Innholdsfortegnelse for 18-Mar-16 i Landbouweekblad

Die Islamitiese ekstremistegroep Boko Haram word die slagoffer van ’n voedseltekort wat hy self geskep het. Sy jare lange skrikbewind in NoordAfrika het nagenoeg 2 miljoen mense van hul huise en plase verdryf en onbewerkte landerye en verlate nedersettings agtergelaat. Nou is daar niks oor om te plunder nie. Oorlewendes van ’n onlangse aanval op die dorpie Mora in Kameroen vertel hoe gewapende mans dié dorpie aan die Nigeriese grens aangeval het. Hulle het elke man wat hulle gesien het, geskiet. Maar pleks daarvan om huise af te brand en gyselaars te ontvoer, het die aanvallers beeste, bokke en enige ander kos wat hulle kon vind, bymekaargemaak en daarmee gevlug. Sulke aanvalle vind al hoe meer plaas in die grensgebiede rondom Boko Haram se hartland in NoordoosNigerië. ’n Militêre veldtog…

ARTIKELS & RUBRIEKE ■ Fyn waterbestuur weer ramp af ■ Droogte is ’n leerskool ■ In Kalahari is son en sout karperde ■ Verfynde stelsels gee Spier krag ■ Toerisme én buffels ’n wenresep ■ Boereplan: Oliedrom as dieselpomp ingespan GESIN ■ Boerekos: Herfsgeure vir Paasfees SPESIAAL ■ Buitelewe en jag; Wes-Kaap ALTERNATIEWE ENERGIE Ditistydomdiekragnetwerkooptestelsodatverbruikersmetsonkragstelselsvergoedkanwordvirdiekragwathulleaandienetwerklewer, sê’nsonkragentrepreneur.Onsberigoor’nsonkragaanlegbydieKalahari-soutpan.Ditis’nvoorbeeldvan’nminikragnetwerk,watideaalkan werkvirafgeleëgemeenskappe.…

BAANBREKERS PRESTEER MET ONKONVENSIONELE BEWERKING Besparings van tot 50 persent aan brandstof, die bekamping van winden watererosie en beter vogbewaring is van die voordele wat drie kleingraanboere van die Suid-Kaap behaal met die nuwerwetse bewaringsbewerking van hul lande. Die drie baanbrekerbewaringsboere is mnre. Jack Human van Eerstekop, Heidelberg, Thys Swart van Koesanie, Swellendam, en Trevenen Barry van Reenen Crest, Heidelberg. Hulle het ’n aantal jare gelede na bewaringsbewerking oorgeskakel weens die hoë produksiekoste, erosie en vogverlies wat met gewone grondbewerking gepaardgaan. Met die nuwe bewerkingsmetode wil hulle die grond bewaar en in die beste moontlike toestand aan die nageslag nalaat. Die drie boere het ’n eie studiegroep, die Ruênsbewaringstudiegroep, gestig. Daarmee wil hulle hul kennis en ervaring saam aanwend om nog groter welslae te behaal. Hulle wil ook belangstellende medeboere…

SUID-AFRIKAANSE rooivleisprodusente kan vanjaar beter rooivleispryse verwag namate die uitvoer van rooivleis toeneem. Dr. Pieter Prinsloo, ondervoorsitter van die Rooivleisprodusente-organisasie, sê onderhandelinge kan daartoe lei dat groot hoeveelhede Suid-Afrikaanse rooivleis na Irak, die Verenigde Arabiese Emirate en Asië versprei word. “Dit is een van die redes vir die huidige skerp styging in rooivleispryse,” sê hy. Prinsloo sê met die uitbreiding van verskeie groot mynhuise in Afrika gaan die vraag na plaaslik geproduseerde rooivleis vir uitvoer na lande op dié vasteland toeneem. “Suid-Afrika voer tans sowat 4 000 ton rooivleis per maand na 42 lande uit. Dit sluit lande in Afrika, die Midde-Ooste en Indië en China in. Dit is ook die keursnitte wat uitgevoer word, met heel karkasse wat moontlik binnekort na die VAE uitgevoer kan word.” Die moontlikheid van…

81% gebruik GM kultivars, maar 19% eet nie self dié gewasse nie. 57% moet weens die droogte werkers aflê. 23% het nie genoeg water vir die jaar nie. 93% verkies die vrye mark. 80% glo klimaatsverandering gebeur reeds. Slegs 13% is betrokke by grondtransaksies vir swart bemagtiging. 51% boer met ‘groen’ trekkers en 20% met ‘rooies’. 72% se werkers het in die afgelope twee jaar formele opleiding gekry. 54% het hul produksieplanne by El Niñovoorspellings aangepas. 65% gaan nie genoeg voer vir hul vee hê nie. 34% voeg op die plaas waarde toe tot hul graan. 14% glo nie weervoorspellings nie. 69% bestuur die boerdery as ’n familiebesigheid. 63% sal in die heersende omstandighede in SA herbelê. 24% se familie was al slagoffers van plaasaanvalle. 14% wil in die volgende…

BOERE kan op nog 288 000 ha kos produseer indien ’n manier gevind word om al die water te bespaar wat weens ondoeltreffendheid verlore gaan. “Sowat ’n derde van die water in ons skemas gaan verlore as gevolg van ondoeltreffendheid, soos kanale en damme wat lek, of onnodige verdamping. Ons waterbronne word nie goed bestuur nie en meer aandag sal daaraan gegee moet word deur die openbare én die private sektor,” sê prof. Mohammad Karaan, dekaan van die fakulteit landbouwetenskappe aan die Universiteit Stellenbosch. Hy was ’n deelnemer aan ’n Megaboere-gesprek by die Stellenbosse Woordfees. “Die landbou se toekoms gaan bepaal word deur wat hy met water gaan doen, gegewe dat dit die droogste en warmste jaar in ’n 100 jaar is. Die landbou het reeds 46% van die beskikbare…

VERSEKERINGSUBSIDIES vir droogteskade is reeds met die Tesourie bespreek, maar dit is onseker wanneer só ’n skema eindelik in die lewe geroep sal word. Suid-Afrika is die enigste van die Brics-lande wat nie aan sy boere versekeringsubsidies bied nie, het mnr. Tshokolo Nchocho, uitvoerende hoof van die Land Bank, verlede week aan die Parlement se portefeuljekomitee vir landbou, bosbou en visserye gesê. Hy het gesê ’n konsepdokument oor sulke subsidies is reeds met die samewerking van die Departement van Landbou, Bosbou en Visserye ontwikkel. Die inisiatief is ook reeds met die Nasionale Tesourie bespreek. Ofskoon dié maatreël oorweeg word, het hy benadruk dat die ontwikkeling daarvan maar redelik stadig vorder. “Gegewe dat die land uit ’n perspektief van klimaatsverandering droog en onstabiel is, dink ek ons moet as ’n nasie…

WYNMAKERS is opgewonde oor die Ceres-streek se onontginde wynmoontlikhede. ’n Artikel deur die wynskrywer Tim James op www.winemag.co. za oor die potensiaal van Ceres as wynproduksiestreek, het onlangs wyd aandag getrek op sosiale media. Hy skryf onder meer oor die wynmakers mnre. Chris Alheit (Alheit Vineyards) se Riesling en Razvan Macici (Nederburg), se Pinot noir. Mnr. Stephan Joubert, groep-wingerdboukundige vir DGB-wyne, sê Ceres se somers is koeler as byvoorbeeld in Stellenbosch en word gevrywaar van hittegolwe. Reën in oestyd is ook onwaarskynlik, wat gesonde druiwe verseker. Daar is sowat 12 ha se Pinot noir-, Chardonnay- en Sauvignon blanc-wingerde op die Graaff-familieplaas Dennekruin in die Witzenberge. Die druiwe word aan De Grendel, Rust en Vrede en DGB (Boschendal) voorsien. Wyn uit hierdie wingerd is afgebaken as “Wyn van Ceres-plato”. “Dieplaaslêsowat900mbosee “Dieplaaslêsowat900mboseevlak,…

CAPE Wools het die amptelike Mule-vrye verklaring, wat waarborg dat uitvoerwol afkomstig is van skape wat nie aan Mule se operasie onderwerp is nie, verder verfyn om te verseker dat dit nie vervals kan word nie. Die nuwe verklaring stel buitelandse kopers in staat om die inligting vervat in die verklaring, wat elke wolbesending uit Suid-Afrika vergesel, te verifieer. Wolinvoerders vereis deesdae waarborge dat hulle Mule-vrye wol koop. Mule se operasie word tot ontsteltenis van diereregte-aktiviste nog wyd in Australië toegepas om brommeraanvalle te voorkom. Dit behels die verwydering van los vel om die vulva van skape. Diereregte-aktiviste beskou dit as wreedaardig . Gevolglik word druk op verwerkers en verbruikers geplaas om wol van skape wat dié operasie ondergaan het, te boikot. Die Suid-Afrikaanse verklaring word op gehaltepapier gedruk en…

Daar is veral twee soorte trusts beskikbaar: Dié wat ’n mens self oprig, gewoonlik die familietrust, en die testamentêre trust. In Latyn word dit onderskeidelik genoem ’n inter vivos-trust (dit word opgerig terwyl ’n mens lewe) en ’n mortis causa-trust (dit word ná die dood ingevolge die testament opgerig). Afhangend van die doel kan trusts belasbaar of belastingvry wees. Belasbare trusts kan diskresionêre of vestigingstrusts wees. Die twee soorte trusts waarmee Jan Alleman te doen kry, is die familietrust (wat diskresionêr en belasbaar is) en die testamentêre trust. Nie een van dié twee trusts behoort vestigingstrusts te wees nie. Trusts wat opgerig word, word in die algemeen nie behoorlik geadministreer en beheer nie. ’n Mens kan oor dié stelling debatteer, maar laat ek verduidelik: Die gewone mens neem gewoonlik ’n…

Die gehalte van kolostrum kan met die hulp van ’n koei se vroeëre laktasie-prestasie en die weer voorspel word. Navorsers aan die Universiteit van New Hampshire in Amerika het bevind dat die data van laktasie-prestasie kolostrumgehalte kan voorspel en dat kolostrum se gehalte ál hoër is hoe meer laktasies ’n koei in die verlede gehad het. ’n Koei se kolostrumgehalte kan met die hulp daarvan voorspel word nog voor ’n kalf gebore is. Die metode wat hulle ontwikkel het, stel ’n boer ook in staat om die immunoglobien G (IgG)-inhoud te beraam sonder dat dit nodig is om ’n monster te neem. Dié syfer is die primêre aanduiding van kolostrumgehalte. Hulle het gevind dat die swakste kolostrum in die winter gelewer word, lui die artikel in die vaktydskrif Journal of…

Kanolameel met ’n hoë proteïen-inhoud kan ’n waardevolle bestanddeel in veevoer wees, wys nuwe navorsing wat aan die Amerikaanse Universiteit van Illinois, Amerika, gedoen is. Prof. Hans Stein, ’n veekundige, sê kanolameel is ’n uitstekende plantbron vir proteïene. Die laaste paar jaar is kanolakultivars ontwikkel wat meer proteïene as konvensionele kultivars bevat. Hul navorsing het nuwe inligting oor die voedingswaarde van sulke hoëproteïen-kanola aan die lig gebring. Hans sê die doppe van hoëproteïenkanola is dunner as dié van konvensionele kanolasaad. Daarom bevat die meel wat daarvan gemaal word, ’n laer persentasie vesel en ’n groter persentasie proteïene en olie. Navorsers het twee eksperimente gedoen om te kyk hoe goed diere die energie en aminosure in hoëproteïen-kanolameel verteer. Hulle het bevind die verteerbaarheid van hoëproteïen-kanolameel is beter as dié van sy…

Navorsing op verskeie veldtipes het duidelik gewys dat die nadelige invloed van gereelde ontblarings op weiplante se groeikragtigheid en produktiwiteit na die daaropvolgende wei- of groeityd oorgedra word. Die enigste tyd wanneer die grasplant by rus baat kan vind sodat groeikragtigheid kan herstel, is wanneer dit in ’n aktiewe groeifase is. Dít is in die groeityd en as daar genoeg grondwater beskikbaar is. Die resultate wys hoe gereelder (nie net tussen verskillende weitydperke nie, maar ook binne ’n beweidingstydperk) grasse ontblaar word, hoe langer is die rustyd wat nodig is vir groeikragtigheid om te herstel. As straf en gereelder ontblaar is, is die plante se groeikragtigheid in die rustyd laag en herstel hulle nie volkome nie (sien GRAFIEK 1 ). Weiplante se wortelgroei vind nie naastenby teen dieselfde tempo as…

Angus-beeste word reeds die afgelope 400 jaar geteel. Gevolglik word dié beesras as honderd persent homosigoties gesien. Hoewel dit bydra tot die ras se sterk erfdwang, dui dit hoegenaamd nie op inteling nie. Hierdie erfdwang kan eerder verduidelik word as ’n “Angus-merk van goedkeuring”. Só sal die dominante Angus-fenotipe (eenvormige kopvorm, kleur en vleiseienskappe) maklik in die kruiskalf sigbaar wees wanneer ’n Angus-bul met ’n koei van enige ander ras paar. Daar is ook onderliggende voordele in kruisteling met Angus-teelmateriaal. Waar die Angus in kruisteelprogramme gebruik word, is hy bekend vir sy uitmuntende vleisgehalte en bydrae tot vleissmaak, tekstuur en marmering. Talle beesboere besef reeds hoekom hierdie eienskappe van die Angus so gesog is in kommersiële vleisproduksie. Hulle behaal die doelwit om dié ras se dominante eienskappe te vermeng met…

Die tydige uitroei van indringerbosse om die weiveld te verbeter, die verkoop van beeste terwyl hulle nog in ’n goeie kondisie was en die voer van hoendermis as ’n noodmaatreël toe sy weiding opraak, het mnr. Flip le Roux van ondergang gered. Hy boer ekstensief op die plaas Vermont by Gemsbokvlakte tussen Bray en Mahikeng langs die grens met Botswana met Simbra-tipe vleisbeeste. Die boerdery is op speenkalfproduksie gerig. VEE VERMINDER. Flip het ag geslaan op die weervoorspellings van ’n El Niño vir hierdie somer nadat hy ook die afgelope paar jaar min reën gekry het. Gevolglik het hy reeds vanaf Junie verlede jaar begin beeste slag — aanvanklik 50 nie-dragtige koeie toe hulle nog vet was. Hy het 400 dragtige diere en koeie met kalwers oorgehou. Toe dit teen…

HOU REKORD SAGTEWARE HELP OM BOERDERY TE BESTUUR Die maatskappy Basic Agri Solutions het twee nuwe, gebruikersvriendelike sagtewareprogramme beskikbaar gestel wat ’n boer help om rekords van sy boerdery makliker op te stel en te gebruik. ’n Kombinasie van die programme Gewasbeskerming en Graanproduksie A-Z vergemaklik die totale boerderybestuur. Gewasbeskerming is vir vrugte-, druiwe-, groente- en saaiplase geskik. ’n Boer kan daarmee van alle bespuitings per gebied rekord hou. Die rekords toon ook die koste van spuitstof en arbeid. Drukstukke kan van nuwe sowel as voltooide spuitopdragte gemaak word. Die opdragte sluit in hoeveel van ’n chemiese middel vir ’n spesifieke gebied gebruik moet word, die hoeveelheid tenks wat gemeng moet word, en die rede vir toediening. Die stand van die voorraad chemiese middels word outomaties met elke nuwe spuitopdrag…

PRYSVOORUITSIG VIR KATOEN SWAK ’n DALING in die prys van katoen op internasionale markte, asook die uitwerking van die droogte is die vernaamste faktore wat die katoenbedryf tans nadelig raak. Wat die plaaslike vooruitskouing betref, dui die tweede skatting vir 2015’ 16 op ’n katoenoes van 53 720 bale vesel, ’n daling van 44% teenoor die vorige jaar en 5% minder as vanjaar se eerste oesskatting. Na raming sal 52 820 bale plaaslik gelewer word, ’n daling van 44% teenoor die vorige jaar. Die orige 900 bale vesel het betrekking op die verwagte verbouing in Swaziland. Katoenpryse het gedaal tot vlakke wat laas in 2009 gesien is. Volgens die Internasionale Katoenadvieskomitee (ICAC) was die onlangse prysdaling hoofsaaklik weens die onsekerheid oor die Chinese voorraadbeleid en vrese dat China binnekort van…

R2,5MILJOEN Bykans R2,5 miljoen vir droogtehulp is ingesamel met die Manna vir die Boere-konsert by die Voortrekkermonument. Die Caring Daisies-organisasie help reël het, sê kaartjieverkope het R1 miljoen ingebring. Die res was skenkings – onder meer R50 000 van Adam Tas, R400 000 van rugbyspeler Bakkies Botha en vriende en R800 000 van Piet du Toit-wildbedryf. – Atterbury Eiendomsgroep 731 Hoewel Suid-Afrikaanse trekkerverkope vir die 12 maande tot einde Februarie byna 12% laer was as vir die vorige jaar was Februarie se verkope van 731 eenhede 2% meer as die 720 wat in Februarie verlede jaar verkoop is. Die stroperverkope van 22 eenhede in Februarie is aansienlik minder as die 44 wat in Februarie verlede jaar verkoop is. Vergeleke met die vorige jaar is verkope 40% laer. – SAAMA 13,5%…

‘Eers het ons ons vasgeloop in amptenare van Limpopo se departement van landelike ontwikkeling wat aan ons wou voorskryf wie ons as vennote moes intrek by ons besigheid, en nou het ons gehoor die staat wil die aandele in die grond hou.’ Mnr. Peter Oberem, voorsitter van Wildbedryf SA, oor die Dabchick-hervormingsprogram. Bl. 14 ‘Ons skiet onsself in die voet. Met die nuwe tegnologie kan ons ’n opbrengsverhoging van 15% hê. As ons dan 20% van hierdie 15% aan tantieme moet afstaan, vind almal daarby baat.’ Mnr. Jan Grey, voorsitter van Graan SA se sojaboon-werkgroep. Bl. 26 ‘Daar is nog genoeg reste beskikbaar om nóg 10 000 bale te maak mits die toerusting beskikbaar bly en geld beskikbaar is om diesel, tou, lone en vervoer te betaal.’ Mnr. Naudé Pienaar,…

PLEEG ESKOM BEDROG MET HEFFINGS? WENBRIEF Eskom-tariewe kniehalter nou vir my as landbouer wat waarde tot my boerdery toevoeg. Ek boer met skape, volstruise en lusern en bedryf ook ’n geregistreerde slagplaas en ’n padstal. Ek verskaf dus werk aan ’n klompie mense met gesinne en skoolgaande kinders. Ek koop krag regstreeks van Eskom af. Trouens, ek het 21 jaar terug my eie aftaplyne gebou vanaf Eskom se hooflyn tot waar ek die kragpunt op my plaas wou hê. Hierdie lyne is teen ’n fraksie van die koste deur Eskom teruggekoop, met dien verstande dat ek net eenheidskoste (nou R0,85), met ander woorde verbruik, sou betaal. Twee jaar later, ongeveer 1997, het Eskom egter met heffings op die aftaplyne begin. Daar is drie verskillende heffings op dieselfde lyn. Die heffings…

Agri SA se droogte-rampfonds Die rampfonds word ondersteun deur Landbouweekblad en etlike ander Media24-publikasies. Besoek www.droogterampfonds.co.za. BOERE en landboumaatskappye het in ’n allemintige poging ’n aanbod van gratis mieliereste van besproeiingsboere van Koedoeskop in Limpopo in bale voer omskep vir vee in droogtegeteisterde gebiede in Noordwes. Dit is maar een van talle soortgelyke droogteverligtingprojekte daagliks dwarsoor die land waarin vrywilligers duisende rande se werk-ure en toerusting beskikbaar stel om boere by te staan. Mnr. Naudé Pienaar, adjunk uitvoerende hoof van Agri Noordwes, sê verskillende landboumaatskappye het vyf trekkers, vier baalmasjiene, snyers, harke en vurkhysers beskikbaar gestel. Baaltou is geborg en kontant is geskenk vir die diesel wat nodig is vir die werkery. Sommige boere van Koedoeskop, soos mnre. Willie de Klerk en Barry Breedt, het sommer self met hul eie…

■ Staat skuld boere in Noordwes R10 miljoen DIS ’n moedswilligheid, sê die radelose, droogtegeknelde Noordwes-boere oor die sowat R10 miljoen se agterstallige dieselrabat- en BTW-terugbetalings wat Klerksdorp se kantoor van die Suid-Afrikaanse Inkomstediens (SAID) hulle glo skuld. “Dis ’n ou probleem in Klerksdorp se (SAID-) kantoor, maar nou vat dit ernstig aan my kontantvloei,” sê mnr. Hansie Viljoen van Leeudoringstad, een van amper 100 boere in dié provinsie wie se uitbetalings agterstallig is. “Ons is in ’n helse droogte en ek het baie beeste om te voer. Ons betaal ons belasting betyds. Sodra dit laat is, word ons beboet. Maar nou is die SAID al ses maande agterstallig met my terugbetalings. Die staat is tog nie veronderstel om dit te doen nie?” Viljoen bedryf ’n gemengde boerdery met hoofsaaklik…

NAMIBIË |Toekoms lê by akwaponika Akwaponika, ’n samevoeging van hidroponika en akwakultuur, word in ’n waterskaars land, soos Namibië, gesien as deel van die landbouoplossing. Die organisasie Namibia Future Farming (NFF) sê dié samevoeging skep ’n simbiotiese omgewing waarin die uitskeidings van die visse gebruik word om die plante te voed. Die plante suiwer op hul beurt weer die water vir die vis. Groente, vrugte en ander gewasse kan in die akwaponikastelsel gekweek word. Volgens mnr. Johan de Waal, stigterslid van die NFF, gebruik akwaponika aansienlik minder water as tradisionele landbou. Aangesien die plante voortdurend die water suiwer, is dit ’n geslote stelsel wat dieselfde water herhaaldelik gebruik. — Republikein NIGERIË |Landbou nodig vir oorlewing Mnr. Audu Ogbeh, landbouminister van Nigerië, sê landbou-ontwikkeling in die land is belangrik omdat die…

DIE voedselmaatskappy Clover verwag hy sal in die komende winter ondanks die droogte genoeg melkprodukte vir winkelrakke hê. “Die meeste van ons boere is in die kusgebiede wat nie so hard deur die droogte geslaan is nie,” sê mnr. Johann Vorster, uitvoerende hoof. Clover het reeds plaashekpryse aan boere verhoog en sal die situasie bly dophou, het Vorster met die bekendmaking van die maatskappy se jongste halfjaarresultate gesê. In die ses maande tot 31 Desember het Clover kostedruk ervaar weens duurder verpakkingsmateriaal en lae verkoopspryse. Desondanks was sy bedryfswins 5,8% hoër. Die hittegolwe in die land het tot goeie koeldrankverkope gelei, terwyl waardetoegevoegde produkte, soos jogurt en vla, ook beter gevaar het as wat verwag is. In die verslagdoeningstydperk was SuidAfrika se melkproduksie 7,3% hoër as in die vorige jaar,…

WOLBOERE in die suidweste van die Australiese deelstaat Victoria het skape ingespan om teen die verdere ontginning van gas in die streek beswaar te maak. Sowat 2 000 skape is gebruik om die woorde “ban gas” in ’n kamp uit te spel. Volgens Mel Rowe, die leier van die veldtog, het hulle besluit om skape te gebruik omdat dié diere ook deur die ontginning geraak sal word. Hulle het graan gestrooi wat die woorde uitgespel het en die skape laat inkom om te vreet. Dit het twee weke van oefen gekos voor hulle die prentjie reggekry het. “Die skape bly sowat 10 minute lank op die graanstrepe voor hulle begin rondbeweeg en die letters vervaag. Maar die eerste 30 sekondes is die belangrikste omdat hulle dan stilstaan en vreet met…

Die bekendmaking van die ekonomiese groeisyfers vir die laaste kwartaal van verlede jaar toon dat die ekonomie al hoe stadiger groei en dat die primêre sektore van die ekonomie reeds in ’n resessiefase is. Vooruitsigte vir die res van vanjaar is nie goed nie. Die landbou en mynbou gaan dus nie begin groei nie en ander sektore van die ekonomie trek ook noustrop. Daar is veral twee aspekte wat met die landbou te doen het en waaroor daar nie tans genoeg debat gevoer word om oplossings voor te vind nie. Eerstens gaan dit oor die grootskaalse werksverliese wat die uitkringeffek van laer landbouproduksie tot gevolg gaan hê. Tweedens gaan dit oor die stygende voedselpryse en mense wat toenemend nie kos kan bekostig nie en dus ondervoed is, maar die mense…

Twee nuwe moutgarskultivars is pas amptelik vir kommersiële brou- en moutproewe beskikbaar gestel. Die Suid-Afrikaanse Instituut vir Garsteling (Sabbi) is optimisties dat Genie as ’n hoogs fermenteerbare moutgars en Deveron as ’n medium-fermenteerbare gars met hoë opbrengs geklassifiseer sal word. Mnr. Francois Smit, hoof van die instituut, sê hul groot doel is om vir die besproeiingsgebiede kultivars met hoë opbrengs, uitstekende staanvermoë en goeie moutgehalte te teel. Mnr. Thinus van Schoor, hoof van landbou en vermouting by SABMiller, sê die verbetering van kultivars vir veral Suid-Afrika se besproeiingsgebiede is dringend noodsaaklik.…

Mnre. Arno Steenkamp, Dirk van Papendorp en Pieter Steenkamp beveel aan dat boere wat dit oorweeg om hul boerderye saam te voeg, professionele regs- en rekeningkundige advies moet inwin. Hulle is kliënte van die ouditeursfirma Boshoff Visser. Mnr. Pieter Wessels, ’n geoktrooieerde rekenmeester en een van die senior vennote by Boshoff Visser, het na almal se behoeftes geluister en aanbevelings gemaak oor hoe die twee boerderye kan saamsmelt. Wessels gee vervolgens raad aan boere wat dit oorweeg om hul ondernemings saam te gooi. Volgens hom is daar vyf breë riglyne. ■ Die partye moet dieselfde beginsels en doelwitte nastreef “Hulle moet eenders dink, mekaar respekteer en integriteit handhaaf. Dit gaan nie werk as almal nie dieselfde beginsels, lewens- en besigheidswaardes het nie. Mense wat wil saamboer, moet verstaan dit help…

’n Graspol se ontwikkeling word aan sy lote gemeet. Een pol bestaan uit ’n versameling lote. Meerjarige grasse se lote leef dikwels nie langer as dié van eenjarige grasse nie, want hulle het die vermoë om sekondêre lote op die pol te vorm wat die oorspronklikes vervang. Die sekondêre lote word nie noodwendig op dieselfde tyd gevorm nie. Meerjarige graspolle is dus ’n versameling lote van verskillende ouderdomme (sien FIGUUR 1 ). ’n Loot bestaan uit ’n blaarskyf (lamina) en ’n blaarskede, met die tongetjie (ligula) ongeveer in die middel van die blaar. Die deel op die loot (stingel) waar die blaar en laterale knop vasgeheg is, word die knoop genoem (sien FIGUUR 2 ). Die groeipunt van die grasloot, wat net bokant die grondoppervlak is, kan as die beheersentrum…

PLAASINLIGTING LIGGING: 1.Wolmaransstad, 2.Mareetsane, 3.Gemsbokvlakte KORTOM ■ Baie boere wat voer vir die maer jare opgeberg het, het die droogte oorleef. ■ Kuilvoer, wat dekades lank behoue kan bly, het ook vir groot uitkoms gesorg. ■ Die uitroei van indringerbosse het menige boer se veld verbeter en die drakrag verhoog. Groot getalle boere probeer een van die ergste droogtes in Suider-Afrika se geskiedenis oorleef, hoewel menige landbouer met geestelike letsels anderkant gaan uitkom. Landbouweekblad het ’n hand vol boere in Noordwes gevra oor die planne wat hulle moes maak. Hoewel dit te laat is vir sommige boere wat nie die droogte kon oorleef nie, bevat elke traumatiese verhaal waardevolle lesse vir die toekoms. Danksy ’n driepuntplan het mnr. Sakkie van Zyl van Wolmaransstad en sy pa, Fanie, met minder skade…

Mnr. Jan van Biljon boer op die plaas Reo by Gemsbokvlakte. Sy Vooruitzicht-Simmentaler-stoetery is op die verkoop van stoetbulle en vroulike diere ingestel. Dit bestaan uit 170 koeie en verse en daar is deurentyd 25-40 bulle wat hy grootmaak. Jan het die afgelope drie jaar min reën gekry, en hoewel dit in die vorige somer heelwat gereën het, was dit baie laat. Gevolglik het die veld vir drie jaar nie watwonders gras gelewer nie. “Ek moes iets doen, maar wat? Ek kon nie my stoetkoeie laat slag nie, want dan kry jy R5 000 vir ’n koei met ’n stoetwaarde van minstens R20 000.” Hy moes ’n noodplan opstel om sy kudde te laat oorleef. Daar was feitlik geen veldgras oor nie, maar die rosyntjie-, vaalen ander bosse het darem…

PLAASINLIGTING LIGGING: Piketberg, Wes-Kaap NAAM:Schenkfontein EIENAARSKAP:Winkelshoekwynkeldersvanmnr. HennieHanekom VERTAKKINGS:60hawyndruiwe,300Dohne-Merino-ooie,25Boran-koeie KORTOM Die ontwerp van die hekknip is eenvoudig en maklik om te gebruik. Die een kant van die draadlus haak om die hekpaal. Dan trek jy net die handvatsel oor om die draad styf te span. Die hefboom bly op sy plek en skop nie terug nie. Daar is ’n menigte variasies op die planne vir hekke, hekskarniere en -knippe wat van plaas tot plaas wissel. Maar die frustrasie van ’n motoris wat hekke eiehandig moet oop- en toemaak, is universeel en dit gaan dikwels met ’n gestoei gepaard. Mnr. Louw Viljoen van Schenkfontein by Eendekuil vertel dat hy op ’n snikhete dag tydens sy middagete in die koelte begin het met ’n plan om draadhekke makliker te beheer. Die meeste van…

ek sluip skelmpies na ons dorpie se enigste haarkapster. Dis mos wat vrouens doen as die stres hier op jou hakke kom byt-byt en jy voel hoe jou maag in ’n kleibolletjie optrek tot teen jou keel! As dit droog is, mag ’n boer se vrou niks doen nie. Hulle gryp ewe skielik die beursie en tjekboek. Voor die Bybeltjie met stiltetyd uitgehaal word, word daar eers bespreek wat nie meer gekoop mag word nie: “Dié Coke-drinkery stop nou. Die skoonmaker sal van nou af net twee keer per week kom. Klere moet twee keer aangetrek word; hierdie onnodige wassery en ekstra waspoeier stop vandag.” Ek ry dus met tweede-dag-agtermekaar-uitrusting haarsalon toe. Van pure frustrasie lê ek weg aan ’n Bar-One en steek die papiertjie in my brilsakkie weg. Dit…

Varke wat hopelik weerst andig teen Afrikavarkpes is, is in Skotland geteel met gevorderde tegnieke in genetiese modifikasie. Dié nuutgeteelde varke dra ’n weergawe van ’n geen wat gewoonlik in vlakvarke en bosvarke gevind word. Navorsers meen dié geen sal keer dat plaasvarke Afrikavarkpes kry. Dié bosluisoordraagbare siekte is hoogs aansteeklik en tot twee derdes van besmette diere vrek. Wanneer ’n tipiese plaasvark met Afrikavarkpes besmet word, is siekte en dood dus die waarskynlike einde. By vlakvarke en bosvarke is soortgelyke siektesimptome egter nie teenwoordig nie, al is hulle met Afrikavarkpes besmet. Navorsing deur die Roslininstituut by die Universiteit van Edinburg in Skotland is toegespits op die RELAvarkgeen, wat verbind word met die virusbesmetting wat Afrikavarkpes en die gepaardgaande koors veroorsaak. Dit kom voor asof die RELAgeen ’n oorreaksie in…

Suid-Afrika bied vanjaar die Branguswêreldkongres aan. Dit word van Maandag 9 Mei tot Donderdag 12 Mei by die Hotel Black Mountain naby Thaba Nchu en op omliggende plase gehou. Besoekers van oor die wêreld heen kan ook deelneem aan ’n vooraftoer na die Krugerwildtuin voordat kundiges in die bedryf op die kongres aan die woord kom. Uitstappies na teelkuddes en praktiese demonstrasies is deel van die kongresprogram. Tydens tegniese voorleggings sal kongresgangers van die beste Brangusbeeste in die land sien. Die kongres word voorafgegaan deur die Brangus Fakkeltoer van Hoop. Van 18 Maart tot 10 Mei sal Brangustelers, opkomende boere, studente, kommersiële boere en hul personeel landwyd inligting en opleiding oor beesteling kry. Die toer word oor 53 dae gehou om die ras se 53 jaar in Suid-Afrika te vier.…

BOERE het die trekkers en planters nader getrek om deel te neem aan ’n mielieprojek van Monsanto, Pannar, Burgers Mica, Barloworld, Cat Valley, C & F Konstruksie, Fastner & Fluid Controll, Santam Landbou, Pieter du Plessis en Richie Motors om geld vir die Laerskool HM Swart en Kleuterskool Wonderland op Bethal in te samel. Elke boer kon ’n hektaar inskryf. Die 160 ton mielies wat geoes is, is verkoop en die opbrengs is aan die skole geskenk. Die boere kon pryse van R280 000 wen. BLOEMFONTEIN SÓ LYK CHAROLAISTELERS SE DIREKSIE Die raad van die Charolais-beestelersgenootskap van Suid-Afrika op ’n onlangse vergadering in Bloemfontein. Agter, van links, is mnre. Louwrens Viljoen, Dewald van der Merwe, Chris Els, bestuurder van Stamboek se sekretariaat, Hansie Müller en Martin de Waal. Voor, van…

RAND BEVOORDEEL ROSYNTJIEBOERE DIE swak rand bevoordeel rosyntjieboere tans omdat die meeste van die rosyntjies uitgevoer word. Suid-Afrika het droogdruifkultivars wat gemiddeld 35 ton druiwe per hektaar kan lewer. As minder as 20 t/ha druiwe geoes word (waarvan 5 ton rosyntjies gemaak word), kan die boer ’n verlies ly weens die hoë koste van produksiemiddele vir dié tipe boerdery. Mnr. Leon Laubscher, landboubestuurder van SA Droëvrugte (SAD), sê die plaaslike oes wissel van 45 000 ton tot 65 000 ton en is afhanklik van gunstige klimaatstoestande. Daar is sowat 800 rosyntjieboere in Suid-Afrika. SAD maak self sowat 800 ton rosyntjies per jaar, terwyl die res deur boere op hul plase gedroog word. Die sortering van rosyne is deesdae ’n wetenskap en SAD gebruik lasertoerusting om rosyne met kleurafwykings en ander…

VICTORIA-WES / MERINO / R80 0001 Op Konsortium-Merino se 30ste produksieveiling op Dombietersfontein, Victoria-Wes, het die Jacques Strydom-boerdery van Bloemfontein en mnr. Hennie van Heerden van Jasfontein, Victoria-Wes, saamgespan en R80 000 vir ‘n poenskopram betaal. Dit is die duurste ram wat nóg op ‘n Konsortium-Merinoveiling verkoop is. Op die foto is, van links, mnre. Willie Meyer, uitvoerende bestuurder van GWK se veiling-en-eiendomafdeling, Gerio du Plessis, Konsortium-Merinoteler, me. Nicolene van Heerden van die Jasfontein-boerdery, me. Marica Strydom van die Jacques Strydom-boerdery, mnr. Thulane Tatebane, hanteerder, en mnr. Jakkie Nel, afslaer. Die aanbod van 337 ramme is teen gemiddeld R6 151 stuk verkoop. Die 440 ooie het gemiddeld R1 495 stuk behaal, met ‘n hoogste prys van R2 150 stuk vir dragtige handelsmerkooie. André du Raan van Langford, Hopetown, het hulle…

Nou ja, die spannetjie in Luthuli-huis wys uiteindelik hul ware kleure; hoe hulle eintlik ’n absolute veer voel vir gewone, hardwerkende (lees swart) Suid-Afrikaners. Magsbehoud is alles. Maak nie saak as dit ten koste van hul kiesers is nie. Die slinksheid slaan jou asem weg. En dit kon nie met ’n nicer ou gebeur het nie. Dr. Peter Oberem, ’n grootkop in die wildbedryf en baas van Afrivet, is ’n man wie se hart op die regte plek sit. ’n Harde sakeman vir wie bemagtiging regtig ’n hartsaak is. “Alles moet in die stryd gewerp word om die ongelykhede in ons samelewing reg te stel sodat ons die toekoms as gelykes tegemoet kan gaan,” vertel hy verlede jaar aan Landbouweekblad se joernalis Jasper Raats. Bemagtiging pas nie in elke man…

VSA SE ‘OU HOENDERS’ NA SA UITGEVOER Amerika en die Europese Unie stort basies hul “eetbare gemors” in ontwikkelende lande, soos Suid-Afrika, het die Parlement se portefeuljekomitee vir landbou, bosbou en visserye gehoor. Dié twee ontwikkelde ekonomieë maak daarop staat dat daar arm mense in die wêreld is wat die hoenderstukke sal eet wat hulle self nie wil hê nie, het mnr. Kevin Lovell, hoof van die Suid-Afrikaanse Pluimveevereniging (SAPV), gesê. Lesers het só op Landbou.com gereageer: A. DU PLESSIS sê: Volgens die media was die portefeuljekomitee se vergadering oor die impak van die droogte op die landbou. Was dit regtig die beste plek vir die SAPV om weer te gaan modder gooi oor die Agoa-sage nadat hy reeds tweede gekom het? Wat van eenvoudig meeding op die mark, soos…

’N GESKIL binne Graan SA se hoofbestuur is op ’n vergadering kort ná die kongres bygelê toe mnr. Victor Mongoato, ’n vorige ondervoorsitter, op die dagbestuur gekoöpteer is. Die verteenwoordigers van ontwikkelende boere op die hoofbestuur het vir ’n wyle uit die vergadering gestap omdat hulle ontevrede was dat me. Preline Swart, ’n ontwikkelende boer van Elim in die Overberg, tot ondervoorsitter in die plek van Mongoato verkies is. Hy is in ’n verkiesing verslaan ná ’n grondwetwysiging wat bepaal het dat die hele kongres ’n ondervoorsitter kies uit die geledere van ontwikkelende boere pleks daarvan dat hulle self een aanwys. Mnr. Monaisa Ramodisa, ’n afgevaardigde, het daarna die kongres toegespreek en gevra die hoofbestuur moet die dooie punt oplos. Hy het gesê hulle het nie ’n probleem daarmee dat…

KERKGEMEENTES, ouetehuise, rolbalverenigings, sakekamers, maatskappydirekteurs, groepe kantoorwerkers en selfs internasionale donateurs het al ingespring en skenkings aan Agri SA se droogterampfonds gedoen. Die fondsbestuurders sê hulle is oorweldig deur die welwillendheid aan droogtegeteisterde boeregemeenskappe. “Ons stoutste verwagtinge is reeds oortref,” sê mnr. Christo van der Rheede, adjunk-uitvoerende direkteur van Agri SA. “Tonne voer is reeds geskenk, talle maatskappye het die gebruik van hul vragmotors geskenk, groot kettingwinkels en ander maatskappye het meel, water en kospakkies geskenk en landboumaatskappye het ’n reeks skemas aangekondig om boere met die koop van voer en ander produkte by te staan. “Verder is trekkers en baalmasjiene geskenk om mieliereste te baal. Dit stel ons in staat om veel meer met die geld te doen en om verligting aan meer boere en hul werkers te bring.”…

DIE mag van die staat om eiendom teen vergoeding vir ’n openbare doel te onteien, is nie ’n nuwe idee nie. Dit is ook nie uniek aan Suid-Afrika nie. Die staat benodig dié mag om eiendom van huiwerige verkopers aan te skaf ten einde openbare dienste te lewer, soos om ’n pad of ’n skool te bou. As die staat nié dié bevoegdheid gehad het nie en hierdie soort transaksies bloot aan die mark oorgelaat is, sou dit vir een eienaar moontlik gewees het om ’n projek te stuit deur “uit te hou” en ’n hoë prys vir die eiendom te eis. Dit kan ’n openbare projek onhaalbaar duur maak. Dis belangrik dat dié mag met omsigtigheid gehanteer word. Daarom vereis wetgewing en grondwette dat sulke onteienings slegs vir openbare…

HET die Karoo genoeg water vir skaliegasontginning, uraanmyne én bestaande boerderye? Dit is die vraag wat mynmaatskappye in die gesig staar te midde van twee parallelle mynaansoeke in groot dele van die Wes- en Oos-Kaap én ’n droogte. Die openbare deelnemingsproses in ’n uraanmynaansoek deur die Australiese maatskappy Tasman RSA sluit vandeesweek. Planne vir skaliegas-ontginning is ook ’n treetjie nader aan die werklikheid ná ’n aankondiging verlede week dat eksplorasie binne die volgende jaar kan voortgaan. Hidrobreking en uraanontginning word tans onafhanklik van mekaar ondersoek. Dr. Stefan Cramer, ’n hidrogeoloog van die Southern African Faith Communities Environment Institute (SAFCEI), meen die vraag moet gevra word of daar genoeg water is vir al twee projekte om voort te gaan, want die gebiede waarin die myne beoog word, oorvleuel geheel en al.…

WEENS die fel droogte het minder jagters vanjaar die kans om ’n Kalahari-springbok in die visier te kry. Die droogte eis sy tol op die springbokbevolking van die Kalahari. Nietemin, tafeldruifboere in die vloedvlakte van die Benede-Oranjeriviergebied het goeie opbrengste en uitvoerpryse behaal. Die produksie van tafeldruiwe, gemeet aan die res van die land, is uitstekend. Dit blyk dat vanjaar se tafeldruifoes in die Benede-Oranjeriviergebied tot 5% hoër kan wees. NASIONALE LEWERINGS Oor die laaste 18 weke tot week 8 van vanjaar het boere reeds meer as 50 389 259 kartonhouers tafeldruiwe van 4,5 kg elk gelewer. Boere het verlede jaar 50 838 412 kartonhouers gelewer. Die verwagting was dat boere vanjaar 58 miljoen kartonhouers gaan lewer. Die weeklikse leweringsvolume van tafeldruiwe neem af soos die einde van die bemarkingsjaar…

Die verhandelingsmaatskappy BVG het ’n nuwe internettoepassing ontwikkel wat sy kliënte in staat stel om voortdurend op die hoogte te bly van wat op die JSE-beurs gebeur. Daarmee kan hulle nie net prysbewegings deurlopend dophou nie, maar ook hul posisie op die mark. Mnr. Dewald Barnard, meester-handelaar van BVG, verduidelik dat dit vir ’n boer maklik is om te sien hoe sy posisie verander as hy termynkontrakte gekoop of verkoop het. Hierdie “eenvoudige” posisies word egter ál minder. Ál meer boere het nie net termynkontrakte nie, maar ook verkoopen koopopsies (put en call) daarmee saam. Daar kan ook gekoopte verkoop- en koopopsies saam met verkoopte verkoopen koopopsies teen verskillende trefpryse saam in een posisie wees. Dit maak dit amper onmoontlik om vir die daaglikse kontantvloei van so ’n posisie te…

Mnr. Pieter Wessels, ’n geoktrooieerde rekenmeester en een van die senior vennote by die ouditeursfirma Boshoff Visser, glo gesamentlike ondernemings behoort algemener in die landbousektor te wees as wat nou die geval is. Sulke maatskappye se skaalvoordele is die belangrikste sakerede vir saamwerk en kan ’n verlengde boerderylewe beteken. “Manne wie se eenhede te klein raak, moedig ek aan om deel te word van ’n groter besigheid as hulle nie wil uitverkoop nie.” Pieter sê dit is ook ’n manier om die onsekerheid uit aftrede te haal. “Dit kan deel wees van ’n uittreeplan vir iemand wie se kinders nie in boerdery belang stel nie, maar wat die tien, vyftien jaar voor aftrede sonder sukkel wil aanhou boer. Daarna kan die ander aandeelhouer(s) hom uitkoop.” Hoewel ’n boer in ’n…

Dit is nie my bedoeling om bestuursbenaderings gegrond op langer weitydperke te kritiseer of heeltemal af te skiet nie. Ek wil eerder die klem op voldoende rustye laat val. Party plase het ongelukkig ’n beperkte aantal kampe per trop, wat kort weitydperke onmoontlik maak. Hierdie studie se bevindings gee net riglyne wat die werklike impak van te lang weitydperke beklemtoon. Dit wys ook die voordele van meer kampe per trop uit. Die belangrikheid van die wortelstelsel vir die volhoubare funksionering van ’n weiding-ekostelsel kan nie oorbeklemtoon word nie. Daarom is dit so belangrik dat kennis geneem word van die intensiteit en frekwensie van ontblaring, asook die impak van waterstremming op wortelontwikkeling en die produktiwiteit van die ekostelsel. Hoewel wortelgroei nie ’n regstreekse bydrae tot die weiveld se produksie lewer nie,…

DIE KERN VAN DIE SAAK ■ Wat ontblaring betref, het frekwensie ’n veel groter impak as intensiteit op die produktiwiteit van ’n weiplant. In die proef was daar statisties nie ’n drastiese verskil in die afname in wortelgewig weens ontblaring tot onderskeidelik 25 mm en 50 mm nie. Plante wat egter gereelder ontblaar is, het die impak van die intensiteit al hoe groter gemaak. Dit lyk of ’n eenmalige strawwe ontblaring oor ’n kort weitydperk nie ’n plant benadeel nie, mits die veld daarna lank genoeg rus. ■ Ná ’n maand se weeklikse of tweeweeklikse ontblarings het die wortelgewig van die proefplante drasties begin afneem, ongeag of daar genoeg grondwater of waterstremming was. Die praktiese probleem met kort weitydperke is dat die veelading redelik hoog moet wees om die kamp…

LIGGING Willowmore, Oos-Kaap KORTOM Dié suksesvolle boerdery het van ’n eenmansaak tot een met deelboerderyooreenkomste en strategiese vennootskappe gegroei. Bemarking gee die deurslag om nuwe marksegmente te skep. Die goed bestuurde genetiese verbetering van kuddes is ’n groot groeipunt in die veebedryf. Mnr. Barries Snijman se naam is sinoniem met rekordpryse vir sybokhaarskeersels op Suid-Afrikaanse veilings, en hy lewer van die beste bokhaar in die land. Barries oorkom die droë Karoo-toestande op sy plaas, Vleikuil, tussen Willowmore en Rietbron in die Oos-Kaap, deur intensiewe teling. Sy sukses lê daarin dat hy nie net vir die beste bokhaar selekteer nie, maar ook vir diere wat die beste by die omgewing aangepas is. Die Vleikuil-boerdery bestaan uit 11 000 Angorabokke en 2 400 Merino-ooie op 50 000 ha uitgebreide Karooveld. Relatief min…

Gebakte kerriemaalvleisrol Toe ek op skool in die koshuis was, het ons gereeld so ’n gebakte maalvleisrol vir aandete gekry. Dis maklik en ekonomies om te maak en jy kan selfs oorskiet-bolognese daarvoor inspan as jy wil. Hierdie weergawe, met ’n soeterige kerriesous bo-oor, maak ’n heerlike ete op ’n koue aand. Sit dit voor met romerige koolslaai en ’n mengelslaai en sit ’n bakkie blatjang op die tafel sodat almal hulself kan help. Vleissous ■ 1 ui, fyn gekap ■ 2 knoffelhuisies, fyn gekap ■ 1 groot wortel, geskraap en fyn gerasper ■ 1 groen appel, geskil, ontkern en gerasper ■ 30 ml olie ■ 500 g beesmaalvleis ■ 15 ml matige kerriepoeier ■ 3 ml koljander ■ 3 ml komyn ■ 30 ml blatjang ■ 100 ml water…

DS. KOBUS VAN DER WESTHUYZEN Soms kruis iemand jou pad op ’n wyse wat jy nie sommer kan vergeet nie. Alida was so iemand. Sy was al drie ons kinders se onderwyser. Maar sy was meer as net ’n kundige leermeester, sy was ’n opvoedkundige in die mooiste betekenis van die woord. Ná haar aftrede het sy voortgegaan om diensbaar in haar gemeenskap te wees, tot ’n hewige beroerte haar ernstig aangetas het. Sy het onder meer haar spraakvermoë verloor. Ná heelwat terapie kon sy later slegs een woord uitspreek. Dit was “tevrede”. ’n Mens kon haar enigiets vra en elke keer het jy dieselfde antwoord gekry: “Tevrede.” Later met haar begrafnis- en dankdiens het ek ’n teks uit Hebreërs 13:5 gekies: “Wees tevrede met wat julle het, want Hy…

Die vergelykende koste en risiko’s tussen bulle en kunsmatige inseminasie verskil van kudde tot kudde. Hierdie is geraamde kostes en ter wille van perspektief saam met dr. Anton Smit opgestel: BUL Koste van bul: R30 000 vir ’n gemiddelde bul en R50 000 en meer vir ’n goeie teelbul. Voerkoste per bul: R15 000 per jaar (meer in ’n droogtejaar met hoër voerpryse). Risiko en verlies: Toetse om die bul se vrugbaarheid te bepaal en geslagsiektetoetse beloop sowat R1 000 per bul. Verliese weens geslagsiektes word bereken in verlaagde speenpersentasie gereken op ’n verlies van R4 000 per kalf wat nie gespeen is nie. Koste per bevrugting: Oor ’n tydperk van vyf jaar en slegs met die voerkoste ingereken kos ’n bul R840 per bevrugting met ’n kalfpersentasie van 85.…

Internasionaal: Die prys van mielies het met 2,2%, oftewel $3,18/t (R49,80/t), tot $139,32/t (R2 182/t) gedaal. Op ’n jaargrondslag is dit 7,3%, oftewel $10,99/t (R172,10/t), laer. Verwagte pryse: Maart – $140,78/t (R2 205/t), Mei – $142,28/t (R2 228/t), Julie – $144,25/t (R2 259/t), September – $146,61/t (R2 296/t). Plaaslik: Die Safex-prys vir wit mielies het met 1,5%, oftewel R74/t, gedaal tot R4 911/t. Die prys van geel mielies het met 2,4%, oftewel R84/t, gedaal tot R3 406/t. Op ’n jaargrondslag is dit 83,9%, oftewel R2 241/t, hoër vir wit mielies, terwyl geel mielies 38,6%, oftewel R933/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 2,6%, oftewel $4,33/t (R67,81/t), gedaal tot $161,44/t (R2 528/t). Op ’n jaargrondslag is dit 12,4%, oftewel $22,91/t…

Landelike munisipaliteite het oorwegend swak gevaar in die jongste munisipale maatstafverslag oor waterdienste. Geen munisipaliteit met hoofsaaklik landelike gebiede kon die toppresteerdersgroep haal nie. Veral die sogenoemde C2-distriksmunisipaliteite, wat meestal in die voormalige tuislandgebiede geleë is, het swak gevaar. Dit is die tweede keer wat so ’n verslag bekend gemaak word waar munisipale waterdienste beoordeel en met mekaar vergelyk word. Die inisiatief vir munisipale maatstawwe (MBI) is ’n vrywillige projek wat die Suid-Afrikaanse Vereniging vir Plaaslike Regerings (Salga) in 2011 met die samewerking van die Waternavorsingskommissie (WNK) en die Instituut vir Munisipale Ingenieurs van Suid-Afrika (Imesa) begin het. Vir die jongste verslag is munisipaliteite volgens hul 2014-prestasie in vier groepe geplaas: Toppresteerders, owerhede met potensiaal, dié met bepaalde swakhede en owerhede waar verbetering nodig is. Die toppresteerders was hoofsaaklik groot…

CHIANINA RAS IS SKAARS EN PRYSE HOOG Dievraagnateelmateriaalvandie Italiaansebeesras,Chianina,bly sterk,aliseenvandiegrootste produksieveilingsvandiérasin Suid-Afrikavoorlopigweensdie droogteuitgestel. Mnr.ChristiaandeJager,voorsittervandieChianina-beestelersgenootskapvanSuid-Afrika, seveilingopBadplaasvansy O-la-laChianinakuddeisvireers uitgestel.Dievraagnateelmateriaalblynieteminsogoeddat hyreedsdievoorgenomeaanbodvan40bulleopdieveilinguit diehandverkoophet.Stoetbulle hettotR80000stukbehaalen suiwerbullevirkruisteeldoeleindesisteenR30000verkoop. Die grootsteenkelekoperwasmnr. BokvanZylvanBethlehemwat twaalfbullegekoophet. VroulikeChianina-dierebly steedsbaieskaars,maarenkele nuwetelershetnouookdiebulmarkbetree. Hulleismnre.JannemanBoshoffvanBrits, Willem vanHeerdenvanPretoria,Johan enme.MariettevanZylvanRoedtanenmnr. MartiensdeWetvan Polokwane. ’nGroeptelersgaandienasionaleChianina-skouinAssisi,Italië, besoekwatvan1tot3Aprilgehouwordomhulleopdiehoogte vaninternasionalestandaardeen neigingstehou.Diegenewatwil saamgaan,kanmnr.LouisdeWet belbysel0836302501.…