en ’n…

DIE wolbedryf moet op sy hoede bly om die toenemende bedreiging van die diereregteaktiviste die hoof te bied, het mnr. Peter Ackroyd, hoof van die Internasionale Woltekstielorganisasie, gewaarsku. Hy het verwys na die jongste veldtog teen wol deur die aktivistegroep People for the Ethical Treatment of Animals (Peta). Ackroyd het gesê sedert die wêreldwye finansiële krisis raak verbruikers al hoe meer bewus van die omgewing en hoe dit geraak word deur hul aankope. Dié bewustheid gaan in die toekoms net toeneem. “Die volhoubaarheid van wolproduksie en al die probleme wat daarmee gepaardgaan, is hier om te bly,” het Ackroyd gesê. Me. Bruna Angel, ’n senior ontleder by PCI Fibres (’n konsultasiefirma in die vesel- en tekstielmark), het gesê die druk wat die wolbedryf, veral Australië, oor Mule se operasie ervaar,…

N avorsers wat metaangasvlakke in die atmosfeer die afgelope 35 jaar ondersoek het, het ’n onrusbarende bevinding gemaak. Dit is dat die landbou, en nie fossielbrandstowwe nie, sedert 2007 die groot sondaar in die styging van dié vlakke is. Dít het weer die debat gestimuleer oor die moontlike impak wat chemiese onkruidbestrydingsmiddels het op grond-organismes wat onder meer metaan in landbougrond vaslê. Metaan is ’n kweekhuisgas en een van die belangrikste oorsake van klimaatsverandering. Die navorsingspan is deur dr. Hinrich Schaefer van Nieu-Seeland se nasionale instituut vir water- en atmosferiese navorsing (Niwa) gelei. Hul artikel met hierdie bevinding het pas in die gerespekteerde internasionale landvaktydskrif Science verskyn. Die hoeveelheid metaan in die aarde se atmosfeer het na raming sedert 1750 met sowat 150% toegeneem het. Niwa-wetenskaplikes het die eerste keer…

MNRE. PEET EN GERT JR. JANSE VAN RENSBURG WAT IS DIE GROOTSTE GELEENTHEID IN DIE SUID-AFRIKAANSE LANDBOU? Weens die swak rand is die grootste geleentheid die uitvoermark. Dit gaan almal nadelig raak, maar as Suid-Afrika tot rommelstatus verlaag word, gaan die geleentheid nog groter wees. EN DIE GROOTSTE BEDREIGING? Konvensionele boerderye wat funksioneer op die aanbevelings van kunsmis- en gifstofverteenwoordigers hou vir hulself ’n bedreiging in, en gaan nie meer lank winsgewend kan boer nie. Boere sal vir hulself moet begin dink en ophou kyk wat die buurman doen. Die Regering is ook ’n groot bedreiging. BY WATTER BESLUITE HET JULLE DIE MEESTE BAAT GEVIND? Ons pa het 20 jaar terug besluit om spilpunte te installeer en stelselmatig meer grond te koop. Dit het gelei tot groter produksie en minder…

SELEKTEER VELDBULLE SÓ OP SUURVELD Mnr. James Stephen het in ’n betreklik kort tyd nadat hy sy stoetery begin het sy eerste geregistreerde bulle verkoop – net drie jaar nadat hy op verwaarloosde plase begin boer het. “Ek verkoop tans sewe geregistreerde bulle per jaar en ook ’n paar kommersiële bulle. My jong bulle ondergaan vir ses maande ’n veldtoets, gemonitor deur dr. Hannes Dreyer van Veldbul SA. Hulle word vanaf tweejarige ouderdom in die kommersiële kudde ingespan en op drie jaar op Veldbul SA se veiling verkoop, wat elke jaar in Julie in die Oos-Vrystaat gehou word. Tans kry ek gemiddeld R22 000 tot R27 000 per bul en werk daaraan om my getalle danksy die aanvraag te verhoog. “In die verlede het ek net bulle van drie jaar…

RUVASA MONITEER VEESIEKTES Die voorkoms van veesiektes word deeglik deur die Herkouerveterinêre Vereniging van Suid-Afrika (RuVasa) gemoniteer. Dr. Faffa Malan, bestuurder van RuVasa, sê veeartse wat lid van die vereniging is, meld elke maand die siektes en voorkoms van byvoorbeeld parasiete in hul omgewings by hom aan. Dan kan hy aan die hand van elke distrik se geskiedenis en die voorkoms van siektes oor die hele land agterkom of ’n patroon van ’n sekere toestand of siekte ontstaan. Sodoende kan hulle die veeartse en boere betyds waarsku om voorkomend op te tree deur vee byvoorbeeld in te ent of te doseer.…

’n Piñata is ’n driedimensionele kartonfiguur (gewoonlik ’n donkie) wat met lekkergoed gevul en dan in ’n boom opgehang word sodat kinders hom op ’n partytjie met ’n stok kan bydam. Wanneer dit stukkend geslaan word, spat die lekkergoed tot almal se vermaak die grasperk vol – vir almal om te skep. Ek kon nie help om daaraan te dink toe ons die naweek Welkom toe ry en ek die verdroogde mielies, net kniehoog, sien nie. Dis hoe ’n boer moet voel as daardie mielies of sonneblomme, so vol belofte op die land, voor sy oë smekend verkrimp na niks. My ou vriendin Elsje, wat nou in die land van melk en heuning woon, het my destyds, toe ek nog ’n groentjie-boervrou was, geleer: “As die mielieblare eers soos maer…

JUDAS: DIE BROER VAN CHRISTUS DS. KOBUS VAN DER WESTHUYZEN Toe die juffrou haar klas vra om iets te skryf oor ’n man met die naam Judas het die jongklomp byna eenparig vertel van sy verraad teenoor die Heiland. In hul gedagtes leef daar net een Judas – die lelike een. Dit is ook nie net kinders wat so dink nie. Tydens my bediening was dit my voorreg om honderde kinders te doop en ek kan sonder twyfel sê ek nooit een met die naam Judas gedoop het nie. Mense skram weg van ’n naam wat feitlik sinoniem is met verraad. Dis nie net die naam wat ’n draer van slegte herinneringe is nie. Skade en skande hang nie in ’n vakuum van naamloosheid nie, maar word aan iemand gekoppel…

’N RESESSIE is inderdaad die Suid-Afrikaanse ekonomie se voorland, sê die landbou-ekonoom prof. Johan Willemse. Hy meen die komende gevolge van die rekord-droogte word nog hopeloos onderskat. “Ons is in die stilte voor die storm,” het hy op ’n vergadering van die Afrikaanse Handelsinstituut (AHI) in Bloemfontein gesê. Die syfers wys rampspoed is op pad, nie net vir die landbou nie, maar vir die hele Suid-Afrikaanse ekonomie, het hy gesê. Statistieke wys dat die res van Suid-Afrika se sake-ondernemings 1,7 keer groei vir elke R1 miljoen waarmee die landboubedryf groei. ’n Bykomende 4,5 werkgeleenthede word in die proses geskep. Dié groei is nou in trurat weens die droogte. “Ons gaan grootskaalse verliese aan werkgeleenthede hê. Dit is nie wat ek sê nie, maar wat die koue syfers wys.” Hy verwag…

PEKANBEDRYF BLY VOORTSTU DIE Suid-Afrikaanse pekanneutbedryf is in ’n opbloei-fase. Mnr. André Coetzee, voorsitter van die Suid-Afrikaanse Vereniging vir Pekanneutprodusente (Sappa), sê die volle impak van die heersende droogte op oeste sal eers later in die seisoen gesien word, maar die huidige neigings toon ’n besliste opswaai in nuwe aanplantings. “Gedurende 2010 is 199 000 nuwe pekanneutbome aangeplant. Dít het sedertdien gestyg met sowat 100 000 nuwe boompies wat tussen 2014 en verlede jaar aangeplant is,” sê hy. Produksie het ook in dié tydperk gestyg vanaf sowat 10 000 ton in 2014 tot amper 12 000 ton verlede jaar. Mnr. Heiko Meier, voormalige voorsitter van die organisasie, het gesê kopers in China was begin verlede jaar traag om kontrakte te onderteken, maar pekanneutpryse was teen die einde van die seisoen…

DieSuid-Afrikaansevleisbokbedryfsegewildheidblygroei, met uitstekendeprysewattotdusver opveilingsvirooieenrammebetaalis. Me.MichelleKruger,rasdirekteurvandieSABoerboktelersgenootskap, sêdieprysevan Boerbokkeopveilingsvanjaaris stabiel,met’ngoeievraag.“Die bedryfhet’ngevestigdemark,” sêsy.Watprysebetref,sêsydit wisselvanveilingtotveiling. “Op’nproduksieveilingvan’n bekendestoeteryhetprysegemiddeldR10 250stukvirooiebeloop, terwyl’nooimetlamsaam R13 250behaalhet.Dieramme isteengemiddeldR14 250stuk verkoop,”sêsy. Krugersêdatvanjaarseprysebaiegoedmetverledejaarse prysevergelykendatuitstekendeprysetotdusveropveilings verkryis. Volgenshaarisdieredevirdie hoëprysevirgoeieproduksiediere’npuikaanbodvangehaltediere, asookgoeiebemarking. “’nNuwerekordisookvanjaar opgestelopdieNicoBothaBoerbok-stoeteryseproduksieveiling toe’nooimetvierlammersteen R84 000verkoopis,”sêsy. KrugerhetBothaenmnr.LukasBurger, nóg’nbekendeteler, uitgesonderastelerswatvanjaar besondersuksesvolleproduksieveilingsaangebiedhet.…

Babcock, die eksklusiewe verspreider in Suider-Afrika van SDLG-masjinerie, is vanjaar weer as uitstaller op die Nampo-Oesdag by standplaas 246 te sien. Die SDLG-reeks is ideaal vir eenvoudige, robuuste toerusting wat bekostigbaar en doeltreffend is. Hierdie masjiene word in China vervaardig, maar voldoen aan die streng vereistes ten opsigte van gehalte en veiligheid wat Babcock stel. Die SDLG-masjinerie is geskik vir operateurs met basiese vaardighede en dit bied eenvoudiger onderhoud en herstelwerk. BETROUBAARHEID Wat bekostigbare veelsydigheid betref, is die reeks SDLG-masjinerie die antwoord. Babcock se SDLG-reeks sluit in laaigrawe, padskrapers en TLB’s. SDLG-masjiene het brandstofdoeltreffende Cummins- of Deutz-dieselenjins en bied stil, ergonomies ontwerpte kajuite met lugversorging as standaard, asook ROPS/FOPS-sertifikasie, wat aan internasionale veiligheidstandaarde voldoen. Die masjiene is eenvoudige, harde werkers wat doeltreffendheid en veiligheid goed kombineer. “Die SDLG-reeks is ideaal…

1/3 ’n Derde van alle straatverkopers van vars vrugte en groente in Limpopo en Gauteng het luidens ’n opname van die staat hul ondernemings gesluit weens die droogte. Die oorblywende verkopers se inkomste het met 20% gedaal. Hulle het aangedui hulle sou op ’n ander manier ’n lewe probeer maak as hulle kon maar dit is nie tans moontlik nie. Volgens Statistiek SA dra klein ondernemings by tot 36% van handel in Suid-Afrika. — Freshplaza R183 miljoen Dít is die inkomste van tafeldruifondernemings in swart besit vir die 2014-’15-boekjaar. Daar is altesaam 660 swart begunstigdes van 32 boerderyondernemings landwyd. Die bedryf het 11 000 heeltydse en 42 000 seisoenale werkers in diens. Nagenoeg R950 miljoen se lone word jaarliks betaal en nóg R600 miljoen se lone word verder af in…

Plaaskoop is ’n duister besigheid. Die beskikbare grond in ’n distrik waarvan almal weet is gewoonlik met rede al ’n tyd lank op die mark. Dis gewoonlik verwaarloosde huurgrond waarvan heinings vervang en paaie geskraap moet word. Goeie landbougrond word oral fyn dopgehou, en in enige distrik verkoop bure eerder aan bure voor hulle grond aan ’n “inkommer” afstaan. Om ’n bietjie beter te verstaan wat in die grondmark aangaan, het ons toe ’n gesoute landbou-ekonoom, mnr. Johann Bornman van die landboudienstefirma ADS, gevra om ’n oog te gooi oor die afgelope 15 maande se titelakte-verhandelings. Dit blyk toe dat omtrent 27% van alle grondaankope minder as 50 ha is. Die gemiddelde prys per hektaar is ook aansienlik hoër as die distriksgemiddelde en as wat groter plase behaal. Bure soek…

Altesaam 60 tradisionele leiers van Mpumalanga sal vanjaar ’n trekker present kry. Dít was die versekering wat mnr. David Mabuza, die premier van die provinsie, leiers gegee het ná ’n vergadering by sy kantoor in Mbombela (Nelspruit). As “rolmodelle vir die gemeenskap” voel die leiers dat hulle elk ’n trekker moet ontvang om grond te kan bewerk. Die leiers meen egter die trekkers behoort aan die Regering en die gemeenskappe en hou nie vir hulself voordele in nie. BRAKANJAN skryf: En só word stemme gekoop vir die volgende verkiesing. Gaan die hoofmanne en hul mense ooit die trekkers ordentlik gebruik? Ek onthou nog die berig ’n jaar of twee gelede van trekkers wat iewers in ’n skuur staan en oproes. BOER skryf: “Rolmodelle” of stemwerwery, die hele storie het ’n…

Die Amerikaanse pluimveebedryf het ná ’n afwesigheid van 17 jaar weer toegang tot die Suid-Afrikaanse mark danksy die Amerikaanse wet op groei en geleenthede (Agoa). Mnr. Jim Sumner (foto), voorsitter van die Amerikaanse raad op die uitvoer van pluimvee en eiers (USAPEEC), het Suid-Afrika besoek. VOER JULLE OU HOENDERVLEIS UIT? Die produk wat hierheen gestuur word, is dieselfde wat op die winkelrakke in Amerika beskikbaar is. Dit duur sowat 25 dae per skip om Suid-Afrika te bereik, maar hoender het ’n raklewe van sowat 12 maande. Wanneer ons slaghoenders in Amerika lewer, weet ons nie waarheen die produk versend gaan word nie. Ons hoendervleis in Amerika word volgens van die hoogste voedselveiligheidstandaarde in die wêreld gelewer. Dit is ’n leuen dat die hoender wat die Amerikaanse regering aan “armes herverkoop”…

DIE pryse en die hoeveelheid diere op wildveilings het tot dusver vanjaar afgeneem. Die droogte en vele nuwe toetreders het ook die gehalte van die wild laat daal. Volgens mnr. Neil Schoombee van Karoo Elite Springbok, wat intensief met springbokke naby Middelburg (Oos-Kaap) boer, is daar reeds ’n afname op vanjaar se wildveilings te bespeur. “Daar is te veel ouens wat te vinnig in die wildbedryf inkom om vinnig geld te maak, wat die gehalte van die bokke laat afneem. Ons boere wat al lank in die bedryf is, weet egter hoe om deur die wild te sif vir die goeie bokke, wat deel is van ’n goeie teelprogram.” Mnr. Julian Theron, ’n springbokteler van die plaas Plaatfontein, Richmond, het vroeër vanjaar voorspel dat die prys van skaars wild en…

SEDERT mnr. Pravin Gordhan, Minister van Finansies, aangestel is, het die rand se waarde versterk tot wat dit was voor die aanstelling van mnr. David van Rooyen as Minister van Finansies. Sedert Gordhan die leisels oorgeneem het en die Grondwethof bevestig het niemand is bo die wet verhef nie, het die rand versterk. Suid-Afrika hoef ook nie sake te doen met mense wat nie die land se belange vooropstel nie. Die stem van redelikheid is gehoor met gematigde mense wat gesê het tot hiertoe en nie verder nie. Die wêreld neem kennis. Geld het die land ingevloei om onder meer staatseffekte te bekom. Soos keuraandele se waarde op die beurs styg, het die rand se waarde versterk. Moet dus nie jou ekonomiese aandeel tot die land se toekoms onderskat nie.…

KLEINER tot mediumgroot wolverwerkingsaanlegte in China staar moeilike tye in die gesig weens die ongunstiger sakeklimaat, sê me. Yang Xiaoxiong, voorsitter van die Nanjingwolmark. Sy het op die kongres van die Internasionale Woltekstielorganisasie in Sydney gesê ’n hele aantal van dié aanlegte sal dalk moet sluit. Sy het gewaarsku die uitgawes van die Chinese wolverwerkingsbedryf sal aanhou styg omdat die regering se nuwe om gewingswette oorhoofse koste laat styg het. Die Nanjing-mark is ’n statutêre organisasie wat inligting oor die wolbedryf versprei, veilings en handelskoue reël en by alle wolaangeleenthede betrokke is. Yang het het gesê wolpryse sal nietemin na verwagting hoog bly, veral omdat China so ’n groot verwerkingsvermoë het en die aanbod van wol besig is om te daal. Die wolbedryf moet ook kennis neem van die veranderende…

Bewaringsboerdery bevorder insekbiodiversiteit, wat op sy beurt plae kan help onderdruk, wys navorsingresultate in die Vrystaat en Noordwes. Me. Heidi Meyer het dié ondersoek vir haar honneursgraad onder die leiding van dr. Annemie Erasmus van die Landbounavorsingsraad se Somergraaninstituut gedoen. Annemie sê bewaringsboerdery skep ’n heel ander habitat as konvensionele bewerking, wat insekte wat gewasse help beskerm, kan lok en ondersteun. In ’n bewaringslandboustelsel is die grond koeler en natter in die somer en in die winter warmer en natter danksy plantreste op die grond. Dit is egter nog onseker presies hoe insekbevolkings op bewaringsboerdery reageer. Heidi het in haar ondersoek insekmorfosoorte op onderskeidelik konvensioneel bewerkte en bewaringsboerderylande by Kroonstad, Vredefort, Ottosdal, Sannieshof en Hartbeesfontein vergelyk. Sy het op elke land die aantal morfo-inseksoorte en die aantal individuele insekte getel.…

Dit lyk of daar ’n misverstand tussen grondeienaars en die SKA-radioteleskoopprojek se onderhandelaars oor impakstudies is. Die SKA reken hulle het gedoen wat hulle moes, en het volgens me. Alice Pienaar-Marais, hoof-grondonderhandelaar van die SKA, selfs ’n regsmening ingewin om seker te maak dat hulle aan die vereistes voldoen. Die grondeienaars meen die studie van prof. Johann Kirsten van die Universiteit van Pretoria moes die beginpunt wees. Hy is lid van ’n span onder leiding van die Wetenskaplike en Nywerheidsnavorsingsraad (WNNR) op Stellenbosch wat ’n studie doen om die impak op die landbou-ekonomie en die ekonomie van die streek te bepaal as die SKA met aankope van die 118 000 ha grond voortgaan. Volgens die SKA se webwerf het die Departement van Omgewingsake en die WNNR die Departement van Wetenskap…

Tans ding organiese en biologiese groenteboere mee om premiepryse by uitgesoekte nis- en spog-kettingwinkels, omdat dit skynbaar moeilik is om organiese produkte teen dieselfde produksiekoste as konvensionele boerderye te lewer. Die Janse van Rensburg-tweeling stem egter nie hiermee saam nie. Hulle glo dit is moontlik om ’n gesonde produk, ryk aan minerale en vitamiene, goedkoper te verbou as die natuur se grondvrugbaarheidbeginsels nagekom word. “As ek byvoorbeeld net 60 ton uie/ha oes, pleks van 70 ton/ha, maar my eindproduk is gesonder, bevat meer minerale en het ’n langer raklewe, dan het ek op die lang termyn ’n beter mark vir my produkte,” verduidelik Gert jr. “My handelsmerk word ook sterker. As ek dieselfde prys vir my produk kry, maar slegs 50% van die produksiekoste van die konvensionele boer het, is…

LEER DEUR JOU FOUTE ■ Baie boere onderskat die langtermyntoewyding wat nodig is om ’n stoetery te bedryf. ’n Mens kyk na ’n tydperk van minstens tien jaar – en jy hou nooit op leer nie. ■ My grootste fout was om taamlik laat te besef dat al is jou bulle hoe goed, jy net vordering sal maak as jou koeie ook van ’n hoë standaard is. ■ My pa het altyd gesê voor jy uitbrei, moet jy die kapitaal wat jy dink jy sal nodig kry, verdubbel. Net dán sal jy die ware koste hê. Om verwaarloosde plase weer in produksie te kry, is ’n lang en duur proses. ■ Om bulle in die veld deur Veldbul SA te laat toets, is ’n integrale deel van my boerdery. Die…

KORTOM ■ Veeartse speel ’n belangrike rol op plase om voorkomende behandeling, soos inentings, toe te pas en siek diere gesond te dokter. ■ ’n Veearts kan ook goeie algemene raad oor kuddebestuur aan die boer gee. ■ Hulle speel verder ’n belangrike rol in die bekamping van ekonomies belangrike siektes, soos brucellose en geslagsiektes. Hy’s al op Kersdag net voor die aansit-ete na ’n noodgeval uitgeroep, moes al uiteenlopende gevalle, soos ’n pofadder met ’n bekinfeksie, behandel en in gietende reën werk. Maar dr. Herman de Bruin wil niks anders as ’n veearts wees nie. Al is dit veeleisend vanweë die lang ure of dat hy in yskoue of snikhete toestande op plase moet werk, bly dit lékker om ’n veearts te wees. “Jy moet egter bereid wees om…

BEROEP WÊRELDWYD GEVIER Die Wêreld-veterinêre Vereniging het die viering van veeartsdag ingestel en dit word altyd op die laaste Saterdag in April gevier. Vanjaar het dié viering op 30 April geval. Op dié dag word die veearts se belangrike rol in die gesondheid van diere én mense beklemtoon, want menige dieresiekte kan ook na die mens (soönosesiektes) oorgedra word. ’n Veearts se werk behels basies volgende: ■ Hy ondersoek uitbrekings van siektes wat van diere na mense oorgedra kan word, soos hondsdolheid, voëlgriep en ebola. ■ Hy doen navorsing oor die ontwikkeling van entstowwe en geneesmiddels vir dieresiektes wat ook siektes by mense kan voorkom en genees. ■ Hy help ontwikkel beleide en wette om dieresorg te verbeter. ■ Hy sorg vir diere wat ook ’n bron van voedsel is,…

NÓG PLANNE As jy windpomp-pyp koop, laat sny dit dadelik in vyf stukke en laat drie draad aan sny. Gewoonlik is dit net die onderste deel van die silinder wat verweer, en as jy net ’n vyfde van ’n pyp daar vassweis, kan jy vyf windpompe met een pyp herstel. Maak korte mette met skaapwerk deur ’n petroldrom in derdes te sny en ’n ou rubberband oor die skerp kante te sit. Vleg ’n sitplek van draad. Só kan ’n werker die skaap “sitmaak” en met meer skape per dag werk. Jy het net twee mense nodig wat vashou, een wat die skape naderbring en een wat doseer of inent. Vier mense kan só maklik met 500 tot 600 ooie per dag werk. Maak jou eie krippe deur ’n vorm…

DIEREVOEDING HENDRIK VAN PLETZEN GROEN MIELIEPLANTE AS DROOGTEVOEDING Ons woon naby Brits in Noordwes op ’n plasie van 40 hektaar en boer met ongeveer 200 Meatmaster-skape. Ons weiding is tot niet weens die droogte. Ons voer die skape ’n mengsel van gemaalde sojareste, hawer en lusern. Ons gee hulle een keer per dag gemaalde geel mielies, gemeng met Voermol se Ekonolek (reg.no. V11147, Wet 36 van 1947; ’n afgemete hoeveelheid). Daar is nou boere in ons omgewing wat groen mielies pluk en ek wil weet of ek die mielieplant vir die skape kan gee. Watter invloed sal dit hê en wat moet ek saam met dit gee, byvoorbeeld lek? Moet ek weer die skape teen bloednier inent al het ek die skape in Augustus teen bloednier ingeënt? Ja, jy kan…

Snoekpastei ’n Vinnige en geurige ete. Dis nou snoektyd en as daar goeie vangste is, kan jy dié lekker vis teen goeie pryse kry. Jy kan hierdie pastei met vars of gerookte snoek maak (oorskiet-gebraaide snoek werk heerlik). Maak net seker jy vlok die snoek versigtig en haal al die grate uit voor jy die vis by die res van die bestanddele voeg. ■ 1 groot ui, gekap ■ 50 ml botter of olie ■ 30 ml koekmeel ■ 250 ml melk ■ 250 g gaar snoek, vel en grate verwyder, gevlok ■ 250 ml gerasperde cheddarkaas ■ 4 groot eiers, geklits ■ 250 ml suurroom ■ 5 ml mosterdpoeier ■ 15 ml fyngekapte vars pietersielie ■ Sout en rooipeper na smaak Voorverhit die oond tot 180 °C en smeer…

Daar was ’n tyd op plase toe wit en swart kindertjies saam in die veld beeste opgepas en gespeel het. Hulle het al die avonture geniet wat jy in die veld kan hê, soos kleilatgevegte en om voëls met ketties te jag. Een standaardspeletjie was om wa en osse in te span. Daarvoor was ’n span dolosse (met regop kneukelbeentjies vir die touleier en sweepman) en ’n skaapkakebeen die perfekte speelgoed. Met takkies of stukkies tou vir jukke en riempies kon die hele wa pragtig gekoppel word en oor berge en dale voortgesleep word. Met klei is meer realistiese osse gemaak. Opgrawings in Wes-Afrika het klei-osse opgelewer wat presies soos ons pionierkinders s’n lyk – 5 000 jaar oud! Die rede daarvoor is dat daar ’n rituele resep is om…

DWARS 1. Ontvlambare, chemiese stof (6) 4. Visvang (6) 8. Volwasse stadium van insek (5) 9. Eenkleurig (4) 10. Kleurryke voëltjie (8) 13. Woestyn in Namibië (5) 15. Soebat (5) 18. Ondier (8) 19. Houtpap (4) 22. Anorak (5) 23. Operasiemessie (6) 24. Nimrod (6) AF 1. Waterbron (7) 2. Kneg (5) 3. Siekerig (4) 5. Franse barokdans (7) 6 1 000 milliliter (5) 7. Mat (5) 11. Ligrooi wyn (4) 12. Op die rug dra (4) 14. Geneeskundige bolplant (7) 16. Gekastreerde bok (7) 17. Klein insek, mv. (5) 18. Talm (5) 20. Duikboot (5) 21. OudNoorse heldeverhaal (4) OPLOSSING DWARS: 1. Fosfor; 4. Hengel; 8. Imago; 9. Effe; 10. Byvreter; 13. Namib; 15. Smeek; 18. Dierasie; 19. Pulp; 22. Parka; 23. Lanset; 24. Jagter. AF: 1. Fontein; 2.…

OM te oorleef in die huidige ekonomiese klimaat gaan boere markgerig en so doeltreffend moontlik moet boer, sê mnr. Nico le Roux, landbou-ekonoom van Absa Agribesigheid in Limpopo. Hy het op die Maluma-dag op Tzaneen gesê die Westerse markte waarheen Suid-Afrika baie vrugte uitvoer, se bevolkings word al hoe ouer. Dit laat die ekonomiese groei in daardie markte afplat, terwyl Indië en die vasteland van Afrika tans ’n sterk bevolkingsgroei toon en ook ekonomies groei. Hy sê vir ekonomiese groei het die ideale bevolkingsverhouding tussen kinders en werkende volwassenes vanaf 1950 tot 1990 in Duitsland geheers en vanaf 1970 tot 2015 in Amerika. Indië en die meeste lande in Afrika bereik nou eers die ideale demografiese verhouding tussen oud en jonk. Dit sal na verwagting ekonomiese vooruitgang in dié lande…

OORAANBOD ONDERDRUK PRYSE DIE mark vir rooivleis is tans effens deurmekaar weens ’n ooraanbod van slagdiere en ’n verlangsaming in die vraag na beesvleis. Dr. Pieter Prinsloo, nasionale ondervoorsitter van die Rooivleisprodusenteorganisasie (RPO), sê boere het die afgelope tyd ’n daling in die prys ervaar. Skaapvleis wat in Januarie tot R62/kg verhandel het, het boere die afgelope tyd net meer as R50/kg in die sak gebring. Die ooraanbod van beesvleis in veral die droogtegeteisterde dele van die land het sedert Januarie se R32,50 vir C-graad met sowat 20% tot R27/kg afgeneem. Prinsloo sê die mark het in die voorafgaande week ’n verrassende wending geneem deurdat die prys vir A-graad tot R40/kg gestyg het. Dié neiging word egter deur die uitvoer van keursnitte ondersteun. Hy sê die speenkalfprys vir baie beesboere…

Ondanks goeie sybokhaarpryse en die Angorabedryf wat steeds as een van die winsgewendste kleinveevertakkings beskou word, worstel bokboere met verhoogde produksiekoste. Mnr. Peter Cawood van Cawoodsholme, Jansenville, sê, soos met die meeste ander bedrywe, is dit hoër lone, duurder krag en stygende instandhoudingskoste wat die afgelope 5 jaar verdubbel het, wat druk op die bedryf plaas. Hy het twee kragpunte verminder, aangesien die beskikbaarheidskoste die hoogte ingeskiet het. Ander ongunstige faktore sluit die hoë voorkoms van roofdiere in wat ondanks beheermaatreëls, soos die span van sifdraad rondom kampe, steeds onder kuddes maai. “Omheiningsmateriaal het nou so duur geraak dat ’n mens dit net nie meer, soos vroeër, gereeld kan opknap nie.” Die voorkoms van hartwater het ook meegebring dat daar nie meer met sybokke in die omgewing van Grahamstad geboer…

BOEREDAE 4 JUNIE: WRSA,Suid-Kaap.Wildinligtingsdag. Botlierskop.Tisha Steyn,tel.0442723221,sel084 5819512,e-pos:tishasteyn20@gmail.com. 2 JULIE: FoxintheHills(tussen ParysenPotchefstroom).Vleisbeeskuddeseleksie-inligtingsdag. JeanvanderMerwe,sel082719 7521;e-pos:jean@blackhills.co.za; web:www.blackhills.co.za. 27 JULIE: Noord-VrystaatSAVM, RooiSkool,Kroonstad.Dr.Jasper Coetzee:Nuwebeginselsinpresisie-skaapboerdery.NelinePienaar, sel0824404492,e-pos:Bennie neline@eleo.co.za,ofsel083279 2375,sel 082 440 4492. KURSUSSE 5 MEI: Fynproewer-sampioenverbouing, klein skaal. Johannesburg. (Alternatiewelik via rekenaargesteunde onderrig.) Dr.AdriaanSmit,sel0827498553. e-pos:info@mushroomacademy.com.Web:www.mushroomacademy.com. 5 MEI: Fynproewer-sampioenverbouing, entrepreneursvlak. Johannesburg. (Alternatiewelik via rekenaargesteunde onderrig.) Dr.AdriaanSmit,sel082 7498553. 7 MEI: Gin-kursus, Distillique, Hennopspark, Centurion, Hendré Barnard, tel. 021 653 6871, e-pos: hendre@distillique.co.za, web: www.distillique.co.za. 11 MEI: Koei/kalf. Bloemfontein. Peter Milton, sel 083 630 8868. 12 MEI: Speenkalf wag vir regte prys.Bloemfontein. Peter Milton, sel 083 630 8868. 12-13 MEI: Kommersiële fynproewer-sampioenverbouing. Johannesburg. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 13 MEI: Beesvoerkraal. Bloemfontein. Peter Milton, sel 083 630 8868. 13 MEI: Inleiding tot distillering, Distillique, Hennopspark, Centurion, Hendré Barnard, tel. 021 653 6871. 14 MEI:…

Die Zimbabwiese tabakbedryf is platgeslaan deur die effek wat El Niño op oeste gehad het. Die land se departement van weerkundige dienste het boere teen El Niño gewaarsku. Die tabakbedryfs- en bemarkingsraad (TIMB) sê van die boere het verlede jaar ag geslaan op waarskuwings dat ’n rampdroogte op pad was. Hulle het hul geld toe eerder gebruik om kos te koop om hul gesinne deur die seisoen te kry. Duisende ander het aanhou boer en is nou spyt. Tabakboere verkoop hul oeste vir so min as 50 sent per kg teenoor verlede jaar se gemiddelde prys van $2,83/kg (nagenoeg R41/kg). In 2015 het Zimbabwe se tabakbedryf $584 miljoen (R8,7 miljard) verdien. Na verwagting sal verkope vanjaar net ’n derde daarvan bereik – sowat $194 miljoen (R2,9 miljard). Me. Monica Chinamasa,…

ARTIKELS & RUBRIEKE ■ Die gans wat die goue appels lê ■ Risikobestuur: ‘Maak skaal jou doelwit ■ Geloof, genade en ekstensiewe beesboerdery troef klimaat ■ Benut genomika só in vleisbedryf ■ Regte besproei-kultivars klop droogte ■ Is jy jagfiks? ■ Boereplan: Skou in styl met bokke GESIN ■ Boerekos: Koningskos uit die Olifantsriviervallei JAG Die herfslug ruik al byna na jagtyd, maar is jy gereed daarvoor? ’n Deurwinterde jagkenner gee riglyne sodat jy kan meet of jy jagfiks is. Vra die regte vrae, lees die fyn druk op kontrakte en oefen vroegtydig as jy nuwe toerusting aangeskaf het. Vir akkurate afstandmeting is behoorlike skietbaantoetse onontbeerlik.…

DR. HERMAN DE BRUIN is ’n veearts van Bronkhorstspruit en mede-eienaar van die Kerkstraat-dierekliniek. Landbouweekblad het ’n dag saam met hom deurgebring om ’n kykie in sy beroep as plattelandse veearts te kry. Lees die artikel op bl. 52. VERTEL ONS VAN JOU GESIN. Ek en my vrou, Elmarie, wat ook ’n veearts is, het drie kinders. Elrinda en Henk studeer albei aan Tukkies en Suné is nog op skool. WAAR HET JY GESTUDEER? Op Onderstepoort aan die fakulteit veeartsenykunde van die Universiteit van Pretoria. HET JY ’N STOKPERDJIE? Ek versamel ou motors. WAAR HOU JULLE VAKANSIE? Ons geniet dit baie om as gesin in die bos te kampeer en hou vakansie in Botswana en Namibië se wildparke. MNR. MICHAEL MULLER van die plaas De Cypher in die omgewing van…

DIE jongste nasionale oesskatting vertel ’n droewige verhaal oor hoe min hektare boere die seisoen (einde verlede jaar en die eerste paar dae van vanjaar) met somergewasse kon beplant. Die geskatte aantal mielie-hektare is maar 1,95 miljoen, die kleinste sedert 2005 se absolute laagtepunt van 1,6 miljoen ha. Vanjaar se geskatte grondboon-aanplantings is ’n skamele 22 600 ha. Dit is minder as die vorige aangetekende laagtepunt, in 1936, toe 24 000 ha beplant is. Dit is ook minder as die helfte van die 58 000 ha grondbone wat nog verlede jaar aangeplant is. Sojaboon-aanplantings, wat die afgelope nege jaar drasties gestyg het, is ook deur die rekorddroogte gestuit. Vanjaar se geskatte aantal hektare is 502 800, teenoor die vorige seisoen se 687 300 ha en 2013 se 502 900 ha.…

DIE staat gaan die prys van kos, veral van mielieprodukte, fyn dophou om te verseker dat niemand in die voedselwaardeketting die droogte misbruik om pryse te verhoog nie. Mnr. Senzeni Zokwana, Minister van Landbou, Bosbou en Visserye, het ná die onlangse begrotingsdebat vir die landbou gesê die voedselprysmoniteringskomitee, wat in die Nasionale Landboubemarkingsraad (NLBR) gesetel is, gaan sy monitering verskerp. “Ons moet formules vind om seker te maak dat niemand die droogte misbruik en pryse sodoende begin styg kort voor tekorte ondervind word nie,” het Zokwana gesê. Hy het ook gesê die Mededingingskommissie se hulp sal ingeroep word om ondernemings vas te vat wat hulle aan samespanning skuldig maak om daardeur munt uit die droogte te slaan. VOEDSELPRYSE Volgens die jongste data van Statistieke Suid-Afrika het die Suid-Afrikaanse verbruiker in…

1 UGANDA | Antiretrovirale middels vir varke Ugandese boere gebruik deesdae antiretrovirale middels sodat hulle kan bybly met die vraag na varkvleis. Die boere meng glo die antiretrovirale middels met die varke se kos om te verseker die varke bly gesond. Kampvegters vir openbare gesondheid meen egter dié praktyke dra by tot antibiotiese weerstandige siektes in diere, wat eindelik dodelik vir verbruikers kan wees. “Dit is heeltemal verkeerd om middels wat vir mense bedoel is vir diere te gebruik en andersom. Mense en diere se biochemiese prosesse verskil,” sê dr. Buchan Oceb, ’n gesondheids-beampte in die stad Lira waar dié middels veral gebruik word om varkgriep te voorkom. — AllAfrica 2 NIGERIË | Staat gee graan Die president van Nigerië, mnr. Muhammadu Buhari, het beveel 10 000 ton se graan…

DIE sitrusboere in die omgewing van Citrusdal en Clanwilliam verwag ’n oes van topgehalte danksy die hoë somertemperature, sê mnr. Piet Smit, bemarkingsdirekteur van Favourite Fresh Export. Die vooruitsigte vir uitvoer is ook belowend. Smit sê volumes is vanjaar ongeveer dieselfde of beter as laas jaar, maar die oestyd het 10 tot 14 dae vroeër begin. Die hoë temperature van die afgelope somer beteken ’n hoër suur-tot-suikerverhouding in die vrugte, wat lei tot goeie smaak en ’n langer rakleeftyd. Danksy nagtemperature van tussen 10 °C en 16 °C was die kleurontwikkeling goed. Smit sê die huidige oes is feitlik siektevry. Hy sê boere begin reeds geruime tyd voorsiening maak vir die warm, droë somers. Hulle kon dus ’n goeie oes lewer al het hulle verlede winter die helfte minder reën…

Saaiboere in die Wes-Kaap en in die noorde van Suid-Afrika moet binnekort oor hul koringaanplantings vir die nuwe planttyd besluit. Dit kom te midde van ’n onstabiele landbou- en sakemark. Die verhoging in die koring-invoertarief in April is ook ter sake. Die rentekoerssiklus is in ’n stygende fase en gaan moontlik eers volgende jaar sy boonste draaipunt bereik. Dus is die finansiering van die nuwe oes baie duurder vir boere. Banke is traag om oeste te finansier as rentekoerse styg. Twee groot veranderlikes vir saaiboere is hoe die volgende maande se weer gaan verloop en die wisselkoers. Die feit dat die invoertarief op koring ingevolge die bestaande formule deur ’n hofbevel afgedwing moes word, en dat die hof die Ministerie van Handel en Nywerheid versoek het om die huidige tariefformule…

Met ’n steenmaker kan jy maklik jou eie proteïen-voerblokke vir beeste maak vir die droë winter wat voorlê. Dié wenk kom van mnr. André Geldenhuys, veeboer van Boegoeberg. Hy het vroeër vanjaar dié blokke, aan die hand van ’n aanlynresep van ’n Australiese voorligter, met sy Maxi-steenmaker gemaak. En as jy nie ’n steenmaker het nie, kan jy maklik jou eie houers maak, sê hy. Die resep kom van mnr. Ian Blackwood, veekundige van Nieu-Suid-Wallis se departement vir primêre bedrywe. Hy gee verskillende basiese mengsels in ’n artikel op sy departement se PrimeFacts-nuusbrief. Dit kan by dié skakel gekry word: http://goo.gl/DQryMS. Dit duur ’n week tot tien dae vir die blokke om hard te word. Kartondose, houtrame, kunsmissakke, plastiekvullisdromme en halwe voertuigbande kan suksesvol as houers gebruik word, sê Ian.…

Die verkeerslig op die hoek van William Nicol-rylaan en Sloanestraat in Bryanston, Johannesburg, was vanoggend wéér stukkend. Hoewel dit 27 km daarvandaan is, het die verkeer al voor my huis stilgestaan. Waar dit gewoonlik ’n uur en 20 minute duur om by die kantoor te kom, was dit vanoggend ’n stryd van twee en ’n halfuur. Al die pad werk toe het ek probeer uitvind wat verkeerd is, en ek het ’n ongeluk om elke hoek en draai verwag. Groot was my verbasing toe ek agterkom dit was bloot die verkeerslig voor die kantoor. Dié stukkende verkeerslig het tot gevolg gehad dat die motors nie van die N1 af op William Nicol-rylaan kon beweeg nie. Dié motors het die verkeer op die N1 vir 20 km laat ophoop sodat niemand…

Die 118 000 ha grond wat voor die einde van aanstaande jaar aangekoop moet word, sal “gegewe huidige vereistes” benodig word vir die eerste en tweede fases van die SKA-radioteleskoopprojek, sê mnr. Lorenzo Raynard, kommunikasiebestuurder van die SKA. Volgens hom sal dit nié nodig wees om grond te koop in die res van die sterrekundige reservaat (sien kaart op bl. 36) wat deur die Wet op Astronomie en Geografiese Voordele (Wet 21 van 2007) bepaal word nie. Hy kan nog nie sê hoe radiostil die gebiede moet wees nie. “Ons is besig om vereistes vir radiofrekwensiesteurings te bepaal. Dit sal afgehandel word sodra die regulasies afgehandel is.” Hoewel die grond in die gebiede rondom die sentrale 130 000 ha nie gekoop word nie, vorm dit sterrekundige voordeelgebiede waarop die spirale…

’n Mens moet die belangrikheid van rotasie en diversiteit bo en onder die grond verstaan voor jy die regte rigting kan inslaan, volgens die Janse van Rensburgtweeling van die Langplaas-boerdery. “Dit is algemene kennis dat jy nie jaar ná jaar dieselfde gewas op die dieselfde stuk grond verbou nie. Die rede is eenvoudig: Eet jy vir ’n jaar elke dag net mieliepap, die volgende jaar net brood en die jaar daarop net aartappels? Sonder afwisseling in jou dieet sal jy sterf. Dit is ook waar vir lewe in die grond. “Soos ons self geleer het is ’n goeie wisselbouprogram met monokultuurgewasse nie genoeg om grondgesondheid en vrugbaarheid te bevorder nie. Uiteenlopende dekgewasmengsels is nodig om grondvrugbaarheid te verbeter, want mikro-organismes funksioneer in ’n monokultuur nie optimaal nie. Grondvrugbaarheid, die vermoë…

SUSSEX-PLASE BY VREDE Toe mnr. James Stephen op 58 afgetree het, het hy gou verveeld geraak. “Omdat ek in die 1980’s sitrus in die Oos-Kaap verbou het, wou ek altyd weer boer.” Hy het twee afgeleefde plase van altesame 680 ha in 2009 en 2012 in die omgewing van Vrede gekoop, in die hooggeleë grasveld van die Noordoos-Vrystaat. “Ek het die een plaas byna Doringdraadfontein hernoem, want oral het geroeste stukke draad rondgelê. Al die heinings moes vervang word, die grond was verwaarloos en die geboue het agteruitgegaan. Daar was omtrent geen paaie op die plase nie.” James het ’n stoetbul van mnr. Jan van Biljon naby Viljoenskroon gekoop. “Die bul moes vier weke lank in die plaashuis se tuin gehou word, want daar was net een ander kamp vir…

DR. HERMAN DE BRUIN WAT IS DIE BESTE BESLUIT WAT JY TOT NOG TOE GENEEM HET? Om my eie praktyk te begin – ek het in 1993 dié stap gedoen. WAT IS DIE BESTE RAAD WAT JY GEKRY HET? Konsentreer op dit wat jy kan verander en moenie tyd mors met goed waaraan jy in elk geval niks kan doen nie. WAT IS DIE GROOTSTE FOUT WAT JY IN JOU BEROEP GEMAAK HET? Om nie beter en gereelder met my boere te kommunikeer nie. WIE WAS JOU MENTOR? Verskeie, suksesvolle, plattelandse veeartse by wie ek prakties tydens my studiejare gedoen het. WATTER TEGNOLOGIE IS VIR JOU ONMISBAAR? My rekenaar wat ek gebruik om inligting oor siektes te hou en my kliënte se besonderhede by te hou.…

GEEN bank wil sommer net boere wat weens die droogte swaar trek, se verbande oproep nie. “Dit is nie die eerste droogte wat ons beleef nie; ons is al voorheen deur die siklus. Ons kyk op ’n plaas-tot-plaas-grondslag na oplossings,” sê mnr. Nico Groenewald, hoof van agribesigheid by Standard Bank. Hy het in Centurion só op ’n vraag uit die gehoor gereageer op die agribesigheidsafdeling se jaarlikse landwye roetevergaderings. Die vraag was wat die bank gaan doen om boere in die droogte te help. Groenewald het gesê ’n bank kan nie sommer net rente “afskakel” nie, maar kan sy kundiges in-span om byvoorbeeld na die boer se verskillende inkomstebronne en die herstrukturering van sy skuld te kyk. “Laat ons na jou spesifieke situasie kyk en bepaal hoe ons dinge kan…

Internasionaal: Die prys van mielies het met 5,1%, oftewel $7,40/t (R106,03/t), gestyg tot $151,39/t (R2 169/t). Op ’n jaargrondslag is dit 2,6%, oftewel $3,87/t (R55,45/t), hoër. Verwagte pryse: Junie – $146,16/t (R2 094/t), Julie – $147,63/t (R2 1 15/t), September – $147,79/t (R2 1 18/t), Desember – $149,99/t (R2 149/t). Plaaslik: Die Safex-prys vir wit mielies het met 0,6%, oftewel R26/t, gestyg tot R4 465/t. Die prys van geel mielies het met 2,5%, oftewel R78/t, gestyg tot R3 183/t. Op ’n jaargrondslag is dit 73,1%, oftewel R1 886,20/t, hoër vir wit mielies, terwyl geel mielies 33,6%, oftewel R801/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 6%, oftewel $10,10/t (R144,71/t), gestyg tot $177,70/t (R2 546/t). Op ’n jaargrondslag is dit 2,9%,…

GAUTENG CARLETONVILLE KROMDRAAI (509), 139 ha, aan S.G. Jansen van Rensburg, van J.C.A. Jansen van Rensburg, R2 460 465. RIETFONTEIN (349), 62 ha, aan M.N.T. David Trading BK, van S.J. Jansen van Rensburg, R500 000. NIGEL KLIPPOORT (664), 141 ha, aan Interstate Clearing 060 (Edms.) Bpk., van J.V. en W.J. Hefer, R1 400 000. KLIPPOORT (664), 377 ha, aan H2 Agribesighede (Edms.) Bpk., van J.V. en W.J. Hefer, R3 600 000. KLIPPOORT (664), 518 ha, aan J.V. en W.J. Hefer, van W.J. Hefer, R1 000 000. PRETORIA KROKODILSPRUIT (290), 21 ha, aan Summer Sunshine Trading 27 BK, van H.G. Nieuwenhuis, R725 000. RIETFONTEIN (366), 25 ha, aan J.J.A.P.K.G. Dengler, van Superstrike Inv. 3 (Edms.) Bpk., R600 000. ROOIBANK (89), 21 ha, aan Mandlalinx (Edms.) Bpk., van Epxan-familietrust,R4900000. UITZICHT ALIAS RIETVALEI…

CRADOCK / R50 000 Op die veiling van Jordaan Genetics is dié ram teen R50 000 aan mnr. Heyns Spershott (links) van Senekal verkoop. By hom is mnre. Phillie Schoombee (middel), afslaer, en Karel Jordaan, verkoper. Altesame 79 ramme is teen gemiddeld R10 544 stuk verkoop. GRAAFF-REINET / R26 000 Dié ram is teen die hoogste prys van R26 000 op die veiling van die Phoenix-stoetery, Graaff-Reinet, verkoop. Van links is mnre. JJ van der Watt, afslaer, Dolf van Vuuren, koper, van Rietbron, Dykie de Villiers, verkoper, en Jonathan Jacobs, hanteerder. Altesame 30 ramme is teen gemiddeld R6 033 stuk verkoop. CRADOCK / R76 000? Altesame 69 ramme is op die veiling van die Montevideo-stoetery op Cradock teen ’n puik gemiddelde prys van R11 152 stuk verkoop. Die hoogste prys…

MEI BLOEMFONTEIN 2–5, (Streek: SA Boerperd, Vrystaat). Petro Grové, sel 082 551 3221. 4-6, Die Dorper- en Wit Dorper-wêreldkampioenskapskou, Bloemskou, Attie Westraad (rasdirekteur), Dorper-skaaptelersgenootskap van SA, tel. 049 842 2241, sel 071 606 5625, e-pos: info@dorpersa.co.za, web: www.dorpersa.co.za PARYS 25-26, Brangus, Afridomeskouterrein. Parys. Caroll-Ann Mienie, sel 079 477 4416; web: www.afridome.co.za. PIETERMARITZBURG 30 Mei–1 Junie, (Streek, Kwa-Zulu-Natal: SA Boerperd). Petro Grové, sel 082 551 3221. JUNIE PARYS 27 Junie–2 Julie, (Nasionaal: SA Boerperd); Afridome, Parys, Petro Grové, sel 082 551 3221; Caroll-Ann Mienie, sel 079 477 4416; web: www.afridome.co.za. JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein, web: www.afridome.co.za. 15-17, Boran, Caroll-Ann Mienie, sel 079 477 4416, Afridome-skouterrein, web: www.afridome.co.za. AUGUSTUS PRETORIA 5–9, (Streek, Gauteng: SA Boerperd); Petro Grové, sel 082 551 3221. BREDASDORP 20-21, Megapark-binnenshuise plesier,…