Innholdsfortegnelse for 15-Apr-16 i Landbouweekblad

VAT PROBLEEMDIERE GOEDKOPER VAS Ogiesdraad gaan vir ’n tyd lank teen verlaagde pryse verkoop word sodat boere grensdrade kan opknap en kleinvee teen roofdiere beskerm, sê die Forum vir die bestuur van ongediertes. Die Kooperasie op Humansdorp, het ingestem om lig versinkte ogiesdraad teen R269,95 per rol (BTW uitgesluit) te verkoop as kliënte voor Mei 10 of meer rolle bestel. BKB gaan ook 6 000 rolle sifdraad teen ’n afslagprys aan veeboere beskikbaar stel. Die Nasionale Wolkwekersvereniging verwelkom dié prysverlagings en sê dit kan die jaarlikse skade van meer as R1,4 miljard wat deur probleemdiere veroorsaak word, help bekamp. WEINIG WELSYN Die Britse regering gaan ’n aantal statutêre dieresorg-riglyne herroep en as deel van ’n breër dereguleringsprogram die leiding oorneem by die bedryf oor die toestande waarin lewende hawe aangehou…

In die nuutste uitgawe van die Melkprodusente-organisasie (MPO) se maandblad, The Dairy Mail, verskyn die kommerwekkende resultate van ’n opname onder melkboere (“Droogte: Impak en Persepsie” – bl. 9), hoewel die MPO waarsku dat dit nie ’n statisties betekenisvolle opname is nie as gevolg van die klein groep respondente. Nie een van die melkboere in die Vrystaat wat deelgeneem het, glo hulle gaan die droogte oorleef nie. Almal het ’n toename in skuld gehad en almal se netto en bruto inkomste het afgeneem. In KwaZulu-Natal en die Oos-Kaap gaan dit darem veel beter, want net onderskeidelik 20% en 30% glo hulle is in kritieke gevaar, hoewel hul winste ook drasties afgeneem het. Van die melkboere landwyd het 29% aangedui dat hul oplossing vir die probleem is om hul melkboerdery te…

ARTIKELS & RUBRIEKE ■ Omsetsnelheid wenplan vir top-Karooboer ■ Omkeerstrategie: Konsensus ontwyk koringbedryf ■ Beter vleispryse só moontlik ■ Nog elitekoei-finaliste ■ Boereplan: Filter skakel paddas uit GESIN ■ Boerekos: Gee geur met speserye SPESIAAL ■ LandbouWiele, Wintergraan KLEINVEE ’nVersneldelamstelselisdiedeurslaggewendefaktorwat’n ekstensieweKarooveeboerdery’nopbrengsgeewateerderstrook metdiévan’nintensieweboerdery.Mnr.NeliusvanderWesthuizenvan Loxton,VoermolseSkaapboervandieJaar,vertelhoehysyboerdery seskaapoesmetsowat50%laatgroeihet.…

‘WITTEBROOD IN WILDBEDRYF IS VERBY’ Die wittebrood in die wildbedryf is verby. ’n Mens kan nie meer verwag net omdat ’n sekere diersoort skaars is, sal jy altyd geld maak daarmee nie. Só sê mnr. Piet du Toit, een van Suid-Afrika se suksesvolste wildtelers. Hy sê wildtelers sal nuut moet dink en besin oor waar hul toekomstige mark gaan wees voor hulle hand opsteek om die hoogste bod op ’n veiling te maak. SEKELBOS skryf: Piet raak ’n baie belangrike punt aan met dié opmerking: “Die prys van R200 000 (vir ’n swartwitpens) strook met die pryse wat oorsese jagters wil betaal”. As daar nie ’n eindverbruiker vir ons skaars wild is nie, sal daar binnekort te veel van ál die “skaars” soorte wees. Ek dink veral aan die “kleurgoeters”.…

SPRAKE dat die Rooivleisprodusente-organisasie (RP O) van die Rooivleisbedryfsforum (RMIF) gaan wegbreek, is volgens dr. Pieter Prinsloo, ondervoorsitter van die RPO, nie akkuraat nie. Dié gerugte het die ronde begin doen nadat daar op ’n RMIF-werksessie oor navorsing oor die wysiging van die vleisklassifikasiestelsel besluit is om die navorsing en dus die wysiging van die stelsel te staak. “Hierdie besluit is nie deur die RPO geneem nie en is nie noodwendig ons standpunt nie. Dit was die RMIF, wat die ganse rooivleis-waardeketting verteenwoordig en nie net die RPO nie, se besluit om die navorsing te staak. Persoonlik stem ek nie saam met die besluit nie en ek voel sterk daaroor dat die stelsel moet verander,” sê Prinsloo. ‘VERKEERDE REDES’ Mnr. Louw van Reenen, uitvoerende hoof van die Beefmaster-voerkraal en -slagplaas,…

SUID-AFRIKA is by ’n kruispad waar werklike leierskap van deurslaggewende belang gaan wees, was die onlangse boodskap van mnr. Pravin Gordhan, Minister van Finansies, aan lede van Besigheidseenheid SA (Busa). Volgens dr. John Purchase, uitvoerende hoof van Agbiz (deel van Busa), was die vergadering met Gordhan en sy adjunk-minister Mcebisi Jonas gemik op die Regering se pogings om die haakplekke wat die ekonomie in die gesig staar, die hoof te bied. Purchase skryf in Agbiz se nuusbrief dit was ironies dat dit terselfdertyd geskied het as die uitspraak van die Grondwethof oor pres. Jacob Zuma en die magte van die Openbare Beskermer. Gordhan het verwys na sy, senior regeringsamptenare, sakelui en arbeidsverteenwoordigers se buitelandse besoek om groot beleggers oor omstandighede in Suid-Afrika in te lig. Hy sê die sentrale tema…

1 ZIMBABWE | Kontantkrisis vir tabakboere Zimbabwiese tabakboere is woedend ná die regering dae voor die begin van die bemarkingseisoen vanjaar kontantbetalings op tabakveilings verbied het. Kragtens ’n nuwe stelsel van die tabakbedryf-enbemarkingsraad (TIMB) en die Zimbabwiese reserwebank mag tabakboere nou slegs betalings vir tabak deur banke ontvang. Drie dae ná die mark geopen het, het boere steeds gewag op hul geld. Talle boere moes in Harare bly voor hulle na hul plase kon terugkeer omdat die banke wat hul betalings moes verwerk, nie takke op hul tuisdorpe het nie. Boere moes hul identiteitsdokumente by winkels inhandig as sekuriteit om kos te koop. Die TIMB was nie bewus van probleme nie. Die tabakprys was $7 per kilogram (sowat R105) teenoor verlede jaar se $2,50/kg (sowat R37). – The Zimbabwe Daily…

DUISENDE onafgehandelde grondeise van huurarbeiders is vir die soveelste keer vertraag nadat mnr. Gugile Nkwinti, Minister van Landelike Ontwikkeling en Grondhervorming, om uitstel gevra het in ’n hofsaak wat die Regering wil dwing om die eise af te handel. Die Association for Rural Advancement (Afra) vra namens huurarbeiders dat die Grondeisehof in Randburg ’n spesiale meester aanstel om toesig te hou dat die departement hul 15 jaar oue grondeise afhandel. Van die sowat 22 000 eise wat aanvanklik ingedien is, is min afgehandel, ondanks ’n vorige hofbevel wat Afra teen die departement bekom het. Regter Mokotedi Mpshe het die aansoek op 29 Januarie tot 24 Maart uitgestel om meer besonderhede oor ’n spesiale meester aan te vra. Volgens me. Laurel Oettle, direkteur van Afra, het Nkwinti egter op 24 Maart…

Nie eens stoetkalwers word ontsien wanneer mnr. Dail van Rensburg van Delareyville in Noordwes sy streng seleksie toepas nie, want vrugbaarheid is belangrik vir vooruitgang en wins. Daarmee saam moet ’n speenkalf vinnig groei en swaar speen. Dail boer sedert 1983 op die plaas Kalkpan by Delareyville en op plase by Stella. In 2000 het hy Italiaanse Romagnola-grootraambeeste by sy Rensbou-stoeterye vir Santa Gertrudis-en Ankole-beeste gevoeg. Die elitekoei, DT 0540, is die ster in die kudde van 400 koeie, wat met ’n indrukwekkende gemiddelde tussenkalfperiode (TKP) van 382 dae spog. Haar negende kalf is gebore toe sy net tien jaar en vier maande oud was, sê hy. Die gemiddelde speengewig van haar kalwers is 286 kg. Almal is op natuurlike weiding grootgemaak. Sy is ’n opgraderingskoei. Menige beesras het ’n…

Mnr. Willie Groenewald en sy seun, Christoff, van Wilkloof-Herefords by Riviersonderend meen as ’n mens lief is vir wat jy doen, sal jy sukses behaal. Dié eienaars van die Elite-koei WG 060012 meen prestasietoetsing is ’n verdere bepaler van sukses omdat dié syfers ’n goeie aanduiding gee of die diere aan die standaarde van die ras voldoen. Om te meet, is immers om te weet, meen hulle. Hulle boer sedert 1990 met Herefords. Hoewel hul omgewing nie eintlik beeswêreld is nie, is hulle lief vir beeste. Daarbenewens skakel beesboerdery goed by hul boerdery in omdat daar dele op die plaas is wat nie doeltreffend met skape benut kan word nie, maar waar die beeste uitstekend aard. Willie sê hy beskou Herefords as die ideale bees vir hul omstandighede omdat dié…

DIEREVOEDING CHRIS DANNHAUSER VERTEERBAARHEID VAN FLUITJIESRIET Hier by ons is dit steeds droog en warm. Die mielie-oes is tot niet en ek soek na wintervoer vir my koeie. Ek het heelwat fluitjiesriet in die rivier wat ek kan sny en wil dit in die winter as voer gebruik. Ek wil graag weet wat gedoen moet word om die smaaklikheid en verteerbaarheid daarvan te verhoog. Blykbaar kan dit help om die voer met ureum te behandel. Indien daar ’n algehele tekort aan goeie hooi is, kan materiaal, soos koringstrooi, gras wat in padreserwes gesny word, fluitjiesriet en ander plantsoorte, vir beeste gevoer word wanneer die boer ureum en melasse daarby voeg. ’n Voorbeeld van so ’n mengsel is Frannie se mengsel wat by goeie of onderstandaard-hooi gevoeg word: ■ 25 kg…

Watter produkte maak jy? Ek kook 25 soorte konfyt (van perske tot roosblaar), stroop, marmelades en blatjang van ’n wye reeks vrugte en bak pasteie (wild, lam en hoender), koeke en terte. Die turksvyprodukte tel onder die gunsteling-konfyten -stroopprodukte, terwyl die groot en klein pasteie die gewildste gebakte produkte is. Wat maak jou konfyt en pasteie uniek? Dit het nie verniet ’n tuisgemaakte smaak nie, want dit word alles in ons wonings se kombuise op die plaas en op die dorp gemaak. Die vrugtesmaak gaan nie verlore nie en die groot porsies is waarde vir geld. Vertel van die begindae. Ek het begin bak sodat ek ons gesin finansieel kon bystaan. My man, Ernst, is ’n boer, maar ook ’n depressielyer. Hy het vir ontlading konfyt vir ons huis gekook.…

Beestelers kan uitsien na die aankondiging van die wenners in Vleissentraal en SA Stamboek se Elite-bulgroeitoetsklas vir 2016. Dié geleentheid word op 3 Mei van 15:00 af in die hoofbeesring gehou. Vanjaar het 14 bulle aan die kompetisie se streng beoordelingstandaarde voldoen: • Die bul moes ’n sentrale bulgroeitoets voltooi in die tydperk van 1 Julie tot 30 Junie in die voorafgaande jaar. • Die bulle moet spesifieke minimum prestasiemetingsindekse behaal. • SA Stamboek identifiseer ’n lys van benoemde bulle en voorsien dit aan die betrokke telersgenootskap. Die telersgenootskappe wys dan een bul aan om die ras in die toets te verteenwoordig. • Die beoordeling in die ring word slegs op voorkoms deur drie geregistreerde interrasbeoordelaars gedoen. NAVRAE: Bel Marinda van der Merwe by sel 072 272 6555 vir nog…

Wanneer jy Sclerotinia op jou plante opmerk, is die skade reeds gedoen. Daarom is dit belangrik om voorkomend op te tree en die siekte te bestuur. Sclerotinia het die afgelope twee seisoene (2014 en 2015) ernstige skade aan die kanola-aanplantings aangerig. Dit is veral in die Overberg en Suid-Kaap opgemerk. Opbrengsverliese van tot 800 kg per hektaar is ondervind. Sedert 2008 groei die gemiddelde opbrengs van kanola goed. Dit kan hoofsaaklik aan verbeterde praktyke en kultivars toegeskryf word. Die afgelope twee seisoene lewer kanola egter nie die verwagte opbrengste nie ondanks belowende toestande in die meeste gebiede (sien die GRAFIEK ). Sclerotinia by kanola is nie ’n nuwe probleem nie en dit word wêreldwyd ervaar. Heelwat uitstekende navorsing is beskikbaar wat kundiges en boere help om die siekte in Suid-Afrikaanse…

In ’n jaar waartydens die meeste groentepryse die hoogte in skiet, sukkel uieboere om dieselfde prestasies aan te teken. Volgens mnr. Charl van der Merwe, bermarkingsbestuurder van die Môrester-landgoed naby Ceres, speel swak gehalte ’n groot rol in die onderpresterende prys. Volgens Aartappels SA se statistiek is die gemiddelde prys vir ’n sak uie van 10 kg rondom R54. Dit is bykans R10 per sakkie hoër as middel Maart. “Die hitte, meer as die droogte, het die gehalte van uie geknou. Uie se houvermoë is nie wat dit behoort te wees nie. Talle boere is gedwing om uie te bemark wat hulle in ’n normale jaar sou opberg. Die vraag is dalk ook effens laer as normaal. Gelukkig verdien die goeie uie steeds tussen R60 en R70 ’n sakkie,” sê…

SUID-AFRIKA se grondboonoes stuur weens die droogte op verreweg die kleinste in ten minste twee dekades af. Die beraamde, beplante hektare is ook die minste vir die 18 jaar sedert Graan SA statistieke byhou, wat tot 1998 terugstrek. Die Nasionale Oesskattingkomitee stel in sy jongste raming ’n nasionale grondboonoes van net 33 550 ton in die vooruitsig. Dit is minder as die helfte van dié van verlede jaar. Die beraamde aanplanting is net 22 600 ha, wat 61% minder as die vorige jaar se oppervlakte is. Die enigste ander jaar sedert 1998-’99 waarin die land se grondboon-oes kleiner was, was 42 000 ton in 2013-’14. Mnr. Wandile Sihlobo, ekonoom van Graan SA, sê tot 30 000 ton grondbone sal vanjaar weens die laer oes ingevoer moet word. In 2013-’14 was…

GAUTENG CARLETONVILLE PLAAS 711, 284 ha, aan Schanhauzen-trust, van O.D.S.-familietrust, R5 700 000. TWEEFONTEIN (523), 173 ha, aan B. Rabe-landgoed (Edms.) Bpk., van Johannes du Plessis van Zyl-familietrust, R2 130 000. NIGEL WELTEVREDEN (580), 232 ha, aan Dick Kerslakefamilietrust, van Lottermelkerye BK, R3 244 000. PRETORIA ZWAVELPOORT (373), 11 ha, aan A. en C. Freyer, van Le Grange Testamentêre Trust, R3 000 000. HONINGNESTKRANS (269), 133 ha, aan Kredihold (Edms.) Bpk., van D.E. Solomon, R6 500 000. TWEEDRAGT (516), 456 ha, aan Dendotrax Inv. (Edms.) Bpk., van Rohirrim-landgoed (Edms.) Bpk., R7 410 000. KWAZULU-NATAL BURGERSFORT RUSTPLAATS (522), 39 ha; en WELGEVONDEN (521), 12 ha; aan Apjaterskop-boerdery BK, van J. Bekker, R2 000 000. KOKSTAD RUST FONTEIN (234), 184 ha, aan Bedizzer Trading (Edms.) Bpk., van Basie Louwrenstrust, R10 500 000.…

Afrikaner-beesvleisgaaneersdaagsashandelsmerkinhotelle, restauranteenuitgesoektewinkelsbeskikbaarwees. Dr.PieterdeKock,voorsitter vandieAfrikaner-beestelersgenootskap, sêalisbees-envleisprysetansdeurdiebanklaag, is telersoptimistiesdathulproduk teen’naansienlikepremieindie uitvoer-enplaaslikemarkverkoopkanword. Plannevirdiéeksklusiewebemarkingvordergoed. Dieinternasionaleekspoin AugustusvanjaaropdieJakarandaskouinPretoriagaan’n uitstalvenstervirdiétrotse,eg inheemseSuid-Afrikaansebeesraswees. DiebesteAfrikanerbees-teelmateriaalgaanuitgestalentekoopaangebiedword. Soosdieuitmergelendedroogtedielandbouinsysporegestuit het,hetdieekstremeklimaatdie waardevandieAfrikanerweerbeklemtoon. Diémediumraam-veldbeeshetgewysmethoemin koshykanoorleefenproduseer. Navorsinghetonlangsgetoon bullesesemengehalteblyonaangetasindiehitteenkoeiehet dragtiggeraak,terwylverskeie uitheemse,Europeserassese bulleweensdiehittetydeliksterielgewordendiekoeieniedragtig geraakhetnie.…

Ons kibbel dikwels oor kalibers en baie kampvuurgesprekke gaan oor watter kaliber nou eintlik die beste of mees ideale een vir plaaslike jagtoestande en skietafstande is. Waar jy egter die koeël op die dier se lyf plaas is baie dikwels veel belangriker as die kaliber waarmee jy skiet. SA Jagter/Hunter se boek oor skootplasing is baie gewild onder jagters, en na verskeie versoeke is dié boek nou in ’n meer kompakte vorm beskikbaar, wat met gemak in jou hempsak geglip kan word. Die inligting in hierdie boekie asook die foto’s wat gebruik is, behoort steeds vir jagters (en veral vir beginners) van groot waarde te wees. Lekker jag! Uittreksel uit SA Jagter se Skootplasing sakboekie. Beskikbaar by Safari Outdoor.…

1 213 Altesame 1 213 grondeise was teen November verlede jaar nog onafgehandel nadat die aanvanklike vyfjaar-aansoektydperk in 1998 gesluit het. Intussen het die Kommissie vir Grondhervorming teen 25 Februarie vanjaar 133 778 nuwe eise ontvang sedert die eisproses in 2014 weer oopgestel is. Dit is reeds byna dubbel die 79 696 eise wat teen einde 1998 ingedien was. Sien ook die berig op bl. 14. $15 ’n Nuwe uurlikse minimumloon gaan teen 2023 in Kalifornië geld, kragtens nuwe wetgewing wat laas week deur dié Amerikaanse deelstaat onderteken is. Die huidige minimum loon hier is $10 (R147,23) per uur, teenoor die federale minimum loon, wat sedert 2009 staties gebly het op $7,25 (R106,74) per uur. Sedert Januarie het 14 deelstate en talle stede minimumloonstygings begin toepas, wat op $10 tot…

‘As ek nie daardie WhatsApp-boodskap gelees het nie, was Elvis dalk nog op vrye voete.’ Mnr. André Geldenhuys, ‘n boer van Groblershoop, oor ’n teenmisdaadgroep wat ‘n misdadiger vasgetrek het. Bl. 15 ‘Dit was die RMIF, wat die ganse rooivleiswaardeketting verteenwoordig en nie net die RPO nie, se besluit om die navorsing te staak.’ Dr. Pieter Prinsloo van die RPO oor ’n besluit om navorsing na ’n nuwe vleisklassifikasiestelsel te staak, wat sommige RPO-verteenwoordigers omgekrap het. Bl. 15 ‘Sowat 1% van die VSA se totale mielie-oes is wit mielies. Die geraamde oes laas jaar was 3,5 miljoen ton, waarvan 1,4 miljoen ton uitgevoer is.’ Me. Melissa Kessler van die Amerikaanse graanraad (USGC). Bl. 22 ‘Dit vererger toenemend die boere se kontantvloei-probleem.’ Mnr. Corné Louw, oor die SAID se versuim om…

WENBRIEF In Engeland het grondbaronne in 1694 die Bank van Engeland gestig om uit die grond se kapitaalgroei ryk te word. Sedert 1994 gebruik Suid-Afrika grondhervorming om die Regering, munisipaliteite, gemeenskappe, stamowerhede en beleggers uit die grond se kapitaalgroei te verryk. Dit het die grondprys in die Severn-Madibeng-gebied van R200/ha in 1994 tot R4 500 in 2015 laat styg. (Teen 2025 kan dit R19 917/ha beloop.) Die beleggers juig oor grondhervorming en om 16% per jaar ryker te word. Maar geniet die lesers dit om te sien hoe beleggers in lugverkoelde kantore sit en 16% per jaar ryker word, terwyl opkomende boere in die warm son met harde werk minder as 0,35% uit die produksie van die “hervormende” grond verdien? Die stygende grondpryse vernietig bona fide-boere. Dit laat die vraag…

DIE droogte en verswakkende Suid-Afrikaanse ekonomiese vooruitsigte knel steeds sakevertroue in die landbousektor. Die algemene vertrouensvlak in die vierde kwartaal van verlede jaar, soos gemeet deur die landbousakekamer Agbiz en die Nywerheidontwikkelingskorporasie (NOK), was op feitlik dieselfde baie lae vlak as in die vorige kwartaal. Vertroue was terselfdertyd sowat 25% laer as ’n jaar gelede. Dr. John Purchase, uitvoerende hoof van Agbiz, sê die hooffaktore wat vertroue laat daal het, is die verslegtende vooruitsigte vir die Suid-Afrikaanse ekonomie en die swak algemene landboutoestande weens die rampdroogtesituasie wat op nasionale vlak sigbaar is. KOMMER OOR INKOMSTE Vertroue in die land se ekonomiese groei was in die vierde kwartaal 44% laer as in die derde kwartaal en 82% laer as ’n jaar gelede. Vertroue in algemene landboutoestande was op ’n kwartaalgrondslag 35%…

Agri SA se droogte-rampfonds Die rampfonds word ondersteun deur Landbouweekblad en etlike ander Media24-publikasies. Besoek www.droogterampfonds.co.za. Hoe voel dit om op 90 steeds heeltyds te werk? Ek geniet nog goeie gesondheid en as ek ’n dag nie agter my rekenaar gesit het nie, het ek nie ’n suksesvolle dag gehad nie. Dit is lekker om in die nuuswêreld te wees en veral te probeer bybly met wat in die landbou-wêreld aangaan. Hoe het jou pad geloop? Ek het in 1952 by Die Transvaler begin as ’n plattelandse verteenwoordiger wat ook moes intekenare werf, artikels skryf, foto’s neem en sommer advertensies ook werf. In 1956 is ek na Die Vaderland toe, waar ek algemene verslaggewer, finansiële redakteur en in ’n stadium ook motorredakteur was. In 1958 het die gogga my gebyt…

VERBRUIKERS moet die hand al dieper in die sak steek vir onder meer beesvleis, eiers, mieliemeel, sonneblomolie, uie, aartappels en tamaties, maar nog glad nie vir langlewemelk nie. Melkpryse sal egter moet volg. Volgens die Nasionale Landboubemarkingsraad (NLBR) se indeks van die koste van ’n basiese voedselmandjie was die kleinhandelpryse vir beesdikrib (chuck) per kilogram in Februarie 8,3% hoër as ’n jaar gelede. Die prys van 1,5 dosyn eiers het met 9,52% gestyg, 750 ml sonneblomolie met 28,01% en 5 kg supermieliemeel met 24,62%. Per kilogram was uie 27,28% duurder, aartappels 28,93% en tamaties 19,95%. ’n Liter langlewemelk was egter 0,79% goedkoper. Vars hoender per kilogram was slegs 4,52% duurder as ’n jaar gelede, maar bevrore hoender se prys het skerp gestyg. (Sien bl. 21.) Die NLBR-indeks, gegrond op inligting…

HOENDERBOERE voel glad nie aan hul eie sakke die groot prysverhogings wat Statistieke SA se syfers oor kleinhandelpryse vir bevrore hoender wys nie. Volgens die Nasionale Landboubemarkingsraad (NLBR) se indeks vir pryse in die basiese voedselmandjie was die prys van bevrore hoender per kilogram teen R35,85 in Januarie op ’n jaargrondslag 26,77% hoër en teen R40,21 in Februarie 39,57% hoër. Die SA Pluimveevereniging (SAPV) se jongste syfers toon egter boere se gemiddelde realisasieprys vir bevrore produkte was in die vierde kwartaal van verlede jaar slegs 2,7% hoër as ’n jaar gelede. In Desember was die gemiddelde produsenteprys vir bevrore braaikuikens 1,9% laer as die vorige maand en slegs 0,4% hoër as ’n jaar gelede. Mnr. Kevin Lovell, uitvoerende hoof van die SAPV, sê hy wil graag meer inligting oor Statistieke…

■ Grondpryse onder druk DIE vraag na landbougrond, veral in dele van Suid-Afrika wat die ergste deur die droogte getref is, is tans beperk en dit neem baie langer voor verhandeling plaasvind, sê mnr. Gawie Kleinhans, bestuurder van lewende hawe en eiendom by BKB. Kleinhans sê moeiliker finansiering deur handelsbanke, politieke onsekerheid en hoër rentekoerse plaas ’n demper op verhandeling. “Gegewe die koste wat boere in die droogtetyd aangegaan het, is die goeie pryse wat tans vir die meeste landbouprodukte betaal word, nie ’n sterk genoeg dryfkrag om ’n algemene verhoging in die vraag na en prys van landbougrond tot gevolg te hê nie.” Hy sê die meeste verkopers is nie bereid om hul vraprys te verminder nie. Hy meen daar was tot op hede min verpligte verkope omdat finansiers…

BOERE in die wynbedryf lê hulle toe op toeriste wat wynroetes besoek en wat meer van hul produkte wil koop. Daarom lê hulle ook klem daarop om hul produkte se handelsmerke en bekendheid te bevorder. Jy mag jou dalk op ander aspekte toelê en toeriste lok wat meer in jou unieke boerdery en produksiegebied belang stel. Landboutoerisme is dus nie net beperk tot die bekender wilden wynbedryf wat geleenthede vir landboutoerisme benut nie. Die behoefte van stedelinge om die platteland en ’n werkende plaas en sy mense te beleef, kan die behoefte aan bedrywighede in landboutoerisme in die algemeen verhoog. Landboutoerisme is ewe veel vraag- en aanbodgedrewe. Landboutoerisme is ook nie net beperk tot groot boerdery-ondernemings nie. Kleiner boerdery-ondernemings kan veral daarby baat vind. PLATTELAND Suid-Afrikaners is besig om te…

Om te boer is in jou bloed. Dit kom van kleins af en groei van ’n liefde tot groot hartstog. Dié geesdrif maak dit moontlik om te boer wanneer dit lyk asof daar nie hoop is nie, en jy weet dit gaan môre reën, selfs al is daar nie wolke nie. Hierdie ywer word op die plaas gekweek en nie in die stad nie. Dit is waar die probleem vir die toekoms begin ontstaan. Ek was Februarie in Londen vir navorsing. Daar beplan adviseurs tot ouderdom 105 wanneer hulle na kliënte se aftrede kyk. Terug in Suid-Afrika het ons bevestiging gekry dat as jy in Suid-Afrika 60 is, is jou lewensverwagting dieselfde as in Londen. Dit beteken ons moet ter wille van aftreebeplanning ook na 105 as lewensverwagting kyk. Dít…

MNR. DRIES WIESE . . . WAT IS DIE BESTE RAAD WAT JY TOT NOG TOE GEKRY HET? My oupa, ook Dries Wiese, was my grootste maat in die lewe. Hy het vir my gesê: “Ouboet, jou pa boer met Merino’s, maar jy kan met enigiets boer waarmee jy wil. Jy moet net boer met die heel beste diere tot jou beskikking, want dan gaan dit vir jou mooi wees. En as ’n dier vir jou mooi is, gaan jy na hom wil kyk, en as jy na hom kyk, gaan jy geld maak.” Die beste raad wat ek nog gekry het, was om met die beste diere moontlik te boer, want dan sal ek suksesvol wees. WAT IS DIE GROOTSTE FOUT WAT JY AL GEMAAK HET? Ek het baie…

WEN R1 000 MET JOU BOEREPLAN! PLAASINLIGTING LIGGING: Delmas,Mpumalanga KORTOM ■ Ou telefoondraad kan met gemak as lyndraad op plase gebruik word. ■ ’n Raamwerk waarop ’n velling en ratkaste gemonteer is, word gebruik om draad op te rol. ■ Die een ratkas dryf ’n awegaar aan, wat gebruik word om gate te boor waarin hoekpale geplant word. Die koms van selfone het die bestaande telefooninfrastruktuur, wat pale en lyne insluit, op talle plekke in Suid-Afrika oorbodig laat raak. Hierdie lyne het egter in paaie begin lê, wat ’n gevaar vir verkeer kon inhou. Verskeie boere het begin om op tendergrondslag dié lyne op te rol vir eie gebruik. Die draad kan gebruik word om lyndrade te span of veekampe te maak. Mnr. Piet Schutte van die plaas Moabsvelden naby…

Gebakte Bar-One kaaskoek Die Bar-One-sjokolade smelt net genoeg terwyl die kaaskoek bak om vir sagte toffie-verrassings in elke sny kaaskoek te sorg. Hemels. Kors ■ 1 pakkie (200 g) sjokoladeklapperkoekies, soos Romany Creams ■ 180 ml klapper ■ 100-125 ml gesmelte botter Vulsel ■ 2 houers (200 g elk) roomkaas ■ 80 ml versiersuiker ■ 15 ml koekmeel ■ 3 ekstragroot eiers ■ 5 ml vanieljegeursel ■ 125 ml suurroom ■ 100 g Bar-One-stafie, in blokkies gesny Bolaag ■ 60 g donker sjokolade, gekap ■ 45 ml room Voorverhit die oond tot 180 ˚C en smeer ’n klein losboomkoekpan van 18 cm of spuit met kleefwerende kosssproei. Verwerk die koekies tot fyn krummels en meng met die klapper en die gesmelte botter. Druk die krummelmengsel op die boom en teen…

Voorwaar! Daar val die reën en al my man se voëls vrek, behalwe een. Die groot groene was eerste, maar ter verdediging van my man, hy het hom so kol-kol kaal gekoop. Dalk was dit depressie wat hom sy vere so laat uittrek het. Voëls kan seker ook depressief raak oor droogte. Die reënboogkleurige wyfie, ’n soort lorikiet, het ’n gat gevind en nie op haar laat wag nie. “You go, girl!” wil ek haar agterna roep. Of in Afrikaans: “Gaan vir goud, Gesina!” Maar Gesina se mannetjie treur hom toe vrek. Soos Ed Sheeran sing: “Loving can hurt.” Die love birds? Wat ’n spul! Ná lang betragting het ek erge aandag-afleibaarheid en hiperaktiwiteit by hulle gediagnoseer. As hulle nie onbeskaamd vry nie, grou hulle. Met daardie vrypostige bekkies het…

EK IS WAT EK IS DS. KOBUS VAN DER WESTHUYZEN Een van die hoogste hekkies om op die pad na verlossing te oorkom, is die erkenning dat jy is wat jy is. Dit klink maklik, want kan ’n mens dan wees wat jy nie is nie? Die antwoord is ’n teenstrydige “ja” en “nee”. Volgens God is die antwoord: “Ja, jy is wat jy is en al probeer jy ook hoe hard, sal jy nie anders kan wees nie.” Wanneer mense jou beoordeel, kan die resultaat egter misleidend wees. Jy kan ’n skynlewe lei en ’n totaal verkeerde indruk van jouself wek. ’n Outobiografie moet dus nie te hoog aangeslaan word nie, want wanneer iemand oor homself skrywe, is dit nooit heeltemal hyself nie. ‘As ons beweer dat ons geen…

Een ding wat dadelik jou oog tref in die netjiese kantoor van me. Elmarie Prinsloo, uitvoerende beampte van die Bloemskou, is die swart-wit-foto van ’n trotse gesin by ’n perd. “Jare terug,” sê Elmarie. Sy is styf onder pa Marius se blad en met haar regterhand vryf sy oor die perd se neus. “Dit was hoeka by die Bloemskou. My pa was direkteur van die skou. Ons het van kleinsaf saamgekom.” Dit is goed om te weet, want as ’n 133 jaar oue skou gereël moet word, wil jy weet dit is in goeie hande. Elmarie, ’n plaasmeisie van die Soetdoring-omgewing noord van Bloemfontein, het al as student by die Bloemskou begin werk en is die afgelope agt jaar die uitvoerende beampte. Sy ken dus boere, die Vrystaat en die…

Bloemskou bied van 27 April tot 7 Mei elf dae van landbou-uitstallings, kompetisies en gesinsvermaak aan. Vir die landboubedryf is die verskeie bees-, skaap- en perdeskoue belangrike hoogtepunte op die program. TOEGANG Kaartjies is by Computicket te koop. Die gewone toegangstarief is R70 en R20 vir pensioentrekkers en kinders jonger as 12 jaar. Toegang vir kinders jonger as ses jaar is gratis. Koop pretparkkaartjies voor 27 April by Computicket en kry 50% afslag. Spesiale aanbiedings ■ Donderdag 28 April en Woensdag 4 Mei: Spesiale pretparkpakkette teen R120 vir onbeperkte ritte tot 20:00. ■ Vrydag 29 April: Leerders in hul skooluniforms en studente met geldige studentekaarte betaal R35 of R70 vir toegang sonder ’n studentekaart of skooluniform. ■ Dinsdag 3 Mei: Halfprysdag! ■ Saterdag 7 Mei: ’n Musiekfees met Siphokazi en…

Die droogte wat Suid-Afrika tans ervaar, is ’n struikelblok vir elke boer. Hoewel sonne -blomme droogtetoestande beter as die meeste ander landbougewasse weerstaan, is goeie landboukundige praktyke steeds van deurslaggewende belang om die hoogste moontlike opbrengste te verseker. Navorsers is dit eens dat die afgelope seisoen as die droogste in 100 jaar beskryf kan word. Dit het groot probleme vir boere veroorsaak. Sonneblomme het aan talle saaiboere die opsie gebied om ten minste iets te plant. Gevolglik was laat aanplantings aan die orde van die dag soos reënval dit toegelaat het. Hoewel dit nie gewens is nie, kan die moontlikheid van ’n oes, al is dit hoe klein, die boerderybedryf ondersteun. Laat aanplantings lei egter noodwendig tot ’n laer opbrengs vanweë verskeie faktore wat met ’n beperkte groeityd verband hou.…

MEER as 600 opkomende boere van nedersettings en landelike dorpe van oor die hele land is onlangs bemagtig om die proses te begin om hul bestaansboerdery na ’n kommersiële boerdery oor te skakel. Hul opleiding, gelei deur Santam Landbou, het aan hulle die nodige finansiële en sakevaardighede oorgedra. “Die opleiding het my regtig gehelp om my kleinboerdery te bestuur,” het mnr. William Mmakola, ’n opkomende boer van die nedersetting Tsimanyane in Limpopo, gesê. “Die praktiese lesse wat ek geleer het, help my nou om my sakeplanne op te stel en te bestuur. Ek het reeds ’n aksieplan opgegestel om die omset te bestuur wat uit die kweek van vars produkte verdien word,” het hy gesê. “Ek wens die res van ons gemeenskap het die geleentheid gehad om die opleiding by…

VANJAAR se tafelolyfoes gaan kleiner wees as die 2 500 ton van verlede jaar, sê mnr. John Scrimgeour van Buffet Olives en voorsitter van die tafelolyfforum van die Suid-Afrikaanse Olyfbedryfvereniging (SA Olive). Die kleiner oes kan aan die droogte toegeskryf word. Hoewel die olywe groter en die gehalte beter is, word die voordele daarvan oorskadu deur die ongunstige uitwerking wat die droogte op die grootte van die oes het. Op ’n gunstiger noot het die droogte daartoe gelei dat die swamdruk vanjaar laer is. Scrimgeour sê Suid-Afrikaanse tafelolyfboere lewer nie genoeg olywe om in die binnelandse verbruikers se vraag te voorsien nie. Sowat 20% van die tafelolywe wat jaarliks in Suid-Afrika gebruik word, word ingevoer. Suid-Afrika voer op ’n klein skaal tafelolywe na buurstate uit deur plaaslike kettingwinkelgroepe wat daar…

ALGEMEEN 30 APRIL: Warmbad-Bosveld-fees: "Leef groen en wees veilig." Groen boerepatentkompetisie en uitstalling van elektriese motors. Marius Bacon, sel 083 297 6135, e-pos: nhk@telkomsa.com, web: http://hkw.co.za/bosveldfees. 30 APRIL-2 MEI:Agri-Expo-kaasfees, Sandringham, Porchia Adams, tel. 021975 4440, sel 082 4412510. Agri-Expo, tel. 021975 4440; e-pos: admin@agriexpo. co.za;YolandideWet,sel082772 7519. Web: www.cheesefestival.co.za. BOEREDAE 13 APRIL: Vrystaat Landbou, Streek18, Perdeberg. 16:00, tel. 051 4444609. 14 APRIL: Vrystaat Landbou, Streek12 en13, Dealesville. 09:00, tel. 0514444609. 19 APRIL:Vrystaat Landbou, Streek10,Virginia,10:00,tel.051 4444609. 28 APRIL: Vrystaat Landbou, Streek 5, Harrismith.11:00, tel. 051 4444609. 27 JULIE: Noord-VrystaatSAVM, Rooi Skool, Kroonstad. Dr. Jasper Coetzee: Nuwe beginsels in presi-sie-skaapboerdery.Toegang R100. Neline Pienaar.sel 082 4404492, e-pos: Bennieneline@eleo.co.za, of sel 083 2792375, sel 082 440 4492. KURSUSSE 11- 13 APRIL: Kl, beeste, Krugers-dorp.D¡Rothman,sel 082772 1208, Andy, sel 082770 0480, Lilly.sel 078 5467985; web: www.rltsafrica.com.…

POINTER Origin and History Although the dog is often called the “English Pointer” colloquially, the official breed name according to the British Kennel Club is simply “Pointer”. Records of Pointers trace back as far as the mid 1600’s with Spanish and Portugese Pointers being brought to the British Isles. Status in South Africa The Pointer is by far the most popular pointing dog in South Africa for the Field Trialling community with numerous Trials being held in all of the major provinces where Gamebirds occur. There is also a dedicated following of purists Wingshooters who love to shoot over fine pointing dogs where the retrieve is done by the handler or a Retriever. However in recent years genetics has been imported from some of the Scandanavian countries as well as…

kassie@so.co.za / 0861 22 22 69 RELOADING BASICS Materials list Press Scale Bullets Shellholder Brass Powder Dies Reloading Guide Why do we reload ammunition? To save money, better accuracy, obsolete cartridges? A clear distinction must be made between basic equipment to follow the correct reloading process to produce a decent cartridge, and equipment needed to use advanced techniques to reload cartridges for specific reasons (competition shooting, reduced loads, long range hunting etc). Both of these equipment lines can be supplemented by the so-called “convenient” types of equipment that do not contribute to better accuracy or better functionality, but that makes the life of the reloader easier. Our specialists at our facilities are of the best qualified to guide you through the decision making of what to acquire for your specific…

VORDERING? Dit het altyd op twis uitgeloop: Rugby of sokker? Daar agter die melkskuur op die plaas waar die kikoejoegras lekker dik groei, laat op somermiddae ná ’n dag se werk. Ek, my twee broers en die plaaswerkers se ses laaities. Themba en Xolani was rugbyspelers, soos ek en my broers. Die res was sokkermal. Die kompromis was altyd om albei te speel. Mbuyisile, die voorman se laaitie, was ’n fanatiese Orlando Pirates-aanhanger. Hy was groot, sterk en vinnig en boonop ’n bykans onstuitbare rugbyspeler. Hy was altyd ’n bietjie omgekrap oor hy rugby moes speel en dus heel geneë om sy teenstanders seer te maak om sy ontevredenheid tuis te bring. Ek het vir die eerste keer in jare aan Mbuyisile gedink toe die voormalige Springbokkaptein John Smith verlede…

MNR. COETZER HANEKOM van Die Mas-boerdery op Kakamas boer saam met sy pa en broer, onderskeidelik Vlok sr. en Vlok jr. Hulle ontgin die hele druiwewaardeketting in hul familieboerdery en boer met tafel- en wyndruiwe. Hulle maak ook rosyntjies, wyn en brandewyn en het ’n landboutoerismevertakking. Lees die artikel op bl. 38. VERTEL ONS VAN JOU GESIN. Ek en my vrou, Elmien, het drie kinders, Louise (8), Welna (4) en Klein Vlok (2). WAAR EN WAT HET JY GESTUDEER? Meganiese ingenieurswese aan die Universiteit Stellenbosch. Ek het eers vir drie jaar by chemiese en elektroniese ingenieursfirmas gewerk voor ek plaas toe gekom het. HET JY ’N STOKPERDJIE? Ek werk graag met leer en het al sowat 1 000 handgestikte lyfbande gemaak. Die brandewynkelder is my ander “stokperdjie”. MNR. DRIES WIESE…

WeChat, ’n selfoontoepassing soortgelyk aan WhatsApp, het ’n slimfoon-skenkingskanaal ontwikkel om boere in nood by te staan. Android- en iOS-gebruikers kan dié app by http://goo.gl/714UJ aflaai en met WeChat Wallet, ’n virtuele “beursie”, ’n bedrag van hul keuse skenk. Gebruikers ontvang ’n eenmalige korting op die geld wat hulle skenk. Tot en met R50 word terug in jou beursie geplaas. Jy het die keuse om ’n tweede keer te skenk, en sodoende dié korting ook in die droogtefonds te plaas. WeChat Afrika tree in vennootskap met Agri SA op. “Ons is bly dat WeChat by ons saak betrokke geraak het,” sê mnr. Omri van Zyl, uitvoerende hoof van Agri SA. “Hulle het die skenkingsproses baie eenvoudig gemaak en ons ondersteun die idee dat tegnologie gebruik word om soveel mense as…

DIE potensiaal om rooivleis na Afrika en die Midde-Ooste uit te voer, is baie hoog, sê mnr. Louw van Reenen, uitvoerende hoof van Beefmaster, een van Suid-Afrika se grootste voerkraalmaatskappye. Van Reenen het op ’n boeredag op Christiana daarop gewys dat Beefmaster se uitvoer van rooivleis in 1998 slegs 0,5% van die maatskappy se omset bedra het. “Vandag dra die uitvoer van rooivleis 30% tot die maatskappy se omset by.” Hy sê die uitvoer van Suid-Afrikaanse rooivleis het oor die afgelope paar jaar skerp gestyg, terwyl invoer gedaal het. “Afrika is besig om homself te posisioneer om proteïen teen ’n groot tempo te begin produseer. Suid-Afrika is in ’n uitstekende posisie om in die vraag te kan voorsien.” Hy het boere aangeraai om nie na ander buitelandse markte, afgesien van…

AMERIKAANSE boere wat wit mielies aanplant, voorspel ’n goeie oes en glo daar sal meer as genoeg voorraad wees om in Suid-Afrika se verwagte vraag te voorsien, sê die Amerikaanse graanraad (USGC). Me. Melissa Kessler, woordvoerder, het aan Landbouweekblad bevestig daar is sedert die begin van Maart vanjaar 70 579 ton wit mielies na Suid-Afrika verskeep. “Sowat 1% van Amerika se totale mielie-oes is wit mielies. Die geraamde oes verlede jaar was 3,5 miljoen ton, waarvan 1,4 miljoen ton uitgevoer is,”sê sy. Me. Annatjie Loio, voorsitter van die Graanhanteringsorganisasie van Suider-Afrika (GOSA) en self ’n handelaar, het ook bevestig sy is bewus van twee skepe met wit mielies uit Amerika wat verlede week al in die omgewing van Walvisbaai was. Sodra die eerste mielies afgelaai word, behoort dit afwaartse druk…

Die produsenteprysindeks wat einde Maart bekend gemaak is, het skokgolwe deur ekonome se rekenaarmodelle gejaag. Dié wat by die landbou betrokke is, is afgemaak as mense wat te veel alarm maak oor die verwagte verloop van voedselinflasie vanjaar. Die algemene verbruikersinflasie vir Februarie was sowat 7% hoër as dié van ’n jaar gelede en voedselpryse was gemiddeld 8,6% hoër op winkelrakke. Dié neiging is besig om te versnel. Einde Maart het die produsenteprysindeks ook verder gestyg – van 7,6% tot 8,1%. Dit is pryse op produksie-of fabrieksvlak en dit word gewoonlik so twee tot drie maande later op die winkelrak in hoër inflasiesyfers weerspieël. Die produsenteprysindeks vir landbouprodukte was einde Februarie sowat 27,2% hoër as ’n jaar gelede. Water- en elektrisiteitspryse is reeds 12,6% hoër as ’n jaar gelede en…

Die regering van Florida, Amerika se sitrus-hartland, lei deesdae snuffelhonde op in ’n poging om die ernstige probleem van vergroening in sy spoor te stuit. Die honde word opgelei om die vergroeningsbakterie in ’n boord op te spoor voordat besmette bome simptome begin wys. Hulle is 99,7% van die tyd akkuraat en meer gereeld in die kol as ’n laboratoriumtoets, berig die nuusdiens Bloomberg. Dr. Tim Gottwald, senior wetenskaplike in beheer van die projek by die Amerikaanse departement van landbou, sê die navorsing het al in 1999 begin. Dit is egter ná 11 September 2001 se terrorisme-aanvalle in Amerika vir eers onderbreek toe die regering finansiële voorrang aan die beveiliging van lughawens, hawens en grensposte begin gee het. Die hondeprojek is egter sedert 2010 weer volstoom aan die gang nadat…

’n Koggelram (’n ram waarvan die saadstringe geknip is) kan ’n kudde se reproduksietempo verhoog en ’n rol speel om bestuursbedrywighede in die boerdery te laat saamval en te verbeter, maar dié effek word dikwels op plase onderbenut. Die koggelrameffek gebruik ’n belangrike natuurlike verskynsel, skryf dr. Jasper Coetzee in ’n artikel (“Die rol van koggelramme”, 22 Julie 2008) op landbou.com. Die ramme skei kragtige feromone deur kliere in hul vel af wat in die wolwas en was rondom hul oë versamel. Die reuk van hierdie stowwe veroorsaak binne tien minute ’n diep hormonale reaksie by ooie wat hulle op hitte bring. Die ooi moet minstens vier tot agt weke voor die koggeltyd van manlike diere geïsoleer word. Binne ’n halfuur nadat die ooi met manlike diere kontak gemaak het,…

MNR. COETZER HANEKOM WAT IS DIE BESTE RAAD WAT JY OOIT GEKRY HET? Om nie halsoorkop besluite te neem nie. Bêre eers die tjekboek, raak rustig, dink mooi, vra raad, doen jou huiswerk en besluit dan. WIE WAS JOU MENTOR? My pa, Vlok, wat ons van kleins af naby aan die natuur grootgemaak het. Toe word hy boonop vanaf graad 8 my landbouwetenskap-onderwyser. Toe ek teruggaan plaas toe, het ons gereeld ons gesonde pa-en-seun-verskille gehad, maar noudat ek ouer word, kom ek agter ek dink by die dag meer soos hy. WAT IS DIE GROOTSTE BOERDERYFOUT WAT JY GEMAAK HET? Toe ek jonger was, het ek te maklik na gladdebek-verkoopsmanne geluister wat met allerhande “wondermiddels” en “goue geleenthede” vorendag gekom het. WAT IS JOU GROOTSTE BOERDERYSTRUIKELBLOKKE? Die hoë arbeidskoste wat…

PLAASINLIGTING LIGGING: Reitz,Vrystaat NAAM: Mooipanen Gewaagd STOETERY: Nonnie-stoetery GROOTTE: 630ha EIENAAR: Mnr.C.J.Rautenbach VERTAKKINGS: Tuli-stoeterymet200vroulikediere enSenepol-stoeterymet10vroulikediere GRONDTIPE: Rooisandleem VELDTIPE: AangeplanteEragrostis(80ha)en gemengdesuurveldenvleiweiding GEMIDDELDE REËNVAL:800mmperjaar Op die plaas waarop die vertroude Rau-veehanteringstoerusting gemaak word en waar mnr. Cornelis Rautenbach in die voetspore van sy veeboer-oupa volg, word onomwonde in die byhou van inligting geglo. Verder word net teelbulle gebruik wat uit voortreflike Elite-koeie geteel word. “Dit is van die uiterste belang om diere uit te klas wat nie aan die vereistes van die stoetery se volhoubare gehardheid, soos kondisie en bouvorm-eienskappe, voldoen nie.” Hy was bevoorreg om die afgelope 34 jaar as senior beoordelaar van die Tuli-ras ’n fyn oog vir veeteelt te ontwikkel. “Die opleiding help ook om die fynere punte van diere reeds op ’n vroeë ouderdom waar te neem. Daarvolgens…

Resepte en stilering: ARINA DU PLESSIS Kosfoto’s: MYBURGH DU PLESSIS en BERNA COETZEE Ander foto’s: VERSKAF Resep vir brie in brioche: VERSKAF Latana-kaaskoekbruintjies Mnr. Dean en mev. Petra Lategan van Latana Cheese net buite Oudtshoorn se romerige, handgemaakte kaas is werklik spesiaal. Elke Latana-kaas wat ek geproe het, is heerlik, maar die soliede wiele roomkaas wat met dadels gegeur word, het my uitgeboul. Ek het besluit om dit met sjokolade en nóg dadels te kombineer in hierdie kaaskoekbruintjies en dit voor te sit met goeie vanieljeroomys en ’n glasie De Krans-port uit hul omgewing, soos Dean voorgestel het. Besoek www.latana.co.za vir meer inligting. Dadelbruintjiebasis ■ 1 pak (250 g) ontpitte dadels, fyn gesnipper ■ 5 ml koeksoda ■ 180 ml kookwater ■ 200 g baie sagte botter ■ 4 ekstragroot…

■ Natuurskoon: Die dorp lê in ’n perdeskoendraai van die Sondagsrivier en word omring deur Sanparke se Kamdeboo Nasionale Park (tel. 049 892 3453) van 19 405 ha. Oornaggeriewe is beskikbaar by die Lakeview-tentkamp en die Nqwebakampeerterrein langs die Nqweba-dam. ■ Bekende baken: Die NG “Grootkerk” is deur die Salisbury-katedraal in Engeland geïnspireer. Dit is in die Gotiese herlewingstyl en glo die enigste Suid-Afrikaanse kerk met ’n kombuis en ’n skoorsteen. ■ Toeka se dae: Reinet-huis se swartakkerwingerdstok wat in 1870 geplant is, het voorheen ’n enkele stam met ’n omtrek van 3,10 m gehad en was die dikste wingerdstok ter wêreld. Dooie hout moes in 1983 verwyder word nadat dit deur ’n swamsiekte beskadig is. Die Laubscherpoppeversameling is ook hier te sien. ■ Knibbel-knibbel: Plaaslike eetplekke is Polka Restaurant…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 14 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

Die groeiende belangstelling in die maksimale produksie van sojabone landw yd regverdig dit om met nuwe oë na die bemesting van dié gewas te kyk. Dit is wys om ’n kundige te raadpleeg omdat daar baie teenstrydige uitlatings oor die bemesting van sojabone is. Dikwels word beweer bemesting het nie ’n gunstige invloed op die opbrengs van sojabone nie. Dit kan veral gesien word by die bandplasing van kunsmis. Hier volg die waarskynlikste redes vir ’n swak reaksie van sojabone op bemesting: ■ Die fosfaat- en kaliuminhoud van die grond is meer as die kritieke behoeftevlakke. ■ ’n Tydperk van droogte in die groeityd het ’n groter invloed op die opbrengs gehad as die bemesting. ■ Planttoestande (grondtemperatuur en -vog) was ideaal. ■ Die bemesting was onvoldoende of ongebalanseerd. Sojabone…

Een van die grootste frustrasies vir sojaboonboere tydens die stroopproses, is groen sojaboonplante. Dit bemoeilik stroop en veroorsaak oopspringprobleme by peule. Die groen plante belemmer die vloei van materiaal deur die stroper. Dit kan selfs om die drom vaskoek wat die stroper tot stilstand ruk. Dit is ’n groot frustrasie om die stroper oop te maak en al die materiaal uit te haal. Boonop vertraag dit die hele stroopproses en mors waardevolle tyd. Groen materiaal veroorsaak ook dat die stroper meer mors en nie alle pitte van die kaf skei nie. As ’n boer vir al die plante en stamme wag om behoorlik uit te droog, is die kans op oopspring baie groter en oesverliese neem drasties toe. Die fisiologiese afwyking van groenstam is een van die grootste oorsake van…

Internasionaal: Die prys van mielies het met 1,2%, oftewel $1,71/t (R25,47/t), gedaal tot $143,87/t (R2 143/t). Op ’n jaargrondslag is dit 5,3%, oftewel $10,03/t (R149,42/t), laer. Verwagte pryse: Mei – $139,91/t (R2 084/t), Julie – $141,17/t (R2 103/t), September – $142,67/t (R2 125/t), Desember – $145,51/t (R2 168/t). Plaaslik: Die Safex-prys vir wit mielies het met 3,5%, oftewel R170/t, gedaal tot R4 633/t. Die prys van geel mielies het met 10,4%, oftewel R351/t, gedaal tot R3 034/t. Op ’n jaargrondslag is dit 81,7%, oftewel R2 083/t, hoër vir wit mielies, terwyl geel mielies 26,7%, oftewel R640/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 1%, oftewel $1,74/t (R25,92/t), gestyg tot $173,15/t (R2 580/t). Op ’n jaargrondslag is dit 9,3%, oftewel $17,71/t…

Bank- en finansieringskoste word dikwels aanvaar as ’n uitgawe waarmee boere moet saamleef en waaroor hulle min beheer het. Mnr. Ernst Janovsky, landboubesigheidshoof van Absa, sê boere moet oor hul ondernemings se inkomste en bestedingspatrone besin. Aan rentekoerse is daar min salf te smeer, maar Janovsky sê banke bied verskillende dienstebondels wat spesifiek vir boerderye se behoeftes aangepas kan word. “Gaan kyk of jy min transaksies teen groot bedrae doen of is dit ’n kontantwinkel waar baie transaksies teen klein bedrae plaasvind. Hoeveel kontant ontvang jy en betaal jy uit?” Hy waarsku dat kontant of tjeks duurder is as elektroniese transaksies. “Tjektransaksies is duur weens die risiko van bedrog en omdat mense tjektransaksies fisiek in die stelsel moet invoer. Elektroniese transaksies verg minder mannekrag en is daarom goedkoper.” Janovsky sê…

APRIL LICHTENBURG 21 , Sentraal-Binneland-Boerbokklub, Boerbok, Lichtenburg. Retha Calitz, sel 082 928 0700. PARYS 22, Drakensberger, Afridome-skouterrein. Caroll-Ann Mienie, sel 079 477 4416; web: www.afridome.co.za. UPINGTON 28-30, Upington-ekspo, (Nasionaal: Van Rooy; streek: Meatmaster), Boerboel-streekskou, jeugskou, krokodiltentoonstelling; (Noord-Kaap: Arabierperd). Navrae: Stiaan von Wieligh, sel 082 844 6604. MEI BLOEMFONTEIN 2–5, (Streek: SA Boerperd, Vrystaat). Petro Grové, sel 082 551 3221. PARYS 25-26, Brangus, Afridomeskouterrein. Parys. Caroll-Ann Mienie, sel 079 477 4416; web: www.afridome.co.za. PIETERMARITZBURG 30 Mei–1 Junie, (Streek, Kwa-Zulu-Natal: SA Boerperd). Petro Grové, sel 082 551 3221. JUNIE PARYS 27 Junie–2 Julie, (Nasionaal: SA Boerperd); Afridome, Parys, Petro Grové, sel 082 551 3221; Caroll-Ann Mienie, sel 079 477 4416; web: www.afridome.co.za. JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein, web: www.afridome.co.za. 15-17, Boran, Caroll-Ann Mienie, sel 079 477…

Materials list Cleaning cradle Splatter box Nylon coated cleaning rod Bore Guide Nylon or Phosphor Bronze brush Stock boot Patch jag Clean cloth patches which are cut to appropriate size for your calibre. Step 1 MAKE SAFE Make sure your rifle is safe Step 2 SECURE RIFLE Secure your rifle on a proper cleaning cradle with its muzzle pointing down Step 3 BORE GUIDE Insert a bore guide Step 4 PROTECT STOCK Protect the stock against solvent spillage Step 5 PROTECT SCOPE Cover the telescope lenses Step 6 SECURE A SPLATTER Secure a splatter box at the muzzle to catch wasted patches and solvent dripping out Step 7 Screw a good quality nylon brush or a phosphor bronze brush into the tip of a good quality nylon coated cleaning rod.…

Safari Outdoor Rivonia is our flagship store, boasting a 2000sq meter shop fully equipped with everything, ranging from Optics, Reloading Equipment and the best outdoor gear. Safari Outdoor Pretoria is a down-toearth, relaxed yet impressive shop for easy going outdoor people. With stunning restaurants located next to the shop, clients are ensured a lovely time. Located in the Western Cape, Safari Outdoor Stellenbosch brings their clients a more rustic side of outdoor life. With a wonderful local staff, Safari Outdoor Stellenbosch will not disappoint. Johannesburg Store Rivonia crossing ii, 3 Achter Road, sunninghill Tel: 0861 14 35 45 Pretoria Store Lynnwood Bridge centre, corner of Daventry & Lynnwood Road Lynnwood Tel: 0861 22 22 69 Stellenbosch Store Devon place centre, corner of R304 & Bottelary Road, koelenhof Tel: 0861 11…